Xushnudbek.uz

14 Oct 2024 12:40

Iqtisodiyot bo‘yicha 2024-yilgi Nobel mukofotiga bir yo‘la uch nafar iqtisodchi: asli turkiyalik Daron Ajemo‘g‘li, britaniyaliklar Saymon Jonson va Jeyms Robinson loyiq ko‘rildi.

Ular ijtimoiy institutlarning shakllanishi va ularning aholi farovonligiga ta'siri bo‘yicha izlanishlari uchun taqdirlanishdi.

P.S.: Daron Ajemo‘g‘li va Jeyms Robinson o‘zbek kitobxonlariga “Why nations fail?” (“Mamlakatlar tanazzuli sabablari”) asari bilan yaxshi tanish. Behzod Hoshimovni ham tabriklaymiz :)


👉 @xushnudbek 👈

Xushnudbek.uz

14 Oct 2024 09:52

"UGAM RIVER" turistik majmuasidan apartamentlarni sotib oling!

Toshkent viloyati Bo'stonliq tumanida joylashgan turistik majmuadan muddatli to'lov asosida apartamentlarni sotib olish imkoniyatini qo'lga kiriting.

Barcha apartamentlarni ko'rish

"E-auksion" mobil ilovasini yuklash uchun:
➡️ App Store          ➡️ Play Market

📍Sotuv ofisi manzili

+998712022111 Call-markaz
+998908282111 Sotuv ofisi

Telegram
Reklama

Xushnudbek.uz

13 Oct 2024 17:40

Ixtisoslashtirilgan ta’lim muassasalari agentligi tizimidagi maktablar o‘quvchilari o‘rtasidagi “Zakovat” turnirida g‘oliblar aniqlandi!

Shiddatli raqobat ostida o‘tgan musobaqa yakunida Qarshi shahridagi Abdulla Oripov nomidagi ijod maktabi jamoasi chempion bo‘ldi. Aniqroq aytganda, ushbu maktab jamoasi o‘z chempionligini munosib himoya qila oldi. Sababi ular 2023-yildagi musobaqada ham g‘olib bo‘lgan edi. 2022-yilda esa kumush medal olishgandi.

Uch yildan buyon sovrindor bo‘layotgan va ketma-ket ikki yildan buyon chempionlikni hech kimga bermayotgan Abdulla Oripov nomidagi ijod maktabiga shunchaki qoyil va rahmat!

Yakunda quyidagi jamoalar sovrinli o‘rinlarni egalladi:

🥇1-o‘rin: Abdulla Oripov nomidagi ijod maktabi jamoasi
🥈2-o‘rin: Namangan shahridagi 1-sonli ixtisoslashtirilgan maktab-internat jamoasi
🥉3-o‘rin: Buxoro shahridagi Prezident maktabi jamoasi

Mazkur o‘quvchilarning har biriga bir o‘quv yili davomida har oy “Zakovat” stipendiyasi to‘lab boriladi. Shuningdek, ushbu jamoalar a’zolari oliy ta’lim muassasalariga bazaviy to‘lov-kontrakt asosida imtihon sinovlarisiz qabul qilinadi.


👉 @xushnudbek 👈

Xushnudbek.uz

12 Oct 2024 18:24

Global Chess League-2024 turnirida tarkibida 🇺🇿Javohir Sindorov bo‘lgan "Triveni Continental Kings" jamoasi chempion bo’ldi hamda 500 ming AQSh dollari mukofotini qo’lga kiritdi.

🇺🇿Nodirbek Abdusattorov a’zo bo’lgan "PBG Alaskan Knights" jamoasi esa 2-o’rinni egalladi. Ularga 250 ming dollar nasib qildi.


