روايات يمنية📚🇾🇪

14 Jul 2025 22:45

.

البــارت 61 >>

بيـن قلبيـن ❤️

للكـاتبـة: عبيـر الكبسـي

👌🏻👇🏻 😍
📚 @rewayatyamania  🇾🇪


بعد العصر تجمعين نسوان الحارة عندهن وجالسات كلهن

رنا بتسلم عليهن ومنزعجة شوية من وقفة امها ومحاولاتها معها

تذكرت كلامها وهي بتبدل قبل ماتدخل عند النسوان (شوفي مرة عابد كيف زوجها بيضربها ويشل ذهبها كل يومين وبيع ولما تم ذهبها ردها بيتهم،
والا مرة عبدالخالق اللي اكبر منش باربع سنين وقد معها ثلاث طباين جنبها
والا هذك اللي زوجها طلقها امد واحدة ثانية
واحمدي الله واشكريه مشاكلش ولاشي جنب مشاكلهن عيشي وغلقي ع نفسش واستمعيه عيبسرش هكذا ويتغير)

وداخل نفسها يعني لازم اقارن مقدرتي على تحمل مشاكلي بمقدرة ناس عانت اكثر مني؟

ليش بيفكرين هكذا امي ومرة عمي وام امير هن صح او انا غلط ؟؟

جالسة في دوامة فكرها وتصرفاته معها والمشاكل وسارحة وتتفرج النسوان بيضحكين ويتكلمين وهي متوقعة حياتهم اللي وصفتها امها في البيت كيف قادرات يسكتين ويتحملين ويضحكين ويعيشين؟؟

ثنتين من نسوان الحارة بيتفرجين لها ولبسها والذهب اللي فوقها: ابسري  على لبس وعلى فهنة هي فيها

جارتها: ياقلبي مغتربين مش ساعنا نرحم

المرة الثانية: يداتها ولا كأنها بتمسك ملعقة ابسري على بياض واظافر

جارتها: اكيد معها شغالة ، وبعدا لابيهمين شي كل شي معهن ، بلاد ساع الناس مابش حرب ولا طفاي ولا جعجعة ساعنا

المرة: وبعدا لاجهال ولاشي جالسة متدلعة لذلحين

جارتها: ياخبلا من قلش متدلعة مابتخلفش بس ساكتين

المرة: من قلش؟

جارتها: احلام حتى بيدوروا له مرة بس محد داري اسكتي

المرة: يلا حين تجي الثانية عتكتسر من الزنط حقها والغرور وترجع طبيعية ساعنا تجابر ..

( أكبر عدوة للمرأة ، امرأة مثلها)

@rewayatyamania المصدر الأول للروايات

في مكان ثاني ( الرجال مخزنين مجتمعين)

امير: خلاص حاضر انا راضي بكل شروطك ياعم (ابو رنا)
وجدها: ماعتسمع الا كل خير شاطرحها في عيني ، اي حين اجي اشلها؟

جدها: خليها هنا زد شهر نكلمها وتهدأ نفسيتها ،
وبعدا ترجع معك على السفر

امير: حاضر
.
.

بعد ايام واسابيع في عشاء رمضاني خاص بالطلاب الأجانب..

خالد: انا اشتي المكان اليمني

سام: تمام اول جي هنا وبعدا

كرم شاوره: خليه هو يشتي يطمن على بنت بلاده

سام ضحك: اهااا

خالد وصل وبيغرف اكل شاف امل: خواتم مباركة

امل ابتسمت شافته: اهلا خالد علينا وعليك , مايعجبك اغرف لك؟

خالد: كل شي ينفع اجلس اكل من الطاولة نفسها

امل ضحكت: هنيئا ،  عنقلهم انك من ضمن الديكور اليمني يبسروا كيف بناكل

خالد: ايوه وزد بيدي؟

امل ضحكت غطت فمها: لا هكذا زيادة انا شهرب من هنا الصدق شانكر انه طبخي

خالد استغرب وهو بياكل: هذا طبخش؟ السمبوسة هذه انتي فعلتيها؟ نفس حق بيتنا

امل فرحت: عجبتك ازيد لك مع سلطة؟

خالد: خلاص بس خليني اطعم كل شي


من بعيد كرم وسام بيضحكوا عليه انه كيف البداية كان بيهنجم بس كيف بعدا الاثنين تغيروا مع بعض وبيضحكوا عادي

كرم بمززح: يااخي انا جاوع الصدق يشتي يجابرها يسسير يخطبها ، لن ارضى بهذه المهزلة عيب

سام: وانا معك اسحبني امد اتعذر له بك
.
.


الليل بعد الفطور

واحد من عيال عمها الصغير عمره ٦ سنوات دخل بكيس كبير جالس يسحبه في الارض: اين رنا هذا حقها

رنا شافت استغربت: حق من هذه؟ من ناولك يابطل؟

ابن عمها: ابوش

رنا لفتت لابوها وهو جالس: اباه؟

ابوها: من يااهبل قلك ابوش وانا عندك؟

الولد: هذك ابوها اللي سفرها

رنا وكلهن ضحكين عليه

سندس سحبت الكيس: الظاهر كسوتش حق العيد

رنا: مااشتيش منه شي

امها: ادي الكيس للمكان ياسندس عيجوا ذلحين ناس عند جدش لاتفتحين شي هنا


في الغرفة خرجين هدايا لها ومن ضمنهن عطور وخاتم ذهب وكرت مكتوب فيه انا آسف وحشتيني يا زوجتي الغالية ماشرجعش وحدي بيتش مراعي لش

امها: هيا ابسرتي انه يشتيش يحبش ، يابنتي لو واحد ثاني ان قد تزوج وهذا باقي عليش

جدتها: هيا مابش معنا بنات للدلع اخطي ولو زاد فعل شي جدش عيتصرف

رنا ساكتة

ام خالد: قد عيفعل لش كل شي


بعد اياااااام رنا رجعت معه بخوف بعدم أمان مجبورة عليه كانت اللحظات معه سنوااات ، بس قالوا عيتغير كانت متحمسة تشوف تغييره،


بعد شهور وسنوات تغير صح وين عصبيته! كيف بطلها ، حتى اصحابه خففهم وبدأ يشتغل كثير وبورصة وأسهم فعلاً الشغل والسن كل ماكبر بيتغير الانسان وينضج بطل يعاندها

اجرب اكلمه؟: امير

امير: ها

رنا: اليوم بعدت التقويم كيف اسناني؟

امير لفت لها بسرعة شافها: روعه

رنا: مش ملاحظ تغيير؟؟

امير: لا

رنا: صبغت الاشقر اللي بيعجبك؟

امير ضحك السماعات في اذنه: ماانتبهت تصدقي معي شغل كثير دقايق بس لازم اركز وارجع اكلمش مابين اسمعش

رنا بتمشي جلست جنبه بترزم رقبته: تعبت ياروحي فوق اللابتوب

امير: ايوه

رنا: اليوم عيد زواجنا...






📚 @rewayatyamania 🇾🇪

روايات يمنية📚🇾🇪

14 Jul 2025 15:32

.

البــارت 60 >>

بيـن قلبيـن ❤️

للكـاتبـة: عبيـر الكبسـي

👌🏻👇🏻 😍
📚 @rewayatyamania  🇾🇪


صفية: القات عندكم غالي قوي

رنا: وهذا عاد موضوع كم تصايحنا عليه ياصفية كم بيستلم وكم بيخزن طول الشهر له ولخبرته ولابيجمع فلس، الناس بيعمروا وهو بيخزن واصل اهم شي اصحابه

صفية: يمكن بيمل من البيت حاولي تغيري البيت يوم ديكور يوم تفعلي شي نوعي الاكل غيري لبسش ذوقش شعرش تسريحتش

رنا بكيت: ليش لو في مشكلة بين اثنين المرة اللي لازم تغير وتفعل المستحيل ليششش محد بيعترف ان الغلط والتغيير لازم يجي منهم هم ، فعلت كل اللي قلتي عليه و اكثرر ولابيقطع قاطع بيتجمل دقايق ولا يوم وثاني يوم ينسى وينكر ويرجع هذك العصبي واصل واصل تعبت

سندس كانت بتكلم خالد وبيصور لها كرم ويجابرها عنه وطبايعه وايش حصل في الجامعة وكيف هو وفي ولا بيكلم بنت وبتسمعهن شافتهن بيبكين وهي عايشة حاله حب ، ضحكت على شكلهن وحبت تغير جوهن: اتقين الله فيني خلني افرح شوية نكدتين عيشتي انتي وهي قدكن اخس من نوح الطيور مالكن جين ابسرين خطيبي

قامين صفية ورنا نسين الحزن والدموع مسحين وجههن وبفضول مثل فضول ايام زمان والطفولة قربين جنبها وبيعلقين على شكله..

صفية لرنا: ابسري شعره يشبه شعر عمتش حين تلبس مصر طالعي

سندس: والله ياحسادة حين شعره ناعم بتحسدي حين زوجش اصلع

رنا ضحكككت عليهن: صدق ياصفية اصلع؟

صفية: ايوه يجبرني بصلعته ياعيبتش عليه ياسندس غثيتيني

رنا تحيلت لها وداخل نفسها اكيد ماتزعل عليه هكذا الا وهي تحبه وماتحبه الا وهو حالي معها: الله يسعدكم ياصفية ولاغير عليكم حال

سندس: ذلحين نستلم الامير حق هذه

رنا ضحكت: قولي مااشتيتي

صفية بتبهرر لسندس: عيب استحي يابنت مالش انخطبتي والتذع مخش

رنا: هي ملذوعة من زمان خليها تبرد قلبي

سندس: يلا خليني ياصفية اقلد امير ماادخلش هي راضية

صفية: يابنت عيب عليش

سندس بتقلد أمير واسلوب كلامه معقدة حواجبها مبرطمة فمها ونافخة خدودها وبتشوف رنا: يامرة عيب عليش سكتي بنت عمش

كانين يضحكين سمعين جدتهن دخلت وسندس بتقلد

جدتها: مالش قد ابليس بيشغلش تتضحكي ع خلق الله

قامت سندس هربت بسرعة من جدتها: شاسبقكن اتوضأ للصلاة انا القف الماء الحامي

جدتها: قلت لكن ماعد بش فيها حياء عتقل خواتي هنا جين اميزهن

رنا ضحكت: سهل ياجدة..

@rewayatyamania المصدر الأول للروايات

ثاني يوم وصل ابوها وامها
فرحت بهم وحضنتهم

جلسوا يتكلموا ويتناقشوا وجدها بيشوفها سكتة

امها: ولو اللي بينش وبين زوجش هذه مشاكل عادية
ابسري انا وابوش لباب الباب واحنا بنتصايح
وبعدا مايسبرش تعاملي عمتش هكذا

انتي غلطانة مفروض توصلي وتسلمي عليها مهما كان

رنا بضبح وشوية انفعال مش لاقية حد يفهمها او هي ماعرفت تفهمهم وتقنعهم وتتكلم كل شي حصل

ليش شايفين الموضوع عادي؟ بس هي عاشته بشكل مش عادي او عشان هم تحملوا احنا لازم نتحمل ؟

الموضوع وراثة او عادات وتقاليد او كيف ؟

فجأة بنرفزة: خلاص ناهي جت هي وسلمت عليها بس ماشرجعششش واتفقنا انا وياه ليش بتقنعوني ان مابش شي

جدها بيتفرجها سكتة غمز لامها وابوها: خلاص الموضوع قلنا عندي محد له دخل ببنتي

اتغدوا يلا بسم الله مابش مجابرة فوق السفرة احترموا النعمة..

بياكلوا وهي وحدها جالسة تفكر لو يرجعوها؟؟
لو ترجع تعيش معه ويذلها ويحانكها عشان رجعت له!

رفيدة جالسه بتدحسها وهي سارحة: قوا قوا قوا هيا طعمة واحدة انا فعلته هيا اطعمي

رنا حست في شي موترها تفكير امير وفي شي مزعج جنبها لفتت لرفيدة وانفعلت شوية: ايشش؟؟

رفيدة صاحت: بين اقلش اطعمي فعلته انا مالش مطنشة

رنا شافت الكل انتبه لها انحرجت: سامحيني مصدعة بس ماسمعتش بتشاوريني وانتي كلميني سوا

جدها بيتكلم بصوت واطي جنب امها ومرة عمها: العلاجات حق الوحام هن يعصبين بواحد

ام خالد مسكت وجهها: ايوه صدقك ياعم

الجد: قد بيقل امير امس انها بتعصب ولاصدقت يلا خلنها تفتهن هنا كم يوم ولما تتم اجازته عقلنها وتروح

ام رنا: وانا من رأيك ياعم ، امير نعرفه ومتربي هنا وهو صغير يصبروا على بعض وعتيغيروا ويتفاهموا وياسلام
.
.

بعد العصر تجمعين نسوان الحارة عندهن وجالسات كلهن

رنا بتسلم عليهن ومنزعجة شوية من وقفة امها ومحاولاتها معها

تذكرت كلامها وهي بتبدل قبل ماتدخل عند النسوان (شوفي مرة عابد كيف زوجها بيضربها ويشل ذهبها كل يومين وبيع ولما تم ذهبها ردها بيتهم،
والا مرة عبدالخالق اللي اكبر منش باربع سنين وقد معها ثلاث طباين جنبها
والا هذك اللي زوجها طلقها امد واحدة ثانية
واحمدي الله واشكريه مشاكلش ولاشي جنب مشاكلهن عيشي وغلقي ع نفسش واستمعيه عيبسرش هكذا ويتغير)

وداخل نفسها...


/channel/rewayatyamania/55248




📚 @rewayatyamania 🇾🇪

روايات يمنية📚🇾🇪

14 Jul 2025 15:31

.

البــارت 58 >>

بيـن قلبيـن ❤️

👌🏻👇🏻 😍
📚 @rewayatyamania  🇾🇪


رنا: مع ياجد عادي بس الاسلوب الوقت الغلط وانا تاعبة وانا مجهزة لنا سهرة ، آخر الليل ، ومعي اختبار وكل يوم مرتين ثلاث ، طول اليوم وانا في المطبخ وعادو حتى مايقلش شكرا ولو سألته كيف الاكل يقل مثل كل مرة مش احسن من اكل امي

جدها: طيب هذه بعسسة مش هي قصة معاندة منه وهو تافه كملي

رنا: عصبيته صياحه مابش احترام تحملت عصبيته بس حتى لما يعصب يغلط عليا مايحترمنيش

جدها بيسمعها سكتة شاف اتصال من زوج رنا: يلا سيري عند البنات شوية معي اتصال

رنا ماعرفت انه اتصل: حاضر

@rewayatyamania المصدر الأول للروايات

في غرفتهن..
سندس: جي فقدنا لش كلمينا كل شي

رنا شافت الدبلة في يدها: ايوه صح وريني صورته كلميني كيف

رفيدة قاطعت: صاحب خالد انتي دارية جاء اول مرة وابسرها وهي بتكنس

رنا بصدمة بهررت: ايوووه؟؟

صفية: راعي يارفيدة تحاكي ياسندس كيف صيحتي

سندس قامت تقلد وهن بيضحكين

ام خالد جاوبت خالد ومغلقة اذنها الثانية بيد وبتتكلم بصوت عالي: ايوه ياابني ، مابلا البنات خواتك وبنات عمك

خالد بيضحك: مالهن الضحك هذا كله مابه

ام خالد: بنت عمك رنا جت وانهن فارحات بها

خالد: الله يسعدهن يارب ، كيف رنا

ام خالد: مسكينه جت حانقة ، شابعة دنيا

خالد: معها جهال؟

امه: ماشي مسكينة

خالد: مش هي مسكينة بطلوا تقولوا لها هكذا مسكينة ، مساكين الجهال بين المشاكل

امه: والله انك صدقت ياابني، حاكيني كيف انت كيف قرايتك

خالد: مالنا شي الحمدلله
.
.

في مكان ثاني

امير جالس بيكلم جدها واخته وامه جنبه بيتسمعين ويتشاورين جنبه ايش يتكلم

امير: مابش شي بس قلت اتصل لك ابسر اي حين اجي اسلم عليك ازورك

جد رنا: بدري ، لذلحين؟ من بعد البيت او كيف

امير: مابلا قلت

احلام: قله تسير ذلحين

امير: عاد انت صاحي اجي بدل مجابرة التلفون

جد رنا: ليش تجي؟ مابش داعي للجية بنتنا هنا مرتاحة مفتهنة رجعت روحها في ساعات بتضحك بتاكل بتشرب

امير: الله المستعان ياجد او قصرت على بنتكم في شي او جوعتها

جد رنا: ماجوعتهاش حاشا لله ماخلى حد جاوع رزق الطير والسمكة والجاهل اللي في بطن امه بفضل الله موجود ، بس قل بعض اوقات واحد يجي مسدودة نفسه شابع قانع من كل شي دريت كيف

امه: قله هي اللي بتنكر وبتهرم حاكيه بتتحنوق على بعاسس

الجد: خاطرك مع السلامة.. قفل

امير قفل شافهن: والله انهم ناويين تتطلق

الام قامت وبتصلح لثمتها: ادي الستارة حقي يا احلام وانت قوم جي معي
بيفعلوا نفسهم جيراننا واهلنا ولاوقت المصايحة مايعرفوناش قم معي يعلم الله ماقد قالت لهم

احلام: قل لهم كل شي رفعة صوتها ورقدتها للظهر

امير: كانت تبكر الصدق ماغير بعد المدرسة بترقد للساعه عشر لانه مابش ماتفعل

امه: هو انت اللغاجة حقك هذه خربتها قلهم على مابتقلك اختك بتسمع

احلام مسكته وبصوت واطي: لو عاد انت تشتي نخطي اتفاقنا انا وانت قلهم ان العلاجات حقها بتخليها عصبية وتنسى وتضبح وتكبر المشاكل وهم عيصدقوك
.
.

في بيت الجد..

ام امير دخلت: والله لو هو فجر لاجي ، بنتي تجي بعد السنين كلها هذه وماتجي تسلم عليا فقدت لها ساع مافقدت لامير ولو حانقة تجي تسلم عليا وترجع

ام خالد: امها ماقد ابسرتها وانتي عاد انتي حانبة بروحش ، وصلت تاعبة من السفر تعبوا في الطريق

ام امير: هذا وقد اختصرنا لها الطريق نصه طيران

ام خالد: بعد ثلاث سنين يوووه كثر خيركم حين اختصرتوا الطريق

صفية سمعتهن: رنا عمتش خارج

رنا ادت لها بطانية: ارقدي بسرعة

رفيدة بتضحك

سندس: اصه عتفضحينا

رنا بتضحك على مظهرهن: كيف ارقد هنا في الارض

دخلت ام خالد وعمتها وهن ميتات ضحك في الارض



داخل الديوان

امير: مساء الخير

الجد كان قد اتفق مع عياله يكلمه وحده بما انه ابوها في صنعاء: مساء النور

امير كمل يسلم عليه وحبه فوق راسه وجلس: داري غاثي مني ياجد وبتلعني داخل نفسك يعلم الله ماقالت لك رنا

جدها: قالت قد كثر خيرها ساكتة كل هذه الفترة ولاقالت شي

امير: وانا ابنك واكلمك والكل ساعها تسمعنا وتحكم واللي تقوله على عيني وراسي ياجد

جدها: بين اسمعك اتكلم

امير: ياجد انا صح بين اخاف عليها منعتها من اي حد لان الناس هنا مابش امان

جدها: كيف مابش امان على تفكيرك هذا ان احنا عايشين في غابة ولو مابش امان كيف عتعرف الا لما تتعلم تخرج بين الناس وتعرف الصح والغلط من نفسها كيف عتربي لك جهال وانت حابسها لو وقع بك شي في يوم من الايام ماتقدرش تفعل شي

امير نزل راسه: وكمان مابتخلفش ولا قلت شي ولاجرحتها وراضي عالجتها لما شبعت وعشان لاتضبح عارف تحب القراية شجعتها وخليتها تتم

جدها: كثر الله ألف خيرك هنا ابن ناس ، بس مش معناه تخليها عبدة عندك وتذلها ، واصل خارج واصل اصحابك واصل تعصب فوقها

امير : ...





📚 @rewayatyamania 🇾🇪

روايات يمنية📚🇾🇪

14 Jul 2025 15:30

.

البــارت 56 >>

بيـن قلبيـن ❤️

👌🏻👇🏻 😍
📚 @rewayatyamania  🇾🇪


رنا: تعرف ايش انت مشكلتك ساع الثعبان بكلامك لما تلدغ تسمم واحد تقتله

امير: وانتي عقربة روحش في الاستفزاز

رنا لبست السماعة وفتحت اغنية ورفعت الصوت: اسكت لاني مابين اسمعك ، قامت بعدت واحدة سماعة: والا اقلك انا في الغرفة كما حجزت كلمتني وإذا ماقدرت كلم جدي يحجز لك.. دخلت الغرفة
.
.

