الشاعر رائد الاسدي

04 Apr 2023 21:06

قصيدة جديدة بحق الامام علي عليه السلام ( بعد التعديل)

اه يغالي.. يالعفتني بحيرتي وناوي الرحيل
اه يغالي .. من بعد عينك يظل دمعي يسيل
يبوية فارگتني وبگلبي صوبتني
اه يغالي اه يغالي
======================
بوية دمع العين ما يگطع مسيلة
يالعفتني وغيبتك صارت طويلة
يالخذت عافيتي بغيابك عليلة
آه يا فگد الابو ماكو مثيلة
ماشي عني .. والله منك شوف ما شبعانة ابد
ماشي عني ... للمات وما يكف حزني بعد
يتيمة يالعفتني وبگلبي صوبتني
اه يغالي اه يغالي
=======================
راح خيمتنا وبگينا ابلاية خيمة
يا ابو الايتام تتركني يتيمة
حالي حال الضيم والعيشة اليمة
رحت عني بساع يابوية هضيمة
يا حسافة... بوية گلبي عليك ذاب من الهضم
يا حسافة ... ما يوفيك البچي وكثر اللطم
بالفرگة عذبتني وبگلبي صوبتني
اه يغالي اه يغالي
=======================
من اطب للبيت ادور وين وانشد
بس صدى الحيطان لو ناديتك ايرد
لا ابو لا ام اطب للبيت واگعد
گمت اشوفك طيف لو فزيت يبعد
من تجيني گلبي ينصاب وعلي ليلي يطول
من تجيني انت وامي وانضر لحال البتول
اتمنى لو خذتني وبگلبي صوبتي
اه يغالي اه يغالي
======================
من يجينا العيد گلي انعيد شلون
وبصباح العيد ايتامك ينشدون
ابوجهك الايتام چانوا من يعيدون
حيرة عدهم وبدمع متروسة العيون
ماهو ابونا هذا عيد الله اجة والوالي غاب
ماهو ابونا حيف غطاك وصرت حدر التراب
هالحالة آلمتني وبگبلي صوبتي
اه يغالي اه يغالي
========================
مرتين اتصير ايتامك يتامة
يا ابونا امودع الله وبالسلامة
الليل كلة انوح بعدك ما ننامة
الحزن والنوح صار الهم علامة
يتمتنا بوية وبفرگاك الدنيا اضلمت
يتمتنا وكل يتيم ايموت حلمة من متت
مكسورة لو شفتني وبگلبي صوبتي
اه يغالي اه يغالي
==================
أسألكم الدعاء رائد الاسدي

الشاعر رائد الاسدي

01 Apr 2023 15:54

هوسات بحق الامام الحسن عليه السلام


النجوم اتزينت ظهرت حسنها
تغار امن الگمر ظلت حسنها
تزين من سمع صاير حسنها
گمر صار ويشع عد الزچية
==================
مضيفك لليگصدة امشرع البيبان
ونارك ما طفت دوم الدلال اتفور **

بيتك ما فرغ من سائل وجوعان
ما واحد يچهبة وما يرد مسرور**

ما تحسب ورة التطيه ياهو الچان
مغمض تترس ايدك لليجيك ايزور**

معزب ذايع صيتة
هذا اصلة وتربيتة
ياهو اليچهب بيتة
يغرفلة بخاچيتة
ومشهودة.. لليوم افعالة
===================

كريم وبالكرم ما وصل ليك الغير
حاتم من يشوفك راح بيك ايحير
مو بس البشر شبعت حتى الطير
بيك الكل اتحير
شنوصفك ما نگدر
مثل الغيم واكثر
تكرم ما تتعذر
من جودة.. ماتطفي ادلالة
====+============
اسالكم الدعاء رائد الاسدي

الشاعر رائد الاسدي

31 Mar 2023 13:13

قصيدة للسيدة خديجة عن الزهراء عليهما السلام

يمه ياخديــــــجة تريدچ العين
متعودة اعله طولچ لاترحلين
بيتي اظلم علية يالرحتي من ادية
_____
يا بيت الحنان البي عشت عمري
بعدچ يمه اعيش اشلون ما ادري
بيتي ابلاية ام اشعر صبح كَبري
وحشة ومظلم وحزن ودمع يجري
هيهات الزمان ابمثلچ ايعود
دمعاتي بغيابچ تاكل خدود
منچ ماكو جية يالرحتي من ادية
-----------------------------------------
يالروحي تردلي من اشم عطرچ
اتمـــــنى لون عمري فدة لعمـرچ
دفنت سنيني كلها بلحدچ وگبرچ
عفتيني وتغييب بالترب بدرچ
مشتاگة وتريدچ يمة العيون
شيعوض حنانچ واصبر شلون
مو انه الزچية يالرحتي من ادية
-----------------------------------------
يشعر باليتم كلــــمن تـــــروح امة
يتـــنفس حزن كلما يـــــشم نسمة
راحت مَّن الية من العرش رحمة
غابت وبحـــــياتي نزلت الظلمة
ياشمعت حياتي اظلم البيت
جاوبني الصدى لو يمة ناديت
تكتلني المسية يالرحتي من ادية
---------------------------------------
مثل الام فلا يحصل شخص ثاني
طيــــبتها وحــــــنان البــــــيهه رباني
كـــــل ليلة الحنــــــــين لامي وداني
طيفچ من يمرني بگلبي صاباني
بس ذكرى بخيالي تمر بالاحلام
يابـــــــيت النـــــــبوة وام الاســــــلام
بس دمعة جرية. يالرحتي من ادية
-------------------------------------------
يالكلشي بحياتي بي اثر منچ
تعلمت الحزن والونه من ونچ
صاباني الدهر من ابعدت عنچ
تعيشين بكياني ويمي احسنچ
ابكل لحظة بحياتي انتي وياي
شلون انسه العزيزة ولبت حشاي
الموت شسوة بية. يالرحتي من ادية
------------------------------------------
أسالكم الدعاء رائد الاسدي

الشاعر رائد الاسدي

25 Mar 2023 07:11

ابتهال رمضاني


شايل ذنوب هواي اغفرلي يا مولاي
يا سامعاً نجواي يا ربي ياربي

عبدك الاهي واسألك يالبيدك الكون انملك
عندي ذنوب اتوسلك غفرانك لذنبي

يا واحد الفرد الصمد اشهد فلا مثلك احد
اطلب رحمتك والمدد يالساكن بگلبي

سائل اجيت بهاي اغفرلي يا مولاي
يا سامعاً نجواي يا ربي يا ربي
======================
اصبر على بلواي وارفع الك شكواي
اطلب رضائك جاي ياربي يا ربي

اشگد من ذنوبي تبت ما ارجعلها حسبت
وتالي ذنوب اتحملت عاملني باحسانك

واسع عطائك للبشر لطفك على الكون انتشر
يامنجي غرقى من البحر نجيني سبحانك

ارفع الك دعواي اغفرلي يا مولاي
يا سامعاً نجواي يا ربي يا ربي
=========================
شابح الك عيناي يا سيدي ورجواي
ارحمني في لُقاي يا ربي يا ربي

انة الذليل المنكسر وانت الجليل المقدر
لذنوبي اقدم يا عذر وسبحانة يسألني

من اوگف اگبال العدل يبدي السؤال وانسأل
هالموقف ايشيب الطفل يا ربي ارحمني

لطفك اريدة وياي اغفرلي يا مولاي
يا سامعاً نجواي يا ربي يا ربي
======================
أسالكم الدعاء رائد الاسدي

