TIKVAH-ETHIOPIA

13 Nov 2024 20:35

#CapitalMarket

የካፒታል ገበያ ጉባኤ ዛሬ ተጀመሯል።

ጉባኤው እስከ ታህሳስ 7 ቀን 2017 ዓ/ም ድረስ ይቆያል።

የኢትዮጵያ የካፒታል ገበያ ባለስልጣን ከአፍሪካ ልማት ባንክ እና ከዓለም አቀፍ የፋይናንስ ኮርፖሬሽን ጋር በመተባበር ነው ያዘጋጀው።

በኢትዮጵያ የመጀመሪያ የሆነው ይህ ጉባኤ  " ዘላቂነት ያለው መንገድን ማበጀት " በሚል መሪ ቃል ነው መካሄድ የጀመረው።

ጉባኤው የገበያ ልማትን ለማፋጠንና ለአካባቢው ከፍተኛ የኢንቨስትመንት እድሎችን ለመክፈት ያስችላል ተብሏል።

ዛሬ በነበረው የጉባኤው የመክፈቻ ስነ ስርዓት ላይ ከፍተኛ የመንግስት አመራሮች ፣ የኢትዮጵያ የፋይናንስ ዘርፍ አመራሮች ፣ ከአፍሪካ እና ከዓለም አቀፍ የገንዘብ ተቋማት የተወጣጡ አመራሮች ተገኝተው ነበር።

በጉባኤው ቆይታ ከዓለምአቀፍ እና ከአፍሪካ በተወጣጡ የካፒታል ገበያ ባለሙያዎች የሚመሩ የፓናል ውይይቶች ይካሄዳሉ።

ተሳታፊዎች በገበያ ሁኔታዎች፣ በቁጥጥር ማዕቀፎች፣ በኢንቨስትመንት እድሎች እና በቴክኖሎጂ ፈጠራዎች ላይ ውይይቶችን ያደርጋሉ ተብሎ ይጠበቃል።

በጉባኤው ግልጽነትን እና የኢንቨስተሮችን ጥበቃ ለማጠናከር እንዲሁም ለኢትዮጵያ የካፒታል ገበያ የቁጥጥር ማዕቀፍ ጠንካራ መሰረት ለመጣል ሲዘጋጅ ቆይቷል የተባለው የሰነደ ሙዓለ ንዋዮች ለህዝብ ሸያጭ ማቅረብ እና የግብይት መመሪያ ይፋ ይሆናል ተብሎ ይጠበቃል፡፡

በተጨማሪም ለመጀመሪያ ጊዜ ሰነደ ሙዓለ ንዋዮችን ለሽያጭ የሚያቀርቡ (IPO) አውጭዎች የዝግጅት ስትራቴጂ በተመለከተ፤ ተቋማዊ ባለሀብቶችን ማሰባሰብ እና እንደ ዘላቂ የፋይናንስ እና አረንጓዴ የካፒታል ገበያዎች ያሉ የኢትዮጵያን ልዩ ፍላጎቶች እና የልማት ግቦችን ማሳካት ላይ አውደ ጥናቶች ይደረጋሉ፡፡

#TikvahEthiopia

@tikvahethiopia

TIKVAH-ETHIOPIA

13 Nov 2024 15:10

" መኪናው አስፓልት ዳር ቆሞ ቢገኝም ውስጥ የነበረው እቃ ግን ተዘርፎ ተወስዷል " - አመልካቾች

ከሰሞኑን አንድ ዝርፊያ በአዲስ አበባ ተፈጽሟል።

ከላይ በምስሉ ላይ የሚታየው ታርጋ ቁጥሩ ኮድ 3 - 00434 አ.አ የሆነ እቃ ጫኝ አይሱዙ መኪና ከነጫነው እቃ በተደራጁ ዘራፊዎች ተወስዶባቸው እንደነበር ባለቤቶቹ ለቲክቫህ ኢትዮጵያ ገልጸዋል።

ከጫነው እቃ ጭምር የተዘረፈውን መኪና ያዩ ወገኖችም እንዲያፏልጓቸው ብዙ ሲጥሩ ከቆዩ በኃላ ንብረቱ ተወስዶ መኪናው ግን ሃና ማርያም አካባቢ መንገድ ዳር ቆሞ ተገኝቷል።

ዝርፊያው እንዴት ተፈጸመ ?

መኪናው ከቀናት በፊት ከኮዩ ፈጬ የንግድ እቃ ጭኖ መርካቶ ለማራገፍ መንገድ ይጀምራል።

ሳር ቤት ኪንግስ ሆቴል አከባቢ ሲደርስ ግን የወታደር ሬንጀር ልብስ የለበሱ እና የታጠቁ
ሰዎች በአባዱላ መኪና መንገድ በመዝጋት መኪናውን ያስቆሙታል።

በተጨማሪም ልክ የህግ አስከባሪ አካላት (ወታደር) እንደሆኑ በማስመሰል ሹፌሩን " መንጃ ፍቃድ አምጣ " ብለው ጠይቀው ህገወጥ እቃ እንደጫነ ጥቆማ ደርሷቸው ያስቆሙት መሆኑን እና መኪናው ለፍተሻ የሚፈለግ መሆኑን ይገልጻሉ።

ሹፌሩም የጫነው እቃ መርካቶ የሚራገፍ የንግድ እቃ መሆኑን ገልፆ እቃው የተገዛበትን ደረሰኝ በማሳየት ጭምር ለማስረዳት ይሞክራል።

ይሁንና ግን ልክ እንደ ህግ አስከባሪ / ወታደር ልብስ ለብሰውና ታጥቀው እና ተደራጅተው የመጡት ዘራፊዎች " መኪናው ፖሊስ ጣቢያ ተወስዶ መፈተሸ አለበት " በማለት ሹፌሩን እያዋከቡ እና እየደበደቡ አውርደው ወደያዙት አባዱላ መኪና ያስገቡታል።

የእነርሱ ሹፌር ደግሞ ወደ አይሱዙው ገብቶ መኪኖቹ ፊት እና ኋላ ሆነው እየተከታተሉ ይሔዳሉ፡፡

ይሁንና ግን ቡልጋሪያ አከባቢ ሲደርሱ አይሱዙው ወደ ሌላ አቅጣጫ ሲያመራ ሹፌሩን የጫነው አባዱላ ደግሞ ወደ ሌላ አቅጣጫ ይዞራል።

በዚህ ሰዓት ሹፌሩ " ህግ ቦታ እየወሰድንህ ነው አላላችሁኝም ወይ ? ለምንድነው መኪናው ወደ ሌላ አቅጣጫ የሚሔደው ? " የሚል ጥያቄ ሲያነሳ ውስጥ ያሉት ዘራፊዎች ሹፌሩን እራሱን እስከሚስት ድረስ በመደብደብ እና በማፈን ጭምብል አልብሰው በፍጥነት እየነዱ ይጓዛሉ።

በዚህ ሁኔታ ለረጅም ርቀት ከተጓዙ በኋላ ኃጫሉ መንገድ ወደ ጋርመንት መሔጃው ጋር ሹፌሩን ከመኪናው አውርደው ጥለውት ይሰወራሉ።

ሁኔታው ከተፈጠረ በኋላ አከባቢው ላይ የደረሱ ሰዎች ሹፌሩን አፋፍሰው ጤና ጣቢያ ያደረሱ ሲሆን ሹፌሩም አራሱን ከመሳት ከነቃ በኋላ ጉዳዩን ወንጀሉ ለተፈፀመበት አከባቢ ፖሊስ ጣቢያ አመልክቷል።

ከቀናት በኃላ በተደረገ ፍለጋ መኪናው ሃና ማርያም አስፓልት ዳር ቆሞ ሊገኝ ችሏል።

ለቲክቫህ ኢትዮጵያ መኪና ከጫነው እቃ ጭምር እንደተዘረፈባቸው የገለጹት አመልካቾች ፥ " ምንም እንኳን መኪናው ቆሞ ቢገኝም ውስጥ ተጭኖ የነበረው ከ3.4 እስከ 4 ሚሊዮን ብር የሚገመት እቃ ተዘርፎ ተወስዷል " ብለዋል።

ከጉዳዩ ጋር በተያያዘ እስካሁን የተያዘ ሰው እንደሌለ ጠቁመዋል።

ሌሎች ወገኖች መሰል ነገር እንዳይፈጸምባቸው በማለት ይህንን ጉዳይ ለጥንቃቄ ይረዳ ዘንድ ማጋራታቸውን ገልጸዋል።

#TikvahEthiopiaFamilyAA

@tikvahethiopia

TIKVAH-ETHIOPIA

13 Nov 2024 15:05

#Update

" ግለሰቦቹ ከአንዳንዶቹ ነጋዴዎች ባዘጋጁት ተሽከርካሪ እቃዎችን ጭነው ሄደዋል " - ቢሮው

ሰኞ ዕለት በመርካቶ ያሉ ነጋዴዎች " ከአዲስ አበባ ገቢዎች ቢሮ ነው የመጣነው " ያሉ ሰዎች ያለ ደረሰኝ ለምን ሸጣችሁ በሚል እቃችንን ወርሰውብናል ብለዋል።

በዚህና ተያያዥ ምክንያቶች በእለቱ በመርካቶ ያሉ በርከት ያሉ ሱቆች ዝግ ሆነው ውለዋል፡፡

የአዲስ አበባ ገቢዎች ቢሮ ፥ የተባለው ችግር በመርካቶ እንደተፈጠረ አምኖ ነገር ግን የነጋዴዎችን እቃ ወርሰዋል የተባሉት ግለሰቦች ከገቢዎች ቢሮም ይሁን ከየትኛውም የመንግስት አካል ያልተወከሉ ህገ ወጦች ናቸው ሲል ማመልከቱን ሸገር ኤፍ ኤም 102.1 ሬድዮ ዘግቧል።

የታክስ ኢንቴሌጀንስና ምርመራ ዳይሬክቶሬት ዳይሬክተር የሆኑት አቶ ተስፋዬ ነጋሽ " እኛ ምንም አይነት ንብረት የመውረስ መብት የለንም መወረስ ካለበትም ይህንን የሚሰራው የጉምሩክ ኮሚሽን ነው " ብለዋል፡፡

" ግለሰቦቹ ከአንዳንዶቹ ነጋዴዎች ባዘጋጁት ተሽከርካሪ እቃዎችን ጭነው ሄደዋል፤ ከአንዳንዶቹ ነጋዴዎች ደግሞ ገንዘብ ተቀብለው ተሰውረዋል " ሲሉ ገልጸዋል።

ግለሰቦቹ በቁጥጥር ስር እንዲውሉ ነጋዴዎቹ ለፀጥታ አካላት መረጃዎችን በመስጠት ተባባሪ እንዲሆኑ ጠይቀዋል፡፡

በማህበራዊ ሚዲያ ላይ " መንግስት ከመርካቶ ገበያ የነጋዴዎችን እቃ መውረስ ጀመረ " ተብሎ የተሰራጨው መረጃ ግን ከእውነት የራቀ ነው ሲሉ ገልጸዋል።

ውዥምብሩ የተፈጠረው በዚህ ምክንያት መሆኑን ጠቅሰዋል፡፡

የከተማዋ ገቢዎች ቢሮ ከዚህ ቀደም ይሰራ እንደነበረው ያለ ደረሰኝ ግብይት እንዳይፈፀም ለማድረግ ያለመ የቁጥጥር ስራ እነደሆነ ኃላፊው ጠቁመዋል።

ከህዳር 1 2017 ዓ.ም ጀምሮ በዘመቻ መልክ ነው እየተሰራ ያለው።

ከዚህም በተጨማሪ ቢሮው በአዲስ አበባ ገቢዎች ቢሮ የመርካቶን የንግድ እንቅስቃሴ የሚቆጣጠሩ ባለሙያዎች " ያለ እጅ መንሻ " የማይሰሩ መሆኑን አረጋግጫለሁ ብሎ ሁሉንም የመርካቶ ተቆጣጣሪዎችን በማንሳት በአዲስ መተካቱንም ተናግሯል።

ያለ ደረሰኝ ሲገበያይ የተገኘን ማንኛውም ሰው 100 ሺህ ብር እንደሚቀጣም አሳውቋል።

ቢሮው መርካቶን ጨምሮ በሁሉም የከተማዋ አካባቢዎች ያሉ አምራቾች፣ አስመጪዎችና ቸርቻሪዎች የትኛውንም ግብይት በደረሰኝ እንዲፈፅሙ ይገደዳሉ ማለቱን ሸገር ኤፍ ኤም 102.1 ሬድዮ ገልጿል።

ነጋዴዎች ምን ይላሉ ?

