UzA | Tezkor xabarlar

09 Sep 2024 14:45

DXX: korrupsiya va firibgarlik holatlariga chek qoʻyildi

▫️Ekologiya, atrof-muhitni muhofaza qilish va iqlim oʻzgarishi vazirligi huzuridagi “Xavfsiz daryo boshqarmasi” davlat muassasasining Qashqadaryo viloyati boʻlinmasi mansabdor xodimi Qarshi tumanida istiqomat qiluvchi fuqaro tomonidan maxsus texnikalar yordamida “Qashqadaryo” daryosi atrofidan noqonuniy ravishda qum qazib olayotganlik holatini aniqlab, unga nisbatan chora koʻrmaslik va ushbu noqonuniy holat yuzasidan jarima maydonchasiga joylashtirilgan ekskavator-yuklagich texnikasini chiqarib berish, shuningdek, kelgusida qum qazib olishida rahnamolik qilish evaziga 3 ming AQSH dollari olgan vaqtida ashyoviy dalillar bilan ushlandi.

Holat yuzasidan ushbu mansabdor shaxsga nisbatan Jinoyat Kodeksining 210-moddasi 2-qismi “v” bandi bilan jinoyat ishi qoʻzgʻatilib, qamoq ehtiyot chorasi qoʻllanildi.

▫️Surxondaryo viloyatidagi qurilish obyektlarida nazorat oʻlchov faoliyatini amalga oshiruvchi MCHJning yetakchi mutaxassisi Jizzax viloyatida qurilish faoliyati bilan shugʻullanuvchi MCHJ mansabdor shaxslariga nisbatan joriy yilning may oyida prokuratura organlari tomonidan Jinoyat Kodeksining 167-moddasi bilan qoʻzgʻatilgan jinoyat ishi doirasida, ushbu MCHJ tomonidan Yangiobod tumanida amalga oshirilgan qurilish ishlari boʻyicha oʻtkazilgan nazorat oʻlchovida aniqlangan qoʻshib yozish holatlarini tekshiruv xulosasida koʻrsatmaslik hamda tanishlari orqali tergov jarayonlarida yengillik yaratib berish evaziga 400 mln. soʻm talab qiladi. Tezkor tadbirda yetakchi mutaxassis talab qilingan pul mablagʻidan 150 mln. soʻm olgan vaqtida ushlandi.

Holat boʻyicha qonunbuzarga nisbatan Jinoyat Kodeksining 25,168-moddasi 3-qismi “a”, “v” bandlari hamda 28,211-moddasi 2-qismi “b” bandi bilan jinoyat ishi qoʻzgʻatilib, qamoq ehtiyot chorasi qoʻllanildi.

Kanalga ulanish: 
➖@uzauz

UzA | Tezkor xabarlar

09 Sep 2024 13:10

Dollarning rasmiy kursi tushdi

Markaziy bank 10-sentabrdan xorijiy valutalarning o‘zbek so‘miga nisbatan yangi qiymatini belgiladi.

1 USD 12 681,79 so‘m (– 18,31)
1 RUB 140,11 so‘m (– 1,14)
1 EUR 14 023,52 so‘m (– 91,37)

Kanalga ulanish: 
➖@uzauz

UzA | Tezkor xabarlar

09 Sep 2024 08:50

“Tadbirkorlikni rivojlantirish kompaniyasi” AJga quyidagi vazifalar yuklatildi:

▫️qayta moliyalashtiriladigan yoki kafillik taqdim etiladigan mikrokreditlarning shartlariga, mikrokredit oluvchilarga qoʻyiladigan talablarni va mikrokreditlar ajratadigan banklar va mikromoliya tashkilotlariga nisbatan muvofiqlik mezonlarini belgilash;

▫️respublika byudjeti va boshqa manbalardan moliyaviy mablagʻlarni jalb qilish va ularni kichik tadbirkorlik subyektlariga ajratilgan mikrokreditlar boʻyicha tavakkalchiliklarni oʻzaro taqsimlash asosida qayta moliyalashtirishga yoʻnaltirish;

▫️mikrokredit beruvchilar tomonidan oʻz mablagʻlari hisobidan kichik tadbirkorlik subyektlariga ajratilgan mikrokreditlar boʻyicha portfel kafilliklar taqdim etish.

