42599
نشر ✍🏻القصائد داخل القناة مجاناً بأشراف ملا ابو امير الفاطمي مؤسسة فاطميون الحسينية للتواصل مع الادارة
يالمحرومه مّن الدمعه والآه
اصرخي اهنانه يمنه واحسيناه
وبهاي المجالس من تحضرين
ابجي براحتج لمصاب الحسين
..
يَّلي زاعجهم بُكائج يالغريبه ابكل الاوطان
نوحي يمنه اهنانه يُّمه الباقي فوك الغبره عريان
الله خالقنه نعينج نبجي لجل المات عطشان
هاي ضاهرها مجالس والحقيقه بيت الاحزان
واصرخي ابراحتج واتكربت لي
ولكيت ألف وتسعمية جرح بي
ونعينج احنه يُّمه بدمعة العين
ابجي ابراحتج لمصاب الحسين
…
وكون نفهم احنه يُّمه هالمصيبه وعُظم أمُرها
مانسيتيها انتي أصلاً حته تبجين بذكرها
يعني كل لحضه انتي عندج حيرة الحره وصبرها
من بقت عالتل غريبه وحايره ابدورة نظرها
ولَّمن صاحتج يُّمه تعالي
وشوفي كربله اشسوت ابحالي
صحتيها اني يمج لا تنادين
ابجي ابراحتج لمصاب الحسين
…
احنه نسمع وانتي شفتي فرق بين الصرخه بينه
ابيا طريقه انتي لطمتي وانتي ضلعج كاسرينه؟؟
هوه غيرج ياهو يطي حكها الّدموع ابونينه؟!!
من تسمعينه احنه نصرخ الحسين امسلبينه
وياشيال راسه لا تّلَّوحه
اخاف يأذي هذا الهوه جرحه
واذا يُّمه ذكرنا احنه جفين
ابجي ابراحتج لمصاب الحسين
..
ياشِعر عود اليلجمج وانتي جنتي بعين كافل
زينب السمعت صُراخه وانتي شفتي كلشي حاصل
هاي وحدها مصيبه من رجع وبضهره مايل
من نضرتي احسين يصرخ ياكسرتي يابوفاضل
ايعينه لكلبج الله فاطمه انتي
وشفتي الطف ييمه ماسمعتي
حكج يُّمه انتي اشما تونين
ابجي ابراحتج لمصاب الحسين
…
جم طفل لميتي بيدج من اجوي وحركوا اخيام
ماوكعتي من ركضتي وشفتي ابنج بيه السهام؟!
والمصيبه المافهمهه بينه واحد طول الايام
انتي من جنتي ابطفوفه يعني هم طبيتي للشام
وشفتي الناس من دكوا بالطبول
وهوسوا احنه دسنه احسين بخيول
وبعد هذا الحجي اتصيح المعزين
ابجي ابراحتج لمصاب الحسين
..
مجتبى الدفاعي
قناة الرجوع الى الله @h_ameer1
قصائد منبريه مكتوبه @h_ameer2
ملا ابو أمير الفاطمي @h_ameer3
روح وريحان @h_ameer4
لمولاتي السيدة زينب عليها السلام
خروج السبايا من الكوفه للشام
يحسين يا خويه تعبت
......................................................
انه الغريبه
هاي المصيبه
وين من جنت انه اميره مدلله
يا بويه وينك
فدوه الأدينك
ترضاها مربوطه أديه بسلسلة
وحدي خلاني الكمر امشي اسيره
بسوط يضربني الشمر واللهِ حيره
خلوني هالأخوان وحدي
لا حيل ولا شخص عندي
يحسين يا خويه تعبت
.......................................................
انه الوحيدة
كلمة سعيدة
ابد ما مرت عليه ولا تمر
ام المصايب
على الترايب
هيجي صارت زينب يطكها الشمر
هاذا حالي وبين ديره الديره اروح
القهر موتني يخويه انه متروسه جروح
يا خويه ردلي الحك عليه
ام عون يا وسفه سبيه
يحسين يا خويه تعبت
.......................................................
سكنه ورقيه
يشتكن ليه
من المشي أتعبنه ابد ما بقه أي حيل
تكلي يخويه
اريد ابويه
شحجي وياها وأبوها سحكته الخيل
احجار يشمرون اي ديره ندخلها
الكمر لو جان بيها الا يشعلها
يا خويه اطفال ونساويين
ويايه ساعدني يالحسين
يحسين يا خويه تعبت
.......................................................
من الكوفه للشام
راحن الأيام
راحن ايام الجنت بيها اميره
ادخلت الدواويين
من دونك حسين
حسين من دونك صرت انه اسيره
أصعد عالهزل يا وسفه خلاني
تشوفون اليصير وياي؟يخواني
انه ابقه وحدي بلايه خوان
ومحد اليمي فقط عدوان
يحسين يا خويه تعبت
.......................................................
كون انسى اني
لو بس ثواني
يا حسين الصار وياك وغربتك
سبو أبويه
الحك يخويه
ينسب أبويه ترضى خويه اكبال اختك
اريد انساكم وما اكدر انساكم
حياتي وحشه صارت انا بلياكم
بدونكم بيت اضلم انه
من ترجع انته يرد ضوانه
يحسين يا خويه تعبت
.......................................................
الشاعر زين العابدين الاسدي
قناة الرجوع الى الله @h_ameer1
قصائد منبريه مكتوبه @h_ameer2
ملا ابو أمير الفاطمي @h_ameer3
روح وريحان @h_ameer4
السبي
ويـنـهـا أزلام الـهـــواشـــــم ويـنـهـا
زينب بحـبل الـســبـي مـگـيـديـنـهـا
...........................................
وين قـتّـال العــرب وين الحـيـــود
وين حـمــزه ويـنـه صـيّـاد الاسود
انسبت نسوانكـــم سـبي الـيــهـود
وبالرمح چــــدام راس احــسيـنها
...........................................
بالرمــح راس الشـهـيـد ومـا سلم
بالحـجـر صـابـو جـبـيـنـه وانشتم
هـــاي ناس ارجـاس عـبّاد الصنم
بـدرهــــــم ودينار باعــت ديـنـهــا
...........................................
مافــزع حـــيـدر يـشــوف بكــربله
ضل وحـــيــد حسين ماتو كل هله
حــرگـــو اخيامه وسـبـوها العايله
ويـنــه خلّاس الـعــده بصـفـيـنــها
...........................................
منطرح فوگ الترب سبط الرسـول
بكل مغاره حسين داتسه الخيــول
بروحه والرده على اضلوعه تجول
اعظام صدره اعله الثره مكسرينها
...........................................
فــــرّن النـسـوان والــنـار اعــتـلـت
بصوت زينب صاحت وللتل مشت
هنا يبن امـــي تــره العـيــله نولت
واعــلـه ضـيـم السبي اللـه يعينها
...........................................
تعثـر ابـمـمشاها والوادي امخطر
شلـــون تل يشيلها اجبال الصـبـر
وصلته وگـــالت اجــيتك علعطـر
حسين خويه اوصالك مگطعينها
...........................................
شلــون حيـره بكرله زينب تحير
هاي ماصـارت قبل ماظن تصير
چتّلو أل النبي وحـتى الزغـــير
والاطفال الــــرضّـــع امچتلينها
.....................................................
