27011
💰Реклама:👉 @almmedia 🕵️Мурожаатнома): @Moriarty_professor 😎 Жаннатмакон каналим:👉 @Zafarello
Телеграмда узилишлар. VPN билан ишлаяпти, ҳозирча)
👉 @Zafarbek_Solijonov
Шайбонийхон ва Бобур ўртасидаги тарихий муносабатлар ҳақидаги баҳслар узоқ вақтдан бери давом этмоқда. Шайбонийхон ўз даврида сиёсий ва ҳарбий муваффақиятларга эришган, Ўзбекистон ҳудудини бирлаштириб, ўзбек халқининг номини кенг миқёсда танитган. Унинг бу ютуқлари уни тарихда алоҳида шахс сифатида ажратади.
Бироқ Бобур ҳам ўзининг адабий мероси билан ажралиб туради. Унинг "Бобурнома" асари даврнинг нафақат ҳарбий, балки маданий ва илмий жиҳатларини ҳам акс эттирган. Бобур ўзининг жангларидан ташқари, адабиёт ва маданиятга қўшган ҳиссаси билан тарихда из қолдирган.
Шайбонийхон ва Бобур ўртасидаги бу тарихий меросни чуқурроқ ўрганиш ва баҳс юритиш учун Қурултой подкастининг янги сонига қулоқ тутишни тавсия қиламан.
👉🏻https://youtu.be/Je8topetVDY
Парламент Ташқи ишлар вазирлигига расмий сўров юборди
Олий Мажлиснинг бугунги ялпи мажлисида жиддий масалалар муҳокама қилинди. Хусусан, халқаро ишлар, мудофаа ва хавфсизлик масалалари қўмитаси ташаббуси билан Ташқи ишлар вазирлигига расмий Парламент сўрови юборилди. Бу сўров, асосан, чет элдаги фуқароларимизга тегишли муҳим муаммоларни ўз ичига олган.
Сўровда қўйилган асосий 3 масала қуйидагилардан иборат:
🔹 Консулликлар сўнгги йилларда нимага эришди?
2020–2024 йиллар давомида Ўзбекистон Республикаси консуллик муассасалари хориждаги фуқароларимизнинг ҳуқуқлари ва қонуний манфаатларини ҳимоя қилиш йўлида нима ишлар қилди? Қандай натижалар бор? Бу фаолиятда қандай ўзгаришлар рўй берди? Шунингдек, жисмоний ва юридик шахсларга кўрсатилган хизматлар ҳақида ҳам аниқ маълумот талаб этиляпти.
Консуллик хизматларида электрон навбат, онлайн мурожаат, масофавий маслаҳат бериш каби замонавий ахборот технологиялари қай даражада жорий қилинган? Бу борада қандай чора-тадбирлар кўриляпти, қайси муаммолар ҳали ҳам ҳал қилинмаган? Бу тизимни яхшилаш учун қандай таклифлар бор?
Чет элдаги юртдошларимизни ҳимоя қилиш механизмини янада самарали қилиш учун қандай норматив-ҳуқуқий ўзгаришлар зарур? Амалдаги қонунчилик бу борада етарлими ёки янги ҳужжатлар зарурми?
Қонунсизликни “қаҳрамонлик” сифатида кўрсатиш – жамият учун хавфли сигнал!
Андижонда 52 та радарни милтиқда ўққа тутган фуқаро ҳақидаги хабар барча тармоқларда муҳокама қилинмоқда. Олий Мажлис Қонунчилик палатаси спикер ўринбосари Раҳимжон Ҳакимовнинг муносабати эса масаланинг жиддийлигини яққол очиб берди:
“Бундай ўзбошимчалик ва ҳуқуқий нигилизм кўринишларини қатъий қоралайман… Агар қатъий чора кўрилмаса, эртага у сизнинг мулкингизга ҳам, ҳуқуқингизга ҳам зарар етказади", — деб ёзади спикер ўзининг Telegram каналида.
Ислом тараққиёт банки Ўзбекистон халқ таълим тизимини ривожлантиришга қаратилган лойиҳани амалга ошириш учун 40 миллион долларлик грант ажратади.
Мактабгача ва мактаб таълими вазири Ҳилола Умарованинг маълум қилишича, ушбу лойиҳа доирасида 58 та янги инклюзив мактаб қурилади, таълим муассасаларини замонавий жиҳозлаш, ўқитувчилар малакасини ошириш, инклюзив таълимни ривожлантириш, ўқув дастурларини такомиллаштириш ва мактабгача таълим сифати оширилиши режалаштирилган.
