1644
قناة مختصه بالحان (ملا مهدي الزينبي) يشرفني تواجدكم نسال الله القبول
وين كضيت العمر وين كافي امن الهجر وين جا يمته تمر
يابو صالح
****
يابو صالح نار هجرك ما يطفيها البحر
ما شفت انسان مثلك عايش وهالكد صبر
اسال ويالمهدي عنك دورت ماكو اثر
صوره الك بالبيت عدنه احله من كل الصور
بيك روحي اتعلكت بيك جم شده كضت بيك كتله امن الجمر
يابو صالح
*
عيني للسرداب ودعي بلكت احضي بشوفتك
غيبتك يالمهدي طالت يمته تنشر رايتك
انه مو يعكوب كلبي وانته يوسف فركتك
عمت من البجي عيوني امنيتي اشمن ريحتك
غاب شمعة دنيتي غاب وتصب دمعتي غاب عن عيني البدر
يابو صالح
**
انقذ العالم يمهدي بعينك تشوف الظلم
البعض بوجودك تشكك والكلب شابع هظم
والفساد انتشر تدري وهتكوا شهور الحرم
يابو صالح هذا يومك ليش منك ننحرم
شوف ترويع وقتل شوف ذبحو جم طفل شوف آثار الذعر
يابو صالح
****
ارفع جفوفي ونادي العجل مولاي العجل
جارت الدنيه علينه وغير جيتك ماكو حل
شيب امن الغيبه راسك وجفنك امن الون ذبل
ازرع بروحي الاماني ووكف ابابك خجل
هاي مرت جم سنه هاي ما شفت الهنه هاي لوحه امن الصبر
يابو صالح
***
يابو صالح نستجيرك سيدي من هالفتن
اقتربت الساعه ونريدك ترجع الهذا الوطن
سيدي بسامره باجر توكف وتخطب علن
والامان يعود لينه بطعلتك يبن الحسن
ذاب كلبك سيدي ذاب وامنين ابتدي ذاب من كثر الصبر
يابو صالح
****
عايش بديره غريبه وتنزف جروحك الم
انته كل مغرب تنادي ليش حركوها الخيم
اتصيح ليش الطفل ضامي وحرمله صابه بسهم
وجدك بذيج الصحاري ولا ضلع منه سلم
ليش جدك ينذبح ليش راسه اعله الرمح ليش ضهرك ينكسر
يابو صالح
*
تمت
تحسين الخفاجي /channel/ML_mahhde
أمن المهر يمك طحت يبني يبني
انه لو انته المتت يبني يبني
*
ضهري نكسر بويه علي وحسيت روحي مو الي
امن الخيمه للمصرع كوه النفس يطلع ضاع الهوه وياك
يمك ابوك اشكد بجه وهاك استمع كلبي شحجه
يا شمعة عيوني يالبيك فجعوني هد حيلي فركاك
ضليت بيدي يا علي امن الكاع الم بيك
يوليدي ما عندي كلبي امشي وخليك
امكطعه اوصالك شفت يبني يبني
انه لو انته المتت يبني يبني
**
من العطش ريجك يبس يروح ويرد بيك الفرس
بصدرك اثر حافر بجسمك علي شصاير سابح بالدموم
كضيت خاصرتي وون اصعب جرح جرح الابن
يمك وكف كلبي شو تيهت دربي من الترب كوم
اكعد يبو احساس الدفو وحاجيني كلمه
مذبوح والحد الخيم عطرك اشمه
ودعتني وسافرت يبني يبني
انه لو انته المتت يبني يبني
***
يوليدي يا تعب العمر ما حسبت بيك انكسر
يابويه تانيني ايدك علي انطيني وكوم امشي وياي
نورك ابد ما ينحبس من توكف تسد الشمس
حبيتك اهواي وجهك علي ايه يا جرحي ودواي
متمدد وجسمك وذر من كثر السيوف
للخيمه كلي اشلون ارد ضليت ماشوف
والله بيك اتحيرت يبني يبني
انه لو انته المتت يبني يبني
***
حاولت اشيلك للخيم وجفي انترس يوليدي دم
بس نبجي ضلينه نتراجف شبينه خاف امن الفراك
هجرك يالاكبر مو سهل عنك شكول امن انسأل
يا روحي عينيني وللخيمه وصليني ضاك النفس ضاك
يالاكبر امك تنتظر يمته تجيها
وكل لحضه يبني من رحت ينغمي عليها
ترجع وياي شكلت يبني يبني
انه لو انته المتت يبني يبني
***
لون السمه دم نكلب توادعنه والموعد كرب
كلبي نكسر بيكم للموت اوديكم شاب بضهر شاب
بالطف محمد منذبح ومن عيني مبيوك الصبح
طايح حلال الله وركضلك اسم الله يالكلك اتراب
تشبه محمد يا علي حته بمعانيك
نشتاك جنه للنبي ويبني نجي عليك
ليش عن عيني رحت يبني يبني
انه لو انته المتت يبني يبني
***
تمت
تحسين الخفاجي /channel/ML_mahhde
براية علي طب علي الاكبر
وتراجفت قادت العسكر
هذا حيدر هذا حيدر
**
عالكتايب حمل جنه حيدر نزل حيراها وطشراها وبيده شال الزعل
