2325
قناه خاصة بنشر الحان وكل ما يتعلق بالرادود مصطفى الكربلائي للتواصل @MlleMastafa
رد يالروحتك يبني كسرت ضهري تدريها
اريد من البواجي عليك بويه اعيوني اعميها
ــــــــــــــــــــــــــــــــــــــــــــــــــــــــــــــــــــــ
انه الحيلي يلوي الكون هسه عله النفس مكدر
اول مره هاي تصير بويه ابمشيي اتعثر
انهدم حيلي لمن شفتك جسمك عل ثره مطشر
اكبر مني جرحك صار يبني ياعلي الاكبر
مات وليدي الختي ام عون ماكدر انا احجيها
اريد من البواجي عليك بويه اعيوني اعميها
ــــــــــــــــــــــــــــــــــــــــــــــــــــــــــــــــــــــ
انه حسين ابوك اكعد شوف شصاير بحالي
محني وحدي ضليت بخدي دمعتي تلالي
اندهك ليش ماتكعد يغالي وتعبت غالي
من افراكك علي يبني صار الموت اشوالي
بعدك ياحبيب الروح روحي لمن اباريها
اريد من البواجي عليك بويه اعيوني اعميها
ــــــــــــــــــــــــــــــــــــــــــــــــــــــــــــــــــــــ
من مصرعك الخيامي شيبي بين ابرمشي
جنت كلشي اليه انت وهسه ضيعت كلشي
بخاصرتي انطبع جفي بالكوه صرت امشي
باجر من يجيني الموت ردت انت التزت نعشي
طول اليل روحي عليك ماكطعت نعاويها
اريد من البواجي عليك بويه اعيوني اعميها
ــــــــــــــــــــــــــــــــــــــــــــــــــــــــــــــــــــــ
ياشمام كلبي انت يوليدي ونضر عيني
حاجيتك علي بدمعي ماتكعد تحاجيني
ماياذيني سهم الموت بعدك انت تاذيني
ما ابجي على روحي انه بس فكدك يبجيني
عيني العمت من مبجاي بس انت علي بيها
اريد من البواجي عليك بويه اعيوني اعميها
ــــــــــــــــــــــــــــــــــــــــــــــــــــــــــــــــــــــ
يعطشان شكثر عطشان مو للماي لعيونك
حيات حسين ماتسواش لحضه بعد من دونك
الذبح خرب كشختك ليش وخاطف يالولد لونك
تنحط انت فوك راس مو مالت يذبحونك
بليلة موتتك يبني يكون الدنيه ابجيها
اريد من البواجي عليك بويه اعيوني اعميها
ــــــــــــــــــــــــــــــــــــــــــــــــــــــــــــــــــــــ
حسين عبد الزهرة الدراجي
شأقره بصلاة الدفن/والراس ما مدفون
مدفون قسم وقسم/للمثله شيصلون
محتاره ادعيلك
مييت واصليلك؟
والراس ما مدفون
++++++++
فاتن ثلاث ايام الك بالشمس باقي حسيني
ومرن ثلاث ايام الي وآنه بحبل چفيني
هسه آنه معروفه بسبي بس وضعك امأذيني
جسمك تركته بكربله والراس اشوفه بعيني
بتراب ثوبه رجع/وأنه اسأل السجاد
دافن منو وارجعت/اعرف اهلنه ابعاد
امن ابعيد اناديلك
مييت واصليلك
والراس مامدفون
++++++++
گتله ابدفنته اتأخرت گلي صعب جمعته
كلما ارفعه حاولت ماينرفع من شلته
باقي بعد منه ورحت دورت خنصر جبته
زغران ابـوي الوحدي للگبر مـن نزلته
وهنا بدت قصّتي/وجرحي اويه جسم حسين
لا خد اوسده بترب/لا مددت رجلين
كتله اشأسويلك
مييت واصليلك
والراس مامدفون
**
للقبله اوجّه ياطرف من الحصيره واجري
حكم الدفن للبالسحگ صدر وگفاه متذري
اندليته نحره من نطق وسد رضيعي الصدري
ضليت ادور عالصدر گال الصدر ضل حدري
ناشدني راسي شعجب/ماجبته يبني وياك
گتله اويه زينب بقى/يحرس بناته اهناك
وارقيه تشكيلك
ميبت واصليلك
والراس مامدفون
+++++++++
اختك يبعد اختك صبح كلشي غريب ابدونك
گالولي عنك مندفن وگبالي اشوف اعيونك
تدمع اذا ضربو طفل وبرمحك ايهزونك
هسه انت ميت منأسر يحسين شيسمونك
راسك اشوفه عدل/بس جسمك ابلا روح
بثنينهن ماكو امل/مدفون لو مجروح
چم فاتحه اهديلك
مييت واصليلك
والراس مامدفون
++++++++++
حته بدفنتك تختلف يالمختلف عن كلها
سكنه ورباب يسولفن ياعمل نهدي اتگلها
نقره الحمد دفعة بله عن راس ابوچ اتگلها
وننوي الصلاة الخنصره ونشا الله يقبلها
ياخويه جرح الحبل/يلچمني وتوضيت
الكل وصله منك فرض/لميتك وصليت
دمعاتي توميلك
مييت واصليلك
والراس مامدفون
+++++++++
ياوحشه لبدرب السبي والمندفن هنياله
ياريته طولي مندفن وما شاهدوله خياله
بالكوفه وبمجلس زلم وگفوني خويه گباله
رسك ابطشته ويلتفت من سوطه بيده الشاله
تحميني وانت بطشت/وآنه استعذ بالراس
من شر سياط المتن/ومن نظرة الحراس
تسمعني واحچيلك
مييت واصليلك
والراس مامدفون
+++++++++++++++++++++++
الشاعر ثائر الربيعي
ليلة ١٣/محرم الحرام /١٤٤٨ هجري
الاثنين 29\6 \2026
ليلة دفن الأجساد الطاهره
#جديد_محرم_الحرام_١٤٤٨هج
تطبير يوم العاشر
يايوم عاشوراء قد سالت الدماء
عالهامه نتطبر حيدر حيدر حيدر
****
طاح الحسين اعله الرمال وضــامي
ألف وتسع مية جروحـــــه الـــدامي
وزينب تصيح الحك يخويه اخيامي
حركوهه وبوســــــط الخيام ايتامي
ضرباً على الجبين حسيناً واحســــين
كَلب اختك اتحير حدير حيدر حيدر
*
كل ساعه تهجم علــخيام الغاره
وزينب خطيه تنتحـــب محتاره
اتحشم بأبو اليمه بدمـــع يجاره
نوبه اتنخى يونه راعي الشـاره
قد سلبو النساء ياحامــــل اللواء
وجبد اختك اتوذر حيدر حيدر حيدر
*
تكصد لبوا ليمه وتطر الحومه
تنظر عليه امســــلبات اهدومه
متغطي بتراب ونزيف ادمومه
كعدت تكَله هاي انه المحرومه
يابضعة البتـــول اخبرني ماتقول
محزوز إلك منحر حيدر حيدر حيدر
*
نفضت ترابــــه وايست من عنده
مات العــــزيز ولا بعد شــــيرده
صلت عليــــه وطولت بالســجده
تقبل وريــــــــده ماتقــــبل خده
قد قطعو الوريد ويلاهُ ياشــــهيد
