42599
نشر ✍🏻القصائد داخل القناة مجاناً بأشراف ملا ابو امير الفاطمي مؤسسة فاطميون الحسينية للتواصل مع الادارة
خويه يابو سكينه وينك
عميــــه عين الذابحينك
،،،،،،،،،،،،،،،،،،،،،،،،،،،،،،،،،،،،،،
وصلت الخيل الخيمنه وحيرة النسوان حيره
والتهضمك كلها غربه وماكو عــد الغرب غيره
حيل صاحــو علئ زينب زينب بلايــه عشيره
والچبيره تريد حيل حسين شيركض الچبيره
،،
گــــوم يوليــد امي گـــوم
مالي غيــــــرك كلشي راح
من طحت يحسين اشوف
گلبي بيــــن ضلوعي طاح
گوه اصيحك گمت گــــوه
الصوت راح مــن الصياح
،،
حل اريـــــد اليــــوم منك يبن ابوي
انه اخيتك مو غريبـــه وانته اخوي
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
منين اجيب الزلـــم بالله والزلم مذبوحـه كلها
والمره تريدلها والي اوالي ماضـــل مــن اهلها
صعبه وي الغربه نمشي حسين كونك تصفنلها
اخ ياعگدت فراگــــــــك شيبتني شلون احلها
،،،
ويــن اروحـــن حــرت وين
خويــــه منك حــــل اريـــد
عالركض مابيــــــه حيـــــل
والدربـــــــــك كلش بعيـــد
زلــــــــــــــم جدامي اوراي
وايدي مشدوده بحديـــــد
،،،
صعـــبه نمشي حسين صعبه مچتفات
وينه اوين المهازل احنه نسوه مدللات
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
نمشي وي ذباح اهلنه وهاي كلش ماهي زينه
وعلي ياديره النطبها عيـــون خلگ الله علينه
والتهضمك كلها تنشد وينه چابو سكينه وينه
مو حنينه الناس ثاري عليك تنشد مـو حنينه
،،،
كلها تشمـــــــــــت يخـوي
وكلها وحدك تــــدري بيك
اليحبك خـــــــــل يلحگك
موش بس ينشـــــد عليك
وانته دربك مــــــــو بعيد
ليش چا محـــــــد يجيك
،،،
مايفيد النشـد منهم خويــه كلش مايفيد
وغير زينيب لاتصدگ واحد يحبك يحيد
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
مچتفات انام ونفز خويه مــــن يوم الخذونه
واحد يصيح علينه اواحـــــــــــد يشتم ببونه
تعبونه حسين خويـــــه وعلي كلش تعبونــــه
هاضعفنه حسين صرنه من التعب كلش گضونه
،،،
خاف نشرد خويـــه خاف
يكثر علينــــــــــه العذاب
ناس ترحم ماكــــــو ناس
هاي منها الگلبـي شــــاب
شوف ماضل عدي شوف
والحـزن فاتحــــــله باب
،،،
زين منـــي وعدلـــــــه يالمذبـــوح زين
انــــــــــــــه لازم موتي گبلك يالحسين
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
مصطفئ الصالحي
قناة الرجوع الى الله @h_ameer1
قصائد منبريه مكتوبه @h_ameer2
ملا ابو أمير الفاطمي @h_ameer3
روح وريحان @h_ameer4
وداع مابعد العاشر
سولفلي يالحنين .. نتلاگه خوية وين؟
لو هاذهو وما شوفك
لا انت لا خيام .. هل ليله وين اناام؟
شيسدها من اتعوفك
چنت ادري كلها يوم
وخوتنه ما تدوم .. ومانبقه سوه
ليلة امس اجيت
شميتك وبچيت.. من شح الهوه
نايم چنت وشوف
برسومك الطفوف .. وكسرة نينوى
آه ياخوتنه صارت سالفه
امس يم اخواني هسا خايفه
يا خويه يا حسين
0000000000000
بس چلمه وحده اريد..خل گلبي بس يهيد
گلي ارجع وماعوفچ
حاچيني لا تموت ..يخوفني هل سكووت
لتگلي ابد ماشوفچ
بعيني الوكت يضيج
ما اندل الطريج ..وين امشي بعد
صارت يخويه ليل
صنته ودوي الصهيل.. يرعبني أشد
جاب السبينه نوگ
گالو نطب لسوگ .. ونطانه وعد
طايفه تسوينه فرجه الطايفه
امس يم اخواني هسا خايفه
00000000000000
متحمله الك عتاب ..يالغافي علترااب
بس مو وكت عتابي
يمغمص العيون .. نوم العوافي كوون
يالزيدت عذابي
نتشابگ ونموت
احسن ولا نفوت .. يمك علهزل
يالغافي علجروح
انطيني حل وروح.. شيحمله الحبل
حيلي بلايه حيل
ضلمه وبعدها ليل.. چا يمته تهل
عايفه ابن امي بترايب عايفه
أمس يم اخواني هسا خايفه
000000000000
اخر وداع اريد .. وادعني يالوحيد
مشابگ ردت وداعي
ماضن تردلي يوم ..فرگت اخوتي دوم
ما الها والله داعي
كمت ادعي بالقنوت
جم ليله حته اموت..واخلص ياهلي
ضعنك زجر ولوو
صيحنه من خذووه.. احضر ياعلي
سجادك استساء
وحدنه بس نساء .. ماعدنه ولي
راجفه جفوفي وتبين راجفه
امس يوم اخواني هسا خايفه
0000000000
علي ميران
قناة الرجوع الى الله @h_ameer1
قصائد منبريه مكتوبه @h_ameer2
ملا ابو أمير الفاطمي @h_ameer3
روح وريحان @h_ameer4
(( #چلچل_الليل ))
……………………………………………………………
الله اليعينج چلچل الليل
ومن الركض ماظل بعد حيل
ماعندج اخيام •• وتخاف الايتام
چلچل الليل . چلچل الليل
……………………………………………………………
قبل الليل أشگد متعوبه . انهارج هم ليل ابلا نور
التله وسوّت عمرج ميه . من شفتي ابن امج منحور
خلّص يم المصرع عمرج
چن السيف ايحز ابنحرج
مثل اهلال امحدب ظهرج • عميه العين
وي گطع الراس اختنگيتي
ومن الچتال انضربيتي
صعبه الگومه وما گدريتي • تتوچين
وشلون بيج وصار الغروب
ارماد الخيم وفراش منهوب
الليل اشألج ضام •• وتخاف الايتام
چلچل الليل . چلچل الليل
……………………………………………………………
ليل الهيمه ايريد امناطر . شد احزام وشد الحيل
وانتي الخلصتيها امراكض . من النار ومن الخيل
خوف وهيمه وهندس ظلمه
وگاع انعدمت بيها الرحمه
وكلها اتصيحج زينب عمه • شصيرين
لازم اطفال اسكتيها
اطلعين الشوچ ابرجليها
وضربات السوط اداويها • تحتارين
هذا اليگلج عمه جوعان
وذاك اليريد الماي عطشان
ما يكدر ينام •• وتخاف الايتام
چلچل الليل . چلچل الليل
……………………………………………………………
لازم تفترين اعليهم . نسوان وايتام اتنوح
وانتي ومن گد مارگضيتي . حمره اجدامج كلها جروح
كلشي الصار احنه استوعبنه
بس شي واحد و معذبّنه
زينب تركض ما صدگنه • هاي شلون
شصار ابروحج من ركضيتي
چم مره العباسچ صحتي
عذراً چم مره انهطريتي • آ يم عون
كعده يزينب من تصلين
تلچم اسياطج من تركعين
