گؤزلری اومودلو، دیزلری تیترک
اۆره یینده آلوو، الینده چیچک
تانیشدان چکینیر، اؤزگه دن اۆرکک
منیم بو شهره یازیغیم گلیر!
گلیب گئدن لری نفس لری دیر
هامی اؤز سؤزونو اونا یئری دیر
آرزولار گۆجونه هله دیری دیر
منیم بو شهره یازیغیم گلیر
ائوینه اود دۆشوب، اوجاق سویوقدور
گؤزل گله جه یه اومودو یوخدور
قارتال اؤیرتمه نی بوردا تویوقدور!
منیم بو شهره یازیغیم گلیر
آغلامیر، دردلری باشدان سوووشوب
هر گیزلین دردینه بیر ماهنی قوشوب
پیس قئیین قودانین الینه دۆشوب!
منیم بو شهره یازیغیم گلیر
بئلی بۆکولسه ده چؤکمه ییب دیزه
سینیق بیر قاییق دیر، باخیر دنیزه
گل سنی آپاریم آیری تبریزه
سنه یازیغیم یوخ، حیفیم گلیر
#حمید_عیوضی
@turkmilleti
قوربان اولوم او قامتِ رعنایه یاواش گئت
ای طعنه ووران شمعيله هم آيه ياواش گئت!
من عاشقم او خال و خط و نرگس مسته
آشفته ی او نرگس شهلايه ياواش گئت
گئتسن او قَدَر آغلارام عالم اولا دريا
آخر اولاسان غرق او دريايه، ياواش گئت!
گؤردوم او گۆلِ عارض و او زلفِ سياهی
دۆشدوم یئنه بو شور و بو سودايه، ياواش گئت!
آد اُولدو منيم ائيله دين اغياريله الفَت
سالدین منی بو تهمتِ بی جايه، ياواش گئت!
ای لیلیِ دُوران بو قَدَر اِئتمه تَغافُل
سالما منی مجنون کيمی صحرايه ياواش گئت
دؤن بير دالی باخ اولما بئله حُسنونه مغرور
قوربان اولوم او نرگس شهلایه... یاواش گئت!
"عاجز" کيمی عاشق سنه اِی مِهرِ منّور
هیهات! دوباره گله دنيايه، ياواش گئت!
#عاجز_اردبیلی
@turkmilleti
یازیلان یازینی پوزماق چَتیندیر
بیر یوخو گؤرموشم یازماق چَتیندیر
دَرد وار کی، تاب ائدیب، دؤزمک چَتیندیر
آرادا یادا سال انسانام مَن ده
نه اولسون دولتیم، واریم اولماییب
ایستکلی سئوگیلیم، یاریم اولماییب
کؤنلومون سیم لری تاریم اولماییب
آرادا یادا سال انسانام مَن ده
سانما گۆلورمسه اولماییب غَمیم
داشلارا چیرپیلدی مَحَبّت گَمیم
اولارمی بیرآز دا گۆلوم، اَیلهنیم
آرادا یادا سال انسانام مَن ده
دَردیمی یۆکلهییم هارانین اۆسته
آغ چَکسن نه خیری قارانین اۆسته
یارانی وورموسان یارانین اۆسته
آرادا یادا سال انسانام مَن ده
ائلوین _ ایلقاراوغلو
@turkmilleti
هانسی اسیملردن عطرینی آلیم
هانسی دؤنوشلرده اؤزلهییم سنی
منه بیر آدرس وئر اوردان آسیلیم
دئنن گلهجهیم گؤزلهییم سنی.
پاییزین قوخوسون یاخاما یاخما
بیر گؤزوم آغلاییر بیر گؤزوم گۆلور
باخیشین مرمیدیر جانیما تاخما
چوخداندیر اۆرهییم سن اۆچون اؤلور.
هله ده سئویرم سنی بیر دنیز
هله ده اۆرهییم دؤنمهییب داشا
ائله آه چکیرم کۆچهده سنسیز
سانکی داریخمایام آیاقدان باشا.
بۆروندو سئوگیمیز قاپ قارانلیغا
بیز یامان ملهدیک یامان اییلدیک
نعشیمی سۆرومه کور دومانلیغا
بلکه او دنیادا گؤز گؤزه گلدیک.
