-
قناة تختص بنشر القصائد المنبريه المكتوبه الخاصه بالنساء. قناتنا الرسميه @h_ameer2 قناتنا الثانيه @abdameer قصائد النسائيه @h_ameer2 لا تنسى الدعاء لصاحب الزمان عج
بوذيات..ولادة بدر البدور المنتظر عج الشريف
الولي هالكون من ألله.... يديره
وجهه دوم لليطلــــــب... يديره
أسأل هم أكو يشبهه...يديره
(((يجدي الجود من خيره عطيه)))
كريم اتعرفه كلهه.... گاصي داني
اذا احتاج حاجه...گاصده اني
بحروفي منهو تعرف...گاصد اني
((أكيد المنتظر روح الزچيه))
چـبـير وألك عـند الله....وجاها
العاشگ للحـفل گـاصد... وجاها
موش اشموع اصابيعه..وجاها
(((تصفگ روحه ويدينه سويه)))
گراب انجوم ياشخصك...ملح بي
لغيرك من أريد اكتب.. ملح بي
بس وياك احس شعري.. ملح بي
((وغيرك ماصخ وطعمه الرديه)))
✍️ياسر الزيادي
قناة الرجوع الى الله @h_ameer1
قصائد منبريه مكتوبه @h_ameer2
قصائد منبريه مكتوبه @h_ameer3
قصائد نسائية مكتوبه @h_ameer4
مولد…… ((( ولادة رايه ))
…………………………………………………………
بليل اخمسطعش عالمشرعه شصار
مـيته الرايـه بـس بيـها الـنفـس دار
تنشد صاحب الجود
ياهـو اللـيله مـولـود
چـف المـهـدي اجـاچ الياخـذ الثـار
……………………………………………………
هالرايه اعل نهر العلگمي سنين
مخنوگه هوه و محرومه جفين
و من سامره مـن بيت الامامين
سمعت صوت ناده بثار الحسين
صوت و بالاذن صاح
بدلي احـزانج افـراح
المهدي اعل التراب ايعوضج انوار
مـيته الرايه بـس بيها الـنفـس دار
……………………………………………………..
عـطشـانة امـل گـظـتها بـصيام
بـنبلة اتـسحرت و ارمـاد الخيام
اليـوم العيد أجاها و الفـرح عام
چن فرحة علي بضحكات الايتام
حنت بالفرح ايد
يامن مولدك عيد
و ظلت بالطفوف اتذيع الاخبار
ميته الرايه بس بيها النفس دار
…………………………………………………
رايـه منيد كـافل ليد مـوعـود
نصر ال الرسول عليها معگود
تـل الزينـبي يـهنيها و الـجـود
بجرفه العلگمي يسطّر بالورود
وشكبره البخت بيچ
ايـد الـقائـم عـليـچ
و اتحول عـمودج غصن وازهار
ميته الرايه بس بيها النفس دار
…………………………………………………..
رفت يـم مـهـد مهدينا بـحساس
تنـقلـه الـخبـر مـن عـمـه عـباس
داويت بقدومك عيني و الراس
الك باعث هديه السيف والطاس
انا و جدك حسين
ننطر جيتك سنين
انريـدك عـالـظلمـنه سـيف بتار
ميته الرايه بس بيها النفس دار
………………………………………………
هالرايه شمس ما تعرف اكسوف
بـگلـب الناصـيبه تـوزّع الـخوف
و للـمستضعـفين تكـحل الشوف
جـواها العـوالـم تعـتني زحـوف
ترجف خوف اليهود
عـليهم خـيبر اتـعود
و من الگاع يـقلع هـاي الاشرار
ميته الرايه بس بيها النفس دار
………………………………………………..
✍️ ( سيد خضر الزاملي )
قناة الرجوع الى الله @h_ameer1
قصائد منبريه مكتوبه @h_ameer2
قصائد منبريه مكتوبه @h_ameer3
قصائد نسائية مكتوبه @h_ameer4
كيدك يالمسجون بجه هواي عيون
ماتنسه الحاجات ما ننساك شلون
_____
اشما نصو مجانك بالسجن تعله
ونَزَل من مقامه الما درس فعله
من تصعب الحاجه ابحضرتك سهله
يالماكو بعطائه ولا اكو المثله
يمجبر المكسور من يتعنه ايزور
شباجك متروس حاجه وطلبه انذور
________
والتشتد علينه ابحضرتك تنفل
خايب ما ترد وانته ما تقبل
تحفظ ماي وجها ابابك اليسأل
كبل لا حاجه يطلب يسمع ادلل
خيرك لا مامات يا قاضي الحاجات
نعزي الحجه اليوم بالون والاهات
______
سم تاريخه ذاك القرر ايسمك
وكل الناس ضلت تلهج اباسمك
اكو غايب يجي ويطالب ابدمك
يالمنزل علمهم وارتفع علمك
عايش رغم الموت صرخه واه وصوت
هوه الفضله ايعيش ما يفنه ابتابوت
______
سجنو روحهم يالكاظم ابسجنك
والظلام كلها اتخوفت منك
يالمحير الناس السولفت عنك
عدوك جان يفرح لو كثر حزنك
يالميت مسموم هاي الدنيه اهموم
لكن فتره تروح ما تخلد للدوم
______
ترد اليعتنيك وحاجته ابجفه
واليكصد عليل ابحضرتك يشفه
والمهموم دمعه ابجفك اتنشفه
بكفه الكون كله وفضلك ابكفه
واليكصد مجروح يمك حزنه يروح
ما ميت والله خالد مثل الروح
_____
#لاتنسوا_صاحب_الزمان_من_دعائكم
قناة الرجوع الى الله @h_ameer1
قصائد منبريه مكتوبه @h_ameer2
مجالس خادم الحسين @h_ameer3
قصائد حسينيه مكتوبه @h_ameer4
مجلس الحسين الصدكي والفطري
وقروا شيبتكم ياحسينيين
ملا علي شلال الغيور ❤️
يالتسالني عالزهره ووضعها
انهشم بالباب واتكسر ضلعها
الباب امنالجذوع ..............ما تحمل وزنها
__
كصدوا لديوان حيدر ....لجن مو خير بطلابه
رادوا ايطبون داره.......وابتدوا صنع الربابه
والمخرب روحه راد...ايعم على الوادم خرابه
الباب عالزهره دفع ....ومنالعصر محسن وكع
لحدما بالدم نكع ....حيدر امنالزهره بابه
والله لو ما سبحت الزهره ودعاها
جا طبك بيده الارض ربنه ومحاها
تبجي الزهره وتلوع................ماتحمل وزنها
__
بعد ما دفعوا الباب..........واذوا الزهره بضلعها
الصخر من ونها يتفطر......يكسر الخاطر دمعها
اثمنطعش عام وشباب.......وطفت الوادم شمعها
تندل دروب السمه .....بت محمد فاطمه
ينكسر حامي الحمه...من يجي يشاهد وضعها
الارض من العرك حيدر شلعها
لون نادبته وصدك حيدر سمعها
ابد ماتكضي الدموع....ما تحمل وزنها
__
ما خلص من بعد ابوها........ومانكص ساعه حزنها
وزاد اضعاف وتكاثر.......من وكع محسن ابنها
اتخيل ام وطفل راح.........اتمنت اتشوفه بحضنها
استشهد بهاذ العمر.......عظم الله الاجر
الام اذا تذكر تدر.......عالولد ملحة لبنها
شما يجي بالبال طفل الجان غالي
تركض لمهده وترد تلكاه خالي
حزن مايكضي باسبوع........ما تحمل وزنها
____
استشهدت ام النوايب.....واتركت دار ويتم
مكبره صبح البيت...وبيت ضل بس بالاسم
وروح من حيدر تخلت....من بعدها ضل جسم
عمر خلص وي عمرها.....ميت ويمشي لكبرها
يمشي كل خطوه يعثرها....شلون وحده ضل يهم
من مشت للمكبره وراحت زهرته
حيدر امنالدنيه طفاها شمعته
بعد ما تضوي الشموع.........ما تحمل وزنها
__
ابد ما بالدنيه واحد ......عاش كل هاي المصايب
دار حيدر جان اسمها.....وهسه بس دار النوايب
هاي دنيه وعكس دارت.......سوت بحيدر عجايب
راد يقظي اعلى الظلم........والمصايب والهظم
تالي تظرب عالعظم....وعكس حيدر تحارب
ابد لا تامن بالهدنيه منونك
الخانت بحيدر غدا حتما تخونك
حيل رجيجه الضلوع ......ما تحمل وزنها
__
٢٠٢١/١١/١٢ الجمعه ٢:٢٢ص
#لاتنسوا_صاحب_الزمان_من_دعائكم
قناة الرجوع الى الله @h_ameer1
قصائد منبريه مكتوبه @h_ameer2
مجالس خادم الحسين @h_ameer3
قصائد حسينيه مكتوبه @h_ameer4
(( شهيد الباب )) المحسن ع
…………………………………………………………..
