2256
خادمكم ملا علي الشاوي للتواصل ali_20115
فوكَـ الجسر نعش الغريب
يمه حضر جَده السليب
وأمه الزجيه فاطمه
::::::###::::::؛؛؛؛؛؛؛؛؛؛؛؛؛::###:::::::::::::
١؛؛؛؛؛؛؛::::
الأرض الكاضميه اليوم .. تعنه حسين ابو اليمه
يشيع جثته المسموم .. هو وفاطمه أمه
شافه اعله الجسر مطروح ... وحده ولا أهل يمه
بحديد ايدينه متكَـيدات ... ونازف عالنعش دمه
ويلاه ... من شاهده حسين
ويلاه ... اعليه غوركَـ العين
وما بطل اعليهه النحيب
##################
٢؛؛؛؛؛؛::
راد ايشيل نعشه حسين .. وي ناس اليشيعونه
بس اتذكر المذبوح .. الحافر ساحكَـ امتونه
توجه اعله ام حسن ويلاه .. وسالت دمعت اعيونه
صاح اوليدي يا مسموم .. كَِـلي ابحالك اشلونه
جيتك ... من كربله بنوح
جيتك ... كَـوه اويه الاجروح
يَمه اجه ابشيبه الخضيب
##############
٣؛؛؛؛؛؛؛::::
سار اويه النعش بدموع .. كَـوه ايلاكَـف انفاسه
محني ظهره مثل اهلال .. كاسره ظهره عباسه
مره يكَـوم مره ايطيح ... الشالو عالرمح راسه
حزنه اعله الغريب المات ... اكبر كل حزن ناسه
حزنه .... ما ينوصف جان
حزنه .... للفاركَـ اخوان
لحزانه ما يوصل حبيب
################
٤؛؛؛؛:::::::::
تلاكَـه اعله الجسر الحسين .. ويه ابنه الرضا بدمعه
ضماه عالصدر بالنوح .. هوه وفاطمه البضعه
عظم أجرك اوليدي .. كَـله وناحت السبعه
صوره اعليهه ينعه الكون .. مو بس العرش ينعه
يمهه ... تتجاره الادموع
يمهه ... معلوكَـه الاشموع
منظرهه يا سامع رهيب
##################
٥؛؛؛؛؛؛:::::::::::
وصلو للمجان البي ... هسه قائمه الحضره
حفروله كَـبر وهنا .... بدت قصة الم كبرى
ياهو اينزل المسموم .... بيده الطاهره الكَـبره
هم حسين راد يكَـوم .. لجنهه اظلوعه متكسره
الضلعه ... مسحوكَـ بالخيل
الضلعه ... مكسور شيشيل
محتاج هوه الجم طبيب
؛؛؛؛؛؛؛؛؛؛؛؛؛؛؛؛؛؛؛؛؛؛،،،،،،،،،،،،،،،؛؛؛؛؛؛؛؛؛؛؛؛؛؛؛؛؛؛؛؛
#########################
✍️🏻 كلمات موسى الخادم
@HxzEU1
#قناه_نشر_القصائد_المنبريه
شحال گلبك يالرضا اليوم والله يعينه
جنازه ابــوك وعالجسر وحـده مخلينه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
اليوم كسران الضهر بيـــــن اعليك وبده
والسده بطف كربله اليوم عالكاضم سده
حسين ضــل الوحده وانته ابوك الوحده
ومثل زينب يالرضا الكاضــــــم مگيدينه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
اليــوم عنــــــك يالرضا عزاز گلبك رايحه
اليوم حزنك وحـــــــدك لاعزه ولافاتحـــه
خيمه ابوك وللأسف الخيمه امست طايحه
ابو عيون الكلها ود اليـــــــوم غمض عينه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
من عمت عين الوكت شكثر وياكم جسه
بده مـــن كسر الضلع الهذا يومك مانسه
عليكم اليـــــــــل اليمر مكدر يمر هندسه
الفرح مامركم ابــــــــــــد والفرح ناسينه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
حيل ماضل بالرضا اخــــذ حيله الكاضم
محني مـن كثر الحزن يمشي بين الوادم
وين هاشم خــل تجي مات رهاب هاشم
ماكو اهــــــل فزعو اله الغربه المشيعينه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
نزال استعراض
مصطفئ الصالحي
@HxzEU1
#قناه_نشر_القصائد_المنبريه
ياملك مجتوف وتگوده الخدم
من ألألم موسى ابن جعفر للألم
واويلي واويلي
........١.......
والله يتجتف حرام والگيود ابرگبته (.واويلي واويلي )
يمشي ويطيح ويگوم هاي ابد موعادته (.واويلي واويلي)
شما يحز گيده بديه بچه الزينب عمته .(واويلي واوويلي)
وعلجسر باجر تحير بلايه اهلها اجنازته .( واويلي واويلي )
بلحبس سموه ومنهم ماسلم
ياملك مجتوف وتگدوده الخدم
ياويلي.. ياويلي
........2........
يميل من ثكل الحديد ولو تحرك ينلجم .(.واويلي واوويلي)
الحديد هواي صار اقوه من حيل الجسم .(واويلي واويلي)
يرسم اموته النجاة والفرج ماينرسم (واويلي واويلي )
الشيعه تنتظره وتنوح شوفته صارت حلم .(واويلي واويلي )
على الكاظم طاح والحيل انهدم
ياملك مجتوف وتگوده الخدم
.........3........
عمره بلطاموره راح بسم ابن شائك كضه( واويلي واويلي)
بلا عشيره وظل غريب هذه امام الرافضه (واويلي واويلي)
عمره خلص باسجون بالصبر والموعضه (واويلي واويلي )
علجسر نعشه غريب وسفه ابن المرتضى (واويلي واويلي )
لون التاريخ صبره ابلاقلم
ياملك مجتوف وتگوده الخدم
واويلي واويلي
....... 4......
مايطخ للذله راس كاظم الغيض انعرف (واويلي واويلي)
بلعزيمه وبلثبات مثل عباس انعرف (واويلي واويلي )
الظالم شما سوه بيه مايهز منه طرف (واويلي واويلي )
الجبل يم صبره ذاب والصبر بيه انوصف (واويلي واويلي )
مايساوم موسى علمذهب قسم
ياملك مجتوف وتگوده الخدم
واويلي واويلي
.........5.......
خجل الظلمه بضواه وبجه سجان السجن (واويلي واويلي )
شمس باطاموره صار عحب اليل اليجن (واويلي واويلي )
للرضا اوجه الجواد دمعه كل مغرب يحن (واويلي واوويلي)
مات ابن جعفر شجاع خورس بصبره اللسن (واويلي واويلي )
هز عرش هارون وبجفه انهدم
ياملك مجتوف وتگوده الخدم
واويلي واويلي
.......
بشار السامي
#الطاموره…
#موشح من التراث الحسيني (النجفي)
شهادة الأمام موسى بن جعفر عليه السلام
.
.