بو آخیر سئوگیدیر آخیر هوسدیر
ایستهیین ان آجی آجیسیسان سن
چوخداندیر دنیامیز قارا قفسدیر
بلکه ده گئجهنین باجیسیسان سن.
#دومان_سفراوغلو
@turkmilleti
📚 قیسا حیکایه: ساواش
🖌 یازار: لوئیجی پیراندئللو
🎙️ سس و تنظیم: نیره اردلانی
📖 چئویرن: رضا حسینی بقانام
📕 ناشر: نشر واژه
📓 ساواش (دونیا حیکایهلری) کیتابیندان بیرینجی حیکایه
🕰 زامان: 00:11:47
💾 اؤلچو: 11MB
#ساواش
#رضا_حسینی_بقانام
#نیره_اردلانی
#قیسا_حیکایه
@RizaHosseiniBaghanam
@nayyereh_ardalani
@turkcehikaye
آچدی هؤرۆکلرین آی ایشیغیندا
کؤلگهسی دوْستاقدان ائشییه دۆشدو
بیر ماهنی سیزلادی دوْداقلاریندا
-آی ائللر سئودیییم یادلا قوْووشدو...
دووارا سؤیکهنیب سیلدی گؤزلرین
یاشاییش گؤزۆنده خزل لنیردی
سئوگیسین یاد الده گؤرنلر کیمی
گؤزۆنده یالانلار گؤزل لنیردی
گئجهنین بو واختی سوسوزلایاردین!
یانیندا اوْلسایدیم ، سو گتیرردیم
سوْنرا گۆلومسهییب قوجاق آچاردین
بیر قوش تک اوچاردیم، گؤیده ایتردیم
گؤرن قوجاغیندا کیم ایتیر ایندی؟
سنی منجه سئون آخؽ اوْلارمی؟
سوْنرا اؤز سؤزۆنه گۆلمهیی توتدو
مگر بونجا راحات یئریم دوْلارمی!...
من وطن یوْلوندا توتولان زامان
اوْنلار سحر آخشام گؤرۆشوردولر
تیتررکن دوْداغیم استنطاقلاردا
اوْنلار دوْداق گلیب اؤپۆشوردولر
وطن سن شاهد اوْل یالقیزلیغیما
من نهیی سئچمیشدیم، اوْ نهیی سئچدی
آزادلیق، یاشاییش، وطن یوْلوندا
من اؤزۆمدن کئچدیم، اوْ مندن کئچدی
وطن سن قوجاق آچ یوْرغون قیزینا
سینیبدیر قفسده قانادیم ـ قوْلوم
من سحر یئلی ایدیم، جان باغیشلاردیم
ایندی قوجاغیندا گلمیشم اؤلۆم
*استنطاق:محاکمه شدن، به سوالات جواب دادن
#حمید_عیوضی
@turkmilleti
بابك کیمی دور قوللاريني چيرمالا هئي هئي
تۆرك ائللريني ييغماغا توْنقال قالا هئي هئي
باش بؤلگو بؤلنلر سيزي ياددان چيخاديبلار
حق آلمالي دير دور ياپيشاق قوْل-قوْلا هئي هئي
غم دئو كيمي دنياني توُتوب اوْوجونا سيخدي
باس بارماغي سينسين بوغازين پارچالا هئي هئي
اي نسل نسيمي سيزه سوسماق كي ياراشماز
تۆرك اوغلو دئمز آخ! دریسين سوْيسالا هئي هئي
داغلار داغیلار گر اوُجالا نعره سی تۆرکون
بیر نعره دماونده چکیب شاققالا هئی هئی
مین دالغالی توفان تؤره نر همتیمیزدن
دنیانی یاپیش لندی کیمین ییرقالا هئی هئی
یازماق گۆنودور بیر قلم آل ساخلا الینده
حق-حق دئیک حق اۆسته وئرک دال- دالا هئی هئی
هر شهریده مین بابکیمیز قالدیراجاق باش
بابک قالاسیندان یاراداق مین قالا هئی هئی
شاعر: استاد هوشنگ جعفری
@turkmilleti
آیاقلار آلتيندا يئر اولدو تاپداق
سرّينی، مغزينی، بيلمه ديک آنجاق
تاپداق ائتديگيميز بو قارا تورپاق
ابدی منزلين دامی دیيلمی؟
#بختیار_واهابزاده
@sahbeyt
/channel/turkmilleti/6667
💢💢💢
#بیر_آووج_اێشێق
یازین سون گۆنلری دیر، ائینالیدان اسن مئه یئل قارنی بورنوندا اولان سارانین آلنیندا اولان تر دامجیلارینی سویودوب، سارانین جانینی سرین بیر گیزیلتی بۆرویور، سانجی قارنینی دوغراییر.
