ʟᴏᴠᴇ

26 December 2025 23:53

- لا أدري ولكن يبدو انه هُناك شيء مات بِداخلي هذا العام.

ʟᴏᴠᴇ

25 December 2025 14:21

- ‏الواحد خاطره صوته الداخلي يمارس عليه الصمت العقابي.

ʟᴏᴠᴇ

15 December 2025 23:45

- أنت متعرفش حاجة عني حرفياً ،حط الفكرة هذي في راسك كويس،متعرفش شن ظروفي واسبابي،متعرفش شن الضغوطات وتعب الأعصاب اللي انا فيه،
فَـ مَـاتحكمش عليا وحط روحك مكاني قبل ما تقول اني تغيرت وتزعل،لأنك ببساطة مَـ تعرفش عليا غير شوية تفاصيل بسيطة أو الواضح قدامك مش أكثر .

ʟᴏᴠᴇ

10 December 2025 11:18

- محد أحسن منك عشان يعاملك ع مزاجه.

ʟᴏᴠᴇ

28 July 2025 03:42

- كاره الحوش وكاره نطلع منه ، كاره الوحده وكاره البشر ، كاره النوم وكاره نعيش اليوم من بدايته .

ʟᴏᴠᴇ

28 July 2025 01:20

- ‏اللي يبيك في حياته حـ يخلقلك مساحة ، مش مُهمتك ابداً انك تحارب عشان تلاقي مكان لِك فـ حياته .

ʟᴏᴠᴇ

24 July 2025 00:51

- مزاجك المُتقلب سببه ذاكرتك اللي رافضة تنسى كُل حاجة انتَ عشتها، مرات الحاجات هذي يفوت عليها سنين وسنين لكن في لحظة وبدون أي سابق إنذار تلقى عقلك يعرض قدام عيونك مشهد يعكر عليك حياتك، فا نحنّا مش ناوين نكد ولا ناوين نوجع راسنا ونتعب روحنا بس في حاجات هكي تكون غصب علينا ومش بإيدينا.. أنا مش ذنبي إنّي شخص عاطفي نتأثر بسهولة ولا ذنبي إن ذاكرتي قوية وما نعرفش ننسى حاجة وجعتني وأثرت فيا، هذي حاجة خارجة عن إرادتنا ومُجبرين عليها للأسف.

ʟᴏᴠᴇ

21 July 2025 16:07

- يارب اكفيني شرها " المادة الجاية".

ʟᴏᴠᴇ

10 July 2025 18:21

- فترة تخاذل من جميع الجلاوي تخليك تسال في روحك .

ʟᴏᴠᴇ

08 July 2025 01:21

- ‏مفيش أسوئ من إنك طول الوقت تحاول تتجاهل شعور سيء قاعد جواك بعد موقف مخليك مش تمام نفسيًا، والغريب لما تفكر ف الموقف تحس نفس الإحساس كأنه صار أمس ، تميت نوعى كل يوم نبذل مجهود عشان أنقاوم اللي جواي، أنتمنى أي إحساس سئ حسيته ميقعدش ملازمني ونوعا في يوم نلاقى روحي انسيته.

ʟᴏᴠᴇ

29 June 2025 21:55

- ‏جبارة خواطر منكسر خاطرنا وإن جانا كدر نبقو اسمُور وحدنا .

ʟᴏᴠᴇ

28 June 2025 01:18

- السكتة الطويلة ، للي جاية من الزعل شينة بكل .. فِ درجه من زعل من شخص اقريب منك ما ينفعش امعاها عتاب ما ينفعش ، يعني فِ حاجات وفِ مواقف من ناس ما ينفعش امعاهن غير السكوت تقعد ساكت يعني من كثر الموقف مش راكب ومش خايل انه الشخص هذ ايديرلك هك ، ساكت من قهرتك ومن حسرتك غصباً عنك تلقى روحك ساكت حتى انت من جواه قاعد تغلي ، فِ دراجات من الوجع والكسرة تسكت صاحبها غصباً عنه فِ اوقات اي كلام ممكن ينقال يبقا ثقيل ومايعرفش يوصف للي صار وصعب بكل على صاحبة انه يحكي بيه ف يسكت .

ʟᴏᴠᴇ

27 June 2025 19:38

- المهم راكي فارق عن الغير وقاعده متربعه في تركينه ابروحك غادي ❤️.

ʟᴏᴠᴇ

27 June 2025 01:11

- ما فيش حد يعرف ايش صايرلك، مافيش حد يعرف الحرب اللي صايرتلك مع حياتك الخاصة ، ايش اللي خلاك ما توثق في حد ، ايش اللي قتل عفويتك، كم كافحت وكم خسرت ،ما فيش حد عارف مَن أنت عشان هك ما دور حد وعيش بجوك .

