Xushnudbek.uz

28 Mar 2023 15:06

28-mart, seshanba.
Iftorlik vaqti: 18:45 (Toshkent vaqti)

#hadis #ramazon

Abu Saʼiddan rivoyat qilinadi:

«Nabiy sollallohu alayhi vasallam: “Bemorni koʻrgani boring! Janozaga ergashing! Sizga oxiratni eslatadi”, dedilar».

📖 Sharh: Bu hadisdan bemorni koʻrgani borishda ibrat olish omili ham mavjudligini bilib olamiz. Xasta kishini borib koʻrgan odam oʻzining sogʻligiga shukr qilishi, bemorlik ham borligini eslashi kerak boʻladi.

Shuningdek, janoza marosimida ishtirok etgan odam oʻlimni eslashi, oʻzining ham bir kuni oʻlishi borligini yodga olishi lozim boʻladi.

"Odoblar xazinasi" kitobidan


👉 @xushnudbek 👈

Xushnudbek.uz

28 Mar 2023 12:18

⛈ "Oʻzgidromet" sel xavfidan ogohlantirdi

29-31-mart kunlari kutilayotgan kuchli yogʻingarchilik sababli togʻoldi va togʻli hududlarda istiqomat qiluvchi fuqarolar hamda togʻli hududlarda harakatlanuvchi haydovchilar ehtiyot boʻlishlari lozim.

Sel xavfidan ogohlantirilgan hududlar:

Qashqadaryo viloyati: Yakkabogʻ, Dehqonobod, Chiroqchi, Kitob, Shahrisabz, Qamashi, Gʻuzor tumanlari;

Surxondaryo viloyati: Sariosiyo, Uzun, Oltinsoy, Denov, Boysun, Sherobod, Shoʻrchi, Qumqoʻrgʻon, Muzrabot tumanlari;

Samarqand viloyati: Urgut, Samarqand, Bulungʻur, Nurobod, Qoʻshrabot, Kattaqoʻrgʻon, Payariq, Jomboy, Ishtixon tumanlari;

Navoiy viloyati: Xatirchi, Navbahor, Nurota, Konimex, Karmana tumanlari;

Jizzax viloyati: Zomin, Baxmal, Gʻallaorol, Sharof Rashidov, Forish, Yangiobod tumanlari;

Toshkent viloyati: Ohangaron, Boʻstonliq, Parkent, Piskent, Oʻrta Chirchiq, Yuqori Chirchiq tumanlari va Angren, Olmaliq shaharlari;

Namangan viloyati: Pop, Kosonsoy, Chortoq, Chust, Namangan, Yangiqoʻrgʻon tumanlari;

Fargʻona viloyati: Soʻx, Shohimardon, Fargʻona, Beshariq tumanlari;

Andijon viloyati: Andijon, Asaka, Jalaquduq, Qoʻrgʻontepa, Paxtaobod, Izboskan, Xoʻjaobod, Marhamat tumanlari va Xonobod shahri.


👉 @xushnudbek 👈

Xushnudbek.uz

28 Mar 2023 11:00

✨ Barcha intiluvchan abituriyentlar diqqatiga! Siz yorqin kelajakka tayyorlaydigan qiziqarli va foydali taʼlimni qidiryapsizmi? Unda Ipak yoʻli innovatsiyalar universiteti aynan siz uchun!

💡 Ushbu oliygoh talabasi sifatida zamonaviy jihozlar va ilgʻor texnologiyalardan foydalanish imkoniyati hamda faol talabalar hamjamiyatining bir boʻlagiga aylanish imkoniyatini qoʻlga kiritasiz.

Taʼlim yoʻnalishlari:

🔹 Iqtisodiyot (soha va tarmoqlar kesimida)
🔹 Pedagogika va psixologiya
🔹 Boshlangʻich taʼlim

📌 Universitet talabalariga oʻzlari tanlagan sohalarida har tomonlama muvaffaqiyatga erishadigan taʼlim berishga intiladi.

(Litsenziya №056010, 28.12.2022y.)

Hoziroq murojaat qiling va yorqin kelajak sari qadam tashlang!👇

+998994802441
+998994902441
+998997602441
+998997902441

Telegram | Sayt | Instagram | iyiuuz">YouTube | Ta'lim reklamasi

Xushnudbek.uz

28 Mar 2023 08:10

Soliq qo'mitasi bayonoti: ortiqcha undirilgan foyda solig‘i bo‘yicha bo‘nak to‘lovlar qaytariladi

Ijtimoiy tarmoqlarda Toshkent shahrida qayd etilgan foyda solig‘i bo‘yicha holatlar Soliq qo‘mitasi tomonidan zudlik bilan o‘rganildi.