روس لارین چکمهلرینین سسی تبریزین
" واغزال " خییاوانین آدی کیمی آیاغی آلتینا آلیب، ۱۳۱۸ اینجی گۆنش ایلینده.
هاوانین ایستیسینده آرا بیر سوچو عزتین " سرین سوُدی، سرین سوُ " سسی گلیر، روس سالداتلارین اؤنوندن کئچرکن عزت ده سسینی قیْسیر؛ سارا ائوده سانجی دان سسینی قیسان کیمی.
یایین بیرینجی گۆنودور، عزت یاشاملارینین پاراسال دورومونا باخمایاراق ایکی بالاسی ایله بیرگه، حیات یولداشی سارانین یانیندا قالدی.
سارا دئییردی " سانجیلاریم چوخالیب، بوُدوم تیره چکیر، دئییرم بس اوشاق بۆیون اولار. "
سارا نه قدر سانجی چکسهده اوُشاقدان خبر اولمادی.
قوْرا پیشیرنین ایکینجی گۆنو گلیب چاتدی.
سارانین سانجیلارینین آردی کسیلمیردی.
رنگی پؤرتموشدو، عزت خبر وئریب ائوه ماما گتیتدیردی.
ماما یئتیشجهیین عزت ائودن ائشیگه چیخدی.
عزت قاپیدا آددیملاییردی اۆرهیی اسه-اسه دؤزومسوزلوکله ائودن بیر خبر گؤزلهییردی.
سارانی تر بۆروموشدو، دیشلرین بیر-بیرینه قیْساراق قیْشقیرتیلارین ایچینده بوغوردو.
ماما-نین سسی سارانین قولاغینا چاتدی
" قوتولدو، توتدوم "
سارا کیپریکلرینی بیر-بیرینین اۆستونه آخیداراق کؤرپه اوُشاغین آغلاما سسی ائوه دولدو.
عزت گۆلومسهیهرک " هن؟ نه خبر؟ " دئیه سارایا سسلندی.
ماما " عزت آ گؤزلریز آیدیْن، گۆل کیمی اوغلون اولدو، من سارانین باشینا دۆز تؤکنده سارا الین اۆزونه وورموشدو من اوندا دئمیشدیم اوشاغین اوغلاندی. ایندی ایناندیز؟ "
عزت گۆله-گۆله باشینی ترپهدیب "هه " دئدی.
ایکی گۆن سونرا عزت گئدیب " صمد " آدلی بیر کیملیک آلدی یئنی دوغولموش آووجلاری ایْشیق دولو اوغلونا.
#صمد_بهرنگینین دوغوم گۆنو تۆرکلره، ادبیات دنیاسینا، صمد-ی سئونلره قوتلو اولسون.🌿
✍#فرخ_جرایدی، یورغون
✔️✔️✔️
👇👇👇
/channel/imgalar
مگر گۆن جامِ عشقیندن ایچیب ای شوخِ مهپاره
دَیَر مستانه هر ساعت، او دیواره بو دیواره
منی حیرت سنی تمکین بئله خاموش ائدیب گویا
چکیب نقّاش ایکی صورت او دیواره بو دیواره
سنی گؤردوم باخاندا هر یئره هر یانه مجلسده
سالیبسان عکس مه طلعت او دیواره بو دیواره
هجوم اشک چشمیندن دئییل ممکن فراقیندا
قویام بیر باشیمی راحت او دیواره بو دیواره
بو کؤنلوم کعبه کویوندا ائیلر سجده هر یانه
ائدرلر مکّهده طاعت او دیواره بو دیواره
عبث دیواره اعمالر گئدنده اللرین سۆرتمز
سنین کۇیون وئریب نسبت او دیواره بو دیواره
دَخی بو صفحهٔ عالمده بوش یئر قالمادی "راجی"
یازار ایندی غمِ فرقت او دیواره بو دیواره
تبریزلــی راجـــی
سسلندیرن: رویا خاتین
@turkmilleti
بو کؤنلوم کعبه کویوندا ائیلر سجده هر یانهЧитать полностью…
ائدرلر مکّهده طاعت او دیواره بو دیواره
عبث دیواره اعمالر گئدنده اللرین سۆرتمز
سنین کۇیون وئریب نسبت او دیواره بو دیواره
#تبریزلی_راجی
@sahbeyt
قارتال دوْغولوبان قارتال بؤیودوم
دئدیم " داغلار اوْلسون مسکنیم گرک "
قوْل-قاناد یئتیریب اوُچماق ایستر کن
دئدیلر " ایلان تک سۆرۆنمک گرک "
#سهند
#بولود_قارا_چؤرلو
@sahbeyt
ای منیم شانلی ائلیم، حرّ وطنیم آل گونشیم
آینا تک پارلاق افق، دریا تکین چرخه اسیر
آی قادینلار آنالار بیرجه آچین پنجره نی!
