-
قناة تختص بنشر القصائد المنبريه المكتوبه الخاصه بالنساء. قناتنا الرسميه @h_ameer2 قناتنا الثانيه @abdameer قصائد النسائيه @h_ameer2 لا تنسى الدعاء لصاحب الزمان عج
هيَّ أُمنيات كانت في قلب أولاد الغريب مسلم أبن عقيل عليهم السلام
أن يحضروا زِفاف مولاي القاسم عليه السلام
___
( عِرس الشمس )
___
ها يلولاد
عرس ابن عمنه الحسن هليليه
امشونه خنروح
وي اهلنه ولازم نتچيله
هاااا يلولاااد هااا يلولاااد
-------
يسولفون اولاد مسلم والسوالف بس حزن
عن عرس بي بس بواچي وصوت الگلوب التوّن
فاگدين اوجوه اهلهم وعاده باليفگد يحن
اتمنو ايحضرون عرّس القاسم وتضوي المدّن
ابهيده يا ريح
ودّي المعاتب اله واحچيله
ها يلولاد عرس ابن عمنه الحسن هليله
---------
تمشي بينه اشگد أماني نحضر بعرس الشمس
ونفرش الگيعان فرحه ونعلگ اشموع العرس
وتسهر الدنيه لفرحنه ابكل ضحكها المنحبس
وعين ابونه اتعاين النه وتبتسم لينه ابهمس
يله يولاااد
چف ابن عمكم ضوه انحنيله
ها يلولاد
عرس ابن عمنه الحسن هليله
-------
كل عمرنه انحسبلها فرحة القاسم شهر
نعلگ اشموع الصواني والسمه اتهلهل مطر
ونرسم ابكل خطوه زفه لحد توابيت السهر
بس لچن وجه الليالي گابل الفرحه ابقهر
والمسافاااات
تنرسم خطوة ذبح توميله
ها يلولاد
عرس ابن عمنه الحسن هليله
---------
ها يخوتي امشونه يلّه ووغطو اثار الظرب
هذا ابن عمنه الحنين ودمعه يوجع لو يصب
زحمه عرسه ابلايه زفه شنهي شتگول الغرب !!
عرس ابن شيخ المظايف سكته! ،، هالموقف صعب
شنهي يحتاج
طيحو حدره وكلها فدوه لحيله
هايلولاااد
عرس ابن عمنه الحسن هليله
-----------
صوغة القاسم دمانا من نحرنه انقدمه
لعمره ،، بس لا يطفه لونه وتزغر ادروب السمه
اسم الله لا تذبل حياته وينحصد ..مو موسمه
وبمكان الحنه چفه ينترس لچمه ودمه
والرمل حاااار
امشونه خل بچفوفنه نفيّيله
ها يلولاد
عرس ابن عمنه الحسن هليله
---
#عبدالله_بريسم
قنوات مؤسسة فاطميون
قناة الرجوع الى الله @h_ameer1
قصائد منبريه مكتوبه @h_ameer2
مجالس خادم الحسين @h_ameer3
قصائد حسينيه مكتوبه @h_ameer4
يا أبا عبدالله
يا أبا عبدالله
__
مولاي أدمها نعمتك دمعتي ولطمة صدري
هاي الأريدنها وبعد ما اريد شي من عمري
مقصر بشكري لحظرتك وشلون اشكرك مدري
مجسلك سواني بشر وخلاني اعرف قدري
ما اريدها دروب الخلگ
خليلي درب قرايتك
مو أهلي سوني آدمي
لا والله انه سوايتك
__
رآيد بخدي دمعتي ما ينكطع مجراها
بداعت الرافكها البچي من الظعن خلاها
بداعت الورمتلك جدم بالنشد من ممشاها
ذيج النطت أربع ولد شمقدم انه وياها
عادي آخذ من عندي العمر
واكطع علي حته الهوه
وخليني انه وخدمتي
الآخر نفس نبقى سوه
__
شكراً لجرحك سيدي لباب العزه چراني
نعمة واجت عينك علي ماجبت واحد ثاني
تايه انه مضيع الدرب بس نورك الدلاني
يالما عفتني بدنيتي بآخرتي هم تلكاني
كبرلي حزني برحمتك
خليني اموت من الدمع
دمعاتي ادريها غداً
تتحول بگبري شمع
__
اذنب و اردلك واعتذر روحي الك مرجعها
بس انته فاتحلي گلب وسوالفي تسمعها
ردت ارفع ايدي للعفو بس استحيت ارفعها
يالتشفع ذنوب الخلگ هاگ ايدي لا ترجعها
يابو المحنة والكرم
مطلوبلك انه شكثر
ماعندي غيرك سيدي
امشي وأردلك واعتذر
__
كل خيري منك واجرحك وبفيك مغطيني
ماكلك انطيني بعد كلشي انته شو منطيني
بس انه اعرف سولتي ماكو شي يترس عيني
مو فضلك منك ياجرح كل مجلس يبچيني
وشما يلومون اعشگك
لن حبك بگلبي انفرض
يل خدمتك حظ وبخت
والما لطملك ماله حظ
__
حسين علي التقي
قنوات مؤسسة فاطميون
قناة الرجوع الى الله @h_ameer1
قصائد منبريه مكتوبه @h_ameer2
مجالس خادم الحسين @h_ameer3
قصائد حسينيه مكتوبه @h_ameer4
يانور للعتره
مظلوم ك الزهره
فظلك علينه اشكبره
صادق زمانك...صادق زمانك
______________________________
اسمه علينه يمر
تعلمنه منه الصبر
ما يسوه شي بالعمر
لو ما حدث تنتظر
المن تعيش افتهم
والمن تريد العلم
بين الاهم والمهم
يحتاجك لكل عزم
يا راي بي حكمه
يا جوهر ابعلمه
معروف من اسمه
صادق زمانك ...صادق زمانك
_____________________________
جعفر الصادق اله
بكلب العلم منزله
وخدوده امبلله
لمن تمر كربله
زينب ذكرها وحزن
هم ما صفاه الزمن
مرت عليه المحن
زادن ابد ما كضن
صامد بقه ايكابر
يبجي على العاشر
ملجوم عالحافر
صادق زمانك
_____________________________
بوكتك جنت مدرسه
اكبرهم امدرسه
ذكر الزمن لو نسه
ما فاركاك الاسه
وعيونك الدامعه
بوكتك جنت جامعه
كل للزمن سَمِعَه
وهاذ الحجي يطَبعَه
سَموك وافظالك
ماتنعد ابجالك
والدين حامالك
صادق زمانك ...صادق زمانك
_____________________________
مثل الحسن موتتك
ظلت تون شيعتك
كل الفتن اذتك
كاسرهم ابطيحتك
بكلب اليحبك عشت
يا جعغر وما متت
بالينبظ اتربعت
وبدمنه صادق صرت
ياموت ما عافك
مسموم واشفافك
حزنان واوصافك
صادق زمانك ...صادق زمانك
______________________________
متروسه روحك حزن
عالزهره تبجي وتون
تخنك يكلمة وان
عاقبته صارت فان
الضدكم ذكر مال اله
لا نسله ولا هله
ما ينعرف اوله
كلمه ابشرف ماتله
يا سور بعلومك
معروف من يومك
والدين مرسومك
صادق زمانك...صادق زمانك
______________________________
علي نبيل الكربلائي
٢٠٢١/٦/٦ الاحد
قنوات مؤسسة فاطميون
قناة الرجوع الى الله @h_ameer1
قصائد منبريه مكتوبه @h_ameer2
مجالس خادم الحسين @h_ameer3
قصائد حسينيه مكتوبه @h_ameer4
مسير الضعن الى كربلاء
ضعن زيـــنب كله غيره
شايل اعله الناگه اميره
والامان اوياهـــا يمشي
دايره اعليــهه العشيره
راحت اويه اخوانهه وشدت رحال
امخدره وهيبتهه برســـوم الخيال
والهوى ايسلم عليـــــــهه من بعيد
وين مازينب تحط حـــــط الدلال
هاي زينب
والزمن عينه عليـــــــهه
بخت امهه كله بيــــــهه
اتراقب ابدرب الخــــــذاها امدلله
هاي زينب
خل تطول السـفره كلهه
شوف تشبع مـــن اهلهه
تدري باچــــــــــــر تنتظرها كربله
-------------------------------------
سلمت شمس الغـــــــياره
والوطن اضـــــــــلم نهاره
رايحــــــــــــين براية الله
والضعن للطـــــف مساره
كل مسافه حســــــــين ويدير النضر
يفگد اخته شلونهه بهـــــــــذا السفر
العزيزه وي اهلــــــــــــــــــهه امعززه
من يميل الهــــــــــودج ايعدله الگمر
كلشي عدهه
عدهه عباس وحنيـــــــنه
وابو الاكبر بالضــــــــعينه
تارسين عيونهه وعـــــــــين الشمس
كلشي عدهه
هيه اختهم هيـــــه امهم
من تگول احچـايه يمهم
چنهه صوت امهه ســـــوالفهه همس
-------------------------------------
سفره وشمحله المحامل
بيهه شيخ وبيــهه كافل
مانزل محمـــــــــل رقيه
يمشي وياها ابو فاضـل
والسوالف چـــــــانت بطاري الدرب
ها وصلنه الكربله اشــــــگد ونطب
والبنات اعله العليـــــــــله ايسولفن
مايجي اعله البال طاريــهه الحرب
والمنيه
ياضعن تمشـــي ابدربكم
والعطش يتگــــرب الكم
حسبت ايام وحلـــــــم يندهـ حلم
والمنيه
من حياطين المــــــدينه
طلعت اوياكم حـــــزينه
باچر ابليه حياطــــــــــين ابخيم
-------------------------------------
الليله ملتم كـــــل شملهم
حته ليــــل الله ابسترهم
بعد چــــــم ليله ونشوفه
مايصح افيــــــاي عدهم
الليله عدهه اخوان زينب من تنام
على خيمتهه الگـــمر ينصب خيام
هنه چم يوم الوكت بالــطف يدور
باچر امن اعبيهن ايســــون ضلام
والكفاله
الهه يوم ابلــــــــيه راعي
محــــــــد بزينب يداعي
من تشوف اخيامــهه ايصيرن جمر
والكفاله
عد ابو فاضــــــل چبيره
زينب اتعيش بضميــــره
شلون باچـر من تشوفه اعله النهر
-------------------------------------
هاي ديـــــــره بليه حشمه
حسين من ايطبــها يضمه
تنسلب بيــــــهه الفواطم
والرضيع ايفطـــمه سهمه
يهب صوت امن العليله اويه الهوه
بويه ارجع لاتمــــــــــــوت ابنينوه
فر ضعنكم لايعطشـــــــوكم حرام
ردو ليه الگعده ويـــــــــــاكم دوه
وين رايح
ماتلوگ الــــــــــــوادم النه
والوكت ماهــــــــو وكتنه
عندي عمه اويـــــــــاكم اترد ليمته
وين رايح
خطوه خوف وخطوه دمعه
گلبي لو يحچـــــي وتسمعه
چا سمعته ايگــــــــول ردو ابدگته
خادم القصيده
شاكر الصيمري
قنوات مؤسسة فاطميون
قناة الرجوع الى الله @h_ameer1
قصائد منبريه مكتوبه @h_ameer2
مجالس خادم الحسين @h_ameer3
قصائد حسينيه مكتوبه @h_ameer4
بفضل الله تعالى وسادتي محمد وال محمد
تم زيارة امير المؤمنين علي بن أبي طالب عليه السلام.
