1519086
ይህ የቲክቫህ (ተስፋ) ኢትዮጵያ ቤተሰብ አባላት መሰባሰቢያ እንዲሁም የመረጃ እና የመልዕክት መለዋወጫ መድረክ ነው። @tikvahuniversity @tikvahethAfaanOromoo @tikvahethmagazine @tikvahethsport @tikvahethiopiatigrigna #ኢትዮጵያ
#Update
🔴“ 14 ተማሪዎች ታስረዋል ” - ድርጅቱ
🔵 “ ስማቸውን ካረጋገጡልኝ እኔ ነኝ የማስፈታቸው። ግን ስምና ዲፓርትመንት አምጡ ስንል ‘አናመጣም’ ነው የሚሉት ” - ኀብረቱ
🟢 “ የታሰሩት መፈታታቸውን እንጂ ያልተፈቱ እንዳሉ መረጃው የለኝም ” - መቐለ ዩኒቨርሲቲ
ከአዲሱ የዩኒቨርሲቲዎች የምግብ ሜኑ ትግበራ ጋር ተያይዞ ተማሪዎች ቅሬታ እያነሱ መሆናቸው የሚታወቅ ሲሆን፣ የመቐለ ዩኒቨርሲቲ ተማሪዎችም ከቀናት በፊት ከተግበራው ጋር በያያዘ ቅሬታ አድሮባቸው ግርግር ተፈጥሮ ነበር።
በግርግሩ ተማሪዎች ላይ ድብደባና እስር ፣ በንብረት ላይ ደግሞ ውድመት መድረሱን ፣ በኋላም 27 ተማሪዎች ከእስር እንደተፈቱ የኢትዮጵያ ተማሪዎች ኅብረት ትላንት ለቲክቫህ ኢትዮጵያ መግለጹ ይታወሳል።
ዛሬስ ምን እየተባለ ነው ?
' ቅድሚያ ለሰብዓዊ መብት ኢትዮጵያ ' የተሰኘው ሀገር በቀል የሲቪል ማኀበረሰብ ድርጅት “ 14 ተማሪዎች ታመታሰራዋል ” የሚል ሪፓርት አውጥቷል።
ተማሪዎቹ ከተማሪ ተወካዮቻቸው ጋር ሲገናኙበት በነበረው የቴሌግራም ገጽ አማካኝነት ከሜኑ ጋር በተያያዘ ተቃውሞ አሰምተው ከቴሌግራም ገጹ እንደታገዱ፣ በዚህም ልላ ከፈቱ የተባሉ ሁለት ተማሪዎች ታኀሳስ 15 ቀን 2017 ዓ/ም በክልሉ የጸጥታ ኃይሎች እንደታሰሩ ሪፓርቱ ያወሳል።
ይህን ተከትሎ በተነሳው ተቃው ደግሞ 14 ተማሪዎች መታሰራቸውን የድርጅቱ ሪፓርት ያመለከተ ሲሆን፣ ቲክቫህ ኢትዮጵያም ስለጉዳዩ መቐለ ዩኒቨርሲቲን ጠይቋል።
ዩኒቨርሲቲው ምን መለሰ ?
አሁንም ያልተፈቱ ተማሪዎች አሉ እንዴ ? ስንል የጠየቅናቸው አንድ የዩኒቨርቲው አካል፣ “ የታሰሩት መፈታታቸውን እንጂ ያልተፈቱ እንዳሉ መረጃው የለኝም ” ብለዋል።
እኝሁ የዩኒቨርሲቲው አካል፣ “ ምናልባት ቼክ እናድርገው ” በማለት ሁኔታውን አጣርተው ምላሽ እንደሚሰጡ ለቲክቫህ ኢትዮጵያ ቃል ገብተዋል።
ከዩኒቨርሲቲው በተጨማሪ ቲክቫህ ኢትዮጵያ፣ ከተማሪ ተወካዮቻቸው ጋር በሚገናኙት የቴሌግራም ገጹ አማካኝነት ስለምግብ ሜኑው ተቃውሞ ያነሱ ተማሪዎች ታስረዋል ? ሲል ለኢትዮጵያ ተማሪዎች ኀብረት ጥያቄ አቀርቧል።
ኀብረቱ ለቲክቫህ ኢትዮጵያ በሰጠው ቃል ምን አለ ?
“ ‘አንድ ዳቦ፣ ሁለት ዳቦ፣ አሸዋ አለው’ በሚለው ጉዳይ ቅሬታ ተነስቶ ነበር። 120 ግራም ነበር አንድ ዳቦ የሚጋገረው አሁን 60፣ 60 ተደርጎ ወደ ሁለት ሆኗል። ግራሙ ላይ የተጨመረ፣ የቀነሰ ነገር የለም።
ሌላው ደግሞ ትላንት 5 ሰዓት ተኩል አካባቢ እኔ ራሴ አስወጥታቸው ታስረው የነበሩ 27 ተማሪዎችን ሌሊት ላይ ግን ‘ሲቀጠቀጡ ከነበሩ የመለቐ ዩኒቨርሲቲ ተማሪዎች መካከል አንዱ ሞቷል’ ብለው ፓስት አደረጉ።
ሌሊት ሄደን አይደር ግቢ አረጋጋግጥን ምንም እንደሌለ ሪፓርት አደረግን። ከዛ ደግሞ 8 ሰዓት ፓስት ተደረገ። ግን በእነዚህ ሦስትና አራት ቀናት በአይደር ግቢ ውስጥ የሞተ ተማሪ የለም።
ይሄ አሉባልታ ወሬ መሆኑ መታወቅ አለበት። እሱን ሀንድል ካደረግን በኋላ ደግሞ ተመልሰው ‘የታፈኑ ተማሪዎች’ አሉ ወደሚል መጡ። የታሰሩ እንኳ አላሉም። የታሰሩ ቢሉማ ወደ ህግ ነው። ‘ታፍነዋል’ ነው እየተባለ ያለው።
ይህም አይደለም። እርግጠኛ ከሆኑ የታፈኑ ተማሪዎችን እነማን ናቸው ? የት ዲፓርትመንት ናቸው ? መቼ ተወሰዱ ? ማንስ ወሰዳቸው። የሚለውን ማጣራት ግድ ነው።
ታስረው የነበሩ ተማሪዎችን ስማቸውንና ዲፓርትመንታቸውን ስላወቅን ነው ያስፈታናቸው። አሁን ግን ' ይባላል ' ነው እየተባለ ያለው። በይባላል ስለተባለ ይሆናል ማለት አይደለም። እስር ቤት ተኪዶ ቼክ የሚደረግ ነው።
የታፈኑትን ተማሪዎች ስም ዝርዝር ስጡን ስንልም ‘አንሰጥም’ በማለት ዝም ብለው ‘ታፍነዋል’ ይላሉ። ስም ለማስጠቆር የሚሄዱት ዘዴ ነው ሌላ ምንም የተደረገ ነገር የለም።
‘ተማሪዎች ተደብድበዋል፣ ንብረት ወድሟል፣ ተማሪዎች ተፈትተዋል። ትምህርታቸውን እየተከታተሉ ነው ” ብሏል ኅብረቱ።
ቲክቫህ ኢትዮጵያም፣ ቅድሚያ ለሰብዓዊ መብት ኢትዮጵያ የተሰኘው ድርጅት ያወጣውን ሪፓርት አይታችሁት ነበር ? ሲል ለኅብረቱ ተጨማሪ ጥያቄ አቅርቧል።
ኅብረቱ በምላሹ፣ “ አይቸዋለሁ። ይሄ ዝም ብሎ የለቃቀመው ነው እንጂ ትክክል አይደለም ” ብሎ፣ “ መሬት ላይ የሌለ ነገር ሆነ የሚባል ከሆነ ለቀጣይ ትውልድ ምንድን ነው የምናስተላልፈው? ” ሲል ጠይቋል።
አክሎ፣ “ እነዚህ 14 ተማሪዎች ማን ማን ይባላሉ ? ምን ድፓርትመንት ናቸው ? የስንተኛ ዓመት ናቸው ? የሚመውን ይናጋገሩ ” ሲል ገልጿል።
“ ኣዲ ሓቂ ከተማ ፓሊስ ጣቢያ ታስረዋል ” ነው የተባለውና ቼክ አድርጋችሁ ነበር ? ስንል ላቀረብነው ጥያቄ፣ “ ኣዲ ሓቂ ታስረው የነበሩን አስፈትተናቸዋል ” የሚል ምላሽ ሰጥቷል።
“ ስማቸውን ካረጋገጡልኝ (አሁን ታስረው ያሉ) እኔ ነኝ የማስፈታቸው። ግን ስምና ዲፓርትመንት አምጡ ስንል ‘አናመጣም’ ነው የሚሉት ” ሲል ለቲክቫህ ኢትዮጵያ ገልጿል።
ከቴሌግራም ገጹ ተነስተዋል መባሉን በተመለከተ ማብራሪያ እንደሰጥ ስንጠይቀውም፣ ከስድስቱ ግቢዎት የተማሪዎች መገናኛ የቴሌግራም ገጽ ተነስተው ከሆነ እንዳላወቀ፣ ከዋናው ከተማሪዎች ኀብረት ግን የተቀነሰ ተማሪ እንደሌለ ገልጿል። (ጉዳዩን የምንከታተለው ይሆናል)
#TikvahEthiopiaFamilyAA
@tikvahethiopia
" አብዛኛዎቹ ከአፍሪካ ናቸው !! "
በመጠናቀቅ ላይ ባለው የፈረንጆች 2024 ባሕር አቋርጠው ወደ ስፔን ለመግባት የሞከሩ ቢያንስ 10 ሺሕ 457 ስደተኞች መሞታቸውን ' ካሚናንዶ ፍሮንቴራስ ' የተባለ መንግሥታዊ ያልሆነ ተቋም አስታውቋል።
ካለፈው ዓመት ጋራ ሲነጻጸር በ58 በመቶ ጭማሪ እንዳሳየም ድርጅቱ ጠቁሟል።
በአሐዙ መሠረት በቀን 30 ፍልሰተኞች ወደ ስፔን ለመሻገር ሲሞክሩ ሕይወታቸውን ያጣሉ። ይህም ከ2023 ጋራ ሲነጻጸር በ18 ጨምሯል።
ከሟቾቹ ውስጥ 1 ሺሕ 538 ሕጻናትና 421 ሴቶች እንደሚገኙበት ተገልጿል።
ድርጅቱ መረጃ መሰብሰብ ከጀመረበት ከእ.አ.አ. አቆጣጠር 2007 ወዲህ ከፍተኛው የሟቾች ቁጥር የተመዘገበበት ዓመት መሆኑም ተነግሯል።
በወጉ ያልተሠሩ ጀልባዎች፣ አደገኛ የባሕር ላይ ሁኔታዎች እንዲሁም የነፍስ አድን አገልግሎት ሰጪዎች በቂ አቅም ስለሌላቸው ችግሩ ሊባባስ መቻሉንም ድርጅቱ ጠቁሟል።
ተጎጂዎቹ ከ28 ሀገራት ሲሆኑ በዋነኝነት ግን ከአፍሪካ ናቸው።
በዓመቱ 60 ሺሕ 216 ፍልሰተኞች ስፔን መግባታቸው መታወቁን ቪኦኤ ዘግቧል።
@tikvahethiopia
#EHRC #EHRDC
የኢትዮጵያ ሰብአዊ መብቶች ጉባኤ (ኢሰመጉ) እና የኢትዮጵያ የሰብአዊ መብቶች ተሟጋች ማዕከል በኢፌድሪ የሲቪል ማኅበረሰብ ድርጅቶች ባለሥልጣን ታግደዋል።
ስለ እግዱ ኢሰመጉ ምን አለ ?
ላለፉት 33 አመታት በሀገሪቱ የሰብአዊ መብቶች እንዲከበሩ፥ ዲሞክራሲ እንዲስፍን እና የህግ የበላይነት እንዲከበር ከፍተኛ ተግባራትን ሲያከናውን የቆየ አንጋፋ ድርጅት እንደሆነ ገልጿል።
የሲቪል ማህበረሰብ ድርጅቶች ባለሠልጣን ታህሳስ 14 ቀን 2017 ዓ.ም የተጻፈ ደብዳቤ በቀን ታህሳስ 16 ቀን 2017 ዓ/ም ድርጅቱ በደረሰው መሰረት እገዳ እንደተጣለበት አመልክቷል።
ምክንያት የተባለው ምንድነው ?
ለኢሰመጉ መታገድ ምክንያት የተባለው ፤
° ከተቋቋመለት አላማ ውጪ እየተንቀሳቀሰ መሆኑ፤
° ገለልተኛ እንዳልሆነ፤
° በ2023 የበጀት አመት የአስተዳደር ወጭ ገደብ ጠብቆ ባለመስራቱና ኃላፊነት በጎደለው መልኩ እየተንቀሳቀሰ ነው በሚል ነው ድርጅቱን ከማንኛውም የስራ እንቅስቃሴ የታገደው።
ሆኖም ዕግዱን ተከትሎ ኢሰመጉ በጉዳዩ ላይ ለማንኛውም መገናኛ ብዙሃን የሰጠው መግለጫ የለም።
ኢሰመጉ ፤ ሁሌም ቢሆን ሕግና ስርዓትን ጠብቆ የሚንቀሳቀስ ነፃና ገለልተኛ የሰብዓዊ መብት ድርጅት መሆኑን ገልጾ በአሁኑ ሰዓት ዕግዱ በሚነሳበት ሁኔታ ላይ ከባለስልጣን መስሪያ ቤቱ ጋር በመነጋገር ላይ እንደሚገኝ ገልጿል።
በዚህም ምንም አይነት መግለጫ የማውጣት ሃሳብ አልነበረውም።
ሆኖም ግን በማህበራዊ ድረገጽ ኢሰመጉ የፖለቲካ እንቅስቃሴ በማድረጉ እና በመሳሰሉት ምክንያቶች እንደታገደ የሚገልጹ ጽሁፎች እየተንሽራሽሩ በመሆናቸው መግለጫ ለማውጣት መገደዱን አመልክቷል።
ድርጅቱ በማሀበራዊ ሚዲያዎች ላይ እየተንሽራሸሩ የሚገኙት ሃሳቦች በባለስልጣኑ ስለዕግዱ ከተሰጡት ምክንያቶች ጋር ፈጽሞ የማይገናኙ የኢሰመጉን ዓላማና ተግበር የማይወክሉ እና መልካም ስራውን ለማጥፋት የሚደረጉ ሙከራዎች ናቸው ብሏቸዋል።
የኢትዮጵያ ሰብአዊ መብቶች ተሟጋቾች ማዕከል ምን አለ ?