يالصدرك اتكسر حيدر حيدر حيدر
*
ومحنيه راحت صـــــوب المسنايه
حاجيني صاحت ها يراعي الرايه
ترضه الخواتك يالســـــــبع سبايه
وانته الكفيل وندري حامــي الثايه
عباسُ ياعباس جارة بنا الأرجاس
يالجســمك اتوذر حيدر حيدر حيدر
****
أبو علي الركابي
#قصائد_الامام الحسين ع
بسمه تعالى
***
يخويه بحياتك تودع بناتك
تظل عد رقيه صور ذكرياتك
يروح الزكيه تشوفك رميه
______
أروح ميسره ياخويه والأيتام بعد عينك عليه تكثر الألام
وجرح بنتك رقيه ما اظن يلتام عله فراكك تموت وتندفن بلشام
ولا يهده ونهه تموت بحزنهه
واخبرك يغالي بديه دفنهه
العزيزه رقيه
______
شلون أحجي واسولف هضم لبدنياي وحس نار الخيم مشتعله وسط أحشاي
تكطع كلبي كل طفله تريد الماي تلوذ من السياط وتحتمي بحماي
شسوي لزماني بسهامه ولاني
بعد حامي خدري الشمر خويه جاني
يريت المنيه
______
يبو السجاد كلبي مجمع الأحزان من يوم السقيفه وذيجه النيران
وبعد أكثر باجر تنذبح عطشان أسئلنك وريدنه الجواب الأن
لأجاك ويطبرك وسحك خويه صدرك
تشوفه رقيه يحز بيده نحرك
شيصبرهه أليه
_____
ليل العاشر هوايه يألمني وريدن من أون يحسين تسمعني
باجر خويه ياهو اليصبرني وبتك من تجي وعليك تسئلني
وحك الصميده أبويه أريده
جوابي شكلهه تكطع وريده
ولا منه جيه
____
باجر خويه باجر أعرف أخباره من توكع علينه تهجم الغاره
ولا عباس جفه يلوح بتاره ورقيه تصد عليه وتبقه محتاره
مصابك فجعهه وعدوك دفعهه
ضربهه بسياطه وشكالك دمعهه
تنادي يبويه
____
بلايه روح أروح وكف اعله التل بيا صوب انته طايح خويه ما أندل
وياهوه الأسئله ولو ردت أسأل بس عدوان وادري أنته ما تقبل
الهزل حضروهه اليتامه أضربوهه
وبنات الرساله يخويه سبوهه
وتراني سبيه
___
الشاعر " علي الحجامي "
موشح للاكبر
علي الاكبر من طلع هز رايته
والجيوش اتبسمرت من شافته
١
جنه حيدر من طلع وسط الجمع
والسبع من عادته ايخلف سبع
كل مزايه المصطفى بي تنجمع
صوته واطباعه وكلامه ومشيته
٢
اتوكل اعله الباري وبعزمه نزل
والجيوش اتشوف بعيونه الزعل
على الحق ناده عليهم من وصل
ناده ضل اينادي كلها وسمعته
٣
احنه اهل الحق ينادي بكل يقين
نمشي احنه بنهج سيد المرسلين
حسين ابويه وجدي امير المؤمنين
صاح كل هذا الكلام بطلعته
٤
الحومه بيده وراد يكلبها كلب
وخله كل فرسانها اتيه الدرب
الكاع حدر الزلم كامت تلتهب
ادخيل ياستار كلها نادته
٥
صارت الحومه ظلام ابلا ضوه
وشبع سيفه من الدمه حد مرتوه
علي الاكبر من نزل سد الهوه
وتيهت المشراد كلها بصولته
٦
ضحه بالروح وفدائي الدينه جان
علي الاكبر يعرف الصار امتحان
بكل مكان احنه نكول وكل زمان
الله يلعن ال اميه الذبحته
لاتنسون والدي ووالدتي وابني عباس من الرحمه والمغفره
خادمكم رياض الرسل الجابري
يوم القاسم ابن الحسن ع
يارمله شمعچ طفيه .. العريس دمه محنيه
يارمله ذبحوها الشمس .. چا وينچ وين العرس
يارمله شمعچ طفيه
………………………….....
للحومه جاسم من طلع .. گلبچ وره وليدچ وگع
بين العده ودنگ اظن .. شسع النعل ماله انگطع
من راد شسعه يعدله
بعسكر تحاوط وانوله
وحيدچ بقه محد اله .. أيسي يرمله مارجع
شعندچ يرمله اتانين .. غاب الولد عن العين
غاب وبعد شوماله حس .. چا وينچ وين العرس
يارمله شمعچ طفيه
………………………….....
عريسچ ابراسه انطبر .. وفوگ الرمل مخه انتثر
مثل الملبس من يطش .. راس الولد سووه وذر
يارمله هالمنظر صعب
مخه اختلط وي الترب
ودمه على اچتافه يصب .. يجري يرمله چن نهر
ابنچ وگع واتولوه .. وداروا عليه ايطبروه
الطبره عالطبره ترس .. چا وينچ وين العرس
يارمله شمعچ طفيه
………………………….....
ببنچ بقه وشالت نفس .. ياعمي الحگني همس
شافه الشمر وعليه رجع .. وبصدره يارمله رفس
ايلوج ضل اعله الثره
امتاني عمه شأخره
وحسين يمه ومادره .. شاله ولاجاسم يحس
بحظين عمه من مات .. وصالچ بهل كلمات
العمي ضحيت النفس .. چا وينچ وين العرس
يارمله شمعچ طفيه
………………………….....
يارمله طفيه الشمع .. احسين جابه بياوضع
ماشايله بجاسم يجر .. يزحف اجه محني الضلع
لجسام ظهره منكسر
وكلساه ابو اليمه ايعثُر
مهضوم يلطم عالصدر .. وعلى ابن اخوه يجري الدمع
بالقاسم احسين انصاب .. مذبوح عريس وشاب
ثوب العرس ماينلبس .. چا وينچ وين العرس
يارمله شمعچ طفيه
………………………….....
يارمله مذبوح الحلم .. نصين راسه منجسم
ابهيده مومالت حظن .. خافنه جاسم ينلچم
سالم ولاضل بي كتر
لا راس سالم لا صدر
كل جسمه جاسم منعصر .. يحتار البجسمه يلم
شمخليه بيه الطبرات .. ماينلزم بالراحات
حتى لمس ماينلمس .. چا وينچ وين العرس
يارمله شمعچ طفيه
………………………….....
ايسي يرمله من الولد .. ميلمه حظنچ لا بعد
مشتاگه ادري البوسته .. بس الولد ماعنده خد
وجنات جاسم وارمه
طبرات متروسه ودمه
واشفافه فطرها الضمه .. والدم على شفافه جمد
بوجه الولد ضل نيشان .. دم جامد وبي تربان
مغطيات ضحكات الأمس .. چا وينچ وين العرس
يارمله شمعچ طفيه
الشاعر عقيل الحسناوي..
❉❉❉❉❉❉❉﷽❉❉❉❉❉❉❉
لسـتة #دعم_مؤسسة_منبريون_الحسينية🌻.
#التثبــيت_سـاعـه
#الحــــــــــذف
بـعـــد نشر اللسـتـةّ بـ4 سـا؏ـات
� غَـير مبري الـذمـةّ ٲمـام الله ڪـل من يـحذف البــوت دون ؏ـلمنا
استقبل 1000 عضو فما فوق
━━━━━━━━━━━━━━━
للإشـــتِـراك 👇🏻.