والامام الحسين عليه السلام واخيه ابا الفضل العباس عليه السلام
واصحاب الحسين عليهم السلام.
زياره نيابيه عن جميع المشتركين في هذه القناة المباركة
من كانت له حاجه او طلب خاص يرجى مراسلتي @abwameer93
اللهم إثار لوليك الفرج...... اللهم إثار لوليك الفرج
عجل اللهم عجل في فرج مولانه
حضرة العباس حاضر والحسين ويانه
كلبي يشعر بيه حاضر هالفتح بيبانه
الارض والناس كلهه والسمه حزنانه
نتمنه نسمع يوسف المهدي خرج
^ ^
منالزغر عالتالي اهلنه هكذا معلمينه
خلي جفك فوك راسك لو يمر مهدينه
انته بس اذكر القائم والله هوه يعينه
الدنيه ضلمه بدون قائم هوه المضوينه
بلكي الجمعه نسمع للسمه المهدي عرج
* * *
المهدي من يخرج الجمعه يبني وصله امنالسمه
ها هُنا يكتب يزاير هاذ مرقد فاطمه
وياخذ الغيم بزحمته لان كلا للضمه
يسجل الماي بعضمته باسم حماي الحمه
والخيل اشوفه من اجل ثاره انسرج
^ ^ ^
عدنه قانون الخدامه لا ابد منعوفه
والسبب واضح قضيته وقصته معروفه
من تمر الاربعين ويه اليزور انشوفه
انكول هاذ المهدي جايب للكفيل اجفوفه
والكاع لاجل الحسين بيهَ كل هاذ انولج
* * *
لكربله يمر ابو صالح من اجل خدامه
بموكب التطبير حاضر يلطم اعلى الهامه
وبالمجالس هوه اليشد قوة اللطامه
يذكر حسينه وسيوفه من يشوف القامه
وعالفطره بسمه لساني بحروفه لهج
؟ ؟ ؟
حاضر بكلشي ابو صالح وين مايلكاكم
تمشي تبجي تقره تنعه ابو حسين وياكم
مانسيتو حسين هوه يكول ما انساكم
من تجون ازياره والله انه الاتلكاكم
بس انتو عده ماتتركون النهج
* * *
#علي نبيل الكربلائي
قنوات مؤسسة فاطميون
قناة الرجوع الى الله @h_ameer1
قصائد منبريه مكتوبه @h_ameer2
مجالس خادم الحسين @h_ameer3
قصائد حسينيه مكتوبه @h_ameer4
السلام على :
العبد الصالح
الولي الناصح
المحتسب الصابر
الاخ المئآزر
المجاهد الناصر
قمر بني هاشم
ابن السادة الاكارم
كافل العقائل و الفواطم
باب الحوائج
رفيع المدارس
صاحب الكرامات
منفس الكربات
مالك نهر الفرات
بدر العشيره
قافل المسيره
نافذ البصيره
سبع القنطره
مرعب الكفره
شبل القسوره
سيد البرره
ليث الحريبه
حامل اللواء
حاصد الاعداء
بطل نينوى
السّقاء
معلم الوفاء
مغبوط الشهداء
كفيل الحوراء
عين الزهراء
ساقي عطاشى كربلاء
شفيع المذنبين
غياث المستغيثين
كريم اليدين
واهب الكف والعين
صاحب الجناحين
ابن امير المؤمنين
قربان ام البنين
ذخر سيد الوصين
اخو الحسين
ظهر الحسين
شمل الحسين
باب الحسين
ليث الحسين
سيف الحسين
درع الحسين
حامي الحسين
ضامي الحسين
@h_ameer2
معصب رد عليه بدمه سابح
ويتمايل ابمشيه حيله رايح
الاسمه يعين كل من رايد يگوم
من اصوابه صفه كل ساعه طايح
ــــــــــــــــــــــــــــــــــــــــــــــــــــــــــــ
من اول طلعته من الدار وانه يخفگ غده گلبي
سالم مايرد حسيت وراح يروح من گربي
طلع ونگطع نفسي اوياه .. وشح الهوه البالريه
وافرفح وادعي رد سالم علي بداعت علي ربي
ساعه ولن شفت ضجه بسمانه
گلت راح العزيز وفگده اجانه
شيحمل فرگته ياربي صبرك
بس حيدر يسد حيدر مچانه
ــــــــــــــــــــــــــــــــــــــــــــــــــــــــــــ
ماجذب خُبر گلبي .. مصوب جابو الوالي
ليسد عين الشمس يناس .. جدمه يخط وراه تالي
الملاگاه يرد الروح ... من لاگيته اخذ روحي
كسرت طوله تهضم حيل ... اه يا كسرت العالي
ريت امغرب الجناز بيه
ولاصدت اعيوني لهل رزيه
اف ياناس حيدر هذا حاله
من ايجر النفس يتچه بيه
ــــــــــــــــــــــــــــــــــــــــــــــــــــــــــــ
بكثر مالاچمه اصوابه .. ثگل فك الجفون اعليه
لفرگ حواجب الملعون .. واصل طگته وماذيه
لو گال اسمي بيه ايغص .. بين ادموعه وصوابه
ولا يگدر يضم البيه ولا يشكيلي من البيه
بهامي اندار ريته اصوابه كونه
هينه ولا يحرمونه من ابونه
بطبرتك بويه فز عاشور بيه
وچن فوگ المهازل رچبونه
ــــــــــــــــــــــــــــــــــــــــــــــــــــــــــــ
رجيف السم اخذ حيله .. وجلمته كوه يطلعها
وكل شهگت وجع منه .. روحي وياه يشلعها
شواي شواي گام الموت .. بيه يبوگ من ايدي
بطل حيلي صفه چن عود .. ارسومه اصوابه ضيعها
اف ياگلبي باقي لهسه وادگ
وعزيزك يلچم لو نفس يشهگ
راعيك امغرب ضلتك المن
تموت اوياه كون بعشگه تصّدگ
ــــــــــــــــــــــــــــــــــــــــــــــــــــــــــــ
اسم الله عليك من الموت ... يبعد ابنيتك اسم الله
يعافيت الخلگ والكون عگبك ما الي ضله
اگضي سنيني من دونك ... شيقنعها چا روحي
متحزم شجاه البين عليه اعزاز ماخله
شلي بدنياي بويه خلافك انته
الابو من يموت كونه اتموت بته
مايهنالي عيش وگعده دونك
انه صوابك حرز وبگلبي شلته
ـــــــــــــــــــــــــــــــــــــــــــــــــــــــــــ
صوابه ماتسده ادموع .. لوحط بالجفن نيشان
المصوب عزيز الروح .. ابوي وموش ياهو الچان
البوجهه اشوف امي .. المعيشني بعيونه
علي الماينشبع منه .. علي لبرسومه چم قران
ابوي وشيخنا وتچايت الدين
واملح سالفه بحلگ الدواوين
انه رايحلي زلمه كل هذن عده
من فراگه جا شيسد الونين
امير الساعدي
قناة الرجوع الى الله @h_ameer1
قصائد منبريه مكتوبه @h_ameer2
مجالس خادم الحسين @h_ameer3
قصائد حسينيه مكتوبه @h_ameer4
بيا جرح عينك تنام
بنزف راسك والصيام
وين رايح ياعلي تصيح اليتامة
وعطر جفك بينه خليته علامة
___________
رد مشيول حيدر ودمه بكبره
قالع باب خيبر هزته الطبره
الما كدروله كلش كدرو لغدره
ذيج عمامته وسفه صبحت حمرة
كلهم ابابي استريح
زينب أدريها تطيح
تموت زينب لو لكتني بدمه الهامة
__________
سمعنه علي محتاج اللبن منه
ركض جيناك بالعدنه والماعدنه
عليك الزهرة حيدر لا تفاركنه
اذا انته تموت احسبنه هم متنه
ياهو اليديرلنه بال
انته بس راعي الحلال
كلها ابابك تكلك بالسلامة
___________
ابو الفقرة الحنين العاف محرابه
نزل دمه الشريف بالحيته خضابه
وحشة وغربة صارت ليلة مصابه
وتصيح الفقرة يومك الله لا جابه
وياك ماردنه الوداع
بدونه نصير بضياع
الليل بعدك ياعلي محد ينامه
__________
كلش مو وكتها روحتك صارت
زينب فكدتك وايتامك احتارت
الشمس ماطلعت بذاك الصبح غابت
يوجه الله عكس دنيانه أندارت