ባለፉት አራት አመታት ድርጅቱ በርካታ ሥራዎችን ሲያከናውን የቆየ መሆኑን በዋነኝነት ለበርካታ የሰብአዊ መብቶች ተሟጋቾች የተለያዩ ሥልጠናዎችን በመስጠት እና የውትወታ (advocacy) ስራዎችን ሲያከናውን እንደቆየ ገልጿል።
ድርጅቱ የተቋቋመለትን አላማ ሊያሳካ በሚያስችል መልኩ የአገሪቱን ህጎች ባከበረና አለም አቀፍ መስፈርቶችን ባሟላ መልኩ እንደ አንድ የሰብአዊ መብት ድርጅት ሲንቀሳቀስ የቆየ መሆኑን ጠቁሟል።
ይሁንና የሲቪል ማህበረሰብ ድርጅቶች ባለስልጣን መስሪያ ቤት በፃፈው ደብዳቤ ድርጅቱ ከማንኛውም እንቅስቃሴዎች እገዳ የተጣለበት መሆኑን ገልጿል።
ምክንያት ?
" ባለስልጣኑ በድርጅቱ ላይ ባደረገው የክትትልና ግምገማ ስራዎች ድርጅቱ ከተቋቋመበት አላማ ውጭ መንቀሳቀሱ፣ ገለልተኛ አለመሆኑ፣ ግልፅ የሆነ የአደረጃጀት መዋቅር የሌለው መሆኑ እና ሃላፊነት በጎደለው መልኩ የተንቀሳቀሰ መሆኑ በተደረገ ክትትልና ግምገማ ለማረጋገጥ መቻሉ ነው " ተብሏል።
ድርጅቱ ግን ከተመስረተበት ጊዜ አንስቶ ከተቋቋመበት አላማ ውጪ በየትኛውም ያልተገባ ወይም ከህግ የሚጻረር እንቅስቃሴ ላይ በቀጥታም ይሁን በተዘዋዋሪ ተሳትፎ የማያውቅ መሆኑን ገልጿል።
ድርጅቱ በማያውቀው መልኩና ሃሳቡም በህግ አግባብ ባልተጠየቀበት ባለሥልጣን መሥሪያ ቤቱ ክትትልና ግምገማ ያካሄደ መሆኑን ገልጾ የተጣለው እገዳ አግባብነት እንደሌለው እና ህግን የተከተለ እንዳልሆነ በመግለፅ በእግዱ ላይ በቂ ማብራሪያ እንዲሰጠው የሚጠይቅ ደብዳቤ ዛሬ ለባለሥልጣን መስሪያ ቤቱ ያስገባ መሆኑን አሳውቋል።
ዝርዝር ማብራሪያ የመጠየቂያ ደብዳቤ አይቶ ውሳኔ እስኪሰጠን ድረስ ድርጅታችን ከየትኛውም ሥራዎቹ ታግዶና ጽ/ቤቱም ተዘግቶ የሚቆይ መሆኑን የአገልግሎቶቻችን ተጠቃሚ ለሆኑ የሰብአዊ መብቶች ተሟጋቾች፣ ለአጋር ድርጅቶች እና ጉዳዩ ለሚመለከታቸው ባለድርሻ አካላት ሁሉ እናሳውቃለን፡፡
እገዳ የተጣለበት ድርጅቱ ፅ/ቤቱ ተዘግቶ እንደሚቆይ አመልክቷል።
@tikvahethiopia
#Update
🔴 “ በቡድንም ሆነው ቅሬታ እያቀረቡ ያሉ አሉ። ‘ፌደራል ጋር ስንሄድ እኔ ይህንን ጉዳይ አላወረድኩም ነው’ የሚለን ” - ተሽከርካሪ አስመጪዎች
🔵 “ ክልሎችን እንዲህ አድርጉ፣ እንዲህ አታድርጉ ብሎ ቀጥታ ሚኒስቴር መስሪያ ቤቱ እነርሱን የማዘዝ ስልጣን የለውም ” - ገቢዎች ሚኒስቴር
በአዲስ አበባ ከተማ የሚገኙ ተሽከርከሪ አስመጪዎች፣ የአዲስ አበባ ከተማ ገቢዎች ቢሮ ባወረደው የደብዳቤ መመሪያ ከአቅም በላይ ግብር እየጠየቃቸው መሆኑን በተመለከተ ያደረባቸውን ቅሬታ ለቲክቫህ ኢትዮጵያ መግለጻቸው ይታወሳል።
አስመጪዎቹ፣ “ የአዲስ አበባ ገቢዎች ቢሮ አዲስ መመሪያ አውርዶ ከአቅማችን በላይ ግብር እየጠየቀን ነው ” ነበር ያሉት።
ቲክቫህ ኢትዮጵያ፣ በወቅቱ ምላሽ የጠየቃቸው የአዲስ አበባ ገቢዎች ቢሮ ኃላፊ አቶ ቢኒያም ምክሩ፣ መመሪያው የግብር ስወራን ለማስቀረት እንደወረደ፣ ይህን ማድረግም የቢሮው ማንዴት መሆኑን የሚመለከት ምላሽ ሰጥተውን ነበር።
“ ግብር ስወራው ተጨባጭ እንደሆነ በሸጡት መኪና ልክ ዋጋ እንደማይቆረጥ የተረጋገጠ ነው ” በማለት ኃላፊው የሰጡትን ዝርዝር ማብራሪያም ማቅረባችን ይታወቃል።
አስመጪዎቹ በበኩላቸው፣ “ በቡድንም ሆነው ይህን ቅሬታ እያቀረቡ ያሉ አሉ። ፌደራል ጋር ስንሄድ 'እኔ ይህንን ጉዳይ አላወረድኩም ነው' የሚለን” ብለው ስለጉዳዩ ገቢዎች ሚኒስቴር እንዲጠየቅ አሳስበዋል።
“ ለምሳሌ የአዲስ አበባ አስመጪና የክልል አስመጪ ተመሳሳይ መኪና አምጥተው ቢሸጡ። የአዲስ አበባው 45% ግብር እየከፈለ ያኛው በድሮው በ5% ይከፍላል። ይሄ ትልቅ ልዩነት ነው የሚያመጣው ” በማለት ያለውን ሰፊ ልዩነት ሚኒስቴሩ እንዲያጤንላቸው ጠይቀዋል።
አስመጪዎቹ ተመሳሳይ ተሽከርካሪ እያመጡ እያለ አዲሱ መመሪያ የሚጠየቁት ግብር ግን አዲስ አበባ ውጪ ካሉት አስመጪዎች ስለሚለያይ መመሪያውን ገቢዎች ሚኒስቴር ያውቀው እንደሆን እንዲጠየቅላቸው መጠየቃቸውን በመግለጽ፣ ቲክቫህ ኢትዮጵያ ሚኒስቴሩን ማብራሪያ ጠይቋል።
ተሽከርካሪ አስመጪዎቹ “ ተመሳሳይ ፕሮዳክት እየመጣ እንዴት የተለያዬ ክፍያ ይኖራል ? ” የሚል ጥያቄ አላቸው፤ ቢሮው በበኩሉ የታክስ ስወራ ለማስቀረት መመሪያውን እንዳወረደና ይህን የማድረግ ማንደቱ እንዳለው ለቲክቫህ ኢትዮጵያ ገልጿል፣ ማንዴቱ ለቢሮው የተሰጠ ነው ? የሚል ጥያቄ አቅርበናል።
የተሰጠው ምላሽስ ምንድን ነው ?
ከሚኒስቴር መስሪያ ቤቱ ስለጉዳዩ የጠየቅናቸው አንድ የኮሚዩኒኬሽን አካል ተከታዩን ቃል ሰጥተዋል።
“ የክልልን እና የሚኒስቴሩን ስልጣን ያስቀመጠው ህገ መንግስቱ ነው። የሚሉትን መመሪያውንም አላወኩትም።
እነኛን መመሪያዎች ማዬት ይጠይቃል። ክልሎችን እንዲህ አድርጉ፣ እንዲህ አታድርጉ ብሎ ቀጥታ ሚኒስቴር መስሪያ ቤቱ እነርሱን የማዘዝ ስልጣን የለውም።
የጋራ መድረክ አለን። በእዛ የጋራ መድረክ ላይ አሰራራችሁ እንዴት ነው ? የማለት እንጂ በፌደራል ስርዓት የፌደራል መስሪያ ቤት የክልል መስሪያ ቤቶችን እንደዚህና እንደዛ አድርጉ ብሎ የማዘዝ ስልጣን የለውም።
የውይይት የጋራ መድረክ አለን። የክልል ድጋፍ ዳይሬክቶሬት ጉዳዩን ከእነርሱ ጋር እንዲነጋርና ያሉት ጉዳይ ላይ ምንድን ነው ያለው ? አስተካክሉ የሚል የጋራ መድረክ ስላለን እዛም ላይ አንስቶ በግልም ሂዶ ሊነጋገርበት ይችላል።
መመሪያ ቁጥሩን ላኩልን። ከክልል ድጋፍ ዳይሬክቶሬት ጋር እንንነጋገርበታለንና የአዲስ አበባዎች ጋር እንወያያለን።
የክልሎችና የከተማ አስተዳደሮች የራሳቸው ስለሆኑ፣ ግን ይሄ የተጣጣመ እንዲሆን ይሄ ቢሆን ብሎ መነጋገር ይቻላል። በዛ አግባብ ልንነጋገር እንችላን። በአዛዥና በታዛዥነት መንፈስ ሳይሆን ማለት ነው ” ብለዋል።
ቲክቫህ ኢትዮጵያም፣ የቅሬታ ነጥቡ መመሪያው አዲስ አበባ ያሉ ስመጪዎችን የሚጠይቀው ግብር ከአዲስ አበባ ውጪ ካሉት ተመሳሳይ ተሽከርካሪ ከሚያመጡት ጋር ሲነጻጸር ጭማሪ ያለው መሆኑ ነው፤ ሚኒስቴሩ የሚጥለው የግብር መጠን አንድ መሆን የለበትም ወይ ? የአዲስ አበባ ከተማ ብቻ የተለዬ መሆን አለበት ? የሚል ጥያቄ አቅርቧል።
እኝሁ የሚኒስቴር መስሪያ ቤቱ አካል፣ “መመሪያውን ቢለኩልንና ከእነርሱ ጋር ብንነጋገርበት ይቻላል” የሚል ምላሽ ለቲክቫህ ኢትዮጵያ ሰጥተዋል።
አስመጪዎቹ በደብዳቤ መልክ ወርዷል ያሉትን መመሪያ ከላክንላቸው በኋላ በሰጡን ምላሽ ደግሞ፣ “ መሄድ ያለብንን እንሄዳለን እንጂ ለህዝብ አሁን እንዲህ ነው እያልን ምላሽ አንሰጥም በዚህ ላይ። ለማንኛውም አየዋለሁ የሚሆነውን እናደርጋለን ” ብለዋል።
#TikvahEthiopiaFamilyAA
@tikvahethiopia
#DStvEthiopia
💥 የBoxing Day ፍልሚያዎች ዛሬ ይደረጋሉ!
የሊጉ መሪ ሊቨርፑል የነጥብ ልዩነቱን ያሰፋል ወይስ ቼልሲ፥ አርሰናልና ማን ሲቲ ልዩነቱን ያጠቡታል?
ያጓጓል!
👉እነዚህን ድንቅ ፍልሚያዎች ጨምሮ ሌሎች የእንግሊዝ ፕሪሚየር ሊግ ጨዋታዎችን በቀጥታ በዲኤስቲቪ ሱፐርስፖርት ይመልከቱ።
ዲኤስቲቪ ያስገቡ ፣ ደንበኝነትዎን ያራዝሙ!
👇
https://bit.ly/3RFtEvh
ደንብና ሁኔታዎች ተፈፀሚነት አላቸው! ለበለጠ መረጃ
👇
www.dstv.com/en-et
#PremierLeagueallonDStv #ሁሉምያለውእኛጋርነው
" የሐይማኖት ሐገር የሆነችውና በርካታ የችግር መፍቻ ባህልና ልምድ ያላት ሀገር ላይ ዜጎች በሰላም እጦት ምክንያት መቸገር የለባቸውም ! " - የሰላም ሚኒስትር መሐመድ እድሪስ
የኢፌዴሪ የሰላም ሚኒስቴር ሚኒስትር አቶ መሐመድ እድሪስ ከኢትዮጵያ እስልምና ጉዳዮች ጠቅላይ ምክር ቤት አመራሮችና የሥራ አስፈፃሚ ኮሚቴ አባላት ጋር ትውውቅ ማድረጋቸውን ከሚኒስቴሩ የተገኘው መረጃ ያሳያል።
ሚኒስትሩ በሰላም ግንባታና በሀገራዊ ጉዳዮች ዙሪያ ከጠቅላይ ምክር ቤቱ ጋር ትብብራቸውን እንደሚያጠናክሩ ገልፀዋል።
የኢትዮጵያ እስልምና ጉዳዮች ጠቅላይ ምክር ቤት ፕሬዚዳንት ሼይኽ ሐጂ ኢብራሂም ቱፋ ምን አሉ ?
- መጅሊሱን ለመጎብኘት ሚኒስትሩ መምጣታቸው በራሳቸው እና በጠቅላይ ምክር ቤቱ ስም አመስግነዋል።
- የኢትዮጵያ እስልምና ጉዳዮች ጠቅላይ ምክር ቤት የሙስሊሙን አንድነትና የሐገራችንን ሰላም ለማጠናከር የተለያዩ ስራዎችን እየሰራ መሆኑን ገልጸው በቀጣይ ጅምሩ ተጠናክሮ እንደሚቀጥል ተናግረዋል።
- ጠቅላይ ምክር ቤቱ በቀጣይ በሚያካሄደው የመጅሊስ ምርጫ መንግስት በተለይ የሰላም ሚኒስቴር አስፈላጊውን ድጋፍ እንዲያደርግላቸው ጠይቀዋል።
የሰላም ሚኒስትር አቶ መሐመድ እድሪስ ምን አሉ ?
