ادبیات ائوی

26 February 2026 10:37

#گونلریمیز #خوجالی

دونیا دارمی گؤره‌سن؟!
قولاق کارمی گؤره‌سن؟!
آللاه وارمی گؤره‌سن؟!
لای‌لای خوجالیم لای‌لای!!
#زلیمخان_یعقوب

34 ایل ساغالمایان اورک یاراسی. سؤزون بیتدییی، زامانین دوردوغو آن. خوجالی فاجعه‌سی، اینسانلیق تاریخینده هئچ واخت اونودولمایاجاق خاطیره‌دیر!
خوجالی سویقیریمی‌نین گوناهسیز قوربان‌لاری‌نین عزیز خاطیره‌سینی سایغی ایله آنیریق!

#ادبیات_ائوی

@AdabiyatEvi

ادبیات ائوی

25 February 2026 15:07

#حیکایه

قارانلیق
یازیچی: #شاهین_مرادی

#ادبیات_ائوی

@AdabiyatEvi

ادبیات ائوی

23 February 2026 20:43

#شئعیر

پاییز قاچاغی (1403/08/30 خییوو)

شاعیر: #اورمان_گولسوی

#ادبیات_ائوی

@AdabiyatEvi

ادبیات ائوی

21 February 2026 16:16

#فولکلور

گول اولمایان یئرده، بؤیورتکن اؤزونو گول سانار
یازیچی: رمضان‌ اوروج‌اوغلو
کؤچورن: آرزو ربیعی

#ادبیات_ائوی

@AdabiyatEvi

ادبیات ائوی

20 February 2026 10:36

هرکسین ائوینده تورکجه تقویم

آذربایجان تورکجه‌سینده چاپ اولونان بو ایل سایار (تقویم)، اساطیر ایله بَزَنمیش، زامانی اؤز دیلیمیزده یاشاماق اوچون حاضیرلاندی. هر گون آنا دیلیمیزه کیچیک بیر سلام‌دیر.

⬅️ سفارش اوچون @Bitigme1993 یازا بیلرسیز.

#ادبیات_ائوى
#کیتاب_ائویم

@AdabiyatEvi
@BookEvim

ادبیات ائوی

07 February 2026 21:30

#باش_ساغلیغی

دوشون کائناتین مین سرّینی سن
بیر بایقوش اوچ‌یوز ایل قالیر دونیادا
اؤلمه‌لی اولانین یئرینه بعضاً
اؤلمه‌لی اولمایان اؤلور دونیادا

#ممد_آراز

آلدیغیمیز آجی خبره گؤره، خلج‌ تورک‌لری‌نین و کولتورونون بؤیوک اوستادی‌ «علی‌اصغر جمراسی» جناب‌لاری‌ بو گون وفات ائتمیشدیر.
ادبیات ائوی طرفیندن تسلیت دئییریک
یئری اوچماق، یولو داواملی اولسون.

#ادبیات_ائوى

@AdabiyatEvi

ادبیات ائوی

27 December 2025 17:49

کیلاسا قاتیلماق ایسته‌ین‌لر بو آیدی‌یه یازسین‌لار

➡️ @Shhn0

#ادبیات_ائوى

@AdabiyatEvi

ادبیات ائوی

17 December 2025 08:42

#کیتاب_یاندیرما #۲۶آذر

ننگ باد، افرادی را که کتاب میسوزانند و با افتخار آن کتابسوزی و قتل و عام را، روزِ نجات یک ملت و جشن کتابسوزی نامگذاری می‌کنند. در جایی که کتابها را میسوزانند، به راحتیِ آب خوردن، انسانها را نیز به آتش می‌کشند.
رژیم پهلوی، کتاب‌های ما را به آتش کشید، اما ما  با خاکسترش هزارها کتاب به زبان تورکی و مادریمان نوشتیم، بازهم خواهیم نوشت.


آردینی اینستاگرامدان اوخویا بیلرسینیز
➡️ https://www.instagram.com/p/DSWvr6MAW8Y/?igsh=MTRpZGpkN2U5NjZsOA==

#ادبیات_ائوی

@AdabiyatEvi

ادبیات ائوی

14 December 2025 12:30

#مقاله #۲۱آذر (اینستاگرام)

«پیشه‌وری و اتحاد جماهیر شوروی به مناسبت ۲۱ آذر روز نکبت آذربایجان» مقاله‌ایست که به قلم «ایواز طاها» نوشته شده است.