التواصل مع @ahmed_alziwar0
قناة خاصة بتلحين القصائد
/channel/+PZwpTt2HLXcvUQZh
------------------------------------------------------
ملا مصطفى الكربلائي
قصيدة لشهادة الامام العباس ع
(دارمــــــــــــــــــــــــــــــــــــــــــــــــي)
ثلاث دگات كربلائية
يــا گطـعـت الچفـيـن گطـعت أمـلنه
وأبـطـيحت الـعـباس سـلبوا خـيمنه
قـائـد وضـحه الـروح لـجل الـعقيده
وگطـعت حـبل الـزود گطعت وريده
وأبـهـيـبته الايـتـام چانــت سـعـيده
وأبـفگده صـاحت ويـن كـافل أهلنه
مــــن فــــرّت الايــتــام بـالـغـاضريه
وهجمت على الصيوان غارات أميه
والـحرم صـاحت ويـن أهـل الحميه
مـن شـوفت الـعباس دهـري حرمنه
الـبدر الهواشم جيت اعرض شكايه
مـن طـاحت الچفـين طـاحت الرايه
ومـن غـابت الأرواح ابـكهف المنايه
ذاك الـزمـان الــراح مــا يـرجـع الـنه
هـم صـدگ يـا عـباس يـرجع دلالـي
والـطـيـبه بــالامـال تــرجـع عـيـالـي
ريـتك عـدل وتشوف محنة اطفالي
ابگلــب الـيـتامه الـيـوم زادت الـونّه
واتـصل هـذه الـصوت مـن الـوديعه
لـلّـي بگه مـطـروح فــوگ الـشـريعه
چفـيـنه يــم الـجـود ظـلـت گطـيـعه
وعگب الـكـفيل الـيـوم مـحد كـفلنه
ما حصل راعي الزود يا من ايتامي
عگبــك ولا نـغـار يـحـرس اخـيـامي
زيـنـب انــه وضـليت عـنهم احـامي
وچم محنه هذا اليوم عگبك حملنه
لـو ردت يا عباس احسب اجروحي
يـتـمـرد الـــدلال مــن جـمـر نـوحـي
روحــي بگت ويـاك رجـعلي روحـي
لـــو تــرجـع الايــتـام لــديـار اهـلـنـه
ولــو تـعـتذر وتگول سـهـم الـبـعيني
چم عـهـد يــا عـبـاس بـيـنك وبـيني
ولـو مـا تـطفي الـيوم جـمره ونيني
طـفـيلي نــار اضـماي حـرگت گلـبنه
مـــن جــمـرة الـنـاريـن گلــبـي تـألـم
نـــار الـضـمه والـنـوب نــار الـمـخيم
انـته الگلـت هـالجود يـنترس بـالدم
چا ويــن عـهدك ويـن تـنسه عـهدنه
عــوف الـكـفاله عــوف آنــه الـكفيله
حــاشـاهـا هـالايـتـام تـطـلـع ذلـيـلـه
ولو شفت دمع العين فايض مسيله
ردت اطفي يا عباس جمرة عطشنه
طـــــــــــــــــهـــــــــــــــــران 1981 م
جابر الكاظمي
ليلة العباس س
.
.
.
يالمــــعدل الــمـــيــله ياخيـــالها
الحومه منك تستغــيث ارجــالها
يعباس .. يعباس
***
ياگـليط ابوكت بـي شـح الگــليط
خزرتك سبعين الف جـندي تحيط
انــته مايحـتاج عالعــسكر تـعـيط
انته بـــس أشــر اتـطــيح اثكــالها
يعباس .. يعباس
***
اشــرط بكيفك يبــو فاضل شــرط
غصبن اعله الطارت بحضنك تحط
الماتجـــي بيـــديك اشنـطها شـنط
وعـــــود شـــد اذيالــــها بذيــالــها
يعباس .. يعباس
***
حوشــهم حوش المناجــل بالربيع
الزلم من تــسمع بخو زينب تضيع
الحيد بيهم يصـبح گبــالك رعــيع
الوادم التچـــهبا مــدري شــمــالها
يعباس .. يعباس
***
شكبن اعلـه امتـــونك واگطــف لغـاد
وخل تغص امن الجـثث ارض السواد
للنخــــل ياباالفـــضــل ذبــهم ســـماد
وخلــص امــن المعــــركه واشكــالها
يعباس .. يعباس
***
خلي حومتهم اتخنــطل مـن الخوف
ووروسهم جزها مــثل جـزة الصوف
طوف والـگـط باليعجـبك من تطوف
وخــــلـــي عزرائــــيل يـــتـــــراولها
يعباس .. يعباس
***
من تمــر بجيشـــهم اخطـف خطف
نــاس مـو مالــت امــروه ولا لــطف
بروسهم ياابو الفضـل اگطف گـطف
والعــب السبــعــين الـــف بحـوالها
يعباس .. يعباس
***
اتشــچل واگصدله اذا شفـت الجبيل
يبـــو راس الحار ياحـيــد وچـــفيل
الحومه خلها تصيح ابوفاضل دخيل
فـصــل وثـــق تــقبـــل بتــفــــصالها
يعباس .. يعباس
***
ارعــد وخــلي الزلـم يمــك تــبــيد
ويـــن تلـــبد هالزلم مـــن الــرعـيد
الــحرب عيد والله جايبـــلك العيد
الجايـــه للـطـف بالله وشيــسوالها
يعباس .. يعباس
***
حيدر تركي الكربلائي
ميمر في حق ام البنين
.............
طلعت تنادي ام عباس ومن الحزن محنيه
راحت بنيني البيها چنت ارفع راس
آنه الحزينه ام الگمر يا هلناس
دمعي وحسرتي اعله الحسين وعباس
گلبي خلص من النوح راحت هلي امنديه
.............
گامت توصي والدمع عالخدين
يولادي طيحو بالحرب گبل احسين
يا گمر هاشم انته ضحي الچفين
خل جثتك راعي الجود يم النهر مرميه
..................
ربيتك ويومك وصل يمشكر
واعرف وگفتك بالحرب موت احمر
زينب امانه بشاربك بت حيدر
رف العلم يم زينب وانته العلم راعيه
................
ناداها عد عينچ ييمه ابعبره
تتدلل ابزودي العقيله الحره
خل يرتفع راسچ امام الزهره
ياييمه حين اتسمعين چثت الگمر مدميه
..............
نادته اعرفك يا عزيزي الغالي
بيك اكسبت يا ابوالفضل آمالي
وآنه ابوجودك راسي صبح عالي
مابطل اعليك النوح وابچي ابحزن يوميه
...................
خادم الحسين
سيدرضا البوشوكه
زينب بام البنين اتخاطب
اتكلهه ابنج سوه فوك الواجب
....
بشري يام عباس يالوفايه
خوش زلمه امخلفه بي الإكفايه
يوم عالمعبار هز الرايه
طب عليهه وداس اكبر شارب
...
جني بام عباس عبر احساسهه
سمعت الصوت وهدت انفاسهه
حمدت الله وفرحت بعباسهه
واللبن صافي طلع مو رايب
...
زينب اتكلهه اسمعي اخباره
الروس سواهه الكمر طشاره
والنعم من كصته المطاره
ابعين يحرسني وعين ايحارب
....
جاوبتهه ام الوفه وخجلانه
احنه نفداكم يبت مولانه
فدوه الج دم هامته وذرعانه
احنه عين وانتي دومج حاجب
...
