Xushnudbek.uz

17 Dec 2024 16:57

Elektromobillarni zaryadlash stansiyalarini tarmoqdan uzishayotgani xabar qilinmoqda. Energetika vazirligi esa raddiya berib, qaysi stansiyani uzishgan bo‘lsa, "Ishonch telefonlari"ga murojaat qilishlarini so‘radi

Bugun ijtimoiy tarmoqlarda hech qanday huquqiy asos ko‘rsatmagan holda elektromobillarni quvvatlash stansiyalarini ham o‘chirib qo‘yish boshlangani haqida xabarlar tarqaldi. Quyi bo‘g‘indagi mas’ullar holatni “tepadan shunday buyruq bo‘ldi” degan jumla bilan izohlayapti, deya yozdi KunUz nashri.

Energetika vazirligi bu kabi xabarlarni inkor qildi. Vazirlikning aytishicha, elektromobillarni zaryadlash stansiyalarini tarmoqdan uzish bo‘yicha hech qanday topshiriq berilmagan.

Shuningdek, vazirlik ekologiyamizni asrashga katta hissa qo‘shadigan elektromobillarni O‘zbekistonda ommalashtirish tarafdori ekanligini ma’lum qilib, elektromobillarni quvvatlash stansiyalarini o‘rnatgan tadbirkorlik subyektlaridan +99871-231-16-61 (ichki 7037, 7046 va 7057) raqamli "Ishonch telefonlari"ga murojaat qilishni so‘radi.


👉 @xushnudbek 👈

Xushnudbek.uz

17 Dec 2024 06:29

🚇 Toshkent metropolitenidan ilk marta bir kunda 1 mln yo‘lovchi foydalandi

Shu munosabat bilan metropoliten ma'muriyati "Chinor" bekatida millioninchi yo‘lovchini aniqlash uchun maxsus tadbir o‘tkazib, omadli yo‘lovchiga esdalik sovg‘asi hamda jamoat transportidan 1 yil davomida bepul foydalanish imkonini beruvchi transport kartasini taqdim etdi.


👉 @xushnudbek 👈

Xushnudbek.uz

16 Dec 2024 13:55

Samadov G‘ulomjon Xursandovich Oliy Majlis Qonunchilik palatasi Matbuot xizmati rahbari etib tayinlandi.

Bunga qadar u "Nurafshon" telekanali direktori edi.


👉 @xushnudbek 👈

Xushnudbek.uz

16 Dec 2024 12:41

Ayupov Shavkat Abdullayevich O‘zbekiston Respublikasi Fanlar akademiyasi prezidenti etib saylandi.

Bunga qadar u Fanlar akademiyasining V.I.Romanovskiy nomidagi Matematika instituti direktori edi.


👉 @xushnudbek 👈

Xushnudbek.uz

16 Dec 2024 06:37

❗️15-dekabrdan boshlab "Afrosiyob" tezyurar elektropoyezdlari yo‘lovchi jadvaliga o‘zgartirishlar kiritildi. Yangi vaqtlar yuqoridagi jadvalda.

Reys vaqtlariga e’tiborli bo‘ling.


👉 @xushnudbek 👈

Xushnudbek.uz

15 Dec 2024 12:40

📈Yaxshi xabar: IELTS sertifikati olgan o‘zbekistonlik yoshlar soni 4 yil ichida 5 baravarga o‘sgan

IELTS imtihonidan 5,5 va undan yuqori ball olgan yoshlar soni 2020-yilda 10 ming 152 nafarni tashkil etgan bo‘lsa, joriy yilda 52 ming 706 nafarga yetgan.

Shuningdek, 7-8 ball (C1 daraja)ni qo‘lga kiritganlar soni 2020-yilda 1 ming 807 nafarni tashkil etgan bo‘lsa, 2024-yil holatiga 13 ming 424 nafarni tashkil etmoqda. O‘z navbatida bu 7,4 barobarga o‘sish kuzatilganini anglatadi.