موسى روحه من السجون معلعله
ليا سـبب هـارون سـجنه يبـدله
ليـش للطـامـوره قــرر يـنقـله
شـنهي بيها وشـوصف سجـانها
ـــــــــــــــــ ❁ ❁ ❁ ـــــــــــــ
هاي طاموره انطمر بيها الظلام
واليطـبها عينه ما تغفى وتنام
بيها ابن شاهك وغلمانه اللئام
صبغو بسـفك الدمه حيطانها
ـــــــــــــــــ ❁ ❁ ❁ ـــــــــــــ
معطيات الحاله ترسملك مسار
عن سجين وليله ما شايف نهار
وآمر الطـاموره أصدر هالقرار
تعتـلي بسب فاطـمه غلـمانها
ـــــــــــــــــ ❁ ❁ ❁ ـــــــــــــ
عطش بيها شگد يويلي ابو الرضا
چـان قدر المـاي سنـدي اليفرضه
هالقـدر مايكفي حتـى المضمضه
للعـبادة تيـمـم بتــربـانـها
ـــــــــــــــــ ❁ ❁ ❁ ـــــــــــــ
الماي كلش حار بالصيف الرهيب
ولابـد يجـرعه أمامك الحـبيـب
لو رشـف يحتـرگ چبده بالهيب
وتـدوي چانت مهـجته بنيرانها
ـــــــــــــــــ ❁ ❁ ❁ ـــــــــــــ
جان بالطاموره اله مجلس عزاء
يمضي بالسجده الطويلة الكربلاء
على التربه الطاهره يحلى البكاء
وعالطفـوف وعالجـره بميدانها
ـــــــــــــــــ ❁ ❁ ❁ ـــــــــــــ
شاهـدو كـسـر الارادة مايفيد
ثگلّو چفـينه وجدامه بحديد
جابو السم گالو اشـرب يالعنيد
لو تـودع شـيعـتك رضعانها
ـــــــــــــــــ ❁ ❁ ❁ ـــــــــــــ
اشرب السـم الـزعاف وأجرعه
لا نـدخـل شيـعتك بالمعـمعه
وتنـظر الأشـلاء منها مگـطعه
وتعتـليها. النايبه. واحــزانها
ـــــــــــــــــ ❁ ❁ ❁ ـــــــــــــ
شرب ياويلي وجـرع سم الطغاة
حتى يرمي الشيعته طوق النجاة
ابـو طلـبه يفـتدينـه. بالحياة
رجح چف التضـحيه بميـزانها
ـــــــــــــــــ ❁ ❁ ❁ ـــــــــــــ
ضاگ بنفاسه الهوه وضاگ الفضا
گضه وبسمهم ضلوعه مرضرضه
بالطـشت ياويلي چـبده يلفضه
تـزلزلت لجله السـمه بأركانها
ـــــــــــــــــ ❁ ❁ ❁ ـــــــــــــ
شاع بين الناس والصوت اعتلى
عن جـنازه امگيديها ابسنـسله
موسـى والغلمان نعـشه تحمله
وعنه غـابت شيـعته واعـيانها
ـــــــــــــــــ ❁ ❁ ❁ ـــــــــــــ
فزعت انصاره واجت من كل كتر
ونحنـى لجـنازته ظـهر الـجـسر
جمهـره ابغـداد چـن يـوم الحشر
ســرفنت زلم المــنايا اردانـها
ـــــــــــــــــ ❁ ❁ ❁ ـــــــــــــ
تسرفنت زلم الوغى ليـوم المصاب
شـيعو بـدر الذي بزنزانه غاب
لچن ظل حسين دامي اعله التراب
والفتن نفثت عليه دخانها
ـــــــــــــــــ ❁ ❁ ❁ ـــــــــــــ
3 ليالي ابـن الـزچيه بالجراح
دامي ظـل بمهـجته تذر الرياح
حسين محد شيعه بذاك الصباح
تضـحـياته بكربـله نيـشـانها
ـــــــــــــــــ ❁ ❁ ❁ ـــــــــــــ
حسن الموالي الفاطمي
استشهاد الامام الكاظم ع
اخذي للكاظم يروحي وياچ دمعه
ملتقانه اويه الجنازه بيوم جمعه
وبسواد الكاظميه استقبلي هاي الرزيه
يروحي
1
بالفرج ادري المصيبه وانا محزون انتظر
روحي ويه الريح هبّت والحداد اعله الجسر
اخر انفاسي خذتها وكْسرت جنح الصبر
دمعتي لبست حزنها وظلم بعيني الظهر
دمعتي وروحي وجنازه امن التقينه
بلون الاحزان الشمس مالت علينه
أعلِنَت يوم المنيه استقبلي هاي الرزيه
يروحي
2
مالت الدنيه وتبدت روحي فوگ اجنازته
وقره تابوته وكأني شفته كاتب قصته
يحچي عن طاموره ظلمه بيها خلص غربته
والسجن ذاك وعذابه كاتبه من دمعته
انا اقره شكاتب بهاي المصيبه
ونزّت امن اجنازته دمعه غريبه
وعالجسر طحنه سويه استقبلي هاي الرزيه
يروحي
3
اتسآئلي ياروحي عنه وعتلي بصوت النحيب
امچفنينه بالسلاسل هل امر اصبح غريب
كلشي بحساسي تألم من كشف عنه الطبيب
ما تكلم بس دمعته اتصيح مسموم الغريب
بالقيود امچتفينه وهذا حاله
وذاك سجانه اللي سمه هوه شاله
انعكست آلامه عليه استقبلي هاي الرزيه
يروحي
4
ونّه من ابعيد اسمع چني سامع هالشجن
عاينت محنيه لنها واعرفتها ام الحسن
تگوم مره ومره تعثر امن الضلع مدري المحن
اتصيح يالكاظم اجيتك شعنده وياك الزمن
عالجنازه الزهره لمن هل دمعها
آه ييمه صاحت ولزمت ضلعها
حظرة الزهره الزچيه استقبلي هاي الرزيه
يروحي
5
من دموع الزهره لنها جفّت عيون السمه
عالامام انحنت كلها اتقبّله وتكلمه
اتگله رغم الضلع يبني اتشيعك امك فاطمه
عفت گبري وعفت ابني وعتنيت الموزمه
الّم احوالي ييمه هذا وضعك
هم غريب وتالي ما واحد يشيعك
يمه اوسدنك بديه استقبلي هاي الرزيه
يروحي
****
الشاعر اياد الديراوي
@HxzEU1
#قناه_نشر_القصائد_المنبريه
ضهورهم موش العمايم مايله
غير هاي الليله زينب شايله
ــــــــــــــــــــــــــــــــــــــ
ادلالهم مچفيه من البارحه
موش هينه ام عون منهم رايحه
نسمع ابكل بيت هاشم نايحه
دموعهم فوگ الشوارب سايله
غير هاي الليه زينب شايله
ــــــــــــــــــــــــــــــــــــــ
لبسو اسود والجفافي امشمره
والخواچي اعله المتون امكوره
والعگل لم عون كلها امكدره
وبالخواصر حيل اديهم عايله
غير هاي الليله زينب شايله
ــــــــــــــــــــــــــــــــــــــ
الناس تنشد والذهان مسودنه
ليش هاشم لحـاياهــا امطينه
هاي اختمن والزلام امصرفنه
