42599
نشر ✍🏻القصائد داخل القناة مجاناً بأشراف ملا ابو امير الفاطمي مؤسسة فاطميون الحسينية للتواصل مع الادارة
قصيدة گعده ليلة الوحشه
ليلـة الحادي عشـر ليلـه رهيبــه
بيها زينب حايره وامست غريبـه
لاخيمه عدها ولا زلم عدها هالليله بنت الزهره وحدها
بيها زينب حايره وامست غريبـه
*****
امــس چــانت بيـن أهلهــا زينب ومثــل الاميــره
وچان يحرسها ابو فاضل ذاك اخوها الكله غيـره
اليــوم لاخيمــه التلمهــــا ولا أهلهــا ولا عشيــــره
چاويـن راحت هـالزلـم ياصـاح لـو عندك علـم
زينب بيــا حالـه تهــم والله حيرتهــا چبيــره
چانت بخيمتهـا واليحرسهـا عبــاس
وهسه ياحيف ال اميه عليهـا حراس
تفطر دليلك لو تشاهدها هالليله بنت الزهره وحدها
بيها زينب حايره وامست غريبه
*****
امس تذكـر چان اخوهـا حسين ابـو السجـاد يمهــا
بي تشوف الحسن چانت وبيـه تشتـــم ريحـة امهــا
مـن تجـي لخيمتــه چــان يگــوم ولصدره يظمهـــا
ياحيف زينب بت علـي هالليله مـن دون الولــي
بوليــة الظالــم تنولــي وطگها بالسوط وشتمهـا
راحت ايام الخدر ويــه الكفلهــا
زينب بولية شمر من عگب اهلها
ليش الشمر بالسبي واعدها هالليله بنت الزهره وحدها
بيها زينب حايره وامست غريبه
*****
ساعد الله گلب زينب بيوم واحد چــم مصيبــه
مـن عگب خيمـة خدرها هسـه خيمتهـا سليبــه
النــار شبــت بالمخيــم واليطفيهــا اشيجيبــــه
شيجيب ابو فاضل بعد لا اخـو ظل ولا ولـد
الليله وحيده بلا سنــد زينب وامست غريبــه
الليلـه بنت المرتضـه تنطـي الوجـه ويــن
لا ابو فاضـل عدهــا ظل لا ظل الحسيـن
بس العليل الليله ساندها هالليله بنت الزهره وحدها
بيها زينب حايره وامست غريبه
*****
زينب بكسرة گلبهـا عليهــا صبّــح يـوم عاشــر
موش يـوم الله اكبـر ادمـه مــن زينب نواظــر
بيه شافت گطع أدين وشاهدت گطع المناحـر
شافت حسين عله الثره جثتـــه سليبـــه موذره
الله أكبـــــر عالجــــره بزينب المكسوره خاطر
هلــه هلــه اشهالمصيبــــه الله اكبــر
شافت برأس الرمـح راس ابـو الاكبـر
وبهالمصيبه الله يساعدهــا هالليله بنت الزهره وحدهــا
بيها زينب حايره وامست غريبه
*
الليله زينب وين أهلها باليتامه حيروها
تنده وما يسمعوها امجزرين وما يجوها
اگبالهم وسفه الاعادي بالحبال ايجرجروها
تلم باليتامه وبالحرم بالهيمه وبلايه خيم
محد من اخوتها سلم بيوم واحد فاركوها
والله حيره اتحيرت من عگب الحسين
هيمه وبهاي الحرم تنطي الوجه وين
والخيل هجمت ياهو اليردها هالليله بنت الزهره وحدها
بيها زينب حايره وامست غريبه
***
خادم الحسين عليه السلام
سيد غالب الرضوي الكربلائي
قناة الرجوع الى الله @h_ameer1
قصائد منبريه مكتوبه @h_ameer2
ملا ابو أمير الفاطمي @h_ameer3
روح وريحان @h_ameer4
وينهم عنه الهواشم وينهم
علرمل عريان باقي حسينهم
--------------
وين حمزه وين جعفر خل يشوف
احسينهم متگطع بهاي السيوف
وكت زينب واطر مابين الصفوف
والشماته اسمع صوات دفوفهم
--------------
وين الحيود التطر ليل بنهار
طاح الحسين وعلت بخيامه نار
وحرم تركظ علجمر وي الزغار
والاطفال التشرد ايلحگونهم
---------------
دامي الحسين وجرح فوگ الجرح
فوگ صدره انصاب چم طعنه برمح
فوگ هاي اجروحه ظامي وينذبح
والعدى على اهدومه چانت عينهم
-----------------
وينهم خل تگطع ادروب الفله
مسرعه خل تفزع الساده وهله
بالشمس باقي الحسين بكربله
يعتنوله مخظبين بطينهم
-----------------
وين ذيچ اسيوفها الماتنغمد
ونار غيرتهم ابد ما تنخمد
بسرعه خل تفزع للحسين وتهد
من التراب اتشيله فوگ امتونهم
-----------------
ابلا عمامه حسينهم وابلا هدوم
وعلترايب باقي وبحر السموم
ليش جسمه اتغسل بسيل الدموم
دين ثاره وخل تطالب دينهم
علي الحميداوي الكربلائي
#اللهم_عجل_لوليك_الفرج
#يامهدي
تم بحمد الله تعالى ومدد مولاي حضرة بقية الله الاعظم صاحب الزمان صلوات الله عليه
اكمال نشر برنامج العشرة الاولى من شهر محرم
ونعتذر لله ولسيد الشهداء ولكم ان بدر تقصير او سوء فهم او اختلاف
وبعون الله ومولاتي الزهراء وبركاته مولاتي ام البنين #سنكمل #نشر برنامج العشرة #الثانية
نسالكم الدعاء للتوفيق لذلك
★وكل مانُشِر وما سينشر هو لسلامة سيدي ومولاي صاحب الزمان عجل الله تعالى فرجه
#اللهم_عجل_لوليك_الفرج
همّ إبهَمّ ،، رمال ودم
ظلام وخوف ،، بلا امخيم
-------------------------------------------
ضياع بليله وحشه
ظلام وماكو غبشه
انذبح عبد الله ضامي
المهد المن نفرشه ؟
نريد حسين ،، يجينه بساع
نريد اخوان ،، غريبه الگاع
نريد الرايه يا عباس رد النه
نريد نشوفكم تربات والدنه
انولينه الله اكبر وانسطر خدنه
الشامت يضحك وعلماي ينشدنه
يتامى وبر ،، الحقيقه اكبر
الكلام هناك ،، دمى المنحر
-----------------------------------------
المصيبه بلا اهلنه
على الرمله گعدنه
الشتم اذانه خويه
وعلى الغبره زلمنه
نصيح بصوت ،، كفيل نريد
ترى العباس ،، چفوفه بعيد
اذونه الشماته وردنه نمشيله
على الصار بخيمهم كون نحچيله
يا ليلة الوحشه العذبت ليلى
الباگت من حظنهه اليعدل الميله
تهل مدمع ،، على المصرع
ابنهه المات ،، ولا يرجع
---------------------------------------
سكوت وطف مصيبه
الحبيب بلا حبيبه
الوداع الليله رايد
يسير عل الغريبه
بقى الدخان ،، وبقايا خيام
نحر مذبوح ،، وتراب عظام
اريد اوصل لاخوي بليلة الشده
اريد احظن الباقي وظال من عنده
اريد امشيله هسه واگعد بسده
سوالف عندي ويه الذبّحو ولده
سوالف حگ ،، خجل تعرگ
لدمى الاطهار ،، ارض تغرگ
-----------------------------------------
