📚 Madina Musayeva 🎧

14 Jan 2024 19:54

Премьера: Абдулҳамид Чўлпон, “Қор қўйнида лола”

@xushnudbek каналида #KechkiMutolaa лойиҳасининг янги фаслини бошладик, лойиҳа доирасида қисқа, ўқиш ва тинглаш осон ҳикоялардан баҳраманд бўлишингиз мумкин. Бугунги тақдим этилган ҳикояни долзарблиги учун аудиога айлантирдим. Тинглаб, фикрларингиз, шунингдек яна қандай асарларни тинглашни исташингиз ҳақидаги таклифларни YouTube каналимда қолдиришингиз мумкин. Ëқимли мутолаа!

👉@madnifique

📚 Madina Musayeva 🎧

14 Jan 2024 06:55

Madina Musayeva o'z Twitter sahifasida mutolaani endi boshlayotganlar uchun 20 ta kitob tavsiya qilibdilar. Marhamat ro'yxat bilan tanishishingiz mumkin

O‘qishga oson va qiziq 20 ta kitob🧵

1. Antuan de Sent-Ekzyuperi, "Kichkina shahzoda"

Qissa qator falsafiy munozaralar bilan bo‘lishadi, yolg‘izlik, muhabbat va inson tabiati kabi tushunchalarni oddiy va ta’sirli so‘zlarda ochib beradi. Dunyoda eng ko‘p tillarga tarjima qilingan asarlardan biri hisoblanadi.

2. Paulo Koeloning mashhur "Alkimyogar" romanida cho‘pon Santyago xazina izlab o‘z yo‘li va taqdirini kashf etadi. Koeloning sehrli hikoyasi taqdir, orzular va mavjudlikning o‘zaro bog‘liqligini falsafiy nazariyalar va metaforalar yordamida ta’kidlaydi.

3. “Chol va dengiz” yozuvchi Ernest Xemingueyga Nobel mukofotini olib kelgan asar bo‘lib, qari baliqchining hikoyasini so‘zlab beradi. Bu asar jasorat, chidamlilik va shaxsiy g‘alaba haqidagi mulohazalardir.

4. Deniyel Kiz, “Eljernonga atalgan gullar”

Aqli zaif Charli Gordon aqlini oshirish uchun operatsiyadan o‘tadi. Muallif inson hissiyotlari, aql va ilmiy tajribalarning axloqiy tomonlarini romanda mahorat bilan ko‘rib chiqadi.

5. Charlz Dikkens, "Devid Kopperfild"

Dikkens o‘zining mashhur yarim-avtobiografik romanida qahramon Devidning bolaligidan to kattalikkacha bosib o‘tgan yo‘li va sarguzashtlarini tasvirlaydi. Asar o‘quvchini ham quvontirib, ham qayg‘uga cho‘mdiradi hamda oila, qashshoqlik, qiyinchiliklarni yengib o‘tish, iroda va shaxsiyat g‘alabasi mavzularini o‘rganadi.

6. “Men Malalaman" romanida Nobel mukofoti sovrindori Malala Yusufzay Tolibon hukmronligi ostida ta’lim uchun qilgan mardonavor kurashi haqidagi xotiralari bilan bo‘lishadi. Qizlarning ta’lim olish huquqi uchun o‘z umrini ham ayamaydigan kuchli qizning ilhomlantiruvchi hikoyasi inson ruhining mag‘lub bo‘lmas kuchini yana bir bor namoyish etadi.

7. "Injener Garin moʻjizasi" Aleksey Tolstoyning ilmiy-fantastika va sarguzasht janrlarini aralashtirgan tarzda dolzarb mavzuni ko‘targan romanidir. Romanda qudratli qurol yaratgan va shaxsiy manfaatlar uchun undan foydalanishni rejalashtirgan muhandis Garinning sarguzashtlari hikoya qilinadi.

8. Jorj Oruell, “Molxona”

“Molxona” qissasi totalitarizmni tanqid qiluvchi eng kuchli allegorik asarlardan biridir. Ushbu oson va tushunarli tilda bayon etilgan qissada hokimiyatning korrupsiyalashtiruvchi ta’siri va zulmning aylana-aylana davom etishi aks etadi.

9. Xolid Husayniy, “Shamol ortidan yugurib”

Afg‘onistondagi bolalarning taqdiri aks etgan eng kuchli romanlardan bir sanalmish “Shamol ortidan yugurib” da qahramon Amir va uning do‘stining ayanchli taqdiri haqida hikoya qilinadi. Voqealar Afg‘onistonda fojiaviy o‘zgarishlar ro‘y berayotgan vaqtda bo‘lib o‘tadi va do‘stlik, hiyonat, qo‘rqoqlik, afsuslanish kabi mavzular haqida so‘zlaydi.

10. Jon Steynbek, "Sichqonlar va odamlar"

"Sichqonlar va odamlar" asari ikki muhojir ishchi Jorj va Lenni hayotini kuzatib, o‘tgan asar Amerikasidagi Ulug‘ depressiya davrining qiyinchiliklarini tasvirlaydi. Do‘stlik, muhabbat va orzular haqidagi o‘ta ta’sirli hikoya.

11. "Anna Frank kundaligi" nasistlar okkupatsiyasi davrida Amsterdamda oilasi bilan chordoqda yashirin hayot kechirgan qizning hikoyasidir. Annaning hayot, umid va insoniyat haqidagi mulohazalari shu kunga qadar chidamlilik va jasorat ramzi bo‘lib qolmoqda.

12. Fredrik Bakmanning "Ove ismli odam" romani sevgi, yo‘qotish va kutilmagan do‘stliklar haqidagi ajoyib hikoya. O‘jar va hamma narsadan charchagan Ovening hayoti yangi immigrant qo‘shni ko‘chishi bilan o‘zgara boshlaydi.

13. Gerbert Uelss, "Ko‘rinmas odam"

"Ko‘rinmas odam" ilmiy-fantastik asarining qahramoni bo‘lmish olim fanda doimiy orzu bo‘lib keluvchi ko‘rinmaslik holatiga erishadi, ammo bu holatdan qaytib chiqa olmaydi. Asar shaxsiyat va axloq haqidagi o‘y suradi va ilmiy taraqqiyotning mumkin bo‘lgan xavflarini aks ettiradi.

@kitob_ombori

📚 Madina Musayeva 🎧

15 Dec 2023 06:04

👉@madnifique👈 каналидаги аудиокитоблар рўйхати (Дек, 2023):

📚 Madina Musayeva 🎧

30 Nov 2023 11:21

Ассалому алайкум! Бугун мен хурсанд бўлган кунлардан бири. Кўриш бўйича ногиронлиги бўлган инсонлар учун қулай ва бепул илова Кitob Plyus ишга тушди, бу ерда волонтерман ва аудио китобларим ҳам иловага жойлаштирилади. Лойиҳа ҳақида Газета.уз нинг видео интервьюсини томоша қилинг 😊⤵️

📚 Madina Musayeva 🎧

28 Aug 2023 06:15

“Ушбу ҳиқоя ёзувчилик фаолиятимдаги энг катта сюрприз бўлса керак” дея тасвирланган “Ўқитувчи одам бўлган экан” ҳикояси буюк ёзувчи-фантаст, биохимик ва фан тарғиботчиси Айзек Азимовга тегишли. Белоруссияда туғилган ва оиласи 3 ёшида Америкага кўчиб кетган Азимов ҳали-ҳамон энг кучли ва машҳур фантастлардан биридир, унинг асарлари ҳанузгача катта экранлардан тушмайди. Азимовнинг роман, ҳикоя ва қиссалари келажакда бўладиган қатор воқеаларни аниқ айтиб бера олган, шу билан бирга, сюжет қизиқлиги ва сўзлаш усули равонлиги билан ўқувчини ўзига жалб қилади.