كوه شاله الفرس فنها تاخذ نفس الطف حلاله ومن قتاله دخلت انذار الحرس
صفنت اهل الحرب اعليها ضاع الدرب للسلامه من حسامه بدربه محد يطب
بيهم نفخ نفخت المحشر
وتراجفت قادت العسكر
هذا حيدر هذا حيدر
**
هيه هاي الزلم من تشد العزم كلها غيره وعدها سيره ما تعوف المهم
والتبع سيده يسحك اعله العده اصله طاهر دمه ثائر ينتظر موعده
انه كلهم علي والمراجل الي هذا ديني وبيقيني صوتي ضل يعتلي
بالطف عدت واقعة خيبر
وتراجفت قادت العسكر
هذا حيدر هذا حيدر
***
هوستله الخيم هذا راعي الشيم جنه ايه بيده رايه وللقتال ابتسم
من شهر صارمه الدنيه مطرت دمه والعجيبه بكل كتيبه يرجع بروس الزلم
بصدره ما حط درع وصرخته تنسمع خل كل صف بآخر الطف وسمه هز الجمع
بالمعركه صاح انه الاجدر
وتراجفت قادت العسكر
هذا حيدر هذا حيدر
****
من هجم كربله لجله صاحت هله بزوده طبها وذب ركبها وضيع الراجله
جنه عمه الكمر بيها سد النهر الموت اجاها وروعاها وجيش اميه نكسر
وجها مثل البدر ومن برزله بكر بكل شراسه كصله راسه ورد لبوه منتصر
لحسين اجه وراسه بي يفتر
وتراجفت قادت العسكر
هذا حيدر هذا حيدر
***
كربله تزلزلت والحرب بينت ماكو راحه والمناحه بالكتايب علت
عزمه عزم النبي هذا فارس ابي الحومه فنه ومن تعنه كلها ابست عبي
ما يهمه العدد وسيفه بالطف شهد بلاعادي ضل ينادي يا حيدر مدد
ولجل السبط ناذر المنحر
وتراجفت قادت العسكر
هذا حيدر هذا حيدر
*
تمت
تحسين الخفاجي /channel/ML_mahhde
كالو ضلي اهنانه ما تمشين ويانه مهظومه وحيرانه
هدومي بديه ورديت جيب اليوصلني البيت
بجفوفي احس الدمعات وتلفت الهم ضليت
***
طفله والاهل خلوني والدمع مطر بعيوني
اجرع الحزن يردوني وبصدري حسره والام
انه من امسح منتضره وكلبي لو مشو شيصبره
طيحة الورك من شجره طاحت مدامع واحلام
عود محسبه احسابي شو محد دك بابي اويامن ابدي اعتابي
هيج انجرح ما حسيت جيب اليوصلني البيت
بجفوفي احس الدمعات وتلفت الهم ضليت
**
انه لجمتي بدلالي ينتهي السفر حسبالي
والدمع مسح مرسالي ليش الاودهم يرحون
ميته ميته من فركتهم واخر الجرح غربتهم
تشفه علتي بشوفتهم يمته عليه يحنون
بالباب اترجاهم راحت روحي وياهم ما احمل فركاهم
لهل المحنه اشتاكيت جيب اليوصلني البيت
بجفوفي احس الدمعات وتلفت الهم ضليت
**
الحادي من مشه وخلاني كلي اجي وبعد ما جاني
بكد هوه الله احن لخواني شيكضي ليل المجروح
بيدي جنت اهز عبد الله ومن يفز اكول اسم الله
اليقره قصتي ايون والله كل مغرب الروح تروح
بويه وكل ابنيه تحتاج الحنيه اشسوه غيابك بيه
دموع بدربكم رشيت جيب اليوصلني البيت
بجفوفي احس الدمعات وتلفت الهم ضليت
*
اسال الابو شيعوده اسنيني لو رحل معدوده
بوجهي كلها احس مسدوده حملي تره ايهد اجبال
كلبي كلبي مل من نوحي والحزن صفن بجروحي
وروحي ايست من روحي وخابت جميع الامال
اصلن ما متوقعه تغفه بخدي الدمعه والغايب شيرجعه
شمعه بظلامي احتاجيت جيب اليوصلني البيت
بجفوفي احس الدمعات وتلفت الهم ضليت
****
انذر الورد والحنه وعادت اليحن يتمنه
يله نلتقي بالجنه بس شوكت ما معلوم
والدي بعد ما شوفه الجيته اشكثر ملهوفه
براسي لو مسح بجفوفه بدلالي ما تبكه هموم
منهو اتحمل مثلي بهاي الدنيه يكلي امنيتي اتلاكه اويهلي
يا وكتي بيه شسويت جيب اليوصلني البيت
بجفوفي احس الدمعات وتلفت الهم ضليت
*
تمت
تحسين الخفاجي /channel/ML_mahhde
كل خيري من خيرك ماحب بشر غيرك
وهاي المجالس نعمه وماكو احله من الخدمه
**
خدمتك ماكو اغله منها وكلشي بالنسبه الي
كون اكضي اسنين عمري بخدمتك يابو علي
للمجلس احضر كل وكت وايامي كلها اقرايه
وعاشور من يكرب جنت بجفوفي اعلك الرايه
وبالموكب اتحزم وعالخدمه ما اندم
خلتني فوك القمه وماكو احله من الخدمه
