-
قناة تختص بنشر القصائد المنبريه المكتوبه الخاصه بالنساء. قناتنا الرسميه @h_ameer2 قناتنا الثانيه @abdameer قصائد النسائيه @h_ameer2 لا تنسى الدعاء لصاحب الزمان عج
قال الامام المهدي(علية السلام):
فليعمل كل امرئ منكم بما يقرب به من محبتنا ، ويتجنب ما يُدنيه من كراهيتنا وسخطنا .
- القلب هو القربان الذي علينا أن نقدمه إلى إمام الزمان عجل الله فرجه الشريف🤍!
@h_ameer3
"اللَّهُمَّ اغْفِرْ لِيَ الذُّنُوبَ الَّتِي تُغَيِّرُ النِّعَمَ".
Читать полностью…
باقي الالحان باجر تنزل ع الحساب tiktok.com/@abwameer93
Читать полностью…
لمن عمود الخيمه طيحته
فرفحته گلبي والله فرفحته
راجع حاير
گلي شصاير
ــــــــــــــــــــــــــــــــــــــــــــــــــــــــــــــــــــــــــــــــــــــ
راجعلي صدرك مختنگ والشيب تارس راسك
خطواتك اثگال شعجب بس لا وگع عباسك
افتهمتك يعني اخوي عيوني متشوفه
عمود الخيمه اريد الخاطري تعوفه
بدربك خويه لو جايبهن اجفوفه
هظيمه وراية الكافلني ملفوفه
كل ذكرياتي بخيمة الخوه
خلاف الكفلني سنيني ما تسوه
ظهرك كاسر
گلي شصاير
ــــــــــــــــــــــــــــــــــــــــــــــــــــــــــــــــــــــــــــــــــــــ
عيونك امذبلها البچي شنهو الي شفته اعله النهر
وحدك رجعت ومنحني چا وينه عباس الگمر
من بعيد خويه شهگتك اسمع
خفت اعليك احس بروحك التطلع
اباب الخيمه ودعي انشالله ترجع
لو رحتو العده بخيامكم تطمع
راجعلي بس ايدك على ظهرك
بيضه لحيتك صارت وشعرك
راسك حاسر
گلي شصاير
ــــــــــــــــــــــــــــــــــــــــــــــــــــــــــــــــــــــــــــــــــــــ
گابلني خل نبچي سوه نتعاون اعله مصابه
معودني اشوفه بكل وكت شلون اگدر اعله غيابه
المدللني خويه اعله النهر عفته
سولفلي اعله حاله شلون من شفته
ما مهتم الحاله وانتي سالفته
يگول اعتذر منها الماي ما جبته
لا يعتذر عباس ما قصر
بس خايفه أمن الزمن يتغير
يحير باچر
گلي شصاير
ــــــــــــــــــــــــــــــــــــــــــــــــــــــــــــــــــــــــــــــــــــــ
جيشك العباس اوگع هسه انت باقي الوحدك
عميه العيون الغربتك طاح البروحه يسندك
صح وحدك بقيت وغربتك تكبر
والراح امن اديه عباس يتحير
عيونه امن البواچي الدمع صار احمر
حگك خويه تمشي وبالدرب تعثر
تتلفت وتتنطره يرجع
مو عادت العباس ما يسمع
حگك عاثر
گلي شصاير
ــــــــــــــــــــــــــــــــــــــــــــــــــــــــــــــــــــــــــــــــــــــ
حاولت اجبر خاطرك حاولت بس ما اگدر
الفارگته مو هين ابد ابالي المواقف تفتر
شنسه وهوه خله بكل وكت ذكره
هاي اخيامنه تارسهن بعطره
ما قصر الأخر يوم من عمره
بس رايد تحظره فاطمه الزهره
ضحه بشبابه الخاطر اخوانه
ما قصر العباس ويانه
يسحگه الحافر
گلي شصاير
ــــــــــــــــــــــــــــــــــــــــــــــــــــــــــــــــــــــــــــــــــــــ
عبدالسلام العبساوي
قناة الرجوع الى الله @h_ameer1
قصائد منبريه مكتوبه @h_ameer2
قصائد منبريه مكتوبه @h_ameer3
قصائد نسائية مكتوبه @h_ameer4
ان اجمل رجوع هو الرجوع إلى الله عز وجل بالحسين عليه السلام
Читать полностью…
#محرم_الحرام_1445هـ_
#الليله_الثالثه
لسان حال مولاتنا فاطمة العليلة
(صلوات الله عليها)
#####
دار ....
ما باوع اعله عيني
نظراتي ما حمـلـهه....
دنگ بچـه وكسرني
وروحي انذبح املهه ...
أحتار ...
گتله ابقى ما اسافر
بس لاتهل دموعك ....
وضميته حزني يمك
وخل چفي يم ضلوعك ...
وضميت الحچي بگلبي خفت لا ينكسر گلبه
ورغم اهلي بضعن ماشين واضلن وَحديِ بغربه
ميته انه اذا أمشي واذا ضليت هم ميته
قسمتي أبقى بس آنه وما أحمل تعب دربه
بويه ... اسمعهه آخر چلمة منك
بويه ... خلي بس هل المره أشمك
بويه ... الليلة روحي خلها يمك ...
####
ليل ...
صار وسهرنه كلنه
الگعدة الأخيره هايه ...
حضنه صفه اليلمنه
ومتغطيه بالعـبـايه ....
حيل ...
شابگني چف أبويه
ويمسح بَدينه راسي ...
بطرت الفجر وداعه
وفجر اليمرني قاسي ...
بحضنه وانه اگول بعيد شحال ولو يعوفوني
صدگ سار الضعن معقول وانه أتباوع اعيوني
غير الله وعلي وياك ما گتله المشه بضعنه
بس چلمة البقت بروح يهلي أوياكم أخذوني
بويه ... اشتسوه هل الدنيه بدونك
بويه ... وموتي من تمشي ضعونك
بويه ... شباقي الي بفرگة عيونك
####
سار ...
ضعنه وبده عذابي
واجب صفت دمعتي...
ضميته يمه حزني
وهسه ألتهي بعبرتي...
دار ....
ما تسوى الي بغيابه
ولا الهه قيمه عندي...
ازغيره على رحيله
هل كسرا ماهي گدي...