في ماليزيا لهم ساعااااات منتظرين دورهم عشان الورقة

أمل دخلت وبتكلم السكرتيرة رجعت تجلس تنتظر

كرم دكم خالد وهو ماسك التلفون يشوف الاخبار من الفيسبوك

خالد لفت له: مالك؟

كرم شافها انتبهت له: اصاه فضحتنا

أمل بتسألهم: كلمتوهم؟

خالد شافها وطنش رجع يشوف تلفونه

كرم شافه بيدكمه جاوب هو: عاد احنا من الصبح منتظرين

أمل بتشوف خالد اللي مدعمم لها: ليش ايش معهم؟

كرم: مدري

أمل: كيف مدري! سعم مامعنا عمل الا هم !! نشتي نلحق الجامعة ومحاضرات ، قامت تكلم السكرتيرة وين اللي قائم بالاعمال او اي حد هنا

خالد شافها بيعلق لكرم: سوبر مان

كرم: يااخي سمخة والله ضيعوا وقتنا من اول مراعيين محد عبرنا

أمل بتصايحهم: اتصل له ، هو عمله يتواجد هنا عشان ينجز امور اليمنيين مش عشان يرقد

كرم شافها: خلاص اهدأي عيعرقلوا معاملتش

أمل: اتحداهم انا شاراعي وابسر فوق الانتظار هذا مايوقع

الطلاب البقية شافوها تشجعوا: هيا كل يوم مكنتونا بكرة بعده ، بكرة بعده ، البنت ماقدرت تتحمل ساعة عادها جت وقلبت لكم اشتغلتوا اتصالات ، نشتي المنحة نشتي زلطنا قد عتوصل الثانية ولا استلمنا

كرم: يهي طلعوا الخبرة مداومين هنا

واحد رد عليه: قسما بالله انه دوام هنا اربعة وعشرين ساعة نعامل قبلها ونعامل استلامها وهكذا جعجعونا
.
.

في اليمن..

الجد: ماحد له دخل منها تجي افهم مالها وبعدا اللي يشتي يحاكيها يتكلم

ام خالد: قوا يا اباه انت تحبها وتدلعها يمكن البنت مابش مشكلة ولافي شي

ابو زوجها: رنا ماتدلعش تقل لي ياجد اذا البنت تطلقت ذلحين ماعد حد يتكلم عليها الا وفيها شي وصابرة وساكتة ومراعية

ام رنا: يا اباه ماقد شكت لنا بشي يعني يمكن مابش شي

ام خالد شافتها وذكرت انها شكت لها كثير بس ماتشتي تقهر امها وتفعل مشاكل

الجد صيح: بنتي توصل معززة مكرمة حانقة او ماشي تجي لهنا ونفهم اذا مابش شي نبسرها تبسرنا نسد بينهم وترجع وان هي ملان منه اطلقها غصبا عن عين اللي خلفوه حد يغثي بنت من بناتي لاعاش ولاكان ولا خلق

الجدة: قد نسيت ياشيبة ماقد تحملنا وصبرنا عليه سنين ماذلحين عتخرب عيشتهن

الجد: اسكتي ياتقية اوقعي محضر خير..
.
.


في ماليزيا..

وصل المسؤول عن شؤون الطلاب: خير ايش في من اللي بيفعل مشاكل اتصلوا لي ثلاث مرات

امل وقفت: انا ، بتشوف كم منتظرين هنا؟؟ عدهم

المسؤول شاف السكرتيرة: من هذه؟؟

امل: طالبة فلتت دراستها والجامعة وجت بوساطات واتصالات عالمية عشان الحق طائرة وارجع اكمل دراستي اشتي منك ختم بسسسس للجامعة ممكن؟

المسؤول خاف من كلامها تكون بنت حد مهم او مسؤول: ادي الورقة

البقية اعترضوا وصيحوا

خالد وقف: واحنا هنا قبلها وهولا من قبل (اشر للي منتظرين للمنحة) والا نحلق الشنب عشان تمشي معاملاتنا)

امل لفتت له بضبح: ايش قصدك؟

خالد: كلامي معه هو فاهم قصدي انتي لاتتدخلي

المسؤول طنشهم ودخل مكتبه اتصل للسكرتير: دخلهم بالدور اللي كانوا منتظرين من اول هولا عيفعلوا لنا مشاكل مجانين

بعد ماكمل عملهم خرجوا

خالد شاف امل: اعتذر لو فهمتي كلامي بطريقتش انا مقصدي هو ، مستفز كيف بيتفرج لش حتى

امل فهمت قصده بعد اللي حصل: طيب خير مابش شي

خالد شاف كرم: هيا نلحق

مشيوا

أمل مشيت وحدها


وتقابلوا مرة ثانية في الجامعة..

أمل بدأت تشك ليش موجودين بعدها بعد ماعرض كرم عليها المساعدة: تسلم تنصحونا من الناس وانتوا اول مزعجين

كرم ضبح من اسلوبها وراها دبلته: خاطب اخت صاحبي هذا اللي واقف جنبش، عيال ناس احنا لو نشتي نلعب البنات على قفى من يشيل عنلاحقش انتي ليش

امل ندمت حست بتسرع في تصرفها وانها جرحتهم راحت لخالد: يا خالد مش قصدي شي يااخي انت عارف هنا الشباب مايصدقوا يسمعوا كلمة ويفعلوا قصص ويألفوا ، كم قد وقعت مشاكل لنا ماعد بش ثقة نكلم احد حتى لو شغل او دراسة تعقدنا

خالد: حلو البنت تخاف ع نفسها وتكون قوية وماتدي وجه لحد بس هذا في حال طلبناش رقم خرجة ، احنا بنساعد اي بنت مش هاين علينا تعاملي وتوقفي في شارع وحدش آخر الليل ولاقصدنا شي، خليش واثقة من نفسش ولاتهمي كلام حد طالما مابتغلطيش

امل ارتاحت لتفكيره واسلوبه وكلامه معها: طيب شكرا لكم واعتذر من صاحبك ومن ذلحين لو معي شي شاكلمكم

خالد بيأشر لها: انا حاليا ماجستير اي شي تحتاجيه تلقيني هانك

امل ابتسمت له: شكراً

خالد مشي مع كرم وبيوضح له اللي حصل واللي قالته





📚 @rewayatyamania 🇾🇪

روايات يمنية📚🇾🇪

14 Jul 2025 15:29

.

البــارت 54 >>

بيـن قلبيـن ❤️

👌🏻👇🏻 😍
📚 @rewayatyamania  🇾🇪


بعد ماوصلوا بعد ترانزيتات آخر وجهة لهم كانت بعد آخر الليل..

خالد: وين؟ احنا عنوقف لش تكس لاتمشي وحدش هذا الساع

امل لفتت له بنص عين: هذا الساع؟ انا طالبة هنا وحدي طول عمري يعني مش مراعية لحد وفر عليك تعبك وبطلوا الحركات هذه اللي بت...

خالد طنشها في نص كلامها سحب شنطته ومشي اول تكس كان موقفه لها طلع ومراعي يأشر لكرم..

أمل انصدمت لما شافته طنشها ومشي سكتت فجأة وبتشوف لكرم (كأنها نظرات ماله صاحبك؟)

كرم ماقدر يمسك نفسه ضحك كيف تفكيرها وفارحة بنفسها وإنه فعلاً خالد ماكان غرضه اي شي

أمل شافت كرم ابتسم وماسك نفسه لايضحك وطلع السيارة حست باحراج موقفها بايخ ورجعت تواسي نفسها (ايوه شافوا مابش مني وجه ها كيف فحط ، قليلين ذووق)

وقف لها التكس ونزل يطلع شنطتها

قدامها سيارتهم عادها مامشيت

داخل نفسها يستاهلوا بيعزوموا ومعهم سيارة خردة خاربة ريت والله ومن يتشمت فيهم ويرد لهم الضحكة بس ماعنتبهذلش هذا الساع عيب

داخل سيارتهم

كرم: امانة لو تبسر كيف وجهها حمر اصترعت يتخايلها عادك عتسمع التهزيئة وتراشيها

خالد جالس بيشوف طلعت السيارة ومشيت

كرم: انا الصدق شاكك فيك مالك ياولد سحرتك او ايش

خالد: وانت ساعها متخلف؟ يااخي بنت واقفة في الشارع وزد يمنية وحدها مراعي تلقى تكس وتطلع

كرم: جبرني بك وحنية قلبك هذه ..

كلم التكس يمشي

خالد: ذاحين سام عتوقع له صدمة

كرم ضحك: صح نسينا نقله من الربشة

خالد: اوف ياولد الحمدلله ماعيقرح علينا الترم هذا حرام سجلنا بزلط

كرم فارح: محد رابح ومستفيد من السفرة هذه الا انا

خالد ضحك دكمه بكتفه: كان استحي؟؟ اخوها هنا جالس

كرم ضحك وبيغالط الكلام: ياولد عجبني ثقلك الصدق، خصمي في الشاب اللي يجلس ينذل من البنت وتبهذله ولايفهم على نفسه... بيكملوا كلامهم

@rewayatyamania المصدر الأول للروايات

في السعودية..

امير دخل من خارج: قلت لش بس تلفون ، ليش مارقدتي؟

رنا: جالسة اقرأ عن فوائد اعشاب تساعد للانجاب ما رأيك بكرة تشتري

امير بضبح: فعلتي عشاء؟

رنا: ايوه

امير: قربي

رنا مستغربة: مالك؟

امير: مشاكل في العمل

رنا: بس انت كنت عند خبرتك

امير: رنا مااتفقنا؟

رنا: حاضر شسكت ، دخلت المطبخ تدفي الأكل وقربت له

أمير: ليش الفاصوليا هكذا ناشفة ساع وجهش

رنا شافته سحبتها من قدامه وفت لها ماء ودفتها وقربت له

امير بضبح: مرة ثانية ماتسحبيش الاكل من قدامي هكذا مش انا كلب عندش

رنا: وانت اضبح وعصب وصيح بس لاتغلطش

امير بعصبية: ليش ماقلت؟؟

رنا: ساع وجهي قلت

امير: وايش يعني؟؟ هو اكل مالش كبرتي الموضوع قوي

رما: ولاشي وذلحين دفيتها وخليتها ساع وجهك

امير عصب وقام: قليلة ذوق ومش انتي حق واحد يتغير انتي تستاهلي الاسلوب الاول الدعس اديت لش وجه زيدتي بها

رنا عصبت مثله: لاتدي وجه ، مابين اطلبك اشياء صعبة طلبتك احترام متحملة تعصب متحملة شغلك متحملة اصحابك سيرتهم جيتهم متحملة انك محاصرني بواحدة متحملة كل شي بس مش متحملة تغلط عليا عصب بدون غلط عادددي

أمير: شاخلي لش البيت وانقلع والله انه راحة بدونش انتي والطبيعه اللي تسم واحد، غير ملابسه وتعطر

شل شنطة صغيرة طرح فيها ثياب شل جوازه والكروت وفلوس مخباية معه..

رنا: وين عتسير؟

امير: جهنم ع الاقل ارحم منش وانتي ماعليش اين ماسرت

رنا: عتسافر؟ وانا اجلس وحدي؟

امير: معش التلفون اربعة وعشرين ساعة

رنا: انا فيه لانك مابحد اين المشكلة؟؟ ابحث واتثقف واقرأ كلمني اين المشكلة؟؟ مش مقصرة معك بشي

امير: انا هكذا حر تخطي على مايعجبني مابش يعني مابش ارجع ونتفاهم

رنا: طيب وين مسافر واي حين عترجع؟ امير بين افتجع الليل وانت متأخر خارج مابالك حين تسافر، فوقنا شباب عزابية وحدهم بيجلسوا ضحك وكركرة للصبح

أمير كمل يلبس قفل الشنطة طنشها وخرج وقفل الباب.

رنا جلست تشوفه من الطاقة حق المطبخ نزل من الدرج ، مشيت للبلكونة شافته في الحوش حق العمارة، ومشيت بسرعة للطاقة حق الصالة شافته بيطلع مع صاحبه بتسأل نفسها مسرع اتصل له ومسرع جوا؟

وبيفحطوا وصوت الأغاني ملان الحارررة من سيارتهم !!!

جلست تتفرج للعشاء اللي قدامها ومحتاره في اللي حصل ماعد لها نفس تبقى معه ولا عارفة كيف ترجع ومن تكلم ، تعبت تشكي للاهل ويصبروها..

قامت ترفع العشاء نظفت ، غيرت ملابسها ودهنت يدها وجلست تتفرج مسلسل.. تلفونها هادئ ولا اي رسالة ولا حتى من اللي في اليمن..

نفسها تشكي لحد نفسها تكلم جارتها الوحيدة اللي بتفهمها بس مستحية الوقت متأخر ، فتحت باب شقتها منتظرة جارتها تسمع وتخرج ، شافت واحد من الشباب اللي فوقهم سمع فتح الباب بيتشاقر من بين درابزين الدرج ، دخلت وقفلت الباب بالمفتاح..

بتسأل نفسها ليش بيتشاقرني هكذا؟





📚 @rewayatyamania 🇾🇪

روايات يمنية📚🇾🇪

14 Jul 2025 15:28

.

البــارت 52 >>

بيـن قلبيـن ❤️

👌🏻👇🏻 😍
📚 @rewayatyamania  🇾🇪


سندس بشوية احراج بتلعب باظافرها: اصلا اشتي أسألك سؤال شوية غريب اسأله بس نفسي افهم ماهي ردة فعلك هذه

خالد مستغرب: مافهمت ايش؟؟ قصدش على خطيبش

سندس استحت ضحكت: يووه منك تشتي يدك تقتلع على يدي

خالد: هيا اسألي مااشتيتي انا اخوش صاحبش  قولي اللي تشتيه ولو على خطيبش

سندس: هيا ماذلحين حين بتحانكني شاقرح السؤال بدون مااراعي مشاعرك

خالد ضحكك: يامشاعري. ، هيا لاتراعيها

سندس: ليش رجعت هكذا

خالد: كيف

سندس: اسكت اكمل الحكى لاتقاطعنيش ، ليش لوما نذكر رنا تقتلب صورتك واحسك تتضايق ؟؟ مثل ايام ماكنت تكرهها

خالد سكت شوية

دخلت فجأة

صفية: يو والملعنة سكتة هاربين هنا مامعاكم ، انا جيت عشان اخي وهو سكته ساع السرق يجابر سندس

سندس: جي نبسر السؤال اللي محيرنا من اخوش

صفية: اين هو منهن به خيرات اسئلة

خالد شافهن ضحك: ايش قد معاكن ياجنيات بتحشين عليا

صفية جلست وفتحت كيس الزعقة: هيا توضع عنستلمك للصبح اسئلة

خالد : اول اجاوب على سؤال سندس ، انا مااكرههاش بس غاثي منها ، ليش ماعاملتنيش مثل اخ وعشنا بيت واحد

صفية: بس انتوا مش اخوة وكان بينكم اعجاب

خالد: بس خبالة ايش من اعجاب كنا جهال

صفية: يعني ماحبيتهاش ابدا

خالد: ابدا ، اعجاب وحب طفولة كان مزح الاهل كبرنا ودرينا انهم بيمزحوا

صفية: بس هي صدقت انه مش مزح وحبتك صدق انت اللي قلبت

خالد: عيب عليكن ياخواتي البنت مزوجة وعند الرجال واحنا نتكلم هكذا خلاص مافتح الموضوع هذا ذلحين ، الله يستر عليها ، لو اشتيها ان انا حاكيت جدي بس ماشي

سندس: وليش متضايق الآن انها مابتكلمك عادي تقبل انها مزوجة قل لنفسك

خالد ضحك: كانت تخطي كلامها على البيت كله ، كنت انضرب بسببها من جدي وابي وعمي واصل وهي محارشة على كل شي ، ولما لعبنا وسهراتنا في رمضان في الحوش واكتب لها الواجب واحيان هي تسمع لي ، بيننا ذكريات مثلها مثلكن اخت ، زعلت انها بتحسسني ان انا غريب تتخبى مني ترد السلام بكلفة، وين شخصيتها القوية اللي كانت هنا ماتفرضها على زوجها لو بيمنعها مني

صفية: افرض ماتقدر زوجها وماتشتي تغثيه

خالد ملامح ضبح: طز ماعلينا الله يستر عليها

سندس شافت صفية: بتبسريه؟؟ بيغير ويقل مابش شي

خالد: خلاص انسين رنا عيب البنت بيت زوجها وانتين مابتتحاكين خلاص

حس انه كسفهن حب يغالط الموضوع: جي احاكيش على خطيبش ماتشتي تسألي عنه

سندس: ولاشي

صفية ضحكت: كذابة ، اقله ماقلتي اسأله

خالد شافها سحب شعرها دلا بمزح: هااا بتقلدي عندي الادب
انتي دارية مافعلت به وكيف كلمني (جلس يشرح لها ويكلمها)

@rewayatyamania المصدر الأول للروايات

في الغربة..

رنا جالسة بتشوف امير وهو بيتصل لاخته يكلمها

امير: يعني مابش فيش شي؟

احلام: الا افتجعت قوي دوخت

امير: طيب ماوقع غير الفجيعة

احلام: بين اقلك دوخت

امير: ناهي وصل لش صاروخ شظية يااختي طمنيني الله يرضى عليش

احلام: ماشي يعني ضروري اموت تقلق عليا

امير: إنا لله وإنا إليه راجعون

رنا خافت: مالك من مات؟؟

امير: انا شاموت بعد الاتصال هذا ، بعصبية احلاااام غلقي بس

احلام بتبكي: اقل لك دوخت تقلي مازد وقع يعني ماعد في نفسك يوقع

امير: الحمدلله على سلامتش يااختي عيقطع الاتصال الآن... غلق وجلس

رنا: مالك؟

امير كان يشتي يبدأ يشكي لها كيف ضبحته بس مايشتي يتكلم على اخته عندها: ولاشي غثيت على احلام دوخت وهي واحمة

رنا: اهم شي ماوقع بها شي

امير عصب: بين اقلش واحمة يعني يعلم الله ماوقع

رنا تحسست ليش جالس يكرر واحمة او بيعايرها خافت تبدأ تبان عليها ملامح ضبح او حزن ويتصايحوا حست بتأنيب ضمير انها اللي مابتخلف ويمكن نفسه في ولد قرأت انه افضل طريقة عند غضب الرجال تجاهليه ، بس هي قررت تحضنه تحتوي غضبه

امير استغرب: الله اخيرا بدأتي تفهمي طبعي

رنا: اكيد

امير ضحك

رنا: في نفسك شي؟

امير: لا سلامتش

رنا: خاور اكله؟

امير ضحك: ماشي والله ليش مامعش

رنا: ولاشي اشتي تهدأ تروق ، طيب اعزم خبرتك شافعل لكم عشاء

امير ضحك: والله ان ورا هذا الروقان شي كبير قولي مالش

رنا: يا روحي ياقلبي اطلب منك طلب؟؟

امير: اطلبي عيوني

رنا : مارأيك نسافر الأردن نتعالج قالت جارتي ان واحدة فعلت اطفال انابيب ووحمت

امير: لا

رنا: انت فاهم ايش يعني؟ قرأت عنه الموضوع سهل

امير: ماشي ماشعرضش لمخاطر وتعب عادش صغيرة عادي ننتظر ايش علينا

رنا: نفسي في جاهل قوي وكل ماابسرك تذكر جاهل اقتهر ان انا السبب

امير: مش هو بيدش مابش نصيب يقع لنا الآن وين المشكلة عادي نراعي عادش صغيرة يكفي الادوية اللي قد شربتيها

رنا: طيب وانت؟؟

امير: انا مالي؟

رنا: عادي؟ عتصبر معي

امير: ...





📚 @rewayatyamania 🇾🇪

روايات يمنية📚🇾🇪

13 Jul 2025 16:52

.

المديرة تعتذر لكم عن عدم نشرها لبارتات الامس لانها مريضة.. دعواتكم لها بالشفاء وان شاء الله تعاود لكم النشر بأقرب فرصة

.

روايات يمنية📚🇾🇪

11 Jul 2025 19:53

❤️

بـارتـات يـومنـا الجمعـة 👆🏻😍

روايات يمنية📚🇾🇪

11 Jul 2025 19:50

.

البــارت 49 >>

بيـن قلبيـن ❤️

👌🏻👇🏻 😍
📚 @rewayatyamania  🇾🇪


دق الباب

امير بهرر طرح التلفون في جيبه: يلا سيري الغرفة وقفلي اعجبش مافعلتي عشاء يعجبش تنكدي كل ما عيجوا عندي

دخلت قفل الباب وخرج يفتح لهم..