****
تاجرت وياك ودري خدمتك اعظم ثمن
اشلون اطب للنار باجر واسمي عد ام الحسن
الكاك باجر سيدي واكف اباب الجنه
تمسح عليه برايتك وتكلي يمي ادنه
مية هله تكلي وبأذن الله تشفعلي
تحفظ الخادم رسمه وماكو اغله من الخدمه
**
انه من يوم الولاده وياك باقي اعله العهد
بالمهد واسمع نوعي مو دللول الولد
يحسين بكماطي تره وحركة محرم بيه
وعيوني ما تغمض ابد اله استمع لطميه
جانو يزوروني واسود يلبسوني
وعطرك حبيبي اشتمه وماكو احله من الخدمه
***
اخذ واحد عمره دمعه وروحه دوم بكربله
اخذ عاشك شال كلبه وطابو بسمك سجله
مرفوع راسي بخدمتك وتباها بين الوادم
يحسين يرادلها حظ كلمه بسجلك خادم
بعاشور اشد حيلي وبجفوفي زنجيلي
وعليك ادك بهمه وماكو احله من الخدمه
**
من اذبن ماي وجهي يمك اعرف تشتريه
واليمد ايده بضريحك بالصحن تترس اديه
يم كبرك بشوك اعتني وانه اعله بابك عيني
يحسين من اعطش لطم بس مجلسك يرويني
وكلمن لطم صدره اجره عله الزهره
ونطيت لمك كلمه وماكو احله من الخدمه
***
باجر بيوم القيامه تصطف اهناك الخدم
وبالحشر حمزه الزغير يرفع بجفه العلم
وبدموعي والاحزان الك عبد الرضا يقراها
وزينب عله الناكه تجي وراسك تجيبه وياها
ويحضر علي الاكبر بس يحضر مطبر
وسابح نشوفه بدمه وماكو احله من الخدمه
*
تمت
تحسين الخفاجي /channel/ML_mahhde
. بـاچـر تـحـتـرك روحـي وعـبـاتـي
بـاچـر عـالـتـرب تـوگـع حِـمـاتـي
يـلـيـلـة فـجـرچ اشـلـون
ارحـمـي حـالـت ام عون
*---------------*---------------*
ياليلة العاشر صـعـب هـذا الفجـر مـا ريده
خـافـن اودع كافـلـي الجاباني ايدي ابأيده
ابهيده ساعاتـج تـمـر خلـيـهـه بـيـه ابهيده
تدرينه مكسور الگلب بـاچـر صـبـر ميفيده
فـجـرچ ينتهي وتبدي العجايب
فـجـرچ لو طلع احمل مصايب
اهـلـي ونـاسي يرحـون
*---------------*---------------*
ابفجرچ عليّه اتأخري عوفي الگمر ونجومه
عاشـر محـرم والدمع مابـيـه حيـل اهمومه
ما اگدر انضر بخوتي متروسه گاع الحومه
يطشرون ابكل كـتـر ويـن الجميله ارسومه
صـعـبـه هالوضع بعيونه اشاهد
صـعـبـه ابدمعتي للموت اعاهد
اغلـه احبابي يمشون
*---------------*---------------*
عبـاس امـوت ابغيبتـه بـاچـر اذا مـا شـوفـه
ابروحي حسيت الالـم والوادي خيّـم خوفـه
لـو بعدت الـرايـه علي تـبعـد عـلـيـه اچفوفـه
ماعوفه لو بيدي الامر يمشي الاخو ما عوفه
يـمـشـي أوتنّظره اعيوني واكابر
يـمـشـي الكسرتي مـا الـگـه جابر
كـسـره ما اضـن اتـهـون
*---------------*---------------*
لا يطلـع ابليلچ فـجـر الـمـن يـجـي يـا لـيـلـه
تتسلب اطفال وحرم وبالبـر تـضـيـع الـعـيلـه
يـاهو الـيـقـدّر حالتي وزحمه الغريب اشكيله
آنـه ربـيـبـت فـاطمـه اوعَودي حامي ادخيله
ابـعـيـنـي للسبي بانت علايـم
ابـعـيـنـي للگمر انضرله نايـم
عـلـيـه يظلـم الـكـون
*---------------*---------------*
ضلي ابضلامچ عالشمل وآنـه وهـلي خلينه
كل واحد ايروح ابدرب مـن يفترگ حـادينه
البعيوني خـليـتـه ضوه بـاچـر افـارگ عينـه
وما ادري اليشيل العـلم ياهو عگب چفـينـه
ادري ابـغـيـبـتـه ايـغـيّـب دلالي
ادري ايـشـاهـد الشامت خيالي
يـنـزل دمـع الـعيـون
*---------------*---------------*
مـا تبزغ وتطلع شـمـس لـيـلـچ يـضـل يا ريتـه
ونـتـوادع ونشبـع دمـع وكـلـمـن يـروح ابنيتـه
ادري يــروح ومــا يــرد راعـي الـعـلـم تـاليـتـه
وتتمرجل اجيوش العده الخالسهه چان ابصيته
اعـرف مـا يـضـل واحد يويَلي
اعـرف بالـسبـي بـاچـر رحيلي
اسـمـع بسمي يحچون
*---------------*---------------*
✍خادم الحسين (ع)
الشاعر رعد الجريخي /channel/ML_mahhde
(( اهوازي )) لسان حال ام البنين ع
…………………………………………………………....