صوبح آچیلماقدادی صوبحون یئلی داغلاردان اسیر...
✍حبیب ساهیر
#نیره_اردلانی
🎧🩵🎙
@nayyereh_ardalani
بلکه ده اؤلولر بیزه آغلاییر...
(فلسفه پیچاغی کتابیندان)
شعر و دکلمه: فرمان فرضی
#فرمان_فرضی
@turkmilleti
🎈📚 «اوشاقلار اوْخوسون» کمپینی
📖 هر بیر کیتاب، هر بیر اوشاغین خیالینده یئنی بیر دۆنیا آچیر.
🧡 تۆلکو آکادمی «اوشاقلار اوْخوسون» کمپینی ایله اوشاقلاری داها آرتیق کیتاب اوْخوماغا تشویق ائتمک، اوْخوما سئوگیسینی گۆندهلیک یاشامین بیر پارچاسینا چئویرمک ایستهییر.
📖☕ بو یوْلچولوغوموز کافهلر و کیتابخانالارلا باشلاییب، آنجاق بو کمپینی گئنیشلتمک ایستهییریک. مدرسهلر، اوشاق مهدلری، کیتابخانالار و اوشاقلارین اوْلدوغو هر یئرده کیتابلاریمیزی پایلاماق ایستهییریک.
🎈 سیز ده اوشاقلار اوْخوسون کمپینینه قوْشولون. اوْلسا بیر کیتاب آلماقلا بیر اوشاغین خیال دۆنیاسینا یوْل آچین.
🎈 بو کمپینه قوْشولماق اۆچون دایرکتدن بیزه یازین.
آذربایجانلی اینسانین «یئنی نسلینی» گۆجلندیرمک اۆچون
ادمین
@chmaryam
▶️ @tulkuacademy
🌐 www.tulkuacademy.ir
گئتمک ایستهینلر آرخایا باخماز،
مین دفعه آرخاما باخیب گئدیرم.
الیمی الیندن هیجران قوپاریر،
طالعین چاییندا آخیب گئدیرم.
یاشادیق حیاتین گرچکلرینی،
بعضا ده اونوتدوق گرکلرینی.
او دورو عشقینین چیچکلرینی،
بو وورغون قلبیمه تاخیب گئدیرم.
آیریلیق باختیما یامان داش ووروب،
نه دئسن غم-کدر باشا-باش ووروب.
قلبیمی قلبینله قوشالاشدیریب،
قورو جسیمیم ایله چیخیب گئدیرم...
من سنی اؤزوم تک اینانیب سئودیم،
یاتیب خیالینلا، اویانیب سئودیم.
دونیا قارشیسیندا دایانیب سئودیم،
دونیامی باشیما ییخیب گئدیرم.
قاییبین قلبینده خاطیرهلرین
ایللردیر یئر سالیب، دریندن درین.
اینانما! یالاندیر، اونلاردان بیرین_
دئسم ده یاندیریب یاخیب گئدیرم ...
مین دفعه آرخاما باخیب گئدیرم ...
