42599
نشر ✍🏻القصائد داخل القناة مجاناً بأشراف ملا ابو امير الفاطمي مؤسسة فاطميون الحسينية للتواصل مع الادارة
لاچمني سواد الليله لاچمني
يطر فجره بسمه حمره
سواد الليله حيرني
*
عسن لاطر فجر باچر دعيت بنوح
موسهله اشوف إخواني مني تروح
ياليل الوادع ارحم گلب مجروح
باجر بيك وجه الله الظهر مذبوح
ارحمني عليك الزهره ارحمني
اجذبت عبره بسمه حمره
سواد الليله حيرني
*
اشوف حسين رايح راد لخيامي
يتخوصر اصدله وصار گدامي
باچر صوت اسمعه يصيح أنه الضامي
وحيد ابين الف واگف بلا حامي
تحيرني بوگعتك لا تحيرني
جرح صدره بسمه حمره
سواد الليله حيرني
*
سوادچ ينسج خيوط الخيم جمره
يليل شلون حاله المنكسر ظهره
سواد البيج يعرض صور حمره
فجرج كل ثوانيه تمر خطره
نزف جفني مثل نحره نزف جفني
على الغبره بسمه حمره
سواد الليله حيرني
*
ماترجع بعد لمتنهم اخواني
حضنت حسين عطر بصدره بچاني
أحس ضلعه لخيول المعركه يتاني
ردت منه ارتوي بس دهري وازاني
كاسرني ضلعك خويه كاسرني
بست نحره بسمه حمره
سواد الليله حيرني
*
يم عباس أحاول اخفي حسراتي
ياحامي الخدر باچر معاناتي
اضيع شلون انه وكل يتيماتي
لو ترحل تشب نيران خيماتي
تضيعني يكافل لا تضيعني
الحرب خطره بسمه حمره
سواد الليله حيرني
*
الليله شبيه عبدالله يناغيني
اشو حته الطفل ناوي يخليني
اصدله ومن يخلي عينه بعيني
بسكوته يگول دم نحري يرويني
يعبد الله تبچيني يعبد الله
حچه النظره بسمه حمره
سواد الليله حيرني
*
يالاكبر عمه وضعك مضطرب شفته
غيور وخايف بدمعاته ياذي اخته
يجاسم ياعزيزي الماشفت زفته
هداك الله يطاري الماي عطشته
يخيماتي باجر لاتعوفني يخيامتي
الوكت عثره بسمه حمره
سواد الليله حيرني
*
علي محسن الفرطوسي
قناة الرجوع الى الله @h_ameer1
قصائد منبريه مكتوبه @h_ameer2
ملا ابو أمير الفاطمي @h_ameer3
روح وريحان @h_ameer4
حگه الحسين بطيحتك يتغير
شفت المهر رد للخيم يتعثر
ماينعرف رايح جاي
يصرخ يشيال الواي
ــــــــــــــــــــــــــــــــــــــ
يالعايف اختك تنتظر
ما تدري بالصاير
حسينك رجع حاير
العسكر اعليه داير
لحد ما تگرب للخيم
اعرفنه ابو اليمه
كلسا عثر جدمه
بعازة اخو يلزمه
مشيت الفاگد تنعرف
من بعيد يتلوه
بي موجره الخوه
يحتظر كل خطوه
يكسر الخاطر بالمشي
ردلنه متخوصر
واعله العده ينضر
يضحگون من يعبر
من شكله وضعك ينعرف يالكافل
مو ذاك ابو طول الحلو رد مايل
لمن گعد خويه وياي
يصرخ يشيال الواي
ــــــــــــــــــــــــــــــــــــــ
هسه انه احير بيا اخو
بالردلي يتعثر
لو بالبقه موذر
دوهني ابو الاكبر
كل ما تگرب للخيمه
الگه اثر من رد
يم طولك امدد
شفت الدمه عالخد
متشابگ وياك اشكثر
من حيرته علومه
وريحتك بهدومه
ونترست الحومه
شسويت يحزم الضهر
بحسين وعياله
جا وگف دلاله
ريتك شفت حاله
كل ولده طاحو ما رجع يتلوه
اشايف حسين ورد الي مو هوه
گلي شلگه وتاه الراي
يصرخ يشيال الواي
ــــــــــــــــــــــــــــــــــــــ
عباس اول ما رحت
حسين نعصر كلبه
وبي فرحت الغربه
مجانك ولا طبه
يم خيمتك راح ورجع
ردلي وشفت وضعه
من يحجي ما سمعه
مخنوك بالدمعه
ويگلي خاف انه بحلم
ماهوه بالوادم
عباس ضل نايم
ولاكتر بي سالم
يختي اخلي بالحضن
يرد للترب شفته
ما رضه من شلته
لو بيدي ما عفته
يحط خده اخيج اعله رمل جدامي
عباس مات اعله النهر بس ضامي
الخاطرنه ماشارب ماي
يصرخ يشيال الواي
ــــــــــــــــــــــــــــــــــــــ
سولفلي حالك شيبت
يعينه الله ابو سكينه
من شافك ابعينه
گال الي اموذرينه
سولفلي اول ما وصل
كلي شفت جسمه
وجفوفه مو يمه
يصب للنهر دمه
حيرني ارسه المنشطر
لا ينشد ويرهم
لا يصح ليه مرهم
العامود ما يرحم
ماكو اثر لعمامته
دورت ما هيه
مدري انه مابيه
لو يمي مدميه
من جفوفه وعيونه النزف والهامه
تغيرت الگاع وضيعت لعمامه
يگلي نزف دم هواي
يصرخ يشيال الواي
ــــــــــــــــــــــــــــــــــــــ
يالماشي عني ما گلت
شلون بكلب زينب
بياحيل اضل انحب
من ابطي تتسلب
وحسين اذا ضل للضهر
ما وذره العسكر
بلياك ما يكدر
ويموت ابو الاكبر
بكل الاحوال الوحد اضل
من غيرك شعندي
ما طالعه الوحدي
لا ينسطر خدي
خليت حسبتي شكثر
كل ساعه الي حسبه
يابو الفضل صعبه
وگفتي ويه الغربه
ماعرف الراي ابكربله من دونك
ياهو اليرد لأرض الوطن بضعونك
دوهني الحسين بهاي
يصرخ يشيال الواي
ــــــــــــــــــــــــــــــــــــــ
مو حمل صحرة نينونه
موش انت تدريني
بهودج مخليني
مرعوبه تلگيني
شلون اوگف بنص الزلم
وكربله ما ترحم
ماكو مره تنضم
وهاي الي ما ترهم
من امشي لازم محملي
الوادم يعرفونك
ما تغفل اعيونك
ولا امشي من دونك
حيرت حتى البالمهد
محتار يم محتار
گعدو ازغار اكبار
اعليك ادمع مدرار
طبتي وياك وطلعتي بنص غربه
الماي الخذك يابو الفضل ما شربه
يالگطعت خويه جلاي
يصرخ يشيال الواي
بسام قابل الياسري
قناة الرجوع الى الله @h_ameer1
قصائد منبريه مكتوبه @h_ameer2
ملا ابو أمير الفاطمي @h_ameer3
روح وريحان @h_ameer4
#مقتل ابي الفضل العباس ع
ساكت ليش راجع ها يبعد اختك
امدنك شو رجعت وكاض خاصرتك
-----------------------------
ساكت شو رجعت و رحت للخيمة
طيحت العمود وصحت ابو الشيمه
احاجي حسين و احسين التهى بضيمة
ميته ولا مثل هذا العصر شفتك
----------------------------
رحت بلونك و رديت مو لونك
واثار البجي امبين على اعيونك
شو ما تحجي خوية وي اليحاجونك
اتنازع ويه روحك بالخيم عفتك
-----------------------------
امدنك راجع وجدمك يخط بالكاع
جنه من ايدك العباس اخيك ضاع
مو طبع من انشدك ما ترد ابساع
ولا جن زينب اختك واجت ناشدتك
-----------------------------
شو كضيت خاصرتك وتبجي ادموم
ما شفتك رجيج بكثر هذا اليوم
داير خيمة خيمة العباس كمت اتحوم
وصحت الله ولحد خوية ضيعتك
-----------------------------
كافي من النشد طر الكلب نشدج
زينب مات اخوج وراح من عندج
دمعة اتودي بيج وحسرة التردج
كتلك واليموت من القهر يفتك
-----------------------------
ما كتله لخواتك كوم رد وياي
اموت بموتته واعدل بكلمة جاي
فگدة البين بحيلي وثگل ممشاي
ما كتله اعله نار اختك مناطرتك
-----------------------------
اخادم احمد داود
قناة الرجوع الى الله @h_ameer1
قصائد منبريه مكتوبه @h_ameer2
ملا ابو أمير الفاطمي @h_ameer3
روح وريحان @h_ameer4
كفيلچ علتراب ودم على اعيونه
المن بيه والوادم يطشرونه
يزينب هسه متنه
انذبح ويصيح اختنه كفيلچ
------------------------------------------
عمت عيني اعله اخوچ أم عون لا چف بيده من شفته
زينب خويه سهم العين ما ظل حيل
چا شلته
حظنته ومن حظنته احتار احس بالجربه خانگته
گلي الماي خويه حسين وسفه رمال شاربته
ما ظل ماي لسكينه وتشربه
سهم العين هين هايه صعبه
عزيزه هواي بنتك رادت الماي
حنينه وما ارد كل التطلبه
كون بگلبي سهم الجربه مو بيهه
ابدي عيوني اريد وما ابديهه
بتنه سكينه بتنه
انذبح ويصيح اختنه كفيلچ
--------------------------------------
گتله الخوه لا متموت بيني وبينك الزهره
يبعد عيوني يا عباس اخوك المنكسر ظهره
تعال وياي عوف الگاع متوسد رمل صحره
راسك بالحظن خليه يلوجهك ضوى الگمره
وجهك صار كله تراب وسفه
دم فوگ العيون وهاي كلفه
گمر هاشم بدون چفوف تاليه
وعلى ارمال المعارك هيچ يغفه ؟
شگلچ خويه زينب يحچي بالگوه