8,5-9 ball (C2 daraja)ga erishganlar soni esa 2020-yilda 14 nafar bo‘lgan, 2024-yil holatiga esa ularning soni 332 nafarga yetgan.


👉 @xushnudbek 👈

Xushnudbek.uz

15 Dec 2024 11:15

🏆 Bugun, soat 16:00 da “Milliy” telekanalida “Zakovat” teleo’yinining qishki mavsum uchinchi o‘yinida Bobur Yoqubov jamoasi ishtirok etadi.

‼️ Teletomoshabinlar diqqatiga!

Endi muxlislar ham savolga javob topib, 4 mln so‘m yutib olishi mumkin. Buning uchun ko‘rsatuv boshida hamda oxirida beriladigan 2 ta savolga birinchi bo‘lib to‘g‘ri javob berish kerak.

📩 Javoblar @zakovattanlov_bot orqali qabul qilinadi. Tanlovda ishtirok etish hamda botdan qanday to‘g‘ri foydalanish bo‘yicha mana bu videoqo‘llanmani albatta ko‘rib oling.

✊ Tanlovning barcha ishtirokchilariga omad!

Ko‘rsatuv homiysi - 🏦 “Agrobank” aksiyadorlik tijorat banki.


👉 @xushnudbek 👈

Xushnudbek.uz

15 Dec 2024 08:50

Sportga oid 2 ta xushxabar:

🏋‍♂ Ruslan Nurudinov siltab ko‘tarish bo‘yicha o‘zi o‘rnatgan jahon rekordini yana yangiladi va uch karra jahon chempioniga aylandi.

U dast ko‘tarishda 182 kg, siltab ko‘tarishda esa 242 kg, umumiy 424 kg natija bilan oltin medalni qo‘lga kiritdi.

Yana bir hamyurtimiz Sharofiddin Amriddinov 184 kg bilan dast koʻtarish yoʻnalishida oltin medalga ega chiqdi.

***

🥊 Bokschimiz Murodjon Ahmadaliyev kamar uchun bahsning uchinchi raundida raqibi Rikardo Espinozani nokautga uchratdi hamda WBA interim (vaqtincha) kamarini qo‘lga kiritdi.


👉 @xushnudbek 👈

Xushnudbek.uz

15 Dec 2024 07:35

❗️“Taxtaqoracha” dovoni avtomobillar harakati uchun vaqtincha yopildi

Dovon kuchli qor yog‘ayotgani sababli bugun, 15-dekabr kuni soat 10:30 dan boshlab yopilgan.

Ayni paytda Favqulodda vaziyatlar vazirligi rahbarligida tegishli tashkilotlarning mutaxassislari tomonidan hududda profilaktika ishlari olib borilmoqda.

Dovonning qayta ochilishi bo'yicha qo‘shimcha ma'lumot taqdim etiladi.


👉 @xushnudbek 👈

Xushnudbek.uz

14 Dec 2024 10:46

🇰🇷 Janubiy Koreya prezidentiga impichment e'lon qilindi

3-dekabr kuni mamlakatda harbiy holat e'lon qilgan prezident Yun Sok Yolga qarshi impichment uchun bugun, 14-dekabr kuni Janubiy Koreya parlamentining 204 nafar a'zosi (umumiy deputatlarning 2/3 qismi) ovoz berdi.

Endilikda prezidentning vakolatlari to‘xtatiladi va vaqtinchalik prezident vazifasini bajarish bosh vazir Xan Dok Su zimmasiga o‘tadi.

Shundan so‘ng, Janubiy Koreya Konstitutsiyaviy sudi 180 kun (6 oy) ichida ishni ko‘rib chiqadi. Kengashning 9 nafar a'zosidan 6 nafari impichmentni qo‘llab-quvvatlasa, prezident lavozimidan ozod qilinadi.