شهيد الباب انا ابن الزجيه
انه المامرت النسمات بيه
ورد ميت ربيعه •• انه المحسن يشيعه
شهيد الباب •• شهيد الباب
………………………………………………………………
متت عايز ضوه وكمره . من الظلمه للظلمه
متت واللهفه بعيوني . اشوفن شمس لو نجمه
اسيره وبقت بلساني . ماتت جلمة اليمه
انه المولود بين النار . تراب ومو مهد ضمه
انا المامش اذان ولا اقامه
متت ما شفت من امي ابتسامه
تون امي وصريعه ••انه المحسن يشيعه
شهيد الباب •• شهيد الباب
…………… .................................................
انا الكوكب الرابع . انذبحت بالفضه انواره
ابطن امي وسمعت الاه . عليها الرجس شب ناره
عصرها وللنحر جاني . مثل السهم بسماره
صرخنه اثنينه وفد صوت . دمعي و دمها يتجاره
يا محسن تصيح وعين حمره
واصيحن انا يا يمه يزهره
صرخنه احنا ابفجيعه •• انه المحسن يشيعه
شهيد الباب •• شهيد الباب
……………………………………………………………..
شهيد الباب والحايط . شهيد الجذع والعصره
غصن ماسمع صوت الطير . ولا صد للشمس نظره
حقد عالدنيه لمن شاف . وادم تعصر الشجره
انا المحسن وما اريد . دنيا وماكو اسم زهره
الفراشات وتحس مكسوره جنحين
اذا مامش ورد وحشه البساتين
الحياة تصبح فضيعه ••انا المحسن يشيعه
شهيد الباب •• شهيد الباب
………………………………………………………………
انا الماشفت حيدر . ولا گعديت بحضانه
اسمي انذبح يم الباب . ولا صاحاني بلسانه
عيني ومثل صوم الصيف . لخوي الحسن عطشانه
اصبن كهوه للخطار . وامد سماط ديوانه
تمنيت انحسب لحسين ناصر
وكون ابداله تسحكني الحوافر
فده لرگبة رضيعه •• انه المحسن يشيعه
شهيد الباب •• شهيد الباب
…………………………………………………… .………
منظر احد من السيف . وبكل لحظه يذبحني
اخيتي وتبجي وسط الدار . على التربان تنظرني
جنها اتگلي اريدك غاد . ليل اهدعش تحرسني
هديه والج رب الكون . بالعباس بدلني
عمامه يشيل فوگ الراس خدرج
وامه ام البنين اتصير امج
اجفوفه الكم گطيعه •• انا المحسن يشيعه
شهيد الباب •• شهيد الباب
………………………………………………………………
ها يالمهدي يالموعود . انا وامي ليه صحنه
ثجيله الباب يالمهدي . طبكة جفن طبكتنه
هذا اليرفس برجليه . ذاك بنار يحركنه
يا بو الثار تاخذ ثار . من الرجس جاتلنه
امي وما تنخت بالصميده
ثاري بأيد ابو صالح اريده
ايا حامي الشريعه •• انا المحسن يشيعه
شهيد الباب •• شهيد الباب
………………………………………………………………
✍️ ( سيد خضر الزاملي )
قناة الرجوع الى الله @h_ameer1
قصائد منبريه مكتوبه @h_ameer2
قصائد منبريه مكتوبه @h_ameer3
قصائد نسائية مكتوبه @h_ameer4
اهيم بعالمه اواسال
شجاع الدين ابو اللؤلؤ
شلون ابخنجره اتغزل
اسولف عنه يم غزلان
واخلي الريم تقراله
تعال اذبحني حبك حل
امطر فوگه غيمة هيل
واخلي الياس منه يغار
لو مر طوله المهيل
اكحلنه ابسواد الليل
واطش انجوم برموشه
واغازل رمشه المكحل
البسنه الصبح جلباب
واحطله امن الورد الوان
واگله اعللنده ادلل
ياخنجر شجاع الدين
انت امفرح ام حسين
وانت الدين ال معدل
نزال
عباس ياجمال عيونك
عباس كلهم يهابونك
خزرتك جتاله
من تصد خياله
يا جمال عيونك
...................
موت الاحمر كلها تدري لو ابو فاضل نزل
من نزل سرفن اردانه هذا تربات الفحل
سيفه باليمنه تلامع للخدر هذا كفل
يسرته تكتب قصيده حسين نص المستهل
ياهو يلفي كباله
من يصد خياله
ياجمال عيونك
ياجمال عيونك
...................
شرعبت عنده الحميه وهوس بخاجيته
صعدت الغيره عله راسه من شمر جفيته
خله عسكر بني ميه لسه ساكت صيته
صفكت هاي الهواشم كالت اله تعيده
عاد صولت حيدره
هذا سبع الكنطره
ياجمال عيونك
ياجمال عيونك
----------------
من خل ليها كفيلي الموت نازل جادة
صيح عله الجيش صيحه شرداها القادة
تونست هاشم لبنها وهوستله السادة
تونست كلها عمامه الموت هو مراده
مراد هاي الوادم
ينطي كمر هاشم
ياجمال عيونك
ياجمال عيونك
@@@@@@@@@@
من برز كافل خواته خله بيهم خوفه
زلمه منهم فنه يدنه فنه يرفع شوفه
يرفع جفوفه كفيلي يشمره عبر الطوفه
هذا بن بدويه تدري معدلات جفوفه
من رسوم خياله
شردت الخياله
ياجمال عيونك
ياجمال عيونك
@@@@@@@@@@
والنعم من الكفيل وغيرته وناموسه
شاهد حسين وتناخه نخوته المدروسه
لن جمع خوته غياره وصاح عالي بصوته
هوس الكفال بدوي خلي نسمع هوسه
اهو اهو
الشط لجدامج زينب
جابه يسحول بيه
---------
كلمات خادم المنبر
ملا ابو امير الفاطمي
قنوات مؤسسة فاطميون
قناة الرجوع الى الله @h_ameer1
قصائد منبريه مكتوبه @h_ameer2
مجالس خادم الحسين @h_ameer3
قصائد حسينيه مكتوبه @h_ameer4
جن وانس اختلفوا برض الطفوف
ونهر الفرات ابطاري لم الجروف
بيده ترفت رايه. دكاله الف ثايه
ابارض الطفوف
//////////////////
اسمه كافل. بچفه شايل.