“Ўқитувчи одам бўлган экан” (The Fun They Had) ҳикояси жуда қисқа, лекин ўйга толдирадиган маъноли ҳикоя. Ҳикоя илк бора болалар журналида чоп этилган даврдан бошлаб Азимов учун кутилмаган тарзда машҳур бўлиб кетган. “Ўқитувчи одам бўлган экан” инсон ҳаётини ўзгартирган ўқитувчилардан тортиб пандемия вақтида болалар жажжи экранга тикилиб қанчалар қийналганликларини ёдга солади. Ўқитувчи ва мактаб ўрнини ҳеч нарса боса олмайди, лекин минг афсуслар бўлсин-ки, баъзи жамиятларда ўқитувчилар қадри катта минбардаги баландпарвоз гаплар ва кўп йиллик ваъдаларга қарамай пастлигича қолмоқда, кўпчилик мактаблар эса хароба аҳволда. Токи ўқитувчилар маошлари кам, қадри паст бўлиб қолар экан, коррупция ҳеч қачон йўқолмайди. Давлатни чиритадиган коррупция занжири айнан шу ердан – маошига оиласини боқа олмайдиган ўқитувчилар ва ўқитувчиларни экплуатация қилиб, уларга ҳам билим, ҳам бола тарбиясини юклаб қўйиб, эшикма-эшик югуртирадиган даргоҳ остонасидан бошланади. 
       
Ҳикоя ҳақидаги шарҳларни YouTube да қолдиришингиз мумкин. Дўстларингиз билан бўлишишни унутманг!

📝 Таржимон: Маҳбуба Ваҳобова
🎙️ Ўқийди: Мадина Мусаева

👉@madnifique👈

📚 Madina Musayeva 🎧

01 Aug 2023 16:18

🎙️Ўзбекистонда минглаб кўзи ожиз ва заиф кўрувчи юртдошларимиз бор, лекин уларнинг китобларни тинглаш имкониятлари турли сабабларга кўра чегараланган. Аудиокитоблар ёзишни бошлашдаги мақсадларимдан бири барчага китобларни тинглаш имкониятини бериш бўлган ва бепул, фойдаланишга қулай иловали онлайн кутубхона ташкил этиш орзуим бўлиб қолмоқда. Бу мақсадда лойиҳа бошлашга ҳам ҳаракат қилганмиз. @SharoitPlus дан ушбу ⤵️ янгиликни эшитиб хурсанд бўлдим. #KitobPlus кўзи ожизлар учун аудиокитоблар яратувчи ва улашувчи энг йирик портал бўлиши кутилмоқда. Яқин орада қайси аудиокитоблар ёзилиши эълон қилинади ва донат қилиш имкони бўлади. Сизлар ҳам мана шу ажойиб лойиҳани қўллаб-қувватлашингиз ва хабарни тарқатишга ёрдам беришингизга умид қиламиз 🙌

👉@madnifique👈

📚 Madina Musayeva 🎧

22 Jul 2023 04:02

#mutolaa

📚 «Vatandoshlik dasturi» kitobining tarjima ishlari tugagandan keyin muallif Yulo Vooglayd bilan bog‘langanimizda, u kishi kitobning elektron nusxasi tekin tarqatilishi lozimligini ta’kidlagan edi. Biz ham kitobni iloji boricha ko‘proq odam o‘qishini istaymiz. Bugun kitobning elektron nus'hasini kanalga joylayapmiz. Marhamat, o‘qing va erkin fikrlash ko‘nikmalaringizni oshiring!

P.S
Aslida ushbu kitob vatandoshlik jamiyati harakatlari mahsuli, chunki u vatandoshlar ko‘magi bilan o‘zbek tiliga o‘girildi va chop etildi! Kitoblar tarjimasi va ularni tekin tarqatishda sizning moliyaviy ko‘magingiz o‘rni juda katta, chunki har bir mehnat va chop etish ishlarining moddiy tomoni bor. Shu kunlarda jamiyatimiz uchun muhim bo‘lgan kitoblar ustida ishlamoqdamiz va nasib qilsa bu ishlarni tizimli yo‘lga qo‘yamiz. Sizning ko‘rsatgan moliyaviy ko‘magingiz esa bu turdagi ishlarning bardavomligi uchun sabab bo‘ladi!

9860010107718396 — HUMO (Sadikov Hamid)
8600510380192299 — UZKARD (Sadikov Hamid)
4231200009246454 — VISA (KHAMID SADIKOV)

Hurmat bilan Hamid Sodiq

👉 Kitobga buyurtma berish 👈

@Hamid_Sodiq

📚 Madina Musayeva 🎧

30 Jun 2023 06:44

🎧🎤 “Кечки мутолаа” лойиҳасини кузатяпсизми? Унда ўқиш ёки тинглаш учун 10-15 дақиқа сарфланадиган ҳикоялар чиқяпти. Мен ҳам ўзим учун янги ёзувчиларни кашф этяпман. Яқинда ўзбек тилидаги “Атиргул ўғриси” номли янги ҳикоялар тўпламини ўқий бошладим, ундаги “Сағир бола” ҳикояси алоҳида эътиборимни тортди. Етимхонадаги мурғақ қалб кечинмалари жуда таъсирли тарзда ифодаланибди, шу ҳикояни аудиога айлантирдим.

👉@madnifique👈

📚 Madina Musayeva 🎧

25 May 2023 18:02

🎧 Премьера: Уолтер Айзексон, “Код бузар” (парча)

Тасаввур этинг: инсоният CRISPR ген таҳрирлаш технологияси ёрдамида давосиз касалликларнинг ёки масалан, карлик, кўрликнинг олдини олиш каби оламшумул ишларни амалга ошириши мумкин. Лекин ген таҳрирлаш нақадар аҳлоқий нарса ва инсоният келажагига қандай таъсир қилади? Илм-фанда рақобатнинг ўрни қандай? Баъзи мамлакатлар ва олимлар бундай имкониятларни суиистеъмол қилса, инсоният Ҳаксли тасвирлаган “Ажиб янги дунё”га ғарқ бўладими? Нобель мукофоти лауреати Женнифер Даудна ва унинг жамоаси генетик кодни бузишга қандай эришди ва бу нима учун муҳим? Бу ҳақида “Код бузар” китоби батафсил ҳикоя қилади ва уни ўқишни астойдил тавсия этаман. Уолтер Айзексоннинг беқиёс биограф-ёзувчилик маҳорати ўқувчига қачондир амалга ошишини ҳатто тасаввур этиш қийин бўлган келажакни тушунарли тарзда баён этади. 