በመርካቶ ያለው ችግር ውስብስብ ያለና ከላይ ጀምሮ መጥራት ያለበት ነው።

በተለይ ደግሞ የገቢዎች ተቆጣጣሪ የሚባሉት ያለ ገንዘብ ያለ ሙስና አይሰሩም።

ሆን ብለውም የማስጨነቅ ስራ በመስራት ከነጋዴው ገንዘብ የመቀበልን ተግባራ ስራቸው ያደረጉ እንዳሉ ይገልጻሉ።

ያለ ደረሰኝ ግብይት ተደረገ ተብሎም የገንዘብ ድርድር የሚያደርጉ ተቆጣጣሪዎችም አሉ።

ደረሰኝን በተመለከተ ቸርቻሪው ላይ ጣትን ከመቀሰር ከላይ ጀምሮ ያለውን ነገር ማጥራት እንደሚገባ ነጋዴዎች ጠቁመዋል።

#AddisAbaba #Merkato

@tikvahethiopia

TIKVAH-ETHIOPIA

13 Nov 2024 15:05

#SafaricomEthiopia

💯 የድምጽ ጥቅሎችን እየገዛን በ100% ጉርሻ ደቂቃዎች እንንበሽበሽ!! ከሳፋሪኮም ጋር በአብሮነት አንድ ወደፊት⚡️

🔗የM-PESA ሳፋሪኮም መተግበሪያ በዚህ ሊንክ እናዉርድ:
https://play.google.com/store/apps/details...
የቴሌግራም ቦታችንን /channel/official_safaricomet_bot በመጠቀም የአየር ሰዓት ወይንም ልዩ ልዩ ጥቅሎችን እንግዛ!

ስለ አገልግሎታችን ማንኛውንም ጥያቄ ወይም መረጃ በቴሌግራም ቻናላችን /channel/Safaricom_Ethiopia_PLC 24/7 ማግኘት ይቻላል!

#MPESASafaricom #1Wedefit
#Furtheraheadtogether

TIKVAH-ETHIOPIA

12 Nov 2024 21:28

#Canada

ካናዳ በስደተኞች ጉዳይ ከፍተኛ ተጠንቀቅ ላይ እንደሆነች ተሰምቷል።

ካናዳ ዶናልድ ትራምፕ ልክ ስራ ሲጀምሩ በሚሊዮን የሚቆጠሩ ሰነድ የሌላቸው ስደተኞችን ከሀገር ለማባረር ከያዙት እቅድ ጋር በተያያዘ ሊከሰት ለሚችል ማንኛውም ነገር የራሷን ዝግጅት ማድረግ መጀመሯ ተሰምቷል።

በዶናልድ ትራምፕ እቅድ ምክንያት ወደ ሀገሪቱ ለመግባት የሚሞክሩ የስደተኞች ቁጥር ሊበዛ ይችላል በሚል ስጋት የራሷን ዝግጅት እያደረገች ነው።

የትራምፕ ትግበራ በካናዳ ድንበር የጥገኝነት ጠያቂዎችን (asylum) ቁጥር ያበዛዋል በሚል ስጋት ተደቅኗል።

ካናዳ ሂደቶችን በንቃት በመከታተል ላይ ትገኛለች የተባለ ሲሆን ሊከሰት የሚችለውን ማንኛውም አይነት ሁኔታ ለመቆጣጠር ዝግጅት እያደረገች ነው።

የትራምፕ ጥብቅ የኢሚግሬሽን ፖሊሲ ሚሊዮኖችን ማባረር እና የዜግነት ህግን መቀየርን ያጠቃልላል። ይህም ብዙ ሰዎች በህገወጥ መንገድ ወደ ካናዳ ለመሻገር እንዲሞክሩ ሊያደርግ ይችላል።

የካናዳ ባለስልጣናት በድንበር ላይ ሊከሰት የሚችለውን ችግር ለመፍታት ከወዲሁ ዝግጅት እያደረጉ ነው።

ብዙዎች የትራምፕ እርምጃ ወደ ካናዳ ትልቅ የስደተኞች ማዕበል ይዞ ይመጣ ይሆን ? ብለው እያሰቡ ናቸው።

ባለስልጣናቱ ግን የደንበር ቁጥጥርን ለማጠናከር እንዲሁም በህገወጥ መንገድ ሰዎች እንዳይገቡ ፣ ድንበር ላይም ችግር እንዳይፈጠር ትኩረት አድርገው እየሰሩ ነው ተብሏል።

@tikvahethiopia

TIKVAH-ETHIOPIA

12 Nov 2024 15:50

#ትኩረት🚨

" የጤና ተቋሙ ሳይፈርስ ከላይ ያሉ አካላት አስቸኳይ ድጋፍ ቢያደርጉ መልካም ነው "  - ዓይደር ሪፈራል ሆስፒታል

በመቐለ ዩኒቨርሲቲ ስር የሚገኘው የዓይደር ሪፈራል ሆስፒታል በክልሉ ተፈጥሮ ከነበረው ጦርነት በፊት ለመድሃኒትና ለላብራቶሪ ግብዓቶች ይመደብለት የነበረው በጀት ከ60 ሚሊየን ብር በላይ ነበር።

በሆስፒታሉ የመድኃኒት እና የላብራቶሪ መመርመሪያ ግብዓቶች እጥረት ስለማጋጠሙ በተደጋጋሚ ሲነገር ቢቆይም ችግሩን እስካሁን መቅረፍ እንዳልተቻለ ተነግሯል።

በሆስፒታሉ ላይ ላጋጠመው እጥረት ለዩኒቨርሲቲው ይመደብ የነበረው በጀት በግማሽ መቀነሱ እንደምክንያት ይነሳል።

ለሆስፒታሉ ለመድኃኒትና ለላብራቶሪ መመርመሪያ ግብዓቶች አቅርቦት በ2016 በጀት ዓመት ተመድቦለት የነበረው 18.9 ሚሊየን ብር ሲሆን ለ 2017 በጀት ዓመት የተመደበለት ደግሞ 30 ሚሊየን ብር ብቻ ነው።

በመቐለ ዩኒቨርሲቲ የጤና ሳይንስ ኮሌጅ የዓይደር ኮምፕረንሲቭ ስፔሻላይዝድ ሆስፒታል አስተዳደር እና ልማት ዳይሬክተር ዶ/ር ኃይለስላሴ በርኸ ለቲክቫህ ኢትዮጵያ እንደተናገሩት ሆስፒታሉ በ2016 በጀት ዓመት ከ ኢትዮጵያዊ መድኃኒት አቅራቢ አገልግሎት በብድር የወሰደው መድኃኒት ከ 60-70 ሚሊየን ብር ይደርሳል ብለዋል።

በብድር የወሰደውን የመድኃኒት ክፍያ ሆስፒታሉ መክፈል ባለመቻሉ 14.3 ሚሊየን ብር ከጤና ሚንስቴር ለመድኃኒት አቅራቢ ድርጅት እንዲከፈል ሆኗል።

ሆስፒታሉ የተወሰነ ክፍያ የከፈለ ቢሆንም ያልተከፈለ ከ 40 ሚሊየን ብር በላይ ክፍያ እዳ ከ 2016 ወደ 2017 በጀት ዓመት የተላለፈበት ሲሆን በዚህ ምክንያት ከዚህ በኋላ ከኢትዮጵያ መድኃኒት አቅራቢ አገልግሎት መድኃኒቶችን በካሽ እንጂ በብድር እንደማያገኝ ተነግሮታል።

ሆስፒታሉ ከውስጥ ገቢው እዳውን መክፈል ለምን ተሳነው ?

ዶ/ር ኃይለስላሴ እንደሚሉት በዓይደር ሆስፒታል የሚታከሙ ታካሚዎች ከ 80-90 በመቶ የነጻ ታካሚዎች ናቸው።

" ከፍለው መታከም የማይችሉ ታካሚዎች የደሃ ደሃ መሆናቸውን ከወረዳቸው ያጽፋሉ ወረዳውም ከክልሉ ጤና ቢሮ ጋር በሚገባው ውል መሰረት ጤና ቢሮው ከእኛ ጋር ውል ያስራል ያከምናቸውን ታካሚዎችም በ3 ወር ወይም በ6 ወር ለሆስፒታሉ ይከፍላል" ብለዋል።

ስለዚህ የምናክማቸው ታካሚዎች እነርሱ በቀጥታ ባይከፍሉም ከጤና ቢሮው ክፍያው እንዲፈጸም የሚደረግ በመሆኑ ነጻ ናቸው ማለት አይደለም ብለዋል።

ይሁን እንጂ ሆስፒታሉ በተጠቀሰው መንገድ ሲያክም ቆይቶ ክፍያው እንዲፈጸምለት ለጤና ቢሮው ጥያቄ ቢያቀርብም "በትግራይ የምዕራብ እና የደቡብ አካባቢዎች የሚገኙ አንዳንድ ወረዳዎች በትግራይ ስር ስላልሆኑ እና በርካታ መጠለያ ጣቢያዎች በመኖራቸው እንዲሁም ታካሚዎችም ከተለያዩ አካባቢዎች የሚመጡ በመሆናቸው ከየትም አምጥቼ ገንዘብ መሰብሰብ አልቻልኩም " የሚል ምላሽ መስጠቱን ተናግረዋል።

በዚህም ምክንያት ሆስፒታሉ ከጤና ቢሮው ሊከፈለው የሚገባ በርካታ ሚሊየን ብር ስለቀረበት መድኃኒት አቅራቢ አገልግሎት ላይ ያለበትን የ40 ሚሊየን ብር በላይ እዳ መክፈል እንዳልቻለ ገልጸዋል።

በተጨማሪም በመድኃኒት አቅራቢ አገልግሎት በኩልም የማይገኙ እንደ የስነ-ልቦና እና የካንሰር መድሃኒቶች ፣ ካቴተር ፣ ለመስፋት የሚያገለግሉ ስቲቾች (Stitches) እንዲሁም እንደ ማግኒዢየም ሰልፌት ያሉ መድኃኒቶችም መኖራቸውን ጠቁመዋል።

በአገልግሎቱ በኩል አይገኙም የተባሉትን መድኃኒቶች ለመግዛት ወደ ሌሎች አቅራቢዎች ለግዢ ጨረታ ይወጣል ፤ ከውጭ ሲገዛ በጣም ውድ በመሆኑ ሳቢያ ሆስፒታሉ ለመድኃኒት ካለው ትንሽ በጀት ጋር ተደምሮ ለገንዘብ እጥረት እንዳጋለጠው ጠቁመዋል።

አሁን ካለው የኑሮ ውድነት ጫና ጋር ተደምሮ ከዚህ በፊት ለዓመት ያስገዛ የነበረ ገንዘብ ለሁለት እና ሦስት ወርም አይቆይም ብለዋል።

ከላይ በተጠቀሱት ምክንያቶች ሆስፒታሉ እዳውን መክፈል እንደተሳነው ገልጸዋል።

" በካሽ ካልሆነ በብድር ይሰጥ የነበረ መድኃኒት ከዚህ በኃላ እንደሌለ ከአገልግሎቱ ተነግሮናል " ብለዋል።

በዚህም ሳቢያ በሆስፒታሉ በተለይም የስነ አዕምሮ ፣ የማደንዘዣ እና ለመስፋት የሚያገለግሉ ግብዓቶች እጥረት በከፍተኛ ሁኔታ ማጋጠሙን ተሰምቷል።

በሆስፒታሉ የማይገኙ መድኃኒቶችን ታካሚዎች ከውጭ በውድ ዋጋ እንዲገዙ መገደዳቸውን ተናግረዋል።

እንደሆስፒታሉ መረጃ በክልሉ ከጊዜ ወደ ጊዜ የስነ አዕምሮ መድኃኒቶች ፍላጎት እየጨመረ ነው።

ሆስፒታሉ ካለበት የበጀት እጥረት በተጨማሪ ከፍተኛ የሆነ የባለሞያዎች ፍልሰት እንዳጋጠመው የተሰማ ሲሆን ከህክምና ት/ቤቱ ብቻ ከ300 በላይ ሐኪሞች መሰደዳቸውን ተናግረዋል።

አብዛኛዎቹ ባለሞያዎች የተሰደዱት ከፕሪቶሪያው ስምምነት በኋላ ነው።

ዶክተር ፥ " አብዛኛው ሃኪም የሄደው ወደ ሶማሊያ፣ ፑንትላንድ እና ሶማሊላንድ ነው ለመኖር አስቸጋሪ ቢሆኑም የሚከፈላቸው ክፍያ ጥሩ ስለሆነ ለመኖር አዳጋች ወደ ሚባሉ ቦታዎች እየተሰደዱ ነው " ሲሉ ተናግረዋል።

በሆስፒታሉ ለህክምና ባለሞያዎች ያልተከፈለ የ17 ወር ደሞዝ እና የ22 ወር የትርፍ ሰዓት ክፍያ እስካሁን እንዲከፈል አልተደረገም።

በሆስፒታሉ ስላጋጠመው እዳ በቀጣይ ምን ታስቧል ? ለሚል ለቀረበላቸው ጥያቄ " ምንም እንኳን በጽሁፍ ያቀረብነው ጥይቄ ባይኖርም ጤና ሚኒስቴር ድጋፍ እንዲያደርግልን ወይም የመድኃኒት አቅራቢ አገልግሎት የእዳ ስረዛ እንዲያደርግልን ለመጠየቅ እያሰብን ነው " ብለዋል።

" ሆስፒታሉ ከሚገኝበት ውስብስብ ችግር ምክንያት የጤና ተቋሙ ሳይፈርስ ከላይ ያሉ አካላት አስቸኳይ ድጋፍ ቢያደርጉ መልካም ነው " ሲሉ ተናግረዋል።

በመድኃኒት አቅራቢ አገልግሎት በኩል የማናገኛቸው መድኃኒቶች አሉ ስለሚለው ቅሬታ እና ሆስፒታሉ ስላለበት እዳ ምን ታስቧል ? የሚለውን በሚመለከት የኢትዮጵያ መድኃኒት አቅራቢ አገልግሎት የመቀሌ ቅርንጫፍ አስተባባሪ አቶ አለማየሁ ገብረማርያምን አነጋግረናል ምላሻቸው በቀጣይ ይቀርባል።

#TikvahEthiopiaFamilyAA

@tikvahethiopia

TIKVAH-ETHIOPIA

12 Nov 2024 15:48

(ኢትዮ ቴሌኮም)

#5ጂ በቢሾፍቱ ተጀመረ!!