كفل كفل. الدنيه رجفت من وصل لينه
كفل كفل. هو الكفلنه وهو والينه
كفل كفل. خيمه صبح اوخيم علينه
چا كلي. ياهو اليوصل وياهو اليعادينه
الكافل. صار اليه خيمه
الكافل. من بعد چن غيمه
الكافل. من اسمنه اتسمه
الراد يگبل عباس حضر تابوت
والشاف جدحة سيفه لازم يموت
سيفه صبح ايه. دكاله الف ثايه
ابارض الطفوف
/////////
قران يمشي. ميزان بكلشي.
كمر كمر. يامحله طوله ومشيته ويانه
كمر كمر. يامحله لونه وكعدته اهنانه
كمر كمر. يامحله حچيه وضحكته اهوانه
عباس خل. ماي العذب ابرجله يدنانه
عباس. عين الشمس سداها
عباس. تردم ردم خلاها
عباس. بسيفه العده ساواها
كل العده واهل الشام صاحو دخيل
من حسو بنار الغيض من الكفيل
اصبح الي امرايه. دگاله الف ثايه.
ابارض الطفوف.
////////////
صار ساقي. دوم باقي
جبل جبل. كل الخلگ من جربته اتروه
جبل جبل. من زغره ساقي وعلي مو توه
جبل جبل. بيده كتبها الغيره والخوه
خيعوني. اگولن چي عشت وياه ابو النخوه
احمِد. الله صبح ومسيه
احمِد. عباس ايلوگ اعليه
احمِد. وتشگر البدويه
كل ساعه انه اتشكر ام البنين
چي خلفت واحد صار لجل الحسين
ما عنده كل غايه. دگاله الف رايه.
ابارض الطفوف.
//////////////////////////////////////
دنياي تسكت. بحچيه تنبت
كفل كفل. الدنيه تسكت لو لفظ اسم اخته
كفل كفل. املوحه تنگط وعلي سالفته
كفل كفل. عباس اعرفه من الزغر ماشيته
ما يرضه. بالباطل ابد لو عله دم ركبته
حلوه. العشره وي عباسي
حلوه. وهوه شيلة راسي
حلوه. روحي صبح وحساسي
شمحلاها چلمة زينب عند تصير
يتنخه كلشي ابعباس حته اليطير
رايي صبح رايه. دگاله الف ثايه.
ابارض الطفوف.
/////////////////////////////////////
عطشت سكنه. طلبت منه.
رحل رحل. گللهه اصبري وراح اردلچ
رحل رحل. بس المسافه الماي يم رجلچ
رحل رحل. گلهه النهر لو بجربه اجيبلچ
وكللهه. اكعدي بخمتچ الماي يوصلچ
تبسم. سكنه ضمهه الصدره
تبسم. الجربه حطهه بكتره
تبسم. الجيش خلا حدره
تبسم الكافل وگال هذه النهر
ياسكنه لا تنتظرين اشبع قهر
يمهه وصل مايه. دگاله الف ثايه.
ابارض الطفوف.
/////////////////////////////////////////
احمِد الله. وگلبي صله.
بدر بدر. هو حياتي وكل نفس بيه
بدر بدر. هو ضحكتي واهس العصريه
بدر بدر. الضلمه عندي بجيته كمريه
ومن الصبه. انه عشت جوه عباته وفيه
بطاري. املاك نزلت عدنه
بطاري. اسمه چن موعدنه
بطاري. ياهو يوكف ضدنه
عباس بسمه اترتل حته السماء
واملاك نزلت تاخذ درس الوفاء
ولحسين تچايه. دگاله الف ثايه
ابارض الطفوف.
/////////////
سعد عبد العزيز
قناة الرجوع الى الله @h_ameer1
قصائد منبريه مكتوبه @h_ameer2
مجالس خادم الحسين @h_ameer3
قصائد حسينيه مكتوبه @h_ameer4
أحبك وأسأل أعليه المكاتيب
توج نيرانها طبع المعازيب
هنيالي و عشگتك وبروحي كتبتك
ياأبا عبد الله
_
أخذ عُمري أعله جرحك يوم هيچ بروحي أتمنى
وبَعد عوف الگلب بس شوف هو الوحده يتعنه
أذا مو من گلب متعوب أبد ماتطلع الونه
لذلك أنه طبعي أعليك طبع أچفوفي والحنه
اخذني وخلي وسط أسبابي الشلون
تغار أعله الدمع عادتها العيون
بنص گلبي محبتك وبروحي كتبتك
ياأبا عبد الله
_
أحاچيك بگلب متعوب گاضي دمعته بنوحه
ويمحلاة الدمع لوطاح بس بي لذة أملوحه
تره الگاضي حياته طفوف يضل بس ينهش بروحه
ولگيت العايش أبلياك ماتتغازل جروحه
أريد أفتهمك وتعرضلي الأرماح
أبد مو حلوه روحي بلايه الجراح
من جرحي فهمتك وبروحي كتبتك
ياأبا عبد الله
_
أطشر روحي والتم بيك ماترضاها أتعذب
وأحب نفسي لأن تنعيك باأيام الفرح تنحب
هدوم السود بويه أعليك طول العمر ماتِنذَب
أجي متعوب بيه هموم وأرد من يمك مرتب
أشمن من ضريحك عطر البخور
يهنياله الگضه أعله أعتابك يزور
بدمعاتي وصفتك وبروحي كتبتك
ياأبا عبد الله
_
أضمن روحي بشكم أه وأصير من الحچي بسدك
وأشمن ريحة الله البيك والگه بيها أثر جدك
يسألوني وأگول الروح بس أنتَ الك وحدك
وأضل كل عمري بويه حسين خدي يصافح بخدك
الوم بروحي ويعذبني هاللوم
ويهنيال الحمامه بصحنك تحوم
من حُبك عرفتك وبروحي كتبتك
ياأبا عبد الله
_
لهف بيه أعله كل مشتاگ مامر مثل ما مرني
وليالي لخاطرك مولاي بفراگك يبّچَني
الهَظم رايد يمرّ بالروح ويفزز شكو بجفني
أجيك وأشتكيلك كون وارجع وأترس بحزني
أشيل بروحي وأمشي سيدي وياك
وأضل بكل تعب أمشي وي ممشاك
بنص گلبي رسمتك وبروحي كتبتك
ياأبا عبد الله
_
توفيقهُم ورزقهُم
عبد الرحمن حميد الفضلي
قناة الرجوع الى الله @h_ameer1
قصائد منبريه مكتوبه @h_ameer2
مجالس خادم الحسين @h_ameer3
قصائد حسينيه مكتوبه @h_ameer4
طريقه تحويل القصيده من الورقه إلى الهاتف https://youtu.be/hTX-X2rYT4Q
Читать полностью…
ستذوب الوجوه الجميلة في تراب الدنيا
ولكن ستبقى الأفعال الجميلة ترسم وجها أجمل في الجنة ..