اريد أخبر ابوي بهاي واگله بحالتي بفگده
الثوب المشتريه صاير چبير عليه چن بُعده
وضحكتي التارسه الحيطان راحت وي خطواته
ومن راح الضعن لليوم باب البيت ما سده
بويه ... العتبه مطبوعه على خدي
بويه ... وياهــو عگبك گـلـي ردي؟
بويه ... غير أتاني مـاكــو عـنـدي
####
الماي ...
من نومـي فـززانــي
بيه العطش أخـذنـي...
وحسيت ابويه ضامي
لن العطش لچـمـنـي...
أهواي ...
طول عطشهه روحي
شنهو الجره اعله اهلي...
يمكن عطش يمرهم
وگلبي گـعـد يـگـلـي...
من يعطش أبوي حسين چنت بيديه أشربنه
وهسه الشرباه يا چف اگول بشوغه لو ونه
شنهو الصار ها ياروح وليش انه أعطشت هسه
ودوني لبوي أهناك ماهـو بـخـيـر احـسـنـه
بويه ... احساسي يصرخ انته ضامي
بويه ... وسكنه عطشانه وعـمـامـي
بويه ... وانته فكرك بـس خـيـامـي
####
فات ...
ريــح وبـقـت تـگـلــي
راح انذبح حـبـيــبـچ ...
ها يـعـلـيـلـه مــوتــي
صدره انسحگ طبيبچ ...
مات ...
حسين وتشب خيامه
وركضت تـره رقـيـه ...
وعثرت مره بأبنهه
ياريـتـه هــذا بـيـه ...
تمنيت انه روحي أهناك أموت وخيل تسحگني
ألمن روحــي تـبـقـى اشلون يلايم لا تعـاتـبـنـي
اليفارگ عين ابوي حسين المـن باقيه روحه
الخيل السحگته المذبوح اشتضن عنه تفارگني
بويه ... مالي غير أدعي أمـــوت
بويه ... الدنيه بعدك ماكو صوت
بويه ... روحي تعبهه السـكـوت
###
✍️ابو فضة الحميداوي
قناة الرجوع الى الله @h_ameer1
قصائد منبريه مكتوبه @h_ameer2
قصائد منبريه مكتوبه @h_ameer3
قصائد نسائية مكتوبه @h_ameer4
عشك شايل عشك مـن العرگ حبك يغالي
إلك روحي إلك يامن عشت صورة بخيالي
نعم يابوعلي فقط بس أنت إلي
ياحسين
1ــــــــــــــــــــــــــــــــــــــ
عشت عمري بهيامك وكع قلبي بغرامك
كبر شوكي وشلت حبـك حرز بثنين أديه
بكثر مابالي يمك كمت بالصورة أشمك
حقيقة ومن اطوفك رحمتك تنزل عليه
حبك بعيوني بإحساسي ماله تالي
غيرك ياروحي بنص روحي ماكو غالي
يانبضه قلبي وبجالك راسي عالي
افتحت عيني وصحت أنت العشك لمن هويتك
نعم وي الدمه ووسط القلب ساكن لكيتك
يمن تسوه هلي فقط بس أنت إلي
ياحسين
2ــــــــــــــــــــــــــــــــــــــ
غزل يكطر حنانك نبع صافي لسانك
سمَّعت عنك سِمّع لا ماشفت لمحة خيالك
أنا أول ماقريتك جبل شامخ لكيتك
وفه وطيبة وشرف عِفه وكرم شفت بخصالك
نفحت إيمانك وأنفاسك حيدريه
نظرات عيونـك للخادم فاطمية
ياحلم سنيني ويادم اليجري بيه
لون أوصف لون عنك نعم يعجر لساني
حلم عمري صرت من المهد أنت بكياني
والي ونعم الولي فقط بس أنت إلي
ياحسين
3ــــــــــــــــــــــــــــــــــــــ
مثل قلبك يغالي فلا مر أعله بالي
نعم كلمن عشك حبك جعل روحه رخيصة
إذن حكها المشاعر تحب من الخواطر
مثل ذاك النزل بالطـف وإلك شكك قميصه
عابس من شافك بألطافك جن جنونه
علمنا نحبك وأهل الحب ولعونه
يحسين أنصارك عن عطفك علمونه
صدك علمني أحب حب الوفه وثبتلي ساسي
بعت ماي الوجه كله إلك وتعله راسي
صرت بيك اعتلي فقط بس أنت إلي
ياحسين
4ــــــــــــــــــــــــــــــــــــــ
يمن فدوه لحروفك شمس كل يوم أشوفك
يجي الليل وكمر وأجمل كمر تطلع عليه
اصد حسنه ووصاله وأشوف آية جماله
مثل خيط الشمس لو سلم أعله المغربية
أنظر بعيونك من دونك آنه ضايع
ياوجه الغيرة يالقلبك كلشي جامع
ياكعبة شوكي وبحبك آنه قانع
ردت مثلك ردت ماحصلت واحد بديلك
منو يشهبك منو فوك الثرى وفاتح سبيلك
أمر ماينجلي فقط بس أنت إلي
ياحسين
5ــــــــــــــــــــــــــــــــــــــ
منو مثلك إمامي بحر بس قلبه ضامي
عطش مرة النهر وبعطفك الطاهر رويته
وكفت أنت ورضيعك كلت لا ما أطيعك
اجاك بموتك الشط وأنت أبداً ما اجيته
صابر وبصبرك ذليته بكل إرادة
ماتهم للشط بس تهتم للشهادة
دمك ضحية بكل غيرة وكل سعادة
نعم تكدر نعم يم الخيم زمزم تجيبه
الأمر لا مو صعب عندك سهل لا مو عجيبة
النهر أصبح خلي فقط بس أنت إلي
ياحسين
6ــــــــــــــــــــــــــــــــــــــ
نعم كلشي نطيته وصرح ذكرك بنيته
ثمر دمك طلـع غِيرة وكرم بالغاضرية
شلت دين العقيدة وخذت كلشي التريده
لان ماسلمت للذل نفس يبن الزجية
لو ما دم نحرك مانصعد عالمنابر
لو ماجف زينب مانعرف كل الشعائر
يحسين بكلشي ويانه انت حاضر
ألف شكرا إلك يابو علي بأسمك علينه
بكثر خير السمه وخير الأرض تارس أدينه
حبيبي الأولي فقط بس أنت إلي
ياحسين
بغداد
امجد صاحب الشطري
قناة الرجوع الى الله @h_ameer1
قصائد منبريه مكتوبه @h_ameer2
قصائد منبريه مكتوبه @h_ameer3
قصائد نسائية مكتوبه @h_ameer4
حسين يا اجمل صوره بعيني
حسين عندك خادم خليني
حسين ما حب غيرك تدريني
*
انته اشسويت بكلبي حته انجن هيج بعشكك
انه امن الزم شباجك مو ايدي عيوني اتشبكك
شفتك من كد حنيتك يحسين الدمعه تحركك
كل ما مر يوم العاشر دخان الخيمه ايخنكك
حسين انه بأمرك وبكيفك
حسين اهواي افرح لو مر طيفك
حسين بالمجلس حركه انطيني
****
من كد الفطره البينه من نخدم بينه احروره
ومن نكعد نرسم وجهك اشكد تطلع حلوه الصوره
ابني ايلملك يوميته وشفته ايضمها العاشوره
وينصب يحسين الموكب وبالموكب ياخذ دوره
حسين صح ازغار يخدمونك
حسين بس اشكدهم بعيونك