° በዓለም መድረክ ላይ የሃገራችንን ኢትዮጵያን ስም ከፍ ለማድረግ የጠቅላይ ምክር ቤቱ ፕሬዚዳንት ሼይኽ ሐጂ ኢብራሂም ቱፋ እየሰሩ ያሉትን ስራ አድንቀዋል።
- በአፋርና በሱማሌ ወንድም ሕዝቦች መካከል የነበረውን የቆየ አለመግባባትና ግጭት ለመፍታት ጠቅላይ ምክር ቤቱ ለሰራው ስራ ምስጋና አቅርበዋል። በቀጣይ ሁሉ አቀፍ የሰላምና የልማት ስራዎችን አጠናክሮ እንዲቀጥል ጥሪ አቅርበዋል።
° የሐይማኖት ሐገር የሆነችውና በርካታ የችግር መፍቻ ባህልና ልምድ ያላት ሀገር ላይ ዜጎች በሰላም እጦት ምክንያት መቸገር እንደሌለባቸው ተናግረዋል።
° ጠቅላይ ምክር ቤቱ አሁን ያለው ሰላም እንዲጎለብት ፣እየታዩ ያሉ የሰላም ፈተናዎች እንዲፈቱና ዘላቂ መፍትሄ እንዲመጣ ሀገራዊ የሰላም ጥሪና ዱዓ በጁምዓ ሰላት ላይ የሰላም ጥሪ እንዲያደርግ ጥሪ አቅርበዋል።
° መንግስት ግጭቶች በንግግር እንዲፈቱ ተደጋጋሚ የሰላም ጥሪ ያቀረበ እና ለዚህም ቁርጠኝነቱ ያለው መሆኑን ገልጸው የሰላም ሚኒስቴርም ከሁሉም የእምነት አባቶችና ተቋማት ጋር በትብብር እንደሚሰራ አመልክተዋል።
° መጭው የመጅሊስ ምርጫ በሰላማዊ ሁኔታ እንዲካሄድ መንግስት አስፈላጊውን እገዛ እንደሚያደርግ አሳውቀዋል።
#MinistryofPeace
@tikvahethiopia
#ፓስፖርት
🚨 " በምሽት ጊዜ ለጾታዊ ጥቃት ጭምር የተዳረጉ ሴቶች እንዳሉ ሰምተናል " - የኢትዮጵያ ህዝብ እንባ ጠባቂ ተቋም
🔴 " ሁኔታዎቹ ከመንገድ መዘጋጋት ጋር በተያያዘ የተፈጠሩ ናቸው " -ኢሚግሬሽን እና ዜግነት አገልግሎት
" በኢሚግሬሽንና ዜግነት አገልግሎት ባህር ዳር ቅርንጫፍ ጽ/ቤት የሚጠበቅብንን ክፍያዎችን እና መረጃዎች አሟልተን በቀጠሮአችን መሰረት በመገኘት ፓስፖርት እንዲሰጠን ለብዙ ጊዜ ብንመላለስም አገልግሎቱን ማግኘት አልቻልንም " ያሉ ተገልጋዮች ለቲክቫህ ኢትዮጵያ ቅሬታቸውን አቀረቡ።
" ከምልልሱም በላይ ያለምንም ህጋዊ ምክንያት ከ2000 እስከ 5000 ብር ከፍለን ቀጠሮ አስይዘን በቀጠሮአችንም ተገኝተን እያለ የቀጠሮ ቀን ተቃጥሏል አዲስ ቀጠሮ መያዝ አለባችሁ በመባላችን ላልተገባ ወጭ እና እንግልት ተዳርገናል " ነው ያሉት።
ተገልጋዮቹ አስተዳደራዊ እና ተቋማዊ በደል ደርሶብናል ሲሉ አቤቱታቸውን ለኢትዮጵያ ህዝብ እንባ ጠባቂ ተቋም የባህር ዳር ቅርንጫፍ ጽ/ቤት አቅርበዋል።
የእንባ ጠባቂ ተቋምም በቁጥር 127 የሚሆኑት እነዚህ ቅሬታ አቅራቢ ተገልጋዮች ለተቋሙ ባቀረቡት አቤቱታ መሰረት ጉዳያቸውን በመመልከት ምላሽ እንዲሰጡበት ለኢሚግሬሽን እና ዜግነት አገልግሎት ባህር ዳር ቅርንጫፍ ጽ/ቤት በደብዳቤ ጠይቋል።
ቲክቫህ ኢትዮጵያ የተመለከተው ደብዳቤ እንደሚያስረዳው " አመልካቾች የሚጠበቅባቸውን ክፍያ እንዲሁም መረጃዎችን አሟልተው በተገኙበት እና የቀጠሮ ቀናቸው በምን ህጋዊ ምክንያት እንደተቃጠለ የሚገልጽ መልስ እና ማስረጃ ይህ ደብዳቤ በደረሳችሁ በ05 (አምስት) የስራ ቀናት ውስጥ እንድትልኩ እንጠይቃለን " ይላል፡፡
እንባ ጠባቂ ተቋሙ ደብዳቤውን የጻፈው 01/04/17 ዓ/ም ሲሆን በአምስት የስራ ቀናት ምላሽ እንዲሰጠው ጠይቆ ነበር።
ነገር ግን ከተቋሙ ምንም አይነት ምላሽ አለማግኘቱን በኢትዮጵያ ህዝብ እንባ ጠባቂ ተቋም የባህር ዳር ቅርንጫፍ ጽ/ቤት የመንግስት ተቋማት አስተዳደር በደል መርማሪ ባለሞያ የሆኑት አቶ እንዳየሁ ውቤ ለቲክቫህ ኢትዮጵያ ተናግረዋል።
መርማሪው በዝርዝር ምን አሉ ?
" ቅሬታቸውን ይዘው ወደ ተቋማችን የመጡ ተገልጋዮች በመጀመሪያ 127 የነበሩ ቢሆንም በኋላ ቀስ በቀስ 205 በላይ ደርሰዋል።
በቦታው ተገኝተን ባደረግነው ምልከታ ተመሳሳይ የሆነ መጉላላት ያጋጠማቸው ዜጎች ግን ከ5 ሺ በላይ እንደሚገመቱ ታዝበናል።
ተገልጋዮቹ ከደሴ እና የተለያዩ የክልሉ አካባቢዎች ፓስፖርት ለማውጣት በቀጠሮአቸው መሰረት የመጡ ቢሆንም ነገር ግን አገልግሎቱን በጊዜ ባለማግኘታቸው እና እዛው ለማደር በመገደዳቸው ምክንያት በምሽት ጊዜ ለጾታዊ ጥቃት ጭምር የተዳረጉ ሴቶች እንዳሉ ሰምተናል።
አብዛኞቹ ከደሴ፣ ወሎ ፣ከጎንደር እና ሎሎችም ሩቅ አካባቢዎች ወደ ባህር ዳር መጥተው ለሶስት እና አራት ቀናት ለማደር እየተገደዱ ነው የሚበላው አጥቶ የሚለምንም አለ ተርበናል እያሉ የሚያለቅሱም አሉ " ብለዋል።
ከ6 ወር እስከ አንድ አመት ለሚጠጋ ጊዜ እየተጉላሉ ያሉት እኚህ ተገልጋዮች አብዛኞቹ ጉዳያቸው ከአሻራ ጋር የተገናኘ ነው።
መርማሪው ደብዳቤውን ለባህር ዳር ቅርንጫፍ ጽ/ቤት ሃላፊ ለአቶ አስማረ ጫኔ በአካል በመገኘት የሰጡ ሲሆን በወቅቱ ለሃላፊው ቀጠሮአችውን ሳያጠፉ ተቃጥሎባቸዋል ብላችሁ በአዲስ ተመዝገቡ ያላችኋቸው ለምንድነው ? የሚል ጥያቄ ማንሳታቸውን ነግረውናል።
ሃላፊው በምላሻቸው ከታህሳስ 1 ጀምሮ አዲስ መመሪያ በመምጣቱ ቀጠሮ ያለፋቸው ተገልጋዮች እንደ አዲስ ተመዝግበው ብቻ አገልግሎቱን ማግኘት እንደሚችሉ ነግረውናል ብለዋል።
ነገር ግን ቅሬታ አቅራቢ ተገልጋዮቹ በቀጠሮአቸው የተገኙ በመሆናቸው አዲስ የተባለው መመሪያ የማይመለከታቸው እና ከቅሬታ አቅራቢዎቹ ጋር የማይገናኝ በመሆኑ ምላሽ የሚሉትን ነገር በደብዳቤ እንዲያሳውቁ በመንገር እንደተመለሱ አስታውሰዋል።
ይሁን እንጂ እስካሁን ምንም አይነት ምላሽ ተቋሙ አለመስጠቱን ገልጸው በድጋሚ ደብዳቤ ለመጻፍ እየተዘጋጀን ነው ብለዋል።
ነገር ግን የአሁኑ ደብዳቤ ለሃላፊው በስሙ እንዲጻፍ የሚደረግ መሆኑን ጠቅሰው በድጋሚ ምላሽ የማይሰጡ ከሆነ ጉዳዩ ወደ ክስ እንደሚያመራ አቶ እንዳየሁ ተናግረዋል።
ቲክቫህ የቅሬታ አቅራቢዎቹን እና የዕንባ ጠባቂ ተቋምን ቅሬታ በመያዝ የኢሚግሬሽን እና ዜግነት አገልግሎት የባህር ዳር ቅርንጫፍ ጽ/ቤት ሃላፊ የሆኑትን አቶ አስማረ ጫኔን ምላሽ ጠይቋል።
ሃላፊው በምላሻቸው ምን አሉ ?
" ሁኔታዎቹ ከመንገድ መዘጋጋት ጋር በተያያዘ ምክንያት በቀጠሮ ስለማይመጡ የቀጠሮ መደራረብ ጋር የተያያዙ ችግሮች ናቸው።
ይህንን ችግር ለመቅረፍ ምሽትን ጨምሮ ቅዳሜ እና እሁድም ያለምንም ቅጣት አገልግሎት ስንሰጥ ቆይተናል " ብለዋል።
ስለ ዝርዝር ነገሮች ግን ምላሽ የሚሰጠው በዋና መስሪያ ቤት ደረጃ መሆኑን በመግለጽ ተጨማሪ ማብራሪያ ለመስጠት ፈቃደኛ ሳይሆኑ ቀርተዋል።
@tikvahethiopia
🤙🏽ከሳፋሪኮም ወደ የቴሌ የሚያስደውሉ የድምፅ ጥቅሎች በመጠቀም ከ07 ➡️ 09 መስመር በሽ በሽ ብለን እንደዋወል! ከሳፋሪኮም ጋር በአብሮነት አንድ ወደፊት⚡️
🔗የM-PESA ሳፋሪኮም መተግበሪያ በዚህ ሊንክ እናዉርድ:
https://play.google.com/store/apps/details?id=et.safaricom.mpesa.lifestyle
#MPESASafaricom
#SafaricomEthiopia
#1Wedefit
#Furtheraheadtogether
“ አቶ ዮሐንስን ቧያለውን ለይተው ‘ዞን አምስት’ የሚባል ቦታ አስገብተውታል። ያ ቦታ በቂሊንጦ ማረሚያ ቤት ሰው ከባድ ጥፋት ሲያጠፋ መቅጫ ነው ” - ጉዳዩን የሚከታተሉ አካል
ለ1 ዓመት ከ5 ወር በእስራት ላይ የሚገኙት የአማራ ክልል ምክር ቤት አባል አቶ ዮሐንስ ቧያለው አብረዋቸው ከነበሩት 41 እስረኞች ተለይተው “ ለሕይወታቸው አስጊ ወደሆነ ቦታ ” ለማዘወር ተገደዋል ይህ ደግሞ ጭንቀት ፈጥሮብናል ሲሉ ጉዳዩን በቅርበት የሚከታተሉ አካል ለቲክቫህ ኢትዮጵያ ተናግረዋል።
ሰኞ ታኀሳስ 14 ቀን 2017 ዓ/ም 41 እስረኞች ከቃሊቲ ማረሚያ ቤት ወደ ቂሊንጦ እንደተዘዋወሩ ገልጸው፣ አቶ ዮሐንስን ለይተው “ በ‘ሸኔ ተጠርጥረው’ ካሉ ሰዎች " ጋር ወስደዋቸዋል ሲሉ ጠቁመዋል።
በመሆኑም የሰብዓዊ መብት ተሟጋች ድርጅቶች ያሉበትን ቦታ ጎብኝተው የአቶ ዮሐንስን ሕይወት ደህንነት እንዲያረጋግጡ ጠይቀዋል።
ስለአቶ ዮሐንስ ቧያለው በዝርዝር የተባለው ምንድን ነው ?
