Вясна / Правы чалавека ў Беларусі

30 November 2025 12:03

Маладую настаўніцу і прадпрымальніцу асудзілі за «стварэнне экстрэмісцкага фармавання»

Як стала вядома @MAYDAYMog, у Магілёўскім абласным судзе ў верасні адбыўся працэс па крымінальнай справе ў дачыненні да мясцовых жыхарак Марыны Храмцовай і Аляксандры Дуброўскай. Абедзвюх абвінавацілі ў «стварэнні экстрэмісцкага фармавання» (арт. 361-1 КК) – верагодна, гаворка ідзе пра «пратэсны чат».

Кожнай з жанчын прысудзілі па 3 гады пазбаўлення волі і штраф.

У Магілёве дзяўчаты вядомыя як аматаркі беларускай культуры, бралі ўдзел у мерапрыемствах Таварыства беларускай мовы і гуртку народных танцаў.

Пра Дуброўскую вядома, што яна працавала настаўніцай замежных моў у школах Магілёва. Храмцова займалася індывідуальным прадпрымальніцтвам.

Калаж: «Наша Ніва»

Вясна / Правы чалавека ў Беларусі

30 November 2025 08:04

Настаўніцу па фартэпіяна і танцах з Віцебска асудзілі за «садзейнічанне экстрэмізму»

Таццяне Лук'янавай 41 год. У 2003‑м яна скончыла Віцебскую дзяржаўную музычную вучэльню імя Салертынскага, у 2008‑м — Беларускую дзяржаўную акадэмію музыкі па класе фартэпіяна, а ў 2009‑м — магістратуру, атрымаўшы ступень магістра музыказнаўства.

Таццяна была артысткай і салісткай камернага аркестра Віцебскай абласной філармоніі з 2007 па 2010 гады. Некалькі гадоў выступала ў складзе фартэпіяннага дуэта, які актыўна гастраляваў па сцэнах Беларусі і Расіі. З 2008 па 2020 год Таццяна выкладала спецыяльныя дысцыпліны ў музычным каледжы і профільнай школе ў Віцебску. Яшчэ Лук'янава доўгі час выкладала танцы, піша «Наша Ніва».

Жанчыну асудзілі ў 2025 годзе па абвінавачанні ў «садзейнічанні экстрэмісцкай дзейнасці» (ч. 1 і ч. 2 арт. 361-4). Верагодна, ёй прысудзілі «хатнюю хімію».

Вясна / Правы чалавека ў Беларусі

29 November 2025 15:32

🌿«Гэта мой тата»: фільм «Вясны» пра чаканне палітвязня з турмы

Праваабарончы цэнтр «Вясна» прэзентаваў кароткаметражны фільм «Гэта мой тата», які апісвае гісторыю сям’і Сяргея Ярашэвіча і Антаніны Канавалавай — фігурантаў палітычнай справы «тэлеграм-канала Армія з народам».

Абое былі асуджаныя і правялі некалькі гадоў у зняволенні. Антаніна была вызваленая ў 2024 годзе і збегла з Беларусі, каб уз'яднацца з дзецьмі. Сяргей працягвае адбываць тэрмін у калоніі № 20.

Фільм фіксуе іх гісторыю, перажытыя наступствы рэпрэсій і чаканне, у якім сям'я з малымі дзецьмі працягвае жыццё ў эміграцыі.

https://youtu.be/aeKnhAYcF1A

Вясна / Правы чалавека ў Беларусі

29 November 2025 12:02

🎁Беларусы Італіі дапамогуць дзецям сем'яў рэпрэсаваных

Асацыяцыя «Талака» і Народная амбасада Беларусі ў Італіі працягваюць традыцыю дарыць падарункі дзецям, што растуць у рэпрэсаваных сем'ях!

Прыярытэт: сем'і, што пацярпелі праз рэпрэсіі, але не маюць статуса палітзняволенага.

Больш падрабязна пра ініцыятыву і ўмовы — у форме для запаўнення.

«📢 Хочаце стаць дарыцелем і падтрымаць дзетак з рэпрэсаваных сем'яў ці прапанаваць італьянскім знаёмым? Пераходзьце па спасылцы — там форма на італьянскай мове».

Вясна / Правы чалавека ў Беларусі

29 November 2025 10:04

У Гомелі за «садзейнічанне экстрэмізму» асудзілі хрысціянскага прапаведніка

Стала вядома, што ў Гомельскім абласным судзе вынесены прысуд 41-гадоваму мясцоваму жыхару Аляксею Ягелу. Яго абвінавацілі ў «садзейнічанні экстрэмісцкай дзейнасці» (ч. 1 і ч. 2 арт. 361-4 КК). Верагодна, Аляксею прызначылі пазбаўленне волі ці «хімію».

Пра Аляксея Ягелу вядома, што ён з адукацыі з’яўляецца лекарам-хірургам, але ў сваёй прафесіі не працаваў. Ён з’яўляецца евангельскім прапаведнікам, а таксама абаронцам здаровага ладу жыцця, піша «Гомельская Вясна».

Летась абласная дзяржаўная газета пісала пра тое, як ён прасоўвае свой спосаб адмовы ад палення.

Вясна / Правы чалавека ў Беларусі

28 November 2025 17:05

Палітзняволены «каліновец» Васіль Верамейчык асуджаны да 13 гадоў калоніі

Пра гэта паведамляе @belsat.

