ادبیات ائوی

24 Sep 2025 15:21

دلی دومرول تاماشاسی 🎭

یازیچی: شاهین مرادی
یؤنتمن: محمد سالار قلی زاده‌

بلیت ساتیشلاری باشلاندی
شهریور آیی‌نین ۱۵، ۱۶، ۱۷، ۱۸، ۱۹، ۲۰، ۲۱، ۲۲ و ۲۳، ۲۴، ۲۵، ۲۶، ۲۷، ۲۹، ۳۰، ۳۱، مهر آیی‌نین ۱، ۲، ۳ و ۴

⬅️ بلیط ساتیشی

#ادبیات_ائوى

@AdabiyatEvi

ادبیات ائوی

24 Sep 2025 11:41

#حیکایه

تکلیف
یازیچی: #لاریسا_کئرکلند
ترجمه: ا.توران - س.علی‌یف
کؤچورن: ادبیات ائوی

اولدوزلو گئجه. مناسب واخت. شام ایشیغیندا ناهار. راحات ایتالیان رستورانی. کیچیک قارا لباس. گؤزل ساچ‌لار، پارلاق گؤزلر، گوموشو گولوش. بیرگه ایکی ایل.اعلا واخت! صاف سئوگی، یاخشی دوست، باشقا هئچ کیم. شامپان شرابی! او، اوره‌یینی تکلیف ائدیر. بیر دیزی اوسته. جماعت باخیر؟ قوی باخسین‌لار.
گؤزل بیریلیانت اوزوک. قیزارمیش یاناق‌لار، مفتون‌ائدیجی گولومسه‌مه.
بَیَندین، یوخ؟

#ادبیات_ائوی

@AdabiyatEvi

ادبیات ائوی

18 Sep 2025 09:32

#آنیم_گونو
.
سنین عشقین منیم اوچون
بیر عؤمورلوک درس اولدو.
«حیدربابا» دونیامیزا
سؤنمز بیر گونش اولدو.

زلیمخان یعقوب: «شهریار، پوئزیامیزین گونشی، اورک‌لرده ابدی پارلایان بیر ایشیق‌دیر».
بو گون، اوستاد شهریارین آنیم گونودور. بو گونو «روز شعر و ادب فارسی» آدلاندیرسالار دا، هئچ بیر فارس اوستادی، «محمدحسین شهریار»ی زلیمخان کیمس درک ائده بیلمه‌میشدیر. عزیز اوستادیمیزا تانریدان باغیش دیله‌ییریک. یئری هر زامان اورک‌لریمیزده‌دیر.

#ادبیات_ائوی

@AdabiyatEvi

ادبیات ائوی

19 Aug 2025 19:41

یاز یارات 3-نجو ادبی یاریشینا خوش گلمیسینیز.

✔️اثرلرین گؤندریلمه یولو یالنیز گوگل فورم لینکی‌دیر.
https://forms.gle/xcEPZLf1QFNQp4a69

ایمکانلاریندا اولمایانلار ایسه بو ایکی یولدان دا اثرلرینی گؤندره بیلرلر:

جیمیل:
yazyarat.festival@gmail.com

واتساپ / تلگرام:
09398666515


هر کسه بو یاریشمادا اوغورلار دیله‌ییریک.


«یاز یارات ادبی یاریشین دبیرخاناسی»

ادبیات ائوی

10 Aug 2025 17:04

بو گوندن اعتباراً ادبیات ائوی عائله‌سی‌نین کیچیک بیر اویه‌سی اولاراق، یئنی بیر آددیم آتماغی دوشونه‌رک «BookEvim» آدلی صفحه‌سی‌نین آچیلیب، رسمی فعالیتینه باشلاماسی‌نین خبرینی قوللوغونوزا چاتدیرماقدان سئوینج دویدوق.