اسمعه يگول حلوه وياكم الخوه
تره الزهره بختنه
انذبح ويصيح اختنه كفيلچ
--------------------------------------
زينب ماله چف محتار احسه يريد يشبگني
ما يگدر عمود الراس صابه وچنه صوبني
ذاك اليرهب الفرسان دم عيونه موتني
صاح (حسين ) ( زينب آه ) خويه الموت ماخذني
همه خيامچن ما همته عيون
وهمه شلون اظل الوحدي شلون
احط راسه اعله حظني ويرد للگاع
تظل وحدك يگلي ومن يهجمون
الف وسفه يخويه والزلم موتى
بعد عباس بالطف ما يصح صوته
الترب والدم تحتنه
انذبح ويصيح اختنه كفيلچ
--------------------------------------
اختنگ بالعبره حس بالموت ساكت صوته وانفاسه
صحت يا خويه اخوك احتار والموت اقترب جاسه
وانتي اتخيلي بهالحال اخوچ ومات عباسه
انذبحت بدون سيف هناك من حظني وگع راسه
طحت وياه ميت فوگ التراب
يا طيحة اخو يا طيحة الشاب
لو ما بالخيم زينب والاطفال
چا يكتلني يم عباس المصاب
بعد مامش ظهر لحسين لا حامي
مات الكله غيره وطيح خيامي
اگله اختك نختنه
انذبح ويصيح اختنه كفيلچ
-----------------------------------
مات وانه صرت وحيد وحدي وما يصح كافل
الدموع النزلت الفرگاك صاحتلك يبو فاضل
شگد وادم تگطع بيك تطعن بس تظل كامل
راسك علترب يا حيد بس مرتفع ما نازل
ضعت هسه بمماتك والحچي هواي
بدونك يابو فاضل محد وياي
العطش لچفوفك الطاحن على الگاع
النهر قطره بجبينك طولك الماي
نام وانه اروح هناك لخيامك
نقيم اعليك مجلس انه وايتامك
بچينه وما سكتنه
انذبح ويصيح اختنه كفيلچ
رعد الفريجي - محرم 1447
ثوابها الى روح والدتي
قناة الرجوع الى الله @h_ameer1
قصائد منبريه مكتوبه @h_ameer2
ملا ابو أمير الفاطمي @h_ameer3
روح وريحان @h_ameer4
الامام الحسين ومصرع ابالفضل روحي فداهما
أرجع وياي يابعد چلاي
زينب منتظره لجودك
ماتدري بكطع زنودك
.......
يبو فاضل اخوك انه ارد شلونك من دونك
تموت ام الخدر خايف إذا ماشافت عيونك
اباب الخيمه منتضرين تسگيهم يتانونك
تخليني ارد شلون وحدي ومايشوفونك
تشبحلي عيون منتضره ام عون
يل دمك غطّه خدودك
ماتدري بگطع زنودك
.......
الاخو المثلك يبو فاظل بهذا الحال ماينعاف
كل ما أگومن اتعثر مصابك چتفاني چتاف
طحت ورايتك طاحت واخوك وحيد هسه أنشاف
ماخاف عله روحي تهون يخويه عله الخدر ينخاف
تسمع شكواي ظل خالي الواي
عسكر يرجف بوجودك
ماتدري بگطع ازنودك
.........
الدنيا أخلاف وجهك ليل مابيها أشوف أنهار
هاي بياوكت عباس اخوك حسين ظل محتار
يكون الموت خيرني أكيد وياك هسه اختار
يعايف نار بالدلال وبخيامك يخويه النار
انته الوفاي ماردنه الماي
اگعد وحرسها حدودك
ماتدري بگطع زنودك
.........
سهم عينك يبو فاضل گلي شلون تجبيره
اطلعه تنشلع عينك يخويه حيرتي حيره
يوجهك من اشوفه أرتاح جمال الله بتعابيره
أعوفك وأرجع بياحال باصرني يبو الغيره
أعداك يصيحون. وبيه يشمتون
يل زودي خويه بزودك
ماتدري بگطع زنودك
..........
الك موقف يبو فاضل محد مثلك امسويه
يتارس جودك وضامي ونار الچبد تسعربيه
كل هذا العذر واتصيح المثلك حيره شنسميه
اشوفن جودك اتحسر يمن عمرك تبده عليه
من طاح الجود انطيته أزنود
تروي الخدر مگصودك
ماتدري بگطع زنودك
...........
خادم اهل البيت ع
فلاح طالب الماجدي
قناة الرجوع الى الله @h_ameer1
قصائد منبريه مكتوبه @h_ameer2
ملا ابو أمير الفاطمي @h_ameer3
روح وريحان @h_ameer4
قصائد ليلة السابع 👇
(لسيدي العباس صلوات الله عليه )
ياصاحب الزمان
#اللهم_عجل_لوليك_الفرج
السلام عليكم خدام الحسين
كما هو المعتاد بالنشر نبدي ساعة 12 صباحًا
لكن لكثرة قصائد سيدي ومولاي ابو الفضل العباس وكذلك خاف ننشغل يوم غد للتحضير لمصاب قمر بني هاشم
راح ننشر من اليوم الساعة 8 مساءً فأنتم راح تلگون المنشور مثبت فوگ اضغطوا عليه تطلع الكم القصائد
العباس عليكم لا تنسوا صاحب الزمان من الدعاء بكل لحظة وثانية ' صاحب الزمان تعبان حيل من هل مصايب هاي 💔
#اللهم_عجل_لوليك_الفرج
بالملاحم والنزاع @ ذوله انصارك سباع
واحنه يامولايه تعرف@ نوكف هنانه شراع
@@@
اسمع أصوات الفحول شكال هساع الكلب
من وعينه واحنه كلنه دوم نبقى بل درب
مقفله أبواب الدليل احسين بس انت لتطب
ذبنه عل موت الشجاع تعرفه يكشخ بالحرب
من نصول احنه ونجول @ نذهل أرباب العقول
ونمطر الحومه بلاء @ ويفتل أبجوها لصداع
@@@@@@
طمن احسين النجيبه وكلها خدامج نصير
احنه عن الخيمه ساتر والله شاهد ماتحير
بالجبين الغيره كطره واحنه من جوه الضمير
أوياكم احنه للقيامه موش للركبه التطير
دوم مانخلف وعود@ هايه أنصارك اسود
فدوه مولايه نكلكم@ ذول شله من الضباع
@@@@ا
احجايه نحجيها نكلك احنه مانهوه الخنوع
احنه بس انت نخدمك خلها تسمع هل جموع
اله نرعب ال ميه و نترس الحومه دموع
وصراحة بركب ذوله السيف ماعنده قنوع
اله نكطعها الجفوف @ هايه مالتنه الطفوف
وموت احمر هل اجاكم @ اله ناخذكم رعاع
@@@@@
احنه من جينه الشهاده بروس زلمك تستقر
وغايه ماعدنه وراكم انتم اسياد العمر
انضر انصارك حبيبي بس لاشوس والنچر
مانهاب احنه المنيه تسمع اجيوش الكفر
أله نكلبها كلاب__ ننزل أعليهم عذاب
انت يامولانا مشرف _ أمر وأمرك يطاع
@@@@@
احنه من ننزل ملاحم والسيوف اي لاطمه
درع منخلي اكيد ودوم مانطلب حمه
افهمنه من حيدر ابوك شلون سيفه يقسمه
نطبر الهامه نشكها أنوصل الدم للسمه
جرب لواحد تشوف` شلون يرعب هل ألوف
وبركاب شلون يسرف" من يدوس علل الضلاع؛ @@@@@
شكرا صاحب الزمان صلوات ربي وسلامه عليك
مسلم ياسر المياحي
؛
قناة الرجوع الى الله @h_ameer1
قصائد منبريه مكتوبه @h_ameer2
ملا ابو أمير الفاطمي @h_ameer3
روح وريحان @h_ameer4
#نزال_للأنصار
ياهو يوصل خيمتچ _ زينب احنه بخدمتچ
**
العمر دون حسين يرخص كلها هاشم رخصته
ذاك حضر چفن بيهم ذاك حضر لامته
وگفت السبعين كلها ورف حبيب ابرايته
شيخ وابن شيوخ واگف والعده ماهمته
شهم ماهمه العدد _ صاح يازينب مدد
ياهو يوصل خيمتچ _ زينب احنه بخدمتچ
**
طب حبيب وبيدة راية عنده طگ عرج الزعل
خل تجيني القادة كلها اليوم اگطعهم وصل
ذب العمامه وهوس خل يجي الموت ابعجل
الموت واحد وشحلاته وي الحسين الاجل
شيخ الانصار وفزع _ طشر القادة ورجع
ياهو يوصل خيمتچ _ زينب احنه بخدمتچ
**
اتلاگه وي الموت ملگه عابس انجن بهواك
الدنيا عنده حسين بيها وماكو بالدنيا سواك
الكون چان اضلم بعيني وفتحت عيني بضواك
الجنه ماتعنيني كلها اليعني حبك وي رضاك
حبك اعظم غايه لي _ يابعد روحي واهلي
ياهو يوصل خيمتچ _ زينب احنه بخدمتچ
**
لزم سيفه ولبس درعة وطب زهير ابن القين
نافع ابن هلال ناده يالثارات الحسين
شدوا على الكفر كله وبعلي متحزمين
مانعوف حسين وحدة وخل تخلدنه السنين
ننصر الدين وهله _ خلها تشهد كربله
ياهو يوصل خيمتچ _ زينب احنه بخدمتچ
**
نصروا الدين وعترته اسلم وسيف وسوار
انصار حگ حسين ذوله والحرب سوها نار
وهب طب وامه التهلهل والحرب طباها حار
واخوة العباس كلهم نزلوا يطلبون ثار
حمره صارت بالدمة _ انصاركم متحزمة
ياهو يوصل خيمتچ _ زينب احنه بخدمتچ
**
احمد ديوان الخيكاني
قناة الرجوع الى الله @h_ameer1
قصائد منبريه مكتوبه @h_ameer2
ملا ابو أمير الفاطمي @h_ameer3
روح وريحان @h_ameer4
(خوية ردتك )
خوية ردتك كوم لية
هدو الكوم شبدية
خوية ردتك …. خوية ردتك
………………………….
