ادبیات ائوی

05 Dec 2022 22:48

دَییشدیم من سنی گؤرندن بری،
منه نه ائتدینسه تکجه سن ائتدین.
سنسیز بو شَهَرده غریبدیم، غریب،
منه بو شَهَری سن وطن ائتدین...

#رامیز_روشن
#ادبیات_ائوى

@AdabiyatEvi

ادبیات ائوی

04 Dec 2022 06:51

بیر کؤینه‌یین یاخاسی‌دیر بو وطن،
بیرلشسه کیم‌لرین بوینونو سیخار؟!
ائله ترلَمیشیک آراز بویونجا،
یاخادا اورمونون دوزون کیم ییغار؟
کؤینه‌ییم بوزوشوب،
آنام هارداسان؟

#رضا_طالبی
#ادبیات_ائوى

@adabiyatevi

ادبیات ائوی

04 Dec 2022 06:37

بئینین‌ده قوردوغون دوشونجه‌یه بنزه‌ییرسن!!

#کارل_یونگ
#ادبیات_ائوى

@adabiyatevi

ادبیات ائوی

04 Dec 2022 06:34

دانیشان رسیم‌لر
یورومسوز
#ادبیات_ائوی

@AdabiyatEvi

ادبیات ائوی

03 Dec 2022 17:22

انسان اولماق و‌ حیاتی حئیوان‌لاردان داها آز آنلاماق نه اوزوجو بیر شئی...

insan olmaq və həyatı heyvanlardan daha az anlamaq nə üzücü bir şey...

panayit istrati

#پانائیت_ایستراتی
#ادبیات_ائوی

@AdabiyatEvi

ادبیات ائوی

01 Dec 2022 20:09

گلن بیردیر، گئدن بیردیر، قالان بیر،
گلن قالماز، گئدن گلمز، عجب سرّ.
بیر اوّل وار، بیر آخیر وار، دئییرلر،
بو بیر سؤزدور، نه اوّل وار، نه آخیر...
(میرزا مهدی شکوهی)

دَیَرلی شاعیر #یدالله_مفتون_امینی، ابدی‌لیک بو دونیایا گؤز یومدو.
مفتون امینی، 1305- جی ایل‌ده سایین‌قالانین هولاسو کندینده دونیایا گؤز آچیب و تبریز شهرینده تحصیل آلیب و تهران شهرینده حقوق رشته‌سینده تحصیلینی باشا یئتیرمیشدیر. تورک و فارس دیل‌لرینده شعرلری وار. بیر بند شعرلریندن تقدیم ائدیریک:

حق سئل کیمی دریایه آخیب یول تاپاجاقدیر،
داش آتماغیلان کیمسه اونو دؤندره بیلمز.
عالمده قارانلیق‌لار اگر بیرلشه باهم،
بیر خیرداجا شمعین ایشیغین سؤندوره بیلمز.

واردیغی یئر اوچماق اولسون🖤
#ادبیات_ائوی

@AdabiyatEvi

ادبیات ائوی

30 Nov 2022 15:44

#انتظار

دوراغین ساعاتی بئشی گؤستریر
هله بئش یاریما نئچه ایل قالیر!
بو جانسیز ساعاتین ایشینه باخ سن
بیر سورو جانلی‌دان نئجه جان آلیر!

گؤزله‌مک انسانین نفسین کسیر
آسیلی بویونو ایپ کسن کیمی
انتظار جانیمدان ائله کام آلیر
ماجال دا وئرمیر کی ایچم چاییمی...

هایاندا قالدی بس بو قاطار آلله؟!
سؤیله‌نه_ سؤیله‌نه، ایچینی یئییر
یولونو گؤزله‌ییر عسگر اوغلونون
باغرینا باسدیغی او شکیل دئییر.