“ ትላንት እስረኞቹን ከቃሊቲ ማረሚያ ቤት ወደ ቂሊንጦ አዘዋውረዋል። 41 እስረኞችን ነው ወደ ቂሊንጦ ማረሚያ ቤት የወሰዱት።
ከዚያ በኋላ አቶ ዮሐንስን ቧያለውን ለይተው አስቀርተው ‘ዞን አምስት’ የሚባል ቦታ አስገብተውታል። ያ ቦታ በቂሊንጦ ማረሚያ ቤት ሰው ከባድ ጥፋት ሲያጠፋ መቅጫ ነው።
እዛ ውስጥ ያሉት በ'ሸኔ' ተጠርጥረው ያሉ ሰዎች ናቸው። ለይተው ከእነርሱ ጋር ነው ያስቀመጡት። ‘ሸኔ ናችሁ’ ተብለው የታሰሩ፣ ‘ሸኔ’ የተባሉ ልጆች ናቸው እዛ ያሉት።
ይሄ ሁኔታውን ያከብደዋል። በዛ ላይ ደግሞ ኦፕራሲዮን ከተሰራ ሁለት ሳምንቱ ነው። አሁን ካስገቡት ቦታ አልጋ የሚባል ነገር የለም። ባዶ መሬት ላይ ነው እየተኛ ያለው።
አቶ ዮሐንስ አሁን የገባበት ቦታ በጣም የሚያሰጋ፣ እንኳን ኦፕራሲዮን የተደረገ ጤነኛ ሰውም የሚታመምበት ክፍል ነው። ቤቱ በጣም ቅዝቃዜ ስላለው እያነከሰ ነው። ” ሲሉ ገልጸዋል።
አቶ ዮሐንስ ከ41 እስረኞች ተለይተው የተወሰዱት ምክንያት በግልጽ ሳይታወቅና ከአቶ ክርስቲያን ታደለ ጋር ኦፕራሲዮን ተሰርተው የነበረ ቢሆንም በቀጠሯቸው ቀን ሀኪም ቤት ሳይሄዱ በቀሩበት ሁኔታ መሆኑ ተገልጿል።
አሁንም የጤናቸው ጉዳይ አሳሳቢ እንደሆነ፣ ለአቶ ዮሐንስ ማስታገሻ መድኃኒት እንኳ ለመውሰድ ፈቃድ እንዳልተገኘ፣ ቁስላቸውን መመርመር ባለመቻላቸው በጠና እየታመሙ መሆናቸውን ለጉዳዩ ቅርብ የሆኑ አካላት ጠቁመዋል።
አቶ ዮሐንስ ቧያለው እና ክርስቲያን ታደለ በአዋሽ አርባ እስር ቤት በነበሩበት ወቅት በጠና ታመው በጊዜው ባለመታከማቸው ለአንጀት ድርቀት በሽታ ተጋልጠው ከቆዩ በኋላ ከሳምንታት በፊት ቀዶ ጥገና ቢደረግላቸውም በቀጠሯቸው ቀን ወደ ህክምና ለመሄድ መከልከላቸውን መነገሩ ይታወሳል።
(የአቶ ዮሐንስን የቦታ ለውጥ እንዲገመግሙ መልክዕት የተላለፈላቸው የሰብዓዊ መብት ተሟጋች ድርጅቶች ድርጊቱን ገምግመው ምላሽ ለመስጠት ፈቃደኛ ከሆኑ ማብራሪያቸው በቀጣይ ይቀርባል)
#TikvahEthiopiaFamilyAA
@tikvahethiopia
" ለሰላም የሚከፈል ማንኛውም ዋጋ በመንግሰት በኩል ይከፈላል " - አቶ መሀመድ እድሪስ
ዛሬ የሰላም ሚኒስትር ከኢትዮጵያ ኦርቶዶክስ ተዋህዶ ቤተ ክርስቲያን ፓትርያርክ ጋር ተገናኝተው በመንበረ ፓትርያርክ መወያየታቸው ተሰምቷል።
በቅርቡ የተሾሙት የሰላም ሚኒስቴር ሚኒስትር አቶ መሀመድ እድሪስ እና የኢትዮጵያ ኦርቶዶክስ ተዋህዶ ቤተ ክርስቲያን ፓትርያርክ ብፁእ ወቅዱስ አቡነ ማትያስ ጋር የትውውቅ ፕሮግራም አድርገዋል።
በዚህም ወቅት በሀገሪቱ የተጀመሩ የሰላም ስራዎችን አጠናክሮ ለመቀጠል በሚችልበት ሁኔታ ላይ የጋራ ምክክር ማድረጋቸውን ሰላም ሚኒስቴር አመላክቷል።
ሰላም ሚኒስቴር እና የኢትዮጵያ ኦርቶዶክስ ተዋህዶ ቤተ-ክርስቲያን በአገራዊ የሰላም ግንባታ ስራዎች ዙሪያ በጋራ እንደሚሰሩም ተገልጿል።
ቅዱስ ፓትርያርኩ ቤተ-ክርስቲያኗ ከመንግስት ጋር በመደጋገፍና በመቀራረብ በሰላም ዙሪያ ከመቼውም በላይ በትጋትና በመቀራረብ እንደሚሰሩ ማረጋገጣቸውን የሰላም ሚኒስቴር አሳውቋል።
አዲሱ የሰላም ሚኒስትር አቶ መሀመድ እድሪስ ለትውውቅና ለመወያየት ወደ መንበረ ፓትሪያርክ መምጣታቸውንና ላሳዩት የአመራር ትህትና አድናቆትና ምስጋና እንዳቀረቡላቸው ተገልጿል።
አቶ መሀመድ ፤ " አሁን ያለው ሰላም እንዲጎለብት ቤተ-ክርስቲያኗ በሰላምና በሀገረ መንግሰት ግንባታ ካላት የካበተና የዳበረ ልምድ በመነሳት በአሁኑ ሰዓት እየታዩ ያሉ የሰላም ፈተናዎች እንዲፈቱና ዘላቂ መፍትሄ እንዲመጣ አገራዊ የሰላም ፀሎት እና ጥሪ እንዲደረግ " ሲሉ ጥሪያቸውን አቅርበዋል።
" ለሰላም የሚከፈል ማንኛውም ዋጋ በመንግሰት በኩል ይከፈላል የሰላም ሚኒስቴርም ከሁሉም የእምነት አባቶችና ተቋማት ጋር በትብብርና በመደጋገፍ ይሰራል " ሲሉ አረጋግጠዋል።
#MinistryofPeace
@tikvahethiopia
" ያለማቋረጥ እየመዘገብን ነው እስካሁን 4.9 ነው የተመዘገበው አሁንም ያለው ነገር ስናየው የሚቆም አይመስልም " - ፕ/ር አታላይ አየለ
በስምጥ ሸለቆ ውስጥ የሚገኙ የሃገሪቱ አካባቢዎች ላይ ከቅርብ ጊዜ ወዲህ በተደጋጋሚ እየተሰማ ያለው ከዝቅተኛ መጠን እስከ መካከለኛ መጠን ያለው የመሬት መንቀጥቀጥ በመሬት ውስጥ ያለው የማግማ እንቅስቃሴ ፈጣን (Active) በመሆኑ ምክንያት የተከሰተ እንደሆነ ሲነገር ቆይቷል።
ይህ ፈጣን እንቅስቃሴ በመቀነሱ ምክንያት የመሬት መንቀጥቀጡ ረገብ ብሎ የነበረ ቢሆንም ካለፉት 6 ቀናት ወዲህ ይህ እንቅስቃሴ በድጋሚ መታየት መጀመሩን በአዲስ አበባ ዩኒቨርሲቲ የጂኦ ፊዚክስ ህዋ ሳይንስና አስትሮኖሚ ተቋም፤ የሴስሞሎጂ ትምህርት ክፍል ኃላፊ እንዲሁም በዩኒቨርሲቲው የመሬት መንቀጥቀጥ ሳይንስ መምህርና ተመራማሪ የሆኑት ፕ/ር አታላይ አየለ ለቲክቫህ ኢትዮጵያ ተናግረዋል።
" መስከረም እና ጥቅምት ላይ ይታይ የነበረው እና ረግቦ የነበረው እንቅስቃሴ ከ6 ቀን በፊት ጀምሮ በድጋሚ መታየት ጀምሯል ያለማቋረጥ እየመዘገብን ነው እስካሁን 4.9 ነው የተመዘገበው አሁንም ያለው ነገር ስናየው የሚቆም አይመስልም " ብለዋል።
ትላንት ማታ 4:41 ላይ ከተመዘገበው እና ንዝረቱ እስከ አዲስ አበባ ከተሰማው የመሬት መንቀጥቀጥ ሌላ ትንንሽ እንቅስቃሴዎች አሁንም በመኖራቸው ያለማቋረጥ የመመዝገብ ስራ እየተሰራ መሆኑን ተናግረዋል።
መንቀጥቀጡ እስካሁን ከመነሻው ቦታው አዋሽ ፈንታሌ ያደረገው ለውጥ እንደሌለ የተናገሩት ፕሮፌሰሩ ሌሎች አካባቢ እየተሰማ ያለው ድንጋይ ውሃ ውስጥ ስንወረውረው እንደሚፈጥረው አይነት ሞገድ መሆኑን ጠቁመዋል።
" አሁን ባለው ሁኔታ የከፋ ነገር ሊያስከትል ይችላል የሚል ስጋት የለም " ያሉ ሲሆን በዚሁ የሚቀጥል ከሆነ ግን ሁለት አይነት መላምቶችን ሊታዩ እንደሚችሉ አስቀምጠዋል።
" አንደኛው ልክ እንደዚህ ቀደሙ ውስጥ ያለው ሃይል ሲጨርስ አስተንፍሶ ይቆማል ያ ካልሆነ ግን ሁለተኛው ምናልባት ገፍቶ የቅንጣሎች ፍሰት ሊያስከትል ይችል ይሆናል ምናልባትም ሃይል ያለው እና እንደጎርፍም ሊፈስ የሚችል ይሆናል " ነው ያሉት።
እንደዚህ አይነት ነገር የሚመጣ ከሆነ ቅድመ ሁኔታዎች የማስቀመጥ እና የማሸሽ ስራ የሚሰራ በመሆኑ በተዋረድ ያሉ የመንግስት አመራሮች ይህንን ሁኔታ ነቅተው መጠበቅ እንዳለባቸው ለቲክቫህ ኢትዮጵያ በሰጡት ቃል አሳስበዋል።
#TikvahEthiopiaFamilyAA
@tikvahethiopia
#ኢትዮጵያ
" በቀጣናው ሁልጊዜም ሰላም እንዳይኖር የሚሰሩ የሶስተኛ ወገን አካላት ተግባር ነው " - ኢትዮጵያ
ትላንት የሶማሊያ ውጭ ጉዳይ ሚኒስቴር ባወጣው መግለጫ ዶሎ በተባለ የጁባላንድ ከተማ " በፌዴራሉ የሶማሊያ ጦር ላይ ጥቃት ፈፅመዋል ፤ በዚህ የሰው ሞት፣ ቁስለት ደርሷል " የሚል ክስ አሰምቷል።
ይህ መግለጫ እና በተፈጠረው ክስተት የኢትዮጵያ ኃይሎችን መክሰሱ ኢትዮጵያ አስቆጥቷል።
ክሱ ሀሰተኛ እንደሆነ የኢትዮጵያ ውጭ ጉዳይ ሚኒስቴር አስታውቋል።
ሚኒስቴሩ " ሀሰተኛ ውንጀላው በኢትዮጵያ እና በሶማሊያ መካከል ያለውን ግንኙነት ለማስተካከል የተጀመረውን ጥረት ለማስተጓጎል የታለመ ነው " ብሏል።
" ይህ የአፍሪካ ቀንድን ሰላም ለመበጥበጥ የሚፈልጉ እና በቀጣናው ሁልጊዜም ሰላም እንዳይኖር የሚሰሩ የሶስተኛ ወገን አካላት ተግባር ነው " ሲል ገልጿል።
" በአንካራው ስምምነት ላይ እንደተገለጸው ሁለቱ ሀገራት ለሰላም የሚያደርጉት ቁርጠኝነት እንዳይደናቀፍ ክፍተት መፍጠር የለባቸውም " ሲል አመልክቷል።
የኢትዮጵያ መንግስት ተመሳሳይ አደጋዎችን ለመከላከል ከሶማሊያ ፌዴራል መንግስት የሚመለከታቸው አካላት ጋር በትብብር መስራት እንደሚቀጥልም አሳውዋል።
ኢትዮጵያ በአንካራ ስምምነት መሰረት የሁለቱን ሀገራት ግንኙነት ለማደስ እና ለማጠናከር ያላትን ቁርጠኝነት አጠናክራ ትቀጥላለች ብሏል።
@tikvahethiopia
#BankofAbyssinia #የሁሉም_ምርጫ
እነዚህን መስፈርቶች ካሟሉ ከአፖሎ እሰከ መቶ ሺህ ብር ድረስ መበደር ይችላሉ።
አሁኑኑ መተግበሪያውን በማውረድ ይጠቀሙ።
ለአንድሮይድ ስልኮች https://play.google.com/store/apps/details?id=com.boa.apollo&hl=en&gl=US
ለአፕል ስልኮች https://apps.apple.com/us/app/apollo-digital/id1601224628
#Apollodigitalbank #Apollodigitalproduct #Abyssiniabank #poweredbybankofabyssinia #BankofAbyssinia #የሁሉም_ምርጫ #The_Choice_For_all
#Earthquake
ዛሬ ምሽት 4:42 አካባቢ ላይ የመሬት መንቀጥቀጥ ንዝረት እንደሰሙ በተለያዩ የአዲስ አበባ አካባቢዎች የሚኖሩ የቲክቫህ ኢትዮጵያ ቤተሰብ አባላት ጠቁመዋል።
አብዛኞቹ መልዕክታቸውን የላኩት የጋራ መኖሪያ ቤቶች (ኮንዶሚኒየም) ካለባቸው አካባቢዎች ነው።
አንድ የቤተሰባችን አባል ፥ " አራብሳ ኮንዶሚኒየም እንደሚኖሩና ከ10 እስከ 15 ሰከንድ ያህል ንዝረቱን እንደሰተማቸው " ገልጸዋል።
ሌላው የቤተሰባችን አባል ገላን ኮንዶሚኒየም አከባቢ 10:44 ላይ የመሬት መንቀጥቀጥ ንዝረት እንደሰማ አመልክቷል።
በተጨማሪም አንዲት የቤተሰባችን አባል " ከሰሞኑን የዛሬው ጠንክሮ ነው የተሰማኝ ያስፈራ ነበር " ስትል ገልጻለች።
ሌሎች በክልል ከተሞች በተለይ አዋሽ ፈንታሌ አካባቢ የመሬት መንቀጥቀጥ ስሜት እንደተሰማቸውን ተናግረዋል።
እንደአዲስ አበባ ዩኒቨርሲቲ ጂኦፊዚክስ፣ሕዋ ሳይንስና አስትሮኖሚ ኢንስቲትዩት መረጃ ፤ በአዋሽ ፋንታሌ ወረዳ እና አካባቢው ከታሕሣሥ 10 ቀን 2017 ዓ.ም ጀምሮ የተለያየ መጠን ያለው የመሬት መንቀጥቀጥ እየተከሰተ ይገኛል።
ዛሬ ቀን 9 ሰዓት አካባቢ ሰሞኑን ከተከሰቱት ከፍተኛው እና በሬክተር ስኬል 4 ነጥብ 6 የሆነ የመሬት መንቀጥቀጥ ተከስቶ ነበር።
የመሬት መንቀጥቀጡን ተከትሎ ተራራው የመሰንጠቅ እና የመደርመስ ምልክት አሳይቷል።
በተጨማሪ የፍንዳታ ድምጽ እና ጭስም ታይቶ ነበር።
@tikvahethiopia
" የመሬት መንቀጥቀጡን ተከትሎ ተራራው የመሰንጠቅ እና የመደርመስ ምልክት አሳይቷል " - አታላይ አየለ (ፕ/ር)
🚨" የመሬት መንቀጥቀጡ የፍንዳታ ድምጽ ያስከተለ እና ጭስ የታየበት ነው " - አቶ አብዶ አሊ
በአዋሽ ፈንታሌ ተራራ በሬክተር ስኬል 4 ነጥብ 6 የሆነ የመሬት መንቀጥቀጥ መከሰቱን የአዲስ አበባ ዩኒቨርሲቲ የጂኦፊዚክስ፣ ሕዋ ሳይንስና አስትሮኖሚ ኢንስቲትዩት አስታውቋል።
የጂኦ ፊዚክስ ሕዋ ሣይንስና አስትሮኖሚ ተቋም የሴስሞሎጂ ትምህርት ክፍል ኃላፊ፣ የመሬት መንቀጥቀጥ ሣይንስ መምህርና ተመራማሪ አታላይ አየለ (ፕ/ር) ምን አሉ ?