حسين صحت بنارك جويني
***
كل ما اذكر وكفاتك مولاي ايكزبر جلدي
يالتارس جفي بخيرك غيرك بالدنيه اشعندي
يحسين امن اوصل بابك انسه اهلي وناسي ولدي
ويم شباجك ما سيطر وتصب الدمعه بخدي
حسين بس يمك الكه الراحه
حسين ودلالي اطيب اجراحه
حسين بين الناس امعليني
**
اشهر واحد بالعالم دكتور وكلها اتهابه
ابلا مال اتحصل باصه ويشافي المرضه ابابه
عنوانه اطب عالسدره وباب القبله اعتابه
مره ايعالج بالحضره ومره ايعالج بترابه
حسين دكتور الشيعه الاول
حسين والصعبه ابابك تنحل
حسين لو معلول اتشافيني
**
ماعوفك لو ذبحوني يحسين انطيتك كلمه
اليجريلك دمعه بموكب مولاي اتسجل اسمه
اعليك المكطوعه اجفوفه خليني بهاي النعمه
عندي احله ايام بعمري يحسين ايام الخدمه
حسين الزوارك فاتح بيتي
حسين منك ماخذ تربيتي
حسين انه بكيفك سميني
***
تمت
تحسين الخفاجي
قناة الرجوع الى الله @h_ameer1
قصائد منبريه مكتوبه @h_ameer2
قصائد منبريه مكتوبه @h_ameer3
قصائد نسائية مكتوبه @h_ameer4
قصائد الليلة الثانيه مع الالحان 👇
(للخدمه )
ياصاحب الزمان
#اللهم_عجل_لوليك_الفرج
*الحلقه 41*
*كتاب عرفت الله بالحسين*
*ملا ابو امير الفاطمي*
ان الذين يريدون الحصول على التكامل الروحي وضبط النفس لابد ان يصنعوا علاقه جيدة بينهم وبين الله وتلك العلاقه هي الطريق المؤدي إلى درجات تأديب النفس وضبطها او كما نقول تهذيبها ( *انسان مؤدب* ) .. انا شخصيا كنت اريد ان اعرف كيف يكون الانسان إنساناً حقيقياً إلى ان قراءت ماذا كان يفعل الذين سبقونا من الصالحين بعضهم جعل من النفس عدو ثم حاربها إلى ان انتصر على نفسه فكان من الفائزين والبعض الاخر حارب النفس ثم هدبها ثم بدأت يسعى لتحقيق درجات التكامل الروحي إلى ان بلغ مقام مقرب من الله .. هنا لدينا التفاته بماذا بدأ الصالحين.... يتبع
للمزيد https://chat.whatsapp.com/LaYPlAt5mI81biXi6OjpUy
سلسله حلقات *كتاب عرفت الله بالحسين*
https://chat.whatsapp.com/LaYPlAt5mI81biXi6OjpUy
دروس فاطميه https://chat.whatsapp.com/LaYPlAt5mI81biXi6OjpUy
Читать полностью…
استبرق الجنه
……….………………………………………………
حته باذاني باذاني باذني
المهدي عنواني عنواني عنواني
تقره بعيوني امرايه بيهن الحجة وايه
واني انتظر واني انتظر مهدينه
اذن بروحي احساسه بين الشوگ بناسه
كل العمر لو بس يجي والينه
نبضه نبضه نبضه نبضه ودكته ودمه القلب
مو سوالف موسوالف هوه فكري بكل درب
واهس ايماني ايماني ايماني
المهدي عنواني عنواني عنواني
……….………………………………………………
يوسف الزهره اعلينه يبزغ نهاره ودينه
الشمس هاي اتغيب اذا يضوينه
لو بس قميص الغالي لو عطر ريح العالي
وي الهوه نسمة صدك تلفينه
يرجعنه يرجعنه لاوي من عدنه وعرف
يرد علينه يرد علينه اقلوب الي تحبه وترف
ويندب اعواني اعواني اعواني
المهدي عنواني عنواني عنواني
……….………………………………………………
بجيته الربيع ويانه رد الورق بغصانه
الحبه بقه مثل الخريف اعيونه
تفتح ورد بساتنه العاشگ توضه السانه
هاي الارواح الجيته مفتونه
وبسمانه وبسمانه تضحك النجمه وگمر
عجلنه عجلنه ربي نور المنتظر
لشوفه سواني سواني سواني
المهدي عنواني عنواني عنواني
……….………………………………………………
هذا الضوه بلا نوره قران وبلا سوره
كون المغمض والضوه بشمعاته
كل خلق الله اتباعه وكفت بجيته الساعه
وكفت الدنيه وتنتظر راياته
والاخلائق والخلائق هدئت وصوته الهتف
كلها صارت كلها صارت مثل اصحاب الكهف
حبه دلاني دلاني دلاني
المهدي عنواني عنواني عنواني
……….………………………………………………
مفصل اقماش اخياطه استبرق الجنه اكماطه
والمهد من لوح العرش ياقوته
هاي البراسه اعصابه من الله هاي اثيابه
مثل العلگ متبركة ومبخوته
الزهره يمه الزهره يمه ولقلبها ضمته
ويمه عمته ويمه عمته عمته زينب شبكته
نور قراني قراني قراني
المهدي عنواني عنواني عنواني
……….………………………………………………
زين العابدين الشمري
قناة الرجوع الى الله @h_ameer1
قصائد منبريه مكتوبه @h_ameer2
قصائد منبريه مكتوبه @h_ameer3
قصائد نسائية مكتوبه @h_ameer4
إخذ بيدي سيدي او وَصِّلني الك
آنه لو تبقه عَليّ ما أوصَلَك
سيدي خليني اشوفك مو بعيد
كون احسّ أقرب إليَّه امن الوريد
حتى اصيح ابخدمتك هل من مزيد؟؟
ومو رضا النَّفسي الرِّضاك اتوسَّلك
يللي تدري ابَّالي وبگلبي اشيدور
بيك اعوذ امن التَّكَبّر والغُرور
الما فهم معناك مايملك شعور
او كل شي من موضوع طَفَّك مامِلَك
بالخدامه ارزقني مولاي الثبات
وكون ما تبعدني عنك مُغرَيات
ارد اجيك ابيض وجه يوم الممات
الما يخدمك (صدگ) بيش ايقابِلَك؟؟
گلبي مو للمال والشهره يميل
خَلِّي گلبي ايروح يم جود الكفيل
ما أريد ايهمني ( الاهواي وقَليل )
سيدي أدِّبنِي حتى استاهِلَك
آني اشوف اليمشي وَيَّاك ابطمع
ما يضل اشويَّه ليغاااااد او وِّگع
اليستغل الخدمه بالدنيه انتفع
لچن يم الله يروح امزَعِّلَك
ياحسين ابداعة الزهره وعلي
خاف أبعد فدوه مد ايدك إلي
لايذين ابصايتك آنه او وهلي
واليلوذ ابصايتك لا ما هِلَك
سيد علي الموسوي
قناة الرجوع الى الله @h_ameer1
قصائد منبريه مكتوبه @h_ameer2
قصائد منبريه مكتوبه @h_ameer3
قصائد نسائية مكتوبه @h_ameer4
.