بیز بو صفحه‌ده چاپ اولونوب، یاییملانان کیتاب‌لاریمیزین ویترینی اولاراق، الده اولان کیتاب‌لاریمیزین ساتیلماسینا جهد ائدیب، چالیشاجاغیق. بوتون یازیچی، شاعیر، محقق، مترجم، هابئله انتشارات صاحیبی اولان فیکیرداش‌لاریمیزین بو یولدا بیزه دستک اولماقلاریندان سئوینیب، الیمیزدن گلن قدر کتابلاری‌نین یاییلیب- ساتیلماسینا یاردیمچی اولاجاغیق.

یئنی صفحه‌میزه دستک اولون

➡️ https://www.instagram.com/bookevim?igsh=MW92ZnRnZ2FvdW1u

#ادبیات_ائوى
#بوک_ائویم

@AdabiyatEvi

ادبیات ائوی

24 Jul 2025 20:23

#شئعیر #اورمو

نه بیر کسی چاغیرماق ایسته‌ییرم،
نه باغلی باجالاردان باغیرماق.
سئویم‌سیز هاوادا
سولغون یارپاق کیمی
سوسوزام یاغیش طراوتینه سوسوز...
نه توتقون ماوی‌لیک‌لره کؤچمک ایسته‌ییرم،
نه بولودلار آرخاسیندان اوچماق.
یئلکن‌سیز بیر گمی کیمی
سوسوزام دنیز طراوتینه سوسوز..

#حمیده_رییس_زاده ( #سحر )

#ادبیات_ائوی

@AdabiyatEvi

ادبیات ائوی

21 Jul 2025 11:50

آی آنا!
ائی یارالاریمین اَن دوزلوسو
قارا جییَرینین‌می،
یوخسا آل یاناغی‌نین خالی‌دیر؟!
قارا قوشونون ماوی‌لیینده گزن
بو قیرمیزی هاله‌لی رقاصه.
اولدوز باخیشلیم...
توربه‌نین تنینده گزن کَکلیک‌دیر آزادلیق،
یاخینلاشدیغیم زامان،
بیر آن یوخ اولور قایالارین ائنیش- یوخوشوندا
کول دیبیندن، کول دیبینه،
داش دالیندان، داش دالینا،
و داش چاغیندان چاغین داشلیغینا قدر
آغیردیر «قادینلیق»
آی آنام!
گؤز ببه‌ییم،
سندن سونرا باشلاندی شاعیرلیک عصریم
هرگئجه- گوندوز
قانادلاندی قبرینه تنهالیغین قوشو،
یئریدی قبریستانلیغین کؤهنه داریسقال کوچه‌لرینه،
قیزلیغیمین یورغون آیاق‌لاری.
پاییزدا یئتیردی،
قاناتدی نارلارین اوره‌یینی باغیرتیم
باغیردیم آزادلیغی دامدا- دوواردا
باغیردیم ایچیمه سنی و سندن گلن کدری،
آنام عوضی باجیم اوزولمه‌سین دئیه_
گولدوم اوشاقلیغیمیزین دارتیشمالارین،
سالدیم ایچیمه سنی،
سالدیم بوینونا قولومو،
و اکدیم یاناغینا اؤپوش‌لریمین ان دادلی‌سینی
آی آنا!
شئعیرین اوزون سوردویون سنه مدیونام،
سنه مدیونام حیاتی،
گوجون ان اوجا مرتبه‌سینی بئله،
چاغیریرام سنی...
قاتیرام کلمه‌لره یالان اولان گلین‌لییینی،
و گؤزل‌لییینی چکیرم شئعیرین روخونا.
دالیرام آی‌لارین و ایل‌لرین دالیندا گیزله‌نن_
آی اوزلو سیمانا... .