" በአዋሽ ፋንታሌ ወረዳና አካባቢው ከታሕሣሥ 10 ቀን 2017 ዓ.ም ጀምሮ የተለያየ መጠን ያለው የመሬት መንቀጥቀጥ እየተከሰተ ነው፡፡
በዛሬው ዕለትም ከቀኑ 9 ሰዓት አካባቢ ሰሞኑን ከተከሰቱት ከፍተኛውና በሬክተር ስኬል 4 ነጥብ 6 የሆነ የመሬት መንቀጥቀጥ ተከስቷል።
የመሬት መንቀጥቀጡን ተከትሎ ተራራው የመሰንጠቅ እና የመደርመስ ምልክት አሳይቷል።
በአካባቢው የሚስተዋለው የመሬት መንቀጥቀጥ ከቀን ቀን እየጨመረ ነው የመጣው።
ነዋሪዎች ላይ ችግር እንዳያስከትል የቅርብ ክትትል ማድረግ ያስፈልጋል " ብለዋል።
በአፋር ክልል የዞን 3 ዋና አስተዳዳሪ አቶ አብዶ አሊ አቡበከር ፤ " ዛሬ ከሰዓት በአዋሽ ፈንታሌ ተራራ የተከሰተው የመሬት መንቀጥቀጥ የፍንዳታ ድምጽ ያስከተለ እና ጭስ የታየበት ነው " ብለዋል፡፡
በመሬት መንቀጥቀጡ የፍንዳታ ድምጽ መሰማቱ እና ጭስ መታየቱም በአካባቢው ነዋሪዎች ዘንድ ድንጋጤ መፈጠሩን አብራርተዋል፡፡
ይህ መረጃ ባለቤትነቱ የፋና ሚዲያ ኮርፖሬሽን ነው።
@tikvahethiopia
#አዲስአበባ #አሶሳ
➡️ " በስራ ዘመን ቆይታዬ ይህን ያህል ክብደት የሚመዝን ልጅ ሲወለድ የመጀመሪያው ነው " - ዶ/ር ረታ ትዕዛዙ (ዘውዲቱ መታሰቢያ ሆስፒታል
👉 " የ3 ቀን ጨቅላ ህፃን አንገቷ ላይ በአፈጣጠር ትልቅ እብጠት ይዛ የተወለደች ቢሆንም የተሳካ ቀዶ ህክምና ተደርጎላታል አሁን በተሻለ የጤና ሁኔታ ላይ ናት " - አሶሳ አጠቃላይ ሆስፒታል
በአዲስ አበባ ዘውዲቱ መታሰቢያ ሆስፒታል ቤቴልሄም አመኑ የተባለች እናት 6 ኪሎ ግራም የሚመዝን ወንድ ልጅ በተደረገላት የቀዶ ህክምና በሰላም ተገላገለች።
የሆስፒታሉ የማህፀን ስፔሻሊስት እና የዲፓርትመንት ኃላፊ የሆኑት ዶ/ር ረታ ትዕዛዙ ለኢቢሲ በሰጡት ቃል " በስራ ዘመን ቆይታዬ ይህን ያህል ክብደት የሚመዝን ልጅ ሲወለድ የመጀመሪያው ነው " ብለዋል።
ልጆች ከ5 ኪሎ በላይ ሆነው ሲወለዱ የሚደረግላቸው ህክምና መኖሩን የገለጹት ዶ/ር " ለልጁ የህክምና ክትትል እየተደረገለት ነው " ሲሉ ተናግረዋል።
በሌላ መረጃ በአሶሳ አጠቃላይ ሆስፒታል የተሳካ ቀዶ ህክምና ተደርጓል።
የ3 ቀን ጨቅላ ህፃን አንገቷ ላይ በአፈጣጠር ትልቅ እብጠት (Bilateral huge cystic hygroma) ይዛ የተወለደች ስትሆን በእብጠቱ ምክንያት ጡት መጥባትም ሆነ እንደ ልቧዋ መተንፈስ አትችልም ነበር።
በ13/4/17 ዓ/ም በሆስፒታሉ የተሳካ ቀዶ ህክምና ተደርጎላት አሁን በተሻለ የጤና ሁኔታ ላይ እንደምትገኝ ተገልጿል።
አሁን እንደልቧ መተንፈስ ጡት መጥባትም ጀምራለች ተብኳል።
በህክምናው ላይ የተሳተፉ ባለሞያዎች ፦
🙏 Surgeons ፦ ዶ/ር ሮቤራ ተሾመ እና ዶ/ር መብራቴ ወ/መድህን
🙏 Anaesthesiologist ፦ ዶ/ር ሲሳይ እብስቱ
🙏 Anesthesia team: ደመቀ ወ/ኪዳን፣ ተሰፋዬ አሰፋ እና ሰለሞን አዳሙ
🙏 Scrub Nurse ፦ሲ/ር ሳይሽልዋል ወርቁ (ቹቹ)
🙏 Circulator Nrs ፦ አልሃጅ ሀሰን እንደሆኑ ሆስፒታሉ አሳውቋል።
@tikvahethiopia
#ለጥንቃቄ
በቴሌግራም መረጃዎች እየተመዘበሩ እንደሆነ የኢንፎርሜሽን መረብ ደህንነት አስተዳደር / ኢንሳ አሳውቋል።
ኢንሳ በዛሬው ዕለት በቴሌግራም መረጃዎች እየተመዘበሩ በመሆኑ ተጠቃሚዎች ተገቢውን ጥንቃቄ እንዲያደርጉ ሲል አሳስቧል።
ኢንሳ ብዙ የቴሌግራም አካውንቶች በተለያዩ ማስገሪያ (ፊሺንግ ሊንክ) አማካኝነት መረጃዎች እየተመዘበሩ እንደሆነ ገልጷል።
በመሆኑንም ከማንኛውም የቴሌግራም ተጠቃሚ (ከሚያውቁትም ሆነ ከማያውቁት) ግለሰብ ሊንክ ቢላክ መክፈት ተገቢ እንዳልሆነ እና ወዲያውኑ ማጥፋት እንደሚገባ አሳስቧል።
@tikvahethiopia
#YonatanBTFurniture
በዓሉን ምክንያት በማድረግ በዕቃዎቻችን ላይ ልዩ ቅናሽ ማድረጋችንን ስናበስርዎ በታላቅ ደስታ ነው!
እነዚህን ረቂቅ የንድፍ ጥበብ የሚታይባቸውን ውብ ዕቃዎች ገዝተው የቤትዎን ድባብ ይቀይሩ!
የውበት፣ የጥራት እና የምቾት ዳር ድንበር ዮናታን ቢቲ ፈርኒቸር!
🌐 የማህበራዊ ገጾቻችንን ይቀላለቀሉ
Telegram 👉 Telegram/yonatanbtfurniture
Facebook 👉 Facebook/yonatanbtfurniture
Instagram👉Instagram/yonatanbtfurniture
TikTok 👉 yonatanbtfurniture?is_from_webapp=1&sender_device=pc">TikTok/yonatanbtfurniture
📍አድራሻችን
1. ፒያሳ እሪ በከንቱ ቢቲ ታወር (ከኢቲዮ ሴራሚክ ዝቅ ብሎ)
2. ከዊንጌት አደባባይ አለፍ ብሎ ከአቢሲኒያ ባንክ ፊትለፊት
3. ከሲኤምሲ አደባባይ ወደ አያት መንገድ መሪ ሳይደርስ (ዘመን ባንክ አጠገብ)
☎️ +251957868686/ +251995272727/ +251993828282
#Update
“ ሰውኮ በየሰብሉ ውስጥ እየተገደለ እየተገኘ ነው። አንድ ሰው አስቀርተዋል። 10 ሰዎች ገንዘብ ከፍለው ተለቀዋል ” - የሽርካ ወረዳ ቤተ ክኀነት
በምሥራቅ አርሲ ሀገረ ስብከት ሽርካ ወረዳ ታኀሳስ 5 እና 6 ቀን 2017 ዓ/ም 20 ኦርቶዶክሰዊያን በታጣቂዎች እንደታገቱ፣ ከ80 በላይ ከብቶችም እየተነዱ እንደተወሰዱ ነዋሪዎችና የወረዳው ቤተ ክኀነት መግለጻቸው ይታወሳል።
ከእገታው በኋላ የወረዳ ቤተ ክኀነት ሥራ አስኪያጁን ጨምሮ 9 ሰዎች ገንዘብ ከፍለው ተለቀዋል ተብሎ ነበር።
ከወረዳው ቤተ ክኀነት ስማቸው እንዲነገር ያልፈለጉ አካል ከቀናት በፊት፣ “ አንድ ሰው መገደሉ ተረጋግጧል። 11 ሰዎች ያሉበት አይታወቅም ” ብለውን ነበር።
ያሉበት እንዳልታወቀ የተነገረላቸው ታጋቾች ተለቀቁ ?
ታጣቂዎቹ አንድ ሰው አስቀርተው አስሩን ታጋቾች ገንዘብ አስፍለው ከቀናት በፊት እንደለቀቋቸው የወረዳው ቤተ ክኀነት ለቲክቫህ ኢትዮጵያ አረጋግጧል።
“ ሰውኮ በየሰብሉ እየተገደለ እየተገኘ ነው ያለው። አንድ ሰው አስቀርተዋል። 10 ሰዎች ገንዘብ ፍለው ተለቀዋል ” ብሎ፣ “ ሌላም ሴት አዝመራ/ሰብል ውስጥ ተገድላለች ” በማለት ከታገቱት ውጪም ያሉት ላይ ጥቃት እየተፈጸመ መሆኑን አስረድቷል።
“ ከታገቱት 20 ሰዎች መካከልም አንድ ሰው ገድለዋል። አንድ ሰው አስቀርተዋል። ሌላው አስፈላጊውን ገንዘብ ከፍሎ ተለቋል ” ሲልም ገልጿል።
ችግሩ እየተደጋገመ የመጣ ነውና መፍትሄው ምንድነው ? ለሚለው ጥያቄ የወረዳው ቤተ ክኅነት ምላሽ፣ “ መልዕክት አስተላልፈን አስተላልፈን አቆቶናል ” የሚል ነው።
“ አሁንም መፍትሄ አልተገኘም። ዞሮ ዞሮ ጉዳዩ በጣም ስር የሰደደ ነው። መንግስትና የጸጥታ አካላት ይኖሩበታልና ያ ሁሉ ካልጠራ ችግሩ ሊጠፋ አይችልም ” ሲል የችግሩን ውስብስብነትና አሳሳቢነት አስረድቷል።
“ ሁሉም ትኩረት ሰጥቶ እዚሁ ላይ ቢሰራና ህዝቡም ራሱን የሚከላከልበት ሞራል የሚሰጠው አካል ቢያገኝ ነው ከዚህ ችግር መውጣት የሚቻለው ” ሲልም አክሏል።
#TikvahEthiopiaFamilyAA
@tikvahethiopia
#Update
🔴 “ 100 ብር ከተበጀተ በኋላ ከቀረበልን ይልቅ የበፊቱ ምግብ ጥራት አለው ” - የዩኒቨርሲቲው ተማሪዎች
🔵 “ እንደ እውነቱ ከሆነ በ100 ብር በተሰጠው የምግብ ዝርዝር መሰረት ለማስተናገድ የማንችልበት ደረጃ ላይ ነው ያለነው ” - ደባርቅ ዩኒቨርሲቲ
በደባርቅ ዩኒቨርሲቲ የሚገኙ ተማሪዎች ከአዲሱ የምግብ ሜኑ ጋር በተያያዘ የምግብ ጥራት ፣ የኮስት ሸሪንግ ጉዳይ ለይ ቅሬታ እንዳላቸው በመግለጽ፣ የሚመለከታቸው አካላት መመሪያውን በድጋሚ እንዲያጤኑት ጠይቀዋል።
በአዲሱ የምግብ ሜኑ መሰረት ከቀረላቸው ምግብ ይልቅ የድሮው ጥራት እንደነበረው አስረድተው፣ ማስተካከያ ካልተደረገበት ትርፉ ከፍተኛ ኮስት ሸሪንግ/ የወጪ መጋራት እዳ መሆኑን ተናግረዋል።
የኢትዮጵያ ተማሪዎች ኅብረት በበኩሉ፣ ከምግብ ሜኑው ትግበራ ጋር በተያያዘ ቅሬታ እያቀረቡ ያሉት ሁሉም ዩኒቨርሲቲዎች እንደሆኑ፣ የደባርቅ ዩኒቨርሲቲ ተማሪዎች ለዚህ ተጠቃሽ እንደሆነ ለቲክቫህ ኢትዮጵያ ገልጿል።
ቲክቫህ ኢትዮጵያ፣ ስለጉዳዩ ማብራሪያ እንዲሰጡ ከደባርቅ ዩኒቨርቲ ስማቸው እንዲገለጽ ያልፈለጉ አካልን ያነጋገረ ሲሆን፣ ተከታዩን ማብራሪያ ሰጠተዋል።
ዩኒቨርሲቲው በሰጠው ማብራሪያ ምን አለ ?
" መንግስት የተማሪ በጀት ከ22 ነበር ወደ 100 ብር ማሳደጉ ይታወቃል። 22 ብር እያለ ዩኒቨርሲቲዎች ያላቸውንም ሌላም በጀት አጣበው እየደጎሙ አገልግሎት ሲሰጡ ነበር።
ከሌላ በጀት እየተነሳ፣ እየተዘዋወረ አገልግሎት ከመስጠት ለራሱ ወጥ የሆነ የመንግስትንም ያገናዘበ የሀገሪቱን አቅም ያገናዘበ፣ በምግብ ጥራት ሊመጥን የሚችል (አሁን ካለው ወቅታዊ ሁኔታ አንፃር እንዴት እንዳጠናው ባናውቅም) ብር መድቧል።
በ100 ብር ምን መመገብ ይቻላል ? የምግብ ዓይነቱስ ምን ቢሆን ? ብሎ ከተለያዩ ዩኒቨርሲቲዎች ኮሚቴ ተዋቅሮ የአካባቢውን ግብዓት መሰረት ባደረገ አሰራር ዩኒቨርሲቲዎች አገልግሎት እንዲሰጡ ብሎ ለአንድ ተማሪ ምን ያክል ምስር፣ ክክ፣ እንጀራ፣ ዳቦ ያስፈልጋል ብሎ የምግብ ዝርዝር ቋሚ በሆነ መልኩ አቅርቦልናል።
ለኛ የተሰጠን ስራ ግራሙን መቀየር አይደለም። ዝርዝሮቹ 10 ቢሆኑ (ለምሳሌ አዲስ አበባ፣ ደባርቅ፣ መቐለ፣ ደብረ ብርሃን የሚገኝ ሌላም) አንድ ላይሆን ስለሚችል ያን መሰረት አድርገን አገልግሎት እንሰጣለን ” ብሏል።
ስለተማሪዎቹ ቅሬታ ዩኒቨርሲቲው ምን አለ?