👉 @xushnudbek 👈

Xushnudbek.uz

12 Oct 2024 14:01

Toshkentda Oʻzbekiston Etnosport assotsiatsiyasining faoliyatiga bagʻishlangan anjuman boʻlib oʻtdi

5-oktabr kuni Toshkentda Oʻzbekiston Etnosport assotsiatsiyasining yillik faoliyatiga bagʻishlangan anjuman oʻtkazildi. Unda assotsiatsiyaning o‘tgan yilgi natijalari tahlil qilinib, etnosport turlarini rivojlantirishning kelgusi qadamlariga aniqlik kiritildi. Shuningdek, Xivada bo‘lib o‘tgan xalqaro Etnosport festivali va Qozog‘istonda o‘tgan 5-Jahon Ko‘chmanchilar o‘yinlaridagi O‘zbekistonning muvaffaqiyati alohida ta’kidlandi. Anjumanda xalqaro hamkorlikni kengaytirish, etnosport turlarini rivojlantirish va xalq o‘yinlarini qayta tiklash bo‘yicha rejalar ham muhokama qilindi.

Yangi tashkiliy tuzilmalar tasdiqlanib, xalqaro musobaqalar uchun sharoitlarni yaxshilash, kamondan o‘q otish va ot sportini rivojlantirishga qaratilgan chora-tadbirlar belgilandi. Shuningdek, bir qancha federatsiyalar bilan hamkorlik memorandumlari imzolandi.

Batafsil

Reklama

Xushnudbek.uz

11 Oct 2024 19:55

♟️Nodirbek Abdusattorov va Javohir Sindorovning jamoalari nufuzli turnir finaliga chiqishdi

London shahrida jamoalar o‘rtasida Global Chess League-2024 musobaqasining asosiy bahslari o‘z yakuniga yetdi. Turnirda har birida olti nafar shaxmatchidan iborat 6 ta jamoa ishtirok etdi.

10 ta turdan keyin tarkibida 🇺🇿Nodirbek Abdusattorov bo‘lgan "PBG Alaskan Knights" jamoasi 1-o‘rinni, tarkibida 🇺🇿Javohir Sindorov bo‘lgan "Triveni Continental Kings" jamoasi esa 2-o‘rinni egalladi hamda ertaga ushbu ikki jamoa finalda o‘zaro kuch sinashadi.

Nodirbekning jamoasi muddatidan oldin finalni naqd qilgan edi. Bugungi muhim bahsda Javohirning jamoasi final yo‘llanmasi uchun Magnus Karlsen sardorligidagi jamoani mag‘lub etdi. Jamoasi yutqazayotgan paytda hal qiluvchi g‘alabani aynan Javohir qo‘lga kiritdi va jamoasini finalga olib chiqdi. Finaldan quruq qolgan Magnusning reaksiyasini videoda ko‘rishingiz mumkin.

Final bahsi ertaga bo‘lib o‘tadi va 2 ta o‘yindan iborat bo‘ladi. Yuqoridagi suratlarda ertangi finalda o‘zaro o‘ynaydigan raqib juftliklar ro‘yxati berilgan. Nodirbek Abdusattorov 2-taxtada Vey Yi bilan, Javohir Sindorov esa 6-taxtada Nihol Sarin bilan kuch sinashadi.

Ma’lumot uchun: turnir chempioni bo‘lgan jamoaga 500 ming AQSh dollari (6 shaxmatchi + murabbiy), 2-o‘rinni olgan jamoaga 250 ming dollar mukofot beriladi. Demak, Nodirbek va Javohir jamoalari allaqachon 250 ming dollarni naqd qilib bo‘lishdi, ertaga qaysidir jamoa yarim million dollar olishi mumkin.


👉 @xushnudbek 👈

Xushnudbek.uz

11 Oct 2024 16:16

Alfraganus universiteti xalqaro anjumanga mezbonlik qildi

10-11-oktabr kunlari YUNESKOning Bangkokdagi mintaqaviy vakolatxonasi tomonidan “Yoshlar kelajagi va ta’limda tadbirkorlik” mavzusida 10-Ta’limda tadbirkorlik UNESCO-APEID (YUNESKOning Osiyo va Tinch okeani mintaqasida ta’lim innovatsiyalarini rivojlantirish tarmog‘i) kengash yig‘ilishi oʻtkazilmoqda.

Mazkur anjumanga Alfraganus universiteti mezbonlik qilmoqda.