الشاعر رائد الاسدي

24 Mar 2023 10:03

💎تمـيـز بأخــتيارك💎السته الذهبيه
👑افـضـل اللستات في التليجرام👑

🤲هداء ثواب هذه العمل ألى روح والديه
الفاتحه رجااا

💞تمتع بتصفح أجمل القنوات⇩⇩💙

ها انا اضع بين ايديكم طرق تنير دروبكم

تهديكم الى ذلك النور الالهي❤️🌱

لمن احب الانضمام قنوات مفيدة👇🏻👇


╭━─━─━─≪ ஜ▲ஜ ≫─━─━─━╮

▒⇦قصص و خواطر📚

▒⇦فقرات و مسابقات🏁

▒⇦مشاعر راقية💗

▒⇦نشر روابط قروبات وتس🔗

▒⇦الكتابة با الصور🏞

▒⇦شعر حسيني عذب

╰━─━─━─≪ ஜ▲ஜ ≫─━─━─━╯
⁽✺⃕₎ ٱلمۘديۧر مۘلأ عليۧ ٱلوٱسۜطيۧ ⁽✺⃕₎


👁‍🗨لــ أضافة قناتك✅


تصــــفح أجـــــمل القنوات⇓⇊💚


ياالله⬇️

🕊🕊🕊🕊🕊🕊
⓪⓶k @qrtahu « ✺⃕ قصٱئد وٱلحٱن خدٱم ٱلحسين ع ✺⃕
⓪⓶k @pwvhj « ️قناة نعي للشعراء️
⓪⓶k @alirsvl « مخزن قصائد للشعراء
⓪⓵k @ahobalhosseinyajmeauna « ☆♡حب الحسين يجمعنا♡☆
⓪⓵k @Alispary « قناة عبق الأنتضار 313
🔺🔺🔺🔺🔺🔺
⓪⓵k @asdyuh « قناة الهوسات الحسينيه
⓪⓵k @raedalasady « شاعر اهل البيت رائد الاسد
⓪⓵k @wwaspqtt « الشاعر الحسيني مصطفى النائلي
⓪⓽h @kn20w « طاووس الجنة
⓪⓼h @jkhkll « لقاء العاشقين
🔺🔺🔺🔺🔺🔺
⓪⓼h @Raedalsady « قناة النعي رائد الاسدي
⓪⓼h @qwerrtt76 « مسيرة العشق الحسيني لخادم
⓪⓻h @poen_zbk « تصٱميم بدون حقوق
⓪⓺h @muhigdoohhk « قصائد منبريه مكتوبه
⓪⓹h @ZKRAMKFA « نسمات
🔺🔺🔺🔺🔺🔺
⓪⓹h @dxfcgvhb « ️نسمات حسينية ️
⓪⓸h @wemsamsa « قناة الشاعر قصي القاسمي
⓪⓷h @Alhidayah_Way « طريق الهداية
⓪⓷h @lA5LMOFKd0 « استوريات حسينية باسميه
⓪⓷h @als313M « تجمع وفاء الحسين للقصائد
🔺🔺🔺🔺🔺🔺
⓪⓶h @zaidhedrawy « الشاعر زيد الشمري
⓪⓶h @ereremu20_20_4_4 « لغة الجسد مع محمد مصطفى
⓪⓶h @solemanemohands « عشاق الحاج قاسم سليماني والحاج ابو مهدي المهندس
⓪⓶h @aliali12345aliali123 « الرادود علي الدلفي‏
⓪⓶h @TheAliHah « جنون العاشقين
🔺🔺🔺🔺🔺🔺
⓪⓶h @mngfuy « الرادودالملامحمدابوسجادالكعبي
⓪⓶h @mummy65 « خادم أهل البيت ع ️
⓪⓶h @httpsm80100000 « قناة ملا مصطفى السعد
⓪⓵h @zhgsak « أني لأجد ريح يوسف
⓪⓵h @baqir_alaa1 « الشاعر باقر علاء للقصائد
🔺🔺🔺🔺🔺🔺
⓪⓵h @hususn1 « الشاعر ضرغام الجابري
⓪⓵h @Alabbodi « خادم اهل البيت عباس العبو
⓪⓵h @h_u_s_s_e_in4 « 𓆩H..المصمم حسون
⓪⓵h @aghhjky « الشاعر ابو عباس الدراجي
⓪⓵h @ijkojjj « فڪيف بالزهراء دون علي!! وڪيف بالعراق دون الحجه
🔺🔺🔺🔺🔺🔺
⓪⓵h @mkimkimki111 « الناشر مصطفى السعد
⓪⓵h @ahlalbeet14massom « قناة محبي اهل بيت رسول الله والأئمة 14 معصوم ع
⓪⓼h @xzdf_780 « استوريات جميع الرواديد
⓪⓻h @dfhjkbjb « يابقيةالله في ا
⓪⓺h @Markuph « استوريات حسينيه
🔺🔺🔺🔺🔺🔺
⓪⓹h @zh_rt « مجمع أحلام تتلاشئ للتوصيل📌 🕊🕊🕊🕊🕊🕊📌

👈 بوت لتواصل المحضورين


بأدارة ملأ علي الواسطي


👈قناة نعي كل ماهوه جديد لكافة الشعراء


قناة تجنن كل جديد👉🥀
(تثبيت الدعم نصف ساعه)
👆🏻غير مبري الذمه الذي ما يثبت نص ساعه بدون نشر اللسته 👆🏻
❌المسح تلقائيا علينا❌
⚖
على محبة الزهراء ع اشتركوا👇👇

الشاعر رائد الاسدي

07 Mar 2023 16:21

مهدينا يا مهـــدينا يا مهدينا
طولت الغيبة اعلينا يا مهدينا
يا مهدي وينك وينك صار سنين متانينك
يا مهدي يا مهدي
=============≈=====
عيدنا بنص شعبان يا مهدينا
صار اشريك القرآن يا مهدينا
رحمة انت لكل انسان رحمة انت لكل إنسان
عالخير ادلينا عالخير ادلينا
===================
ندعوا من الله ابكل عام يا مهدينا
يوحد صوت الاسلام يا مهدينا
ويندحرون الضلام ويندحرون الضلام
وتنور انت اعلينا وتنور انت اعلينا
====================
يا مهدي وينك وين يا مهدينا
صار سنين متانين يا مهدينا
متانينك صار سنين متانينك صار سنين
متانينك والينا متانينك والينا
====================
أسالكم الدعاء رائد الاسدي

الشاعر رائد الاسدي

11 Feb 2023 17:46

على المسموم... هاشم ما تفزعون
====================
تغسلونة وتچفنونة وتشيعون..

على اچتاف الولد نشعة يشيلون..

على التابوت كون اهلة اليونون..

ويم اجنازتة اخوانة ينحبون..

اللحگولة يخوتة موش تبطون..

ياحيف الدهر بالكاظم ايخون..

غريب ويا حسافة ايموت مسجون..

ناحل والوجه متـــــغير اللون..

حماميل اربعة نعشة يحملون..

موش انتم على العيلة تنامون..

حگها لو تصب من دم العيون..