Kanalga ulanish:
➖@uzauz

UzA | Tezkor xabarlar

09 Sep 2024 08:45

Kichik biznesni uzluksiz qoʻllab-quvvatlash dasturi takomillashtiriladi

Prezident Qaroriga koʻra, dastur doirasida quyidagi mexanizmlar amaliyotga joriy etiladi:

— bir loyiha doirasida 300 million soʻmgacha mikrokreditlarni, shundan 100 million soʻm garovsiz qismini “Tadbirkorlikni rivojlantirish kompaniyasi” AJ mablagʻlari hisobidan, 200 million soʻmgacha qismini banklar va mikromoliya tashkilotlarining oʻz mablagʻlari hisobidan ajratish;

— garovsiz ajratilgan 100 million soʻm doirasida mikrokreditlar boʻyicha kredit tavakkalchiligini davlat va mikrokredit beruvchilar oʻrtasida taqsimlash yoki ular boʻyicha Kompaniyaning portfel kafilligini taqdim etish;

— mikrokredit beruvchilar tomonidan oʻz mablagʻlari hisobidan ajratilgan 100 million soʻmgacha garovsiz mikrokreditlarni qayta moliyalashtirish tizimiga oʻtish.

Kanalga ulanish:
➖@uzauz

UzA | Tezkor xabarlar

09 Sep 2024 05:27

Bugun soat 05:45 da Toshkentda 3,6 magnitudali zilzila sodir bo'ldi

Zilzila episentri: Mirzo Ulug'bek tumani.

Tumanlarda sezilish kuchi:

• Mirzo Ulug'bek tumanida 2 ball, 2 km.
• Mirobod tumanida 2 ball, 5 km.
• Shayxontoxur tumanida 2 ball, 6 km.
• Yashnabod tumanida 2 ball, 6 km.
• Olmazor tumanida 2 ball, 7 km.
• Yakkasaroy tumanida 2 ball, 7 km.
• Chilonzor tumanida 2 ball, 9 km.

Kanalga ulanish:
➖@uzauz

UzA | Tezkor xabarlar

08 Sep 2024 16:06

Prezident Shavkat Mirziyoyev amaliy tashrif bilan Qozogʻiston poytaxtiga keldi

Ostona xalqaro aeroportida davlatimiz rahbarini Qozogʻiston Bosh vaziri Oljas Bektenov va boshqa rasmiy shaxslar kutib oldi.

Tashrif dasturiga muvofiq, Oʻzbekiston Prezidenti bugun Ostona shahrida boʻlib oʻtadigan V Butunjahon koʻchmanchilar oʻyinlarining ochilish marosimida ishtirok etadi.

Kanalga ulanish:
➖@uzauz

UzA | Tezkor xabarlar

07 Sep 2024 18:01

Dovurxon Karomatov Paralimpiya o‘yinlarining bronza medalini qo‘lga kiritdi!

Hozirgina para dzyudo bo‘yicha erkaklar o'rtasida J2 klassida -90 kg vazn toifasida bronza medal uchun tatamiga chiqqan hamyurtimiz Dovurxon Karomatov gruziyalik Lasha Kizilashvilini mag‘lubiyatga uchratdi va delegatsiyamiz hisobiga 7-bronza medalni qo‘shib qo‘ydi.

Ma’lumot uchun: bu Dovurxon Karomatovning faoliyatidagi ikkinchi Paralimpiya medali hisoblanadi. U bundan avval Tokioda bo‘lib o‘tgan o‘yinlarda kumush medalni qo‘lga kiritgan.

Kanalga ulanish:
➖@uzauz

UzA | Tezkor xabarlar

07 Sep 2024 17:41

Oʻzbekiston Ekologik partiyasining V Forumi boʻlib oʻtdi

Forumda partiyaning 2020-2024-yillardagi faoliyati, saylovoldi dasturi hamda Oliy Majlis Qonunchilik palatasi deputatligiga nomzodlarni koʻrsatish masalalari koʻrib chiqildi.

Batafsil — https://uza.uz/posts/633061

Kanalga ulanish:
➖@uzauz

UzA | Tezkor xabarlar

07 Sep 2024 13:23

🇺🇿🥈Ro‘za Kuziyeva - Paralimpiya o‘yinlari kumush medal sohibi!

Hozirgina para pauerlifting bo‘yicha ayollar o‘rtasida -73 kg vazn toifasida bahslar o‘z yakuniga yetdi. Ushbu dasturda ishtirok etgan hamyurtimiz Ro‘za Kuziyeva 147 kg natija qayd etgan holda delegatsiyamiz hisobiga 9-kumush medalni qoʻshib qoʻydi.