#علی_رشتبر_قاییب
/channel/Yaprak_chanel
ای گۆل، منه هر جور ائله ییرسن، خبریم وار
بیر گۆن یاخار آخر سنی آهیم، زهریم وار
لیلی نه چی دیر، حُسنون ایله بحث ائده بیلسین
مجنون نه دیر، اوندان منیم آرتیق هنریم وار!
گؤرجک منی، مین ناز ایله گیزلتمه جمالین،
پیس گؤز سنه دگمز، گؤزه لیم، خوش نظریم وار
عالم ییغیلا، دردیمی میندن بیری بیلمز
زلفون هوسیله او قدر درد سریم وار
هند اهلینه گؤستر، گؤزه لیم، چشم له زلفون،
فخر ائتمه سین آهویِ ختن، مشکِ تریم وار!
جانانلا مئی ایچدیکده رقیبین گؤزو چیخدی
اود توتدو، آلیشدی، اونا بیلدی، ضرریم وار
سلطانلارا باش اگمه رم، هرچند فقیرم
خوشدور منه، سن تک، گؤزه لیم، تاجِ سریم وار
واحد، هله آز یازمیسان اولادِ وطن چون
چوخ یئرده گئدیب لووغالانیرسان، اثریم وار
علی آغا واحد
@turkmilleti
بيزی يولوموزدان آيرى سالديلار،
سؤزونو يئرينه يئتيرمه ينلر.
سنى اؤزگه سينه نيشانلاديلار،
منى اۆركلرى گؤتورمه ينلر.
چيرپينيب قالارديم يارالى قوش تك،
حرصيمى ايچيمده، سويوتماسايديم.
او قدر آغيردى سنى ايتيرمك،
بلكه ده اؤلرديم اونوتماسايديم.
سئومك نه گؤزلميش او وقتده سنى?!
كاش كى، بو سئوگيميز بيتن اولمازدى.
كاش او وقت اوزاقدان توتاردين منى،
ايندى آيريليقدا چتين اولمازدى.
دئمه ديم درديمى اؤزگه يه، يادا،
ائله جه يولونا باخيب قالميشام.
يئنه ده دؤزورم يوخلوغونادا،
هله يومروغومو سيخيب قالميشام.
اۆره ييم دؤزمه دى قلبينى قيريم،
سؤزوم او دنيايا قالسين، عيبى يوخ.
منيم اولمادينسا، قارغيشلاميرام،
اؤزگه نين اولدونسا، اولسون، عيبى يوخ...
#فخرالدين_على
@turkmilleti
[ مین بیر ماهنی ]
۱۰۰۱ دنه آذربایجان ماهنیسی
توپلایان و ساهمانلایان: پروفسور رافیق بابایئو
۱۲۶۰ صفحهلیک کیتابین pdf نسخهسی، سیزلره هدیه اولسون.
(#باکی_چاپی)
#یاشماق_کیتاب_ائوی
#ساوالان_ایگیدلری_انتشاراتی
بختیار وهابزاده نین آدلیم ناغیل- حیات شعری شاعرین اؤز سسیله.
بو شعر نه یازیق کی ائله بئله شاعرانه بیر فکر و یا رمانتیک بیر قونو یوخ گرچک و حقیقی روایت دیر عصریمیزین یاشام گرچکلیگیندن. شعری دفعهلر ائشیتمگه دَیَر.
@turkmilleti
گۆنهشه باخاندا قارالیْر گؤزۆم
ایْشیغین ایچینده ظلمت اوْلوُرموش؟
ایکی سئون قلبین قوْووُشدوغو یئر
کوْل دیبی اولسادا جنّت اوْلوُرموش
ازلدن نسبیدیر قارا دا، آغ دا
یاخیْن دا، اوُزاق دا، تپه ده، داغ دا
دۆنن بایراق اوْلان سؤز، بد آیاقدا
دؤنوب بیردن بیره غلط اوْلورموش
حکمو داشدان کئچر یالانیْن شرین
روحو اوُنودولوب مقدّسلرین
آمالی جیبیندن یۆنگول کسلرین
ان بؤیۆک طلبی منت اوْلورموش
خیرینده شرینده وحدتدیر عالم
بیر اوُجو سئوینج، بیر اوُجو اَلم
قوْروُلان قالادا منیم بۆدرهمم
منیم رقیبیمه فرصت اوْلورموش
ائنیشین قدرین بیلدیک یوْخوشدا
عقل نه بیلیکده، نه ده کی یاشدا
دنیانین آهنگی باهار لا قیْشدا
کدرده سئوینجده وحدت اوْلورموش
آمالیمیز - فکریمیز، بیر عشق بیر هوس
اؤز-اؤزۆنه جۆجهره بیلمز
ملت سئوگیسییله سلاحلانان کس
اؤزۆ تک باشیْنا ملت اوْلورموش
بختيار وهابزاده
Günəşə baxanda qaralır gözüm
Işığın içində zülmət olurmuş?
