4828
كاناڵێك بۆ ناساندنی بیر و ئەندێشەی بەختیار عەلی. لەگەڵ جوانترین شێعر و وتارەكانی بەڕێوەبەر: @peshawa1946
ناڕەزایی و بەرەنگاربوونەوەی دەسەڵات سروشتی ژیانە. ھیچ مرۆڤێک بە ئاسانی ئەو ڕێسا و یاسا و دەستوورانە قەبووڵ ناکات کە لەسەرەوە بەسەریدا دەسەپێنرێن. کۆمەڵگای بێ ئۆپۆزسیۆن کۆمەڵگای کۆیلەیەتی ڕەھایە، کۆمەڵگای ئەو مرۆڤانەیە کە ناتوانن بڵێن نا. کۆمەڵگایەکە ختوکەی دەسەڵات دەدات زیاتر دەست لە ژیان وەربدات، زیاتر دەست بۆ ئازادیی خەڵک بەرێت، زیاتر ئەوەی مافی خۆتە زەوتیبکات و ئەوانی دیش بەو زەوتکردنە ڕازیبکات. دەسەڵات ئەو ھێزە نییە کە ماف زەوتدەکات، بەڵکو ئەو ھێزەیە کە مافی تۆ زەوتدەکات و منیش بەو زەوتکردنە خۆشحاڵ و ڕازیدەکات. مافی من زەوتدەکات و تۆش بەو زەوتکردنە خۆشحاڵدەکات. دەسەڵات لە یەک ڕێگاوە دەتوانێت حوکمبکات، بەوەی نەھێڵێت وەک مرۆڤ ھاوسۆزی یەکتربین. تۆ وەها لێدەکات بەشداربیت لە زەوتکردنی مافی مندا و من وا لێدەکات بەشداربم لە زەوتکردنی ماف و ئینسانییەتی تۆدا. ئۆپۆزسیۆن بوون شکاندنی ئەو ھاوکێشەیەیە، گەڕانەوەیە بۆ بنەمای ھاودەردیی مرۆڤ لەگەڵ مرۆڤدا. گەر دەسەڵات بەوە باڵادەست دەبێت، مرۆڤەکان بکاتە دوژمنی یەکتر، وایان لێبکات لە شکاندن و بچوککردنەوەی یەکدا بەشداربن، ئەوا ئۆپۆزسیۆن بە پێچەوانەوە تەنیا کاتێک مانای ھەیە کە مرۆڤ بکاتە بوونەوەرێک بەرگریکەر لە مافی خۆی و مافی ئەوانی دی. دەسەڵات چاندنی شەڕانگێزی و گومانە لە نێوان گروپ و گروپ و مرۆڤ و مرۆڤدا، ئۆپۆزسیۆن بوونیش گێڕانەوەی بڕوایە بۆ ئەو پەیوەندیانە، شتێکە لە دەرەوەی مۆراڵی شەڕانگێزی دەست پێدەکات و دەبێت لە بڕوای مرۆڤدا بە مرۆڤ تەواو بێت.
"به‌ختیار عه‌لی"
له كتێبی " ئۆپۆزسیۆن و پۆرترێته‌كانی "
«ئەمڕۆ کۆمەڵگای ئێمە بە ساتەوەختێکی نائومێدی قووڵدا دەڕوات. بەڵام بێزاریی و توڕەیی مرۆڤەکان لە دەسەڵات، خەڵکی بەرەو ئەوە نەبردوە قووڵتر و جدییتر بیر لە ژیان و ئاسۆکانی گۆڕان بکەنەوە، بە پێچەوانەوە بێزاریی لە دۆخی سیاسی کارێکی کردوە، مرۆڤەکان بەرەو ئەفسانە و خورافات، بەرەو ناجدیی بوون و پشتکردنە فێربوون بکشێنەوە، بەجۆرێک ئێستا لە کۆمەڵگایەکدا دەژین بیرنەکردنەوە تێیدا بۆتە کولتوور. ئەو کەسانەی لە دۆخی سیاسی نائومێدن، بەڵام بەوە گوزارشت لە نائومێدییەکەیان دەکەن پشتبکەنە فێربوون و زانست و فیکر و بە کایەی بێسوودیان بزانن، ئەوانە دواجار وەک کۆمەڵێک کۆیلەی غەمبار دەمێننەوە کە پێیانوایە نەزانین و دواکەوتن و مانەوە لە تەنکاودا ئازارەکانیان سووکدەکات. مەترسی هەرە سەرەکی لەوەدایە کە کۆمەڵگایەک نەتوانێت ئۆپۆزسیۆنێکی شارستانی، نوێگەر، پڕچەک بە فیکر بەرهەمبهێنێت، ئەوا ئۆپۆزسیۆنێکی دڕندە و وێرانکار بەرهەمدەهێنێت».
"بەختیار عەلی"
له کتێبی " ئۆپۆزسیۆن و پۆرترێته‌كانی "
"جاران"
جاران تەنیا دوژمنان دەیانویست بتكوژن، ئێستا هەم یاران و نەیاران. جاران تەنیا دووپشك و مارەكان دەیانوویست پێتەوە بدەن، ئێستا هەم گوڵ و هەم خونچە.
چ خۆشحاڵن لەم شارە دەرتکەن بەبێ خۆت و بەبێ بار و بەبێ بەرگ. ماوەیەکە جگەلە گەمارۆ دانی پادشاکان عاشقەکانیش دەیانەوێت گەمارۆت بدەن. ھێندە جوان بوویت، کامڵ بوویت بۆ تیرێکی کتوپڕ وەک میوە گەیویت بۆ مەرگ. جاران تەنیا گوللە زامداری دەکردیت، ئێستا ھەم تیر و ھەم بەرد و ھەم نەشتەر. جاران تەنیا شیعرەکانیان دەسوتانیت، ئێستا ھەم دەستت و ھەم ڕۆحت و ھەم سەر.
ماوەیەکە جگەلە پەلاماری ھەور بەھاریش پەلامارت دەدات.
ماوەیەکە بۆ ئەم دەستە سپیانە، بۆ دڵە پاکەکانی دوێنیش ھاتوویتە سەر. ھێندا جوان بوویت، کامڵ بوویت بۆ کۆچێکی دوور و پێگەیوویت بۆ سەفەر.
جاران تەنیا لە ھەندێ کوچە دەریاندەکردیت، ئێستا بوویت بە تەیرێکی نەخۆش، بەبێ شوێن بەبێ لانە بەبێ باڵ.
ھێندە جوان بوویت، باشیت بۆ تڤی ئەمڕۆ، کامڵ بوویت بۆ نەفرەتی ئەم ساڵ.