Time, The Washington Post, Smithsonian Magazine, Amazon, BookPage, Science News, Bloomberg томонидан энг яхши китоблардан бири сифатида тан олинган илмий-оммабоп асарнинг илк бобини эксклюзив тарзда аудио шаклда танишув учун эътиборингизга ҳавола этаман. Китобга айни дамда олдиндан мана бу линк орқали буюртма олиш кетмоқда ва китобни етказиб бериш июнда бошланади. Твиттердаги Букклабда асарни июл давомида ўқиймиз ва ой охирида аудиочатда муҳокама этамиз, сафимизга қўшиласиз деб умид қиламиз.

Шарҳларни YouTube да қолдиришингиз мумкин. Репостлар учун олдиндан раҳмат, бу билан китоб кўпроқ ўқувчиларга етиб боришига ёрдам берасиз! 

👉@madnifique👈

📚 Madina Musayeva 🎧

08 May 2023 18:04

Иқтисодчи Сергей Гуриев ва сиёсатшунос профессор Дэниел Трейсманнинг “Манипулятив диктаторлар” (Spin Dictators) китоби яқин орада ўқиган энг қизиқ асарларимдан бири бўлди. Собиқ СССР ҳудудида катта бўлган одам учун китобдаги мисоллар балки янгилик бўлиб кўринмас, лекин ундаги тизимлашган анализлар ва тушунтиришлар XX аср диктатураси ва замонавий, янги диктатураларни англашга ёрдам беради. Чавез, Ли Куан Ю, Путин ва ҳатто Назарбоев каби давлат бошлиқлари Сталин, Мао, Пиночет каби қонхўр классик диктаторлардан анча фарқ қилади(ми?) Дунёдаги демократик жараёнлар ва технологиялар тузумларни юмшата оладими? Ўзларини қайсидир маънода прогрессив, демократик жараёнлар олиб борувчи сифатида кўрсатувчи шахслар диктатуранинг янги турига асос солдими? “Манипулятив диктаторлар” тез кунларда ўзбек тилида дунё юзини кўриши кутилмоқда, бу китоб қатор саволларга жавоб беришга ҳаракат қилади ҳамда қизиқ теорияни илгари суради. Асарнинг кириш қисми ва 1-бобидан бир парча ўқидим, шуни эътиборингизга ҳавола этмоқдамиз.

👉@madnifique👈

📚 Madina Musayeva 🎧

13 Apr 2023 19:55

Kechki mutolaa
(o‘qish yoki eshitish uchun 10 daqiqa vaqtingiz ketadi)

Sergey Dovlatov. Bobom (“Biznikilar” toʻplamidan)

Izoh: O’tkir satiralari bilan tanilgan Sergey Dovlatov (1941-1990) sovet davridagi ta’qiblar natijasida AQShda qo’nim topgan eng mashhur yozuvchilardan biri. Uning asarlarini shunday tasvirlashadi: "Sergey Dovlatovning tarjimai holiga qiziqqan kitobxon uning asarlarini o’qib ko’rsa kifoya. Kitobiylikdan, an’anaviy qonun-qoidalardan birmuncha
yiroq, hayot haqiqatini bo’yamay-bejamay aks ettirgan bu asarlarni muallif umrining badiiy solnomasi deyish mumkin".

📖 Matnni o‘qish uchun: xushnudbek/sergey-dovlatov-bobom" rel="nofollow">https://teletype.in/@xushnudbek/sergey-dovlatov-bobom

🎧 Audio hikoyani eshitish uchun: https://youtu.be/_pAalWnsOnU

💬 Muhokama bu yerda.

🎙Bugungi hikoya audiosini Madina Musayeva o‘qigan.

📚 "Kechki mutolaa" doirasida eʼlon qilingan barcha hikoyalar bu yerda.

#kechki_mutolaa


🔘 @xushnudbekuz

📚 Madina Musayeva 🎧

22 Mar 2023 17:22

#review #taqriz

🔰Elis Manro — "Ijara ijodxona"

2013-yilgi Nobel mukofoti sovrindori kanadalik ushbu yozuvchi ayolning ijod namunasini maroq bilan o'qib, aniqrog'i tingladim.

Hikoya juda oddiy syujetga ega, lekin shu bilan birga jamiyatdagi katta muammolar, stereotip va qusurlarni yaqqol ochib beradi. Bulardan biri ayollarning ijod, o'qish yoki ish bilan shug'ullanishini, professional sifatida biror sohada faoliyat yuritishini jamiyat tomonidan bosim o'tkazishga urinishdir.

Hikoyada yozuvchi ayol o'zi uchun alohida ijodxona kerakligini eriga aytishidan boshlanadi, Buni u erining ko'ylagini dazmol qilayotib o'ylab qoladi. U uyda agar erkak ishlamoqchi bo'lsa, unga hamma sharoit yaratilgan bo'lishi, ammo ayollarda bunday imkon yo'qligini aytadi. U albatta haq. Ayol kishi avvalo, turmush o'rtoq va yaxshi uy bekasi sifatida uyga qarashi, kir-chir, bola parvarishi va ovqat qilishdan ortib vaqt orttirishi mushkul. Hikoyada aytilgandek, "ayol ishlash uchun xonasining eshigini ichkaridan qulflab oladi. Onasining ichkarida ekanini bilib turgan bolalar bundan vahimaga tushishi aniq-ku".

Xullas, bir so'z bilan aytganda, "Uyni uy qilib ushlab turgan ayol barini qo‘yib, hech narsaga chalg‘imay, butun fikri yodi bilan uyda ijod qilib o‘tira olarmidi?!” Bir paytlar uyda oyimni, hozir ayolimni kuzatib adiba to'g'ri narsani ko'targanini anglab turibman. Ammo alohida ijodxonada ham unga oson emas, chunki bezbet va fisqu-fasodga o'ch, ijarachi qariya Mister Molliga o'xshagan insonlar sizga erkin ijod qilishga bermasligi mumkin.

Hikoyani Madnifique Youtube kanalida mazza qilib tingladim, miyamda o'sha manzarani gavdalantirdim. istaganlar uchun elektron varianti ham bor ekan. Ochig'i, bu hikoya ancha yillar oldin yozilgan bo'lsa-da, hozirgi zamonamizda ham aktualligini yo'qotmaganligini e'tirof qilish lozim.

Hikoyaga Virjiniya Vulfning mashhur fikrini epigraf qilsa bo'ladi: "Har bir ayolning o‘z xonasi bo‘lishi kerak".

Yoqimli mutolaa!

📱 @panda_books

📚 Madina Musayeva 🎧

13 Mar 2023 07:21

Китоблар цензураси: Россияда нима бўляпти?