Konstitutsiyaviy sud impichmentni tasdiqlasa, 60 kun ichida mamlakatda yangi prezidentni saylash uchun saylov bo‘lib o‘tadi.


👉 @xushnudbek 👈

Xushnudbek.uz

13 Dec 2024 17:52

❗️ESLATMA: ertaga barcha uchun ish kuni!

Prezident farmoniga ko’ra, 14-dekabr — shanba kuni barcha xodimlar uchun ish kuni bo‘ladi.

Ya’ni besh kunliklar ham ishga chiqadi. Ular buning evaziga 30-dekabr, dushanba kuni dam olishadi.


👉 @xushnudbek 👈

Xushnudbek.uz

13 Dec 2024 13:21

O‘zbekiston xalq artisti, o‘zbek dublyaj san’ati ustasi To‘lqin Tojiyev 88 yoshida vafot etibdi.

Innaa lillahi va innaa ilayhi roji'un.


👉 @xushnudbek 👈

Xushnudbek.uz

13 Dec 2024 12:34

Dunyoning eng ruhlantiruvchi 100 ayoli ro‘yxatiga kirgan surxondaryolik Dilorom Yo‘ldoshevani "Mardlik" ordeni bilan taqdirlash jarayoni.

Davlat mukofotini Prezident nomidan Surxondaryo viloyati hokimi Ulug‘bek Qosimov topshirdi.


👉 @xushnudbek 👈

Xushnudbek.uz

13 Dec 2024 08:31

🎖Dilorom Yoʻldoshevaga “Mardlik” ordeni topshirildi

Prezident tikuvchilik korxonasi ochib, 40 nafar xotin-qizni ish bilan ta'minlagan hamda dunyoning eng ruhlantiruvchi "Top-100" ayoli ro‘yxatiga kiritilgan denovlik ayolning ishlarini e'tirof etdi.

Prezident farmoniga muvofiq, yig‘ilishda Dilorom Yo‘ldoshevaga “Mardlik” ordeni tantanali topshirildi.

2025-yilda bunday insonlar haqida kamida 5 ta motivatsion hujjatli va badiiy filmlar suratga olish muhimligi taʼkidlandi. Bu boradagi ishlarni muvofiqlashtirish Ijtimoiy himoya milliy agentligi direktorining birinchi oʻrinbosari Shahnoza Mirziyoyeva zimmasiga yuklatildi.


👉 @xushnudbek 👈

Xushnudbek.uz

13 Dec 2024 07:18

❗️2025-yilda kambag‘al oilalar farzandlarining bog‘cha to‘lovi qisman qoplab beriladi

Bu haqda ayni paytda Shavkat Mirziyoyev raisligida o‘tayotgan videoselektor yig‘ilishida aytildi.

Unga ko‘ra, 2025-yildan boshlab oilaviy bog‘cha o‘rinlarining 15 foizi kambag‘al oila farzandlari uchun ajratiladi va ularga bog‘cha to‘lovi qisman qoplab beriladi.

Shuningdek, maktabgacha va maktab ta'limi vaziri Hilola Umarovaga kelgusi yili kambag‘allik darajasi yuqori bo‘lgan mingta mahallada bittadan oilaviy bog‘cha faoliyatini yo‘lga qo‘yish topshirildi.


👉 @xushnudbek 👈

Xushnudbek.uz

17 Dec 2024 12:59

🇺🇿🇶🇦 Shavkat Mirziyoyev telefon orqali Qatar Amiri Tamim bin Hamad Ol Soniyni milliy bayram — Davlatga asos solingan kun bilan tabrikladi.


👉 @xushnudbek 👈

Xushnudbek.uz

16 Dec 2024 18:41

Iqtisodiyot va moliya vaziriga yangi o‘rinbosarlar tayinlangani xabar qilinmoqda

➖Abidxadjayev Umid Kutpitdinovich iqtisodiyot va moliya vaziri oʻrinbosari etib tayinlandi.