وليش محد يحچي من اتسايله
غير هاي الليله زينب شايله
ــــــــــــــــــــــــــــــــــــــ
اليوم هاشم مالهم للحي خلگ
اليوم عدهم صار چن يوم الطبگ
بل أخير اخيولها الما تنسبگ
درو نعش ام اعون محد شايله
غير هاي الليله زينب شايله
ــــــــــــــــــــــــــــــــــــــ
اليوم زينب ضاله ابنص الغرب
وهاشم اعليهم صبح گطعه الدرب
ودو الطارش يبلغ بالحرب
وبعد كلمن بيهم ايرد عايله
غير هاي الليله زينب شايله
علي ميران
انت سبع النجف يا ضرغامها
شيع بنيتك وحيدة بشامها
ــــــــــــــــــ
يا علي الحاضر يحلال الشدد
شيع الظلت وحيدة بلا أحد
صوت ما عدها وتناديك المدد
صوتها المذبوح وي ازلامها
ــــــــــــــــــ
تغير الصوت وبقت بس الهمس
مثل ما غيّرَت عبايتها الشمس
طفت شمعة يومها وباجر وامس
وبقت نفس المحنة كل الامها
ــــــــــــــــــ
بقت نفس المحنة والهم بالدهر
والمدامع بالحزن صارت نهر
الحضة عدها من تمر مثل الشهر
والأيام البيها مثل أعوامها
ــــــــــــــــــ
هيه يا عام الجزاها بلا حزن
ويا زمان المر عليها وما تون
العام يبدي بجرح لو دمعة بجفن
هيجي يبدي وهيجي يخلص عامها
ــــــــــــــــــ
خَلُصت كل العمُر سم وذبح
وجرح للخمسين ما طاب الجرح
العمر ظلمة والشمس فوك الرمح
والمصايب من زغر گدامها
ــــــــــــــــــ
خفف مصايبها يا عقد الوله
وحلها يابو الحسن هاي المعضلة
الرادت تموت ودفنها بكربلا
يم رقية تموت كل احلامها
ــــــــــــــــــ
الشاعر زين العابدين الشمري
قناة الرجوع الى الله @h_ameer1
قصائد منبريه مكتوبه @h_ameer2
قصائد منبريه مكتوبه @h_ameer3
قصائد نسائية مكتوبه @h_ameer4
آه يا عقيلة بني هاشم
≈≈≈ ≈≈≈ ≈≈≈ ≈≈≈ ≈≈≈ ≈≈≈
آه اعلَه من هامَت بنص الهيمه
وسِمعت فَرس يصهِل بكِتر الخيمه
يصيح (الظليمه) (العطش) والله اهضيمه
شگربه النهر بس صار بُعد الغيمه
حسينچ تركته برمل نايم
آه يا عقيلة بني هاشم
≈≈≈ ≈≈≈ ≈≈≈ ≈≈≈ ≈≈≈ ≈≈≈
آه اعله من صاحت هَلي لِحگوني
حرگو خيامي اعليّه واتولّوني
وصاحت ينار اعله الفواطم هُوني
(يانار برداً وسلاماً كوني)
برداً على ايتام علي وفاطم
آه يا عقيلة بني هاشم
≈≈≈ ≈≈≈ ≈≈≈ ≈≈≈ ≈≈≈ ≈≈≈
آه عالتدوّر مِسَت وسط الحومه
حسين ولِگتّه منغسِل بدمومه
وگالتله اجيتك والطرق ملزومه
اگعد يخويه طولّيت النومه
البجسمه ما صح كِتِر سالم
آه يا عقيلة بني هاشم
≈≈≈ ≈≈≈ ≈≈≈ ≈≈≈ ≈≈≈ ≈≈≈
آه عالصُفت فوگ الهزل مچتوفه
ونِشدت نروح المَن وهِي مخطوفه
جِفلت لَمَن گالولهه للكوفه
اتصدّع گلبهه وانكسر من خوفه
بالكوفه تعرف شني الوادم
آه يا عقيلة بني هاشم
≈≈≈ ≈≈≈ ≈≈≈ ≈≈≈ ≈≈≈ ≈≈≈
من وگفت بمجلس ابن مرجانه
وكِل الشماته انجمعت بديوانه
لحاميهه صاحو زينبك بِحمانه
اهنانه اطّلع الآه كِلهه اهنانه
واشعر سبيهه بدمع ساجم
آه يا عقيلة بني هاشم
≈≈≈ ≈≈≈ ≈≈≈ ≈≈≈ ≈≈≈ ≈≈≈
تكبر الآه وتعتلي صرخاتي
صدري يضيگ وتِتسع عبراتي
ويطول نوحي وتگصر حچاياتي
من دِخلت اعله ابن الدعي مولاتي
دخلت اسيره بقصر ظالم
آه يا عقيلة بني هاشم
≈≈≈ ≈≈≈ ≈≈≈ ≈≈≈ ≈≈≈ ≈≈≈
الآه اعله زينب ما مشت عن بالي
من عاودت لاوطانهه بلا والي
من طبّت الدار ودمعهه يلالي
والدار من العايزتهم خالي
وحشه ومظلمه وحزن دايم
آه يا عقيلة بني هاشم
≈≈≈ ≈≈≈ ≈≈≈ ≈≈≈ ≈≈≈ ≈≈≈
ياسر حسن
رجب الأصب ¹⁴⁴⁶
@HxzEU1
#قناه_نشر_القصائد_المنبريه
#تراث
صاحت يوادي كربله عنك مشينا
بلايه غسل واكفان خلينا ولينا
غصبن عليه سافرت يامهجت حشاي😭
يحسين يالما ضاگ من گبل الذبح ماي
فارگت جسمك ع ثره والراس وياي
فوگ الرمح مشهور يبرده للضعينه
لو خيروني ياخليصي ابگيت وياك
اجلس على گبرك ينور العين وانعاك
لكني لو ضليت من يبره اليتاماك 😭
لو طوح الحادي وحده بهذا الضعينه
وصدت الى المسنات والعبره جريه
وصاحت يراعي المشرعه زينب سبيه
عگب الخدر للشام يردون هديه
يالي جبتني گوم ردني للمدينة
(287)
#اللهم_عجل_لوليك_الفرج
القلب شاجر على ابن امي وداوي
تضعضع ونـهــدم حيـلـي وداوي
لا مجــروح حته اگـعـد وداوي
ولا غايب واگـول اتعـود اليه
للمرحوم
عبد الامير الفتلاوي
(33)
#ابوذيات
لمصيبة سيدتي زينب عليها السلام
هلي ما خبر عن حالي ... وصلهم؟
جفوني ابكربلا او گطعو ... وصلهم
ريت الحيل الي يرجع ... واصلهم
واگلهم عل جره والصار بيه ....
صرت ما فرزن ايميني ... ويسراي
كِتلني الي جره بالطف ... ويُسراي
منو العباس يتعنه ........ ويسراي
او يگله الليله خل يلحگ عليه ...
التصد اچفوف ابو السجاد ... يومين
زين اتضل تشم الهوى ........ يومين
زينب ماتت امن السبي ...... يو. من
ضربها الشمر يم راعي الحميه ...
ارى عباس بطيوفي ... وارى ماي
نشدته . الدوه هم ينفع .. وراماي
يخويه اليمشي مو ينذب .. وراه ماي
الشام احجار شو ترمي عليه ....
الدنيه او لا جرح يدّي .... شِفت بي
متت والناس تتبسم ..... شفت بي
الشام الشام بس لوعه .... شفت بي
انا اجنازه او يسموني السبيه ....