Maʼlumot uchun: Roʻza Kuziyeva bundan avval Tokioda boʻlib oʻtgan XVI Paralimpiya oʻyinlarida ham kumush medalni qoʻlga kiritgan edi.

Kanalga ulanish: 
➖@uzauz

UzA | Tezkor xabarlar

07 Sep 2024 12:25

❗️Toshkentda yangi oʻquv yili arafasida yoʻlovchi tashish xizmatlari yaxshilandi

2024-yil 4-sentyabr kunidan Respublika, jumladan Toshkent shahridagi oliy taʼlim muassasalari va maktablarda yangi oʻquv yili boshlanishi munosabati bilan “Toshshahartransxizmat” AJ va avtobus saroylari tomonidan yoʻlovchilar tashish xizmatlari sifatini oshirish maqsadida keng qamrovli chora-tadbirlar amalga oshirildi. Jumladan:

▫️Talabalar va oʻquvchilar asosiy yoʻlovchilarni tashkil etuvchi 121-sonli avtobus yoʻnalishida 14 ta yangi King Long avtobuslari harakatga tushirildi.

▫️28-sonli avtobus yoʻnalishida 13 ta Elektrobuslar oʻrniga oʻta katta sigʻimli King Long avtobuslari qoʻshildi.

▫️Jumabozor va Bardankoʻl yoʻnalishidagi 174-sonli avtobuslarda eski Mersedes Bens avtobuslari oʻrniga yangi Yutong avtobuslari yoʻlga qoʻyilib, interval 10-12 daqiqagacha qisqartirildi.

▫️Qibraydagi Haydarobod mavzesi orqali harakatlanuvchi 159-sonli avtobus yoʻnalishidagi barcha SAZ LE avtobuslari katta sigʻimli 2 ta yangi Yutong rusumli avtobuslarga oʻzgartirildi (Hozirda ushbu yoʻnalishdagi avtobuslar sonini koʻpaytirish boʻyicha tashkiliy ishlar olib borilmoqda).

▫️Iyk ota mavzesi va Oʻzbekiston xoʻjaligi orqali harakatlanuvchi 137-sonli avtobus yoʻnalishida harakatlanuvchi Mersedes Bens avtobuslari soni 7 tadan 9 taga oshirildi. Natijada, interval vaqti 20 daqiqadan 10-12 daqiqagacha kamaytirildi.

Kanalga ulanish: 
➖@uzauz

UzA | Tezkor xabarlar

07 Sep 2024 11:35

🇺🇿🥇Nurxon Qurbonova delegatsiyamizga 10-oltin medalni olib keldi!

Hozirgina para yengil atletika bo‘yicha ayollar o‘rtasida F54 klassida nayza uloqtirish dasturida final bahslari yakunlandi. Ushbu yo‘nalishda yurtimiz sharafini himoya qilgan Nurxon Qurbonova 21.12 metr natija qayd etgan holda jahon rekordini yangiladi va delegatsiyamiz hisobiga 10-oltin medalni qo‘shib qo‘ydi.

Ma’lumot uchun: F54 klassida nayza uloqtirish bo‘yicha amaldagi jahon rekordi ham aynan Nurxon Qurbonovaning o‘ziga tegishli edi. Hamyurtimiz joriy yil Yaponiyada bo‘lib o‘tgan jahon chempionatida 20.73 metr natija bilan jahon rekordini yangilashga muvaffaq bo‘lgandi.

Nurxon Qurbonova bundan avval Tokio-2020 yozgi Paralimpiya o‘yinlarida kumush va bronza medallarini qo‘lga kiritgan.

Kanalga ulanish: 
➖@uzauz

UzA | Tezkor xabarlar

06 Sep 2024 18:12

Uchqun Quronboyev bronza medalni qoʻlga kiritdi!

Para dzyudo bo‘yicha erkaklar o‘rtasida J2 klassida -73 kg vazn toifasida bahs olib borayotgan vakilimiz Uchqun Quronboyev bronza medal uchun kechgan bellashuvda Kim Dongunga qarshi tatamiga chiqdi va gʻalabaga erishib, delegatsiyamiz hisobiga navbatdagi bronza medalni qoʻshib qoʻydi.