زينب اتكلهه قطوفج دانيه
راحت امي وانتي امي الثانيه
يللي ماغرتج دنيه الفانيه
واليناسب كون هيچي ايناسب
...
كالتلهه ام الوفه وملتاعه
حزنج بكلبي القيام الساعه
السوط الايضربج احس باوجاعه
ومثل وجهج وجهي اصبح ذايب
...
زينب اتكلهه اشوف اخيالج
اوياي يمشي واستمع لاقوالج
انه ادري احسين شاغل بالج
وعينج ابدرب الضعون اتراقب
...
اتكلهه يازينب اسمعي اجوابي
احسين ماابدله سود اثيابي
كون تلكيني اعله عتبة بابي
ميته واكبالي لطم وامواكب
....
الشاعر #محمد_الجماسي
#اللهم_عجل_لوليك_الفرج
عِليله واهلي عافوني الدمع ذبلهن اعيوني
سفركم يالأهل طــال وصلكم مني مرسال ؟
الدمع ذبلهن اعيوني
عِليلتكم تركتوني وحيده والمـــرض فتنـــي
بعد غيبتكم أيامي حزينه وما سكن ونــــــي
صوركم عايشه ابروحي على الفرگه يِصَبرَني
ولا منكم وصل مرسال يريحني او يطمنـــي
ما ظــني نســيتوني اگولن اهلي يلفونـي
ضِنوني اتصَبّر الحال وصلكم مني مرسال
الدمع ذبلهن اعيوني
نِحَل جسمي او ذبل عودي بسبب فرگاهم آلامـي
على درب الضعن عيني تِشوبح والگلـب دامـــي
أثر ما ظل بعد منهم اختفو بس هيمـه جدامــي
سراب او يوهِم انظاري نسوني وخابت احلامي
ردت شوفتهم ابعينــي مرار الفرگه ماذينــي
ضعنهم ابعد اوشــــال وصلكم مني مرسال
الدمع ذبلهن اعيوني
اناطر لو يمر ليلي اظل سهـــرانه واتـــأمــــل
صدگ ياليلي عافوني يليلي جاوب من اسأل
حِفَظت ادروبها النجمات كل ادروبهـن انـــدل
دَرُب لحباب ضيعته كل يوم الدرب يطـول
السهر ذبلهن اجفوني ردت منهم يتانونــي
عليله وعندي آمـــال وصلكم مني مرسال
الدمع ذبلهن اعيوني
عجب ما ناشدو عني ولا طارش إجـه منهــم
ولا مرســال ودولــي يطمني اعــله غيبتهـــم
ضعيفه صارت آمالي حلم لعيوني شوفتهم
اظل ادعي من الباري يبشـــرني ابسـلامتـهم
عسن طارش يودولي خبر منهم يرسلولـي
سفركم يا هلي طــال وصلكم مني مرسال
الدمع ذبلهن اعيوني
عتب عندي او شِدَه بالي وانا ابّالــي الــف حيـره
غريبه أفعال هاذي الناس عجيبه أحوال هالديره
لا واحد سٲل عنــي ويـــن العِشـــره والجيـــــره
لا عن اهلــي نشــدولي ولا وضـحولي الصـــوره
عجيبه الناس تركوني ولا چنهم يعرفونـــي
لا واحد إجه وگـــــال وصلكم مني مرسال
الدمع ذبلهن اعيوني
تظل ذكراهم ابالي زرعتــــه اورود ممشـاهم
ارَوّيه ابدمع مبچاي عهد ما يـــوم انســـاهـم
رياحيـن العمــر ذبلن العمــر شيفيد لــولاهـم
واختم قصة احزاني عسن ربي اللي يرعاهم
امل عندي يرحموني لضعنهم توصل اضعوني
ادعي ودمعي همــال وصلكم مني مرســــال
الدمع ذبلهن عيوني
كلمات عمار الراشدي
❉❉❉❉❉❉❉﷽❉❉❉❉❉❉❉
لسـتة #دعم_مؤسسة_منبريون_الحسينية🌻.
#التثبــيت_سـاعـه
#الحــــــــــذف
بـعـــد نشر اللسـتـةّ بـ4 سـا؏ـات
� غَـير مبري الـذمـةّ ٲمـام الله ڪـل من يـحذف البــوت دون ؏ـلمنا
استقبل 1000 عضو فما فوق
━━━━━━━━━━━━━━━
للإشـــتِـراك 👇🏻.
التواصل مع @ahmed_alziwar0
قناة خاصة بتلحين القصائد
/channel/+PZwpTt2HLXcvUQZh
------------------------------------------------------
#قصائد_العليلة ع
لا تسهر الليل يكلبي أيس ونــــــام والياخذه الموت تشوفه بس بالأحلام
لا تنتظر ياكلبي وترك عتبة الباب مــــايرجع الراح وتوسد حدر التراب
والياخذه الموت تشوفه بس بالأحلام ~~~~~~~
طفله وبخيط الامل تنطر اهلها
وكعدت الباب شكثر صارت تملها
ابجية احباب الكلب معكود املها
ماترد لو طارش اعليهم سألهــــا
مهجوره يادار علامج وين اهاليج يرجع صده الصوت عليه من احاجيج
حاجيني يادار دخيلج وين الاحباب مـــــــايرجع الراح وتوسد حدر التراب ~~~~~~~
دمعة الفركه تسيل وتجوي الجفون
والله بفراك الاهل ماظلت اعيون
آنه ادري ابعاد عني ومـــــايردون
لاجن شبيدي يكلبي انساهم شلون
آخ يروحي الهجر عذب دليلي ونه ودموع واذيه يكضي ليلي
آنه يوميه بسهم دلالي ينصاب مايرجع الراح وتوسد حدر التراب ~~~~~~~
اكضي ايامي صرت ونه اعله ونه
جروح بيه وكل جرح ينزف محنه
جــرح اسمه حسين بس ايست منه
او آخ ياجرح الرضيع بكلبي جنــه
مجروحه والليل اخافن من انامه احلم بالايتام يتيهون بظلامــــــــه
ياصفنة الليل طويله واهلي غياب مايرجع الراح وتوسد حدر التراب ~~~~~~~
عذبوني ونارهم تجوي بمهجتي
خدودي مجروحه وتاذيهن دمعتي
روحي مشتاكه الرقيه ياحسرتي
نكعد ونلعب سويه آنه وختـــــــــي
يانجمة سهيل علامج ماتنامين كالت رقيه غفت يم جسم الحسين
احرس عليهه اخاف ايمرها سلاب مايرجع الراح وتوسد حدر التراب ~~~~~~~
يانجمة سهيل وبعد عمتي شخبرها
مهيوبه زينب اكيد ابظل كمرها
لا يالعليله اليسر كاسر ظهرهــــا
والاذه زينب شمر لمن نهرهــــا
صاحت يعباس دخيلك ريتك اتشوف ياخويه معذور اذا ماعندك اجفوف
اصعد عله النوك وسافه ابولية اجناب مـــايرجع الراح وتوسد حدر التراب ~~~~~~~
ذلة الغربه تعيش ابذكرياتـــــي
الشوك ذابحني ودنت ساعة مماتي
يازماني ارحمني مشتاكه الخواتي
من بعد غيبة هلي شلي بحياتي
مـــــــــجروحه والآه تسليني بصفنتي محبوسه بالدار وسولف وي دمعتي
محتاره والروح حزينه ودمعي سجاب مــــايرجع الراح وتوسد حدر التراب ~~~~~~~
حسين باهض الحلفي
رجع من الدفن مــهضوم
وگابل عمتّـــــــه الـــحره
شسولف يا جرح وهموم
يگلها وخنگته الـــــــعبره
ــــــــــــــــــــــــــــــــــــــــــــــــــ
رحت لحسين ادفـننه