ኩባንያችን የዘመናችን የመጨረሻው እና እጅግ ፈጣን የሆነው የአምስተኛው ትውልድ (5ጂ) የሞባይል አገልግሎት በቢሾፍቱ ከተማ በይፋ ማስጀመሩን ስናበስር ታላቅ ደስታ ይሰማናል!

በዛሬው እለት ይፋ ያደረግነው የ5ጂ ሞባይል ኔትወርክ ኩሪፍቱ ወተር ፓርክ፣ በምስራቅ ኢንዱስትሪ ዞን፣ ሰንሻይን፣ ግራር ሜዳ እና የረር የገበሬዎች ኅብረት ሥራ ማህበር የሚገኙ አካባቢዎች የሚሸፍን ነው፡፡

የአገልግሎቱ ተግባራዊ መሆን እያደገ የመጣውን የደንበኞች ዳታ ፍላጎት ለማስተናገድ ከማስቻሉ ባሻገር ተሞክሮን የሚጨምሩ የዲጂታል ሶሉሽኖችን በማቅረብ የዜጎችን ህይወት ለማዘመን እና ቢዝነስን ለማቀላጠፍ እንዲሁም አዳዲስ የዲጂታል ሥራ እድሎችን በመፍጠር የኢኮኖሚ ተጠቃሚነት ያረጋግጣል፡፡

የ5ጂ አገልግሎት ከፍተኛ ፍጥነት ያለው፣ ዳታ የማስተላለፍ መዘግየትን በእጅጉ በመቀነስ ፋብሪካዎችና ኢንዱስትሪዎችን ከማዘመን በተጨማሪ ለሀገራችን ማህበራዊ እና ኢኮኖሚያዊ እድገት ቁልፍ ሚና የሚጫወቱ እንደ ግብርና፣ ጤና፣ ትምህርት፣ ማዕድን፣ ትራንስፖርት ያሉ ዘርፎችን አሰራር በማቀላጠፍ ተወዳዳሪነትን ይጨምራል፡፡

ክቡራን ደንበኞቻችን የ5ጂ አገልግሎትን ለማግኘት የሚያስችሉ ቀፎዎች በመጠቀም በእጅግ ፈጣኑ ኔትወርክ አስደሳች ተሞክሮ ማግኘት የምትችሉ መሆኑን በደስታ እንገልጻለን፡፡

ቀደም ሲል የ5ጂ ሞባይል ኔትወርክ አገልግሎትን በአዲስ አበባ፣ አዳማ፣ ጂግጂጋ፣ ድሬዳዋ፣ ሐረር፣ ባህር ዳር፣ ሐዋሳ፣ ወላይታ ሶዶ፣ ሆሳዕና እና አርባ ምንጭ ከተሞች ማስጀመራችን ይታወሳል፡፡ 

አዲስ ፍጥነት፣ አዲስ ምቾት፣ አዲስ አኗኗር!
#ዲጂታል_ኢትዮጵያን ዕውን በማድረግ ላይ

ለተጨማሪ: https://bit.ly/48PskNK
#Bishoftu #5G

TIKVAH-ETHIOPIA

12 Nov 2024 15:48

#LG_KOICA_Hope

LG-KOICA Hope የቴክኒክና ሙያ ኮሌጅ በ2017 ዓ.ም የትምህርት ዘመን የቲቪቲ መግቢያ መስፈርቱን ለሚያሟሉ ተማሪዎች በICT እና Electronics የትምህርት መስኮች ተማሪዎችን #በነጻ ማስተማር ይፈልጋል።

ኮሌጁ በዚህ ዙር እስከ 150 ተማሪዎችን ተቀብሎ ለማስተማር የተዘጋጀ ሲሆን የሀገር ዉስጥና የዉጭ ሀገር የሥራ ዕድል አማራጮችም አካቷል።

ከዚህ በተጨማሪ ድጋፍ ለሚያስፈልጋቸውና መስፈርቱን ለሚያማሉ የተመረጡ ተማሪዎች የምግብ፣ የትራንስፖርት እና ሌሎች ወጪዎችን የሚሸፍን ይሆናል።

የማመልከቻ ጊዜና ቦታ : ከጥቅምት 11 - ህዳር 06 2017 ዓ.ም ባሉት ተከታታይ የስራ ቀናት ከጠዋቱ 2፡00 - 11፡00 ሰዓት ሰሚት ኮንዶሚኒየም 3ኛ በር

ለተጨማሪ መረጃ - 011-6-67-75-64 011-6-66-18-29

TIKVAH-ETHIOPIA

11 Nov 2024 18:06

🔈#የመምህራንድምጽ

የኢትዮጵያ መምህራን ማህበር (ኢመማ) 37ኛ መደበኛ የም/ቤቱን ስብሰባ በአዳማ ባካሔደበት ወቅት ከም/ቤት አባላት ለተለያዩ አካላት ተደራሽ መደረግ ያለባቸው ፦
- የመምህራን የመብት፣
- የጥቅማ ጥቅም
- አጠቃላይ በትምህርት ሥራው ላይ ያሉና መፈታት ያለባቸው ጉዳዮችን አስመልክቶ በስፋት ውይይት ተደርጎ ነበር።

ከም/ቤቱ አባላት ከዩኒቨርስቲ ማህበረሰብ የተነሱ በርካታ በአሰራር ሊመለሱ የሚገቡ የመልካም አስተዳደርና የጥቅማ ጥቅም ጥያቄዎች ተነስተው ነበር።

በአጭር ጊዜ በከፍተኛ ትምህርት ዘርፍ ትኩረት ተሰጥቶ ምላሽ የሚሹ ጉዳዮችን በተመለከተ የኢትዮጵያ መምህራን ማህበር ፥ ለአቶ ኮራ ጡሹኔ (በኢፌዴሪ ትምህርት ሚኒስቴር የከፍተኛ ትምህርት ሚኒስትር ዴኤታ) ደብዳቤ ልኳል።

በአጭር ጊዜ ምላሽ የሚሹ የተባሉት ጉዳዮች ምንድናቸው ?

1. የመምህራን የመኖሪያ ቤት ጉዳይ አንዱ ነው።

በ2008 ዓ.ም ትምህርት ሚኒስቴርና ኢመማ በጋራ ባዘጋጁት የመምህራን የመኖሪያ ቤት ፓኬጅ በአጠቃላይ ትምህርት ዘርፍ ፓኬጁ ሥራ ላይ ውሎ በርካታ መምህራን የዚህ ፓኬጅ ተጠቃሚ ተደርገዋል።

ነገር ግን የመንግስት ዩኒቨርስቲዎች ከክልሎች ዋና ከተማ አልፈው በዞኖች ጭምር የሚገኙና ከተልዕኮአቸው አንዱ በሆነው በማህበረሰብ አገልግሎት የአካባቢውን ማህበረሰብ እያገለገሉ ያሉ ሆኖ ሳለ ' የፌዴራል ተቋማት ናችሁ ' በሚል የዩኒቨርስቲ መምህራን የመኖሪያ ቤት መስሪያ ቦታ ተጠቃሚ ሳይሆኑ እስከ አሁን ቆይተዋል፡፡

ስለሆነም መምህራኑ ጥያቄያቸውን አጠናክረው የቀጠሉ ስለሆነና በም/ቤቱም በሰፊው የተነሳ ሀሳብ በመሆኑ ከክልልና ከአካባቢ የመንግስት አካላት ጋር በመነጋገር ለዩኒቨርስቲ መምህራን ምላሽ እንዲሰጥ ማህበሩ ጠይቋል።

2. በኢትዮጵያ ውስጥ ያሉ በርካታ ዩኒቨርሰቲዎች የማስተማሪያ ሆስፒታል (Teaching Hospitals) አላቸው።

ይሁንና የዩኒቨርስቲ መምህራን በሚያስተምሩበት ተቋም ውስጥ መምህራንም ሆኑ ቤተሰቦቻቸው የሚታከሙበት በክፍያ ስለሆነ ይህ አሰራር መምህራን በተቋሙ ላይ የባለቤትነት ስሜት እንዳይኖራቸው የሚያደርግ ብቻም ሳይሆን ፍትሃዊነት የጎደለውና የመምህራንንም የሥራ ተነሳሽነት ይቀንሳል፡፡

ስለሆነም የዩኒቨርስቲ መምህራንና ቤተሰቦቻቸው በማስተማሪያ ሆስፒታሎች ውስጥ ነፃ ህክምና የሚያገኙበት መንገድ እንዲመቻች ጠይቋል።

3. ዩኒቨርሰቲዎች በሁሉም የሀገሪቱ ጫፍ ላይ የሚገኙና አንዳንድ ዩኒቨርስቲዎች የበረሀና የውርጭ አበል ጭምር በሌሎች ሴክተሮች ሠራተኞች የሚከፈልባቸው ሆነው ሳለ ዩኒቨርስቲ መምህራን ግን የበረሀም ይሁን የውርጭ አበል አለመከፈለ ቅሬታ እየፈጠረ ስለሚገኝ መፍትሄ እንዲሰጠው ጠይቋል።

እነዚህ ጥያቄዎች የዩኒቨርስቲ መምህራን በም/ቤቱ ላይ ካነሷቸው ጥያቄዎች አፋጣኝ ምላሽ የሚሹና ሚኒስትር ዴኤታው በም/ቤቱ ተገኝተው በነበረበት ወቅትም ጥያቄዎቹ የተነሱ ናቸው።

እሳቸውም ጥያቄዎቹ የተነሱበትን አውድ መገንዘባቸውን ማህበሩ በደብዳቤው አመልክቷል።

ስለሆነም አፋጣኝ የሆነ ምላሽ እንዲሰጣቸው ጠይቋል።

ቀደም ሲልም የቀረቡት የዩኒቨርስቲ መምህራን ጥያቄዎች በተለይ የኑሮ ውድነት እና የጥቅማ ጥቅም እንዲሁም የመልካም አስተዳደር ጥያቄዎች ከማህበሩ ጋር መድረክ ተፈጥሮ መፍትሄ እንዲበጅላቸውም ጥሪውም አቅርቧል።

#TikvahEthiopia

@tikvahethiopia

TIKVAH-ETHIOPIA

11 Nov 2024 11:00

#AddisAbaba

የሆቴል ባለሙያዎችን አለባበስ እና የመዋቢያ ጌጣጌጥ አጠቃቀም ሥርዓት የሚወስን  ደንብ መውጣቱን የአዲስ አበባ ከተማ የፍትህ ቢሮ አሳውቋል።

ይህ ደንብ ቁጥር 178/2017 ሆኖ የወጣ ነው።

ደንቡ " በሆቴልና መሰል አገልግሎት ሰጪ ተቋማት ውስጥ ለሚሰሩ ባለሙያዎች ወጥ የሆነ የአለባበስ፤ የጌጣጌጥ እና የመዋቢያ አጠቃቀም ሥርዓት በመዘርጋት የሀገር ባህልና እሴት እንዲጠበቅ ለማድረግ የወጣ ደንብ ነው " ብሏል።

ከደንቡ የአለባበስ ስርአት ውስጥ ለአብነት ፦

➡ ደረት ክፍልን ያልሸፈነ ወይም ከአንገት በታች ያለውን የሰውነት ክፍል የሚሸፍን ሸሚዝ ያለበሰ፤

➡ የሴቶች ጉርድ ቀሚስ ቁመቱና ቅዱ ከጉልበት በላይ ከሆነ፤

➡ ከጋብቻ ቀለበት ውጪ ጌጣጌጦችን በሚታዩ የሰውነት ክፍሎች ላይ ከተደረገ እንደሚያስቀጣ ያስቀምጣል፡፡

ቢሮው " ደንብ ቁጥር 178/2017 በዘርፉ ተሰማርተው የሚሰሩ ሙያተኞች ሊደርስባቸው ከሚችለው አካላዊ፤ ሥነ-ልቦናዊ ጫና እና አላስፈላጊ ጥቃቶችን ለመከላከል ብሎም  በከተማው የሚሰጠው የሆቴል አገልግሎት ዓለም አቀፍ መስፈርትን የሚያሟላ እንዲሆን ማድረግ ነው " ብሏል።

ይህ ደንብ በሆቴልና መሰል አገልግሎት ሰጪ ተቋማት የተሰማራ ባለሙያ በደንቡ በተደነገገው መሰረት አክብሮ እየሰራ ስለመሆኑ ወቅቱን የጠበቀ ክትትል ይደረጋል ተብሏል።

የአዲስ አበባ ከተማ አስተዳደር ባህል፣ ኪነጥበብና ቱሪዝም ቢሮ ከአዲስ አበባ ከተማ ፖሊስ ኮሚሽን እና የደንብ ማስከበር ባለሥልጣን ጋር በቅንጅት በመስራት ደንቡ ተፈጻሚ እንዲሆን ይደረጋል ነው የተባለው።