هایاندا قالدی بسـ... بو هاراساندیر
بوغلارین چئینه‌ییب ال‌لرین اوْوور
سئوگی دولو گؤزلریله آمانسیز
آمانا یول سورن ساعاتی قوْوور

هایاندا قالدی بس بو قاطار.... منم
بو سفر منم کـیـ......گلدی ، گلدی، گلــ...
ازدحام ایچینده ها  بویلانیرام
نه بیر تانیش دوشور نه قالخیر بیر اَل

یئنه ده گلمه‌دین، گلمه‌یه‌جک‌سن
اَه، بو کؤینه‌یین ده یاخاسی داردی!!!
اومودومون  قالان سون پارچاسین دا
قاطاردان سون دوشن آدام آپاردی

آدام‌لار، هیجان، دوراق، چای، ماسا
بو سایاق باشیما فیرلانیردی یئر
بیری: «چایینیزی داغیلتدیم، باغیشـ...»
منیم دونیام ایدی داغیلدی بوش وئر!

#خان_صنم
#ادبیات_ائوی

@AdabiyatEvi

ادبیات ائوی

29 Nov 2022 17:33

بیز نه‌ییک؟ ایلدیریم! تورپاق! سو! کولک!
اَسَک یئر اوزونون نسیمی کیمی؛
یاشایاق، یاشاداق اؤلسک ده اؤلک-
بیر عؤمره سیغمایان «نسیمی» کیمی.

#خلیل_رضا_اولوتورک
#ادبیات_ائوى

@adabiyatevi

ادبیات ائوی

28 Nov 2022 20:11

#او_گئجه

گئجه‌دیر،
کیمسه یوخ،
بیر سن، بیرده من.
ظولمات آسیلمیشدیر پنجره‌لردن
اوتاغیمدا سکوت،
گؤی‌لردن دَرین،
بیر منم،
بیر سکوت،
بیرده گؤزلرین...

#رسول_رضا
شکیل: #رسول_رضا و حیات یولداشی #نیگار_رفیع‌بی‌لی
#ادبیات_ائوی

@adabiyatevi

ادبیات ائوی

28 Nov 2022 20:01

#دانیشان_رسیم_لر

@adabiyatevi

ادبیات ائوی

28 Nov 2022 20:01

#دانیشان_رسیم_لر

@adabiyatevi

ادبیات ائوی

25 Nov 2022 18:34

بو گون آذر آیی‌نین  4- جو گونو، #جبار_باغچه‌بان'ین  آنیم گونودور.
باغچه‌بان 1264- جی ایل ایروان شهرینده دونیایا گؤز آچیب. او عصرده ایروان شهرینده تورک مسلمان‌لارین سایی، ارمنی‌لردن چوخ ایدی.
اؤز آدی میرزا جبار عسگرزاده‌دیر. بیرینجی دفعه تبریزده اوشاق مدرسه‌سی دائیر ائتدیگینه گؤره، باغچه‌بان آدینی سئچیر.
لال و کار انسان‌لارین تحصیل کتاب‌لارینا اؤز نقاشی‌لرین چکیب و اونلارین تعلیم‌لرینده دیل‌جوابی (شفاهی) تحصیلین یارادیجی‌لاریندان حساب اولونور. بیرینجی دفعه ایران‌دا، لال و کار انسان‌لارا، ذهنی حساب‌لا تعلیم آلماغی، باغچه‌بان بدعت قویوب.
1345- جی ایل، ابدی‌لیک حیاتا گؤز یوموب. مزارینا نور یاغسین. خاطیرینی حُرمت‌له یاد ائدیریک.🌺🌺

#ادبیات_ائوى

@AdabiyatEvi

ادبیات ائوی

25 Nov 2022 08:20

آنام اؤلمه‌دن اؤنجه دئمیشدیکی؛
سنه دونیالاری دئییل، اؤز دونیاسینی سونان آدامی ایسته. چونکو سن اونا دونیالاری وئره‌جک‌سن.