Anjumanning asosiy maqsadi yoshlar o‘rtasida barqaror rivojlanish, iqtisodiy o‘sish va innovatsiyalar uchun hal qiluvchi omil sifatida tadbirkorlik ko‘nikmalarini va tafakkurini rivojlantirish, YUNESKOning Tadbirkorlik ta’limi tarmog‘i (EE-Net) doirasida xalqaro va mahalliy ekspertlar, tadbirkorlar va yoshlar ishtirokida mavzuga oid masalalarda muhokamalar, hamda yoshlarda tadbirkorlik kompetensiyalarini shakllantirish va rivojlantirish uchun samarali tadbirkorlik ta’limi strategiyalarini ishlab chiqishdan iborat.

Xushnudbek.uz

11 Oct 2024 15:02

Tilmoch ishlating, matn tayyorlashda vaqtingizni tejang!

Yaxshi ishni yaxshi deyish va o‘zimizning startaplarni qo‘llab-quvvatlash kerak. Bu reklama emas, xolisona tavsiya.

Tahrirchi saytini anchadan buyon ishlataman, bu loyiha haqida avval ham bir yozgandim. Ilgari faqat lotin-kirill transletiratsiyasi hamda matndagi xatolarni to‘g‘rilash funksiyasi bor edi. Hozir saytga tarjima funksiyasi ham qo‘shilgan.

Tilmoch dasturi orqali o‘zbek, rus, ingliz va qoraqalpoq tilidagi matnlarni o‘zaro bir-biriga tarjima qilish mumkin. O‘zim anchadan buyon ishlataman, hatto Premium obuna ham sotib olganman. Tarjima boshqa dasturlarga qaraganda ancha sifatli chiqyapti. Ayniqsa, "Sayqallash" tugmasi orqali sun’iy intellekt tarjimani tahrirlab berishi ortidan sifat yanada oshyapti. Xuddi tirik muharrir ko‘rib berganga o‘xshaydi.

Shu sohadagi mutaxassislar uchun ham, oddiy kundalik hayotda foydalanish uchun ham yordam beradi. Tashkilotlar xodimlariga olib bermoqchi bo‘lsa, korporativ tariflar ham mavjud.

Yuqoridagi suratlarda misol uchun olingan ruscha kichik matnning tarjima natijalari aks etgan. Dastlab oddiysi, so‘ngra sayqallash xizmatidan keyingi natija, oxirgi suratda esa xuddi shu matn uchun Google Translate xizmati bergan variant. Sifatini o‘zingiz farqlab olavering.


👉 @xushnudbek 👈

Xushnudbek.uz

11 Oct 2024 07:21

❗️Paxta terimiga chiqmaganlarga bola puli bermaslik bilan tahdid qilgan mahalla raisi salkam 19 mln so’m jarimaga tortildi

Ushbu holat yuzasidan Davlat mehnat inspeksiyasi tomonidan o‘rganish o‘tkazilgan. Ma'lum bo‘lishicha, Qashqadaryo viloyati Shahrisabz tumani “Paxtakor” MFY raisi L.O‘roqov Nushkent qishlog‘ining Telegram-kanaliga shunday mazmunda ovozli xabar yuborgan.

Unga nisbatan Maʼmuriy javobgarlik toʻgʻrisidagi kodeksning 51-moddasi 1-qismiga asosan BHMning 50 baravari (18 mln 750 ming soʻm) miqdorida jarima solingan.


👉 @xushnudbek 👈

Xushnudbek.uz

10 Oct 2024 18:46

Bugungi o’yin xarakterini ochib beruvchi surat. (#)

Gol urishimiz mumkin bo’lgan yagona xavfli vaziyatdan keyin olingan.


👉 @xushnudbek 👈

Xushnudbek.uz

10 Oct 2024 17:21

Eldor Shomurodovga nisbatan qilingan qo’pollik uchun eronlik futbolchiga qizil kartochka ko’rsatildi.

Jamoamiz yarim soatdan ko’proq davomida 1 kishi ko’p bo’lib o’ynaydi.


👉 @xushnudbek 👈

Xushnudbek.uz

10 Oct 2024 14:38

O’zbekiston milliy terma jamoasining Eronga qarshi oʻyindagi boshlang’ich tarkibi e’lon qilindi.