“ ተማሪዎች ‘በዚህ አንስማማም የተሰጠው የምግብ ዝርዝር የጥራት ችግር ያመጣል’ የሚል ጥያቄ አንስተዋል። ነገር ግን ስራውን ከመጀመራችን ከ4 ቀን በፊት ከተማሪዎች ጋር ውይይት አድርገን መግባባት ላይ ደርሰን ነበር።
ተማሪዎቹ ጥያቄ ካላቸው በኀብረቶቻቸው አማካኝነት እንዲያቀርቡልን፣ እኛም ቀጥታ ከትምህርትና ከገንዘብ ሚኒስቴር፣ የሚመለከታቸው አካላት ጋር ጥያቄ ካለን በሰላማዊ መልኩ አቅርበን የተሻለ አገልግሎት መስጠት አለብን በማለት ተስማምተን ነው ወደ ስራ የገባነው።
ተማሪዎቹ ‘ምግቡ ድሮ 22 ብር እያለ የተሻለ የሚመስል ነገር ነበረው። ስለዚህ በጀቱ ሲጨምር የምግብ ጥራቱም በዛው ልክ መጨመር አለበት’ የሚል አመለካከት አላቸው።
እኛ ደግሞ የምግብ ጥራቱን የማንጨምርበት ምክንያት መጀመሪያም አሁን ከተመደበው በጀት እኩል/ አንዳንዴም እንደ ወቅቱ የገበያና የፀጥታ ሁኔታ እላፊ ሊሆን ይችላል እንጂ በ22 ብር ብቻ አልነበረም ሲመገቡ የነበረው።
ለምሳሌ ፦ ተማሪዎቻችንን ስንመግብ የነበረው እንጀራ በ23 ብር እየገዛን ነበር። ስለዚህ 22 ብር ብቻ በቂ አልነበረም። በተዘዋዋሪ ተማሪዎቻችን ይህን ያውቁታል። እንዲያው አመፅ ለማስነሳት ምክንያት ፈልገው ካልሆነ በስተቀር።
ሌላው ጥያቄያቸው ‘አሁን የተመደበው 100 ብር ቀጥታ ኮስት ሸሪንግ ላይ ነው የሚያርፈው’ የሚል ሲሆን፣ ይህ ከእኛ አቅም በላይ ነው። ስለዚህ ጥያቄውን ይዘን ለሚመለከተው አካል እናቀርባለን።
ነገር ግን መንግስት ‘የምግብን ኮስት ሸሪንግ ተማሪው ሙሉ በሙሉ ይሸፍናል’ ካለ አለ ነው። በተዘዋዋሪ 100ም ሆነ 1000 የተጠቀመውን ያክል ነው የሚከፍለው።
የተማሪዎቹ ጥያቄ ‘ከመጣው ዝርዝር አንፃር የምግብ ጥራቱ በጣም ያንሳል’ የሚል ስለሆነ የምግብ ጥራቱ ይጨምር ከተባለም፣ በእኛ ዩኒቨርሲቲ analysis ሰርተናል። ከዝርዝሩ ውስጥ በርበሬና የሻይ ቅመም አልተካተተም።
የበርበሬና የሻይ ቅመም እንኳን ሳናስገባ ራሱ ትምህርት ሚኒስቴር አዘጋጅቶ በሰጠን መመሪያ ዋጋ ሽንኩርት ፣ ዳቦ፣ እንጀራ፣ ዘይት፣ ስኳር፣ ጨው የመሳሰሉትን ግብዓቶች ለአንድ ተማሪ የገዛንበትን ዋጋ ስንሰራው 115 ብር እስከ 120 ብር ይመጣል ስለዚህ ከተማሪው በላይ ለኛ ነው ጥያቄ የሆነብን።
አንደ እውነቱ ከሆነ በ100 ብር በተሰጠው የምግብ ዝርዝር መሰረት ለማስተናገድ የማንችልበት ደረጃ ላይ ነው ያለነው።
ይህ ዋጋ የተሰራው አሁን ባለንበት የገበያ ሁኔታ ሲሆን፣ ነገ ሊጨምርም ይችላል። እንኳን ኦቨር ጥራት ተማሪዎች እንደሚጠይቁት ልናደርግ በ100 ብር አጣጥመን ስናስበው ጨረታ በሰጠናቸው ውል በያዝንባቸው ከ100 ብር በላይ ነው የሚመጣው። ይህን በሰነድ ማረጋገጥ ይቻላል።
ስለዚህ በ100 ብሯ ግዴታ አብቃቅተን ማስተናገድ ይጠበቅብናል። ዩኒቨርሲቲ ውስጥ ዊዝድሮውም፣ ሌላም መረጃ አለ ያንን መሰረት አድርገን ኦዲት እናደርጋለን። በዚህ መሰረት ብሩን ከፍ እናደርጋለን ቁጥጥራችን ከፍ ይላል።
ለኛም አስጨናቂ ነው የሆነብን ተማሪው ‘አልፈልገውም’ ያለው የምግብ ዝርዝር ራሱ ከተሰጠን በጀት በላይ ነው። ስለዚህ የግንዛቤ ፈጠራዉ እንደ ሀገር አቀፍ አስተያየትም ስላልተሰጠበት ለኛ ፈተና የሆነብን ነገር ይሄ ነው።
ለጊዜው በድሮው የምግብ ዝርዝር ነው እየተጠቀምን ያለነው። እንደኛ ዩኒቨርስቲ ተጨባጭ ጥያቄ ‘አዲሱን አትጀምሩት በድሮው ይቀጥልልን’ የሚል ነው ከተማሪዎቹ የተነሳው።
ለዚህ ደግሞ የዩኒቨርስቲ ፕሬዝዳንቶች ለስራ ጉዳይ አዲስ አበባ ነው ያሉት ትምህርት ሚኒስቴር ጠርቷቸው። እናም ይህንን ጉዳይ ያነሱታል ብዬ አስባለሁ።
ይህ ጉዳይ በብዙ አቅጣጫ ቢታይ ዝም ተብሎ አንድ ወገን ላይ ብቻ ጣት የሚቀሰርበት አይደለም። አሁን ላይ ተማሪው የምግብ ጥራት ይልና ኮስት ሸሪንግንም ያነሳል።
‘የምከፍል ከሆነ የምግብ ጥራቱ መጨመር አለበት ነው’ ነጥቡ። እኛ ደግሞ በ100 ብር አስተናግዱ ሲባል እንደ ምግብ ዝርዝሩ 100 ብሩ አያሰራንም አይበቃንም እያልን ነው ያለነው ” ብሏል።
መፍትሄውን በተመለከተ ዩኒቨርሲቲው ምን አለ ?
“መንግስት የሰጠው ሜኑ አለ። ተማሪዎች ጥያቄ ካላቸው በሰላማዊ መልኩ ከዩኒቨርሲቲው ማኔጅመን፣ ከተማሪዎች ኀብረት ጋር በመሆን ጥያቄ አቅርቦ መግባባት ላይ መድረስ ነው።
መግባባት ላይ ከተደረሰ ይህንንም ሊቀበሉ ይችላሉ። መንግስተም ኮንሲደር የሚያደርገው ነገር ሊኖር ይችላል። ስለዚህ የመንግስትን ሀሳብ በጉልበት ከመግፋት ተወያይቶ ጥያቄው ቢፈታ መልካም ነው።
ንብረት እያወደሙ፣ ትምህርት እያቋረጡ ሳይሆን በሰላማዊ መንገድ በተወካዮቻቸው አማካኝተት ጥያቄያቸዌን አቅርበው ውይይት ይደረግበት ” ሲል አስገንዝቧል።
(የሌሎች ዩኒቨርሲቲዎችን አስተያዬትና የትምህርት ሚኒስቴርን ምላሽ ለማካተት የተደረገው ጥረት ለጊዜው ያልተሳካ ሲሆን፣ ፈቃደኞች ከሆኑ በቀጣይ እናቀርባለን)
#TikvahEthiopiaFamilyAA
@tikvahethiopia
#Update
“ መቐለ ብቻ አይደለም። ትላንት ደብረ ብርሃንም ፣ ደባርቅም ሌሎች ዩኒቨርሲቲዎችም ተነስቷል ቅሬታው ” - የኢትዮጵያ ተማሪዎች ኀብረት
🚨 " የታሰሩ ተማሪዎች ተፈተዋል !! "
በከፍተኛ ትምህርት ተቋማት የምግብ ሜኑ ተመሳሳይ እንዲሆን የዩኒቨርሲቲ ተማሪዎችን የምግብ በጀት ላይ ትምህርት ሚኒስቴር ማስተካከያ ማድረጉ ይታወቃል።
በዚህም ትምህርት ሚኒስቴር አጠናሁት ባለው ወቅታዊ የምግብ ዋጋ ጥናት መሠረት የዩኒቨርሲቲ ተማሪዎችን የምግብ በጀት ከታኀሳስ 1 ቀን 2017 ዓ/ም ጀምሮ በቀን 100 ብር እንዲሆን መወሰኑ አይዘነጋም።
ውሳኔው ተግባራዊ መሆኑን ተከትሎ የዩኒቨርሲቲ ተማሪዎች በአዲሱ የምግብ ሜኑ ቅሬታ እንዳላቸው እየገለጹ ይገኛሉ።
በመቐለ ፣ ደብረ ብርሃን፣ ደባርቅና ሌሎች ዩኒቨርሲቲዎች የሚገኙ ተማሪዎች ትላንት ቅሬታቸውን በአደባባይ መግለጻቸውን የኢትዮጵያ ተማሪዎች ኀብረት ለቲክቫህ ኢትዮጵያ ገልጿል።
በመቐለ ዩኒቨርሲቲ በነበረው በዚሁ ሂደት በተማሪዎቹ ድብደባ እስራት እንደደረሰ፣ ንብረት እንወደመም ተመልክቷል።
በመቐለ ዩኒቨርሲቲ ትላንት በተፈጠረው ግርግር የታሰሩ ተማሪዎች ተፈቱ ? ምን ያህል ተማሪዎች ናቸው የታሰሩት ? ስንል የጠየቅነው ኀብረቱ፣ “ 27 አካባቢ ተማሪዎች ነበሩ የታሰሩት ” ሲል መልሷል።
ኀብረቱ ለቲክቫህ ኢትዮጵያ በሰጠው ቃል፣“ ታስረው የነበሩት ሁሉም የመቐለ ዩኒቨርሲቲ ተማሪዎች ተፈተትተዋል። አሁን እዛ እየወጣን ነው ” ሲል አረጋግጧል።
“ ሁሉም ነገር ተረጋግቷል። ተቋሙ የራሳቸው በመሆኑ ተማሪዎች መጠበቅ እንዳለባቸው፣ የወደመው ንብረትም በጋራ መስተካከል ያለበት እንዲስተካከል ማሰሰቢያ ተሰጥቶ ሁሉንም አስፈትተናቸዋል ” ነው ያለው።
“ ተማሪዎቹ ታስረው የነበረው ቀዳማዊ ወያኔ እና ኣደ ሓቂ ነበር። ግማሾቹ ከቁኑ ስምንት ሰዓት ገደማ፣ ቀሪዎቹ ደግሞ ከምሽቱ 12 ሰዓት ተኩል ነው የፈቱት ” ብሏል።
በተማሪዎች ላይ ድብደባ ደርሷል የተባለውን በተመለከተ ማብራሪያ እንዲሰጥ ጠይቀነው በሰጠን ምላሽ ደግሞ፣ “ ተማሪ ላይ ድብደባ ደርሷል። ጉዳትም ደርሷል ” ነው ያለው።
የአዲሱ የምግብ ሜኑ ውሳኔ ቅሬታ ያሳደረው በመቐለ ዩኒቨርሲቲ በሚገኙ ተማሪዎች ብቻ እንዳልሆነ ኅብረቱ ገልጿል።
ኅብረቱ “ መቐለ ብቻ አይደለም። ትላንት ደብረ ብርሃን፣ ደባርቅም በሌሎች ዩኒቨርሲቲዎችም ተነስቷል ” ሲል ነው ያስረዳው።
“ በይበልጥ የመቐለው ፓለቲሳይዝ ስለሆነ ነው እንጂ በሌሎችም እኮ አለ ሰላማዊ ሰልፍ የወጡበት በዚሁ በሜኑ ጉዳይ። ጉዳዩ አገራዊ ነው እየሆነ ያለው ” ሲልም አክሏል።
የሰላማዊ ሰልፉን ምክንያት በተመለከተ በሰጠን ማብራሪያ ኀብረቱ፣ “ አዲስ የወጣውን የምግብ ፓሊሲ እንቀበላለን አንቀበልም በሚል ነው ” ብሏል።
ቅሬታ የተነሳበትን የምግብ ሜኑውን በተመለከተ ከትምህር ሚኒስቴር ጋር በጉዳዩ ዙሪያ ለመወያዬት ቀጠሮ እንደያዘም ኅብረቱ ለቲክቫህ ኢትዮጵያ ገልጿል።
“ የባህር ዳር ዩኒቨርሲቲው፣ የመቐለው አሁን ተረጋግቷል። ኮንሰርኑ ግን የ100 ብሯ ጉዳይ ነው ” ሲልም ገልጿል።
ቅሬታው በሌሎችም ዩኒቨርቲዎች መሆኑን ኀብረቱ በገለጸው መሠረት ቅሬታ አለበት የተባለውን ደባርቅ ዩኒቨርሲቲን የጠየቅን ሲሆን፣ የአዲሱ ሜኑ ጉዳይ ለእርሱም ጥያቄ እንደሆነበት ገልጿል።
(አዱሱን የምግብ ሜኑ የተመለከተው የተማሪዎቹ ቅሬታና የደባርቅ ዩኒቨርሲቲዝርዝር ማብራሪያ በቀጣይ ይቀርባል)
#TikvahEthiopiaFamilyAA
@tikvahethiopia
#Somalia #Eritrea