حسين كوم العيلة راحو للخيام
كوم ياعمود بيتي وشوف الايتام
خوية الحكلي ترة مالي معين
اكلهة موتة وانة وحدي وي اللام
انة عل تل و اندبك
كوم خوية وشوف اختك
النار شبت عل مخيم
والعدة ضربوهة بتك
خوية ردتك …. خوية ردتك
______
ارجع علينة ياخوية وشوف الاطفال
مثل كطعت السبحة طش العيال
نصهة ماتت بل حوافر نصهة نار
سلبو وحركو علينة ذوالي الانذال
خوية ششكف وانة وحدي
بل هضم متروس جبدي
انهض علية وافزعلنة
النار تاكل كلش عندي
خوية رتك .. خوية رتك
…………………..
خوي الحك انة حرمة وبس عليل
عمت عيني شيلحك هوة نحيل
يكلي عمة نار وخري وبيه نار
ودخنت الدنية علينة جنهة اليل
اومي الية حسين خوية
الجيش يهجم روحة جية
الحك وشوف المخيم
انة حرمة واشبدية
خوية رتك خوية رتك
——————————
كلبي يوجعني يخوية رد الي
من افزع ماكو واحد من هلي
صعبة من زينب تفزع ماكو ناس
اني اضل ابجي وانوحن هاذة حالي
ارجعلي ياعمود الخيام
مترس دليلي بفكدك اسهام
ما هاد دمعي وسكتت العين
الحك ياخوية اسمع الشام
خوية رتك خوية رتك
………………….
الجيش يجوي بكلب اخيتك ياحسين
الهضمة صاحو هاية زينب بلا معين
سلبو واحرك ودفعولي العليل
كسرو اكليبي بفعلهم انتة وين
اه ياهضمتي من اجوني
بل كاع افزع من ولوني
صعب علية نار وطفال
ياحيلي وينك يا عيوني
خوية رتك خوية رتك
✍🏼:يونس علي الكعبي
قناة الرجوع الى الله @h_ameer1
قصائد منبريه مكتوبه @h_ameer2
ملا ابو أمير الفاطمي @h_ameer3
روح وريحان @h_ameer4
حماسيه . ( #وما_بدلوا_تبديلا )
#محرم_1447
…………………………………………………………
فمنهُم مَن قضى نَحبه .. و منهُم ينتظر صَلبه
وما بدّلوا تبديلا
……………………………………………………………
زلم خالقها الله من زبر الحديد
حتى ميتهم تعارچ روحه
صار يتفاخر جريح اعل الجريح
البيهم الاكثر تكون جروحه
زلم سوت للحرب طعم ومذاق
بيهم العركه اصبحت مملوحه
المات منهم مايوصي لا ابمال و عيلته
يبچي ويأشر بصبعه بالحسين اوصيته
بنهرِ الدمِ قد باتوا . فهُم أحياءُ ما ماتوا
فصار الذبحُ تبجيلا
وما بدّلوا تبديلا
……………………………………………………………
لا حواريين وي عيسى المسيح
لا ربع موسى الذي نجّاهم
واذا اصحاب الكهف ناموا سنين
ذوله ناموا و السهام اغطاهم
هدوا اعل الزهره اصحاب الرسول
وذوله يم زينب جروها أدماهم
جيش حيدر لو مثلهم وضع صفين اختلف
ايصير كل الشام شيعي وحلب تتحول نجف
لسبطِ المصطفى وقفُ . وفيهِم يفخرُ الطفُ
فقد قُتّلوا تقتيلا
وما بدّلوا تبديلا
……………………………………………………………
شگد عجيبه واحنه ما سمعينه هيج
لا ابقصه و لا فلم شفناها
واحد اتگله تره باچر تموت
يفرح و ظل للصبح يتباها
ينتظر چن لحظه افراج السجين
ابشوگ لحظات الذبح تاناها
جيش سبعين الف واحد رفعوا اسيوف الذبح
وتضحك الاصحاب چنهم عيد رمضان الصبح
فإنَّ القتلَ ميقاتٌ .. لهُم تشتاقُ جناتٌ
وأمسى الساقي جبريلا
وما بدّلوا تبديلا
……………………………………………………………
بله منهم خلي ناخذ فد مثال
حتى ناخذ صوره عن الحاله
تگول عمر اثمنطعش راجع حبيب
ركض يهجم يسبگ الخيّاله
اللي يبرز گبل لا راسه يطيح
رعباً الشارب يطيح أگباله
يكله يحسين انا عمك تره مو شايب ولد
سيفي جاع و ما يشبعه إلا رگبة بن سعد
حبيبٌ كالأبابيلِ .. على إبرهه و الفيلِ
وسيفٌ يرمي سجّيلا
وما بدّلوا تبديلا
……………………………………………………………
زينب وتنشد حسين اعل الانصار
خافن ايتركونك ابهل الهيمه
سمعوا وفزعوا و چن حرگة مضيف
وچن سباق و ركضوا اعل الخيمه
احنا يا زينب ابليّاكم عبيد
تره بيكم النه صارت قيمه
عالمخيم أحنا غيمه نمطر اعليج ابرگب
حبل من خيمة رقيه يعادل اجبال الذهب
فقري العينَ يازينب .. فدِا كلٌّ لكِ يذهب
يصيرُ الرملُ إكليلا
وما بدّلوا تبديلا
……………………………………………………………
الدين موقف مو فقط صوم وصلاه
يريد كلمه و لو تتطلب موته
الما فزع للمذهب ابرخص التراب
والفزع يسواله الف ياقوته
تره نفس القصر وي جون وحبيب
اليجي ملفوف ابعلم تابوته
احنا ما شاهدنه عابس شفنه بس زلم الوطن
حررونه امن ايد داعش وانطوا ادماهم ثمن
حسينٌ عندهم يحضر .. عليهِم يَحنو كالأكبر
وباتَ الدمُ تغسيلا
وما بدّلوا تبديلا
……………………………………………………………
✍️ ( سيد خضر الزاملي )
قناة الرجوع الى الله @h_ameer1
قصائد منبريه مكتوبه @h_ameer2
ملا ابو أمير الفاطمي @h_ameer3
روح وريحان @h_ameer4
نزلة للأنصار
................
يرف حبيب اعلى الروس بالرايه
وهوسوله الانصار بالثايه
........
يهز حبيب الرايه بيده.. اليوم هذا اليوم عيده.. والانصار يقودها
اليو خنراويها اجلها.. وحرب صفين وجملها.. ها يخوتي نعودها
هوسو الانصار يمه.. وصارت اعالشيخ لمه.. وثقتله اعهودها
يا حبيب الجيش فنه.. الخيمة حسين يتدنه.. الا نكسر عودها
اليوم نوجر بيها ترجف انخليها
تنومس وشد حزام بالصايه
وهوسوله الانصار بالثايه
............
واكف يخطط عليها.. اشلون يهجم يبدي بيها.. خطه عنده اباله
نبدي بالاطراف بيها.. نغوصهم ونشل اديها.. ونسحك الخياله
انوب نتعنه الكلبها.. وعالذنايب خل نذبها.. الجيش نكلب حاله
اليوم مشدوده هممنه.. للحسين احنه فزعنه.. نموت كلنه كباله
اليوم نكسر نابها نوكف اعلى اركابها
يالله خنطب الموت عنايه
وهوسوله الانصار بالثايه
...........
شهرو اسيوف البواتر.. ركضو وكسحو سواتر.. وانفجر بركانها
طبو اعلى الكوم جمره.. الحومه صارت ريح حمره.. من الغضب دخانها
من حدرها الكاع تجدح.. بالفرات الجثث تطفح.. والدمه لعنانها
زلزلة الانصار نزلت.. نار فوك الكوم مطرت.. ما طفت نيرانها
الجيش تاه شماله بهذلوله احواله
ذول اهلها الحرب مو ودايه
وهوسوله الانصار بالثايه
................
ضل حبيب بسيفه يسطر.. بيده زلمتها يتكنطر.. وتيهت مشرادها
من يكبر عالي صوته.. يسمع اجواب امن اخوته.. يا هلا بجلادها
شردت اتلكاها عابس.. واكف اعلى الحومه حارس.. يزأر اعلى اجيادها
للشريعة انطو وجهم. لن زهير ومنتظرهم... تعبو من طرادها
الحر يكلب بيها ونافع يلاكيها
وجون سواها الجثث دمايه
وهوسوله الانصار بالثايه
..............