ابو فاطمة الطائي
#اللهم_عجل_لوليك_الفرج
#نعي
_
عباس اريده يشيل اجنازتي عباس اريده
يدفني بيده يرد حـك الربه ويدفني بيده
••
عازتها عازه ترى جفوف الاخو عازتها عازه
شيل الجنازه يريد امتون ياشيل الجنازه
••
شيخ العشيرة ايحضرني الزوم ياشيخ العشيره
كلش جبيره يسوي الفاتحه كلش جبيره
••
محتاجه رايه اريدن كافلي ومحتاجه رايه
فوك العبايه يلفني برايته فوگ العبايه
••
مامش كرايب انه بديرة غرب مامش كرايب
وين الحبايب يسون فاتحه ويـن الحبايب
••
تنعه عليه اريــد مـعدله وتنعه عليه
ماتت خطيه تكول بلا اهل ماتت خطيه
••
لحگ يعباس ترى باخر نفس لحگ يعباس
عصابة الراس مالت ياكمر عصابة الراس
••
ياروح موتي شكثر شفتي حزن ياروح موتي
لو يم اخوتي ردت وصلة كبر لو يم اخوتي
••
نعي العجايز وينه الينعه الي نعي العجايز
فوگ الجنايز اذا حنن طبگ فوگ الجنايز
••
من يمته ماتت يهل تنشد عليّ من يمته ماتت
والناكه طاحت من اهد جر الشمر والناكه طاحت
الشيخ حيدر الحميداوي
#اللهم_عجل_لوليك_الفرج
ها قَد أَقَامَ العَـزِيّه .. بالأدمُـعِ الزَينَبـيّه
و مَجلسٌ في صحنِها شيَّده
مَهـديُنـا يَـبكي علىٰ السَيِّده ... زينب زينب
____
بعينه ملائكة الدَمِع ... وَن السبي بي ينسمع
لـ الشام رايح يبچي عالمسبـيّه
وصلت جروحه لمرحله ... مِن كلّه ينزِف كربله
شبيك اليسئله : گال زينب بيّـه
جَـرح واحــد لـ زينب ؟ گـــوّه و يحمله ؟
خَذَت نُص عُمره : طاحَت مِنْ عله التلّه
يَقولُ إنَّ المُصيبه ؟ ... ماتَتْ و لَكِنْ غريبه
مِنْ كربلا والشامِ مُستَشهِده
مَهـديُنـا يَـبكي علىٰ السَـيِّده ... زينب
____
تعبان من كثر البچي .. مدري عليمَن ينتچي
الفاگد ابطبعه ينتچي اعله جروحه
والمهدي شايل چم جرح .. بسمار واسياط و رمح
يــا ناس و الله الشـيب تارس روحه
مدري بيا جـرح لو بالدمع يبـدي
الشام الشام غيّر كلشي بالمهـدي
مِنْ نارِها كَمْ تألَّم ... كأنَّ فيهِ المُخَـيّم
و "الناحِيّه" تبـقىٰ لهُ شاهِدَه
مَـهـدِيُنـا يَبكي علىٰ السَـيِّدَه ... زينب
____
مِيل الوقت واگف لأن ... طوّل الوگفه ابن الحسن ؟
لـ الوگـفَت امچتـفه اباب الساعات
تعبانه عمته هنا صُفَت ... طفله بچتف طفله غُـفَت
فــوگ التــراب اينامن العــلويـات
وصل للموت يمكن حزنه ما ينـعَدْ
فقط سَطَرت رقيّه مات بيها شگَدْ
في الشامِ ثُلْثُ الرَزيّه ... رأيتُــهُ في رُقـيّـه
مُـصـابها تَـهـوي لهُ الأفئِـده
مَهـديُنـا يَبكي علىٰ السَيِّده ... زينب
____
بالصحن طاحت دمعـته ... وطاحت وياها اعمامته
ولَطمَت اضلوعه تگول سَحگت حافر
سوّه اعله زينب مأتــمـه ... و متاني جيّــت فاطمه
بس ليش احس المهدي واگُف حــاير
يمكن گال أول مرّه هيچ احساس
ما تِتــلَگه زيــنـب جـيّــت العباس
يَنوحُ خِدرَ الكواكِب ... جاءَ كفيلُ المواكِب
و مِـثْلَ رُوحِ عَـمّـهِ الفاقِـده
مَهـديُنـا يَبكي علىٰ السَيِّده ... زينب
___
بي ندري يبچي بالصحن ... يلا نصيح ابن الحسن
يا يوم نگعد يم گــبرها و ننـحَب
بيوم المصـيبه اليبتدي ... زورلنــه عمتــك سيدي
و هواي سلمنه اعله عـمتك زينب
الغريب ؟ الي يفـارگ بابهـم گلبه
و الـ ما زارهُم ينـحسِب عالغُـربه
نأتي بتلكَ الحراره ... تَكونُ أحلىٰ زِياره
مَـتـىٰ نَــراهُ مَـرةً واحِــــدَه
مَهـديُنـا يَبكي علىٰ السَيِّده ... زينب
الشاعر حاتم صبري الكاظمي
قناة الرجوع الى الله @h_ameer1
قصائد منبريه مكتوبه @h_ameer2
قصائد منبريه مكتوبه @h_ameer3
قصائد نسائية مكتوبه @h_ameer4
سواهه الزمان وفارگانه
هلي بعيدين كل واحد مكانه
هلي هلي آه يا هلي
-----------------------------------
لم روحه الضوى وفارگني الغروب
بدت وحشة ضريحي انسدت البوب
ماكو اصوات شيعه تصيح يم عون
جبنه من الكفيل ويانه مكتوب
بده الليل ،، بدت قصة سبي وهاي النهيبه
بده الليل ،، رجع صوت الشمر زينب غريبه
چا وين الكفل وينه لوانه
هلي بعيدين كل واحد مكانه
هلي هلي آه يا هلي
-----------------------------------
انه بيا حال ما حضروني الاحباب
بگلبي وخيمتي وبچفوفي عطاب
هذا الطف اشوفه انعاد يحسين
واشوف بنارهم هم حرگو الباب
الف آه ،، تمر خنگه بضريحي وماكو زوار
الف آه ،، چن وكت السبي وللكافل اندار
يخي عباس فگدك موتانه
هلي بعيدين كل واحد مكانه
هلي هلي آه يا هلي
----------------------------------------
يحال الفاگده الما يمها خوان
تاذيني الليالي وجفني سهران
انه بكل آه بيه امخضر الشام
باب الزهره صار هواي بيبان
يهل ناس ،، على التله القديمه بيوم عاشور
يهل الناس ،، اتاني وهلبت اليذكرني ويزور
شنهي الشيعي ذاكرنه ؟ نسانه ؟
هلي بعيدين كل واحد مكانه
هلي هلي آه يا هلي
-----------------------------------------
وكت ماله صديج شسوى وياي
اخذ وين التريد تشوفه عيناي
اخذ امي وابوي وحسن وحسين
اخذ مني الكفيل اليسوى الهواي
يكفال ،، من طبينه قصر ايزيد والناس
يكفال ،، كل تصيح زينب مات عباس
وينك يا گمر محد لفانه
هلي بعيدين كل واحد مكانه
هلي هلي آه يا هلي
------------------------------------
خلصت ياهلي بچندوب وشلون ؟
گضت بس شو خذت وياهه العيون
حيره الماله وادم توگف وياه
اذا صدره اختنگ واحبابه يمشون
مثل موت ،، يظل حال الغريب بكل مسيه
مثل موت ،، اذيه تسلمه يا ناس لأذيه
عمانه الضيم يا وادم عمانه
هلي بعيدين كل واحد مكانه
هلي هلي آه يا هلي
كلمات الخادم / رعد الفريجي
13/ رجب /1446
ثوابها الى روح والدتي
قناة الرجوع الى الله @h_ameer1
قصائد منبريه مكتوبه @h_ameer2
قصائد منبريه مكتوبه @h_ameer3
قصائد نسائية مكتوبه @h_ameer4
بـفـراش المـنية وموتـي يحسين
كرب وانت ماكو ياضَوه العين
بعد اعيونكم عيني علة الباب
بلكي الأهل منهم جية احباب
بفراش المنية وموتي يحسين
____
غير اليحتضر معروفه يا ناس
يمه اعزازة وتغمض اعيونة
بس انا البقت وحدها بالموت
بفراش المنية الروح محزونة
حتى بموته راحة وكلبه يرتاح
اليموت ويمه كل اليحبونة
حتى اموته يرتاح.. اليسمع صوت الصياح
من وادم يعزونه
موته يصير بالخير.. الوادم بيه متحير
اخوانه اليدفنونه
تهيل ادموعهم لو هالو اتراب
بلكي الأهل منهم جية احباب
... _
غربة ابعيني كلها الدنية يحسين
بجفاك الضوه بعيوني ليل
تعبت روحي من اجفاكم هواي
من اجفاك بيه مابقه الحيل
ضل أبالي منظر من الطفوف
اكبالي وفوك صدرك صعدت الخيل
اذكر منظرك ذاك.. اكبال اعيوني جراك
بجفوفه النذل
من اذكرهن يموت.. كلبي ويكطع الصوت
وابالي الهزل
وديت الدمع وي الهوه الهاب
بلكي الأهل منهم جية احباب
..__
موش اولام هجرك بيه يحسين
شويه الحيل بيه وفكدك اهواي
لا حضرو ولد لا يمي اخوان
جان ابالي كلها بموتي وياي
ََمرات العطش للملكه حيل يصير
واليعطش اخو شيفيد اله الماي
عطشتك يانبع روحي.. يموتك زيد جروحي
يغالينه
ذكرك عايش ابكلبي.. منك هذا كل تعبي
يوالينه
الجنازة البيها يعله اصياح تنهاب
بلكي الأهل منهم جية احباب
... ___
عمري الليلة يكضي ونعشي ينشال
وتبقه بالكلب نار الجفوني
موش الموت يهضم كلبي ويزيد
هضمة اعزاز كلبي الفاركَوني
عدلة ومرني محد من العزاز
تالي بموتي هسه يودعوني
سديت العتب دوم.. و باتن بيه الهموم
سكته موتوني
ترست ثوبي الدموع.. كلبي الصفه مشلوع
عكب الضيعوني
بحجاية الكلب ضل عكبه ينصاب
بلكي الأهل منهم جية احباب
كانت امنيتها يحضرون عند موتها..