👉 @xushnudbek 👈

Xushnudbek.uz

10 Oct 2024 13:29

Adabiyot bo‘yicha 2024-yilgi Nobel mukofotiga janubiy koreyalik yozuvchi Han Kang loyiq ko’rildi.

U tarixdagi og’riqli voqealarni ochiq-oydin yoritib, inson hayotining mo‘rtligini ko’rsatuvchi ta’sirli she’riy nasri uchun mukofotlandi.


👉 @xushnudbek 👈

Xushnudbek.uz

10 Oct 2024 10:00

Olimov Abror Mirzo Muhammadqosimovich Markaziy bank boshqaruvi raisi o‘rinbosari etib tayinlandi.

U bunga qadar Markaziy bankning Valyutani tartibga solish va to‘lov balansi departamenti direktori edi.


👉 @xushnudbek 👈

Xushnudbek.uz

10 Oct 2024 07:45

Polvonov Sherzodjon Fazlitdinovich Fargʻona viloyati hokimining yoshlar siyosati, ijtimoiy rivojlantirish va maʼnaviy-maʼrifiy ishlar boʻyicha oʻrinbosari etib tayinlandi.

Bunga qadar u Mahallalar uyushmasining mahallalar obodligini taʼminlash va maʼnaviy-maʼrifiy ishlarni tashkil etish boshqarmasi boshligʻi edi.


👉 @xushnudbek 👈

Xushnudbek.uz

14 Oct 2024 10:22

🚍🅰️ Jamoat transporti uchun ajratilgan yo‘laklarda harakatlanish ustidan nazorat kuchaytiriladi

Vazirlar Mahkamasining qarori bilan Yo‘l harakati qoidalariga ayrim o‘zgartirishlar kiritilmoqda. Xususan:

➖ jamoat transporti uchun ajratilgan alohida yo‘laklarda faqat jamoat transporti vositalari harakatlanishi mumkin va boshqa transport vositalari ushbu yoʻlakda harakatlanishi taqiqlanadi. Bundan tezkor va maxsus xizmatlarning transport vositalari mustasno;

➖ alohida ajratilgan tasmasi bor yo‘lda harakatlanishi taqiqlangan transport vositalari ushbu yoʻldan faqat yondosh hududga kirish yoki chiqish maqsadida foydalanishi mumkin;

➖ bunda ular yondosh hududning kirish yoki chiqish joyidan 50 metr masofada uzuq-uzuq chiziqli joygacha yoxud yaqin masofadagi uzuq-uzuq chiziqli joygacha harakatlanishi mumkin;

➖ transport vositasi mazkur yoʻlakda harakatlanib kelayotgan yoʻnalishli transport vositasi harakatiga toʻsqinlik qilmasligi va unga yoʻl bergandan soʻng yondosh hududga kirishi yoki chiqishiga ruxsat etiladi.


👉 @xushnudbek 👈

Xushnudbek.uz

14 Oct 2024 08:44

Bugun Shavkat Mirziyoyev Toshkent viloyatida amalga oshirilayotgan bunyodkorlik ishlari va sanoat korxonalari faoliyati bilan tanishadi.

Shuningdek, iqtisodiyotning turli tarmoqlarida obyektlarni ishga tushirish va yangilarining qurilishiga start berish rejalashtirilgan.


👉 @xushnudbek 👈

Xushnudbek.uz

13 Oct 2024 14:04

Umra faoliyatini tashkil etish uchun litsenziya talablari ma’lum qilindi

📃 “Umra” tadbirlarini tashkil etish va o‘tkazish bilan bog‘liq chora-tadbirlarni yanada takomillashtirish to‘g‘risidagi 12.10.2024-yildagi 668-son Vazirlar Mahkamasining qarori qabul qilindi.