مقاله‌نی بوردان اوخویا بیلرسیز.

➡️ https://www.instagram.com/p/DSPfzr2ALNL/?igsh=MTdvOGUxZm13dmRmYQ==

#ادبیات_ائوى

@AdabiyatEvi

ادبیات ائوی

11 December 2025 09:22

#شئعیر #آنا

آنا بیر گونش‌دیر دونیا اوزونده
جهان شفقی‌یله نورا بویانا
وئردییین محبت، نیفرت اوچون ده،
ساغ اول، آی آنا.
حیاتدا ایلک داهی ائله آنادیر،
دونیانین آللاهی ائله آنادیر.

شئعیر: #نبی_خزری
سس: #حسن_ابلوج

#ادبیات_ائوی

@AdabiyatEvi

ادبیات ائوی

24 November 2025 14:08

#شئعیر

آد گونوم یادیندا سنین

شاعیر: #مهدی_سهندی

#ادبیات_ائوی

@AdabiyatEvi

ادبیات ائوی

23 November 2025 18:04

#مقاله

سبلان - ساوالان
یازیچی: #حسن_اوموداوغلو

#ادبیات_ائوی

@AdabiyatEvi

ادبیات ائوی

06 November 2025 17:01

#موسیقی 14

#ماهور_هیندی

موسیقی: #بختیار_کریموو
سؤز: #عارف_جعفروو
اوخویور: #سارا_قدیمووا

#ادبیات_ائوی

@AdabiyatEvi

ادبیات ائوی

04 November 2025 17:55

#اوشاق_ادبیاتی #شئعیر

آتامین ساچ‌لاری

قار یاغاندا باغچادان
قاچیریق ائوه ساری.
ساچیمیزا یاغان قار،
ایستی دویجاق اَریییر.

دئییرم کی، گؤره‌سن،
بو نه سیردیر، بو نه سیر.
آتامین ساچ‌لارینا
یاغان قارلار اَریمیر.