الأقل..
حيدر عبد الرضا
نعي للامام الكاظم عليه السلام
****
فوگ الجسر مطروح نعشه
وبغداد كلها اليوم وحشه
اشلون العزيز يموت غبشه
خل ناخذ افراشه ونفرشه
ناده المنادي وبجه العيون
راح ابن جعفر لا تتانون
خلص حياته بسجن هارون
ونعش الغريب ايريدله امتون
ون الجسر وشتد نحيبه
وامصيبة الكاظم مصيبه
وجنازته ضلت غريبه
وبعلته تحير طبيبه
محروم من الشمس محروم
اشلون الغريب يموت مسموم
طحنه وبعد ما نكدر نگوم
ومهموم يتوجه اعله مهموم
كلش خسارتنه جبيره
ومن شال شيله عشيره
حيرتنه بعده اشلون حيره
راح البعد ما نلگه غيره
للمكبره خل نمشي وياه
مو عالمتن عالروس شلناه
اتراب الكبر ياحيف غطاه
الشايل عزيزه وين نلگاه
**
الشاعر
تحسين الخفاجي
@HxzEU1
#قناه_نشر_القصائد_المنبريه
#لمولاي_الكاظم_ع
انه بسجن عّمتي بخرابه
وثنينه نبچي المصــــــابه
السحگت ع اضلوعه الخيل
دم المصابه اعيونــــه تسيل
((ہہ᯽★★★᯽★★★᯽ہہ))
تهون كلها وتبقه كسرتنه الچبيره
حسين مو تابوت شالو بالحصيره
ياهو مثله انذبحت اگباله عشيره
وياهو اخته ع الهزل راحت اسيره
انــــــه صح يوميه نــازح
الفرق حيل اهواي واضح
فوگي ماكو خـيول عشره
حسين بالدم جسمه سابح
صــــدري ما مرفوس انه
وجسمي ما ضل ابمچانه
نعشي ماضـل انـــــــــــه لليل
دم المصابه عيونــــــــه تسيل
((ہہ᯽★★★᯽★★★᯽ہہ))
صح سبوني والسلاسل فوگ اديه
بس متت و اخيول ما داست عليه
ومن متت فزعت الوادم انــــه اليه
حسين عــريان الضهر فوگ الوطيه
امسلــب بشــمس الضهــاري
بالرمل ضــــل جسمه عــاري
محد مـــــــن الـگــاع شـــالا
شربت ارســــومــه الصحاري
من كل كتر مرفوس الحسين
ويــــــن اليدور خنصره وين
ضــل الــرمــل فـــــــوگــه يهيل
دم المصابــــــه اعـيـونـــه تسيل
((ہہ᯽★★★᯽★★★᯽ہہ))
بسلاســل گيدونـــــي وعمتي بحبال
انه وحدي وعمتي وياها اشگد اطفال
انــــه زلمه وضعن جدي ابلايه كــفـال
الصار بالطف ياخلگ مــو سهله ينگال
ذبـــــــــح وحــبـال وهــــــزيلـه
اليطيح من الضعن محد يشيله
شلون حيره هــــــاي يــــانـاس
المصايب من اجت وين الثگيله
الراد ماي بصوط يروه
كلها تسكت صـار گــوه
بعمر الــورد شــافـو ويــل
دم المصابــه اعيونه تسيل
((ہہ᯽★★★᯽★★★᯽ہہ))
السجن مسگوف بس اخ الخرابه
ياوكت زينب تنـــام اعله التــرابه
تنعه ضلت اه يحسيـن ومصـــابه
بـالـرمـل عـريـان مسلوبــــه ثيابه
فــوگ رمـــل الغـــاضـريـه
داسته اخيول اعــــوجيـه
محد الشـــــالـــــه بمكانــه
ثلث تيام ضل ويلي رميـه
جـدي انــــه الشلع گلبي
دربــي مـا انــدلـه دربي
والخيـل ابضــلوعـه اتشيل
دم المصابـه اعيونـه تسيل
((ہہ᯽★★★᯽★★★᯽ہہ))؛
طفله ماعندي بحبل جروها بالسوگ
اعيون كله السوگ طبن عبي ع النوگ
والعبايــه اطــرافها بالخيمه محروگ
الماشمر ماي اعله زينب شمر طابوگ
الــشــــام كله اعليها يندار
جـــــــــار صـار يفزع بجار
الماتلحگ تشگــف اطيـــح
الما يشتم شايـــــل احجار
النضر مــا ينشگف دوم
والتطيح اتـگـول ماكوم
الشـــــام كله بــــزينب يعيل
دم المصابـــــه اعيونه تسيل
((ہہ᯽★★★᯽★★★᯽ہہ))
للـخـادم
مـقتـدى سـالـم
يلكاظم آنه السجن ...... ابچي امن اسمعك تون
تكسر گلب حيطاني لمّن تحن
للأهل واعيونك خذاها الحزن
___
يالچافي بخدودك نهر ...... والظلمة شربت لونك
يابو المحنّة امن البچي ... طايح سواد اعيونك
ابكل حايط امخضر فطُر .. امن اتون تره ايسمعونك
سدّوا روازين الشمس ...... رادوا تره ايضيعونك
من جابوا السنسلة ..... للأيد المهيّلة
من الكرم صحتلها مية هلة
واتذكــرت عمّاتــك ابكربلة
_____
دمعاتك التنگط بخت ...... گيعاني غرگت بيها
حدرك اظن خضّر ورد ..... چي گاعد انتَ اعليها
حيطاني متروسة ضوه ... طولك ترة امحليها
يمبّخَر ابهيــل ومــسچ .... والسنسلة امبچيها
هنيالي بيك وعلي ....... حبيتك وانتَ لي
باچر اسولف وافتخر يم هلي
چي انتَ گاعد بية وابداخلي
_____
يالجايب ابعينك شمس .... تبچي ضوة من تدمع
