2256
خادمكم ملا علي الشاوي للتواصل ali_20115
#أويلاه #يافاطمه
.
هم رحتي شفتي كربله ..
بيها الشباب امچتله
بعيالچ ايحيط الخطر ..
وسط المخيم زلزله
شفتي بلحسين اشجره
خده افترش ارض الفلا
ياويلي طر چبده الظمى
وبگلبه نبلة حرمله
گاعد على صدره الشمر
يالزهره منهو اينزله
سل سيفه باشر بالذبح
كامت تشوفه العايله
نحره 12 طبره انطبر ..
محبوبچ اليوم انوله
يافاطمه دمه جره. ..
ما ظل ولا ناصر. اله
ياويلي گطعوا منحره ..
صاروا سبايه كل هله
گطعوا چفوفه وخنصره ..
شدو رقيه ابسنسله
راسه ارتفع فوك الرمح ..
زينب مشت بالقافلة
أويلاه يا فاطمه
ـــــــــــــــــ ❁ ❁ ❁ ـــــــــــــــــ
.
.
هم رحتي صوب المشرعه.
شفتي الچفوف امگطعه
ضحى الكفيل ابمهجته
لجل الخدر. والمقنعه
يالزهره زينب عالنهر
شافت يويلي مصرعه
بالدمعه تنظر جربته
بعينه السهم ما طلعه
نادت يخويه يا شهم
صوت الشمر هم تسمعه
أينادي طلعوا بت علي
چفك بعد شيرجعه
ظلت رقيه ابلا ابو
ظلها الشمر ظل يتبعه
سلب تراچيها النذل
وبخدها طبعت أصبعه
متني من السياط انذبح
كل طگه دم أمرصعه
لكن ولا طاح اللوا
بچفوفي خويه ارفعه
أويلاه يافاطمه
ـــــــــــــــــ ❁ ❁ ❁ ـــــــــــــــــ
.
.
حگي اذا درت النظر ..
عن حالچ بيوم الخطر
يافاطمة ابو الحسن ..
بچفوفه شالچ للگبر
يا فاطمه عندچ ضلع
واحد تهشم وانكسر
بالعصره گطعولچ نفس
من مهجتچ غاب النظر
شوفي الحسين ابكربله
فوگ الترب صدره انحفر
حافر اذا مس الضلع
يترك على الگاع الأثر
10 الخيول الداسته
طلعت ضلوعه من الظهر
اطشر ابنچ بالفلا
لازم تدورين النحر
بين الخيم والمشرعه
عالتله لو درب السفر
يالزهره دوري خنصره
بيا حفره شوفيه استقر
وحدچ تلمينه صعب
متوذر احسينچ وذر
أويلاه يافاطمة
.ـــــــــــــــــ ❁ ❁ ❁ ـــــــــــــــــ
.
نزلت دموعي أمحيره
موقف اريد اتصوره
عبدالله ليش الياسبب ..
يالزهره گطعوا منحره
ليش العطش يصبح ذنب
وتصيبه نبله اتعفره
عبد الله يتروه ابدمه
من العصابه الكافره
مايشعر ابحر السهم
يشعر ببوه الينظره
أحا ينبلة حرمله
گلب الحسين اتمرمره
عبدالله كلش منقهر
والعله شنهي ياترى
كاروكه بالنار احترگ
وهدومه كلها امبعثره
بالذبحه الگماط انفتح
بي شدوا ايد الطاهره
عبدالله من نام ابگبر
هدموا عليه المگبره
راسه ارتفع فوگ الرمح
ياويلي امه اتناطره
أويلاه يافاطمه
.
.ـــــــــــــــــ ❁ ❁ ❁ ـــــــــــــــــ
خليني أحظر عبرتي
شعرت رقيه بلوعتي
گالت يناعي استمع
راح اروي كامل قصتي
آنه الي چنت امدلله ..
وبحظن ابويه نومتي
گلبي ولا مره احترگ
ولا مره سالت دمعتي
من ليلة الحادي عشر
كملت ملامح غربتي
اظلم غده ابعيني الصبح
محترگه انظر خيمتي
بچفي الشمر شد الحبل
ياشيعه زادت لوعتي
ايعتني كل ساع واطحت
واركض والوذ ابعمّتي
آنه الشفت راس ابطشت
ظليت اونله ابونتي
نمت وشفت چن ابحلم
قبلني ابويه بوجنتي
اخذني وياه ورحت
وسط الخرابه دفنتي
اويلاه. يافاطمه
لاتنسوني ووالدي من فضل دعائكم المبارك
.
حسن الموالي الفاطمي
.
لَاذَتْ وَرَاءَ الْبَابِ خَوْفًا عَلَى
أَنْ تُكْشَفَ لِغيرها الْأَخْمَارُ
وَاسْتَكْثَرَ الْعَصْرُ عَلَى أَضْلَاعِهَا
حَتَّى هَوَتْ مِنْ شِدَّةِ الْبِسْمَارُ
هِيَ فَاطِمَةُ بِنْتُ النَّبِيِّ الْمُصْطَفَى
تِلْكَ الَّتِي مِنْ نَبْعِهَا الْأَنْهَارُ
مَاتَتْ بِخَدٍّ مُنَسْطَرٍ وَنَحِيلَةً
بِكُفُوفِ طُهْرٍ أَحْرَقَتْهَا النَّارُ
قُرْطَاهَا مِنْ ضَرْبِ الدَّعِيِّ تَنَاثَرَتْ
وَدَمُ الزَّكِيَّةِ سَالَ فِي الدَّارِ
قَدْ يَتَّمُوا أَوْلَادَهَا حَتَّى الَّذِي
طِفْلًا جَنِينًا لَمْ يُبْصِرِ الْأَنْظَارُ
وَبَقَوْا عَلَيْهَا باكئينَ صِغَارُهَا
أَلَمُ الْفِرَاقِ وَدَمْعُهُمْ مِدْرَارُ
تَرَكَتْ عَلِيًّا الدُّرَّ حَائِر خائفاً
فِي غُسْلِهَا، وَدفنُها الْكَرَّارُ
نَعْشًا عَلَى مَتْنٍ نَحِيلٍ مَائِلٍ
وَسَرَى لِدَفْنِ زَهْرَةِ الْأَزْهَارِ
رسول رياض
مكسور ضلعج وآنه خاطر مكسور
عاشور عايش قبل جَيَّت عاشور
يا فاطمه … آنه علي
1📝
بالباب ضلعج منكسر … لا ما تهون اعليه
مثلج تراني منكسر … شابع وجع واذيه
كلما اعاينلج أون … ونة الموت اشويه
أكبر حزن شايل ألج … يا فاطمه العلويه
دنياي بيه بالعكس ليش ادور
عاشور عايش قبل جيَّت عاشور
يا فاطمه … آنه علي
📝📝 2
تدرين أغله امن النفس … عندي انتي يا محبوبه
روحي وحياتي ودنيتي … بعدج أحس مسلوبه
لجلج علي شابع قهر … من صبحه حد اغروبه
كله إلج راكد صبح … مو فقط راكد ثوبه
مو علي نفسه الجان يهدم كل سور
عاشور عايش قبل جيَّت عاشور
يا فاطمه … آنه علي
📝📝📝 3
لو يصح يندار الكسر … بيه واعيش ألآمه
ما يحمل اينضرج علي … متوجعه كَـدامه
عاشور عايش كل وكت … حيدر وطبرت هامه
يافاطمه ابدونج علي … مو حلوه حيل ايامه
دنياي بعدج ضلمه ما بيه اي نور
عاشور عايش قبل جيَّت عاشور
يا فاطمه … آنه علي
📝📝📝📝 4
لومه الوصيه منكسر … ضلعج يعز من روحي
كل جرح بيج ايألمج …. ساكن ابنص اجروحي
ليل اليمر اعله البشر … اكَـضي سهر وي نوحي
متعود اعليج وصعب … أتحمل انتي اتروحي
كَـلبي مكانج مو مكانج الاكَـبور
عاشور عايش قبل جيَّت عاشور
يا فاطمه … آنه علي
📝📝📝📝📝5
كل السوالف خلصت … بس وحده ظلت عندي
لو رحتي عني فاطمه … اشيكَـضيلي عمري الوحدي
وعيونج الحمرت صفت … بعدج امصابي يبدي
والدمع من عيني يجف … وآثاره تبقى ابخدي
قصة حياتي ابدونج ابلايه اسطور
عاشور عايش قبل جيَّت عاشور
يا فاطمه … آنه علي
✍️🏻 كلمات #موسى_الخادم
حرگو بيتين
كسرو ضلعين
شحجيلك عن ضلع الزهره لو ضلع حسين
...