بقينه ابلايه والي
الدمع يشبگ خيالي
اليتم واضح علينه
السحگ طشر دلالي
يبو الكلفات ،، اجانه الليل
غريبه الناس ،، تراب الحيل
سكت كلشي واحس بانفاسي شابگتك
اجيتك يا بعد كل سوط لاح اختك
هذا انته الگبل چم ساعه ودعتك ؟
شفتك بس عميت عيوني من شفتك
الحبيب انرض ،، صعب ينهض
يريت الشوف ،، يموت افرض
-------------------------------------
بچينه وكلهه نومه
بگلب كثرت همومه
الضعن من يمشي بينه
السبي اعلن قدومه
يخويه الشام ،، چتف وحبال
منايا هناك ،، بلا يه رجال
يموتني الكلام اليحچي عل خوه
واضم دمعاتي خويه حسين بلگوه
يلتسوى مشينه الناس ما تسوى
زينب وانسبت واتخيل البلوى
عجيبه انسب ،، هزيله اركب
شتم وحجار ،، مرار اشرب
رعد الفريجي - محرم 1447
ثوابها لروح والدتي
قناة الرجوع الى الله @h_ameer1
قصائد منبريه مكتوبه @h_ameer2
ملا ابو أمير الفاطمي @h_ameer3
روح وريحان @h_ameer4
#تراث
أدور عليك يبن امي ولا واحد يدليني
عاد أنته بضعيف الصوت يامظلوم حاجيني
ــــــــــــــــــــــــــــــــــــــ
جيتك من كلب مكسور أنه أختك المهضومه
جيت بروح لهفانه أدور عليك بالحومه
جيتك خويه حاجيني عليك أمك المظلومه
وين بيا كتر مطروح
جسمك هم بعد بي روح
يبن أمي صدك مذبوح
وين الي ينظر لحالي ويم جسمك يوديني
ــــــــــــــــــــــــــــــــــــــ
صدك نايم على التربان خويه وعلوجه مكلوب
صدك سحكت عليك الخيل بالميدان من كل صوب
صدك خويه نزف دمك وگلبك بالسهم مصيوب
ولـمـن ياصـبي العين
طلعت السهم يحسين
مـن كلبك طلع ثلثين
وهذا السهم هو الحال ما بينك وما بيني
ــــــــــــــــــــــــــــــــــــــ
حر وعطش وبجسمك ألف وتسعمية صواب
فوك جروحك ودمك گلبك بالسـهم ينصاب
بعد شلون تتمكن تنهضلي وترد جواب
وأدري ياضوه عيناي
لو ما هل المصايب هاي
متقصر يخويه وياي
وحاشاك بمثل هاليوم محتاره تخليني
ــــــــــــــــــــــــــــــــــــــ
حالك هذا وأنته أنوب خويه أسمع بعد حالي
بأيتام وحـرم كلبي تمحن وأنشده بالي
وين أنطي الوجه وانه أخوتي مذبحه أكبالي
وكلسا طفل من عندي
يروح وينفطر جبدي
وأنه بكربله وحدي
صواويني خذتها النار والعيله وصواويني
ــــــــــــــــــــــــــــــــــــــ
هجمت فرد هجمه الخيل خويه وشبت النيران
وهامت عيلتك كلها من النيران للميدان
لجن ياضوه عيوني ضلت بالخيم رضعان
وأنه تمحنت بيها
شلون النار أطب ليها
وأخلصها يواليها
رضعانك بوسط النار وانه العده مسلبيني
ــــــــــــــــــــــــــــــــــــــ
خويه محيره ضليت وأتلفت يمين يسار
أعوف الخيم رضعانك تتحرگ صغار كبار
أطب للنار أخلصها أخاف أنه أحترگ بالنار
والأيتام ملتمه
هاي تصيح ياعمه
وين حسين ابو اليمه
وهاي تصيح يازينب حر العطش ماذيني
ــــــــــــــــــــــــــــــــــــــ
رضعن بوسط نيران وأيتام بحوافر خيل
ماتت بالسحك وعيال مامت والدموع تسيل
وأنه وحيده مظلومه بيه بعد ماضل حيل
وعباس الاجيت وياه
هسه من كمت أنخاه
أضن كلي يزينب أه
عليج شبيدي يعيوني يزينب وين جفيني
ــــــــــــــــــــــــــــــــــــــ
خذاك الدهر من عندي يخويه وأكَطعت بيه
مصايب كربله يحسين مدري أمنين أجت ليه
من الخدر والصيوان تــالــيه لــبـني أميه
هيجي الدهر خلاني
وضيم وهضم راواني
صرت من عكب ولياني
أرد السوط بيساري وأستر وجهي بيميني
ــــــــــــــــــــــــــــــــــــــ
ها شتكول يبن أمي ردلي بصوتك أجوابي
تقبل بعد أشكيلك هضمي وجمرة امصابي
أنته بالسهم مصيوب وانه فراكك أصوابي
أنته بروحك بجسمك
وانه مجرحه بهضمك
يخويه خلي اجي يمك
أداوي جسمك بروحي وانته بشوفتك داويني
ــــــــــــــــــــــــــــــــــــــ
يخويه ان جان ماعندك هـمــه تكوم لعيالك
لاتهتم ياماي الـعين أنه خلافك بدالك
أحمي عـيلتك أنه يخويه واحرس أطفالك
لجن يحسين أخاف أعليك
ضامي ومحد يرويك
خلي أعتني وأگصد ليك
أقدم ألك ماي العين وأشرب يابعد عيني
الشيخ هادي القصاب
قناة الرجوع الى الله @h_ameer1
قصائد منبريه مكتوبه @h_ameer2
ملا ابو أمير الفاطمي @h_ameer3
روح وريحان @h_ameer4
الخيل وصلت ياهو يحمي الثايه
گــــوم يـا عباس شـيـل الــرايــه
گوم ياكفال خدر اضـعـوني
خل اشـوفـن رايتك بعيوني
يبو فاضل راحو ايشوفوني
وبلسان الغربه اصير احجايه
گوم وحده احسين ضل بالساحه
يـدير عينـه وايده فوگ اصفاحه
والـعـدو يـرامــي عـلـي برماحه
وعله ذبح ابن امي شدو رايه
يالتخاف اعله الحُسين امن الهوه
گوم شوفه شحاله وحده ابنينوه
صـار جـسمه ويـه گـاع الله سوه
اهوايه شفت الخيل فوگه اهوايه
گوم ياخـويه الخيم وصــلـوها
والـحـدود الامــانــه عــبـروهـا
وطلعو زينب صــيحو. طلعوها
انطيني حل اشلون خويه بهايه
بالمـشاعل هــدو ورعـبـونه
انـضيـع بالـبر الظهر خلونه
وين ماننطي الوجه لاگونه
و ياهو يتلاگه بصدر غزايه
وين ياخويه الدرب مــاشوفه
ارد اجـيلك للـنهـر مــلهــوفــه
جاي اسمع حجي شام وكوفه
يمكن الهن باجر امودايه
گوم يالرابي اعله هاي اجفــوفي
راح حيلي اخـلافك وكل شوفي
تـرضـه يتــامــر علـيه الـكـوفـي
يطيح رايي وابقه امشي ابرايه
ويلي ياطيحة اجفـوفك والعـلـم
بيهه جم سن للعدو تالي ابتـسـم
وضعني هج بين الغرب من الخيم
وعله الشام اخذوه غصب مشايه
ابو حميدة الشويلي
#اللهم_عجل_لوليك_الفرج
رباطات للسبي
صـايـود الـمـنـايه طـاح بـالحـومـه...
ومن حر الشمس متشگگه اهدومه....
يـا سلطان گلـبي ويـا بـعـد حـالـي....
يـوم عفتوني بـگـيت بـلايـه والي.....
زيــدوا يـالحبايب لـطـم هـالـليله......
على ارگاب المنيه اتصيح فزعولي.....