Tezkor o‘rganish natijalari tanqidiy ravishda ko‘rib chiqilib, quyidagi chora-tadbirlar belgilab olindi:

birinchidan, ushbu kamchiliklarga yo‘l qo‘yganliklari uchun Soliq qo‘mitasi masʼul nazorat departamenti boshlig‘i B.Muqimov va Toshkent shahar bo‘lim boshlig‘i O.Lutfillayev egallagan lavozimlaridan ozod etildi;

ikkinchidan, Toshkent shahar soliq boshqarmasi boshlig‘i Yu.Nasimjanov va Boshqarma boshlig‘ining birinchi o‘rinbosari J.Mirpo‘latovning maxsus unvonlari bir pog‘onaga pasaytirilib, intizomiy jazo chorasi belgilandi;

Shuningdek, Soliq qo‘mitasi soliq to‘lovchilarga xizmat ko‘rsatish departamenti boshlig‘i X.Bazarovga nisbatan hayfsan intizomiy jazo chorasi tayinlandi.

uchinchidan, foyda solig‘i bo‘nak to‘lovlari hisobidan byudjetga undirilgan ortiqcha mablag‘larni 28-mart kuni soat 13:00 ga qadar soliq to‘lovchilarga to‘liq qaytarish vazifasi belgilandi;

to‘rtinchidan, qayd etilgan holatlar bo‘yicha Toshkent shahar soliq organlarida maxsus boshqarma tomonidan xizmat tekshirishi o‘tkazish va natijalari bo‘yicha hujjatlarni huquqni himoya qilish organlariga yuborish vazifasi topshirildi.

❗️"Hurmatli tadbirkorlar, Soliq qo‘mitasi qayd etilgan holatlar bo‘yicha vaqtida axborot bergan tadbirkorlik subyektlariga minnatdorlik bildirgan holda, summasidan qatʼi nazar kelgusida qayd etiladigan har bir holat bo‘yicha Soliq qo‘mitasiga yoki @dsq_anticorrupciya_bot ga murojaat qilishingizni iltimos qiladi", - deyiladi bayonotda.


👉 @xushnudbek 👈

Xushnudbek.uz

28 Mar 2023 07:15

🧑‍⚕️👨‍⚕️Tibbiyot xodimining faoliyatiga to‘sqinlik qilganlik uchun ma’muriy javobgarlik belgilandi

Shavkat Mirziyoyev bu haqdagi tegishli qonunni imzoladi, deya xabar bermoqda O‘zA (@uzauz).

Qonun bilan Ma’muriy javobgarlik to‘g‘risidagi kodeks yangi 197-7-modda bilan to‘ldirilib, unda tibbiyot xodimining qonuniy tibbiy faoliyatiga to‘sqinlik qilish yoki shu maqsadda tibbiyot xodimiga turli shaklda qonunga xilof ravishda ta’sir o‘tkazish uchun ma’muriy javobgarlik belgilandi.

Mazkur qilmish uchun fuqarolarga – 1,5 mln so‘mdan 2,1 mln so‘mgacha (bazaviy hisoblash miqdorining 5 baravaridan 7 baravarigacha), mansabdor shaxslarga esa 2,1 mln so‘mdan 3 mln so‘mgacha (7 baravardan 10 baravargacha) jarima yoki 15 sutkagacha ma’muriy qamoq tarzidagi jazo belgilandi.


👉 @xushnudbek 👈

Xushnudbek.uz

28 Mar 2023 06:30

Korzinka Muborak Ramazon oyi kirib kelgani bilan barchani chin qalbdan tabriklaydi!

Yaqinlaringiz, do‘stlaringiz, qo‘yingki, barcha-barchaga mehr, ezgulik ulashing va savobga to‘la xayrli amallarni bajarishdan charchamang ❤️

Korzinka xonadoningizga tinchlik va xotirjamlik, fayz va farovonlik tilaydi!

#RamazonMuborak 🌙

App | Telegram | Facebook | Insta | Web
Reklama

Xushnudbek.uz

28 Mar 2023 01:01

28-mart, seshanba.
Saharlik vaqti: 04:54
Iftorlik vaqti: 18:45 (Toshkent vaqti)

#hadis #ramazon

Nofeʼ ibn Abdulhorisdan rivoyat qilinadi:

«Nabiy sollallohu alayhi vasallam:
“Keng maskan, solih qoʻshni va yaxshi markab kishining saodatidandir”, dedilar».

📖 Sharh: Demak, maskanning keng boʻlishi, qoʻshnining ahli solih boʻlishi va miniladigan markab (ulov)ning yaxshi boʻlishi inson saodati omillaridan ekan.