محمد يا نبي الرحمه غاب الخير بغيابك
والكالت الك تهجر بعدك هجرت كتابك
اول ما غمض جفنك ظلمو حيدر اصحابك
كسرو ضلع للزهره وبالنار احترگ بابك
الضلع مكسور خلّف عاشور
يالمختار التحچي بدينك ناس بلا دين
...
باب الچنت تگصدها بجمرة حقد حركوها
نسأل فاطمه شسوت وفوگ الوجه سطروها
بصدرها نبتو بسمار واعله المتن ضربوها
ثگيله الباب يالهادي واعله الضلع طبكوها
والمحسن مات
من العصرات
فوگاه طاحت امه الزهره مسطوره العين
...
هذا اول ضلع مكسور خلف الباب للزهره
خل احجيلك اعله حسين عطشان انكطع نحره
عشر خياله ودوله كامت تطحن بصدره
ضلوعه اتطشرت بالكاع وزينب واكفه اتنظره
الما شارب ماي
سحگوه هواي
مره بظهره ومره بصدره سحگو مرتين
...
نگول الزهره شيعوها وصار الدفن بالظلمه
وحسينك ثلث تيام عاري مخضب بدمه
راسه اعله الرمح شالوه ومسلب بقه جسمه
آيحسين ومصابه مصابه اعظم من امه
خلوه عريان
وما صح دفان
والعباس بكتر الشاطي وبلا جفين
...
كل هذا الحجيته بصوب واحچي بأصعب الالام
زينب آه يا زينب ودوها سبي للشام
ساعه بسوگ وگفتها وساعه بالخرابه اتنام
المن تحجي غربتها حرمه وحايره بايتام
كل يوم تموت
وتبچي بلا صوت
زينب يا جد زينب بعدك شيبها البين
...
خادم الحسين ( عليه السلام)
كرار حسين الكربلائي
( ابو كميل )
قصيدة [ يا زَهرةَ عُمري ]
من وَجعِ أميرِ المؤمنين في فَقدِ الزهراءِ عليها السلام
يا زَهرةَ عُمري
بيّه ولا بيچ الكَسر
يا زَهرةَ عُمري
يا وِسفه خَدچ يِنسطر
نَجمة وطَحتي اعله الكاع
ويُوسف أحلامي انباع
يا زَهرةَ عُمري
...
١/ يا نَورس حياتي والبَشر غِربان
يا رَيّة علي المخنوگة بالدُخان
روحي الجِنّتچ يا كَوثَر الرَحمان
ما تِرهم نِحط إمراية يِم عِميان
مِن عَينچ طاحت
كل ذِكرياتي وعِشرتي
مِن عَينچ طاحت
أجمل أماني بِدنيتي
يا الرِحتي بِغير أوداع
ويُوسف أحلامي انباع
يا زَهرةَ عُمري
٢/ مَمنوع الحَمامة اعله الشَجر تِنلاح
إذا يِوگع غُصن يِتحاسب الفَلّاح
يا طَير اليِطير الكاسِريله أجنَاح
مَكسور الضِلع لو نام ما يِرتاح
تِكظّين أضلوعچ
لَمِن تِشمّين الهَوه
تِكضّين أضلوعچ
هَيچي وَصلتي المُستوه
يالمِتي بَساع بَساع
يُوسف أحلامي انباع
يا زَهرةَ عُمري
٣/ داحي الباب ما يِگدر يِطفي الباب
أبو تراب وعليچ اليوم هَالّ اتُراب
النِحبهم لِيش تِبعوا سِچّة الغِياب
لا زاد الهَني ولا عَيش بَعدچ طاب
طَگاچ الثاني
وأكبر جَبان الطَگ مَرّة
طَگاج الثاني
وآنه الگِلتلچ مَعذرة
أَسد وحاطوني أضباع
يُوسف أحلامي انباع
يا زَهرةَ عُمري
٤/ الايِعاشر وَرد فايِح يِضل عِطره
اليِسطر خَد مَرّة رَب السَمه إيسطِره
عَلَيه لو عَلَيچ الفاتِحة أقرَه
عَلي إيتچي العَلي ضَلّيت يالزَهره
چِن دافِن روحي
لَمِن دَفنت إجنازتچ
چِن دافِن روحي
ويَوميّة أشَم بِشيلتچ
كُلشي بترحالچ ضاع
يُوسف أحلامي انباع
يا زَهرةَ عُمري
٥/ إذا ما يَوم أذكُرچ يِختِنَگ صَدري
وأعَوّضه بِثاني يَوم بِدَمعتي التِجري
يَتيم إخلاف عَينچ يا بَعد عُمري
أكُض بِيَدي اليَتامة لو أكُض ظَهري
مَكسور أجنَاحي
لَگدَر أطير ولا أحُط
مَكسور أجنَاحي
واتناثَرت مِثل القُرط
أمسافِر مِن غِير إمتاع
يُوسف أحلامي انباع
يا زَهرةَ عُمري
٦/ أخيرًا قَلَّ صَبري والتَجَلُّد مات
إلّا مِن ناصِرًا ظَهري شِبَع طَعَنات
لو ما أضَحّي بيچ إيِموتِن الآيات
والوَادم تِرَد تِعبُد هُبَل واللّات
والدِين بِضِلعچ
وبِصبري يِتَنَفّس بَقه
والدِين بِضِلعچ
ظَل ابَهائه و رَونَقِه
لَكِن قِلّة الاتّباع
ويُوسف أحلامي انباع
يا زَهرةَ عُمري
#محمد_الجماسي
#ابوذيات
ذكـرچ فاطمــه للـگلب يمنه
يزهـره وريــتچ اتضـلين يمنه
مـو مـالت افـراگ ارجـوچ یمنه
بعدنه ازغار يمـه اعلـه المنيه
جبريل الـوحي احنـه خدمنه
ونحـط بالعين ونوفـق خدمنـه
ألـف لعنه عله الساطر خد امنه
وألـف لـعنـه علـى الأذه الزچيه
محمد الجماسي
#اللهم_عجل_لوليك_الفرج
#نعي
طگها اوطاحـت ام الحـسـن بلكاع
الحـك يحـيـدر فاطمه بسـااااااااع
طگـهـا وطاحـت اگـبـالـه الـزجـيـه
وصاحــــت ياعـلــي لـحــك عـلـيه
ردليـهـا وعـلـى العـيـنـين طــگــهـا
ومـن طـگــتـه اعـلـى الگــاع ذبـهـا
بــس اولادهـــا يـحـامـــون عــنـهـا
ولا واحــد حـمـاهـا وگـــال خـلـهـا
صاحــت ويــــن ياحـيـدر الـحـگـها
الرجس طگ فاطمه برمحه وكتلها
كـتـلـهـا الـهـظـم جــي مـحــد الـها
ولافــزعــت عـشــيـره ولا اهـلــهـا
الـمـاعــــدهــا اخــو الـوادم تـذلـها
نسالكم الدعاء
السيد حسين الياسري
#اللهم_عجل_لوليك_الفرج
قصيدة :.......