✔️ خلاصـةُ الحَــديث :
[فَرْحتانِ فِي التَّاسع من ربيع : ولايــةٌ وبَــراءة]
🎈 الفرحـةُ بهلاكِ عَدّو الزَّهراء وعَدّو أهْل البيتِ (صلوات الله وسلامهُ عليهم) فِي التَّاسع مِن ربيع الأوّل ، فهو رأسُ الكُفْر والنّفاق ، وأساسُ كُلّ باطل فِي هذا الزّمـان ، وهي وتُمثّل مَحطّة الوُضوء والتَّطهُّر والاغتسال بإشعــالِ جَذوة البَراءة والَّلعن لأعداء فاطِمة وآل فاطِمة الأطهار ، ومَن شايعهم وبايعهم وتابعهم ، ورضِي بفعالهم ، ومَن لم يلْعنهم ، ومَن لم يرضَ بلعنهم إلى يوم الدّين .
🎈 والفَرْحةُ الكُبرى ، والأعظمُ والأتم :
هيَ بالتَّوجّه نَحو الفَرْض الأعْظم والصَّلاةِ الأكمل والأتــم ، نَحو ناموسُِ عصرنـا وسببِ وُجودنـا وبقائنـا ، وحَياةُ قُلوبنـا ، وطبيبُ أرواحنـا ، وشفاءُ صدُورنـا :
الحُجّة بن الحَسَن (صلوات الله عليهما) .
#فرحة_الزهراء
#عيد_الله_الأكبر #عيد_البراءة
#هلاك_عمر #رواة_حديثنا
@h_ameer3
📜 زيارة الناحية المقدسة
🍁 أشهد أنك كنت وفيّ الذمم، رضيّ الشيم، ظاهر الكرم، متهجدًا في الظُّلَم، قويم الطرائق، كريم الخلائق، عظيم السوابق، شريف النسب، مُنيف الحسب، رفيع الرُتب، كثير المناقب، محمود الضرائب، جزيل المواهب، حليم رشيد منيب، جواد عليم شديد، إمام شهيد، أوّاه منيب، حبيب مهيب.
أشكــبراك وراح لونك
أشرجعاك بلا عـيونك
رحـت شاب وشيـبوك
خويه بس لا مات أخوك
ــــــــــــــــــــــــــــــــــــــ
حجيلي ياباجي الحبايب
شصارلك يحسين ذايب
منين هذا الشيب أجاك
شنهي المذبـل خضارك
بالصدر محــبوسه نارك
يبس شفاهــك ضماك
غير الماي شنهي الكاسرك كلي
حيلك ويـــن أشو مابيك توصلي
كلشي ولا خبر عـــباس ميتـلي
شضل وراك وتحجي كوه
صعبه حــيل الفركه بلوه
وداعت الزهره وأبوك
خويه بس لا مات أخوك
ــــــــــــــــــــــــــــــــــــــ
أدري خويه النهر يروي
ليش راجع مـنه مجوي
منك شــباك الفرات
الكاصــده ضامي يشربه
مو يهضمه ويجوي كلبه
ويدفن بجرفه الحياة
أشو كالساع أشوفك أيدك تشمها
شعندك مـــن خبر زينبك علمها
أخاف جروح أخونه بيمنتـك دمها
قـلـقـه حيل وطار كلبي
وبالعـروك الحزن يدبي
حيــــره خافــــن حيروك
خويه بس لا مات أخوك
ــــــــــــــــــــــــــــــــــــــ
أيبين الميت عضيده
من مشيته وحطت أيده
فــوك خاصرته ويصيح
أخ يابـــويه أنهبنه
يشبك أخته ويـشبك أبنه
أيدك ع راسه ويــطيح
يبجي وياليـــــشوفه يجابله من أهله
ودمعــــاته تــــجاوب كلمن يسأله
راح حزام ضهري وتجـــوتي يكله
أنفاسه نار ويمشي حاير
شمع ذاب كلــيبه صاير
فــــــــوك جرحك جملوك
خويه بس لا مات أخوك
ــــــــــــــــــــــــــــــــــــــ
أنه جم عباس عندي
من يروح الضيم يبدي
وأنت عندك جم عضيد
جم شمر ناطر ذبحتك
ياغـــربتي ويا غربتك
بيـــــــش يطلبنه يزيد
أيتفرهد خدري خويه المحد يلوحه
وجم شامت كبالي أيعــدل بروحه
يريت الضل غريب ندفن بجروحه
ما يشوف الراحو أهله
بس حبال ونوك هـزله
عـــمت عــــيني عــذبوك
خويه بس لا مات أخوك
ــــــــــــــــــــــــــــــــــــــ
شيبت أدري ع موده
شلون كطعوهن زنوده
والسهم طفاله عين
ماي ماضـــل بجربته
مو تشربه تشمه أخته
وأنه أعرفــنه حنين
بوحده لو بديك أثــنين ضميته
جروحه هواي أخونه خاف أذيته
شلون أنطاك كلبك وحده خليته
بالعــمود أنجسم راسه
من وراه تضــيع ناسه
ماي خوه عـــــطشوك
خويه بس لا مات أخوك
الخادم عبد الجليل المالكي
قناة الرجوع الى الله @h_ameer1
قصائد منبريه مكتوبه @h_ameer2
قصائد منبريه مكتوبه @h_ameer3
قصائد نسائية مكتوبه @h_ameer4
[أول مرة]
محد كاسر ظهري إبگدك - ظيمك غير لوني
سهم الخرب شوفة عينك - دم بچاهه عيوني
بين أسهام وخيل __ وخيل
حيل حسينك رايد حيل
كاسر ظهري
_
ما أتذكر شفت خيالي. من چان العباس أوياي
بالميم وماكمل الچلمه ألگا جايب جوده وجاي
ماگايلي حسين بعمره. خلصهه أب آمرك مولاي
أول مره وآخر مره. گال اسمي وبچاني هواي
..