جاران تەنیا پادشاکان و میرەکان و خواجاکان دەیانویست بتکوژن، ئێستا زاناکان و داناکان و شاعیران.
ئەزیزم غەم مەخۆ ھێندا جوان بوویت، کامڵ بوویت بۆ ژەھری یار و کامڵ بوویت بۆ خەنجەری دۆستان.....!
"بەختیار عەلی"
لە دیوانی " ئەی بەندەری دۆست ، ئەی کەشتیی دوژمن "
شەڕ نەیهێشتووە،
بە لاوی دڵداری بکەین؛
ڕەنگە لە سەردەمی پیری
لە پیرێژنێکی جیرانمان
ماچێکی حەرام بڕفێنین
#مارف_ئاغایی
بۆ ئەندامبوون کرتە(Click) بکەن.
"هێرشی باڵندە سپییەکان"
نووسینی "بەختیار عەلی"
خوێندنەوەی "عادڵ عەزیز"
لە دیوانی " تا ماتەمی گوڵ، تا خوێنی فریشتە "
شەڕ نەیهێشتووە،
بە لاوی دڵداری بکەین؛
ڕەنگە لە سەردەمی پیری
لە پیرێژنێکی جیرانمان
ماچێکی حەرام بڕفێنین
#مارف_ئاغایی
بۆ ئەندامبوون کرتە(Click) بکەن.
کاناڵ فێرکاری زمانی کوردی📚✏️
@𝐳𝐦𝐚𝐧𝐢𝐤𝐮𝐫𝐝𝐢
دەنگی دڵ💌♾
@𝐝𝐚𝐧𝐠𝐢𝐝𝐥𝐥 @𝐝𝐚𝐧𝐠𝐢𝐝𝐥𝐥
مامۆستا موحەمەد ماملە🎶💛
@𝐦𝐨𝐡𝐚𝐦𝐚𝐝𝐦𝐚𝐦𝐥𝐡
مامۆستا سماییل سەردەشتی نەمر🎸💐
@𝐬𝐦𝐚𝐞𝐞𝐥𝐬𝐚𝐫𝐝𝐚𝐬𝐡𝐭𝐢
فووتباڵی کوردەوادی🫥🤩
@𝐟𝐨𝐨𝐭𝐛𝐚𝐥
زانست و فێرکاری📖📝
@𝐳𝐚𝐧𝐬𝐭𝐯𝐟𝐞𝐫𝐤𝐚𝐫𝐢
شێعر و گۆرانی کوردی👌🦋
@𝐬𝐡𝐞𝐞𝐫𝐯𝐠𝐨𝐫𝐚𝐧𝐢𝐤𝐮𝐫𝐝𝐢
خۆزگەی دڵ🖤🖤
@𝐱𝐨𝐳𝐠𝐚𝐲𝐝𝐥 @𝐱𝐨𝐳𝐠𝐚𝐲𝐝𝐥
ڪــوردســتــان دڵے مــنــە❤️🔥
@𝐤𝐨𝐫𝐝𝐨𝐬𝐭𝐚𝐧𝐚𝐤𝐚𝐦
مامۆستا حەسەن زیرەک🎵🎙
@𝐡𝐚𝐬𝐚𝐧𝐳𝐢𝐫𝐚𝐤
شێعر و گۆرانی کوردی😮
😄@𝐬𝐡𝐞𝐡𝐫𝐯𝐠𝐨𝐫𝐚𝐧𝐢𝐤𝐨𝐫𝐝𝐢
زانست و فێرکاری✍️
😄@𝐳𝐚𝐧𝐬𝐭𝐯𝐟𝐞𝐫𝐤𝐚𝐫𝐢
مامۆستا موحەمەد ماملە🎶
😄@𝐦𝐨𝐡𝐚𝐦𝐚𝐝𝐦𝐚𝐦𝐥𝐡
مامۆستا سماییل سەردەشتی نەمر🎸
😄@𝐬𝐦𝐚𝐞𝐞𝐥𝐬𝐚𝐫𝐝𝐚𝐬𝐡𝐭𝐢
هەوارگەی هەست🐱
😄@𝐡𝐚𝐯𝐚𝐫𝐠𝐚𝐲𝐡𝐚𝐬𝐭
دەنگی دڵ💌
😄@𝐝𝐚𝐧𝐠𝐢𝐝𝐥𝐥
ژیانێک بۆ خۆشەویستی💎
😄@𝐳𝐡𝐢𝐚𝐧𝐚𝐤𝐛𝐨𝐱𝐨𝐬𝐡𝐚𝐯𝐢𝐬𝐭𝐢
خۆزگەی دڵ🖤
😄@𝐱𝐨𝐳𝐠𝐚𝐲𝐝𝐥
وشەکانی دڵم🦋
😄@𝐯𝐬𝐡𝐚𝐤𝐚𝐧𝐢𝐝𝐥𝐦
ڪــوردســتــان دڵے مــنــە❤️
😄@𝐤𝐨𝐫𝐝𝐨𝐬𝐭𝐚𝐧𝐚𝐤𝐚𝐦
لە تەنیایی شەوی ژینا، ئەنێم هەنگاوی كوێرانە!
نییە دەستێ دەرم‌بێنێ لە ناو ئەم گۆڕە وێرانە!
نییە جوانێ، سەری كاسم بنێمە سەر دڵی نەرمی
كە هیلاكی لەشم دەركا خەوی سەر باوەشی گەرمی
ئەگێڕم چاوی بێ‌تینم بە تاریكی شەوا، سەرسام
نییە پڕشنگی دوو چاوێ، كە ڕووناكی بكا ڕێگام!
بە غەیەری باڵی خەمناكی
شەوی پڕ ترس و سامناكی!
نییە یەك تۆزە ڕووناكی!
#ئەحمەد_هەردی
بۆ ئەندامبوون کرتە(Click) بکەن.
لە تەنیایی شەوی ژینا، ئەنێم هەنگاوی كوێرانە!
نییە دەستێ دەرم‌بێنێ لە ناو ئەم گۆڕە وێرانە!
نییە جوانێ، سەری كاسم بنێمە سەر دڵی نەرمی
كە هیلاكی لەشم دەركا خەوی سەر باوەشی گەرمی
ئەگێڕم چاوی بێ‌تینم بە تاریكی شەوا، سەرسام
نییە پڕشنگی دوو چاوێ، كە ڕووناكی بكا ڕێگام!
بە غەیەری باڵی خەمناكی
شەوی پڕ ترس و سامناكی!
نییە یەك تۆزە ڕووناكی!