وحرت يا زينب اگباله
اموذر بيــــــش المّنه
يعمّه وحـــالـته حاله
من يا كتــر اشـــيلنه
تهوه وتوگــع اوصاله
ابصدره ما لگيت اضلوع
وضايع خنصره المگطوع
وراسه اعله الرمح مرفوع
يزينب من جراح الگوم
حتى اعضامه مطّشره
ـــــــــــــــــــــــــــــــــــــــــــــــــ
شسولف عن گمر عدنان
مصيبوه ابســــهم عينه
لگيته اموسد التربان
گطيعه ايساره ويمينه
وكاتب عالرمل خجلان
منج عمي يسكيــــنه
واعدتْج اجـيـــــب الماي
وانه البل وعـــــــد وفاي
لجن غدروني غدر اعداي
عذراً كاتب الجيـــــدوم
ابدم ازنوده اونحـــــره
ــــــــــــــــــــــــــــــــــــــــــــــــــ
لگيت اعله الرمل جسّام
نايم شنــــــهي من نومه
امطرز جسمه من اسهام
وحيل مغيّره ارســـومه
ابشمس الطف ثلث تيام
عاري امســـلبه اهدومه
عرّيس الحرب يا حيف
متوسد ضهاري الصيف
ومگطوع النحر بالسيف
يون گلبي وعليه مالوم
وضلت ناره مـــتوجره
ــــــــــــــــــــــــــــــــــــــــــــــــــ
وشبيه المصطفى المختار
على ارســـومه جمد دمه
وجسمه اعله الترب طشّار
وعليـــه ارماح ملتمــــــه
على صدره لگيت اثار
حوافر خـــيل يا عمه
صدر اصبح شبه مـيدان
ضامي ومنذبح عطشان
مثل غصن الورد ذبـلان
طبع حافر عليه مرسوم
مو واحد ولا عــشـــــره
ــــــــــــــــــــــــــــــــــــــــــــــــــ
تهدم حيلي من وصليت
عبد الله وشفت حـــاله
اگعدت يمه وعليه ونيت
واحس اجگد حجي اباله
اصغير وشمعه تضوي البيت
وذبحـــو حلمه وامـــــــال
شلته وبيــــــــــدي وديته
اعله صدري الغالي خليته
ابنفس اللـــــــحد دفنيته
عبد الله الطفل مضلوم
مات وخله جِم حسره
٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪
الشاعر علي كاظم المنصوري
ليلة ١٣/محرم الحرام /١٤٤٨ هجري
الاثنين 29 \6 \2026
ليلة دفن الأجساد الطاهره
#شوطي في داري المتواضعه
حله محلة جبران #جديد_محرم_الحرام_١٤٤٨هج
#قصائد_الامام الحسين ع
على التل الزينبي - ويه زينب نوكف احنه نصيح عباس
على التل الزينبي - نصيح ياعـــــــــباس وينك حزو الراس
حركو اعليهه المخيم يابو فاضل بيهه تعلم
...........................1
بينك وبين المخيم تل مصايب لو تراقب طاح الحسين
طاح عطشان وينادي ماتجينه الماي وينه وتسكي كلبين
وكلب يمن من يشوفك كلب ظامي وكلب دامي وكلب نصين
على التل الزينبي شلون تكدر تنظرلنه وسهم بالعين
على التل الزينبي شمس وكفت هاي زينب تندب حسين
على شمسك ليل خيم يابوفاضل بيهه تعلم
..............2
جبل فوك التل عجيبه نور زينب يضوي كوكب شمعة احساس
ماتطفيهه النوايب اسم زينب علم يكتب (بين الاقواس)
راية العباس زينب معنى اسمهه اليفتهمهه فقط عباس
على التل الزينبي بعين كلبه المهدي ينظر صاح جداه
على التل الزينبي من محاجر عينه خضب خده بدماه
دمعه تحجي ودمعه تنظم يابوفاضل بيهه تعلم
....................3
ليش زينب يابو فاضل عافت التل ليش نسأل ركضت بخوف
ترفع بكل خطوه رايه خطوه لوعه وخطوه دمعه تسكي الطفوف
فوك جسم حسين طاحت مثل جفك زينب اختك طاحت انشوف
على التل الزينبي جود جنه التل تبده وزينب الماي
على التل الزينبي ركض يم حسين سالت تعلم بهاي
كلب زينب من تألم يابوفاضل بيهه تعلم
....................4
عليك ظهر حسين محني شكبر كسره ومن يجبره يابو فاضل
انكسر ظهر الحره زينب لبو اليمه من تشمه ودمه سايل
اتلمست جرح المثلث صاحت افزع خويه ارجع لاتطاول
على التل الزينبي بين نار خيام تلهب بين الحسين
على التل الزينبي بلصفا وللمروه اسعه بين جفين
تقبل الجف التوسم يابوفاضل بيهه تعلم
.......................5
على صدر حسين صاعد شمر لازم سيفه عازم يكطع الراس
للنهر متوجهه زينب تكول وينك فكهه عينك خويه عباس
خويه يلجم جرح صدره ويحز نحره بعيني انظره ونار الانفاس
على التل الزينبي تنتظر زينب يكافل منك جواب
على التل الزينبي تشيل عبدالله سكينه وجرحه ماطاب
دمع سكنه اعليك من دم يابوفاضل بيهه تعلم
..................
حيدر موسى الرميثي
#قصائد_الامام الحسين ع
لا تطبره ابسيـفك عـوف نحـره
ولا ترضه بخيلك عوف صدره
زينب اتنادي بدمعها عوف الحسين
&&
عوفه لحضه ايتام عـنده ومحـد الهـم
اتأمل اعله حسيـن راسه بــيه املهـم
لا خيم ظلت علينه او لا كـفـلهـم
بعـده كل اطـفـاله عـندي ايحـل اجلهم
عندي اطفال اتـريــد والــي للخيـم
عندي اطفال تصيح ويــنـك ياشهم
زينب اتنوح وتنادي يا ام البنين
&&
12 ليش اضربه خله بلكي بيه روح
خـلـه للدفان جسمه اوبــس الجـروح
يكــدر ايغسله اويـدفـنه بدمعه وبنوح
حيـره لو مايلكه راسه وهـوه مذبوح
يااللهي مـــن توسدله الشمـر
يااللهي طـبــرو احسين ابقدر
ونت بدمعت رقيه مات الحسين
&&
صعـبه اكــول حسين خـويه الله وياك
خاف يسمعـني العليل اوروحـه بـرجاك
ايموت لو كله ابمصيبه وعملت اعداك
مو سهل راسك يا خويه وسيلة ادماك
اه يا ويلي صعبه عملت كربله
اه يا ويلي ياهـو بعدي ايغسله
صبري يازينب يخويه الخاطر الدين
&&
جسمه كله اجروح خله الخاطر امته
يانــذل عــوف الحسـين اشوفه بنـته
لليـتامه اوللعـليل وغـربـت اخــته
ياوكـــت زيـنب سبــيه اوتـذبـح انـته
ضلت اتنوح من طبر راس الولي
ضلت اتنوح باليـتـامه يـاعـلي
اتنوح زينب والحرم دم تهمل العين
&&
خادم خدام اهل البيت الشاعر الحسيني جاسم حميد الاسدي
0770317420---------2018
قصيدة الاكبر
.