گدما صافي وياي الكافل - گبالي تبين روحه
متغير هسه اعله الشاطي - وماتنعد اجروحه
فوگ جروحه جروح __ جروح
عباس ابطوله ومطروح
كاسر ظهري
_
چنه ثنين ومحله الخوه بس ثالث طب الذباح
حز نحرك ذباحك ظالم خايف تتلگاني أصياح
عباس ادري شگد تحبني. ماترتاح الا أنه أرتاح
ميت حته تعيش الخوه ماهمك چفك من طاح
..
عدك جربه ويمك شاطي - بس ماشارب گطره
گال اروه انه وريجك يابس - ماترظاهه الزهره
المانعني اروي ظماي __ ظماي
أليعرضلي عيونك بالماي
كاسر ظهري
___
أكبر عازه الما تتعوض. من يحتاج انسان انسان
محتاجك ياخويه وتدري ما يرحم فگد الخوان
وادم موبس حرگو گلبي الوادم تحرگ بالصيوان
مو بس أفراگك عاميني. زينب وخيامي ودخان
..
ياجيشي اول ماشح طولك - شفت الوادم. هدت
حتاريت اركظلك وخيامي - أعليهه الوادم ركظت
صحتك وانته بعيد __ بعيد
بيش أتوچي ومامش آيد
كاسر ظهري
___
متعوب هواي ارد شكيلك وخلافك صار الماصار
ياخويه حسينك ما ميت ويحرگون أخيامه أبنار
أسهام البيه إبگد عشرتنه وأمحدب چني الفقار
شبت خيمه وزينب بيهه وشيوصله المابي يندار
..
ادري بزينب توجع گلبك - چا غير أمربيتك
لوتدري شگد تنشد عنك - أترد ألهه متانيتك
عباس منختك محروم __ محروم
أصوابك ما خلاك أتگوم
كاسر ظهري
____
يا عباس أظعون ألضلت. بين النار. وبين إرماد
راح نموت ويمكن نغفه بس الله إيعين السجاد
راح ايردون ال عبد الله ويذبحونه بخنجر حاد
وادم مگطوعه من الرحمه. جلاد إيحشم جلاد
..
بغظآ بالرجع. شمس الله - حقد الوادم لينه
وچي فقاره أموجر بيهم - ما يعجبهم .دينه
أحنه آل الله وهمه منين __ منين ?
ما ينقاس النور. إبطين
كاسر ظهري
____
سيد عباس الفاضلي
قناة الرجوع الى الله @h_ameer1
قصائد منبريه مكتوبه @h_ameer2
قصائد منبريه مكتوبه @h_ameer3
قصائد نسائية مكتوبه @h_ameer4
مولاتي العليلة صلوات الله عليها
عيني بفركتك ماشافت النوم
يفززني العشك واركض للهدوم
اشمهن والكه بيهن ريحت فراك
وارد اردود يهمل دمعي واشتاك
كاتلنـي الجفه ومتغيـره الرسوم
ــــــــــــــــــــــــــــــــــــــ
اخر ليله اذكر منها وامشيت
كلت ياخذني ابوي وغمضت العين
نمت بويه اعله جلمت باجر نروح
وفزيت اعله جلمت يله ماشين
اخ وسلب روحي الصبح من صار
رحت ماكتلي كومي وياي ترحين
بويه وماشفت بالحزن جلمات
تشبه جلمة الله وياك يحسين
رحت بويه وخذيت العافيه وياك
يمين اجان يضحك سني بجفاك
لكض الباب ليل انهار اتانيك
واسلي الروح بالدمعه اعلى طاريك
ترد لوماترد علباب اظل دوم
ــــــــــــــــــــــــــــــــــــــ
بعد بجفاك صارت روحي بالباب
اصفن وانتظر واتخيلك جاي
اون لوحيدتي منالليل لليل
بس حسبات هجرك كاعده وياي
اشم ريحت اهدومك لوردت زاد
وارد لهدوم عمي منشتهي الماي
ونات المرض صارن قليلات
بس ونات فكدت كلش هواي
كلها اثكال وناتك والجروح
مدري بياهي منهن تطلع الروح
بويه ومن اكـولن اه يحسيــن
افلش كلوبها وتبجـي الحياطين
وتلكاني اعلى هذا الحال كل يوم
ــــــــــــــــــــــــــــــــــــــ
يوجعني النفس يالغالي بجفاك
بدار التخله منك صعبه ينعاش
انامن عود بلكت احلم الكاك
واطش سنين عمري عليك شوباش
انشد بالضعون التمر بالدار
هلبت خبر منك بالعرب طاش
جا كلي شيضل بالروح يحسين
اذا وي كل ضعن فزه منالفراش
يابويه منهيس ضعن لو شوف
حسبالي ضعنكم وازحف زحوف
وارد مكسور كلبي وتجري العيون
منشوفن موش عمي يسوك الضعون
وايس من خبركم واشبع هموم
ــــــــــــــــــــــــــــــــــــــ
جي بيهن شفت وجهك واحاجيك
كضن ماطولن ساعات الوداع
وساعات اليمرن وانتم ابعاد
يكضن واهسي ومايكضن بساع
واكعد والشمس تحرك بالعظام
بويه ومن انام الرمل لساع
لاحيل البكه ولاضلت هدوم
ركدت من كثر ماحاره الكاع
من تطلع لما تسلم على الباب
غطاي منالشمس وفراشي التراب
يبويه وكام جسمي ويالهوه يميل
ابجي الشمس واكسر خاطر الليل
الكمر ينزف ضوه وتبجيلي النجوم
ــــــــــــــــــــــــــــــــــــــ
اطب لغرفتك ومحمله عتاب
مجان البي كعدت وياك احاجيه
واكله الجان يكعد بيك وياي
جفانه ثنينه وماضن نلاكيه
موحش بيتنه وسوده الحياطين
ذاك الظحكتك جانت تحليه
يسليني قميصك من يجي الليل
اشمن ريحتك وبحظني اخليه
يوديني لرقيه الشوك نوبات
واذكر كبل جنه بحظنك نبات
واروحن يم مهد عبدالله انـاغيه
واشوفن مهده ذابل مادري شبيه