================

أسالكم الدعاء رائد الاسدي

الشاعر رائد الاسدي

11 Feb 2023 17:35

قصيدة بحق الامام الكاظم عليه السلام

نعش الغريب المسموم كل شيعــتة متانينة
نجـــــدد عزائة بكل عام وين الظلمكم وينة
_____________________
مو عن عواطف لاخوف لا عن طمع بالجــنة
حبنة لعلي واهل البيت اصبح عقـيدة عدنة
الكاظم انشــــــيعة اليوم نحيي شعائر ربـــنة
اهـــــــل الظلم والطغيان ما كَدرت اتنســــينة
_____________________
شكَد مرت اعلينة سنين بــــــــيها طغاة هــــــواية
شفنة الالم شفنة الموت بـــــــس ماتركنة الراية
مد البصر من كل صوب شوف الاجت مشاية
تمـشي وتدكَ اعله الهام وتـــــــــنادي يا واليــــــنة
_________________________
موسى ابن جعفر مطروح ياشـيعة خل انشيلة
ينادي المـــــــــــنادي ويصيح ويل الظلــــمكم ويلة
اتشـــــــــييع ازغـــار كـــــــــــــــبار الما كَدر يمـــــــــــشيلة
هذا النعــــــش فوكَ الروس نلطــــملة ومشيعينة
________________________
الكاظم يخلدة التاريخ بأمر الجلــيل الواحد
باب الحــــــــوائج للناس والحظرة اكبر شاهد
اللعنة تلــــــــحكَ هارون اللا رشـــــــــيد الجاحد
كلمن ظلم اهل البــيت بالمــــزبلة امخلــــــــينة
_______________________

أسالكم الدعاء رائد الاسدي

الشاعر رائد الاسدي

11 Feb 2023 17:35

قصيدة بحق الامام الكاظم عليه السلام

حزن ودمع وهموم لمصيبةالمسموم
الكاظم يون وسط السجن
------------------------------------------------
امام وطاعــتة مــــــفروظة بالقــــــــــرآن
سليل الهادي ما مثلة انوجد انســان
اليواليهم يفــــــــوز بجــــــنة الرحــــــــمن
رغم هذا بسجن ظل وحدة حيران
والحارس اقسى الناس لاغيرة لااحساس
شاف المحن وسط السجن
------------------------------------------------
نور الله ابن جعفربالسجن مطمور
ظنوا بالسجن يطــــــفونة هذا النور
وهم يدرون الله امأيدة ومنــصور
ويدرون الزمن تاليهة من ايــــــدور
الكاظم يرفعة الله ويدمر العاداه
دار الزمن وسط السجن
------------------------------------------------
بسلاسل من حديــــد مكيد الكاظم
بوسط طامورة ظلــــمة نزلة الظالم
صايــــــم بالــــــــــنهار وللصــــبح قايــــم
غريب بحالة بس رب العرش عالم
ساجد وهو مسجون يشكر اله الكون
جنة عدن وسط السجن
------------------------------------------------
ما كفاهم امكَــــــــيد لمن سجنوه
قرر طاغي عصرة لازم ايكتلوه
هارون الرشيد اطة الامر سموه
ودولــــــة اكل والــــسم الة حطوه
الكاظم يعرفة وحيد اهلة وعمامة بعيد
مو بالوطن وسط السجن
------------------------------------------------
الفرج حان وقريــبة طلعتة علينة
شيــــــعتكم تتــــــاني هــــا يواليــــــــنة
بكَــــلب فرحان وبلــــــهفة تعنــــــــينة
حماميل أربعة بتابوت اجوا لينة
اعلى الرافظة ايصيحون خليهم ايشيعون
نوحوا بحزن وسط السجن
------------------------------------------------
الشيعة اعلى الجسر حزنانة مجتمعة
للطــــــيب اجينة انــــودعة ونشــــــــــــيعة
وننــــصب ماتمة بالحــــــــسرة والدمعة
ونواســــي الزجية الطاهــــــــرة البظعة
ونــــعاهدك للدوم ما ننسة يامسموم
الكم نحن وسط السجن


أسالكم الدعاء رائد الاسدي

الشاعر رائد الاسدي

11 Feb 2023 17:34

قصيدة بحق الامام الكاظم عليه السلام


يبن جعفر شيـــعتك لجلك تعنت
يبن جعفر مثل ون الثكلى ونت
يبن جعفر يبن جعفر يبن جعفر
------------------------------------------------
من كَلب مــــلهوف كلــــنا نشيعك شيب وشباب
رغم جــــــور الدنيا بــــينا ابد ما ننــــــــسا المصاب
للحــــــــــــزن يذرف دمعنا والكلب من حزنه ذاب
شيعه طول العمر نبقى نخدم اصحاب الكتاب
بالمصــيبه عالجسر حزنانه وكَفت
يبن جعفر مثل ون الثكــلى ونت
------------------------------------------------
يا غــــــريب السجن جينا نوفــي حكَ ولايــــتك
الشيــــــــعة حزنانة وتنادي آلمــــــــــتنا مصيــــــبتك
نشيلة فوكَ الراس نعشك كلنا اجينة لنــــصــرتك
نحيــــــي ذكراها المصيبة وانته تدري بشيعتك
ما نســــينا بالمصيبة الشيعة حزنت
يبن جعفر مثل ون الثكــــــــلى ونت
------------------------------------------------
اربع احمــــاميل شــــــالوا جثة ابن المرتــــضى
ابذل الاستخفاف نادوا هذا امام الرافــــضه
رادوا ايذلون شخــصك سيدي يا ابو الرضا
شيعوك الشيــــعة غصبا عالرضــــا والما رضا
بكل مدينة راية الاحــــــزان رفت
يبن جعفر مثل ون الثكلى ونت
------------------------------------------------
نادة بالنوح المــــــــــنادي صوته مجروح وحزين
اجمــــعوا خلي نشـــيعة الطيــــــــــب ابن الطيــــــبن
بس ظلم خلص حياتة وكَظة كل عمرة سجين
من سجن يُنقل لثــاني من سجون الظالمــــــــين
هســه كَبرة بيه اعظم شدة سهلت
بين جــعفر مثل ون الثكــلى ونت
------------------------------------------------
جيــــــنا يم بابــــك نــــــــدكَة وللحوائج انــــــته باب
عدنا حاجة انريد تقضى والطلب عدك مــجاب
انــــــــــريد يا رب تعــــــــــجل بالامــــــام العــــــنه غاب
ابجاه ابن جعفر الكاظم كون يخلص هالعذاب
يا الاهــــي فرجلها الشيعة ملت
يبن جعفر مثل ون الثكلى ونت


أسالكم الدعاء رائد الاسدي

الشاعر رائد الاسدي

11 Feb 2023 17:34

رباطات هوسات للإمام الكاظم عليه السلام


ما يحضرونة .. ما يحضرونة
مات وال هاشم .. ما يحضرونة
=====================
موش خوانة .. موش خوانة
حماميل التشيلة .. موش خوانة
=====================
ايلوج بسمومة .. ايلوج بسمومة
اويلي شلون حالة .. ايلوج بسمومة
======================
ما منگطيلة... ما منگطيلة
ماي ابيوم موتة .. ما منگطيلة
=======================
حيف مسمومة .. حيف مسمومة
مطروحة الجنازة .. وحيف مسمومة
===================
انريد تشييعة .. انريد تشييعة..
للكاظم اجينا .. انريد تشييعة
====================
بيك فجعونة .. بيك فجعونة ..
يا موسى ابن جعفر .. بيك فجعونة
=======================
انشيل تابوتة .. انشيل تابوتة
للمسموم اجينا .. انشيل تابوتة
=====================
لا تخلونة .. لا تخلونة
يا شيعة وليكم .. لا تخلونة
===================
حيل بچانة .. حيل بچانة
نعشك يا ولينة .. حيل بچانة
====================
أسألكم الدعاء رائد الاسدي

الشاعر رائد الاسدي

05 Feb 2023 19:28

قصيدة بحق السيدة زينب عليها السلام

زينب ياغريبة ابلاية وليان
ياهو اليعتني ويحشم الاخوان
_
مهمومة وتون محد حظرها
بديار الغرب حفروا كَبرها
لصوب العلكَمي دارت نظرها
وينك يالكفيل اتجيني دفان
____
جايبلي الچفن ويجيني الحسين
ظنيت ودموعة ايهلها بالعين
ويهيل الثرة اعلية بالايدين
ناموا بالكَبر ياوسفة الاحنان
___
اجاني الموت خوية اتلاحكَوني
وين اهل المحنه ما يجوني
ناموا بالكَبر بس لا نسوني
ما واحد اجاني وجاب الاچفان
__
شلت الراس عالي ابجال اخوتي
هسة انة وحيدة ابيوم موتي
من كثر النخاوي راح صوتي
كل واحد كتر بينا الدهر خان
___
صعبة تموت حرمة ابلاية والي
بغياب الاهل مشدوه بالي
حال الظيم يا خوان حالي
مدفونة غريبة ومو بالاوطان
__
موش ابمكَبرة وحدة صفينة
شي ابكربله شي بالمدينة
وبأرض النجف نايم ولينة
وبارض الشام موتي ياهلي حان
__
أسالكم الدعاء رائد الاسدي