Россия китоб дўконлари ва кутубхоналаридан қатор ижодкорларнинг асарлари олиб ташланмоқда. Бу янгиликлар расмийлар томонидан рад этилса-да, маълумотларга қараганда рўйхатда Светлана Алексиевич, Людмила Улицкая, Дмитрий Быков, Дмитрий Глуховский, Алексей Иванов, Дина Рубина каби кўплаб ёзувчилар бор. Ҳаммаси, албатта, оддий: ушбу ижодкорларнинг кўпчилиги Россиянинг Украинага қарши олиб бораётган урушига қарши чиқишган. Цензурани Россияда бир қанча вақт аввал кучга кирган қонунлар осонлаштирмоқда, яъни айрим шахслар “чет эл агенти” деб эълон қилинади, баъзи китоб дўконлари эса бу ижодкорлар китобларига “чет эл агенти” деган белги қўйишади, уларни махсус жилдларга солиб сотишади, ёки умуман сотишни тўхтатишади. Яқинда кенг тарқалган хабарга кўра кутубхоналарга ҳам шундай рўйхатлар келган ва уларда Жорж Оруэлл, Джоан Роулинг, Стивен Кинг каби ёзувчилар ҳам бор. Бу рўйхатга икки кун аввал “чет эл агенти” деб эълон қилинган иқтисодчи Гуриевнинг янги Spin Dictators китоби ҳам қўшилса ажаб эмас (китобни яқиндагина ўқиб чиқдим).  

Тарихда маън этилган китоблар талайгина бўлган, масалан, Сталин, Гитлер, Хитой, Шимолий Корея ва Кубанинг етакчилари ҳам китобларни маън қилишни хуш кўришган, масалан, “Молхона” асари ҳозиргача Шимолий Корея ва Кубада таъқиқ остида. Яқинда ўзбек тилига ўгирилган “Мазахчини ўлдириш”, ёки “Молхона”, “Пашшалар ҳукмдори”, “Буюк Гэтсби” каби бир қарашда оддий бўлган асарлар ҳаттоки ҳозирда ҳам АҚШ нинг баъзи мактабларида таъқиқда -- PEN America нинг айтишича, 2022 ўқув йилида 1,600 та китоб Американинг 5,000 та мактабларида турли сабабларга кўра маън этилган. 

Лекин, бу каби китоблар цензураси ижодкорларни чегаралашни унчалик ҳам уддасидан чиқа олмайди, аксинча, қизиқиш ва креативликни кучайтиради. Собиқ СССР да китоблар цензурасига жавобан “самиздат”, яъни Солженициндан Кафка асарларигача беркитиб чоп этиш ва тарқатиш кенг тарқалган, ушбу тренд ечим сифатида янада кучаймоқда. Аввалги даврдан фарқли равишда, Интернет бераётган имкониятлар китобларни бутунлай электрон шаклда мустақил чиқариш ва тарқатишга  ёрдам беради. 2022 йилда самиздат қайта жонланиши ҳам натижасида Россияда чоп этилган китобларнинг 10-15 фоизи мустақил тарзда онлайн чиққан. Россиянинг энг машҳур ёзувчиларидан бири Дмитрий Глуховский кабиларда эса бундай тажриба анчадан бери бор: Глуховский илк асарларини бутунлай электрон тарзда бепул тарқатган, мана ҳозир ҳам цензурага жавобан қўшимча китобларини бепул тарқатмоқда, бу китоблар орасида замонавий антиутопия намуналаридан бири бўлмиш “Метро 2033” ҳам бор. 

P.S. Spotify ва Anchor га “Молхона” асарини (Ҳайвонлар хўжалиги ҳақида ғаройиб қисса) ҳам тинглаш учун осонроқ бўлсин деб жойлаб қўйдим.

👉@madnifique👈

📚 Madina Musayeva 🎧

09 Mar 2023 05:26

👏 300 та китоб! Иқтидорли таржимон ва тилшунос Шаҳноза Наврузова Бухоронинг Олот туманидаги қишлоғида кутубхона очаётгани ҳақида ёзган эдим. Йиғилган маблағга китоб олаётганимизда Asaxiy Books | Фируз Аллаев чегирма, бепул етказиб бериш ва китоб совғалар берди, Академнашр ҳам чегирма таклиф этди. Сиз каби ажойиб ўқувчиларим, тингловчиларим китоблар олиб келишди. Барчасини қўшганда айни дамда китоблар 300+ тага етди, раҳмат! Кутубхонани 2-3 ҳафталарда очиш мўлжалланяпти.

Китоблар сонини 500 тага етказмоқчимиз! Иштирок этиш истаги бўлса, китобларни келтириш ва донат учун маълумот ⤵️

📚 Китоблар йиғилаётган манзиллар:
📍Тошкент : Жанубий вокзал рўпарасидаги VEGA CENTRE нинг 4-қавати. (1-қаватида Корзинка жойлашган) 
@OlimovSS; Тел: +998974471331 

📍Бухоро: Олот тумани, Мухтор маҳалласи, Хотира кўчаси, 71 уй.
@shakhnoz04; Тел : +998999050489

🏦 4073420037613100
Шаҳноза Наврузова

👉@madnifique👈

📚 Madina Musayeva 🎧

07 Mar 2023 17:00

Онт ичаман хилқатнинг боши,
Ҳамда унинг сўнг нафаси-ла,
Жиноятнинг уятли тоши,
Ҳақиқатнинг тантанаси-ла!
Онт ичаман зафар орзуси,
Инқирознинг қайғуси билан,
Васлинг билан ҳамда бўлғуси
Дардли ҳижрон қўрқувси билан;
Онт ичаман мутеъ руҳлару,
Дўстларимнинг тақдирлари-ла,
Менга душман малакларнинг у
Қонсираган шамширлари-ла;
Онт ичаман кўк-ла, дўзах-ла;
Ер санами сан-ла, ва ҳақ-ла,
Сенинг сўнгги бир нигоҳингу,
Энг биринчи ёшинг, оҳингу,
Лабларингнинг гул дамлари-ла,
Ипак сочинг бурамлари-ла,
Онт ичаман айш-ла, кулфат-ла,
Онт ичаман бор муҳаббат-ла…

***
Сени кўкка олиб кетаман,
Бу жаҳонга хоқон этаман,
Энг биринчи ёрим бўлурсен.
Ўша ердан, эй гўзал пари,
Гўзаллиги умрсиз бўлган,
Жиноятга, ўлимга тўлган,
На севгида ва на нафратда
Бетаҳлика яшолмайдиган
Ўз нафсидан ошолмайдиган,
Майда эҳтирос-ла ғафлатда
Қолганларнинг макони — ерга;
Разолату, ғам кони— ерга
Қизғанмасдан назар соларсан,
Нафрат билан ўйга тўларсан.

👉@madnifique👈

📚 Madina Musayeva 🎧

14 Jan 2024 06:55

14. “Martin Iden”, Jek London

“Martin Iden” yosh dengizchining yozuvchi bo‘lishga bo‘lgan intilishi orzusidagi bosib o‘tgan yo‘li haqidagi hikoyadir. Jek Londonning yarim-avtobiografik romani Amerika orzusi, muhabbat, muvaffaqiyat uchun kurash, moddiyatchilik va jamiyat me’yorlari mavzulariga chuqur nazar tashlaydi.