#ئەحمەد_هەردی
باوەڕدەکەم میکانیزمەکانی لەیەکدی تێگەیشتن لە هەموو سەردەمێکدا وەکو یەکە. بە گشتیش لەسەر دوو پرەنسیپی سەرەکی رادەوەستێت یەکەم: تۆ هەست نەکەیت کە ئازادی من مەترسییە بۆسەر ئازادی و ژیانی تۆ. دووەم: من ئازادی خۆم تائەوجێگایە رانەکێشم کە مەترسی بێت لەسەر ئازادی و ژیانی تۆ. بەڵام وەک دەڵێن ئەمە وتنی ئاسانە و کردنی گرانە. چونکە چەسپاندنی ئەم دوو میکانیزمە پێویستی بە مێژوویەکی درێژ لە متمانەی سیاسی هەیە.
بەبڕوای من مرۆڤایەتی لە مێژووی درێژی خۆیدا و تا ئەمڕۆ کولتوورێکی دوور و درێژی دروستکردنی دوژمنی داڕشتوە. مرۆڤ تاکە بوونەوەرێکە کە دوژمنی خۆی تەنیا لەسەر ڕۆشنای پێویستییە سروشتییەکاندا دروست ناکات، لەسروشتدا ململانێ و رکەبەریی سروشتی زاڵە. لە دونیای ئاژەڵدا بەگشتی دوژمنی شەخسی بوونی نییە، گەر بڕوانیت پشیلەیەک بە شەخسی نابێت بە دوژمنی مشکێک، ئەوی لێرەدا هەیە ململانێ سروشتی و غەریزی نێوان دوو توخمی گیاندارە، کە خودی ململانێکە ملکەچی جۆرێک لە رکەبەریی غەریزییە. ئەوەی سیستمی غەریزیی وەک دوژمن نەیناسێنێت، نابێتە دوژمن. بەڵام مرۆڤ تەنیا بوونەوەرە هوشیارانە «دوژمن» دروستدەکات... بە مانایەکی تر مرۆڤ تاکە بوونەوەرێکە کە «دوژمنی سیاسی» هەیە، نەوەک تەنیا «دوژمنی سروشتی». دیارە گواستنەوە لە دوژمنی سروشتییەوە بۆ دوژمنی سیاسی لە ڕەوتی گشتی گەشەی ژیاندا، بەرەو پێشچوونێکی گرنگە. چونکە دوژمنی سیاسی، دەکرێت دوژمنێکی ئەبەدی نەبێت... کێشەکە لەو کاتەدا دروستدەبێت و زۆر ڕەهەندی ترسناک وەردەگرێت کە مرۆڤ دوژمنایەتییە سیاسییەکانی خۆی وەک دوژمنایەتی سروشتی وەردەگرێت، واتە دوژمنەکەی وەک دوژمنێکی ئەبەدی و نەگۆڕ دەبینێت.
خۆت دەزانیت کە نازییەکان زاراوەی «دوا چارەسەر» یان داهێنا، مەبەستیان لەوە بوو کە بڵێن جگە لە قڕانکردن و لە ڕیشەکێشکردنی جووەکان، هیچ چارەسەرێکی تر بۆ جووەکان بوونی نییە، چونکە ئەوان هەر بەفیترەت و لەسروشتەوەڕا، توخمێکی نزم و نەویین. بە مانایەک لە ماناکان فاشییەت و نازییەت بریتی بوون لە گێڕانەوەی ململانێی سیاسی بوو بۆ لۆژیکی ململانێی سروشتی.
ئەوەی «ئەگەری دۆست» لە دوژمنەکەتدا نەبینیت، یەکێکە لە ترسناکترین ڕەهەندەکانی ناو مۆراڵی سیاسی. لە ململانێی سروشتیدا ئەگەرێک نییە «گورگ» و «مەڕ» ببن بە دۆست، پشیلە و مشک ببن بە هاوڕێ، بەڵام لە دنیای سیاسەتدا هەمیشە ئەگەری بوون بە دۆست کراوەیە. هیچ هێزێک بە غەریزە دوژمنی هێزێکی تر نییە. بەڵام مرۆڤ لەو ساتەدا کە ململانێی سیاسی بەڕۆحی ململانێی سروشتی ئەنجامدا، دەبێتە جانەوەرێکی دڕتر لە هەر جانەوەرێکی تر.
ڕاسیستەکان بۆیە ترسناکن، چونکە دەیانەوێت شەڕی نێوان نەتەوە و ڕەگەزەکان بەپێی یاساکانی ململانێی سروشتی تەفسیربکەن، شەڕی سیاسی نێوان دوو ڕەگەز و دوو نەتەوە بە یاساکانی شەڕی نێوان دوو توخمی حەیوانی ڕاڤەبکەن. لێرەوە «داروینییە کۆمەڵایتییەکان» لە ناو سۆسۆلۆگەکاندا ترسناکترین ڕێبازن کە شەرعییەت دەبەخشن بە گێڕانەوەی ململانێی سیاسی بۆ ململانێی سروشتی.
مرۆڤ لە مێژووی خۆیدا زۆر فۆرم لە ململانێی سیاسی گەورەی دروستکردوە، بۆ نمونە «دوژمنایەتی دینی» یان «دوژمنایەتی نەتەوەیی» یان «دوژمنایەتی چینایەتی». هەر کاتێک مرۆڤ دوژمنەکەی وەک هێزێک بینی کە دەبێت ڕیشەکێشی بکات، واتە لە دونیای دوژمنایەتی سیاسی دەرچووین و گەڕاوینەتەوە بۆ دۆخە جانەوەرئاساکە. کێشەکە لەوەدایە کە بەرامبەر یان «ئەویدی» بە هەموو وێنەکانی دوژمن باربکەین. بۆ نمونە تورکەکان ئەرمەنیان هەم بە دوژمنێکی دینی و هەم بە دوژمنێکی نەتەوەیی دەبینی ، لێرەوە وەک دوژمنێکی ستراتیژی لێیانڕوانین کە دەبێت ڕیشەکێش بکرێن.
جینۆساید بەرهەمی نەمانی هەر جۆرە ڕێزێکی ئینسانییە بۆ دوژمن... دەرەنجامی بارکردنی بەرامبەرەکەتە، بە هەموو فۆرمەکانی دوژمنایەتی. گەر جارێکی دیش نمونە لە نازییەکان بگرینەوە، ئەوان جووەکانیان وەک دوژمنی دینی و نەتەوەیی و چینایەتیش سەیردەکرد، جووەکان هەم بکوژی مەسیح بوون، هەم دوژمنی ڕەگەزی ئاری و نەتەوەی پاکی ئەڵەمان بوون، هەم کۆمەڵێک بازرگان و سەرمایەداری مشەخۆربوون کە خوێنی خەڵکی هەژاری ئەڵمانیان دەمژی... ئەمجۆرە وێناکردنانە، دواجار لەوەدا کۆتایی دێن کە سیاسەتی قڕانکردن و ڕیشەکێشکردن بگیرێتەبەر.