شاعیر: #ابراهیم_یوسف‌اوغلو

#ادبیات_ائوی

@AdabiyatEvi

ادبیات ائوی

02 November 2025 16:20

#مقاله

فضل الله نعیمی و حروفیه حاقدا نُت‌لار
یازیچی: #شاهین_مرادی

#ادبیات_ائوی

@AdabiyatEvi

ادبیات ائوی

25 February 2026 15:10

اوتاقدا هئچ نه ثابت دئییل. زامان، نفسینی ساخلاییر. ساعات وار- آنجاق تکجه سنی ایزله‌ییر. تیققیلتی‌‌لاری، سکوتون ایچینده اؤزونه قاییدیر!
دیوارلارداکی کؤلگه‌لر فورماسینی آختاریر. گؤزلرینه باخماق ایسته‌میر. وارلیق‌لا یوخلوغون آراسیندا دولاشیر. ایچینده قورخو اؤلچولور.
سس گلیر. مکان اونو داشییا بیلمیر. یوخاریدان دئییل، آشاغیدان دئییل، دوغروسو، اوتاق نفس آلیر. ریتم نفسینی کسیر.
- کیم‌لرله ایلگی‌نیز وار؟
بوشلوغا آتیلان داش. جواب یارانمادان بوغولور. گئجیکمک و یا حرکت ائتمک سوچ ساییلیر. زامان، خط دئییل. آن‌لار یوخو، دوشونجه‌لر خاطیره!
دهلیزلر اوزانیر. اوزونلوق یوخدور. آددیم‌لار بدنینه عائد دئییل. یادداشین دَرین‌لییینه توخونور. یوخوسوزلوق گؤزلرین آلتیندا دئییل، دوشونجه‌نین ایچینه چؤکموش بوشلوقدور. انسان بورادا اؤزونو تک، آدسیز و اؤلچوسوز حس ائدیر.
سانکی بیر آغیرلیق بدنینه هوپور. حرکت ائتمیر و هر آن حس اولونور. بدنینی سیخیر، روحونو سیخیر، نفسینی کسیر.
ماسا. بوشلوق. دفتر. صحیفه‌لر آغ دئییل- قارانلیق‌‌لا دولو. یازی گؤزله‌میر. داشییاجاق بیر شئی آختاریر.
-اؤزون یاز!
بویروق دئییل. پروسه‌دیر. یازماماق پوزونتودور.  وارلیغین انکاری‌دیر.
قلم، الینه قویولور. ال، یاد. بدن، اؤز گؤره‌وینی یادینا سالماغا چالیشیر. کاغاذ یاخینلاشیر. سؤزلر دوغولمور. سیخیلیر، بوغولور.
یازیلیر:
«دوشونجه، قورخو و یادداش‌لار یوغرولور‌. هئچ بیری تامام‌لانمیر. هامیسی یاریمچیق. سوسماق تهلوکه‌لی، دانیشماق دا اؤیله! حرکتسیزلیک ایز بوراخیر. وار اولماق، ایز بوراخماقدیر. قارانلیق، یوخلوغون سیموولو دئییل. او، وارلیغین گوزگوسودور. ایچینده‌کی قورخو، کئچمیش ایزلر- هامیسی اورادا.»
زامان، خط دئییل. آن‌لار اوست-اوسته ییغیلیر. گئجه قاتلانیر. خاطیره‌لر و ایندی اؤتن آن‌لار بیرله‌شیر. هر شئی چوخدان اوز وئریب، آنجاق داوام ائدیر. یازان‌لا یازیلان آیریلمیر. کاغاذ انسانی خاطیرلاییر، انسان کاغاذی! باشقالاری وار. «باشقا» دئییل! سس‌لری آلچاق. حرکت‌لری اؤیره‌نیلمیش. باخیش‌لاردا غضب یوخدور- قورخولودور.
اونلار میسسیا دئییل، مکانیزمدیر. مکان قانون‌لاری ایچینده موجوددور. گئجه کئچیب، ایز یوخدور. یازیلان‌لار ثبوت دئییل. اوخونماق اوچون ده دئییل.
بونلارین شاهیدی یالنیز بیر کؤلگه‌دیر: نئجه ازیلیرسن. زامان قارشی‌سیندا کیچیلیر.
نه واختسا، هر شئی دایانیر. گؤوده‌نه ضربه توخونور‌. آغری یاییلیر. روحون ایسه سیخیلماغا باشلاییر.
آرتیق تکجه روحون سیخیلمیر. سیخیلمانین ایچینده ایز بوراخماق دا سنه نصیب اولموشدور. وارلیق تکجه ایزده یاشانیر. آزادلیق دئییل، شاهیدلیک وار. قارانلیق، گوزگودور. وار اولدوغون، قورخدوغون، کئچمیش ایزلرین- هامیسی اورادا عکس اولونور. انسان تکجه بو ایزده تاپیلیر. وار اولماق، عکس‌صدادیر. ایز اولمادان هئچ کیم اولمامیشدیر.
اوتاقدا هئچ نه ثابت دئییل. زامان قاتلانیر. خاطیره‌‌لر بیر-بیرینه قاریشیر. قارانلیق یوخلوق دئییل؛ وارلیغین اؤزودور!
ایز بوراخماق بلکه ده یئگانه آزادلیق‌دیر!

یازیچی: #شاهین_مرادی
1404/11/03

#ادبیات_ائوی

@AdabiyatEvi

ادبیات ائوی

23 February 2026 20:44

یویولوب دورولسام گؤزیاش‌لاریمدا
سنی سو عؤمروجَن سئوه ده بیللم.
نَه‌ییم وار وئرمه‌لی تَر گؤزلرینه؟
بیر اولان قلبیمی، ایکی پای بؤللم!

اینانمازسان دئسم سیخلاشمالاردا،
آدام‌سیز قویموشدو منی داریخماق!
سن‌سیز بو شَهَرده سورونمکده‌یدیم
گؤزلریم وار ایدی گؤرمزدی آنجاق!

اوغورسوز اؤلکه‌‌مده گومانلانیردیم؛
بیری‌نین چؤره‌یین بلکه اَیمیشم!
منه یاد گلیردی آیدین صاباح‌لار،
من سن‌سیز
نئجه‌ ده پیس گونده‌یمیشم.

منی اؤز قانیمدا قویلایان، آدام!
چیغریب- چیغیریب، دیریله‌جه‌یم...
آدام‌لار دوز کیمی سَپیلیر...، گولوم!
گلیب، یاران اوسته سَریله‌جه‌یم...

واریمدان اولورام باخدیقجا سنه؛
کدر بوغمالاییر سنده گولمه‌یی!
سنه یاشاماغی چوخ گؤرَن تبریز،
سن‌سیز چوخ گؤرموشدو منه اؤلمه‌یی!