مـتربـه وديـره غربه شلون تاليهه.......
بعد عينك يخويه السوط بمتوني......
يـراعيها المـحنه الـيـوم شتموني......
اجيـتك يالعزيـز ودمـعـه بعيوني......
دريـضـلي يـحـادي المـتـن أذاني.......
خويدم آل محمد
الشاعر الميرزا محمد الساعدي
قناة الرجوع الى الله @h_ameer1
قصائد منبريه مكتوبه @h_ameer2
ملا ابو أمير الفاطمي @h_ameer3
روح وريحان @h_ameer4
نارٌ أعداءٌ وغُبارٌ في البيداء
وحُسينٌ قَد أمسى صَريعاً وا وَيلاه
هَدَموا لِلدينِ الأركان ذَبَحوا آياتَ القُرآن
وا وَيلاه وا وَيلاه
........................
اهيم بعالم الإحساس للطف تسرح افكاري
واحس الهامي اله يجري واكعد وانظم اشعاري
ويغطيني الحزن والهم ودمعي اعلى الوجن جاري
اريد اذكر هضم زينب ومصاب حسين وشجاري
لَما أشتَعَلَت في خَيمَتها تِلكَ النار
وأخيها قَد أمسى صريعاً بالأشفار
وعليها صُبَّت أحزان ذَبَحوا آيات القُرآن
واويلاه
....................................
من طاح السبط والجيش قرر عالخيم يهجم
اجت كوم بمشاعلها وشبت نار المخيم
خوات حسين للحومه طلعن كابعات بهم
وعكب ذاك الخدر زينب كدام الزلم تجدم
مَن كان يُصَدِق أن تَخرِج بَينَ الناس
او تُسبى مِن بَعدَ حُسيناً والعباس
وتُنادي اين الوِليان ذَبَحوا آيات القُرآن
وا وَيلاه
............................
يوم العاشر بعاشور زينب حيرة حيرتها
تطلع تجمع الايتام لو لا تطفي خيمتها
شطّفي بعد يا نار والنار بعبايتها
وتدوس اعلى الجمر والشوك وسياط العدو اذتها
ذَهَبَت أطفالٌ تَتبَعَها مَذعورين
في هَيبَتَها وَمُناديةً اين حُسين
تَبحثُ ما بَينَ الأبدان ذَبَحوا آيات القُرآن
وا وَيلاه
................
زينب واكفه وتصيح صرت وين ويبعد اختك
ولن يمك وادور اعليك اصدلك خويه معرفتك
لمن كتلي يا زينب يختي واعرفت حسك
يخويه مغيره ارسومك السيوف شسوت بجسمك
وهَوَت فَوقَ حُسيناً تَنعى وتُناديه
ءأنت حُسينُ مُتَعَجِبَةً تَبكيه
قَعَدَت تَنعاهُ بأشجان ذَبَحوا آيات القُرآن
وا وَيلاه
..........................................
كعدت للجسد تشكي وتحجي وبالحجي تشهك
اكعد يبو اليمه وشوف متني اشلون صار ازرك
كثر ما جرحاه السوط عليه ضل الهدم يلزك
وتريد الكوم تسبيني على اختك يا شهم لحك
تَرضى أن أُسبى او أمشي بَينَ القَوم
وعَبَراتي مُتَكَسِرَةً بِالحِلقوم
عَجَباً ما هذي الأزمان ذَبَحوا آيات القُرآن
وا وَيلاه
................
زينب كاعده يمه ودفعه الشمر وبزجره
برجله يرفس القران واتربع على صدره
كلبها اعلى الوجه الايات وبسيفه كطع نحره
لتذحون اخوي حسين زينب صاحت بعبره
ءاوما تَعلَموا إن حُسيناً سِرُ الله
ذَبَحوا أبنَكَ ضامٍ ضُلماً يا جَداه
سَليلَكَدامٍ عَطشان ذَبَحوا آيات القُرآن
وا وَيلاه
....................................
بعدو الزيدلها النوح وخلاها الكلب مفجوع
حين اللفن عشر خيول وداسن جسمه الموجوع
ميت لا تدوسنه ما ضلت بخوي اضلوع
ماكفتج اجروحه وراسه اعلى الرمح مرفوع
أخَذَت لِحُسينٍ تَجمَعُ مِنهُ الأشلاء
وَجَدَت خِنصِرَهُ المَقطوعَةِ وا غَوثا
اقبَليا ربِ القُربان ذَبَحوا آيات القُرآن
وا وَيلاه
....................................
الوجه صوب الشريعة انطت يخويه الكمر حاجيني
اخيك يالكمر ذبحوه ونار اخيامي تجويني
ترضهانشتم يا عباس وترضه الكوم تسبيني
اعذري مكدر اتعناك لسع الجمر ماذيني
سَأَذهَبُ مَسبيةُ قَهراً للأَعداء
اهٍ لِوَجدِكِ يا زينبُ اهٍ اه
مَن يَرجُعكِ للأَوطان ذَبَحوا آيات
القُرآن
وا وَيلاه
...............................
الشاعر
مذكور العلياوي
قناة الرجوع الى الله @h_ameer1
قصائد منبريه مكتوبه @h_ameer2
ملا ابو أمير الفاطمي @h_ameer3
روح وريحان @h_ameer4
دلـلـول دلـلـول يعـبـد الله دلـلـول
======================
أفزن والحزن يبـني عليك ايـهـل
واتـذكر ضحكتك والـدمـع يهـمل
خِلي انته ييمه وضاع مني الخل
ظلك چان سلـوه وراح ذاك الظل
يمدلول يمدلول رحت يبني يمدلول
======================
مصـيبـه ذبحـتك والأكـبـر الـفـرگه
شـبـو خـيـمـتـي وبـنـار مـحـتـرگـه
إلي بعدك يروحي من الهظم شرگه
حـرگـة گـلـبـي ما مـنها أظن حرگه
يمچتول يمچتول بعد گلبي يمچتول
======================
عذبني هـجـر عـيـنـك يبـعـد امـك
وابوك حسـيـن راد العازته ايضمك
هضمني الدهر كله ولا أذه ايهضمك
ما مفـطوم لـكـن سـهـمك ايفطـمك
يمعلول يمعلول امن المثلث يمعلول
======================
مـن جابك أبوك ودمك ابطولك
طـلـعـهـا امـنـاغـاتـك يـنـادولـك
وسفه حرمله ياحـيـلي ايـنولك
بس اگـعد شتـتمنه يـجـيـبولك
من ايگول من ايگول ترجعلي من ايگول
======================
الرباب امـك تصيح اعليك جاوبها
مطر حالوب هيچ ادموعها اتصبها
وفـوگ افـراگك الملـعـون ضـاربها
حتى الدمـعـه ذاك الـيـوم غاصبها
سكن چول سكن چول عدوك هالسكن چول
======================
افـزّن شايطه واتـذكـرك يبـني
صدگ يمه زماني بيك دولبني
عازه بشوفتك دهرك يقـيدني
عذبني عليك اهواي عـذبـنـي
بلا حول بلا حول بلا قوّه بلا حول
======================
26/6/2024 الاربعاء
19/ذي الحجة 1445 هـ
خويدم آل محمد
الشاعر الميرزا محمد الساعدي
قناة الرجوع الى الله @h_ameer1
قصائد منبريه مكتوبه @h_ameer2
ملا ابو أمير الفاطمي @h_ameer3
روح وريحان @h_ameer4
التطبير: صرخة دمٍ في وجه الظلم
التطبير ليس عُنفًا، ولا تخلفًا كما يروّج الجاهلون،
بل هو فن الولاء، وجُرح المحبة، وشعيرة الإخلاص.
هو لغة تقول:
> "يا حسين، هذه جراحنا، مفتوحة لأجلك، فاقبلها!"