#اؤزدمیر_آصاف
#ادبیات_ائوی

@AdabiyatEvi

ادبیات ائوی

24 Nov 2022 19:02

#یئنی_چاپ_اولان_کتاب‌لاریمیز
#شیطان_و_سنیوریتا_پریم
یازار: #پائولو_کوئیلو
حاضیرلایان: #پریسا_ساعی
#ادبیات_ائوى

@AdabiyatEvi

ادبیات ائوی

21 Nov 2022 08:56

#ائلزانین_گؤزلری              


ائله درین كی گؤزلرین ایچمه‌یه اییلدیم ده
بوتون گونش‌لری پیریل- پیریل اورادا گؤردوم
اورادا بوتون اومودسوزلوقلاری گؤزله‌ین اؤلوم
ائله دَرین کی هر شئیی اونوتدوم ایچلرینده

اوجسوز بیر دنیزدیر بولانیر قوش کؤلگه‌لرینده
سونرا بیردن گونش چیخار او بولانیق‌لیق کئچر
یاز ملک‌لرین اَتک‌لریندن بولودلار بیچر
گؤیلرین اَن ماویسی بوغدالار اوزه‌رینده

قارانلیق بولودلاری بوشونا داغیدیر کولک‌لر
گؤیلردن آیدیندیر گؤزلرین بیر یاش گؤرونجه
جامین قیریلان یئرینده کی ماوی‌لیینی ده
یاغمور سونو سمالارینی دا قیسقاندیریرلار

من بو رادیومو چوخ ایتی بیر داشیندان چیخارتدیم
منیم ده یاندی بارماقلاریم قاداغان اودوندا
تاپیب یئنیدن ایتیردیییم جنّت اؤلکه
گؤزلرین پَریم‌دیر منیم گولوم، نارگیله‌م هينديستانيم

کاینات پارام‌پارچا اولدو بیر آخشام اوزه‌ری
هر قورتولان اود یاخدی اوستونده بیر قایانین
گؤردوم دنیزین اوزه‌رینده پارلارکن «ائلزا»نین
گؤزلری ائلزانین گؤزلری ائلزانین گؤزلری

#لویی_آراگون

تورکجه‌یه چئویرن :
#اورهان_ولی_کانیک
اويغونلاشديران:
#همت_شهبازی

@adabiyatevi

ادبیات ائوی

04 Dec 2022 18:38

#نییه_بئله_دئییریک کتابیندان (پروفسور موسی عادلوو)
حاضیرلایان: #حسن_اوموداوغلو و #یوسف_شیرین‌پور

آغزينا چوُللو دوْوشان سيغمير
ايفاده انسانين دانيشيق طرزينی سجيّه‌لنديرمك مقصدی ايله« لوْوغا، تشخّص‌لو، اؤزوندن راضی حالدا، هجوم‌چو نيّت ايله دانيشير» معناسيندا ايش‌لديلير. سیغمیر فعلی اؤز سینونیمی «يئر‌لشمير» سؤزو ايله ده عوض اولونا بيلير. ‌بو تركيب‌ده «چوللو دوْوشان» سونرالار ايش‌لنمه‌يه باشلاميشدير. ايفاده اصلينده «آغزينا قیللی (توکلو) دوْوشان سيغمير» شكلينده اولموشدور كی، قافيه اساسيندا قيللی، سونرالار چوللو (هابئله: توكلو، ناللی) ايله عوض ائدیلميشدير. لاكين بو عجايب ايفاده‌نین اساسی مسئله «سيغمير» («سيغيشمير») سؤزو ايله علاقه‌داردير. لاكين حقيقی معنادا آغزين گئنيش آچيلماسی نظرده توتولورسا، فعلين انكاردا ايش‌لنمه‌سی تعجّب دوغورور. آخي آغزی گئنيش آچيليب‌سا بو قيللی (چوللو، توكلو، ناللی) دوْوشان آغيزا سيغمالیدير. بورادا «سيغمير» سؤزو تام كفايت ائتمير، بوتون‌لوك‌ده (آغزی) توتمور، آغزی او قدر آچيلير كی، قیللی دوْوشاندان علاوه اورا داها باشقا شئی‌لر يئرلشه بيلر معناسيندا ايش‌لديلير محض بو حالدا ايفاده‌نين موتيولشمه‌سی معيّن ائديله بيلر. (ديليميزده آنالوژيا اوزره «ناللی دوْوشان» ايفاده‌سي ده واردير و بو ايفاده اساسيندا ناغيل- روايت سونرادان دوزلديلميشدير)*.
عبداله شايقين «خاطره‌لریم» اثرينده دئييلير: «نارين‌گول بير گون جواب وئردی-... بيليرسن كی، گؤدَك  آدام‌لار گونده يئددی دفعه الـله‌ليق ادّعاسی ائدر. بيزيم كيشي ده بئله‌لريندن‌دير. دانيشيق‌دا آغيزينا چوللو دوْوشان سيغينمير. او، پول آد- سان ايسته‌يير. اينانميرام حُسينه قيز وئره».
مشهور بير خالق تاپماجاسيندا دئييلير: اكديم يوْوشان،/ بيتدي كوْوشان/ ناللی تازی/ چوللو دوْوشان.