واكولن يمكن منـالماي محروم
ــــــــــــــــــــــــــــــــــــــ
يبويه وخاف ترجع وادري هيهات
بعد ماتلكه مني رسوم لوجيت
مــوذيــج العفتها تغيــر الحـال
نحيلــه وبس عبايه ورسم ظليت
بويه ومن كثر ماجسمي نحلان
كمت حته منطب يستغرب البيت
طبعت رسوم خدي بعتبت البــاب
مــن كـد ما اباب الدار تانيت
طبع خـدي اعلى بـابك ليمت تعود
الوادم عودت بس انته مفكود
اخاف الاجل بويه يخيب الضنون
واموت وما اشوفن وجهك شلون
واضن موتي كرب ولاجل محتوم
رائد الناشي
#اللهم_عجل_لوليك_الفرج
قناة الرجوع الى الله @h_ameer1
قصائد منبريه مكتوبه @h_ameer2
قصائد منبريه مكتوبه @h_ameer3
قصائد نسائية مكتوبه @h_ameer4
#نعي
لو ما مجلسك هسه انا جا وين
ضايع يا حسين و ما الي امجان
شكرا خيمتك ربتني عل الاه
وخلت هلدموع ابخدي نيشان
حنين انتة واحن من امي بهواي
يلمعلمني احبك وين ما جان
يلمنطي بناتك خاطر انعيش
يلضليت من الخيل فحطان
جبتني امن ايدي بيدك للعزائات
افتحت كدامي انته اهواي بيبان
اشكد يحسين اعوفك وارجع اعليك
لان ما الكه مثلك سيد احزان
على الفطرة واگلك بوية مرات
انا وياك مثل اثنين صحبان
الما باجي دمع لحسينه شيفيد
صلاتة ابلاية حبك هاية دخان
سترنه ارواحنه لمن لكيناك
وانتة اعلى الشريعه اهناك عريان
ياهو البينه يقبل اخته تنشاف
اكبال اعيون صلفة وتطب ديوان
بناتك طبن ابسوك اليشتمون
كلها اتصيح ها ما عدجن اخوان😭
يلمقدملي كلشي ابيش اجازيك
اقدم راسي لاجلك كون قربان
العشك يكتل ترة العاشكله مذبوح
لو ما مجلسك هسه اهوة ما كان
ماكو انسان صار ابلايه لدموع
وبس المحترك بخيامك انسان
علي العبادي
#اللهم_عجل_لوليك_الفرج
محبين .. عوابس
مجانين .. مجالس
ويســمونه خـــام حســـين
***
حــي الله ارباب المجـــالس والحــزن والدگ
حي الله وادم بالبـــچي اعله حسـينها تشهگ
حبينه والعاشگ صــدگ مفضوح من يعــشگ
تــعتگ الدنيا ويبقـه حـــب احســين مايعتگ
بالحسين .. ننافس
مجانين .. مجالس
ويسمونه خدام حسين
*
الديــن الـــمجالس نتبـــع لحــد يــوازينه
گالوها أصـحاب العقــل كل واحــد ودينه
الشــعب الحــسيني يامن اتدور عنــاوينه
عاصــمة حبنـه كربله وريسـنه أبو سكينه
اهل دين .. مدارس
مجانــين .. مجالس
ويســمونه خــدام حسين
*
الرايـــد يـــشوه هالدرب بفكـــار مســمومه
هـــالفــكر لا مناقـــشه القـضــيه محســومه
الشگگ اهدومه امن العشگ لا واحد ايلومه
عابـس قبلنــه بكــربله هـــم شـگگ اهدومه
المضدين .. نعاكس
مجانيـن .. مجالس
ويسمونه خدام حسين
*
لحسين ماضينه نعم وحسين حاضرنه
ننطي رگـــبنه مـن اجل تعلــه شعائرنه
دولة المهدي من تجي تجبـر خواطرنه
بيـها النشيد الوطني حسين بضمايرنه
للـونيــن .. نؤانس
مجانين .. مجالس
ويسمونه خدام حسين
*
احـــنه عقـيدتــنه البــچي والنوح والدمعه
مابيها شي يامن تضـد كل واحــد اوضـعه
طبعه الذي ايحب من صدگ ميغيره طبعه
هيچ أبو اليمه اهل الـهوى ايعـدونهم ربعه
ملمـين .. بهوى الحس
مجانين .. مـجـــــالس
ويسمونه خدام حسين
*
جــننه حــب المنــذبـح أي نــعم جـــننه
مجلــسه الجنه وياهو يگدر يترك الجنه
ناس احنه نهوه القامه واللطمات والونه
لا مــانـــزل وهـالفـــكر يانـــاس نتـــبنه
مبغضين .. التقاعس
مجانيــن .. مجـالس
ويسمونه خدام حسين
*
حيدر تركي الكربلائي
قناة الرجوع الى الله @h_ameer1
قصائد منبريه مكتوبه @h_ameer2
قصائد منبريه مكتوبه @h_ameer3
قصائد نسائية مكتوبه @h_ameer4
حسين فطرتنه 00 حسين دمعتنه 00 حسين
ــــــــــــــــــــــــــــــــــــــ
كل سنه وعاشورك ايربينه
ومنبرك ياسيدي امحضرينه
الثوب الاسود بالبچي امفصلينه
بلكن اعيونك يفرحن بينه
كل الابيوت ابخدمتك.. ليليله عدنه اقرايه
بالليل مجلس للزلم.. والصبح للملايه
امي تنادي يَولِدي.. شد الحزام اويايه
آنه اطبخ وفوگ السطح.. انته التعلگ الرايه
عادتنه بالموكب نتجمع
لطمتنه لمصابك والمدمع
حسين هيبتنه 00 حسين دمعتنه 00 حسين
ــــــــــــــــــــــــــــــــــــــ
اليخدم ايحصل أجر مولاته
فاطمه اتحب الجرن دمعاته
امحرمك يابو علي اشمحلاته
الشايب ايعزبلك ابشيباته
يحرگنه دخان الطبخ.. مثل الخيم نعتبره
اصخام الجدر مثل الذهب.. هذا الينظف الفطره
حته الطفل هم يختنگ.. واعيونه تجري العبره