يالمعيشنه بأمان
لا تكول الفكد حآن
بكل وجه تارك يمولاي أبتسامة
__________
يمن حته النجم والكمر خاطرك
اجانه العيد ردنه وياك نتبارك
يبونه شلون هيج وضاعت اخبارك
بلا ضيك الدنيا فاهية و دارك
فكدك مخلف جروح
كلشي صار بلايا روح
من رحت حسينه جن يوم القيامة
__________
حسين علي التقي
قنوات مؤسسة فاطميون
قناة الرجوع الى الله @h_ameer1
قصائد منبريه مكتوبه @h_ameer2
مجالس خادم الحسين @h_ameer3
قصائد حسينيه مكتوبه @h_ameer4
ذات مرة : أن أحد علماء السنة كتب كتابة وصفه بأنه سيتنزل على الشيعة كالصاعقة ، ومع هذا فقد ذكر في كتابه رواية عن عائشة أن رسول الله ( صل الله عليه وآله ) كان في حجرتها فافتقدته في نصف الليل ، فبحثت عنه في سائر حجرات أمهات المؤمنين ، فلم تجده حتى وجدته على سطح حجرتها حافية ، وقد مد كفيه إلى السماء ، وكان يقسم على الله بحق علي : ( إلهي بحق علي ) فقالت له : ألم تجد أفضل من علي تقسم على الله به فقال : والذي نفسي بيده ، ني نظرت في السماء فلم أجد أفضل من علي ، ونظرت فيا الأرض فلم أجد أفضل من علي ، ونظرت في الشرق والغرب فلم أر أفضل من علي فأقسمت على الله بحقه .
Читать полностью…
خبر عاجل صدر وأختنگت الأنفاس
الأملاكه الله أمر. حيو أبو العباس
من نزل حيدر بدر چنه يحكم بالحشر
وأختنگت الأنفاس وأختنگت الأنفاس
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
ظاگت أنفاس العساكر أوجوه صارت تنگلب
گلبت امن الخوف صفره ونشف دمهه البالگلب
بدر من طبلهه حيدر خلفه ريح أتهب رعب
بظهر جبرائيل راكب علي من طب للحرب
طاهه العلي أبتسم من شافه بالميدان
بيده أيرف العلم ويسحك على الفرسان
خطف أروح أشكثر چنه يحكم بالحشر
وأختنگت الأنفاس وأختنگت الأنفاس
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
من دخل للحومه حيدر هزه صارت بالسمه
ألتحم بالجيش وأشهر علي بيده صارمه
عالرگب من مر فقاره وحده ظل يگطر دمه
وخلفه عزرائيل واگف بيده دفتر لازمه
بفقاره من حصد عزريل ظل محتار
دفتر طلب بعد بي يسرد الأخبار
جثث خله أبكل كتر چنه يحكم بالحشر
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
زلم تركض زلم توگع شنهو صاير ياتره
خيلهم بطلت تصهل گام ترجع لي وره
گرب يوم الحشر ظنوا بدر يوم الأخره
وعلى أبواب جهنم جثث وزع حيدره
وزع علي حصص جثث يم كل باب
بالحومه دگ جرص ظنو جرص الأحساب
دفن كل عشره أبگبر چنه يحكم بالحشر
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
الله ميكائيل أبعث فهمه وبما يلي
مسرع وللأرض گله ياملك أنزل ألي
الدنيا ماتبقى أحسهه راح يگلبهه الولي
ألحك وخلي جناحك أيثگل أبيمنت علي
خل جنحك ينكسر ولا تنگلب الأكوان
أمسحله ينجبر يرجع مثل ما جان
سالم ومابي كسر چنه يحكم بالحشر
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فتح حلگه ذو الفقار وفوگ كل رگبه لكد
وأرتفع صوته محمد ياعلي حيدر مدد
هاي أول حرب بيها وبيها ماصاير أبد
ميت ومگطوع راسه ليش جا يشرد بعد
كل ميت الشرد ظن هوه عنده راس
مايدري بس جسد. يركض بلايه أحساس
أيريد يلبدله أبوكر چنه يحكم بالحشر
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
شارفت واعله النهاية. وأقترب وقت الحسم
وأنعلن فارس بدرهه الكسر أخشوم الزلم
رايته ظلت ترفرف والنبي ظل مبتسم
روح طاهه روح حيدر يختلف بس الأسم
طاهه وعلي سوه متشابهه الأرواح
لو شمو الهوه يطلع عطر قداح
أثنينهم نفس العطر چنه يحكم بالحشر
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
رامي أبو سكينة السماوي
قنوات مؤسسة فاطميون
قناة الرجوع الى الله @h_ameer1
قصائد منبريه مكتوبه @h_ameer2
مجالس خادم الحسين @h_ameer3
قصائد حسينيه مكتوبه @h_ameer4
عد كفيلي امّنّي بويه وسافر
بس اظل برجاك يوم العاشر
ــ* *************
هدم بيتي الصوباك بهامتك
من شفت دمك امخضب شيبتك
ايست بويه بعد من گومتك
عفيه گلبي شلون يدري وصابر
ــ* ************
تدري عن كل فرح بعد امي صمت
الكسِر بيّه ولوله حضنك مانمت
بداعت اعيون امي گتلك ماگمت
بعد ماتاني وگفتك باجر
ــ* *************
لاضماد يفيد جرحك لادوه
صحت ويلاه انا واخواني سوه
من تغمض عينك ويطفه الضوه
يظل جفني ايصب دمع ومساهر
ـــ* *************
بالوداع اكضي العمر مكتوب الي
امس جدي وامي والليله علي
وابومحمد باجر وبالطف هلي
بالي من هالليله بالطف حاير
ــ* *************
كربله تاخذ اخوتي وهيبتي
خايفه وكافل اريد امن اخوتي
يمنة العباس خلها بيمنتي
گتله تتكفلني گال اي حاضر
ــ* ************
گوه راح اصبر يلفراگك رمح
بالگلب روح وتظل بيّه جرح
ادري تتعذر حسينك بالذبح
وتدري بحسين اشيسوي الحافر
ــ* ************
ليل عاشر بيّه باجر من يمر
مالي غيرك مااريدك تعتذر
رايده اعباتك امان النه وستر
تجبر بجيتك كسرته الخاطر
ــ* *********
علي محسن الزيادي
قناة الرجوع الى الله @h_ameer1
قصائد منبريه مكتوبه @h_ameer2
مجالس خادم الحسين @h_ameer3
قصائد حسينيه مكتوبه @h_ameer4
رحله فركه والخطوه بالف خطوه
الدنيا بدون والد كلشي ماتسوه
____________
يابويه اني زينب لا تفاركني
تراهي كلفه بويه من توادعني
اعيش اني بدونك والضهر محني
تره لجمه بدليلي موادعك سوه
__________
يبويه ارحم بحالي وافتح جفونك
بنيتك وال اولاد اهواي يردونك
لجل زينب يبويه صدلي بعيونك
وشوف بحالي بويه اوداعك اشسوه
_______________
ايتامك اجتني اليوم. يا كرار
بدمعتهم ونهم ناح باب الدار
شلون تروح عنهم وانته حامي الجار
العوز بغدرتك عل وادم اتقوه
_________
انته النون وال كاف وألم نشرح
والقرآن كله بشخصك توضح
من ساعه رحيلك صار ألم نذبح
بغدرهم صابو القرآن وال نخوه
____________
ماتعيش البنيه بدون. والده
لو تملك الدنيا تعيش ماعده
شلون تغيب عنه وانته ساعده
ضعيفه تصير بعدك بويه مو لبوه
ضرغام منعم الكربلائي
قنوات مؤسسة فاطميون
قناة الرجوع الى الله @h_ameer1
قصائد منبريه مكتوبه @h_ameer2
مجالس خادم الحسين @h_ameer3
قصائد حسينيه مكتوبه @h_ameer4
بحبي وغرامي...ودمعي وهيامي...ابعث سلام الگلب ..