و امورمه الجدام •• وتخاف الايتام
چلچل الليل . چلچل الليل
……………………………………………………………
عندج نسوان ومفجوعه . مهضومات ومضروبات
مامش سد وبس اعبيهن . السوط وخط بيهن طبعات
رمله وليله ايصب المدمع
وام عبدالله الاكثر تفجع
عدها گماطه وبي تتطلّع • اعليه اتنوح
اداوين ابسكنه المچويه
لو بذن المظلومه ارقيه
حيل مأذيتها الترجيه • تدي جروح
لو بالعليل امعذَّب الحال
بس هو من ريحة هلج ظال
روحج باليمام •• وتخاف الايتام
چلچل الليل . چلچل الليل
……………………………………………………………
گلبج ما ينطيج امفرفح . لازم للحومه تروحين
ليل وبس وادم مذبوحه . وادورين احسينج وين
عرفيته من عطر الزهره
وبس هو المگلوب ابنحره
وتسعه البچفوفه ومو عشره • وبلا راس
چم جثه العثراتج بيها
بس جثه او ما حسيتيها
الدوس او يالگاع امساويها • ابخيل انداس
الف وتسعميه جرح بيه
و چتّاله ماخذ ثوبه العليه
بيه كثره الاسهام •• وتخاف الايتام
چلچل الليل . چلچل الليل
……………………………………………………………
باجر مصباحج هم اظلم . اشوه الليل واستر حال
تدرين الهزله امتانيتج . اتصعدين ابسوط الجمّال
باجر كل الجيش ايشوفج
اطلعين وحبلج بجفوفج
موش اخوان الغربه اطوفج • خدرج راح
تمشين وتتلفت عينج
امخلّيه اعل التربان حسينج
ولحجار وسوگ امودينج • مكسوره اجناح
انسيها جلمة هاشميه
باجر يصيحون السبيه
يا غربة الشام •• وتخاف الايتام
چلچل الليل . چلچل الليل
……………………………………………………………
✍️ ( سيد خضر الزاملي )
قناة الرجوع الى الله @h_ameer1
قصائد منبريه مكتوبه @h_ameer2
ملا ابو أمير الفاطمي @h_ameer3
روح وريحان @h_ameer4
حسين متعود علينه بكل صبح
خلني بمجانك اشيله يارمح
تعبه هواي الدرب
وارد اشيله اعله الكلب
خلني بمجانك اشيله يارمح
..................................................
آنه بحسين أولى منك يلي ماتعرف غلاته
ليش راسه ابلا عمامه ومنهو اخذ منه عباته
تعّب اعيونه يدوّر جي نقص عنده ابناته
جاب كل الدرب يبجي وارد اضمه امن الشماته
ابكل عزيزه لكلبه ابو الأكبر يحس
نزله أفيله چوت راسه الشمس
كافي دمعاته تصب
وارد اشيله اعله الكلب
خلني بمجانك اشيله يارمح
.................................................
انته والشالك سويه ابلا كلب وابلايه ذمه
اثنعش طبره بنحره تنزف ترس كاع السبي بدمه
ما فزع واحد يضمده ومالكيت اليسوه احشمه
الما يداوي جروح اخيي شعنده حاسب روحه زلمه
انته شايل راس ابن أشرف مره
منين أجيب النايم اعله الكنطره
يجري دمه اشكد صعب
وارد اشيله اعله الكلب
خلني بمجانك اشيله يارمح
................................................
اعله طولك صار دمه ويستحي يطلعها ونته
حتى ما لحكت أشمه امن الذبح وانته اخذته
كلبه ما شال اعله واحد ليش فوك الرمح شلته
شلون ابريك انه ذمه وحارم حسين امن اخيته
راسه وين تريد بي شو ما كلت!!!!!!
حضني دافي ومو مثل حضن الطشت
توه غافي من الحرب
وارد اشيله اعله الكلب
خلني بمجانك اشيله يارمح
.................................................
جسمه ضل للخيل بالطف وانته راسه الصار حصتك
ليش عليته اعله بنته من ركض يمك اجتك
مو ابو وما ضكت لوعه اكبالك ايحرموك بنتك
بخت ماعندك واكلك رمح بسك واعله بختك
حسين طيب حيل ليش اتعذبه
انته حالك حال ذاك السلبه
ولا يصد اعله الضرب
وارد اشيله اعله الكلب
خلني بمجانك اشيله يارمح
..................................................
رمح بهداي اعله كيفك لا تلجمه الكله غيره
كضه عمره ايداري بيه وجهي عنه اشلون اديره
متني أكبر من ضربهم ماتطخ راس الاميره
ما اهتم جي بيه عطره حسين بس راسه عشيره
بخير زينب كله منك والنعم
خل يحير بنحره خافن ينلجم
شلون للشام من اطب
وارد اشيله اعله ألكلب
خلني بمجانك اشيله يارمح
احمد ماجد الكلابي
انا العزيزة اخت عباس
تالي الغريبة تصيلحي الناس
واليجرح احساسي
ال بالشام مو ناسي
.........
الوكت غربني وبعدني عن هلي
وراحت ويخواني خوية اتدللي
انه ما استاهل الي صار إلي
شلون ادخل قصر وانه بت علي
لا چلمة الي ولا ظل الي راي
وكتال أخُوتي بضعني حداي
لو تخلص انفاسي
ال بلشام مو ناسي
......
تالي بالغربة أنه وحالي أختلف
وچفي لمدلل بالحبال أنجتف
مو نفس حالي رجعت اعله النجف
بين غربة بالدرب طولي انوصف
انه الهظمني بأسمي يحچون
يكولون زينب موش ام عون
درب اليسر قاسي
البلشام مو ناسي
..........
ويه كل نگلت جدم اكبر عمر
وبين خطوة وخطوة ألعن بالشمر
أنه اجدامي عادي لو داست جمر
بس ثگيلة اعليها خطوات اليسر
مو صعبة جدمي يسحگ النار
الصعبة تصدلي كبار وزغار
وأيدي على راسي
البلشام مو ناسي
........
مو عجيبة لو اموت بحسرتي
طاحن اعلى النهر خدري وهيبتي
ويه راية أهلي طاحت چلمتي
ماكو بالدنيا مثل في أخْوتي
لو عيش هاي الدنيا عمرين
ماكو مثل عباس وحسين
ماجرحو احساسي
البلشام مو ناسي
قناة الرجوع الى الله @h_ameer1
قصائد منبريه مكتوبه @h_ameer2
ملا ابو أمير الفاطمي @h_ameer3
روح وريحان @h_ameer4
المستهل مجارات
ليلة العاشر
كون البواچي ترجع المات
لكضي العمر يحسين ونات
………………………………
حدر ضعنه الديرة الشام
ودعتك الله وتربي العيون
ماخوذه كوه وماكو فزاع
حمل ضعنه من الصبح شال
انه اعله ناگه وانته بالگاع
ما اشرتلك زرگه المتون
نوم العوافي اعليك يحسين
واحنه البواچي مرافجه الحال
كون البواجي ترجع المات
لگضي العمر يحسين ونات
………………………………….
نبجي ونهيل اتراب يحسين
نلطم لحد مايتعب السوط
يابعد اخيتك عاين الحيل
من كل كتر ياخويه مهدوم
طرينه ديره تبوگ الگلوب
راس النفل برماح محطوط
طرينه سوگ الموش اجاويد
باعونه سلعه بوسط الهدوم
كون البواجي ترجع المات
لگضي العمر يحسين ونات
………………………………..