✅ Qarorga ko‘ra, quyidagi litsenziya talab va shartlari joriy etilmoqda:

➖ Ziyoratchilarga guruh rahbari etib O‘zbekiston musulmonlari idorasi bilan tuziladigan shartnoma asosida diniy bilim va ko‘nikmalarga ega bo‘lgan mutaxassisni tayinlash;

➖ shtatida diniy ta’lim yo‘nalishlari bo‘yicha ta’lim muassasasi yoki O‘zbekiston xalqaro islom akademiyasining bitiruvchisi bo‘lgan kamida bir nafar mutaxassisning mavjudligi;

➖ voyaga yetmagan fuqarolarga xizmat ko‘rsatmaslik;

💰 1 mln AQSH dollari miqdordagi mablag‘ni “Ziyorat” jamg‘armasiga zaxira qilib qo‘yish;

➖ o‘z faoliyatini turoperator va turagentlar orqali amalga oshirmaslik;

➖ ziyoratchilar uchun Saudiya Arabistoni Podshohligining faqat “Umra” vizasini rasmiylashtirish;

Bunda, "Umra" vizasidan tashqari viza bilan fuqarolarni olib borish noqonuniy faoliyat hisoblanadi.

➖ “Umra” xizmatlarini Saudiya Arabistonidagi hamkor tashkilot o‘rtasida imzolanadigan shartnomaga muvofiq amalga oshirish hamda ular tomonidan ko‘rsatiladigan xizmatlar uchun to‘lovlarni bank muassasalari orqali amalga oshirish;

➖ Saudiya Arabistonining Makka va Madina shaharlarida ziyoratchilarga o‘z vaqtida tibbiy xizmat ko‘rsatishni tashkil etish;

➖ xalqaro yo‘nalishlarda yo‘lovchi va yuk tashish bo‘yicha 2 yildan kam bo‘lmagan tajribaga ega hamda ushbu davr mobaynida yo‘lovchi tashishning xalqaro va milliy qonunchilik talablarini buzmagan aviakompaniyalar bilan hamkorlik qilish;

➖ ziyoratchilarni yuborishdan oldin ularga borish-kelish aviachiptalarini xarid qilish;

➖ ziyoratchilarni toifasi 3 yulduzdan kam bo‘lmagan mehmonxonalarga joylashtirish;

➖ “Umra” xizmatini uchinchi davlatlar orqali ko‘rsatmaslik;

➖ “Umra” xizmatini litsenziyada ko‘rsatilgan manzildan boshqa joyda joylashgan vakolatxona va filial orqali amalga oshirmaslik;

✅ Shuningdek, “Umra” tadbirlarini tashkil etish va o‘tkazish bo‘yicha faoliyat uchun litsenziya olish sohasidagi huquqbuzarliklar uchun yuridik shaxslarga solinadigan jarimalar miqdorlari BHMning 200 baravari (75 mln so‘m) etib belgilangan.


👉 @xushnudbek 👈

Xushnudbek.uz

12 Oct 2024 14:32

Xalqaro qizlar kuni munosabati bilan Ijtimoiy himoya milliy agentligi, BMTning Aholishunoslik jamg‘armasi (UNFPA) va jamoatchilik faollari hamkorligida "Qizimga" nomli yangi media loyiha ishga tushirildi.

Qiz farzand tarbiyalayotgan otalar, sizda ham ushbu chellenjga qo‘shilish imkoniyati bor.

👉 @xushnudbek 👈

Xushnudbek.uz

12 Oct 2024 11:01

Sergelidagi portlash aybdorlariga nisbatan sud hukmi o‘qildi

2023-yilning 28-sentyabr kuni Toshkent shahri Sergeli tumanidagi omborxonada sodir bo‘lgan portlash bo‘yicha Jinoyat kodeksining 259-moddasi 2-qismi “a” va “b” bandlari bilan jinoyat ishi qo‘zg‘atilib, 4 kishiga nisbatan “qamoqqa olish” ehtiyot chorasi qo‘llanilgan edi.

Ularga nisbatan sud hukmi o‘qildi. 4 nafar sudlanuvchining har biriga 5 yil muddatga ozodlikdan mahrum qilish jazosi tayinlandi. Shuningdek, qo’shimcha jazo sifatida 2 yil rahbarlik va yongʻin xavfsizligi yuklatilgan vazifalarda ishlash huquqidan mahrum qilindi.

Shuningdek, jabrlanuvchi va fuqaroviy daʼvogarlarga (jami 163 kishi) “Inter Logistics” MChJ va “Polychem” MChJdan 282 milliard soʻm mablagʻ solidar tartibda undirilishi belgilandi.