قال المرجع الكبير السيد محسن الأمين (قده):
> "التطبير إن جرى من دون ضررٍ بالغ، فهو من مصاديق تعظيم شعائر الله، ولا يجوز إنكاره."
(انظر: أعيان الشيعة)
وقال المرجع السيد محمد صادق الصدر (قده):
> "أنا لا أرى فيه بأسًا لمن يفعله بنيّة خالصة، وإن كان الأفضل أن لا يفعله العوام علنًا خوفًا من استغلال الأعداء."
---
🔖 الدليل الشرعي:
يقول الله تعالى في كتابه:
> "ذَٰلِكَ وَمَن يُعَظِّمْ شَعَائِرَ ٱللَّهِ فَإِنَّهَا مِن تَقْوَى ٱلْقُلُوبِ"
(سورة الحج، الآية 32)
فهل من شعائر الله أعظم من الحسين؟
وهل من تقوى أصدق من دمٍ يُراق مواساةً لدم الحسين وأهل بيته؟
---
🩸 شهادة العُلماء:
السيد الخوئي (قده) لم يُصدر فتوى بتحريم التطبير، بل تركه في دائرة الاحتياط.
السيد السيستاني (دام ظله) يقول: التطبير إذا سبب تشويهًا لصورة المذهب يُكره، لكنه لم يحرّمه بذاته.
السيد صادق الشيرازي (دام ظله) يُجيز التطبير بشدة، ويراه مظهرًا مشروعًا للحزن والولاء.
---
🕊️ لمن يقولون: "هو إيذاءٌ للنفس!"
نرد عليهم بقول الإمام السجاد عليه السلام، لما سألوه عن البكاء أربعين سنة على والده الحسين:
> "إني ما نظرت إلى ماء إلا وذكرت عطش الحسين"
فإذا كانت الدموع لا تكفي، ألسنا نُعبّر عن أعمق ما فينا بالدم أيضًا؟
وإن كان الجسد يُجرَح حبًا،
فما أعذبه من جرحٍ في حب الحسين!
---
📣 الختام:
أيها المطبر الحسيني...
اضرب رأسك لا ألمًا، بل ولاءً
دع دمك يخطّ اسمه: "حسين، حسين، حسين"
ليرى الله صدقك، ويرى الإمام الحجة عزيمتك،
ولتصرخ كربلاء من جديد:
> "ما مات الحسين، ما دام فينا رجال يحيون مصابه بالدم!"
ابو امير الفاطمي
1447 محرم 9
حسين امصابك هل عامينه
@@@@@
.ضليت انا اليوم بحيره.
وين الوجة احسين نديره
محد هل عسكر بي غيره
الخيمة حتركت خوية اعلينه
@@@
شالو راس حسين وصاحو
زينب اهلج كلهم ماتو
بية يلجمون أكثر رادو
راس احسينج هل بيدينه
@@@@@ ؛@
طحت انت وشالوه نحرك
والخيل ترك خوية بصدرك
فدوه انا إندار لكل عمرك
يدخيل اسمك لا تجفينه
@@@@@@
وين الكافل خله يباوع
يشوف ايتامة لكل تجالع
غفلة لجود اتمناه راجع
ويرد سيف الكافل بيمنه
@@@@@
ضلمه الدنيا بدون اعيونة
وبلا كافل ضعنه يخلونه
وبديار الغربة يمشونة
نار الفركة هواي تأذينه
@@@@@
منين الكافل خوية نجيبة
ونكله اختك هاية الهيبة
هليوم هنا عدها امصيبة
كلب الحره لباري يعينة
@@@@@
مسلم ياسر المياحي
قناة الرجوع الى الله @h_ameer1
قصائد منبريه مكتوبه @h_ameer2
ملا ابو أمير الفاطمي @h_ameer3
روح وريحان @h_ameer4
#نعي
گرّب علينه اصباح الاگشر
وچم جِفن من مبچاه احمر
بخيامنه شچم گلب بي طَر
وبخيامهم چم ناب كشّر
بخيامنه توديع ونياح
وبخيامهم معتليه الافراح!
انشم بالاهل وتزيد الاجراح
والعده جاي تحد بالرماح
والله وگدرت ادوّر يزمان
تفارگنه وتلم ال سفيان
بچيتني ووياي خوان
وشلون لو تحديني عدوان
شخلت بگلبي الغاضريه
السبعه چن طاحت عليه
يبن امي غيرك ما اليه
وينك يحنيت الزچيه
يالعالخيام اجدامك تحوم
من عشرتك باقيلي نص يوم
متگطعه روحي وگلبي ملچوم
رايدتك ومارايده النوم
الشوك التلمه الليله عوفه
ورد ليه خل وجهك أشوفه
للسمه واصل گلبي خوفه
وداعك جرح..موتي اليروفه
ينباگ گام الوكت ينباگ
وغير المروره الگلب ماضاگ
من عدنه گرّب صبح الفراگ
رد رايده اترس صدرك اعناگ
يبن امي مامرتاح بالي
لصيواني طب واگعد گبالي
خل احفظ ارسومك يغالي
بلياك عندي شگد ليالي
يالتنعه روحك جاي اسمعك
وگطّع بقايا الگلب دمعك
علمني خويه شلون اودعك
وضلوعي اخذها وجيب ضلعك
النوح طاغي اعله المحاچي
احضني خل اشبع بواچي
يالراسك امشيم الخواچي
اترسني من عطرك الزاچي
مو اختك التنساك يحسين
خمسين عشت وياك خمسين
كل سنه بيهن چانت سنين
وماشبعت امن ارسومك العين
المهم خل اجمع بناتك
ونحب شكو خيط بعباتك
ووين النواعي الجايساتك
ننعاك أنه ومدللاتك
انت وعدل خلينه نبچيك
مايكفي باچر نوحنه اعليك
يمنه انته هسه وما نهد بيك
چا عالترب نگدر نخليك؟
النوح منك گلب كاسر
بس خويه شيضم المشاعر
من صبرك انطينه يصابر
يصبرنه من تروح باچر
حسن قاسم
#اللهم_عجل_لوليك_الفرج
(( يبني عبد الله ))
حسين ... حسين
فارغ الكاروك يبني
حرملة منك حرمني
يمه وكماطك ذبحني ... شفته دامــــــي
وينك ووين المنية
توني قدمتك بدية
يا عزيز اختك رقية ... يمه ضامــــــي
يا حبيبي الما جزت من نحره شم
تالي يوليدي صفه بنحــــرك سهم
گالوا بدمه ارتوى حسبــــــاله مي
هذا مو ماي النهر لا يــــــــــمه دم
يا حبيبي شلـــــــون
يا حبيب ام عـــــون
ردتك لتالي العمر عريس اشوفك
يا ضياء العيـــــــن
يا زغير حسيــــــن
توني والدتك يـ يمه شلون اعوفك
يبني عبـد اللـــــه ... يبني عبد اللـــــه
-----------------
هذا مو رجواي يمـــه
تنذبح وبروحي هظمه
وينه نحرك خل اضمه ... يا حبيبــــــي
يبني فز ناغيها امك
والله شيّب كلبي دمك
بيا وكت ع الغبرة جسمك ... يا طبيبــــي
يبني جنت آنه انتظر منك خبــــر
شو مشيت بسفرة بس طال السفر
رايح ويه الوالي يرويلك عطــش
شو بطيتوا شبعده چا يمه النـــهر
يا سراج النـــــــور
ع الارض مشمـــور
ودمك اعلى الكاع مامش كطرة منه
يا ملاذ الطيـــــر
يا صباح الخـــير
راسك يلالي برمح ينگط محنه
يبني عبد اللــــه ... يبني عبد اللـــــه
--------------------
يا نهر ضم مايه عنك
والنبال يحاوطنّــــك
خلي اشبع شوف منك ... يا زغيـــــري
يا بزر كعدة اهلنه
يا طبيب اليوجعنه
ونه تشمرني اعلى ونه ... يا اميــــــري
يا رضيع الما رضع من امـــــه در
مگمط وخايف على امه من اليسر
توه فاتح عينه ابني اعلى الحياة
بعدك زغير يـ يمه اعلى الگـــــبر
بگلبي وجت نـــــار
والدمع مـــــــــدرار
وليدي مات وحتى ما لحكت افطمه
واصرخ اعلى الجيش
ابني رمــــــحه ابيش
انطوني رمح ابني اشيله اني امه
يبني عبد اللـــــه ... يبني عبد اللــــــه
--------------------
كربلاء كاع المصايب
فرگت كل الحبايب
تالي نمت اعلى الترايب ... يمه ترضــــــى
لا خيام وبيها الوذن
ولا رجال وبيها اعوذن
يمه ثق ارسومي مو ذن ... جنها رمضــــى
يبني كلب امك احـــــن من الابل
ينعى راس حسين لو ينعى الطفل
يا ظلام الغيرت مســـــرى السـفن
ما فزعت وغيرت مســـــرى النبل