"Al Adab. 2" kitobidan


👉 @xushnudbek 👈

Xushnudbek.uz

27 Mar 2023 18:32

Katta xatoga yo’l qo’ymaylik: Openbudget’ga pasportlarni aralashtirmaslik kerak

Tashabbusli byudjet loyihasida “bir kishi — bir ovoz” prinsipi bo’yicha ovoz berishni tashkil qilish uchun ko’plab takliflar bildirilmoqda.

Jumladan, OneID tizimida elektron imzo orqali ovoz berishni yo’lga qo’yishni taklif qilishmoqda. Bu tizimda har bir insonning pasport ma’lumoti orqali ro’yxatdan o’tish amalga oshirilgani uchun, bir kishi faqat bitta ovoz bera oladi.

❗️Ammo bu katta xato bo’ladi va hozirgiga qaraganda ko’proq jiddiy zarar olib keladi.

Sababi hozir bitta suv uchun telefonidagi SMSni bemalol birovlarga aytib, “ovozini sotayotgan” sodda insonlar, ertaga tushunmasdan pasportini ham birovlarga beraveradi. Natijada begonalar qo’lida o’n minglab insonlarning pasport ma’lumotlari va OneID tizimiga “dostup”i paydo bo’ladi. Bundan esa ko’plab g’arazli maqsadlarda foydalanishlari mumkin.

Shu sababli jarayonni yanada og’irlashtirmaslik va millionlab fuqarolarning shaxsiy ma’lumotlarini xavf ostida qoldiradigan tizim yaratib qo’ymaslik kerak.

Bu haqda kechagi ovozli chatda ham o’z munosabatimni bildirdim👆

O’zi bizga minglab odamlarning pasport ma’lumotlari o’g’irlanishiga va o’zining ruxsatisiz nomiga sim-kartalar olinishiga sababchi bo’layotgan UzIMEI tizimi yetib ortadi. Yana bitta UzIMEI og’irlik qiladi.


👉 @xushnudbek 👈

Xushnudbek.uz

27 Mar 2023 16:00

Endi pedagoglarning kasbiy faoliyatiga qonunga xilof ravishda aralashgan yoki o‘z xizmat vazifalarini bajarishiga to‘sqinlik qilgan mansabdor shaxslar 15 sutkaga qamalishi mumkin.

Openbudget uchun ovoz yig’ishga o’qituvchilarini qo’rqitib, majburlayotgan maktab direktorlarining hozirgi holati👆


👉 @xushnudbek 👈

Xushnudbek.uz

27 Mar 2023 14:28

⚡️Pedagoglarni majburiy mehnatga jalb qilganlik uchun alohida jinoiy javobgarlik belgilandi

Bugun Shavkat Mirziyoyev pedagog xodimlarning xizmat vazifalarini bajarishiga to‘sqinlik qilganlik uchun javobgarlikni kuchaytirishni ko‘zda tutuvchi qonunni imzoladi. Bu haqda Prezident Administratsiyasi rahbari o’rinbosari Komil Allamjonov ma’lum qildi.

Unga ko‘ra, pedagog xodimni mehnatga biron-bir shaklda ma’muriy tarzda majburlash uchun ma’muriy va jinoiy javobgarliklar kuchaytirilmoqda.

Jumladan, umumiy holatda biror shaxsni majburiy mehnatga jalb etish 30 mln so‘mgacha (100 baravar) jarimaga sabab bo‘lsa, endilikda pedagoglarni majburiy mehnatga jalb qilish 45 mln so‘mgacha (150 baravar) jarima bilan jazolanishi mumkin.

Jinoyat kodeksida ham pedagoglarga qarshi harakat uchun alohida jinoiy javobgarlik belgilandi va jazo kuchaytirildi. Ya’ni pedagog xodimni mehnatga biron-bir shaklda ma’muriy tarzda majburlash uchun, agar xuddi shunday qilmish uchun ma’muriy jazo qo‘llanilganidan keyin sodir etilgan bo‘lsa, 45 mln so‘mdan 60 mln so‘mgacha jarima yoki 3 yilgacha muayyan huquqdan mahrum qilish yoxud 3 yilgacha axloq tuzatish ishlari jazosi belgilandi.

Shuningdek, ta’lim tashkiloti pedagog xodimining kasbiy faoliyatiga qonunga xilof ravishda aralashish yoki o‘z xizmat vazifalarini bajarishiga to‘sqinlik qilish uchun ham ma’muriy javobgarlik kuchaytirildi. Endilikda bu qilmish uchun fuqarolarga 2,1 mln so‘mdan 4,5 mln so‘mgacha jarima, mansabdor shaxslarga esa 3 mln so‘mdan 6 mln so‘mgacha jarima belgilanmoqda.