✍️عباس مالك العفريت
قناة الرجوع الى الله @h_ameer1
قصائد منبريه مكتوبه @h_ameer2
ملا ابو أمير الفاطمي @h_ameer3
روح وريحان @h_ameer4
لو اسولف عنك سنين ما اتعب
الحنان الي موجود بذكرك
مالگيته بغير مكان
اسمك دفو وأمان وحنان
قريت وسمعت وطلعت مشيت
مثل العذوبة الي موجود
بهل أربع أحرف ما ضگت
الي يسولف بيك يحس بروحه بشر من صدگ ويحس #بقيمته وقيمة وجوده
فداك وجودي سيدي
محتاره بعد عيناك محتاره .. يا خويه يا خويه
مسبيه ودليلي ما طفت ناره .. يا خويه يا خويه
ــــــــــــــــــــــــــــــــــــــ
تدري بحالي ما تدري
سبوني ودمعتي تجري
وينك يا بعد عمري .. يا خويه
بهزيل النوگ مشونه
يشتمونه ويضربونه
ريت وياك ذبحونه .. يا خويه
يالظليت عالغبره
بگلبي اعليك الف حسره
بعد ما ترجع العشره .. يا خويه
راسك هاليبارينه
نبچيه ويبچينه
الله يساعد اسكينه .. يا خويه
على طول الدرب مدمعها يتجاره .. يا خويه يا خويه
مسبيه ودليلي ما طفت ناره .. يا خويه يا خويه
ــــــــــــــــــــــــــــــــــــــ
حيرني يخويه البين
باطفال وحرم يحسين
لا همه طفل طفلين .. يا خويه
حرت ياهو الاسكتنه
وياهو الطاح اشيلنه
وبيدي السوط اشگفنه .. يا خويه
وحرايركم كتلها الخوف
بديهن هالحبل ملفوف
وانته اعله الرمح وتشوف .. يا خويه.
يا وسفه الدهر خلاك
ذبيح ونمشي وي اعداك
مهضوم الگلب ناداك .. يا خويه
والمهضوم گلبه اتعب اخباره .. يا خويه يا خويه
مسبيه ودليلي ما طفت ناره .. يا خويه يا خويه
ــــــــــــــــــــــــــــــــــــــ
صحت وجروحي تبرالي
يبو فاضل يكفالي
أبد متسرك احوالي .. يا خويه
بوجودك ما يحاچوني
خلافك ضربو متوني
من اصيح اسمك يشتموني .. يا خويه
لراسك من تصد عيني
چن عينك تحاچيني
زينب فدوه عذريني .. يا خويه
يالوفيت بعهودك
چنت مهيوبه بوجودك
سبوني بگطعة زنودك .. يا خويه
زندك حامه خدري بزود بتاره .. يا خويه يا خويه
مسبيه ودليلي ما طفت ناره .. يا خويه يا خويه
ــــــــــــــــــــــــــــــــــــــ
يخوتي ويا نبض گلبي
اعذرو دمعتي وعتبي
أبد ما بطلت نحبي .. يخويه
شلون اگضي الدرب وحدي
وانه اخوان ما عندي
وبينه الشامت اليحدي .. يخويه
من الكوفه لعد الشام
كل خطوه جرح والآم
هيچ أيام ماكو أيام .. يا خويه
عيد الوادم معيدين
وعلينه التمت الصوبين
ولطولي تصد العين .. يا خويه
هذا السبنه ذاك الطگنه بحجاره .. يا خويه يا خويه
مسبيه ودليلي ما طفت ناره .. يا خويه يا خويه
خادم الحسين احمد علي السراجي
قناة الرجوع الى الله @h_ameer1
قصائد منبريه مكتوبه @h_ameer2
ملا ابو أمير الفاطمي @h_ameer3
روح وريحان @h_ameer4
من رد المهر سابح ابدمه
زینب سمعته وطلعت ابهمه
.........................
دگ رجله وغده بلراس یومی
های ادموم اخیچ مو ادمومی
یزینب گومی لحگی حسین گومی
عفته والسیوف اعلیه لمه
.........................
من ظهری وگع واجروحه کثره
واخاف من المثلث فات أمره
شعب گلبه وطلع من خرز ظهره
طاح اعله الارض والشمر یمه
........................
گبعت روحهه وللحومه راحت
آه اشلون خویه حسین صاحت
چم مره اعله وجه الگاع طاحت
ومن توگع تنادی اهنا ییمه
.........................
بس شلفایده من اوصلته
زینب والأمر فايت لگته
اویلی والشمر گاطع رگبته
اشلون اتحظنه واتحبه وتشمه
..............................
دارت للبقیع ابصوت عالی
تنادی ام الحسن یمی تعالی
یایمه بگیت ابغیر والی
راحو کل هلی وشملی اشیلمه
..............................
دارت للغری وصاحت یحیدر
احضر مثل ما للغیر تحضر
ادخیله یاعلی وحملی تگنطر
وکلهه اتصیح لحگینی یعمه
عزیز_الفیصلي
#اللهم_عجل_لوليك_الفرج
#نعي
ياسايگ النوگ ما تگدر تمر ابهلي
اني چبيرة بخت لتباوع المحملي
اني اخوي الشمس واني الگمر كافي
آمر وأنهه چنت وبس اسمع ادللي
بدولابه فرني الدهر وخله ادموعي اتهلي
انه رايده منك طلب سويه لله وإلي
توصل مضارب مضر واعله ناگتك تعتلي
وتصيح يهل الشيم يولاد حمزه وعلي
الكم حرارير شفت ضلن بلايه ولي
#اللهم_عجل_لوليك_الفرج
شلون گضّيتها عَشْرَه الثانيه
حسين ما فارگ خيالچ ثانيه
ما كِمَل دَفْـن الحِنين
الله خالق له أربعين
ــــــــــــــــــــ
حسين حتّه بدفنه ضَلْ ما مستراح
يخْلَص من الخيـل يصعـد عالرماح
صـار ميّمونه الرمـح وبضعْنَـه راح
رافگاچ وخِلَـص سبييّچ يالله طـاح
يمشي بس أوداجه تگْطُر عافيه
إبرمحه ويسـولف سوالف دافيه
يدري باچر راجْعِين
الله خالق له أربعين
ــــــــــــــــــــ
گلُب والــد چـان ويْحـس بالزغـار
شما طفل ضاع انتبه له وراسـه دار
وچــان بالـ آيـات يختـار إختــيار
وعينه چانت عالشمر تمطر شَرار
حسين گلبه چبير گلب الوالد
وياچ طول الدرب واگـف گاعد
حسين أمان الخائفين
الله خالق له أربعين
ــــــــــــــــــــ
چانت حچايـاته تطلـع بالصمـيم
(أَمْ حَسِبْـتُم أَنَّ أَصْحَـابَ الْرَقِـيْمْ)
رغم ما بالضعن چان إشچـم لئيم !!