شئعیر: #نوریه_لوح

#ادبیات_ائوی

@AdabiyatEvi

ادبیات ائوی

11 Jul 2025 15:41

#گونلریمیز

بو گون آذربایجانین گؤرکملی شاعیری، دراماتورقو و دیلمانجی #عباس_صحت ین آنیم گونودور.
عباس علی‌عباس اوغلو مهدیزاده، ۱۸۷۴-جو ایل‌ده شاماخی‌دا دونیایا گؤز آچمیشدیر. ۱۹۰۰-جو ایل‌ده تهران یونیورسیته‌سی‌نین طب رشته‌سینده تحصیلینی باشا ووروب و ادبیاتیمیزا «سینیق ساز»، «غرب گونشی» و چوخ سایی‌دا اوشاق شعرلری هدیه ائتمیشدیر. عباس صحت ۱۹۱۸-جی ایل‌ده وفات ائتمیشدیر.

خاطیره‌سینی حؤرمت‌له یاد ائدیریک. 🖤

#ادبیات_ائوی

@AdabiyatEvi

ادبیات ائوی

09 Jul 2025 13:56

#حیکایه

اویانمیش آفریقا
یازیچی: #نادین_قوردیمر
کؤچورن: #آرزو_ربیعی

#ادبیات_ائوى

@AdabiyatEvi

ادبیات ائوی

07 Jul 2025 15:01

#شئعیر

چاغیر منی

شئعیر: #اورخان_باهادیرسوی
سس: #تورال_احمد

#ادبیات_ائوی

@AdabiyatEvi

ادبیات ائوی

01 Jul 2025 17:51

#دوغوم_گونو #بابک_خرمدین

بو گون تورک دونیاسی‌نین بؤیوک قهرمانی، آتا بابکین دوغوم گونودور.
او میلادی تاریخ ایله ۷۹۵ تا ۸۰۰ ایل‌لری آراسیندا دونیایا گؤز آچیب و اوشاق واختی آتاسی اؤلدوکدن سونرا، کاروان‌لارا قوشولاراق، آذربایجانین و تورک بؤلگه‌لرین گزمه‌یه باشلاییر. خرّ‌می‌لیک آیینی ایله تبریز شهرینده تانیش اولور. جاویدان اؤلدوکدن سونرا، خرّمی‌لرین باشچیسی اولور. ۲۰ ایل عرب استیلاسی‌نین قهرمانجاسینا قاباغیندا دایانیب و عباسی خلیفه‌لری‌نین دیکتاتورلوق و اسلام دالداسیندا عرب کولتورونون یاییلماسینا و عرب امپراطورلوغونا قارشی چیخمیشدیر.

داها چوخ بیلگی الده ائتمک اوچون اینستادان اوخویا بیلرسینیز

➡️ https://www.instagram.com/p/DLkh3ahsIOX/?igsh=aGQ0aGt4azJ1cTRi

#ادبیات_ائوی

@AdabiyatEvi

ادبیات ائوی

11 Jun 2025 22:57

#Şiir

Mutsuzluk Gülümseyerek Gelir, Adıyla Süslenmiştir;
Banliyo Treninde Rastladığımız
Sınav Saatini Kaçırmış Liseli Kız,
Hep!
Hep Kazanırsın Ey Çözümsüzlük!
Ey Otobüssever Ey Troya Yolcusu!
Anımsarsın Günlerce Konuşup Durmuştuk
O İpek Böceği Sesli Kadını;
Birinin Grönland’ı Olmaya Hazırlanıyordu.
İki Çay Söylemiştik Orda, Biri Açık,
Keşke,
Yalnız Bunun İçin Sevseydim Seni...

Şiir: #CemalSüreya #جمال_ثریا
Ses: #EserGökay #اسر_گؤکآی

#ادبیات_ائوى

@AdabiyatEvi

ادبیات ائوی

02 Jun 2025 12:46

#شئعیر

آیریلدیق!
بیلمه‌دیک نه‌چون، نه‌دن بیز؟
آیریلدیق!
آیریلماق ایسته‌مه‌دن بیز!