يا عزيز البيــــــت
بلا زلم ضليــــــت
والشمر يفتر علينه ويحدي بينه
يا اله الكــــــــون
كمنه نبجي عيون
والله لو تدري يـ يمه شكد بچينه
يبني عبد اللــــــه ... يبني عبد اللــــــــه
------------------
يا وحيدي الماكو غيره
بجاله جنت آنه اميرة
تالي صار اسمي الاسيرة ... يمه وينـــــــك
يمه والشامت ضربني
وراسك معلگ هضمني
وسفه نايم وسفه يبني ... فكها عينــــــــك
يمه وجهك صاير اصفر من رموك
انت ميت هسه والگبلك اخــــوك
مطرت الدنيا حزن بس بالطفوف
والله نعمه وبعده واكف يمه ابوك
والله نعمه وگـــــــام
وانت جفنك نـــــــام
بگومته گامت ملائكة السمه
باس الاكبر غــــاد
ورد للاصغر عــــاد
ودع اولاده وتحنن بالدمه
يبني عبد اللــــــه ... يبني عبد اللـــــه
#محمد_نعيم_الكناني
#اللهم_عجل_لوليك_الفرج
الليله الوداع الليله
وحمول گلبي اثگيله
*
ليل اسود اعله عيوني
نازل أو غير لوني
كل اخوتي يودعوني
والمثلي ينهد حيله
الليله الوداع الليله
*
بين الخيم جمعتهم
زينب اجت حيتهم
بكسرة گلب نادتهم
باجر تضيع العيله
الليله الوداع الليله
*
الليله الحزن موضوعي
عالخد تسيل دموعي
وداعك حنالي ضلوعي
عباسها وتشكيله
الليله الوداع الليله
*
تسولف الك دمعاتي
ترجف رعب خطواتي
لو ضاعن بنياتي
والجيش تفزع خيله
الليله الوداع الليله
*
لو رحتو من يبقالي
يجمع شتات اطفالي
زينبكم إبلا والي
من الخيم أمشيله
الليله الوداع الليله
*
إصرخ يحيدر احضر
زينب وحيده بهل البر
ياهو اليحامي الخِدّر
وين اليحامي ادخيله
الليله الوداع الليله
*
الحجر صوب راسه
أسمع ونين انفاسه
بالحومه حافر داسه
الچان الوحي يلوليه
الليله الوداع الليله
*
علي محسن الفرطوسي
قناة الرجوع الى الله @h_ameer1
قصائد منبريه مكتوبه @h_ameer2
ملا ابو أمير الفاطمي @h_ameer3
روح وريحان @h_ameer4
مولاتي زينب ع تروي للحسين ع ماجرئ بعدة في ليلة العاشر
هاي ارض الله التوسع كلشي
ليش اسهام بگلبك ويل
وچي صدرة اكبر من الدنيا
تريد بصدرة اطب الخيل
يانجم الله شمالك طافي
عدة اطفال وصار الليل
ماضل حيل يشيل هدومة
تريدة يرافس مابي حيل
خوية اجيت -- واتعثر
يمة اطيح -- مااگدر
هواي خيل -- ومدافع
يمي نار -- والعسكر-- وين اروح
تعبانة اجيت من المشي ومكسورة خاطر واحساس
ومحتارة المك بالعبي لو اروح الم العباس
تمشي اعلة طولك من رحت رديت خوية بلا راس
ما التفت تعذرني
خاف العدة تشتمني
هاظمني مستعجل رحت
بس ردتك تودعني
---------------------------------
هاي الماحسبت انه الها
تطيح وتشمت عدوانك
وزينب تركض نص الهيمة
وتتعثر جي ماكو اردانك
لسان الخيل مبلل شفتة
ومفطر يبن امي لسانك
ومن ذبحوك وگطعوا نحرك
گدامي ولبسوا قمصانك
كسرة هاي -- گدامي
ماكو ماي -- للضامي
راح اموت -- بالهيمة
كلها نار --- ب اخيامي
الماطلع المحبس رجع من جفة گاطع صبعة
وجي هدمة لايگ ع الضلع داس بحوافر ضلعة
وشسوا بي حار الرمل غير ارسومة ووضعة
ب ابن امي هذا الصاير
حافر يدفعة ل حافر
اصعب صباح يمر علي
ياناس يوم العاشر
-----------------------------
شوف شسووا بيه خلافك
مكسورة ومن هيمة ل هيمة
من اطلع خيل تلاگيني
ومن ارجع نار بكل خيمة
وخدي تفطر من ادموعي
صحرة وتمطر بيها الغيمة
الماسامع بالطف احجيلة
هذا الطف وجرحة وضيمة
جفوف اخوك -- گطعوها
وسكنة هاي -- ضربوها
التبچي غاد -- ماتسلم
والتطيح -- سحگوها
الماتركض يجرها الشمر والتركض هناك تطيح
التبچي يضربها النذل وياخذها ويردها الريح
والتسكت يشدها بحبل ويجرها وتگوم تصيح
شحجيلك اعله النسوان
طلعت ركض بالميدان
والنار وصلت للخيم
ماباقي شي بالصيوان
------------------------------------
تخيل طفلة وطلعت تركض
وخيل اعداك شلون اتردها
كلما حاول ابعد حافر
حافر ثاني يمر يسحگها
هسة العندة جفوف يدافع
اسياط التضرب بلكي يصدها
زين المچتوفة بهل الحالة
شلون تشاگف من يطگها
يمي موت -- وادعيلك
حزني طال -- وابچيلك
النومة هاي -- مو حلوة
وين اخوك -- ويشيلك
لا باقي صاحب لا ولد ولا واحد امن اخوانك
ومن العطش ماينطبگ يبن امي شفت السانك
لو تدري جفني شگد يحن خاطر يمسحة اردانك
مو بس ذبح شو مسلوب
عدهم حجر موش گلوب
حتئ بذبحتك مو عدل
من الگفة بالمگلوب
-------------------------------------
علي حالوب العگيلي
قناة الرجوع الى الله @h_ameer1
قصائد منبريه مكتوبه @h_ameer2
ملا ابو أمير الفاطمي @h_ameer3
روح وريحان @h_ameer4
اعظم الله لك الاجر سيدي يابقية الله ياصاحب الزمان روحي واروح العالمين لك الفداء
اعظم الله لكم الاجر باعظم مصيبة جرت في الارض والسماء وحلت على قلوب ال محمد ذكرى استشهاد الامام الحسين عليه السلام ذلك اليوم الذي بكى على الحسين ما يُرى وما لا يُرى
نسال من الله ان يتقبل عزاؤكم ويرزقنا واياكم زيارته في الدنيا وشفاعته في الاخرة
#نعي
مولاتي العقيلة روحي فداها
اعثــر بالجــثث يحــسين
واتعنــيت يم جسمك
يخويه اكعد ولــتنه الكوم
أمشي عليك ظلع امك
اجيتك واني كلي اجروح
طفي اخيامي من دمك
يخنكني هوه العدوان
كلبي بلهفته ايشمك
يالريحت محمد بيك
هذا الرسم مورسمك
من أثر طعناتهم يحسين
تصعب عالذي ايلمك
يخويه انهض لفانه الليل
شنهي الراي كلي اشلون
ولاوالي الـــبقه عــــدنه
علينه اندار خويه الكون
وجوه اعيالي من الخوف
كل ساعة ولفاهن لون
حركوها الخيــم يحـسين
الـحگ سكت اليبجون
بحيرة أختك يبوالســجاد
حشم انصارك ايفزعون
زحــمـه الناس تــــتفرج
علينه والعده يضـربون
ماتقبل أعرفك حيد
گوم وشيل بتارك
يبن حيدر علي الكرار
گوم وعيد تذكارك
زحمه أنظرب خويه حسين
واحنه أنلوذ بكـتارك
شـــــبت بالكـــلب نيران
ماتبرد تشـب نـارك
اعاتب والدمــــوع اتسيل
هذا عتابي من دارك
صحت ارجــع يماي العين
لوتبقه انته ونصارك
ــــ الشاعر خالد جودي العارضي
#اللهم_عجل_لوليك_الفرج
((عجاج الخيل))
عجاج الخيل حيرني
ألحگني يخـــال أبني
اركض والعده تـردني .. الخيامي
هيه محـــــرگه أخيامي
اركض والگلب ضــــامي
وأشوف أمصرعه أزلامي .. وعمامي
وين انته .. ماشفــتك والشوگ أنهيبه
وين انته .. ماضـــــلت بخيامي النيبه
وين انته .. والطفل اليركض شيجيبه
ادورك وين والنار أعلـــه من نار
وسوالف سوطهم تحچيها الاثار
اجيتك وأعثر بچفين وحجـــــار
عمت عيني يضامي ...