"بەختیار عەلی"
بەشێك لە چاوپێكەوتن لەگەڵ "سیروان رەحیم"
کوردم و لە ڕێی کورد و کوردستان
سەر لە پێناوم گیان لەسەر دەستان
بە کوردی دەژیم بە کوردی دەمرم
بە کوردی دەدەم وەرامی قەبرم
بە کوردی دیسان زیندوو دەبمەوە
لەو دونیاش بۆ کورد تێ ھەڵدەچمەوە
#مامۆستا_هەژار
پێڕستێک لە کاناڵە فەرهەنگی و ئەدەبییەکانیی کوردستان فەرموون لەگەڵمان بن.
"پیاوکوژ و دەستەیەک لە ئازادیخوازان"
من بەبێ وتارەكانی ئێوە لەسەر ئازادی ... ئازادم
ئەگەر زنجیرێك هەبێت، لە دەست و پێی ئێوەدایە
ئەی ئەوانەی هەمیشە باسی پاشەڕۆژ دەكەن و دەستتان ناگاتە نزمرتین هەرمێی حەوشەكانتان.
ئەی ئەوانەی باسی سەدە خۆشەكانی سبەینێ دەكەن و ناوێرن سەیری پیاڵەی پڕ لە ژەهری ئەم بەیانییە بكەن
ئێوە لە مێژە، قسە لە داد و یەكسانی دەكەن، بەڵام دادپەروەری ئێوە، ناگاتە دادپەروەری گوڵێك كە ئەمڕۆ دەگەشێتەوە
من بەبێ هاوارەكانی ئێوە بۆ یەكسانی لەگەڵ ئەستێرە و زەوی و زیندەوەرەكاندا یەكسانم.
ئێوە هەمووتان بەئەندازەی جامێ هەنگوین، تام نادەنە ژیان
مەشخەڵەكانی ئێوە، كوا بەقەد چزووی دووپشكێكی شەرمنی ژێر توتڕكەكان، تاریكی ئازار دەدات
پەلامارەكانی ئێوە، كوا بەقەد دەنوكی زەرنەقووتەیەك گوڵ وریادەكاتەوە.
من لەبری مارشی ئێوە، لەگەڵ پۆڕ و پشیلەكاندا مارشدەكەم
دەزانم، ئەو ڕۆژەی ئێوە بانگی بۆ هەڵدەدەن بەقەد دەنكێك زەیتوون سەوز نییە
ئەو ڕۆژگارانەش كە جەنگتان بۆ بەرپاكرد وەك ئەو ڕۆژگارانە وان كە ڕوخانتان
من بەبێ شۆڕشەكانی ئێوە، كۆت و زنجیری خۆم پساندوە
هاوار لە من، كە بەبێ هیچ دروشمێك. ئازادی گوڵ، مانگ و ڕوبار دەژیم
هاوار لە من، كە بەبێ هیچ جەنگێك، ڕۆژ بە ڕۆژ وەرزی ئازادی خۆم دەژیم.
.
"به‌ختیار عه‌لی"
پارچه‌یه‌ك له قه‌سیده‌ی " كتێبی پیاوكوژان "
لە دیوانی " تا ماتەمی گوڵ، تا خوێنی فریشتە "
به‌درێژایی كات، كه ڕه‌خنه له كایه‌ی سیاسی ده‌گرم، له‌به‌رئه‌وه‌یه ئه‌م كایه‌یه بووه به‌و كایه‌یه‌ی ناهێڵێت سیاسه‌ت له‌دایكبێت، سیاسه‌تی له شه‌ڕی دوو هێزی هاوشێوه‌دا گیركردوه و ئینسانه‌كانیشی به‌جۆرێكی ترسناك ده‌رگیری ئه‌و شه‌ڕه كردوه، سیاسه‌ت گه‌ر كایه‌یه‌كی ڕادیكال و شۆڕشگێڕ بێت، بریتییه له شوێنی ڕووبه‌ڕووبوونه‌وه‌ی نێوان ئینسان و سیستم، واته بریتییه له شوێنی ڕووبه‌ڕووبوونه‌وه‌ی ئاره‌زوو و كاپیتالیزم، ڕزگاركردنی ویسته ئینسانییه‌كانمان له ده‌ست ویسته ئایدۆلۆژی و ئابوورییه‌كانی سیستم. واته له‌دایكبوونی چاوێك له ژێره‌وه جوڵاندنه‌وه و میكانیزمه گرنگه‌كانی ناو كۆی ستراكتوره‌كه ببینێت. له‌مڕوه‌وه سیاسه‌ت بووه به‌و كایه‌یه‌ی جگه له وه‌هم هیچی تێدا به‌رهه‌م نایه‌ت، كایه‌یه‌ك توانای خوێندنه‌وه‌ی نه‌ماوه، خه‌ڵك ده‌چنه سیاسه‌ته‌وه بۆئه‌وه‌ی شه‌ڕانگێزی خۆیان به‌تاڵبكه‌نه‌وه، ببنه قاره‌مان، باوه‌ش به شتێكدا بكه‌ن، شتێك بشكێنن، دوای قازانجه بچوكه‌كانیان بكه‌ون، ئه‌وه‌ی نیانه به‌ده‌ستی بهێنن، ئه‌وه‌ی هه‌یانه بیپارێزن... بۆ هه‌موو شتێك ده‌چنه ناو سیاسه‌ته‌وه، بۆ بیركردنه‌وه و گۆڕینی ڕاسته‌قینه‌ی دونیا نه‌بێت... بۆ تێگه‌یشتن له واقع نه‌بێت، بۆ دژایه‌تی سیستم نه‌بێت. كێشه‌كه له‌و جێگایه‌شدا ده‌ست پێده‌كات كه ڕۆشنبیران به ژماره‌ی گه‌وره ده‌بن به «عه‌راب»ـی ئه‌م دۆخه، به «شۆمان»ـی سیستم. واته ده‌بن به‌و هێزه‌ی كه شه‌رعییه‌تی فیكری و ئه‌خلاقی ده‌به‌خشن به‌و زۆرینه فاشیستییه ئه‌خلاقییه‌ی كه باڵاده‌سته. ڕۆمانێكی زۆر جوانی مارگرێت ئێتود هه‌یه، به‌ناوی ڕاپۆرتی كه‌نیزه‌كه‌وه، باس له سه‌رهه‌ڵدانی «زۆرینه‌یه‌كی ئه‌خلاقی» ده‌كات كه واده‌كات گروهێك له ده‌ستی هه‌ڵبێن و دونیایه‌كی تر دروستبكه‌ن. ئه‌مڕۆ ئه‌و زۆرینه ئه‌خلاقییه ترسناكه له كوردستان به‌جۆرێكی ترسناك پڕ بووه له ڕۆحی توندوتیژی.