حاجتني صورة فاطمه ..
ـــــــــــــــــ ❁ ❁ ❁ ـــــــــــــــــ
عن جـربته وعن الظمى
عن هامته وفيـض الـدمه
عن چف ابو فاضل شفت
حاچتني صـــورة فـاطمه
ـــــــــــــــــ ❁ ❁ ❁ ـــــــــــــــــ
.
للزهره صــوره امثبته
إعله الجـــدار ابغـــرفتي
انظرها والمــدمع دمه
اشعر تحــس ابلـوعـــتي
گتلــها يـا ام الحســن
گلبي انلچم من عبـرتــي
حاجة سـؤالي اتوقفت
يمچ واريــدن حاجتـي
.
گبل السؤال اسـتأذنچ
شيعي ومـوالي العترتچ
يامعدن العــز والكرم
منـــــچ انــــــال الغــانمه
.ـــــــــــــــــ ❁ ❁ ❁ ـــــــــــــــــ
.
كل حاجتي يم الحسن
نشـدت خيالي مسأله
يوم الحشــر من ننجمع
يم محكــــمة رب العلا
ماتـشــتـكين العصــرتچ
لا للســبي ولا كــــربله
لا للنبي وچـبد الحسن
لالا ولا عـــقـد الـــــوله
.
أينادي صوتچ بالعتب
ياربـي شنهي اليا سبب
يتـوذرن عالمـشــرعه
چفــين ابـن حامي الحمه
.ـــــــــــــــــ ❁ ❁ ❁ ـــــــــــــــــ
لحظه وشفت أم الهظم
بالصــوره تــذرف الدمع
نادت يمن دمعك دمه
وي عبرتك گلبي انصدع
جيتك أوفي الحاجتك
يضرب ســؤالك بالضلع
بدر الهواشم ماخسف
فوگ الترب بدره يشع
.
شفته على جرف النـهر
وي جــربته ومحـني الظهر
مــاهمـه دمــه الـي جره
نــوح اليــتامه يـألـمه
.ـــــــــــــــــ ❁ ❁ ❁ ـــــــــــــــــ
.
شفته على جـرف النهر
محـني ويـون ابحسرته
ودموعه تجري عالوجن
شفت الرضـيع ابدمعته
شافاني صــوره بالعذب
ودموعي تنـدب ونته
نــاداني يـا أم الحزن
انعي الحســين وغـربته
.
شاف الــــدموع ابوجـنتي
مد ايده يمــــسح دمعـتي
لـمن لـمـس چفه العــذب
صدعينه ينــظر عالسمه
.
ـــــــــــــــــ ❁ ❁ ❁ ـــــــــــــــــ
.
صد عينه ينظر عالسمه
جمرت دمه المدمع جره
يدري برقيه اتعـــاينه
وســط الخــيم تتنـطره
دارت علــي اهــل الرده
لجل الغــدر متحـظره
ياويلـي گطـعوا يمنته
وگطعو بعدها الميـــسره
.
والجربه صـابوها بسـهم
من الهـظم گلــبه انلچم
ينظرها تنزف عالتـرب
وچفوفه تنـظر صارمه
.
.ـــــــــــــــــ ❁ ❁ ❁ ـــــــــــــــــ
گطعوا يمنته ويسرته.
بسنونه سل سيفه وهجم
اسمع يادي ابصولته
شحده الـدنه يم الخيــم
يمـطر غده نبل العده
وعيــونه تنـظر عالحرم
عين ابني ياشـيعه بحقد
ياويلي طفاهه السهم
.
من شفته طــاح ابكربله
وبعيــنه نبـلت حـرمله
گلبي انصدع ياحسرتي
انظـر ظلـوعه امهـشمه
.ـــــــــــــــــ ❁ ❁ ❁ ـــــــــــــــــ
.
عباس اشمه أويه الهوه
روحي وحياتي امحبته
لوما الم كـسر الضلع
چاشلته رابــــع لاخوته
ابني وربه وســط الچبد
وام البنــين الجــابته
هذا الـوفه لأم الــوفه
نعــم الـــربه مـن ربته
.
يوم الحـشر مـن نجتمع
ما اطـلب ابكـسر الضلع
انشـد ياربي الـياسبب
هاي الچـفوف امخذمه
.
.
حسن الموالي الفاطمي
.