في غرفتها بتكمل تلفلف كل اشياءها مراعية اي حين يخرجوا غلبها النعاس وهي بالبالطو والمقررمة

@rewayatyamania المصدر الأول للروايات

وقت صلاة الفجر

امير: رنااا ياااي قومي صلي

رنا نكزت شافته: اذن فجر؟ لذلحين هم عندك

امير: مالش رقدتي بالبالطو؟

رنا تذكرت: مراعية تشلني

امير: قومي من اللغاجة ساع الجهال اي حين عتعقلي اي حين

رنا: لوما توقع رجال وتبطل تطرد مرتك

امير: احترمي نفسش حاسبي على كلامش

رنا: ليش بتستفزك الكلمة هذه وانت تصرفاتك كلها مش رجولية نفسي مرة تاخذ قرار لوحدك ماتفعل مشكلة معي الا بعد اتصال لامك لاختك لصاحبك ومرته والا لو قلت اشتي اخرج أو اسافر

امير: ذلحين صلِ ع النبي وهدي الشيطان

رنا: ماشهديش حاجة ولا تحاولش هذه المرة شلني يلاا

امير: بطلي جنان الوضع عندهم مش سوا مانقدرش نسير

رنا قلقت: ليش مابه؟

امير: بنقلش حرب واالسفر حاليا ممنوع لاهانك

رنا بتبكي: عادي شاموت ولا العيشة معك

امير اقتهر: منش صدق؟؟ للدرجة هذه انا سيئ؟؟ للدرجة هذه نكرتي كل شي بيننا

رنا: ايوووه تعبت ماقدرت لك بين اقل عتتغير كل يوم والثاني وانت اخس واخس

امير بنبرة قهر: الله يسامحش بس

رنا: لايسامحنيشش راضية مايسامحنيش اسكه خلي لي حالي انت ولاعمرك حبيتني ولاعاملتني زوجة بتعاملني جارية عندك نظفي اطبخي اسكتي ادخلي غلقي ولاصوت مش هو على ماتشتي ايش العيشة حقك هذه

امير: ولا درستش ولا صابر ثلاث سنين للآن مابتخلفيش وامي بتدحسني تزوجني وانا اقلهم مااشتي الا رنا شاريها بالدنيا كلها مااشتي مرة غيرها في حياتي قدها بنتي ومرتي وكل شي

رنا منصدمة من كلامه وافعاله غير تعبها تناقضه بكيت: طيب ليش بتفعل هكذا ليش ماتوقع في كل شي سوا مااشتيش توقع احسن رجال في الدنيا بس احترمني

امير حضنها: خلاص ياروحي اهدأي والله لاحترمش وعد بحق هذا الاذان لافعل ماتشتي اسكه قلي ماتشتي وانا افعله قلي لي

رنا بعدت منه وبعدت يده: اسمع مش تمكني كلمتين هكذا وبعدا تنسى يلا الآن ايوووه نتفق مااقدرش ارجع مااقدرش اسافر تتغير ماشي والله مستعدة ارجع وحدي واموت سهل راضية

امير مسك فمها: بس خبالة اتكلمي سوا من غير شر

رنا: ماتمنعنيش الخرجة والدخلة

امير: بين اخاف عليش مش انتي دارية

رنا: ماعدناش جاهلة قد كبرت

امير: طيب شاسمح للي اعرفهم نسوان اصحابي

رنا: ماشي وجارتي

امير: حاضر

رنا: تجي واسير عندها

امير: حاضر بس لاتزيدي بها

رنا: تبطل تشكي وتحكي لاهلك وبالذات اختك كل شي اسألني انا

امير: ياهمتاه لش يارنا على شروط بتدي ناااهي

رنا: اقلك تاعبة بطل تعاند احترم تعبي مااقدرش

امير: ماازيد افعل اخرج من البيت

رنا: عادي

امير: او والله انش حقودة يابنت كيف قلبتي عليا ماعد بتحبيني

رنا: ماشي من اين عيجي حب على معاملتك هذه

امير: قلنا خلاص والله بحق هذا الاذان وعد اتغير لو ابسرتي مني شي اتصلي لاهلش وافعلي مااشتيتي

رنا: حلفت يمين وانا والله لافعل هكذا ماتبسرني الا خرجت من حياتك

امير: ارع ارع والتهديدات ازنطي قدش دارية كيف شاريش ومااقدر استغنى عنش

رنا: لو تغيرت اوعدك اتغير واعيشك احلى عيشة غير اللي قد عشناها نتغير الاثنين ونعيش مثل الناس المفتهنين مش ناقصنا شي

امير: ايووه هذا الكلام السوا نتغير كلنا ، شوفي لما تبسريني معصب اسكتي

رنا: ي امير انت كل اليوم معصب تصحى معصب يجي لك نوم تعصب جاوع معصب مارقدت سوا معصب تصدع معصب ينرفزك صاحبك معصب

امير بيضحك: خلاص ارحمي روحش مااتفقنا خلاص

رنا ابتسمت له وسكتت
.
.

في البيت اول ماوصلوا..

كرم جالس معهن في الصالة

اخته ناولته علبة ببسي وحلويات: هذا قسمك ياحريو

كرم: هي ادته؟

امه ضحكت عليه: ماشي امها يعني عمتك

كرم بيحاول يعقد حواجبه ويهنجم: ذلحين كيف هي ماقلتين مش بعدا تطلع شوعة شاخليها عندكن واخطى

امه عوجت فمها: قد سديت انت وصاحبك وبتقلد قبالنا على من

كرم شاف لاخته: هديل من عيشحن لش باقة للواتس

هديل قامت تربعت وجلست جنبه: شعرها يا كرم

كرم تذكر وهو مشعفل: شوعة؟

هديل: ماشي والله يجنن لونه بني وطويل

كرم مطنن سارح الظاهر صبغته هذك اليوم ابسرته ابيض واسود او هو الجدر

هديل: عيونها كبار ورموشها معطوفات ، لما تضحك وجهها يضحك كله

كرم ابتسم بدون شعور من وصفها

هديل شافت اسنانه (هي بتدرس طب اسنان): ارجع جي لاعندي تحتاج تنظيف لثه

خواتها كلهن وامها ضحكين عليهم

كرم رجمها بالوسادة: ...


/channel/+Ecxq_OzMYh40M2E0




📚 @rewayatyamania 🇾🇪

روايات يمنية📚🇾🇪

11 Jul 2025 19:48

.

البــارت 47 >>

بيـن قلبيـن ❤️

👌🏻👇🏻 😍
📚 @rewayatyamania  🇾🇪


في بيت الجد

صفية: رنا بتقلق علينا هي اللي قالت لي

ام رنا: ادي اسجل لها صوت اطمنها (بدأت تطمنها)

وتسجل صوت القارح مرة ثانية

خالد جلس بدون مايحس في وسط الديوان ماسك راسه: معقول ضربوا طايراتنا كلهن !!!

ابوه: خلاص انت تحجز اول رحلة وتسافر لاتضيع دراستك

ام خالد: ماشي خليه عندنا لايوقع به شي

خالد: مدري والله ذلحين نبسر ايش القصة
.
.

ثاني يوم الصبح في مكان ثاني..

امير: كنت ناوي اخذ اجازة بطلت شكلنا ماعنسافرش

رنا بكيت: قلت لك نسير من اول ولاسمعتني ولارضيت فقدت لاهلي جلست تقلي ماشي لما كلمتك امك قلت تمام

امير: اصبحنا واصبح الملك لله انتي تميتي القراية ورجعتي نكدية قومي تمهري والا خلفي توالهي بجاهل بدل ماتدحسيني خرج وقفل الباب

رنا بكيت وداخل نفسها يعني ايش بيعايرني ايش قصده..

جارتها شافت امير خرج ودقت لها الباب

رنا فكرته نسي شي راحت فتحت لها الباب

جارتها: كل مااجي وزوجش يردني من الباب  فهمت انه مايشتيش يخليني احاكيش رجعت راعيت سار وقلت اخورش من هذا صبوح بلدي دافي.. مالش بتبكي؟

رنا: ولاشي بس عيني متحسسة بين ادمع

جارتها شافتها واقفة وماقالت لها تفضلي: طيب شلي الصحن وعاذرة لش لو زوجش مايشتيش ادخل عندش وتجي عندي

رنا انحرجت: ادخلي الله المستعان مش هكذا مانرد حد من الباب

جارتها دخلت: ماشاءالله قلت اخورش وانش قد بكرتي وطبختي

رنا باحراج: عادو سار مالحقت ارفع بعده، اجلسي نصتبح سوا

جارتها: الصدق فقدت حسش من حين تميتي المدرسة وماعد ابسرتش ، اخرجي يابنتي غيري جو تعارفي مع الناس في العمارة نسوان خيرات كلهن بيعتبين عليش اللي مات عمها وماعزيتيها قد لش ثلاث سنين ولا وقفتي مع حد انا دارية انش صغيرة بس عترجعي اليمن بيت زوجش وجيرانش ضروري توقعي انسانة تميز الناس

رنا: زوجي مايعجبه الدخلة والخرجة وانا محترمة طبعه

جارتها بضحكة واخذ الموضوع ببساطة: هيا ناهي ثلاث سنين وماقدرتي تغيريه ، الظاهر عودتيه كل شي حاضر تمام

رنا: يعني اقله لا واخالف كلامه

جارتها: اللي يسبر تمام واللي مايسبرش مش بالعناد هكذا تخالفيه بس اجلسي بعده لما يرضى

رنا: صعب

جارتها: ايش عيحصل يعني ماتتوقعي يفعل

رنا: يطلقني

جارتها شافتها: طيب يابنتي الموضوع هذا يشتي له مجابرة مرة ثانية وانا ذلحين وعدت واحدة نسير السوق عتجي معنا؟

رنا: ماشي بس تسلمي قوي على زيارتش

جارتها على خرجتها من الباب مسكت يدها: ولاتخافيش لو دري اني جيت خليه يتقبل ويتعود انتي مش طير تنحبسي وسط البيت هذا تمام.

رنا حست باحراج منها: لاعادي مابش شي.

@rewayatyamania المصدر الأول للروايات

في اليمن..
خالد جاوب كرم في التلفون: ليش اخرج من صباح الصبح؟ يامجنون كيف جيت

كرم: عادي مابش شي الصبح وقع هدوء وجيت اخرج اقل لك ماوقع بي شاتراشاك هيا

خالد مشط شعره تعطر بسرعة ولبس الشميز وخرج

في الباب جالس داخل السيارة شاف خالد نزل

خالد خرج ومد يده يسلم عليه

كرم: ابسرت ياصاحبي الودافة ماعنفعل

خالد: وانا بين اقول مالك بكرت من صباح الصبح

كرم: ايوه ذلحين كيف نفعل واحنا سجلنا نبدأ بعد شهرين

خالد: عتبسر ماعيقع شي مثل كل مرة شويه بلبلة وكل شي يهدأ

كرم: على الله

خالد: هيا طفي السيارة وجي نصتبح

كرم محرج يدخل بيتهم: ماشي جيت ادي لك هولا من مزرعتنا فتح باب السيارة وخرج سلة تفاح كبيرة

خالد شافه: ادخل مالك

كرم بجدية وتوتر: ماشي مستعجل

خالد: مايسبرش والله ترجع قلص بن طيب

كرم باحراج: ماشي لو في نصيب شادخل البيت هذا انا واهلي ان شاءالله

خالد بملامح جدية: ماتجي تفعل انت واهلك

كرم لفت له: منك صدق؟ مش حاكيتك اشتي اناسبكم

خالد بملامح غضب هزره من الشميز حقه وبصياح: انت مابتستحيش تقل هكذا المرة الاولى سكت لك ، وعاد انت جاي بالتفاح رشوة او كيف تفاح يانذل

كرم مصدوم  مسك يده يبعدها: خالد صلِ على النبي مالك! انت سكت يعني وافقت حسيتك مالك معصب ذلحين

خالد قرح يضحك لف يده حول كتفه وبيضرب ع كتفه دلا: حد يجي يخطب بتفاح هاا من صباح الصبح

كرم ضحك: الصدق مادريت كيف اجي اذكرك بالموضوع قلت تطعم التفاح حقنا بس والله ياكلب اني خورتهن لك حين يعجبك

خالد: ماقصرت والله اسلم، ذلحين ماعتدخل

كرم اشر بيده وهرب طلع السيارة: كلم الاهل امد ادي اهلي قد حاكيتهم انا

خالد: على ايش مستعجل خلينا نبسر الحرب هذه ماهي وكيف

كرم شغل السيارة: ناهي نبسر امورنا وأمور البلد كل شي في بابه

خالد ضحك اشر له يودعه: الله معك

رجع للحوش والسلة التفاح بيده

سندس: يوه ليش خسرت نفسك يااخي مانفعل بهذا كله

خالد هذا اداهن خطيبش

سندس استحت: هيا ناهي لكم

خالد: جي مااحاكيش اجلسي

سندس جلست مستحية

خالد فتح تلفونه...



/channel/+Ecxq_OzMYh40M2E0




📚 @rewayatyamania 🇾🇪

روايات يمنية📚🇾🇪

11 Jul 2025 19:46

.

البــارت 45 >>

بيـن قلبيـن ❤️

للكـاتبـة: عبيـر الكبسـي

👌🏻👇🏻 😍
📚 @rewayatyamania  🇾🇪


خالد جالس سارح وبيفكر كيف له عاده ذاكر لها من هذك المرة ومن نظرة ذكر انه كان خايف وذكر شكل سندس ولما قالت له صيحت ضحك وبينه وبين نفسه كرم اللي مايعجبه العجب وينتقد شكل كل بنت يشوفها يشتي سندس بيفكر فيه اخلاق ملتزم بصلاته في وقتها ومخطط لمستقبله شخص مش حق بنات وسهرات من بيت ناس محترمين وقف تفكيره هنا ورجع غرفته يتجهز للسفر..
.
.

في الغربة..

رجع امير من عند اصحابه..

رنا جالسة ماسكة التلفون بتراسل امها ومرة عمها

امير: من حين سرت وجيت وانتي فوق التلفون

رنا : والله قوي فارحه كنت فاقدة لهم قوي كأن انا معهم

امير: قلتيها بفمش كأنش معهم لاتشغليني سفر

رنا شافت رسالة من امه: جاوب عمتي

امير فتح تلفونه ورسل لامه: العفو ماانتبهت رسايلكم كنت خارج

امه: اي حين عتجي عاد معك ام والاخلاص قد مرتك عندك نسيت اهلك

رنا بتسمع معه تسجيل الصوت بس مازعلت ماسكة نفسها لاتضحك يعلم الله صفية ايش قد حرقت دمها

امير: الله المستعان خلاص عشان خاطرش يمه اشل اجازة ووعد تبسريني عندش انتي الاصل قلك مرتي

رنا شافته بنص عين مسرررع غير رأيه بكلمة منها !!!

@rewayatyamania المصدر الأول للروايات

بعد يومين موعد وصول خالد من السفر .. ابوه اعمامه عيال عمه واخوه كلهم في المطار مراعيين له

بعد استقبال وفرحة بوصوله بعد سنوات

في بيتهم

صفية: خالد عيوصل اليوم قد ساروا صنعاء ابي وابوش واعمامي

رنا: صدق هنيت له واحنا جايين بس في عيد عرفة خطتنا نفعت

صفية: ايوه

رنا: قوا صوري لي كل شي اشتي احس ان انا معاكم

صفية: من عيني


بعد ساعات وصلت رسايل وصور وفيديوهات

رنا شافت الفيديوهات والاستقبال وبيقرحوا له ويحجرين كلهن جالسة تدمع وهي مبتسمة فارحة شافت امير جاي يجلس جنبها مسحت كل شي بسرعة وداخل نفسها الله يسامحك يا امير حارمني حتى ابسر بسرة عادية بتخليني كأن انا فعلت حاجة

امير: اسكه ابسر تلفونش

رنا ناولته

امير: جالس يقلب فيه ورجعه لها

رنا: وتلفونك اسكه ابسر كيف هو

امير ناولها

رنا شافته مقفل ناولته: افتحه

امير: ليش ابسريه من خارج

رنا: اشتي اشوف من داخل البرامج كيف

امير سحب التلفون من يدها: والله ان انتي جاهلة ياسعم سع ماشليته منش ابسر تشتي تبسري

رنا بصدمة: امير بطل هبالة مالك والله ماقصدي هكذا ، اشتي ابسر مامعك من برامج بس عشان احمل ساعك

امير ضحك: تحمل ساعي ياااي لاتزيدي بها اديت لش تلفون تتواصلي مع اهلش من الشغلة كل شوية اتصالات انا معي برامج ممنوع تدخلي فيها

رنا:  مثل ايش وليش ممنوع

امير بابتسامة: مثل ايش مثلا هذا البرنامج الفيس بوك فيه كل الناس رجال نسوان كل شي مختلط ، ممنوع لانش حقي وحدي

رنا ابتسمت له: طيب محد عيشلني عليك انا حقك وحدك ، بس يعني انت مصاحب للبنات ؟؟

امير: ياسعم بتغيري عليا

رنا: مع مش غيرة مقصدي انت عندك بنات

امير: ايوه بس انا مابين ادي وجه لحد

رنا ماسكة اعصابها من انانيته: طيب ينفع ترفضهن والا ماتقدرش

امير: الا ينفع مااقبلهنش بس عادي مابش بيننا شي

رنا: تمام يعني ينفع افعل لي حساب ومااقبلش حد

امير: لا مابش داعي اهلش ماتطوروش للدرجة اللي يحملوا فيس بوك يكفيش واتس

رنا ماتعرف البرنامج ماكان فارق معها: تمام
.
.

ثاني يوم في بيت اهلها

امه: ماشاءالله ياابني كبرت تغيرت

خالد ضحك: الله يحفظكم كم انا فاقد لكم

ابوه: كيف الدراسة معك ذلحين كملت

خالد: ايوه بس شاواصل ماجستير ودكتوراة نكمل التعب

ايوه كيف انتوا كلكم ، شاف سندس

سندس بتشوفه: ولاتبارك لي

خالد خاف شافهم: او انخطبتي؟

ابوه: ونخطب بغير رضا اخوها انت اول واحد تعرف

سندس ضحكت: مراعية للعريس ع يدك واحد بطيبة اخي

جدتها رجمتها بالمسبحة: استحي ع نفسش وين الخزا والحياء استحي من ابوش واعمامش

خالد شافها جالس يضحك

فؤاد: من المجنون اللي عيرضى بهذه

خالد: ذلحين على ايش نبارك لش

سندس: تميت الاعدادية ونجحت ذلحين اول ثانوي

خالد فرح وبابتسامة: كم المعدل

صفية بتأكل بنتها ضحكت: ادت اثنين وسبعين

خالد: ماشاءالله مبروووك

صفية: بس انت داري رنا ماشاءالله عليها قريت هانك ، وادت معدل كبير في التسعينات وعلمي

خالد بانبهار: ماااشاءالله رنا هذك المجنونة المعاندة كان اذاكر لها وتشتي تحل على طريقتها صميل

جده: ياعيبتك عليها ، رنا هذه روحي لحد يغثيني فيها والله ان قد فقدت لها

خالد: يعني ارحلي

سندس: خالد

خالد: انتي ذلحين يابنية كم عمرش

سندس: ١٧

خالد: تمي قرايتش

سندس: ليش بتسأل

خالد لفت للكل مجتمعين جالسين وشافهن هي ورفيدة: خاوور من حقكن الشاهي حليب عتفعلين لي

سندس: بعيني هيا رفيدة جي ساطيني ( شجعيني) افتجع

رفيدة قامت معها ونزلين


/channel/+Ecxq_OzMYh40M2E0




📚 @rewayatyamania 🇾🇪

روايات يمنية📚🇾🇪

11 Jul 2025 19:45

.

البــارت 43 >>

بيـن قلبيـن ❤️

👌🏻👇🏻 😍
📚 @rewayatyamania  🇾🇪


...بعد ثلاث سنوات...
امير: هذه هدية نجاحش خلصتي الثانويه وامتياز ماشاء الله عليش

رنا فررحت حضنته: اخيرا تلفووون

امير: ومش اي تلفون ايفون

رنا: يعني كيف

امير: اضخم شي

رنا: ينفع فيه واتس

امير: ينفع ونص ، جي اجلسي قد حملت لش البرامج فيه جي تفعليهن راسلي اهلش

بعد ماحملت الواتس وظهر ارقام صفية سندس رفيدة عمتها امها ابوها فرحت وجلست تراسلهم
صفية رسلت لها صورة بنتها

رنا: هذه من؟ تشبهش بنتش؟

صفية: بنتي

رنا: يوو ماشاءالله

صفية: وانتي يا رنا طمنيني ماقد معش؟

رنا حست بزعل: ماقد كتب الله

صفية: تعالجتي؟

رنا: ايوه مابقيت دكتورة

صفية: سهل اي حين ماجا من الله

امير: راسلي امي

رنا بتضحك: تمام راعي ارد عليهن كلهن بيرسلين نفس الوقت ربشني

امير : اول امي رسلي لها

رنا خرجت من المحادثة: حاضر

امير بيشوف الاشعارات فوق مجموعة العائلة رقم مختلف دخل المجموعة وشاف صفية بتكتب ابسرت بنتي ياخالو خالد رسل بنبرة: ماعد باقي الا هذه

رنا: ايش؟

امير: خالد ايش بيفعل هنا اخرجي من المجموعة يلا

رنا: ليش

امير عصب: ليش ماعدلا تتواصلي مع خالد

رنا: طيب شاخرج

امير عمل لها مغادرة من المجموعة وناولها: شدخل ارقد شوية

رنا: تمام

امير: مابش خالد وعيال عمش

رنا: حاضر

@rewayatyamania المصدر الأول للروايات

في ماليزيا..

كرم جالس يلوي: ياخالد

خالد: مالك

كرم: مع من بتتواصل؟

خالد: اهلي

كرم محتار ايش يفعل: اها

خالد: نسيت اقلكم حجزت اليمن شاسافر

كرم بهرر: اي حين حجزت ياكلب ولا تتحاكى

خالد ضحك: اليوم

كرم: مش اتفقنا نكمل ماجستير

خالد: ايوه اسير زيارة وارجع يااخي قدلي ثلاث سنوات ماسرتش بين اجمع

كرم: عتتزوج؟

خالد: اخطب

كرم: ليش؟ وخطيبتك

خالد: يهياه قد فسخت كم لي

كرم: ليشش؟؟

خالد: رفضوا تسافر معي يشتو ارجع واستقر ومايشتوا خطبة طويلة قلنا الله معاكم

كرم: وانت ليش ماترجع كنت عتكمل في اليمن

خالد: اشتي اكمل دراسة قد تعبت وتغربت ارجع عشان زواجة بعقلك

كرم: طيب نروح نخطب سوا

خالد: طيب الحق احجز اليوم عشان نكون على نفس الطيران

كرم: يارب الحق طيب هات تفاصيل رحلتك اين تذكرتك..
.
.

في مكان ثاني..