شنهو الاربعه الاولاد • و من احسبهم اشويه
كون بگد جروح حسين • عندي الف وتسعميه
……………………………………………………………
انا الافتخر عالكون . صرت لحسين خدامه
مثل ما ينثر الفلاح . ولد نثريت گدامه
فدوه لوجه نص الناس . ونص فدوات لجدامه
كون اصبح درع لحسين .واصد اسيوفه اسهامه
عليه ولا على حسيني
يخيل وحيل سحگيني
اتركي ابن ام حسن يا خيل • تعالي بحافرج ليه
……………………………………………………………
كل ام اعل ابنها تخاف . اذا حتى الهوه ايمره
و انا ابني الكمر عباس . ابوجه انرسمت الگمره
جماله انعد رقم واحد . و يوسف رتبه متأخره
نسمه ابرية الغرگان . غالي و رخص للزهره
لم اليكرم ابضيفه
شرف لو انعد اوصيفه
مثل فضه انحسب ياريت • كلش كافي اعليه
……………………………………………………………
الوادم تستلذ بالماي . وانا انجرح لو شربه
وهم انجرح لو عطشيت . بالامرين متعذبه
ابعيني انرسم وجه حسين.شفافه ابعطش ملتهبه
گالولي انذبح عطشان . يابس منفطر گلبه
گالوا عاين النبله
مزروعه ابنحر طفله
گالو راسه فوگ ارماح • بس اعيونه لرقيه
.……………………………………………………………
يل گايل يتيم حسين . ماهي اليوم والدته
ماهي ابلطمة النسوان . وحشه اصير فاتحته
انا امه ولحد ماموت . جادر نوح ناصبته
گبور اربع سوه سويت . و كبر حسين عازلته
انا امك يبعد امك
انوحن يالولد يمك
مثل ناس التحج بالبيت • اطوف اعليه يوميه
………….…………………………………………………
يريت وعن متن زينب . اصد السوط بمتوني
اتركو اجفوف بت حيدر . بدلها ابحبل جتفوني
عوفو الزهره يهل الشام . وانا اليوم شتموني
ابعدوا احجاركم يا ناس . عن زينب و ضربوني
وافرش گلبي سجاده
و تگعد عمة الساده
گالولي الخرابه اتراب • ظلمة وموش مضويه
……………………………………………………………
شنهو الضنه وشنهو اولاد . قياسا وي ابو الاكبر
واذا عبدالله بالطف مات. واذا عون واذا جعفر
ولا جن اسمع يگولون . عباس ابنج اتگنطر
اذاني ادور اسم حسين . امامي وابني المشكر
يناعي وگول بس اسمه
اريد او يالهوه اشتمه
احس الروح مثل الطير • لو سمعيت طاريه
……………………………………………………………
✍️ ( سيد خضر الزاملي )
/channel/ML_mahhde
قصيدة بحق ام البنين عليها السلام
تانيتكم ... يهل المحنة يالعميتوا عيوني
تانيتكم ... ام البنين ام الوفة اتعرفوني
لمن جفوني احبابي بس الهوة ايدكَ بابي
====================
محلاه چان البيت من تلتم الاحباب
لا اسمع بطاري الهجر لا اسمع غياب
الدنيا دارت وانچفوا ماي اعله التراب
مجروح گلبي ومن مشوا خزن ولا طاب
ناديتكم ... موحش البيت وبلكت اتسمعوني
ناديتكم.... بنص الگلب يا سلوتي صبتوني
ما اضن يبرة صوابي بس الهوة ايدكَ بابي
=======================
چندوب اگل للروح كافيچ تنوحين
باچر يجون من السفر بيهم تفرحين
طالت المدة وما رجع محبوبي الحسين
منتظرة لا هوة الرجع لا من نسواين
محتارة ... شنهي الخبر يهل الوفة خبروني
محتارة ... چم يوم سفرتكم تضل علموني
محد يردلي جوابي بس الهوة ايدكَ بابي
=======================
انشد عليكم يا هلي واتنطر اخبار
لاطارش المنكم رجع لا جيتوا للدار
ميتين لو عدلين مدري اشصار ما صار
يا يمة گلب امكم يضل ملتهبة بي نار
باحلامي ... گامت تخوفني من اشوف اطيوفكم
باحلامي ... ما ادري شنهي يالمشيتوا ظروفكم
من نومي افز لعتابي بس الهوة يدكَ بابي
========================
بالديرة عفتوني جسد من يوم الوداع
امشي وحگكم بس رسم ينشاف عالگاع