*نکته: «بیزجه مولف دئییمی دوزگون باشا دوشمه‌میشدیر. بیزجه سؤزون اصیل واریانتی بئله‌دیر: آغزینا چوللوق دوْوشان یئرلشمیر. چوللو قدیم شکلی «چوللوق»دور. معلوم اولدوغو کیمی سؤزلریمیزین سونداکی ک، ق، غ زمان گئدیشیاتیندا دوشموشلر. اؤلوک (اؤلو)، ‌دیریک (دیری)، اولوغ (اولو)، چوللوق (چوللو) و.... چوللوق سو قوشو نوعودور. بو دئییم‌ده ایسه آغیز مجازی معنادا گلمیشدیر. دئییم بیر آدام حاققیندا دئییلیر کی، آزا قانع دئییلدیر...مث: بؤیوک حیوان اوولاماق مقصدی ایله اوْوا چیخان اوْوچو کیچیک چوللوق (چوللو) و یاخود دوْوشان اوولاماغا راضی قالمیر،‌ مقصدی داها بؤیوک حیوان‌لاردیر. شمس‌الدین سامی‌نین قاموسوندا چوللوق حاققیندا بئله دئییلیر: 1- معروف قوش کی، سوْن باهاردا اوْولانیر. بوقاچه، یَلوه‌نین بؤیوگودور. سو چوللوغو.. بیر جنس قوش. ب- چوللامه/ چوللاما: اوستو خمیر ایله اؤرتولَرک بیشیریلن یئمک‌لره اطلاق اولونور (ص524-523- قاموس ترکی- استانبول-1317 قمری). دئمه‌لی بورادا چول‌دان صحبت گئتمیر، قوش‌دان و یئمک نوعوندان سؤز گئدیر.» (ح. اوموداوغلو)

#ادبیات_ائوى

@AdabiyatEvi

ادبیات ائوی

04 Dec 2022 06:38

یوماً ما
قلنا لن نفترق إلا بالموت
تأخر الموت
و افترقنا ...



بیر گون دئدیک
آیریلمایاجاغیق، مگر اؤلوم ایله!
اؤلوم یوباندی،
و آیریلدیق ...

#محمود_درویش
#ادبیات_ائوى
@adabiyatevi

ادبیات ائوی

04 Dec 2022 06:35

دانیشان رسیم‌لر
#یورومسوز

@AdabiyatEvi

ادبیات ائوی

04 Dec 2022 06:21

گون دئیيل هر گون بير آی مهر ايله کؤکسون چاک ائديب،
تازه- تازه داغلاردیر کيم قیلیر اظهار صبح.

تيغ خورشيد ايله رفع اولسا يئريدير کيم مدام،
ياندیریب پروانه‌نی، شمعه وئرير آزار، صبح!

#حکیم_محمد_فضولی
#ادبیات_ائوى

@adabiyatevi

ادبیات ائوی

02 Dec 2022 12:58

#ممد_آراز_خاطره‌سینه
#شعریم (گنج قلم یولداش‌لاریما)

یاش اؤتوب، آییلیب گؤرورسن بیر واخت
هئچ نه یازمامیسان عؤمور یاری‌دیر.
آلنینا یازیلان قیریش‌لار آنجاق،
عؤمرونون شکایت مصراع‌لاری‌دیر.