من گصتك يجدح گمر ...... وانجــوم مــنّك تطّلع
يمسوي واهس للعرش ..... ايشبگك شبگ من تركع
ابچفيتك الخضرة بخت ... وانتَ ابترافة امنگّع
دمعاتك امعتبرة ..... ابحنيتك امبخرة
ابسجانك امشوّر يسيّد ترة
ظل ماينام الليل وامحيّرة
___
يلطابع اركبك طبع..... بقماش الامصلاية
يلتنده التربة الصبح ...من تغفة حدر الصاية
ابطول ابوفاضل سجدتك ... من چفة كض الراية
يمصلّي وياك الورد ...... غافي اعله ايدك هاية
يابو الضوة والگطن ...... يالمنحبس بالسجن
ليلــية لــوليداتك انتَ تحــن
ازغار وحچيهم بذنك ايظل يرن
_____
يا وسفة سمّوك ابعنب ..... وانتَ اعله ريجك صايم
تتلوه باقي للصبح ............. متعيني يلما نايم
ماانسة فضلك يلچنت ..... اميّزني عن الوادم
اتشرّب حياطيني ابنده .....وگتلك اريدك سالم
من فدوة اروحن الك ...وللسادة ولكل هَلك
حبيتك آنه اهوايه من گلت الك
خــافن اتعــبك گــتلي اتحــملـَـّك
___
علي هادي الخزعلي
@HxzEU1
#قناه_نشر_القصائد_المنبريه
يــالكاظـــم تلــمــع أنــــوّارك
يــالكاظـــم تلــمــع أنـــــوّارك
*
أنــــوارك يــالكــاظــم تـلمـــع
شمــس الله چنـها مــن تطلــع
مـثـل حسـين بيــوم المصــرع
ميــت بــس قائــــد أنصــــارك
*
ميــت بس تــرهب عـــدوانك
خايــف من عنـــدك سجــانك
الـــراهب فعــلاً ظل عنوانـك
تــــرهبهـم ظلـــت إســــرارك
*
إســـــرارك ظلــت مكنــونـــه
يـــا نــور الـــرادو يطفــونــه
مسجـــون أعــدائه أيهـابونه
ونــــور الله يشـــع بكتــــارك
*
ســجانــك هـــــارون الظــالـم
خايف مــن اسمـــك يالكاظـم
هيبــه التبــرالك مـــن هاشــم
هيبــة هاشــم تحچي إخبـارك
*
تحچي اخبارك مـا طخ هامـه
رافــض للجـــور وأيـــامــه
رغم السجن وذيــچ أعـوامـه
مــا غابــت شمـسك وأنـوارك
*
مــا غابـت شمــس الله الكبره
شمســك تزهــر يبن الــزهــره
وين الباغي أيشوف الحضره
ويشـــــاهــد لهــفــت زوارك
*
ينظــــر زوارك ويشـــوفــك
كعبـه وكلهـا بلهفه اتطـوفـك
نقسـم يــالكاظــم منعــوفـك
بگلب العاشگ صـــارت دارك
****
الشاعر
موسى البديري
ابجي يا جفن .. بلوعه وبحزن .. موسى بالسجن .. واويلاه .. واويلاه
...............
بخت الطاموره .. مضويهه بنوره .. سيد المعموره .. النور السابع
وحشه وبالغربه .. ساجد عالتربه .. ويناجي بربه .. ساجد راكع
يا رب بلطفك نجيني
يالدوم بفضلك غاطيني
خلصني بگربك خليني
شمطول الغربه تاذيني
الظلمه والضوه .. عنده بالسوه .. ضنكه بلا هوه .. واويلاه .. واويلاه
..................
بثورة احزانه .. وروحه واشجانه .. بغلظه سجانه .. اسنين يعاني
شما مرت فتره .. ولحظات بعمره .. يگضيهه بحسره .. ويبگه يتاني
يتانيهه الفتره الحاليه
تنفك قيود الحريه
وترد الجمعه الشيعيه
غايتنه وهاي المرجيه
ويرد الشمل .. والدمع اليهل .. يسكت ما يظل .. واويلاه .. واويلاه
........................
گلوب المحترگه .. حنت للملگه .. جوتهه الفرگه .. راح الوالي
ٳلمده اطويله. ..الشيعه بكل ليله .. الكاظم تدعيله .. تريد الغالي
باب الله وگضاي الحاجه
يا شمس الدنيا الوهاجه
يا يوم يعودنه بتاجه
فرحتنه ومنيتنه افراجه
لاكن بالعكس .. اشبه بالامس .. محبوسه الشمس .. واويلاه .. واويلاه
.......................
الحلم تهدم .. من الجبد تسمم .. والظالم اقدم .. صدر امره
النور الما خافي .. اشجم بشر الحافي .. من نبعه الصافي .. تروه بفكره
الي جنه انتاني وننتظره
بطاموره خلص كل عمره
نتٲمل يطلع كل الفتره
تاليهه مشيعينه الگبره
شيعنه العمر .. فوگ عله الجسر .. ابغداد الگبر .. واويلاه .. واويلاه
.......................
من غمض رمشه .. ٳلكاظم نعشه .. فزعينه الغبشه .. انادي وننحب
بس جده ونحره .. ظل عله الغبره .. والسهم بصدره .. وتصرخ زينب
نعشك شيعناه يا موسى
نتبرك بيه من انبوسه
احسين الخيل اعليه هوسه
تسحگ فوگاه وتدوسه
وظل ابلا نعش .. مات من العطش .. يا ليل اهدعش .. واويلاه .. واويلاه
..........................