وانتو مچتوفين بس ضعنچ عظيم
النـاس إلـ تسمّي سبـي وهمـانه
جيش طبّيتوا اعله بن مرجانه
موش كيفه ابن اللعين
الله خـالق له أربعين
ــــــــــــــــــــ
خوش وگفات ويه ضعنچ عنده چان
وصار عنـده وياچ بصمه بكل مكان
حسين چـان أبطُـوله واگف للزمان
ينلچـم كلسـاع بس ينيـطچ أمــان
رغم دُوْرَت راسه تآذي أوداجه
چان يندار إعله گـدّ الحاجـه
عدل .. ميّت.. ما يِلِين
الله خالق له أربعـين
ــــــــــــــــــــ
وأبو فاضل دخـل قبلچ يـم يَزيد
إلـ وَحْدچ اتدخلين ميْعوفچ أكيـد
برمحه بس أوداعتچ لو عنده إيـد
چان خلّه الشام عِدْ جِدمچ عبـيد
الرمح شايل راسه بس بي خُوفه
چــان يتمَنَّــه بعـدها إچفوفه
برمحه گلّچ تنتچين
الله خالق له أربعين
ــــــــــــــــــــ
مهدي التقي
قناة الرجوع الى الله @h_ameer1
قصائد منبريه مكتوبه @h_ameer2
ملا ابو أمير الفاطمي @h_ameer3
روح وريحان @h_ameer4
خوفي كلما تبطي يكبر وگلبي كل شويه طالع
متانة الي تضيع ولدها بهوسة الطف جنت اباوع
انه گلبي شگد لجمني ليش مهرك وحدة راجع
گلبي يقنع باليسمعه ومن متت ماشفتة قانع
يمتئ روحي تموت ويهود بجيها
حسين لا يرضئ تموت ولا يجيها
بالخيم واسمع كسر ذيج الضلوع
جا شحال اليوصل ويدنه ليها
بالحومة ادور هلبت تجيني
لو ميتة احسن من هالعذاب
وين الهواشم محد فزعلي
بس روس اشوفن فوگ التراب
----------------------------------------------------
واگفة بصفك وادور وين اليدليني جسمك
عطرك مخلي دليل من الحرگ ماجاي اشمك
موذر ومحتار گلبي وفوگ ذبحك خذوا هدمك
هسه لو موجود هدمك جا كلت بهدوم المك
حالي حال الفاگدة المايگضي ونها
حيرة تمشي لياكتر يلجم حظنها
اجدامها احتارت تروح بيا طريج
بصوب عدها خوان ميته وصوب ابنها
ليا صوب اروحن هاي الهظيمة
واعزازي كلهم فوگ الترب
وين الحنين اليسوة دمعتي
طاح وبقت بس الغرب
------------------------------------------------
خايفة يموتون كلهم مايضل بالخيمة والي
غالي واحد كسر ظهري شلون اذا كلساع غالي
مرة ابجي اعله الچفوني ومرة اضل ابجي اعله حالي
الصبح كلنا سوية والعصر صيواني خالي
سالفة تجر سالفة وكلساع كسرة
وهاي كل لحظة اعلئ واحد بيها حسرة
ندري باليفگدلة واحد ماينام
جا شحال الفگدت بنص يوم عشرة
يحسين اجيتك گوم اعله حيلك
ماضلي واحد من هلي
ياهو الالزمة مذبوح اشوفه
واصرخ دخيلك ياعلي
--------------------------------------
ادري راح تموت كلها وادري محد يبقئ يمي
حسين اكبر همي انت ولو متت شيگضي همي
اني اسمي مدللتكم هسه اخت الماتوا اسمي
من العطش نشفت لهاتي مدري المن يجري دمي
مدللة ووي الغرب يبن امي اسيرة
وي الخدم مجتوفة التصيحلها اميرة
بهيبة جنت امشي لان وياي اخوي
هسة لا خوان عدي ولا عشيرة
عگب الدلال اسكن خرابة
وسوط اعله متني بلا عفو
جانت عشيرة وكدامي تمشي
وصبح صباحي بلاية اخو
--------------------------------------
الگلب زالف من مچانة والوجع كل صوب احسة
وگالوا اليرتاح ينسة واني اذكرك لمن انسة
حيرة اوخرة من الحوافر مدري من جدم اليرفسة
ودمعي راهم ع جفوفك عگب جفك من يحسة
ويني ووين البچي وكسر الخواطر
شاردة النسوان واني لوحدي اناطر
صح مرة ومن هجمت الخيل اعله اخوي
خلصتها امدافع بنص الحوافر
ماريد اعاتب والچم دليلك
تعبانة اجيتك من البچي
لو تسمع اختك بس رد عليها
باقي بگلبها شگد حچي
---------------------------------------
علي حالوب العگيلي
قناة الرجوع الى الله @h_ameer1
قصائد منبريه مكتوبه @h_ameer2
ملا ابو أمير الفاطمي @h_ameer3
روح وريحان @h_ameer4
يا حسرة ابگلب عباس يا دمعة ابو اليمه
ريت الچتفج بحبال عينه تنطفي او تعمه
__
مسية العافيه يم عون يل املوعتچ الكوفه
يمسبيه او عليج الروح تهل ادموع ملهوفه
شيجيبه گمر عدنان يلفي او حالج ايشوفه
چا ضل يدگ فوگ الراس او يصفج حسره بچفوفه
نعمه انتي يخت عباس چيف او تنسبي النعمه
__
لو شاف الحبل بيديچ واموتنچ يخرّن دم
چا شيب گلب عباس. لا . چا مات منّ الهم
أول تالي هيج ام عون يم حدها الزلم تلتم
هاذه الي ايتشمت جاي اوذاك اليضرب اويشتم
وين الما مراجل بيه يم زينب طلع زلمه
__
وين الما مراجل بي جاي الگلبچ ايحرگه
كلسا يشمر احچايه وانتي ابعبره مختنگه
تحيرين بحچي الشمات لو بجروحچ الزرگه
الله لا رضه عليها الكوفه اشلاگتچ ملگه
ماگالو گلب منكوب ما گالو أهي حرمه
__
الله لا رضا عليها ناس الما شرف بيها
چا حرمه او عزيزة گوم واهل الله اهاليها
عليمن واجفين اصفوف كلها اتناظر عليها
ماشافو ضلعها اشلون محني من بواچيها
اشذنبها او تنضرب بحجار او كلسا تنشتم شتمه
__
أشذنبها والدمع مدار يوادم هاذي علويه
اخت الحسن . اخت احسين چيف اتصير مسبيه
تمشي بل شمس يومين لا راحه ولا أميه
تصد اوجوها الاعراب اشذنبها الحره شمسويه
ألمن تشتكي والعين من ادموعها امورمه
__
المن تشتكي او عباس نايم عل ثره امگطع
لابي ينتهض وايگوم لا صوت العتب يسمع
او ياحيرة گلبها اشلون . اشلون اعله النهر ترجع
بلكت عل شريعه اتموت من عدها النفس تطلع
مرمرها السبي والسوط او نزف الما گطع دمه
__
ابو فاطمة الطائي
قناة الرجوع الى الله @h_ameer1
قصائد منبريه مكتوبه @h_ameer2
ملا ابو أمير الفاطمي @h_ameer3
روح وريحان @h_ameer4
هلي دار الزمن بيه
هلي والناس مو هيه
ياهل ام عون الحكوا ام عون
الدنيا تغيرت وام عون مسبيه
محنيه للشام على النوك ودوني
ردت ابقه يم اخوتي وما خلوني
ابن امي عريان على الكاع خليته
لو بيدي يحسين اغطيك بعيوني