İki sevən qəlbin qovuşduğu yer
Kol dibi olsa da cənnət olurmuş.
Əzəldən nisbidir qara da, ağ da,
Yaxın da, uzaq da, təpə də, dağ da,
Dünən bayraq olan söz, bəd ayaqda
Dönüb birdən birə qələt olurmuş.
Hökmü daşdan keçər yalanın, şərin
Ruhu unudulub müqəddəslərin
Amalı cibindən yüngül kəslərin
Ən böyük tələbi minnət olurmuş.
Xeyrində, şərində vəhdətdir aləm
Bir ucu sevinc, bir ucu ələm
Qorunan qalada mənim büdrəməm
Mənim rəqibimə fürsət olurmuş.
Enişin qədrini bildik yoxuşda
Ağıl nə bilikdə, nə də ki yaşda
Dünyanın ahəngi baharla qışda
Kədərdə, sevincdə vəhdət olurmuş.
Amalımız fikrimiz bir eşq, bir həvəs
Öz-özünə cücərə bilməz.
Millət sevgisi ilə silahlanan kəs
Özü tək başına millət olurmuş.
@turkmilleti
Könlümün sevgili cananı mənim
Vətənimdir,vətənimdir,vətənim.
Vətənim verdi mənə nanü-nemək,
Vətəni məncə unutmaq, nə demək?
Anadir hər kişiyə öz vətəni,
Bəsləyib sinəsi üstündə onu.
Südüdür ki, dolanıb qanım olub,
O, mənim sevgili cananim olub.
Saxlaram gözlərim üstə onu mən,
Olərəm əldən əgər getsə vətən.
Vətənin neməti nisyan olmaz,
Naxələflər ona qurban olmaz.
Vətən əjdadımızın mədfənidir.
Vətən övladımızın məskənidir.
Vətəni sevməyən insan olmaz,
Olsa da ol şəxsdə vicdan olmaz.
✒️Abbas Səhhət
@turkmilleti
اینلهدیمی اۆرهیینین سیملری
آیریلیغی حس ائتدینمی منیم تک
خوشبخت کئچیرت منسیز اولان ایللری
لاییق دئییل کیمسه بونا سنین تک
آغریماسین، روحون عذاب گؤرمهسین
دوستلوقلارین، سئوگیلرین ایتمهسین
سنین اولسون یاخشی اولان نه وارسا
آزالماسین، دییشمهسین، بیتمهسین
منی اونوت، یادداشیندان سیلیب آت
آدیم بئله اۆرهییندن کئچمهسین
خاطیرلاییب، کدرلنمه قطعیاً
سئودیکلرین اۆزونده غم سئچمهسین
یاواش-یاواش آلیشارام تکلیگه
گاه داریخیب، بولود کیمی دولارام
گۆل اکهرم گئتدیگین او یوللارا
گئجهلری گؤز یاشیملا سولارام
اؤلدویومو دویسان اگر اینانما
من اونسوز دا یانیب-یانیب سؤنموشم
قورو نفس بیل یاشاماق ساییلمیر
بیل کی سندن آیریلاندا اؤلموشم
#واصف_داداش اوف
@turkmilleti
#بیلدیریش
«لالا» آدلی حئکایه (رومان) کتابینین آچیلیش تؤرهنی، خرداد آیینین ۲۱-جی گونونده آخشام ۶-دان ثقهالاسلام ائوینده (قاری کؤرپوسو- نظامی آدینا ادب، کولتور قورولتایی) کئچیریلهجک. بو اثرین یازیچیسی «نساء مقصودیفر»دیر. کتاب، آخار نشری واسطهسی ایله چاپ اوزو گؤرموشدور.
#ادبیات_ائوی
#لالا
@AdabiyatEvi