على ضلوعج علي ضلوعه ...حناهه
وجفوفه من دمع عــــينه ....حناهه
تحن روحه ومنو يوصل......حناهه
يشم تربان كبرج كل مسية
دعيت وانه اصلي اليل .....وسعه
يمن فوك العرش وسماه ....وسعه
عله فاطمتي الكبر ارجوك....وسعه
اخاف اللحد يلجمهه خطيه
الشاعر مصطفى الحسني
باب كلها إجذوع و إثقيلة وزن...لو هوت عالقاع ترجنها رجن
طبقت إعله أم الحسن طبق الجفن...و قام يعصرها عدوها إبحيله
إبعصرة الطاغي إنكسر منها الضلع...و نبت مسمار الصدر ما ينشلع
طاح محسنها اللي ما كمل تسع...و صار من دم الصدر تغسيله
مثل عبدالله المفطوم إبسهم...دمه يشبه دم أبو اليمه إنسجم
و الرباب أمه تنادي بالخيم...محسن السر و الطفل تأويله
قبر عبدالله إنعرف صدر الحسين...وسده بيده زين العابدين
وين قبر المحسن و قبر أمه وين...إشعدنه غيرك سيدي نشجي له
حنينه الوالده وعينك عليها
يرضه الباري اذا ترفع اديها
اشكر الله كل يوم وي امك سوه أدوم
يرضه الباري اذا ترفع اديها
&&&&
امك نعم مثل الوضوه بيتك تره محليته
والينظر امه كل مسه بجسمه ترد عافيته
بيت خالي بلا وجودچ مگبره
امك ومثل الشجر هم مثمره
ارضي امــــك تنقبل بالاخره
بوس اچفوفها وحطها بجبینك
بهاي سوايتك عـــــاشت يمينك
حمامه ويمك تحوم وي امك سوه أدوم
يرضه الباري اذا ترفع اديها
&&&&
مثل امك ابدن ما يصح خليها نص عيونك
شمحلاها من اتكلمك يا يمه يبني شلونك
هي نعمه النعمه لازم تنشكر
بدون امك ورد بس ما بي عطر
شلون اذا مك تره نص الگبر
بعد شتريد الله انطاك جنه
امك يالولد تنگط محنه
تضوي مثل النجوم وي امك سوه أدوم
يرضه الباري اذا ترفع اديها
&&&&
اشكر الباري بنعمته منطيك اكبر نعمه
تختلف عن كل الحچي من امك انت الكلمه
عينك اعله الوالده واخذ الضمان
تلگه بس عند امك ومعنى الحنان
من تشم شليتها اتحس بالأمان
امان البيت كله يصير يمها
مرتاح وتشوفك هذا همها
واضح هذا معلوم وي امك سوه أدوم
يرضه الباري اذا ترفع اديها
&&&&
لا تگطع وياها الوصل يوميه اگصد ليها
الزم اچفوف امك بعد يم راسك وخليها
الفاگد امه تصير روحه بلا طعم
الگمر يكشخ ندري من يطلع نجم
الماتت امه حتى اظن ما يبتسم
من تشوفها ترتاح روحك
شوفة امك اطيب جروحك
اليبچي لمه مالاوم وي امك سوه أدوم
يرضه الباري اذا ترفع اديها
&&&&
امك علاج لكل مرض شوفتها راحه هوايه
ترتاح من كل المرض من تسمع انت احچايه
مثلك امك والله ما تلگه محال
چنت انت مدلل وهي الدلال
هي امك خيمه وتلم العيال
مــــن تشوفها اشكـــر الباري
شوفة امي هي اطفي ناري
فگدچ گد الغيوم وي امك سوه أدوم
يرضه الباري اذا ترفع اديها
&&&&
علي جبار الكعبي
الفاتحه لوالدي
من اموت وكلكم اتشيعوني
يم علي رايدكم دفنوني
**
بالكبر لا مال ينفع لا ولد
وغير حب حسين ما عندي بعد
انه اعرفه حسين يحضر بالشدد
ويم ابو السجاد ادير عيوني
**
من ينزلوني يناس بحفرتي
وبالكبر تدرون حيره حيرتي
بس ابو السجاد يمسح دمعتي
حسين باجر ما يخيب ضنوني
****
لو سالني منكبر وبيده السجل
وعدد ذنوبي ودمع عيني يهل
غير خادم شرد اكول امن انسال
وادري بهل البيت ما ينسوني
**
اعليه لو هال الترب دفاني
وراحو اهلي وصحبتي وجيراني
ينعكد بالكبر راح الساني
اشلون اصيح الوحدي تخلوني
***
اشلون بيه والذنوب اهوايه
والعكل يا ناس تيه رايه
كل سنه جنت اخدم المشايه
وبالزياره امحزم ايشوفوني
***
بالكبر يحسين اريدن وكفتك
لا تخليني وحيد امروتك
انه كل عمري كضيته بخدمتك
وبضريحك رايد ايطوفوني
****
تمت
تحسين الخفاجي
مولاتي فاطمة الزهراء عليها السلام
مخاطبة الامام المهدي عليه السلام
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
واويـــــلي يفاطمـــــة واويـــــلي
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
غـــدت نــار الــدار تلهـب نارها
وهجمــت الانذال حرگــوا دارها
كـــوم يالموعـــود واخــذ بثارها
تعبــت امــك من وجـع بسمارها
عصرو امــك فاطمة
والضلــــوع مهشمه
لهسه ماطاب الجرح
مـــن العصر متالمه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
الليلة يالموعـــود امك حايــره
عصرت امك ويـلي ابد ماصايـره
يابـــو صالح عجـل ورد اليعيــل
الزلــم صوب الدار ضلت دايـره
كسرو ضلوع البتول
من بعد عين الرسول
علـــي ملزم بالوصيه
وضاگت بوجه الحلول
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
سطــرو امــك والعيــون محومـره
بلوعـه ضلـت عگـب ابوها الطاهره
عـلي احتار وحيل ماضل عنده حيل
الله كـــون يعــين حيــدر عالجــره
جروحه ماضنها تطيب
يفارگ الليــلة الحبيب
الزهـــره هالليلة تغيب
وعلي يضل بعدج غريب
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
امـــك البسمـــار ضـــل ياذيها
شثگلــه ويلي الباب طاح عليهـا
گــوم واخـذ بثارهــا يبن البتول
طــاح ميـــت والهظم واليهـــا
سله سيفك يالشــــهم
واگطع جفـــوف الظلم
امــك الليــــــلة تنـوح
من الگسر شبعت هضم
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
گــوم شوف الحسن بونينه يـصـيـح
أمـي راحـت والگـلـب بالهم جـريـح
العجــل يـا صـاحب الـثـارات گــوم
شـوف ابوك المـرتـضى يگوم ويطيح
نكسر ضلع الطاهــره
والظلع مـــــن يجبره
گوم يالموعود گــــــوم
طـــــاح محسن عالثره
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
الشاعر سيد حسن الياسري
ابوذيات.. استشهاد الزهراء ع
لم ربعه عله بت طه واجاها
بمشاعل داره الثاني وجاها
أمر عبده النذل يسطر وجاها
وبقه ينزف دمه وجه الزچيه..
الدموع بعين ابو الحسنين لاجت
وتهد حيله المصايب ليه لاجت
الزچيه گباله عالتربان لاجت
يگلها شبيدي مو مچتوفه اديه..
بيتي بحس علي وطوله عمر بيه
السعاده چنت اعيشنها عمر بيه
اشوفن هسه شو بيتي عمر بيه
كسر ضلعي وحرگ بيتي عليه..
دفع بابچ لمن هيس يدچ بيه
وگعتي وضلعچ ابرجله يدچ بيه
دره بحملچ واجه برمحه يدچ بيه
لحدما طاح محسن عالوطيه..
نزاعه بكسر ضلعي فضه اليه
وگعت وسيل دمي فاض ليه
سكط محسن دلحكي فضه ليه
نذبح محسن تعاي بساع ليه..
ملاحم سيفي ياوادم سطرها
الدهر احزاني وهمومي سطرها
صم چفه ووجن فاطم سطرها
عمر يدريني مچتوف بوصيه..
عقيل الحسناوي...