_
تعبت امن الركض والهم
المصيبه حسين ماينلم
امطشر ضال فوك الكاع
خفت خاف امن احضنه بحضني يتثلم
جا هو غير اليموت يدفنونه
بعازت نعش ليش اخوي تخلونه
بسكم ذبحتوه دخلوه مو كافي
اعله ضلوعه بالخيل تجون تسحكونه
____
هلي بگلبي حجي هوايه
لا كافل ولا رايه
اضمن وجهي عن الناس
وكلها تصيح هاي اخت الكمر هايه
بنص الزلم امشي صارت من تالي
وبس الكمر جان انه يشوف اخيالي
ماميته من السبي ولا من ضيمي
افراك الحسين يعالم جتالي
__
كلبي امن المصايب مل
ياهل الحل اريدن حل
السبي مالايك اعليه
جبيره والجبيره شلون تتحمل
ماعولت كربله اخلص من عدها
انوب اجه الشام يروحي وزودها
الكاتلني بلسوك بقه يصيح الشامت
زينب سبيه وعشيره ما عدها
قاسم الغزالي
قناة الرجوع الى الله @h_ameer1
قصائد منبريه مكتوبه @h_ameer2
ملا ابو أمير الفاطمي @h_ameer3
روح وريحان @h_ameer4
صبر السيدة زينب بعد يوم العاشر
يدهر ارحم اشويه
اشكثر قاسي عليه
علاماتي … عذاباتي … تزيد اعلى المنيه
يدهر الرحمه حلوه وارحم الحال
كثير اللي اشوفه والبخت مال
شفت في كربلا أهوال وأهوال
لونها اعلى جبل ماحمل مثقال
وأنا عندي المصايب
امانه وقلبي ذايب
تتعبني …تعذّبني…أعاصير الرزيه
أعاصير المصايب كلها عندي
رياح وزلزله حطمت جندي
فؤادي اتكسّر ورغم التحدي
على صبري النفذ من كثر وجدي
شفت أهلي ضحايا
على التربه عرايا
ودمع عيني…على اجبيني…وخلاني ابعزيه
بعد أهلي شفت تحترق خيمات
تفر منها الأرامل والبنيّات
أنا اطفي النار بيدي امن العبايات
وأدور عاللي تاهت في المسافات
أصيح ابصوتي عالي
على جرحي تعالي
بنياتي…حبيباتي…معي فيكم وصيه
(بقيت أمحيره واصفج بالايدين)
(فلا عباس يبرالي ولا حسين)
(يضربوني من ابچي وتهمل العين)
وركبت اعلى الهزل ويه النساوين
بلا رحمه سبونا
بشتم أمنا وابونا
يدفعوني…وينادوني…إلك يالخارجيه
أسيره والعدو حدد مسيري
إلى الكوفه إلى الشام ابحضوري
شمر بعد الاهل حاكم مصيري
تعالي وروحي وصاير أميري
بعد أهلي الأعزا
فقدت آنا المعزه
غدا حالي…بلا والي…معي وقت الأسيه
شفت نجم الظهر يادهري بالشام
من الظالم يزيد ابمجلسه العام
على ثغر الشهيد ابعوده لطّام
وعلى بوها رقيه ماتت آلام
تظل ذيچ الخرابه
جرح قلبي وعذابه
أنا ابصوتي…ردت موتي…يكون أهون عليّه
حسين البوحسن
قناة الرجوع الى الله @h_ameer1
قصائد منبريه مكتوبه @h_ameer2
ملا ابو أمير الفاطمي @h_ameer3
روح وريحان @h_ameer4
دنيا وي بت الصميدة اشمالها
خلت الما يسوه شاف اخيالها
:
:
دنيا ما رحمت ابد بت الكتاب
خلت الوليان صرعه اعله التراب
يا مصاب ايصير مثله هالمصاب
اتشوف اهلها امذبحين اكبالها
مالها الدينا اويه زينب مالها
:
:
سارت اويه الكوم لديار السبي
جنها مو بت حيدره او لا بت نبي
ظلت اعله الله او على ذيج العبي
بچت الاملاك والله احوالها
:
:
طوّح الحادي بظعن ذاك الدلال
او راح لديار الشماته بالعيال
والله منظر زينب ايفسر الجبال
الله يعينه اعله الجره دلالها
:
:
روس اهلها اوياها تمشي اعله الرماح
اكبالهم حادي الهزل بالحره صاح
شلون تبرد بالگلب هاي الجراح
او زينب اليحديها جف چتالها
:
:
تمشي وتصد بلكي لن يفزع كفيل
او يعدل الهودج لون بيها يميل
شلون ظل عد زينب الحره دليل
حين عافت عالترب كفالها
:
:
ما تلوك البت علي والله الهزل
هذا حال اللي اخوته تنچتل
الوكت وياها ابد ما ينعدل
ما يلوك الحال هذا الحالها
:
:
فاضل عباس الخزاعي
قناة الرجوع الى الله @h_ameer1
قصائد منبريه مكتوبه @h_ameer2
ملا ابو أمير الفاطمي @h_ameer3
روح وريحان @h_ameer4
يوم العاشر بعد مقتل الحسين روحي فداه
والله لو عدلين اخوتي
ياهو يحركها خيمنه
جيش كله يصيح اركضن
الهظمه من ماتو زلمنه
من القهر لحسين اروحن
وارد اسولفله اليغثنه
مو عله الماي من سولف
الشوفتك خويه عطشنه
الطف عله كبره من ركضناه
ندور حسين وما لكيناه
ولمثلي هيج يصير بيهه
تكضي دربها احاه بحاه
ــــــــــــــــــــــــــــــــــــــ
انه اول مره اطلع
الوحدي يخواني شندل
من عثرت حل صيحولي
وانه ما استاهل الحل
وطيحتي فوك ابني صارت
وهايه شتحطلها ياحل
طلعتي يمه الخوالك
فراك اخوتي يمه يكتل
عفته وجيت بشوك لحسين
طايح يخويه بياكتر وين
فدوه الولد ياخال الولاد
كونته زين وهمه ميتين
ــــــــــــــــــــــــــــــــــــــ
من لكيته ماعرفته
تغير بدوس الحوافر
انه اول مره اشوفه
الميت المكسور خاطر
غير كون وياه سويه
نموت جا المن اكابر
ودمعي صبيته عله نحره
شيروي يا ماي النواضر
شيرويهن كلوب المجاتيل
لبكلبه جرحه كلش ثكيل
وبموته اخوي وكن مرتاح
متعوب حيل حسين بالخيل
ــــــــــــــــــــــــــــــــــــــ
ورجعت صوب البنات
يبجن تلكني كلهن
ونشدن جا وين ابونه
وحيرتي باله شكلهن
اشرت خل نركض احسن
شحجي و مات اليحبهن
كلبي مايحمل وشوفن
منالعطش بين تعبهن
هنا يعلي ياعازت الماي
وكلهن بنات الركض وياي
ومامش خيم وكعد بسدهن
وضليت ادولهن عله فياي
محمد حلو ازيادي
قناة الرجوع الى الله @h_ameer1
قصائد منبريه مكتوبه @h_ameer2
ملا ابو أمير الفاطمي @h_ameer3
روح وريحان @h_ameer4
[[ ما استاهل ]]
دخيلك مولاي سيد الشهداء
انه وين وانتـــه وين
ما ستـاهل يا حسين
الثرى وين امن الثريه
هواي اسم خادم عليه
ما ستاهل يا حسين
▪️▫️▪️▫️▪️▫️▪️▫️▪️▫️▪️
مو وفي اوياك وحياتي ضايع بدنيا الچذب
ظالم لنفسي الحقيره وحافي اركض للذنب
يالمرويني الكرامــه ومنــــحرم من العــذب
ولبســــتني اهدوم وانته عالترايب منسلب