تَلَسیک قلمی آلیرام اله،
اورک ده تیتره‌ییر ال‌لرین کیمی.
لاکین گؤرونورسن وطنه، ائله،
سن ده یازیلمامیش اثرین کیمی.

بعضاً قوشا دؤنور ساعات دا، آن دا
آخشام گزدیگینی سحر تاپیرسان.
ائله ده اولور کی، باختین توتاندا
داش آختاران یئرده گؤهر تاپیرسان‌.

کائنات دئییم‌می من شعره، سؤزه!-
اونون مین دویونو، مین آچاری وار.
اونو دویا بیلمز اونداکی کؤزه
قلبینده کؤز تؤکوب آلیشمایان‌لار.

بلی، دوی بونلاری ای شاعر یولداش
سسینی کسمه‌سین هر اؤتری سس.
نهرین قاباغینا آتیلان بیر داش،
اونون سرعتینی ساخلایا بیلمز!

دوی کی، طوغیانیندا بورانین، قارین
اودلو بیر اورک‌له یازان اولوبدور.
چوخ زامان نَعشه‌دن دم ووران‌لارین
اثری نعشه‌لر پوزان اولوبدور.

سؤز گرک اوخ کئچمز قایادان کئچه،
یوخدورسا سؤزونون کَسَری- یازما!
اؤزون سئومه‌یینجه، سئویلمه‌یینجه،
اؤزگه‌دن محبّت اثری یازما.

عیب ائتمز اوچوشدا ییخیلسان بیر آن،
تکی دئمه‌سین‌لر قانادسیز قوشدور.
گؤی‌لری فتح ائدن بیر آنا ترلان
کیم دئییر بالایکَن ییخیلمامیشدیر؟

شعریم، چوخ دانیشدیم، دئیه‌سن، بیر آز،
سن نییه سوسموسان؟- دانیشان منم؟
یوخ، شئعیر اوجاغی آلووسوز اولماز
آلیشدیران سنسن، آلیشان منم.

شعریم، ائل سازیندا مضراب وور تئله،
اونسوز دا اؤتری اؤتن آز دئییل...
اؤزلری دونیادان گئتمه‌میش هله
آدلاری دونیادان گئدن آز دئییل.

ائلین نَفَسی‌دیر ان بؤیوک اثر
دویسام دا، اؤزومو اؤیه بیلمرم.
یوز بولبول سسی ده منه وئرسه‌لر،
ائل‌سیز بیر نغمه‌نی دئیه بیلمرم.

شعریم، شیمشک‌لردن قاناد ایسته سن،
یئره‌سه انسانین نَفَسی‌له گل.
دونیادا بیر داملا اولماق ایسته‌سن،
دونیایا سن عمّان هوسی‌‌له گل...

#ممد_آراز
#ممدآراز
کوچورن: #ادبیات_ائوی

@AdabiyatEvi

ادبیات ائوی

01 Dec 2022 11:31

#قوجالمیشام

دوستوم، سوروشورسان آغاریب باشیم،
قوی دئییم سببین، یاز- قوجالمیشام.
داغ دا اَرییَردی من چکن درده
هله من دؤزموشم، آز قوجالمیشام.

صنعت باغچاسیندا بارسیز دئییلم،
سینه‌م خزینه‌دیر وارسیز دئییلم،
طعنه سؤز گؤتورن عارسیز دئییلم
سالیب اوره‌ییمه، تئز قوجالمیشام.

یاپالاق کور باخیر قیزیل چلنگه،
جاناوار لاغ ائدیر آریق نهنگه،
تولکو شیره گولور، چاققال پلنگه
سار ساتیر ترلانا ناز، قوجالمیشام.

ائله گتیریر کی، دونیانین ایشی،
نامرده اَییلیر اَییلمز کیشی،
زامانین «ساغ اول»و دونیا گردیشی،
باغلاییب سینه‌مه بوز، قوجالمیشام.

«نجفم» الیمه دوشه جاوانلیق
قاتیب قوجالیغا ائدم یاوانلیق،
گوناهکار فلک‌دیر، اودور دیوانلیق،
بوکوب اَته‌ییمه بئز، قوجالمیشام.