Kanalga ulanish: 
➖@uzauz

UzA | Tezkor xabarlar

06 Sep 2024 15:46

Bugun Prezident Shavkat Mirziyoyev Parijda boʻlib oʻtayotgan Paralimpiya oʻyinlarining keyingi kunlarida muvaffaqiyat qozongan sportchilarimiz bilan telefon orqali suhbatlashdi.

Kanalga ulanish: 
➖@uzauz

UzA | Tezkor xabarlar

06 Sep 2024 13:11

Temur Giyazov – Paralimpiya o‘yinlarining bronza medal sohibi!

Para yengil atletika bo‘yicha erkaklar o‘rtasida T44 klassida balandlikka sakrash dasturida final bahsi yakunlandi. Ushbu yo‘nalishda ishtirok etgan hamyurtimiz Temur Giyazov 2.03 metr natija qayd etgan holda bronza medalga sazovor bo‘ldi!

Kanalga ulanish: 
➖@uzauz

UzA | Tezkor xabarlar

06 Sep 2024 12:06

Safiya Burxanova delegatsiyamiz hisobiga oltinchi kumush medalni keltirdi

Para yengil atletika bo‘yicha ayollar o‘rtasida F12 klassida yadro uloqtirish bahslari yakunlandi. Ushbu yo‘nalishda qatnashgan hamyurtimiz Safiya Burxanova 14.12 metr natija ko‘rsatib, delegatsiyamiz hisobiga oltinchi kumush medalni qo‘shib qo‘ydi.

Ma’lumot uchun: Safiya Burxanova bundan avval Rio-2016 Paralimpiya o‘yinlarida kumush va Tokio-2020 Paralimpiya o‘yinlarida oltin medalni qo‘lga kiritgan.

Kanalga ulanish: 
➖@uzauz

UzA | Tezkor xabarlar

09 Sep 2024 14:24

Rossiya Federatsiyasi hukumati raisi Mixail Mishustin Oʻzbekistonga keldi

Toshkent xalqaro aeroportida yuqori martabali mehmonni Oʻzbekiston Respublikasi Bosh vaziri Abdulla Aripov va boshqa rasmiylar kutib oldi.

Kanalga ulanish: 
➖@uzauz

UzA | Tezkor xabarlar

09 Sep 2024 08:52

“Kichik biznesni uzluksiz qoʻllab-quvvatlash” kompleks dasturi doirasida mikrokreditlar ajratish va resurs mablagʻlari bilan taʼminlashda, “Tadbirkorlikni rivojlantirish kompaniyasi” AJga moliyaviy mablagʻlarni Markaziy bankning asosiy stavkasidan 2 foiz band past stavkada 3 yil imtiyozli davr bilan 7 yil muddatga joylashtirish tartibi joriy etiladi.

Kanalga ulanish:
➖@uzauz

UzA | Tezkor xabarlar

09 Sep 2024 08:47

“Kichik biznesni uzluksiz qoʻllab-quvvatlash” kompleks dasturi doirasida 100 million soʻmgacha garovsiz mikrokreditlar:

— kamida bir yil mobaynida faoliyat yuritayotgan va ijobiy kredit tarixiga ega kichik tadbirkorlik subyektlariga ajratiladi;

— 2024-yil 1-noyabrdan kichik tadbirkorlik subyektlari roʻyxatdan oʻtgan va faoliyat yuritayotgan hudud toifasidan kelib chiqqan holda Kompaniya tomonidan mikrokredit beruvchilarga quyidagi stavkalarda qayta moliyalashtiriladi:

▫️5-toifa uchun – 12,5 foiz;
▫️4-toifa uchun – 13,5 foiz;
▫️3-toifa uchun – 14,5 foiz;
▫️2-toifa uchun – 17,0 foiz;
▫️1-toifa uchun – 18,0 foiz.

Kanalga ulanish:
➖@uzauz

UzA | Tezkor xabarlar

09 Sep 2024 07:55

Xalqaro to‘qimachilik ishlab chiqaruvchilari federatsiyasi va Xalqaro kiyim-kechak federatsiyasining qo‘shma konferensiyasi ishtirokchilariga

Tabrik matni — https://uza.uz/posts/633317

Kanalga ulanish:
➖@uzauz

UzA | Tezkor xabarlar

09 Sep 2024 04:27

Prezident Shavkat Mirziyoyev Ostona shahrida V Butunjahon koʻchmanchilar oʻyinlarining tantanali ochilish marosimida ishtirok etdi.