پاییزدان قاچاق قیز! بیلمیرسن هَله
پاییز؛ بیرین آلسا، بیرین باغیشلار...
بو گَلَن پاییزین کوله‌یی؛ حسرت!
حسرتین توزلارین یویور یاغیش‌لار...

گؤز یاشین سو دئییل ایچَم گوزوندن،
اورک قانین‌دیر بو! ایچه بیلمیرم.
چوخلو آدام‌لاری سئومک چتین‌دیر،
آللاهین اوزوندن کئچه بیلمیرم!

قانیمیز آخسا دا سئومه‌لی‌ییک بیز،
اوجا داغین چوخ دا دومانی واردیر.
سنه گول دَرمیشم،
اَلیمدن توتما
اَلیمده، آغ‌آپباق گول قانی واردیر!...

شاعیر: #اورمان_گولسوی

#ادبیات_ائوی

@AdabiyatEvi

ادبیات ائوی

22 February 2026 15:56

#مقاله

جعفر جبّارلی؛ خالق روحوندان گوج آلان حقیقت آختاریش‌لاری
یازیچی: ائلچین غالب‌اوغلو
کؤچوروب، ایضاح ائدن: شاهین مرادی

#ادبیات_ائوی

@AdabiyatEvi

ادبیات ائوی

21 February 2026 09:14

دونیا آنا دیلی گونو

بو گون آنا دیلیمیزین روحونو، یادداشینی و کیم‌لییینی یاشادان دیرلی بیر گوندور. دیل تکجه یاخینلیق و باغلیلیق واسطه‌سی دئییل، هم ده بیر اولوسون تاریخی، مدنیّتی و وارلیغی‌نین گوزگوسودور. آنا دیلی انسانین معنوی وارلیغی‌نین زنگین‌لشمه‌سینده، دونیا گؤروشونون گئنیش‌لنمه‌سینده، تام بیلیک و تحصیل آلماسیندا، اؤز سوْیداش‌لاری ایله یاخینلیق گؤسترمه‌یه بؤیوک نقش اویناییر. آنا دیلی ملّتین اؤزونه‌مخصوصلوغونو قوروماق‌لا یاناشی ترجمه یولو ایله باشقا خالق‌لارین مدنی ارثی ایله تانیش اولماغا، اونلارلا باغ قورماغا امکان یارادیر. آنا دیلیمیزی قوروماق و گَلیشدیرمک هر بیر آذربایجانلی‌نین مقدس بورجودور‌.

#ادبیات_ائوی
#کیتاب_ائویم

@AdabiyatEvi
@BookEvim

ادبیات ائوی

18 February 2026 18:36

#دوغوم_گونو #علی_آغا_واحید

علی‌آغا محمداوغلو اسکندراوف ۱۸۹۵-جی ایل‌ده فورال آیی‌نین ۱۸-جی گونونده ماسازیردا آنادان اولموشدور.
کلاسیک ادبیاتیمیزین اوستاکار شاعیری، معاصر آذربایجان ادبیاتیندا غزل ژانری‌نین گؤرکملی شاعیری اولان واحیدین غزل‌لری، پوئتیک دیلی‌نین ساده‌لییی و هارمونیاسی ایله سئچیلمیشدیر. اوخویان‌لارین و مغنّی‌لرین رپرتوآریندا ابدی‌لیک یئری واردیر. نیظامی، خاقانی، فضولی، نوایی و باشقالاری‌نین فارس شعرلریندن ده آذربایجان تورکجه‌سینه ترجمه ائتمیشدیر و چوخ باجاریق‌لی ترجمه‌چی اولموشدور.

داها چوخ بیلگی الده ائتمک اوچون اینستادان اوخویا بیلرسینیز

➡️ https://www.instagram.com/p/DU53DyYDBNS/?igsh=eTBpZWN6YTNramIx

#ادبیات_ائوی

@AdabiyatEvi

ادبیات ائوی

07 February 2026 18:48

📘💙 «ماوی دویغولار ۱» کیتابی یولدادیر.