የሶማሊያው ፕሬዜዳንት ኤርትራ ናቸው።
ፕሬዝዳንት ሀሰን ሼክ ሙሀሙድ ለይፋዊ የስራ ጉብኝት ኤርትራ ፣ አስመራ መግባታቸው ተነግሯል።
አስመራ ሲደርሱ ፕሬዜዳንት ኢሳያስ አፈወርቂ ነው ኤርፖርት ተገኝተው የተቀበሏቸው።
የኤርትራው የማስታወቂያ ሚኒስትር የማነ ገ/መስቀል ሁለቱ መሪዎች በሁለትዮሽ ፣በቀጠናዊ እና ዓለም አቀፋዊ ጉዳዮች ላይ ይመክራሉ ብለዋል።
ፕሬዜዳንቱ በቱርክ፣ አንካራ ከኢትዮጵያ ጋር ጠ/ሚ ዐቢይ አህመድ (ዶ/ር) ጋር በኢትዮጵያ የባህር በር ተጠቃሚነት ጉዳይ ላይ ስምምነት ከፈረሙ በኃላ ነው ኤርትራ የሄዱት።
አንደንድ ዘገባዎች የኤርትራው እና የሱማሊያው መሪ የአንካራውን ስምምነት አጀንዳቸው ሊያደርጉት እንደሚችሉ አሳይተዋል።
የሶማሊያው መሪ ከዚህ ቀደም ወደ ኤርትራ በመመላለስ የሚታወቁ ሲሆን በተለይ ግን ኢትዮጵያ እና ሶማሌላንድ የመግባቢያ ስምምነት ከፈረሙ በኃላ እንዲሁም ኢትዮጵያ ለህዝቦቼ የባህር በር ያስፈልጋቸዋል ይህ የህልውና ጉዳይ ጭምር ነው በማለት አቋማን ይፋ ካደረገችና ዓለም አቀፍ አጀንዳ ካደረገችው በኃላ ደጋግመው ኤርትራ ፣ አስመራ ኢሳያስ ጋር ተመላልሰዋል።
የኤርትራው መሪ በነዚህ ወቅቶች አንድም ጊዜ ሶማሊያ፣ ሙቃዲሾ ለጉብኝት ብለው ሄደው አያውቁም።
ባለፈው ጥቅምት ወር ላይ የግብፅ፣ የኤርትራ እና የሶማሊያ መሪዎች በአስመራ የሶስትዮሽ ጉባኤ አካሂደው የሶማሊያ ተቋማት እና ጦር ድንበሯን ለመጠበቅ እና የግዛት አንድነቷን ለማስጠበቅ የሚያስችል ስምምነት ላይ መድረሳቸው የሚዘነጋ አይደለም።
#Somlaia #Eritrea
@tikvahethiopia
" ከከባዱ አደጋ አንዲትም ጭረት ሰውነታችንን ሳይነካን ነው የወጣነው። ይህን ማድረግ የሚችለው አላህ (ሱወ) ብቻና ብቻ ነው !! " - ሳቢር ይርጉ
ኡስታዝ ሀሺም ሽፋ እና ሳቢር ይርጉ አስከፊ ከሆነ የመኪና አደጋ አንድም ነገር ሳይሆኑ በህይወት ተረፉ።
ዛሬ ምሽት ከሱሉልታ አቅጣጫ አጣና ጭኖ ቁልቁለቱን ሲምዘገዘግ የነበረ ኤኔትሬ ከባድ መኪና ከነጭነቱ እነ ኡስታዝ ሲጓዙበት በነበረችው መኪና ላይ ከባዱ አደጋ አድርሷል።
ሳቢር ይርጉ ፤ " እንሆ የአላህን ኒዕማ አውጀናል። በአላህ ፈቃድ ሁለታችንም ከከባዱ አደጋ ምንም ሳንሆን ተርፈናል። ሁለታችንም አንዲትም ጭረት ሰውነታችን ላይ ሳይደርስ በሰላም ወጥተናል አልሀምዱሊላህ !! ወደ የቤታችንም ገብተናል " ሲሉ ገልጸዋል።
" በህይወት ስንተርፍ ሞትን አንዘንጋው። ይህን ማድረግ የሚችለው አላህ (ሱወ) ብቻና ብቻ ነው። አልሀምዱሊላህ ጀዛኩሙላሁ ኸይር ! " ሲሉ አክለዋል።
አደጋው የደረሰባቸው ዛሬ ምሽት ለጥቂት ቀናት የሊደርሺፕ ስልጠና ለመካፈል እየተጓዙ በነበረበት ወቅት ነው።
መኪናዋን ሲያሽከረክሩ የነበሩት ኡስታዝ ሀሺም ሽፋ ሲሆኑ ሁለቱም ከከባዱ አደጋ አንድም ጭረት ሰይነካቸው በህይወት ተርፈው ወደ ቤት ገብተዋል።
መረጃውን ያካፈሉን በ ' ድምጻችን ይሰማ ' የሰላማዊ እንቅስቃሴና ትግል ወቅት በእጅጉ የሚታወቁት ሳቢር ይርጉ ናቸው።
@tikvahethiopia
" የተማሪዎች ዕለታዊ የምግብ ተመን ወጪ 100 በሆነበት ማግስት አንድ ዳቦ ለቁርስ ማቅረብ ማሻሻል አይደለም " -የመቐለ ዩኒቨርሲቲ ተማሪዎች
በትላንትናው ዕለት በመቐለ ዩኒቨርሲቲ ከተሻሻለው የምግብ ሜኑ ጋር በተያያዘ በዩኒቨርሲቲው የተፈጠረ ግርግር ለተማሪዎች መጎዳት እና ለንብረት ውድመት ምክንያት መሆኑ ተሰምቷል።
ለአለመግባባቱ መነሻ የሆነው በትምህርት ሚኒስቴር በተሻሻለው እና በሁሉም የዩኒቨርሲቲዎች ወጥነት ያለው የምግብ ሜኑ እንዲኖር የሚያዘውን መመሪያ ተከትሎ " ዩኒቨርሲቲው አግባብ ባልሆነ መንገድ ተግባራዊ እያደረገው ነው " በሚል ነው።
ዩኒቨርስቲው ከቅዳሜ 12/04/2017 ዓ/ም ጀምሮ አንድ ዳቦ ለቁርስ እየቀረበ እንደሚገኝ የዩኒቨርሲቲው ተማሪዎች ለቲክቫህ ኢትዮጵያ ተናግረዋል።
" ከዚህ በፊት ለዩኒቨርሲቲው ተማሪዎች ዕለታዊ ለቁርስ ይቀርብልን የነበረው ዳቦ ምንም እንኳን መጠኑ በጣም አነስተኛ ቢሆንም ሁለት ነበር አሁን ግን የተማሪዎች ዕለታዊ የምግብ ተመን ወጪ 100 በሆነበት ማግስት አንድ ዳቦ ለቁርስ ማቅረብ ማሻሻል አይደለም " ሲሉ ወቅሰዋል።
በዚህ የምግብ አቅርቦት ደስተኛ ያልሆኑ የዋና ግቢ እና የዓዲ ሓቂ ግቢ ተማሪዎች ድርጊቱን በመቃወማቸው ለድብደባ እና ለእስር መዳረጋቸውን ገልጸዋል።
የቲክቫህ ኢትዮጵያ መቐለ ቤተሰብ አባል ስማቸው እንዲገለፅ ያልፈለጉ በመቐለ ዩኒቨርስቲ የአሪድ የተማሪዎች ምግብ ቤት ሰራተኛን አነጋግሯል።
እኚሁ ሰራተኛ ፤ " ግርግሩ በቁርስ ሰዓት ነበር የጀመረው ተማሪዎቹ በቁርስ ሰዓት ሲቅርብላቸው የነበረው ሁለት ዳቦ ግራሙ ጨምሯል በማለት አንድ ዳቦ እንዲሰጣቸው ተደረገ ተማሪዎቹ ዳቦው አንድ መሆኑን እና የተጨመረ ግራም እንደሌለ ተናግረው የዩኒቨርስቲው አመራሮች እንዲያነጋግሩዋቸው ጠየቁ " በማለት የጉዳዩን መነሻ አብራርተዋል።
" ይሁን እንጂ የዩኒቨርሲቲው ፕሬዚዳንት መልስ ባለመስጠታቸው የተቆጡ ተማሪዎች የምግብ ጠረጴዛዎችን ፣ የምግብ ቁሳቁሶችን ፣ መስታወቶችን እና ሌሎች ነገሮች ወደ መስበር ተሸጋግረዋል በምግብ ቤቱ ሰራተኞች ላይ ግን ያደረሱት ጉዳት የለም " ብለዋል።
በቁርስ ሰዓት በአሪድ ካምፓስ የጀመረው ግርግር ወደ ዓዲ ሓቂ ካምፓስ በመዝለቅ እስከ እራት ሰዓት ድረስ በዩኒቨርስቲ ንብረቶች ላይ ውድመት መድረሱን ተገልጿል።
የክልሉ ፓሊስ ኮሚሽን ወደ ካምፓሶቹ የፀጥታ አካላት መላኩ ተነግሯል።
በዚህም ሳቢያ በፓሊስ እና በተማሪዎቹ መካከል በተፈጠረ ግጭት ተማሪዎች የድብደባ ጥቃት እንደደረሰባቸው ተነግሯል።
በሁለቱ ካምፓሶች ግን ለጊዜው ግምቱ ያልተጣራ ንብረት መውደሙን ለመረዳት ተችሏል።
በመቐለ ዩኒቨርስቲ አሪድ እና ዓዲ ሓቂ ካምፓሶች የተፈጠረው ግርግር በአሁኑ ሰዓት ሙሉ በሙሉ ቆሟል።
ቲክቫህ ኢትዮጵያ የዩኒቨርስቲውን የኮሙኒኬሽን ኮርፓሬት ስለ ተፈጠረው ግርግር ማብራርያ እንዲስጥ ያቀረበው ጥያቄ " የጉዳዩ መነሻ እና መድረሻ የሚመለከት ይፋዊ መግለጫ በሚድያ እስከሚሰጥ ጠብቁ የሚል " ምላሽ ተሰጥቶታል።
በኃላም ተቋሙ ማብራሪያ አውጥቷል።
በዚህም ፦
- በሃገር ደረጃ የዩኒቨርሲቲ ተማሪዎች ሃገራዊ የምግብ ሜኑ በትምህርት ሚኒስቴር ጸድቆ ለትግበራ መላኩን ገልጿል።
- ዩኒቨርሲቲው ከተማሪዎች ህብረት ጋር በመነጋገር የመቐለ ዩኒቨርሲቲ የተማሪዎች የምግብ ሜኑን አዘጋጅቶ ወደ ትግበራ መግባቱን አመልክቷል።
- በሜኑው ላይ የሚስተካከሉ ነገሮች ካሉ ብሄራዊ ሜኑ በይዘት እና በጀት ደረጃ እስካልተለየ ድረስ ጥያቄዎች በተማሪዎች ህብረት በኩል ቀርበው ማስተካከል እንደሚቻል አመልክቷል።
- በሃገር ደረጃ ተግባራዊ የሆነውን የምግብ ሜኑ ተቃውሞ የዩኒቨርሲቲውን መሰረተልማት ማጥፋት እና የካፊተርያ እና የጥበቃ ሰራተኞች ላይ ጉዳት ማድረስ ተማሪዎችን እንዲሁም ማህበረሰቡን እና ሃገሪቱን የሚጎዳና ተግባር እንደሆነ ገልጿል።
- ተማሪዎች ቅሬታቸውን በሰላማዊ መንገድ መግለጽ እንዳለባቸው አሳስቧል።
ጉዳዩን በተመለከተ የመቐለ ዩኒቨርስቲ የተማሪዎች ህብረት የዩኒቨርሲቲው ተማሪዎች ያቀረቧቸው ጥያቄዎች ትክክለኛ ስለመሆናቸው የሚገልጽ የአቋም መግለጫ አውጥቷል።
ቲክቫህ ኢትዮጵያ የተመለከተው የአቋም መግለጫ ከሚመለከታቸው የማኔጅመንት አካላት ጋር በተደረገ ውይይት ያለኣግባብ የታሰሩ ተማሪዎች እንዲፈቱ እና ያለ መረጃ በተማሪዎች ላይ እርምጃ እንዳይወሰድ መወያየታቸውን ይገልጻል።
በተጨማሪም አዲሱ ሜኑ ሙሉ ለሙሉ ተግባራዊ እስከሚሆን ድረስ በነባሩ ሜኑ እንዲቀጥል ከመግባባት ላይ መደረሱን ገልጿል።
ህብረቱ ለተማሪዎች ሰላማዊ ጥያቄ ከተማሪዎች ጎን እንደሚቆም ይሁን እንጂ በዋና ግቢ ካፍቴሪያ እና በኣዲ ሓቂ ተማሪዎች ላይ የደረሰው ጉዳት እና ስህተት ፈጽሞ መደገም የለበትም ብሏል።
#TikvahEthiopiaFamilyMekelle
@tikvahethiopia
🌟 ቴሌብር ሐዋላ ከዕለታዊ ምንዛሬ ላይ 8% ጨምሮ በምቾትና በቅልጥፍና ያስረክባል!!
ከውጭ አገራት የተላከልዎን ሐዋላ በቴሌብር ሲቀበሉ
🟡 በቴሌብር ሬሚትና በቪዛ የተላከልዎን ሐዋላ በአቢሲኒያ ባንክ ዕለታዊ ተመን
🟣 በዌስተር ዩኒየን (Western Union)፣ ኦንአፍሪክ (onafriq) እንዲሁም ቱንስ (Thunes) የተላከልዎን ደግሞ በኢትዮጵያ ንግድ ባንክ ዕለታዊ የምንዛሬ ተመን
👉 ከተጨማሪ 8% የገንዘብ ስጦታ ጋር ይደርስዎታል።
🗓 እስከ ታህሳስ 22/2017 ዓ.ም
ቴሌብር - እጅግ ቀላል፣ ፈጣን፣ ምቹ እና አስተማማኝ!