الشاعر رائد الاسدي

30 Jan 2023 21:15

قصيدة هجائية بحق السيدة زينب عليها السلام


مــــــن الألف للـــــياء زينب غريبة
عاشت عمرها دموع والله عجيبة
--------------------------------
الألف أم وللحــــــــزن ماصار مثــلچ
الــباء بس انــــــتي فقط يمة يكَلچ
التاء تاكل بالكَلب حسرات اهلچ
الثاء ثكلى والدمع مخلوق لجلچ
الكَلـب منــــــچ ذاب من كَد نحيبة
عاشت عمرها دموع والله عجــيبة
---------------------------------
الجيم جفن مابقى ماي بنــضرهن
الحاء حبل النايبة چفوفچ عصرهن
الخاء خولي بكل كتر طكَاتة اثرهن
الدال دخان الخيــــــم ينثر جـمرهن
حافي مـشن رجلـيچ هاي المصيبة
عاشت عمـرها دموع والله عجيبة
---------------------------------
الــــذال ذبلها الســـهر عينــچ ليالي
الــــــراء رحتي ميسرة وبغـــير والي
الــــزاي زجر بكل حقد يحديچ تالي
السين سلبوه الخــــدر الچان غالي
ازركَ متـنها صـار راحت سليبة
عاشت عمرها دمـوع والله عجيبة
---------------------------------
الشين شـــيبها الدمع والعــــين حمرة
الصاد صارت للصــبر والخـــوة عِبرة
الضاد ضعــتي من بعد اهــــــــلچ يحرة
الطاء طالت محنــتچ آه اعلى حسرة
بالون عميــــــــتي العين اه يالنجـيبة
عاشت عــــــمرها دموع والله عجـيبة
-------------------------------------------
الظاء ظالم مانصـــــــف وياچ دهرچ
العين علـمتي الصبر بدروس صبرچ
الغين غـدار الدهر قــــــرر يــغدرچ
الــفاء فاركتي الاخو ومكسور ظهرچ
ودعــتي ناس اعزاز ظلـت خظيبة
عاشت عمــرها دموع والله عجـيبة
------------------------------------------------
القاف قافــلتچ حزن و ونين شالت
الكاف كل ذكرى لهلچ بالبال جالت
الــــلام لديار الغرب دنــــياچ مالت
الميم محزون الكَلب والعين سالت
بــس الحـــــزن وآلآم كَلبچ نصيبة
عاشت عـمرها دموع والله عجيبة -----------------------------------------
النون نظرات الهــــجر اشـكَد اليمة
الهاء هيچ المالة اخو ماعدة خيمة
الواو وحدچ بالغرب اه ياهــظــــيمة
الياء يازينب اسف موتچ جريــــــمة
بـت حيــــــدر الكـرار هاي الحبيبة
عاشــت عمرها دموع والله عجيبة
______

أسالكم الدعاء رائد الاسدي

الشاعر رائد الاسدي

30 Jan 2023 21:10

قصيدة جديدة بحق السيدة زينب عليها السلام

عمري انگظة غريبة ما ههمة اخوتي
عندي أُمنية بحياتي تحظرونة موتي
صعبة وعجيبة اويلاه يخواني
ابموتي غريبة اويلاه يخواني
=====================
عشت ابامل چان عندي بحياتي
ما بين الاخـــوان ساعة مـماتي
ماتت بالطـــفوف كل امــــنياتي
وتالي الامل صار من ذكرياتي

وسفة العزيزة صارت عد وادم اجناب
عيني تصد حزيــــنة ما همة الاحباب
اشعظم المصيبة اويلاه يخواني
ابموتي غريبة اويلاه يخواني
======================
تخطر على البال كل ذيچ الايام
بت داحي الباب انة اخت الاكرام
مدري الزمن هيچ تالي العمر ظام
من اهلي الاطياب رداني للشام

نفس الدرب مشيتة ومحتارة بامري
حسرة والم گظيتة يخواني عمري
الدمعة سچيبة اويلاه يخواني
ابموتي غريبة اويلاه يخواني
======================
عن يمنة وشمال تنظر عيوني
مو جاني الموت چا ما تجوني
ما اصدكَ اشلون اهلي نسوني
بديرة غرب حيف من يدفنوني

كون الاخت اخوها يدفنها بيدة
شوفوني انة زينب انحب وحيدة
انة النجيبة اويلاه يخواني
ابموتي غريبة اويلاه يخواني
=====================
كل واحد ابصوب يا وسفة اهلي
چا وين الاخوان محد وصلي
لا امي لا ابوي يا عيني هلي
يا دهري شتريد من عندي گلي

بت النبي حسافة بالغربة وتموت
محد فزع اجاها جابلها تابوت
حالة رهيبة اويلاه يخواني
ابموتي غريبة اويلاه يخواني
====================
أسألكم الدعاء رائد الاسدي

الشاعر رائد الاسدي

05 Jan 2023 04:08

لم البنين الليلة عدنا قراية
بخدمة حسين يلة ارفعوا الراية
=============++===

يا نبع الوفة ونبع المحنة
يم كَلب الحنين الماكو منة
ياحرة دليليچ ما تهنة
شالوا كل هلچ حكَچ تونين
____
عليچ الدار وحشة ابلاية والي
بدار حسين دمعچ ظل يلالي
تصيح احاه اه يبني يغالي
بعد روحي تنادي يبني يحسين
__
دنت ليها المنية ام كَلب محزون
تتمنى الولد يمها يحظرون
على فراش المنية ادير العيون
تنادي الموت اجاني ها يطيبين
___
هاي ام البنين اتعالج الموت
چا وين الولد ما سمعوا الصوت
خل عباس يمشي اليوم زاتوت
عزيزة الوالدة تستاهل ونين
____
يشيلون النعش تتمنى الاولاد
لچن يا حيف عنها شالوا ابعاد
يفكَد الوالدة للچبد مراد
وحيدة والولد عنچ بعيدين
____
يهيلون التراب عليچ ولدچ
تمنيتي يجون ابيوم لحدچ
تلكَاچ الحسين وموش وحدچ
واجوچ امه وابوه الكل محزنين
__

أسالكم الدعاء رائد الاسدي

الشاعر رائد الاسدي

03 Apr 2023 17:31

قصيدة فصيح بحق الامام علي عليه السلام


قد علا صوتُ الاسى والحزنُ بادِ
بالمصابِ مُذ نعىٰ صوت المنادِ
واماما وا عليا واماما وا عليا
------------------------------
صاح جــبرائيلُ في كـبد السماءِ
خُضب القرآنُ من فيض الدماءِ
لُف حزناً واعــــتلى صوت البكاءِ
نادباً متشــحاً ثــــوب َالــــــسوادِ
=====================
انحنىٰ المنبرُ يـــــرثيك وَجُوعا
واتى المحراب يـبكيك دموعا
وبدين اللهِ قد بــانت صدوعا
وكتـــــابَ اللهُ مفـجوعا ينادي
-------------------------
كلُ ركُنٍ للـهدى اليـوم تهدم
عروةُ الدينِ بهذا اليوم تُفصم
عندما رأس علياً سال بالدم
فهوى منكسراً ديــنُ الرشادِ
=====================
فُلقت هـــام كتاب اللهِ حــيدر
عندَ وقــتٍ كان فيهِ اللهُ يُذكر
داخلَ البيتِ الحرامِ والمطهر
ســــاجداً خرَ الى رب العِــــــبادِ
====================
زُلـزُل الكـــــونِ ونــــــادا بكتأبِ
ريح َحُزنٍ عصفت عندَ المصابِ
نـــندبُ اليومَ عــــلياً بـــعذاب
والدموع انهـمرت في كل وادِ
====================
ياعلياً نـــــــــــادت اليومَ الاياما
ابـــــتاهُ تنـــــدبُ كلَ اليــــتاما
كُلَ شيــــــعياً يُنــــادي وا اماما
رفع الاســــــــلام اعلام الحدادِ
=====================