امها بتصيح فوقها: وانتي تشتي تحنقي وقتلتي روحش جاهل بعد جاهل مرة اخوش حاذقة بتتملعن انها مابتخلف امد ماكملت تدرس وانتي قد معش اثنين في ثلاث سنوات وحانقة

احلام: ماافعل يمه مش هو حق عيشة رقدة وتخزينة وكل شي احتاجه اطلبه من ابوه وامه تعبت

امها: مابش رجعة والله لايقلع ابوش عينه

احلام: وهذه مالها ماترجع تعاونش تعب عليش وحدش

امها: اخوش خلاص قد مخه مغسول اسكه ادي تلفونش احاكيه يديها ويسير له ساع الناس كلهم يكون يجي يبسرها ويسير

احلام: ها هذا تلفونش يمه وصلت لش النت

امها: من بتحاكي ؟؟ او زوجش

احلام خافت من امها: ماشي حانقة منه وبتمسح رسايله هددها: لوماجيتيش اجلسي بيتكم وانا اسير الآن ادي الثانية

امها: من بتحاكي

احلام شافت رسالة من رنا: مرة اخي

امها بتتهجى الاسم: ابسري رسلت لي؟؟ رنا

احلام شافت الرقم: ايوه هي

ام احلام رسلت لها تسجيل صوتي: كيف انتي وامير وين هو

رنا: راقد

ام احلام: او مريض؟؟

رنا ردت على صفية: صدق مجتمعة في بيتنا؟ صوري لي كل شي مابتاكلوا وجدتي خليها تحاكيني

ردت على ام احلام: ماشي مش مريض

ام احلام: ليش بتتأخري في الرد؟

رنا: بين احاكي اهلي عاد اليوم وقع لي التلفون فاقدة لهم قوي

ام احلام: اهااا وانا اقول مالابني رقد ضابح اكيد وانتي مفلتة له

رنا كتبت لها: اصلا من حين تزوجت وهو فوق اللابتوب والا عند خبرته وانا عاد انا اليوم الا حاكيت اهلي.... وحذفت الرسالة...

مش هو ضابح لما يقوم اسأليه ياعمه

ام احلام: ها ماذلحين عيعلمنها كل شي كان ابني مفتهن عتبسري حين يغيرنها

احلام: اكيد بتبسري صفية على عيشة عايشة احسن من عيشتي مع ابن المدينة

امها: تستاهلي قلت لش من البداية خطي كلمتش بطلي تستمعيه في كل شي ، لاتفلتي لحقش مكنيه طلبات مابتسمعي ماوقع لش من زلط اديتي له وهو ولابيعبرش لاوقع له زلط خزن بها

احلام: ذلحين هيا مش وقت ، عنتأخر هيا نسير عيد ميلاد بنت صفية

امها: هيا البسي ها ماعد بندرا اخبار اخوش ومرته الا منهم مابتحاكينا بشي
.
.

في الغربة..

رنا شافت امير: مسرع

امير: اتصلوا لي خبرتي عنخرج

رنا: مش اتفقنا اليوم نخرج نتصرف لرمضان

امير: مش وقت لبكرة

رنا: امير

امير: افعلي لي شاهي سريع

رنا: حاضر اسمع اشتي اقلك شي

امير: ماهو

رنا: مارأيك نسير اليمن؟

امير: ماشي

رنا: ليش؟

امير: مانسير نفعل ضبح

رنا: نبسر اهلك واهلي فقدت لهم قوي

امير: انا هانك بين اضبح مابش معي خبرة ساع هنا

رنا: طيب نبسر اهلك

امير: ...





📚 @rewayatyamania 🇾🇪

روايات يمنية📚🇾🇪

11 Jul 2025 19:43

.

البــارت 41 >>

بيـن قلبيـن ❤️

للكـاتبـة: عبيـر الكبسـي

👌🏻👇🏻 😍
📚 @rewayatyamania  🇾🇪


امه: ابسر جدتك تدي لك من حقها الخلطات

خالد: ماشي مااشتيش حق جدتي الخلطات حق السحرة

جدته كانت قد سحبت السماعة سمعته: قلعوا عينك يا مشعوذ هيا اطفح والله ماتشم مني وصفة خليك لوما تبطل لقانة

خالد بيضحكك: قوا أنقذوني خبرتي عيموتوا ويحبسوني

اصحابه بيضحكوا

كرم: قلك سحرة يااخي اتصل بابن عمك الدكتور

سام: قد قلت لك قال مع جدته مدري كيف على كيف
.
.

في مكان ثاني في العيادة..

الدكتورة: ماعند زوجتك اي مشكلة

امير: الحمدلله

الدكتورة: بنعطيها فيتامينات لان وزنها اقل من الطبيعي تحتاج تهتم بنفسها اكثر ويفضل ماتستعجل بالحمل والولادة

@rewayatyamania المصدر الأول للروايات

خرج من عند الدكتورة: ايش خاورة عشاء؟

رنا: ولاشي شابعة

امير بممازحة: لو شابعة شاتصرف تعشي اصحابي

رنا لفتت له بنظرة: معي بكرة اختبار

امير ضحك: تمام بين امزح ، خلاص مافي نفسش تتعشي

رنا: اي شي تشتيه

امير بيسوق ويتلفت للمطاعم جنب عند مطعم شامي: طيب هذا المطعم ضخم ، مارأيش مشاوي وسلطات و

رنا: تمام

امير نزل طلب الاكل سفري وهو منتظر شاف محل ورد مقابل الشارع ، راح قطع الطريق

رنا بتشوفه مستغربة وين رايح! بعد السيارات ماوقفين جنبها اختفى ماشافته

امير اشترى ورد وهدية وماشي وفي يده كيس هدايا..
بيقطع الطريق

وسيارة مسررعة....
.
.

في مكان ثاني..

احلام: ذلحين انت عيشتك كلها تخزن من بعد المغرب للصبح والنهار كله نوم

رزق: عتحاسبيني على عيشتي وانتي مادخلش ياسعم من جيبش

احلام: وشغلك؟

رزق: يهي يهااااه ماعليشش من شغلي مقصر عليش في شي؟

احلام: ماشي بس

رزق: بس ولا كلمة

دق باب غرفتهم اخته ودخلت

اخي ياروحي فقدت لك: عندش مانع يامرة اخي اسرق اخي منش يوصلني

رزق: اين

اخته: عرس

رزق: هذا الساع

اخته: ايوه حاكيت ابي ورضي

رزق: تمام

احلام شافته واستغربت ذكرت من شروطه اللي قلها (مااحبش مرتي بعد المغرب خارج البيت)

اخته شافت احلام: يووه لو معي كرت ثاني كان شليتش بس ماادوا لي الا كرت

احلام: سهل مااشتيش اسير

رزق: ومن اللي بيعرس آخر الليل

اخته: يااخي لاتزيد بها هو من الساعة خمس

رزق: بيأذن مغرب الساعة ٦

اخته: يوووه يارزق هيا شلني

رزق: تمام يلا اخطي

احلام : اجي معك؟

رزق: انزلي ابسري امي وابي لو يشتوا شي وجهزي لي اكل وبقعتي لوما ارجع وانا شرجع ذلحين

احلام داخل نفسها: عروسة مافهموه اهله انه لازم شهر الحريوة ماتفعل مهرة
.
.

في صنعاء..
علي وصل هو وصفية

صفية: يووه ذكرتني ايام زمان حين كنا نجي كلنا صنعاء لو في عرس عند حد من الاهل كنا الجهال كلنا نطلع في سيارة هايلوكس والنسوان يتزاحمين وابي وعمي قدام الله على ايام

علي ضحك: يعني كنتي مجنونة

صفية: للاسف ماشي كنت العاقلة يمكنوني انتي كبيرة واصدق اتأدب بكل قوتي

علي بيضحك: يوه مااحلى خفة دمش يامرتي

صفية ضحكت: حالية منك كلمه مرتي

علي: ابسري انا صدق من حق القرية بس كنت اقول لوما اتزوج شاحبها وشاعيش مرتي احلى عيشة

صفية: الله يخليك لي ومايحرمني منك

علي: كيف اخوش خالد مارأيش تتصلي له

صفية فرحت: بس مااشتيش اخسرك

علي ضحك ومسح على شعرها بيتحيلا لها: خسريني فداش وكل شي معي حلالش

صفية اتصلت له..

خالد سمع صوت بنت: من معي؟؟

صفية: معجبة

خالد: صفية

صفية: مسرع بعتني ونسيت صوتي ياعيبتك عليا

خالد: من زوج زلج ماعرفش

صفية: مابش هذا الخبر شاجلس على قلبك ادحسك واهرمك ومااستغناش عنك

خالد: كيف انتي وكيف علي

صفية الحمدلله بيسلم عليك..

علي سحب السماعة وبيكلمه ويسأل عليه..

خالد: غلقي شاتصل انا.. قفل

خالد: ياخبرة من معه كرت بسرعة سلفوني

كرم: اسمع لك هذا اللي اكلنا امس عصيدة قلك نوفر مطاعم وذلحين بيدور كروت

سام ضحك: معي بس تديه بكرة اشتي اتصل لاهلي

خالد: ناهي اقطبني ياهور ياسعم شافحط..

سام: وعادو بيقالع

خالد: غصبا عنك والا اقلك.. قام يدور في درجة وشل الكرت يعبيه

سام ضحك: طيب هيا ياكرم نخرج يجابر براحته لو في قلبه دمعتين ينزلهن شكلها الحب

كرم: اي حب هذا مابش معه قلب

خالد وقف وبيدهفهم من الباب: اخرجوا حشوا عليا خارج خلوني اجابرها هي كريمتي ياجن..

خارج الباب وهم نازلين لحديقة السكن

كرم تذكر سندس وبيضحك

سام شافه: سلامات مالك قد عتجنن؟

كرم على نفس السيرة اللي كان سارح فيها: طيبين قوي اهل خالد

سام رفع حواجبه: وايش اللي مضحك في الموضوع لو طيبين؟

كرم انتبه لكلام سام: ها..قصدي شفت كيف قاموا بالواجب معنا؟

سام: ايوه اي حد يفعلها يعني عادي مالك متجمل

كرم: يااخي مالك جلسنا عنده ثلاث ايام او بتغير

سام: هيا ناهي اغير ليش حبيبتي او كيف بين اقلك اي حد يفعل اللي فعلوه

كرم: ماعلينا ذلحين تلعب كرة

سام: نلعب هيا





📚 @rewayatyamania 🇾🇪

روايات يمنية📚🇾🇪

10 Jul 2025 22:06

.

البــارت 40 >>

بيـن قلبيـن ❤️

للكـاتبـة: عبيـر الكبسـي

👌🏻👇🏻 😍
📚 @rewayatyamania  🇾🇪


نزلين ومشين وصلين للمدرسة..

وفي شلة بنات واقفات بيورين صاحباتهن الاكسسوارات والثانية بتوري صاحبتها كيف فعلت لها اكسسوار للقلم

رنا الوحيدة جالسة متباعدة من الكل بتشوفهن وتهني لهن ماعندهن مشاكل ولا زوج ولاهموم ومش ممنوع عليهن يكلمين ويصاحبين حد، حتى ان عاد بعضهن بيوصلوهن آبائهن وامهاتهن..

رن جرس المدرسة ، بدأت الحصة الأولى..

الاستاذة بدأت تشرح وحاسة في هدوء متعودة مشاركتها شافتها: رنا

رنا كانت سارحة تتذكر كيف بيعاملها ليش قفل في وجهها ، ليش سجلها المدرسة وبيحاول يشغلها كل يوم عن المذاكرة والدوام، ليش فيه هذه التناقضات !! هو يحبها او يكرهها ايش يعني منه بالضبط

الاستاذة ثالث مرة تدعيها: رنااا

رنا لفتت لها: ها

الاستاذة: اطلعي جاوبي السؤال حلي التمرين

رنا طلعت وكتبته بسرعة بدون اي صعوبة 

الاستاذة: براڤو عليكي طيب احنا وين وانتي كنتي وين ، ركزي معايا... فين مشاركتك اليوم

رنا خرجت من تفكيرها وتحمست مع الاستاذة ركزت وبدأت تشارك وتجاوب

@rewayatyamania المصدر الأول للروايات

بعد ماوصلت البيت..

امير: هيا وين الغداء الساعة ٢ ليش تأخرتي

رنا: كان معنا نشاط آخر الدوام

امير: نشاط فلسفة بعسسة مابش كملتي تروحي

رنا: هو مع الاستاذة

امير: طيب وين الغداء والا خلاص انا عندش كلب ترجمي له اي شي

رنا: ايش من كلب مالك ليش بتحلقها هكذا ايش في!؟ في غداء الآن اصلي بسرعة امد مايدفى واقرب لك

امير: والله لو انتي مهتمة على صلاتش كنتي صليتي هانك ظهر ، دفي الاكل يلا سريع قلت لش جاوع

رنا ماسكة نفسها قبل مايعصب دهفته وقربت له

امير مافهم انه مطبوخ من قبل فكر طبخته الصباح رجع يهدأ: كنتي عتقلي لي انش طبختي الصباح بدل مااصيح فوقش

رنا داخل نفسها ماكنت اشتي اكذب عليك بس طلعت اخس من الجاهل يقدر حد يضحك عليك بسهولة عتضطريني يا امير اعاملك هكذا للاسف: نظفت ورفعت وجهزت كل شي

امير ابتسم: تسلمي امس لو تبسري كيف تضاربوا على الاكل اعجبهم قوي ماعد بيخلوا لي حالي دحس يجوا عندي

رنا ساكتة: شبعت؟

امير: الحمدلله

رنا رفعت الاكل: انا رايحة اصلي

امير: صلي وجي احكي لي كيف المدرسة وايش بيحصل من حين توصلي لما تروحي

اتصلت له امه بعد سلام وكلام..

امير: ايوه ، ماشي ، مش هي حامل

رنا كملت تصلي خرجت وهو بيكلمهم

امير: وانا مادراني

ام امير: ادي احاكيها انتي جالسة حسش عند القراية واللي تزوجين معش قدهن واحمات بالثاني اي حين عتدي لابني ولد قد نفسه عتخرج كيف قهرتيه حسبش الله

رنا مستغربة: وانا ماقلت هذا من عند الله

ام امير: سيري لدكتورة قلك ماقلت ، لاي حين يراعي لوما تتمي المدرسة

رنا: ها حاكيه هو ، ناولته السماعة..

امير: تمام حاضر شاشلها

رنا دخلت غرفتها وهي خايفة ، يعني هي فيها مشكلة؟؟ صح كل اللي تزوجت معهن وحمين بس اكيد مش مشكلة لو شي ان امها وعمتها سألنها..

امير دخل: تجهزي العصر نسير

رنا: حاضر
.
.

في مكان ثاني..

ام زوجها: هذولا المفاتيح حق بيت عمك قالوا تسير صنعاء تتفاقد البيت لوما يتموا علاج من الخارج ويرجعوا

ابنها: وانتي جي معنا

صفية: عتجلسي وحدش؟

ابنها: يا خطينا سوا ياجلسنا

امه: مااشتيش اضيق عليكم سيروا افتهنوا اخرجوا

صفية: ماشي ياعمه مانخليش وحدش ونسير

عمتها سارت تجاوب الباب

زوج صفية شافها مبتسم متجمل: صدقيني طيبتش هذه مع امي ماانساهاش العمر كله اوعدش اطرحش تاج فوق راسي اعيشش ملكة يا بنت الأصول
.
.

في ماليزيا
خالد بيطبخ وبيضحك: يوو لو يبسرني جدي وانا بين اعصد ماعيفعل بي

كرم: يااخي اعصد بيدك مالك بتلف بكلك ساع الجمل

سام شافه ماقدر يمسك نفسه ضحككك عليه

خالد: جي اعصد انت ورينا عضلاتك هيا

كرم جاء يعصد ضحك: يااخي زيد لها ماء قدها ساع الحجر

سام بيضحك: مجانين من يزيد ماء انا كنت ابسر امي تزيد لها زيت

كرم فعل الزيت: صح كلامك مالها شي

خالد بيحركها: زيد

كرم بيسكب الزيت

خالد: مالها رجعت هكذا ساع اللبان

سام: اكيد انتوا ماعتعرفوش تفعلوا شي

كرم: خلاص يكفيها جاوعين غطيها بالمرق وناكل

اكلوا وبعد نص ساعة....

بطنهم بتمغصهم...

خالد اتصل لأمه: يمه اكلنا عصيد وبطننا مغصتنا منها؟

امه: يو ياابني مانضجتوهاش سوا خليتها بين الماء خيراات؟؟

خالد: مابلا زيت

امه: يوووه زيت بس

خالد: شويه ماء والباقي زيت

امه ضحكت: يو ياابني مافعلت في روحك

خالد: مانفعل ذلحين هنا الطب شمات

امه: ابسر جدتك تدي لك من حقها الخلطات

خالد: ماشي مااشتيش حق جدتي الخلطات حق السحرة

جدته كانت قد سحبت السماعة سمعته: قلعوا عينك يا مشعوذ هيا اطفح والله ماتشم مني وصفة خليك لوما تبطل لقانة

خالد بيضحكك: ...


/channel/rewayatyamania/55248



📚 @rewayatyamania 🇾🇪

روايات يمنية📚🇾🇪

10 Jul 2025 22:05

.

البــارت 38 >>

بيـن قلبيـن ❤️

👌🏻👇🏻 😍
📚 @rewayatyamania  🇾🇪


امير فرح اتصل لامه: يماه لو المرة مغثية يعني واحمة؟

امه فرحت: اخيرااا كم تراشيتك ابسر حفيد

امير: يعني واحمة؟

امه: اكيد ، بس زيد افعل لها فحص

امير: تمام حاضر الآن اشلها.. قفل ودخل للغرفة: تجهزي نسير المستشفى

رنا: اين اسير! مااشتيش افتجع

امير: هيا جي نفعل لش فحص قالت امي حمل

رنا فرحت: صدق؟؟

امير: ضروري نتأكد هيا

رنا: تمام حاضر..


بعد ساعات طلعت نتيجه الفحص

امير: يووه لو مايطلع وحام بحق انتظاري هكذا مدري ماشفعل

رنا خافت: ليش

امير: لاني فرحت قوي

رنا: وانا والكل فارحة اكيد حمل هكذا الاعراض

امير: يلا شاسير استلم النتيجة

رنا قامت واقفة متحمسة شافت ملامح وجهه وهو بيمشي معصب مسك الورقة بيده رفسها ورجمها في الزبالة

امير: مابش حمل اخطي

رنا بكيت اول ماعرفت

امير شافها بتبكي صيح: ليش بتبكي ذلحين

رنا: كنت فارحة

امير: وانا كنت فارح بس معوضين

رنا: ان شاءالله

امير: ذلحين شانسيش وانسى الضبح هذا اقلش كيف

رنا: كيف

امير بيتصل لاصحابه: انا ضابح قوي

صاحبه: قلنا لك لاتتزوج ماصدقت

امير ضحك: تغديتوا؟

صاحبه: ماشي

امير: وانا والكل ، عتجوا نتغدا سوا

رنا لفتت له

امير شافها وطنش: يلا كلم البقية

رنا شافته غلق: عتسير مطعم؟

امير: لا طبعا عتطبخي انتي

رنا بضبح: انت داري ان انا تاعبة

امير: التعب يدي تعب لما تتحركي وتتمهري عتصحصحي

رنا اقتهرت منه وحست كأنه بيعاقبها لانها مش حامل: ماشطبخش

امير ضحك: هكذا في وجهي

رنا: ايوه كان كيف اشاورك

امير: والله قد لسانش طول يشتي له قص

رنا: ماشتكلمش وياريت تسكت انت والكل الاثنين معصبين ومحد مضطر يتحمل الثاني

امير: مش منش هذه الصاحبات علمنش اللقانة يعلم الله مابتشكي لهن ماكنتيش هكذا

رنا: انت داري انه عيد زواجنا اليوم ولا حتى قلت كلمة

امير: قلك عيد قلك هدار وانتي خبلا بتصدقي اي شي تسمعيه

رنا سكتت

امير: مايفعلوا في العيد هذا معمول والا عسب .. وضحكة استفزاز

رنا بتتفرج من الطاقه وهو بيمشي

امير: مااتصرف؟

رنا: شلهم مطعم

امير: حرام وطلاق انهم عيجوا يتغدوا البيت هيا مارأيش لو ماتبطلي راسش اليابس هذا

رنا: حاضر ، وقف السوبر ماركت ششتري اللي احتاجه انا

امير وقف وهو بيفحط معصب: نسوااان مايجين الا بالعين الحمراء

رنا نزلت: اول شي اشترته كرت اتصال خبته في الشنطه ورجعت تتصرف

امير بعد ماجنب السيارة نزل لحقها لداخل شل الاكياس ومشيوا للسيارة

@rewayatyamania المصدر الأول للروايات

في اليمن..
خالد في طريقه المطار وفي أمن منتشر والوضع مش طبيعي مثل كل مرة: اسمع يا اباه انت ارجع وانا اشل سيارة انا والخبرة وخطينا

ابوه: ابدا

خالد: والله لاترجع ماشي ماشاسافرش والله ماادي خطوة

ابوه شافه مصمم وبيحلف نزل وخلاهم يطلعوا تكس ونقل الشنط
.
.

في القرية..

ام خالد جالسة تبكي بعد ما سافر خالد ورجعت صفية بيت زوجها بعد الحفلة

ام رنا ذكرت رنا وبكيت معها

سندس: هيا بس لكن بكاء

ام خالد: ربينا وتعبنا وكبرنا ومسرع كبرتوا وبيفضى البيت علينا

سندس ضحكت: باقي انا ورفيدة

ام رنا: مابش لكن زواجة انتين

ام خالد شافت اتصال لدولي رقمها جاوبت: الو

رنا: ياعمه انا رنا لو امي جنبكم لايدروا ان انا بين احاكيكم

ام خالد بتمثل انها مابتسمع والتغطية ومشيت بسرعة غرفتها دخلت وقفلت: مالقلبي

رنا بتبكي: ياعمه كنت تاعبة وشاكه ان انا حامل وفعلت فحص و...الخ بتشكي لها اللي حصل

ام خالد: تصرفه غلط وبعدا انتي اسلوبش كان مستفز له كنتي عتجي بالمسكنة وياحبيبي وياروحي..