ما حسبت شمل الاهل يطشر بساع
روحي لجل روحك فدة يحسين تنباع
يوليدي ... من يوم روحتكم متت بدياري
يوليدي ... من حزني ليلي متصل بنهاري
حسبت خاب حسابي بس الهوك ايدكَ بابي
===========================
حسبات تاخذني و ترد يا يمة حسبات
يومية اودي اويالهوة الكم سلامات
حرمة وچبيرة لوحدي وشبعانة لوعات
محد يباريني ومشن عني العزيزات
تمنيتكم ... يمي وتطيب اجروحي ويرد لوني
تمنيتكم ... شلونچ ييمة اسمع اتنشدوني
شيبت حتى اهدابي بس الهوة ايدكَ بابي
==========================
أسألكم الدعاء رائد الاسدي /channel/ML_mahhde
أللهم صل على محمد وآل محمد وعجل فرجهم ياكريم
Читать полностью…
أللهم صل على محمد وآل محمد وعجل فرجهم ياكريم
Читать полностью…
أللهم صل على محمد وآل محمد وعجل فرجهم ياكريم
Читать полностью…
أللهم صل على محمد وآل محمد وعجل فرجهم ياكريم
Читать полностью…
السلام عليكم سوف نقوم بنشر قصائد محرم الحرام 1446ه ومن إلله التوفيق اسئلكم الدعاء
Читать полностью…
نزلة الليله الاولى
.
.
.
مادگ بــاب غيـــرك وانـته تــدريها
ابابــك حاجــتي يحسيــن ابديــها
***
مــادگ بــاب غيرك سيدي واســئل
أخــاف اتفشــل وماتــقبـل اتفــشل
اليدگ بالبوب هذا الوكت ينذل ذل
مـــاسويتــــها ولانــــاوي اســـويها
***
ماســـويــتها بـزودك يـــراعي الخير
اليعوفك ياحسين اشيلگه عند الغير
يالبخـــيرك شبــع مولاي حتى الطير
اسولف بيـــك ياهــي وياهي اخليها
***
يالــتارس شـليلي وخــيـرك اتطــشر
يالمتروس مـــن جسـمك شـليل البر
الينــطي هواي يزغر وانـته شو تكبر
أيـــدك بالعــــلو مــحــــد يـــساويها
***
يباب الله الوسيع المانســد ابــيوم
يالتشتري ماي الوجه قبــل الـسوم
اليوم وياي هيــچ وباچــر وللـدوم
احمـولي اعله الصحن كلـما اتچيها
***
اهمومي اثكال وتعنيـتلك مايوس
وتخلــبصت بيه وضيعيت الروس
الفارغ مارحتله جيــت للمــتروس
هـــيه الخابطـه أنتــه التـــصفيها
***
تصــفيها وتگلـــي بيــهـا لاتهـــتم
وانته المشـــكلاتي دومـك محزم
تدري باليـجول بخاطــري وتعـلم
گبل مايــمك احچــي تفـتهم بيها
***
گبل مايمك احچي تگلي مگضيه
بشر مامــرني هيـــج ولايمــر بيه
يـــبو رقيه عـــليك ابـداعة ارقيه
جــمرتك بيـــه اريــدن ماتطـفيها
***
كلـــمة انطيــتك ومــا اخلف الكلمة
اي شي دنيـوي ما اطلبه بس خدمه
اريد عـيوني كون مـن البچــي تعمه
عليـك بـــداعة الســـلبو تــراچـــيها
***
حيدر تركي الكربلائي /channel/ML_mahhde
أللهم صل على محمد وآل محمد وعجل فرجهم ياكريم
Читать полностью…
أللهم صل على محمد وآل محمد وعجل فرجهم ياكريم
Читать полностью…
أللهم صل على محمد وآل محمد وعجل فرجهم ياكريم
Читать полностью…
أللهم صل على محمد وآل محمد وعجل فرجهم ياكريم
Читать полностью…
أللهم صل على محمد وآل محمد وعجل فرجهم ياكريم وفقنا الله وإياكم لخدمة محمد وآل محمد
Читать полностью…
أللهم صل على محمد وآل محمد وعجل فرجهم ياكريم
Читать полностью…
أللهم صل على محمد وآل محمد وعجل فرجهم ياكريم
Читать полностью…
تعالوو جبتلكم الرادود والملحن مهدي الزينبي قصائد محرم الحرام 1446ه هيه ولحنهه تعالوو اشتركوو تستفادون على الرابط التالي
/channel/ML_mahhde/11493
بلخرابه شلون. أنام.