15. "Grin Geybllik Anna" L.M. Montgomeri tomonidan yozilgan, Kanadaning eng mashhur klassik asaridir. Asar kichkina qishloqda yashovchi katta yoshli va yolg‘iz fermer aka-singil uyiga o‘g‘il bola o‘rniga yetim Annani yuborishlari bilan boshlanadi. Roman quvnoq tarzda jiddiy mavzularni o‘rtaga tashlaydi va o‘quvchini Anna taqdiri endi qanday bo‘lishini kuzatishga bir zumda qiziqtirib qo‘yadi.

16. Italiyaning mashhur adibi Janni Rodarining “Jelsomino yolg‘onchilar mamlakatida” qissasi fantaziya va satiraning aralashmasi vositasida rostgo‘ylik va samimiylikning ahamiyatini ko‘rsatadi. Rodari yolg‘on bilan to‘la dunyoda haqiqat kuchiga urg‘u beradi v jamiyatni siyosatdagi yolg‘onchilikka qarshi jasoratli bo‘lishga undaydi.

17. Harper Lining “Mazaxchini o‘ldirish" bestselleri kahramonlari 1930-yillarda AQSH dagi irqchilikka to‘la janubdagi kichik shaharchada yashovchi adolatli advokat va uning farzandlari bo‘lib, roman adolat, axloq va inson tabiati haqida. U yosh qizcha Skautning nigohi orqali inson adolalatsizlik qurboni bo‘lganlarning himoyasiga doim shay bo‘lishi kerakligi g‘oyasini ilgari suradi.

18. S.S. Lyuisning “Narniya qissalari: Arslon, jodugar va kiyimlar shkafi" fantastik romani o‘zining sehrli muhiti bilan tasavvurni jalb qiladi. Bolalar eski uydagi kiyimlar shkafi orqali sehrli Narniya dunyosiga kirishadi va sharafli arslon Aslan bilan uchrashishadi. Roman barcha yoshdagi o‘quvchilarga chuqur falsafiy va ma’naviy tushunchalarni taqdim etadi.

19. “Sherlok Xolms" seriyasi, Artur Konan Doyl

Detektiv Sherlok Xolms hamda uning do‘sti va yordamchisi Doktor Uotson birgalikda murakkab jinoyatlarni yechishda kuzatuvchanlik va deduktiv fikrlash qobiliyatidan foydalanishadi. Hikoyalar o‘quvchilarni jinoyatni yechishdan tashqari, inson tabiati va jamiyat me’yorlari haqida chuqur fikr yuritishga undaydi.

20. Nega despotik hukumatlar kitoblardan qo‘rqadi? "Farengeyt bo‘yicha 451 daraja" romanida mashhur fantast Rey Bredberi kitoblar taqiqlangan kelajak jamiyati qanday bo‘lishi haqida o‘y suradi, insonlar syenzura va ko‘ngilochar yengil shoular og‘ushida yashasa qanday falokatlar kelib chiqishi haqida ogohlantiradi. Bitta ham kitob bo‘lmagan, barcha kitoblar va kutubxonalarga o‘t qo‘yiluvchi jamiyatni tasavvur eting?

Ro'yxatdagi qaysi kitoblarni o'qigansiz?

@kitob_ombori

📚 Madina Musayeva 🎧

18 Dec 2023 05:16

🎧 Премьера: Харуки Мураками, “Спагетти йили”

Машҳур япон адиби Харуки Мураками ҳақида кўпчилик эшитган бўлса керак, у сўнгги бир неча йил ичида адабиёт бўйича Нобел мукофотига асосий номзодлар рўйхатида қайта ва қайта тилга олинади. Ëрқин ҳислар ва хотиралар уйғотувчи сюрреализм ва cеҳрли реализм йўналишида қалам тебратувчи Мураками ушбу ҳикояда нафис ва маҳзун метафоралар ёрдамида ёлғизлик мавзусини очиб беради.

Шарҳларни YouTube каналимда қолдиришингиз мумкин, албатта ўқиб чиқаман. Ҳикояни дўстларингиз билан бўлишишни унутманг!   

👉@madnifique👈

📚 Madina Musayeva 🎧

30 Nov 2023 11:21

Фақат 70 минг киши фойдаланиши мумкин бўлган KitobPlus ўзи қандай лойиҳа?

Ўзбекистонда кўриш бўйича ногиронлиги бўлган аҳолининг китобга бўлган эҳтиёжи бирламчи даражада ҳам қондирилаётгани йўқ. Хусусан, шу вақтгача кўзи ожиз ва заиф кўрувчилар учун аудиокитобларни очиқ ва қулай форматларда бирлаштирган ягона онлайн платформа мавжуд эмас эди.

Ушбу муаммонинг инклюзив ечими сифатида Тошкент шаҳар “Sharoit Plyus” ногиронлар жамоат бирлашмаси Ёшлар ишлари агентлигининг молиявий кўмагида кўриш бўйича ногиронлиги бўлган шахслар учун KitobPlus аудиокитоблар онлайн кутубхонасини ишлаб чиқди.

“Газета.uz” ушбу лойиҳа, уни ишлаб чиқишдаги қийинчиликлар, бу платформанинг бошқа шундай ресурслардан фарқи, кўзланган мақсад ва энди қандай ривожлантирилиши ҳақида KitobPlus'нинг менежери Мирали Ғиёсов ва лойиҳа координатори Абдулазиз Салимов билан суҳбатлашди.

https://youtu.be/bfXRVyAl0ts?si=yzo-IRJnR59ORy7j

Каналга обуна бўлинг
👉 @gazetauz_uzb

📚 Madina Musayeva 🎧

27 Nov 2023 14:14

#yangilik

📚🎙“Kitob Plus” – koʻrish boʻyicha nogironligi boʻlgan shaxslar uchun audiokitoblar onlayn kutubxonasi taqdimoti boʻlib oʻtadi

🗓 2023-yilning 30-noyabr kuni soat 14:00 dan 16:00 gacha Yoshlar ishlari agentligining press-klubida Oʻzbekistonda birinchi koʻrish boʻyicha nogironligi boʻlgan shaxslar uchun qulay va bepul audiokitoblarning birinchi onlayn kutubxonasi “Kitob Plus” loyihasining gibrid formatdagi taqdimoti boʻlib oʻtadi.

📌 Taqdimot haqida batafsil oʻqing: https://sharoitplus.uz/kitob-plus-taqdimoti-bo%ca%bblib-o%ca%bbtadi/

📍Manzil: Toshkent sh., Alisher Navoiy koʻchasi, 11A (lokatsiya: https://yandex.ru/maps/-/CDezyF~d)

📺 YouTubeʼda jonli efir: https://www.youtube.com/c/SharoitPlus/

Loyiha taqdimotida ishtirok etish uchun quyidagilar taklif etiladi:

🔹mahalliy va xorijiy ommaviy axborot vositalari, shuningdek, blogerlar;
🔹koʻrish boʻyicha nogironligi boʻlgan shaxslar, ularning oila aʼzolari va ularning huquq va manfaatlarini ifodalovchi jamoat tashkilotlari;
🔹taʼlim, axborot texnologiyalari va koʻrish boʻyicha nogironligi boʻlgan shaxslarni ijtimoiy himoya qilish sohasida faoliyat yurituvchi davlat organlari vakillari;
🔹hamkorlar va “Kitob Plus” loyihasini qoʻllab-quvvatlashdan manfaatdor biznes vakillari.