👉 @xushnudbek 👈

Xushnudbek.uz

11 Oct 2024 17:06

🏆 Bugun, soat 22:15 da “Milliy” telekanalida “Zakovat” teleo’yinining kuzgi mavsum uchinchi o‘yinida Muhammadamin Karimjonov jamoasi ishtirok etadi.

‼️ Teletomoshabinlar diqqatiga!

Endi muxlislar ham savolga javob topib, 4 mln so‘m yutib olishi mumkin. Buning uchun ko‘rsatuv boshida hamda oxirida beriladigan 2 ta savolga birinchi bo‘lib to‘g‘ri javob berish kerak.

📩 Javoblar @zakovattanlov_bot orqali qabul qilinadi. Tanlovda ishtirok etish hamda botdan qanday to‘g‘ri foydalanish bo‘yicha mana bu videoqo‘llanmani albatta ko‘rib oling.

✊ Tanlovning barcha ishtirokchilariga omad!

Ko‘rsatuv homiysi - 🏦 “Agrobank” aksiyadorlik tijorat banki.


👉 @xushnudbek 👈

Xushnudbek.uz

11 Oct 2024 15:42

Ashxobod shahridagi xalqaro forum doirasida Shavkat Mirziyoyev Eron Islom Respublikasining yangi prezidenti Mas’ud Pezeshkiyon bilan uchrashuv o‘tkazdi.

Davlat rahbarlari kooperatsiya loyihalarini qo‘llab-quvvatlash va tezkor amalga oshirish, Imtiyozli savdo bitimi doirasidagi mahsulotlar ro‘yxatini kengaytirish muhimligini ta’kidladi. Shuningdek, xalqaro va mintaqaviy kun tartibi yuzasidan ham fikr almashildi.


👉 @xushnudbek 👈

Xushnudbek.uz

11 Oct 2024 11:29

Tinchlik boʻyicha 2024-yilgi Nobel mukofotiga Yaponiyaning Xirosima va Nagasaki shaharlaridagi yadroviy halokatdan omon qolganlar tashkiloti — “Nihon Hidankyo” sazovor bo‘ldi.

Tashkilot dunyoning yadro qurolidan xoli bo‘lishi uchun qilgan sa'y-harakatlari va guvohlarning ko‘rsatmalari orqali yadro qurollaridan boshqa hech qachon foydalanmaslik kerakligini isbotlagani uchun mukofotlandi.


👉 @xushnudbek 👈

Xushnudbek.uz

10 Oct 2024 20:14

3-turdan keyin guruhimizdagi holat.

BAA o’z uyida Shimoliy Koreya bilan 1:1 hisobida durang o’ynadi. Bu biz uchun juda yaxshi xabar, albatta. Keyingi o’yinda, Xudo xohlasa, arablarni yutsak, oradagi farq 6 ochkoga yetadi.

Qatar esa o’z uyida Qirg’izistonni 3:1 hisobida mag’lub etdi.

4-tur. 15-oktyabr.

🇺🇿O’zbekiston — 🇦🇪BAA
🇮🇷Eron — 🇶🇦Qatar
🇰🇬Qirg’iziston — 🇰🇵KXDR


👉 @xushnudbek 👈

Xushnudbek.uz

10 Oct 2024 18:10

Durang. 1 ochko oldik. Yutsak bo’lardiyu, lekin nailoj. Yutqazib qo’ymaganimizga ham shukr. Baxtimizga oxirgi daqiqalarda darvozamiz tomon berilgan penalti VAR orqali bekor qilindi.

Bizda golga tortadigan imkoniyat o’zi bittagina bo’ldi, Jaloliddin Masharipov yaqin masofadan yuqoriga tepib yuborgan vaziyat. Lekin urolmadik.

Keyingi o’yin 15-oktyabr kuni BAAga qarshi yana Toshkentda bo’lib o’tadi. Bunisida aniq yutishimiz kerak lekin, Xudo xohlasa. Jahon chempionatiga chiqishni reja qilgan jamoa bunaqa o’yinlarni albatta yutishi shart.