حيروه الجيش حيره.. ما عرف شنهو مصيره.. شهالبلاء يشوفه
ما نرد بحسين حلفو.. نجلو بالكوم طبكو.. كربله وي الكوفه
معلمه اعلى الطك اديهم.. والحرب لايك عليهم.. بالشدد معرفه
علنو اعلى النهر صوله.. وكام من خوفه اعلى طوله.. وحيتلها اجروفه
والشريعة الجودهم حيتلهم زودهم
يمن صرتو لحسين حمايه
وهوسوله الانصار بالثايه
...............
وفو الدين العليهم.. خضبو بالدم اديهم.. ترجموها الغايه
اعلنو لحسين ثورة.. تعجب العالم بأسره.. من حموها الثايه
ضحو الركب النوارس.. كل صبح للخيم حارس.. نعم من وفايه
لعين ابو اليمه وصموده.. باعو الدنيه اعلى موده.. اشترو جنه شرايه
لجل نور عيونه ارواح باعو دونه
ونعم منهم بالشدد وفايه
وهوسوله الانصار بالثايه
........
مذكور العلياوي
قناة الرجوع الى الله @h_ameer1
قصائد منبريه مكتوبه @h_ameer2
ملا ابو أمير الفاطمي @h_ameer3
روح وريحان @h_ameer4
ياحبيب هالله هالله بهالغريب
ياحبيب ما له ناصر لا مجيب
روح واكصد كربلائك خضب الشيب بدمائك
* *
رؤيا عن لسان حرة وسر تبوحه
تروي للشيخ الفقيه اليشفي روحه
تذكرة بوعد الولي وبلسم جروحه
وبالشهاده تبشرة وغاية طموحه
ياحبيب تشرح احساسه وتكول
ياحبيب يوصل الـيوم الرسول
قاصدك يطلب ولائك خضب الشيب بدمائك
* *
ياحبيب البارحه شفت الزجيه
وانه مرسال الوصيه الفاطميه
ياحبيب تبلغك الزهره تحيه
تگلك حسين بصحاري الغاضريه
ياحبيب مو فقط تقصد خضاب
ياحبيب شارك حسين العذاب
موقف يشيد بوفائك خضب الشيب بدمائك
* *
ياحبيب تدولب الگوم بحبيبك
وانت موعود لنصرته بضهر غيبك
راية المعزوله بالطف من نصيبك
ووي خضاب حسين لازم تدمي شيبك
ياحبيب يختلط دمه بدماك
ياحبيب باجر تموت بضماك
ينسلب هدمه وردائك خضب الشيب بدمائك
* *
واخذ لام الخدر مكنون الرساله
گلها باجر لمن تشوفين حاله
شمي نحره ولوذي بفيايه وخياله
كلها هاي اخر دقايق من دلاله
ياحبيب هوس بحد الخيام
ياحبيب بلغ الحره سلام
تعتز بموقف نقائك خضب الشيب بدمائك
* *
لحضه لن القاصد يخصه بسلامه
ثوب يوسف مو كتاب احيا عضامه
للحرب كام وتحزم بالعمامه
واستجاب برده بالحب والكرامه
ياحبيب لا تقصر بالطفوف
ياحبيب بالصدر لاكي السيوف
وارفع الراس بسمائك خضب الشيب بدمائك
* *
ياحبيب تريدك الزهره وي ابنها
وانه اريد الما يخيب بيك ضنها
البيه نشارك كل ماسيها وحزنها
وبونيني عليك كون نواسي ونها
ياحبيب خلي تبجيك العيون
ياحبيب وانت گد هاي الضنون
واسمك ترسخه بعطائك خضب الشيب بدمائك
* *
خادم الحسين ع
علي العزامي
قناة الرجوع الى الله @h_ameer1
قصائد منبريه مكتوبه @h_ameer2
ملا ابو أمير الفاطمي @h_ameer3
روح وريحان @h_ameer4
ياسيدي احنه …..ازلامك
يـا سيـدي …….وخدامك
ــــــــــــــــــ
انته بس أشر يغالي وعوفة كلشي علينة
احنه اجيناك وننصرك غالي يا ابو سكينة
ابشر بهاي وتدلل عفنة كلشي وجينة
نفرش اروح اعلمودك لأجلك وضحينة
كل العمر….. گدامك
يا سيدي……وخدامك
ــــــــــــــــــ
اختبرنا بكلشي يمك جينه نفدي ارواحنا
طوع أمرك يا ابو الاكبر والله مثل أرماحنا
مو سلاح سيوف ادينه حبك انته سلاحنا
نبتسم بأرض المعارة بدم نزيف جراحنا
من تختبرنا…..… ايامك
يـا سيـدي …….وخدامك
ــــــــــــــــــ
ما تباوع على المظاهر انته شفت قلوبنه
لهالسبب تم اختيارك انه يا محبوبنا
ثوبنه نحبك يغالي وما نبدل ثوبنه
لو نموت ونرد نرجع والله نفس أسلوبنه
فدوه لتراب…… اجدامك
يـا سيـدي …….وخدامك
ــــــــــــــــــ
بين اديك اعله المنية بالحرب نتزاحم
انت دوله واحنه شعبك لجلك و ونتلاحم
ولحد ما تنتهي الدنيا من بداية ادم
عهد بالدم ما نعوفك يا أمير العالم
وقعنا يم………. خيامك
يـا سيـدي …….وخدامك
ــــــــــــــــــ
نطيح بالحومة يغالي وفدوه لجل عيونك
سيدي وسبعينك احنا الما نعيش بدونك
سبحة ولضمنه اعله جفك سيدي وخي عونك
دنيا ظلمة واحنة نمشي سيدي بضي لونك
نمشي وراك…… أيتامك
يـا سيـدي …….وخدامك
ــــــــــــــــــ
احنه بس لبيك نهتف سيدي ومنعوفك
انته كبعة حبنة انته واحنه اجينة نطوفك
لو نموت احنه اعلمودك بالقيامة نشوفك
هاي الارواح بخدمتك والله بين اجفوفك
بينة تشد……… حزامك
يـا سيـدي …….وخدامك
ــــــــــــــــــ
شرف دنيا وآخرة أنه من نصير انصارك
وانته سيدنا وابونا يا أمير احرارك
الموت دونك بي كرامة ونندفن خطارك
وباجر بصفك تجينه تزورنا زوارك
كل هذا من…… إكرامك
يـا سيـدي …….وخدامك
ــــــــــــــــــ
الشاعر زين العابدين الشمري
قناة الرجوع الى الله @h_ameer1
قصائد منبريه مكتوبه @h_ameer2
ملا ابو أمير الفاطمي @h_ameer3
روح وريحان @h_ameer4
الانصار صلوات الله عليهم
بقيت ابـ وحدي بين الناس محتار
كلـهه اتـريـد روحــي ويـن انــدار
لا عـبـاس عــدي ولا عـلـي وجـون
كـسـرتـكم چـبيره ابظـهري ينصار
اذا باقـي نفـس عـدكم حـگ الصحبه الحگوني
بقـيت ابــلا ضــهر والــخيل والـوادم يـريدوني
عبد جاس العطش كلبه احجايه بس دسمعوني
اناديكم فلا كل صـوت لـيش ابوحـدي عـفتوني
گـومو حـگ الخوه اصيحن
وحدي ضال الناس صاحت
كضـه شـيبـك عـيش حيره
اتحشم المن كلهه طاحت
===========================
يسبـعـين الـخيـم بالضيم الحسين
چنت زين اعله حـيلي وهسه مو زين
من لا چـاره اصـيحـن لحـگـوو فزعه
اروحـن للـخـيم لـو ضـل حـرت وين
وحيد الخوه صاحبكم وعلي ضـاكت عليه الروح
عشت حال الذبح والموت وانه الهسه ما مذبوح
عدل واكف بعدني وغير چا ليش واحس مطروح
هوان الدنيه بيه انگال ابروحـك مـوت يالمجروح
فدوه گومو كلهه شمتت
هـمه طاحوو وانته هسه
بحّـت اريـاجـي علـيــكم
الفزعه من صوتي اهمسه
===========================
اروح الـمـن واخـاف اعلـيه ينگال
هاذه المنكسر والوحده بس ضال
بعد لحـد يكـول احـسـين بالـخير
موش ابخـير كلـش والـضـهر مال
عليه الوادم التمـتت وبـده بذني الحجي اسمع
شـويه ومن تطـيح انته وراك اهلك ركض تطلع
اشتفزع ما بقالك موت على الصحبه بجي اشبع
العطش من عينك اتبـين وخوف ابضهرك اتربع
رايح ارجع كـاض ضـهــري
يا هـو يـوكف حـيلي حـاير
هايه مو زينه اعله الحسين
ايحـشـم ومـا مشـله ناصر
===========================
يعز ضهر الـوجـع بـس كومو وياي
رددتكـم للـخدر عـازه والي افـياي
يبــياض الـوجه لتـعوفـو الحسين
يعطش خوه ما يعطش على الماي
يهل گلب المـحنه شـلون زينـب غادي تنطرني
امن ادنك وارجع اعليهه نضر كسرتهه تكسرني
وحكم گـلبي كلـش گـام مـن الحـرگه يوجـعني
ما بيه وجـدم يمـشي والـ شلـون الـتتـعـبـنـي
ابـوجــع كــل ســاعـه گلبي
ايـدي حـطـهه راد يــوگــف
امشي خطوه واحني كسـري
والناس تشمت كلهه بالطف
===========================