رنا : ياعمه مايعرفش هذا الكلام مايحسش بيزيد يتدلع ويشتي مراشاة

ام خالد: راشيه مايقع بش زوجش احسن ماتراشيه واحدة ثانية

رنا بتبكي: بس ياعمه واصل هرم واصل بيحرم ويطلق

ام خالد: واصل يحرم ويطلق؟

رنا: هذه ثاني مرة

ام خالد: خلاص اطبخي له واحنقي منه اقلبي وجهش لوما يدرى غلطه ويعتذر ويبطل

رنا: حاضر

ام خالد: انا فدالها بنتي هو هكذا يقعوا مجانين بعدا عيعقل ويتغير ويخطى على ماتشتي انتي

رنا: يلا صوته جاء شاغلق

ام خالد قفلت وهي بتدعي لرنا
.
.

عند رنا وامير..

امير: ماقد فعلتي شي

رنا بضبح: ماااشي

امير: ساعة ارجع والاكل جاهز..خرج ورزع الباب

رنا قامت طبخت بدون نفس وهي ضابحة بتبكي..
.
.

فوق السيارة اصحابه:
صاحب امير: يا اخي امانة انهن يلاحقني ملاحقة بس حين فعلت هذه الصورة

امير: قلنا لك تزوج

صاحب امير: ابسر كيف انت رجعت نكدي وعصبي قلك اتزوج خليني مفتهن القى كلمة حالية ومراشاة من كل واحدة

امير: يهي يهي كل واحددة، ليش كم معاك ياجني

صاحبه: في اليد والا العقل

ضحكوا البقية

امير: الله يعينك

صاحبه: مالك بتقولها وانت عتقرح نادم انك تزوجت وسارت عليك

امير: ...





📚 @rewayatyamania 🇾🇪

روايات يمنية📚🇾🇪

14 Jul 2025 15:34

❤️

بـارتـات يـوم السـبت 👆🏻😍

روايات يمنية📚🇾🇪

14 Jul 2025 15:31

.

البــارت 59 >>

بيـن قلبيـن ❤️

👌🏻👇🏻 😍
📚 @rewayatyamania  🇾🇪


امير نزل راسه: وكمان مابتخلفش ولا قلت شي ولاجرحتها وراضي عالجتها لما شبعت وعشان لاتضبح عارف تحب القراية شجعتها وخليتها تتم

جدها: كثر الله ألف خيرك هنا ابن ناس ، بس مش معناه تخليها عبدة عندك وتذلها ، واصل خارج واصل اصحابك واصل تعصب فوقها

امير : الله المستعان انا طبع بين احاول ابعده وعشان لاذيها بطبعي بين افلت البيت واخرج

جدها: ايش اللي بيضايقك منها لما تعصب وتغلط عليها

امير: ياجد وهي مستفزة وتعصبني اوقات وماتسكتش تناكرر وتصيح

جدها: اكيد بتبدأ انت

امير: ذلحين اقلك الخلاصة مابش بيننا شي كبير هي حق كل بيت احنا زيادة شوية وانا راضي وساكت لان ادويتها حق الوحام بتدي لها عصبية وتنفعل اوقات اصبر واسكت واتحمل واوقات اعصب معي هموم ملان

جدها بيسمعه سكتة

امير: واي شي تشتوه انا راضي ومستعد وشاريها وعلى عيني وراسي احبها ومش مستغني عنها وعنكم قد انتوا اهل وهي كل اهلي في الغربة

جده هز راسه وبيتفرج الاخبار ويسمعه

امير تعصب من زنط الجد ومابيقدره وقف: مااطولش عليك ياجد اي شي تشتوه انا حاضر اخليك ذلحين ترقد الوقت متأخر عليك ،، في امان الله

@rewayatyamania المصدر الأول للروايات

في الغرفة الثانية

العمة: الله يسلي عليش يابنتي، ابني غاثي مانزلت له لقمة من حين جاء وانتي ماشاءالله مفتهنة

سندس بتلطم وجهها من ورا عمة رنا وترفع عيونها وتعوج فمها

رنا ماسكة ضحكتها بتتسمع وناسية الكلام مركزة ع حركات سندس

عمتها: ذلحين اعقلوا وبطلي جنان انتي وياه ، هيا اخطي البيت فاقدة لش

رنا مصدوومة!! شافت عمتها كأنها بتستنجد بها تتكلم

صفية: ياعمه كم جلست احلام حانقة عندكم؟

ام امير: هذك ثاني لاتخلطيش بينهن فرق السماء والارض عن ابني وزوجها

رنا بتسمعهن سكتة ومبتسمة في وجه عمتها اللي ماتعرف ابنها

ام امير: ابني مايقدر يكسر قلب ذرة وعصبي ناهي ماانكرش لكن يتأسف ويراضي ويفعل كل شي

رنا: معاكم انتوا

ام امير: عتنكري؟

رنا: ماانكرش بس بعد ايش يراشي ويراضي

ام خالد: الكلام يوقع بين الرجال ، مابش داعي للنقاش

ام امير: ليش ياسعم ان انا مخرجيه انا ساع امها تتحاكى ولو ابني غلطان شاربيه

ام خالد: طالما هو ابنش وبتبرري قبل ماتسمعي فماعتغلطيه في شي اعرفش

ام امير: الله يسامحش شكلكن عتخربين حياتها ، الله يعينش على ماانتي فيه بس ، ماعنده حجة ابني حين قال من حين ادالش التلفون هذا وانتي خلاص قلبتي عليه..

رنا تشتي تتكلم

ام امير ادت لها ظهرها ومشيت حانقة: خاطركم

ام خالد بفم مليان: الله معششش

صفية: مالش ماتتكلمي ليش ساكتة؟؟

سندس: نرفزتني جاية ولا كأن به شي يابنتي فقدت لش (وبتقلد عيونها وفمها)

رفيدة ضحكككت

دخلت ام سندس ضربتها في راسها: عيب عليش مايسبرش اللي فعلتيه

سندس: مستفزة ايش اللي مايسبرش

صفية شافت رنا وبتأشر لها على سندس: تعلمي من هذه الجنية غبني على اهل زوجها

سندس خزيت وابتسمت: ماشي شاوقع مؤدبة

رنا ساكتة بتتلفت من واحدة للثانية وتبتسم وتضحك معهن

عمتها: رنا ماعليش منهن لاتصدقي لهن انتي عاقلة استمعي لجدش وبس وامش عتجي الصبح حاكيتيها ماذلحين يابنتي انا الصدق مادريت ماازيد اقول وماافعل..هيا ارقدين معنا عمل الصبح نسوان الحارة عيبكرين لاعندنا ، عمتش عتلم امة لا اله الا الله
.
.

في بيتهم بعد مارجعوا

احلام: والله لو تشتي لادي لك ذهبي بيعه وسير نخطب لك ونزوجك بدل واحدة ندي واحدة تحمد الله تجي تبسر على عيشة انا عايشة لها ، زوج راقد واصل وتخازين ومارضي يشتغل كل مااحتجت مكني سيري حاكي امي وابي واطلبي اخي الكبير ، متزوجة البيت كله

امير شاف ابوه: وانت راضي ياباه على هذا كله

ابوه: والجهال؟ وبعدا مابش عندنا بنات مايصبرين على زوج الفقر مش عيب

امير: بس هذا مش فقر معه ومش راضي يتوظف

ابوه: اهم شي مش مقصرين على اختك بشي يسدوا

امير شاف اخته: راضية؟

احلام: ماافعل مضطرة ارضى

امير: مش انتي مضطرة جي هنا واعيشش اميرة والا جي سافري معي لاخليه يجنن جنان

ابوه: اوقع رجال اول وسير رجع مرتك

امير زعل شاف ابوه وقام: الله يسامحك ياحج..
شاف اخته بضبح: انتي حرة انا نصحتش ومااشتيتي ، تصبحوا على خير شارقد

امها: لاتصدقي لاخوش اجلسي على قلب زوجش عتسيري وتفلتي البيت عيدي غيرش ، خليهم يتحملوا جهالهم
.
.

راقدات كلهن جنب بعض

رنا جالسة تلعب بشعر بنت صفية وهي راقدة جنبهن وبتكلمها: ايوه فعلت كل شي مابيعجبه

صفية: يمكن بيهرب من البيت بتفعلي مشاكل

رنا: والله مابين افعل شي واوقات افعل لنا جو سمرة يعزمهم يبسروا مباراة يقهرني، او اجهز له بقعة يخزن في البيت ابسر الا واتصلهم يجوا عنده

صفية: القات عندكم غالي قوي

رنا: ...


/channel/+Ecxq_OzMYh40M2E0




📚 @rewayatyamania 🇾🇪

روايات يمنية📚🇾🇪

14 Jul 2025 15:30

.

البــارت 57 >>

بيـن قلبيـن ❤️

👌🏻👇🏻 😍
📚 @rewayatyamania  🇾🇪


بعد يومين
امير بضبح في المطار: ماعتاكليش؟

رنا: لا

امير: طيب براحتش يعلم الله اي حين نوصل من طيارة لطيارة وانتظار

رنا: باقي طيارة واحدة لعدن

امير طنشها: منش صدق عتسيري حانقة؟

رنا: ليش انت عندك الموضوع بيهدأ فجأة وكأن ماحصل شي

امير: لان قلبي طيب اخرج اللي فيه نفس الوقت واسلى واراضيش بس انتي حقودة تشتي تقلدي النسوان حانقة وياسعم اندعس احلمي

رنا شافت الكل منتبه لهم اسلوبه وهو معصب شوية سكتت

امير: طنشي مثل كل مرة مابش معش كلام

رنا بتتأفف وبتدعي الله توصل طيارتهم بسرعة داخل نفسها من عاد يشتي يرجع لك ، مشكلتك مغرور على ايش مش دارية

امير: كنت بين اقل اوصلش وارجع لكن شجلس حناك فيش

رنا مطنشة

سمعوا نداء رقم الرحلة حقهم ..


بعد ساعااااات وتعب طرررريق من عدن لصنعاء وهرررم امير كل الوقت وشوق رنا اللي منسيها كل اللي هي فيه من ضغط

وصلت اخيرا باب بيتهم..

جدها بالعكاز خرج يستقبلها اعمامها بناات عمها امها وكل اهلها كانت فارحة

امير مادخل خاف يتهزأ انتظر تدخل بيتهم ومشي لبيتهم

@rewayatyamania المصدر الأول للروايات

في بيت امير بعد سلام واحضان

امه: وين مرتك

امير: حانقة

احلام: جاية تحنق من هانك لهنا!! هذه مش مقدرة اللي هي فيه ماتستاهله والله يمه زوووجيه خلينا نفرح به بجاهل اقلعي عينها امانة

امه: قول ايوه وانا اخطب لك اللي تشتيها احسن منها مليون مرة

امير: مابش معي والله حق خطبة تدينت حق السفر شارجع واجمع واخطبوا لي مااظن ترجع معي خلاص

احلام: طز فيها مابسرنا خير منها ، ها كيف اخي ضعيف يو مااغلاك صدق

امير بدأ يشكي لامه واخته: فعلت لها كل شي مرتاحة نوم واكل وخرجات وفسح
.
.

في بيت اهلها

سندس: يووو يارنا احلويتي مااحلاش تجنني

رنا ضحكت

جدها ماسك يدها بيضحك: هي من يومها قمررر احلى منكن كلكن

صفية: قلي لنا ماوقع

جدها بهرر: صفية اين بنتش قيميها من النوم تبسرها رنا

ام خالد: قومين نقرب العشاء هيا بنات

رنا: وين امي؟

عمتها: مع ابوش في صنعاء وفؤاد معهم في المستشفى بيحتاج دم وتعب عليه سيرة جية استأجرنا لهم هانك

رنا: يوه والضرب؟

الجد: الله لاطف بهم ، بضبح عتعشونا ؟؟

خرجين كلهن

الجد شاف سندس: وانتي سيري قربي شاهي لاعمامش

سندس ضحكت وبتمازحه: يووه منك ياجد قل لنا اخرجوا احاكي رنا لاتتعبناش بشاهي ومحد يشتي

جدها ورنا ضحكوا

سندس خرجت: اقطبي وجي معنا شوالات مجابرررة خيرررات

رنا بتأشر راسها بحماس ومبتسمة: تمام وانا والكل

جدها مسك يدها: مالبنتي كلميني قبل مايجي يشتكي هو اشتي ادرا ماحصل لاتظلميه ولا تظلمي نفسش قلي اللي حصل بصدق

رنا كيف توصل له مشاعر واسلوب حياة مش موقف كبير بس تراكم مواقف ، تراكم معاملة، ممكن موقف تافه عند جدها يكون ولأي رجال بس بيكسر قلب اي انثى ولو في حب بيدمره ، كيف يبقى الحب بدون تغير من شخص بيعامل اللي بيحبه بهذه الطريقة..

خانها التعبير والوصف واكتفت: ماعد اشتيه

جدها ضحك: ياسلام ماعد اشتيه ، حد قلش انها لعبة البخت اللي كنتي تسيري تبختي ويطلع لش اي شي ماعجبش وتشتي ترديه والا تجي تبكي لاعندي ادي لش زلط تبختي مرة ثانية

رنا والدموع في عينها ووجهها احمرر ضحكككت تذكرت صح كانت هكذا مسحت انفها ووجهها وتتذكر وتضحك

جدها: ليش ماعد تشتيه

رنا: متعب ، ضيقني كرهت العيشة معه ماقدرت افهمه ، كل مااصبر واحاول افهمه بيستفززززني تصرفاته مستفزة مابش عنده احترام هدوء نقاش

جدها بيشوف التلفزيون وسارح قدام المسلسل التركي: مشكلتكن يابناتي بتزيدين الحلقات هولا اللي بتخرب حياتكن

رنا لفتت للتلفزيون شافته وبتشوف جدها اللي منسجم

جدها: اقلش سر والله ان تيك الممثلة كانت تشبه جدتش وعادهي صغيرهةبتعجبني نذكر ايام الشباب

رنا ضحكت: مااحلاكم ياجد كيف انتوا اوفياء لبعض انت وجده

جدها ضحك: ايووه ، صبرت عليا وصبرت عليها

رنا: طيب كيف صبرت على جدتي ماكانت تفعل قل لي

جدها: من حق النسوان الهرم الدحس ، تشتي كسوة للعيد لاعمامش تشتي صرفى قبل رمضان ، تشتي ترنج البيت تشتي تسير البلاد بيتهم والطريق كانت متعبة يابنتي مابلا بحمار ينزلوا لهذك البقعة

رنا شافت في بعد بين مشاكلهم ومشكلتها فعلا هي نفس المشاكل والتفاهم بين اثنين بس بتختلف المشكلة نفسها

جدها: ماعليش مننا، قلي لي انتي

رنا: يعني اول شي كان مانع لي خرجة ودخلة وعزايم واصل

جدها: الله المستعان العزايم قدها مشكلة؟

رنا: مع ياجد عادي بس الاسلوب الوقت الغلط وانا تاعبة وانا مجهزة لنا سهرة ، آخر الليل ، ومعي اختبار وكل يوم مرتين ثلاث ، طول اليوم وانا في المطبخ وعادو حتى مايقلش شكرا ولو سألته كيف الاكل يقل مثل كل مرة مش احسن من اكل امي

جدها: ...


/channel/+Ecxq_OzMYh40M2E0




📚 @rewayatyamania 🇾🇪

روايات يمنية📚🇾🇪

14 Jul 2025 15:29

.

البــارت 55 >>

بيـن قلبيـن ❤️

للكـاتبـة: عبيـر الكبسـي

👌🏻👇🏻 😍
📚 @rewayatyamania  🇾🇪


بتسأل نفسها ليش بيتشاقرني هكذا؟ معقول شاف امير خرج كل مرة يفعل هكذا لما يخرج امير ايش بينزله للدور هذا

دخلت غرفتها وقفلت كمان بالمفتاح وجالسة منتظرة حد يرد..


بعد ثلاث ساعات تشوف حالااات امير على الساحل مع اصحابه عشاء وبيلعبوا كرة وضحك

دخلت صفية ترد عليها: رنا مارديت عليش رقدت وقمت ذلحين اصلي فجر مالش سامرة للآن

رنا: مابش نوم

صفية ضحكت: انتوا غيرنا اوقاتكم

رنا: يلا صلي مااشغلش

صفية لاحظت كلامها ناشف بدون فيسات وكل شويه تسألها على بنتها وصورها
.
.

في مكان ثاني..

سام كان نوم بيشوف الساعة نكز قام جلس فوق السرير وصاح: اعوووذ بالله من الشيطااااان الرجيم

فحس عيونه؟؟؟
شاف شنطهم وسط المكان

كرم نكز: ايش في ضرب؟

خالد معقد حواجبه شاف خوف كرم ضحك: ايش من ضرب عادك تحت تأثير اليمن، اهلا بك في ماليزيا

سام: اي حين جيتوا؟ كيف دخلتوا ماحسيت بكم ماكلمتوني

كرم بيسكته: اششش

ورجع امتد يشتي يرقد

خالد قام وبيهز السرير اللي هو فيه: ياااي يكفي تأخير هيا شرق علينا، البس سريع نتحرك

كرم بيمسح عيونه شاف الساعة وبهرر: يلا عاد احنا نشتي اذن نسير نقدم ورقة سبب تغيبنا ونعمدها من السفارة

خالد سحب منشفته ومشي: يلا صحصح ربع ساعة وانت جاهز

سام: مبروك يانذل الدبلة حالية في يدك

كرم شافه ضحك: عقبال عرسك

سام: الله يعين لما يفتح المطار اروح اتزوج

@rewayatyamania المصدر الأول للروايات

بعد ثلاث ايام

أمير وصل دخل البيت

رنا راقدة سمعت صوت الباب

امير: ليش مغلقة على نفسش هذه الاقفال كلها

رنا: ثلاث ايام ولا بترد حتى على اتصالي

امير: بصراحة كنت مبسوط مااشتيش نكد يكفي شارجع اتنكد مثل الآن

رنا طنشته وقامت غسلت وجهها ورتبت البيت كله (كانت نظفته من قبل) و رسلت الرسالة

بعد عشر دقايق مستغرب ايش جالسة ترفع والبيت نظيف مرتب كأنها خارجة؟؟ مالها هذه

رن تلفونه رد: وعليكم السلام على طول شافها بنظرات

رنا عينها بعينه بكل تحدي

جدها: كيف انت

أمير: الحمدلله

جدها: اسمع ، ابو رنا تاعب قوي والبنت قد لها خيرات ماجت ، خليها اديها تتطمن عليه ولو ماتقدر عيجي لها عمها بنفسه

أمير: بس ياجد صعب وماحد يقدر يدخل هذه الايام بسهولة

جده ضحك: هذا عليكم شباب هذه اليومتين صعب ، لاتقلق عمها معه معاريف في كل مكان عيجي بطيارة لعدن ومن عدن لجدة وبعدين لاعندك هذا اذا ماتقدرش وظروفك صعبة مانشتيش نكلف عليك

أميرحس بإهانة: الا اقدر ونص تمام ان شاءالله اشل اجازة واديها

جدها: قالت رنا كنت مسافر يعني مش معقول يدوا لك اجازة اديها للحدود والباقي علينا عنجي لبنتنا احنا

أمير: خير حاضر ياجد مايقع الا اللي تشتوه وسلامة عمي ألف سلامة..

جدها قفل التلفون

امير: الو..؟؟ شك لو كلمتهم بشي

رنا ساكتة بتشوفه

امير: كملتيهم بشي؟

رنا: واذا؟

امير عصب: شوفي مابين افتجع من حد يلا انا اشلش انا بطيران الآن قلك يقدروا يجوا لش وبعدها قلبوا للحدود ، يلا انا اشلش اسكه اشوف في حجز اشوف من بتهددوا ، انتوا الخسرانين...

خلي عنادش هذا ينفعش

رنا بضحكة استخفاف بكلامه اللي ماعد بيفرق معها: كمل احجز وكلمني اي حين

امير: طيب مالش؟ كأن انتي سايرة حانقة

رنا: جدي قلك حنقة؟؟

امير: لا ، يعني ابوش تاعب صدق!

رنا هزت راسها: ايوه

امير: يعني انتي لو سرتي عيتباخر او كيف

رنا داخل نفسها لو بتحس انك بتفهم بدون محد يوضح لك

امير: مطنشة

رنا: احسن ان انا اسكت لأنه بين ارد وكلمة منك وكلمة مني والبيت يولع

امير: والله لو سرتي حانقة مااردش

رنا: عادي

امير شافها ايش القوة هذه عصب: عااادي؟؟؟ توصلش ورقتش عادي؟؟

رنا: بتهدد يعني؟؟

امير: ايوه اهدد لأنه قد ضبحت منش ودلعش اربع سنين وللآن ماقدرتيش تفهميني وتحتويني

رنا: وماشقدرش افهمك وكثر الله خيري وخيرك لهنا

أمير بنرفزة: سيري بتفجعني خليش مضحكة لنسوان القرية محد يحرم نفسه الجنة الا عاصي والديه

رنا ضحكت بنرفزة: جنة!! حرام عليك تشبه جنة الله بجنة

امير قاطعها: لو واحد غيري كان ادا اربع بدلش الحجة عندي اللي متحمل ومراعي تعقلي وتتغيري

رنا: كثر خيرك

امير: ياريت سمعت امي وصدقتها كم راشتني تزوجني

رنا: وذاحين يسبر ايش مانعك

امير: ولاشي مانعني عتبسري

رنا: عادي كل واحد يبسر حياته بتهددني

امير: تبسري حياتش! ليش من عاد عيرضى يبسر صورتش لا فلحتي في زواجة ولا جاهل وفلتي غربة وفهنة ، من المودف اللي عيرضى

رنا ساكتة وكاتمة غضبها..