أجعل علاقتك بالله قوية قبل كل شيء فهذا هو أساس بناء شخصية قوية ومؤثرة ويزيد من الثقة بالنفس بصورة كبيرة..
Читать полностью…
بهذه الليلة يصل كتاب مسلم بن عقيل الى الامام الحسين في مكة ينص الكتاب على مبايعة شيوخ وقبائل وزعماء أهل الكوفة باسمائهم وأختامهم
Читать полностью…
هلن ياعيــــــــوني هلن ايامه
هلن والدمع خــــــل يحرگ الوجنه
عله الحرگو اخيامه وطشرو ضعنه
عدنه اجروح مـــن العاشر امدخنه
وبس عاشور هـوه ايطفي جمرتنه
جمر اخيام زينب مشتعل بينه
نعد ايــــــــــــام يمته انعلگ الرايه
ومثل جيت عزيز ايطــــب للولايه
السمع عاشور يسمع طاري مشايه
نعطرها المسامع بـــــــس بالقرايه
لطمن يامتــــوني العمة الساده
محرم عشِره مانحسبله بس عشَـره
شهر الخدمه والخـــــــــدام متوزره
سنه انلم بالدمع وبمجلسه انطشره
مجالسنه تفـــــــــوح بريحة الزهره
وبس حسين يسـتاهل نعاوينه
يراعي الحيل شـــد احزام خدامك
نريد الحيل منك نبچــــي لخيامك
اخذنه امن الســـنين وذبنه بيامك
حرام الطم الغـــــيرك وانه لطامك
يحلاله الجزع لحــسين جزاعه
مصاب حسين حزن الله وملائكته
يضل طفك عمر ماتگـضي سالفته
نطيّحهه الفـــــــــواتح اله فاتحته
شلون اتطيح والخيـــاله ساحگته
مچفيه الدلال الخــاطر ادلاله
خادم القصيده
شاكر الصيمري
قنوات مؤسسة فاطميون
قناة الرجوع الى الله @h_ameer1
قصائد منبريه مكتوبه @h_ameer2
مجالس خادم الحسين @h_ameer3
قصائد حسينيه مكتوبه @h_ameer4
ها يالحبيب العايش بأنفاسي
اسمك يمهدي ملك كل حساسي
ياأغله من عيوني/مجنونك يسموني
🌹🌹🌹🌹🌹🌹🌹🌹🌹🌹🌹
هليله ليلة مولدك يالوالي
احله الليالي ليلتك يالغالي
سهران هليله وفرح دلالي
يالنور وجهك سيدي يحلالي
يا لمنتضر ها ليوم عيدك عيدي
من كد سروري كمت اصفك ايدي
نورك يشع بعيوني/مجنونك يسموني
🌹🌹🌹🌹🌹🌹🌹🌹🌹🌹🌹
متروس يالمهدي عشك ياليلك
محتار اوصفك سيدي شحجيلك
انته الحبيب الانتضر ما غيرك
يايوم تضهر عالخلك ادعيلك
يمته الوعد يااغلا من كل ناسي
شاب الكلب والوكت كلش قاسي
هواي العده لاموني/مجنونك يسموني
🌹🌹🌹🌹🌹🌹🌹🌹🌹🌹🌹
يالعايش بوسط الكلب ماعوفك
كعبه انته بالنسبه الي واطوفك
يله أضهراضهر اخذ ثار اطفوفك
جندي الك ياسيدي ما عوفك
انته السكنت اعيوني اودلالي
لجلك بقيت معلق أبامالي
عنك فلا يمنعوني/مجنونك يسموني
🌹🌹🌹🌹🌹🌹🌹🌹🌹🌹🌹
احله عشك مر بالمحب تدرينه
بشاطي العشك روحي رست مهدينه
عشاك الك يالمنتضر مر بينه
طال انتضارك والبعد ياذينه
يا لمنتضر فدوى العمر و سنينه
جسمي ذبل والكلب عالي ونينه
حسادك يلوموني/مجنونك يسموني
🌹🌹🌹🌹🌹🌹🌹🌹🌹🌹🌹
يالمهدي ليلة مولدك مختلفه
سهرانه روحي للصبح متلهفه
يالجرحك بطول الزمن مايشفه
عاشك وروحي بالعشك محترفه
ياسيدي يمته الفرج اتاني
ياربي سهل هالسهر سلاني
فاضحني دمع عيوني/مجنونك يسموني
🌹🌹🌹🌹🌹🌹🌹🌹🌹🌹🌹
يمته انتضارك تعباني اظهوره
يمته اشوفن رايتك منشوره
يمته الفرح بكليبي ياخذ دوره
يمته اشوفن شيعتك مسروره
يمته اشمك سيدي بانفاسي
حته الهوه يصبح عطر عباسي
وانه عترف بجنوني/مجنونك يسموني
🌹🌹🌹🌹🌹🌹🌹🌹🌹🌹🌹
تمت والحمد لله
خادم الحجه عج
ملا ياسر الزيادي
قناة الرجوع الى الله @h_ameer1
قصائد منبريه مكتوبه @h_ameer2
قصائد منبريه مكتوبه @h_ameer3
قصائد نسائية مكتوبه @h_ameer4
[[ الحب ناده ]]
لولادة الاقمار المحمديه عليهم السلام
في شهر شعبان الخير
الحب ناده بأعياده وميلاده
هلا هلا هلا هلا هلا هلا
🌹🌹🌹🌹🌹🌹🌹🌹
بشهر الفرح ميــــة هــــلا
نادينه يا شعبان
حيل ابتشر كســره انجبر
بيك المحب فرحان
بحســــــين مسرور الگلب
وبعشگه هم ولهان
ضوه دربي
هــــو حبي
الـه گلبـــي
دوه عشگه
ابــو ملگــه
هوه يــبگه
غيره غيره
واستشيره
مالي غيره
فز شوگي البعروگي لمعشوگي
هلا هلا هلا هلا هلا هلا
🌹🌹🌹🌹🌹🌹🌹🌹🌹
ثاني قمـــر فوگ الارض
كله عشگ واحساس
من انــــولد لاخـــر نفس
بس لله طـــخ الراس
ومن شالته اخته اندبت
يمه هــــــلا بعـــباس
هو كافــــل
هو باســـل
ابو فاظــل
وبيـمنـــته
وبجربـــته
تنسر اخته
عينه جنه
آيه چـــنه
الهوه منه
بعيونه وبجفونه يهابونه
هلا هلا هلا هلا هلا هلا
🌹🌹🌹🌹🌹🌹🌹🌹🌹
شكــرا الك شهر العشگ
جبتنه هالاعـــياد
شيعة علي شگد تنتضر
واتاني هالمــيـلاد
لثالث ملك بين البــشر
هو علي السجاد
هو ساجد
هو عـــابد
هو قائـــد
فده لأسمه
هـو هــــمه
هو نعــــمه
كل شعــوري
وكل سروري
هــو جــوري
بساجدنه وزاهدنه وقائدنه
هلا هلا هلا هلا هلا هلا
🌹🌹🌹🌹🌹🌹🌹🌹🌹
يوم اهدعش من هالشهر
بيه الـعشگ يكبر
مولد علــي الچنـــه علي
هو علي الاكبــــر
مو چن بشر وسط المهد