Bunga qadar u Makroiqtisodiy va hududiy tadqiqotlar instituti direktori edi.

➖Umurzakov Ilhom Oʻrinboyevich iqtisodiyot va moliya vaziri oʻrinbosari lavozimiga tayinlandi.

Bunga qadar u Davlat-xususiy sheriklik loyihalarini amalga oshirish departamenti rahbari edi.

Shuningdek:

➖ Haydarov Abdulaziz Abdulaxadovich Gʻaznachilik xizmati qoʻmitasi raisi etib tayinlandi.

Bunga qadar u iqtisodiyot va moliya vaziri oʻrinbosari edi.

➖ Atadjanov Murodbek Bekberganovich Pensiya jamgʻarmasi direktori etib tayinlandi.

Bunga qadar u Gʻaznachilik xizmati qoʻmitasi raisi edi.


👉 @xushnudbek

Xushnudbek.uz

16 Dec 2024 13:27

Ayni vaqtda Shavkat Mirziyoyev rahbarligida bo‘lib o‘tayotgan yig‘ilishda ayrim rahbarlar “bu vaqtincha, bir-ikki yilda o‘tib ketadi” degan kayfiyatda yurganiga alohida to‘xtalib o‘tildi.

Bu borada sustkashlik va mas’uliyatsizlikka yo‘l qo‘ygan iqtisodiy kompleksdagi 297 nafar rahbar ishdan olindi.


👉 @xushnudbek 👈

Xushnudbek.uz

16 Dec 2024 10:37

❗️O‘zbekistonda Milliy turizm yagona platformasi ishga tushiriladi

Bu bo‘yicha Vazirlar Mahkamasining qarori qabul qilindi.

🗓Unga ko‘ra, mazkur platforma xorijiy va mahalliy sayyohlarga qulaylik yaratish maqsadida 2025-yilning 1-sentyabridan sinov tariqasida, 1-dekabridan esa to‘liq ishga tushiriladi.

Platforma sayyohlarga quyidagi imkoniyatlarni taqdim etadi:

➖ joylashtirish vositalarini onlayn band qilish va baholash;
➖respublikadagi turoperatorlar va turagentlar xizmatlari, shu jumladan, gid, gid-tarjimon, yoʻriqchi-yoʻl boshlovchi, ekskursiya yetakchilari xizmatlaridan foydalanish;
➖yoʻnalishsiz taksi va avtotransport vositalari ijarasi xizmatlaridan foydalanish;
➖avtobus, avia va temir yoʻl chiptalari, madaniy meros obyektlari, muzeylar va boshqa diqqatga sazovor joylarga kirish chiptalarini xarid qilish;
➖xalqaro va milliy toʻlov tizimlari orqali turistik xizmatlar uchun toʻlovlarni amalga oshirish;
➖turizm sohasiga oid statistik hisobotlarni yuritish va real vaqt rejimida tahlil qilish.

Jismoniy va yuridik shaxslar Milliy turizm yagona platformasiga o‘z xohishlariga ko‘ra ulanishlari hamda unda xizmatlarni joriy qilishlari mumkin.

Platforma 14 ta tilda yuritib boriladi.


👉 @xushnudbek 👈

Xushnudbek.uz

15 Dec 2024 19:05

Kechki mutolaa
(o‘qish yoki eshitish uchun 11 daqiqa vaqtingiz ketadi)

Qo‘chqor Norqobil. Atirgul tabassumi

Izoh: Eru xotin ijodkor bo‘lsa… Yaxshi jihati – bir-birini tushunishadi. Yomoni ham shu – bir-birini tushunadilar. Albatta, ular bitta uyda yashashadi. Biroq, har qaysining xayolida o‘z adabiy qo‘rg‘oni bo‘ladi; bir-birini kirit­maslik­lari ham mumkin. Keyin… Keyin allaqayerdan Qudrat Imkon degan muhibu muxlis paydo bo‘ldi-da, adib ijodining ashaddiy targ‘ibotchisiga aylandi.