❗️E’tiborli jihati, ilgari pedagogning faoliyatiga noqonuniy aralashish uchun faqat jarima jazosi belgilangandi. Endilikda ushbu qilmishni takroran sodir etgan mansabdor shaxslarga 15 sutkagacha ma’muriy qamoq belgilanishi mumkin.


👉 @xushnudbek 👈

Xushnudbek.uz

27 Mar 2023 13:39

Baxt…

Inson butun umri davomida shu mo'jaz tuyg'uni chinakam his etishga intiladi. Haqiqiy baxtga erishish uchun kurashadi. Lekin hayotda shunday paytlar bo'ladiki, chorasizdek, baxtga erishish ilojsizdek tuyiladi va ayni shu daqiqalarda dunyoda eng baxtsiz inson bizdek, go'yo.

Aslida esa, haqiqiy baxt ana shunday lahzalarda ham tabassum uchun bir IMKON topa olishda.

IMKON - tabassum va baxt!

📞 (73)2400440

👉 @imkonsavdomarkazi
Reklama

Xushnudbek.uz

27 Mar 2023 08:37

🚆Toshkentdan qatnovchi ayrim mahalliy va xorijiy poyezdlar jadvali oʻzgardi

Islom Karimov nomidagi Toshkent xalqaro aeroportini Bobur koʻchasi bilan bogʻlovchi koʻprikda rekonstruksiya ishlari amalga oshirilishi munosabati bilan 27-martdan 15-aprelga qadar ayrim yoʻlovchi poyezdlar harakati jadvaliga oʻzgartirishlar kiritildi.

📑 Toʻliq jadval


👉 @xushnudbek 👈

Xushnudbek.uz

27 Mar 2023 07:03

📣 UMFT universitetida 180 nafar talaba uchun grant o'rinlari.

University of Management and Future Technologies oliy ta'lim muassasasi iqtidorli talabalarni qo'llab-quvvatlash maqsadida 2023-2024-o'quv yili kunduzgi ta'lim shakliga 180 ta grant o'rinlari uchun tanlovni e'lon qiladi.

👨‍🎓 Talabalar 3-bosqichli tanlov asosida saralab olinadi. Yakuniy natijalarga ko'ra eng yuqori ball to'plagan:
🥇birinchi 30 nafar qatnashchiga 75%;
🥈keyingi 60 nafar qatnashchiga 50%;
🥉navbatdagi 90 nafar qatnashchiga 25% lik grantlardan biri taqdim etiladi.

❕ Tanlovda ishtirok etishni istaganlar quyidagi bakalavriat yo'nalishlaridan birida ta'lim olish uchun 2023-yil 27-martdan 5-aprelga qadar ro'yxatdan o'tishlari mumkin.
▫️ Dasturiy injiniring
▫️ Infokommunikatsiya injiniringi
▫️ Raqamli iqtisodiyot
▫️ Moliya va moliyaviy texnologiyalar

✔️ Tanlovda ishtirok etish uchun UMFT Grant Bot orqali ro'yxatdan o'tish talab etiladi.

❕ Tanlov o'tkazilish tartibi va shartlari bilan batafsil universitet vebsayti orqali tanishishingiz mumkin.
➡️ www.umft.uz/grant

☎️ +998555068888
📩 Murojaat uchun : @umft_support
🌐 Veb-sayt: www.umft.uz

(Litsenziya №047549, 09.11.2022 y.)
Ta’lim reklamasi

Xushnudbek.uz

27 Mar 2023 01:30

Sizni ham Oisha r.a onamizdek ko‘zingiz yoshlanarmikan…

Manba: @Muftiy_Nuriddin_domla

Ushbu kanal muftiy Nuriddin domla hazratlarining rasmiy kanali ekan.


👉 @xushnudbek 👈

Xushnudbek.uz

26 Mar 2023 19:39

Kechki mutolaa #kechki_mutolaa
(o‘qish yoki eshitish uchun 15 daqiqa vaqtingiz ketadi)

Sharof Boshbekov. Mening yozuvchi bo‘lganim (biografik hajviya)

📖 Matnni o‘qish uchun: xushnudbek/sharof-boshbekov-biografik-hajviya">xushnudbek/sharof-boshbekov-biografik-hajviya" rel="nofollow">https://teletype.in/@xushnudbek/sharof-boshbekov-biografik-hajviya

🎧 Audio hikoyani eshitish uchun: https://youtu.be/bloIZ0tLepc

📚 "Kechki mutolaa" doirasida eʼlon qilingan barcha hikoyalar bu yerda.

💬 Muhokama bu yerda.