መረጃው ከየአዲስ አበባ ከተማ ፍትህ ቢሮ የተገኘ ነው።

@tikvahethiopia

TIKVAH-ETHIOPIA

11 Nov 2024 10:58

#ብርሃን_ባንክ 

የብርሃን ባንክ #ልዩ_የኤቲኤም_ካርድ
👉 የካርድ አዘጋጁልኝ ጥያቄውን ባቀረቡበት ቅፅበት ማግኘት የሚችሉት
👉 ደንበኞች ለረዥም ጊዜያት ኤቲኤም ካርድ ለማግኘት የሚያባክኑትን ጊዜ ያስቀረ
👉 የሚስጥር ቁጥሩ ከወረቀት ነጻ ሆኖ በእጅ ስልክዎ ብቻ የሚደርስዎት
👉 የሚስጥር ቁጥርዎ ለሌላ ሰው እንዳይጋለጥ በማድረግ ደህንነቱ የተረጋገጠ
ወደ ቅርንጫፎቻችን ጎራ ይበሉ ፈጣኑን #ልዩ_የኤቲኤም_ካርድ ይውሰዱ!
#liyuatmcard #atmcard #berhanbank #bank #finance #Stressfreebanking #bankinethiopia

ከታች የሚገኙትን ሊንኮች በመጫን የማህበራዊ ድህረ-ገጾቻችንን ይቀላቀሉ!
➡️ Facebook       ➡️ Telegram
➡️ Instagram      ➡️ Twitter
➡️ LinkedIn         ➡️ YouTube

TIKVAH-ETHIOPIA

10 Nov 2024 17:36

አንጋፋው ጋዜጠኛ ዜናነህ መኮንን ከዚህ ዓለም በሞት ተለየ።

አንጋፋው ጋዜጠኛ ዜናነህ ፥ በኢትዮጵያ ራዲዮና ቴሌቭዥን እንዲሁም በዴቼ ቬለ ሬድዮ ለረዥም ዓመታት አገልግሏል።

ጋዜጠኛ ዜናነህ ለረዥም ጊዜያት ባደረበት ህመም ህክምናውን ሲከታተል ከነበረበት እስራኤል ቴል አቪቭ ዛሬ ጠዋት ኣፏል።

በስልሳ ስምንት ዓመቱ ከዚህ ዓለም በሞት የተለየው አንጋፋው ጋዜጠኛ ዜናነህ አዘዞ ጎንደር ነው የተወለደው።

ከ1970ዎቹ እስከ ሰማኒያዎቹ አጋማሽ ድረስ በኢትዮጵያ ራዲዮ እና ቴሌቪዥን ድርጅት በተለይ በዜና አንባቢነት አገልግሏል።

በ1980ዎቹ አጋማሽ ወደ እስራኤል ያቀናው ዜናነህ በህመም ተዳክሞ ከሥራው እስኪርቅ ድረስ በኢየሩሳሌም የዶቼ ቬለ ራዲዮ ዘጋቢ በመሆን ሲያገለግል ቆይቷል።

" ይህ ዶቼ ቨለ ነው !! " ከሚለው የዲቼቬለ ሬድዮ ጣቢያ መለያ አንስቶ የተለያዩ ዝግጅቶች መክፈቻም የአንጋፋው ጋዜጠኛ ድምፅ ነው።

የዶቼ ቬለ አድማጮች ዜናነህን ከመካከለኛው ምስራቅ በእስራኤል አረብ ግጭት እና ጦርነቶች ብሎም በቀጣናው በሚነሱ ፖለቲካዊ ዘገባዎች ያውቁታል።

የዜናነህ መኮንን የቀብር ሰነ ስረዓት ቴል አቪቭ ውስጥ በሚገኝ ፓርክ ያኮም መካነ መቃብር እንደሚፈጸም ልጁ ቢታንያ ዜናነህ ገልጻለች።

ዜናነህ ባለትዳር እና የሶስት ሴቶች ልጆች አባት ነበር።

#ዶቼቨለ

@tikvahethiopia

TIKVAH-ETHIOPIA

10 Nov 2024 14:42

#PAUL_PHOTO_VELO_AND_MAKEUP

🩸Premium package 27.500ብር ብቻ
👉Laminate album 30x90 -10(20) page,Board photo 50x80-1,Signboard,Thankyou card 200,Wallet album 2,Save the date 4 photo,Slideshow,የሰርግ አልባሳት.2 ቬሎ የመስክ (በመረጡት አይነት),2 ቬሎ የስቱዲዮ (በመረጡት አይነት)Color Velo ጨምሮ,ካባ ( በመረጡት አይነት),2 ሱፍ (በመረጡት አይነት ),የሀበሻ ልብስ፣የእራት ቀሚስ፣የአፍሪካ ልብስ ሜካፕ:,ጥፍር እና ፀጉር ጨምሮ,የወንዶች የውበት ሳሎን (ጸጉር፣ ጺም፣ የፊት ስቲም፣ ስክራፕ፣ እጥበት)

☎️ 0943946144/ 0777630083
🏓22 ከ አክሱም ሆቴል ወረድ ብሎ ትጋት ግራውንድ ላይ ቢሮ ቁጥር G-24

TIKVAH-ETHIOPIA

09 Nov 2024 17:35

#USA #MASS_DEPORTATION

ትራምፕ በሚሊዮን የሚቆጠሩ ዶክመንት የሌላቸው ሰዎችን ከአሜሪካ ለማስወጣት ምን ያህል በጀት ያስፈልጋቸው ይሆን ?

ተመራጩ የአሜሪካ ፕሬዜዳንት ዶናልድ ትራምፕ ልክ በፕሬዜዳንትነት ስራ ሲጀምሩ የመጀመሪያ ስራቸው ይሆናል የተባለው በአሜሪካ ታሪክ ከፍተኛ የተባለ ዶክመንት የሌላቸው ሰዎችን ከሀገር ማስወጣት / የዲፖርቴሽን ስራ ነው።

ይህ ግዙፍ የተባለ ዲፖርቴሽን በቢሊዮን ዶላሮችን ሊጠይቅ ይችላል።

እሳቸው ግን ይህ የዲፖርቴሽን ጉዳይ " ምንም ዋጋ የሚወጣለት / ዋጋ የሚለጠፍለት አይደለም " ብለዋል።

ከአሁን በኃላ የአሜሪካ ድንበሮች እጅግ ጠንካራ ደህንነት ያለባቸው ኃይለኛ ድንበሮች እንደሚሆኑ ጠቁመዋል።

" እውነት ለመናገር ምንም ምርጫ የለንም " ያሉት ትራምፕ ፤ በሀገሪቱ ሰዎች እየተገደሉ እና የአደንዛዥ እጽ አዘዋዋሪ ጌቶች ሀገሪቱን እያወደሙ የሚኖሩበት ምንም ምክንያት የለም ብለዋል።

" አሁን እነዚህ ሰዎች እዚህ አይቆዩም ፤ እንዲቆዩም አይደረግም ወደነዛ ሀገራት ይመለሳሉ " ሲሉ ገልጸዋል።

ለዚህ ደግሞ ምንም ዋጋ የሚለጠፍለት እንዳልሆነ ጠቁመዋል።

ትራምፕ በምርጫ ዘመቻ ዶክመንት የሌላቸው ሰዎችን ለማስወጣት የገቡትን ቃል እንደሚተገብሩ አጽንኦት ሰጥተዋል።

" በቀላል መመሪያ ነው የማስተዳድረው " ያሉት ትራምፕ " የገባሁትን ቃልኪዳን አክብራለሁ አስፈጽማለሁ " ብለዋል።

እንዴት ባለ መንገድ እንደሚያስፈጽሙት ባይታወቅም ትራምፕ ከ11 ሚሊዮን እስከ 21 ሚሊዮን ሰዎችን ከአሜሪካ ሊያስወጡ እንደሚችሉ ተነግሯል።

ትክክለኛ ዶክመንት የሌላቸው ሰዎች ምን ያህል እንደሆኑ አይታወቅም። ምናልባትም አሁን ከሚባለው 21 ሚሊዮን ሊያንስ እንደሚችል ነው የሚነገረው።

' ፒው ሪሰርች ሴንተር ' 2021 ላይ ይፋ ባደረገው ዳታ 10.5 ሚሊዮን ዶክመንት የሌላቸው ሰዎች አሜሪካ ውስጥ አሉ።

#USA #NBC #TikvahEthiopia
@tikvahethiopia

TIKVAH-ETHIOPIA

09 Nov 2024 15:38

#ደመወዝ

" በእኛ መስሪያ ቤት በኩል የተስተካከለው የጥቅምት ወር ደመወዝ ተከፍሏል " - መኩሪያ ኃይሌ (ዶ/ር)

የሲቪል ሰርቪስ ኮሚሽን ኮሚሽነር የሆኑት መኩሪያ ኃይሌ (ዶ/ር) ፥ የመንግሥት ሠራተኞች የደመወዝ ማስተካከያን በተመለከተ ባሰራጩት ፅሁፍ፣ የገንዘብ ሚኒስቴር የተጨማሪ ክፍያ በጀቱን ለሚመለከታቸው ተቋማት ፈቅዷል። በእኛ መስሪያ ቤትም በኩል የተስተካከለውን የጥቅምት ወር ደመወዝ ተከፍሏል " ብለዋል።

" ሌሎችም እንደዚሁ የከፈሉ አሉ። የቀሩት ደግሞ የማጥራት ሥራ እየሰሩ ሊሆን ይችላል። " ሲሉ ገልጸዋል።

" እነዚያም ዝግጅታቸውን ሲያጠናቅቁ የተስተካከለው የጥቅምት ወር ክፍያ ታሳቢ በማድረግ የሚከፍሉ ይሆናል " ሲሉ አስረድተዋል።

" የተፈቀደው የመንግስት ሠራተኞች የደመወዝ ማስተካከያ ክፍያ ዘግይቷል፥ ቀርቷል የሚሉ ሃሳቦች እየተራመዱ ነው " ያሉት ኮሚሽነሩ " በሲቪል ሰርቪስ በኩል የሚለቀቁ መረጃዎች ኦፊሴላዊና የሚተገበሩ መሆኑን መተማመን ጥሩ ነው " ሲሉ ገልጸዋል።

" ከሠራተኞች ደመወዝ ስኬል ጋር በተገናኘ በማህበራዊ ሚዲያ የሚሰራጩ አሳሳች ወሬዎችን እንዳታምኗቸው መልዕክት አስተላልፌ ነበር " ሲሉም አክለዋል።

ከሰሞኑን ከሠራተኞች ደመወዝ ጋር በተገናኘ በተለያዩ የማህበራዊ ሚዲያዎች መረጃዎችን ተዘዋውረዋል።

ከነዚህም አንዱ ጭማሪው እንዳልተከፈለ የሚገልጽ ነው።

ነገር ግን በአንዳንድ መ/ቤቶች ጭማሪው መከፈሉ ታውቋል። ጭማሪው ያልተከፈለባቸውም መ/ቤቶችም ግን አሉ ፤ እነዚህ ናቸው ' እያጣሩ ናቸው " የተባሉት።

" ተጨምሯል የተባለው ገንዘብ ያን ያህል አይደለም " - ሠራተኞች

" የደመወዝ ጭማሪ ይደረጋል " የሚለውን መረጃ የሰሙ ሠራተኞች ከፍተኛ ጭማሪ ጠብቀው እንደነበር ነገር ግን እጃቸው ላይ የደረሰው እዚህ ግባ የማይባል እንደሆነ ለቲክቫህ ኢትዮጵያ ተናግረዋል።

አንድ ቃላቸውን የሰጡ ሠራተኛ ፥ " ምንኑን ከምኑን ልናደርገው ይሄ ብቻ እንደተጨመረ አልገባኝም " ብለዋል።

ጭማሪው አነስተኛ እንደሆነ የገለጹ አንዲት ሠራተኛ በበኩላቸው " ከሚጨመረው ብር በላይ ወሬው በዝቶ ይበልጥ ኑሮውን እንዳያስወድደው " ሲሉ ስጋታቸውን ገልጸዋል።

" አይደለም ደመወዝ ተጨመረ ተብሎ ሳይባል እንኳን ነጋዴው ሁሉን ነገር አምጥቶ የሚጭነው እኛው ድሃው ዜጎች ላይ ነው አሁን ተጨምሯል የተባለው ገንዘብ ከኑሮው ውድነቱ አንጻር ያን ያህል አይደለም፤ ጭራሽ ነጋዴዎቹ ዋጋ ጨምረው አሁንም አልገፋ ያለውን ኑሮን እንዳያከብዱብን " ብለዋል።

ያነጋገርናቸው ሌሎችም ሠራተኞች " ደመወዝ ተጨመረ " የተባለው አነስተኛ እንደሆነ፣ የቁጥጥር ስራ እንዲሰራ ፣ ሌሎች የሠራተኞችን ህይወት የሚያቀሉ መፍትሄዎች እንዲፈለጉ ጥሪ አቅርበዋል።