.
"به‌ختیار عه‌لی"
له كتێبی " ڕه‌خنه له عه‌قڵی فاشیستی "
«یادگارەكانی پیرەمێردێك»
من هێند پیرم، شەوی لە دایكبوونی زەریام لە بیرە، لە بیرمە بەیانیان لە كوێوە ئەستێرە دەگەڕایەوە بۆ ماڵ. دەزانم مانگ لە چ كوچەیەكدا گەورەبوو. تۆزی ئەو كۆڵانەم لە یادە كە یەكەم باڵندەی تیا نیشتەوە.
من پیرم، یەكەم مەرەكەبم لە بیرە كە لەسەر یەكەم كتێب ڕژا. میللەتانم لە بیرە، دڵیان سەرتاپا ستایشی یەكدی بوو. مرۆڤم لە یادە دەیگووت: من قەرزاری تۆم ئەی كۆتر … من كوڕی تۆم ئەی شیری سپی بەیانیان. من شەوم بینیوە، لە تۆزی ڕوخانی گوڵدا خنكاوە … من پەنیری ڕەش، پرتەقاڵی سپی، مۆزی ئەستێرەییم بینیوە. لە شەربەتی بە جێماوی شەڕ، لەشەرابی ڕژاوی پێغەمبەرانم خواردۆتەوە. من بتەكانم پەرستووە، لە سوڕی مردن و هەستانەوەی خوداكاندا بەشداربووم. وەرزگەلێك لە ڕیزی سەربازەكانی شەیتان و وەرزگەلێك جەنگاوەری فریشتەكان بووم.
من بام لەگەڵ كۆیلەكاندا سوار كەشتی كردووە. هەورم كردووە بە كفنی كوژراوەكان، عەدەنم نیشانی ئاشووبەكان داوە، حۆریم بە دیلی ناردووە بۆ ئەستانە. دەنگی تۆپەكانم ئێستاش لە گوێی زەریادا دەزرینگێتەوە. فووی جەنگاوەرانم ئێستاش لە گەشانەوەی هەموو ئاگرێكدا هەیە. من پیرم … تانزیك ڕۆما برای هانیپال بووم، تا نزیك بابل دۆستی ئەسكەندەر و تا نزیك بەغداد سەرلەشكرێكی بچوكی گوردانە خوینخۆرەكانی هۆلاكۆ بووم. تلیاكم بە كەشتی بردووە بۆ چین. لە هیند میسكم بە پورتوگالەكان فرۆشتووە. لە دەوروبەری غەرناتەدا، پاسەوانی باغچە بووم. لە شایی كچە پاشاكاندا لەگەڵ زریابدا گۆرانیم گووتوە. مەسینەی دەستنوێژم بۆ ئەمیر لە دەریاوە بردووە بۆ مەكە. لە زاگرۆسەوە تیرم گرتۆتە دەروێشەكانی ئەسفەهان. چووم بۆ خوتبەكانی هارون، چووم بۆ باغەكانی هەڵەمووت، لە حەمامی قاجارییەكاندا خۆمشتووە. عەترم كردووە بە نوێنی بەرمەكییەكانەوە. شفرەم بۆ قرمتییەكان داناوە. قەڵغانم بۆ بابەك هەڵگرتووە. من پیرم … من بووم شمشێرەكانی تەیمورم دەشت. من بووم بەتانییەكانی قەیسەرم قەددەكرد. من بووم بەرماڵی خەلیفەكانم دەتەكاند.
من پیرم، تۆش پیریت، ئێوەش پیرن…
من لەیادمە كە چی بووم، بەڵام تۆ لەیادت نییە. من لە یادمە كە شەوەزەنگ دروستیكردووم، بەڵام حاشاكردنی تۆ لە تاریكی، نمەك حەرامییە.
من لە یادمە كە منداڵی حەرامزادەی زوڵمەتم تۆش لە یادتە، بەڵام خۆت بە سەیركردنی هەتاوەوە غافڵدەكەیت.
لە یادتە و بە یاریكردن لە گەڵ دەریادا خۆت دەكەیت بە خواجای گوڵەكان
لە یادتە و بە سەیركردنی درەخت، ڕەچەڵەكی خۆت لە ئێمە و باڵندەكان وندەكەیت
لە یادتە و بە ئاشتكردنەوەی نور درۆ لەگەڵ كتێب و پاشا و قارەمانكاندا دەكەیت.
"بەختیار عەلی"
لە دیوانی " تا ماتەمی گوڵ، تا خوێنی فریشتە "
❀ بۆ کورد و بۆ کوردستان ❀
❀ هاوڕێی هەمیشەیی ئێمە بن زۆر سپاس ❀
منداڵان بەر لەوەی فێری خۆشەویستی نیشتیمان بن، دەبێت فێری خۆشەویستی ژیان ببن، دەبێت فێربن پەپولەیان خوشبوێت، حەزیان لە دەنگی بولبول بێت،
نیشتیمان لە کۆمەڵێک شتی بچوک درستبووە، مرۆڤ گەر ئەو شتە بچوکانەی خۆشنەوێت نیشتیمانیشی خۆشناوێت.
#بەختیار_عەلی
بۆ ئەندامبوون کرتە (Click) بکەن.
"جاران"
نووسین" بەختیار عەلی"
خوێندنەوەی "هاوڕێ حەمە ڕەشید"
لە دیوانی " ئەی بەندەری دۆست ، ئەی کەشتیی دوژمن "
🍁🍃🌷🌼🌸💐🌾🌺🌻🌹
🆔 @baxtyar_ali
❀ بۆ کورد و بۆ کوردستان ❀
❀ هاوڕێی هەمیشەیی ئێمە بن زۆر سپاس ❀
"هێرشی باڵندە سپییەكان"
ئێمەین ئێوارە ئاوەداندەكەینەوە.
ژیانمان تاكۆتایی هەر سەرەتایە، زەمەنمان بۆ پێشەوە ناڕوات.
پەلاماری ئاو دەدەین كە بەرەو پێش پاشەكشێدەكات. پەلاماری دەریاچەكان دەدەین و پڕیدەكەین لە ئیمپراتۆرییەتی سپی، پڕیدەكەین لە كەشتی كە مەخلوقاتی ڕەش دەگوێزنەوە، ڕووەو سەرزەمینی ئاوریشم، بۆ وڵاتێك جەنگاوەرەكانی خوێنی سپی دەخۆنەوە. باڵندەی قسەزان بەسەرماندا دەفڕن.