👉 @Zafarbek_Solijonov
Янги Ўзбекистонда янги вазир келгач, янги қизиқ ишлар бўляпти? Президентимиз бундан хабар топса нима бўларкин, қизиқ...
👉 @Zafarbek_Solijonov
Одамларнинг ҳаётини қийинлаштиришдан, уларнинг вақтини ўғирлашдан сизларга нима наф ўзи? Ҳаммасини яна бошидан қилинадими?
👉 @Zafarbek_Solijonov
БМТнинг ёшлар форумида Ўзбекистон ҳам ўз тақдимоти билан иштирок этади
Ёшлар ишлари агентлиги директори Алишер Саъдуллаев 13-18 апрель кунлари АҚШга боради ва Ню-Йоркда БМТнинг ёшлар форумида (ECOSOC) Ўзбекистон ёшлари номидан тақдимот ўтказади.
Шунингдек, АҚШдаги ватандошлар ва “Эл-юрт умиди” жамғармаси стипендиатлари билан мулоқот ҳам режа қилинган.
Бундан ташқари, Калифорнияда жойлашган Кремний водийсида фаолият юритаётган ёш ватандошлар, стартап эгалари билан учрашувлар ҳамда Станфорд университети билан ҳамкорлик лойиҳаларини муҳокама қилиш ҳам режалаштирилган.
Эслатиб ўтамиз, 14 февраль куни давлат раҳбарининг ёшлар билан очиқ мулоқотида жуда кўплаб янги имконият ва ташаббуслар янгради. Бунда хорижда таълим олаётган ёшларга эътибор ва “Эл-юрт умиди” жамғармасининг квоталарини ошириш каби бир қанча масалаларга ҳам урғу берилганди.
👉 @Zafarbek_Solijonov
Асфальт 98% эмас, 100% бўлиши керак!
Йўллар ясалади, кейин эса 2 метр қолдиради. Сифатсиз бажарилган ишлар эса ҳеч ким томонидан текширилмаяпти. Назорат механизми қаерда?
ЎзЛиДеП депутати Муроджон Жураевнинг сўзларига кўра, йўл қурилишида камчиликлар талайгина. Шунча техникалар билан таъминлансада, иш ҳамон сифатсиз.
Қонунда белгиланган талаблар бажарилмаяптими, жавобгарлик ҳам бўлиши керак назаримда.
@Zafarbek_Solijonov
Янги даврнинг янги депутати
Ҳар қандай халқаро йиғилишда мамлакат номидан чиқиш осон иш эмас. Яқинда Парламентлараро Иттифоқ ассамблеясида иштирок этган Улуғбек Шерматовнинг чиқишлари кўпчиликнинг эътиборини тортди.
У рус ва инглиз тилларидан ташқари, япон тилида ҳам эркин гаплашиб, юртимизни муносиб тарзда тақдим этди. Ҳуқуқ соҳасида тажрибага эга бўлган бу депутат хорижда докторлик диссертациясини ҳимоя қилган. Бундай билим ва масъулият бирлашганида ҳақиқий етакчи шаклланади.
@Zafarbek_Solijonov
Маъмурий жавобгарликнинг 47-моддасига кўра боласини мактабга юбормайдиган ота-оналар жарима тўлаши ёки маъмурий қамоқ жазосига тортилиши мумкин.
Лекин, боласини мактабга боришини исрор этган ота-она бўлсаю, боласи турли сабаблардан мактабни ёқтирмаслиги туфайли бормаса, унда мантиқий савол пайдо бўлади, жазо кимга ёзилади? Сифатли таълим ташкиллаштириб бермаган мактаб мудиригами ёки ота-онагами? Нега бизда жазолар бир томонлама ишлайди? Профессор Азамат ака Акбаровнинг шу мавзуда жуда мантиқли таҳлилини кўришингизни тавсия этаман.
ТЎЛИҚ ВИДЕОНИ ТОМОША ҚИЛИНГ
Жиноят-қидирув бўлимларида кадрлар алмашинуви ўтказилса, МИБдан янги мутахассисларни жалб қилишларини сўраган бўлардим. Нега?