خليني اجيلك... گلبي دخيلك .... بُعدك عليّه صعب
روحي مشتاگة...يابعد روحي.. منك ازيارة ..للگلب عيد
كربلة عنّي ...بعيدة يا ظامي...وانته بانفاسي...ماهو ابعيد
الينقصني بس ازيارتك تسمعني مولاي
كلشي بعد غيرك إلي ما يرهم اوياي
هذا الگلب .. غيرك بعد
ما يهوى يا روح الگلب
اشتاگ الك ..ومشتاگ اظل
بخيمة رحمتك من اطب
*؛*****
بذنوبي اگلك ... مولاي أحبك .. ومنك لقاء ارتجي
من ودعيتك ...باخرة زيارة .... يمك واريدن اجي
رحمة تجذبني... وعيني بحسرة..تنظر الگبتك ..وترجع تريد
وابقى باهاتي ..انتظر ملگه ...يا وكت ارجع ..وحسرتي تزيد
يكثر الك شوك الگلب ودموعي بالعين
وادعي الهي ارزقني اجي لزيارة حسين
جف رحمتك... يمسح عَلَيّ
مثل اليتيم بجف علي
يمك نَفَسَ ... يسوه العمر
بي عطرك وطيبة هلي
****؛****
ما فارگتني ... وبيدك جبتني ...المجلس غرام العمر
وصرت ابحنانك..ألهج حروفك ... وابجي عليك بذكر
ومنك ادموعي .. يجرن وحبي..زاد الك أكثر...بين الانفاس
وكلمن يحبك ...حبته روحي...وانتَ علّمني ...اهوى عباس
وصرت انذكر خادم الك يا نور العيون
وهيه انعم الله لو صرت خادم انه الجون
وفضلك مثل .. أرض وسمة
معيشني يحسين بكرم
يابو علي ... بهذا الگلب
بي خلي لهبة امن الخيم
**؛******
صرت بِحياتي .....انتَ حياتي ... واسمك حبيب الگلب
وكلشي لكيته.....يحله بوجودك ... وبالخدمة محله التعب
اليقترن باسمك...ذكره يتقدس... وانت شرّفته..بنور الحروف
وروح اليحبك ..ما تحب غيرك...تفرح عيونه...الاسمك يشوف
اسمك حبيبي اجمل اسم بعيوني اقراه
وياخذني الك شوك الكلب واتحسر بآه
انت الشمس ...روحك عطر
اتنفسك من اختنگ
وحبك دوه ...يل بس الك
يحله العشگ يابو العشگ
**؛******
بسمك هيامي ..وبگلبي ظامي... ذكرك حبيبي انعرف
ومعقولة انسه....وظامي عرفتك... لو جفي مايك غرف
يا عذب دونك ..يحله وعيونك...بالعطش ذبلن... مثل الورود
يا عطش روحك..ياضوه اعيوني..نشّف الدمعة ..فوگ الخدود
من جوتك نار العطش صحت انا عطشان
ما جابو الماي واجوا وخيول السحگ جان
من العطش... شفتك خشب
وشمس الظهر تحرك حرگ
باخر نفس ...ظامي صحت
وجابولك اخيول السحگ
قاسم المالكي
قناة الرجوع الى الله @h_ameer1
قصائد منبريه مكتوبه @h_ameer2
مجالس خادم الحسين @h_ameer3
قصائد حسينيه مكتوبه @h_ameer4
قصت الليه يشيعه. قصت الليله بشيعه
دَم. هَم. مِن انطبر حيدر
غَم. سَم. نص راسه ميجبر
آه يا هاي الفجيعه. آه يا هاي الفجيعه
..... ... ... . .
انطبر راس اكلوبنه بسيف الحزن
والدليل الليله ملجوم ويون
يحن كلشي الليله لمصابه يحن
خاف ابن مُلجم يجي بسيفه الخشن
تُعبر الجربه وشريعه اه. يا هاي الفجيعه
....
اليطبر القران شايل يا كلب
ويشهد بعينه الصور لمن تصب
الحرب بين الهديه والضله الحرب
العينه نار يشوف بالجنه الرعب
توصل لحزن الوديعه. اه. يا هاي الفجيعه
.....
ضل يليل الليله ماريد الفجر
بي شسوي ونصه لجمه منالعمر
الصبر كالو هوه مفتاح الصبر
شلون نصبر حيدر يطب للكبر
صارت اللجمه سريعه. اه. يا هاي الفجيعه
........
يكتل الليل اليضل وماله تالي
يخلي رجوه تدور وتدور اعلا بالي
غالي جرح الينطبر ومصابه غالي
باجر مجانك علي يخلونه خالي
عمري لو يفداك ابيعه. اه يا هاي الفجيعه
.........
امعودين اعليك مانحمل بعد
الكلب لو غابوا اعزازه ينمرد
ترد حيدر لو تروح وماترد
العطر يبقه حته لو مات الورد
خادم وامره اطيعه. اه. يا هاي الفجيعه
.......
بالكلب مجانه حيدر مو بكبره
عمري كون يصير جادرته اعلا عمره
راسي كون يصير بمجانه اطبره
الليله مو مثل الليالي الليله خطره
الليله ليلتكم يشيعه. اه يا هاي الفجيعه
#علي_نبيل_الكربلائي
قناة الرجوع الى الله @h_ameer1
قصائد منبريه مكتوبه @h_ameer2
مجالس خادم الحسين @h_ameer3
قصائد حسينيه مكتوبه @h_ameer4
ماعندي حرگه ابمجلسك .... ولا ابچي لمصاب اليسر
ولا عندي خيمه امفرهده .. ولا گاعد ابصدري الشمر
مذنب واجيتك سيدي .... ندمان اگلك واعتذر
چويني بجروح العطش .... وخل تسحگ اجدامي الجمر
يحسين ،،،، ماعندي غيرك واشكيله
يحسين ،،، ياقرأن انت وترتيله
يحسين ،،،، انه تايب من هالليله
صفيلي گلبي وضويلي دربي بضواك
وانطيني لچمه وخل شوفي يعمه بعزاك
انا تائب سيدي
انا تائب سيدي
انا تائب سيدي
-----------------
وين انه وين امصيبتك ... يلنحرك امبچي السمه
ماي اشرب اشما مر عطش .. وانت الكله اشفافك ضمه
راسي بمچانه ولا جرح ... وراسك عمود امثلمه
شگد مستحي من مصيبتك ،،، يلتارس عيونك دمه
يحسين ... ريت الدم نام بعيني
يحسين ... وتخلص لچمه اسنيني
يحسين ... من اجروحك شوغه انطيني
خليني يمك بالدمعه اشمك واموت
خل تطفه عيني ويكبر ونيني بسكوت
انا تائب سيدي
--------------
بعيونك اتراب ودمع --- وبصدرك اخيول وسحگ
واچفوفك اتلم التعب --- وانفاسك ابدم تنشهگ
وانه ابرودي ابلا حزن -- وانت الخيامك تحترگ
مادري ماخذني االهوه --- بايعني ع الدنيه العشگ
يحسين ... احترگت بالهيمه اخيامك
يحسين ... وبس شوغه ولچمه أيامك
يحسين ... سجلني وي خدامك
مولاي اريدك تاخذني بيدك واذووب
دليني جرحك ارد ابچي ذبحك واتوب
انا تائب سيدي
انا تائب سيدي
انا تائب سيدي
---------------
يا كل تفاصيل الورد --- يلعطرك اغله من الهوه
وياك اشوف الحُب صدگ -- واتوچد اعيوني الضوه
ياجرحي يا علة الگلب --- بس دمعي يرهملك دوه
يا ضامي يلكلك عطش --- يل منك العالم روه
يحسين --- ياسفرة حزني ونوحي
يحسين --- يلعايش بيه بروحي
يحسين --- منك حبيت اجروحي
ياكلشي بيه يابو رقيه الحنين
ليهسه ضامي عالغبره دامي وحزين
انا تائب سيدي
انا تائب سيدي
-------------------
#عبدالله_بريسم
قنوات مؤسسة فاطميون
قناة الرجوع الى الله @h_ameer1
قصائد منبريه مكتوبه @h_ameer2
مجالس خادم الحسين @h_ameer3