دەتوانین لە كاتی كوشتنی كۆتردا گوێ لە هاواری هاوڕێكانی بگرین. قسە لەگەڵ كوكوختییەكاندا بكەین، كە لە سەر منارەكانەوە بە باڵ قسە لەگەڵ خودادا دەكەن. دەچینە هەرێمێكەوە پڕە لە پاساری زیكرناس، لە تیترواسكی زاهید، لە قەقنەسی ئیماندار. ڕیشۆڵە دێت غوربەتمان بۆ شەرحدەكات، پۆڕ دێت هیجرانمان بۆ شیدەكاتەوە.
لە زەمینی باڵندە سپییەكاندا، ئێمە گوێ لە شەرحی درەخت دەگرین، گوێ لە باران دەگرین كاتێك خۆی تەفسیردەكات. لەوێ پڵنگ سەرەتا گوێ لە نێچیرەكان دەگرێت، ئەوسا دەیانخوات، شەیتان گوێ لە تۆبەكانمان دەگرێت، ئەوسا غیوایەتمان دەكات. ئێمەش بە نەزاكەتی دێرینەی خۆمانەوە، بە هەموو ئەو شەرەفە بەرزەی لە منداڵییەوە فێریبووین داوای لێبوردن لە دوژمنەكانمان دەكەین و ئەوسا دەیانخۆین.
شەو لە ئێوارەوە شفرەكانی خۆی دەخوێنێتەوە، تاریكی بە ڕەزامەندی ڕۆژ هەڵدێت، خۆر بەر لەوەی هەڵبێت، قسە لەگەڵ ئەستێرەكان دەكات.
لەوێ فانۆس دەفتەری هەیە، هەر پەپولەیەكی بوێت بە نامە ڕازیدەكات.
خەنجەر شفرەی هەیە، هەر دڵێكی بوێت بە ڕەمز بانگیدەكات.
ئێمە دێین و بێدەنگییەكی سپی دەهێنین.
لە زەمینی باڵندە سپییەكاندا، دەتوانین بە بێدەنگی خۆمان لە بێدەنگی ڕزگاربكەین.
لەوێ درەختەكان بەر لە مردن نهێنی خۆیان وەك ڕوناكی بە لقەكاندا هەڵدەواسن.
گەرداو بەر لەوەی كەشتییەكان نوقمبكات، نهێنی خۆی وەك چرا بەئاودا هەڵدەواسێ.
بەلەم بەر لەوەی بمرێت، نەورەسەكان وەك مۆم دادەگیرسێنێت و دەیانخاتە سەر دڵی خۆی
شەوان دوای ماندووبوون لە گوێگرتن لە دەنگە سیحراوییەكانی ئاسمان، كاتێك زەنگەكانی نەمریی، ناڵەی كەنیسە دوورەكان، هاواری مزگەوتە خەمگینەكانی ناو تەم بێدەنگدەبن، یەكێك لەناو درەختەكاندا ترسەكانی خۆی دەداتە دەم با، تۆپێكی بللورینی پێیە و بەختی باڵندەكان دەخوێنێتەوە، سیحر لەو گوڵانەدەكات كە بڕوایان بە غەریبەكانی شەو نییە، سیحر لە مینا دەكات كە گەڵا وردەكانی پڕن لە چوارینەی ترس، شەونم بەجۆرێك دەخەوێنێت بە هاواری زەوی هەڵنەستێت، پاتۆنیا وامەستدەكات بەباران هۆشی نەیەتەوە … بە چاویلكەی هەندێك پزیشكی بەدەوە، وەك خراپەیەك بێپەروا بەناو باغدا بڕوات. ئەو درەختانە دەگرێت كە مانگ لەسەر گەڵاكانیان پێدەكەنێت، لەســــەر قەدی شــــــۆڕەبی ڕۆژی هێرشە سپییەكانی خۆی دەنوسێت، زوبانی ئەو گیایانە دەبڕێت كە زمانی ئاو دەزانن، هەر شتێك نهێنی ئەم سەعاتە سپییانەی ئەو ئاشكرابكات دەیشكێنێت. هەر شتێك شفرەی ئەم شمشێرە مەستانەی ئەو ئاشكرابكات، ئاوەژوو تەفسیریدەكات.
ئەو دێت و بێدەنگییەكی سپی دەهێنێت.
لێرە هەنار مۆسیقای دەنكەكانی خۆی دەژەنێت. تیشك لە باڵندەكانەوە فێری نیشتنەوە بووە لەسەر ئاو، فێربووە لە خوێنی ئێوەدا گەرا دانێت … دەڵێت: با خۆر زۆربێت، با هەتاو زاوزێبكات.
ڕۆحلەبەرە سپییەكان دێن، لەو هەوا بێدەنگە ڕادەمێنن كە پڕە لە ئەگەری تەقینەوەی ترسناك، لەو دەریاچە گەرمانە دەڕوانن كە كەشتییەكانیان دەبنە هەڵم، دەریاوانەكانیان دەبنە غوبار.
ڕۆژێك دێت، چیتر باڵندەكان ناخوێنن … بولبول بەهار بەكەڕوڵاڵی دەباتە سەر، هاوین بە كپی بخووری دەریاچەكان هەڵدەمژێت، بەبێ هاوار باڵەكانی دەنوسێن بە ئاسماندا، بەبێدەنگ وەك بورجێك لە لم دەڕوخێت، بەبێدەنگ وەك موروویەك لە تۆفاندا وندەبێت، بەبێدەنگ وەك تەیرێك لە فەخار دەشكێت.
" بەختیار عەلی "
لە دیوانی " تا ماتەمی گوڵ، تا خوێنی فریشتە "
منداڵان بەر لەوەی فێری خۆشەویستی نیشتیمان بن، دەبێت فێری خۆشەویستی ژیان ببن، دەبێت فێربن پەپولەیان خوشبوێت، حەزیان لە دەنگی بولبول بێت،
نیشتیمان لە کۆمەڵێک شتی بچوک درستبووە، مرۆڤ گەر ئەو شتە بچوکانەی خۆشنەوێت نیشتیمانیشی خۆشناوێت.