.
.
خويه حاچيني يالاكبر .. وجهك اشبي شو تغير
بهالحــاله ماشـفتـك گــبل
يـلي غفــيت اعـــله الرمل
گوم امسح اعيوني التهل
عليك
****
ليش ساكت .. خويه اگـعد فـدوه بس حاچيني
ليش ساكت .. بالجــروح التــوجــعـــك دليـــني
رقيه اويـاك تچـجي افــتح اعيونك
يبــعد اعــيون اختك ياعـلي شلونك
شبيك اصفر يخويه ومنخطف لونك
سولـفلي لچــن ســـولف علــى هونك
يبو احچايات المريه .. تروحلك فــدوه رقيه
والسكــتتك ماضــل عـگل
يـلــي غفــيت اعلـه الرمل
گوم امسح اعيوني التهل
عليك
******
صدرك اشبيه .. ليـــش ما تـــگــدر تــجــر انــفاسك
صدرك اشبيه .. الخيل بس لا من طحت هم داسك
بصــدرك بيـدي الزغــيرونه اتلــمس
اضلوعك صايرات اطحين اتحسس
حافـر خــيل چـــنه ابـصدرك اتونس
الچـمك مــا اگــلك ياعــلـي اتــنفس
اتحيرت بيمن اداويك .. وخاف الزمنك وأئذيك
گمت انه احس بيدي ثگل
يــلي غـفيــت اعلــه الرمل
گوم امسح ادموعي التهل
عليك
***
آ يجرحك .. بالـكـــبر ياخــويــــه اكبــر منـــي
آ يجرحك .. يارقــيه ايــگــلي حيــلــچ ونــــي
كلما شوف جرحك ابـچي واتحسر
واحس ابگلـبي نابـت ياعلي خنجر
جسمك ليش هيچي يالاخو اموذر
چــــن ياخوي ثــار ايطلبك العسكر
خدي بدموعي حفرته .. ابوجهك الدم من نظرته
وبراســي لامـاضــل عـگل
يــلي غفــيت اعــله الرمل
گوم امسح اعيوني التهل
عليك
***
ها يخويه .. هــيچ اشــوفك ماچنـــت اتــوقع
ها يخويه .. الگـه جسمك عــالتـراب امكــطع
افكـر بيك ابـچي گاعــده اگبالك
واتـــرجــــاك لا يــتــــــأذه دلالك
اذا ياخوي هيج مكطعه اوصالك
ابويه حسين بــيمن يالاخو شالك
هذا مامعقوله حالك .. ياهو المطشر جمالك
ماحــَسبت هـيچـي تضل
يــلي غفــيت اعله الرمل
گوم امسح اعيونيالتهل
عليك
****
مامصدگه .. بعد طــولك ماتـشوفه اعيوني
مامصدگه .. اخــت الاكــبر بــعد ميـسموني
يــالِـــمــدد يالمــگــطع يالمـــدمه
نحــرك ياعلي خلــيـــني اشـــتمه
تره ابلـياك اخـتــك يالاخــو تعمه
چنت نعمه يخويه وراحت النعمه
يالدلالك مــاكو مـنه .. يالــذي اتنكط مـحنه
الهالـفرگه عگلــي منشغل
يــلي غفــيت اعلــه الرمل
گوم امسح اعيوني التهل
عليك
****
حيدر تركي الكربلائي
٦\ نزلة ..... في رثاء القاسم بن الحسن المجتبى عليه السلام
ودع امّه وعمّته جاسم وشد رايته
والسيوف تلگته. ينصر حسين 2
.....................
سمع صوت حسين عمّه وصاح لبيك
ابـن اخـوك ابشر يعمي الروح افديك
مثل ما وافــاك الاكبـر كـون اوافيـك
آني جاسم وانت عمي وفـتـخـر بيك
ياجماله وهيبته. جاسم وشد رايته
والسيوف تلگته. ينصر حسين 2
........................
ودع امّه وحب اديـها وللحـرب گــام
وعمّتـه زينـب اجتّـه تـصـيـح جسـام
هـذا سيف الحسن يبني وهـذا لحزام
وهذا درعه شيله يبني بصدرك اوسام
لبس درعه ولامته. جاسم وشد رايته
والسيـوف تلـگـتـه. ينصر حسين 2
...........................
طلـع والسيـف بيمينــه وللـحـرب راح
توسّـط الميـدان جاسم اغضب وصاح
يابنـي سـفـيــان دمـكــم بالوغه انبـاح
اليوم يومي وهذا سيفي يقبض ارواح
والكتايب عرفته. جاسم وشد رايته
والسيوف تلگّـتـه. ينصر حسين 2
.......................
شردت الفرسان منّه وشافت الموت
هـذا جاسـم بالمعاره سيفه مبخوت
يحصد بروس آل اميّه يهجم بيوت
مثل صولة جده حيدر بيـهـم يفوت
عـذّبتـهـم صولته. جاسم وشد رايته
والسيوف تلگّـتـه. ينصر حسين 2
....................
هــذا ابـن الحسـن هـذا وعـمّـه عبـاس
بسيفه حز روس آل اميّه مايطخ راس
خيل فـوگ الزلم صعدت شردت الناس
المات من الخـوف واللي بخيلها انداس
ما يثنّي بضربته. جاسم وشد رايته
والسيوف تلگّـته. ينصر حسين 2
سيد زيد الفحام
____________________________________
ميمر // شجاعة اباالفضل العباس عليه السلام
زينب اجت للعباس. جابتله جربه ورايه
..........
يابالفضل جيتك يروحي ورجواي
اطلب طلب وعرف بطبعك وفاي
اطفال اخوك حسين محتاجه الماي
شده وصعب حلهه يكون إلا عله ايدك هايه
........
گاللهه امري ادلّلي ودگ صدره
ألماي اجيبه لخيمتج والزهره
ياويله واليمنعني اكسر ظهره
امن العلگمي املي الجود. ورَوي الطفل من مايه
.......
گالتله گدها والنعم يا عباس
انت الكفيل وبالشدد رفعة راس
ساقي العطاشة سقينه يابوالنوماس
راية علي ترفرف دوم بچفوفك امعلّايه
........
سل سيفه عباس وهجم عالعدوان
شردت زلمهه وخيلهه امن الميدان
شي ماتت وشي نامت عله التربان
طب للنهر يملي الجود دگ عالشريعه الثايه
..........
ماي النهر بچفوفه لمن شاله
عطشان وجه حسين يتراواله
ماشرب رد بالجود يروي اطفاله
مو غايته يشرب ماي. يرضي الامام الغايه
.........
رد للخيم عباس والماي وياه
لعبدالله راح الضامي شاله وروّاه
وروّه اليتامه العطشت بچف يمناه
وخته العقيله تحيّيـه ما يخلف الهه حچايه
.........