شمعلمه يحسين الطفل.. ويانه يلطم صدره
يالحبك رباني تنزيله
مايعلم بس الله تأويله
حسين ثورتنه 00 حسين دمعتنه 00 حسين
ــــــــــــــــــــــــــــــــــــــ
يرسم اهلالك صور للناظر
وحده منهن صورتك بالعاشر
نسمع اتنادينه هل من ناصر
طشر اضلوعي يشيعه الحافر
وزينب تنادي ياشمر.. لاتذبح ابن الزهره
اشمالك تديره اعله الوجه.. واثنعش طبره اتطبره
هذا التحب لونه الشمس.. والجنه تشتم عطره
چا تعطش وانته المطر.. والناس كلهم گطره
يالمثلك بالوادم مانلگه
رازقنه بالدمعه والحرگه
حسين قدوتنه 00 حسين دمعتنه 00حسين
ــــــــــــــــــــــــــــــــــــــ
ياوحيد وهاكثر خدامه
الدنيه تخشع من تمر ايامه
الشاعر يخلص عليك اقلامه
القاري يقره وتلطم اللطامه
وحته الخطيب بمقتلك.. من الله نازل صوته
يقرالك بطوره الشجي.. وايبچي حته الموته
ايگول الحسين امن السحگ.. جثته نحت منحوته
واتلث ليالي اعله الرمل.. محد دفن تابوته
مذبوح ونسوانك مسبيه
يحسين ولموك ابّاريه
حسين حرگتنه 00 حسين دمعتنه 00 حسين
ــــــــــــــــــــــــــــــــــــــ
ياحنين الغرگانه بخيره
اگطع اجدامي التروح الغيره
يالغــــز ربنه الصعب تفسيره
حبك ابارواحـنه تأثيره
حبك الف عام وثلث.. بس مابطل مفعوله
الضايع الماعنده اسم.. خليته يمشي بطوله
انته السفينه الناجيه.. واعمالنه المقبوله
واعله المجالس فاطمه.. هيه امك المسؤاله
والزهره عالخادم لوترضه
يعرضونه اعله اجهنم واترفضه
حسين جنتنه 00 حسين دمعتنه 00 حسين
محمد الجماسي
#اللهم_عجل_لوليك_الفرج
قناة الرجوع الى الله @h_ameer1
قصائد منبريه مكتوبه @h_ameer2
قصائد منبريه مكتوبه @h_ameer3
قصائد نسائية مكتوبه @h_ameer4
ضل ثلث ايام ماشارب الماي
والجسم مطروح ما شايف افياي
قصة الجواد وموتته تشبه حسينه
يا شيعة سمو جبدته الله يعينه
خلصها لوعات
____________
مو دموع ادموم هلن عالنوايب ياعيوني
على امصاب المات ضامي وموقفه ايصيح اذكروني
انحرم مثل حسين ثغره وما شرب ماي المنوني
يامصابه وبغرابه عالترابه اسبل وخابت اظنوني
والجسم مطروح ما كصدته احباب
عالماله جناز يا ثكل الاتراب
منبع علي حك كلفه عمره وسنينه
ياشيعه سمو جبدته الله يعينه
خلصها لوعات
_________
صايم وبالسم تفطر وانفطر جبده يوادم
من صغر سنه الجواد العابد الزاهد العالم
عالسطح مرمي يشيعه وعالتراب الحار نايم
يا عيونه تنظرونه ايجفنونه والفكر بمصابه هايم
اتخيل العطشان من يفطر ابسَم
منكد الاوجاع جبده ايتجسم
كل محب لازم ينسمع بجيه وونينه
يا شيعه سمو جبدته الله يعينه
________
ويلي لو تنضر الحاله من بقه فوك الترابه
صايم وعطشان مرمي وحده وماكو احبابه
تبزع امنالوجع روحك عالجواد وعلى امصابه
يا ونينه الله يعينه شكد حزينه محد امنالغبره جابه
هم مثل الحسين ما حصل افياي
مو مثله مذبوح بس مثله بالماي
ولا مثل عباس بسهم طفوها عينه
يا شيعه سمو جبدته الله يعينه
خلصها لوعات
________
عالسطح مثل الغريب ومنكثر المه ينازع
ينظر اشماله ويميه وماكو اي واحد يباوع
يشبه احسين وغربته لن وحيد وجنه ضايع
يامصيبه شكد عجيبه من غريبه مو منحباب المدامع
من هول الامصاب عاديه بجاه
هم مثل الحسين ظل محد وياه
جانت روايات وعلم منه تجينه
يا شيعة سمو جبدته الله يعينه
خلصها لوعات
________
كون مو بالكاع امامي بالكلوب يصير دفنه
الزمن صوبنه بكواكب جا بعد شيريد منه
كون يضهر ابو صالح من الموادع تعبنه
يوم حيفه يجيبه سيفه يصير ظيفه الثار ولعده يتعنه
ويطالب ابثار من جبده سموه
وال ثلث ايام عالغبره عافوه
ثار الجواد ايطلعه الغايب ولينه
يا شيعه سمو جبدته الله يعينه
خلصها لوعات
_________
#لاتنسوا_صاحب_الزمان_من_دعائكم
قناة الرجوع الى الله @h_ameer1
قصائد منبريه مكتوبه @h_ameer2
مجالس خادم الحسين @h_ameer3
قصائد حسينيه مكتوبه @h_ameer4
المكان الخالي من عدك مضل بيه
هُدى دربك يبو اليمه مضل بيه
جسم حسين يا وادم مضل بيه
خليه ابلا سهم بالغاضريه
#لاتنسوا_صاحب_الزمان_من_دعائكم
يانور للعتره
مظلوم ك الزهره
يا فظلك اشكبره
صادق زمانك...صادق زمانك
__________
اسمه علينه يمر
تعلمنه منه الصبر
ما يسوه شي بالعمر
لو ما حدث تنتظر
المن تعيش افتهم
والمن تريد العلم
بين الاهم والمهم
يحتاجك لكل عزم
يا راي بي حكمه
يا جوهر ابعلمه
معروف من اسمه
صادق زمانك ...صادق زمانك