أسالكم الدعاء رائد الاسدي

الشاعر رائد الاسدي

01 Apr 2023 15:52

مولد للامام الحسن عليه السلام


يارابع للانوار يا رابع

يا سر من الاسرار يارابع
           -----------------------------
امبارك    رابع اصحاب الكسا شع نورة
امبارك    الحسن الزهرة بي مــــسرورة
من جاها     مولاي      سراها     مولاي
ابمولدك مبتسمة       والاهل ملـــتمة
                يارابع للانوار
----------------------------
يالغالي      للحسن حنة وشمع نضويلة
يالغالي      مـولدك فــرح نبيـنا الليلة
شع نورة   مولاي       بعطورة    مولاي
لحيدر الف مبارك      احلى وردة بدارك
             يارابع للانوار
-----------------------------
دنيانه    فرحت وطشت ورد لعيونه
دنيانه    صبغت نجوم السما من لونه
فرحانة      مولاي       دنيانة    مولاي
هلهلت من جاها      الحسن ضواها
             يارابع للانوار
----------------------------
وياكم     نفتخر نهوة الحسن والينه
وياكم     منك ابـــنهر الوفه اتروينه
تروينة      مولاي          تحيينة   مولاي
نابع من الكوثر           سلسبيل واطهر
             يارابع للانوار
----------------------------
ميلادة    للكرم صار آيتة وعــَـنوانة
ميلادة    بي ملايكت السما فرحانة
يم جدة    مولاي     هز مهدة  مولاي
جبرائيل اينادي         ابتشر يالهادي
               يارابع للانوار
----------------------------
هالليلة     دكَت الهاون ترن مـحلاها
هالليلة     فرحت دلال الكرم من جاها
متهدرة       مولاي     تنتظرة     مولاي
ظل تتاني اچفوفة     بالكرم معروفة
                 يارابع للانوار

أسالكم الدعاء رائد الاسدي

الشاعر رائد الاسدي

30 Mar 2023 23:02

💎تمـيـز بأخــتيارك💎السته الذهبيه
👑افـضـل اللستات في التليجرام👑

🤲هداء ثواب هذه العمل ألى روح والديه
الفاتحه رجااا

💞تمتع بتصفح أجمل القنوات⇩⇩💙

ها انا اضع بين ايديكم طرق تنير دروبكم

تهديكم الى ذلك النور الالهي❤️🌱

لمن احب الانضمام قنوات مفيدة👇🏻👇


╭━─━─━─≪ ஜ▲ஜ ≫─━─━─━╮

▒⇦قصص و خواطر📚

▒⇦فقرات و مسابقات🏁

▒⇦مشاعر راقية💗

▒⇦نشر روابط قروبات وتس🔗

▒⇦الكتابة با الصور🏞

▒⇦شعر حسيني عذب

╰━─━─━─≪ ஜ▲ஜ ≫─━─━─━╯
⁽✺⃕₎ ٱلمۘديۧر مۘلأ عليۧ ٱلوٱسۜطيۧ ⁽✺⃕₎


👁‍🗨لــ أضافة قناتك✅


تصــــفح أجـــــمل القنوات⇓⇊💚


ياالله⬇️

🕊🕊🕊🕊🕊🕊
⓪⓵k @asdyuh « قناة الهوسات الحسينيه
⓪⓼h @Raedalsady « قناة النعي رائد الاسدي
⓪⓵h @zhgsak « صدقة جارية لجدتي..
⓪⓻h @poen_zbk « زهرة ١٤٢٢ ه
⓪⓶h @ereremu20_20_4_4 « قناة كن أنت المشروع
🔺🔺🔺🔺🔺🔺
⓪⓽h @kn20w « طاووس الجنة
⓪⓶h @aliali12345aliali123 « الرادود علي الدلفي‏
⓪⓺h @Markuph « استوريات حسينيه
⓪⓵k @Alispary « قناة عبق الانتظار 313
⓪⓹h @zh_rt « جمال وموضه👰 صور وأشعار. قصص وأذكار
🔺🔺🔺🔺🔺🔺
⓪⓵h @h_u_s_s_e_in4 « هيئة ثوار الامام الحسين ع
⓪⓶h @httpsm80100000 « قناة ملا مصطفى السعد
⓪⓷h @Alhidayah_Way « طريق الهداية
⓪⓹h @dxfcgvhb « ️نسمات حسينية ️
⓪⓵h @aghhjky « الشاعر الحسيني ابو عباس الدراجي
🔺🔺🔺🔺🔺🔺
⓪⓶h @TheAliHah « جنون العاشقين
⓪⓷h @als313M « قناة تجمع وفاء الحسين للقصائد والالحان
⓪⓵h @baqir_alaa1 « الشاعر باقر علاء للقصائد الحسينية
⓪⓷h @lA5LMOFKd0 « ستوريات حسينية باسميه
⓪⓶h @solemanemohands « عشاق الحاج قاسم سليماني والحاج ابو مهدي المهندس
🔺🔺🔺🔺🔺🔺
⓪⓻h @dfhjkbjb « يا مهدي الروح ³¹³
⓪⓶h @zaidhedrawy « الشاعر زيد الشمري
⓪⓶h @a1348510236 « قناة نعي هوسات بحق أهل البيت ع
⓪⓵k @raedalasady « الشاعر رائد الاسدي
⓪⓵k @wwaspqtt « الشاعر الحسيني مصطفى النائلي
🔺🔺🔺🔺🔺🔺
⓪⓶k @qrtahu « ✺⃕ قصٱئد وٱلحٱن خدٱم ٱلحسين ع ✺⃕
⓪⓵k @ahobalhosseinyajmeauna « ♡حب الحسين يجمعنا♡
⓪⓶k @alirsvl « مخزن قصائد للشعراء
⓪⓵h @hususn1 « الشاعر ضرغام الجابري
⓪⓼h @xzdf_780 « استوريات جميع الرواديد
🔺🔺🔺🔺🔺🔺
⓪⓼h @jkhkll « لقاء العاشقين
⓪⓵h @ahlalbeet14massom « محبو أهل البيت رسول الله و لتعجيل الفرح امامنا 2
⓪⓹h @ZKRAMKFA « نسمات
⓪⓵h @Alabbodi « عباس العبودي الواسطي
⓪⓸h @wemsamsa « قناة الشاعر قصي القاسمي
🔺🔺🔺🔺🔺🔺
⓪⓶h @mngfuy « الرادودالملامحمدابوسجادالكعبي
⓪⓶k @pwvhj « ️قناة نعي للشعراء️
⓪⓼h @qwerrtt76 « مسيرة العشق الحسيني لخادمة الزهراءع أم حوراء البركاوي
⓪⓵h @ijkojjj « فڪيف بالزهراء دون علي!! وڪيف بالعراق دون الحجه: قال ﷲ لحب كن فكان علي️..
⓪⓺h @muhigdoohhk « قصائد منبريه مكتوبه
🔺🔺🔺🔺🔺🔺
⓪⓵h @mkimkimki111 « الناشر مصطفى السعد📌 🕊🕊🕊🕊🕊🕊📌