مــدلل وعايش امير
وانتـه لموك بحصير
هالــــمكانــه مو اليــه
هواي اسم خادم عليه
ما ستاهل يا حسين
▪️▫️▪️▫️▪️▫️▪️▫️▪️▫️▪️
يا حسين الدنيه خدعه وانه بيـــــها منـــخدع
هواي تاخذني ويردني بمجلسك والله الدمـــع
منشـــغل گلبي بهَـواي وانتــــه گلبـــك منشلع
صاحي ضلعي يالحنين وانته مسحوگ الضلع
بداري مرتاح امن انام
وانته محروگ الخيام
وحگ شوغات الزچيه
هواي اسم خادم عليه
ما ستاهل يا حسين
▪️▫️▪️▫️▪️▫️▪️▫️▪️▫️▪️
كلي تقصير وذنوب وغيبه ماخذني الـندم
سيدي مو مستوايه انحســــب من الخـدم
كبرتني ابين ناســي وطلعــتني من العـدم
اطيتـني حرگة لمصابك مثل نيران الخيم
غرگـتني بالعطـاء
يا الذبيح بكربلاء
يا ابو چفوف السخيه
هواي اسم خادم عليه
ما ستاهل يا حسين
▪️▫️▪️▫️▪️▫️▪️▫️▪️▫️▪️
اعتذاري ما يكفي وذبح عمري المســــتحه
بفشلته داعيك باقي وطبعك انته تسامحه
هالضمير الغافي بيه ما اجه يوم وصــــحه
يمن حبك موش غايه ولا طمع لا مصــلحه
لا تخــــليني امــــيل
بداعة اعيون الكفيل
وداعتـــــك يابو رقيه
هواي اسم خادم عليه
ما ستاهل يا حسين
▪️▫️▪️▫️▪️▫️▪️▫️▪️▫️▪️
مروتك يابو العليلـه شعــــــدنه غير مــروتك
ساتره الناس التحــبك فيّها واســع خيـــمتك
انته چنت تخاف حتى على الناس السحگتك
چا شگد شايل محــــنـه وشكبـــرها رحــمتك
والله كاتلني القصور
ما الــــف رايد وادور
سيدي كضني امن اديه
هــواي اسم خادم عليه
ما ستاهل يا حسين
▪️▫️▪️▫️▪️▫️▪️▫️▪️▫️▪️
عبد العليلـه
✍حيدر ابو كيان الفاطمي
قناة الرجوع الى الله @h_ameer1
قصائد منبريه مكتوبه @h_ameer2
ملا ابو أمير الفاطمي @h_ameer3
روح وريحان @h_ameer4
((ويّ خدري))
وي خدري طولي الساگ بالــساگ
وضمـــيته بيـــن ايـــــــتام ونياگ
خــــــــاف الخــــدر بعيــون ينباگ
ادريهم اهـل الشام مو ناس
وغطيت روحي بيك عباس
حتى من اطبن ارفع الراس .. خويه
عباس خويه خدري مصيون
يدرون بينــه منيــن يــدرون
احنه الهواشم وآنـــه ام عون .. خويه
بس الهضيمه من دروّ
شمات اجونه وافـزعوّ
الچـــانو عبيد اتسيدوّ .. ياعباس
ذكرو أحُد ذكرو بدر
وتمنو إيرد العمــــــر
يشوفونه بهذا العسر .. ياعباس
عباس ياخويه ...
""""""""""""""""""""""""""""""""""""""""""""""""'''""""
طبيـــنه بــس عيــــون شمات
عثره الدرب وأحنه عفيــــفات
وأحنه الخدر وأحنه الحجابات
ومن السطح مطرت علينه
ياهو اليگلهم كـــافي بــينه
عباس خــويه وشبــــــدينه .. خويه
وشلـــــون بينه وأحنه أسره
نضراتهـــــم عــــباس صفره
خويه الحبل بچفوفي جمره .. خويه
البيده الحبل مـــايستقر
مثل المشه بدرب اليسر
والمشكله حــــــر الضهر .. ياعباس
بس روحي هامت ماترد
كل لحضه بعيونك اصد
وأتغــــــزل بحسنك ورد .. ياعباس
عباس ياخويه ...
""""""""""""""""""""""""""""""""""""""""""""""""'''""""
ماتكضي بيه أمچودره الشـــام
هـــــــــذا البلد سالبـــني ايتام
هينه وطبت من حرگ الاخيام
چم كربله ولا شام وحده
ويروح گلبي وگــوه ارده
والشام ياخويه شــــيرده .. خويه
شـــــيرده اذا كله مصايب
خلانـــــه نگعد بالتـــرايب
وبلا سگف تدري الخرايب .. خويه
ميخالف الگــــعده بترب
بس اجنبي اعليـنه يطب
هذا الحچي ادري صعب .. ياعباس
هذا الحچي ما ينحمل
بس بالگلب زاد الحمل
والمــــــايمل صاير يمل .. ياعباس
عباس ياخويه ...
""""""""""""""""""""""""""""""""""""""""""""""""'''""""
منتضره وآنه بگلبي عــــاشور
چم ساعه اتاني وگلبي مجبور
ام الخــدر تــــــاليها بقصــــور
هذا الزمن مو خوش يمشي
عباس كلشي وضـاع كلشي
ماغافيه ولا هـــــــاد رمشي .. خويه
خويه القصر بجروحي عايل
حمل اخـتك بيـــاغربه مايل
وديتــــــلك دمعـــي رســايل .. خويه
عباس عــذبني الهظم
ماتكضي بدموع ولطم
ياهي الاطلعـــها وأظم .. ياعباس
تاليــــها بسمـــي صيحوّ
هـــــــاشم دروّ لو مادروّ
يم دمعي شمات اضحكوّ .. ياعباس
عباس ياخويه ...
عبد زينب
محمد الابراهيمي
قناة الرجوع الى الله @h_ameer1
قصائد منبريه مكتوبه @h_ameer2
ملا ابو أمير الفاطمي @h_ameer3
روح وريحان @h_ameer4
ياربي عجّل فرج القائم
ــــــــــــــــــــــــــــــــــــــ
چلمه الثار شكثر نحچيهه
وهل چلمه تجرح حيل راعيهه
زينب بعدها بأمل مهديهه
ضعون المشت مهدينه يحديهه
يًقيِننا بأنّهُ قادم
ياربي عجّل فرج القائم
ــــــــــــــــــــــــــــــــــــــ
عندك مخيّم ماطفت ناره
يل ماكو غيرك ياخذ بثاره
وعمّاتك اعله الهزله محتاره
وعبدالله الك ضل شابح انظاره
بوضعهِ ربُ الملا عالم
ياربي عجّل فرج القائم
ــــــــــــــــــــــــــــــــــــــ
يل شيّبتّك كربله وهمهه
وعينك دمعها اتفايض بدمهه
چبيره السوالف وانت التلمهه
بس ياهو يجمع جمرة اخيمهه
عليُ قد ابكاكَ والقاسم
ياربي عجّل فرج القائم
ــــــــــــــــــــــــــــــــــــــ
مصبوغه ايدك من دمه ادموعك
ونار المخيم لسعت ضلوعك
اتواسي رمله عالگ شموعك
طف ومحرم هذا موضوعك
ايتامكم في مجلس الظالم
ياربي عجّل فرج القائم
ــــــــــــــــــــــــــــــــــــــ
عمك يمهدي عللنهر طايح
ويسحگ حسين الجاي والرايح
يادم رقيه أمن المتن سايح
تنظرب وتنادي يبو صالح
قد شاخ من كان لنا خادم
ياربي عجّل فرج القائم
الشاعر محمد حسن ضيغم
قناة الرجوع الى الله @h_ameer1
قصائد منبريه مكتوبه @h_ameer2
ملا ابو أمير الفاطمي @h_ameer3
روح وريحان @h_ameer4
انته برمح وانه بحبل مشينه