#Ethiotelecom #telebirr #telebirrSupperApp #DigitalEthiopia #DigitalAfrica #RealizingDigitalEthiopia
#Ethiopia #Somalia #Egypt
የሶማሊያ ናሽናል ኢንተለጀንስ ኤንድ ሴኪዩሪቲ ኤጀንሲ ዳይሬክተር አብዱላሂ ሞሐመድ ዓሊ ኢትዮጵያ ይገኛሉ።
አብዱላሂ ከብሔራዊ መረጃና ደህንነት አገልግሎት ዳይሬክተር አምባሳደር ሬድዋን ሁሴን ጋር መክረዋል።
ውይይቱ የአንካራውን ስምምነት ተግባራዊ ከማድረግ ጋር በተያያዘ ከሁለቱ ሀገራት አቻ ተቋማት የሚጠበቁ የትብብርና የአጋርነት መስኮች ላይ ትኩረት ያደረገ ነበር።
በውይይቱ የኢትዮጵያና ሶማሊያ የደኅንነትና የጸጥታ ተቋማት ስምምነቱ ተግባራዊ እንዳይሆን እንቅፋት የሚፈጥሩ አካላትን ለመከላከል የሚጠበቅባቸውን ሚና ለመወጣት የጋራ መግባባት እና ስምምነት ላይ መድረሳቸው ተነግሯል።
በሌላ በኩል ፥ የሶማሊያ የውጭ ጉዳይ እና ዓለም አቀፍ ትብብር ሚኒስትር ዴኤታ አሊ ሞሃመድ ኦማር ኢትዮጽያ ይገኛሉ።
በውይይታቸው ሁለቱ ወገኖች የሁለትዮሽ ግንኙነታቸውን ማሻሻል እና በቀጣናው ሰላምና መረጋጋት ማስጠበቅ ላይ ያላቸውን ትብብር ማጠናከር በሚቻልበት ሁኔታ ላይ መምከራቸውን ኤፍ ኤም ሲ ዘግቧል።
ይህ በእንዲህ እንዳለ ግን ሶማሊያ የውጭ ጉዳይ ሚኒስትር ዴኤታዋን ወደ ኢትዮጵያ በላከችበት በዚህ ወቅት የውጭ ጉዳይ ሚኒስትሯን ግብፅ ካይሮ ልካለች።
ሚኒስትሯ አሕመድ ፊቂ ከግብጹ ውጭ ጉዳይ ሚንስትር ባድር አብደላቲ ጋር ከመከሩ በኃላ የጋራ መግለጫ ሰጥተው ነበር።
በዚሁ መግለጫ ፤ የግብፁ ሚኒስትር " የቀይ ባሕርን ዳርቻ መጠቀም የሚችሉት ከባሕሩ ጋር የሚዋሰኑ አገራት ብቻ መሆን ይገባል ፤ የቀይ ባሕር ዳርቻ አዋሳኝ ላልሆኑ ሀገሮች ክፍት ሊሆን አይችልም " በማለት መናገራቸውን " ኢጂፕት ዴይሊ " ዘግቧል።
ግብፅ ይህን አስተያየት የሰጠችው ኢትዮጵያ እና ሶማሊያ በአንካራ ኢትዮጵያ የባህር በርን ልታገኝ የምትችልበትን ስምምነት ፈርመው ፊርማ ሳይደርቅ ነው። በቀጣይ ወር ደግሞ ለዚሁ ጉዳይ ንግግር እንደሚጀመር ይታወቃል።
ከዚህ ባለፈ የግብፁ ሚኒስትር ፤ " የሱማሊያ ፌደራል መንግሥት መላው የሀገሪቱን ግዛቶች ሙሉ እንዲቆጣጠር " በሚችልበት አግባብ ላይ መምክራቸውን ተናግረዋል።
ከዚህ ባለፈ ግብፅ የአፍሪካ ህብረት በሶማሊያ በሚያደረገው ተልዕኮ " ወታደሮቼን አወጣላሁ " ብላለች።
የሶማሊያው ሚኒስትር በሰጡት አስተያየት " ግንኙነታቸን ወደ ስትራቴጂካዊ አጋርነት ለማሸጋገር ተስማምተናል " ሲሉ መናገራቸውን ኢጂይፕት ዴይሊ አስነብቧል።
#Ethiopia #Somalia #Egypt
@tikvahethiopia
🔈#ኮሬ
“ ሰሞኑን በጎርካ ወረዳ ቆሬ ቀበሌ ንጹሐን ዜጎች በታጣቂዎች ተገድለዋል ” - የዞኑ አካል
🔴 “ እስካሁን ድረስ ነዋሪዎቹ በየቀኑ ይገደላሉ። የአንዳንዱ ግድያ ይገለጻል ፤ የአንዳንዱ አይገለጽም ሰው ተሰላችቶ ” - በሕዝብ እንደራሴዎች ም/ቤት የዞኑ ህዝብ ተወካይ
በደቡብ ኢትዮጵያ ክልል፣ ኮሬ ዞን የንጹሐን በታጣቂዎች ግድያ ባለመቆሙ ዞኑ እና በህዝብ እንደራሴዎች ምክር ቤት የዞኑ ተወካይና በቲክቫህ ኢትዮጵያ በኩል ዛሬም ፍትህ ጠይቀዋል።
ስማቸው እንዳይገለጽ የፈለጉ በኃላፊነት ላይ የሚገኙ አንድ የዞኑ አካል፣ እሁድ ታኀሳስ 13 ቀን 2017 ዓ/ም 11 ሰዓት ተኩል ገደማ ታጣቂዎች ባደረሱት ጥቃት ንጹሐን ዜጎች መገደላቸው ለቲክቫህ ኢትዮጵያ ተናግረዋል።
እኝሁ አካል በሰጡት ቃል፣ “ ምዕራብ ጉጂ ዞን ሱሮ ባርጉዳ ወረዳ የሚንቀሳቀሱ ታጣቂዎች ወደ ዞኑ ጎርካ ወረዳ ቆሬ ቀበሌ ገብተው ባደረሱት ጥቃት ሁለት አርሶ አደሮች ተገድለዋል ” ነው ያሉት።
ታጣቂዎቹ ከፈቱት ባሉት ተኩስ ዩኑሱ ኡሱማን ኃይሌ የተባለ ወጣት ወዲያው፣ ወጣት ቡቹቴ ማስረሻ ደግሞ ወደ ኬሌ መጀመሪያ ደረጃ ሆስፒታል ከደረሰ በኋላ ህይወታቸው ማለፉን ከቤተሰቦቻቸው እንዳረጋገጡ ገልጸዋል።
በተለይ በዞኑ የተለያዩ ወረዳዎች የሚገኙ ነዋሪዎች ነቅተው ከፍተኛ ጥንቃቄ እንዲያደርጉ ዞኑ በአጽንኦት አሳስቧል።
ቲክቫህ ኢትዮጵያ፣ መንግስት በዞኑ የሚፈጸመውን ጥቃት እንዲያስቆም ከዚህ ቀደም ስለቀረቡት ጥያቄ ምን አዲስ ነገር አለ ? ሲል በህዝብ ተወካዮች ምክር ቤት የኮሬ ዞን ህዝብ ተወካይ አወቀ አምዛዬ (ዶ/ር)ን ጠይቋል።
በፓርላማ የህዝብ ተወካዩ ምን ምላሽ ሰጡ ?
“ በፓርላማ ባለፈው እኔ ለጠቅላይ ሚኒስትር አቢይ አሕመድ (ዶ/ር) ኬዙን አንስቼ ነበር። ሽማግሌዎችም በተደጋጋሚ እዛ ርዕሰ መስተዳድር ሄደው ነበር።
እስካሁን ድረስ ነዋሪዎቹ በየቀኑ ይገደላሉ። የአንዳንዱ ግድያ ይገለጻል፤ የአንዳንዱ አይገለጽም ሰው ተሰላችቶ። የተለዬ ምንም መፍትሄም የለም።
መንግስት ትኩረት ቢሰጥ ኖሮ ያ አካባቢ ይህን ያህል የሚያስቸግር አይደለም፣ ጠባብ ቦታ ነው ገላና ሸለቆና ነጭ ሳር ፓርክ የሚባለው እነዚህ ሽፍቶች የሚንቀሳቀሱበት።
በቀላሉ ኦፕሬሽን አድርጎ ችግሩን መፍታት ይችላል በሚል በተደጋጋሚ እናቀርባለን፤ ከዛም የመንግስት ሰራዊት ይሄዳል። ትንሽ ቆይቶ በሌሎች አካባቢዎች የጸጥታው ችግር ሲብስ የሚመለስበት ሁኔታ ነው ያለው።
የተለዬ የተሰጠ ትኩረትም የለም። የተለዬ መፍትሄም የለም ” ብለዋል።
በየጊዜው ጥቃት እንደሚፈጸም ቢገልጹም ጥቃቱ እስካሁን አለመቆሙን እየተገለጸ ነው፤ ችግሩ እንዲቆም ምን መደረግ አለበት ? እንደ ህዝብ ተወካይነትዎ ያለዎት መልዕክት ምንድን ነው? የሚል ጥያቄም አቅርበናል።
አወቀ አምዛዬ (ዶ/ር) ምን መለሱ?
“ የምናስተላልፈው መልዕክት መንግስት ልዩ ትኩረት እንዲሰጥ ነው። በተጨማሪም ህዝቡን ራሱን መጠበቅ መቻል አለበት።
የደቡብ ኢትዮጵያ ክልል በተቻለው ጥረት እያደረገ ነው። በዬአካባቢዎቸለ የሚነሱ ግጭቶችን ኢንፍሎንስ ያደርጋል ኃይል በመላክና ትኩረት እንሰጥ በማድረግ።
የፓሊስ አባላት፣ ሚሊሻም በደንብ ተመልምሎ ለህዝቡ ጥበቃ እንዲያደርጉ መንግስት ከሌላው አካባቢ በተለዬ ሁኔታ ይህን ያመቻች የሚል ጥያቄ ተነስቶ ነበር ለክልሉም፤ አሁንም ይህ ጥበቃ ቢደረግ ነው የተሻለ የሚሆነው።
በዘላቂነት ግን ከአገራዊ ሁኔታው ጋር በተያያዘ ጀነራል ኦፕሬሽን ሰርቶ ብቻ ነው ችግሩን ማቃለል የሚቻለውና ለዛ ትኩረት ይሰጥ።"
በኮሬ ዞን የተለያዩ ወረዳዎች የሚገኙ ነዋሪዎች ከ2009 ዓ/ም ጀምሮ ከጉጂ በሚነሱ ታጣቂዎች ዘርፈ ብዙ ጥቃት እንደሚያርሱባቸው በተደጋጋሚ ለቲክቫህ ኢትዮጵያ ጭምር መግለጻቸው የሚታወስ ሲሆን፣ አሁንም ጥቃቱ ባለመቆሙ የመንግስትን ትኩረት እየተማጸኑ ይገኛሉ።
#TikvahEthiopiaFamilyAA
@tikvahethiopia
#Update
በዓለም አቀፍ ደረጃ የሚከሰቱ የመሬት መንቀጥቀጥ ክስተቶችን የሚከታተለው የአሜሪካ ጂኦሎጂካል ሰርቬይ ድረገጽ ምሽት 4:41 ላይ ከመተሐራ 13 ኪሎ ሜትር ርቀት የመሬት መንቀጥቀጥ ተከስቶ እንደነበር አመልክቷል።
መሬት መንቀጥቀጡ በሬክተር ስኬል 4.9 የተመዘገበ መሆኑን አመልክቷል።
ንዝረቱ አዲስ አበባ ድረስ ነው የተሰማው።
@tikvahethiopia
" ወላጆች የልጆቻችሁን ውሎና ሁኔታ እንድትከታተሉ አደራ እንላለን " - የትግራይ ክልል ፍትሕ ቢሮ
ህፃናትን የደፈረው ወንጀለኛ በ16 ዓመት ፅኑ እስራት ተቀጣ።
ወንጀለኛው የደፈራቸው ሁለት ሴት ህፃናት በማጣባቂያ ማስትሺና በጨርቅ በማፈን እንደሆነ ተሰምቷል።
ወንጀሉ መቼ እና እንዴት ተፈፀመ ?
ወንጀሉ የተፈጸመው መጋቢት 2016 ዓ.ም ሲሆን ቦታው ደግሞ በትግራይ ሰሜናዊ ምዕራብ ዞን እንዳስላሰ ከተማ ቀበሌ 04 ነው።
የድርጊቱ ፈፃሚ ወንጀለኛ የ28 ዓመቱ ክብሮም ኣብርሃ ኪዳነማርያም ሲሆን ፤ ነውረኛ ድርጊቱን የተፈፀመው የ11 እና 12 ዕድሜ ባላቸው እንስት ህፃናት ላይ መሆኑ የጥፋተኛው የክስ የውሳኔ ማስረጃ ያስረዳል።
ወንጀለኛው እድሜያቸው ከላይ የተጠቀሰውን ለአቅመ ሄዋን ያልደረሱ፣ ክፉ ደጉን እንኳን የማይለዩ ሁለት ህፃናትን በተለያዩ ጊዚያት የተለያዩ መደለያዎች በመስጠት #እንዲቀርቡትና #እንዲለምዱት ካደረገ በኋላ ፤ ቀን መርጦ በጨርቅ እና በማጣበቂያ ማስትሺ ተጠቅሞ ድምፅ እንዳያሰሙ በማፈን አስገድዶ የመድፈር ተግባር ፈፅሞባቸዋል።
ይህ እጅግ ለመስማት የሚቀፍ አፀያፊ ደርጊት ለወራት ሲያጣራ የቆየው የፓሊስና የፍትህ አካል በመቀበል የግራና ቀኝ ምስክሮች ያዳመጠው የሰሜናዊ ምዕራብ ዞን ማእከላዊ ፍርድ ቤት ታህሳስ 11/2017 ዓ.ም ባዋለው ችሎት ግለሰቡ ክብሮም ኣብርሃ ኪዳነማርያም ወንጀለኛ ሆኖ በመገኘቱ በ16 ዓመት ፅኑ አስራት እንዲቀጣ ወስኖበታል።
ጉዳይ በማስመልከት ለሚድያ መገለጫ የላከው የትግራይ ፍትህ ቢሮ ፤ ወላጆች በህፃናት ላይ ይህንን መሰል አፀያፊ ተግባር የሚፈፅሙትን እንዲያጋልጡና የልጆቻቸው ውሎና ሁኔታ እንዲከታተሉ አደራ ብሏል።
በሀገራችን ሴቶች ላይ ለሚፈጸሙ ዘግናኝ የአስገድዶ መድፈር ወንጀሎች የሚሰጠው ፍርድ ምንም የማያስተምር ፤ ይልቅም ወንጀልን የሚያበረታታ እንደሆነ በተደጋጋሚ የሚነሳ ከፍተኛ ቅሬታ ነው።
በተለይ ህጻናትን የሚደፍሩ ወንጀለኞች ላይ የሚተላለፉ ፍርዶች ብዙ ጊዜ ዜጎችን የሚያስቆጡ እንደሆኑ በተደጋጋሚ የተስተዋለ ጉዳይ ነው።
መረጃውን አዘጋጅቶ የላከው የመቐለው የቲክቫህ ኢትዮጵያ ቤተሰብ አባል ነው።
@tikvahethiopia
" ቲክቶክ የሰፈር ወሮበላ ነው " - ጠ/ሚ ኤዲ ራማ
ከሳምንታት በፊት አልባንያ ውስጥ አንድ የ14 ዓመት ታዳጊ በስለት ተወግቶ መገደሉን ተከትሎ አልባንያ ቲክቶክን ለማገድ ልታስብ እንደምትችል መረጃ መለዋወጣችን ይታወሳል።
አሁን ደግሞ የሀገሪቱ ጠቅላይ ሚኒስትር ኤዲ ራማ ሀገራቸው ለ1 ዓመት ቲክቶክን እንደምታግድ ተናግረዋል።
ባለፈው ወር የ14 ዓመቱ ታዳጊ ከተገደለ በኋላ ማኅበራዊ ሚዲያ ልጆች ላይ የሚያሳድረው ጫና ስጋት ፈጥሯል።
ይህን ተከትሎ ነው ጠቅላይ ሚኒስት ኤዲ ራማ ቲክቶክ እንደሚታገድ ያሳወቁት።
በአልባንያ መዲና ቲራና መምህራን፣ ወላጆችና የሥነ ልቦና ባለሙያዎች በተገኙበት ውይይት ጠቅላይ ሚኒስትሩ " ቲክቶክ የሰፈር ወሮበላ ነው " ብለዋል።
" ለአንድ ዓመት ቲክቶክ እናግዳለን። ወላጆች የልጆቻቸውን የትምህርት ዕድገት የሚከታተሉበት አሠራር እንዘረጋለን " ሲሉ አክለዋል።
ጠቅላይ ሚኒስትሩ " በቻይና ቲክቶክ የሚያገለግለው ለልጆች ትምህርት፣ ለተፈጥሮ ጥበቃና ባህልን ለመጠበቅ ነው። ከቻይና ውጭ ያለው ቲክቶክ ግን ርካሽና አሳሳች ነው። ይሄን ለምን እንፈልጋለን ታዲያ? " ብለዋል።
መምህራን ፣ ወላጆችና የሥነ ልቦና ባለሙያዎች ስለማኅበራዊ ሚዲያው ውይይት እያደረጉ ናቸው።
ባለፈው በደቡባዊ ቲራና ትምህርት ቤት በተነሳ ድብድብ አንድ የ14 ዓመት ታዳጊ ሲገደል ሌላ ታዳጊ ደግሞ ተጎድቷል።
ይህ ፀብ የተጀመረው ማኅበራዊ ሚዲያ ላይ ነው ተብሏል።
ቲክቶክ ከአልባንያ በአፋጣኝ ማብራሪያ እፈልጋለሁ ብሏል።
ቲክቶክ ለቢቢሲ በሰጠው ቃል ፥ " የ14 ዓመቱን ታዳጊ የገደለው ሰውም ይሁን ታዳጊው ቲክቶክ እንዳላቸው ማረጋገጫ አላገኘሁም " ሲል ገልጿል።
ይህ መረጃ ባለቤትነቱ የቢቢሲ ነው።
@tikvahethiopia