گال ومثل ما گال سوه الكفّال
بالجربه جاب الماي روّه الاطفال
ذل آل امية عله النهر لمن صال
روس وجثث سوه الجيش عالمشرعه مدمّايه
سيد زيد الفحام
_''''____
راح اخوي الغالي وضل مكانه خالي
لا تطيح خيمته ضليت اصيح
انه لو طاح العمد يحسين اطيح
*
وين ادوره خلصيت الكاع كلها وين ادوره
عندي ذكره صورته الخلاها ضلت عندي ذكره
من اشمن ريحته ايهزني حنيني
هلبت الله اشويه يحسين ويجيني
جلمت المات وغلاتك تعمي عيني
وين ادوره وين ادوره
عذباني افراكَه وبعد ما نتلاكَه
جان مرسال الدمع بالطف صريح
انه لو طاح العمد يحسين اطيح
**
اتأخر اهواي خويه شو عباس اخوك اتأخر اهواي
كَلي للماي انه رايح خويه زينب كَلي للماي
وين ابو كَلب الحنين الدلل اخته
لا تكَلي اعله النهر يا خويه عفته
تدري بالاطفال كلها منتظرته
اتأخر اهواي اتأخر اهواي
خويه اخيك وينه كلهم امتانينه
ليش خويه الماي هيج اصبح شحيح
انه لو طاح العمد يحسين اطيح
****
يم الجفوف امروتك يحسين اخذني يم الجفوف
بيمن ايشوف خويه واليفكد اخيه بيمن ايشوف
خويه اخذني وياك يم صوب الشريعه
ارد انوح بصف الجفوف الكَطيعه
فاركاني وضيعتي من بعده ضيعه
يم الجفوف يم الجفوف
خويه اخوك اشلونه الخيمه وحشه بدونه
جان ابو فاضل ابد متهزه ريح
انه لو طاح العمد يحسين اطيح
*
احزام ضهرك راح منك لا تكَلي احزام ضهرك
اشلون اصبرك وفركَة العباس صعبه اشلون اصبرك
انه حسبالي الكفلني بالدرب جاي
خويه لو ادري فلا وديته للماي
خويه اخيي بيا وكت ما يحجي وياي
احزام ضهرك احزام ضهرك
من لزمت اصفاحك شمتت ذباحك
حيرتني وصوبت كَلبي الجريح
انه لو طاح العمد يحسين اطيح
****
بالسلامه خويه من ودعني كَتله بالسلامه
واليتامه اهواي نشدتني اعله عباس اليتامه
شور رجعت الوحدك يحسين اليه
يعني ابو فاضل بعد راح امن اديه
من عكب عباس راح امشي سبيه
بالسلامه بالسلامه
رايح ايضربوني وتجري دم امتوني
يمته من ضيم الزمن راح استريح
انه لو طاح العمد يحسين اطيح
*
خويه خلها ريحت العباس بيها خويه خلها
اكَصد الها حته لو راعيها ميت اكَصد الها
لا تطيح خيمته اكَبال الشماته
يعني من اطيح تعلن عن وفاته
رايح ايصيح الشمر يسرو خواته
خويه خلها خويه خلها
ايصيح اهجموا عليهن يله خل نسبيهن
اكَبال زينب هوسو براس الذبيح
انه لو طاح العمد يحسين اطيح
****
تمت
تحسين الخفاجي
قصيدة مقدمة مجلس لسان حال ابالفضل العباس عليه السلام
لأخته زينب عليها السلام
آنه اسمع تناديني
لا رايه لا چفيني
يازينب اتعذريني
بحالي شجره يختي تعالي وشوفي
عالنهر گطعوا يالعقيله چفوفي
وعيني بسهم مطفيه فاگد شوفي
عوفي العتب يختي يزينب عوفي
يمّ الخدر تدريني
والله العتب ياذيني
يازينب اتعذريني
اسمع تصيحين بدمع يالوفّـــاي
رد النه سالم خويه ماردنه الماي
يختي يزينب وانه معذور بهاي
وتگطعن چف يمنتي وچف يسراي
يم النهر خليني
والسهم يختي بعيني
يازينب اتعذريني
عالتل تناديني واسمعچ آني
حرگت يعباس العده صيواني
تقبل يبوالغيره الشمر سبّاني
صحتي وسمعتچ ورتجف جثماني
ياريتچ تشوفيني.
عالمشرعه مگطعيني
يازينب اتعذريني
عالنهر راسي بالعامود اتهشّم
ميت وسمعچ من تصيحين بهم
تقبلها بسياط الشمر اتــألّــــم
وعيوني سالت مو دمع سالت دم
يالحرّه لتلوميني
نار العتب تچويني
يازينب اتعذريني
يمّ الخدر مو سهل عتبچ يختي
لا لا تحشميني واصبري وسكتي
اتألّم اكثر لو نخيتي وصحتي
يازينب بعهدي بدلالچ چنتي
المن بعد تنخيني
بس بالدمع ذكريني
يازينب اتعذريني
تحشميني يازينب وسمعچ تبچين
لكن شبيدي يختي يانور العين
ميت أنه ومگطوعه يمي الچفين
مهشوم راسي والسهم وسط العين
ياخيّتي لا تنسيني
يمّ الخدر سمعيني
يازينب اتعذريني
خادم الإمام العباس عليه السلام
سيد زيد الفحام
____________
ياعلي احضر علي شوفه اشعمل
مثل حمــــلاتك عليهم من حمل
*********************************************************************************
ياعلي احضر علي برض الطفوف
شوفه جنه الموت ظل بيهم يطوف
وده كل ارواحهم وادي الحتوف
والجثـــث مثل التلال اعله الرمل
*********************************** ***********
هذا ابنـــكم بالوغى ماينكحم
كال هــــــــــيهات المذله والظلم
احنه اولا امن ال اميه بالحـكم
وزلزل الحـــومه عليهم من نزل
*******************************************************************************************
ترجف الاكــوان كلها من يطب
يكلب اشبــــاه الزلم فوك الترب
شمرتك ياحيدره لو طب حرب
وسادة الـــــوادم هله نعم الاصل
*******************************************************************************************
صاحوا الكرار اجه الـطف كربله
ينصر ابنه اليـــوم هل الفازع اله
ولن يسمعون انا الاكبر بالـفلا
سيفي فوك اركابـــكم يركع يظل
*******************************************************************************************
غيم اعله الكوم ظل يرعد رعد
وهدت العـــــباس عمه من يهد
يلزم الفرسان يمـــردهم مرد
وبالمعاره يدوســــــهم هذا البطل
مايـــهاب الموت بي لامايهم
جندل الفرســــــان ثــغره مبتسم
يطشر ابكوم الاجت ليه ويلم
ذوله احــــــــفاد الذي عبدوا هبل
*******************************************************************************************
خادم اهل البيت / ابومحمد العاشور
السلام عليكم ورحمة الله وبركاته
خدام الحسين ع
لمن يبحث عن قصيدة مكتوبة
يرجى مراسلتي واكون بخدمتكم ان شاء الله
@MlleMastafa
السيده ام البنين عليها السلام
عندي يولادي وصيه
رايده اترفعون راسي ابخدمة حسين
....................................
ولدي وآنه ادريكم اتكحلون العيون
يالغياره والشدايد بيكم اتهون
راح اوصِّيكم وصيه وبيهه مضمون
ابنصرة حسين ابو اليمه لا تقصرون
هذا محبوب الزچيه
وابن حيدر والينصره ينصر الدين
.....................................
لنهم اينادون يا أُمنه الحنينه
هذا ريحانة رسول الله نبينه
أغله من ارواحنه حسينچ علينه
وابخدمتچ باچر اتسمعين بينه
والنعم يهل الحميه
لنهه نادت والله يسوه تعب الاسنين
.......................................