""""""""""""""""""""""""""""""""""""""""""""""""'''""""
اجيــــــت وشفتك أمترب
ومن ضرب العده مخضب
وتگـــــلي أميـــــه يازينب .. سمعتك
ضامي ودمعته بعينه
منين الماي حاچــينه
النهر ماتت مضامينه .. بصفنتك
حاچيني .. وآنه بطرگ اللهفه بحالي
حاچيني .. جيت اعثر بجروح عيالي
حاچيني .. ولا طارش يوصل كفـالي
بعيد الماي وأهل المـــاي ميتين
اجيب الماي گلي شلـون ومنين
وصوبين العده يحسين صوبين
عمت عيني يضامي ...
""""""""""""""""""""""""""""""""""""""""""""""""'''""""
گوم اگعدلي يبن أمي
بعــــروگي نشف دمي
الخيل السحگتك يمي .. واجتني
منين اركض يبو ضعوني
أنـــــــه مطَشره لمــــوني
تهت ياخــــــــويه دلوني .. عفتني
دليني .. اركـــض ما انـدل دلوني
دليني .. ضلمه وماشوفن بعيوني
دليني .. دخــــان الضيعني بلوني
دخان الخيم تَيَـــهّ بناتي
وتراب الثره صابغ عباتي
مصيبه وياكثرهن نايباتي
عمت عيني يضامي ...
""""""""""""""""""""""""""""""""""""""""""""""""'''""""
جمر وجــروح رجليه
وخوله وسكنه ورقيه
ورباب أمچــــلبه بيه .. يويلي
ورمله الشوگ جاسمها
مـــــني تريده جاسمها
العرس بالخيل راسمها .. ودليلي
جاسمها .. بالگـــوه انجره من الخيمه
جاسمها .. نار الخيمه وگلبي وضــيمه
جاسمها .. يوليدي انهض يابو الشيمه
امك ضمتك للشيب جسـام
ليش تعوفها مابــــين ضلام
نار وخيل محترگات الخيام
عمت عيني يضامي ...
""""""""""""""""""""""""""""""""""""""""""""""""'''""""
العصر خلص يوالينه
المغرب ينعـصر بينه
وگمنه بدمعه صـلينه .. يوالي
الخيمه البيها محروگه
وگلبي بحرگته وشوگه
يخويه الماي ماضـوگه .. يغالي
يوالدنا .. هذا السوط وهاي الهزله
يوالدنا .. واليضربنه شنــهو انـگله
يوالدنا .. والّــملّتف شلـــون انفـله
جابوها الهزل والصعده عـثرات
الماتصعد ركض بالسوط طگات
حراير والعده يضحكون شمات
عمت عيني يضامي ...
عبد زينب
محمد الابراهيمي
خويه ياحسين خويه ياحسين
@@#
.ويلي ألوداع لي حصل
حركة ودمع بيه نهمل
باجر أكو عدنه أمل
لو لا يبو اليمه أضل
جفي يلم بالعايله
وراسك رمح هل شايله
ونشبع ركض بين الزلم
كل ساعه توكع ثاكله
ياضيم اليطول
يادمعي لهطول
ياسحك لخيول
خويه ياحسين
ياجرحي الجبير
ياكلبي الكسير
غافي بالهجير
خويه ياحسين خويه ياحسين
@@@@@
ننطي لوجة خويه لوين
غير مكانك ياحسين
ندري الخصم مابي وفة
ندري الخصم ماعنده دين
زينب يخويه هل الصفير
محتوم عد ربنه القدير
ألنه الذبح وألجن سبي
باخر أرض هم لو نصير
ياشَمه النحر
ياخاطر انكسر
يادمعة السفر
خويه ياحسين خويه ياحسين
يارميه السهم
ياأكثر الألم
يا مصحف نشتم
خويه ياحسين خويه ياحسين
@@@@@
انا العزيزه ام الخدر
ترضاها يسلبني الشمر
والحادي بالعيله يجر
ماعنده رحمه هل زجر
يذكر رقية بالشتم
محد يرده من الزلم
محد يكول الها أفاا
كامو يعثرونه الجدم
ياطبت القصر
ياضحكة الشمر
ياركضة الخدر
خويه ياحسين خويه ياحسين
ياجره الحبل
يارميه الطفل
عل ناكة أنحمل
خويه ياحسين خويه ياحسين
@@@@@.
نار وجمر نمشي علية
والمصرع حسيني نجية
نلكة الشمر صاعد يحز
منحر أبو اليمه بدية
راسه انكطع من الكفا
فوك الأرض جسمه صفا
من كل كتر ينزف دمه
ضي الصبح وسفة نطفة
ياهم ب الصدور
والحافر يدوور
يسحك علة النور
خويه ياحسين
ياضيم لخيام
ياجرح ليتام
كل كلبي سهام
خويه ياحسين خويه ياحسين
@@@@@
أنا لهظمني هل البلد
قام وبعد لا ماكعد
شام الكدر كلها اجت
رأسك يضربونة بعد
واحد يكول انا ل أسب
واحد يكلهم تنتحب
خلها وبعد احنه نكول
أكثر جمر بيها نشب
ياجمره لدليل
ياهزل وتميل
ومن بعدك نشيل
خويه ياحسين خويه ياحسين
ياضياع ارتمه
ياعطش ياضمة
يابكاء السمه
خويه ياحسين خويه ياحسين.