“Ostona arena”da boʻlib oʻtgan tadbirda Qozogʻiston Prezidenti Qasim-Jomart Toqayev, Qirgʻiziston Prezidenti Sadir Japarov, Turkman xalqining milliy yetakchisi, Turkmaniston Xalq Maslahati Raisi Gurbanguli Berdimuhamedov, Tatariston Raisi Rustam Minnixanov va boshqa xorijiy mehmonlar ham qatnashdi.

Musobaqada dunyoning 90 ga yaqin davlatidan 2 mingdan ortiq sportchi, jumladan, Oʻzbekiston vakillari ishtirok etmoqda. Hamyurtlarimiz kurash, alish, arqon tortish, kamondan oʻq otish, poyga, pahlavonlar bellashuvi kabi yoʻnalishlarda kuch sinashadi.

Marosimdan soʻng davlatimiz rahbari Toshkentga joʻnab ketdi. Ostona xalqaro aeroportida oliy martabali mehmonni Qozogʻistonning Bosh vaziri Oljas Bektenov kuzatib qoʻydi.

Kanalga ulanish:
➖@uzauz

UzA | Tezkor xabarlar

07 Sep 2024 18:49

Kecha Parij Paralimpiadasida qatnashayotgan Oʻzbekiston delegatsiyasi hisobidagi oltin medallar sonini 10 taga yetkazib, tarixdagi eng yaxshi natijasini yangiladi. Oʻz gʻalabalari bilan ushbu tarixiy natijaga hissa qoʻshgan yengil atletikachilarimiz Nurxon Qurbonova va Tolibboy Yoʻldoshev bilan bugun Prezidentimiz Shavkat Mirziyoyev telefon orqali suhbatlashdi va ularni dildan tabrikladi.

Kanalga ulanish:
➖@uzauz

UzA | Tezkor xabarlar

07 Sep 2024 17:53

OʻzLiDeP Saylovoldi dasturini eʼlon qildi

Bugun Tadbirkorlar va ishbilarmonlar harakati – Oʻzbekiston Liberal-demokratik partiyasining I Kongressi boʻlib oʻtdi. Unda partiyaning oʻtgan 5 yillik faoliyati tahlili, istiqboldagi rejalari muhokama qilindi. Shuningdek, saylovlarga tayyorgarlik koʻrish bilan bogʻliq ishlar atroflicha koʻrib chiqildi.

Batafsil — https://uza.uz/posts/633081

Kanalga ulanish:
➖@uzauz

UzA | Tezkor xabarlar

07 Sep 2024 14:11

❗️ 9-sentyabrdan metro bekatlariga yaqin 27 ta OTMda darslar boshlanish vaqti belgilandi

Toshkent shahar metropolitenida yoʻlovchilar oqimini samarali taqsimlash hamda talabalarning darslarga o‘z vaqtida yetib borishlari uchun qulay sharoit yaratish maqsadida, metro bekatlariga yaqin joylashgan oliy taʼlim muassasalarining maqbullashtirilgan ish grafigi tasdiqlandi.

Unga koʻra, 2024-yil 9-sentyabrdan boshlab ushbu 27 ta oliy ta’lim muassasasi talabalari rasmda ko‘rsatilgan grafik asosida darslarga qatnashadilar.

👉 PDF formatda yuklab olish

Kanalga ulanish:
➖@uzauz

UzA | Tezkor xabarlar

07 Sep 2024 12:36

❗️Toshkent metropolitenida kunlik yoʻlovchilar soni 1 millionga yetishi kutilmoqda

Yozgi mavsumda metropoliten bir kunda 550-600 ming yoʻlovchini tashigan boʻlsa, oʻquv jarayonlari boshlangach, bu koʻrsatkich 920-930 ming nafargacha yetishi, oktyabr va noyabr oylarida esa 1 millionni tashkil etishi kutilmoqda.

Shu sababli, yoʻlovchilar uchun qulay sharoit yaratish va ehtimoliy tirbandliklarning oldini olish maqsadida bir qancha tadbirlar amalga oshirilmoqda. Joriy yil davomida metropoliten uchun 14 ta zamonaviy harakat tarkibi xarid qilindi. Natijada tigʻiz vaqtlarda yoʻnalishlar boʻyicha intervallar quyidagicha qisqartirildi:

▫️Chilonzor yoʻnalishi: 1,5–2 daqiqa;
▫️Oʻzbekiston yoʻnalishi: 4 daqiqa;
▫️Yunusobod yoʻnalishi: 4–5 daqiqa;
▫️Yer usti xalqa yoʻli yoʻnalishi: 8–9 daqiqa.