"بەختیار عەلی"
لە ڕۆمانی "غەزەلنوس و باغەکانی خەیاڵ"
دروستکردنی ئۆپۆزسیۆنی کارتۆنی یەکێکە لەو خواستە ترسناک و ناوەکییانەی کە دەسەڵاتی تۆتالیتار و نادیموکراس لەناوەوە دەجوڵێنێت. هەموو سیستمە نادیموکراسەکان دەیانەوێت ئۆپۆزسیۆن بە مۆدێلێک و شێوەیەک دروستبکەن کە لەگەڵ قاڵبی دەسەڵاتدا بگونجێت..... دەسەڵات ئۆپۆزسیۆنێکی بە «تام و بۆ ـ مواسەفات»ـی تایبەتی خۆی دەوێت... ئۆپۆزسیۆنێک هیچ شتێک لەو بونیادە داڕێژراوەی ئەو نەڕوخێنێت، درێژکراوەی دەسەڵات بێت نەوەک دوژمنی. جیاوازی لەگەڵ دەسەڵاتدا تەنیا لە فۆرم و ناو و هەندێک مەبەستی ڕوکەشدا بێت.
لەم وێنەیەدا ئۆپۆزسیۆن وەزیفەیەکی کۆمەڵایەتی مێژوویی نییە، وەزیفە سەرەکییەکەی ئەوەیە دەسەڵات وەک کەرەستەیەکی خۆجوانکردن بەکاریبهێنێت. ئۆپۆزسیۆنی کارتۆنی دوو خزمەتی سەرەکی بە دەسەڵات دەکات، جارێک دەسەڵات لە ڕێگایەوە خۆی وەک هێزێکی گەورە و بەهێز نیشاندەدات و هەموو شێوە ئۆپۆزسیۆنێک وەک شێرەبەفرینەیەک وێنادەکات کە بە ئاسانی دەتوانێت تێکیبشکێنێت، جارێکیش وەک کەرەستەیەک بەکاریدەهێنێت کە دەیانخاتە ژێر باڵی خۆی و لەگەڵ خۆیدا ئەو پەیمان و بەڵگەنامانەیان پێ مۆردەکات تا لە ڕێگایانەوە خۆی وەک نوێنەری «کۆدەنگی ـ ئیجماعێکی نیشتیمانی» دەربخات. وەزیفەی ئەم ئۆپۆزسیۆنە ئەوەیە، دەسەڵات بەرجەستەتربکات، بەهێزتر دەریبخات، بەجۆرێک زەقیبکاتەوە کە زیاتر بینراوبێت. ئەمجۆرە ئۆپۆزسیۆنە دەسەڵات لێیناترسێت، وەک بازیچەیەکی خۆی و وەک بوکەشوشەیەکی بچوکی ناو دەستی خۆی تەماشایدەکات.
"به‌ختیار عه‌لی"
له كتێبی " ئۆپۆزسیۆن و پۆرترێته‌كانی "
«من لە ساڵانێکدا کە تەمەنم بەرەو ماڵاوایی دەکشا و نیازم بوو تاعەتم توندکەم و ئیمانم قایمتر قفڵدەم، لەو عومرەدا باری تەعالا و فەخری کائینات، دەردێکی بۆ ناردم ئێستاش لە ڕیشەوە چزەم دێ و لە ھەناوەوە دود و گڕاوە دەپۆنگێ و قوڵپ دەدات. ڕۆژێک لە خەو ھەستام و سەیرمکرد عاشقم، عاشقی خانمێکی بە حورمەت و ناموسناس، کە ناوی بەھاربانو بوو، کە دایکی خودالێخۆشبووی ئێوەدەکات، ئەمشەو گۆڕی لە ھەر شەو پڕ نورتر بێ. عەشق شەرەفی نییە، تەنھا شتێک کە لەسەرو شەرەفەوەیە عەشقە. تاکە شتێکە شەیتان و خودا بەقەد یەک ئیشیان تیاکردوە... بە کوفر لێمی وەرمەگرە و بە ئیلحادی نەفسێکی بێچارە لێی مەڕوانە. عەشق شتێکە کوڕم، دوو دەموچاوی ھەیە، دەموچاوێکیان شەیتان بەدڵ دروستیکردوە، ھێزی خۆی تیا خەسارکردوە، فنونی ڕەشی خۆی تیابەکارھێناوە، سیحری خۆی خستۆتە ناوی. ئەوی تریان خوا بە عەزەمەتی خۆی تاشیوێتی، پێوەی ماندووبووە، سڕی خۆی تیاداناوە، پاک و تەھوور خولقاندوێتی. ھەموو عەشقی دونیا وایە، نە خوا دەستبەرداری زەڕەیەک عەشق دەبێت و نە شەیتانیش دەستدەگێڕێتەوە، ھەموو قەترەیەک عەشق نیوەی موڵکی خودایە و نیوەی موڵکی شەیتان. ئایەمی بەدبەختیش کە دەیخواتەوە نازانێت ژەھری ھەڵقوڕاندوە یان شەربەتێکی ئیلاھی نۆشیوە... وەک پیرەمێردێکی بێحورمەت تەماشام مەکە، کە دەستی دەلەرزێت و نەفسی ھەر پڕە لە تەماحی دونیا، من قەت عەبدی نەفس نەبووم، بەڵام ئەوەی زۆر دەرگای نەفس داخات، شتێکی تر و سڕێکی تر دێتە ڕێگای. نەفس سەڵتەنەتی خۆی ھەیە، مەخلوقاتی خۆی و خەلقی خۆی ھەیە. ئەوەی من ھەموو عومرم لە دوای کوشتنی بووم، لەسەردابی ڕەشی خۆی لە شێوەی ئادەمییەک و گەنجێکی سیحربازدا ھاتەدەرێ، کەسێک ھەم حەقیقەت بوو ھەم خەیاڵ، ھەم من بووم و منیش نەبووم. بەڵێ کوڕم، تۆش... بەڵێ تۆش ھەم لەو بوویت و لەویش نەبوویت».