اريد اكعد ونوحن بيك يابيت
عله لكسرو ضلعها وغصب يابت
يم حسين تبجي عليج يابت
اضنها لنسبت بالغاضريه
منقول
#اللهـم_عجـل_لوليـك_الفـرج
لا تلوموني اعله دمع اعيوني
ابجي لمصاب ام حسن خلوني
🟥1
آنه من يوم اسمعت ضلع ام حسن
منكسر بالباب واعيوني بچن
وصار مجلس فاطمه الزهره وطن
عندي يا هالناس لتلوموني
2🟥🟥
يا مصيبة فاطمه التدمي الگلب
حگي من ابچيلهه ودمعي اليصب
گالو امن العَصره طاحت عالترب
ابهل الكلام اهواي احس هضموني
3🟥🟥🟥
أحسب احساب الليالي فاطِمه
آنه وادموعي وجفوفي اللآطِمه
عالمجالس حيل روحي امعلمه
وين ما گالو عزه تلگوني
4🟥🟥🟥🟥
لا تلموني اعله حزني المنفضح
على الزهره واعله ابنهه المذبح
اشلون اعيش الفرحه وانسه اكبر جرح
نازف امن الزهره نور اعيوني
5🟥🟥🟥🟥🟥
أنسه أسمي ومستحيل انسه الجره
اضلوع فاطم ويلي كلهه امكسره
هالابيات ابكل عزيه حاضره
اومن اموتن بيهن اذكروني
6🟥🟥🟥🟥🟥🟥
الفاطمه الزهراء الخدهه منسطر
يحرم اعليه الفرح لآخر عمر
باقي وي حزني لحد طبت الگبر
وبثوب الاسود يا خلگ جفنوني
🤲🏻✍️ كلمات #موسى_الخادم
نزله للزهراء. احمد العكيلي
يزهراء .. والله ما ننسه الضلع
ــــــــــــــــــــــــــــــــــــ
اتعودينه من الطفوله عالونين وعاللطم
حيل نلطم عالضلوع ولمن انكسر العظم
طاري ضلعج من يمرنه نبجي بجي المنهضم
كلمن ايحارب عزائج منه الله ينتقم
يزهراء .. دم بجينه مو دمع
يزهراء .. والله ما ننسه الضلع
ــــــــــــــــــــــــــــــــــــــ
بس روايه ويختتمهه هذا عدنه مو وفي
وحده واثنين وثلاثه انقيمهه وما نكتفي
واليحز دوم ابنفسنه ليش كبرج مختفي
انحلفج بستر العقيله يالوديعه سولفي
يزهراء .. يمته يمج ننجمع
يزهراء .. والله ما ننسه الضلع
ــــــــــــــــــــــــــــــــــــ
زينب ايساعدهه الله جم رزيه تنتظر
منج اتعلمت هيه شنهي معناته الصبر
خلي كلشي يروح كالت والمهم يبقه الخدر
مثل ماكسرو ضلوعج هم متنهه ينكسر
يزهراء .. بعدج شكد تنفجع
يزهراء .. والله ما ننسه الضلع
ــــــــــــــــــــــــــــــــــــ
هذا مجلسنه الموحد رحمه من رب السمه
كلنه صحنه بصوت واحد فاطمه يا فاطمه
للكسر ضلعج نصبنه بكل عزيه محكمه
والحكم من عدنه صادر لعنة الله دائمه
يزهراء .. مستمر هذا الوضع
يزهراء .. والله ما ننسه الضلع
ــــــــــــــــــــــــــــــــــــ
ندري يا ام المجالس بالمجالس حاضره
نطمع بنظرة رعايه يالزجيه الطاهره
والفرج بالدنيه ردنه والاجر بالآخره
وابأمر منج حبيب ايسجله اسمنه بدفتره
يزهراء .. نفتخر بين الجمع
يزهراء .. والله ما ننسه الضلع
ـــــــــــــــــــــــــــــــــــــــــ
صح كبر ماعندج انتي وصح نزورج عن بعد
لكن انحس بيج يمنه واليحب ما يبتعد
عدنه حاجه يالحبيبه وندري جفج مايرد
احنه مرتاحين لكن خلي عينج عالحشد
يزهراء .. صوتهم ظل مرتفع
يزهراء .. والله ما ننسه الضلع
ـــــــــــــــــــــــــــــ
/channel/y1_7y
[[ شلـه بحياتـه ]]
نزال لخدمة مولاتي فاطمة الزهراء ع
الما تعب للزهراء شلـه بحياته
◾◽◾◽◾◽◾◽◾
لا مــا اجـــامل بيــــــها
هاي القضــــــيه افـديها
ام الحــــــسن وادريـهــا
تشــوف النــاس
هاي التـــداوي اجروحي
فـــــدوه لضلــعها روحي
ونّي ودمعتــي ونـــوحي
رفـــعـــة راس
العمر لو يگضي اونين
ما نجازي ام حســـين
واللـه من ام حسين صارت رضاته
◾◽◾◽◾◽◾◽◾
بهذا الــدرب منجاتي
ترخص لجل ساداتي
اهــــــاتي ودمــعاتي
ومــا وفّــيــت
ما بــدلت هالخــدمه
بلياها چنــي اعـــمـه
زلمه الخدمها زلــمــه
وعالـي الصيت
هيـه سر حرف الـباء
وين مثـــــل الزهراء
الما يوالي بعدين تصعب نجاته
◾◽◾◽◾◽◾◽◾
ضايع چنت بسنيني
وگادتني من ايديني
الزهره نــور بعيـــني
وهيه الشـوف
والمال عـــنها ازياده
ويزعّـل ام الســـاده
خليه يضل بعــــناده
يضل ملهـــوف
اي وحگـها البالشـام
الزهره تغني الخدام
ومرتاح خادمها هواي ساعة مماته
◾◽◾◽◾◽◾◽◾
كل العـــمر گــــضيتـه
بخدمة الزهره افنيته
خادمـــــها ما ناسيتـه
لا واللـــــــه
الما عنده لهفـه اعليها
وبكل وكــت ناسيـــها
خير الحياة مــــا بيها
بـــــلا زهـــراء
المخلص يصيح وياي
فاطمة نحبها هــــواي
الخادم امن الانصار ياخذ صفاته
◾◽◾◽◾◽◾◽◾
ما دورتـــها الغايـــه
تحضر ردت ويـــايه
هايه الحنينه هـــايه
وام الخــــير
هنيالي بيها البضعــه
تجازيني جنه بدمعه
والگال ماكــــو دفعـه
بروحــه يحير
ماكـو من عدها اثنين
ام حيــاتي ام حسين
گلبي يصرخ زهراء من كل جهاته
◾◽◾◽◾◽◾◽◾
عبد العليلـه
✍حيدر ابو كيان الفاطمي
( 151 )
واويلاه ... يايمه
واويلاه ... يايمه
===========================
.يايمه انفطر جبدك من حزني مثل جبدك
انه كبه ما عندي وانته راس ما عندك
اتفكر .. واتذكر ... بالطف حاير بوحدك
يحسيني ... بنص عيني ... صوبني سهم فكدك
=========================
محتار الفكر محتار ... اه يالوعة البسمار
لو ماهيه يوليدي ... ما حركت خيمكم نار
والشفته ... حاسبته ... من ساعة هجوم الدار
يايمه ... والهظمه ... جسمك عالثره طشار
==========================
اتحمل اشد عصره ... و احمل شدة السطره
بس امصابك ويومك ... يهدم حيلي لو ذكره
اذاني ... وخلاني ... انسه ضلعي وكسره
للمحشر .... عالمنحر ... ابجي واسجب العبره
===========================
اجيت بكربلا و شفتك .... ذبيح بدمك احضنتك
يمه يا ذبيح اشلون .... يمنه هالاجت اختك
نادتك .... رادتك .... تفزع تحمي عايلتك
تتعذر ... والعسكر .... ملتم يمه يم جثتك
==========================
يامن تسمع ونيني وانه اسمع ونينك
انه اعله النحر عيني وانته اعله الحرم عينك
اتنازع ... وتباوع ... وزينب نادتك وينك
هايبني....عذبني ... اصواب الصوب اجبينك
==========================
ناديتك يبعد امك.... خليني انذبح يمك
ولو محسن عدل يمه .... يرخص دمه وي دمك
هاي انه ... حزنانه .... وشفتك منهدم عزمك
ينادونك ... يردونك ... تشوف الحركو اخيمك