Чунки улар алиментчи оталарни қидириб топишга уста. Бари Шерлок Ҳолмслар шу ерда. Қудуқ, тўшаклар таги, молхона, иккинчи хотинининг уйи, дискотекадан бўлсаям топиб чиқишяпти. Бу сафаргиси қўшнисининг уйидан, деворлар орасидан топилган. Ҳали ажрашмаган, 3 та боласи бор алиментчи ота — юнусободлик Нозимжон шунақа жойга яширинганакан. Ажойиб😁
👉 @Zafarbek_Solijonov
Тарихий шахсларга қандай муносабатда бўлиш керак? Бу савол кўпчиликни ўйлантиради. Бир қарашда оддий туюлса-да, тарихни ўрганишнинг турли усуллари борлиги вазиятни мураккаблаштиради.
Нарративистлар тарихни ҳикоя қилиб айтиб беришни маъқул кўришади. Эмпирик-тарихчилар эса ҳужжатларга ва фактларга асосланади. Структуралистлар эса тарихий воқеаларни тизимли таҳлил қилади. Ҳар бир ёндашувнинг афзалликлари ва камчиликлари бор, лекин бу мавзу доимо қизғин баҳсларга сабаб бўлади.
Қизиқ, тарихни ўрганишда қандай ёндашувни танлаш керак? Бу саволга жавобни "Қурултой подкасти"нинг махсус сонида топишингиз мумкин.
🎥 Подкастни бу ерда томоша қилинг:https://youtu.be/Nsq_jLtUDcg?si=7HWvAxcg0qdYs6it
Давлат ҳаммасини билиб туради. Кутади. Унгача тадбиркорлар, хоҳлаганингизга пора беринг, хоҳлаганингизча қонунни четланг. Аммо куни келган куни ҳаммасини тортиб олади. Бу сафаргисида энди рози бўлиб берасизлар. Бу классика, бу ўзгармайди. Қозон ёпиқлигича қолмайди, ноқонуний кўп қаватли уй қураётганлар.
👉 @Zafarbek_Solijonov
Инновация ва технология: Тошкентда халқаро анжуман ўтказилди
16–17 апрель кунлари Тошкентда “Рақамли трансформация: ахборот технологиялари, сунъий интеллект ва иқтисодиётда янги давр” мавзусида халқаро илмий-амалий конференция бўлиб ўтди.
Конференция Тошкент амалий фанлар университети ва Рақамли иқтисодиёт тадқиқотлари маркази ҳамкорлигида ташкил этилди. Тадбирда Туркия, Германия, Беларусь, Россия, Қирғизистон каби давлатлардан етук олимлар ва мутахассислар иштирок этди.
Улар қуйидаги йўналишларда маърузалар тақдим этди:
• Ахборот технологиялари ва рақамли трансформация
• Сунъий интеллект
• Киберхавфсизлик
• Рақамли молия
• Инновациялар
Конференция халқаро тажриба алмашиш ва ҳамкорликни ривожлантириш учун муҳим майдон бўлиб хизмат қилди.
👉 @Zafarbek_Solijonov
Эффектуз ва Судялар олий кенгаши ўртасида бўлиб ўтган судда қатнашдим. Натижадан хабардорсиз, сайт ёлғон ахборот тарқатган деб топилди. Жарима тўлайдиган бўлди. Суд жараёнида бир ҳолатга диққат қаратдим. Судя сайт тарқатган маълумот ёлғон ёки рост эканини аниқлашдан кўра, инсайд маълумотни ким берганига кўпроқ қизиқди.
Аслида вазият қандай бўлиши керак? Мен кимдир ҳақида маълумотларимга таяниб ахборот тарқатдим. Нариги тараф мени судга берди. Судда иккинчи тараф маълумотим ёлғонлигини исботлаши керак. Бунинг учун ундай ҳужжат йўқлигини асослаб, ҳақиқатни ўзи кўрсатиши керак. Судя ҳам шу фокусда ҳаракатланиши лозим.
Судя иккала тарафниям тўлиқ тинглаши, маълумот тарқатган ёлғон тарқатган бўлса, кейин уни жазолаши керак. Шунда у ўз функциясини бажарган бўлади. Бўлмаса унинг ҳаракатлари томонларда шубҳа уйғотади. "Бу маълумотни кимдан олдингиз?" деб сўраган судяга маълумотни ким бергани нега қизиқ бўлдикин? Нимаям дердик, жаноб судя, фарзандларингиз журналист бўлсин. Сизга ҳозирча шу тилак.