من ياسنينه التنسبي تموت
جدام اخيهه وصعدت النوگ
اه يا هظمتي اگبال الحسين
بنت النجابه ومالي فزاع
كل ما اشاگف يتعب السوط
يطگون اخيتك ماضن تلوگ
اركض واطيح اگبال العيون
وين الهواشم وين السباع
كون البواجي ترجع المات
لكضي العمر يحسين ونات
………………………………..
رديتلك والناگه مو خوش
ماتمشي گلبي مورم اعليك
ذبيت روحي وجيت احاجيك
اختك غدت زرگه من الحبال
انه اندل اجروحك يلحسين
بس من وصلتك كتلك شبيك
تعبانه اخيتك من الهموم
لجمت گلب ومرافگه الحال
كون البواجي ترجع المات
لكضي العمر يحسين ونات
………………………………………
عباس سلمان القلعاوي
#تراث
يا ليلة الحادي عشر ..آه شعظم هالليله
من جابوا الماي وغدت..ضجه بحريم العيله
ــــــــــــــــــــــــــــــــــــــ
ركضت رقيه عله السگا..نادت اگف ياسگاي
لو تاخذ الماي وترد..لو للرمح تمشي وياي
هاليوم ثالث والدي..عطشان ما شارب الماي
اغرفله بجفوفي العذب..بلكن اروي غليله
يا ليلة الحادي عشر..آه شعظم هالليله
ــــــــــــــــــــــــــــــــــــــ
تغرف الماي ولو مشت..من جفوفها يتبده
وما بين ابوها والسگا...تجيب الدرب وترده
طفله وغصنها من العطش..ذبﻻن مثل الورده
ومن وصلت لذاك الرمح..گلة عليها الحيله
يا ليلة الحادي عشر..آه شعظم هالليله
ــــــــــــــــــــــــــــــــــــــ
ما وصلت لربع الرمح...كل ما تمد ايديها
بالخيزرانه تعلگت...تحني الرمح ما بيها
حاولت يا ما حاولت...رفعت كعب رجليها
والراس يتمايل غدى...يبجيلها وتبجيله
ياليلة الحادي عشر...آه شعظم هالليله
ــــــــــــــــــــــــــــــــــــــ
يبچي عله بجاها الرمح...ظل ينحني ويتطوى
من شافها هدهه العنه...گامت تگوم وتهوى
حتى بعدوها توسلت...بلجن بگايا مروه
ينزل الراس من الرمح...تشربه العذب ويشيله
ياليلة الحادي عشر..آه شعظم هالليله
ــــــــــــــــــــــــــــــــــــــ
وكعت على راگي الرمح...وتريد تسهر يمه
لن من ظلام المعركه...تسمع نوايح حرمه
يحبيبه آنه عمتك...ردي عليه يا عمه
ركضت رقيه عله الندا...ومن المصيبه نحيله
ياليلة الحادي عشر ...آه شعظم هالليله
الشاعر عزیز الفیصلي
#اللهم_عجل_لوليك_الفرج
صار العصر وزينب وحيده
صار العصر وشالو وريده
اويلاه يزينب اويلاه يزينب
@@@@@
مات الخلك والواهس كلشي خلص بالعاشر
خلصو ذبح العشيره ومحد بقى ويناصر
چماله زودوها رزايا ذوله ماعدهم ضماير
حركو الخيمه علينه وشالو برمح المناحر
كلبي سكت ودمعي اسيله
كلبي سكت رايد كفيله
يوليلي على زينب
@@@@@
انطيني ايدك ياضوه عيني ونبض دلالي
رد للخيام بلا وجع وفرح كلب اطفالي
هذا المسه صاير كبر ريتك تشوف احوالي
كل ساعة يندبني الطفل شخباره عمة الوالي
سوط المتن لاجم ضلوعي
سوط المتن نشف دموعي
اويلاه يزينب اويلاه يزينب
@@@@@
هجمو اويلي عل لخيم كلمن اجانه بهمته
وطلعنة نركض عل ولي بالكوه أنا أعرفتة
ثاري الخيول من لسحك ناعم جسد خلته
يابو علي بعدك عدل وراسه لعده كطعتة
هذا الشمر جايب هزل
هذا الشمر واكف مرتجل
اويلاه يزينب اويلاه يزينب
@@@@@@@
مابقة واحد بعد ماكو ذخر للخيمة.
احسين وين أنطي لوجة مات لذي بي شيمه
عباس ذاكة عل لنهر واحنه كعدنه بهيمة.
ريتة عدل كفالي ويشوف كلبي وضيمه
حزني كبر من طاح العلم
حزني كبر والامي سهم
اويلاه يزينب اويلاه يزينب
@@@@@@
كلهم مشو فد ساعة محد بقة ويكفلني
أفرار الطيور من القفص اخواني فرو مني
شماله جا هذا الشمر من ذبحهم ماذبحني
شلي انا بهل الحياه وكلشي بقة يلجمني
راحو سوه اخواني الهيبة
راحو سوه واني الغريبة
اويلاه يزينب اويلاه يزينب
@@@@@@@
مستغربة من هل جره معقولة انتم موتة
وين الجفوف الأمنه جانت صدك مبخوتة
كالولي ضل بلا زند وسهم كاطع صوتة
جا اذا ميت صدك وين الكمر تابوتة
بالي نشده حقي يعباس
بالي نشده ملطومة لراس
اويلاه يزينب اويلاه يزينب
مسلم ياسر المياحي
قناة الرجوع الى الله @h_ameer1
قصائد منبريه مكتوبه @h_ameer2
ملا ابو أمير الفاطمي @h_ameer3
روح وريحان @h_ameer4
عبد يبني عبد يبني عبد يبني
شفته يدور بين الخيام يمه
عبد الله يبجي بعده لو نام يمه
الحك عبد تعبان يحسين
من العطش ما غمض العين
يتلوه هذا بحضني وينوح يمه
هاك اخذه بس لتجيبه مذبوح يمه
لمن مشا وخذا
شكد صحيت ورا
عبد يبني عبد يبني عبد يبني
شاله من اديه بحضنه خلا وليدي
راح ورجع مذبوح جابا يمه
بضهر الخيم سكنه لكوهه يمه
تبجي وتدك باكو اخوهه يمه
خافت علي مكروه جاسه يمه
مبيوك يا عبد الله رأسه يمه
باكو عبد احا
شكد صيحت ورا
عبد يبني عبد يبني عبد يبني
وسكينه صاحت وره الذباح يمه
نحره ترف مايحمل رماح يمه
جابك حسين ورد للخيام يمه
ياعيني بيش تهيد وتنام يمه
نحرك وذر جابوك ياحيف يمه
حار السهم لو ميت بسيف يمه
شم نحره من خذا
شكد صيحت ورا
عبد يبني عبد يبني عبد يبني
ماتدري بيه شلون حالي يمه
خالي المهد والحضن خالي يمه
يكبر كلت كدام عيني يمه
مذبوح تاليه تجيني يمه
سهم العين بركبتك فات يمه
كالولي غص وتغرغر ومات يمه
ياويلي من جفا
شكد صيحت ورا
عبد يبني عبد يبني عبد يبني
انحر الطفل تتشهه الرماح يمه
بحسين جا شيصير لو طاح يمه
لتروح يبني بحضني خليك يمه
مابيه من تروح اتانيك يمه
من اهد الرحت يوليدي لليوم يمه
يعيوني مامر بيهن النوم يمه
مارد علي شجا
شكد صيحت ورا
عبد يبني عبد يبني عبد يبني
تسمحلي يبني حجايه احاجيك يمه
فزت رقيه وسالت عليك يمه
كتلهه راسك باكته الكوم يمه
ركضت زحف ماتكدر تكوم يمه
بل خيمه صار صياح وونين يمه
الله يساعد كلب الحسين يمه
حنه السمه بدما
شكد صيحت ورا
عبد يبني عبد يبني عبد يبني
علي جبار
قناة الرجوع الى الله @h_ameer1
قصائد منبريه مكتوبه @h_ameer2
ملا ابو أمير الفاطمي @h_ameer3
روح وريحان @h_ameer4
قصائد محرم ١٤٤٧ هجري
(ليلة العاشر)
( عن لسان حال زينب عليها السلام)
آه يا ليلة العاشر
ريت ما يلفيلي باچر
.............