@@@@@
مسلم ياسر المياحي
قناة الرجوع الى الله @h_ameer1
قصائد منبريه مكتوبه @h_ameer2
ملا ابو أمير الفاطمي @h_ameer3
روح وريحان @h_ameer4
مقدمه
للطفل الرضيع
من ضك العطش بينه
عبدالله عله اونينيه
ومه اتگلي يحسينه
هاك اخذ الولد
-------------------------
بنص گلبي خليته الولد متعني ذيج الحومه
اترجه شِربه للطفل ذبل الماي ارسومه
يرفرف بديه امن العطش وزاد اعله همي اهمومه
جبته اوريي جبدته مو يرتوي امن ادمومه
جبته يرتوي ويشرب
مامتوقع الاصعب
نحره بسهم يتصوب
عطشان اولد
-------------------------------------------
شلته بديه وخاطبت ياناس اطلب شِربه
ان جان ذنبي قاتلت هذه الطفل ماذنبه
اخذو انتو للعذب وخل يرتوي من عذبه
يناس سمعو لوعته العطش حارگ گلبه
ردولي جواب اغرب
سهم امثلث امشعب
صوب نحره وتخضب
من دمه الولد
---------------------------------------
سهم المثلث بي شِعب ونَحر الطفل جان ازغر
من لاحه ماسوه جرح گص رگبته امن المنحر
من هيس ارطوبة دمه فز من اديه اودور
حسباله ماي ويرتوي گلبي عليهه اتوذر
زغير بعده عبد الله
سهمه بالنحر صله
بذنه اهمس اسم الله
مبذبوح الولد
-------------------------------------------------
صابو ابنبله امثلثه وسكن حنينه اوونه
كدرت طوله ويلسهم السهم اكبر منه
توه عدل ليش انذبح خلوني اعيش بحزنه
شحچي وشگولن للخيم لو ناشدوني عنه
وشلون ارجع الامه
ابني سابح ابدمه
بووجهي فاضت الهضمه
من راح الولد
---------------------------------------------
علي سليم الحسناوي
قناة الرجوع الى الله @h_ameer1
قصائد منبريه مكتوبه @h_ameer2
ملا ابو أمير الفاطمي @h_ameer3
روح وريحان @h_ameer4
هاي ليله "" "اخر ليله
بين احسين واخته الحره
@@@@@@@
هذا المسه اخر مسه أنا اشوف أعيونك
صبح الحرب باجر تره فوك الثرى يخلونك
أنا المن بالحراير وأنا الكفيله اضعونك
ياهي عن ياهي اشاكف محتاره انا بدونك
كلبي تثلم "" "" بحالي ارحم
خويه حسين كلبي صبره
@@@@@@
نحرك يخويه يحسين خلني اشمه بدمعي
باجر حوافر اعداك تترس كسر سمعي
تروك عل ضلعك روك راكت يريت بضلعي
يحسيني يمته تكوم ناده شمرهم طلعي
حركو خيمه"" واحنه بهيمة
عكب حسين بية الحسره
@@@@@@@
خويه ياواهس عيوني وين اروحن بعدك
يصبح العالم سواد يلبقيت انت وحدك
شحالي والحافر تشوفه ياخذك منا يردك
من اجانة شفنه رجلة هل بيها كطعة جبدك
احجي حسيني "" "" سكت عيني
خوية حسين "" "" طفي لجمره
@@@@@@
باجر ركض شي هل الحرم محتاره شي مذهولة
لا حمايه ولا كفاله لجانت امس مكفولة
طرف العبايه بي نار وندار الوكت معقولة
امشي خلني لعباس ويمه الشدد محلوله
خوية بدونك"" "" هاي ضعونك
وبعد حسين "" "راحت اسره
@@@@@@
وداع لاخو يكتل تره سهم ونبت بعظامي
محلاه المسيرة وياه ماجن اخو خدامي
راعي العلم كوم وشوف هذا الشمر كدامي
ويحدي بينه عباس من بعد عينك شامي
يلجم بينه" "" يسأل وينة
اضن هذا الكفل نحره
@@@@@@
سمعي يازينب يخوية من يطر هذا الفجر
احنه النه هل لشهادة وانتي اجرج بالصبر
خلها عينج عل يتامة مايحملونة الزجر
ميته حسبيها رقية بس يطك خدها الشمر
بعد الحاصل""" انتي لكافل
وعين حسين الكم تبره
@@@@
مسلم ياسر المياحي
قناة الرجوع الى الله @h_ameer1
قصائد منبريه مكتوبه @h_ameer2
ملا ابو أمير الفاطمي @h_ameer3
روح وريحان @h_ameer4
السلام على مقطع الجسد
@@@
باجر تدوس ابن النبي حافر ثكيله اوزانه
يكسر اعظامه وينذبح واخته تضل عطشانة
باجر ركض نطلع سوه و ماكو أمان هنانه
كلها تصيح علل الحرم كلها علي شمتانه
نطلع سبايه @ وبلايه رايه
ينداس لحسين@ واحنه ضمايه
@@@
باجر ضرب نشبع تره والفكد يكسر بلظهر
ولا أبو اليمه لبقى ولكفلنه علل النهر
و بالجثث نعثر تره سكنه تصيح علل الكمر
عمي شافوه الخدر عمي ميته من القهر
باجر هضمنه @ بطيحة زلمنه
لصبح لو جة @ يبدي ألمنه
@@@
باجر دمه يصفة لترب كلبي الهموم تلسعة
يذبح شمرهم منحره خنصر ولينه يكطعة
ملعب يدور علل الصدر حافر يجية بسرعة
من داسه ويلي الحافر يشلع وصل من ضلعة
ضلعة يجيبه @ وأني سليبة
الله أكبر @ =اتسمه غريبه
@@@@@
يلا يرمله للدمع وانتي يليله وياي
باجر زلمنه تنكظي باجر يفتون حشاي
لاكبر يويلي علل الرمح رمحة يشيلة الحداي
وطفن ينسوان الشمع وساعدني أعله بجاي
باجر هظيَمه @ سكنه يتيمه
حركوها لخيام@ ونسمع شتيمه
@@@@@
أنطني عبدالله الطفل خلنة عندي شوية
شنهي ذنبك يولدي ماكو ليكول أخطية
يابس ولا عندي أمل ينطوون كطره مية
سمعت رباب وندبته أستر يربي اعلية
أي لا تهاجر @ يمه المكابر
مو مالت زغار@ جا والمشاعر
@@@@@
صفنن ينسوان الفجر ماضل بعد بس ساعة
حاجني بله شنعمل والكمر ناوي اوداعة
صج من بعد راعي العلم ايام الدهر خداعة
اانا اضل احرسجن وكلبي يضل بوجاعة
ما أوصيجن @ ضمن بجيجن
خوفي الوادم@ تشمت عليجن
@@@@@.