_________
جعفر الصادق اله
بكلب العلم منزله
وخدوده امبلله
لمن تمر كربله
زينب ذكرها وحزن
هم ما صفاه الزمن
مرت عليه المحن
زادن ابد ما كضن
صامد بقه ايكابر
يبجي على العاشر
ملجوم عالحافر
صادق زمانك ......صادق زمانك
_________
بوكتك جنت مدرسه
اكبرهم امدرسه
ذكر الزمن لو نسه
ما فاركاك الاسه
وعيونك الدامعه
بوكتك جنت جامعه
كل للزمن سَمِعَه
وهاذ الحجي يطَبعَه
سَموك وافضالك
ماتنعد ابجالك
والدين حامالك
صادق زمانك ...صادق زمانك
_________
مثل الحسن موتتك
ظلت تون شيعتك
كل الفتن اذتك
كاسرهم ابطيحتك
بكلب اليحبك عشت
يا جعغر وما متت
بالينبظ اتربعت
وبدمنه صادق صرت
ياموت ما عافك
مسموم واشفافك
حزنان واوصافك
صادق زمانك ...صادق زمانك
__________
متروسه روحك حزن
عالزهره تبجي وتون
تخنك يكلمة وان
عاقبته صارت فان
الضدكم ذكر مال اله
لا نسله ولا هله
ما ينعرف اوله
كلمه ابشرف ماتله
يا سور بعلومك
معروف من يومك
والدين مرسومك
صادق زمانك...صادق زمانك
__________
#لاتنسوا_صاحب_الزمان_من_دعائكم
قناة الرجوع الى الله @h_ameer1
قصائد منبريه مكتوبه @h_ameer2
مجالس خادم الحسين @h_ameer3
قصائد حسينيه مكتوبه @h_ameer4
#يتعب____ام_عون
شلونك يا تعـب زيـنب اجيـتك والـدمع هدني
وحك كلشي الوجـع كلبـك كلبي اعليك يوجعني
يفحطان اعله شرب الماي وانه اركاضي فحطني
تاخـذني ردت يحسين مـوش الغـربه تاخـذني
عـلى امـدافـع زلـم والخيل
وصـلـتـك يـا چـبـير الحـيل
اشلـكـيـتك يـا بـخـيـت الله
تتـلـوه وجــروح اتــعــيــل
يتعب ام عون==ياخويه
يتعب ام عون==ياخويه
=============================
يمتعوب اشكـثر مذبـوح هـا گـد تـعـبـك ذباح
خلص هوه اشيخلص الخيل مامكتوب الك ترتاح
يمشلوع الكلب يحسين عليك ولا عدلت اصفاح
يطولي وطايح اعله الضيم چا شله ويطولك طاح
لا عـايـفــنـي لا عــفـتــك
اندهر كلبـي لـمـن شـفتك
الـ بكـلبـك هـذني حسـين
خذن خويه مـچـان اخـتك
يتعب ام عون==ياخويه
يتعب ام عون==ياخويه
=============================
شفتـك مـن گـفه الـدخـان لا بيـك وتگوم ابهاي
اشتريد الوادم واخلوك عـالگاع وتلـوج اهـواي
صحت عطشـان مـا جابو ولـو نگاط من الماي
تعبان وعليـك الخيل إلـ راحـت تجيـب الـ جاي
يـمتـعـوب اعـله گـاع الله
اصـم الله اتـعثـر اصم الله
وي كـل لـوجه مـن اتلـوج
امـوتـن يـــا بــو عـبـدالله
يتعب ام عون==ياخويه
يتعب ام عون==ياخويه
=============================
يحسين الـعـده اخو مثـلك ما يرتـاح ابـد گلبه
يكضي الدنيه شيب ابـ شيب الرايحله اخو ايحبه
يـ طالع من وجـع روحـي اخـلافك زينب ابـ غربه
عبرتك من ضجيج العـين وگلبي اندلك ابـدربه
خلفالله الــــيدك يحسين
چـا تاهـت تـشـوف الـعـين
وحكـك چـا تـره امن الظيم
محسوبه اختك على الميتين
يتعب ام عون==ياخويه
يتعب ام عون==ياخويه
=============================
عليك العـبرن ابـ روحـك گلي ابهاي اصير المن
{النسوان} {الخيم} {نحرك}كلهن بختك التمن
اكلـك خـويه اسـمع هـاك وادري بـيهن ايغـثن
مو زينـب فـقط طلـعت خواتـك كلـهن وطلعن
طلـعـنه وخـويه چا حگنه
چـبـيـر الـساده طـاح النه
صحنه حسين خويه هواي
احـترگنه وفزعه بس ردنه
يتعب ام عون==ياخويه
يتعب ام عون==ياخويه
=============================
سجاد ابراهيم الكعبي
قناة الرجوع الى الله @h_ameer1
قصائد منبريه مكتوبه @h_ameer2
قصائد منبريه مكتوبه @h_ameer3
قصائد نسائية مكتوبه @h_ameer4
هوسات رباط لولادة بدر البدورالمنتظر عج
بدت روحي يوادم بالعشگ تسرح
وللموعود گامت بالـــفرح تشــرح
حته الليل عيــّـــد وابيض اتوشح
((ونجــــــوم اسمانه اتغنيله))
أفرح يالمحب حاان الفرح حــــااان
مولود انولد بخمس طعش شعبـان
راعي الغيره اجاها وفرحت الاكوان
((وشمس الله تغازل بعيونه))
حرت شكتب يمهدي وحارت الافكار
ردت اوصف جـــمالك والعـگل حااار
جميل هواي يوسف من جــمالك غار
((من نورك مشتقه انواره))
غالي انته عليه واغله من غــــالي
ويدگ اعليك حيل اب نبضه دلالـي
ويّاك الفرح والســـهره تــــــحلالي
((كون الله بوجك ضاويهه))
ـــــــــــــــــــــــــــــــــــــــــ
✍️ياسر الزيادي
قناة الرجوع الى الله @h_ameer1
قصائد منبريه مكتوبه @h_ameer2
قصائد منبريه مكتوبه @h_ameer3
قصائد نسائية مكتوبه @h_ameer4