ريت باچر لا يجي لا شوفه
كون لا يغبش علي بسيوفه
لا اريده و لا اريد طفوفه
بيه عباس تطيح چفوفه
حسين صدره يدوسه حافر(٢)
............
للمدينه ياهو ليرد بينه
الگبر جدنه منو ليودينه
گبل متهد الجيوش اعلينه
يطيح جاسم واستمع لونينه
گبالي الاكبر وذر صاير(٢)
........
عالطفل حرملة يرمي سهامه
حسين ابنه ينذبح گدامه
گبال عينه تنتهي احلامه
الرضيع السهم يطفي ايامه
والدمه من نحر فاير(٢)
............
شلون بيه لو گضو خواني
بالطفوف اتذبحوا ولياني
من بعدهم ياهو يتلگاني
خلافهم تهجم علي عدواني
وليه توليني العساكر (٢)
..........
ينذبح لحسين بالطف ضامي
اتصير سوده خلاف اخوي ايامي
شلون لو حرگوا عليه خيامي
گبال عيني تنضرب ايتامي
حرمه وحدي بلايه ناصر (٢)
...........
لا حسين اليبقى حِسه ويايه
لا كفيل العندي لا من رايه
وحدي والعدوان حولي هوايه
هنا احس جارت علي دنيايه
شلون يحدي ضعوني فاجر(٢)
تم بفضل الله
رائد محمود العامري
٢-٦-٢٠٢٥
قناة الرجوع الى الله @h_ameer1
قصائد منبريه مكتوبه @h_ameer2
ملا ابو أمير الفاطمي @h_ameer3
روح وريحان @h_ameer4
نعي
نعنت زينب الميدان ملهوفه بالدموع
تطر الحومة مرعوبه والگلب مفجوع
طاح اخوها حسين ومسحوك الضلوع
زينب والزچية يمه رأسه تؤون وتلوع
أخ يا جرحي يحسين والگلب مشلوع
هاي أرض كربله صايح بمفجوع
عضيد هادي الصالحي
قناة الرجوع الى الله @h_ameer1
قصائد منبريه مكتوبه @h_ameer2
ملا ابو أمير الفاطمي @h_ameer3
روح وريحان @h_ameer4
تصلي أكعود چا مو حگها زينب
شيخ بظهر شيخ أكبالها أنداس
نومك طر دليلي يالولد طر
لا فوگك ظره ويحميك من حر
اجيتك مسرعه والگلب مخطوف
رغم ما ضلعي لاچن شلت الجفوف
صحت ها يبني خانت بيك الطفوف
ماخلت اعله ابني حال السيوف
متروك ابني عاري الوحده وببر
لا فوگك ظره ويحميك من حر
نايم بالدرب يل مالك اخوان
تجوي الگاع وانت اعليها عريان
يالمذبوح وانت اتصيح عطشان
غير الينذبح يفزعله دفان
بس اوليدي دفانه تعذر
لا فوگك ظره ويحميك من حر
گلب ابني جمر درب النهر وين
أنه بعيني لجيب الماي لحسين
شطت بالهيمه يبني وتنزف العين
ورديت اعله راسي شابجه أيدين
نسيتك يمه جسمك باقي منحر
لا فوگك ظره ويحميك من حر
شكلك يمه غير ابذمت الماي
مصابك دوهن امك رايده الراي
حرت بسهامك بشيلك بالفياي
شطلع ياسهم وسهامك اهواي
لا واحد وگولن يبني ينجر
لا فوگك ظره ويحميك من حر
أنّه الثكله بولدها الضل بلا الحيل
البقى ع الگاع وجروحه دمه تسيل
ميت مادرن عميات؟ هل خيل؟
يدوسن فوگ صدرك يالولد حيل
بمجان البي أقبلك صار معبر
لا فوگك ظره ويحميك من حر
أنه امربيته بحله واترف اوصاف
شمسوي ابني خاطر هيج ينشاف
وينعز اعله شيلك ليش الجتاف
لا ماي وجفن بالصحره تنعاف
هجير الحومه فوگ جروحه يفتر
لا فوگك ظره ويحميك من حر
محمد الربيعي
قناة الرجوع الى الله @h_ameer1
قصائد منبريه مكتوبه @h_ameer2
ملا ابو أمير الفاطمي @h_ameer3
روح وريحان @h_ameer4
#أبوذية
يريت الداست بصدرك ترك باي
فراگك لجمه يم لجمه ترك باي
جابو ناگتي وصاحو ترك باي
شلون أصعد وانه مجتفين إديه
#اللهم_عجل_لوليك_الفرج
#أبوذية
اجهزت نوگ السبي يحسين - للسوگ
واحنه احبالنه مـــن الروس - للسوگ
نشدنه الشمر ويــن وگـــال - للسوگ
وكلتله السوگ مو للهاشمية
الشيخ حيدر الحميداوي
#اللهم_عجل_لوليك_الفرج
#تراث
يبن أمي عالتربـان عفتك رميه
عين العمه إو لا شوف ذيچ المسيه
* * *
يا خويه خليناك عالغبره عاري
إمغسل إبفيض إدماك والچفن ذاري
روحي بگت وياك والجدم ساري
أمشي وأدير العين للغاضريه
* * *
أدري إبسهم مسموم چبدك تگطع
وإصوابه مگبل صار والمگفه مطلع
إبذاك السهم يحسين گلبي تلوّع
سمه إبضمير إحشاي ناره سريه
* * *
يبن أمي أدري الخيل هشّمت صدرك
إو بيدي عله التربان وسدت نحرك
يا خويه وإبممشاي حيرني أمرك
لاچن إفراگك صار غصبٌ عليه
* * *
غصباٌ علي يحسين عالغبره عفتك
والحجر لو ما چان يفضخ جبهتك
ما چانت إمن السوط تتلوع إختك
نوب أنطي متني ونوب أشگف بديه
* * *
إبحالة غصب يحسين عنك مشينه
يبن أمي منهوبين وإمگيدينه
إتجدد عهدها إوياك رادت إسكينه
مانعها ضرب السوط من آل أميه
* * *
يبن أمي من إعداك أرد إشتچيلك
مثل السهم يحسين أمرد دليلك
وإنجرحت إمن الطوگ رگبة عليلك
گلبي إحترگ من نار ونته الخفيه
* * *
لو طفل من الجور تغمض إعيونه
من عله الناگه إيطيح لمّن يجونه
من عوض ميسلوه ويرچبونه
بالخيزرانه إيگوم من عالوطيه
* * *
يبن أمي يا هي إتهون وأصبر عليها
إشحال الحرم لو راح منها وليها
إو طبت الكوفه إشلون يبن أمي بيها
إصواب الشماته إصواب علته خفيه
* * *
وإلما عليها العين تغمض جفنها
والنايبات إبنار روحي سلنها
يبن أمي طبت الشام ما أشد منها
وافتني گبل الشام ريت المنيه
* * *
يبن أمي سوط البيه متني تألم
يبن أمي ذاك إيهون لاچن ألأعظم