یوخدور اوره‌ییمده سنه غضب، کین،
یادیما دوشمه‌ییر، بدَ عمل‌لرین
نیفرت‌سیز آیریلیق، آیریلیق دئییل؛
نیفرت‌سیز آیریلیق، ووصالدان شیرین

گولوم،
سئوه-سئوه آیریلیریق بیز...

شئعیر: #بختیار_وهابزاده
سس: #خزر_سلیمانلی

#ادبیات_ائوى

@AdabiyatEvi
@MaviDuygular

ادبیات ائوی

18 May 2025 09:01

#دوغوم_گونو #مختومقولو_فراغی

بو گون تورکمن دیاری‌نین داهی شاعیری اولان «مختومقولو فراغی»نین ۲۹۲-جی آد گونودور. مختومقولو، اؤز شعرلری ایله تورکمن دیلی‌نین دیری ساخلاماسینا چوخ کمک ائتمیشدیر. اونون یازدیغی کلاسیک شعرلر، تورکمن‌لرین شفاهی ادبیاتی‌نین مکتوب‌لاشماسی و تورک ادبیاتی‌نین زنگین‌لشمه‌سینه سبب اولموشدور.

حیاتیندان داها چوخ بیلگی الده ائتمک اوچون اینستادان اوخویا بیلرسینیز

➡️ https://www.instagram.com/p/DJyRqWBswqm/?igsh=MW9xcHpjd2dnbzNtYQ==

#ادبیات_ائوی

@AdabiyatEvi

ادبیات ائوی

14 May 2025 12:20

#حیکایه

دوز قوروقچوسو
یازیچی: #حامد_حضوری

#ادبیات_ائوى

@AdabiyatEvi

ادبیات ائوی

24 Sep 2025 13:58

قدیم آدلاریمیزین کؤکو

یازیچی: عزیزخان تانری‌وئردی
تنقید، تحشیه و کؤچورن: شاهین مرادی
صفحه ساییسی: ۴۱۸
ساتیش کیتاب ائویندن

بو کیتاب، تخصصی اولاراق، اتیمولوژی مبحث‌لرینده رحمتلیک «عزیزخان تانری‌وئردی»نین قلمی ایله یازیلان اثردیر. «اورخون- یئنی‌سئی عابده‌لری»، «دده قورقود کتابی»، «ماناس داستانی» «دیوان لغات‌التورک»، «قوتادغو بیلیک»، «آلپامیش» و «دفتر مفصّل ایالت تفلیس» اثرلرینده اولان آدلار، تحلیل سوزگجیندن کئچیریلیر.
مولّف، پروفسور تانری‌وئردی‌نین تألیفینه و اتیمولوژی مبحث‌لرینه تنقیدله یاناشیب و اتک یازی‌لاردا اؤز فیکرین یئریتمیشدیر. کؤکوموز و آدلار حاققیندا، چوخ دَیَرلی و مرجع کیتاب‌لاریمیزدان ساییلیر.


⬅️ بو کیتابی آلماق اوچون @Bitigme1993 یازا بیلرسینیز.


#کیتاب_ائویم

@BookEvim

ادبیات ائوی

23 Sep 2025 11:34

#گونلریمیز #مدرسه
#مهر_آیی_نین_گلیشی

بو گو‌ن درسه گئدیرسیز
قدمینیز موبارک!
اليفبانیز، چانتانیز
قلمینیز موبارک!

موبارکدیر ایشیغا
قوجاق آچان جرگه‌نیز
موبارکدیر ظلمت‌له
بؤیوک موباریزه‌نیز...

کیتاب‌لارا باش اَیَن
زامان-زامان اوجالار
غالب اولماق ایسته‌ین
بيلگى‌لردن باج آلار

آلین بو سورغولارى
چانتانیزا دولدو‌رو‌ن
هر سورغو‌نو‌ن او‌ستونده
بیر-بیر محکمه قو‌رو‌ن!