Izoh: Kanalimni anchadan buyon kuzatadiganlar yaxshi biladi, avvallari #кечки_мутолаа loyihasida har kuni biror hikoya berib borar edim. Lekin keyinchalik hikoya tanlash va uning texnik tomonlariga vaqt topa olmay, to‘xtab qolgandi.

Shuni anchadan buyon qayta tiklashni niyat qilardim, ammo kamida 1 oylik zaxira to‘play olmayotgandim. Nihoyat bu Ramazon oyiga to‘g‘ri kelganidan xursandman. Endi nasib qilsa, haftaning har payshanba va yakshanba kunlari "Kechki mutolaa" doirasida hikoyalar eʼlon qilib boramiz.

Va ko‘pchilikning taklifiga binoan, imkon boricha hikoyalarning audiovariantini ham berib borishga harakat qilamiz. Bugungi hikoya audiosini Madina Musayeva o‘qigan.


👉 @xushnudbek 👈

Xushnudbek.uz

28 Mar 2023 14:36

Sovrin jamg‘armasi 1 milliard so‘m bo‘lgan fan olimpiadasida qatnashing

📣 “Yangi O‘zbekiston” universiteti tomonidan umumiy sovrin jamg‘armasi 1 milliard so‘m bo‘lgan Buyuk allomalar izidan nomli fizika va kimyo fanlaridan olimpiada o‘tkazilmoqda.

☑️ Olimpiadada barcha maktab, akademik litsey va professional ta’lim muassasalari bitiruvchilari ishtirok etishlari mumkin.

2️⃣ Olimpiada saralash va final bosqichlaridan iborat. Har bir fan bo‘yicha final bosqichida g‘olib bo‘lgan bir nafardan mutlaq g‘oliblarga 20 million so‘mdan pul mukofoti va “Yangi O‘zbekiston” universitetida tahsil olish uchun 38 million so'mlik grant taqdim etiladi.

✅ Shuningdek, eng yuqori natijani qayd etgan 10 nafardan sovrindorlar 2 million so‘mdan pul mukofoti va “Yangi O‘zbekiston” universitetida tahsil olish uchun 38 million so'mlik grant taqdim etiladi.

🗓 Shoshiling, ro‘yxatdan o‘tish 7-aprelga qadar davom etadi!

👉 Ro‘yxatdan o‘tish

👉 Batafsil

⬇️ Biz ijtimoiy tarmoqlarda:
Veb-sayt | Telegram | Instagram | Facebook
Ta'lim reklamasi

Xushnudbek.uz

28 Mar 2023 11:31

🛬 Rekonstruksiya ishlari olib borilishi munosabati bilan joriy yil 1-apreldan “Andijon” xalqaro aeroportida samolyotlarni qabul qilish va jo‘natish vaqtincha to‘xtatiladi.


👉 @xushnudbek 👈

Xushnudbek.uz

28 Mar 2023 09:00

DXX o‘tkazgan tezkor tadbirlarda:

➖ Nurota tuman favqulodda vaziyatlar bo‘limi xodimi fermer xo‘jalik rahbari bilan o‘zaro til biriktirib, 80 gektar yer maydonini 1 mlrd so‘mga sotishga kelishib, oldindan 700 mln so‘m olgan vaqtda;.

➖ Andijon shahridagi qurilish firmasi rahbari hokimlik zaxirasidagi 14 sotix yer maydonini rasmiylashtirib berish evaziga 40 ming AQSH dollari olgan vaqtida;

➖ Samarqand tumanida yashovchi fuqaro o‘ziga dehqon xo‘jaligi tashkil etishi uchun berilgan 35 sotix yer maydonini xaridor nomiga rasmiylashtirib berish evaziga 45 ming AQSH dollari talab qilib, oldindan 25 ming AQSH dollarini olgan vaqtida ushlangan.


👉 @xushnudbek 👈

Xushnudbek.uz

28 Mar 2023 08:01

Kattaqo‘rg‘onda xonadonda gaz portlab, 4 kishi vafot etdi

Samarqand viloyat prokuraturasining xabar berishicha, hodisa shu yil 17-mart kuni soat 05:00 da Kattaqo‘rg‘on tumani, “Madrasa” mahallasida sodir bo‘lgan.

Chaqnash (portlash) xonadon egasining tabiiy gazga mo‘ljallangan isitish pechini o‘t oldirgan vaqtda yuz bergan.

Natijada er-xotin va ularning ikki nafar voyaga yetmagan nabiralari ko‘rsatilgan tibbiy yordamga qaramay vafot etgan.

Holatni prokuratura o‘rganmoqda.

P/S: rasmiy ma’lumot hodisadan 11 kun o‘tib berildi.