الخادم / سيد عبدالله المگصوصي
أستهضمت من گالت الناس
چا وين أخوچ أم عون عباس؟
شو مافزع گالولي چناز
ميته وغديت مدنگه الراس
استشهاد السيّدة زينَب ( عليها السلام )
اليوم زينب خلّصت أيامها
لچن ما تخلص أبد آلامها
واوَيلتاه .. واحَسرتاه .. على زينب
____
اليوم اخوتها بعد فرگه تشوف
من صدگ أم عون مو بـ احلامها
تشوف يومية لحد يوم الوفاة
چتل الحسين وحريق اخيامها
ما نست لحظة ابد يوم الطفوف
چان ينعاد الحصل گدامها
حسين صاير كعبة وتطوفه السيوف
تطعن بجسمه صبح إحرامها
واوَيلتاه .. واحَسرتاه .. على زينب
____
صفت دار أم عون سكتة ابلا أنين
وبيها ظلّن للحسين أعلامها
ضلّت اعله الگاع تذكار الدموع
وبيده السجاد أصبح لامها
العاشت الوحدة والماتت بالسكوت
بدفن وبتشييع كون اكرامها
ليش هيچ اتجازي زينب ها يـ شام
وقيمة سوالك اتراب اجدامها
واوَيلتاه .. واحَسرتاه .. على زينب
____
عام مر ونص على طف كربلاء
ألف عام اعليها أصبح عامها
كلشي ما هماها زينب بالوفاة
بكثر ما أخوتها تحضر هامها
الموت أسهل صار من هاي الحياة
تلتقي بكل الأهل ما دامها
اي عزيزة زينب اعله اخوتها حيل
مشو حتى بموتها گدامها
واوَيلتاه .. واحَسرتاه .. على زينب
____
لمن اتوفت صبح بالشام عيد
وطلّع الشام الافراح الضامها
ناس ما دخلت ابد الاسلام يوم
وگبل خوفًا أعلنت إسلامها
ناس متنگبة خجل يم الرسول
شفنا شالت بالطفوف الثامها
بينوا لآل النبي الحقد الدفين
وظهر في أرض البلاء إجرامها
واوَيلتاه .. واحَسرتاه .. على زينب
____
الحرگه والفرگه فلا ترحم بعيد
ونار تچوي ضلّت بخدامها
الله لا يرحمهم الحرمونا ليش
والله لا يرحم أبد ظلّامها
ظنّوا بهذا الفعل صار انتصار
وچان غايتهم فقط إيلامها
بگلب كل خادم صبح مرقد يُزار
الخسر هوَ ويبقى عالي هامها
واوَيلتاه .. واحَسرتاه .. على زينب
____
حسين علي الدليمي
قناة الرجوع الى الله @h_ameer1
قصائد منبريه مكتوبه @h_ameer2
قصائد منبريه مكتوبه @h_ameer3
قصائد نسائية مكتوبه @h_ameer4
#تراث
سلامٌ على الحوراء ما بقي الدهرُ
وما أشرقت شمسٌ وما طلع البدرُ
سلام على القلب الكبير وصبره
بما قد جرت حزناً له الأدمعُ الحمرُ
جَحافـل جـاءت كـربلاء بأثرها
جَحافلُ لا يَقوى على عَـدّها حـَصـرُ
جرى ما جرى فـي كربلاء وعَينُها
ترى ما جرى ممـّا يذوب له الصخـرُ
لقد أبصَرت جسـم الحسين مُبضّعاً
فجاءت بصبرٍ دون مفهـومـه الصبرُ
رأتـه ونـادت يابـن أمّي ووالدي
لك القتـل مكتـوب ولي كُتبَ الأسـرُ
أخي إنّ فـي قلـبي أسىً لا أُطيقُه
وقد ضاق ذرعاً عن تحمّلـه الصـدرُ
أيدري حُسامٌ حَـزّ نـَحـرَك حَدّه به
حزّ من خير الورى المصطفى نحرُ
عليَّ عزيـزٌ أن أسيـرَ مع العدى
وتبقـى بـوادي الطفّ يَصهَرُك الحَرُّ
أخي إن سرى جسمي فقلبي بكربلا
مُقيـمٌ إلـى أن ينتهـي مِنـّي العُمـرُ
أخي كلّ رزءٍ غيـر رزئـك هَيّنٌ
وما بسـواه اشتـدّ واعصَوصَب الأمرُ
أ أُنعَـمُ فـي جسمٍ سليمٍ مِن الأذى
وجسمك منه تنهل البيض والسُمرُ
أخي بعـدك الأيـامُ عـادت ليالياً
عليَّ فلا صبح هنـاك ولا عصرُ
لقد حاربَت عيني الرُقـادَ فلـم تَنَم
ولي يا أخي إن لم تنم عيني العُذرُ
أخي أنت تـدري ما لأختك راحةٌ
وذلك من يـوم بـه راعَها الشِمرُ
فلا سلوةٌ تُرجـى لها بعد ما جرى
وحتى الزُلال العَـذب في فَمِها مُرّ
أيمنَعـُك القـوم الـفـرات ووُردَه
وذاك إلى الزهـراء مِن ربّها مَهرُ
أخي أنتَ عن جدّي وأمّي وعن أبي
وعن حسنٍ لي سلـوةٌ وبك اليُسرُ
متى شاهدَت عيناي وجهَك شاهَدت
وجوهَهُم الغَرّاء وانكشـف الـضُرّ
ومُذ غِبتَ عنّي غاب عنّي جميعهم
ففَقدـُك كسرٌ ليس يُرجى له جَـبرُ
الشاعر المرحوم
الشيخ محمد سعيد المنصوري
(306)
#اللهم_عجل_لوليك_الفرج
#تراث
لم أنس زينبَ بعد الخدرِ حاسرةً
تُبدي النياحةَ ألحانا فألحانا
مسجورةَ القلبِ إلا أنَّ أعينَها
كالمعصراتِ تَصُبُّ الدمعَ عُقيانها
تدعو أباها أميرَ المؤمنين ألا
يا والدي حكمتْ فينا رعايانا
وغاب عنا المحامي والكفيلُ فَمن
يحمي حمانا ومن يُؤوي يتامانا
إن عسعس الليلُ وارى بذلَ أوجهِنا
وإن تنفّس وجهُ الصبحِ أبدانا
ندعوا فلا أحدٌ يصبو لدعوتِنا
وإن شكونا فلا يُصغى لشكوانا
قم يا عليُّ فما هذا القعودُ وما
عهدي تغض على الأقذاءِ أجفانا
وتنثني تارةً تدعو مشائخَها
من شيبة الحمد أشياخاً وشبانا
قوموا غِضابا من الأجداث وانتدبوا
واستنقدوا من يد البلوى بقايانا
ويلَ الفراتِ أباد اللهُ غامرَه
وردَّ واردَه بالرغم لهفانا
لم يُطفِ حرَّ غليلِ السبطِ باردُه
حتى قضى في سبيل الله عطشانا
لم يُذبحِ الكبشُ حتى يُروَ من ظمأٍ
ويُذبحُ ابنُ رسولِ الله ظمئانا
الشاعر المرحوم
محمد علي كمونه الاسدي
(198)
#اللهم_عجل_لوليك_الفرج
#تراث #فصيح
هذه دارهم تُهيج شجوني
كيف حبسُ الدموع بين الجفونِ
جودي بالدمع فوق خدَّيَّ جودي
هذه دارُ صحبِنا يا عيوني
بعدوا والبعادُ أمر مريب
وبما لا أطيقه حمّلوني
واصلوني دهرا وما كنتُ أدري
بعدَ وصلٍ ورحمةٍ يهجروني
ودعوني وأودعوا السهمَ قلبي
ليتني ما بقيت مذ ودعوني
أيها اللائمون كفّوا ولكن
بمصابِ ابنِ فاطمٍ ذكِّروني
تلك ذكرى بها تهون الرزايا
وهي من أمهات ريبِ المنونِ
تَركت زينبا تنادي حسينا
يا ابن أمي ووالدي روعوني
غيرتني مصائبُ الطفِّ حتى
أن من يعرفوني لم يعرفوني
صرت أدعو بين العدى يا حُماتي
وهمُ راقدون ما سمعوني
ليتهم شاهدوا عَنايَ وذُلّي
وسياطَ القساةِ فوق متوني
كنت ما بينهم جليلةَ قدرٍ
لكنِ اليومَ في السبا تركوني
فإذا ما ندبت جَدّاً وعماً
وأباً في سياطهم ضربوني
محمد سعيد المنصوري
(204)
#اللهم_عجل_لوليك_الفرج
#أبوذية
اخوتي وطيف بحلامي مره الهم
مره الشمر يضربني مره الهم
هلي يدرون بالغربه مره الهم
دخلت نص دواوين ال اميه
علي جبار الكعبي
الفاتحه لوالدي
#اللهم_عجل_لوليك_الفرج
نعي وكأني بسيدي ومولاي الامام الحسين مع امه السيدة الزهراء ع
منكسرين على عزيزتهم زينب ع
……….