سوط إبن هنده إلبيه ثغرك توسم
(ثغر اليقبله چان سيد البريه)
* * *
وإصواب فوگ إصواب ماضي إبگلبي
إبقسمة الباري إرضيت والباري حسبي
وإگضيت وعد إلبيه واعدني ربي
وإمن اليسر رديت وإصوابي بيّه
* * *
للشاعر المرحوم
كاظم المنظور الكربلائي
قناة الرجوع الى الله @h_ameer1
قصائد منبريه مكتوبه @h_ameer2
ملا ابو أمير الفاطمي @h_ameer3
روح وريحان @h_ameer4
مقدمه
صاحب الزمان ع ينعى جده الحسين ع
السلام على تلك النساء البارزات
السلام على تلك الوجوه اللاطمات
السلام عليك ياحبيبي ياحسين
-------------------------
ياجدي يوميه اختنك وبدمعي اكسر خاطر
الناس تتنطر شهر يوميه بيه العاشر
عايش صور طحن الجسد موتني ذاك الحافر
اشلون داس اعله الصدر انضر محمد حاير
السلام على كل گطره سالت من دماك
السلام على من ضحه بجفوفه وحماك
السلام عليك بالحنين وبالأنين
--------------------------
بالناحيه عشتك جرح ونضر ابعيني آلامك
اشلون من طحت وشفت وادم غرب بخيامك
اشلون عمتي امن اسمعت ذاك الصدى البعضامك
من ركتك خيل العده وعالنهر طاح احزامك
السلام على الشيبات النصبغت دمه
السلام على إلبجه كل اهل السمه
السلام عليك وعلى ذاك الجبين
-----------------------------
الناس تبجي من دمع وانه الدمع دم ينزل
انضر اعيالك من تطّش بذيج الصحاري التكتل
اهواي ياجدي شفت ياگلبك اشگد يحمل
مرفوع راسك ع الرمح بالكهف انت اترتل
السلام على كل طفله ضاعت بالفله
السلام على هضمك وهضم العايله
السلام عليك وعلى صبرك حسين
-------------------------------
الموت عاده النه نعم وحبينه هاي العاده
بس عاده ماعدنه گبل مجتوفه عمْت الساده
السوگ ذابحني ذبح كل حيلي مني اتراده
بت خير عمتي اوبت شرف ع السبي مامعتاده
السلام على المجتوفه بحبال الزجر
السلام على المسببه من بعد الخدر
السلام على الشافت اهلهه امذبحين
-------------------------
ابنحرك اتوسل خالقي ايعجل ضهور اعليه
وشفي إلصدور الي انجوت العاشت هضم ليليه
وبثار عبد الله الطفل. وبثار كل علويه
وحگنه ارده ابصارمي وگطع اجذور اميه
السلام عليك من گلب عاش القهر
السلام عليك مني ياشوف النضر
السلام عليك ياذبيح الودجين
--------------------------------
علي سليم الحسناوي
قناة الرجوع الى الله @h_ameer1
قصائد منبريه مكتوبه @h_ameer2
ملا ابو أمير الفاطمي @h_ameer3
روح وريحان @h_ameer4
الطف بيتك وانت فيه انشوف
جسمك كعبه وراسك حوله ايطوف
طحت بكسر اضلوع
ظل راسك مرفوع
الطف بيتك وانت فيه انشوف
يمن عافت حياة الذل جراحاته
ورفع راية معزة في شعاراته
يعيش الميت ان مات ابشرف ذاته
ويموت الحي اذا عاش ابمذلاته
تصرخ منا هالذله هيهات
إنت الثابت والحي الما مات
بهالمبدا المرفوع
ظل راسك مرفوع
الطف بيتك وانت فيه انشوف
يمن لجل الكرامه ضحى إبعمره
وسقاها من فدا نفسه بدما نحره
رسم مبدا وعليه اتحلى ابصبره
وفتح جبهة كرامه والحجر طره
شج الهامه وظل راسك ماطاح
صاحت دنيا ودلالك ماصاح
رغم الحر والجوع
ظل راسك مرفوع
الطف بيتك وانت فيه انشوف
يمن جاله الممات بكل جهه وراده
فتحت صدره الشريف وعرى أفّاده
إجا السهم المثلث والعزم زاده
وقع واقف وثغره بالمدى نادى
(الموت اولى من ركوب العار)
(والعار اولى من دخول النار)
بهالصوت المسموع
ظل راسك مرفوع
الطف بيتك وانت فيه انشوف
يمن چنه أسد في حومة الميدان
صريع ايجبّن بهالمصرع الفرسان
ختم عمره ابمعزه وانذبح عطشان
أبي واتوضت ابدم منحره التربان
قدّم راسه وظل عالي مانداس
والغير الله مايحني هالراس
بهالجسم المصروع
ظل راسك مرفوع
الطف بيتك وانت فيه انشوف
بقى جسمه طريح وعاري وامخضّب
عليه الأعوجية تصعد وتلعب
تفرّى لحمه وعظمه غدى امسلب
على ظنهم يموت وينمحي ويذهب
شالوا راسه عالرمح ورفوعه
حتى الخنصر من چفه قطعوه
بهالصبع المقطوع
ظل راسك مرفوع
الطف بيتك وانت فيه انشوف
إلى عالي السما راسه ارتفع إيمان
اهو العالي ويظل عالي مدى الأزمان
أبد ماينحني واستصغر العدوان
مشى فوق الرمح ويرتل القرآن
طاف الدنيا بكل عزه واجلال
هز العالم هالراس الما مال
وابكل معنى ايضوع
ظل راسك مرفوع
الطف بيتك وانت فيه انشوف
حسين البوحسن
قناة الرجوع الى الله @h_ameer1
قصائد منبريه مكتوبه @h_ameer2
ملا ابو أمير الفاطمي @h_ameer3
روح وريحان @h_ameer4
الشاعر علي الرماحي
الذي أُعدم بالمثــرامة بسبب قصيدته الخالدة "نور عيني يا حسين".
طلب منه أحد البعثيين وقال أكتب قصيدة تمدح فيها صدام واقرأها في قاعة الخلد وسوف تتحسن أمورك المعيشية ونخصص لك سيارة ومكافئات.
تحدّى البعثيين قائلاً: "والله لو قطعتموني سبع مرات، لن أكتب كلمة لصدام".
له ديوانا شعرِ لم تتم طباعتهم وقد صادرتهما السلطات البعثية أثناء اعتقاله.
بعد سقوم النظام المقبور
عرف أخوه أنه تم إعدامه ثرمًا ...💔
هنيئاً له الجنة شفيعك الحسين الشهيد ...