ʟᴏᴠᴇ

26 June 2025 18:57

- الصراحة و الشفافيّة حاجة صعب ع البلعوط يديرها .

ʟᴏᴠᴇ

26 December 2025 00:24

- مع الوقت حتعرف ان الحاجات الي راحت منك مش غاليه وإنك كنت مكبر الشطحه ع الفاضي .

ʟᴏᴠᴇ

16 December 2025 02:58

- فجأة هك حتلاقي إهتمامك قل واجد بحاجه كانت واخده كل تفكيرك .

ʟᴏᴠᴇ

11 December 2025 00:21

- ‏"لا ينساك الله، ولو ظننت أنك بالكاد تتحمَّل الحياة، يأتيك باليُسْر والفرج في ذلك الوقت الذي تشعر فيه أنك على شفا حفرة من السقوط، فالله إذا أراد بك خيرًا تعجَّبتَ من طريقته، يأتيك الخير من بين ألف طريقٍ ضيَّق، حتى أنك لا تعلم متى وكيف حدث ذلك"

ʟᴏᴠᴇ

07 December 2025 13:04

- ‏من الأدب والذوق آن لا تتحدث عن نعمه تملكها أمام من يفقدها .

ʟᴏᴠᴇ

28 July 2025 01:20

- يا ربّ مهما يصير ماتخسرنيش قلبي والحنيّة إللي فيه، خليني ديما على نفس المبادىء اللي عايشة بيها خليني ديما على نفس القوة إللي مكملة بيها، وخلي ديما عندي أمل ويقين كبير وحسن ظن فيك وفي كل إخياراتك ليا ..

ʟᴏᴠᴇ

24 July 2025 00:51

- للأسف حالتنا المزاجية مش حاجة نقدرو نتحكمو فيها ؛ في ظروف وحاجات مُحيطة بينا بتأثر جدًا على مزاجنا ونفسيّتنا، وما تقولّيش: "إعتزل ما يؤذيك" لإن في أذية تجيني من تلقاء نفسها، في هكي حاجات تلحقنا بدون أي تدخل منّا زي كلمة بايخة قالها شخص قليل ذوق، خبر صادم عرفناه فجأة، ذِكرى حزينة تخطر على بالنا، اسباب واجد مُمكن تأثّر على مزاجنا اليومي، وهذي حاجة مش كويسه الحق .

ʟᴏᴠᴇ

23 July 2025 03:24

- ‏النوم المتقطع هو أسوأ عقاب للإنسان .

ʟᴏᴠᴇ

12 July 2025 04:04

- 𝙼𝙾𝙾𝙳 :


محتاج في حياتي ناس مش ناويه تودعني .

ʟᴏᴠᴇ

08 July 2025 19:54

- ‏1% الامور مرتبة ، 99% "ابعلي"..

ʟᴏᴠᴇ

30 June 2025 03:00

- تبقى قاعد لابيك لا عليك ومفيش اي موضوع وفجأه تسمع صوت عقلك الباطني يقولك تذكر زمان لما ........
‏و من هنا تبدأ فقرة جلد الذات ..

ʟᴏᴠᴇ

28 June 2025 03:48

- ياريت في mute للتفكير متاع الليل .

ʟᴏᴠᴇ

27 June 2025 22:18

- تخيل شخص يسمع في أغنيه ويفكر فيك ؟.

ʟᴏᴠᴇ

27 June 2025 18:34

- إنّ الرُوح إذا إلتقت بمَن يُشبهها.
ترمّمت ، وتعافت ، وإكتملت.

ʟᴏᴠᴇ

27 June 2025 01:08

#تفكير_بصوت_عالي :

- تبقى كامت وساكت ع كل السوايا للي ايجنك و بالأخص من القريب لك ، تفكيرك كله إنك اتساير الوضع عشان خاطر اعيون يسون وانت مش عارف لعند امتى اتحمل ، طاقتك الذهنيه والنفسية اقريب تنتهي حرفياً و انت مش عارف بعد السكوت هذ شنو في ، ممكن إنفجار فالقريب والبعيد ؟ .

ʟᴏᴠᴇ

25 June 2025 19:10

- الإنسَان مرات تجيه فترات من كِثر الضغوطات اللي عليه ، الظروف لِيمر بيهن ، سوء نفسيته ، مرات يقعد يتصرف في تصرفات غير طبيعيه أو بالأحرى مش متعود يتصرفها معانا.

لازم نتعلموا نقدروه شوي ، نحترموا وضعه لطالما هاذي مش طبيعته ، منكونوش أنانين نبوا منه الباهية بس.