لا طـال الـعـمر بـحسـين لا دام
اذا مـنــكم ولا واحـد الـي گـام
اكض ابشيبي واتحسر يلصحاب
بعد اشويه كلهه اتطـيح الاخيام
حكي ومن اطيح ابضـيـج مالي خـوه لا صـحبه
عفه وبحسين حد هـسه يـدك اومـا وكـف گلبه
غير وطحـتوو كـون ارجـع ضيع جدمي كل دربه
امن اروحن وارجع ومحتار اسمع تضحك الغربه
ابـيا كـتر اخــيامـي صارن
خـلـي بـس واحـد يـأشـر
امدوهن وما گمت اشوفن
اهـوايه مـن يم اختي اعبر
===========================
سجاد ابراهيم الكعبي
قناة الرجوع الى الله @h_ameer1
قصائد منبريه مكتوبه @h_ameer2
ملا ابو أمير الفاطمي @h_ameer3
روح وريحان @h_ameer4
عندما وقع الامام الحسين جعل من الرمل وسادة
حتى ينظر إلى خيامه
يا رمل ساعدني ليتامي
خل اديرا وجهي لخيامي
واستراح
ــــــــــــــــــ
يا رمل ضامي واجه الموت اعتناني
والدهر جار وعله وجهي رماني
ونگلب سرج المهر والهم دهاني
خل اصدا وجهي لعيالي و حناني
خل تصير اضعوني كدامي
خل اديرا وجهي لخيامي
واستراح
ــــــــــــــــــ
خف عليه من العطش جبدي تگطع
ونفطر قلبي بكثر ماگالو ارجع
ضعني ينتظروني بس مابيه افزع
جسمي فوكك يارمل بالهم توزع
شوفي هم من النظر ضامي
خل اديرا وجهي لخيامي
واستراح
ــــــــــــــــــ
بية فزعه شما ردت انهض وكابر
يا رمل وتمر اعله صدري الحوافر
وانت حار من الشمس بس اني صابر
والنزف ما بردك هم دمي فاير
دمي من كثر العطش حامي
خل اديرا وجهي لخيامي
واستراح
ــــــــــــــــــ
ما أريد الفي يجي يضلل علية
واني وردتي اذبلت بالغاضرية
يا رمل عطشن بناتي شوف الية
ذني وردات القلب سكنة ورقية
بشوفنهن تتخفف الامي
خل اديرا وجهي لخيامي
واستراح
ــــــــــــــــــ
بمقبض السيف اجعلت بالگوة ايدي
وبالدمه من كل كتر ينزف وريدي
عفت قلبي اعله النهر طايح عضيدي
هذا اخوي ولهفتي ودرعي وسنيدي
ذخري هوه وظهري وحزامي
خل اديرا وجهي لخيامي
واستراح
ــــــــــــــــــ
خايف عليهم يمر طاري لضعوني
من يشوفون الدمه مخضب منوني
وبين هاي الخيل خايف من يجوني
وخايف الاطفال بالحر يعتنوني
والله صدمة بشوفة اسهامي
خل اديرا وجهي لخيامي
واستراح
ــــــــــــــــــ
الشاعر زين العابدين الشمري
#ليلة_السابع
#حيرة_الحُسين_بفقد_قمر_العشيرة
ياخويه عباس ياخويه عباس
……………………………………………
ظُهر والخيمه طر بيها الحزن صايح
بلايه اجفوف بيمن يلزم الطايح
عمت عيني وسط عينك سهم لايح
تضل اخيمنه المن والاخو رايح
من السهم ماتنسد العين
ماضل وجع ماجاس الحسين
ياخويه عباس
ياخويه عباس ياخويه عباس
……………………………………………
لگيت شكد حچي بعيونه ضل خامل
خليته بحصيره ومو جسد كامل
بچيت بگد بچي الثكله عله ابو فاضل
الدمع مايكفي للفاگدله اخو كافل
الماخله دمعي ينزل بيوم
تالي الزمن عباس ملچوم
ياخويه عباس
ياخويه عباس ياخويه عباس
……………………………………………
تلگني چبيره الگسره مو سهله
طاح الچان من يحچي الحچي يعدله
شيضل بحسين لو راح البخت كله
ينسوان الخيم عد راسه اگعدله
گون البواچي ترجع المات
لگضي العمر ياخويه ونات
ياخويه عباس
ياخويه عباس ياخويه عباس
……………………………………………
السهم بعيونه ما اگدر اغمضهن
الهظمني من البنات يگعدن بعمهن
يـريدنـه يـرد بـس مايجـاوبهـن
هظيمه الجابهن مايگدر يردهن
يابويه عمچن موته وازاه
اقرن عله روحه الاويلاه
ياخويه عباس
ياخويه عباس ياخويه عباس
……………………………………………
عباس القلعاوي
قناة الرجوع الى الله @h_ameer1
قصائد منبريه مكتوبه @h_ameer2
ملا ابو أمير الفاطمي @h_ameer3
روح وريحان @h_ameer4
رجع من النهر مايل
حاير والوجه ذابل
كلتله شبيك خويه وصاح
يزينب مات ابو فاضل
____
للخيم رد يمشي كوه
يصيح هاي شلون بلوه
شيوجعك لمن سئلته
كال يازينب الخوه
راح الجان يسواله عشيره
يازينب خسارتنه جبيره
حرت من ياكتر اشبك العباس
متطشر وذر صاحب الغيره
خسرنه الجان ساندنه
بعد عباس ماعدنه
ياخويه كفيلج راح
يزينب مات ابو فاضل
___
وكف يمي وكال اخبرج
انكطع راس حزام ضهرج
بعد مايرجع كفيلج
خويه الله يعظم اجرج
الطمن صاح يازينب الطمن
و ونن عالأخو اليستاهل الون
اول تالي هيج عيون عباس
بصفهن واكف وبيه يتيهن
شمسوي السهم بيهن
يازينب امطفيهن
النضر من عين اخيج راح
يزينب مات ابو فاضل
___
كتله خليني اشوفه
كال احسلج نعوفه
بيمن تحضنين اخيج
زينب انكطعن جفوفه
يزينب طاحن ايساره ويمينه
لكيته ميت ويبجي علينه
شتروحيله هو البي مكفيه
بيش يشوفج المطفيه عينه
ارحمي بحاله يازينب
لو رحتيله يتعذب
خلي بموتته يرتاح
يزينب مات ابو فاضل
___
كال اوصيج بخواتج
والبقيه في حياتج
اليوم ذبحو ابو فاضل
وتحترك باجر عباتج
يزينب باجر يسحكون صدري
مادامات راح حزام ضهري
وفوك الرمح من تلكين راسي
لتلطمين زينب خويه اصبري
صح العطش مثل السل
بس طاري الهزل يكتل
اخ الشام كله اصياح
يزنب مات ابو فاضل
____
حسين صارت عينه حمره
يصيح خويه ويجر حسره
وهو وسو يمه الشماته
راح اخو وانكسر ضهره
ضل حسين وحده ابلا عضيده
صاحو بعد صعبه يشيل إيده
انحنه ضهره وكسرنا على العباس
خل نتحاوطه ونكطع وريده
نذبحه ونسبي اخياته
ونحرك حتى خيماته
الساند ضهره بالطف طاح
يزنب مات ابو فاضل
قاسم الغزالي
قناة الرجوع الى الله @h_ameer1
قصائد منبريه مكتوبه @h_ameer2
ملا ابو أمير الفاطمي @h_ameer3
روح وريحان @h_ameer4
اخي اخي لا ترحل
اخي اخي فراكك حل
اخي اخي شلون الحل
..................................
يعباس انكسر طولي اجيتك للنهر كوه
الجدم يتعثر بممشاه اه ياريحه الخوه
العمر من دون اخو شيفيد مثل مرورة الكهوه
بكل خطوه اعيش اجم جرح
و سنيني ليل بلا صبح
جن راسي مرفوع برمح من طيحه الكافل
يمته اوصل لراك النهر
وانظر لاخوي انه الكمر
كل الدرب رمح وحجر ياخويه ابو فاضل
حزن حزن بدموعي
حزن حزن موضوعي
حزن حزن بضلوعي
........................................
وصلت للكافل وشفته وبجيت من الحزن والهم
هيبه هاشم اعله الكاع وبعينه السهم سلهم
وصل صاير كمر عدنان المه شلون ما ينلم
حيرة اخو بطيحه اخو
عباس من كلي منو
حسباله من جيش العدو طفه السهم عينه
بعيونه تربان ودمه
وشفافه يبست بالضمه
انه صرخت يافاطمه الموت جا وينه
دمع ودمه بعيونك
دمع ودمه وشلونك
دمع ودمه لضعونك
................................
حضنته وسولفت وياه جان ينازع بروحه
حرت انه بعمد مصيوب احضنه منين مالوحه
اخوي بكل كتر مطعون خفت الجمهن جروحه
من ايده ضل بس الزند
بين النخل رايح وارد
يحسين للموت استعد من كطعه جفوفه
وا ضيعتاه يا ابا الفضل
بجفاك ماضلن عدلل
وزينب سبيه اعله الهزل وبحبل مجتوفه
سبي سبي من بعدك
سبي سبي يالفكدك
سبي سبي بس وحدك
...................................