وسط المهد منظر
ربــه ليله
والاصيله
والجليـله
وجهه ضوّه
ضوه هـــوّه
كله نخــــوه
چنه جـــده
وافي عهده
گمره خــده
بهلهوله يصفگوله يصيحوله
هلا هلا هلا هلا هلا هلا
🌹🌹🌹🌹🌹🌹🌹🌹🌹
بخمسطعش يطلع بدر
وكت الحزن يغدي
ادعي گمت وانطر فرج
وادموعي بخدي
متى تراني وأراكـــــا
سيدي المــــهدي
هو ايـه
هو رايه
هو غايه
هو شيمه
هو خيمه
بعده هيمه
هو غالي
هو والي
كل نوالي
لمهدينه حنينه ونادينه
هلا هلا هلا هلا هلا هلا
🌹🌹🌹🌹🌹🌹🌹🌹🌹🌹
عبد العليلـه
✍حيدر ابو كيان الفاطمي
قناة الرجوع الى الله @h_ameer1
قصائد منبريه مكتوبه @h_ameer2
قصائد منبريه مكتوبه @h_ameer3
قصائد نسائية مكتوبه @h_ameer4
خذت حته ام البنين امرادها
من فدت لحسين كل اولادها
_____
ما على وجه الارض ام اسمعه
فدت لام حسين اولاد اربعه
غير بس ام البنين امجمعه
واطت بعاشور لحم افادها
_______
مثل ام عباس حرمه ماشفت
اولادها ولا راس الحسين ابطشت
رمز للتَضحِيَه تبقه اشما عشت
خيمه بالطف صارت اباعمادها
_____
يوم عاشر بالجثث سواله سد
الكافل ابن ام البنين ابيوم هد
نهر مو جربه ترس يوم ال رد
بروس عدوانه التنكط سادها
________
خلفت عثمان عبد الله وكفيل
جعفر ابيوم الشدايد ما يميل
ما تعرف الخفه جابت بس ثكيل
جيوش والكافل واخوته افرادها
_____
ياهي يوم الموزمه عده ازلمه
لاذت ابعاشور بي كل السمه
استجار بروحه حماي الحمه
مجمر وغيره اتكشخ برمادها
_______
يا سلام الله عليج ام البنين
مو على العباس خفتي عالحسين
اجفوف فوك الجرف لاجله مكطعين
انتي عاشر والحُسين ابعادها
_____
#لاتنسوا_صاحب_الزمان_من_دعائكم
قناة الرجوع الى الله @h_ameer1
قصائد منبريه مكتوبه @h_ameer2
مجالس خادم الحسين @h_ameer3
قصائد حسينيه مكتوبه @h_ameer4
وأسألُـكَ
بِڪُل اسـمٍ سمَّيـت بـه نفسـك
أن تُعيدنـي إليـك
برفـقٍ،
ڪلما ضيّعَتنـي السُبُـل.
@h_ameer3
فاجعة الزهراء ........اول عاشوراء
من باب الله كرامة بابي....وتعدا عليها الارهابي
فاجعة الزهراء...فاجعة الزهراء
__
ابو الكلمه الماله كلمه الكال للزهراء وان
دفع باب الله عليها وطاح من عدها ابن
الجبان الختم معنى الظالم وحد الجُبن
صار من انطاف عده ومن نسل جدا اسن
اسس ارهابين ....للزهره ولحسين
العفه انطلقت من احجابي....وتعدا عليها الارهابي
فاجعة الزهراء.....فاجعة الزهراء
__
يا مكص كطعت بيدك نور حبل الله المتين
وانطلاقاً من فعلتك اسست قتل الحُسين
تدعي الدين واصوله وانته اصلك ماله دين
من نسل خنزير اشكن صرت ابن واحد هجين
ارجع للانساب......زهرة داحي الباب
الله مكرمهم انسابي...وتعدا عليها الارهابي
فاجعة الزهراء....فاجعة الزهراء
__
النسله طاهر وابن طاهر ما يسوي هالفعل
وانته اثبت ابن باغي ومو ابن طاهر نسل
جهل خلوك الخليفه يا خليفه اعلى الجهل
باجر المهدي يصلبك على الباب وعالطفل
غايبنه يطلبك......عالنخلله ايصلبك
ريشة جبريل بمحرابي.....وتعدا عليها الارهابي
فاجعة الزهراء.....فاجعة الزهراء
__
ان جان فعلك للخلافه انته ابد ما تستحق
الخلافه اتريد اهلها وانته تصلح للنعق
انته والخنزير واحد ابد ما بيكم فرق
عالخمر جانت قبلتك والحكم خط الافق
باجر بالمحشر...اضرب لو تكدر
ماتكدر توصل لثيابي....وتعدا عليها الارهابي
فاجعة الزهراء......فاجعة الزهراء
__
النار بالباب اضرمتها باجر اتعيشك جحيم
اعوذ بالله من فعلتك جنت شياطناً رجيم
بالسليم اشلون ينحط الانسان المو سليم
باب من اجذوع حقدك عالسراط المسقيم
آيات الرحمن....يسطرها الشيطان
مو من شيمة اي اعرابي.....وتعدا عليها الارهابي
فاجعة الزهراء......فاجعة الزهراء
__
حته عالما عده غيره ما يصح هذا الفعل
والجهل منك تعلم معنى وعلوم الجهل
شوف ياهو اليعلى شانه وياهو ينصه ويالزبل
شلون قران الله بيدك يستباح وينكتل
شنكلك حيره...ماعدك غيره
حسين ابخيمتهم رابي.....وتعدا عليها الارهابي
فاجعة الزهراء .....فاجعة الزهراء
__
٢٠٢١/١١/١٢الجمعه ١٢:٤٣ص
#لاتنسوا_صاحب_الزمان_من_دعائكم
قناة الرجوع الى الله @h_ameer1
قصائد منبريه مكتوبه @h_ameer2
مجالس خادم الحسين @h_ameer3
قصائد حسينيه مكتوبه @h_ameer4
[[ شاهد المصائب ]]
لسان حال مولاي القائم عج يشرح مصائبه
المن يضل شعنده --- الگدامه طايح جده
صبح ومســـه دمعـــاتي بالعين
بيا فرحه انسه مصاب الحسين
المن يضل شعنده --- المن يضل شعنده
◾◽◾◽◾◽◾◽◾◽◾
بده اول مصـــاب بدفــعة الباب
وخضر حزني بيه
ثگيل الباب واطوال البســــامير
ودفعوه ع الزچيه
المحسن عمره ما بادي لچن مات
هاي اول منيه
اليوم الصحبه لعبو دور الارهاب
باچر ال اميــه