بطاري الخدر يابوالفظل حجينه
وعينك تصد عليه
شماصيحو سبيه
٠٠٠٠ ٠٠ ٠٠٠٠
صار المشي بكيف الشمر
لابيدك ولابيدي
عباس كل جلمه نحجت
سيف ويحز وريدي
خويه الدرب ماينمشي
والموت أصبح عيدي
جندوب اصبر جندب
والرمح ماخله كلوب
شمامال ملنه احنه وياه
ومثل الشمع گمنه انذوب
عيون البشر كلها تصد علينه
من الخجل مات الحبل بأدينه
بهزله الخدر تاليه
وعينك تصد عليه
٠٠٠٠٠٠٠٠٠٠٠٠٠٠٠
هيه السوالف تنذبح
لوماكو اذن تسمعها
عباس تطلع دمعتي
وحجايه ماطلعها
ذبحينه صاحو كافلج
بالله كريم ادفعها
مذبوح يشكي المذبوح
ياربي خذ مني الروح
بهذا الدرب شفت الويل
حته البجي مامسموح
هاي الهضيمه الماتمر عله الناس
شماننضرب انصيح الحگ عباس
تشكي الك رقيه
وعينك تصد عليه
٠٠٠٠٠٠٠٠٠٠٠٠٠٠٠
اجروح بالطف تنحمل
وضيم الدرب شيحمله
شما نوخو نوك الهزل
لجسام تركض رمله
فياي سوت عالرمح
خافن الشمس تذبله
ام الولد ماتلام
شگد بانيه عليه احلام
طول الدب تحجي وياه
جسام يمه جسام
حار الرمح والشمس ماترحم بيه
زينب يعمته الرس خل انغطيه
تغيره الشمس ضهريه
عينك تصد عليه
٠٠٠٠٠٠٠٠٠٠٠٠٠٠٠
كون الصبر بيع وشره
اشريه الكل النسوان
علينه يتجاسر صبح
من غمضت ياهو الجان
ماشفنه بالوادم بشر
كلهم بهيئة شيطان
سوك ويلي من السوك
شيب گلب هاي النوگ
من المستحه مدنكه الراس
سولفت بخدري حلوگ
عيوني تصدلك ونته خويه بلاعين
عباس جاذاك الخدر أصبح وين
الواك طايح فيه
عينك تصد عليه
٠٠٠٠٠٠٠٠٠٠٠٠٠٠٠
خادم اهل البيت ع
فلاح طالب الماجدي
قناة الرجوع الى الله @h_ameer1
قصائد منبريه مكتوبه @h_ameer2
ملا ابو أمير الفاطمي @h_ameer3
روح وريحان @h_ameer4
بويه الغالي.. مذبوحه وتشكي المذبوح
رمحك عالي..واجفوفي اكصار ومالوح
يابوشفاف الذبلانات..ورم ضهري أمن الطكات
بويه الغالي
ــــــــــــــــــــــــــــــــــــــ
يبواليمه رقيه اني
زغيره وذبلت اغصاني
حر الهيمه سواني
زرع وامفارك الماي
تعبانه من طول الدرب.. والحادي ماعنده كلب
ابجي ولاهمه البجي..شلع امتوني أمن الضرب
يبن الزهره.. انزل مشتاقتلك حيل
آخر مره..شفتك بيهه ابنص الخيل
وآنه بعمر الفراشات ..ورم ضهري أمن الطكات
ــــــــــــــــــــــــــــــــــــــ
اباوع ماتباوعلي
اريدك بويه تنزلي
تطلع الشوك الابرجلي
وتمسح دمع الاعيون
محتاجه بويه الشبگتك.. وياك أخذني ابسفرتك
بعيونك آنه جاي احس.. عطشانه تطلع نظرتك
أمن اهد العاشر.. گالولي وماشارب ماي
ليش الحافر.. بايگ كل فرحه بدنياي
ياهنياله اوياك المات..ورم ضهري أمن الطكات
ــــــــــــــــــــــــــــــــــــــ
اخاف أمن الهوه ايجرحك
لو شيالك ايطيحك
للهامه وصل رمحك
جا شمسوي يحسين
مو گتلي راح انضل سوه..موچنه فراشه وضوه
صعدني يمك عالرمح.. يالشوفة اعيونك دوه
گلبي الهايم.. منك بس حنيه ايريد
مثل الصايم.. من ايتاني اهلال العيد
للجيه احسبلك لحظات..ورم ضهري أمن الطكات
ــــــــــــــــــــــــــــــــــــــ
اعله حظنك راسي عودته
حظنك هسه فارگته
ليل اليمر مانمته
بدونك كارهه النوم
يم الرمح مرات اجي.. بيديه اشبگه وانتجي
اغفه واشوفك بالحلم..بويه ويفززني البجي
يمك ابچي.. وماكتلي اشمالچ تبجين
شو ماتحچي.. شو ساكت صوتك يحسين
ساكت چاوين الچلمات..ورم ضهري أمن الطكات
ــــــــــــــــــــــــــــــــــــــ
اخيرا شفتك بنومي
تشم بريحة اهدومي
گلتلي للقصر كومي
وهزي ابصوتج الشام
سمعوني بويه اهل القصر.. ابچي واريدك بس تمر
جابولي راسك منگطع..وأمن الطشت هب العطر
الله يساعد..عيسى اشلون إبلا اب جان
اگبالي الحاقد..يضرب ثغرك يالعطشان
وآنه اشكيلك بالدمعات..ورم ضهري أمن الطكات
ــــــــــــــــــــــــــــــــــــــ
يميت والطشت نعشك
اشحلاة الشيب الابرمشك
ملك وابداخلي عرشك
ملك وامسلب التاج
ايغارون منك يالابو..ايغارون منك جي حلو
عصفور ماجارح كبل.. بويه الجرح خدك منو
خل نتشابك.. وانحط انفاس اعله انفاس
مانتفارك.. مثل الرايه وجف عباس
خلص حيلي أمن العثرات..ورم ضهري أمن الطكات
بويه الغالي
محمد الجماسي
قناة الرجوع الى الله @h_ameer1
قصائد منبريه مكتوبه @h_ameer2
ملا ابو أمير الفاطمي @h_ameer3
روح وريحان @h_ameer4
بيك مابيك
ضم سوالفك وي الحسين
صلوات الله عليه
كون تصير عدك سوالف
محد يدري بيهن بس هو
لا اطشر بعشگك
الوادم مو اله تدري بكلشي
(السوالف التطلع تروح مونتها)
حسين حسين حسين
--------------------------
شحچي وكلشي خانگني هذا الليل اذانــي
اختك هايبعد اختك همـــك غير الوانـــــــي
اودعك واني من دونك احلف والله مو اني
يحسين الفجر يحسين مدري لوين وداني
ناس وخيل ،، ماظل حيل ،، باچر ياخذ انفاسي
بلوه حسين ،، نركض وين ،، فوگ الرمله عباسي
حسين حسين حسين
-----------------------
ارد اوگف على حيلي وما شــــالني رجليه
باچر انته تحت الخيل واختك انـــــا مسبيه
جسمك بيه قيامه جروح بالالف وتسعميه
راسك علرمح مرفوع واني بصطره معميه
تلهب نار ،، تبچي زغار ،، وانته بلا نفس خويه
اصد مذبوح ،، وانته الروح ،، واصيحن يا علي بويه
حسين حسين حسين
،،،،،،،،،،،،،،،،،،،،،،
اگلك وينك الحگلي ســــــاكت يـــــا ضوه يعيوني
يلنايم دليلي يصيح وين اخــــــواني عافــــــــوني
اوصل يمك بيا حال لا زيــــــــــــــــــنب ولا لوني
لا تنشدني خويه ارجوك ضربو وجهي وامتوني
شامت گال ،، ماكو ارجال ،، ظلو برحمة چفوفي
يا زهراء ،، يمه احاه ،، اندبچ يم حسن شوفي
حسين حسين حسين
----------------------------------
وين الخنصر المگطوع يلنايم على الغبـــــــره