"به‌ختیار عه‌لی"
پارچه‌یه‌ك له "دواهه‌مین نامه‌ی مه‌لای هاجه‌ر بۆ به‌همه‌ن ناسر"
له ڕۆمانی " غه‌زه‌لنوس و باغه‌كانی خه‌یاڵ "
❀ بۆ کورد و بۆ کوردستان ❀
❀ هاوڕێی هەمیشەیی ئێمە بن زۆر سپاس ❀
دوو وێنه‌ی مامۆستا هه‌یه كه ده‌بێت جیایانبكه‌ینه‌وه. مامۆستایه‌ك ده‌ماننێرێت بۆ شارێك و نه‌خشه‌یه‌كی داوێنێ پێشوه‌خت پێمانده‌ڵێت به‌كویادا بڕۆین، له‌كوێوه بڕۆینه ناوه‌وه، به چ شه‌قامێكدا تێبپه‌ڕین، بچین بۆ چ چێشتخانه‌یه‌ك، بۆ چ ئوتێلێك، سوار چ جۆره ته‌كسییه‌ك بین و له‌كوێوه بێینه‌ده‌رێ. ئه‌وه ئه‌وجۆره‌یه له‌مامۆستا كه من حه‌زم لێیان نییه و خۆشم لێیاننایه‌ت. به‌ڵام به‌رامبه‌ر به‌وه جۆرێكی تر له مامۆستا هه‌یه، كه له‌گه‌ڵماندا بیرده‌كاته‌وه بچین بۆ چ شارێك، له‌گه‌ڵماندا بیرده‌كاته‌وه بۆ بچین، له‌گه‌ڵماندا بیرده‌كاته‌وه گه‌ر بچین كێشه‌كانمان چی ده‌بێت، له‌گه‌ڵماندا له نه‌خشه‌ی شاره‌كه وردده‌بێته‌وه، هیچ ڕێگایه‌كی حه‌تمیمان بۆ دانانێت، هیچ وه‌ڵامێكی كۆتاییمان ناداتێ، به‌ڵام ئاره‌زووی سه‌فه‌ر و گرنگیی سه‌فه‌ر و زانیاریی پێویستمان بۆ سه‌فه‌ر ده‌داتێ، به‌ڵام په‌یمانی ئه‌وه‌مان پێنادات ون نه‌بین، به‌ڵكو به‌جۆرێك له‌جۆره‌كان ئاماده‌یه له‌گه‌ڵماندا ونببێت. نوێنه‌ری مه‌عریفه‌تێكی ڕه‌ها و باڵا نییه، به‌ڵكو نوێنه‌ری گومانێكی باڵایه، نوێنه‌ری ئه‌و مامۆستایه‌یه كه ده‌مرێت بۆئه‌وه‌ی قوتابییه‌كانی خۆیان ڕێگای خۆیان ته‌واو بكه‌ن، باشترین مامۆستا ئه‌و مامۆستایه كه گرفتێكی له‌گه‌ڵ ئه‌وه‌دا نییه بمرێت، به‌ڵكو گرفتی له‌گه‌ڵ ئه‌وه‌دا هه‌یه قوتابییه‌كه‌ی نه‌توانێت وازی لێبهێنێت و به‌جێیبهێڵێت، هه‌موو مامۆستایه‌كی مه‌زن و ڕاسته‌قینه مامۆستایه بۆ ماوه‌یه‌كی دیاریكراو، بۆ بابه‌تێكی دیاریكراو، بۆ دروستكردنی هه‌ست و خواستێكی دیاریكراو... ئه‌وه ئه‌وجۆره مامۆستایه‌یه كه من خۆشمدێت لێی. چونكه وه‌ك گووتم، بۆ ئه‌وه‌ی له مامۆستایه‌كیش تێبگه‌ین هه‌میشه پێویستیمان به‌مامۆستایه‌كی تره. لێره‌دا مامۆستا كاراكته‌رێك نییه به پێغه‌مبه‌ران به‌راوردیبكه‌ین، به‌ڵكو به‌كه‌سێك به‌راورد ده‌كرێت كه پرسیاره‌كانمان بۆ ڕاستده‌كاته‌وه، كۆمه‌كمانده‌كات خه‌یاڵمان نه‌مرێت، داوای ملكه‌چیمان لێناكات، به‌ڵكو داوای نه‌ترسانمان لێده‌كات، نامانبه‌ستێته‌وه به پۆله‌كه‌ی خۆیه‌وه، به‌ڵكو به‌ره‌ڵامانده‌كات جیهان ببینین... به‌كورتی مامۆستا ئه‌و كه‌سه‌یه كه هه‌میشه ده‌منێرێت بۆلای یه‌كێكی تر، ئه‌و كه‌سه‌یه كه ده‌زانێت بۆ ئه‌وه‌ی له‌و تێبگه‌م ده‌بێت لێی دووربكه‌ومه‌وه، ئه‌مه‌ش جارێكی تر خاڵێكی جیاوازیی بنه‌ڕه‌تییه له‌په‌یوه‌ندی مامۆستا و قوتابیدا كه جیایده‌كاته‌وه له‌په‌یوه‌ندی «ئاغا و كۆیله» یان «عاشق و مه‌عشوق».
"به‌ختیار عه‌لی"
پارچه‌یه‌ك له گوتاری " مامۆستا - قوتابی "
لە کتێبی " خوێنەری کوشندە "
🍁🍃🌷🌼🌸💐🌾🌺🌻🌹🎋
🆔 @baxtyar_ali
💙 لیستەک لە باشترین و تایبەترین کاناڵە کوردیەکانی تێلێگرام😍👇👇
کاناڵ فووتباڵی کوردەواری🤩
کاناڵ شێعر و نووسەری جوان✍️
کاناڵ عاشقانەی کوردی❤️
کاناڵ مامۆستا ناسر ڕەزازی🎸
کاناڵ فێرکاری زمانی کوردی📚
کاناڵ ڕەسمی پیشرو هورامی☑️
کاناڵ مامۆستا موحەمەد ماملە🖤
کاناڵ دنگە کوردی🔺
کاناڵ مامۆستا حەسەن زیرەک 🎶
🔺بۆ بەشداری لیست👇
↪️@F_Sh_A_D 🧡
❀ بۆ کورد و بۆ کوردستان ❀
❀ هاوڕێی هەمیشەیی ئێمە بن زۆر سپاس ❀
کوردم و لە ڕێی کورد و کوردستان
سەر لە پێناوم گیان لەسەر دەستان
بە کوردی دەژیم بە کوردی دەمرم
بە کوردی دەدەم وەرامی قەبرم
بە کوردی دیسان زیندوو دەبمەوە
لەو دونیاش بۆ کورد تێ ھەڵدەچمەوە
#مامۆستا_هەژار
پێڕستێک لە کاناڵە فەرهەنگی و ئەدەبییەکانیی کوردستان فەرموون لەگەڵمان بن.
"یادگارەكانی پیرەمێردێك"
نوسینی: "بەختیار عەلی"
خوێندنەوەی: "عادڵ عەزیز"
لە دیوانی: " تا ماتەمی گوڵ، تا خوێنی فریشتە "
🍁🍃🌷🌼🌸💐🌾🌺🌻🌹🎋
🆔 @baxtyar_ali
کە تۆ تۆرای لە چاوم وەک خەوی من
لە بسکت ڕەشترە مانگە شەوی من
بڕۆ مەجنوون بە لەیلای خۆت مەنازە!
کە ناوبانگی پتر دەرکرد ئەوی من
بزەی هاتێ, وتی جەلادی خوێری!
بە کەیفی خۆت پەتت باوێژە ئەستۆم
ئەوە پەت نییە میدالی ئیفتخارە
کە بوومە قارەمانی میلەتی خۆم!
#هێمن
پێڕستێک لە کاناڵە فەرهەنگی و ئەدەبییەکانیی کوردستان فەرموون لەگەڵمان بن.