مريه وحيده بهمها--وابو الحسن مو يمها
محد يجــــــي المـــن تتــــانين
بيا فرحه انسه مصاب الحسين
المن يضل شعنده --- المن يضل شعنده
◾◽◾◽◾◽◾◽◾◽◾
بيا فــــرحه اصبّر روحــــي وارتاح
حسين گبالي طايح
واشـــــوف الحافر الما خايف اللــه
بصدره جاي رايح
ورغم حرگ الخيم وزينب نضرها
لبو السجاد شابح
يموت بكل دقيقه هواي عبــــاس
شما يسمع الصايح
مايگدر يهد الهن ---- خياته المدللهن
لاعيــــــــن ضلــت لا الچفــــين
بيا فرحه انسه مصاب الحسين
المن يضل شعنده --- المن يضل شعنده
◾◽◾◽◾◽◾◽◾◽◾
فاگــــد وانمــــرد كل مرة اغروب
وعلى طاريهم انحب
مو بس راسي شيب وحگ عباس
حته الرمش شيب
راحو مني وين الكـــلهم احنــــان
وعليهم ضهري حدّب
ما كاتــــــلني الا شـــلون للشــــام
راحت عمتــــي زينب
لاچن شفت بالجيه -- فاگد ضعنها بنيه
ارقـــــــيه ماكــــو يالمجبلـــــين
بيا فرحه انسه امصاب الحسين
المن يضل شعنده --- المن يضل شعنده
◾◽◾◽◾◽◾◽◾◽◾
الام وســـبي والباب واضلـــوع
واسموم وخناجر
اطفال ويتامه سيـــوف وارماح
ودمـوم ومناحـر
مرن على عمتي اشــكال وانواع
وگلبها گوه صابر
الله يساعدچ بس اعلــه لحضات
المرن يوم عاشـر
وانه العشتهن كلهن -- بالگوه متحملهن
طف النـــوايب جاهــــــم منين
بيا فرحه انسه مصاب الحسين
المن يضل شعنده --- المن يضل شعنده
◾◽◾◽◾◽◾◽◾◽◾
شنو ذنب الرضيع البيد الحسين
سهم گطّع وريده
جابه حسين وانطاه للنساويـــن
ودم متروسه ايده
رباب تصيح يمــــــه الولد يرباي
حسين وليدي اريده
وما بين الـيتم ومصاهل الخــيل
محــــتاره حميــــده
والدها المتانيته -- شيرده بعد لبيته
تــــــدور وتنـــشد بالنســــاوين
بيا فرحه انسه مصاب الحسين
المن يضل شعنده --- المن يضل شعنده
◾◽◾◽◾◽◾◽◾◽◾
ما بطلت ساعـــه ولا غفــــت عيـن
ودوم منگــــع الخــــد
شفت بالعاشر المو خـــــوش ريال
اعله صدر حسين يگعد
وشفت علويه من حرگوها الخيام
حـــارت ويـــن تلبــــد
كل هاي المصايب ياگلب هـــــاذ
اليفــــــــرح واليعـــيّد
متلوگ ضحكه ويايه--وانه الخسرته هوايه
المني شالــــو مـــوش هينــــين
بيا فرحه انسه مصاب الحسين
المن يضل شعنده --- المن يضل شعنده
◾◽◾◽◾◽◾◽◾◽◾
عبد العليله
✍حيدر ابو كيان الفاطمي
قناة الرجوع الى الله @h_ameer1
قصائد منبريه مكتوبه @h_ameer2
قصائد منبريه مكتوبه @h_ameer3
قصائد نسائية مكتوبه @h_ameer4
الليله الله يعين كلبك يبو صالح
فاركت شمعت حياتك بالنوايح
الله كون يعين كلبك
فاركت وجه اليحبك
يابو صالح
_
فاكد النعمه الجبيره التممت معنى الدفوا
يابو صالح والله صعبه العايش وفاكد ابوا
عشره ويه الحزن عده وينحسب مثل الاخو
وانته فاكد
اغلى واحد
كافي تنحب
ماكو والد
بعد ما تكدر تعوظه ولا تشوفه
بعد لا توصل حنانه ولا جفوفه
ادعي من الله اليصبرك
فاركت وجه اليحبك
يابو صالح
____
انظافت لعاشور حسره ومدمع واخ وجمر
صعبه من تفكد عزيز وعايش وياك العمر
وانته من زينب اخذته وتممت معنى الصبر
ماتكابر
انته صابر
راح ابوك
وبيك عاشر
تحس روحك كلشي خاسر رغم واحد
تزغر ابعينه حياته الماله والد
بعد بيمن يضوي دربك
فاركت وجه اليحبك
يابو صالح
____
ما تفارك لحضه جرحك سابق بهاي زمن
الله كون يعين كلبك فاكد الليله الحسن
عيونك البيهن تشوفه هسه بفراكه بجن
سال دمعك
ساء وضعك
دمع باجر
من يودعك
راح تفكد يابو صالح اغلى نعمه
الما يخاف الله ويهابه دار سمه
عّلَي مُر هواي صعبك
فاركت وجه اليحبك
يابو صالح
__
مايحس بالفاكد اله الفاكد بعمره احد
وانته باول يوم عمرك عاشر وياك انولد
شفت كلشي بعمر واحد شنهي التشوفه بعد
خيمه راحت
جنها طاحت
ورده بس سم
جنها فاحت
الفاكد اتصير ابنظرته الدنيه ظلمه
حالك ابكثر البواجي ارجوك رُحمه
حزنك اعلى اهلك يغربك
فاركت وجه اليحبك
يابو صالح
____
كبل لا يخلص عمرنه عدنه يالمهدي امل
انته تاخذ ثار كلشي صار بالدنيه وحصل
ابد ما يبرد كلبنه وندعي من ربي العجل
تطفه نارك
يوم ثارك
من يمينك
حد يسارك
عجل اللهم عجل بانتظارك
للحسن وحسين والكل اخذ ثارك
خالقك للدين ربك
فاركت وجه اليحبك
يابو صالح
___
#لاتنسوا_صاحب_الزمان_من_دعائكم
قناة الرجوع الى الله @h_ameer1
قصائد منبريه مكتوبه @h_ameer2
مجالس خادم الحسين @h_ameer3
قصائد حسينيه مكتوبه @h_ameer4
يامهدي يمته فرج. طوالت كلش بعد
بغيابك خلص عمر . من سنينه بس نعد
يمته شثفك يابو صلح. يمته شوفك يابو صلح
من عيني تجري دمع ضهر نحنه بغيبتك
بعيوني صدل بشر. كمت تخيل جيتك
طال صبر ونتظر . والعمر كله نتضرتك
خليني شوفك لو . دليني وين بحظرتك.