امير تأفف: استغفر الله بس خليتيني اعصب مستفزززة روحش تحرقي دمي

رنا: تعرف ايش انت مشكلتك ساع الثعبان بكلامك لما تلدغ تسمم واحد تقتله

امير: وانتي عقربة روحش في الاستفزاز

رنا لبست السماعة و...


/channel/+Ecxq_OzMYh40M2E0




📚 @rewayatyamania 🇾🇪

روايات يمنية📚🇾🇪

14 Jul 2025 15:28

.

البــارت 53 >>

بيـن قلبيـن ❤️

👌🏻👇🏻 😍
📚 @rewayatyamania  🇾🇪


رنا: عادي؟ عتصبر معي

امير: شاصبر معش وبعد سنتين ثلاث اذا مانفعت الادوية نروح الأردن

رنا فرحت: يارب قبل ويفرحنا هكذا فجأة

امير: الله كريم
.
.

بعد ايام واسابيع

كرم اتصل لخالد: خالد جهز نفسك سريع

خالد: ايش عتجي؟

كرم بتوتر ومعاجلة: اين اجي اقلك جهز نفسك نسافر شل اوراقك جوازك

خالد بيقاطعه: بعقلك كيف مابش رحلات؟

كرم: ابي نسق لنا مع اصحابه من ضمن الاجانب اللي عيسفروهم

خالد: قصدك مع رحلات الاجلاء؟

كرم: ايوووه هيا مش وقت ذكاء واسئلة مابش وقت  اقطب

خالد: متأكد

كرم: ايوووه اقطب

خالد: يلا مع السلامة اوصل واتصل لك

@rewayatyamania المصدر الأول للروايات

في البيت بيدور ادواته وشنطته

سندس مالك؟

خالد بيفتح الادراج يخرج الاوراق حقه والتذكرة القديمة ذكر مايحتاجها بس هي ذهاب وعودة يمكن يحتاجها متردد وهو يكلمها: ادعي امي وابي هاتي الشنطة

سندس: طيب اهدأ ..

اتصلت صفية كلمتها ان خالد مسافر

البيت كله تجمع

ام رنا: بتجهز له غداء بسرعة

جدته بتدعي له

جده بيعد زلط معه يجهزهن له

امه بتعطف الشنطة وتطرح له تمر ومكسرات

خالد: يمه مابش داعي لهولا

سندس جهزت له اوراقه والجواز

خالد: اين فؤاد اتصلوا له يجي يوصلني

كان وداع سريع من الباب كأنه رايح لصنعاء

وبعد ساعات وهم في المطار واقفين...

واحدة بنت: يعني ايش ننتظر ونراعي للأجانب يطلعوا اول؟

خالد: يعني احنا نعبي الكراسي الفاضيه تتوازن الطيارة

البنت شافته: اتكلم مع المندوب اللي بينادي اسماء كأنه رئيس فصل ماكأنها رحلة طيران.

كرم: اسكت بس

خالد: ليش اسكت ، احتراماً للي عامل لنا نطلع باحترامنا

البنت: هو كل ماعتسكتوا هكذا عيكونوا الاجانب الاولوية في كل شي

خالد: ليش مش مجبورين يعيشوا في الحرب

البنت: كلنا مش مجبورين

خالد شاف كرم: فاهم شي؟؟

كرم ضحك هز راسه لا

سمعوا اسم أمل

اشرت بيدها ومشيت طلعت

الرجال اشر خلاص بيطلع درج الطائرة

كرم: اسامينا مالهم؟؟

خالد: قلت لك

كرم: والله ان ابي..

سمعوا اساميهم

خالد مسك كرم: خلاص اسكت امانة مش وقت.. طلعوا

البنت في طرف الكرسي شافتهم بيجلسوا جنبها الإثنين

خالد بيشوف كرم ويأشر له يجلس

كرم شاوره: انا خاطب انت الخط فاضي اجلس..

امل شافتهم ومطنشة وقفتهم لفتت بتتفرج من طاقة الطائرة

خالد جلس: هيا اجلس ها فاعل نفسه وفي ذلحين

كرم ضحك: طبعا النسب بكله جنبي

بعد ساعة اقلعت الطيارة..

أمل خرجت كتاب بتقراه وتحل مسائل فيه

خالد تفاجأ نسي نفسه وسألها بسرعة: هذا ، انتي سنة رابعه صح

امل لفتت له: تعرفني؟

خالد: لا بس الكتاب ، قصدي نفس تخصصش

أمل طنشته ومقفيه بتقرأ

خالد لفت لكرم: هذه يمنية بين انسى نفسي واسأل عادي

كرم: مالها اليمنية

خالد: يعني يااخي اسال سؤال طبيعي لابين اتغزل ولا شي وتحسسك انك قلت لها احبش طنشتني وانا بين اكلمها

أمل كانت بتسمع فيها ضحكة من كلامه بس ماسكة نفسها قفت وجهها لايلمحها او تبان ضحكتها

كرم بيسمعه ويضحك: قدها تيك الودافة قل لها ادي الرقم

خالد: خلاص عيب لاتسمعك والله ماقصدي شي اللي ماارضاه لخواتي ماارضاه ع بنات الناس ولو بنمزح من وراها عيب

كرم: صاحبي دائما صاحب مبادئ هي لو تعرفك ماحاكتك هكذا

امل بتسمعهم سكتة

كرم: كيف يدك؟ تحسنت؟

خالد: يعني صعب احمل بها

كرم: يعني لما تجي صنعاء تتضيف بصاروخ ضخم

خالد: انفجار عطان شفته في التلفزيون اما نقم عشته يااخي يا الله بس

امل بتسمعهم فيها فضول تلفت تشوف ايش حصل ليده

بعد شوية نعست..

خالد حس بهدوء لفت شافها منعسة وضوء الشمس لاعينها من الطاقه لفت لكرم: اغطي الطاقة الشمس لاعينها؟

كرم ضحك وماسك فمه فتح الحزام اللي على خصره ووقف بعد الجاكت وناوله: ودفيها كمان ، مالك يااخي مش وقت الحنان تشتي تلم الطايرة علينا هولا يمنيات يعني خلي الشمس تحرق عينها ولا تتجمل معها بشي

خالد سحب غلق الطاقة: مالك يااهبل والله ماحسي شي سعم بين ادور اي حد احبه ، ماغير حرام تصترع شمس

كرم: على حنيتك هذه مش داري ليش مابش معك حبيبة

خالد: انا مش حق مجابرة وتسلية قلت لك اشتي واحدة اجي من الباب

امل كل الوقت مغمضة عينها بتسمعهم
بس مش مصدقة لتمثيليتهم بنظرها..


متأثرة من الصدمة اللي واجهتها لما رجعت وعشان من رجعت ، بتفكر في اشياء كثيرة حصلت معها مشاكل مع خطيب كذب عليها يخطبها ولما خلاها ترجع اليمن عشان يدي اهله كذب وماخطبها ..

اول ما شافها وشل الهدايا اللي وعدته بهن
(بلايستيشن آخر موديل من منحتها كانت تجمعها له) وبعدها وتعذر بأهله ،

كانت من داخلها بتفور

مش مصدقة كلامهم وبتكلم نفسها انهم حركات مثلهم مثل البقية ممثلين من شق وطرف اول مايكسب البنت بيبان وجهه الثاني


/channel/+Ecxq_OzMYh40M2E0




📚 @rewayatyamania 🇾🇪

روايات يمنية📚🇾🇪

14 Jul 2025 15:27

.

البــارت 51 >>

بيـن قلبيـن ❤️

للكـاتبـة: عبيـر الكبسـي

👌🏻👇🏻 😍
📚 @rewayatyamania  🇾🇪


في بيتهم..

ام خالد: اسكه ياسندس جي اقرأي لي مابين ابسر سوا

سندس: هذا اين القارح رسلين في المجموعة

ام خاالد: ايوه بيقلوا وقع قارح اخوش في صنعاء اسكه ابسري اين

سندس: اكيد بعيد منه لاتقلقي، قالوا في نقم

ام خالد بتقلق: اتصلي له

سندس بتتصل له..

فؤاد شاف الرقم وماسك يد خالد رابطها بالشال لاتنزف

خالد: اسكه ياخبرة جوا نسعف هولا

فؤاد: امسك يدك اول ، عننزل انا والبقية

واحد فوق السيارة: بتبسر ايش بيطير في الجو تراب وشظايا راعوا شوية

خالد: كان تفاسحوا نوصلهم بسرعة

طلعوا اثنين معهم ورا ومشي خالد لمستوصف يجارح يده وكتف الرجال

فؤاد شاف الاتصالات ولاوقفت جاوب: ايوه مابش شي تطمنوا احنا بخير

@rewayatyamania المصدر الأول للروايات

في بيتهم كان بيكلم سام بالسكايب

سام: ياساتر وسمعت الصوت لاعندك

كرم: تصدق بيتنا في حدة وسمعت الصوت كأنه جنب اذني

سام: وكيف خطبت والاوضاع هكذا

كرم: والله ان الناس عايشين عاد امس كنت متعرس عند صاحب في الصالة

سام: الله يفرح قلبكم يارب ، اي حين عترجعوا؟ فقدت لك انت وخالد

كرم: ذكرتني خالد اتصل له كان بيقلي عيجي صنعاء اليوم خليك على الخط نكلمه سوا

خالد: هلا ياكرم سامحني ماشقدرش اجي لاعندك

كرم: ليش وينك انت صوت ازعاج قوي جنبك وصياح

خالد: انا في المستشفى اسعفت واحد كنا عند القارح حق نقم ، وانصابت يدي بالشظايا

كرم قام: اي مستشفى انت؟

سام: ايش في؟

كرم: تمام يلا الآن جاي.. ماعليك يااخي من الشغلة قلك شغلة

سام: وااا كرم اين عتفلتني

كرم سمعه نسي رجع: ها ارتبشت سامحني شارجع اتصل لك... شرح له الموقف ونزل يروح لخالد
.
.

في السيارة بيجاوب ابوه

فؤاد: ماشي الحمدلله مابش شي كبير ماغير جرح في يده سلم الله خطينا لو تأخرنا شوية انه يعلم الله ماوقع كنا هانك

ابوه: انتبه لاخوك لو تاعب انت واخوك شاجي انا تحاكى الصدق

فؤاد: مابش شي والله انا مابش فيني شي هو خالد بس

ابوه: الله يلطف بخالد والناس كلهم هيا مراعي لكم..الله معاكم

مرته بتصيح: ابني ماله؟

زوجها: وقع في يده جرح بسيط سلم الله

ام خالد جلست تبكي وتصيح: والله ماهو بسيط ان الفيديوهات اللي ابسرناها قوي القارح ابسر هااا.. قلدك الله اين ابني خليني احاكيه

رفيدة سمعت كانت تكلم رنا: انتي داريه ان خالد كان في القارح اللي سألتيني عليه وانصابت يده

رنا بدون شعور نطقت وهي بتقرأ: يووه ابن عمي انصاب في يده

امير: من منهم؟

رنا: خالد

امير اهم شي عايش

رنا: مسكين عادو جاء قد كان بقعته احسن

امير: اهداي امه مافعلت هكذا

رنا: ذكرتني اسأل على عمتي اعرفها عتجنن ذلحين

امير رسل لاخته يطمن عليها: كيف انتي وين انتي

مابترد ومابش اشارة استلام يعني النت طافي عندها ، اتصل لامه يسألها

امه: ايوه نسيت مااقلك جاء زوجها وادا ذهب وذبح ورجعت معه الله يسد ويصلح

امير: ادا ذهب و رجعت؟؟ او عيتغير

امه: ايوه ايوه حاكاه ابوك وكل شي لاتقلق ، ياابني مارأيك ازوجك والله ان العمر بيعدي وماقد ابسرت لك جاهل

امير بيفكر في عمره صدق قدو ثلاثينات: لما ارجع عنتفاهم

امه: كيف مرتك

امير: الحمدلله تسلم عليش، قالت خالد انصاب واتصلت اتطمن على احلام امانه قلي لها تراسلني اتطمن عليها

امه: حاضر بعيني
.
.

بعد ساعات وصل خاالد وفؤاد

امه نزلت للحوش: يوه الحمدلله انك بخير وبتخطى برجلك

ابوه: الحمدلله على السلامة قدر ولطف ماقال الدكتور

صفية لما سمعت الخبر جت بيتهم منتظرة: يو خلوه يدخل اول

خالد: مابش فيني شي والله ادخلوا هيا

سندس: طيب مالك ضابح؟

صفية: اكيد بتوجعه يده مش ضابح

خالد: والله مابلا بيوجعني قلبي من اللي ابسرناه وجع يدي ماهو شي ياخواتي ، لاحول ولاقوة الا بالله

دخلوا وجلسوا

سندس: ها سجلي صوت ياعمة لرنا بتسأل من اول نطمنها حين يجي خالد

خالد سمع الكلام وبيغالط: خطيبش ماقصر قام بالواجب

سندس استحت: كيف يدك ايش حصل

خالد: اقتطعت وصمغوها

سندس نسيت وبسفاط دهفت يده

خالد بيمثل عليها: اااخ

سندس مسكت فمها: يووو آسفة آسفة

خالد: مابش شي امزح

ام خالد: اسكه حد يبسر لي اسم رنا مابين استضيش غيرت الصورة حقها اللي بين اتعالم بها

خالد كان مبتسم وهو بيمزح مع سندس بعد ماسمع امه اختفت ابتسامته وقام: شاسير الغرفة شوية

سندس لاحظته وراحت توري امها رقم رنا ورجعت للغرفة حق اخوها

خالد: ها ادخلي

سندس فتحت الباب دخلت: تشتي ترقد؟؟

خالد: ماشي بس قلت شوية امتد عاد راسي مصدع من صوت القارح كان قوي

سندس شافته: خالد

خالد عقد حواجبه: انا قبالش ماهو خااالد

سندس بشوية احراج بتلعب باظافرها: اصلا اشتي أسألك سؤال شوية غريب اسأله بس نفسي افهم ماهي ردة فعلك هذه

خالد مستغرب: ...





📚 @rewayatyamania 🇾🇪

روايات يمنية📚🇾🇪

11 Jul 2025 22:17

🔥👇قنوات معتمدة من التلجرام👇🔥

إتصفح الاعلان وسوف تجد كل ماتريد👇

k📚روايات وقصص مميزة @storykaligi
kروايات يمنية @rewayatyamania
kارشيف روايات يمنية @archiveRY
kمستندات روايات @storykaligi_1
kبجنان صنعاني @bejnansanani
kاجمل الاغاني @sanaa25
kصنعانيات @sananyat6
kللعآشقين @liveyou1

kالأصدقآء @zjgivguchjjeopp1086
kالبيت الصنعاني @housesanaani
kهمسات @hamasat_el7ob_22
kصوت القلب @cardiacsounds
kالفن اليمني @Naghamyemen
kسلي على قلبك @nokat23
kطبية @Pharmacist1992
kنكت فقرات مقاطع العاب @nukat11

kخواطر انجليزيه @LikeMohammed
kمعلومة @Ma3lomah_wa_Kossa
kصنعاء فديت روحش @okdsanaa
kهمس القصيد @htt_hms_algsed
kالشهيد صدام @eeekkkhalhgag
kشهقه حزن @QueenAmy_33
kقلب طفلة @childhoods2a
kقسوه سندريلا @Noorcon
kكبرياء رجل @samoo52
kل وتيني @sosooa_s14
kكلام ذهب @bsjejejjeb
kمجروحه @majroha0
kصديقات @m170242
kفضفضة الم @xcvb0
kغامضه @raano82
kالشوق @guixelcy
kعشقي @Alkimer
kإيفلند @iifle


kلبنان @CedarofLebanonNajw
kبوح محبين @Loveforevertop
kحب دون لقاء @dkvkkvkdkrg
kمنوعات عامة @Aseer_love_5
kشموخي @KhrbshatYamane
kاوراق اسمين @hemsa6667
kدعاء اليوم @Alameri000
kملكه الحب @mostmA1
kمشاعر حب @sgfjkhgk
kخربشات ﭑبيه @abih_5
kالحبر والقلم @roq222
kلوتيني @L_WatEeNi
kغزل تايم @love77e
kلفقيدي @oo_ee1
kتحطم @anazalia
kنقشات @ngosh
kهواجيس راقيه @dshff
kيمنيه @Yemeni_Varieties

kقصص انجليزية مفيدة @engstory23
kمطيرفة @RoRoAhmedMohmed
k⚜الحياه حلوه⚜ @lovesanania
kالشهيد الصالح @alshedalsaleh
kحب @Hob_fey_mhab_areeh
kمدلازة صنعانية @sana_a2020
kكبريا الصنعاني @Hfyd0Hfyyd
kدموع حب @DAMmooa01
kهلوسات يمانية @Wiz_gilr
kشوق المشاعر @Ffahad55
kحديث الذات @ellerimde
kلمة صنعانية @Raid2025
kهمسة خجل @Wwoovv
kمشاعر @Hamssssssss
kلحضات جميلة @afff_a
kمقيل وسمره @m_s_ye
kمجروحه @Shee_Nnn
kكل جميل @httpsgrd
kسامضي @semoo01
kبحه حزن @b7t7zan
kأروين @AROINFOG
kمالا نهايه @mo_oim
kوناسه @amec2018
kنبضات @So_delw5
kانساك @D124H
kقيتاره @getarh
kيمانيه @pglmy
kالامل @gggup
kفتاه @sjkjf
kبعثره مشاعر @bxjck
kالدنيا عتب @shqama
kنبض قلب @PHTHLIA
kلأقلامنا حكايا @our_pens
kحب صنعانية @ilove3you
kمشعات صنعانية @sanaill
kالاصلاتي @Soosoo_2020
kخربشات قلم @Scribble20
kخواطر اختي @My_sister_H
kاهات عاشق @Ahatachq
kمتفائلون @AsoomaMalooka
kتلفونات للبيع @XiaomiYemen

kملاذي انت @Tyeefy
kذاكرة القلب @AHWquite
kصنعاء القديمه @oldsana
kروياتي @az_m_2005
kهتان @yemenxn
kأسعار العملات @Yemenis_Exchange
kمن اعماق قلبي @omkklobww0
kقلب من ورق @galp_mn_warg

kروايات يمنية
/channel/+Ecxq_OzMYh40M2E0

kأسعار الذهب وصرف
/channel/+UzdbaRxU4lsMhaQd

kقصص مميزة
https://t.me/joinchat/AAAAAD1p6TqBBTyITQumpA

k👇أجمل الأغاني في التلجرام😍
/channel/+8gsWvOm7ZxoxODFk

kنكت سام صنعاء😆👇
https://t.me/joinchat/WU4ZscEyGaeyQqSr

━☆


للاشتراك ⇦ @STAR_TWASULBOT

روايات يمنية📚🇾🇪

11 Jul 2025 19:52

.

البــارت 50 >>

بيـن قلبيـن ❤️

للكـاتبـة: عبيـر الكبسـي

👌🏻👇🏻 😍
📚 @rewayatyamania  🇾🇪


كرم رجمها بالوسادة: خليني اعيش اللحظة بدون منغصات محد يجلس قبالها هذه تبسر السوس في ضرس العقل من مسافة ألف قدم

مرة اخوه بتضحك: خليها تتعلم فينا البيت كبير
.
.

بعد ايام..