قصائد حسينيه مكتوبه @h_ameer4
ادفن ابــــروحي انه وجروحي
سوالف موته صارت يــم الگبور
امحدب اسنيني مايأذيــــني
اول مره احس ابظهري مكسور
يموت بضيمه كلمن مــــــاله عوان
اول تالي لحســــــــــــين انه دفان
بويه الحيـــــــل خلص وانه تعبان
والتهضمني ادفنك وانته عطشان
الم بضلـوعك واطشر ادموعي
يالمطشرينك يبعد اضلــوعي
نايم اگـــبالي انته چــــــتالي
اموت ابفرگتك مامــوت بالخيل
گاعد ابچيلك محتار شيشيلك
ترا المشيول رايد حــيل للشيل
منو الينطيني گلبه ايشــيل حزنك
عزيز وگلبـــــــي ماينطيني ادفنك
كلما انوي اشـــــيلك بويه احضنك
كون الموت يندل چــــا خذه ابنك
زراگ امتوني برد يم لـحدك
بكثر ماشـابع لچم من عندك
فاگد احساسي ضاگت انفاسي
الوج وتارس عيوني وجــــع ليش
ياحلم رايــــح من جفن طايح
ورا عيونك اشوف الــوادم ابيش
اجيتك من بعد ديـــــره ومسافات
وصلتك والجدم گــاضيهه عثرات
عشت بين انكساري وبيــن شمات
تگلي الناس ياهـــــو المنكم المات
گضت حسراتي ثگيله الچلمه
يبويه العايــش يموت ابهـمه
شيّـــــب اهدابي يكتل امصــابي
اشيل ابجسمك اتطــيح اعله ظهرك
ضاعت ارسومك ماخذ اهدومك
ثگـــــيل الحافر وطاح اعله صدرك
اشبگك وانته ماتنشبگ بس ضـــال
كتر مابيك صاحي امگــطع اوصال
ثگيل وصــــــاير امن الهوى تنشال
اضيّع بيك ورجـــــــــع انشد البال
رمل بجروحك لگيتك نازف
شكثر للخيــمه يبويه زاحف
موقف ابــــــالي دوهن احـــوالي
چنت بالخيمه واگف وانته مطـــــروح
لا كدرت اركض لا گدرت اعرض
تجي الخيل اعله صدرك شفت وتروح
اغص بالدمعه مابـــيه الحگ الناس
عليل وشفت ابــوي اگبالي ينداس
ولاني المرض من اجـدامي للراس
ضلـــــــــــيت اندهـ ابعباس عباس
اشوف الدنيا عليك اتزاحم
اريد افزعلك ورد الــــوادم
خادم القصيده
شاكر الصيمري
قنوات مؤسسة فاطميون
قناة الرجوع الى الله @h_ameer1
قصائد منبريه مكتوبه @h_ameer2
مجالس خادم الحسين @h_ameer3
قصائد حسينيه مكتوبه @h_ameer4
حسين .. يابن امي
حسين .. يابن امي
____
يأبن امي الظعن ماشي
وانه اول مرة راح امشي بدونك
ظل عله الترب غافي
عرف ماحصلت خويه ويشيعونك
مثل جنازتك ما صار
بحصيرة ليش من الكاع يلمونك
عفتك عالوجه مكلوب ومغطي الترب دمك
الخيل المرت خيامي بحوافرها شفت هدمك
طشرنة الوكت غفلة
وطولك بعد ما احصلة
وانه محتاجه طولك حيل
وانته بكل شبر وصلة
____
تجوة من الترب سويت
تريد تكوم بس الخيل يردنك
عيون الخيل شدوها
حته تسحك جروح اليلجمنك
وانته بالسحك يحسين
صحت بالخيل لخيامك يدننك
الحوافر كلشي ثكيلة وتطيح عالجرح علة
وانته حشمت باالخيل توصل بيك للتلة
ناس متييها الزحمة
دربهم مو درب رحمة
ناس تدوس عطر الله
وابد ما تعرف تشمة
____
شنسه وضحكتك بالبال.
طول الدرب عيني لرمحك تباوع
امس بين الخيم محلاك
هسه الرمح من نحرك صفه ناكع
يالكلبك جمر الخيام
يالشابع لجم بس ماي ما شابع
بلون الشمس وجهك صار وكليبك جمر يلهب
الحر والعطش جارعهن يالمتعب كلب زينب
دمك ما كطع نازف
تبلع ريجك وناشف
كطرة ماي ماينطوك
عليهم يالجنت خايف
__
كفيلة صرت عل الخدر
و ايتامك عطاشة والدرب هيمة
حيرة خوية انه احتارت
اداري بالعليل اتضيع اليتيمة
عصر عاشر الدوهني
اطفي بخيمتي ترجع تشب خيمة
ركضة خوف بالهيمة ركضنة والفشل يعمي
وضاعت مني علويات ورى ما حركو خيمي
وجابوها الهزل لينه
بحبل شدوها ايدينه
وانهضمن بناتك حيل
رقية وخولة وسكينه
__
حسين علي التقي
قنوات مؤسسة فاطميون
قناة الرجوع الى الله @h_ameer1
قصائد منبريه مكتوبه @h_ameer2
مجالس خادم الحسين @h_ameer3
قصائد حسينيه مكتوبه @h_ameer4
گبل عاشور حبيتك يالحسين
گبل الهوى شميتك يالحسين
گبل لا ادري مذبوح .. ولا فاهم شني اجروح .. لكيتك مالك الروح ..حبيبي
........
من الله قرر انوجد .. بين الحقيقة والعدم
حبيتك بذاك الوكت .. من چان گلبي ابلاية دم
من چان كلشي ابلاضوة .. من جانت الدنيا وهم
وتنفست حبك هوى .. گبل النحر گبل السهم
حبيتك انة ابلاسبب حقيقة
حبك على انفاسي طلع رحيقة
نطقت احروف اسمك لحضة الطين
گبل عاشور حبيتك يالحسين
الحب والعشك صار .. گبل الجنة والنار .. لكيتك مالك الروح .. حبيبي
....
من علمتني اعلة الحچي .. حسبالي كل فهمي اكتمل
كتلك رضعت الحب طفل .. زلة لسان وعن جهل
لا مورضاعة امحبتك .. گبل الحليب الحب نزل
گبل امي سميتك ابو .. من جان ماعندي اهل
وحي الغرام اعلة الكلب نزولة
كبل الولادة وعالم الطفولة
احبك من كبل لا اعتنق دين
گبل عاشور حبيتك يالحسين
بلا موقف عشكتك ... اعلة دين الحب عبدتك .. لكيتك مالك الروح
...
چانت بداية خلقتي .. ذرة ومن الذرة ادق
وي مانشأ بية النفس .. لنه جمال الحب شرق
اهنا لساني سبحك .. بتسبيحة الزهرة نطق
واهنا طلع للحب اصل .. من طينة احسين انخلق
من بين ادين الله ضواك اجاني
ميت عدل ما ادري بس لگاني
صحت لمن لكاني هل كلمتين
گبل عاشور حبيتك يالحسين
بين الذرة والطين .. صحت محبوبي الحسين
...
بعالم خلقتي الاولي .. من مايك اعليه رشح
حبيتك وگلبي كبر .. بعشكك يالحسين انشرح
وتبسمتلك فطرتي .. تالي الگلب بيك انجرح
اهنا سمعت الله حچة .. محبوبك احسين انذبح
اهنا تلاگن فطرتي ونحيبي
لمن دريت المنذبح حبيبي
لبست الاسود ابين النشأتين
گبل عاشور حبيتك يالحسين
بعدني ابالعالم النور ..وصيح اشسوة عاشور . لكيتك مالك الروح ..حبييي
...
لمن صرت وترعرعت .. بعيوني مرت صورتك
اتذكرت يوم الذبح .. من الله سولف قصتك.
وتذكرت چف الشمر .. لمن نوة ايجر لحيتك
اهنا بچيتك سيدي .. بكماطي وانعى ابمصيبتك
بكاروكي واذكر عاشر المصيبة
لمن طحت واختك بقت غريبة
گبل لا انخلق تبچيلك العين
گبل عاشور حبيتك يالحسين
فطرتي اتعلقت بيك .. نصبت مجلس اعليك .. لكيتك مالك الروح حبيبي
.....