☎️ Oflayn rejimda qatnashish uchun quyidagi telefonlar orqali oldindan roʻyxatdan oʻtish kerak: +998 (97) 708-73-31, +998 (99) 831-69-83.

Kanalimizga obuna boʻling:
👉 @sharoitplus

📚 Madina Musayeva 🎧

11 Aug 2023 05:15

“Бошқаларда қолдиришингиз мумкин бўлган таассуротларингизни ҳеч қачон камситманг. Бу билан сиздан шуни сўрамоқчиманки, инсон бошқа кимнингдир ҳаётида қанча ўзгаришлар қила олиши мумкинлиги ёдингизда турсин!”

✍️ Пол Виллард, “Эски телефон” ҳикояси
📝 Таржимон: Муҳаббат Шарифова
🎙️ Ўқийди: Мадина Мусаева

👉@madnifique👈

📚 Madina Musayeva 🎧

22 Jul 2023 04:15

🎧 “Даҳшатлар қироли” Стивен Кингнинг мухлислари учун “Жанг” ҳикоясини аудиоҳикоя шаклига келтирдим, сизларга ёқади деб умид қиламан.

Яна қайси қисқа ҳикояларни менинг ижроимда тинглашни истайсиз? Изоҳларни YouTube да қолдиришингиз мумкин. Ҳикояни бошқалар билан улашишни унутманг 🙌

👉@madnifique👈

/channel/xushnudbek/20345

📚 Madina Musayeva 🎧

16 Jul 2023 19:09

Kechki mutolaa
(o‘qish yoki eshitish uchun 25 daqiqa vaqtingiz ketadi)

Oskar Uayld. Baxtiyor shahzoda (ertak-hikoya)

Izoh: Hayot bizga bir marta beriladi. Tirikligimizda yaxshi ishlar qilishga ulgurib qolishimiz kerak. Shahar markaziga o'rnatilgan, qimmatbaho toshli, oltin qoplamali haykal mana endi shu xulosaga kelib ko'z yosh to'kmoqda. Bu haykal butun umri davomida o'ynab-kulib yashagan, o'zining maishatidan ortmagan, xalqning nochor ahvolidan xabar olmagan shahzodaning xotirasiga o'rnatilgan. Qani endi mo'jiza yuz bersayu hammasini ortga qaytarib bo'lsa... Kunlardan bir kuni mo'jiza yuz berdi, haykalning oldiga qaldirg'och uchib keldi...

📖 Matnni o‘qish uchun: xushnudbek/oskar-uayld-baxtiyor-shahzoda" rel="nofollow">https://teletype.in/@xushnudbek/oskar-uayld-baxtiyor-shahzoda

🎧 Audio hikoyani eshitish uchun: https://youtu.be/GsgyJPVg45I

💬 Muhokama bu yerda.

🎙Bugungi hikoya audiosini Madina Musayeva o‘qigan.

📚 "Kechki mutolaa" doirasida eʼlon qilingan barcha hikoyalar bu yerda.

#kechki_mutolaa


👉 @xushnudbek 👈

📚 Madina Musayeva 🎧

28 May 2023 15:59

Бухоронинг Олот туманида очмоқчи бўлган кутубхонамизга китоб ва донат орқали ҳисса қўшган барча ўқувчиларимга катта раҳмат! Сизнинг ёрдамингиз билан қишлоқ мактаб хонаси ҳар куни болалар билан гавжум, қишлоқдагилар ҳам китоблардан фойдаланяпти. Кутубхоналар жуда-жуда керак, нафақат китоб олиш, балки билим алмашиниш, мотивация берувчи маскан сифатида ҳам ўта зарур. 

Бизни фақат илм қутқаради, фақат илм умид бера олади.

👉@madnifique👈

📚 Madina Musayeva 🎧

21 May 2023 19:41

Kechki mutolaa
(o‘qish yoki eshitish uchun 20 daqiqa vaqtingiz ketadi)

O’Genri. So‘nggi yaproq (hikoya)

Izoh: Bugun jahon adabiyotining eng nodir durdona hikoyalaridan biri - O‘Genrining «So‘nggi yaproq» hikoyasini mutolaa uchun tanladik. To‘g‘ri, bu shunchalik mashhur hikoyaki, balki uni kanalimiz mushtariylari orasida minglab insonlar allaqachon o‘qigan bo‘lishi ham mumkin. Shunday bo‘lsa-da, uni yana bir bor takrorlash, o‘qimaganlar uchun esa, shu paytgacha qilgan “xatosi”ni to‘g‘rilashga imkon bermoqchimiz :)

📖 Matnni o‘qish uchun: xushnudbek/o-genri-songgi-yaproq" rel="nofollow">https://teletype.in/@xushnudbek/o-genri-songgi-yaproq

🎧 Audio hikoyani eshitish uchun: https://youtu.be/FVsxjci_Mcc

💬 Muhokama bu yerda.

🎙Bugungi hikoya audiosini Madina Musayeva o‘qigan.

📚 "Kechki mutolaa" doirasida eʼlon qilingan barcha hikoyalar bu yerda.

#kechki_mutolaa


👉 @xushnudbek 👈

📚 Madina Musayeva 🎧

24 Apr 2023 14:58

Мен Берлин, Париждаги гламур форумларда иштирок этмайдиган, элита клубларга аъзо бўлмайдиган хорижда яшовчи ўзбекистонликман. Лекин бир неча йилдан бери китоб соҳаси учун қайғураман, кичик бўлса ҳам ўз кучим билан нималардир қилишга ҳаракат қиламан. Бунинг учун менга чиройли фильмларда, ҳашаматли форумларда иштирок этиш керак эмас.

Париждаги “O‘zbekistonlik. Generating Ideas” халқаро форумидаги мавзулардан бири “Мамлакат имиджи” экан. Мендан бугун “Мамлакат имиджи қандай?” деб сўрашса, бир нечта ўзбекистонликлар қишлоқ кутубхонаси очишга ойлаб ҳаракат қилаётгани, бунинг учун юборган китобларини божхона ўтказмаётгани, ҳар бир қадам худди Кафканинг “Жараён”идагидек қийин ва тушунарсизлигини айтаман.

Халқ фойдаланиши учун ҳайрия китобларини киритмай, “мушук-сичқон” ўйнайдиган божхона – мана Ўзбекистон имиджи.

6,000 тадан 15 мартагача қисқартириб, 35 миллиондан кўпроқ аҳоли учун 400 та кутубхона қолдирган давлат – мана Ўзбекистон имиджи.

Ҳеч қандай ёрдамсиз, ўз ёғида ўзи қоврилаётган нашриётлар – мана Ўзбекистон имиджи.

Ёшлари китоб ўқийман деса 21 асрда ҳатто нормал ишлайдиган марказлашган, тизимлашган расмий электрон кутубхона йўқлиги – шу Ўзбекистон имиджи.