دونیا ادبیاتیندان و کیتاب‌لاردان سئچیلمیش قیسا یازی‌لار و شئعیرلرین بیر آرایا گتیریلدییی بیر توپلودور. بو جمله‌لر اوزون زامان‌دیر کانالیمیزدا اوخوجولارلا پایلاشیلیب، اورک‌لره توخونوردو. ایندی ایسه داها قالیجی بیر فورمادا، کیتاب اولاراق تقدیم اولونور.
بو اثر دویغولارا، دوشونجه‌لره اوخشاماق و پایلاشماق مقصدی ایله «آردا خانی» طرفیندن توپلانیب و سؤزلرده اؤزونو آختارا‌ن‌لارا و ماوی‌نی حیس ائدن‌لره تقدیم اولونور.

📖 کیتاب حاضیردا چاپ مرحله‌سینده‌دیر.

بیزه دستک اولماق اومودونوزلا...

#ماوی_دویغولار

@MaviDuygular

ادبیات ائوی

21 December 2025 09:22

#گونلریمیز #چیلله

چیلله سؤزونون منشأیی و معناسی و البته فولکلوروموزدا اولان چیلله حاققیندا بیلگی‌لر.

یازیچی: #حسن_اوموداوغلو

اینستاگرام صفحه‌میزدن اوخویا بیلرسینیز
➡️ https://www.instagram.com/p/DShES4BDIdy/?igsh=MXd0bjhocDZwMnkxdg==

#ادبیات_ائوى

@AdabiyatEvi

ادبیات ائوی

15 December 2025 21:25

#دونیا_تورک_دیلی #مقاله

زبان ترکی و دربارهای ایرانی
نویسنده: #صالح_سجادی
‌
#ادبیات_ائوى

@AdabiyatEvi

ادبیات ائوی

11 December 2025 21:53

#تانیتیم #آذربایجان

#غلامحسین_ساعدی دئییر:
«آذربایجان دموکرات فرقه‌سی دؤرون‌ده آنا دیلیم‌ده تحصیل آلارکن، اؤزومو بیر اینسان کیمی حسّ ائتدیم».
بیر ایل آزاد یاشاماق اوچون، اون‌مین‌لرجه شهید وئردیک. آتالاریمیز دوغرو سؤیله‌میش: «آزادلیق، قان ایله آلینیر».
او شهیدلریمیزدن و قان‌لارینی اووجونا آلمیش‌لاردان نئچه‌سینی تانییاق...

اینستاگرامدان اوخویا بیلرسینیز
➡️ https://www.instagram.com/p/DSIo_h3gQjY/?igsh=MW9kZ3g5bGlyZWhrZA==


#ادبیات_ائوى

@AdabiyatEvi

ادبیات ائوی

24 November 2025 14:08

گؤی قارا، یئر قارا، آدام‌لار قارا
ایچیمه دیرماشیر قورخولار بیر- بیر.
یاستیغیم اولوبدور قورخو صاندیغیم
کابوسا چئوریلیر‌ یوخولار بیر- بیر.

بورونوب سوکوتا ایچیمله چؤلوم
پوزولوب کئفیمین خوش ساعات‌لاری.
یالقیزلیق دینقیلدیر قولاق‌لاریمدا،
گؤرن‌می کیم قوروب بوش ساعات‌لاری؟

یالقیزلیق بوی آتیب ایچیمده منیم
یالقیزلیق ایچیمده، بیر آغاج بویو.
آماندی، چکمه‌یین یالقیزلیغیمی
اوزانار حسرتیم بیر قوجاق بویو.

هوپوبدور روحوما داریخماق یئنه‌
قاچیر آیاق‌لاریم اؤزومدن‌ قاباق.
سیلکه‌نیر قلبیمده بیر یاد خاطیره
دوداغیم تیتره‌ییر سؤزومدن قاباق.

من ایندی یاد اولموش، یاد بیریسی‌یم
گولوشور قوهوم‌لار، اؤزگه‌لر منه‌.
قارانلیق بختیمده بیر آغ ساچ پارلیر
منی خاطیرلاتمیر، گوزگولر منه‌.

بیر واختسا سئودیییم‌ گؤزلر‌، ایندیسه‌،
گئت‌ دئییب، یول سالیب، گؤزدن ایتدیلر.
ایندیسه لئشیمی سؤکن بورادا
قاپی آرخاسیندا هوررکن هر گون
بیر دسته آج‌ قالمیش قودوز ایت‌دی‌لر.