الكل شيعي يريدك تجي. خلصت عيونهم بجي
شتكيلك من حجي. طولت كلش بعد
يامهدي يمته فرج . طولت كلش بعد
بغيابك خلص عمر . من سنينه وبس نعد
يمته شوفك يابوصلاح . يمته شوفك يابوصلاح
كل جمعه رفع اديه . دعي من الله يعجل
وحسبلك يام وقت . انتظر صبح واليل
خرج وخل نعتنينك. مشتاكين شوفتك حيل
تانيتك الحظه وشهر . مشدود بيك الامل
يامهدي صبر لاوين . نطالب بثار حسين
شفنه ماتشوفه عين طولت كلش بعد
يامهدي يمته فرج .طولت كلش بعد
بقيابك خلص عمر . من سنينه وبس نعد
يمته شوفك يبو صلاح . يمته شوفك يبو صلاح
بسمك تنادي سمه . يذكرك حته الهوه
لعلتي ماكو طبيب . بس انته هو دوه
بكلبي عشقك ابد .غيرك بعد ماهوه
افرح كون من تجي . بلكوفه نلتم سوه
نظرت مفار حبيبه . رب عرش يجيبه
يلتقي مريض بطبيبه . طولت كلش بعد
يامهدي يمته فرج . طولت كلش بعد
بقيابك خلص عمر . من سنينه وبس نعد
يمته شوفك يبو صالح . يمته شوفك يبو صالح
يذينه حركم خيم . يلجمه هذا الم
مولاتي مصيبه بعد ينكسر بيج عظم
ماهيده هذا جرح . مايكدر بعد يلتم
مولاي كله تصيح . ثارك ضد ضلم
شاعر مصطفى المرياني
قناة الرجوع الى الله @h_ameer1
قصائد منبريه مكتوبه @h_ameer2
مجالس خادم الحسين @h_ameer3
قصائد حسينيه مكتوبه @h_ameer4
لشهر محرم #اساسية
هله بشهر الحزن كله
أمـلّ أهــلي ولا مِلّــه
هلا بالغايب الحاضـر
أتييّـه بيتـي و أندلّه
وا حسيناه .. واحسيناه
ــــــــــــــــــــــــ
هلا بشهر الجزع كلّه شهر الدمعه والحسره
محرم يا أبو احزاني شهر المهدي والزهره
من واحـد صفر احســبلك ايام
هلا بعشگي الأحبه دون الاشهور
حلوه ايامه احسها تركض إركاض
واحله ايامي اعيشنها ويه عاشور
چي صاحب الامر يرجع
وعين الزهره بي تدمـع
يكون عيــوني أعـميها
اذا للزهــره ما تفـــزع
وا حسيناه .. واحسيناه
ــــــــــــــــــــــــ
شهر بي تگعد الزهره يم باب الحُسَينيّه
تصيح اعله ابني عينوي وعدها بكل عزه جيّه
موش اعله الصدر تلطم على الراس
هنيئاً للـ تِشُــوفه ايوشّــل العيـن
يعين الله ام حسن مكسوره لضلوع
يهنياله اليســـاعد أم الحســـين
شهر ام الحــزن يهضـــم
من جَيْت ام حسن واحكم
الطُـــم بالنيــابـه الهــا
مابيهـا ام حســـن تلطم
وا حسيناه .. واحسيناه
ــــــــــــــــــــــــ
تِرِد للمهدي وتگلــه سجّــل هـــذا يا يمّـه
هذا شگد يحب جدّك بكل عاشور اله بصمه
هذول الـ عالنحر تارسهم الشـيب
ذولي الـ بس يصيح الناعي يبچون
هذول الـ عالمنـابر باچر النــور
يبعـــد امك هذولي الما يبـردون
ابد ما عافــو المنبــر
شيعة حيدر وجعفـر
هذول احفظ اساميهم
واترس بيـهم الدفتـر
وا حسيناه .. واحسيناه
ــــــــــــــــــــــــ
صار إيگلها يا يمه شكو واحــد بچّــه إلجدّي
هذا اسمه انحفظ عندي جندي بدولة المهدي
شيعتنه وكفــو الماتو بالآهــات
هذوله الـ بالعزه ايشدون الحزام
لو مر طــاري زينــب مـا ينامون
ولـ مْحرّم تمر ساعـتهم إبعــام
يلاگــون الحــزن ملگـه
بجفنهم ما يصح طبگه
عشّاگ الدمـع والـ هَـــم
مثل شيعتنـه مــا نلگه
وا حسيناه .. واحسيناه
ــــــــــــــــــــــــ
ولهذا السبب نكتــب هلا بشـهر الحزن والهَم
نوگف لأم حسن وگفه ولبنها الضامي نتحزم
هاا يم الحسـن مرضاتــچ انريــد
هيچ انتي استراحي ابجيتچ اليوم
اليوم احنه بخدمتچ نكسر إضلوع
و گد ما بيچ ذبي اعلينه الـ هموم
يوم العاشــر إنقدْســه
وعدنه ويه الجزع ونسه
من نسمع بچَـت زينــب
چن ماعدنه اهل ننسـه
وا حسيناه .. واحسيناه
ــــــــــــــــــــــــ
مهدي التقي
قناة الرجوع الى الله @h_ameer1
قصائد منبريه مكتوبه @h_ameer2
مجالس خادم الحسين @h_ameer3
قصائد حسينيه مكتوبه @h_ameer4
اعظم صلاة في يوم الغدير لاتفوتها"
https://youtu.be/X1fCHaudN4U
عن جابر الجعفي، قال: قال أبو جعفر محمد بن علي (عليهما السلام): لو علم الناس متى سمي علي أمير المؤمنين ما أنكروا ولايته.
قلت: رحمك الله، متى سمي علي أمير المؤمنين؟
قال: كان ربك (عز وجل) حيث أخذ من بني آدم من ظهورهم ذريتهم وأشهدهم على أنفسهم ألست بربكم (٢) ومحمد رسولي وعلي أمير المؤمنين (٣).
📚دلائل الإمامة للطبري الشيعي 🙏
يا علي 💐
كانت بالمدينه جاريه عمياء تسقي الماء وتقول اشربوا الماء على حب علي ابن ابي طالب.!! فوجدها رجل ذات يوم بمكه المكرمه وكانت بصيرة فتعجب من امرها.!!
🔹فقال لها . الست المراة التي كانت بالمدينه تسقي الماء وتقول اشربوا الماء على حب علي بن ابي طالب.!!
🔹 قالت بلا . انا هي.!!
🔹فقلت لها . مالي اراكي بصيرة وقد كنتي عمياء.!!
🔹فقالت ذات مرة وانا اسقي الماء جاء رجل وقال لي تسقين الماء على حب علي ابن ابي طالب.!!
فقلت له نعم.!!
فقال او تحبينه.!!
فقلت حبي له لا ينوصف.!!
فرفع يده الى السماء وقال ... (اللهم بحق حبها لعلي ابن ابي طالب اردد عليها بصرها)
فوالله مااستتم دعائه حتى عاد الي بصري.!!
فهم الانصراف.!!
فقلت له من انت يا هذا.!!
فقال انا الخضر ( عليه السلام )
(اللهم بحق علي وبحق حبنا لعلي فرج عنا يالله…شافي مرضانا ياالله اقضي حوائجنا ياالله)
.......