صاحت اولادي النشامه ورفعة الراس
كلنه خدام الحسين ونفس الاحساس
ابهاي وگفتكم اريد اتسولف الناس
كفو من عباس وامن اخوان عباس
تشهد الهه الغاضريه
وهاي وگفتكم تسولف بيهه كل حين
......................................
خل تسولف بيكم الدنيا واهلهه
راية الحق والعَزِم چفكم حِمَلهه
وهاي زينب خل نروح الهه ونگلهه
والله خدمتكم شرف ماكو مثلهه
خل تگول الهاشميه
والنعم ماقصرو ولد ام البنين
.....................................
ماعليكم زود من فدوه لاسمكم
أسأل الله ايبارك ابهذا عَزمكم
للحسين وعيلته انذخرت هِمَمكم
باچر ايبيض الوجه يولادي دمكم
والخلود ابهل قضيه
باچر اتموت آل اميه وانتو باقين
سيد علي الموسوي
لستة دعم الحجه المنتظر عج رقم 1
☘☘☘☘☘☘☘☘☘☘☘☘
ــــــــــــــــــــــــــ
قناة زيارة ال يس
💐 @satob_mn_ajl_al_mahde
ــــــــــــــــــــــــــ
اهل البيت عليهم السلام
💐 @AhlalBayt4
الشاعره حنين ام ادم العبوديه
💐 @ncjriw13
• قصص وخواطر العلماء ﴾
💐 @mstafa0783
📚 ونُصرَتي لكمْ مُعدة 📚
💐 @almoswee313
الشاعرة زهراء ام حسين الزيداويه
💐 @ZH202
قناة التنمية البشرية
💐 @hduficbxhvjgxmkckbnv
الشاعر جعفر الساعدي
💐 @Jafar_Jafar_ssss
الكاتبة الحسينية العلوية رقية الصالحي
💐 @R_alsalihe
والحقني بالصالحين
💐 @thehjtithe313
المأتم الخالدة
💐 @AlHosaene
للمهدی 313 عج
💐 @Ggrrfe
ادعية واذكار اهل البيت عليهم السلام
💐 @ugdnbchgfghgfhfhm
الشاعرة حوراء الساري
💐 @asdfghf24
شذرات من نور الائمه عليهم السلام
💐 @ShaaerAlHussein
عشاق الامام المهدي عج
💐 @Imam_mahdi313_313
قناة محبي باسم الكربلائي
💐 @alisamalisam855
طال انتظاري يامهدي
💐 @yamahdiassistme
فجر الظهور 313الثانيه
💐 @kafeel_zainab
تصاميمكم
💐 @tasamemkum
العباس العشق
💐 @bhbh7q
شذرات من نور الائمه
💐 @ShaaerAlHussein
القران ربيع القلوب
💐 @AS_M90
الشاعرفالح العامري
💐 @falehalameri
خادمة الزهراء ام حيدرالحمزه
💐 @aseel1278
💜❤️💜❤️💜❤️💜❤️
⚠️#شروط_الدعم
1⃣غير مبري الذمه يخالف قوانين دعم
مدير القناة احذف لسته من بعد وقت مذكور
2⃣تثبيت نص ساعه بدون نشر العصر الحذف من بعد ساعتين ولستة الليل حذف بوقت صلاة الفجر
3⃣تحذف البوت يحذف قناتك متحب تبقي بالدعم بلغ مدير الدعم
4⃣اوقات نشر ساعه 4 العصر و 10 مساء قنوات مقبوله من 500 متابع فما فوق
5⃣زياده مضمونه أن شاء الله
🔺للاشتراك بدعم عبر معرف مثبت↙️
@ansar_313_m
@satobmnbot
➖➖➖➖➖➖
/channel/satob_mn_ajl_al_mahde
غفت من الهموم وصبحت بالهم
عليلة والصبر من عدهه يتعلم
راحو كل اهلهه والظعن حدر
تكله وحشة من بعدك يبو الاكبر
عله فراك الولي مهمومة ما تكدر
لا يمهه ابوهه ولا اخو ولا عم
مو عادة ابو اليمه يخليهه
وحيدة وظلت تناطر يرد ليهه
ياهو يظل يواسيهه ويسليهه
كل لحظة البدون حسين الف مأتم
كل ليلة التمر عله الابو تنعه
زغيرة عله البواجي وهلت الدمعة
ميت كل امل يخبرهه بالرجعه
صعبه هوايه من هالطفله تتالم
ـ
عليلة وخايفة والليل هم يعيل
سهم يرمي الكلب من يجبل الهه الليل
حته من الجبير الفركة تاخذ حيل
شلون البعده ريشه زغير ما ملتم
تكول اللي حصل ما مر عله بالي
جنت كل ما اريده يحضر كبالي
بقه بس ذكرى هسه وساكن اخيالي
غدر بيه الزمن خلاني اتيتم
الخادم.. حسين الغالبي
قصائد العليلة
العليله بكربلاء تحلم وترى انها مع العائله في الطفوف
....
حلم .. جن روحي شفت بكربله ابين اليركضون
حلم .. وي عمتي وتكلي يعمه شبيها المتون
وتبسمت من فرحتي
فوگ الضرب وي علتي
عندي السبي وي عيلتي
حلم
......
بعالم الطيف وشفت روحي سبيه
واركض بصف عمتي وتنضر عليه
ساعه تدفع ضهري ساعه تجر اديه
تعدل بجفها عباتي بها الرزيه
سبي .. عشت بمنامي واركض واهوه عله وجهي
سبي .. ولا واحد من اعمامي واگف يحمي دربي
شفت الي شافت عمتي
فوگ الضرب وي علتي
عندي السبي وي عيلتي
حلم
......
هالحلم اكبر حلم عند العليله
اشهد واقسم عشتها اغله ليله
وي هلي شما تصعب الدنيا الثجيله
استند والگه السند يتسمه عيله
وصف .. الما يعيش الفرگه لا يحجيها ويكول
وصف .. ما يعقله الما لزم بابه وگلبه مسلول
شيفهمه اهي وجلملتي
فوگ الضرب وي علتي
عندي السبي وي عيلتي
حلم
.....
وجنها نار خيامي مشتعله بعباتي
وانه مفزوعه وطحت طيح امنياتي
لن شفت اختي رقيه وكل حياتي
بالجفوف وتخمد النار وخواتي
بجن .. من گامت سياط الشمر تنزل عالمتون
بجن .. من ينضرون علينه نركض من يضحكون
مخنوگه نار بعبرتي
فوگ الضرب وي علتي
عندي السبي وي عيلتي
حلم ..
......
اركض وعيني تباوع وين اخوتي
صحت عبد الله وگلت ما سمع صوتي
شفت دمعت عمتي وجن شفت موتي
لنها گالتلي سهم ونتهت قوتي
سهم .. ماريدن تگليلي صابه وحز وريده
سهم .. فزز اخوي ونفض من گماطه ايده
نيران صابت مهجتي
فوگ الضرب وي علتي
عندي السبي وي عيلتي
حلم ..
.....
لن يفزعني الحلم صوت ابن حلذم
صاح ما الكم مكان ودمعه من دم
واشر بصف الحبيب هناك نلتم
واذكر هناك الرساله شبيها من هم
صحت .. اوگف يبن حلذم اسألك عن الاحباب
صحت .. ما مر طريقك عيله مصيوبه الها بمصاب
وبچفي امسح دمعتي
فوگ الضرب وي علتي
عندي السبي وي عيلتي
حلم ..
.......
حيدر عيسى البديري