نه‌یه اؤز ذُکامیزلا
گؤیه نور ساچمامیشیق؟
نه‌یه گؤره بیرینجی
آیا بیز اوچمامیشیق؟

دوشونون دَرین-درین
بو سرّى ده آچین سیز
نه او‌چو‌ن بیلیک‌لييه
کؤله اولور بیلیک‌سیز؟

نه‌یه یوز ایل‌لر بویو
دانیلیب دیر حاققيمیز؟
نه او‌چون باشقا خالقا
بويو‌ن اَییب خالقیمیز؟

نه‌یه اله باخمیشیق
الیمیز اولماییب می؟
نییه دیللنمه‌میشیک؟
دیلیمیز اولماییب‌می؟!

تزه‌دن اؤیره‌نین سیز
قارا نه‌دیر، آغ نه‌دیر؟
آزادلیق نه، بایراق نه
وطن نه، تورپاق نه‌دیر؟

هره بیر کؤز سؤندورسه
اوجاق قالماز وطنده
خالقا قول اولمایاندان
آغا اولماز وطنده

ای عزیز بیرینجی‌لر
ائلین سئوینجی اولو‌ن
چالیشین حیاتدا دا
ائله بیرینجی اولو‌ن

شاعیر: #شاهمار_اکبرزاده

#ادبیات_ائوی

@AdabiyatEvi

ادبیات ائوی

26 Aug 2025 16:46

دلی دومرول تاماشاسی 🎭

یازیچی: شاهین مرادی
یؤنتمن: محمد سالار قلی زاده‌

بلیت ساتیشلاری باشلاندی
شهریور آیی‌نین ۱۵، ۱۶، ۱۷، ۱۸، ۱۹، ۲۰، ۲۱، ۲۲ و ۲۳، ۲۴، ۲۵ و ۲۶

⬅️ بلیط ساتیشی

#ادبیات_ائوى

@AdabiyatEvi

ادبیات ائوی

17 Aug 2025 19:02

اساطیر، افسانه، اینانج‌لار

ترتیب ائدن: ع. آجال‌اوغلو - ج. بَیدیلی
توپلاییب، ادبی‌لشدیرن: ویدا حشمتی
ویراست و ایضاح‌لار: حسن اوموداوغلو - مهدی صالح‌اوغلو
صفحه ساییسی: ۴۰۲

آذربایجان خالقینین زنگین سؤزلو عنعنه‌سی اساطیر، اَفسانه و روايت‌لردن عیبارت‌دیر. اساطیرلر کائناتین، اینسانین و طبیعتین یارانیشی، تانری‌لار و قهرمان‌لارلا باغلی مقدس حئکایه‌لردیر. افسانه‌لر تاریخی اساسلی، آنجاق خالق خیالی ایله بَزَنمیش قهرمانلیق، سئوگی و مبارزه‌ ایله باغلی روايت‌لردیر. روايت‌لر ایسه داها چوخ گونده‌لیک حیات، یاخشی‌لیق و پیس‌لیک، عاغیللی‌لیق و اَخماق‌لیق کیمی قونولاری عکس ائتدیریر. بو حئکایه‌لر تاریخی یادداشی، ملّی کیم‌لییی و مدنیت دَیَرلری نسیلدن-نسیله گؤتورور.

کیتابدا آذربایجان فولکلورونون اساطیرلر، افسانه‌لر و روایت‌لر سلسله‌سی‌نین مختلف بؤلگه‌لریندن سئچیلمیش نمونه‌لری، علمی طرزده تقدیم ائدیلیر. مقصد، آذربایجانین اسطوره و فولکلورونو اورتایا چیخارماق، ائله‌جه ده بو عنعنه‌نین دیل و مضمون زنگین‌لییینی قورویوب ساخلاماقدیر.


⬅️ بو کیتابی آلماق اوچون @Bitigme1993 یازا بیلرسینیز.