اول مره اسمعها الخويه بأخر انفاسه
كفال الخدر خجلان جان الماي بأحساسه
وهو الخوذه وي سهام كلهن هشمن راسه
الخوذه من كد الضرب
براس الكمر رادت تطب
ومن عينه الدمايه تصب عاللحيه الدمايه
ودعني اخوي وبالدمع
وداع الاخو يكسر ضلع
عمض عيونه بهالوضع يجروحي الهوايه
جرح جرح بعيوني
جرح جرح بضنوني
جرح جرح بضعوني
.....................................
يخويه شلون ارد لام عون شيوصلني لخيماتي
الحيره البيه من عباس شسولف انه لاخواتي
المفارك اخو ياناس يعيش بغربه اهاتي
محتار انه ويه الحرم
وشلون لو يم الخيم
تمنيت بيه شجم سهم ولا عايش الحيره
شحجي ويه زينب عالكمر
لو تدري طايح عالنهر
خايف تموت من الخبر ديره حزن ديره
عطش عطش والغربه
عطش عطش شكد صعبه
عطش عطش للجربه
................................
الشاعر شاكر محمود الگيم
گعدية
زينب والحزن والخوف باين
لـ الله والگمر هاشم تعاين
اتگله ياضوه العين لا تگطع باخيتك
_______
أوچبت وسط المخيم والدمع تارس جفنها
صوتها . او نبرة حچيها ابكل ملامحها حزنها
اتگله يا عباس روحي هل هواجس گطعنها
يل أعز عندي امن الهوه
تعصر ابگلبي نينوه
خافنّه ما نبقه سوه او روحي يتزايد شجنها
أسمع يل گمر لتگول مدري
آنه خايفه ايسلبون خدري
يا باجي الميامين لا تگطع باخيتك
_______
من توج نار الحرايب او للسيوف اتصير حنه
او لو نويت اتهد عليهم اهواي لا تبتعد عنه
خلي صولاتك جريبه او عله بالك خويه خلنه
لا تبتعد عن الخيم
ارحم دمع هاي الحرم
هالجيش تدري ابلا رحم خافن ايطب الخيمنه
بس ايطش خبر انك عفتنه
مثل ماي او تبده ايضل خدرنه
اتفرهد بي الصوبين لا تگطع باخيتك
_______
آنه چم عباس عندي حتى اودعك للمنايه
انت هل واحد أليه ستر واعبايه او حمايه
عيوني انت وانت روحي والبدايه والنهايه
لا سامح الله امن اتهوي
الظهر مني يتلوي
وابنار شماتي انچوي او هاي للعدوان غايه
گلي يل گمر شنهو البُصيره
يا طف كربلا حيرني حيره
گلبي انجسم نصين لا تگطع باخيتك
_______
گبل ما تبعد أنشدك حسبيت احساب زينب
ترضه اهيمن بل معاره والجمر بثيابي يلهب
ترضه اختك يبو فاضل تالي بالسوط اتعذب
او طولي الذي چاين حلم
تتفرج اعليه الزلم
ياخويه هم عندك علم بل طوايف راح أنسب
واسمع واحد الواحد يبشره
انهض خل گلب زينب نكسره
نلبس خاتم احسين لا تگطع باخيتك
_______
لا تضل لختك مهابه او لا يحن واحد عليها
اسياط واعصي او حجاره او زينب اتشاگف بديها
بنت حامي الجار حيدر هيچ تالي ايصير بيها
اركب عله اظهور الهزل
واچفوفي مشدوده ابحبل
أمشي او دمع عيني ايهمل والمتون امورميها
من ايدك اروحن ليد أميه
او شمر او حرمله اليحدون بيه
چانت هاي ألي وين لا تگطع باخيتك
_______
بس تموت اعله الشريعه انه اضلن للمضالم
بين كوفي او بين شامي اطب كل يوم اعله ظالم
يبو فاضل خن تجاسم ابهل طفوف أشـ الله قاسم
ياخي سوه خل ننچتل
وي عينك ابعيني نبل
او نوگع سوه محد قبِل لو تضل وياي سالم
أمروتك ياگمر يابو المحنه
جهز محملي او خنرد لهلنه
الشام الشام مو زين لا تگطع باخيتك
_______
ابو فاطمة الطائي
قناة الرجوع الى الله @h_ameer1
قصائد منبريه مكتوبه @h_ameer2
ملا ابو أمير الفاطمي @h_ameer3
روح وريحان @h_ameer4
القصة السابعة لعناية الإمام المهدي روحي فداه
يافرج الله انطينا الحيل لليلة عمك العباس يابقية الله دخيلك
#قصائد_الانصار_عليهم_السلام
ياهلا ياهلا حيو الانصار ياهلا ياهلا حيو الانصار
__***
يا هلا بأهل الشـــــهامه يا هــــلا بأهل العزم
للحسين اصحـــــــاب فزعــه ونعم والله زلم
سجلو اروع بـطوله يا هلا بأهـــــل الـــّـشيم
ليث واحدهم نشـــوفـه ياهو من سيفه سلم
ذوله الانـــصار النـشامه
دمهم اتحــــــول علامه
يا هلا بأهــــــل الكرامه
ياهلا ياهلا حيو الانصار ياهلا ياهلا حيو الانصار
_***
زلم لو دگت رجلهـا تگـــلب الحـــــــومه گلب
نار واليگـــــــرب سناهـا ينــچوي بذاك اللهب
ياهلا ابزلم النـوايب غيضـــــــهم والله عجب
واحد يســولف للأخر قبـلـــك الحــومه اطب
منافس وصعدت هممهم
من ابوفاضـــــل عزمهـم
بالحـــــرب شدو حزمهم
ياهلا ياهلا حيو الانصار ياهلا ياهلا حيو الانصار
_***
عالمراجل يالــتســولف اقـره عنـهم واتعــض
ركضو اعله الموت ركضه وبدو بطـي الارض
حسين گلوله اعله امرك سيدي وصـلو فرض
عرگت اگصصهم شهامه وعـرج للغيَـره نبض
الواحد وسبعـين غيـــره
ذولـه همـــكــتهم چبيره
شيخهـــــم بدر العشيره
ياهلا ياهلا حيو الانصار ياهلا ياهلا حيو الانصار
___***
واحد وســــبعين گالو تامـر الـــحـره امـــــر
للخيم حــــراس نبقه وياهو بخـــــيمها يـمر
انصار الحسين الغيارى انطـــو لزينب العـمر
فزعو اعله الموت فزعه وشدو الـظهر بظـهر
للخـــيم حــــراس گالو
يا لثار حســــين صاحو
بالطفـــوف الشرف نالو
ياهلا ياهلا حيو الانصار ياهلا ياهلا حيو الانصار
__***
غيره تدفع غيره طلعو واختنگ حتى الهوى
اشوارب الانصار رفت وانگلــب طف نينوى
حشد صــارو للشــفيه وگالو المـــوته سـوى
نورهم ميحجبـه سيف ويا هلا بهذا الضوى
نورهم ما بــين اديهم
شكــــــــر الله سعيهم
قسمو لنــصرت وليهم
ياهلا ياهلا حيو الانصار ياهلا ياهلا حيو الانصار
__***
تمت بحمد الله وتوفيقه:الخادم المقصر ناجي ابو كيان
قناة الرجوع الى الله @h_ameer1
قصائد منبريه مكتوبه @h_ameer2
ملا ابو أمير الفاطمي @h_ameer3
روح وريحان @h_ameer4
ضجت وعباس ناده اصحابه
@@@@@@
عجت الغبره وفتل ذرعانه
والتحده كام كص لسانه
كلها تتصارخ اجة ذلانه
هذا ابن حيدر شديد اعتابه
@@@@@@
الحومه خلاها تذل كدامه
ولشمر شافة يدنك الهامه
كل عساكرهم اجت خدامه
والشمر خادم سحل هل جابه
@@@@
يلا يامسلم دشد الثامك
بالطفوف هنا عيد اياَمك
يكسر اضهور الكفر صمامك
وي حبيب انته الجميع تهابه
@@@@
عابس َمن تصول عج الحومه
بجفك تخلها لزلم ملزومة
سطره جفوفك نعم مسمومه
نيرانك انت بالغضب لهابه
@@@@
مسكو هل حومه رعبوها رعب
انت يبن القين سيفك من يطب
تهلل بجيتك كل سوح الحرب
سيدي ومولاي نلت اعجابه
@@@@@
مسلم ياسر المياحي
قناة الرجوع الى الله @h_ameer1
قصائد منبريه مكتوبه @h_ameer2
ملا ابو أمير الفاطمي @h_ameer3
روح وريحان @h_ameer4
هاي الزلم من تحلف
موقف وگف يم موقف
ننذر الروح الخاطرك
ونروح فدوه لنخصرك
موقف وگف يم موقف
…..
نقسم قسم بالعشرة .. يحسين يبن الزهرة
الزعل عيونك والحسن.. نخنگ النسمة بصدرة
انصارك وخدامك .. وكت الملاگة احزامك
يابن علي وداعت علي .. محد يصل لخيامك
ذبها الثگال اعلينا
وجربنا يا والينا
نگلب موازين الحرب
ولبيوت عدوانك نطب
موقف وگف يم موقف
……..
الثگال ذبها اعلينا .. انصارك وتدرينا
من نزعل وننوي الحرب .. نطيح الوينة وينة
نطب للحرب خيالة .. والطف نچوي ارمالة
والجيش يبن المصطفى .. نطبله ونلگط ثگاله
بچم جيش يا واحدنا
عاين وشوف شعدنا
نكحلك عيونك ترا
مابينا التراجع وره
موقف وگف يم موقف
….