#TikvahEthiopia

@tikvahethiopia

TIKVAH-ETHIOPIA

13 Nov 2024 15:17

#ኢራን

ኢራን በአስገድዶ መድፈር ወንጀል ተከሶ ጥፋተኛ የተባለ ዜጋዋን በአደባባይ በስቅላት ገደለች።

ሞሀመድ አሊ የተባለው ይህ ኢራናዊ የ43 ዓመት ጎልማሳ ሲሆን በርካታ ሴቶች እንደሚያገባቸው ቃል በመግባት አስገድዶ ደፍሯቸዋል ተብሏል፡፡

ግለሰቡ ባሳለፍነው ጥር ወር ላይ በፖሊስ በቁጥጥር ስር የዋለ ሲሆን ከአንድ ወር በፊት በተከሰሰበት የአስገድዶ መድፈር ወንጀሎች ትፋተኛ ሆኖ ተገኝቷል።

መሀመድ አሊ ከ10 በላይ ሴቶችን አስገድዶ ደፍሯል የተባለ ሲሆን ከነዚህ ውስጥ የተወሰኑት ከእሱ የጸነሱትን ልጅ እንዲያስወርዱ መድሃኒት ሰጥቷልም ተብሏል፡፡

ሰውየው ባለፉት 20 ዓመታት ውስጥ 200 ሴቶች ደፍሮናል የሚል ክስም ተመስርቶበታል።

በግለሰቡ ተደፍረናል ያሉ ሴቶች ቁጥር መጨመርን ተከትሎ በርካታ ኢራናዊያን ህጋዊ እርምጃ እንዲወሰድበት የሚጠይቅ ሰላማዊ ሰልፍም ተደርጎበት ነበር፡፡

ሀገሪቱም ግለሰቡን በአደባባይ በስቅላት እንዲቀጣ አድርጋለች።

#አልአረቢያ #አልአይንኒውስ

@tikvahethiopia

TIKVAH-ETHIOPIA

13 Nov 2024 15:09

" የቢሮ ሰራተኛ መሆናቸውን መታወቂያና መለያ ባጅ ጠይቋቸው  " - ገቢዎች ቢሮ

ዛሬ የገቢዎች ቢሮ መርካቶ ሸራ ተራ አካባቢ " በገቢዎች ቢሮ ሰራተኛ " ስም ሲያጭበረብር ነበረ የተባለ ግለሰብ በህብረተሰቡ ጥቆማ በቁጥጥር ስር መዋሉን ገልጿል።

ቢሮው ከአዲስ አበባ ፓሊስ ኮሚሽን ጋር አካሄድኩት ባለው ክትትል ነው ግለሰቡ የተያዘው።

በቁጥጥር ስር የዋለው ተጠርጣሪ ግለሰብ በመርካቶ ገበያ በአንድ ግለሰብ ሱቅ ውስጥ በመግባት የዕቃዎች ደረሰኝ ሲጠይቅና ሲያጭበረብር በደረሰ ጥቆማ መሠረት ለማምለጥ ሲሞክር በፖሊስ መያዙን ቢሮው አስረድቷል።

ቢሮው " የንግዱ ማህበረሰብ ማንኛውም በግል ወይም በቡድን የሚንቀሳቀሱ አጭበርባሪዎች ወደ ንግድ ስፍራቸው ሲመጡ የቢሮ ሰራተኛ መሆናቸውን መታወቂያና መለያ ባጅ በመጠየቅ ሊያረጋግጥ ይገባል " ብሏል።

ከዚህ በተጨማሪ አጠራጣሪ ድርጊቶች ሲያጋጥሙት በነፃ የስልክ መስመር  7075 በመጠቀም እንዲጠቁም ጥሪ አቅርቧል።

በተለይ መርካቶ ገበያ የሚሰሩ ዜጎች " ከገቢዎች ነው የመጣነው " በሚሉ አካላት በሆነው ባልሆነው ገንዘብ እንደሚጠየቁ ፤ " ያለ ደረሰኝ ስትሸጡ ነበር " በማለትም የገንዘብ ድርድር አድርገው ከነጋዴዎች ገንዘብ የሚቀበሉ ሰራተኞች እንዳሉ ይናገራሉ።

በአንዳንድ ሰራተኞች ምክንያት ስራ መስራት እንዳልተቻለና ከነጋዴው ገንዘብ የሚቀበሉትም የተለያዩ ምክንያቶችን በመፍጠር መሆኑንም አስረድተዋል።

በዚህም በቸርቻሪው ላይ ከፍተኛ ተፅእኖ እንደሚደርስ በማመልከት ቢሮው መጀመሪያ የራሱን ሰራተኞች እንዲጠራ ለቲክቫህ ኢትዮጵያ በሰጠቱት ቃል ጠይቀዋል።

#AddisAbaba #Merkato

@tikvahethiopia

TIKVAH-ETHIOPIA

13 Nov 2024 15:05

ፎቶ ፦ በራስ ገዟ ሶማሌላድ ዛሬ ፕሬዜዳንታዊ ምርጫ እየተካሄደ ነው።

ህዝቡ ከጥዋት አንስቶ ወደ ምርጫ ጣቢያዎች በመሄድ ድምጹን እየሰጠ ይገኛል።

በምርጫው የአሁን ፕሬዜዳንት ሙሴ ቢሂ አብዲ ከአብዲራህማን ኢሮ እንዲሁም ከፋይሰል አሊ ዋርቤ ጋር ይፎካከራሉ።

ሶማሌላንድ ከሶማሊያ ተገንጥላ እራሷን እንደ ነጻ ሀገር የምትቆጥር ናት። ላለፉት በርካታ አመታት ከሶማሊያ ፌዴራል መንግሥት ጋር ምንም ግንኙነት የላትም።

የራሷን መሪ / ፕሬዜዳንቶችን በሰላማዊ መንገድ ስትመርጥ ኖራለች።

@tikvahethiopia

TIKVAH-ETHIOPIA

13 Nov 2024 15:04

Rosewood Furniture
ሮዝዉድ ፈርኒቸር

ዉበት! ጥንካሬ! አገልግሎት!

የተሟላ አገልግሎት የሚሰጥ ፈርኒቸር ለእርሶ በሚሆን መልኩ!

ደረጃዉን የጠበቀ ዲዛይን በማዘጋጀት የምንሰራልዎት ፈርኒቸር ምን እንደሚመስል በቅድሚያ ሙሉ እይታ እንዲኖርዎት እናደርጋለን!

What you see is what you will actually  get 👌


ይደውሉልን🤙📲   0905848586
Text us 💬   @Rosew0od

ቴሌግራም ቻናላችንን ይቀላቀሉ  👇
/channel/R0seWood
/channel/R0seWood
/channel/R0seWood

#Rosewood #Furniture

TIKVAH-ETHIOPIA

12 Nov 2024 20:51

" ከሳቸው የተሻለ ሰው አይገኝም " - ትራምፕ

ተመራጩ የአሜሪካ ፕሬዚደንት ዶናልድ ትረምፕ በአሜሪካ የሚገኙ ህጋዊ ሰነድ የሌላቸውን በሚሊዮኖች የሚቆጠሩ ስደተኞችን እንደሚያባርሩ የገቡትን ቃል የሚያስፈጽሙላቸውን ቶም ሆማን የተባሉ ባለስልጣን ሾመዋል።

የአሜሪካ ድንበር ቁጥጥር ዋና ባለስልጣን " ቦርደር ዛር " ሆነው የተሾሙት በአንድ ወቅት የሀገሪቱ የኢሚግሬሽን እና ጉምሩክ ጉዳይ ዋና መሥሪያ ቤት ተጠባባቂ ዳይሬክተራቸው ነበሩ።

ትራምፕ " ለድንበሮቻችን ጥበቃ እና ቁጥጥር ከሳቸው የተሻለ ሰው አይገኝም " ብለዋል።

ከዚህ በተጨማሪ በስደተኞች ጉዳይ አክራሪ አቋም ያላቸውን ስቲቭን ሚለር የተባሉ ግለሰብን የጽህፈት ቤታቸው የፖሊሲ ጉዳዮች ምክትል ኅላፊ አድርገው እንደሚሾሟቸው ቪኦኤ ዘግቧል።

ትራምፕ ስራ ሲጀምሩ የመጀመሪያ ተግባራቸው ሀገሪቱ ውስጥ ይገኛሉ ያሏቸውን እጅግ በጣም በርካታ ሰነድ የሌላቸው ስደተኞች ከሀገር ማባረር እንደሆነ ተነግሯል።

@tikvahethiopia

TIKVAH-ETHIOPIA

12 Nov 2024 15:49

" በቂ የባለድርሻ አካላት ውይይት ሳይደረግበት ወደቋሚ ኮሚቴ መመራቱ በጉዳዩ ላይ የሕዝብን ድምፅ በተገቢ ላለማካተቱ ሁነኛ ማሳያ ነው !! " - የጋዜጠኞች የሙያ ማህበር እና የሰብዓዊ መብት ድርጅቶች

በሚዲያ ሕጉ ማሻሻያ ረቂቅ አዋጅ አሳሳቢ ይዘት ላይ የጋዜጠኞች የሙያ ማህበር እና የሰብዓዊ መብት ድርጅቶች የጋራ መግለጫ ልከዋል።

በዚህም ፥ " በአስፈፃሚው አካል ተረቅቆ ለሕዝብ ተወካዮች ምክር ቤት እንዲፀድቅ የቀረበው ረቂቅ ማሻሻያ አዋጅ በሥራ ላይ የሚገኘውን የመገናኛ ብዙኃን ሕግ በርካታ አንቀፆች ይዘትና መንፈስ የሚቀይር መሆኑን ተገንዝበናል " ብለዋል።

ረቂቅ ማሻሻያው የአካሄድና የይዘት ግድፈቶች በስፋት የሚስተዋሉበት እንደሆነም አመልክተዋል።

" በረቂቁ ማሻሻያ ላይ ምንም ዓይነት የሕዝብ ውይይቶች ባለመከናወናቸው የሲቪል ማኅበረሰቡን፣ የሚዲያ መያተኞችን እንዲሁም የሌሎች መብቶች ተሟጋቾችንና የማኅበረሰብ ድምፆች እንዳይሰሙ አድርጓል " ሲሉ አክለዋል።

ማሻሻያውን ለማዘጋጀት የተሔደበት መንገድ ግልጽነትና አሳታፊነት የጎደለው ነው ብለውታል።

የረቂቅ አዋጁ አስፈላጊነት ገለልተኛ አካል በተሠራ ጥናት ስለመለየቱ የቀረበ ማስረጃም እንደሌለ አንስተዋል።

በሌላ በኩል የረቂቅ አዋጁ የተለያዩ አንቀፆች በሥራ ላይ የሚገኘው የመገናኛ ብዙኃን አዋጅ ጥበቃ የሚሰጣችውን ነጻነቶች የሚገድብና የሚዲያ ተቆጣጣሪውን አካል በአስፈፃሚው አካል ተፅዕኖ ውስጥ ይከተዋል የሚል ስጋት እንዳላቸው ጠቁመዋል።

ለምሳሌ የነባሩን አዋጅ ፦
➡ አንቀጽ 8 (2) ዋና ዳይሬክተሩ በሕዝብ ተወካዮች ምክር ቤት ስለሚሾምበት የሚደነግገው ክፍል፤
➡ አንቀጽ 9 (1 እና 2) የቦርዱ አባላት እጩዎች የሚመለመሉበትና የሚፀድቁበት ሒደት ለሕዝብ ግልጽ መሆን እንዳለበት የሚደነግገው ክፍል፤
➡ አንቀጽ 11 (6) የቦርዱ አባላት ከፖለቲካ ፓርቲ አባልነት ወይም ተቀጣሪነት የሚከለከሉበትን ሁኔታ የሚደነግገው ክፍል መሰረዝ ዋና ዋና የይዘት ለውጦች ናቸው ብለዋል።

በተያያዘ በአዲሱ ማሻሻያ የባለሥልጣኑ ዋና ዳይሬክተር ሹመት ለጠቅላይ ሚኒስትሩ መሰጠቱ፤ እንዲሁም በነባሩ አዋጅ ለቦርዱ ተሰጥተው የነበሩት የፈቃድ ወይም የምዝገባ ምስክር ወረቀት አለማደስ፣ ማገድ፣ መሰረዝ፣ የጽሑፍ ማስጠንቀቂያ መስጠት የመሳሰሉት ኃላፊነቶች አሁን ለባለሥልጣኑ መሰጠታቸው ሥልጣንን ጠቅልሎ ለአንድ አካል የመስጠትና በሒደትም ላልተገባ ተፅዕኖ በር የሚከፍት ነው ብለዋል።

በተጨማሪ ከላይ የተጠቀሱት የማሻሻያው አንቀፆች በአንድነት ሲነበቡ የነባሩን አዋጅ አንቀጽ 7 (የባለሥልጣኑን ገለልተኝነትና ነፃነት) ጥያቄ ውስጥ የሚያስገባ ረቂቅ አዋጅ እንደሆነ ጠቁመዋል።

በተያያዘም ረቂቅ አዋጁ ለሕዝብ ተወካዮች ምክር ቤት በሚቀርበበት ወቅት ከተለያዩ የፖለቲካ ፓርቲዎችና የምክር ቤት አባላት ጭምር ተቃውሞ ገጥሞት የነበረ ቢሆንም በቂ የባለድርሻ አካላት ውይይት ሳይደረግበት ወደቋሚ ኮሚቴ መመራቱ በጉዳዩ ላይ የሕዝብን ድምፅ በተገቢ ላለማካተቱ ሁነኛ ማሳያ ተደርጎ ይወሰዳል ብለዋል።

በመሆኑም ከረቂቅ አዋጁ ማሻሻያ ሒደት ጋር በተያያዘ በርካታ ጉዳዮች እንደሚያሳስባቸው ገልጸው አስችኳይ መፍትሔ ሊፈለግላቸው እንደሚገባ በአጽንኦት አስገንዝበዋል።

@tikvahethiopia

TIKVAH-ETHIOPIA

12 Nov 2024 15:48

ዶዳይ ማኑፋክቸሪንግ !