مسلم ياسر المياحي
قناة الرجوع الى الله @h_ameer1
قصائد منبريه مكتوبه @h_ameer2
ملا ابو أمير الفاطمي @h_ameer3
روح وريحان @h_ameer4
#نعي_يوم_العاشر
يحسين حاجيني يخونه
يا ريحة امي وروح ابونه
للموت من دونك خذونه
ياريت ابدلك خويه يحسين
ياريت لو اكدر واجيلك
من بطل حيلي دون حيلك
هذا شمرهم معتنيلك
رايد يحز من عندك وتين
وكأني تنظر الى الشمر وتقول
وخر حسامك عن وريده
مو هذا ابن امي واريده
من ابن امي ياثار التريده
لا تحز نحره ولا تچيده
وخر حسين من الطن طاح
وخر سيوف عليه ورماح
لا توصله بسيفك يذباح
هالمنحر المختار شمه
هالمنحر الزهره تعزه
وخر لا توصل تحزه
وسيفك عليه ولا تركزه
من عمت عينك هذا الحسين
بلله يا شمر سيفك دوخره
ولخوي حسين لا لا تحز نحره
تدري لو تذبحه تصير كسره
وعلينه تبدي ليالي السود
اخوي وعاش بعيوني وريده
الموت عنه ابعد وريده(وارده)
عوف حسين لا تگطع وريده
واذبحني بمچانه اعله الوطيه
دفعها وصاح لابد من انحره
ولبن ازياد اودي اليوم بشره
واكله حسين صار اليوم عبره
وخيل تدوسه من عگب المنيه
واخلي الخيل يازينب تسحكه
ومامش فزعه لحسينج تلحكه
وارض ظلوعه بحوافر تركه
واساوي ظلوعه بارض الغاضريه
شعدها الخيول وياك يحسين
طشرن جسمك بالميادين
ياروحي نوحي وزيدي الونين
عالرمل متوذر ولينه
****
عالرمل جسمه صاير اوصال
كل وصله منه تهد الجبال
لهذا الحزن يحتاج دلال
ودلالي يم حامي الضعينه
**
ما ضل حزن ما ضلت دموع
للموت كلبي عليج مفجوع
ذكرني خويه رض الظلوع
برض الظلع بارض المدينه
****
نسألكم الدعاء لتعجيل الفرج
لخادم الامام الحسين عليه السلام
الشاعر حيدر كاظم الساري
قناة الرجوع الى الله @h_ameer1
قصائد منبريه مكتوبه @h_ameer2
ملا ابو أمير الفاطمي @h_ameer3
روح وريحان @h_ameer4
(اعثر واكومن)
حسين خوية .. حسين خوية
————————————
رحت ارد اوصل اشكيلة
هجمو كلهم علية
واجيتك وامشي بين الموت
اجيتك وانة محنية
ادور بل جثث يحسين
ادور بية ما بية
واعثر بابني واتخطى
واكولن هوة غالية
لــيش .. اعثر واكومن
لــيش .. ساكت ياخوية
لــيش .. ما تومي لختك
لــيش .. هجمو علينة
حسين خوية .. حسين خوية
————————————
وصلتة وهسة بس اسهام
ماكو مجان الايداية
وتهضم دليلي هواي
الحافر مارد الارية
إذا ميت كمر عدنان
وطفو ضوة البدوية
معناهة الاميرة تروح
القصر الشام مسبية
شــلون.. خوية الحكنة
شـــلون .. نكطع ضنة
شـــلون .. حركو خيمنة
شـــلون … ماترجع النة
حسين خوية …حسين خوية
——————————-
دفهمني ياخوية شصار
غريب يكود علوية
عكب ماجان اخوي الحيف
هسة جفوفة مرمية
ومابيدي اروح اهناك
واشوف عيونة مطفية
جنت اني النضر والشوف
وبيهن انة محمية
كــــوم .. هل جتفونة
كــــوم .. مو ركبونة
كــــوم .. كلهم ولونة
كـــوم … خوية وسبونة
حسين خوية .. حسين خوية
————————————-
راحت انة الكمر عدنان
بلكت ينهض عليهم
اخبرنة اخيك طاح
ويمرد صدرة حافرهم
وكلة العشرة مبيوكات
الخنصر ضال هل عدهم
مو بس هيج اكلة بهاي
يدوسة المار من يمهم
شــوف : فكدك نهيبة
شٌــوف : ردنة خيمة
شــوف: نركض بهيمة
شــوف : كلبي شيعينة
حسين خوية … حسين خوية
————————————
اودعكم ياخواتي اليوم
اضن راح امشي مسبية
ماضل كلشي يل خوان
بعدكم ضايع البية
بعدكم امشي بل ياويل
امشي وانة علوية
اه يا هضمت المكسور
شكضيهن ليالية
مــات : كل حيلي انة
مــات :بعدة هوانة
مــات: حسين وحنانة
مــات : راعي لوانة
حسين خوية : حسين خوية
____________________
✍🏼: يونس علي الكعبي
لسلامة قلب
صاحب الزمان المجمور
الصلاة على محمد وآل محمد
#تراث اهوازي
عـسن فجرج يا هالليله اليوم الحشر لا ينطر
أشبع شوف من حسين ومن عباس المشكر
ــــــــــــــــــــــــــــــــــــــ
عسن يا ليلة العاشر فجرج دوم لا يطلع
بلجن من وجه عباس اوجه حسين شوف اشبع
خلوني يا هالوادم ليهم دوم اتلوع
مو هو بفراگهم گلبي حدثني وحس بالشر
ــــــــــــــــــــــــــــــــــــــ
علم بفراگهم گلبي عليَّ إفراگهم يصعب
كلف ما تحمله الأطواد عالأطواد لو ينصب
لحد يا إله الكون منك رايده مطلب
تمد من عمري الليله ليله بالعمر تذكر
ــــــــــــــــــــــــــــــــــــــ
بقت مرتاحه الحره نوبه إتشم إخوها حسين
ونوبه تشم ابو فاضل و يهمل فرح دمع العين
و لنها تسمع السجاد ينشد ثاني السبطين
بويه اشلون فكرك صار ابهاالجيمان والعسكر
ــــــــــــــــــــــــــــــــــــــ
ايگله الگوم يوليدي عليها إستحوذ الشيطان
وباجر بالحرب و الكون لازم يعمر الميدان
ايگله هالأرض متلوگ الطرد الخيل والفرسان
أشوفنها أرض وعره ميشومه و بر افقر
ــــــــــــــــــــــــــــــــــــــ
ايگله عمه العباس يا تالي هلي الامجاد
كل إحنه الليله إضيوف عندك ياعلي السجاد
باجر عنك إنسافر إيصير الأمر بيدك عاد
إتريد إتشيل و الله إتظل إنته ابهذي امخير
ــــــــــــــــــــــــــــــــــــــ
لمن سمعت الحره اشصار إبحالها ياناس
نشدها حسين من گامت مدلوله مهبطه الراس
إتگله چوت لب إحشاي خويه جلمة العباس
لَروح الـخيمتي و أبجي عند الله ابدمع محمر
ــــــــــــــــــــــــــــــــــــــ
أثاري حسين و الشبان من گامو بني عدنان
هالليله إهم ضيفان عدنه و باجر الوليان
إتروح ابـحومة الميدان بين إسيوفها والزان
و تبگه الحرم و الرضعان لبن ازياد تتيسر
(لاحد خدام الامام الحسين)
قناة الرجوع الى الله @h_ameer1
قصائد منبريه مكتوبه @h_ameer2
ملا ابو أمير الفاطمي @h_ameer3
روح وريحان @h_ameer4
#فزاعيه
وسف ياشيخ حدر اخيول تاليتك
ــــــــــــــــــــــــــــــــــــــ
نار العطش من الشوف عاميتك
وسف ياشيخ حدر اخيول تاليتك
وحدك والعساچر طعن واليتك
وسف ياشيخ حدر اخيول تاليتك
مو ماي بدماك اسيوف ساگيتك
وسف ياشيخ حدر اخيول تاليتك
وعگب راسك برجل خيل خاچيتك
وسف ياشيخ حدر اخيول تاليتك
وشبو نارهم بعيالك وبيتك
وسف ياشيخ حدر اخيول تاليتك
وكلها تصيح بويه وتجي متانيتك
وسف ياشيخ حدر اخيول تاليتك
وعد راسك الوادم تطگ علويتك
وسف ياشيخ حدر اخيول تاليتك
وتگلك يمن بالروح خاوتيك
وسف ياشيخ حدر اخيول تاليتك
عدل والزلم عني تكفها ياريتك
وسف ياشيخ حدر اخيول تاليتك
اديرن ريت من حيلي اعله عافيتك
وسف ياشيخ حدر اخيول تاليتك
#اللهم_عجل_لوليك_الفرج