👈 بوت لتواصل المحضورين


بأدارة ملأ علي الواسطي


👈قناة نعي كل ماهوه جديد لكافة الشعراء


قناة تجنن كل جديد👉🥀
(تثبيت الدعم نصف ساعه)
👆🏻غير مبري الذمه الذي ما يثبت نص ساعه بدون نشر اللسته 👆🏻
❌المسح تلقائيا علينا❌
⚖
على محبة الزهراء ع اشتركوا👇👇

الشاعر رائد الاسدي

24 Mar 2023 12:19

ابتهال بصوت جواد الحسناوي بقلم رائد الاسدي

الشاعر رائد الاسدي

21 Mar 2023 18:48

ارجو الاشتراك بالقناة
/channel/tsgcyg

الشاعر رائد الاسدي

28 Feb 2023 21:27

هوسات بحق الزهراء عليها السلام عن السيدة زينب عليها السلام

حيل مهضومة.. حيل مهضومة.. صحت يالزهرة يمة حيل مهضومة
======================
من اشم بيها .. من اشم بيها.. تشيبني العباية من اشم بيها
======================
رايحة عيوني.. رايحة عيوني .. ييمة ابيوم رحتي رايحة عيوني
=================
حيل ياذيني .. حيل ياذيني.. الباب اشما اشوفة حيل ياذيني
===================
ما ترد لينة .. ما ترد لينة.. عمت عيني الحنينة ما ترد لينة
===================
موحشة اعلينة.. موحشة اعلينة.. الدار اخلاف شخصچ موحشة علينة
====================
ما نطب ليها.. ما نطب ليها.. حجرتچ يالزچية ما نطب ليها
====================*
كون مدفونة .. كون مدفونة.. تمنيت انة وامي كون مدفونة
=====================
ما تحاچيني.. ما تحاچيني.. احاچي اهدومها امي ما تحاچيني
======================
موش ويانة .. موش ويانة.. نفز بالليل وامي موش ويانة
====================
تشوف بلوانة.. تشوف بلوانة .. يريت ام المحنة تشوف بلوانة.
=====================
حيل ما بية .. حيل ما بية.. اجت لية اربعينچ حيل ما بية
====================
أسالكم الدعاء رائد الاسدي

الشاعر رائد الاسدي

11 Feb 2023 17:35

نزال بحق الامام الكاظم عليه السلام


الشيعة كلهة تجمعت يبن الرسول
للجسر متعنية مذهولة العقول
------------------------------------------------
جان يوم الفرج كلهة تنتظر
وصل ليهم خبر من المر امر
اجمعوا ياشيعة كلكم عالجسر
هذا امام الرافظة الناعي يكَول
---------------------------------------------
بالنعش مشيول شو النة طلع
فوكَ نعشة ارواحنة تجري الدمع
يلطم على الراس كل شيعي سمع
صعب فكَدك يا شبل فحل الفحول
_____________________
كَظة عمرك من سجن ثم لسجن
هجروك الكفر كَوة من الوطن
بسجن وكَيود وسلاسل ممتحن
ماتذل شامخ تظل وماتزول
--------------------------------------------
حاربوك وحاربوا دين النبي
بصفحة التاريخ يادنية اكتبي
علم يخفق بيكم ايظل مذهبي
مايغطي الشمس غربال ويحول ------------------------------------
رادوا يمســـــحون ذكرك للابد
بسجن مثل الليل بعد اظلم واشد
دار وجهــــــــة وجها لواحد احد
شبل حيــــــدر والدعا منة قبول
---------------------------------------------
يناجي رب العرش ويطول السجود
بالفرج بعد الصبر ربي تجود
وصل حدة الصبر وتعدة الحدود
بالنعش صار الفرج لبن البتول
------------------------------------
الباري خص النبي واهلة بمنزلة
اسمى وارفع منزله لطه وهلة
اية التطــــــهير بيهــــم نازلة
اخرة ودنية اليواليهم ينول
-----------------------------------------------
اسالكم الدعاء
رائد الاسدي

الشاعر رائد الاسدي

11 Feb 2023 17:35

نزال بحق الامام الكاظم عليه السلام

ســدوا البــيبان والكاظم وحــــــيد
والجدم مرضوض من ثكَل الحديد
------------------------------------------------
ليش وي ابن النبي هذا الظلم
يُعبد الله ايريد ما رايد حــكم
خاف من الله يظالم واحــــترم
ولك ياهارون من عدة شتريد
------------------------------------------------
بالسجن ممــنــوع ماواحد يزور
واللعين ايعيش بالجنة وقصور
باچــــر الدنــــيا على الظالم تـدور
خاف من يوم القيامة والوعــيد
------------------------------------------------
عن اله الكون ظنك تمنــــــــــعة
ربك المظلوم صوته يسمعــــة
عكس راح ايصير ما تتوقعة
الله هو ايريد مو انته التريد
------------------------------------------------
باچر التاريخ اسمة ايســــجلة
خالد ابطول السنين المقبــــلة
وانته ياهارون وسط المزبلــة
لا رشيد تصير ما تبقى رشيد
------------------------------------------------
يطلب من الله يفرغة لطاعتة
وبس اله الكون يانس وحشته
وتصبح لربه طويلة ســــــــجدته
ويبقى ليل نهار وي ربه المجيد
------------------------------------------------
اظلم ومسدود طامورة السجن
السندي السجان كَلبة مايحــــــــن
مايــــــعرفه انهار لو ليل اليــــــجن
بالغرب مسجون عن اهله بعيد
------------------------------------------------
مكَيد ومسجون مرضوض الجدم
وبالسجن مســــــموم ماواحد علم
چــــبدة من الآه نصين انجــــــسم
لكــــــن المظلـــوم يم ربه سعـــيد
------------------------------------------------
عالجسر مطــــــروح ماچنه امام
بالسجن سمــــــــــوه اولاد الحرام
الطيب ابن الطيب وابن الكرام
هذا امام الرافضة اصــبح شهيد
------------------------------------------------


أسألكم الدعاء رائــــــــد الاسدي

الشاعر رائد الاسدي

11 Feb 2023 17:35

قصيدة بحق الامام الكاظم عليه السلام


والله حيرة لا اهل حظروا ولا حظرت عشيرة
والله حيرة اللا رشيد يشـــــوفك بعين الزغيرة
بالسجن يالكاظم وحيد عن اخوتك واهلك بعيد
والله حيرة والله حيرة
________________________
هــــــــذا ابن ســــــــيد البشر وابن الزچية
ماكو مثله اعـــــله الارض بــــــين البرية
بالسجن مايدري صبحه من المسية
ليش وي موسى ابن جعفر هالاذية
يا هظيمة..موسى من سجن لسجن خلص حياتة
يا هظيمة..محد اتشاهدلة من حانت وفاتة
ياكَلب لمصابك ايهيد عن اخوتك واهلك بعيد
والله حيرة والله حيرة
________________________
وحشة واغلال وحديد وسجنه خنكَة
النفـــــــس كَـــــوة يجــــرة بريـــــــتة شهكَة
وين ما دارت عــــــيونة وحـــــــشة يلكَة
مو سجن حكَة الخلافة وغصب حكَة
من سجنتة..ما خفت ياطاغي من الله وحبيبة
من سجنتة..بالقصر انته وسجن موسى عجيبة منك الملعون شيريد عن اخوتك واهلك بعيد
والله حيرة والله حيرة
__________________
ظاعت اخبارة وبعد محد يشوفة
الشيعة مهمومة وتناشد عن ظـــروفة
الكَلب جرحة بغيابك مــن يـــــروفة
خايفة كَلوب التحبك والله خوفة
صعبة حالة..السلاسل من يناجي تاكل ايـــــــــدة
صعبة حالة..وين هاشم ماتجي بحملة شديدة
تفزع لموسى هواديد عن اخوتك واهلك بعيد
والله حيرة والله حيرة
_________________________
عالجــــــــــسر ظلت جـنازة وناعي ينعة
هـــــــــــــذا امام الرافضـــــية من يــــــشيعة
الطيب أبن الطيب اصله حيرة وظعة
مات مســــــــــــموم بغـــربته ايريد فزعة
خل نشيعة..كَوموا يا شيعة وتعنوا الكاظمية
خل نشيعة..نشيلة عالهامة واله نقيم العزية
بكل سنة نجدد مواعيد عن اخوتك واهلك بعيد
والله حيرة والله حيرة
_________________________
هوه تچــــوتنا وذخرنا والنة مسند
شلـــــون باب ورحمتة بابة ينـــسد
ظلت بكيفة ابو طلبة المارد احد
شيعتك افواج اجتك وانت مقصد
يا ابو طلبة يا طبيب لكل مرض من الله نعمة
يا ابو طلبة الله نـــــــزلكم لهاي الامـــــــة رحـــــــمة
مايفيد ويانة تهديد عن اخوتك واهلك بعيد
_________________________