ሽው ወደ  ስራ ፣ ሽው ወደ ቤት ፣ ሽው ወደ ጉዳዮ

የጃፓን ድርጁት የሆነው ዶዳይ ማኑፋክቸሪንግ

የታክሲ ሰልፍ እንዲሁም የነዳጅ ወጪ ለመቀነስ እና ለማስቀረት የዘመኑን ምርጥ ቴክኖሎጂ ሊትየም አዮን ባትሪ የተገጠመላቸው ባለ ሁለት እግር ተሽከርካሪዎች ከነሙሉ መለዋወጫ አቅርቦሎታል።
•⁠  ⁠በአንድ ጊዜ ቻርጅ እስከ 150ኪሜ መጓዝ የሚችሉ
•⁠  ⁠ለሙሉ ቻርጅ 10ብር ብቻ ሚጠይቁ
•⁠  ⁠⁠150ኪሎ ተሸክመው በሰአት እስከ 60ኪሜ  የሚሄዱ
•⁠  ⁠ለእለት ተለት ጉዞ ቢሉ ፣ አልያም ለዲሊቨሪ ስራ የሚሆኑ

ይሂዱ > ይጎብኙ > ይግዙ!

ለበለጠ መረጃ
📍ሾው ሩም: ጎፋ ገብርኤል
📲 ስልክ: 0938022222
🌐 ethiopia.dodai.co

*TikTok Page*: dodai_et?is_from_webapp=1&sender_device=pc" rel="nofollow">https://www.tiktok.com/@dodai_et?is_from_webapp=1&sender_device=pc
- *Telegram Page*: /channel/+z09SxQgb6vsyNzU8

TIKVAH-ETHIOPIA

11 Nov 2024 18:09

#AddisAbaba

" ያለደረሰኝ አትሽጡ አልን እንጂ እቃ እንወርሳለን ያለ አካል የለም " -የአዲስ አበባ ገቢዎች ቢሮ

የአዲስ አበባ ገቢዎች ቢሮ " በከተማዋ በርካታ ነጋዴዎች በግብር ከፋይነት ተመዝግበው ደረሰኝ የማይሰጡ በመሆናቸው እና ችግሩም በጣም እየሰፋ በመሆኑ ወጥነት ባለው መንገድ ህጉን እንዲያከብሩ እና ወደስርዓት እንዲገቡ ለማድረግ እየሰራው ነው " ሲል ገልጿል።

ቢሮው የታክስ ኢንተለጀንስ እና ምርመራ ዳይሬክተር አቶ ተስፋዬ ነጋሽ የቁጥጥር ስራው ከዚህ ቀደምም የነበረ ቢሆንም በዘመቻ መልክ ከመስከረም አጋማሽ ጀምሮ በሁሉም ክፍለ ከተሞች ቁጥጥር እየተደረገ መሆኑን ለቲክቫህ ኢትዮጵያ ተናግረዋል።

ዘመቻ ሲባል ፦
- ወደ ቫት ስርዓት ውስጥ ያልገቡትን ማስገባት ፣
- ፈቃድ የሌላቸው ፈቃድ እንዲያወጡ ማድረግ፣
- ደረጃቸው ደረሰኝ መስጠት የሚገባቸው ሆኖ ሳለ የማይሰጡትን ደረሰኝ አስፈቅደው እና አሳትመው መጠቀም እንዲጀምሩ ማስቻልን ያካትታል።

የቁጥጥር ስራው በተለይም በገበያ ሞሎች ላይ በልዩ ትኩረት እየተሰራ እንደሆነ ታውቋል።

ከዚህ ጋር በተያያዘም አንዳንድ ነጋዴዎች እየተደረገ ያለው እንቅስቃሴ " ንብረት ለመውረስ እና ሱቆችንም ለመዝጋት ነው " በሚል ሱቃቸውን ዘግተዋል ንብረትም ወደ ሌላ ቦታ አዙረዋል።

ቃላቸውን ለቲክቫህ ኢትዮጵያ የሰጡ አንድ በመርካቶ አካባቢ የሚሰሩ ነጋዴዎሽ  " ከምንም በፊት ያሉትን ችግሮች ማወቅ ይገባል። ቸርቻሪውን ማነጋገር ያስፈልጋል። ችግሮቹን ለመቅረፍ መሰራት አለበት። " ብለዋል።

" ነጋዴው ከአስመጪ እቃ ሲገዛ አስመጪው ከዋጋው በታች ደርሰኝ ይሰጣል አልያም ጭራሽ ላይሰጥም ይችላል ፤ ምንም  አይነት የግዢ ደረሰኝ ባላገኘበት ' ነጋዴው ሱቅ ውስጥ ያለዉን ንብረት እንወርሳለን ' ማለት ትክክል አይደለም " ሲሉ አክለዋል።

" መንግሥት ታች ያለው ነጋዴ ላይ ጣቱን ከመቀሰር አስመጪዎቹን ደረሰኝ እንዲሰጡ ማድረግ እና ቸርቻሪውን ማወያየት ያስፈልጋል " ብለዋል።

ከዚህ በተጨማሪ ደግሞ አንዳንድ የራሳቸው የገቢዎች ሰዎች ያልተገባ ጥቅም ለማግኘት ሲሉ ቸርቻሪዶችን ማስጨነቅ እንደሚቀናቸው ቃላቸውን የሰጡ አንዳንድ ነጋዴዎች ጠቁመዋል።

ያለ ደረሰኝ ግብይት በሚፈጸምበት ወቅት የገንዘብ ድርድር ሁሉ እንደሚያደርጉና ያሉ ችግሮች ስር የሰደዱ እንደሆኑ ገልጸዋል።

" ከምንም በላይ ያለ ደረሰኝ ግብይት እንዳይኖር ከላይ ጀምሮ መስራት እንደሚገባ ነጋዴው በደረሰኝ ከገዛ በደረሠኝ እንደሚሸጥ ከላይ ግን እጃቸው የረዘመ ሰዎች ስላሉ መቆጣጠር እንደሚያስፈልግ " አመልክተዋል።

ሁኔታዎችን በመጠቀም በህግ ሰበብ ከነጋዴው ገንዘብ የሚቀበሉና ሙስና የሚሰሩ ህገወጥ ተግባራትንም የሚያባብሱ በገቢዎች አካባቢ ያሉ ሰዎች እንዲታረሙ መሰራት እንዳለበት አክለዋል።

ሌላ አንድ በቲክቫህ ኢትዮጵያ የሃሳብ መለዋወጫ መድረክ ሃሳባቸውን ያካፈሉ ዜጋ ፥ አስመጪዎች እና አምራቾች ለጅምላ ነጋዴ እና ቸርቻሪ ያለደረሰኝ ስለሚሸጡ ያለደረሰኝ የተገዙ እቃዎች እንደሚኖሩ ገልጸዋል።

" ነጋዴዎች እቃዎቻቸው ሳይወዱ ደረሰኝ ስለሌላቸው እንዳንወረስ ብለው ወደ ሌላ ቦታ ያሸሻሉ ሱቅም ለመዝጋት ይገደዳሉ  " ብለዋል።

" ዋናው ስራ መጀመር ያለበት ከአስመጪዎች እና አምራች ኢንዱስትሪዎች መሆን አለበት ፤ እነሱን በሚገባ ከተቆጣጠሩ እና እርምጃ ከወሰዱ በኋላ በተዋረድ ጅምላ ነጋዴዎች እና ቸርቻሪዎችን መቆጣጠር ይገባል " ብለዋል።

" የችግሩ ምንጭ ከሆኑት አስመጭዎች እና አምራች ኢንዱስትሪዎች ጠበቅ ያለ እርምጃ መወሰድ አለበት " ሲሉ ሃሳባቸውን አካፍለዋል።

" በዛሬው ዕለት በመርካቶ አካባቢ ንብረት ሊወረስ ነው፤ ሱቃችን ሊዘጋ ነው " የሚል ውዥንብሮች በመፈጠራቸው አንዳንድ ነጋዴዎችን ግርታ ውስጥ መክተቱ ተናግሯል።

ስለ ጉዳዩ ቲክቫህ ኢትዮጵያ የአዲስ አበባ ገቢዎች ቢሮ የታክስ ኢንተለጀንስ እና ምርመራ ዳይሬክተር አቶ ተስፋዬ ነጋሽን አነጋግሯል።

ዳይሬክተሩ ምን መለሱ ?

➡️ " ጠዋት ሱቆች ሁሉ ተዘግተዋል " ተብሎ ተወርቶ በአካል ዞሬ አይቻለሁ የተወሰኑ ሱቆች የተለያዩ ቦታዎች ላይ የተዘጉ የሚመስሉ አሉ ነገር ግን መደበኛ ሥራ ቀጥሏል።

➡️ " በዚህ ደረጃ ተዘግቷል ለማለት እይቻልም ተዘጋ የሚባለው ምን ያህል ሱቅ ሲዘጋ ነው ? አንድ ቤት ሁለት ቤት ተዘግቶ ይሆናል ነገር ግን አብዛኛው እየሰራ ነው።

➡️ ህገ ወጥነትን ማስቀጠል የሚፈልግ አካል  አለ። ሆን ብሎ ' የሆነ ነገር ተሰርቷል፣ ሊሰራ ነው ' የሚል ውዥንብር መፍጠር የሚፈልግ አካል እንዳለ ነው የተረዳሁት።

➡️ ቁጥጥር ሊደረግ ነው በተለይ አስመጪ እና አከፋፋይ ላይ ሲባል ቸርቻሪ ላይ ስጋት የሚፈጥሩ አሉ፣ በትላንትናው ዕለትም የሚሸሹ ነጋዴዎች ገጥመውናል ያለፍቃድ ይነግዱ የነበሩ ናቸው ብንጠየቅ መልስ የለንም በሚል ስጋት ነው። ሱቃቸውን ቢዘጉም እነሱ ናቸው የሚሆኑት።

➡️ ተዘግቷል የሚለውንም እርግጠኛ መሆን ይፈልጋል በእርግጥ የተዘጋ ነው ወይስ ነጋዴው በsocial ችግር ሱቃቸውን ዘግተው ስለሌሉ ነው የሚል ጥርጣሬ የሚያጭር ስለሆነ የተዘጉ አይደሉም ወደሚል ድምዳሜ ነው የደረስነው።

➡️ ይርጋ ሃይሌ የገበያ ሞል ላይ ከ15 ቀን በፊት ኮንትሮባንድ ስለነበረ ጎምሩኮች በርብረዋል ደረሰኝ የሌለውን ወርሰዋል ደረሰኝ ያለውን ጥለው ወጥተዋል።

➡️ የገበያ ሞሉ ላይ እቃዎችን መለየት አስቸጋሪ ስለነበር እና ሰዎቹም ተባባሪ ስላልነበሩ ለጊዜው ታሽጎ ነበር። በአሁኑ ሰዓት ሀሉም ተከፍተዋል። የቀረ ካለ በንግድ ቢሮ በኩል ፈቃድ ያልነበረው በመሆኑ በተወሰደ እርምጃ ነው።

➡️ ታሽገው የነበሩ አብዛኛው ሱቆች ተከፍተዋል። እስካሁን ያልተከፈተ ካለ ፈቃድ ስላላወጣ ነው የሚሆነው በተረፈ እቃ የሚወረሰው ኮንትሮባንድ ሲሆን ብቻ ነው።

➡️ ሁሉም ሰው ደረሰኝ ስለማይሰጥ የሚመለከተው ብቻ ነው ደረሰኝ እንዲሰጡ የሚጠበቀው መስጠት የሚጠበቅባቸው ነጋዴዎች ደረሰኝ እየሰጡ ግብይታቸውን ይቀጥሉ።

➡️ " እቃችሁ እየተወረሰ ነው፣ ሊወረስብን ነው" የሚሉ አካላት እቃቸው ምን ስለሆነ ነው የሚወረሰው ? እንደዚህ የሚሉ አካላት ኮንትሮባንድ ስለሆነ ይመስላል።

➡️ ያለደረሰኝ አትግዙ ፣የሚሸጥላችሁን ጠቀሙ እኛ ደግሞ ያለደረሰኝ ግብይት የሚፈጽምን አካል እንቆጣጠራለን ብለናል የምንከታተላቸውም ለዛ ነው።

➡️ እቃ ለመውረስ የህግ መሰረት ያስፈልጋክ። እቃ የሚወረሰው የታክስ እዳ ማካካሻነት ከተያዘ ብቻ ነው።

➡️ ግብይት ላይ ያለ እቃን የታክስ ማካካሻ ብለን የምንወርስበት ምክንያት የለንም። ክፍተት ያለበትን ነጋዴ ለማወናበድ የሚሮጥ ሌላ ጥላ የሚፈልግ አካል የሚያወራው ወሬ ነው።

➡️ " ያለደረሰኝ አትሽጡ " አልን እንጂ እቃ እንወርሳለን ያለ አካል የለም። ይህም ለነጋዴዎች በደብዳቤ እንዲደርሳቸው ተደርጓል።

#TikvahEthiopiaFamilyAA

@tikvahethiopia

TIKVAH-ETHIOPIA

11 Nov 2024 18:06

#MPESASafaricom

💫ከዳር እስከ ዳር አስተማማኙን ኔትወርካችንን እያሰፋን ወደ እናንተ እየቀረብን ነው!🙌👏ከአስተማማኙ ኔትወርካችን ጋር አሁንም በአብሮነት ወደፊት!