اذكر محمد وال محمد
قناة الرجوع الى الله @h_ameer1
قصائد منبريه مكتوبه @h_ameer2
مجالس خادم الحسين @h_ameer3
قصائد حسينيه مكتوبه @h_ameer4
طوعه بعدما عرفت مسلم وعشيرته قالت
اتفضّل يمسلم يالهيبه اسمك
هالبيت بيتك. طوعه تخدمك
يابوطاهر يابوطاهر
شرّفني يمسلم ودخل البيتي
تقبلني اِلك خدّامه ؟؟ امنيتي
طوعه وبيت طوعه فدوه الك يرحن
بخدمتك جاهي يعله ويرتفع صيتي
هله بريحة علي ضوه وداخل الي يابوحميده
الهي بفاطمه لِمسلم خادمه كل عمري اريده
وافديله دمّي. عهدا عليه
وآنه بخدمته اَرضي الزجيه
يابوطاهر
اشكثر الله يحبني وداري ينضرله
ابوطاهر رسول حسين يدخلّه
مسلم صار راعي البيت موضيفي
وغير السيّدي ومولاي ماگِلّه
لون يطلب طلب نعم تأمر أجب لو يطلب العين
يهنيالي اشكثر يشم گلبي عطر. نفسه بالحسين
لوما اخدمك يابوالحميه
باجر شگلهه الزهره الزجيه
يابوطاهر
حگّي افتخر وتنومس عله الوادم
دخل داري انه شمعة بني هاشم
وبعيني شفت حيدر علي بطوله
تگلّي بخدمته كفيتي احس فاطم
لمن وجه الصبح دخل داري صبح مو بيت جنّه
اْخْتلف حتّه الهوه وشفت يخجل ضوه شمس الله منّه
اشگدها امن الحسين. لو گلّي شكرا
ومسلم خدمته. تكفيني فخرا
يابوطاهر
يهنيالي سگيت الحيدري دمّه
وانه كتله يمسلم خدمتك نعمه
ومنّ الهيبه البطوله ابوطاهر
انه راسي ادنگه چنت لو كلَمه
الى الله دعوتي ويمسلم منُيتي. اوياك المنيه
يبوطاهر ردت اشوفن لو متت بحشري الزجيه
بالجيش كلّه ابداً لتهتم
ساتر تگفلك. طوعه يمسلم
يابوطاهر
مسلم يجاوب
وكفو منّج يطوعه ونعم الله اعليچ
وريد الزهره يوم المحشر اتجازيچ
احس ابّيتي من طبيّت للديوان
والشكرا اشوف ازغيره منّي ليچ
طبع عندج نَعم... وفه وجود وكرم بس يل ابيه
اكو التكرم ولد كفؤها ماكو ابد ذيج الوفيه
ماكو كريمه. مثل ام البنين
تنطي اربع اولاد لعيون الحسين
يابوطاهر
سيد سجاد العميدي
تمت بعون صاحب الزمان
قناة الرجوع الى الله @h_ameer1
قصائد منبريه مكتوبه @h_ameer2
مجالس خادم الحسين @h_ameer3
قصائد حسينيه مكتوبه @h_ameer4
يمه روحـو بالضعن صيرو لحسين الوطن
رايـــــده حگ اللبن يولدي
هذا حگي وكلشي الكم طايح
هذا حگي كون اخوكــم رايح
يلا گبل حسين شــــــــدوها المحامل
وشوفو زينب كون مو هودجهه مايل
يمه عثمان اخذ اخــــــوتك واستعدو
وانته ضل اسمع وصيتي يابو فاضل
لو شمس تطلع اريــــدك كوسر
كون اخوك حسين مايتخوصر
لاتخليه يلتـــــفـت كلشي گله نفذت
انه المن خلــــــفت يولدي
===================
افتخاري وكل تعب مرضعكم
افتخاري يكبر مــــن اسمعكم
وجهي بيضتــــــــــوه يولادي النشامه
صيرو حيدر باتو بفــــــــراشه ومنامه
هوه چـــــم حسين بالدنيا احنه عدنه
من يميل اعگالـــــــــه نزعوها العمامه
كون بويـــه بكربله اتسمونه
لحد ايحط عينه بين عيونه
من تحــــط القافله وماي ماكو ابكربله
اربعتكم عطشو اله يولدي
===================
هاي اختكم لو مشـــــت برحالهه
هاي اختكم مسحو حته اخيالهه
ماتلوح الگاع كون اجــــــــــدام اختكم
الناگه من تتعب احملو الهــــــودج انتم
مثل ما محد عرف عـــــــــد علي زينب
حاوطوها وگولو هــــاي أمنه النشدكم
الينشد اعله الناگه ياهي الصاعده
ضيعو زينب گـــــولو هاي الوالده
گبّعو الناگه ابعـــــــلم نصبو بالليل الخيم
صيرو يم زينب خدم يولدي
===================
يابو فاضل ياچبــــير اخوانك
يابو فاضل اليوم كفهه اردانك
يمي تتشاهد ومــــن هسه انه اگلك
تروح ميت حته خاف ايموت گبلك
حسين يسوه الخوه واتمـــناها يمُه
بعد عندي عشرة ويطلعــــون مثلك
كلهم العباس اســـمي اسمائهم
وين مايمشي الحسين اوياهم
من يصيـح اباي أسم جاوبو كلهم نعم
العايـــل ايرشونه دم يولدي
====================
ذكرياتي چنت اسولف بيكم
ذكرياتي وعلي گـال اعليكم
ولدي كلهم زود واربـــات ايدي هايه
منهم الارواح تطلع مــــــــــــو عبايه
بعد عباس اعله زينــــب ما اوصيك
وما اريد اعليهه اگلك شــــدلي رايه
دير بالك زينب ايشــــوفونهه
يبني حته الناگه شد اعيونهه
الخيمه لمن تنّــــــــــصب خلهه بالناگه تطب
ويمهه خلي الشط يصب يولدي
===================
راح اتاني للضعن نطـــــاره
راح اتاني يمه اريد ابشاره
باچر الله لايگـــــــــــــول ورد ضعنكم
خالي من حســــــــين وانتم ماشفتكم
اهنانه راح اوگف ابطولي وراح اگـولن
احزامي خوش احزام لـــــمن حزمتكم
باچر اتجازوني تعب العـــيشه
ومن ابو فاضـــل اريدن ريشه
هذا نيـــــــشان الگمر يعني طاح اعله النهر
ذخر ليامــــــي وفخر يولدي
شاكر الصيمري
قنوات مؤسسة فاطميون
قناة الرجوع الى الله @h_ameer1
قصائد منبريه مكتوبه @h_ameer2
مجالس خادم الحسين @h_ameer3
قصائد حسينيه مكتوبه @h_ameer4
تحت🏳 راية الهدى راية السلطان علي بن موسى الرضا صلوات الله وسلامه عليه.
......في الكوفه المقدسة ......
عزاء سيدي ومولاي الغريب المظلوم...
غريب الكوفة .... مسلم بن عقيل (ع)
⭕️يوم السابع من ذي الحجة ١٤٤٢هجري
السفر الى الكوفة المقدسة
✅ العزاء في شارع السكة ...جامع وحسينية ال هادي..الساعة الثامنة مساءً
⭕️ يوم الثامن من ذي الحجة
⏳الساعة السادسة صباحاً
🏴نزلة العزاءالى مرقد مولاي مسلم بن عقيل (ع)..
⭕️وبعد العزاء التوجه الى كربلاء،
🔸 قنطرة السلام ،،شارع المدرسي
🕌حسينية حجي مرتضى الحلفي
💔وللعزاء قيامة وبكاء
☆ملاحظة:يكون السفر يوم السابع من ذي الحجة ١٤٤٢هجري
الساعة الخامسة صباحاً