وحشه لو يلفي الظلام
عودتني بحظنك اغفى
ومن حنانك بويه. ادفى
اه يبويه
****
غريبات صفينه بلا اهل بويه غريبات زغيرات بعدنه اعله التعب بويه زغيرات
ما نكدر ننام الحبل موتنه
الما يسوى ترى. يضربنه ويعتنه
ننشدك ما دريت شبيهه عمتنه
محتركه واجت يا بويه. طفتنه
وين نروح بويه السوط. اذانه
الما ماتت سحگ مكسوره. تعبانه. يبويه
ثكيلات. چلمات الشماته شكد ثكيلات
طويلات. ليالي فراكم. والله طويلات
اه. يا. نار. الخيام
وحشه. لو يلفي الظلام
***
خيمنه حركوهن بعد ما ضلت اخيام
علمنه طايح عل نهر وذابحته لسهام
دخان الخيم حد هسه بيدينه
والنار بعبينه وحرگ رجلينه
وشردنه بل صحاري انه وسكينه
وابو فاضل يبويه شفنه جفينه
ركضنه بخوف كلنه وحيره حيرتنه
وين نرورح بويه الكوم لحكتنه يبويه
وحيدات بخرابه وما بقى والي وحيدات
لجمات شبعنه من حچي الشمات لجمات
شتم وبذاك الكلام
وحشه لو يلفي الظلام
****
شيلمنه طشينه بعد بويه شلمنه
علمنه طاح بطيحت الكافل علمنه
تمنيته بحلم لحضه يحاچيني
عيوني تروح فدوه أله وجفيني
دليني اعله جفك عمي دليني
اريد اغفه عليه هوه اليدفيني
اثر نار بوجهنه وحيل ما بينه
من الخوف نبچي بسد عبينه يبويه
الحبيبه تمنيتك تجي تشوف الحبيبه
يهيبه شتم وسياط اذونه يهيبه
وصلت اخيمنه سهام
وحشه لو يلفي الظلام
***
هضيمه وكع عباس وجفوفه هضيمه
يتيمه من راح الكمر انه يتيمه
ياروح النهر عباس وجروفه
لو شايف الحره بحبل مچتوفه
تطب السوگ زينب عمي واتطوفه
هايه بت علي بل هيبه معروفه
نادينه الكفيل وما يجينه
جفوف مكطعه ومطفيه عينه يبويه
جرحنه عله العباس ما يشفه جرحنه
فرحنه ما يرجع بعد بويه فرحنه
برمحه راسك ما ينام
وحشه لو يلفي الظلام
**
علامات صطرات الوجه بينه علامات
ونات نگضي الليل حسره وكله ونات
يضربني وصحت يابويه ما تلحك
بعدني ازغيره ما احمل شتم والطك
وكل سوط اليطگني يل ولي اشهك
ما عدهم رحم لا گصه ضل تعرك
نمشي ونعثر شمات تظحك
بيويه ونستحي بيدينه نفرك
لوعات شيخلصه العمر يابويه لوعات
حزينات الفواطم يا علي ليله حزينات
ويلي يا حركت الشام
وحشه لو يلفي الظلام
الخادم/ حيدر ناجي الدراجي
محرم الحرام /channel/ML_mahhde
صال صال… مسلم وطباهه
صال صال… ترجف وخلاهه
صال مسلم للحرب خلاها نار
حارت الكوفه ويزيد بكبره حار
محد يلاوي ويطلب بيها ثار
الصار ذاك اليوم ماكو مثله صار
ترجف من عيونه
شحدهم يلاكونه
بزوده طب وفنونه
هيج من هزاهه
مسلم وطباهه
*&****
حارب وجنه ابو اليمه بصولته
فرت جيوش العده وما لاكته
شال كل الكوفه هزهه بيمنه
شلون حيدر من يصول وشمرته
جنه حيدر بيهه
عطوه ما يطيهه
وتيهت تالهه
توسلت خلاهه
مسلم وطباهه
&&&&&**&
حيد بلملكه صعب ما ينكحم
حيئر جيوش الظلاله والظلم
وبجثثهم مالحگ حار اليطم
ربات حيدر بلحرب ما ينهظم
حيد هزهه ونالهه
كسر خشم رجالهه
الكوفه وين افعلهه
حارت وذلاهه
مسلم وطابهه
*&*&*
طب علئ الكوفه وهلهه حتارت
سوه بيهه فتوك ابد ماصارت
كالو الدنيه علينه ودارت
كحيله بيده وحزماهه وغارت
داس فوك ركابهه
ونار بيهم شابهه
حتارت من صوابهه
والزم شلاهه
مسلم وطباهه
*&*&&*&**&
انتخه بطوعه ويكلهه انتي السند
اليوم اوفي بروسهم هذا الوعد
يسلم بروحه الحگ بيهم شرد
تربع عله رگابهه اليث وكعد
رجفت ومحتاره
وشبع يا بتاره
وخذ بيهم ثاره
حيد اهو وسلاهه
مسلم وطباهه
ابو سلام الجابري /channel/ML_mahhde
قصيدة في شهادة أبي الفضل عليه السلام .. لسان حال زينب ع …
ـــــــــــــــــــــــــــــــــــــــــــــــــــــــــــــــــــــــ
صوت أسمعت من جانب الضفّة