#آشیق_نجف_علیمردانلی
#ادبیات_ائوى

@AdabiyatEvi

ادبیات ائوی

30 Nov 2022 08:08

... یئنی آی‌دان فلک سطحینده مین قالب دوزوب پوزموش،

وئرینجه قاشلارین طاقینا صورت صنع معماری...

#حکیم_محمد_فضولی
#ادبیات_ائوی

@adabiyatevi

ادبیات ائوی

29 Nov 2022 16:30

طوفاندی کولک سسی، ائیله‌ییر کار آغاجی
قیش ائله آغیر قیشدی، سیندیریر قار آغاجی

بیچاغا دئییرکی سوی، بوشقویا دئییرکی کس
کرکی‌یه یونتا دئییر،  ناجاغا یار آغاجی

آرخالار بوکوم- بوکوم، هؤروک‌لر کسیک- کسیک
قیرمیزی قیرمیزی‌دی، باغچادا نار آغاجی

موشارین خوش گونودو، بوغانین ائوی آباد
قوواق‌لار اوزو قویلو، سؤیودلر دار آغاجی

بئشییه ائو ائشییه، آنالار ایگیت دوغور
مئشه‌یه باخ مئشه‌یه، هله‌ ده وار آغاجی

نه‌قدر سیندیرالار، صاباح کی یاز گله‌جک
تاتیمیز قانات وئرر، توتوموز تار آغاجی

#عباس_قدرت‌پور (عمی اوغلو)
#ادبیات_ائوی

@AdabiyatEvi

ادبیات ائوی

28 Nov 2022 20:09

اومود، دؤزومو آرتیرار....

#سانست_پارک
#پل_استر
#ادبیات_ائوی

@adabiyatevi

ادبیات ائوی

28 Nov 2022 20:01

#دانیشان_رسیم_لر
@adabiyatevi

ادبیات ائوی

26 Nov 2022 08:36

کاریکاتور، 1911- جی ایل‌ده «ملانصرالدین» قزئته‌سینه عائددیر؛
آقز (آی قیز)، آقز! بونا باخ، بو آروات کیشی کیمی یازی یازیر.
جلیل ممدقلیزاده‌لر و میرزاعلی‌اکبر صابرلر اوتایدا جهالت‌له مبارزه آپاران واخت، شبسترلی معجز ده بو تای آذربایجاندا همن ایشی گؤروردو.
بیر شعریندن نئچه بئیت تقدیم ائدیریک:

دچار فقر و ضرورت اگر اولا استاد
هزار سال اوخوسا اوغلون آنناماز بیرزاد

معلم اولسا پریشان روزگار ای دوست
چؤرک خیالی ائدر ذهن ائوین اونون برباد

گلر چیخاندا ائویندن دورار قاباغیندا
نه اَت، نه قند، نه سوغان وار نه دوز دئیر آرواد

او حالیلن یئتیشر مکتبه عبوس و غضوب
دؤیر اوشاقلاری بی‌جرم یوکسه‌لر فریاد

ز بسکه پرت ائدیب او بینوانی پولسوزلوق
جیبینی، قولتوغونو آختارار الینده مداد

معلمه وئریله یاخشی ماهیانه گرک
گرک معلم اولا احتیاجدن آزاد

آچین قولاغیزی ای دوستان من ائشیدین
وطن خرابه‌لری علمیله اولار آباد..

و‌یا باشقا شعرده یازیر:

گرک آزاد اولا اوغلان كیمی قیز
چه در صنعت  چه در فن كتابت
قیچین اؤرتسون گرک آچسین جمالین
وبالی بوینوما روز قیامت
جهالت پرده‌سین ییرت آت اوزوندن
طلوع ائتسین بیزه شمس سعادت...

#ادبیات_ائوی
@AdabiyatEvi

ادبیات ائوی

25 Nov 2022 08:27

#شعردن_بیر_پارچا

یولوما قیزلار چیخسالار،
گولوب اوزومه باخسالار.
یاخاما بیر گول تاخسالار،
یاخامدا گولوم داریخیر.