مرتضى عبد الامير السماوي
قنوات مؤسسة فاطميون
قناة الرجوع الى الله @h_ameer1
قصائد منبريه مكتوبه @h_ameer2
مجالس خادم الحسين @h_ameer3
قصائد حسينيه مكتوبه @h_ameer4
عباس لـــــونك نادر بالطف جمالك عابر
بالخيمه ويشوفونك اجمل بـشر بالعاشر
الله حــــــط افنونه
بالگـــــــــمر وعيونه
يادخيــــــــل امتونه وريشاته وخزراته
اتريس اعله الحومه
كافــــــل المحشومه
اتونست بعلـــــــومه المهيوبه وشمراته
عبيد الگــوم حدر السيف كلهه
الحرب من تشتد العباس حلهه
دخيل اسمه
ابو فاضل
يچوي الهوى نيــــشانك اتوزع ضوع بميدانك
شامه ابوجه محـــــلاها هيچ انته بين اخوانك
ياكلف وزنـــــــودك
الهه گـــاعد جودك
حد اخوك احدودك طم روحه اليدنه
ماتفوتك فــــــــوته
گالـــب الطف موته
والعدل مــن صوته ايسلمهه ابلا ونه
سره اعله الموت وگفها اعله رايه
دفن ماي الفرات بهــــــوى الرايه
دخيل اسمه
ابو فاضل
لولاك مــــــارف شارب چا فاهي ضل الحاجب
ارســــــومك امحليتنه ومحليه حتــه الشايب
زودك امعلـــــــــــــينه
ريحه منــــــــــك بينه
وين ماكـــــــو اسكينه تلگانه انذب الچف
الگنطره ومـــــــــابيهه
وين مانلگــــــــــــــيهه
من نصيح اعليــــــــهه من اسمك تتراجف
مدد بس گـــــول والعباس يمك
جيب اسم الگمر لو ضاع اسمك
دخيل اسمه
ابو فاضل
متســــيد اعله القاده ايسمونه نشمي الساده
من ضهره يطلع كافل كفاله حتـــــــــه اولاده
كافل مــــن اصياره
عاش مــــن اختاره
شايل اجـــمل شاره وشايلته ابتكوينه
دوّر المعـــــــــموره
ياهو شايف صوره
بس جــــدار ونوره حارسنه وحامينه
اسم والاسم منـــه اتخاف حيطان
السوالف من تذكره تتــرس السان
دخيل اسمه
ابو فاضل
نافذ بصــــــيره وزاهد هوه الصلب والعابد
هوه الفلك واســـــراره ياقمر الله الـــواحد
والكره الارضـــــــيه
اتدور حـــــولك هيه
امك القـــــــــــدسيه بصيارك شافتمن؟
انبياء براســـــــــــك
علي بين انفــــاسك
والحسين احساسك من حقق تتفنن
الكواكب تفتر وبس هــوه ثابت
وجهه النور نور الشمــس باهت
دخيل اسمه
ابو فاضل
خادم القصيده
شاكر الصيمري
قنوات مؤسسة فاطميون
قناة الرجوع الى الله @h_ameer1
قصائد منبريه مكتوبه @h_ameer2
مجالس خادم الحسين @h_ameer3
قصائد حسينيه مكتوبه @h_ameer4
جدّاه جدّاه
ميتمني طف امصابك ومحدبه الــرايه
بصياري افز وبچـيلك ناغولي بـــقرايه
امجمر محرم بـــــــيه وجروحي ملايه
گبل الخدم امشيـــلك ليليه مشـــــــايه
مشيني أمشي اعليك طفله هاشمــــيه
افتحلي باب الگـــــبر جايبلك رقيـــــه
وياها العليله غربتهه طويله
مدفون شط بگلبــــــي والجربه مچـفيه
من يوم طاح الكافــــل ماشارب امـــــيه
ليش الشمس ماطاحت لحسين چفــــيه
حوبت رقيه اتشـــــــور بالطگله علـــويه
ياربي عجّل بالضهور الوحشه تكتل
ليليه اشوف الشمر بالصيوان يشعل
عماتي دخيله غربتهه طويله
اموچد عليك اعــمامه وبخنصرك خاتم
ماشفت منهن وصـــلّه باگــــتهن الوادم
اتغطى ونته العـــــاري ولبس لبـس عالم
هاي اشكبرها اعليــــه سيد وبن هاشـم
كلما اشوف الخيل فوگ حسين تركض
اوگف وفرّع ودعي للعباس ينــــــــهض
من نومه يجيله غربتهه طويله
لاشافت الطف عيـــني ولا راكض بهيــــمه
ألف وكسر عايشـــــهن تطفى وتشب خيمه
خدر الله يمشي بطولّه گلبي انچوه بضيـمه
شطلّع رقيه بالـــــــحر كون انخلــــق غيمه
شمگّعد النسوان والاطفال بالـــــــبر
شمسويه جداّم الزلم بت علي تنجر
مو هايه عقيله غربتهه طويله
ياروحي گرب موتــــچ احچيهه كل مغرب
وين استـــــقرت زينب چاوين تتـــــــعزب
والبر صوالي وهيـــــمه والماغفت تنـــسب
والتبچي منهن ســـكته بين العبـــي تنحب
والمابچت باللّيل باچر تبچي غصبن
لو گلهن الحـــــــــــادي للديوان طبن
والناگه هزيله غربتهه طويله
شاكر الصيمري
قنوات مؤسسة فاطميون
قناة الرجوع الى الله @h_ameer1
قصائد منبريه مكتوبه @h_ameer2
مجالس خادم الحسين @h_ameer3
قصائد حسينيه مكتوبه @h_ameer4
اول ماشلت عيـــــــوني عرضن جدامي اعيونك
شما هل عاشور احزانك اسمع بيـــك ايذبحونك
ماي اشگد بيهه الدنـــيا چاليش انته ايعطشونك
اتلم الضايع بخيـــــامك و بالباريـــــــــه ايلمونك
ياسيدي منين ابتدي
شفتك لوحه امغطيـــهه الدخان
اكتب سطر وارسم نهر
يطلعلي العباس ابــــــلا ذرعان
حسين عن كل حـــــــرف
حسين رايد وصـــــــــف
عن كربله
مامرزوق الهلـــــــــوادم يارزق الله المــــــاينمل
تفرح مامكتوبتـــــــــلك لازم نقرالــــــــك مقتل
اعمى الماشايف طــولك السـهم الصابك مايندل
الناس البلطف تتعــوض بس انتــــــه الماتتبدل
ماينذبح خيط الصبح
ذبحوك وما شافو بعــــــدك ليل
طاحت سمه لو فاطمه
قرأن الله شبيهه تسحگه بخيل
حسين مثـــــل الدمع
حسين ماتنجــــــــمع
من طشروك
ياحزني البــــــــدّل حالي تتنفس حـــــبك ريتي
قانون الحـــــــب الدمعه موتني ابدمعي امنيتي
عايش بس عالـــــم ثاني منك كل جاهي وصيتي
غيرك ماتنوي عيــــــوني بس انته التارس نيتي
اجمل لغز بسمك افز
من اسمع عنك يحچــــون الناس
منك بده طاري النده
رمح الشالك چـان ابليه احساس
حسين صــار العطش
حسين ليــل اهدعش
فرگة أهل
عطفك مايگطع بيـــــنه دامت مــولاي افضالك
محد يشبه حنيــــــــتك يالحاسـبنه من اطفالك
يا اوضح صــوره الربك ارزقنه انشـوف اخيالك
احرگنه ابليـــــل العاشر بس كون اتطفي اعيالك
عندك نحر. بي چم شهر
عبد الله ايذبحونه وعمره اگماط
ياحيرتك ياوگفتك
ياهو المثلك عطشـــــان وينحاط
حسين لمــــــن طحت
حسين عينـــــك درت
صوب الخيم
دورتك بيـــــن اجروحي لا تطـــــــــــــشر لميتك
يحسين الخيل انســـاها ذيچ الباگــــــت عافيتك
مايخرب لـــــــــون الدره زاد ابياض اعله الحيتك
رادوها اتضيـع ارسومك هيـه السحگه امحليتك
شما تنسحگ هم تنعشگ
هوه الحبك لازم هـــــــم ملچوم
شايل طبع احچي دمع
مابطل منك مثـــــــــل المفطوم
حسين درب الخــــــدم
حسين مابي نـــــــــدم
كله صدگ
خادم القصيده
شاكر الصيمري
قنوات مؤسسة فاطميون
قناة الرجوع الى الله @h_ameer1
قصائد منبريه مكتوبه @h_ameer2
مجالس خادم الحسين @h_ameer3
قصائد حسينيه مكتوبه @h_ameer4
بعنوان علي الرسام
عدنه علي الرسالم والراسمنه مــــــــــــــــن قلمه
الله يخلق الانسان هــــــــــــــــــــوه يخلق الزلمه
من گد مايناجي الليل طابـــــــــع بالعرش رسمه
بس حيدرنه بالميعاد الله ايصيـــــــــحله اباسمه
عابد زاهــــــــــد بدينه
نور الكون مــــن عينه
والد حســـن وحسينه
صــــــك الجنه بيمينه
علي المولى علي
اميــــــري الاولي
راسمهه حياة الناس والخــــــــــــــــادم اله رتبه
حيدر مالك الدارين دنيه واخــــــــــــــرى اندبه
كــــــــــــــون الاسمه بالأذان الله والنبي ايحبه