👉 @xushnudbek 👈

Xushnudbek.uz

28 Mar 2023 07:01

Bugundan boshlab Toshkent shahrida “XVII jahon chempioni Rustam Qosimjonov” xalqaro turniriga start beriladi.

Ilk marta tashkil etilayotgan turnirda qatnashayotgan 20 nafar shaxmatchining 8 nafari xorijiy mehmon grossmeysterlar bo’lib, ular orasida Alexandr Grischuk (2731), Shaxriyar Mamedyarov (2703), Jorden Van Forest (2682) hamda Parham Maghsoodloo (2660) ham bor.

Turnir rapid formatida, 2 ta guruhda 9 turdan iborat bo’ladi. Umumiy sovrin jamg’armasi - 70 ming AQSh dollari.

Qiziq partiyalar ko’ramiz, degan umiddamiz.


👉 @xushnudbek 👈

Xushnudbek.uz

28 Mar 2023 02:00

Cheksiz muhabbat tarixi haqida ta’sirli hikoya.

Manba: @Muftiy_Nuriddin_domla
Muallif: Muftiy Nuriddin domla hazratlari


👉 @xushnudbek 👈

Xushnudbek.uz

27 Mar 2023 19:09

❓Bir kishi - bir ovoz prinsipiga qanday o‘tsa bo‘ladi?

Umuman olganda buning texnologik yechimi bor. Avval ham vazirlikka buni ko‘p bora taklif qilganman.

Yuqorida tilga olingan UzIMEI tizimida siz qaysi kompaniya raqamidan foydalanishingizdan qatʼi nazar, ariza yuborilgan paytda tizim avtomatik ravishda shu telefon raqam kimning nomida ekanligini aniqlaydi va pasport maʼlumoti bilan solishtiradi.

Xuddi shu texnik yechimni Openbudget‘da ham qo‘llash kerak. Yaʼni masalan men bitta raqamimdan ovoz bersam, keyingi boshqa raqamimdan qayta ovoz bermoqchi bo‘lganimda, tizim avtomatik tekshirib, «Kechirasiz, hurmatli Xudoyberdiyev Xushnud, siz avval falon raqamingizdan ovoz berib bo‘lgansiz» degan ogohlantirish chiqishi kerak.

Albatta, qo‘shimcha tekshirish maʼlum soniya vaqt oladi, balki serverga yana-da yuklama tushirar. Lekin buyog‘i endi odamlarning emas, vazirlik muammosi, asosiysi bunga yechim topsa bo‘ladi.

Muhimi, agar shunaqa tizim ishga tushsa, hozirgiga o‘xshab mingtalab sim-karta sotib olib, ovozni sunʼiy ko‘paytirishlarga chek qo‘yiladi. Umumiy ovozlar soni keskin kamayadi, ammo haqiqiy holat yuzaga chiqadi.

Balki shu bahonada nomimizga olingan va o'zimiz bexabar bo'lgan telefon raqamlarni ham aniqlab olarmiz.


👉 @xushnudbek 👈

Xushnudbek.uz

27 Mar 2023 17:34

“Vaqf” fondi zakot to’lamoqchi bo’lgan insonlarga taklif bilan chiqyapti: yurtimizdagi diniy ta’lim muassasalarida tahsil olayotgan tolibi ilmlarning shartnoma pullarini to‘lash orqali zakotingiz haqdorlarga yetkazib beriladi.

Vaqf fondining “ZAKOT” aksiyasida ishtirok eting va bo‘lajak muhaddis, faqih va qorilarning ilm olishiga hissa qo‘shing!

Zakot va xayriya qilish uchun ustiga bosing:
PAYME | CLICK | Uzum | Bank | Agrobank | uPay


👉 @xushnudbek 👈

Xushnudbek.uz

27 Mar 2023 15:15

27-mart, dushanba.
Iftorlik vaqti: 18:44 (Toshkent vaqti)

#hadis #ramazon

Abul Ubaydayndan rivoyat qilinadi:

“Abdullohdan isrofgarlar haqida soʻragan edim, «Ular molni nohaq oʻrinlarga sarflaydiganlar”, dedi».

📖 Sharh: Demak, nohaq oʻrinlarga, harom-xarish, behuda narsalarga mol sarflagan kishi Qurʼondagi “mubazziriyn”, yaʼni isrofgarlardan boʻlib qolar ekan va ularga atalgan azob-uqubatlarga duchor boʻlar ekan. Siz bilan biz isrofchi boʻlishdan mutlaqo saqlanishimiz kerak.

Yana bir hadisda:
Ibn Abbosdan rivoyat qilinadi:

“Isrofgar nohaq sarflaydigandir”.