موشح
هاي زينب يالتريد اخبارهه
عالمهازل طالعه امن اخدارهه
---------------------
الف ياحيف اووسافه اعله الخدر
من بعد عباس رافجهه الشمر
هاي جانت لو هوه منهه يمر
رخصه. ياخذ من گمر اسرارهه
-----------------------
امخدره ومتحاوطه بذيج الشيم
وبو فاضل يمسح اثار الجدم
اشلون زنيب باقيه ابلايه خيم
بليل وحشه وميته كل اقمارهه
----------------------
اشلون طلعت لليسر ومكدره
هاي اخت عباس سبع الگنطره
هاي زينب ياخلك مو اي مره
هاي دنيا اتعجبت بستارهه
---------------------
اشلون بت حيدر تتطر ذاك الدرب
امچتفه وصوبين تنضرهه الغرب
المالمحهه انسان تالي تنضرب
هاي ماچانت تجي ابأفكارهه
----------------------
عاشت ابضل الكفاله امدلله
تطب زينب سوگ هاي المشكله
اشلون تنطي انسان موضع مو اله
ناس ماعرفت شنو مقدارهه
----------------------
من كهف خوانهه دخلت قصر
وياحسافه طبت ابمجلس كفر
بين وادم كل نواياهه الغدر
امگبعه ابهمهه وغرب بكتارهه
-----------------------
علي سليم الحسناوي
قناة الرجوع الى الله @h_ameer1
قصائد منبريه مكتوبه @h_ameer2
ملا ابو أمير الفاطمي @h_ameer3
روح وريحان @h_ameer4
ليالي الغريبه
يمه زينب *ضمي دمعه وضمي حيل وضمي لونح
يمه يزينب* باچر انتي بنص شماته ايطلعونچ
باجر انتي ابلا كفيل
وسبي دربه طويل
يمه زينب
**
اول وصيه* ضمي حيلج يالعزيزه للمصايب
ودمعات العيون *لا تهليهه عليه اهناكه واجب
ضمي حيلج يمه وستمعي اليه
هاذي چلماتي حرز للغاضريه
دمعتچ عالتل تهل يالهاشميه
اوكون حيلج يصمد اگبال اعوجيه
يمه انتي*بنص جثث مذعوره وبنص المناحر
يمه انتي *كون يبقى صبرج الدوس الحوافر
ولخلگ بيكم تعيل
ولسبي دربه طويل
يمه زينب
****
اگدر اگلچ*كل مصيبه اتهون يم امصاب گلبج
گدامچ اشلون*ينذبح شيخ الهواشم يمه يمچ
انتي يازينب تشوفينه ابغربته
ابعينچ اتنضرينه من صارت وگعته
ولشمر من اعتله ويگص رگبته
اخر انضاره الج ايودع اخته
يالعزيزه*كون گلبج يحتمل ذيج الرزيه
يالعزيزه*اترافجينه اعله الرمح ونتي سبيه
امصابچ الماله مثيل
ولسبي دربه طويل
يمه زينب
*
وهاي المحطه*وجعت گلبي عليج وبيه ناري
ابعني اشوفج*من اميره هاجه ابذيج الصحاري
زينب اتركضين لاچن ركضت الخوف
ونار من خيمه لخيمه صارت اتطوف
ابلا محامي وعالشريعه الرايه وچفوف
وسهم صوب عين جانت مصدر الشوف
انتي كعبه *لاچن الله قدر احزانچ تطوفج
انتي كعبه*وخدرج المضموم ضل يشرح ضروفج
العاشر اعليكم اثگيل
ولسبي دربه طويل
يمه زينب
*****
يمه المصيبه*امذبحه اخوانج يحضرولج هزيله
وخدرج اشوفه*عالهزل وي روس اخوتج يالعقيله
امكدره ومچتوفه في درب المصايب
اولو ندهتي اعله اخووتچ منهو الجاوب
ومن بعد ضل الشيم ذيچ الخرايب
وفرجه للعذال هاي اصل النوايب
ولتجرحچ*ابأذنچ اتسمعين هاي انتي الاميره
ولتجرحچ*ها يمضمومة علي صرتي اسيره
وهالحچي يدمي الدليل
ولسبي دربه طويل
يمه زينب
****
زينب اشوفج*واگفه بديوان ولدمعه جريه
وراس ابني لحسين*ينضرب باخيزرانه يالسبيه
هنانه كل صبرج تلمينه اعله جرحچ
ودري ياعباس ينبض صار گلبچ
ودري اضلم يغدي يمه اعليج صبحچ
وانه ادري للشماته اشيحچي دمعچ
دمعه تجري *بحضرت الشمات انه ادريهه صعبه
دمعه تجري* لا محامي عنچ ومتروسه غربه
ولي سولفته قليل
ولسبي دربه طويل
يمه زينب
****
علي سليم الحسناوي
قناة الرجوع الى الله @h_ameer1
قصائد منبريه مكتوبه @h_ameer2
ملا ابو أمير الفاطمي @h_ameer3
روح وريحان @h_ameer4
يهاشـم والـخـدر مـن طـحـتـو مـا دام
الحـكوو الخـيـل راح اتـطـب الاخــيـام
وتــعـبـن مـاكــو زلــمـه ايـــرد الازلام
يـويـن وهـسـه يـنـطـنه الــوجـه ويـن
بـس حـسيـن بـاقـي وطـاح الـحـسـين
========================
ركـضـن حــيــل مـن الـخـيـمه ركـضن
بـنـات حـسـين بـيـن الـخـيـل تـعـبــن
كـلـب ما عـادهـن امــن الخوف شهكن
مـاعـدهــن زلــم واعــليــهــن اتعـين
بـس حـسيـن بـاقـي وطـاح الـحـسـين
========================
يــشــلعـان الـگـلب وايــعـور اگــلـوب
طـاحـن والـشـماته اعـلـيـهـن اتـلــوب
خــدر بالـهــيـمه للـ عـبـاس مـنــكـوب
يـاهــو ايــكـله خـدرك صــار مـو زيــن
بـس حــسيـن بـاقـي وطـاح الحـسـين
========================
يمشــن ويـن مـاعـدهن بـقـى امـچـان
وجـبيـر اعـيـون زيـنـب طـاح عـطـشان
ضـاعـن والــضـيــاع ايـــريــد اخــوان
اشـيـدلي الـظـاع خـصاً هـالنـســاوين
بـس حـسيـن بـاقـي وطـاح الحــسـين
========================
مـتـروبـه الـعـبـي وارمــاد بــالــشـوف
حرمـكم صـعبه بيـن الـنـاس اتــطــوف
فــوك امــن الــكلـب لازمـهـن الـخـوف
وامدافع بـقـى اعـله الـشـوف صـوبـيـن
بـس حـسيـن بــاقـي وطـاح الحــسـين
========================
الـخـوف الـ چـان بـيـهـن ضـيـع الــراي
وحــده اتـصـيح عـمه وحـده عـالـمـاي
يــا حــيــره الـبعــد يــتـلگــن ابــهـاي
اهواي وهنــه بــس نــسـوان بــالعـيـن
بـس حـسيـن بـاقـي وطـاح الــحـسـين
========================
راح ايــمــيل بــيــهن هــالــظــهـر راح
وفــوك اعله الــهزل ما وحــده تــرتــاح
ويـطـبـن شــام مكضوضات الاصــفــاح
التــوجـــع عليـهــن نـضــرت الـشـين
بـس حـسيـن بـاقـي وطـاح الــحـسـين
========================
خادم الحسين ع
سجاد ابراهيم الكعبي
قناة الرجوع الى الله @h_ameer1
قصائد منبريه مكتوبه @h_ameer2
ملا ابو أمير الفاطمي @h_ameer3
روح وريحان @h_ameer4
الطف بانت علومه... من اخينه ما مش الظنه
هو الراح جوه الخيل... بلله شلون اجيبنه
هو الطاح طيحة ماي.... ما ينلم والمنه
وحتى لو گلت لميت.... عمار شلون اردّنه
مرات الجرح ينراف... مرات بضماد يطيب
بس البيه سيوف هواي.... هذا شلون اروفنه
الموذر وصل والسيف..... ما خله اثر منه
هذا شلون اروحن ليه.... وبيا حال اشوفنه
ويلي بيا گلب والكاه....واريد الموت كون وياه
واريدن اه تلچم......