#رامیز_روشن
#ادبیات_ائوی

@AdabiyatEvi

ادبیات ائوی

24 Nov 2022 19:02

شیطان و سِنیوریتا پْریم (رومان)
حاضیرلایان: پریسا ساعی
ناشر: آذر توران نباتی
گرافیست: اردم
بیرینجی چاپ - تبریز ۱۴۰۱
@p.saeii
@azerturan_nebati
.
تؤکدوکجه قانیمی اوخون، اول آستان ایچر،
بیر یئرده‌یم اسیر کی، تورپاغی قان ایچیر.
«حکیم ملا محمد فضولی»
.
بو قانلی قادالی گونلرده کیتابی تانیتیمی پایلاشماق هئچ‌ده گؤیلومدن کئچمیر، فقط کیتاب اینقلابین اؤزو و اینقلابلار کیتابسیز و دوشونجه‌سیز ثمره چاتماز.
اومید ائدیرم کی میلتیمیز و مملکتیمیزین حالی یاخشی اولسون و بو بلالی گونلر تئزلیک‌ده میلتیمیزین خییرینه سونا چاتسین.
.
کیتاب تانیتیمی:
مولفدن
بؤلونمه حاقینداکی ایلک روایت قدیم ایراندا اولوب.
بو روایته گؤره، زامان اللهی کائناتی یاراداندان سونرا گؤروب کی، اطرافا حاکم کسیلن هارمونییایا باخمایاراق، نسه چوخ مهم بیر شئی، بوتون بو گؤزللیکلردن بیرلیکده حظّ آلماق اوچون یول یولداشی چاتیشمیر.
الله مین ایل اوغلو اولماسی اوچون دعا ائله‌ییر. تاریخ بوتون دنیانین یگانه‌ قدرتلی حکمداری‌نین کیمه مراجعت ائله‌یه بیله‌جه‌یی‌نین اوزریندن سکوتلا کئچیر. بونونلا بئله، او دعا ائله‌ییر و بودور، اونون دعاسی ائشیدیلیر.
لاکن تئزلیکله آرزوسونا ناییل اولاجاغینی باشا دوشن الله بعضاً ائله‌دیگی ایشدن پئشمان اولور، چونکی ثباتسیز تارازلیغین پوزولاجاغینی باشا دوشور. آمّا چوخ گئج ایدی: اونون بطنینده گزدیردیگی اولاد آرتیق بو دنیانین یولوندا ایدی. الله یالنیز گؤز یاشلاری ایچینده اونون ایکی یئره بؤلونمه‌سینی دعا ائله‌یه بیلیر.
اگر بو افسانه‌یه اینانساق، واختیندا اللهین اکیز اوشاغی اولور: اونون دعا ائله‌دیگی واختا گؤره خیر (هرمز)، پئشمانچیلیق کئچیردیگی واختا گؤره شر (اهریمن).
هیجانلانمیش الله، الیندن گلن هر شئیی ائله‌ییر کی دنیایا بیرنجی اولاراق اهریمه‌نی ساخلایاجاق و جیلوولایاجاق، قارداشینی کائناتا بلالار گتیرمه‌یه قویمایاجاق هرمز گلسین. لاکن معلوم اولدوغو کیمی، شر جَلد و حیله‌‌‌گر ایدی، بونا گؤره ده دوغومون اساس آنیندا او، هرمز و قاباقلایا بیلیر و بیرنجی اولاراق اولدوزلارین ایشیغینی گؤرور.
کدرلنمیش الله هرمزه متّفق‌لر وئرمک قرارینا گلیر و انسان جنسینی یارادیر کی، شر اهریمه‌نه اوستون گلمه‌یه و دنیانی اداره‌ ائله‌مه‌یه امکان وئرمه‌مک اوچون اونونلا یاناشی دؤیوشسونلر.
فارس افسانه‌سینه گؤره، انسان طایفه‌سی خیرین موتّفیقی کیمی یارادیلیب و عنعنه‌‌یه صادق قالاراق، هر حالدا، غلبه قازاناجاقلار.