قوی آنجاق یئسینلر‌ هر نه وار منده‌
بیر قول‌لاریم‌ قالسین و بیرده‌ دیلیم.
دیل یانی سئویرم دئمک‌ اؤزلمی
قول یانی ساریلماق اؤزلمی گولوم.

و گئجه اوتوروب تک ایچکی ایچمک
قوی سایسین اولدوزلار سوچومو بیر- بیر.
سن یوخسان ایندیسه اسن‌ کولک‌لر
اوخشاییر داغینیق ساچیمی بیر- بیر.

آنجاق کی، من ایندی‌ یاتا بیلمیرم
ایچیمه سؤیکه‌نیب سن آدلی قورخو.
سن یوخسان اؤتوشن عؤمورده
عذاب‌دی اویاقلیق، عذاب‌دی یوخو.

دیکسینیر یوخولار سنی گؤرن‌ده‌
قورخویا چئوریلیب‌ آدین‌ دا سنین.
سن ایندی اونوتقان بیر قادین، دئییل
ایندیسه آد گونوم یادیندا سنین.

شاعیر: #مهدی_سهندی

♦️ مهدی سهندی‌نین کیتابینی @BookEvim -دن الده ائده بیلرسیز.

#ادبیات_ائوی

@AdabiyatEvi

ادبیات ائوی

24 November 2025 12:55

اؤرنک‌لی تورک دئییم‌لری

توپلایان: بهروز حقی سئلابلی
کؤچورن، تصحیح و تحشیه: شاهین مرادی
صفحه ساییسی: 1083


⬅️ بو کیتابی آلماق اوچون @Bitigme1993 یازا بیلرسینیز.


#کیتاب_ائویم

@BookEvim

ادبیات ائوی

22 November 2025 15:13

#فولکلور

فولکلوروموزدا اوغوزنامه ائپیک عنعنه‌سی
یازیچی: #آفت_هاشمی
کؤچورن: #شاهین_مرادی

#ادبیات_ائوی

@AdabiyatEvi

ادبیات ائوی

05 November 2025 17:02

#حیکایه

بئیین التهابلانماسی
یازیچی: #میخاییل_بولقاکوف
چئویرن: #گونل_مولود
کؤچورن: #آرزو_ربیعی

#ادبیات_ائوی

@AdabiyatEvi

ادبیات ائوی

03 November 2025 15:48

#شئعیر #کلاسیک

حیات یئنیش- یوخوش بیر یولا بنزر
شاعير ده، عالیم ده، نادان دا گئدیر.
بیزه نعمت وئرن تورپاق آلتینا
میلیون- میلیون اینسان بیر آندا گئدیر.

بو گوندن صاباحا وئرمه‌ییر ماجال
یاخشی- یامان قانمیر اینصافسیز اجل
واختی کی، یئتیشدی، سسله‌ییر کی: «گل!»
اوندا، خان دا گئدیر، خاقان دا گئدیر.

اونون قانونوندا عدالته باخ!
مزاردا هئچ کیمه یاندیرمیر چیراق،
کیم‌لییین سوروشمور او قارا تورپاق،
اورا خان دا گئدیر، چوبان دا گئدیر.

حیات نه شیرین‌دی! آی «وطن اوغلو»!
باخدیقجا «بهمن»ین گؤزلری دولو،
حئيیف! عؤمور آدلی بو گؤزل یولو،
قانمایان دا گئدیر، قانان دا گئدیر...

شاعیر: #بهمن_وطن_اوغلو

♦️ بهمن وطن اوغلو کیتاب‌لارینی @BookEvim -دن الده ائده بیلرسیز.

#ادبیات_ائوی

@AdabiyatEvi

ادبیات ائوی

02 November 2025 11:34

#باش_ساغلیغی 🖤

گلن بیردیر، گئدن بیردیر، قالان بیر،
گلن قالماز، گئدن گلمز، عجب سرّ.
بیر اوّل وار، بیر آخیر وار، دئییرلر،
بو بیر سؤزدور، نه اوّل وار، نه آخیر...

#میرزا_مهدی_شکوهی


آلدیغیمیز آجی خبره گؤره آذربایجانین دَیَرلی محقق و فضولی شناسی اوستاد #محمدرضا_هاتفی جناب‌لاری‌ وفات ائدیب. بئله‌لیکله ادبیات ائوی طرفیندن اونون محترم عائله‌سینه و ادبی جامعه‌میزه تسلیت دئییریک.

#ادبیات_ائوى

@AdabiyatEvi