👉 @Zafarbek_Solijonov
Янги даврдаги энг катта ютуқлардан бири бу — аёллар зўравонлигига қарши курашиш бўлди. Жамоатчилик юзлаб кейсларни муҳокама қилди. Президент ташаббуси билан ўндан ортиқ норматив-ҳуқуқий ҳужжатлар қабул қилинди. Комиссия тинмади. Гендер тенглик, аёллар ҳуқуқини таъминлаш энг асосий сиёсатимиздан бирига айланди. Бошқарувда аёлларимиз улуши ортди. Дунё рейтинггида ушбу масалаларда бир неча бор олдинга сакрадик.
Бу борадаги сиёсат давом этмоқда. Шу йил 9 апрел санасида оиладаги зўравонликка қарши қонун қабул қилинганига икки йил тўлган кунда Президент қонунчиликка никоҳдан ажратишда судлар томонидан тайинланадиган “яраштириш даври”ни бекор қилишга оид жуда муҳим ўзгартириш киритилишини тасдиқлади. Кураш ҳеч қачон тугамайди.
"Буни аёлларни оиладаги зўравонликдан ҳимоя қилиш, уларнинг ҳуқуқларини ҳурмат қилиш йўлидаги катта қадам деб ҳисоблайман. Агар оилада инсон қадр-қиммати ҳурмат қилинмаса ва у жисмоний, психологик ёки иқтисодий таҳқирларга дуч келса, у ерда муросага келиш, ярашиш ҳар қанақасига имконсиздир", дейди Саида Мирзиёева.
Президент ёрдамчисининг фикрларига тўлиқ қўшиламан. Бугун твиттерда фаоллардан бири 24 йил деган эр-хотин ажрашаётгани ҳақида ёзди. Тўғри қилади. Атрофидагиларнинг розилиги деб ўз ҳаётини захарлаш шартмас. Турмуш бу келишув. Бахтсиз тараф бўлмаслиги керак. Келиша олмадими, эртага ёмон оқибатлар юзага келмаслиги учунам ҳаммаси вақтида тўхтагани яхши. Янги ҳужжат шуни таъминлайди деб умид қиламан.
👉 @Zafarbek_Solijonov
“Йўқ” деганлар ишни бузмайди, тузатади
Қонун қабул қилиш оғир, етти ўлчаб, бир кесадиган нарса. Баъзан “қонун лойиҳасига қарши чиқиш” салбий қабул қилинишиям мумкин. Аввал ишчи гуруҳга, кейин қўмитага ўтган, фракциядаям кўрилган қонун лойиҳасида ялпи мажлисда “йўқ” деган депутатни кўриб, нимага бу унақа қиляпти, деб ҳайрон бўлиш мумкин.
Лекин қарши овоз — ишни тўхтатиш учунмас, тўғрилаш учун берилади.
Депутатларни ўтказмагани билан қонун тўхтаб қолмайди — аксинча, яхшироқ бўлиб қайта муҳокамага қайтади. Бугунги ялпи мажлис бунга яққол мисол бўла олади.
👉 @Zafarbek_Solijonov
Қўштирноқ подкастнинг янги сонида нега бунча яхши изоҳлар кўп десам, энг чиройли изоҳ эгасига UPGдан совға қўйилган экан 😁 мен ҳам бориб ёзиб келсаммикан)
Фезот, Киберуз, UPG эгаси Шаҳзод Касимовлар билан бирга Стримерлар, геймерлар, PUBG ва дунёнинг бошқа машҳур ўйинлари ҳақида суҳбатни кўринг ва подкаст ҳақидаги фикрларингизни ёзиб совғани қўлга киритинг. Ютсангиз менга ҳам айтинг)
▶️ https://youtu.be/t7eh8zzuqMw
Market Yandex Go маркетплейсида тадбиркорлар сотувларни қандай бошлаши мумкин?
15 апрель куни соат 16:00 (Тошкент вақти билан) маркетплейс жамоаси томонидан жонли эфир ташкил этилади.
Эфир давомида босқичма-босқич қуйидаги мавзулар кўриб чиқилади:
✅Пештахтага қандай чиқиш ва биринчи етказиб беришни қандай амалга ошириш?
✅ FBS ва FBY моделлари бўйича қандай ишлаш керак?
✅ Қайтаришлар ва сотилмаган буюртмалар билан қандай ишлаш?
✅Ҳужжат айланмаси қандай ташкил этилган?