📖 Sharh: Yaʼni molni nohaq oʻrinlarga sarflaydigan odam isrofgar boʻlar ekan.

"Odoblar xazinasi" kitobidan


👉 @xushnudbek 👈

Xushnudbek.uz

27 Mar 2023 14:10

❗️Prezident farmoni bilan boj to‘lovidan ozod qilingan oziq-ovqatlar narxi “Korzinka” do’konlarida katta chegirma bilan sotuvga chiqarildi.

Bu haqda "Korzinka" rahbari Zafar Hoshimov ma’lum qildi.


👉 @xushnudbek 👈

Xushnudbek.uz

27 Mar 2023 12:30

Tashabbusli byudjet muvaffaqiyatsizligi uchun emas, muvaffaqiyati uchun tanqidga uchrayapti

Telegramdagi “Iqtisod4i” kanali “Tashabbusli byudjet” haqida post qoldirdi. Jumladan, shunday deyiladi:

“Xabaringiz bor, hozir O‘zbekistonda Tashabbusli byudjet jarayoni ketyapti.

Turli tomondan tanqidlar ham yog‘ilyapti bu loyihaga. Qizig‘i, shu jarayonni «nima uchun davlat maktabni yoki kasalxonani o‘zi joyiga qo‘yib qo‘ymay, ularni ham Tashabbusli byudjetga qo‘shyapti», deb tanqid qilishyapti.

Mana shuning o‘ziyoq loyiha eng muhim vazifasini bajaryapti degani. Maktablarning, shifoxonalarning ahvolini ko‘rib, ularni shundoq ham joyiga qo‘yish kerakligi aytilyapti. Buning uchun xalq ovoz berishi shart emas. Bu to‘g‘ri. Ana shu muhokamalarga esa Tashabbusli byudjet sababchi.

Mohiyatan xalq o‘z ovozini o‘z vakillariga saylovlarda berib bo‘lgan. O‘sha ovozlar bugun maktablarda, shifoxonalarda muammo bo‘lmasligi uchun yetarli bo‘lishi kerak.

Eng muhimi, pullar qayerga sarflanayotgani haqidagi muhokama, parlamentning asosiy vazifasi bo‘lgan kimdan qancha soliq olish va qayerga qancha sarflash kerakligi haqidagi muhokama ham qachondir boshlanishiga umid beradi.

Bugun “maktabni Tashabbusli byudjetga aralashtirmaslik kerak” deyayotgan odamlar, ertaga aslida maktabga qayerdan pul kelishi kerakligi haqida ham savollar bera boshlar, balki.

Hozircha esa, Tashabbusli byudjet asosan muvaffaqiyatsizligi uchun emas, muvaffaqiyati uchun tanqidga uchrayapti”.

Post tugadi.

P/S: bu haqida avval ham ko’p yozganman, “Tashabbusli byudjet” xalqning ongini oshirishda juda katta foyda beryapti. Eng avvalo:

1) davlat byudjeti amaldorlarning emas, xalqning puli ekanligini tushunyapti;

2) to’layotgan soliqlari qayerga qanday sarflanayotganiga qiziqishyapti;

3) davlat buyurtmasi asosida bajarilayotgan qurilishlar va ishlarni jamoatchilik nazorat qilishni boshlayapti;

4) shaxsiy manfaatlar uchun emas, mahalla va jamoat manfaatlari uchun ko’pchilik o’zaro birlashish, harakat qilish, fidoyilik va jonbozlik ko’rsatishni o’rganyapti;

5) Yuta olmay qolganlar hokim va boshqa mas’ullarga “biz shunday yomon sharoitda qachongacha yashaymiz, nega davlat qilib bermayapti?” deb savol va talab qo’yishni boshlayapti.

❗️Eng asosiysi bularning barchasi juda qisqa vaqt — atigi 2-3 yilda bo’lyapti. Mana bunisi haqiqatda juda ajoyib.

Ovoz berish jarayonidagi muammo va kamchiliklar esa, yil sayin takomillashib boraveradi, bundan katta fojia yasash shartmas.


👉 @xushnudbek 👈

Xushnudbek.uz

27 Mar 2023 07:33

❗️ Oʻzbekistonda oxirgi 10 yilda 6 marta kuchli zilzilalar kuzatilgan

6-8 balli zilzilalar natijasida qurbonlar 16 kishini, jabrlanganlar 54 kishini, iqtisodiy zarar esa 84 mlrd soʻmni tashkil etgan.