جيناك من صفينها .. نطر الحرب صوبينها
خلها تلاگينا الزلم .. والي تزامط وينها
امن انهد نصفي جيوشها … صافيها من مغشوشها
قادتهم تغثك صدگ ؟؟ .. نحرگ عليها عروشها
فزعتنا فزعة هاشم
وصرنا بيمينك صارم
نخلي الزلم تشبع ركض
وبالجثث نترسها الارض
موقف وگف يم موقف
….
ع الجيش خنشن غاره .. نذب يمنته اعله يساره
من عدنا لو رادوا مفر .. نگطع الطف معباره
وداعت عيونك باچر .. نلوي الزلم والحافر
يحسين من عدنا وعد .. لاعداك نكسر خاطر
عاين علينا بهاية
نرد الاجو عناية
بلا روس ترجع هالزلم
وماتوصل لطرف الخيم
موقف وگف يم موقف
…….
ربعك تنومس بينا .. يحسين لو هدينا
مانرجع وداعت علي .. حت لو تطيح ايدينا
نرجع الزلم مكسوره .. وبالطف نسوي حروره
ونحاصر السبعين الف.. والجيش نهدم سوره
بيكم العايل وينه
وداعتك نشلع عينه
يم رجلك نذب راسة
ونجيبه هو وساسه
موقف وگف يم موقف
….
يحسين يابو سكينه .. حشمنا وافرح بينا
العباس كونه ويانا .. ندوس العده برجلينا
وانسوي بالطف ميله .. ونرد عليهم عيله
الثابت وگف لمن نهد .. من الجذور نشيله
افرح يبن والينا
وع العاركك هد بينا
نردهم بلا روس وعلي
والوصل حدنا يبتلي
موقف وگف يم موقف
………
محمد عبد الساعدي
قناة الرجوع الى الله @h_ameer1
قصائد منبريه مكتوبه @h_ameer2
ملا ابو أمير الفاطمي @h_ameer3
روح وريحان @h_ameer4
((#حواريون )) #محرم_1447
……………………………………………………………
حواريونَ صاروا للحسينِ
لعينِ السبطِ تُكرم ألفُ عينِ
عروجُ بالدماءِ .. إلى أعلى السماءِ
حواريون
……………………………………………………………
مامش اذن سمعت هيج . و لا عين الذي شافت
زلم چنها ابعرس مو موت . وحنّاها ابدمه اندافت
چن تسيوره للديوان . ولا چن نبل يتهافت
خاف النخل من الجيش . و هاي الزلم ما خافت
زلم عدهه . الحرب نزهه . الذبح قمة سعاده
الوقت طوّل . شوكت يوصل . ويجي وقت الشهاده
دماهْم طهّرت أرضَ العراقِ
إلى الموتِ إنطلاقٌ كالسباقِ
ولاءٌ في ولاءِ .. إلى أعلى السماءِ
حواريون
……………………………………………………………
اتركوني و جمل هالليل . وبريت اوياكم الذمه
گالوله و صدگ مجنون . اليمشي و يترك النعمه
مباح الهوه الكل الناس . وحرام اخلافك انشمه
العمر طاموره حدر اجبال .اذا ما بيه ابو اليمه
يذبحونه . و يگطعونه . والف مو مره وحده
فلا انعوفك . نجي انطوفك . فراشات اعل ورده
معاكَ الموتُ كالشهدِ المصفى
هنيئا مَن يُلاقي اليومَ حتفا
و حورٌ بأنتقاءِ .. إلى أعلى السماءِ
حواريون
……………………………………………………………
طمّن بت علي و گلها . هاي الزلم خدّامج
شجره و خل يهزنه الموت . وتسگط رگب جدامج
عمرنه وابد مايسواش . تراب الداسته اجدامج
تسحگنه الزلم و الخيل . الا أتعبر لخيامج
يخدر الرب . الچ نركب . على جناح المنيه
مناحرنه . وسفك دمنه . فده لبنت الزجيه
فأنتِ ليسَ تحتاجُ مُقاتل
وذا عباسكِ للخدرِ كافل
أميرُ للوفاءِ .. إلى أعلى السماءِ
حواريون
……………………………………………………………
كلمن للحرب يدخل . احتمالين العگل خلّه
عدل خمسين بالميه . وخمسين أحتمل چتله
بس الربعه گال حسين . ما تبقه نفس عدله
مثل صايم شهر رمضان . وباجر عيدك اتگله
يحيّونه . و يشكرونه . على هاي البشاره
غداً كلنه . الى الجنه . الچتل اربح تجاره
سويعاتٌ و تأتينا السهامُ
و يسقينا على الحوضِ الأمامْ
رجالُ هؤلاءِ .. إلى أعلى السماءِ
حواريون
……………………………………………………………
واحد شايب ومتعوب . وتحس اثمنطعش عمره
وعبد صار ابيض الوجنات . و فاق اعل الورد عطره
و غُلام الگال اميري حسين . و أمه الحزّمت ظهره
ومريم ودت الها اوليد . وهب هاديته للزهره
وبرز واحد . اسد قائد . نزل للحگ يحامي
كشف صدر . شعر يقره . جنون ابحب امامي
زهيرٌ صدرُهُ صَدَّ السِهاما
بريرُ الشيخُ ذا يفدي الإماما
رجالٌ من نقاءِ .. إلى أعلى السماءِ
حواريون
……………………………………………………………
درس مجاني بالصحبه . ومنه الزوم نتعلم
يم صاحبنه بالكلفات . مو وكت الضحك نلتم
صديجگ لو على الحگ چان . افزع حافي و محزم
أجمل قصه ربع حسين . كتبوها بقلم من دم
الرجل موقف . فلا يزلف . عن الدين و طريقه
مَثلها الحُر . وفه يمطر . تبع نهج الحقيقه
يُخيّرُ نفسهُ أصعب خيارِ
أ للفردوسِ يعلو أم لنارِ
و فازَ أبنُ السخاءِ .. إلى أعلى السماءِ
حواريون
……………………………………………………………
✍️ ( سيد خضر الزاملي )
قناة الرجوع الى الله @h_ameer1
قصائد منبريه مكتوبه @h_ameer2
ملا ابو أمير الفاطمي @h_ameer3
روح وريحان @h_ameer4
قصيدة لأنصار الحسين ع
.............
يا سيوف الغدر صمتاً إن صوتاً قد علا
إن للحقِ دماءً نطقت في كربلاء
واعتلى صوتُ الدماء فأشهدي يا كربلاء
وأحفَظي هذا النِداء
ـــــــــــــ ــــــــــــــــــــــــــ ـــــــــــــــــــــــ
يا سِيوفَ الغَدرِ صَمتاً وأستَتبِي يا رِماح واسمَعي صَوتَ الدماءِ تُعلِنُ اليومَ الكِفاح
دَمُ أرواحٌ زَواكي في الطِفوفِ تُستَباح دَمُ أنصارُ الحُسينُ صاح مِن بَينِ الجِراح
أبرِزوا نَحوَ الشَهادة لا يَهابونَ الحِتوف
أعلَنوا بالدَمِ نَصراً ضِدَ ضَرباتِ السيوف
إن في الجَنة اللِقاء فأشهدي يا كربلاء
وأحفَظي هذا النِداء
ـــــــــــــــــــــــــــــــــــــــــــــــــــــــ
بَرَزَ اللَيثُ حَبيبٌ هاتِفٌ إني حَبيب
فارسُ الهيجاءُ إني وأنا نار اللَهيب
أُقتَلُ دونَ الحُسَينِ جاعِلٌ رَبي حَسيب أضرِبُ الكُفارَ حَتى يُمسي الشَيبُ خضيب
وهَوى شَيخُ الطِفوفِ هاتِفٌ القى السَلام
شائرٌ نَحوَ الحُسَينِ انصِروا هذا الإمام
صار عِنوانَ الوَفاء فأشهَدي يا كَربلاء وأحفَظي هذا النِداء
.............................
بَعدَهُ جاءَ زُهَيرٌ هاتِفٌ في كربلاء ذا أنا أبنُ القَينِ أُنسَب وأسمَعوا هذا النِداء
لِحُسَينِ السِبطَ إني أُعلِنُ اليَومَ الوَلاء
حِينَها أمسى صَريعاً دامِياً فَوقَ الثَرى
وقَضى دامي شَهيداً تُرجِمانَاً للصِمود
رافِضٌ للعَيشِ ذُلاً إنهُ أختارَ الخِلود
فيهِ قَد شاءَ القَضاء فأشهَدي يا كَربلاء
وأحفَظي هذا النِداء
ــــــــــــــــــــــــــــــــــــــــــــــــــــــــــــــ
يَومَها نادى بُريرٌ أيُها القَومَ أسمَعون
إترِكوا سِبطَ الرَسولِ وإلَيَ فَأقصِدون
صال في سوحِ القتالِ قاصِدٌ نَحوَ المَنون
ثُمَ أردوهُ قَتيلاً وَدَمٌ تَجري العِيون
ولِوَضعِ السِبطِ يَبكي حِينَما قَلَ النَصير
سامِعاً مَولاهُ في الطَفِ صاحَ صَوتاً يَستَجير
صاحَ يَبنَ الأنبِياء وأشهَدي يا كَربلاء
وأحفَظي هذا النِداء
ــــــــــــــــــــــــــــــــــــــــــــ.