👉 @xushnudbek 👈

Xushnudbek.uz

10 Oct 2024 16:01

O’yin boshlandi! Alloh, omadimizni bersin 🤲


👉 @xushnudbek 👈

Xushnudbek.uz

10 Oct 2024 14:08

Mobiuz’ning “Kerakli” tariflari sizga va yaqinlaringizga kerak boʻlgan barcha qulayliklarni oʻz ichiga olgan!

“Kerakli 70”: cheksiz qoʻngʻiroqlar, 100 GB, 7 000 ta SMS, bonusga esa 3 oy davomida har oy 100 GBdan tungi internet.

“Kerakli 55”: cheksiz qoʻngʻiroqlar, 55 GB, 5 500 ta SMS, bonusga 3 oy davomida har oy 55 GBdan tungi internet.

“Kerakli 45”: 3 000 daqiqa, 30 GB, 3 000 ta SMS, bonusga 3 oy davomida har oy 30 GBdan tungi internet, daqiqalar va SMSlarni megabaytlarga bepul almashtirish imkoniyati.

“Kerakli 45”, “Karakli 55”, “Karakli 70”ning barcha yangi abonentlari avtomatik ravishda BYD Song Plus Champion avtomobillaridan birini yutib olish imkoniyatini qoʻlga kiritadi.

Xushnudbek.uz

10 Oct 2024 10:35

⚽️Bugun — o‘yin kuni!

🇺🇿O‘zbekiston milliy terma jamoasi Jahon chempionati saralashi doirasidagi muhim o‘yinni o‘tkazadi. Guruhdagi eng asosiy raqibimiz 🇮🇷Eron bilan o‘z uyimizda kuch sinashamiz. Albatta, bugungi o‘yin harorati har qachongidan ham yuqori.

Shu sababli sotuvga chiqarilgan barcha chiptalar tugab bo‘libdi.

Toshkent shahar IIBB aholiga murojaat qilib, futbol maydoniga o‘yin boshlanishidan vaqtliroq tashrif buyurishni, shaxsiy transportda emas, balki jamoat transportida kelishni, chiptalarsiz futbol maydoniga kelmaslikni (chiptalarsiz maydonga kiritilmaydi) so‘radi.

Futbol ishqibozlariga qulaylik yaratish va tirbandliklarga yo‘l qo‘ymaslik maqsadida qo‘shimcha jamoat transportlari ajratilgan.

Bugungi uchrashuvda yigitlarimizga omad tilaymiz!


👉 @xushnudbek 👈

Xushnudbek.uz

10 Oct 2024 09:39

Bola huquqlari himoya qilinishi kerak va bu nafaqat oila, balki butun jamiyatning vazifasi.

Bolalarga zo‘ravonlik holatlarining oldini olish uchun nima qilish kerak? Buning jamiyatga ta’siri qanday? Ijtimoiy himoya milliy agentligi tomonidan o'tkazilayotgan so'rovnomada ishtirok etib, o‘z fikringizni aytishingiz mumkin: 👉 @UReportUzbBot

Xushnudbek.uz

10 Oct 2024 07:15

🔥Osiyo xalqaro universitetida yangi oʻquv yili qizgʻin davom etmoqda!

📇 Universitetda darslar allaqachon boshlangan.
Kuni kecha sirtqi ta’limga qabul qilingan talabalar uchun ham darslar boshlandi.

📍 Buxoro shahrida joylashgan Osiyo xalqaro universitetining 5 ta kampusida ham oʻquv jarayonlari yoʻlga qoʻyilgan. Universitetda bugungi kunda 20 ta bakalavr, 8 ta magistratura, 25 ta klinik ordinatura, 5 ta doktorantura va bakalarda 4 ta masofaviy ta’lim yo‘nalishlari faoliyat olib bormoqda.

✔️ Osiyo xalqaro universititeti — muvaffaqiyatli kelajak shu yerdan boshlanadi!

Litsenziya (№ 364928, 10.11.2022y)

oxu.uz | Telegram | InstagramOsiyo.Xalqaro.Universiteti."> | YouTube | Ta’lim reklamasi