#کیتاب_ائویم

@BookEvim

ادبیات ائوی

09 Aug 2025 20:34

#اورمو

#ادبیات_ائوى

@AdabiyatEvi

ادبیات ائوی

23 Jul 2025 10:42

#باش_ساغلیغی

گئدن‌لری آندا وئریب یولوندان
ساخلاییرام، یاتمیرام کی گئجه‌لر

#شجاعت_احمداوف

آلدیغیمیز آجی خبره گؤره دَیَرلی شاعیریمیز، #فریبا_ابراهیمی نین آناسی دونیاسین دَییشیب. ادبیات ائوی طرفیندن اونون محترم عائله‌سینه تسلیت دئییریک.

#ادبیات_ائوى

@AdabiyatEvi

ادبیات ائوی

21 Jul 2025 11:50

#شئعیر

آنا

شاعیر: #نوریه_لوح

#ادبیات_ائوى

@AdabiyatEvi

ادبیات ائوی

10 Jul 2025 16:26

#موسیقی 13

#نه‌دیر

موسیقی: #شفیقه_آخوندووا
سؤز: #بختیار_واهابزاده
اوخویور: #روبابه_مورادووا

«سن دئییرسن سئومیرم،
پس بو عشق هوس نه‌دیر؟» 2×
اوره‌ییمده یوکسه‌لن،
بو اودلو نفس نه‌دیر؟!

«سنی سئودیم، سنی سئودیم،
سئوه بیلمم اؤزگه‌نی» 2×

«من عشقیمی دانمیرام،
آرزودان اوسانمیرام» 2×
دئییرسن کی یانمیرام،
بو نغمه، بو سس نه‌دیر؟!

«سنی سئودیم، سنی سئودیم
سئوه بیلمم اؤزگه‌نی» 2×

سئوه بیلمم اؤزگه‌نی

#ادبیات_ائوی

@AdabiyatEvi

ادبیات ائوی

08 Jul 2025 12:26

#اوشاق_ادبیاتی #شئعیر

آللی-گوللو ناغیل‌دیر،
منیم ایپک بالیشیم.
بالیشیم بال دادیر کی،
یوخوما بال قاریشیب.

قو توکودور، یوپ-یومشاق،
یونگولدور سودا باتماز.
آستاری توک کئچیرتمَز،
اوزو سوماغی آطلاس.

آنا-بالا بوتالی،
بالیش اوزونه بیر باخ!
قیرچین-قیرچین کمری،
قاردان تمیز، سوددن آغ.

بالیشیمی کسیب‌دیر،
کندده‌کی بی‌بیم منیم.
سئوینجیمدن اوچورام،
قوش اولوب قلبیم منیم.

گول- بی‌بیمین پایی‌دیر،
منیم ایپک بالیشیم.
ایندی بیلدیم کی، نییه
یوخوما بال قاریشیب.

#فیکرت_صادیق

#ادبیات_ائوى

@AdabiyatEvi

ادبیات ائوی

06 Jul 2025 11:19

ظالم و مظلوم ایله باخسان اگر عالم دولوب
کل ارض کربلا، هر یوم عاشورا ایله

#طالب_اردبیلی

ظولمون قیلینجی قینیندان چیخاندا، حسین حاققا دایاق اولدو، حاققا سپر کسیلدی. قان ایله یازدی آزالیق آدینی،
شهادت‌له دیریلدی تاریخین یادداشینا...

منی گوزگو (آینا) قاباغینا آپاریب، دئدی:
باخ، عصری‌نین حسینی دئییلسن‌سه، سنین یزیدین بودور...

عاشورا گونو، حسین‌بن‌علی، دوشمن قارشی‌سیندا شجاعت‌له بئله رجز اوخویوردو (تک قالیب، نئچه یوز یا مین نفرین اؤنونده):
یوخ! آند اولسون آللاها! نه ذلّت قبول ائدیب ذلیل‌لر کیمی سیزه تسلیم اولارام، نه‌ ده کؤله‌لر کیمی قارشینیزدان قاچارام.