==========================
حسن بشير السوداني
آه الخيل يُمّــــه الخيل
شو سون نهارك ليل
يالهزّك جنح جبريل
ياعطشان يايُمّه
ــــــــــــــــــــــــــــــــــــــ
مذبوح واجروح تارس حياتي
اتعنيت انعاك وافرش عباتي
يحسين چاوين راحن بناتي
ظليت اعاتب بالشمس .. ياشمس رحمي بحاله
كل ميّت اهله اتشيعه .. وميتنه محّد شاله
اتلمس ابصدرك واحن .. مارحـمته الخياله
دمك بالحوافر ذاك
ولا يمك اخت تنعاك
ياهــــو العالرمل خلاك
ياعطشان يايُمّه
ــــــــــــــــــــــــــــــــــــــ
اتدنيت حنيت اشتم وريـدك
انعه اعله الراس لو خنصر ايدك
امك الزهـــراء تعذرني اريدك
ماجيتك ابوكت الذبح .. يالجثتـك مرمـيه
يوليدي وابعيد الدرب .. وآنه الگوه مابيه
ايدي اعله خاصرتي تره .. وامشي عله العوچيه
حيلي امن الضلع مهدوم
اعذر وجهي الملطوم
ميته من هذاك اليوم
ياعطشان يايُمّه
ــــــــــــــــــــــــــــــــــــــ
عريان ذبلان خليني احضنك
تعبـان والخيل شمخليه منك
والماي غلطان من عطّش ابنك
شمسوي يايمه الطفل .. واتعنو ايذبحونه
عبد الله مومالت عطش .. كون ابورد يسگونه
ابعمر الفراشه وينذبح .. والموت سد اعيونه
جيبوله الرباب ابساع
خل تشيله من الگاع
محتاج العزيز اوداع
ياعطشان يايُمّه
ــــــــــــــــــــــــــــــــــــــ
كضيت مگفاك رمحك اجره
صلّيت لله ايســهّلي امره
والدم شلال ظل يجري حدره
محتاره اطلع ياسهم .. هنه السهام اهوايه
واچفوفي ترجف عالجسد .. تشبه رجيف الرايه
سجلني اني اول مره .. اتعنيت الك مشايه
وانه ادري المشه الگبرك
طيب جرح من صدرك
سبحـانه الرفع قدرك
ياعطشان يايُمّه
ــــــــــــــــــــــــــــــــــــــ
لن صوت من روح كـلش وجيعه
انداريت عالصوت بس ابفجيعه
لنهه ام عبـاس يـم الشريعه
اتعاتب بابنهه اعله النهر .. واتكله ياعباسي
قصرت لو ماقصرت .. وي السكن بانفاسي
ردتـك يَيمّه ابوگفتك .. بالحشر ترفع راسي
ومن شافتني محنيه
ركضت چلبت بيه
وگامت تقره لطميه
ياعطشان يايُمّه
ــــــــــــــــــــــــــــــــــــــ
واهناك عالـماي جينه وگعدنه
وادموع واعتـاب واقرايه عدنه
ومن يـوم رحتو نبچي بعدنه
طول الزمان ابمجلسك .. احضر واحن وانعه
والگه ابعزائك كل سنه .. كل الخدم مجتمعه
واليجري دمعه امسجله .. وانه الاجر ماضيّعه
وخدّامك يعرفوني
لو بس مره ينخوني
اكلهم هاكم اعيوني
ياعطشان يايُمّه
محمد الجماسي
#اللهم_عجل_لوليك_الفرج
#أبوذيات
لسان حال سيدي ومولاي ابي عبدالله في مصيبة الزهراء _ سلام الله عليهما _
مثل حن الحمامه .. حن الحسين
تونين . او ونينچ .... حنّه الحسين
ييمه احسين آنه ..... حني لحسين
افتحي اعيونچ او صدي عليه ...
هوه فوگ الجسد وايصيح ... يماه
احسين ابكربلا من يضل .... يماه
ييمه لو ذبحني العطش ... يمه آه
منو اليسگيني ؟ منهو ايحن عليه ...
__
وبلسان حال مولاي المجتبى عليه السلام
أصوابچ كل دوه يا حيف .. ماله
ييمه او گلبي والله العمر ... مله
عگب عيناچ يمه الحسن ... من له
من يمسح دمعته المغربيه ...
أويلي الباب يل زهره .. وج اعليچ
ولا واحد الچ يفزع ..... واجه اعليچ
انشدچ ياهو الاكثر ..... وجع ليچ
الكسر .. لو محسن الضاگ المنيه ..
_
الزهراء تخاطب أمير المؤمنين روحي فداهما
ابغير ادموع عيني ... ما تسلّى
عفه گلبي المصايب ... ما تسلّه
نبت بسمار بيّه ....... ما تسله
يحيدر مو شفت منه المنيه
____
زينب تگول للحسين روحي فداهما
يخويه اوياي گوم الدمع .... ديره
عله أمي الحضنها اتگول .... ديره
يربي الوجع بيه ارجوك .... ديره
واخذ عمري فده العمر الزچيه
ليالي الفرح للزهره ... جفنها
او صبح ازرگ يسيل الدم ... جفنها
جروح البيها يا ويلي ..... جفّنها
او مثل عود اصبحت فوگ الوطيه
___
ياعلي
عليك الدهر يا وسفه ... تراها
علي . وابعينك الزهره ... تراها
تصيح اضلوعي انكسرت .. تراها
دير الوجه لتعاين عليه ...
___
يارسول الله
يبو الزهراء . عل زهراء .. بس مر
تلگه الضلع نابت بيه ..... بسمار
اجرعت من الدهر بجفاك ... بس مر
يريت اتشوفها ابهاي المسيه
____
ابو فاطمة الطائي
#اللهم_عجل_لوليك_الفرج
لو عشرة روايات ما نترك عزاها
ــــــــــــــــــ
صاحت الناس شعجب هالگد حزن
هية مو بس لليلة وحده وتندفن
ما درو حجم الوجع جمرة بجفن
ماتت ونص القبر ظلت تون
من هاي النهايات ما نترك عزاها
ـــــــــــــــــ
بيا شريعة وملة كل هذا الجرة
هجموا تلثمية كلهم ضد مرة
تختلف لوما وصية حيدرة
والله يفنيهم بدنيا وأخرة
واليفنى المجرات ما نترك عزاها
ــــــــــــــــــ
يالتريد بحجيك نعوف ام حسن
يا قناعة التحجي عنها ويا زمن
گلي من يگدر يعيش بلا وطن
العيش بلا ضوه عيونه نعمن
يالتحجي بقناعات ما نترك عزاها
ـــــــــــــــــ
العندة وي هاي المجالس مشكلة
هذا حافر صاير بطف كربلة
هية ما بيها اختلاف المسألة
درب الحسين ودرب بي حرملة
درب الذلة هيهات ما نترك عزاها
ــــــــــــــــــ
ابد ما نترك عزاها باي وصف
لو روايات الحزن صارن ألف
دمعه الخادم نهج ما تختلف
كلشي غربة وفاطمة هية العرف
سورة وكلها ايات ما نترك عزاها
ـــــــــــــــــ
هية مو شغلة دموع وعاطفة
من خدمنه ام الحسن عن معرفة
دارت بحبها القرون السالفة
هية بت خير الخليقة المصطفى
بت خير الرسلات ما نترك عزاها
ــــــــــــــــــ
فاطمة بأعلى المنازل والرتب
الله يرضى اعله الرضاها بلا عجب
والنكر حقها وغضبها يصب غضب
واجب الطاعة وابد مو مستحب
من المستحبات ما نترك عزاها
ــــــــــــــــــ
وسفة متغيب اثرها بلا گبر
وانت تستحسف عليها وتنذكر
تلث روايات الجروح وي الصبر
ما نواسي المحنة لو نلطم عمر
ما تكفينة لطمات ما نترك عزاها
ــــــــــــــــــ
باجر المهدي اليجي ويبني الصرح
ينجلي الليل و يرد يطلع صبح
قصة الثار العظيم اليتضح
ما أريد احجيها ويطول الشرح
باجر تبدي ثارات ما نترك عزاها
ــــــــــــــــــ
الشاعر زين العابدين الشمري
.