مرزوق بحسن وحســــــين والعباس من صلبه
وزع كلمــــــــــــن ودوره
اليقره عن علي اسطوره
انحبه وهـوه بس صوره
زايــــــــــــر الله اليزوره
دخيـــــل المرتضى
يشيـــــخ الرافضه
حيدر عالم الاحياء والامــــــــــــــــــوات يحيهه
قاري الدنيا عرض بطــــــــول ومطلگهه بالبيهه
ياهو امجمع القرأن بس هـــــــــــــوه اليسويهه
مريم ندبته ابمولــــــــــــــود والله سهل اعليهه
والميت تــــــــــرد روحه
لو بس حيـــــدر ايلوحه
چي بس گـاعه مملوحه
بينه امغزره اجــــروحه
يصيــــح اليندفن
علي يابالحـــسن
الرايدهه الخلافه بزود كــــــــــــــون الباب يندله
مالازم يشيل البـــــــــــــــــــاب حيدر طيحه كله
الماشافو علــــــي ايكفرون ويرد لـ الله اليصدله
مامات اليخلف كون بــــــــــــــــس للخلّفه انگله
شجره وفرعـــــت شجره
سبــــــــحان الله عالقدره
حيدر چـــــم علي ابظهره
خلّف كافــــــــــــل ابگدره
گمر ١٤
دخيله لو رمش
اليقره بسيرة الخلــــــــــــــــــوه رابع دفتره ايسده
واليقره اعله ابو الحسنين يرجع شيعي من وحده
حيدر تارس التاريخ مــــــــــــــــــن الجلده للجلده
كون التطلگ بكــــــــــــــــــرار ماتطلگ بشره بعده
ضوه الدنيـــــا بنواره
شگ الكعبه بصــياره
هاگــــد مايحب ثاره
الله امســــوي فقاره
اليحامي عـــن نبي
كفو ايصير الوصي
خادم علي
شاكر الصيمري
قنوات مؤسسة فاطميون
قناة الرجوع الى الله @h_ameer1
قصائد منبريه مكتوبه @h_ameer2
مجالس خادم الحسين @h_ameer3
قصائد حسينيه مكتوبه @h_ameer4
مشاهدة "جيتك يخويه - ملا ابو رقيه الفاطمي - المشايه المقدسه - السماوه موكب جروح الغائب عجل الله فرج 2021" على YouTube
https://youtu.be/NFDFqzt42hs
حب الولايه بالرضـــــــــاعه ارضعته
خــــــــــــادم علي واتشرف بخدمته
ما املك ابدنيـــــــــا اشكبرها اشويه
بس يم علي موضــــــــع دفن ملكته
قبله وعليــــــــك الوادم اتطوف
واشگد اديك امســويه معروف
رزق الله يمـــــــــــــك كله نلگاه
البترابك ايدفنــــــــــونه محلاه
عجائب ربك امســــــــويهه عالناس
تاكل تمر وامخـــــــــــــــلف العباس
------------------------------------------
اليعشگ علي چن قابض اعله الجمره
الساني لــــــــــــــــو ينساك منه اتبره
منك بدينه وكلهه ترجــــــــــــــع يمك
خالقنه الله انتبعك اعلـــــــــه الفطره
ليش السكينه ابيا علي اتذوب
مايرهم اعله عيــوني محبوب
الا انته يالمامنــــــــــــك اثنين
يادرة الله ايشبــــــــهك امنين
انه الممسوسه روحي بروحك وصار
الجرح ليهسه بيه وراسي هــــم حار
------------------------------------------
باب المدينه المايشـــــــــــــوفه اتوهم
اعمه البصـــــــــــــيره المايحبك يندم
حب الصراحه يبدي مــــــــن اعيونك
وبس الله بالنيات هــــــــــــوه اليعلم
الماشايف الله ابوجــهك ايشوف
سر الخليقه بربع احــــــــــــروف
حيدر بشر كالناس محــــــــتوم
بس عنده حته الشيب معصوم
امير ودورت اعيــــــــــــــونه عبادات
نشوفه بالعقل مــــــــــــــو بالروايات
------------------------------------------
ماريد اعيشن دنيـــــــــــــا ماتعنيلك
عالم هـــــــــــــدوئك هيماني ابليلك
ماحسهه عيني من تــصب عالوادم
بس ياعلي ارتاح مــــــــــن ابچيلك
كلشي بدونك فاهي مـــــــولاي
نتوضه بسمك مــــو شرط ماي
اعذب كلام ابذكرك ايـــــــصير
شما نحچي عنك عدنه تقصير
اگلّب بيك صفحه وكلهه عنـــــــــوان
علي الاول بكلـــــــــشي واول انسان
------------------------------------
جرحك يلمـــــــنه ودمعه تسبگ دمعه
من مثلك امصابه هدمــــــــهه السبعه
يالحزنك ابعرش الله ضــــــــل يتباره
ناعي المصيبه بالقيــــــــــامه انسمعه
من اللذي طر گلبـــــه والراس
الطابر علي ماشايل احساس
افجع سمــــاوات الله والدين
واتبره مــــــــن القاتل الطين
عزائك بالعرش قايمـــــــــته الاملاك
علي ماتنسمع بــــــــــس منك الهاك
خادم مولاه
شاكر الصيمري
قنوات مؤسسة فاطميون
قناة الرجوع الى الله @h_ameer1
قصائد منبريه مكتوبه @h_ameer2
مجالس خادم الحسين @h_ameer3
قصائد حسينيه مكتوبه @h_ameer4
شور فزاعي / مهند الشاكر
ابو الحسنين طاح وفاضت ادمومة
*
وگع والدم خذاه وفيض المحراب
وصارت فاهية من طاح داحي الباب
وجبريل بسمة ينعى ويصيح انصاب
حامي الدين يا حيف وگرب يومة
****
طاح المرتضى والكون كله اظلم
زينب فزت بوجه الصبح تحلم
طلعت خايفة واعله الوجه تلطم
قسور حيدر ومو الك هالنومة
****
مدري شلون لاحك سيف طاغيها
يسد يا طود يا داهي دواهيها
فنيت اجيوش دست برجلك عليها
تگلب كونها من تطب للحومة
*
حامي ادخيلها يلعنك ايگولون
يلعندك وناسه وعيد يوم الكون
حتى اعداك گامو بيك يتنخون
شهم وبطيحتك كل كعبة مهدومة
**
يا راعي المعاجز چن عصف عزمك
ادم من عصه ربه نجه بسمك
يالگبل الخلائق بالعرش رسمك
عد رب البشر صورتك مرسومة
*
مهند الشاكر
قنوات مؤسسة فاطميون
قناة الرجوع الى الله @h_ameer1
قصائد منبريه مكتوبه @h_ameer2
مجالس خادم الحسين @h_ameer3
قصائد حسينيه مكتوبه @h_ameer4
وصية امير المؤمنين الى العباس عليهم السلام
يظهر حسين اريد اوصيك. كبل لا يكرب المحتوم
چفك سور خدر الله. وانت الكافل مناليوم
-------------------------------------------------------
وصية الباري ياعباس. مو من والدك هايه
لجل زينب وجودك صار. انته الغايه والغايه
عيونك هودج الحره. ورموشك تره الرايه
جفك كهف للخدر.
والجربه تره الكوثر
نهر تصير بلمحشر.
اسقي اليحبنه هناك من جربتك يلجيدوم
-------------------------------------------------------
ابصلب الوصيه انفوت. ونكشف كربله شبيهه
تطبهه وي الامير حسين. وتنصب خيمتك بيهه دورك يبدي هل لحظه. زينب عينك عليهه
الوجود تخزره ياعباس
وتهبط للكواكب راس
الشمس احسبها مثل الناس
بطاسك غطي نظرتها. ولا تنتظر فزع غيوم
-------------------------------------------------------
ممنوع اليحج غيرك. بكعبة خيمة الحره
لبيكي يزينب صيح. وكبر خدرچ اشكبره
عالجيش يزيد ارمي احجار. وشيطان الشمر حذره.
كمر هاي السمه حرامك
البسه وحقق احلامك
خل اليسعي صمصامك
كراب وسيف. صار الك. الصفئ والمروه والمحسوم
-------------------------------------------------------
الخدر عباس مو جلمه. وبيهه تفزز الاحساس
الخدر كل معرفة فاطم. وسرهه الضمه عن الناس
الخدر كل علم مامفهوم. ماينوزن لا
ينقاس
الخدر والقل هوه سوه
تعبده بنية الخوه
صلي عالنهر وهوه
سجودك طوله يم الماي. وخل بيك المنايه تحوم.
-------------------------------------------------------
بوكعتك كلشي لله يكوم. ومن عطشك تروي الماي
السهم يقره شكو بعينك. ويصيح اعذرني يامولاي
من فاضل دمه جفوفك يخلق الله شيعه هواي.
من تتصوب ابعامود.