الارشاد- ص ۲۳۵

#ادبیات_ائوی

@AdabiyatEvi

ادبیات ائوی

28 Jun 2025 10:48

#شئعیرلی_گونلر

قفس‌ده دوغولموش قوش‌لار،
اوچماغی خسته‌لیک سانیرلار...

#آلخاندرو_خودوروفسکی

#ادبیات_ائوی

@AdabiyatEvi

ادبیات ائوی

05 Jun 2025 14:17

#شئعیرلی_گونلر

خزان آجیسینا ائدیب تحمّل
گولون کؤلگه‌سینده اؤتن‌ده بولبول
حیات، حیات! -دئیه چیرپینیز کؤنول
کؤنولدن، سئودادان نئجه اَل چکیم؟

#میکاییل_مشفق

بو گون آذربایجانین دائم گنج و استعدادلی شاعیری، ترجمه‌چیسی و پداقوقو، رپرسسیانین اونودولماز قوربان‌لاریندان بیری اولان میکاییل مشفقین دوغوم گونودور.
سایغی و سئوگی ایله آنیریق...

#ادبیات_ائوى

@AdabiyatEvi

ادبیات ائوی

26 May 2025 12:50

#شئعیر

بولودلار یاغمور قوسور
بیر اوزدن-اوزوموزه...
اولدوزلار کئفلی-کئفلی
توخونور گؤزوموزه!
خیابان
اسفالت اوستو
قالدیریم چیخیر دیزه
بو حالدا سن آیریلیب گئدیرسن ائوینیزه!
من قالیرام
آی قالیر
بیر ده دیوارلار قالیر
بیر ده دیوارلار اوسته، قیرمیز شعارلار قالیر!

تک قالیریق هامیمیز،
تک قالدیقدا هامیمیز

من قالیرام
آی قالیر
دیوارلار یالقیز قالیر
سن ائویزه گئدیرسن،
منه بیر تبریز قالیر...

شئعیر و سس: #یالچین_تورکای

#ادبیات_ائوى

@AdabiyatEvi

ادبیات ائوی

14 May 2025 12:21

یول اوستونده ایکی یولداش ایدیق. کؤلگه‌میز آیاغیمیزین آلتیندایدی. گون اورتا آذانینا دوشدوک. گؤزلریمیز ایشله‌دیکجه هاباخدیق آما دستاماز آلماغا سو گؤرونمه‌دی.
-بس نه ائدک ایندی؟
دئدیم: سو اولمایان یئرده تیمّم واجیبدیر.
بیر داها گؤز گزدیردیک. باخدیغیمز یئردن اوفوقون خطّی گؤرسه‌نیردی. نه‌ییسه تیمم اوچون تورپاق دا یوخویدو. هر یان آغا بویانمیشدی. بعضی حیوان‌لارین اؤلوسو مومیای کیمی دوزا یاتمیشدی.
-دوز تورپاغین یئرین وئررمی؟
دئدیم: چؤره‌یین یئمیشم وطنین. دوزونا دا قوربان اولوم تورپاغینا دا. ذاتاً من کئشیکچی‌سی‌یم.
-اده تیمم اوچون دئییرم.
دئدیم: اگر گؤزلرینه قیییرسان تیمم ائت.
-سن قضا ائدجکسن‌می؟
دئدیم: من عسگرم. منیم دوروموم چوخ فرق‌لی‌دی. هردن ناماز دوشر. هردن واجیب دئییل یعنی.
-هه. سن حاضیرسن.
«گؤزلرینه قییما حامید» اؤز-اؤزونه دئدی.
-بیر ده قولاق وئر سس گلیر آخی.
دئدیم: نه سسی؟ یئنه قولاغین سسله‌نیب ائله‌بیل.
-یوخ. دوزا باتمیش مومیای‌دی دانیشیر.
دئدیم: باشینا هاوا گله‌نین قولاغینا سس گلر.
تام ال‌لرین دوزا باسیب اوزونه چکنده قولاقلاری سسلنمیشدی. قول‌لارین آشاغی سالمیشدی.
کؤلگه‌سی دیم-دیک ایدی
لاپ آیاق‌لارینین آلتیندا
گون گئتدیکجه فیرلانیردی اؤز باشینا.