يا دار ويـن أم الحسن وين .. يمه يمه
يادار يبچي ويصرخ حسين .. يمه يمه
حنيت هسه اشوفهه العـيـن .. يمه يمه
يمه مكسوره هضيمه اضلوعچ
يمه عالباب چـفـوهه ادمــوعچ
هـــذا الحـسين يـؤن اكــبـــالي
يــذكــر الــنـار يـيـمه ولــوعــچ
ويلااااه يايمه .. ويلااااه يايمه
======ـ
راح الحنان وراحت الـروح .. يمه يمه
گلبي اليؤن اعليچ مـذبـوح .. يمه يمه
عفتيني ليش ابين الاجروح .. يمه يمه
يمه مشتـاگه احس ابصـوتچ
اگبــال العيون خــذوا تابوتچ
يمــه عالبــاب تفــرهد حـيلي
ما يــرف عين اشـوفن موتچ
ويلااااه يايمه .. ويلااااه يايمه
======ـ
معقوله اعيش امگابله الباب .. يمه يمه
وأمـي الحنـيه چــوه التراب .. يمه يمه
مو حـال هذا ايشيب الشاب .. يمه يمه
وحشــة البــيت چبــيره ابيـتي
يمــه الافــراگ اخــذ عـافـيـتي
مــدري اشلــون عشــت بالگـوه
والــگــلـب طــاح ولا رديــتــي
ويلااااه يايمه .. ويلااااه يايمه
======ـ
مهضومه راحت شمعة البيت .. يمه يمه
ؤنـت يــتـامه اللــيله ؤنـيـت .. يمه يمه
ما بيه اكـابـــر والله ضـلـيت .. يمه يمه
يمـه مـجــروح گـلـب والـيـنـه
يمـه بــدمــوع يــرد اعـلــيـنـه
خفت بس لا يمــوت اخـلافـج
ومــو دمـع دم نــزل مـن عينـه
ويلااااه يايمه .. ويلااااه يايمه
======ـ
- خيري الصفراني ✍️
قناة الرجوع الى الله @h_ameer1
قصائد منبريه مكتوبه @h_ameer2
قصائد منبريه مكتوبه @h_ameer3
قصائد نسائية مكتوبه @h_ameer4
#أبوذية
صدگ ضلع أم الحسن وحسين ينصاب
او نخت يا با الحسن والدمع ينصاب
لخلي الماتم ابكل دار يـنصاب
اوعليها انّـوح كل صبح او مسيه
#اللهم_عجل_لوليك_الفرج
دهري جرحني بهذا الغياب.. يمه
روحي يتيمه وعيني عالباب.. يمه
بفراكج الاه.. تطلع شجيه
مهضومه من يوم.. رحتي امن اديه
ييمه
.........................
للستر بابج ييمه. واليتامه شكد تدكه
تنزرع ورده بعتبته. مو تجي نار وتحركه
بيت الخيّر لامايسلم من هل ناس
حامي الجار وكسرو گلبه وبيته انداس
وكلهم شماته
صاير ضلام البيت بس نوح.. يمه
محد يدك باب اعله مجروح.. يمه
ياوحشت الدار.. بعدج عليه
مهضومه من يوم.. رحتي امن اديه
ييمه
............................
ليش هذا الصار بينه. ويادمع يكفي المصيبه
يندفع بابج يزهره. وينكسر ضلعج عجيبه
ليلة دفنج ماانساهه وگلبي انصاب
من رد حيدر يمه ثيابه كلهه تراب
ومحني اجاني
شفته ودمعته بطارف العين.. يمه
متعوب اجاني يم الحسين.. يمه
ماتحمل الروح.. هاي الرزيه
مهضومه من يوم.. رحتي امن اديه
ييمه
.........................
راحت ايام المحنه. والزمن سد باب فرحه
وخله بيبان المدامع. امشرعه ويلجمي جرحه
من زغري وماشافت راحه هاي الروح
ياگلبي وشيصبر گلبي الكله جروح
بعدج ييمه
دمعي عله الخد خله نيشان.. يمه
وحيلي عليج هوايه تعبان.. يمه
من زغري ودموع.. عيني جريه
مهضومه من يوم.. رحتي امن اديه
ييمه
..........................
اكضي هاي الدنيه اني. بلمدامع والنياحه
الزهره انتي اكسرت ضلعج. اني متشوفني راحه
زينب اني وبيت احزاني ايصير اطفوف
اهل الكاع نعيش بغربه وكلهه تشوف
غربت ضعنه
امشي اسيره وبيدي الحبال.. يمه
وبرماح روس اخواني تنشال.. يمه
شيداوي الجروح.. بالغاضريه
مهضومه من يوم.. رحتي امن اديه
ييمه
......................
أنه التفكد كل اهلهه. وسرمدي حزني عليهم
بكربله يايمه اخوتي. اكبالي ويذبحون بيهم
لجمه بلجمه وتكضي ايامي بلوعة شام
وگلب ابنادم مايتحمل هيجي الام
واني العقيله
عندي كلام الدمعه وياج.. يمه
رحتي وصعب يالزهره انساج .. يمه
بوداعج اهواي.. شفت المنيه
مهضومه من يوم.. رحتي امن اديه
ييمه
محمد هادي العقابي
@HxzEU1
#قناه_نشر_القصائد_المنبريه
أنا لله زينب صاحت ويلي وطاحت يا حامي الجار
أنا لله شافت أمهــــا محد يمهـــــا ومشتعله النار
...............................................
يا جرح أمصابي من حركوا بابي زينب شافتني بعازة هوه
كامت بالكـــوه ركضت وأتجوه جفها وحضنتني وطحنه سوه
من شافت حمره العين وتجري العبرة
ركضت محتـارة الوين وتجري العبرة
يا ويلــــي يا بو حسين وتجري العبرة
زينب زينب أنشد عنها ماتت جنها من هول الصار
يا حامي الجار
.......................................................