بيك اچم ضلع مكسور هيچ تشوفك الزهـــــره
انته بصدرك القرءان چا ليش انخسف صـدره
هذا الحافر الملعون گلــــــــوله شسحگ حدره
ساحگ نور ،، دمعي ايفور ،، من شفت الولي ونحره
آخ شلون ،، عميه عيون ،، وسفه وطشرو صدره
حسين حسين حسين
،،،،،،،،،،،،،،،،،،
اختكم هــــــــــــــا تسمعونــــــي يلجبتوني وياكم
لا راس بجسد موجــــــود لا جربه ولا الــــــواكم
عبد الله الطفل جسام الاكبر ما لگيــــــــــــــــناكم
ودوني اعلى شاطي الموت كافل خدري ما جاكم
ها عباس ،، هاي الناس ،، درب الشام ما يرحم
كون تشوف ،، كون چفوف ،، ما تحصل بعد نحلم
حسين حسين حسين
للخادم / رعـــد الفريــــجي
قناة الرجوع الى الله @h_ameer1
قصائد منبريه مكتوبه @h_ameer2
ملا ابو أمير الفاطمي @h_ameer3
روح وريحان @h_ameer4
اكو رواية عن مولاي أمير المؤمنين صلوات الله عليه #مضونها يگول :
شلون بيك إذا يوم القيامة كل ما يصيحون بأهل معصية تگوم أنت وياهم
-يصيحون وين (الچذابين واهل الغيبة) تگوم أنت
- وين (المستخفين بالصلاة) هم تگوم أنت
- وين(الي ما يسوي سالفه لله وللحسين الا يشوفها للناس) هم تگوم انت
- وين(الشايف روحه شوفه لان عده كم درهم وشكم واحد يركضون وراه) هم تگوم انت
- وين( المحتار يسقط بالناس ويدور وراهم وناسي روحه) هم تگوم أنت
-وين(الگاطع صلة الرحم وماعده بر الوالدين) هم تگوم أنت
- وين (اهل العلاقات المحرمة) هم تگوم أنت
... الخ من المعاصي
شلون بيك يگول أمير المؤمنين هناك ؟
شلون بيك يا أمير😞
تلاحگ روحك الوكت ضيگ تره
بالحفرة لا يفيدك راتب ولا شهادة
ولا مشاهدات ولا هدوم ولا فلوس
سيدي ياصاحب الزمان
سلام عليك من صاحب هذا القلب المظلم المسود من الغفلة والذنوب والمعاصي 😞💔
هذه ليلة الجمعة وأيام مصاب جدك الحسين كرامة للحسين أنظر لحالي وقلبي
(وأَحْيِه بِتَوْبَة مِنْكَ يا أَمَلِي وَبُغْيَتِي، وَيا سُؤْلِي وَمُنْيَتِي)
الليلة نـامو ع التـراب الدللونـه
الليلة حارسنه غريب وموش اخونه
امس جنـــه مدللات
وهسه المدللنه مـات
الليلة كلنـــه بحبل واحــــد جتفـــونه
ــــــــــــــــــــــــــــــــــــــ
امــس جنــه مــدللات بهيبــة وبعــــزة نـفس
وابد ما يرضون اهلنا وجوهنا تشوف الشمس
اليوم طكَونه وبجينه وشدنه بحبــال الــرجس
دارت الدنيا اعلى زينب وين هسه ووين امس
امس تحــرسني السبــــــاع
هسه وحدي وكل شي ضاع
وهذا حال الكل اخوته يفاركونه
الليلة كلنه بحبل واحد جتفونه
ــــــــــــــــــــــــــــــــــــــ
جانت حجايتنه تمشي وماكو جلمة بلايه رد
والاخـو لـو ردنه حــاجه يجيبهـا كبل الولــد
مالنه حجاية ويه واحــد هسه والعِــز انفكَــد
وراحت ايــام الدلال ومـاكو شتكَـــولن بعــد
الليلة ضيعنـه الــدلال
امس حـال وهسه حال
الجان خادم عند ابونه يسب ابونه
الليلة كلنه بحبل واحد جتفونه
ــــــــــــــــــــــــــــــــــــــ
الليلة ممنوعه البواجي وينزل بسكته الدمع
الليلة بهــداي الونين وصوتجن مــا ينسمع
الماله وادم ماله جلمة ومـن يسولف ينمنع
ومن ينوح ينوح سكته ويحتركَ مثل الشمع
الليلة لحد تبجي حيل
ننسمع والدنيــا ليــل
وخاف لو سمعو بجينه يشتمونه
الليلة كلنـه بحبل واحــد جتفونـه
ــــــــــــــــــــــــــــــــــــــ
شالـو الكلهم محنه وصرنـا بيـد المـا يحـن
كَبالنه يشتمـون اهلنا وتنطكَـ بسوط التـــون
عدهم المذبوح اخوها اعليها ممنوع الحـزن
واليطكَ ما عنده رحمه وتوجع سياط المتن
علينــه ممنـوع النحيب
بخيمة والحارس غريب
الفاكَد شلون اعلى دمعه يحاسبونه
الليلة كلنــه بحبل واحــد جتفـونــه
ــــــــــــــــــــــــــــــــــــــ
الليلة بالبـــر گعدونــه بلا فـــراش ولا غطـه
الليلة نســـوان الهـــواشم بالحبــال مـربطـه
نهضمن وعبـاس اخــوهن كلش عليهن بطـه
مدللات حسين صارن وسفه بيد ابن الخطه
لا فراش ولا خيام
ويفز بالسوط الينام
بالسياط التغفه عينه يكعدونه
الليلة كلنــه بحبل واحــد جتفـونــه
ــــــــــــــــــــــــــــــــــــــ
حرمة متعوبة وجبيرة ووحدي وماهم هلي
هاي اول مــرة حــرمة مـن ال هاشم تنـولي
كلهـا نسوان ويتـامه وحيلي مـوش الاولـي
والربـاب تريــد ابنهــا وليلة تشتـاكَـ لعلــي
حايرة وحگي منحير
بذمتي زغير وچبير
اجبيرة اختكم والجبير يريد عونه
الليلة كلنــه بحبل واحــد جتفـونــه
ــــــــــــــــــــــــــــــــــــــ
آه يــا فگد العشيرة الصــابنــي بنص الگلب
البارحة العباس يمي وهسه تحرسني الغرب
باجــــر الهــزل رچبنه وكلش بعيــد الـــدرب
محد ويانه من اهلنا والتحشــــم تنضـــــرب
باجر الممشه اعلى نوگ
والعــدو يطببنـا سـوگ
واحنا نسوان وفشل لو طببونه
الليلة كلنــه بحبل واحــد جتفـونــه
رائد الناشي
قناة الرجوع الى الله @h_ameer1
قصائد منبريه مكتوبه @h_ameer2
ملا ابو أمير الفاطمي @h_ameer3
روح وريحان @h_ameer4
غريبه زينب
#قصيدة_للسيده_زينب
غريبه زينب
من يجن الليل عالحره صعب
ابلا گمرهه امحاوطه بزمرة غرب
ولذبح اخوتهه يمهه
وماكو خيمه الي تلمهه
من يجن الليل عالحره صعب
----------------------
الضلام الصار في ليل اهدعش
اتعجب الليل اعله لونه
وماكو خيمه وبت علي بديرة غرب
وبس شتمهم يسمعونه
وزعت كل نضره للخدر خيم
بضيم غريه وها اجونه
زين منهو ايصير خيمه للخدر
ولگمر طفوو اعيونه
امعلمه اعله الكافل وهيه اتأمر
اشلون هسه ايصير واليهه الشمر
ومن گلبهه يفيض همهه
اوماكو خيمه الي تلمهه