طـــــايح كفيلِچ وٱنگطع چـــفه
ـــــــــــــــــــــــــــــــــــــــــــــــــــــــــــــــــ
گلبي ٱنخمش من روحتك هايه
يَـمّ النــــــهر دَگّــــيت إلك ثاية
تسگي العطــاشا چــانت الغـاية
ولخــيامي ترجع رايد بلهـــفة
ـــــــــــــــــــــــــــــــــــــــــــــــــــــــــــــــــ
گالو معـــاجز ســوّه بيــمينه
غيرة وشرف يتلاهب ٱجبينه
بالحـومة تـشبح للخيم عينه
وهيبة محمد بالوغى ٱتحِـفّه
ـــــــــــــــــــــــــــــــــــــــــــــــــــــــــــــــــ
صوت ويگلي طاح أبو الغيرة
معــناها زيـــنب إختك بحِيرة
چـن يوسف آنه وواگع ٱبّــيره
مو سهلة خويه وفرگتك كلفة
ـــــــــــــــــــــــــــــــــــــــــــــــــــــــــــــــــ
گالو خِزَر ماي النــهر خــزرة
ويگلّه جودي العيلة منتظرة
ما ضوگك آنه وداعة الزهرة
حاشاني منك أشرب الغَرفة
ــــــــــــــــــــــــــــــــــــــــــــــــــــــــــــــــ
هـاتف يگـلّي چفوفه مبتورة
بدر العشيرة ومنخسف نوره
وحـسين حاير منـهدم سوره
مجروح أخوك وما وگف نزفه
ـــــــــــــــــــــــــــــــــــــــــــــــــــــــــــــــــ
صوت ويصيح الكافل ٱتگنطر
ومكسور ظهره ظل أبو الأكبر
فرگــاك تذبــح خـويه ما أگدر
مسبية عنك أمشي يا وسفة
ــــــــــــــــــــــــــــــــــــــــــــــــــــــــــــــــ
بقلم الأستاذ / ستار عذاب الحچامي /channel/ML_mahhde
اتعذبت روحي بغيابك......فاجئتني
وانه منتظره اعله بابك .....عودتني
اشلون يامسلم تروح
كلبي عايش بالجروح
●●●●●●●●●●●●●●●●●●●●●●
ضاعت أحلام العمر...
..باقيه المن انتظر
تالي يذبحني الهجر
..........وانه صبحي بلا ندى
يحفر بخدي الدمع....
.بلا ابو احني الظلع
ليش بالكوفه انفجع..
..............والهضم بعدك سده
ينلچم عمري برحيلك .....لو عفتني
عايشه ابنبضة دليلك.........عودتني
چفي بعدك ما يلوح
كلبي عايش بالجروح
●●●●●●●●●●●●●●●●●●●●●●
يلچم ابروحي الجرح
ليلي ظلمه بلا صبح
صدري بالهم ينشرح
.................ميته بحضان الدمع
تكسف اكبالي الشمس
جرحي بالون ينغرس
لو يرد ليلي بأمس
..............بويه بس اشعل شمع
عگرت چنهه السحابه.......بلايه مطره
ردت بس شمة ثيابه......محلى عطره
سري بس يمك يبوح
كلبي عايش بالجروح
●●●●●●●●●●●●●●●●●●●●●●
يوسفي بحسره انتظر
روحي اطشنهه نذر
بويه ما ظل كل صبر
.....................نار بيه اموجره
ضاكت انجوم الفضا
عمري خلص ونگضه
كلشي بيه مضعضه
................ليلي ابقى مساهره
الفاتحه اقره بحياتي .....يا هضيمه
ليش ماتت امنياتي...... چن يتيمه
دمعتي صارت سفوح
كلبي عايش بالجروح
●●●●●●●●●●●●●●●●●●●●●●
خنگه بنفاسي الهوه
ابعيني ماشوف الضوه
كلبي بالحسره انچوه.....
................وانت ما ظنك ترد
مسلم اشلون الخبر
اشكد رسايل انتظر
خايفه ابكلبي الهجر
.............. كلبي جمره مابرد
ياوسف رحت من اديه........وانه اناطر
اجويعده ابدرب المنيه .......بس اكابر
دمعي يحچيلك نضوح
كلبي عايش بالجروح
●●●●●●●●●●●●●●●●●●●●●●
ذابح امالي الدرب
رايحه الديرة غرب
انه مسبيه انحسب..
..... ...........طبت الكوفه انلچم
العيس ما يرحم جرع
حيره بالكوفه الوضع
ليش دربك بس شمع
............وانه بس حيلي انهدم
ليش من قصر الاماره..........بهل الرزيه
حشمت وين الغياره.......اعله الوطيه
بويه جا المن اروح
كلبي عايش بالجروح
●●●●●●●●●●●●●●●●●●●●●●
تمت بعون الله
#خادمكم ●●يوسف الفتلاوي
/channel/ML_mahhde
دعم الرواديد والشعراء بالتيلكرام😍👇✅
بسم الله الرحمن الرحيم...