Иштирок этиш бепул.
📲Рўйхатдан ўтиш учун — ҳавола орқали юборишингиз мумкин.
Эфир рус тилида олиб борилади. Кейинчалик ёзувга ўзбек тилида субтитрлар қўшилади.
Барча иштирокчилар эфир пайтида хизмат жамоасига тўғридан-тўғри савол бериш имконига эга бўладилар.
Ички ишлар вазирлиги Safe Road масаласида матбуот анжумани ўтказиши керак. Саволлар жуда кўпайиб кетди. Гап шахсий маълумотларимиз хусусида кетяпти, бошқа томондан.
👉 @Zafarbek_Solijonov
Жарималар ҳақида хабар берувчи Road 24 ўрнини эгаллаётган Safe Road иловасига рўйхатдан ўтиб бўлмаяпти. Нималар бўляпти ўзи? Нега янги илова қилиш керак бўлиб қолди ўзи? Эски илова яхши эди.
👉 @Zafarbek_Solijonov
Яқинда бир жойда тил, миллат масаласида баҳс чиқди. Хориж мултфилмлари биздаям оммалашгани ва шу кабиларда тортишдик. Кимдир буни глобализация деса, яна қайсидир ошнамиз бу мултфилмлардаги ғоялар билан ёшларимиз онгги эгаллаб олинишини гапирди. Охирида хулоса шу бўлди — болаларимизда танлов бўлиши керак. Бунинг учун бизникиларам жим турмасин, бу соҳадаям яхши мултфилмлар ишлайвериши айтилди.
Ўзимиздаям анча оммалашиб қолган миллий контентлар бор. bekvalola?feature=shared">Бек ва Лола, pomidordoppi?si=poD_zu0YI6XPiRv8">Помидор дўппи, donocha?si=uz-rCDKe-BjtfQBq">Доноча, lulunanauzb?si=s5cXufcywvflFPcp">Лулу Наналар шулар жумласидан. Президент ёрдамчиси Саида Шавкатовна айтганидек, миллий маҳсулотларимиз ҳам оммалашяпти. Лекин бу етарли эмас. Қўллаб-қувватлаш янги босқичга чиқиши керак.
"Ушбу мултфилмларни боғча ва мактаб ўқувчиларига намойиш етишни, шунингдек, уларда кўтарилаётган мавзуларни болалар билан муҳокама қилиб боришни тавсия қиламан", дейди Саида Мирзиёева.
👉 @Zafarbek_Solijonov
Шайбонийхон ва Бобур ўзбек тарихидаги муҳим шахслар бўлиб, ҳар бири ўз даврига катта таъсир кўрсатган. Шайбонийхоннинг сиёсий муваффақиятлари ва Бобурнинг адабий мероси тарихда алоҳида ўрин тутади. Қурултой подкастида уларнинг ўрни ҳақида илмий баҳс олиб бориш, тарихни янги нуқтаи назардан тушунишга ёрдам беради.
Бу подкаст илмий мулоқот ва тарихга бўлган янги ёндашувни таклиф этади, ўтмишдан ўрганиб, бугунги кунда қандай хулосалар чиқаришимиз мумкинлигини кўрсатади. Агар тарихга қизиқсангиз ва Шайбонийхон ҳамда Бобур ҳақидаги илмий таҳлилларга чуқурроқ киришни истасангиз, ушбу подкастни тинглашингизни тавсия қиламан.
👉🏻https://youtu.be/Je8topetVDY
KOICA Корея ташкилоти ҳақида биласиз. Ҳар йили давлати ва бошқалардан бюджетига 3-5 миллиард доллар олади. Асосий функцияларидан бири корейс маданияти, тилини ёйиш. Бу орқали мамлакатига катта маблағ келиши, Кореяга қизиқиш ортишини билади. Улар дунёга ўзини танитишда тўғри йўлдан боришди.
Агар тил ёки маданият тарғиботи масаласида конфликтга кириш йўлидан борсангиз, янги даврда бу энди иш бермайди. Эркин одамлар учун энг яхшиси жозиба. Бирликка путур етказадиган, нозик жойингизни душманга кўрсатиб қўядиган йўллардан юриш камида нопрофессионаллик. Адлия вазирлиги позициясини тўлиқ қўллаб-қувватлайман.