هو الراح جوه الخيل بلله شلون اجيبنه
هو المختنك حتى الهوه حرموه
وعكب عينه الهوه لا ريت اشمنه
مثل ضكة الزاير يوصل الشباج
هيج حسين يوم الطف اوصفنه
حتى الخنگه اشد بهواي
تراب ونار خيل تجول
محتاره السيوف بيا لسان تكول
محتاره السهام شلون توصل ليه
مزاحم والحجر رايدله گصه ينول
كلشي هناك راده حتى كسر السيف
حتى العطش راده على الماي يصول
جانت نيتي احجيلك اعله الصار
لچن حالك يخويه شعل بيه النار
خله همومي ليلة كربله طشار
فقط عيني تسولف كل حجيها اعبار
وعيوني هلت يا نظرها
شافت حزن حسره بدهرها
ومصابك هناك قهرها
وتنوح صارت كل مسيه
الشافت مصاب الغاضريه
ما تسكت لحد المنيه
هماله والدمعه جريه
وياريته متبدي بصرها
واحسينااااااه وامصيبتااااااه 💔
##########
ونسألكم الدعاء لتعجيل الفرج
لخادم الامام الحسين عليه السلام
الشاعر حيدر كاظم الساري
قناة الرجوع الى الله @h_ameer1
قصائد منبريه مكتوبه @h_ameer2
ملا ابو أمير الفاطمي @h_ameer3
روح وريحان @h_ameer4
(( #يم_المصرع ))
……………………………………………………………
يم المصرع .. راحت گوه الجدم اتشيله
يم المصرع .. يشكي الحال وهم تشكيله
يامتعوبه و مامش حيل
اشجابج يختي ابهذا الليل
يم المصرع .. يم المصرع
……………………………………………………………
امن النحر حاچاها صوته . ادري بگليبچ دليلج
كعدي عد نحري يزينب.وخل اسولف واشتكيلچ
اشكثر صحت وطلبت الماي.وادم چن ولا تسمع
سگوني ابسهم المثلّث . و دمي امن الظهر ينبع
الشمر يتلذذ ابذبحي.اعل كيفه ابراسي من يگطع
لا مو ذبحه .. عالكاع التلسع گلباني
لا مو ذبحه .. امن المگفه بسيفه ونحراني
راسي ونحري ايسيلن سيل
اشجابج يختي ابهذا الليل
يم المصرع .. يم المصرع
……………………………………………………………
اتگله هم مذبوحه آنه . وبس جسد هذا وحياتك
صرت اطفي النار بيدي . حتى ما تحرگ بناتك
ما هم الـ لهيب النار . ارقيه وسكنه كل همي
اطفي اذيالهن وانسه . اخمد النار الـ ابهدمي
بحيث الجمر مالي الگاع.واحس بي يحفر ابجدمي
وچان الاصعب .. ركضيت وتخنگني العبره
وچان الاصعب .. بذيال وچم عثره ابعثره
و منا نار و منا خيل
شجابج يختي ابهذا الليل
يم المصرع .. يم المصرع
……………………………………………………………
سلّبوا ثوبي يزينب . والخذاه عاري تركني
الرمل چن چانون حدري . يلسع ابجسمي وحرگني
يخيتي وشوفي چفيني . اصابعهن بگن تسعه
المحبس ماكفه السلاب . رد عالخنصر ايگطعه
شفتها اتگلب التربان . علِيِه ادوّر البضعه
نفس الگعده .. من عصر الباب امحنبه امج
نفس الكعده .. وانت محنبه وهادل متنج
ليش وشو كل ساعه اميل
شجابج يختي ابهذا الليل
يم المصرع .. يم المصرع
……………………………………………………………
حسين تنشدني اعل متني . وخاف تاذيك الحجايه
الدنيه ظلمه وما يبين . سوط طابع بالعبايه
انا احمل ضرب يحسين . بس لو شفت چتّالك
شمر فوگ الفرس ويگوم . يجلد جلد بعيالك
يلتف عالرگب هالسوط . منه اختنگت اطفالك
صاحوا عمّه .. چن نار السوط و يچوينه
صاحوا عمّه .. صيحي الكافل خل يحمينه
احنا زغار و سوط اطويل
شجابج يختي ابهذا الليل
يم المصرع .. يم المصرع
……………………………………………………………
ايگلها شوفي الجسد يختي .اتساوه وي الگاع حجمه
اربعين امن الحوافر . اعليه هجمت فرد هجمه
حديد اتلبّسن وآنه . امسلّب منكشف صدري
سحگهن چن طعن برماح.يزينب وصلن الظهري
شو چنهن اموصّايات . حيل ايدوسن ابنحري
اوياهن طالع .. كلبي و مردنّه ابرجليهن
اوياهن طالع .. اعل ابنياتي وينبض ليهن
بيه الخيل اتحط و تشيل
شجابج يختي ابهذا الليل
يم المصرع .. يم المصرع
……………………………………………………………
الليله بيتتنه يخويه . بالظلام وكاع هيمه
والتراب افراش النه . وهالعبايه اصبحت خيمه
يخويه وجابو النه الماي.وهذا اصعب جرح بينه
چفيناه من ذكرنه اشفاك . ابد لا گطره شربينه
عطشانات جوعانات . عفت ارقيه واسكينه
اشلون اباچر .. ريت اوياكم ماظل عدله
اشلون اباچر .. امحضرين إلنه احبال وهزله
امن الغبشه وللشام ارحيل
شجابج يختي ابهذا الليل
يم المصرع .. يم المصرع
……………………………………………………………
✍️ ( سيد خضر الزاملي )
قناة الرجوع الى الله @h_ameer1
قصائد منبريه مكتوبه @h_ameer2
ملا ابو أمير الفاطمي @h_ameer3
روح وريحان @h_ameer4
الموادع الأخير
قصيدة مودع يخويه
---------------------------------------------------------
رايح عني أخوي. وين رايح
من قبل الذبح يا خويه طايح
مودع يخويه***
____
خويه حسين. عندي دين. من قبل السحك وخيولهم تناظر
خويه حسين . عني وين. رايح روحتك وتكسر الخاطر
من تشوفيه يايمه بدون إخوان
أمسحي منحره وصدر غربان للقران
يا روحي تيسر هاي هيه الأمانة
من بعد يخويه يروح كله ضوانه
____
رايح عني أخوي. وين رايح
من قبل الذبح يا خويه طايح
مودع يخويه***
خويه حسين. بعدك وين. والعاشر اخذه صبري
خويه حسين. بس أونين. والمدمع يهل عمري
من تروح خويه اشلون والأطفال
ومن بعدك يخويه الأهم بالحبال
ياروحي لاتطيح الطيحه صعبه
وبعدونك يخويه ميسره وناس غربه
____
رايح عني أخوي. وين رايح
من قبل الذبح يا خويه طايح
مودع يخويه***
خويه حسين.أصبر وين.والحرگ وصال أخيامي