أسالكم الدعاء رائد الاسدي

الشاعر رائد الاسدي

11 Feb 2023 17:34

قصيدة بحق الامام الكاظم عليه السلام

يامهدي جدك عالجسر ياصاحب ايام العصر
صعبة وشــديدة حالته اسمع يمهدي قصتــــة
------------------------------------------------
موسى ابن جعفر يعاني حاله صعبة
بالسجن حــــــاير يمهــــدي ويدعي ربه
ايطول لربه ســــــــــــجوده وعدة طلبة
للفرج يدعي ويناجــــــي ربي قربــــه
نجيني يامُنــجي ويون يامهدي جدك بالسجن
يم ربه يرحــــــــــل نيــــــتة اسمع يمهدي قصــــــــتة
------------------------------------------------
السـجن طامــــورة تكَطـع حتى الانــــــفاس
بيها ابن شاهك يحرسة اغــــــلظ النــــــــاس
وحشـــتة وحاله يمهــدي مــــــاله مقــــــياس
طلبـته مـن ربـــــــه چــانت بأصدق احساس
خلصــــــــني ياربــــي دعه والباري صوتة يسمعه
بالســــــــــجن طالت مدتة اسمع يمهدي قصــــتة
------------------------------------------------
من سكَوه السم يمهدي لــــــــو تنــــظرة
يلوج من سمه وغربتة بكَلبة حسرة
لاحت لصوب المدينــة منه نظــــــــرة
الاهــل ســــــاعة منيــــته ما تحــــــــظرة
من السم چبدتة ذايبة سهم المــــنية صايبة
ايعالج ابــــــــسم چبدتة اسمع يمهدي قصتة
------------------------------------------------

اربع احمامــــــيل طلــــــعوا يــــوم جــــــمعة
بذل الاستــــــخفاف نادوا مــن يشــــــــــيعة
عالجسر طرحوه يمهدي بــــهذا وظــــــعة
الطبــــيب ابصــــــوت نادة مسكَي جرعة
الشــيعة چانت ناطــــــرة عالموعد الكل حاظرة
ملهوفة طلعــــــــت تانتة اسمع يمــــــهدي قصتة
------------------------------------------------
طلعت الشيعة يغايب كلها تنــــحب
آه يالــــــكاظم تصــــــــيح اشكَد تعذب
غابت الشمس المظية مــــــن تغــــيب
احنه انصارة الروافض عدنة مطلب
نشيعة رغم الحــاقدين الطيب ابن الطيبين
عالهامة طلعت شــالتة اسمع يمهدي قصتة
------------------------------------------------

أسالكم الدعاء رائد الاسدي

الشاعر رائد الاسدي

10 Feb 2023 21:47

نزال بحق الامام الكاظم


يالكلك عبادة واسمك شكبرة
ياتابوت شالك ياضنة الزهرة
-----------------------
يكَظي الليل كلة وما كَظت سجدة
يحوي الكون كَلبة وبالسجن وحدة
ياليـملك الدنيا فــراش ما عندة
وبريتة النفس ينــشاف بالحسرة
------------------------
طامورة السجن مخنوكَ بأنفاسة
وسودة كَلوبهـــم ظّـلام حــراسة
وكَيود وحـديد وما يطخ راسة
بــس لله نزل من يسجد ويقرة
--------------------------
باچر تــنكَلب والدنيـا هم ادور
ياهارون احـذر ما تظـل قصور
باب الله ورحمتة بالسجن مطمور
وانتة البالقـصر وعيونك اتنظرة
----------------------
بس عظم وجلد ينشاف بهدومة
مايــــدرون عــنة لا هلة وكَومة
عن الشيعة كلش ظاعت اعلومة
ميت لو عدل صبح ومسة ادورة
----------------------
مُخلص بالعبادة وسـجدتة لربة
من بيت النبــوة ومن ذوي القُربة
اصبح للحوائـــج والفرج كعـبة
من طامورة كَبة ومرقد وحظرة
------------------------
ابمزبلت القدر تاليــك ياهارون
انتة اللا رشيد وتنــذكر ملعون
والكاظم عليه الوادم ايسلمون
كل عام ابرجـــب تجدد الذكره
----------------------------------------------

أسالكم الدعاء رائد الاسدي

الشاعر رائد الاسدي

30 Jan 2023 21:15

قصيدة بحق السيدة زينب عليها السلام

يا دهري انه ام الخدر    يم جدي دورلك عـذر
كافي يدهري تعــــذبت   وحدي غريبة من متت
------------------------------------------------
انه زيــــنب بت علي   الله اصطــفاني
مخــدرة ال الــــــنبــــي   تدري ابمكــاني
ليش يادهري الحزن   كافي عــــــماني
من زغر ســــــني بألم   ظلــــــيت اعاني
هالقسوة ليش ابموقفك  لتكَلــــي باچر انصــــفك
بلله يدهري شحــــــصلت وحدي غريبة من متت
------------------------------------------------
باچر اوكَف واشتكي   يوم القــــــيامة
جدي خصمك يادهر    تبدي الــملامة
يبدي وياك العــــتــــــب   تســــــمع كلامة
ليش زينب للــــــــحزن   صـارت علامة
زينب عزيزة مــدللة     هذا العذاب شيــــــحملة
راحمها لو مرة ردت    وحدي غريبة من متت
------------------------------------------------
عذبتــــــني من هلي   كلهم خذتــــهــم
جدي وامي اوّالدي   عني ابعدتهــم
شاهدت هم وقــــهر    من فاركَتــــــهم
بالغرب مو بالوطن    مــــدفونة بتهم
محد اجاني بغربتي    تفت الصــــخر ياونتي
هم وقهر منك شفت  وحدي غريبة من متت
------------------------------------------------
عني من راح الحــــــسن   دمعي جريتة
نــــــارة تاكــــــــل بالــــــكَلب   من فاركَيــــــتة
مصاب الحسين وهلي   لا ما نســــــيــتة
همي وبحــالي اشجرة   كله اشتكــيتة
نتحاسب ونبدي العتب   يادهري وياي اشسبب
اشــــــكَد عذاب اتحملت  وحدي غريبة من متت
------------------------------------------------
بيه حســــــرة لكربــــــله   وحسرة لسبينا
عشنـــــــا بيها من الالم   ما مر عليـــــــــــنا
شــــــفنه نار البلخــــــيم   حركَت عبــــــينا
وشفنه احبال السبي   تاكــــــــــل بديــــنا
طكَ راس اخوي بعودتة   شفته يزيد وعــــــــملتة
وانه يدهري اتشــــــــــتمت  وحدي غريبة هالمتت
------------------------------------------------
كافي يادهري بعد   شنهي التريــــدة
فاركتنة وعن هلي   كلــــــــش بعيــــدة
كَبري بديــار الغرب    وابقى وحيـــدة
كَلبي ونات الحزن   صارت نشــــيدة
اصبح وامسي بالدمع    وانته يدهري تستمع
من زغري ليش اتمرمرت  وحدي غريبة من متت