Bundan tashqari, zahira poyezdlar harakatini yoʻlga qoʻyish ham rejalashtirilgan. Metro bekatlaridagi yuklamalarni kamaytirish maqsadida, metro yaqinidagi 27 ta oliy ta'lim muassasalarida darslar boshlanish vaqti turlicha belgilandi.

Kanalga ulanish: 
➖@uzauz

UzA | Tezkor xabarlar

07 Sep 2024 12:25

“Toshshahartransxizmat” AJga qarashli avtobuslardan kuniga 1,1 mln. yoʻlovchi foydalanmoqda

2024-yilning 7 oyi davomida “Toshshahartransxizmat” AJ tarkibidagi avtobus saroylari tomonidan xizmat koʻrsatilayotgan yoʻnalishlarda jami 180,2 mln. yoʻlovchiga xizmat koʻrsatilgan. Bir kunda tashilayotgan yoʻlovchilar soni 1,1 mln. nafarni tashkil etmoqda. Bu koʻrsatkich 2023-yilning sentyabr oyida bir kunlik tashilgan 850 ming nafar yoʻlovchilar soniga nisbatan 30 foizga koʻp hisoblanadi.

Kanalga ulanish: 
➖@uzauz

UzA | Tezkor xabarlar

07 Sep 2024 06:26

15 yoshli Shahina Yigitaliyeva Paralimpiya oʻyinlarining kumush medaliga sazovor boʻldi!

Para yengil atletika boʻyicha ayollar oʻrtasida F46 klassida nayza uloqtirish dasturida final bahsi yakunlandi. Ushbu yoʻnalishda yurtimiz sharafini himoya qilgan Shahina Yigitaliyeva 43.12 metr natija bilan delegatsiyamiz hisobiga navbatdagi kumush medalni taqdim etdi.

Kanalga ulanish: 
➖@uzauz

UzA | Tezkor xabarlar

06 Sep 2024 16:54

🥈Kumush Xodjayeva kumush medal sohibi!

Para dzyudo bo‘yicha ayollar o‘rtasida J2 klassida -57 kg vazn toifasida final bahsida ishtirok etgan hamyurtimiz Kumush Xodjayeva yaponiyalik Xirose Junkoga qarshi tatamiga chiqdi. Hamyurtimiz hal qiluvchi bellashuvda imkoniyatni boy berdi va delegatsiyamiz hisobiga navbatdagi kumush medalni qoʻshib qoʻydi.

Kanalga ulanish: 
➖@uzauz

UzA | Tezkor xabarlar

06 Sep 2024 13:15

Tolibboy Yo‘ldashev – Paralimpiya o‘yinlari chempioni!

Para yengil atletika bo‘yicha erkaklar o‘rtasida F37 klassida disk uloqtirish dasturida final bahsi yakunlandi. Ushbu yo‘nalishda ishtirok etgan hamyurtimiz Tolibboy Yo‘ldashev 57.28 metr natija qayd etgan holda delegatsiyamizga navbatdagi oltin medalni qo‘shib qo‘ydi.

Kanalga ulanish: 
➖@uzauz

UzA | Tezkor xabarlar

06 Sep 2024 13:06

Dollarning rasmiy kursi tushdi

Markaziy bank 9-sentabrdan xorijiy valutalarning o‘zbek so‘miga nisbatan yangi qiymatini belgiladi.

1 USD 12 700,10 so‘m (– 7,85)
1 RUB 141,25 so‘m (+ 0,30)
1 EUR 14 114,89 so‘m (+ 15,42)

Kanalga ulanish: 
➖@uzauz

UzA | Tezkor xabarlar

06 Sep 2024 07:31

Prezident Shavkat Mirziyoyev raisligida elektrotexnika sohasida ishlab chiqarish, eksport va investitsiya oqimini yanada koʻpaytirish chora-tadbirlari yuzasidan oʻtgan videoselektor yigʻilishida belgilangan asosiy vazifalar.

Batafsil — yuqoridagi #infografikada.

Kanalga ulanish: 
➖@uzauz