على بركة الله...يعود اليكم من جديد...《《الدعم المهدوي المجاني 》》
شروط الدعم >>>>>>●
1 _يتم قبول القنوات من عدد 150 عضو فما فوق
2 _ينشر الدعم مرتين في اليوم
3_ مشكول الذمةمن يقوم بألغاء الدعم دون اعلامنا بذلك..
يكون حذف الدعم عليكم
الدعم بأدارة...( الناشر احمد الفاطمي)
للاشتراك بالدعم مراسلة ادارة القناة على المعرف التالي 👇👇👇
✅تواصل معنا للاشتراك 😍👇✅
[ @Ahmepo11 ✅ @Ahmepo11 ]
[✅✅✅✅✅✅✅✅✅✅✅✅✅✅]
✅@Alittio99
✅الناشر احمد الفاطمي
✅ @Housen_hamed_85
✅ قصائد والحان حسين حميد
✅ @NahjElsahih
✅ النهج الصحيح لتربية الرادود الفصيح
✅ @saagtupe
✅ الشاعر عبد الله ثامر الجبوري
✅ @mulasajjed
✅خادم العترة ساجد الكربلائي
✅ @yassen1967
✅ملا ياسين الوائلي
✅ @ya_zahra_albtool
✅الشاعر والملحن خضر عبد الخالق
✅ @ML_mahhde
✅الرادود والملحن ملا مهدي
✅ @HTM_HTM_2020
✅تعليم المقامات للرواديد
✅ @mumuggeeww
✅الشاعر والملحن ملا مهدي الكليباوي
✅ @Mohammed_almassl
✅الشاعر محمد مشعل
✅ @FATIMA99991111
✅الشاعرة فاطمة الحلفي
✅ @wwwertyyuiuooww
✅الخطيب والشاعر سيد محمد الموسوي
✅ @gggkkkkHal
✅قصائد مكتوبة
✅ @hussein_almajjidi
✅ الملا حسين الماجدي
✅ @bilal_alnajar
✅ الملا بلال الفتلاوي
✅ @abadalamear
✅الشاعر الشيخ عبد الامير الكعبي
✅ @httpsm80100000
✅الرادود مصطفى سعد
✅ @muhigdoohhk
✅قصائد منبرية مكتوبة
✅ @Fal4wQQAAAAAFFZbSs
✅ ملا عمار للقصائد والألحان
✅ @Aleulawiuhamnuwr
✅قناة الخطيبة المنبرية ام نور الميسانية
✅ @mhsui
✅قناة الشاعر محسن الجنابي
✅ @hseana
✅أشعار وقصائد حسينية
✅ @aboZainabaldalime
✅ الشاعر ابو زينب الظالمي
✅ @wwmka
✅ الشاعر ايهاب الحميدواي
✅ @omadnanmvalib
✅ افراح ومواليد أهل البيت عليهم السلام
✅ @tteef
✅ الشاعرة أم علي الساعدي
✅ @ttrre
✅ قناة رثاء العترة
✅ @azizalfesli
✅ الشاعر عزيز الفيصلي
✅ @falehalameri
✅ قناة الشاعر فالح العامري
✅ @falehalameri111
✅ قناة أفراح آل محمد للقصائد
✅ @aseel1278
✅ خادمة الزهراء ام حيدر للقصائد
✅ @fvyhbib
✅ قناة خادمة الزهراء ع للقصائد
✅ @yahassN
قناة الحسن للشاعرة ام ليث المالكي
✅ @Yazahraaa655
قناة رابطة مسلم ابن عقيل ع
✅ @ashaghalhosseinn 2k
✅ قناة مواليد و افراح
✅ @ashaghalhossein3 2k
✅ قناة الأبوذیة مكتوبة
✅ @ghsahdhossinyat 7k
✅ قصاید نسائیة فقط
✅ @ashaghalhosseinmidya 1k
✅ لطمیات صوتیات
✅ @ashaghalhossein 5k
✅ تلحين قصاید الحسينية
✅ @madahifarsii
✅قصايد فارسیه مکتوبة
✅ @qwrrrtyyup
✅قناة أهل البيت ع للقصائد
✅ @dhdhddkp
✅ قصائد حسينية مكتوبة
✅ @jzlaf
✅ الشاعر احمد الخفاجي
✅ @ayy264
✅ قصائد حسينية نزال
✅ @mkmkmk313
✅قصائد والحان ملا احمد السالمي
✅ @yuioptre
✅ الشاعر مؤيد العامري
✅@falehalameri
✅الشاعر فالح العامري
✅ @AL_Nay_and_Alrthaa
✅النعي والرثاء
✅@mmhhrr444
✅النعي والرثاء للنساء
[✅✅✅✅✅✅✅✅✅✅✅✅✅✅]
❗️#غير_مبري_الذمة_الي_يحذف_البوت❗️
/channel/Alittio99