اوزون عصرلردن سونرا باشقا بیر افسانه یارانیر و بیز بو افسانه‌دن انسانین شرین الینده واسطه‌‌‌ کیمی یارادیلدیغینی اؤیره‌نیریک.
ظنّ ائله‌ییرم کی، اوخوجولارین چوخو صحبتین نه‌دن گئتدیگینی بیلیر: جنّت باغیندا کیشی و قادین یالنیز تصور ائدیلمه‌سی مومکون اولان هر شئیدن لذّت آلیرلار. اونلار اوچون یالنیز و یالنیز یگانه‌ بیر قاداغا وار. قدرتلی الله اونلارا دئییر: «خیر و شر آغاجی‌نین میوه‌‌سیندن یئمیرسن... » (وارلیق کتابیندان، 2:17) 
آمّا گونلرین بیرینده ایلان گلیر، آند ایچیر کی، بو میوه‌‌ جنّتین اؤزوندن داها واجبدیر و بونا گؤره ده ار-آرواد اوندان یئمه‌لیدیرلر. قادین اولجه ایمتیناع ائله‌ییر، دئییر: 
الله اطاعتسیزلیک اوچون اؤلومله هده‌له‌ییب، لاکن ایلان دئییر: هئچ نه اولمایاجاق. تمام عکسینه، اونلار خیر و شرین میوه‌سیندن داداندان سونرا اللها برابر اولاجاقلار.
حوانی ایناندیرماق اولور، او، قاداغان اولونموش میوه‌نین دادینا باخیر و بیر حصّه‌‌‌سینی ده آده‌مه وئریر. بو آندان اعتباراً ده جنّتین تارازلیغی پوزولور، ار-آرواد اورادان قووولور و لعنتله‌نیر. لاکن بو زامان الله ایلانین حاقلی اولدوغونو تمامیله اعتراف ائله‌ین معمّالی بیر جمله‌‌‌ ایشله‌دیر: «باخ، آدم خیرین و شرین نه اولدوغونو بیلندن سونرا بیزلردن بیری کیمی اولدو».
بئله اولان حالدا (عیناً اؤزو یئر اوزونون حکمداری و کلّی اخیتار صاحبی اولان زامان اللهیلا باغلی اولان افسانه‌ده اولدوغو کیمی) تورات و انجیل ده یگانه‌ اللهین کیمله دانیشدیغینا و اگر یگانه‌دیرسه، نَیه گؤره «بیزلردن بیری» ایفادسینی ایشلتدیگینه آیدینلیق گتیرمیر.
نه اولموش اولسا بئله، انسان نسلی یارانیشیندان اوزو بری حرکت ائله‌مه‌یه و عکس طرفلر آراسیندا ابدی بؤلونمه‌یه محکوم اولونوب.
بوئنوس آیرئس، 2000 

#ادبیات_ائوى
#پریسا_ساعی

@AdabiyatEvi

ادبیات ائوی

23 Nov 2022 06:56

#حکایه

+الو، سلام آنا...
ـ علئیکوم سلام... هاراداسان؟
+ آنا قیزلار گئدیر گزمه‌یه... من‌ ده گئدیم؟

ـ من بیلمرم... اونو آتان بیلر... دَسته‌یی وئردیم اونا...
+ سلام آتا...
ـ سلام، نه‌ اولوب؟
+ آتا برزیل بوگون اویونون اوتدو؟
ـ هه...
+ یاخشی دسته‌یی وئر آناما...
+آنا، آتام «هه» دئدی ائشیتدین؟ من گئتدیم!

#آدسیز_حکایه
#قادین
#worldcup
#ادبیات_ائوى

@adabiyatevi

ادبیات ائوی

21 Nov 2022 06:53

ائله غریبه دیر سؤز ده، فیکیر ده،
بو نئجه دویغودور، قلبیمده بو آن؟!
بیلسم گله‌جه‌یم دونیایا بیرده،
ایستردیم گؤز یوموب گئدیم دونیادان!

#نبی_خزری
#گون_آیدین
#ادبیات_ائوی

@adabiyatevi