Vayronkor zilzilalar:
➖ Kon zilzilasi (2011-yil, 8 ball);
➖ Tuyaboʻgʻiz zilzilasi (2013-yil, 7 ball);
➖ Marjonbuloq zilzilasi (2013-yil, 8 ball);
➖ Kitob va Baxmal zilzilalari (2016-2017-yillar, 7 ball);
➖ Boysun zilzilasi (2022-yil, 6 ball).

Mamlakat hududida 1900-yildan shu kunga qadar 60 dan ortiq kuchli va halokatli (magnitudasi 5 dan yuqori) zilzilalar sodir boʻlgan.


👉 @xushnudbek 👈

Xushnudbek.uz

27 Mar 2023 06:00

Kecha kanalimizda o'tkazilgan Tashabbusli byudjet bo'yicha ovozli chatning to'liq audiovariantini tinglashingiz mumkin.

Orasida qiziq suhbatlar bo'ldi juda. Masalan, TrollUz sahifasi asoschisi Umid Gafurov yaxshi takliflarni bildirdi, parkentlik maktab o'qituvchisi Abdunosir Mirodilov jarayonlar haqida xolis fikrini aytdi, quvalik hokim yordamchisi Nozimbek aka esa rosa yondirdi, ochig'i. Tizim haqidagi ko'p sirlarni ochiq-oydin gapirib berdi.

Umuman olganda kecha bevosita onlayn qatnasholmaganlar imkon bo'lganda eshitib ko'rsangiz zarar qilmaydi.


👉 @xushnudbek 👈

Xushnudbek.uz

27 Mar 2023 01:01

27-mart, dushanba.
Saharlik vaqti: 04:56
Iftorlik vaqti: 18:44 (Toshkent vaqti)

#hadis #ramazon

«Nabiy sollallohu alayhi vasallam: “Albatta, Alloh azza va jalla menga vahiy qilib: «Tavozeʼli boʻlinglar! Biringiz boshqangizga tajovuzkorlik qilmang!” degan», dedilar».

📖 Sharh: Nabiy alayhissalom “Bir-biringizga dushmanlik maʼnosidagi gap-soʻz, xatti-harakatlarni qilmanglar, balki kamtar, tavozeʼli boʻlinglar, oʻzlaringizni past tutinglar”, degan ekanlar.

Moʻmin-musulmonlar mana shu hadisi shariflarga amal qilib, mutavozeʼ boʻlishlari, oʻzlarini past tutishlari, bir-birlariga dushmanlik qilmasliklari kerak.

"Odoblar xazinasi" kitobidan


👉 @xushnudbek 👈

Xushnudbek.uz

26 Mar 2023 15:00

26-mart, yakshanba.
Iftorlik vaqti: 18:43 (Toshkent vaqti)

#hadis #ramazon

Sahl ibn Saʼd roziyallohu anhudan rivoyat qilinadi:

“Nabiy sollallohu alayhi vasallam: «Allohga qasamki, Alloh sening irshoding ila bir kishini hidoyat qilmogʻi sen uchun qizil tuyalardan koʻra yaxshiroqdir”, dedilar.
Uchovlari rivoyat qilganlar.

📖 Sharh: Ushbu hadisi sharifda Paygʻambarimiz sollallohu alayhi vasallam kishilarga din ahkomlarini oʻrgatish, ularni hidoyatga boshlash naqadar savobli va ulugʻ ish ekanligini bayon qilmoqdalar. U zot sollallohu alayhi vasallam bu hadisni hazrati Ali ibn Abu Tolib roziyallohu anhuga u kishini Haybarga yuborayotib aytganlar.

Maʼlumki, Paygʻambarimiz sollallohu alayhi vasallam har qanday narsaga qasam ichavermaydilar. Ammo bu hadisda koʻtarilayotgan masala oʻta muhim boʻlganligi uchun uni “Allohga qasamki”, deb boshlaganlar.

Arablarda oʻsha paytda eng goʻzal va moʻtabar mulk – ayni yetilib, qizgʻish tusga kirgan tuya hisoblangan. Bu bilan Paygʻambarimiz sollallohu alayhi vasallam hazrati Aliga: “Ey Ali, sening bir odamni hidoyatga kirishiga sabab boʻlganing eng yaxshi mulk boʻlmish qizil tuyalarni sadaqa qilganingdan yaxshiroqdir”, demoqchilar.

Kishilarni hidoyatga boshlash, ularga ilm oʻrgatish Islom dinida eng ulugʻ ishlardan. Bu hadisi sharifdan esa bir insonga ilm oʻrgatib, bilmagan narsasini bildirib, xatosini toʻgʻrilab, uni toʻgʻri yoʻlga irshod qilib qoʻyish qanchalar savobli ish ekanligini bilib olmoqdamiz.

"Hadis va hayot" kitobidan


👉 @xushnudbek 👈