📖 Matnni o‘qish uchun: xushnudbek/qochqor-norqobil-atirgul-tabassumi" rel="nofollow">https://teletype.in/@xushnudbek/qochqor-norqobil-atirgul-tabassumi

🎧 Audio hikoyani eshitish uchun: https://youtu.be/OF6OFLs8q5w

💬 Muhokama bu yerda.

🎙Bugungi hikoya audiosini Nodira Odilova o‘qigan.

📚 “Kechki mutolaa” doirasida eʼlon qilingan barcha hikoyalar bu yerda.

#kechki_mutolaa


👉 @xushnudbek 👈

Xushnudbek.uz

15 Dec 2024 12:09

📚 Asaxiy Books'da ajoyib premyera

Esingizda bo‘lsa, 2021-yil adabiyot bo‘yicha Nobel mukofotini musulmon yozuvchisi Abdurazzoq Gurna qo‘lga kiritgan edi. Asaxiy Books uning eng mashhur asari — "Jannat" romanini o‘zbek tilida taqdim etdi.

Ushbu roman inglizlar mustamlaka Afrikada aholini o‘z yeridan haydab chiqarayotgan va nemislar qit'a bo‘ylab temiryo‘l qurishni rejalashtirayotgan davr hayoti asosida yozilgan.

Romanda voqealar bosh qahramon, 12 yoshida otasining qarzi uchun qullikka berib yuborilgan afrikalik bolakay - Yusufning tilidan hikoya qilinadi. Yusufning sayohatlari, uning bolalarcha sevgisi yoki qabilalarning hayoti deysizmi - barcha-barchasi kitobxonda ayni davrda, ular bilan birga yashayotgandek taassurot uyg‘otadi.

Mazkur kitob "Xalq banki" ko‘magida chop etilgan.

📕Muqova: egiluvchan
💰Narx: 70 000 so‘m 50 000 so‘m
📖Sahifa: 252 bet
➡️ Birinchilardan bo‘lib buyurtma bering: asaxiy.uz/u/jannat


Reklama

Xushnudbek.uz

15 Dec 2024 10:15

#36 NARKOTIK MODDALARGA RUXSAT BERISH REJADA BORMI? — Lolazor podcast

📹 https://youtu.be/rHStUyJtb2w

Mundarija:

00:00 Tizer
00:54 Reklama
01:29 Intro
02:00 Navbatdagi mehmon
04:05 Qo’lga tushgan 24 yoshli talaba qiz
05:29 Bizda vaziyat qay darajada?
06:15 Giyohvand moddalar turlari
09:38 Narkomanlar oldida 3 ta yo‘l bor
11:55 “Ota, sizning qilgan aybingiz sabab, men temir kolyaskaga mixlandim”
13:23 Narkotik moddalar O‘zbekistonga qanday kirib keladi?
17:22 Jami narkotik moddalar ichida O‘zbekistonda yetishtirilish ulushi qancha?
19:24 Narkotik moddalar urushni moliyalashtirish manbai
22:14 Chuy, Talas vodiysi nega mashhur?
26:37 Bizda 3 ta “yonayotgan“ hudud bor
32:42 Anonim davolash xizmati haqida
34:13 Davosi bormi?
37:52 O‘rindosh terapiya o‘zini oqlamadi
46:45 Yengil narkotiklarni legalizatsiya qilish masalasi
50:31 Milliy markazi haqida
55:45 Sotuv metodlari kengayib ketgan
1:00:35 Maktablardagi holat
1:03:22 “Nega oxirigacha tugatilmayapti?”
1:08:58 Import dorilar oqimini kuzatish kerak
1:11:02 Ularning konsentratsiyalashgan manzili qayer?
1:14:15 Birlamchi uy sharoitida qanday aniqlash mumkin?
1:16:57 Narkologiyaga borishga uyaladiganlarga qanday yechim bor?
1:22:32 Illatga qarshi targ‘ibot yetarlicha bo‘lishi kerak


👉 @xushnudbek 👈

Xushnudbek.uz

15 Dec 2024 08:20

“Taxtaqoracha” dovonida transport vositalarining harakati davom etmoqda. Qor yog‘ishi ham to‘xtagani yo‘q.