غطي النعش يمه بعباتج
الميته وحـدة مــن بناتج
ذيج الگبل شمعة بحياتج
العاشت جرح يم ذكرياتج
………..
الليلة آخر ليلة وتروح
ماتت لجن بس عدله الجروح
وخل گلبي ينعى وگلبج ينوح
خايف نعشها يبات مطروح
……….
مهظومة تتنطر لهله
وخليني يمها دموعي اهلهه
وبهداي زينب انه أگلهه
هاي امي اجت هم محني ظلهه
…………
يحسين گلبي الليلة محتام
يسكن ييمه يريد بالشاااام
ومن البواجي العين متنام
ياموت زينب موت الأحلام
…….
خلينه نمشي أنون سوية
ونتوادع وياها المسية
زينــب يأم زينب خطية
وحدها وهواي المنية
………
الليلة آخر هاي الأنفاس
ومن نمشي ناخذ حتى عباس
مهظومة ويلي وتبجي الإحساس
تموت راح الترفع الراس
……….
الشاعر محمد البنداوي
السلام على زينب
هاي زينب ياعلي مسلبينها
وعله طك المتن ياهو يعينها
ــــــــــــــــــــــــــــــــــــــ
ياهو يفزع والأهل كلها گضت
والكفيل عيونه بالدم غمضت
خيل تسحگ صدر ابو اليمه رضت
والأعادي بكربله مجتفينها
ــــــــــــــــــــــــــــــــــــــ
جتفوها وخذو بت حيدر زجر
عگب كافلها مشت فوگ الجمر
من البواجي عيونها اندارت حمر
دكوم تنطگ كاعدها مشتمينها
ــــــــــــــــــــــــــــــــــــــ
شتموها الضلت بلايه ولي
وين ذاك البسمه كل هم ينجلي
ع الهزل تنكاد بتك ياعلي
بالصحاري زينب مضيعينها
ــــــــــــــــــــــــــــــــــــــ
ضيعو جدمينها بدرب السبي
من خجلها تراب لايذ بالعبي
بالخرابه مودعه وجدها نبي
وعله قصر الكافر ميسرينها
ــــــــــــــــــــــــــــــــــــــ
يسروها بشام مابيها عرف
ذاك يضحك ع السطح ذاك يدف
ناس تحرگ. ناس بحجاره تهف
للرمح زينب تحشم حسينها
ــــــــــــــــــــــــــــــــــــــ
حسين جاوبها لجن جاوب دمه
منين اجيب الحيل يابت فاطمه
عين الج ضلت وعين عله السمه
هاي روحج ع البجي مجدمينها
ــــــــــــــــــــــــــــــــــــــ
جدمت روح العقيله عله الأجل
نزل ملج الموت وعليها حمل
بعيد ماتت لا كرابه أو لا أهل
ليش زينب بالغرب ناسينها
ــــــــــــــــــــــــــــــــــــــ
تنسه وتنعاف والفزعه تشح
متون هاشم للنعش ماضن تصح
اه ياجرح الشام هذا اكلف جرح
من تكول الناس زينب وينها
صفاء ثابت الغزالي
قناة الرجوع الى الله @h_ameer1
قصائد منبريه مكتوبه @h_ameer2
قصائد منبريه مكتوبه @h_ameer3
قصائد نسائية مكتوبه @h_ameer4
روحين بنفس واحد حاسبتك الي وأكثر
لون تكدر عله فراكي عله فراكك ولا أكدر
ارجع يادلالي وشوف حالي
يـبالي ومن غفل مبيوك بالي
اليهضمني ويتعب كلبي هواي
هضيمة الموت بايك كل حلالي
بعيوني شفته.. وكوه عرفته.. سليب
نايم لكيته.. وحدي اجيته .. غريب
خوية حسين خوية حسين
............
بَـ جفاكم غصن مكسور اليحط فوكاي يلجمني
يـشايلتك وسط كلبي ليش الوحدي عايفني
صفيت بحسرتي وبين الحياطين
غريبة الوحدي واعزازي ميتين
لا يـمي ولد لا يـمي اخوان
ومشتاكة العيون لشوفة حسين
عينه بعيده.. وكلبي يريده.. يجيه
الله يعينه.. عالي ونينه.. وبجيه
خوية حسين خوية حسين
..........
جبيرة كسرة افراكك يالموتك يتعبني
حاسبتك عمر وياي مو بالغربة تاركني
شيفيد العمر للميت ابعمره
والفارك اعزازة كسرته بضهره
كون وياك ميته بكربلة هناك
والله يعينه كلبي اعليك ويصبره
الله يعينه.. و متعبينه..وحيد
رايح شملنه.. عزنه وفخرنه.. وحيد
خوية حسين خوية حسين
.........
اشلونج والهلا التطلع منك ما تفاركني
مامحتاره كل عمري يا لموتك يحيرني
وينك ماترد ماضلت اعيون
جفاكم مو سهل يعزاز تدرون
اموت بخنكتي واشتاك الغروب
والمتانه صعب مو سهل تمشون
مو مالت افراك..تدرونه يشتاك ..حنين
كلبي عليهم.. يكثر بجيهم ..ونين
خوية حسين خوية حسين
ما بعد الفراق أصبح اللقاء مستحيلاََ بـالحسين..
حيدر عبد الرضا
وينك بويه يحسيـــــــن الحكلنه
الشالوا نعش زينب موش أهلنه
عازتكم هلي عازه
...............................................
غريبة عاشت وماتــت غريبة
ولا جنها أميــــرة وكلها هيبة
مــــــــا تحضر تشيعها عجيبة
مثل نعشك نعشها شهالمصيبة
ريتك حتى لو بس راس تحضر
وتجيب اوياك عمي الكمر تكدر
هلبت تـــــــرد بيها الروح منه
الشالوا نعش زينب موش أهلنه
عازتكم هلي عازة
.....................................................
مكسورة ضهر جتها المنيه
أيــــــــد أبأيد موتتهم سويه
عمتــي بويه زينب هاشميه
ترضـى أشلون تتشيع سبيه
ليل أنهار مـــــا ينشف دمعها
ريتك حاضر وتنضر وضعها
ومن كثــــــر البجي وياها متنه
الشالوا نعش زينب موش أهلنه
عازتكم هلي عازة
................................................
ماتت والدمــــــع يبس جفنها
زينب ما حضر واحـــد دفنها
لا أب لا أخــــــو لا من أبنها
غريبة ويكسر الخاطر حزنها
عادة اللي تموت أبين اهلها
أخوتها اللي تتولــى حملها
واحنه امن ألأهل خالـــي نزلنه
الشالوا نعش زينب موش أهلنه
عازتكم هلي عاز
..................................
الوادم تنشد الوادم عليــــها
الجنازة أمنين وتأشر أبأديها
أهلها ويــن ما تحضر تجيها
غربة الشيعوهــا ومشوا بيها
وآنه امن الحزن مشدوه بالي
عايش مدري ميت بويه حالي
أمشي واجـذب الونه أعله ونه
الشالوا نعش زينب موش أهلنه
عازتكم هلي عازة
...................................................
من الخيمة للهيمة كسرهـــــا
ميته ومحني يا بويه ضهرها
عليل وكوه بيدي أحفر كبرها
ألله أيعضم أجرك لــو أجرها
جانت كل مسه تدعي وتراقب
آه يحسين عدها النعــي واجب
وي وجه الصبح تجمع شملنه
الشالو نعش زينب موش أهلنه
عازتكم هلي عازة
...........................................
خادم خدمة الحسين
الشاعر
محمد الموالي