አስተማማኙን ኔትወርክ ዛሬውኑ እንቀላቀል!

የቴሌግራም ቦታችንን /channel/official_safaricomet_bot በመጠቀም የአየር ሰዓት ወይንም ልዩ ልዩ ጥቅሎችን እንግዛ!

#SafaricomEthiopia #1Wedefit
#Furtheraheadtogether

TIKVAH-ETHIOPIA

11 Nov 2024 10:58

#ዓለምአቀፍ

የሄይቲው ጠቅላይ ሚኒስትር በ6 ወራቸው ከስልጣናቸው ተባበሩ።

የሄይቲ ጠ/ሚ ጌሪ ኮኒል በ6 ወራቸው ከሥልጣን መባረራቸውን ሀገሪቱን የሚያስተዳድረው ም/ቤት አስታውቋል።

የምክር ቤቱ ዘጠኝ አባላት የፈረሙት ትዕዛዝ እንደሚያሳየው ከሥልጣን በተባረሩት ጠቅላይ ሚኒስትር ምትክ ነጋዴ የሆኑትና የቀድሞ የሄይቲ ሕግ መወሰኛ ምክር ቤት አባል የነበሩት አሊክስ ዲዲዬን ሾሟል።

የቀድሞው የተባበሩት መንግሥታት ባልደረባ የነበሩት ኮኒል ወደ ሥልጣን የመጡት ሀገሪቱን ከታጠቁ ወሮበሎች እንዲታደጉ ነበር።

ሰውዬው በሄይቲ ምርጫ እስኪደረግ ድረስ ሥልጣን ላይ ይቆያሉ ተብሎ ቢጠበቅም በግማሽ ዓመት ከመንበራቸው ተባረዋል።

ሄይቲ ከአውሮፓውያኑ 2016 በኋላ ምርጫ አካሂዳ አታውቅም።

ሄይቲ በአሁኑ ወቅት ፕሬዝደንትም ሆነ ፓርላማ የላትም።

በሀገሪቱ ሕገ-መንግሥት መሠረት ጠቅላይ ሚኒስትሩን ከሥልጣን ማንሳት የሚችለው የሕዝብ እንደራሴዎች ምክር ቤት ብቻ ነው።

ኮኒል ሥልጣን የያዙት ባለፈው ዓመት ግንቦት ወር መጨረሻ ነበር።

እንደ ተመድ መረጃ ፤ በሄይቲ ካለፈው ጥር ጀምሮ በወሮበሎች አመፅ ምክንያት 3600 ሰዎች ሲገደሉ ግማሽ ሚሊዮን የሚሆኑት መኖሪያቸውን ጥለው ተሰደዋል።

በታጠቁ ወሮበሎች እየታመሰች ያለችው ሄይቲ በዓለማችን እጅግ ደሀ ከሚባሉ ሀገራት መካከል አንዷ ስትሆን እንደ ተመድ መረጃ ሁለት ሚሊዮን ዜጎች አስቸኳይ የምግብ እርዳታ ያስፈልጋቸዋል ከሀገሪቱ ሕዝብ ግማሽ ያክሉ በቂ ምግብ የለውም።

መረጃው የቢቢሲ ነው።

@tikvahethiopia

TIKVAH-ETHIOPIA

11 Nov 2024 10:58

ነጻ ትምህርት ☑️

#LG_KOICA_Hope_TVET_College

LG-KOICA Hope የቴክኒክና ሙያ ኮሌጅ በ2017 ዓ.ም የትምህርት ዘመን የቲቪቲ መግቢያ መስፈርቱን ለሚያሟሉ ተማሪዎች በICT እና Electronics የትምህርት መስኮች ተማሪዎችን #በነጻ ማስተማር ይፈልጋል።

ኮሌጁ በዚህ ዙር እስከ 150 ተማሪዎችን ተቀብሎ ለማስተማር የተዘጋጀ ሲሆን የሀገር ዉስጥና የዉጭ ሀገር የሥራ ዕድል አማራጮችም አካቷል።

ከዚህ በተጨማሪ ድጋፍ ለሚያስፈልጋቸውና መስፈርቱን ለሚያማሉ የተመረጡ ተማሪዎች የምግብ፣ የትራንስፖርት እና ሌሎች ወጪዎችን የሚሸፍን ይሆናል።

የማመልከቻ ጊዜና ቦታ : ከጥቅምት 11 - ህዳር 13 2017 ዓ.ም ባሉት ተከታታይ የስራ ቀናት ከጠዋቱ 2፡00 - 11፡00 ሰዓት ሰሚት ኮንዶሚኒየም 3ኛ በር

ለተጨማሪ መረጃ - 011-6-67-75-64 011-6-66-18-29

TIKVAH-ETHIOPIA

10 Nov 2024 14:43

#ትግራይ

" ቡድኑ ለስልጣን ሲል ማንኛውም ዓይነት ጥፋት ከመፈፀም ወደ ኋላ እንደማይል በተደጋጋሚ እየታየ ነው " - የትግራይ ጊዜያዊ አስተዳደር

የትግራይ ጊዚያዊ አስተደደር ዛሬ ህዳር 1/2017 ዓ.ም የፅሁፍ መግለጫ አውጥቷል።

በዚህም " በአንደኛው ገፅ ልዩነቶች ከጊዜ ወደ ጊዜ እየተካረሩ ሄደዋል በሌላኛው ገፅ ደግሞ የጊዚያዊ አስተዳደሩ እቅዶች የማደናቀፍ እና የማዳከም የተቀናጀ ዘመቻ ሲደረግ ቆይቷል አሁንም ቀጥሏል " ሲል ገልጿል።

በተለይም ከነሀሴ 2016 ዓ/ም ጀምሮ በህወሓት ከፍተኛ አመራሮች መካከል የተፈጠረው አለመግባባት እና በግልፅ የታየው ልዪነት መሰረታዊ የህዝብ ጥያቄያዎች በተቀናጀ መልኩ እንዳይፈቱ ከባድ እንቅፋት ፈጥረዋል ብሏል።

የጊዚያዊ አስተዳደሩን እቅዶች በተቀናጀ መልኩ የሚያደናቅፈው ህጋዊ ያልሆነ ጉባኤ ያካሄደው ቡድን ከፍተኛ አመራር ነው ያለው ጊዜያዊ አስተዳደሩ " ደርጊቱ ህዝቡ ተስፋ እንዲቆርጥ ሆነ ተብሎ የሚደረግ ሃላፊነት የጎደለው ተግባር ነው " ሲል አውግዞታል። 

" የቡድኑ ተግባር የጊዚያዊ አስተዳደሩ እቅዶች ከማደናቀፍ በዘለለ ይፋዊ ወደ ሆነ የመንግስት ግልበጣ እና ስርዓት አልበኝነት ማስስፋፋት ከፍ ብሏል " ሲል ከሷል።

ከቅርብ ጊዚያት ወዲህ በመቐለ ከተማ  ፣ በሰሜናዊ እና ማእከላዊ ዞኖች የታዩት የመንግስት ግልበጣና ስርዓት አልበኝነት ምልክቶች የቡድኑ ህግ አልበኝነት ማሳያ ናቸው ሲል አስረድቷል።

" ቡድኑ በአሁኑ ሰዓት ደግሞ የመንግስት የአመራር እርከን ከላይ እስከ ታች ለመቆጣጠር ጨርሰናል " የሚል የማደናገሪያ እቅድ ይዞ እየተንቀሳቀሰ እንደሆነ ጊዜያዊ አስተዳደሩ ገልጿል።

" የቡድኑ ማደናገሪያ በአጉል ተስፋ ራስን ከማታለል የዘለለ ቅንጣት ሀቅ እንደሌለው መታወቅ አለበት " ያለው አስተዳደሩ " ቡድኑ ለስልጣን ሲል ማንኛውም ዓይነት ጥፋት ከመፈፀም ወደ ኋላ እንደማይል በተደጋጋሚ እየታየ መጥቷል " ሲል ገልጿል።

" ' ከሰራዊት አመራሮች ተግባብተናል ' በሚል እየነዛው ያለው ማደናገሪያ ለጠባብ የስልጣን ፍላጎቱ ማሟያ ነው " ብሏል።

" በትግራይ ህልውና የቆመው ሃይል ከመጠቀም እንደማይመለስም ማሳያ ነው " ሲል አክሏል።

" ቡድን " ሲል የገለፀው አካል በሃይማኖት አባቶች የተጀመረው ነገሮች በውይይት የመፍታት ሂደት እንደማይቀበል በአደባባይ ገልፀዋልም ሲል ጊዜያዊ አስተዳደሩ ገልጿል።

የጊዚያዊ አስተዳደሩ ከፍተኛ አመራሮቼ አሁንም ነገሮች በሰከነ አኳሃን በሰላም እና በውይይት ለመፍታት ዝግጁ ናቸው ብሏል።

የጊዜያዊ አስተዳደሩ አመራሮች የጀመሩት የሰላምና የውይይት ጥረት እንዲሳካ ሁሉም ከጎኑ እንዲሰለፍ ጥሪ አቅርቧል።

በቅርቡ የትግራይ ሃይማኖት አባቶች የህወሓት አመራሮች በመካከላቸው ያለውን ልዩነት በንግግር እንዲፈቱ ለማድረግ ዶ/ር ደብረጽዮን ገ/ሚካኤል እና አቶ ጌታቸው ረዳ እና አመራሮቻቸውን በአካል አገናኝተው ነበር።

ከዚህ መድረክ በኃላ በወጡ የተለያዩ ፎቶዎች በርካቶች " ችግሩ በንግግር ሊፈታ ነው " በሚል ብዙ ተስፋ አድርገው ነበር።

በደብረፅዮን ገ/ሚካኤል (ዶ/ር) የሚመራው ህወሓት ትናንት በትግራይ የኦርቶዶክስ ተዋሕዶ ሃይማኖት አባቶች አማካኝነት ሁለቱ የህወሓት ቡድኖች ያደረጉት የፊት ለፊት ግንኙነት ከብፁአን የሃይማኖት አባቶች ተግሳፅና ምክር የዘለለ ውጤት እንደሌለው ተናገረ።

የደብረፅዮን ገ/ሚካኤል (ዶ/ር) ህወሓት ዛሬ ምሽት አጭር መግለጫ አውጥቷል።

አንዳንድ ሚዲያዎች ደግሞ " ለእርቅና ሽምግልና ተስማምተዋል " የሚል መረጃ እስከማሰራጨትም ደርሰው ነበር።

በኃላ በዶ/ር ደብረጽዮን ገ/ሚካኤል የሚመራው ህወሓት ፥ " በብፁአን አበው የተዘጋጀው ፊት ለፊት የማገናኘት መርሃ ግብር ልዩነቶች በህግ ፣ ተቋማዊ ስርዓት ማእከል በማድረግ ህዝብን ከአደጋ መታደግ በሚችል የሰለጠነ ሰላማዊ መንገድ ችግሮቻችን እንድንፈታ ያለመ የምክርና የተግሳፅ መድረክ ነበር " ሲል አሳውዋል።

" ብፁአን አበው ላቀረቡልን ምክርና ተግሳፅ ያለንን ክብርና ድጋፍ ገልፀናል ፤ ከዚህ በዘለለ የተለያዩ አካላትና ሚዲያዎች ' ለእርቅ እና ሽምግልና ተስማምተዋል ' በማለት የሚያሰራጩት መረጃ ከእውነት የራቀ ነው " ሲል ነበር የገለጸው።

በቲክቫህ ኢትዮጵያ የመቐለ ቤተሰብ አባል ተዘጋጅቶ የተላከ።

#TikvahEthiopiaFamilyAA #Tigray #Mekelle

@tikvahethiopia

TIKVAH-ETHIOPIA

10 Nov 2024 14:42

#PremierLeagueallonDStv

🔥ከባድ ትንቅንቅ የማያጣው የለንደን ደርቢ

ቼልሲ ከ አርሰናል ጋር! ቼልሲ በሜዳው የለንደኑን ጎረቤት አርሰናልን ዛሬ ከምሽቱ 1፡30 ይገናኛሉ!

ጥሩ አቋም ላይ ያልው ቼልሲ በጉዳት ምክንያት ውጤት ያጣውን አርሰናልን ነጥብ ማስጣል ይችላል?

🏆 ማን ይሆን 3 ነጥብ ማሸነፍ የሚችለው!