👉 https://www.gazeta.uz/uz/2025/04/09/til/
@Zafarbek_Solijonov
30-йиллардан кейин филмларда аёллар образи ижтимоийлашган, фермер, раис, фаол ва жамиятга қўшилаётган аёллар тасвирланган.
Парда Подкастда режиссёр, фотограф Ҳилола Каримова билан филмда аёллар обраси қанчалик реал тасвирлангани ҳақида подкаст бўлган.
Кўриш учун: https://youtu.be/z4q_2Sneam4?si=XijvHRK8Ld9kd08y
Мен бир нарсани тушунмаяпман: Пиёз нархи мавзуси нимага бунча ваҳима бўляпти?
Ҳар йили баҳорда янги пиёз ёки картошка чиққанида нархи қиммат бўлади. Азалдан шундай бўлган. Шунинг учун ота-боболаримиз қишга сабзавот ғамлаб, янги пиёз чиқиб нархи эпақага келгунча етсин деб ният қилишган.
Бу йил ҳам шундай бўлди, янги пиёз энди чиқди ва нархи қимматроқ.
Ўтган йили апрель бошида килоси 5-6 минг бўлган пиёз бир ҳафтада 3 мингга тушганди. Бу йил ҳам апрель бошида 7-8 минг сўм бўлган пиёз бир ҳафта ўтиб 4-5 минг сўмга тушибди. Нарх арзонлашади ҳали яна.
Ҳали қуёш тобида чиқмаган совуқ кунларда пиёзни ундириб етиштириш осон эмас. Деҳқон бечора шунча меҳнат қилиб етиштирган маҳсулотини бир-икки ҳафта сал қимматроқ сотиб фойда кўрса кўрибдида. Иқтисодият бу.
👉 @Zafarbek_Solijonov
Тошкент ўтган ҳафтада сиёсий муҳокамалар, халқаро парламент пойтахтига айланди. Дунёнинг турли бурчагидан келган сиёсатчилар муҳим масалаларни муҳокама қилди. Расмий Тошкент зиддиятли даврда қўрқмай шу каби платформа бериши бу унинг ташаббускорлигидан дарак.
Танзила Норбоева айтганидек, Парламентлараро иттифоқ билан ҳамкорликдаги бир йил давомида олиб борилган ишлар ўз самарасини берди. Ассамблея дунё парламентаризмида муҳим тарихий воқеага айлана олди.
"150-юбилей Ассамблеясида қабул қилинган муҳим ҳужжат - Тошкент Декларацияси, глобал ижтимоий тараққиёт ва адолат учун йўл харитаси сифатида хизмат қилишига ишонаман" — деди Сенат раиси. Тадбирнинг шу кунларда энг муҳим хусусияти шу бўлдики, бу даражадаги катта тадбир биз тарафдан тўлиқ — ўзбек тилида бўлди. Меҳмон давлатлар ҳам ўз она тилида жавоб қайтарди. Таржимонлар ишлади. Қале? 😎
👉 @Zafarbek_Solijonov
#1000kitob #1000kitobmaktabi
1000KITOB loyihasi Tarjimon va muharrirlar maktabini boshlamoqda
#1000kitobmaktabi tarjimonlik va muharrirlik maktablari va an’analarini shakllantirish va rivojlantirishga qaratilgan. Uning doirasida tarjimonlar va muharrirlar uchun ikki haftalik intensiv kurslar tashkil etiladi. Bu kurslarda ekspertlarimiz va murabbiylarimiz ilmiy va ilmiy-ommabop tarjima va tahrir bo‘yicha nazariy va amaliy bilimlar beradi.
Bitiruvchilar 1000Kitob bilan hamkorlik qilish imkoniga ega bo‘ladi.
Ishtirokchilarga yosh, jins va ish tajribasi bo‘yicha cheklovlar qo‘yilmaydi. Asosiy urg‘u inglizchadan o‘zbekchaga tarjimaga beriladi, lekin boshqa tillardan tarjima qiluvchi mutaxassislar ham ishtirok etishi mumkin.
Ishtirokchiga aylanish uchun quyidagi havolaga kirib, so‘rovni to‘ldiring va kerakli hujjatlarni yuboring: https://forms.gle/hp6RAewTBa3f92976
Dedlayn – 14-aprel.
Murojaat uchun: @mingkitob_admin
O‘rinlar cheklangan, shoshiling!
Sahifalarimizga ulaning va ulashing👇
Telegram | Facebook | Instagram | 1000kitob">YouTube | X