Maxsus texnikalar to‘xtovsiz ravishda tozalash ishlarini bajarmoqda. Muzlamalarni bartaraf etish uchun qum-tuz aralashmasi ham sepilyapti.

Haydovchilardan ob-havo sharoiti hamda yo‘lning holatini inobatga olib, ehtiyotkorlik bilan harakatlanishlarini, tartibga soluvchilarning ishoralariga rioya qilishlarini so‘raymiz, deyiladi Qashqadaryo viloyati IIB JXX YHXB xabarida.


👉 @xushnudbek 👈

Xushnudbek.uz

14 Dec 2024 12:36

❗️Media mahsulotlarni "ma'naviy ekspertiza"dan o‘tkazish haqidagi qaror bekor qilinib, ijrodan chaqirib olingan

Avvalroq Respublika Ma'naviyat va ma'rifat markazi tomonidan e'lon qilingan loyihaga ko‘ra, kino, serial va qo‘shiqlar kabi media mahsulotlar axloqsizlikni targ‘ib qilmasligi uchun "ma'naviyat ekspertizasi"dan o‘tkazilishi belgilangandi.

Adliya vazirligi mazkur masalani o‘rganib, unda jismoniy va yuridik shaxslarning huquq va qonuniy manfaatlariga daxl qiluvchi normalar borligini aniqlagan.

Shu bois, media mahsulotlarini "maʼnaviy ekspertiza"dan oʻtkazishni joriy etish toʻgʻrisidagi qaror ushbu hujjatni qabul qilgan organlar tomonidan bekor qilingan va ijrodan chaqirib olingan.

Vazirlik media mahsulotlar faqat qonuniylik yuzasidan ekspertiza qilinishi mumkinligini bildirdi.

Ma’naviyat va ma’rifat markazi mutaxassislariga esa qonunchilikka zid media-mahsulotlari yuzasidan vakolatli organlarga taklif kiritish tavsiya qilindi.


👉 @xushnudbek 👈

Xushnudbek.uz

14 Dec 2024 08:37

Ijtimoiy himoya milliy agentligi "Inson" loyihasi doirasida ilk hujjatli filmni taqdim etdi.

Unda turli qiyinchiliklarni boshdan kechirgan nogironligi bo‘lgan insonlar, ularning matonati, jasorati va hayotga bo‘lgan ishonchi, shuningdek, ularga yaratib berilayotgan shart-sharoitlar haqida hikoya qilinadi.

Filmni loyihaning insondocumentary?si=guO4EfwzqLC8v5vB">YouTube sahifasida tomosha qilish mumkin.


👉 @xushnudbek 👈

Xushnudbek.uz

13 Dec 2024 15:13

Ozodbek Nazarbekovga “Qirg‘iz Respublikasi xalq artisti” faxriy unvoni berildi.

O‘zbekiston madaniyat vaziriga unvonni Qirg‘iziston prezidenti Sadir Japarov topshirdi.


👉 @xushnudbek 👈

Xushnudbek.uz

13 Dec 2024 13:01

❗️4 mln xonadonni uzluksiz energiya bilan ta’minlovchi loyihalar ishga tushirildi

Shavkat Mirziyoyev qiymati 3,7 milliard dollarlik 18 ta yangi quvvatlar ishga tushirilayotgani va navbatdagi 6 ta loyiha qurilishiga start berilayotganini energetika sohasidagi tarixiy voqea deb atadi.