جدهم: وانا ساير اتبرع

خالد: يا جد انت ماينفعش تتبرع

جده: انا ايش تشتوا تكبروني صميل لان انا عجوز

فؤاد بصوت واطي: خلاص اسحبوا منه دم شويه وقولوا له تبرع

خالد شافه ضحك: عاد فيك النذالة حقنا واحنا صغار

فؤاد: ماشي لاتعانده عيعصب ويرتفع الضغط عنده

خالد: يا اخي تعب على جدي الطريق سيرة وجية ، وهو تاعب ماعيرضوش يتبرع بياخذ ادوية

فؤاد: كان اخطى هيا بسرعة اكلمه وارجع لك

خالد طلع شغل السيارة ومنتظر لفؤاد وشباب من الحارة

اول ماوصلوا صنعاء

فؤاد: جي نسير اول نشرب من باب اليمن شعير وقديد امد نسير واحنا راويين

خالد ضحك: خلاص نتبرع في الثورة

واحد من الشباب: نبسر وين هيا اقطبونا قد عيأذن مغرب واحنا بنلوي البيت وحدهم اشتي ارجع بساعتي قبل الليل

خالد شغل السيارة: تمام

@rewayatyamania المصدر الأول للروايات

في الغربة..
رنا فعلت كيك وشاهي حليب ودقت لجارتها

جارتها: يا اهلا وسهلا مش مصدقة عيني ، حيا بش لو دريت ان انا عزمتش عندي نسوان

رنا فتحت البالطو: سهل قد جيت بس مش لابسه سوا لجلسة، لبس عادي

جارتها بتشوفها: ماشاءالله ماعد باقي بعد هذه الرقة فستانش انيق (فستان شيفون بيج مورد بورود خفيفه وردي فاااتح واغصان زيتوني  وشعرها مفتوح على جنب واكسسوارات بسيطة

رنا: طيب دخلت معها

سلمت على النسوان وتعرفت على اللي جالسات

واحدة من اللي جالسات: ماشاءالله والقبلة فيها

رنا بتتلفت لمن

جارتها ضحكت وبتشوفها: والله صدق فيش جاذبية

رنا باستغراب: انا؟

صديقة جارتها: شكلها خزوية، تباني صغيرة كم عمرش

جارتها: بعمر بنتي خلود

رنا: ١٩ سنة

صديقة جارتها: يو صغيرة جبرش

جارتها: تزوجت قبل ثلاث سنوات قد ذلحين ماشاءالله وفي حالها مااسمع لها نخس معها زوج يخاف عليها من الهواء الطاير

صديقة جارتها: ماشاءالله اكيد حين هي صغيرة ومابش معها معارف هنا ، بس ذلحين تعرفتي علينا جي عندنا حيا بش اي وقت

رنا مش عارفة من هذا اللي بيخاف عليها من الهواء وكيف بيقلين لها تجي عندهن مش عارفات اللي حصل لما وافق على جارتها ( موزعة لهن ابتسامات)

صديقة جارتها: قد معش جهال؟

جارتها شافتها: عادها صغيرة

رنا: ماشي تعالجت مابش مشكلة ، على الله

جارتها: في دكتورة ماشاءالله عليها واحدة جلست١٣ سنه ماتخلف وسارت فعلت اطفال انابيب ووحمت

رنا بتجمع معلومات ومستحية تناقشهن فيها

بعد اذان المغرب استأذنتهن (شرط امير تروح قبل المغرب)

رنا: يلا خاطركن

جارتها: يو ماقد لش ساعة

رنا : وقت مغرب اسير اصلي

جارتها ممازحة: معنا سجادة هيا اجلسي

صديقة جارتها: عاد احنا جلساتنا الا بعد الصلاة نصلي ونجلس

رنا: سهل مرة ثانية

جارتها كانت حاسة انه زوجها السبب: على راحتش لو صليتي وقدرتي ترجعي حيا بش

رنا وصلت شقتها دخلت وقفلت علقت البالطو وبتتمرى شكلها وشعرها في المراية وبتشوف ايش فيها من جاذبية كانت تتذكر خالد يتضحك على شعرها ابتسمت وبتشوف شعرها الآن مصلح ومرتب ابتسمت شافت انها فعلاً حلوة وداخل نفسها (ليش كان اهالينا يجلسوا يعلقوا ويزبجوا علينا كرهونا في نفسنا وشكلنا)

جملة جدتي في راسي بطلي تتحملي ثقيل يابنية عتقصري بعدا (القصيره تموت جوع وعشاءها بالطاقة ما توصله)

والا ابي حين يداعيني: يافطسا

والا خالد: الشمس اشرقت (ابتسمت يلا من تحت راسك ياخالد والزيوت اللي جلست افعلهن في شعري قدو طويل ويجنن سلس)

امير دخل: مالش؟ وصلتي قبال المراية

رنا: كيف انا؟

امير: ماهو هذا الحلا قمرية

رنا فرحت ابتسمت له: امير اشتي أسألك مارأيك افعل اطفال انابيب
.
.

في صنعاء

بعد ماخرجوا من المستشفى

خالد بعد القطنة من يده وسار مشي مسافة رجمها في مكان مخصص للزبالة رجع للسيارة

فؤاد: ابسروا اللي يجوا من الخارج على نظافة ونظام اين رجمت يا محمد القطنة حقك

محمد بيضحك: في الشارع

خالد شغل السيارة وبيضحك: بدل ماتضحكوا على نفسكم بتضحكوا عليا يااخي مايسبرش قطنة وفيها دم لو فينا امراض ونرجمها للارض بتجي امطار بيخطوا جهال حافيين

السيارة اللي وراه بتطرق له..

فؤاد: يااخي ماللشارع هذا وقع زحمة هكذا شكله بيخطوا عكس او به حادث

صاحبهم: خالف ريوس شوية واخطى به شارع فرعي

خالد: ليش اخالف شوية صبر صلوا على النبي هذا الشارع اكثر شارع زحمة، هنا مقبرة وسوق ومستشفى وفرزة ومدرسة غير وزارة ومنطقة سكنية ، صبركم

فؤاد: يلا سهل عادو ما اذنش

مشيوا شوية وهم بعد الجولة بيضحكوا ويتجابروا سمعوا صوت قارح

خالد كان مخرج يده اليسار من الباب


/channel/rewayatyamania/55248



📚 @rewayatyamania 🇾🇪

روايات يمنية📚🇾🇪

11 Jul 2025 19:50

.

البــارت 48 >>

بيـن قلبيـن ❤️

👌🏻👇🏻 😍
📚 @rewayatyamania  🇾🇪


خالد فتح تلفونه وراها صورته: ابسري

سندس شافته ومسكت فمها ضحكت

خالد: عرفتيه

سندس: ايوه اللي فجعني

خالد: وفجعتيه تعرفي ماقال ذك اليوم الله يلعنه عاد انا ذكرت عندكم اشباح

سندس بحنق: هيا ماناش موافقة

خالد ضحك وجلس يكلمها على طباعه وكل شي


وبعد ايام رجعوا لهم خبر وحان موعد الخطبة..

وهم في الديوان الرجال..
الجد دعى كرم وخرج هو وياه للصالة

ودخل يدعي سندس وخلاها تلبس البالطو  وتتحجب ومسكها وخرج

كرم شاف الجد وسندس وانحرج: السلام عليكم

سندس ساكتة

جدها ضغط ع يدها: ردي السلام

سندس: وعليكم السلام..

جت عينهم بعين بعض تذكرت الموقف السابق ابتسمت ضحكت وهربت لداخل

الجد ضحك: خزيت اهم شي هذا حقك والنظرة الشرعية

كرم بيمسح جبهته من العرق ويصلح الشال فوق الكوت: اسلم ياجد (حبه فوق راسه)

الجد: الله يتمم لكم على خير..


داخل عند النسوان

صفية ورفيدة مراعيات لها: ماحصل قلي لنا

رفيدة: كيف هو ماقال لش

سندس ماسكه وجهها: يوو خزيت تذكرت الموقف اللي ابسرني فيه

صفية ضحكت

امها: اصاه خلاص لايسمعوكم الناس عيقلين فارحة بروحها ابعدي الحجاب وادخلي عند النسوان امه عتلبسش الدبلة

رفيدة بتصور لرنا وبتشاركها فرحة سندس
وصفية بتراسسلها تحكي لها الموقف اللي شافها فيه اول مرة
.
.

كرم داخل بين المخزنين قدهم بيستأذنوا يمشوا ومابعدت ملامحها من وجهه داخل نفسه كيف هي اجمل وصوتها رقيقة ، عكس ماشفتها اول مرة


وهي داخل بين النسوان مستغربة جدها كيف خدعها قلها تلبس تخرج للحوش وهي خارجة للصالة قال لها خطيبش عيبسرش وقدها قدامه

@rewayatyamania المصدر الأول للروايات

بعد الخطبة..

كرم بيسوق ويسأل امه: كيف هي قلين لي هيا

خواته: ناس طيبين قوي والبنت خزوية

كرم: ماعلينا من الخزا كيف شكلها

امه: ماشاءالله عليها

كرم: هيا ناهي اوصفنها
.
.

الليل

احلام بتراسل اخوها صورت له العشاء: معك من هذا؟

امير شاف الصوره وخور: رنا

رنا: ها

امير: تعرفي تفعلي من هذا ؟

رنا شافت الصورة: ايوه هذا فطير على لبن وسمن كنت افعل لك في رمضان للسحور

امير: مااذكرش يهياه قد لنا سنة قد عيجي رمضان قومي افعلي لي وزيديهن شاتصل للخبرة يجوا نسمر

رنا: بس الدكتورة قالت اجرب ارتاح هذه المرة

امير رسل يسأل اخته: هو متعب عمله؟

احلام: قصدك على مرتك؟ لو عليك متعب مالها ماتفعل لك

امير: قالت لها الدكتورة ترتاح

احلام: بغير شخاطة (دلع) قل لها تقوم تفعلهن مش هو عصيد بساعتها

امير: هيا قالت اختي مايتعبين

رنا: ي امير خلينا نسمع كلام الدكتورة يمكن اوحم

امير: مابش خلاص قد لش اسبوع ماعينفعش هذه المرة قومي سبري

دق الباب

امير قام: لاتفتحي انتي

رنا: شكلها جارتنا

امير: انا داري قمت امد اللغاجة كم حذرتش وعادش فتحتي لها قبل يومين

رنا: امير وطي صوتك عيب

امير: انا تقلي لي عيب؟؟

رنا بتبهرر: قوا مش وقت عتسمع لاتحرجني وتحرج نفسك

امير معصب: مابش عندي هذا الخبر اللي مايفهمش نفهمه

فتح الباب وصلت له اوراق عمل بالDHL ولازم يوقع عليها دخل والظرف في يده

رنا: من؟

امير: واحد هندي وصل هذا

رنا فرحت بصوت: يوه الحمدلله رجاء مرة ثانية لاتقالع والناس باب الباب

امير رفع صوته: شاقالع انا حر بيتي افعل اللي اشتي

رنا: الله يعينك

امير قرب لجنبها وبيصيح: ماقلتي؟؟؟ هااا

رنا بضبح: قلت الله يعينك بتعاند وتعصب وانا تعبت

امير رافع يده وماسك نفسه: صوتش هذا لوما توطيه لايوقع خبر ثاني تعبتي من ايش؟؟ تحمدي الله على عيشة ابسري اختي كيف راجم لها زوجها مش هي حق عيشة

رنا: لاتقارنش قلنا ماعلينا من حياة الناس

امير بعصبية وصياح: الا الا علينااا ابسري امد تحمدي الله كيف معش لش

رنا: طيب لو تقارن جي ابسر بنت عمي كيف عايشة وكيف زوجها معيش لها

امير بغرور بيأشر على نفسه: اهاا عتقارنيني اناا ببنت عمش اللي زوجها مدري من اين وكيف , مش عاجبش يلا الله معش

رنا طرحت من يدها الصحن والعجين وغسلت يدها: تمام يلا الان ، كل مرة تقولها وترجع تعتذر ساعة وتتأسف لكن هذه المرة اوقع عند كلمتك ووريني يلا

دخلت غرفتها تجهز شنطها

امير مش قادر يقلها تهدأ ويعتذر بس بيحاول بالكلام عشان تبطل: انتي كل مرة بتستفزيني انتي اسلوبش مستفز ماتعرفيش تتحاكي

رنا: وانت ذليتني كل ماوقعت مشكلة سيري بيتكم يلا شلني

امير: مابش سيرة اجلسي تأدبي هنا

رنا: شفت ساع كل مرة تقهرني وتحبسني ، انا اشتي اسير بيتنا لو ماعتشلني شاتصل لهم يجوا لي هم

امير ضحك باستفزاز: يلا خليهم يجوا اتحداهم.. وبيضحك

رنا بعدت من قدامه خرجت تدي تلفونها

امير مسستغرب اين سارت خرج يشوفها ماسكة التلفون سحب من يدها: بغير جنان اهلش بعيد عيقلقوا عليش تشتي تقتلي ابوش او جدش من حقش الجنان

دق الباب...





📚 @rewayatyamania 🇾🇪

روايات يمنية📚🇾🇪

11 Jul 2025 19:47

.

البــارت 46 >>

بيـن قلبيـن ❤️

👌🏻👇🏻 😍
📚 @rewayatyamania  🇾🇪


خالد: يا جد ولفت لابوه وانت يا اباه

جده: مالك

خالد: كرم يشتي يناسبنا ويشتي يخطب سندس

امه: ذيه صاحبك؟

ابوه: اللي بيحاكيني حين تتصل هو نفسه اللي جاء عندنا حين جيت؟

خالد: ايوه

ابوه: وانت اخوها عنسألك احنا كيف هو؟؟

جده: يعني توافق لاختك به؟

خالد: ماشاءالله صلاة ومحترم اخلاق حق دراسة وشغل ومشاريع اهله ناس محترمين واسرة معروفة قوي عايش معه بغرفة واحدة اخ والله

جده: انا عن نفسي مسلم الموضوع لك ، قدك رجال وعاقل وهذه اختك واثق في قرارك عتفعل الصح

ابوه: اول حاكي اختك ليش بتحاكينا

خالد: انتوا الخير والبركة الموضوع اول عندكم لو قلتوا تمام شاحاكيها

امه: وعيشل بنتي؟ عتسافر

خالد: عادو خطبه حق سنة سنتين بالكثير امد مايكمل حقه الماجستير سجلنا انا وهو عنرجع ونبدأ الدراسة سنتين عيتم بس الله اعلم قبل يمكن لكن انا اشتيها تتم المدرسة امد لو جت ودرست

ابوه: ماشي ياابني مانشتيش قراية ولاشي يكفيها المدرسة وبس آخرتها للمطبخ

خالد: والله ان الشهادة ضرورية مافيها شهادة ومطبخ

سندس دخلت بالشاهي: احلى شاهي لاحلى اخ في الدنيا كلها

خالد: وانا فدالها اختي حبيبتي

جدته نسيت وتكلمت قدامها: عيخليها تقرا ياسعم؟

سندس بتسمعهم بس مش فاهمة على من

خالد شافها: لو هي تشتي عيخليها تتم

سندس: الله يقلعه والله مايخليها

كلهم ضحكوا عليها حين مش فاهمة على من

سندس: والله انه كريه ماقالتش بس انا وصفية حاسات صح

صفية شافتها بهررت واشرت لها تسكت

ام رنا: من هي؟

صفية قاطعت جواب سندس: زوج احلام

خالد: ذلحين تجابروا انتوا على نسوان الحارة وانا وخواتي ننزل الحوي ساع زمان نسمر ونتجابر هيا بنات الحقين بعدي

قامين كلهن

صفية: يمه بنتي لو قامت

ام رنا: سيري ياروحي ولايهمش عنتفاقدها

@rewayatyamania المصدر الأول للروايات

في الحوش

خالد: هكذا يجوا يحرجوني بسببش

سندس: من هم؟

خالد: صاحبي

سندس بهررت: من صاحبك مافعلت؟ مالك؟؟

خالد: قال هذك المشعفله حين شفتها خلاص شاشلها لايفتجع غيري انا قد افتجعت

سندس ضحكت وبتتخمر (تتمسخر) تقلده بسخرية: ييي وتسخى يقل على اختك هكذا وتسكت

خالد بهنجمة وحركات كلها غيرة بيده بيأشر لا: مع انتي دارية ماقلت

سندس: ماهو

خالد: قلت عقابا لك شلها موافق

سندس بضبح ودلع ضربته ع يده: بس خباااالة ماعه والله ماادخل

صفية ضحكت

خالد: ذلحين صدق ذيك اللي ابسرش يشتي يخطبش

سندس خزيت وغطت وجهها

سمعوا صوت ازعجهم قوووي طيارة سررررريعة فيها صوت

بعدها طيارات بعد بعض

بيتلفتوا لبعض

خالد: اذني صرت من الصوت هيا نطلع

طلعوا الديوان عند الاهل

صفية: يوه قد الوقت متأخر هيا عنرقد كيف لكم سامرين

جدها: والله ان الصور هذه ردت روحي ذكرت

بيشوفوا البومات قديمة وبيتفرجوا الصور

ام خالد: العصفري حق تلفونش كسر راسي ( نغمة الواتساب)

الجده: الظاهر قدو فجر الديك بيصيح

خالد وسندس ورفيدة بيضحكوا عليهم

قاطعهم صوت صفية وهي تقرأ الرسائل وصاحت: قالوا عندنا حرب !!

امها ضحكت: اين حرب ، يو لاعادها ايام ، تذكر يا ابو خالد حين كنا في صنعاء في المستشفى وقرح الصاروخ جنبنا

ابو خالد رفع اكمام لباسه: هذا الشخط من شضية

خالد ماسك تلفونه فاتح الفيسبوك: اسكه افتحوا التلفزيون بسرعة قالوا تحالف دول على اليمن

جدته قامت وقفت: ياعيبتهم والقسى مافعلنا بهم ليش يتحالفوا علينا

زوجها: اصه قري نبسر النشرة

بيسمعوا ويتلفتوا لبعض وهم بيشوفوا الشريط الاحمر اسفل الشاشة

سندس: عاجل دول التحالف تقوم بعاصفة الحزم على اليمن

خالد بيواصل يقرأ: اوو عملية عاصفة الحزم تم فيها سيطرة سلاح الجو السعودي على أجواء اليمن وتدمير الدفاعات الجوية

الجدة: ايش من عاصفة بتبسروا الجو؟

الجد: اسكتي ياتقية نسمع اصه

الجدة: ناهي مادخل العاصفه في الضرب

سندس: يووه ضربوا مطار صنعاء وتم قصف الطائرات المدنية والحربية

ابو خالد: اسكه افتح قناة اليمن

ام رنا: يووو زوجي في صنعاء بيتعالج يعلم الله كيف اسكه نتصل له

صفية اتصلت لزوجها كان مسافر في صنعاء معه عمل
.
.

في الغربة..

امير دخل البيت الساعة ٢:٣٠ بعد الليل شافها وبيصيح: عادش سامره عتطرحي التلفون من الجنان من الصبح في يدش انصدم مالش بتبكي؟؟؟

رنا: حرب في اليمن حرب

امير جلس: ايش من حرب مالش بتخرفي بيشوف التلفزيون ومستغرب اتصل لاخته احلام

جاوبت امه بعد مانكزت من النوم: مالك؟ مافيك

امير: وين اختي في صنعاء او عادها عندكم؟

امه: هنا مالك فجعتنا ماحصل

امير: حرب

امه: عندكم؟

امير: مع عندكم

امه: مابش عندنا شي

امير: الا بنبسر الاخبار

امه: يووه ياساترر الآن وقع قارح ياابني نكز قلبي




📚 @rewayatyamania 🇾🇪

روايات يمنية📚🇾🇪

11 Jul 2025 19:46

.

البــارت 44 >>

بيـن قلبيـن ❤️

👌🏻👇🏻 😍
📚 @rewayatyamania  🇾🇪


رنا: مارأيك نسير اليمن؟

امير: ماشي

رنا: ليش؟

امير: مانسير نفعل ضبح

رنا: نبسر اهلك واهلي فقدت لهم قوي

امير: انا هانك بين اضبح مابش معي خبرة ساع هنا

رنا: طيب نبسر اهلك

امير: بين ابسرهم واحاكيهم من هنا وبعدا سيرتنا بتكلف

رنا: ايش تكلف يا امير عزايم خبرتك بتكلف اكثر

امير عصب: بتحاسبيني !! عتحاسبيني؟؟؟

رنا: اهدأ مالك؟ بين ابسرك بت

امير: مالش دخل ماعدلا تحاسبيني وسيره اليمن مابش

رنا ناولته الشاهي ومحد بيرد عليها راسلتهم محد رد

امير لبس خرج

رنا جلست تبكي شافت رسالة من صفية صورت لها فيديوهات كل واحد في البيت وكل شي طلبته منها

صفية: رنا ليش خرجتي من مجموعة العائلة

رنا: امير صيح فيها عيال عمي

صفية: طيب مافيها علي يخليني احاكيهم وأسلم عليهم في العيد

رنا: مدري

صفية: ماعليش شي ، العقارب عمتش واحلام هنا، اي حين عتجوا يا رنا؟ جدي عيجنن عليش

@rewayatyamania المصدر الأول للروايات

رنا جالسة تلوي بعد ماشافت رسالتها وبترن في اذنها كلمة (جدي عيجنن عليش ، تفتح الطاقة شوية تتفرج شارع فااضي مدينة باردة هادية غير اللي كانت فيها لو ضبحت وفتحت الطاقة حياة في الشارع عيال بيلعبوا ، وشيبات فوق الدرج يتجابروا ونسوان الحارة ثنتين ثنتين في كل زوة  وصاحب العربية وصاحب السكريم وسيارات وناس تنزل وناس تطلع ..قفلت الطاقة

ورجعت جلست بتاكل اظافرها بيد ويد راسلت صفية

صفية تفتح تشوف اسمها ملان الشاشة رسايل من رنا

صفية: مالش؟؟ ايش

رنا: اسمعي جي نفعل خطة

صفية: ايش

رنا: عمتي عندش؟

صفية: ايوه جالسة تنكد وتنتقد كل شي

رنا: ابردي اسمعي مارأيش تقلي لها ليش ياعمة امير مايجي يبسرش خالد بيجي كل سنة وابنش ماشي

صفية: اي خالد وانتي وهو ولا واحد بدى فيكم بعد هذك المرة

رنا: يووه صدق ؟ ليش؟ وعرسه

صفية: فسخوا اهل البنت

رنا: طيب ليش مابيجي

صفية: انشغل بالدراسة مابش عطلة

رنا: طيب قلي لها ليش امير مايجي

صفية: شاقلها خالد عيجي وليش امير مايجي

رنا: ايوه حانكيها بي عتخليه يدينا

صفية ضحكت: شكلش انعديتي من ابنها يهودة

رنا ضحكت: خليها على الله

صفية: ضروري نرجع نتجابر بكل شي احكي لي كل شي حياتش كلها كيف مرتاحة كيف هو معش كل شي

رنا: تمام

صفية: يلا شافعل اللي قلتيه

رنا فرحت: تمام وشاقلش لو نفع الموضوع اعرفي احلى هدية في الدنيا

صفية ضحكت: جيتش عندنا احسن هدية والله
.
.