جُنَ في حبِ الحُسَينِ عابِسٌ في الطَفِ نادى
إنَني عاشِق إمامي وبهِ ذابَ الفُؤادا وَرَمى السَيفَ جِنوناً نَحوَ مَيدانِ الشَهادَة
هاتفٌ في العَيشِ ذُلاً إنَ في المَوتِ السَعادَة
في رِحابِ السِبطِ أمضي لا أُبالي بالمَمات
ولهُ أغدو صَريعاً تَحتَ وَقعِ المُرهَفات
إلا للعِشقِ أبى فأشهَدي يا كَربلاء
وأحفَظي هذا النِداء
ـــــــــــــــــــــــــــــــــــــــــــــــــــــــــــ
ثُمَ جاءَ الحُرُ يَعدو تائِباً نَحوَ الحُسَين
في صِمودَه وتَضحِياتَه صارَ رَمزَ التائِبين
لَيسَ كُل مَن قِيلَ حُرٌ صارَ حُراً باليَقين
صارَ للأَحرار فَخراً جُونُ في مرِ السِنين
إنَ في الأَحرار وَصفَاً لا تُضاهيهِ الجِبال
نالهُ جُونُ الشُهيدُ حينَما في الطَفَ صال
صارَ رَمزاً يُقتَدى فأَشهَدي يا كَربلاء
وأحفَظي هذا النِداء
ـــــــــــــــــــــــــــــــــــــــــــ الشاعر مذكور العلياوي
قناة الرجوع الى الله @h_ameer1
قصائد منبريه مكتوبه @h_ameer2
ملا ابو أمير الفاطمي @h_ameer3
روح وريحان @h_ameer4
هنا يفرسان العقيده موقف لزينب نريده
يم خيام الهاشميه عهد بدمانا نعيده
* *
صوت من جمع الانصار وتبتدي بالبسمله
استفتحو بشيبة حبيب وشوفو عزمه بكربله
خل تجي اثگال الرجال تشوف عصف الزلزله
بسيفه كل مثقال ذره اسرع عذاب ينزله
صاح يليوث الحرايب ردت منكم هالمطالب
نفتدي بت الزچيه ونقتدي بسيد الغوالب
* *
التمو عليه الغيارى وگالو آمر ياحبيب
احنا موعدنا الصباح وانما الصبح قريب
للفدا كلنا حضور ويدرك الجنه اليغيب
وي رسول الله اليقضي نحبه لعيون الغريب
ياحبيب وتدري بينا تهون النفوس لولينا
نهز گاع الغاضريه للخيم گوم احدي بينا
* *
من سمع عباس صوته طلع مدرع بالعلم
صاح بيهم ياحبيب بعزمي تنشد الهمم
سيفي صاعقة السماء المنه ما واحد سلم
گال ابن ضاهر عهدنا نعيده لسراج الامم
نامو لا نامت اعداكم نحور صحبتكم فداكم
درع عنكم للمنيه وسور نصبح عن حماكم
* *
ياحسين وهذا صوت لنصرتك مثل الرعيد
كلمة الحر وعد عنده وهذا ميعاد الوعيد
والله لو ذبحونا لجلك الف مره ولا نحيد
راينا الموت بهواك وراينا الراي السديد
والله لو حرگونا لجلك ياحسين ولا نملك
عدنا بس هاي الرجيه نخوض بحر الموت گبلك
* *
ياعقيله انصارج احنا واعتنينا لخيمتج
احنا آيات السَكينه والامان لخوفتج
نحقق وصية الموده للرسول وقربتج
وترخص انحور الضياغم دونج ودون اخوتج
تصرخ اليـوم الحناجر باجر نقدم المناحر
دون ابن خير البريه نستعد للموت باجر
* *
لخادم الحسين ع
علي العزامي
قناة الرجوع الى الله @h_ameer1
قصائد منبريه مكتوبه @h_ameer2
ملا ابو أمير الفاطمي @h_ameer3
روح وريحان @h_ameer4
فتحت عزاء
قدس الله سره من وحي الحروف
كعبة الطف عابس بنص السيوف
ــــــــــــــــــ
لون وجه اسمر لچن اخلاقه بيض
كالاناء من الرجوله وبي يفيض
بحبه شعبي لكن بعشگه قريض
بالعشگ مجنون وبحبه مريض
ما رجف قلبه وتراجع من الوف
كعبة الطف عابس بنص السيوف
ــــــــــــــــــ
إذن الحب اللهي اعله الحشود
وثوب سجاده انفرش بأرض الخلود
كبر الدم وانثى وحان السجود
هذا فرض الاختبار اعله الوجود
كتبت تاريخ البقاء من الطفوف
كعبة الطف عابس بنص السيوف
ــــــــــــــــــ
عبد اسود لكن يحبه الحسين
قصته بالطف تنكتب فوك الجبين
شذره صار بكربله بمحبس حنين
قلبه نورس عابس من العاشكين
شيبة وطيور النوارس بي تطوف
كعبة الطف عابس بنص السيوف
ــــــــــــــــــ
وصل من گد العشك حد الجنون
وكال روحي فدوه لحسين وتهون
الماي خابط ما نصف ذيج العيون
ولونه اسود بس ثبت هوه اصفى لون
عمية الألوان وبقى الأسود يشوف
كعبة الطف عابس بنص السيوف
ــــــــــــــــــ
يوم تسليم الجوارح والشعور
تركع لاصغر حجر ذيج القصور
ينمو ما كان لأجل رب النحور
وانتهى عصر الظلم واهل الفجور
هذا يوم البي خلص عصر الخسوف
كعبة الطف عابس بنص السيوف
ــــــــــــــــــ
طاح بالطف بس وصل حد النجوم
وذكره خالد وي الحسين ويدوم
باع نفسه لربه من حان الهجوم
وصارت الروح بجنان الحب تحوم
هاي فردوس العشك بين الجفوف
كعبة الطف عابس بنص السيوف
ــــــــــــــــــ
الشاعر زين العابدين الشمري
قناة الرجوع الى الله @h_ameer1
قصائد منبريه مكتوبه @h_ameer2
ملا ابو أمير الفاطمي @h_ameer3
روح وريحان @h_ameer4
قصيدة ﴿حيُ الأنصار حيُ سبعين ﴾
نخص بها أصحاب الحسين عليه السلام في مواقفهم الشريفة، ونصرتاً للحق والدين الإسلامي
حيُ الأنصار حيُ سبعين
ذوله گلفين الصحابه الزلم
من حبيب الشيخ بيهم العزم
تراگضو عالموت سيدهم حسين
هذا يوم الموت وهما العلم
طاري الموت ما هزهم
هذا يوم عشرتهم
طول اسنين خوتهم
فرحو يوم ساعتهم
حيُ الأنصار حيُ سبعين****
من سعيد وجون ومعنى القتال
اتگاتفو أنصار شدو على النزال
شدو سروج المنايه باليقين
هذا موعد بالشهادة الوصال
وهب كال يخواني
شدو حيل صحباني
واحدنا بل الثاني
شدو حيل شجعاني
حيُ الأنصار حيُ سبعين****
هاي معنى الشجاعة بالوضوح
ذوله أنصار الحقيقة بالجروح
ثبت الحومة شجعان وحنين
قدمو لحسين واحدهم يفوح
ذوله أنصار الحرب
الغيره بيهم وتصب
ذوله واحدهم صعب
الموت بيده من يطب
حيُ الأنصار حيُ سبعين****
ويه صيت حسين الهم اليصير
هذا رزق أنصار يم گبره الخير
هاي الحضرة بطول السنيين
هاي الموتة الصدگ مو ويه غير
رزق هاي الحضرة
تجي تزور الزهره
لگم منزله وعترة
گلمن جاها وفخرا
****
كلمات
عضيد هادي الصالحي
﴿ﺎللھُمۘ ؏َـجۚل لِوليۧڪَ ﺎلفَرجۚ﴾
قناة الرجوع الى الله @h_ameer1
قصائد منبريه مكتوبه @h_ameer2
ملا ابو أمير الفاطمي @h_ameer3
روح وريحان @h_ameer4
بمجرد مانظرنالك يبو الاكبر
بلا موعد مشاعرنه بدت تظهر
…
اشلون انعوفك انته ونمشي بعدك وين
هوه الشاف وجهك يتركك يحسين؟!!
اللحظه اوياك نشعر بيها عشر اسنين
ويانه اطمئن مايوصلك أيي شر
…
انته ارتاح خلها اعلينه هالكثره
وحقك اله نسعد فاطمه الزهره
من الذر شخصنه حاسم لأمره
لاجل عينك يطيح اكبالك اموذر
…
ارتاح انته نصعد كبلك السبعه
متوذرين تلكانه اعله هالجمعه
نجهزلك عذب وي فاطمه البضعه
ومانشرب ابد إله تجي وتحضر
…
الكافل قائد النه ونهتم اعله الماي؟!!
واحنه الزلمه مِنه اتشوفه ناسه اهواي
النه انته اصبحت ياسيدي اجمل راي
اشما كثروا نرجفها بعد اكثر
…
من هسه احنه نتسابق يبعد اهلك
منو بينه ايتّوفق ينذبح قبلك
هنياله اليموت ابكربله لاجلك
وجثته اتصير للخيل التجي معبر
…
واحدنه رفع ياسيدي ايمينه
لا تحرمني الاهي النضره من عينه
جبيره اعلينه ايدك لازمه ايدينه
شنو من نعمه حيدر بينه ظل يفخر!!
…
خصم كل الحجي ياسيدي بإيضاح
بس روس ونظل وياك فوك ارماح!!
مو احنه اليبعدك عنه جف ذباح
وجسمك مانعوفه وحده وسط البر
…
مجتبى الدفاعي
قناة الرجوع الى الله @h_ameer1
قصائد منبريه مكتوبه @h_ameer2
ملا ابو أمير الفاطمي @h_ameer3
روح وريحان @h_ameer4