Ўз ҳоҳишинг билан бошқаларни йиғиб яхши лойиҳа қиламан десанг, сени афсуслантириб, ниятларингни бурнингдан булоқ қилувчи, мактаб директоридан бошлаб коррупцияга ботган чириган тизим – мана Ўзбекистон имиджи.

Агар клубга аъзо бўлиб, чин кўнгилдан лойиҳалар қилишни истаган ўзбекистонликлар бўлса мендан сўрашсин, жараённинг ҳар қадами сизни қақшатиб чарчатиши ҳақида айтаман. Европада шампан виноси ичиб, чиройли, баландпарвоз суҳбат қураётганингизда эсингизда тутинглар: қишлоқларнинг ярим тўкилиб кетган мактабларида компьютер хоналар йўқ, ҳаттоки кутубхоналар қолмаган. Мўъжиза бўлиб йўлини топадиган 0.0001 фоиз ёшлар ҳақида эмас, болалигидан на тузук таълим, на кутубхона учун шароити бўлган, келажагини гастарбайтерликдан бошқа йўлда кўрмайдиган миллионлаб болалар учун АНИҚ қадамлар ҳақида гаплашинглар.

Буни эртага эмас, ҳозир қилиш керак, биз вақтга қарши пойгадамиз. Мен ва сиз йўқотилган авлодларнинг омади келиб хорижда йўлини топган саноқли вакиллариданмиз. Бизнинг ўзимизни алдашга морал ҳаққимиз йўқ.

👉@madnifique👈

📚 Madina Musayeva 🎧

27 Mar 2023 06:12

Kechki mutolaa #kechki_mutolaa
(o‘qish yoki eshitish uchun 15 daqiqa vaqtingiz ketadi)

Sharof Boshbekov. Mening yozuvchi bo‘lganim (biografik hajviya)

📖 Matnni o‘qish uchun: xushnudbek/sharof-boshbekov-biografik-hajviya">xushnudbek/sharof-boshbekov-biografik-hajviya" rel="nofollow">https://teletype.in/@xushnudbek/sharof-boshbekov-biografik-hajviya

🎧 Audio hikoyani eshitish uchun: https://youtu.be/bloIZ0tLepc

📚 "Kechki mutolaa" doirasida eʼlon qilingan barcha hikoyalar bu yerda.

💬 Muhokama bu yerda.

Izoh: Kanalimni anchadan buyon kuzatadiganlar yaxshi biladi, avvallari #кечки_мутолаа loyihasida har kuni biror hikoya berib borar edim. Lekin keyinchalik hikoya tanlash va uning texnik tomonlariga vaqt topa olmay, to‘xtab qolgandi.

Shuni anchadan buyon qayta tiklashni niyat qilardim, ammo kamida 1 oylik zaxira to‘play olmayotgandim. Nihoyat bu Ramazon oyiga to‘g‘ri kelganidan xursandman. Endi nasib qilsa, haftaning har payshanba va yakshanba kunlari "Kechki mutolaa" doirasida hikoyalar eʼlon qilib boramiz.

Va ko‘pchilikning taklifiga binoan, imkon boricha hikoyalarning audiovariantini ham berib borishga harakat qilamiz. Bugungi hikoya audiosini Madina Musayeva o‘qigan.


👉 @xushnudbek 👈

📚 Madina Musayeva 🎧

16 Mar 2023 04:48

🎧 Премьера: Орхан Памук, “Отамнинг жомадони” (Нобель маърузаси)

Эътиборингизга буюк ёзувчи, “Менинг исмим қирмизи” каби машҳур романлар муаллифи, адабиёт бўйича Нобель мукофоти совриндори, Туркиялик ижодкор Орхан Памукнинг “Отамнинг жомадони” номли ҳикоясини аудиокитоб шаклида тақдим этаман. Памук ушбу ҳикояни 2006 йилда Нобель мукофотини тақдимотида маъруза шаклида ўқиб берган. Ҳикоя Памукка отаси ўзининг адабий қораламалари беркитилган жомаддонни васият этишидан бошланади ва барчамизни адабиёт ҳақидаги фикрлар сарҳадлари бўйлаб сайрга чорлайди.

“Зеро, адабиёт инсоният ўзини англаш учун яратган энг қадрли бойлик эканига ишончим комил. Жамиятлар, миллатлар ўз адабиётларига эътиборли бўлиб, ёзувчиларига қулоқ тутганда заковатга, маънавий юксакликка эришади. Барчамиз билганимиздек, китоб ёқиш, ёзувчиларни камситиш зулмат ва онгсизлик даври белгиларидир.”
“Кутубхоналарнинг ёпилиб кетмаслигига, китобларимнинг жовонларда терилиб туришига болаларча ишонганим учун ёзаман. Ҳаёт, дунё, барчаси ғоятда гўзал ва ҳайратланарли бўлгани учун ёзаман. Ҳаётнинг бор гўзаллиги ва бойлигини сўзларга кўчириш завқли бўлгани учун ёзаман. Ҳикоя баён қилиш учун эмас, яратиш учун ёзаман. Доимо борадиган  жой бўла туриб, у ер рўёдек – ҳеч боролмайман, деган туйғудан халос бўлиш учун ёзаман. Ҳеч ҳам бахтли бўла олмаганим учун ёзаман. Бахтли бўлиш учун ёзаман”.

👉@madnifique👈

📚 Madina Musayeva 🎧

09 Mar 2023 13:34

“Қамоқда ўтган 3 йиллик умрим мобайнида, барча қийинчиликларга қарамай, мен битта шеърий роман, 3 та пьеса ва туркум шеърлар тайёрладим.
Мен ҳали ёшман, ижодий режаларим бисёр.
Менга халқ душманлари туҳмат қилишди!”

Ҳафта давомида Усмон Носир таржимасидаги “Демон” (“Иблис”) асарини ўқиб тугатдим. Мен ўзбек тили мутахассиси ёки профессионал актёр эмасман. Достоннинг афсонавий, профессионал дубляж қилинган, бироқ катта қисми кесиб ташалган спектакл варианти мавжуд. Мен эса “Иблис” ни биринчи навбатда тўлиғича ўзим учун ўқишни истадим. 

Бошқа сабаб ҳам бор: 2000 йилларнинг бошида, талабалик йилларимда Усмон Носирнинг жияни Нодира Рашидова билан университетда учрашув бўлган. Ўшанда Нодира Рашидова тоғаси қамоқда бир неча асар, жумладан катта достон ёзгани, у достонни эса исмини ҳали-ҳануз айтишмайдиган ўта машҳур шоир ўз номидан чоп этганини айтган. Мен шу сўзларни умуман кутмаган эдим ва қаттиқ таъсирланганман, шундан бери унута олмаганман ва доим ҳақиқатни билишни истаганман. 