یازیچی: #حامد_حضوری

#ادبیات_ائوى

@AdabiyatEvi

ادبیات ائوی

07 May 2025 12:55

سماور، یورغون و آجیقلی سسی‌ ایله، ایتیریلمیش آرزولار اوچون سوسغون بیر سمفونیا چالیردی. کیشی اَییلمیش‌ قامتی‌ و سانکی‌ بوتون تاریخین آغیرلیغینی داشیمیش چییین‌لری‌‌ ایله، کیچک و کاسیب ائوی‌نین‌ پنجره‌سی‌نین اؤنونده دایانمیشدی. ائشیکده‌، ساکتجه‌سینه قار یاغیردی و شهری قورخونج بیر سکوتا غرق ائدیردی، بو سکوت اونون ایچینده‌ کی بوشلوغون عکس صداسی‌ ایدی.
او بیر زامان‌لار انسانین داها عدالتلی و برابر بیر دونیا یاراتماغا قادر اولدوغونا اینانیردی. انسان‌لارین آرالاریندا هم‌رأی‌لیک و یولداشلیق اولان بیر دونیا!
او هوسلی و ایده‌آلیست بیر گنج، بوتون حیاتینی بو اینانجا حصر ائتمیشدی. بو خیالی گئرچک‌لشدیرمه‌یه وعده ائدن بیر پارتیانین  صادق عضوو اولموشدو، او زامان.لار اونون اوچون مقدّس اولان بیر اینانج‌ ایدی بو پارتیا!
اما ایندی.... او گون‌لردن ایل‌لر‌ کئچمیشدی، قیرمیزی امپریا بوتون عظمتی و محتشم‌لییی‌ ایله داغیلمیشدی و او بو داغینتی‌یا شاهد اولاراق، آجی بیر سکوتا غرق اولموشدو. اینامی‌نین ستون‌لاری چؤکموشدو و ایده‌آل‌لاری، پاییز یارپاق‌لاری کیمی کولکده سپه‌لنمیش‌ایدی.
گؤزلری قابار ال‌لرینه‌ تیکیلمیشدی. بیر زامان‌لار آزادلیق بایراغینی گوجله دالغالاندیران ال‌لر، ایندی بیر فینجان چایی بئله‌ توتماقدان عاجز‌ ایدی،
قیرمیزی لکه، بو دفعه تکجه‌ اوجالدیلمیش بیر بایراغی خاطیرلاتمیردی، هم ده ایتیریلمیش هر شئیین سیموولو ایدی، بو اینانج یولوندا فدا ائدیلمیش‌ بوتون اومودلاری و آرزولاری‌ ایدی.
بوتون عؤمرونو سهو کئچیرمیشدی؟
بوتون او فداکارلیق‌لار، بوتون او اذیت‌لر فایداسیزمی اولموشدو؟ بو سوال عنادجیل بیر تاختا بیتی‌ کیمی ذهنی‌نین درینلیک‌لرینده کؤک سالمیشدی و بیر آن بئله‌ اونو راحات بوراخمیردی.
ماسا اوستونده‌ کی وودکادان بیر قورتوم ایچدی، وودکانین‌ کسگین و یاندیریجی دادی بیر آنلیق حقیقتین آجیلیغینی اؤرتدو، آنجاق روحونون درین یارالارینی ساغالدا بیلمیردی. قار هله‌ ده یاغیردی و شهر آغیر بیر سکوت ایچینده، بولودلارین آرخاسیندان چیخاجاق بیر شفقی گؤزله‌ییردی، کیشی بیلیردی کی بو شفق، هئچ واخت اونون اوچون دوغمایاجاق...

یازیچی: #مهدی_سهندی

#ادبیات_ائوى

@AdabiyatEvi