ደንብና ሁኔታዎች ተፈፀሚነት አላቸው! ለበለጠ መረጃ
👇
www.dstv.com/en-et

ዲኤስቲቪ ያስገቡ ፣ ደንበኝነትዎን ያራዝሙ!
👇
https://bit.ly/3RFtEvh

#ሁሉምያለውእኛጋርነው #DStvEthiopia

TIKVAH-ETHIOPIA

09 Nov 2024 15:46

#AddisAbaba

" አሁንም አንዳንድ የቤት ባለቤቶች ወደ ቤታቸው ለመግባት ምንም እንቅስቃሴ እያደረጉ አይደለም ፤ ይህ የመጨረሻ ማስጠንቀቂያ ነው " - ኮርፖሬሽኑ

የአዲስ አበባ ቤቶች ልማት ኮርፖሬሽን በተለያዩ ጊዜያት በእጣ እና በጨረታ ተላልፈው ነዋሪ ያልገባባቸው የጋራ መኖሪያ ቤቶች አስመልክቶ እስከ ጥቅምት 30/2017 ዓ.ም ድረስ የቤት ባለቤቶቹ ወደ ቤታቸው የማይገቡ ከሆነ በህግ አግባብ ውል የሚቋረጥ መሆኑን ማስጠንቀቁ ይታወሳል፡፡

በዚህም በርካታ የቤት ባለቤቶች ወደ ቤታቸው የገቡ ወይም ለመግባት ዕድሳት ላይ ስለመሆናቸው አደረኩት ባለው የአካል ምልከታ የተገነዘበ መሆኑን ገልጿል።

አሁንም ግን አንዳንድ የቤት ባለቤቶች ወደ ቤታቸው ለመግባት ምንም እንቅስቃሴ ያላደረጉ ፤ ነዋሪ ያልገባባቸው ቤቶች እንዳሉ መለየቱን አመክክቷል።

በኮርፖሬሽኑ የቀረበውን ጥሪ ተቀብለው ቤታቸውን አድሰው ለመግባት የጊዜ እጥረት ላጋጠማቸው አንዳንድ የቤት ባለቤቶች የተሰጠውን የጊዜ ገደብ አራዝሟል።

እስካሁን ድረስ ወደቤታቸው ለመግባት ምንም ይነት እንቅስቃሴ ያላደረጉ እንዲሁም ቤት ለማደስ የጊዜ እጥረት ያጋጠማቸው የቤት ባለቤቶች እስከ ህዳር 30 2017 ዓ.ም ወደ ቤታቸውን እንዲገቡ ለመጨራሻ ጊዜ አስጠንቅቋል።

በተሰጠው የጊዜ ገደብ ውስጥ የማይገቡ ነዋሪዎች የሽያጭ ውላቸው የሚቋረጥ እና በቤታቸው ውስጥ ለሚፈጸም ማንኛውም ህገወጥ ድርጊት ተጠያቂ የሚሆኑ መሆኑን ኮርፖሬሽኑ አሳስቧል።

ከዘህ ቀደም ኮርፖሬሽኑ ለቲክቫህ ኢትዮጵያ ሰጥቶት በነበረው ማብራሪያ ፥ ማስታወቂያው የወጣበት ዋናው ምክንያት ሰዎች ‘ ተቸገርን፣ ክፍት በሆኑ ቤቶች ወንጀል እየተሰራ ነው፣ እየተዘረፍን ነው፣ ሴቶች እየተደፈሩብን ነው፣ የጸጥታ ስጋትም እየሆኑብን ’ ብለው ቅሬታ ስላቀረቡ እንደሆነ መግለጹ ይታወሳል።

ቤቶቹ ቼክ ሲደረጉ ደግሞ እጣ ወጥቶባቸዋል፤ ውል ተፈጽሞባቸዋል፣ ግን ሰው አልገባባቸውም፡፡

" ስለዚህ ነዋሪው ተቸግሯል፡፡ የጸጥታ ኃይሉም ጥያቄ እያነሳ ነው " ብሎም ነበር።

" የቤት ባለቤቶች ቤታችሁን አድሳችሁ ግቡ " የተባለውም የግድ እራሳቸውን እንዳይሰለ አስረድቶ ነበር።

" ቢፈልጉ አድሶ ማከራየት መብት ነው፡፡ የራሳቸው ቤት እስከሆነ ድረስ፡፡ ግን ዞሮ ዞሮ ሰው በቤቱ ይኑርበት ነው የኛ ጥያቄ፡፡ አካራይ አታከራይ የኛ መልዕክት ሊሆን አይገባም፡፡ ግን ቤቱን ኦውን ያድረጉ " ነው የሚል ማብራሪያ ነበር ኮርፖሬሽኑ ለቲክቫህ ኢትዮጵያ የሰጠው።

#TikvahEthiopiaFamilyAA

@tikvahethiopia

TIKVAH-ETHIOPIA

09 Nov 2024 15:37

#Amhara

🔴 “ ስለፓለቲካ ምንም የማያውቁ፣ ሮጠው የማያመልጡና ሰርተው የማይበሉ አረጋዊያን ላይ መድፍ መወርወር ሊወገዝ ይገባል ” - ነዋሪዎች

🔵 “ ፈቃደኝነት እንዲኖራቸው የሚፈለጉ ኃይሎች ቢያንስ ድርድር እንደሚፈልጉ በመግለጫ የተደገፈ ሀሳብ ቢሰጡ ህዝቡ ከስቃይ እፎይ ይል ነበር ” - ካውንስሉ

ከአንድ ዓመት በላይ ባስቆጠረውና ልጓም ባጣው በአማራ ክልል በመንግሥት የጸጥታ ኃይሎች እና በፋኖ መካከል በሚደረገው የተኩስ ልውውጥ ሳቢያ የንጹሐ ስቃይ ተባብሶ መቀጠሉን አሁንም የገፈቱ ቀማሾችና የዓይን እማኞች ገልጸውልናል።

ንጻሃን ዜጎች እየተጎዱ ያሉት በምድር በሚደረግ የተኩስ ልውውጥ ከዚህም አለፍ ሲል በአየር ላይ በሚካሄድ ጥቃትም ጭምር ነው።

ሰሞኑን በክልሉ በከባድ መሳሪያ ጨምር የታገዘ የተኩስ ልውውጥ ከተካሄደባቸው አካባቢዎች መካከል አንዱ በሆነው አዊ ዞን በንጹሐን ላይ ከባድ የአካል ጉዳት፣ የንብረት ውድመት መድረሱ ታውቋል፡፡

በዞኑ ጓጉሳ ሽኩዳድ ወረዳ ቲሊሊ ከተማ ዙሪያ በ ‘ፋኖ’ እና መከላከያ መካከል የሚደረገው የተኩስ ልውውጥ በንጹሐን ላይ የከፋ ጉዳት እየደረሰ በመሆኑ ዓለም አቀፍ ተቋማት ለጉዳዩ ትኩረት እንዲሰጡ የተጎጂ ቤተሰቦችና ነዋሪዎች በቲክቫህ ኢትዮጵያ በኩል ተማጽነዋል።

ከቀናት በፊት ከእንጅባራ አቅጣጫ ተተኩሶ ቲሊሊ ከተማ ወጣ ብሎ ከአንድ የገጠር ቤት ላይ ያረፈ መድፍ በቤተሰብ አባላት ላይ ከባድ የአካል ጉዳት፣ በንብረት ላይም የከፋ ውድመት ማድረሱን ነዋሪዎቹ ተናግረዋል።

“ ሰሞኑን ወደ ቲሊሊ መድፍ ተወርውሮ በንጹሐን ቤት ላይ አርፏል። አንዲት ሴት እግሯ ተቆርጧል። ህጻን ልጅም ተጎድታለች። ስድስት ከብቶች ተገድለዋል። ቤቱ ሙሉ ለሙሉ ወድሟል ” ሲሉ አንድ የዓይን እማኝ ገልጸዋል።

ሌላኛው የተጎጂ ቤተሰብ፣ “ ከቲሊሊ ከተማ ወጣ ብሎ ነው የተወረወረው መድፍ ጉዳት ያደረሰው ” ሲሉ ተናግረዋል።

“ በወቅቱ በመከላከያና በፋኖ መካከል የተኩስ ልውውጥ ተደርጎ ነበር። መድፉ የተተኮሰው ግን ከእንጅባራ አቅጣጫ ነው። እሳቱ አልበርድ ብሎ የሰፈር ሰው በልቅሶ፣ በከፍተኛ ሀዘን ውስጥ ነው ያለው ” ብለዋል።

“ የሞተ የለም። ከሁለቱ ሰዎች ውጪ ሌላ የተጎዳም የለም። ከብቶች ግን ሁሉም አልቀዋል ” ነው ያሉት።

ስለፓለቲካ ምንም የማያውቁ፣ ሮጠው የማያመልጡና ሰርተው የማይበሉ አረጋዊያን ላይ መድፍ መወርወር ሊወገዝ ይገባል ሲሉም ነዋሪዎች ተናግረዋል።

ድርጊቱ የተፈጸመው ማክሰኞ ጥቅምት 26 ቀን 2017 ዓ/ም ከቀኑ 7: 30 ገደማ መሆኑን አስረድተዋል።

በአካባቢው ባለው ሁኔታ የመንግስት የጸጥታ ኃይሎች ንጹሐንን ይደበድባሉ ሲሉም ቅሬታቸውን አቅርበዋል።

" ያለው ድባብም የሚመች አይደለም " ሲሉም ገልጸዋል።

በምዕራብና ሰሜን ጎጃም፣ በጎንደር፣ በሰሜን ወሎ የተለያዩ አከባቢዎች ሰሞኑን ተፈጸመ በተባለ በድሮንና ከባድ መሳሪያ ጭምር የታገዘ የተኩስ ልውውጥ ቁጥራቸው ገና በውል የማይታወቅ ንጹሐን ሰዎች ግድያና የአካል ጉዳት እንደደረሰባቸው ነዋሪዎች በሀዘን ስሜት አስረድተዋል።

የመንግስት የጸጥታ ኃይሎች ‘ የፋኖ ኃይሎችን ትደግፋላችሁ ’ በማለት ንጹሃን ላይ ከሚያደርሱት ግድያና ድብደባ በተጨማሪ ፥ ታጣቂዎችም ‘ መንግስትን ትደፋላችሁ ’ በሚል በንጹሐን ላይ ግድያ መፈጸማቸው ከተጎጂ ቤተሰቦች የደረሱን መረጃዎች ያመለክታሉ።

ቲክቫህ ኢትዮጵያ በክልሉ ባለው የጸጥታ ችግር የንጹሐን ግድያ ፣ የአካል ጉዳት ፣ እገታ ፣ የትምህርትና የግብርና ሥራ መስተጓጎል እንዳስከተለ ይታወቃል ፤ እየደረሰ ያለው ዘርፈ ብዙ ጉዳትም ሊቀለበስ አልቻለም። ሁለቱንም ተዋጊ ኃይሎች ለድርድር እንዲቀራረቡ ከማድረግ አንፃር ተስፋ ይኖር ይሆን ? ሲል የአማራ ክልል የሰላም ካውንስልን ጠይቋል።

ካውንስሉ ምን ምላሽ ሰጠ ?

" በሁለቱም ወገኖች በኩል ድርድርና ምክክር መደረግ አለበት ብለን ነው የተነሳበውና ይሄንኑ ወደ ተግባር ለማሸጋገር በመንግስት በኩል ፈቃደኝነት እንዳለ ገልጸናል፡፡

ፈቃደኝነት እንዲኖራቸው የሚፈለጉ ኃይሎች ቢያንስ ድርድር እንደሚፈልጉ በመግለጫ የተደገፈ ሀሳብ ቢሰጡ ህዝቡ ከስቃይ እፎይ ይል ነበር፡፡

' የገበያ ግርግር ለሌባ ያመቻል ' እንዲሉ በተፈጠረው ጦርነት ምክንያት ሌሎች አክተሮችም ስላሉ ግድያው፣ ሌብነቱ፣ እገታው ከዚሁ የመነጨ ነው፡፡ 

የእርስ በእርስ ጦርነት ከባድ ችግር ነው የሚያስከትከለው፡፡ ወደፊትም እንዲህ አይነቱ ነገር እጅግ በጣም ዘግናኝ የሆነ መጥፎ ነገር ሁሉ ያመጣል።

ይሄ እንዳይመጣ ወደ ድርድር እንዲመጡ ነው ለሁሉም አካላት ጥሪ ያደረግነው፡፡ የሆነው ሆነና እንደ ጠቅላላ ጉባዔ የምንለው ነገር አለና ያኔ ለሁሉም ጥያቄዎች ዝርዝር ማብራሪያ እንሰጣለን፡፡

ይህንኑ ጉዳይ በሚመለከት ሰሞኑን ስብሰብ እንደርጋለን፡፡ የሰላም ካውንስሉ የራሱን ጠቅላላ ጉባዔ ጠርቷል፡፡ ከእሁድ በኋላ ጠቅላላ መግለጫ የምንሰጥ ነው የሚሆነው በዚያን ጊዜ ጠቅላላ ህዝቡ እንዲያውቀው የምናደርገው ጉዳይ አለ " ብሏል።

(የካውንስሉን የጉባዔ ውጤትና ለሚቀርቡት እሮሮዎች የተሻለ የሚለውን ጉዳይ በተመለከተ በቀጣይ መረጃ የምናደርሳችሁ ይሆናል)

#TikvahEthiopiaFamilyAA

@tikvahethiopia