Усмон Носирнинг юқорида келтирилган сатрлари унинг Сталинга авф этиб ёзган мактубидан олинган. Ушбу мактубни “Шарқ юлдузи” журналининг 1988 йилги 9-сонидан, Нодира Рашидованинг мақоласидан излаб топдим (62-бет). Йўқолган достон, Нодира Рашидованинг уни ким чиқарган бўлиши мумкинлиги ҳақидаги айбловлари, бу “Муқанна” достони ёки бошқа машҳур асарлардан бирилиги эҳтимоли, Усмон Носирнинг жияни балки рост гапирмаётгани ҳақида Наим Каримовнинг мақоласи ҳам бор. Усмон Носирнинг қамоқдаги ҳаёти  ва ўша вақтдаги психологик аҳволи ҳақида ҳам. “Иблис” ни ўқиганимдан сўнг йўқолган достон айнан қайси ёки қаердалигини билиш, уни ўқиш, ёки бошқа ном билан чоп этилган бўлс, унинг ҳақиқий муаллифини тан олинишини, адолат тантана этишини кўриш истаги кучайди. Гарчи, мен биламан, бу катта бир армон бўлиб қолса керак.

Билсангиз, Усмон Носир роппа-роса 79 йил аввал шу куни, яъни 1944-йилнинг 9-мартида вафот этган. Сталинга ёзган мактуби кўриб чиқилиб, авф этилишига озгина ета олмаган. 

“Иблис” нинг охирги бобини аудиокитоб шаклида эътиборингизга ҳавола этмоқдаман. Усмон Носир ўта-ўта истеъдодли шоир ва таржимон бўлгани, уни бекорга “Бизнинг Пушкинимиз” деб аташмаганини қофиялар қуйилиб келиши ва сўзлар, иборалар нақадар таъсирчан ва моҳирона этиб танланганидан ҳам кўриш мумкин. 

Тингловчилардан бири шарҳларда “Усмон Носирнинг руҳи шод бўлсин” дебди. Мен ҳам шуни тилаб қоламан. Усмон Носирни минг йиллардан кейин ҳам боғи унутмаслиги керак.  

Фикрларингизни YouTube да қолдиришингиз мумкин. Репостлар ва комментлар учун раҳмат.

👉@madnifique👈

📚 Madina Musayeva 🎧

08 Mar 2023 13:39

- БМТ нинг айтишича, дунёда ҳар 3 нафар хотин-қизлардан бири умри давомида жисмоний ёки жинсий зўравонликка учрайди, ва одатда, бу нарса уларнинг яқин кишиси томонидан амалга оширилади. Ҳар куни 137 нафар аёл ва қизлар шу тарзда ҳаётдан кўз юмади.
- Инсон савдоси қурбонларининг 71 фоизи аёллар ва қизлар, шуларнинг ҳар 4 нафаридан 3 таси жинсий эксплуатацияга дучор бўлади.
- Ҳар йили 15 миллион қиз 18 га тўлмай турмушга чиқади. Бу ҳар дақиқада 28 та қиз дегани. 

Мен орзу қиламан — бир кун келиб 8-март байрами нархи осмонга учган гул, шоколад, совғалар ва “Ҳар доимгидек гўзал бўлиб қолинг” қабилидаги открытка учун эмас, ушбу куннинг асл моҳияти учун қадрланади. Шу куни минглаб одамлардан камида бир-иккитаси “бу аслида қандай байрам, Клара Цеткин ёки суфражистлар ким?” деган оддий нарсаларга қизиқиб кўради. Ким билади, билими озроқ ошса, одамлар -- гендер тенглигини лойга булғаш “мода”га айланган бир пайтда -- аёлларнинг овоз бериш ҳуқуқи, ишлаш ва ўқиш, мулкка эгалик, фарзандинг сен билан яшаши ва биз баъзан қадрига етмайдиган бошқа элементар эркинликлар учун қанчадан қанча қурбонликлар қилинганидан бохабар бўлишар.  

Мен орзу қиламан — хотин-қизларга қасидалар бир йилда бир мартагина айтилмайди, уларнинг қонунда белгиланган тенг ҳуқуқли фуқаролар сифатидаги ўрни бошқа жинс вакиллари билан шундайин тенг бўлади-ки, бу ҳақида сохта мақтов, мукофот ва тақдимотларга ҳожат қолмайди.

Мен орзу қиламан — мен ва сизнинг фарзандларингиз ҳеч қачон аёлларнинг дўппосланаётган, памперсдаги ахлат зўрлаб едирилаётган, аёл устига керосин қуйиб олов қўйганда бошқалар қараб турган, никоҳ кечаси бокиралиги зўрлаб текширилаётган каби видеоларни кўрмайди, чунки аёл ва қизлар устидан бундан зўравонликлар бўлмайди.

Мен орзу қиламан — аёллар ва қизлар кийган кийими, юбкаси, рўмоли ёки эркин фикри учун маломат остида қолмайди. Улар кўчада тинч юра олади, уларга шилқимлик қилинмайди, гап отилмайди, “кўзини сузган ғунажин” деб аталмайди. 

Мен орзу қиламан — ҳамма қизлар ўз истаги билан ўзи танлаган вақтида турмушга чиқади. Ораларидаги ўқишни ва касбни танлаб, 20 ёшдан кейин турмушга чиқишни истаганлари “қариқиз” деб аталмайди.

Мен орзу қиламан — ва балки, менинг орзуим Мартин Лютер Кингнинг машҳур I Have a Dream нутқи каби қандайдир маънода ушалмас орзу бўлиши мумкин, зеро прогресс асрлар давомида мисқоллаб йиғилади ва онлар ичида кўкка совурилади. Чин қалбимдан (бугун, эртага ва ҳар доим) аёл ва қизларнинг хуқуқлари, соғлиги ва билим олишлари учун курашаётган активистлар, журналистлар, муаллимлар, врачлар ва бошқалар, ҳамда умуман, яшаётган дунёимиз барча учун баробар даражада яхши жой бўлишига ҳисса қўшаётган аёл ва эркакларни кириб келаётган байрам билан қутлайман. Бу, аслида, сизнинг байрамингиз ва ишонинг, сизга йилнинг 365 кунида ташаккур изҳор этиш зарур. 

 👉 @madnifique 👈

📚 Madina Musayeva 🎧

06 Mar 2023 14:40

Лермонтовнинг энг машҳур асарларидан бўлмиш “Демон” (“Иблис”) достони ҳақида фактлар: 

📝 “Иблис” достони цензурада бўлган ва бутунлигича Лермонтов ҳаётлигида чоп этилмаган, унинг ўлимидан кейингина нашрдан чиққан. Илк маротаба достон атиги 28 нусхада чоп этилган;
📝 “Михаил Лермонтов достонни 14 ёшида ёзишни бошлаган ва деярли бутун умри давомида ёзган (Лермонтов 26 ёшида дуэлда ҳалок бўлган);
📝 Достон 8 марта қайта кўриб чиқилган;
📝 Асар царь оиласининг эътиборини тортган ва уни императорнинг рафиқаси Александра Фёдоровна ўқиб чиққан;
📝 Илк маротаба бутунлигича нашрдан чиққанда достондан Тамара ва иблиснинг диалоги кесиб ташланган (Достонни “Онт ичаман” монологисиз тасаввур этиш қийин).

👉@madnifique👈