خويه حسين.ودمع العين.واطفال وحرگ أيتامي
خويه اطفال من حرگ صيحون عباس
بعدك يخوي رحنه ويه ناس وأجراس
يا ريتك ترد يا خويه لينه
من بعد يخويه تيسرينه
____
رايح عني أخوي. وين رايح
من قبل الذبح يا خويه طايح
مودع يخويه***
خويه حسين. سهم العين. مواسد أخوي عباس
خويه حسين. نصح لوين. من بعد الفضل ورأس ونوماس
ترحهم يخوتي مواسدين الكاع
ويخويه السبي من النوگ وداع
ياريت الزمن يندار عنكم
غيم ليل بالحزن بحزنكم
____
رايح عني أخوي. وين رايح
من قبل الذبح يا خويه طايح
مودع يخويه***
كلمات
عضيد هادي الصالحي
﴿ﺎللھُمۘ ؏َـجۚل لِوليۧڪَ ﺎلفَرجۚ﴾
قناة الرجوع الى الله @h_ameer1
قصائد منبريه مكتوبه @h_ameer2
ملا ابو أمير الفاطمي @h_ameer3
روح وريحان @h_ameer4
صوت من الخيام
يذبحونك حرام
يذبحونك حرام
٠٠٠٠٠٠٠٠٠٠٠٠٠٠٠
شماله الماي َمايفزع
من شاف الضمه بصدرك
يامن يابسه عروكك
ورمح متخوصر بضهرك
وتزاود عليك اسيوف
كالو جايزه بنحرك
واركاظ الزلم والخيل
عليك ومحد يعبرك
يخويه الخيل متعنيه عليك وياهو يبعدها
وختك واكفه عله التل غير الدمعه ماعدها
تنزف بالشمس مطروح جروحك محد يشدها
ياطير السلام
يذبحونك حرام
٠٠٠٠٠٠٠٠٠٠٠٠٠٠٠
يعافيني بجروح الطف
بين الغربه والغربه
يگطرة ماي مالاگي
وفراشك رمل صعبه
الحزن ماينشرب كاسه
وأختك بالطف تشربه
من شفتك طحت وعليك
ضربه تلاحك الضربه
ولا واحد يكلهم ليش كلها اتصيح حيل وياك
المالحك سحب سيفه برمح لو بالحجر طگاك
يبعد عيون شوف اختك ظلت حايره ابلياك
بجفوف اللئام
يذبحونك حرام
٠٠٠٠٠٠٠٠٠٠٠٠٠٠٠
كبالي من يذبحونك
ماكالو خطيه اخته
عليك تعاين عيوني
ومخلصتها بالسكتهة
وين امشي ودموع أيتام
كله تصيح وينه انته
أعوفك وأرجع بياحال
حيلي وريجي نشفته
اردن للخيم يحسين موتدري الخيم راحت
الماطاحت دمعتي بيوم مابين الغرب طاحت
من شافتني كلها الناس هاي ام الخدر صاحت
يجرحني الكلام
يذبحونك حرام
٠٠٠٠ ٠٠ ٠٠٠٠
فوك التل صحتلك صوت
وين انطي الوجه ياصوب
عليه نكلبت الدنيه
من جسمك صبح مگلوب
عمامه وخنصرك والثوب
يبن أمي ونحر مسلوب
عليه غروب راح يصير
ماصدك يشبهه أغروب
بالليل الطفل لو تاه هاي الشده والكلفه
ماعدنه عرف بالناس بس ذباحك نعرفه
براسك روع النسوان ونحرك ماوگف نزفه
من حل الظلام
يذبحونك حرام
٠٠٠٠٠٠٠٠٠٠٠٠٠٠٠
خادم اهل البيت ع
فلاح طالب الماجدي
قناة الرجوع الى الله @h_ameer1
قصائد منبريه مكتوبه @h_ameer2
ملا ابو أمير الفاطمي @h_ameer3
روح وريحان @h_ameer4
( ليلة الوحشه).
ليلـة وحـشـه وكـسرة خـاطـر
بـيـهـا شـسـوه ظـهـر الـعـاشـر
المحشومه بين اخوتـها
ضلت وحدها بغـربـتـها .. كسرت خاطر ..
………………………..
من ذبحو عالغبره الضامي وداست صدره الخيل حسين
ومن طـاح اعله الشاطي الكـافـل سهـم بعينه بـلا چفين
ذيـچ الخـيـل وذاك العـسكـر عـالحـره انـدارت صـوبـيـن
وبـين اطفال ونسـوه احـتارت تركـض زينب بيـهم ويـن
ويـن تروح بذيـچ الخــدر
نـار وخـيل ورهـبـة عسكر
زينب محـتاره بحالـتها
ضلت وحدها بغـربـتـها .. كسرت خاطر ..
………………………..
وعگب الصار بحال الوالي گـصدو ليـهـا بـذيـچ النـار
وخيـل وعسكـر دارعـليها وضاعت منها اطفال ازغار
حرمه ومهظومه وهم ثكله مگطع شافت راعي الدار
تگصدمـن تشكيله الحـاله لامها الزهـره لحامي الجار
ياهـو اليفـزع ليـها ويحضر
وفـوگ الغـبره حسين موذر
ياهـو يساعدها بمحنتها
ضلت وحـدها بغـربـتـها .. كسرت خاطر ..
………………………..
وضلت زينـب هـاي الليله وحـدها تـلـم بالنسوان
ومابين المذبـح والشاطي تگـوم وتوگـع عالتربان
ولاخـيمه الضلت تسترها التـهمت خيمتها النيران
تعبـانـه وتـتـنـفـس گــوه خـانـگ ريـتـها الـدخـان
تراب ودخـان الطـف جـوه
ومخـتـنـگـه وضلت تـتـلوه
غـبره ودخـان ابريـتـها
ضلت وحدها بغـربـتـها .. كسرت خاطر ..
………………………..
الله يساعدهـا بهليله بيـها شـسـوه طـف عاشـور
تلـم بالعيله، تگـعد تبچي، عالميت ضامي ومنحور
تدور اطفال الضاعت منها، تبقه عله الخدر ناطور
تداوي المچـويه برجليها، لو عـظم البطـگ مكسور
وكـفت ذيـچ الليله بحـيره
مهضومـه ومدمعـها تديـره
وشـتسوي بهايه حيرتـها
ضلت وحـدهـا بغـربـتـها .. كسرت خاطر ..
………………………..
عگب الكافـل حـيـف ووسفـه يحـرسـها صـار الذبـاح
يحـاچـيـها الذبـاح وشـامت زيـنب كـافـل خـدرج راح
مگطوعه چفوفه عله الشاطي وسهم بعينه الكافل طاح
وحـسيـنـچ طايـح عالغـبره بـسـيـوف مگـطـع وارماح
وضحكـات الشامت تهـظمها
ومـا گـدرت دمعـتـها تظمـها
وسالت فوگ الخد دمعتها
ضلـت وحـدهـا بغـربـتـها .. كسرت خاطر ..
………………………..
الله يساعـدها بمحـنـتها ويالوعـه وياهـم اتحمله
يسبوهـا لو صبح باچـر وبـلا هـودج تركـب هـزله
بالخدر باچـر تـتمحن چم طفل العدها وچم طفله
من الطف لقصر الكوفه صعبه لقصر الشام الرحله
زيـنب بـاچـر مـن يسـبـوها
هـواي المحشومه يعـذبوها
بالغربـه تهـظم وحـشتـها
ضلـت وحـدهـا بغـربـتـها .. كسرت خاطر ..
الشاعر عقيل الحسناوي..
قناة الرجوع الى الله @h_ameer1
قصائد منبريه مكتوبه @h_ameer2
ملا ابو أمير الفاطمي @h_ameer3
روح وريحان @h_ameer4