Xususan:

➖Buxoro, Navoiy, Namangan va Toshkent viloyatlarida salkam 2,3 ming megavatt quvvatga ega 5 ta quyosh va shamol elektr stansiyasi hamda 5 ta yuqori kuchlanishli podstansiya ishga tushirilmoqda;

➖Oʻzbekistonda ilk bor Andijon va Fargʻonada 300 megavattli yirik saqlash tizimi barpo etildi;

➖Qashqadaryoda 400 megavattli elektr stansiyasi, Toshkent shahrida zamonaviy kogeneratsiya qurilmasi, Andijon, Surxondaryo va Toshkent viloyatlarida 4 ta kichik GES foydalanishga topshirilmoqda;

➖ Fargʻona, Samarqand, Navoiy, Toshkent viloyatlari va Toshkent shahrida qiymati 3,5 milliard dollar boʻlgan 2,5 ming megavattli 6 ta elektr quvvatlari qurilishi boshlanmoqda.


👉 @xushnudbek 👈

Xushnudbek.uz

13 Dec 2024 10:16

Yunusobod bozori to‘liq qayta quriladi

Yangi bozor loyihasi 11-dekabr kuni Prezidentga taqdim etildi.

Mazkur loyiha Turkiya va singapurlik mutaxassislar tomonidan ishlab chiqilgan. Unga ko‘ra, Yunusobod bozori hozirgiga nisbatan qariyb 5 baravar kengayadi.

Dastlab bozor hududida 2025-yil oxirigacha uch qavatli ekobozor foydalanishga topshiriladi. Shuningdek, hozirgi 150 ta avtomobil sig‘adigan turargoh o‘rnida 1,1 ming sig‘imga ega yangisi quriladi.

Qurilish davrida bozor o‘z faoliyatini to‘xtatmasligi aytilmoqda.


👉 @xushnudbek 👈

Xushnudbek.uz

13 Dec 2024 07:39

❗️Ijtimoiy karta joriy qilinadi

Prezidentning ma’lum qilishicha, mazkur karta quyidagi imkoniyatlarni beradi:

🔹avtobus va metroda bepul yurish;
🔹elektr, gaz va oʻqish xarajatiga kompensatsiya olish;
🔹nafaqa va yordam pullari ham shu kartaga tushadi.

Shu tariqa yagona ijtimoiy karta 10 dan ortiq hujjatlar o‘rnini bosadi.

🗓 Bu tizim 2025-yil 1-iyulgacha Toshkent shahri va Yangiyoʻl tumanida sinovdan oʻtkaziladi, yil yakunigacha hamma joyda ishga tushiriladi.


👉 @xushnudbek 👈

Xushnudbek.uz

12 Dec 2024 19:25

Kechki mutolaa
(o‘qish yoki eshitish uchun 17 daqiqa vaqtingiz ketadi)

Somerset Moem. Meybl xonim

Izoh: Izquvar Meybl xonim bo'lajak turmush o'rtog'i Jorjning ortidan ayg'oqchilik qilib, holi-joniga qo'ymadi. Jorj esa butun Xitoyni aylanib chiqishga va bir joy topib, u yerda yashirinishga harakat qildi. Ammo bularning barchasi befoyda edi

📖 Matnni o‘qish uchun: xushnudbek/somerset-moem-meybl-xonim" rel="nofollow">https://teletype.in/@xushnudbek/somerset-moem-meybl-xonim

🎧 Audio hikoyani eshitish uchun: https://youtu.be/07_RfJz-Mq0

💬 Muhokama bu yerda.

🎙Bugungi hikoya audiosini Muhammad Umar Baxtiyorov o‘qigan.

📚 “Kechki mutolaa” doirasida eʼlon qilingan barcha hikoyalar bu yerda.

#kechki_mutolaa


👉 @xushnudbek 👈