في مكان ثاني

كرم متوترر وبيمسح عرقه يشتي يتكلم متردد

خالد ضبح منزعج من صوت اصابع كرم على الطاولة: كرررم اقلقتني مالك

كرم: خالد اشتي اخطب

كرم: شل الزلط حقي ماشخطبش انا

كرم: مش انا من الزلط اهلي مراعيين بس اقول

خالد: ناهي يا ابن ابوك ماافعلك ادور لك مرة سعم ان انا امك

كرم ضحك وبيمسح دقنته

خالد: بس ارحمها عتصلع دقنتك مالك؟؟

كرم  شاف نظراته تذكر عصبيته خاف يخسر صاحبه لو تكلم: ولاشي .. فلته وخرج من الغرفة

خالد مستغرب يشتي يلحقه

سام دخل مسك خالد: خليه

خالد: ليش؟

سام: ولاشي

خالد: مش ملاحظ عليه هذه الايام توتر؟

سام ضحك: وهو مجنون بيحفر قبره بيده

خالد: ليش ، مالجدته مايتحاكى ماله نحل له اي مشكلة استلف له يحتاج فلوس؟ معه مشكلة مع حد

سام: ماشي ولاسي تطمن تعرف كرم عاقل مش هو مجنون مثلك، بس موقفه صعب يااصاحبي

خالد: ايش من موقف ؟؟ايش في مالكم هكذا
انا شاسير لاعنده

خرج بيدوره لقيه جالس يلوي وهو بيشوف الارض ويده ورا ظهره

كرم شاف خالد خاف لايكون سام كلمه

خالد مسكه بضبح من ساعده: عتتحاكى

كرم خاف انه معصب لانه عرف: اسمع ياخالد شاحاكيك الصدق

خالد جلسه في الكرسي بالقوة وجلس: عتتحاكى مالك مايعجبنيش اللف والدوران وانت زيدت بها

كرم: يا اخي انا كنت محرج منك تعرف انك مش بس صاحب اخ وعشرة عمر

خالد: يااااجناااه لاتخليني اعصب

كرم وجهه احمر وعينه بتبعد كل ثانية من عين خالد وبتوتر على غير عادته: يا اخي انا راعيت اكمل دراسة وتكبر البنت اللي شفتها في الديوان بالغلط في بيتكم اشتي اخطبها ماقدرت احاكيك وقتها والله وماقدرت اواجهك ان انا طالب القرب منكم والنعم فيك ويشرفني والله نوقع اقارب وانساب

خالد عقد حواجبه بيتذكررر اي ديوان واي بنت وتذكر سندس لما لحقها رجع تذكر رفع حاجبه: اهااا

كرم ارتاح شويه هم وانزاح منه

خالد بيتفرج له

كرم قام وقف: طيب انا قلت اللي عندي اسير اكمل اجهز شنطتي.. هرب بسرعة لغرفته

خالد جالس سارح وبيفكر كيف...





📚 @rewayatyamania 🇾🇪

روايات يمنية📚🇾🇪

11 Jul 2025 19:45

.

البــارت 42 >>

بيـن قلبيـن ❤️

👌🏻👇🏻 😍
📚 @rewayatyamania  🇾🇪


في مكان ثاني..

السيارة مسرعة مسكت بريك (فرامل) وطلع صوت

رنا شافته واقف والسيارة كانت جنبه عتصدمه خافت مسكت قلبها

امير صيح فوق الرجال والناس شافوا مابش فيه شي طلع السيارة وطرح الكيس ورا

رنا على نفس الحركة متصنمة

امير شافها: مالش

رنا: يووه الحمدلله لطف الله

امير مستغرب: خايفة عليا ياسعم؟؟

رنا: ايوه خفت

امير شافها ماعرف يعبر كان مفكر تصرفاتها معه بتكرهه ونفس الوقت مش قادر يغير تصرفاته ويهدأ من عصبيته ماحب يبين ضعفه فتح باب السيارة: شانزل ادي الاكل اكيد جهز..

رنا سكتت ومستغربة سكوته !

امير رجع بالأكل ، فتح لها اغاني

رنا: ليش تغيرت هكذا فجأة

أمير: اوووهوو يعني ماعد دريت كيف اوقع

رنا ضحكت: لا لا خليك هكذا بسسسس ، بس قصدي كنت متوقعه انك تخرج من عند الدكتورة معصب وضابح

أمير: بالعكس الحمدلله فارح ان مابش شي

رنا: ايوه

أمير وصلوا جنب البيت: هيا انزلي وانا شالحقش

رنا بدأت الأفكار في راسها تتجمع ليش انزل قبله كان في يده كيس هدية ولما نزل المطعم فضولها خلاها تشوف ايش في الكيس (وردة وهدية) دخلت غرفتها بتفكر وترجع تتعوذ وتقل لنفسها بطلي مسلسلات زيادة

دخل امير للغرفة: عادش هنا هيا ميت جوع

رنا شافت يده فاضية: طيب اصلي

أمير: طيب انا شاجهز العشاء.. خرج

رنا مصدومة: هو يجهز العشاء؟؟!! كيف له يشتي يجنني
ليش بيتعامل يوم بقساوة ويوم بحب

امير: هيااا واا رنا هياا ياقمر

رنا: الله يستر شكله بكره عيذبح طلي ويقل لي اطبخي
خرجت

امير ناولها الكيس: وهذه احلى هدية عيد زواج

رنا فرحت ان الكيس لها شلت الكيس منه وشافت الورده وداخل هدية

امير: افتحيها قبل ماتتعشي اذا عجبتش او ارجعها وتختاري على ذوقش

رنا فتحتها وشافت فستان سهرة أنيق: تسلم

امير: وانا وين هديتي

رنا انحرجت منه: لما قلت لي مابتحتفل بطلت خفت تضايق

امير: انا اتضايق من الحفلات مايعجبنيش بس هدية عادي

رنا: طيب كيف اشتري هدية وانت معي

امير: سهل اعتبريها وصلت ، هيا البسي الفستان اشوف كيف وتعالي نتعشى

رنا راحت لبست وماعملت مكياج عشان مايعجبه وخرجت

امير شافها: بس هكذا وين الهذا والهذا (بيأشر مكياج)

رنا استغربت كيف متناقض: قلت مايعجبك سويت على ماتشتي

امير: يلا جي نتعشى جوعت

رنا جلست وبدؤوا يتعشوا

@rewayatyamania المصدر الأول للروايات

في ماليزيا..

خالد جالس يعد الفلوس

كرم: يعني اسألك بالله ماهو مريض انت! عتعدها كل شويه سعم انها بكتيريا تتخمر

خالد ضحكك: اسكت انت لخبطتني

سام: ما معك تشتي تخطب! عنفرق لك

خالد: ماشي مش وقت اشتي اشتري لبيتنا لابتوب اتواصل معهم

سام ضحك: هيا ناهي محسسني انه شبكة النت في السقف انت داري هانك ضعيف

خالد: الا به الارضي شغال

كرم لفت لسام: مادخلك انت ياحساد، تمام ابشر انا اسلفك المنحة حقي اللي عتوصل وفي مانقص واصترف بالباقي

خالد: وانت؟؟

كرم: انا اهلي ادوا لي زلط حين سافرت لاتقلق

سام: خاف ع نفسك هذا شابع المنحة حق سنة صرفته شهر في صنعاء

كرم: عينك الله اكبر عتمرعنا..
.
.

مكان ثاني..

امير اتصل لأمه: كيف انتوا كيف حالكم

امه: الحمدلله مابتفعل؟؟

امير: سرنا شلينا عشاء واشتريت لرنا هدية حق عيد الزواج

امه: مااشتريت لها؟

امير: فستان وورد

امه: خسرت نفسك

امير شاف رنا لانه كان مفتوح السبيكر

رنا غمضت عينها وجالسة تاكل

امه: اتصل لاختك اسأل عليها

امير: حاضر الآن

امه: وبطل تشتري جمع زلطك عادها جت بكسوتها ، وخليها تتابع الدكتورة ماشي ابسر لك مرة اشتي حفيد

رنا شافته وقامت للمطبخ

امير بعد ماقفل لحقها للمطبخ ومسك يدها: ماعليش من اللي سمعتيه اهم شي انا معش ومااشتيش غيرش

رنا فرحت بكلامه دمعت: بس قهرتني امك

امير: هي غير بتقل هكذا ماعليش منهم اهم شي انا معش وبس باس يدها

رنا ضحكت وفرحت بكلامه تقريباً ساعات حلوة منه نستها مواقف كثيرررة قهرتها منه..





📚 @rewayatyamania 🇾🇪

روايات يمنية📚🇾🇪

10 Jul 2025 22:07

❤️

بـارتـات يـومنـا الخميـس 👆🏻😍

روايات يمنية📚🇾🇪

10 Jul 2025 22:05

.

البــارت 39 >>

بيـن قلبيـن ❤️

👌🏻👇🏻 😍
📚 @rewayatyamania  🇾🇪


صاحبه: مالك بتقولها وانت عتقرح نادم انك تزوجت وسارت عليك

امير: بالعكس لو اشتي لافعل اللي اشتيه واجابر ألف لو معك عشر

صاحبه: حاكي لك مدكوم..

الثالث قاطعهم: ابسرتوا ياخبرة الاخبار ابسروا ها

جلسوا يتفرجوا
.
.

في اليمن عند صفية

ام زوجها: جي يابنتي نصتبح

صفية شافتها بتعبها وكبرها في سنها: ليش ياعمه تتعبي هكذا انا كنت شاصلي فجر واعجن ليش خبزتي

ام زوجها: ماعليش يابنتي سهل العمل متعودة عليه وانتي حريوة افتهني مابش معي شي بعد الصلاة قلت اتحرك شويه احرك جسمي اتمهر

صفيه: بس تعب عليش ياعمه

ام زوجها: والله مايجي التعب في هذا السن الا من الجلسة يابنتي بتقع لهم سكتات

صفيه ضحكت شافت زوجها: ماشاءالله عليها مثقفة

زوجها: اصلا مابش اذاعة والا حلقة الا وتتفرج

ام زوجها ضحكت: هيا اجلسوا عيبرد الصبوح

زوج صفية جلس بعد ما باسها فوق راسها وضحك معهن

امه: الله يسعدكم دنيا وآخرة ويسعدش يابنتي ساع ما ابني هكذا مرتاح وبيضحك

صفية: ويجبرنا بعافيتش يمه

زوجها: مااحلى يمه احسن من عمه

صفية: لان الصدق عمتي مش هي عمه طيبتها ساع امي الله يحفظها

ام زوجها انبسطت قوي منها

@rewayatyamania المصدر الأول للروايات

في بيت احلام

احلام واقفة بتتفرج: الله مااحلى الحوش من الطاقة كله مزروع يجنن

زوجها وقف شاف وبدون اي ملامح على وجهه مبصم وجاد

احلام لفتت له مبتسمة ومندهشة: ابسر الشجرة هذك كم فوقها عصافير روووعة

زوجها واقف شاف وبسرعة غير الكلام: شفتي حقي الشاحن وين طرحته

احلام استغربت كيف قاطعها وببرود بيتعامل: الشاحن فوق الشجرة؟؟

زوجها: مالش!!

احلام بضبح: بين احاكيك من الشجرة تسأل من الشاحن

زوجها: تمام فهمت الشجرة حالية خلاص مااقل بيقلدها مبتسم الله ايووه حالية

احلام ضحكت: مالك؟

زوجها: وانتي اول مرة تبسري شجرة

احلام انكسفت

زوجها: وين الشاحن

احلام: مدري

زوجها: طيب دوووريه شوفي وين هو مدري وواقفة

احلام بمزحة وداخلها بيفور من اسلوبه: يعني حريوة على الأقل اتدلع مش اوصل ادور شاحن

زوجها: هيا من اللغاجة حقكن اليمنيات ، عتجلس حريوة العمر كله خطوبة عقد زواج عرس يجلس اسبوع وبعده اسبوع وبعده شكمة وو جنان الاجنبية دبلة عادية حتى فالصو وادت لك بيتها وسيارتها وحساب البنك قلك ليش مانحبهن

احلام: ليش ماتزوجت اجنبة

زوجها: بعقلش

احلام: مافيها على اللي بتقوله كله ياسلام

زوجها: اصلا مابش عليهن ركن بياعات في يوم وليلة عيرجمين الرجال لو ماعجبهن

احلام: ايوووه مااحنا داريين انه بيحصل هكذا ، طيب عجبك يعني موضوع انها تصرف عليك؟

زوجها باستفزاز: اصرف على عشر جنبها اصلا ماسافرت الا وانا قادر مش مراعي لها

احلام: طيب واليمنية بتدي روحها وذهبها اللي هو مهرها عاد لو الاجنبية بتبصم الرجال مااحنا نرحم ندي كل شي معنا لله فالله

زوجها قاطعها: يوه كيف طبعش نفس عمة ابي مناكرة وكثيرة هدرة ، انزلي افعلي لي شاهي

احلام بصدمة: ماشنزلششش ، بيتكم مااعرفش حد

زوجها: هيا جي معي شاوريش البيت وتتعودي

احلام نزلت معه
.
.

في الغربة ثاني يوم صحيت وقت الفجر وهم مروحين

امير: ارجعي في نومش الآن خرجوا شارقد الآن اكيد قدش ضابحة ازعاج صح

رنا ضابحة: قمت اصلي

امير تذكر انه ماصلى دخل بعدها يتوضأ للصلاة

رنا كملت تصلي ورفعت البيت وغسولت جلست تحضر دروسها وتلبس

امير: هيا غيبي اليوم ارتاحي انتي تاعبة امس كله طبخ والآن رفاع يكفي امس تعبتي في المدرسة

رنا بابتسامة مستفزة له: لا ماانا فعلت ساع ماقلت لي تحركت وتباخرت.. يلا البنت بتدق لي الباب نخطى

امير ضبح منها ماعد رد قفل باب غرفة النوم لاوجهها

رنا مشيت شلت شنطتها فتحت باب شقتها خرجت وهي بتشوف بنت جارتها واقفه وامها بتناولها السندوتشات

البنت بضبح: مابين اكلهن مااحب ، بشتري من هانك اي شي

رنا نسيت نفسها وبحزن: احمدي الله ياريت امي وتلحقني هكذا بسندوتش فقدت لها واكلها

ام البنت (جارتها) ضحكت: جي

رنا قربت: ها

ام البنت: جي اسلم عليش

رنا راحت وهي خايفة من امير وتحذيره لاتختلط بحد قربت منها سلمت عليها

ام البنت مسكت يدها وطرحت السندوتشات: كلي انتي وياها وانا هنا امش لو تشتي شي اي يوم اي شي نفسش فيه لايردش لسانش ولا رجلش جي دقي حتى آخر الليل

رنا انحرجت من طيبة المرة وتعاملها معها: شكراً قوي بس قد فعلت لي سند..

ام البنت قاطعتها وردته من يدها: يلا تأخرتين عينزلوا الناس وانا اراشيكن عيب..

نزلين ومشين وصلين للمدرسة..

وفي شلة بنات واقفات بيورين صاحباتهن الاكسسوارات والثانية بتوري صاحبتها كيف فعلت لها اكسسوار للقلم

رنا الوحيدة جالسة متباعدة من الكل...


/channel/+Ecxq_OzMYh40M2E0




📚 @rewayatyamania 🇾🇪

روايات يمنية📚🇾🇪

10 Jul 2025 22:02

.

البــارت 37 >>

بيـن قلبيـن ❤️

👌🏻👇🏻 😍
📚 @rewayatyamania  🇾🇪


خالد بشوية غيرة على شوية تفهم لأنها قالت له مسك شعرها وشعفله على وجهها: لو بتمشطي الشعفلة هذه او تلبسي مصر فوق شعرش ماافتجع الرجال

سندس: وهو ماله يفجع حركاته جالس يفعل هكذا
بدأت تقلده بيمشي بالبطيء ويصغر عيونه يدقق للمسافة البعيدة عشان يشوفها

خاالد جالس يضحككك ماسك فمه شل منها الماء وسار: ها اشرب

خالد: اسير ادي العشاء وارجع

سام: اجلس هيا مش وقت مابش نفس والله

كرم شاف سام: تحاكى عن نفسك مادخلني منك

خالد ضحك: خرج يدي لهم العشاء..
.
.

الساعه ٢ بعد الليل

احلام جالسة وطارحة راسها على راس السرير بتنعس سمعت فتح باب الغرفة

رزق دخل مبتسم: حظش جيتي على وضع اكشن

احلام: الآن تمت زفتك؟

رزق: ماشي جيت وهن بيميكيجنش محد خلاني ادخل عشان اللي عندش بتمكيج رجعت نزلت مع خبرتي

احلام: خبرتك؟؟

رزق بهنجمة وفشر بروحه: ايووه معش زوج امانة محد وقع ساعي مفجوعين يعدوا راس الحارة ، يتخايلش افتجعت سرت وانا رافع راسي والآلي في يدي وابسروني وفحطوا

احلام هزت راسها: اها

رزق: اصلا لو تبسري كل حياتي ايام المضرابة انا السمخ حقهم..

احلام داخل نفسها بتتبرقط (يعني وقت الهنجمة حقه) هذا كلام يوم عرس اثنين

رزق: اين العشاء انا ناوي على تخزينة للصبح احتفل بش في حياتي

احلام مطننة للي بتسمعه منه !!!

رزق: ماتعبتيش بالدقل اللي فوق راسش

احلام: عادي

رزق: بعديه واغسلي وجهش ماقد ابسرتش بدون شي مرتين بحياتي ابسرتش وانتي مكياج اسكه كيف وجهش

احلام انكسفت

رزق: شانزل ادي الماء واجي تعشيتي؟

احلام: شابعة

رزق: خلاص شاكل واطلع

احلام ساكتة

رزق نزل

احلام رسلت رسالة لبنت خالها تشكي لها اللي حصل وغلقت التلفون وغسلت وجهها

@rewayatyamania المصدر الأول للروايات

في مكان ثاني في الغربة

اول مارجعوا البيت

امير: هيا كيف افتهنتي؟

رنا: عادي مابش شي انا مش انا ضابحة عشان مابين اخرج انا ضابحة من اسلوبك وتعاملك معي كم شاجلس اوضح

امير: وانا هذا طبعي مفروض تفهميني مهما صيحت وعصبت بين ارجع بساعتي وماسخاش عليش

رنا: المشكلة بترجع بعد ماانكسر قلبي يعني ماعد ينفعش اسف ولا خرجة وكلمتين حاليات

امير: خلاص لاتجغري طبيعتي يامنعاه

رنا: يعني قلدك الله ترضى احلام زوجها يعاملها هكذا

امير: مادخل احلام محد يكره لاخته الخير وانا اعترف طبعي شوعة لو قلبه ساع قلبي طيب ايوه ارضى لها

رنا: خلاص تمام

امير: جهزتي نفسش للمدرسة، كيف ابسرتي البنات

رنا ابتسمت: ايوه البنات حبوبات مالهن شي

امير: من ذلحين اقلش صاحبات سيرة جية مابش يعني لاتحرجي نفسش مع حد بعدا

رنا: تمام

امير: به مشروع شغل اضخم من هذا ادعي لي بس يسبر

رنا: ايش هو؟

امير: يكمل وارجع اقلش عاد احنا
.
.

في صنعاء..

رزق كمل يتعشى ورجع جلس بيكلمها عن نفسه وبطولاته: سافرت سبع دول لفيت العالم

احلام: ليش العالم كله سبع دول

رزق بيقلد ضحكة بايخة: طلعتي زباجة

احلام: انت اللي قلت مش انا ، قلت سرت سبع دول لفيت العالم

رزق: هيا ناهي ها ، ياسعم وين قد سافرتي هيا قولي

احلام: صنعاء الحديدة عمران قريتنا بس

رزق ضحكك: بين اقلش اين سافرتي هولا مايعتبرين سفر

احلام داخل نفسها ياليلاه والله ان معي زوج محانك اعظم من رنا حين تحانكنا واحنا جهال

رزق: ابسري على شياكه كنت ، معش زوج فخامة

احلام بتشوف الصور وترجع تشوفه مصدومة فيه

رزق: كان اخطى والبنات كلهن يتفرجين واللي تحاول تدور رقمي واللي تتصل ولا اديت وجه لحد اكره قلة الحياء واي بنت تلاحق

احلام: بس فارح انهن بيلاحقنك

رزق: مستغرب ايش اللي عجبهن فيني

احلام: حتى انا مستغربة..

رزق انتبه فكرها تتنمر: مستغربة على ايش؟؟ يعني مااستاهلش يلاحقين؟

احلام: يعني على جرأة فيهن

رزق: ها.. ايوه صدق مدري كيف

احلام داخل نفسها ياليلاه على حظش يا احلام والبخت حقش
.
.

بعد ايام..( شكمة صفية) عزومة بيت اهلها ووداع خالد

خالد: حاكيني كيف انتي ، كيف زوجش معش؟

صفية: ماشاءالله عليه عاقل ملتزم طيب حنون كريم مابيسخاش عليا ابدا

خالد: ارتحت له والله من يوم ماجاء ، الوحيد اللي من يوم مااعرفه ماارتاح له زوج رنا

صفية: الله يسخر قلبه لها

خالد: كيف هي مرتاحة؟

صفية: الله اعلم تتصل بسرعة وتقول بخير

خالد: الله يسعدها ويسعدش ياعين اخوش

صفية: وانت؟ موافق ذلحين على اللي امي حاكتها

خالد: موافق قد قلت لامي تخطب سنتين وجيت اتزوج

صفية: ان شاءالله ياروحي الله يتمم لك على خير
.
.

في الغربة

رنا وصلت من المدرسة دخلت غرفتها

امير: يهي عتوصل تمتد وين الغداء

رنا: تاعبة يا امير

امير: مالش؟

رنا: غثيان ومغص

امير فرح اتصل لامه: يماه لو المرة مغثية يعني واحمة؟

امه...


/channel/+Ecxq_OzMYh40M2E0



📚 @rewayatyamania 🇾🇪