من يجن الليل عالحره صعب
---------------------
ليل اكشر مر عليهه مو سهل
وحارت الحره ابأمرهه
گبل جوه اجناح كافلهه غدت
وبالمشي يمسح اثرهه
الناس تحلم لو خيال الهه تصد
هيج معروفه بخدرهه
اشلون هسه ابليل اضلم يم غرب
وتالي منتضره يسرهه
بليل اضلم حره كاتلهه الضمه
حرمه وحدهه صعب وبلا حمه
امگبعه بحسرة المهه
وماكو خيمه الي تلمهه
من يجن الليل عالحره صعب
---------------------
ليل موحش بي كلشي ينسمع
حتى دگات الگلب
وزينب امحيره بطفال ونسه
اليبچي لازم ينضرب
وبين هاي وذيج حارت بت علي
وصلفه نضرات الغرب
هيج وبلاخيمه بالحومه صفن
اتوسدن فوگ الترب
ليل وليحتار رايدله ضوه
وزينب اتبده نضره ويه اللوه
وكلهه صاحتهه بأسمهه
وماكو خيمه الي تلمهه
من يجن الليل عالحره صعب
------------------------
بليل لو رادت تروح اعله النهر
ونفرض اتحشم اخوهه
چم نحر لازم تعبره چم الم
ابيا رزيه ايصبروهه
وين متباوع جثث فوگ الارض
يالحوافر طشروهه
وبين كل هاي الاجساد اتمددت
عالگفه جثت اخوهه
هاي ليله ياعلي اتريد الصبر
اشلون ليل الحادي اعليهه يمر
ولمن اتسولف هضمهه
وماكو خيمه الي تلمهه
من يجن الليل عالحره صعب
-------------------------
ليل خلاهه اسيره امكدره
وبين كل هاي المصيبه
راحت ادور اخوهه امن الجثث
ولگلب لاهب نحيبه
جت تدور عالبقايه امن الجسم
اشخلو ابجثته السليبه
حسين مو بس نحره ناده اعله الخدر
حتى عطره اعله الغريبه
اگضي ياليل النوايب لاهله
وشنهو رايد من گلب فاگد هله
ومات بيهه كل حلمهه
وماكو خيمه الي تلمهه
من يجن الليل عالحره صعب
--------------------------
علي سليم الحسناوي
قناة الرجوع الى الله @h_ameer1
قصائد منبريه مكتوبه @h_ameer2
ملا ابو أمير الفاطمي @h_ameer3
روح وريحان @h_ameer4
ياجـــــــــرح الجبير شلون يلتام
توجع چلمة اخت حسين بالشام
***
توجــــــــع والله بت حيدر سبيه
من دار الحسين لقصـــــــر اميه
هاي ام الخدر هاي اخت الحسين
شلون يكول عنها خـــــــــــارجيه
وجدها المصطفى عنوان الاسلام
#############
بت الخلـــص سنينه بعباده
هاي اخت الكمر روحه وفؤاده
شلون تروح مسبيه عله النوگ
بگيد مچتفــــــــــه بتكم يساده
بتكم يال هـــــاشم شبعت الآم
###############
جرح ام الخــــدر للمحشر يفور
ناره بكل وكت من نار عاشور
كلش توجع اخت حسين بالسوگ
بيها ديار غربه الظالـــــــم يدور
بديار الكفر متحملـــــــــــه سهام
################
هضمه وچايده شكد تحمل هموم
اخت حسين تمشي لارذل الكــوم
وتطب شامهم يا لوعــــــــــه يا آه
منظر للحزن بالشام مــــــــرسوم
شكد شافت هضم اختك يضرغام
#################
شبعت بت علي من الكافر ونين
يعيرها ويكلهــــــــا وين المعين
جا كفال خــدرج بت علي شبيه
توجع حيل زينب وين الحسين
وكلش چايده من دون الاكرام
###############
ونسألكم الدعاء لتعجيل الفرج
لخادم الامام الحسين عليه السلام
الشاعر حيدر كاظم الساري
قناة الرجوع الى الله @h_ameer1
قصائد منبريه مكتوبه @h_ameer2
ملا ابو أمير الفاطمي @h_ameer3
روح وريحان @h_ameer4
الله ايعين گلبي الگعد وي ناس
دمه اخواني بعبيهم
فوك الهزل والغربه تحدينه
ونوك السبي تبجي البواجينه
ضعن الله شال ابلا كمر
طلعن ضهر يسند ضهر
ــــــــــــــــــــــــــــــــــــــ
امصيبه وابد ما تنحجي فية ضعن سيد المله
الما كسرن اخيال بشمس ذبحت خدرهن كربله
معقوله زينب تنسبي وتكص بديهه السنسله
معقوله يحديهه الشمر ويسب أبوها حرمله
عكب الكمر دار الوكت بيهه
زجر وخوله ينهر اعليهه
من صوته خاطرها أنكسر
طلعن ضهر يسند ضهر
ــــــــــــــــــــــــــــــــــــــ
عالناكه ودموعي اتهمل والحيل مات اويه الخيم
سلطانه أجيت الكربله ويرفرف ابكتري العلم
معقوله زينب تنسبي مدري بحلم مدري بوهم
ما بين شمات وغرب ويلوذن بسدهه الحرم
واحد يكل للثاني نسبيهن
ونحرك كلب حيدر علي بيهن
عمدا يراموهن حجر
طلعن ضهر يسند ضهر
ــــــــــــــــــــــــــــــــــــــ
وطلعنه بمكاسر بجي كلشي انتهه وحان السبي
لا هودج ايرد الشمس ما عدنه ضل غير العبي
أخت الكمر وبشاربه تاليهه يحديني أجنبي
عالهزل وهو أعله الرمح الكلالي كومي بشاربي
اعلي الشماته تومي بيديهه
هاي اللي عباس أكتفل بيهه
وحطها وحفضها بالنضر
طلعن ضهر يسند ضهر
ــــــــــــــــــــــــــــــــــــــ
بخيالي ينشاف الهضم حرمه وتفر بيه الهزل
واكثر جرح زاد التعب الرقه مجتوفه بحبل
كل ديره متحضر جمع يشتمنه والمدمع يهل
مهضومه زينب ياهلي من الحجي الما ينحمل
طول الدرب لخواني مشتاكه
ياكافلي الذابحني بفراكه
المشتاكه يحنيهه السهر
طلعن ضهر يسند ضهر
ــــــــــــــــــــــــــــــــــــــ
أتحسر وجان الرمح متربع بأقدس نحر
محنيه والناكه أتعرج تعبانه مو مالة سفر
وسياطهم طول الدرب تصعد وتنزل عالضهر
يتوزع أدوار الضرب مدري شجرح مدري شكسر
والليل لو جل بيه ما بيه
أفكد أضل علويه علويه
أدريهن أبناتي أبخطر
طلعن ضهر يسند ضهر
ــــــــــــــــــــــــــــــــــــــ
اتخيل الطف مو ذبح ولا جسم منكم بالثره
اتخيل وصوط العده والكاني حرمه اميسره
والشام بعتابه الشتم ويشتم ضعنكم بالسره
جلمه التحز نيط الكلب وينه الكفل ذيج المره
بحيره واصد الرمحك العالي
ومن الرمح يبرالي كفالي
ياخويه الخيال انكسر
طلعن ضهر يسند ضهر
حسين جابر السكيني
قناة الرجوع الى الله @h_ameer1
قصائد منبريه مكتوبه @h_ameer2
ملا ابو أمير الفاطمي @h_ameer3
روح وريحان @h_ameer4