من وين أبديلك حيدر وأحجيلك من سطرة خدي ودمعي جره
ناس بلا رحمة ما بيهم زلمة شافوني الوحدي وهجموا تره
عصرونـــي وخلف الباب فاطم طاحت
وهجموا من غيـــر أسباب فاطم طاحت
ضربوني وضلعي أنصاب فاطم طاحت
ألكاسر ضهري طاح المحسن ومن شفت يون
وبعيونه أسرار
يا حامي الجار
......................................................
آخر أنفاسي يا نبع أحساسي أوصيك أولادي
وكت الدفن
زينب لا تحضر طفله وما تكدر ولو سألت عني ويلي وتحن
كلها شما مر ألليــــــــل وليه أشتاكت
ومدمعها الحضني يسيل وليه أشتاكت
تغفــــى وتلكاني سهيل وليه أشتاكت
من كثر النوح ما جن عدله وما هي سهله طفله وتحتار
يا حامي الجار
.................................................
ماتت والحسرة بعيون الزهرة ماتت مضلومة
وشبعت قهر
حيدر شيعها بليل أو ودعها راحت مكسورة
وضهر أنكسر
غسلها بدمعه السال وشاف السطرة
حيدر جان بيا حــــال وشاف السطرة
سولف وياها شكــــال وشاف السطرة
ياهو اللي مات وشيع روحه بدمعه ونوحه مثل الكرار
يا حامي الجار
...................................
نزلها بأيده فاطم وبهيده خايف يلجمها وكض الضلع
من هال أترابه أو ودع أحبابه رد محني الداره
الون ينسمع
زينب مرعوبه وجان محد يمها
مخنوكة أمن الدخان ومحد يمها
لا والـــــي ولا خوان محد يمها
منتضرة أيعود حيدر ليها وأيواسيها منضرة أخبار
يا حامي الجار
........................................................
خادم خدمة الحسين
الشاعر
محمد الموالي
لازم انراجع نفسنه بكل عزاء
الزهرة تحضر بي بريحة كربلاء
كون نستقبلها ب اونين او بكاء
يمّه افتحي الباب بيدج أمني يالزهرة الحنينه
ماكو بي بسمار طالع احنه سوينا بدينه
هذا باب الحُسينية او موش بابچ بالمدينه
يمــــة طبــي الگـــاعدين
ناس تبچي على الحسين
كلهم يسموج يمه
يمه ترسينه برضاچ
انطينه حيل انشد عزاچ
ياضوه ودنيانه ضلمه
000000000000000000
يا عزيزة حيدر ام گلب الحـنين
يامنه كلنه وموش بس ام الحسين
داخلين اعليج واعلى ام البنين
انتي يا تسهيل امرنه ولجل عينج كلشي صاير
من يمر طاريج بينه اگلوبنه اتحرك الضماير
اصحابنه خدام لابنج فقرة بس نعرف نعاشر
يمه يأم الفاگدين
احنه بأسمج نستعين
من تمر اعلينه شده
كلشي الج والباري گال
لفاطمة ايصير المُحال
هيه بس زهراء وحده
00000000000000000000
يا سوالف شوگ تنحط ع الجروح
انتي يا ريحة العنبر من يفوح
بيدج تمسحين دمعاته الينوح
بمشتهاتج خذو گاعج مو غصب يم العفاف
خاطر اتبينين النه المو شريف من الاشراف
المو شريف اشما تقدرة ايگوم يصعد ع الچتاف
مو شريف الحرگ بيت
الگال يا فاطم اجيت
ع المره يطلع المراجل
هوه لو اهلج أجوچ
ما موصيهم ابوچ
منين اكو زلمه ويقاتل
0000000000000000000000
يأم كسر ما يمجبر وسط الضلوع
اليل يخلص كله ب اونين او دموع
بيد وحده تدعي باريها او تلوع
عمت عيني شصار بيج من اندفع باب الجذوع
ثگيل والمسمار حار وطب كسر بيج الضلوع
اه و ابيا اه تكضي ويا ونين او ويا دموع
لحدما يطلع يصيح
جدي عطشانٌ ذبيج
اني يهل العالم اني
بجف عزيز وما يهاب
وطلب الطاغوت باب
ودم طفل بجفوف جاني
00000000000000
علي ميران
طاحت فاطمه وحـــــــــــل الهظم بيهه
ياباب اشثگل خشــــــــــــــباتك اعليهه
كلما تندفع بســـــــــــــــــــــمار يحنيهه
تعبت من كــــــــــــثر ماتشگف ايديهه
ياوزن الباب هـــد حيل ام الحسين
شامت واليهد كلهم جــــــــــــزو حدهه
وام حســــــــــــين خلف الباب وحدهه
ياخذ بيـــــــــــــــهه ذاك الباب ويردهه
نحلانه وطرگ حيـــــــــــطان تسندهه
والمحسن طاح ويه كســرة ضلعهه
ياهظمة علي وياصـــــــــــبره ساعتهه
من شاف الزچـــــــــــــيه فضه شالتهه
هدت حيله هاي الليـــــــــــله طيحتهه
اول مره تنـــــــــــــــــــزل يمه دمعتهه
حيدر عالصـــــــــــار ماغمض عيونه
نار اموجره وماتطـــــــــــــــفي بحچايه
والدم واحد ومايختــــــــــــــــــلف رايه
باچـــــــــــر كل صحابي امشارك ابهايه
يصلبهم صلب لو گـــــــــــــام ابو الرايه
يم راعي الثار مكشـــــوفه الجريمه
توه اتوادعت وي النــــــــــــبي الزهره
وارذال الخلق كلمـــــــــــــن طلع شره
هتكو كل عفاف الدنيــــــــــا بالعصره
حيف اتجاسرو بس ياهي من جسره
هجمو عالبــــيت والزهره ابحزنهه
خادم القصيده
شاكر الصيمري
#نعـي
هد حیلك ضلع واحد يحيدر
تعال واشوف بحسين اشتكسر
من طاح وهوه وفوگ الارض خر
وعليه دارت تدوسه الخيل بالحر
وتصيح ام الحزن الله أكبر
تعنت للمعاره ابگلب منطر
لن اجروح جسمه ألف واكثر
#اللهـم_عجـل_لوليـك_الفـرج
#أبوذيـات
بعد دفن الزهراء عليها السلام .
يجلس الحسين متحيرا في حال اخته الصغيره زينب
فيكلم الزهراء قائلا :
يماي اعيوني آه اعليچ ... يمه آه
اشلعت گلبي العقيله اتصيح ... يمآه
تمد افراشچ او تنتحب .... يمآه
تگطع گلبي يمه اشلون بيه .....
__
وكذلك بلسان حال سيدي ومولاي الامام الحسين عليه السلام
تون والنوم للزهره ... ولا طاب
ضلعها ما بره كسره ... ولا طاب
يريت الگبر طبيته .... ولا طاب
دار البيها تبچي أمي الزچيه ....
___
ألوم او ما نفع بل باب .... لوماي
او مدري اتسيل عيني دموم .. لو ماي
زينب خويه گلبي اشتاک ....... لماي
اريد اغفه ابحضنها اشلون بيه ...
___
ساعه أفرش عباتچ .... ساعه المها
ولا يهجع ابروحي ........ ساعه المها
يريت اعيوني تنظر ...... ساعه لمها
وتشوف اخلافها الصاير عليه ....
___
ابو فاطمة الطائي
#اللهم_عجل_لوليك_الفرج