صيح وعينك عله الجود
بحسيني فزت وبزود
رب الحب حسينك صار. وبحبه فزت للدوم
-------------------------------------------------------
خادمكم سيد صادق الاعرجي
قنوات مؤسسة فاطميون
قناة الرجوع الى الله @h_ameer1
قصائد منبريه مكتوبه @h_ameer2
مجالس خادم الحسين @h_ameer3
قصائد حسينيه مكتوبه @h_ameer4
وداعا ياعلي
استشهاد أمير المؤمنين عليه السلام
انغدر بحر العلم ونزف دم النجم
جريمه بصلاته علي اليله ينصاب
ابو تراب يسح دمه وسفه أعله التراب
انه زينب. انه زينب
___________
لمملمت كمرت الدنيا واوشحت حول الضلام
والكمر لملم انجومه ايكلهن اليوم الختام
لاذان اختلف صوته وكمت احس بيه فد كلام
هل فجر موحش يوادم ينغدر بيه لائمام
ابذانه كمت احس. بمصلينك رجس
ابن ملجم اليوم ينطرك وره الباب
وابو تراب يسح دمه وسفه أعله التراب
_____________
ابن ملجم بنتضارك ياعلي بهاذه الصباح
يريد يغدر جلمه الله عنده هاذه الشي مباح
همه يطبر والد لايتام ويعم النياح
يريد يكتل رحمه الله أعله الفقير ويستراح
يريد للانتقام. ويرد يعبد اصنام
وكف صح يصلي ولاكنه جذاب
وابو تراب يسح دمه وسفه أعله التراب
_____________
ياعلي والله هضيمه تنطبر وكت الصلاء
والمصيبه التكتل أكثر مالحك ختم الدعاء
استغل الفرصه ويلي ابسجدته وسألت دماء
ومن طبر بحر العلم اتغيرت ألوان السماء
صريخ و نداء. اهمو لل بلاء
وصوت الملائك على بهامته انصاب
وابو تراب يسح دمه وسفه أعله التراب
_______________
وقنبر بدمعاته اجاني البيتي يصرخ راح ابوج
والحسن وحسين شالو عل متن ذولاك اجوج
الباب فتحيه يزينب بل دخول استئذنوج
وهاذه جبرائيل شفته يريد يدخل بس تنوج
نياح من العرش. وسمه بل دم ترش
السماوات تره تبجي دم من المصاب
وابو تراب يسح دمه وسفه أعله التراب
________________
دنو ابوي بهيده يمي يخوتي خلوني اضمده
هاذه جرحك شو غميج احجيلي بويه شلون اشده
انته منبع لل رجوله وانته تحضر شكو شده
انته رحمه وانته جلمه طيبه وكلك. موده
الجرح كلش كلف. ولا يكطع نزف
والأيتام اجولك وينوحون عل اعتاب
وابو تراب يسح دمه وسفه أعله التراب
ضرغام منعم الكربلائي
قنوات مؤسسة فاطميون
قناة الرجوع الى الله @h_ameer1
قصائد منبريه مكتوبه @h_ameer2
مجالس خادم الحسين @h_ameer3
قصائد حسينيه مكتوبه @h_ameer4
علي عمري
وضوه دهري
مــالـي غيره
وهوه يدري
اول انسان
ذكره قرٱن
علي روحي
علي صبري
بــالشــده اسمه مدد
ماعـندي غيـره احـد
شحجي بحميته بعد .. ياعلي مولاي
اسمه انطبع بالگلب
دلاني بـيــده الدرب
ودرب الولايه صعب .. ياعلي مولاي
حـبه الـولايـــه يــريد
عــالــدنــيه ابقه بعيد
واتنخه بسمه واصيح
يحسبــني من العبيد
علي مولاي علي
علي مولاي
ــــــــــــــــــــــــــــــ
علي ديني
وكل يقيني
علي حيلي
وضوه عيني
علي بالكون
سره مكنون
علي معناه
فاق الاضنون
صفاته فــوگ الوصف
مــاوفــي مـنهـا حرف
تــارســنه حبه عطف .. ياعلي مولاي
عن دربه حاشه ازل
مــشاني بيـده عدل
ســوالي حبـه اصل .. ياعلي مولاي
بأذن الله يوم الغدير
اتنــصب علينه امـير
صــرنــه بعلي اغنياء
الـمـا بايعه ضل فقير
علي مولاي علي
علي مولاي
ــــــــــــــــــــــــــــــ
علي اسمه
احلى نغمه
علي رزقي
واحلى نعمه
بيده منواي
علي مولاي
گلبي والروح
جيت اسلمه
بـوجداني شفته علي
اعظم و اقدس ولــي
بـسمه الــشدد تنجلي .. ياعلي مولاي
باب المدينة علــم
والله وكفو والنعم
والله الهداله اسم .. ياعلي مولاي
نور اعله نور اعله نور
القــران الــه والـزبــور
كلشي انخلق من ضواه
الدين النبي هوه سور
علي مولاي علي
علي مولاي
ــــــــــــــــــــــــــــــ
علي حبي
واله دربي
بيده امري
وامر گلبي
عــلــي قدوس
علي ممسوس
تــعـودت دوم
ابــابــه احبي
من گلـبي احجي اله
اســمه الـعرش رتلـه
عمري بمحبـته حـله .. ياعلي مولاي
اسمه احلى من العسل
اكـتـبـلـه واقــره غـزل
بــس هوه خـير العمل .. ياعلي مولاي
دلانــي عالحب واجيت
يــم بابه روحـي لگيـت
لو عوفه لحظه اضيــع
وكلشي لـرضاته هديت
علي مولاي علي
علي مولاي
ــــــــــــــــــــــــــــــ
عـلـي ايات
بالسمـاوات
علي انجيل
علي تورات
يونس ابصوت
طبله للـحـوت
طلـعه وراح
لـلـســمــاوات
ويه موسى شگله بحر
بســم الصمـيــده عبـر
قــبــل الـولادة ظـهــر .. ياعلي مولاي
انه بـحـميــته هـمــت
بس هوه ديني صحت
بس يرضه عني ردت .. ياعلي مولاي
مــن حــگــي لمــن اهيم
مــولاي عــلــي وحــكيم
ممسوسه ذاتـه اوي ذات
رب الـعــباد الـعــظــيــم
علي مولاي علي
علي مولاي
ــــــــــــــــــــــــــــــــــــــــــ
ابو حميدة الشويلي
قناة الرجوع الى الله @h_ameer1
قصائد منبريه مكتوبه @h_ameer2
مجالس خادم الحسين @h_ameer3
قصائد حسينيه مكتوبه @h_ameer4
خذ هذهي الدماء ،،، من هامتة الولاء
قد أذن الظمير ،،،، حي على التطبير
دمائــُنا .. دمائــُنا .. فــــــداك ياعلي
بس لاتظل محتار .. أطبر الك تذكــــار
طبرتك للكرار .. بالجنة تصبح دار
فدوة دماء الراس ،،، فدوة لأبو العباس
يالي مصابه جبير ،،، حي على التطبير
دماُئنا .. دماُئنا .. فــــــــداك ياعلي
*
هــذا الطبر وســـام .. أنعلگه فوگ الهام
سيفي اصبح الدمام .. ويخوف الظلام
غدآ وفي المحشر ،،، فاز الذي طبر
ووجه بشير ،،،، حيـــا على التطبير
دمائــُنا ..دمــائـُنا .. فــــــداك ياعلي
خل نلبس الاكفان ،،، نزف الدمه قد حان
سيف الطبر ولهان ،،، للهامه والشريان
قد عادت الأيام .. بالحزن واللام
على فقد الأمير .. حيا على التطبيــر
دمائــُنا .. دمائــُنا .. فـــــداك ياعلي
*
ميهمني خل يحچون ،،، والكالو يغالون
من زغري مايدرون ،،، بحيدر علي مجنون
خطيت في المنحر ،،، أسم الوصي حيدر
في قبري كي ينير ،،، حيــــا على التطبيـــر
دمائُنا .. دمائـُنا .. فـــــــداك ياعلي
*
نبقى أحنه للظهور .. بينه الدماء أتفور
هذا الطبر دستور .. أتقرر أبعاشور
دمائـــــُنا جنود .. لنصرة الموعود
نرضي بها القدير .. حيا على التطبيــر
دمائـُنا .. دمائـُنا .. فـــــــداك ياعلي
*
لمن تموت أوياك .. حيدر علي يرعاك
بالاخـــره ودنياك .. انته ترفعه الواك
نحن من ألاصلاب ،،، قلنا الى الأطياب
في دربكم نسير ،،، حيا على التطبيـــــر
دمائــُنا .. دمائــُنا .. فــــــداك ياعلي
رامي أبو سكينة السماوي
قنوات مؤسسة فاطميون
قناة الرجوع الى الله @h_ameer1
قصائد منبريه مكتوبه @h_ameer2
مجالس خادم الحسين @h_ameer3
قصائد حسينيه مكتوبه @h_ameer4