أسالكم الدعاء رائد الاسدي

الشاعر رائد الاسدي

30 Jan 2023 21:10

قصيدة بحق السيدة زينب عليها السلام


بت علي وخير النساوين فكروا مسبية
امتداد الثورة لحسين ثورة صارت هية
بزينب الدين انتصر والكفر ظهرة انكسر
ثورة صارت هية
======================
زينب ومن بعد ما طاح الحُسين فرحوا امسلبيها
ما دروا دم ابو اليــــمة البالوريد هو نفسة البيها
ذلت ايزيد بقصر حكمة العظيم ياهو يوصل ليها
تحچي من مركز قيادة بكل صمود والحبل بيديها
ما تذل الحرة هـــيهات بت علي معروفة
زينــــــــب ربات الاباة ذلت اهل الكوفة
بنهج اخوها والاثر الكفر ظهرة انكسر
ثورة صارت هية
======================
التنسبي عد الطغات الظالمين تنذل ايخلوها
وزينب اتوقعـــــوا تنذل لزيد اتسرعوا سلبوها
صح اسيرة وبالحبل مچتوفة حيل وللقصر طبوها
هدمت عرشة وصبح هو الاسير اتورطوا جابوها
القضية ابعكس تندار والحكَ اتعلاها
شما يحاول ذلها يحتار شامخة يلگاها
ثبتت نصر النحر والكفر ظهرة انكسر
ثورة صارت هية
======================
فكد كــــــيدك يا يــــزيد ولا نهاب العلي علانة
أسعى سعيك احنا نبقى مخلدين ابآخرة ودنيانة
انت ايامك عدد واحنا النعيش خسر مَن عادانة
احنا ال الــــنبي وانـــتم طُلقاء ها يبن مرجانة
شما تحاول احنا باقين وانت من يتبدد
احنا نبقى بطول السنين كل وقت نجدد
سكتت كلمن حظر والكفر ظهرة انكسر
ثورة صارت هية
=======================
زينب وبس هية مــــرت بالزمان الوريثة لأمها
شافت اهوال التهد حتى الجبال والحزن لازمها
ورثت الكرار بالــحكَ ما تلين الشمس شيضمها
بالحنان حســـين صارت للعيال رايتة سلــــمها
حطمت صرح الطواغيت والخصم هاباها
الهه صار بكل وكت صيت والزمن عاداها
بيها الاسلام افتخر والكفر ظهرة انكسر
ثورة صارت هية
========================
هية عنوان الصـــبر والانتصار منها ناخذ عِبرة
صوتها الثوري يدوي بكل زمان ما تموت الحرة
صح حزينة والحزن فاق الخيال وبالعيون العبرة
بس بقت تمشي على نهج الحُسين وكملتها الثورة
صعبة لمن تطب ديوان عالغريبة هواية
من عليها الكان ما كان حققتها الغاية
ما تذل اخت الگمر والكفر ظهرة انكسر
ثورة صارت هية
==========================
أسألكم الدعاء رائد الاسدي

الشاعر رائد الاسدي

30 Jan 2023 21:08

قصيدة بحق السيدة زينب عليها السلام


اكتب ودمعي يصب قصتي تترس كتب
اختصر قصة حياتي ماشفت راحة كَلب
________________________
من زغر سني شفت فــــركَة بيها اتعذبت من العزاز
چنت اظن ابدفنتي كل عزيز من اخوتي يمشي جناز
تالي ادير العين بــــــــس انه غريبة
دهري حطلها حطب نار المصيبة
صرنة كل واحد كتر والهم سكــــــن دلالي
ها يدهري شحصلت غالي ويفاركَ غالي
كل الاحباب حدر التراب وانه بديار الغرب
____________________________
عاشت أبالي صور وعيني ذبلها السهر كَلبي مجروح
الكَلب ينــــــبض الم لهسة دخان الخيم يخنكَ الروح
موتتي بديـــــرة غـــــرب وين الغيارة
من عشت لما متت دمعي ايتجارة
عندي وياكم عتب يهل الرحم ســـمعوني
ابچي موش امعودة محد ينشف عيوني
صوت الاحساس وينة عباس كَبل لا نام بترب
________________________
السبي آه السبي من الشمس حمرة العبي بيدي الحبال
حرمة بطفال وحرم وية ناس ابلا شيم انه كفال
عالهزل ديــــرة بعد ديرة خذوني
انه زينب لوكَلت حيل اظربوني
من يجرون الحـــبل يشلع لحم من ايدي
انظر لصوب الظعن لا من اخو لا وليدي
من تنامون حتى المتون ايزوركَن من الظرب
___________________________
همي ما اظن ينجلي بالطشت راس الولي ابمجلس ايزيد
ايطكَ اخوي بعودتة وبيدة ينكت شفتة وحچية تهديد
شتماني وسالت دموعي اعله خدي
كل حرف سم ابسهم ويصيب چبدي
انضر لراس الولي حطاها عينة بعيني
يلتمس مني العذر يم الخدر عذريني
خوية معذور انته منحور وانه انضرلك غصب
____________________________
احتركَ حسرة ودمع وانطفي مثل الشمع بين الاجناب
دوم اعيشن كــــربله وراس اخوي وقافلة بيها الاحباب
ريت وي اهلي العمر خلصان بية
وية اخوتي بكربلة جتني المنية
تالي رداني الدهر نفس الدرب واحزانة
والمچان البي كَعــــد راس العـــزيز ويانة
موتتي اهنا وية ذكرا وللقصر لا ما اطب
_____________________________

أسالكم الدعاء رائد الاسدي

الشاعر رائد الاسدي

04 Jan 2023 04:19

قصيدة بحق السيدة ام البنين عليها السلام جديد


هاي ام البنـــين اتلوج  زايد عالــولد ونها
ظلت بس تدير العين  بالموت انگطع ظنها
آه يحسين يا يمة   آه يحسين يا يمة
=======================
ابن ادم من يجيه الموت   ويوصل لاخر انفاسة
اعزازة بكل حـــزن تنعاه   تــلتم كل هلة وناسة
هذا ايحبة ذاك اينوح  هذا اليبچي يم راسة
تلوج ام البنين اشلون  غـــياب الــولد عــــنها
آه يحسين يا يمة   آه يحسين يا يمة
========================
يمها بس علي السجاد  يون وينحب اعليها
يطيبة ام الوفة والطيب  صعبة الفرگة تدريها
تمنيت الابو موجود  يشوف الربتة شبيها
العين ادير يمنة شمال  تدور اعله الابو چنها
آه يحسين يا يمة   آه يحسين يا يمة
==========================
العدها بنية وكت الموت  بـــيديها تنگط الماي
زينب ماهي يم عباس  يمچ وانتي ادرة بهاي
ربيتي وتعبتي سنين  وتالي اوحيدة بس الداي
يحسين الحكَ تنادين  امك يبـــــني چــــفنها
آه يحسين يا يمة   آه يحسين يا يمة
===========================
عزيزتكم يا ال البيت  اجت ليكم تلگوها
گلبها امجرح ومحزون  بوجه حسين داووها
خلها اتحبة واتشم بيه   تشبع شوف خلوها
شبعت ضيم لمن راح  فلا مرة ضحك سنها
آه يحسين يا يمة   آه يحسين يا يمة
==========================
شفتي من الزمان اهوال  اذية شگد تحملتي
الله اطاچ خـــير هواي  باب لرحــمتة صرتي
نطلبچ طلبة يم عباس  بجاه الي عليه نحتي
يعــــجل للإمام الغاب   ربـــنا وتنفــرج لنها
آه يحسين يا يمة   آه يحسين يا يمة
========================
اسالكم الدعاء رائد الاسدي