Васіль — былы ваяр палка Каліноўскага, якога В'етнам выдаў Беларусі. Да гэтага часу невядома ў чым дакладна яго абвінавацілі.

Чытаць па спасылцы 👉 https://spring96.org/be/news/119171

Вясна / Правы чалавека ў Беларусі

28 November 2025 15:30

🇺🇳16 спраў супраць Беларусі: камітэт па правах чалавека запатрабаваў кампенсацыі заяўнікам

Камітэт па правах чалавека ААН вынес Меркаванні па справе адразу 16 заяўнікаў. Яны тычыліся штрафаў за вывешванне бела-чырвона-белых сцягоў (і не толькі) на вокнах уласных дамоў. Цяпер Беларусь абавязаная кампенсаваць гэтыя штрафы заяўнікам, а таксама ўсе панесеныя імі судовыя выдаткі.

Аднак не ўсе заявы былі падтрыманы Камітэтам. Пра гэта — у сённяшнім матэрыяле.

«Гэта форма выказвання свайго меркавання, пратэсту, часта выкарыстоўваецца як альтэрнатыва, менш рызыкоўная, выхаду на вулічныя пратэсты. Асабліва калі ўціск вулічных сходаў і маршаў прывялі да немагчымасці людзей збірацца ў групы, досыць вялікія, каб быць разагнаным».

Вясна / Правы чалавека ў Беларусі

28 November 2025 14:15

🔗Сутнасць негалосных правілаў для палітвязняў: абмежаваць, ізаляваць, пазбавіць правоў

Блогер Дзмітрый Казлоў «Шэры кот» згадвае, што адным з негалосных правілаў у бабруйскай калоніі № 2, куды ён прыехаў у верасні 2021 года, было тое, што ў кожнага палітычнага павінна быць не знятае парушэнне, каб ён меў статус «злоснага парушальніка» і «які не стаў на шлях выпраўлення».

«У 2021 годзе яшчэ было не так строга – палітычным даходзілі лісты ад не сваякоў, дазвалялі кароткатэрміновыя спатканні. Паступова ўсё гэта стала "закручвацца". У пачатку 2022 года палітычным перакрылі доступ да лістоў ад не сваякоў, нам перасталі іх аддаваць.

У 2023 годзе дайшло да таго, што палітычным забаранілі вучыцца ў ПТВ, удзельнічаць у розных гуртках, напрыклад, шахматны гурток, усіх палітычных выключылі адусюль.

З канца 2023 года пачалі ціснуць на тое, каб у палітычных нічога не браць і нічога не даваць».

Вясна / Правы чалавека ў Беларусі

28 November 2025 13:26

«Вырабілі і прадавалі прадукцыю, звязаную з рэабілітацыяй нацызму». Пракуратура пракаментавала закрыццё мінскай крамы з сувенірамі

Гаворка пра «Калядную краму», якую закрылі пасля скаргаў праўладных актывістаў.

Пракуратура Савецкага раёна Мінска «падчас маніторынгу ў сетцы інтэрнэт выявіла прапановы да набыцця ў адной з крамаў сталіцы прадукцыі, звязанай з рэабілітацыяй нацызму, і запатрабавала выключыць яе з продажу».

«Характэрна, што ёлачныя цацкі з'яўляюцца прадукцыяй уласнай вытворчасці арганізацыі — уласніка крамы», — адзначылі ў ведамстве.

Намеснік пракурора Савецкага раёна Мінска на адрас дырэктара арганізацыі ўнёс прадпісанне аб «ліквідацыі парушэнняў заканадаўства аб недапушчэнні рэабілітацыі нацызму». Шарыкі з Геніюш з продажу прыбралі. А міліцыяй праводзіцца праверка, ход якой знаходзіцца на кантролі пракуратуры раёна.

🔗Хроніка палітычнага пераследу

Вясна / Правы чалавека ў Беларусі

28 November 2025 12:03

📝Рэпрэсіі ў рэгіёнах Беларусі ў лістападзе: агляд «Вясны»

На працягу больш чым пяці гадоў у Беларусі працягваюцца маштабныя рэпрэсіі. Затрыманні і крымінальны пераслед грамадзян сталі звычайнай практыкай для ўсіх рэгіёнаў краіны. Асаблівую інтэнсіўнасць пераслед набыў у Гомельскай вобласці пасля пачатку расійскага ўварвання ва Украіну — менавіта там зафіксавана большасць выпадкаў па «справе Гаюна».

Акрамя гэтага, затрыманых на памежных пунктах Беларусі змяшчаюць у бліжэйшыя часовыя ізалятары ў Брэсцкай ды Гродненскай абласцях.

«Вясна» падрыхтавала агляд сітуацыі ў рэгіёнах і зафіксаваў асноўныя факты парушэння правоў чалавека.

Чытаць па спасылцы 👉 https://spring96.org/be/news/119166

🌿Чытаць з Беларусі праз сайт-люстэрка

✍️Паведаміць праваабаронцам пра палітычны пераслед 👉 @ViasnaSOS

Вясна / Правы чалавека ў Беларусі

28 November 2025 10:53

Стала вядома імя яшчэ аднаго вызваленага па памілаванні ўкраінца

Гэта 35-гадовы Аляксандр Катовіч.

Палітвязень быў асуджаны да 5 гадоў пазбаўлення волі за «распальванне варожасці», «стварэнне экстрэмісцкага фармавання альбо ўдзел у ім», «абразу Лукашэнкі» і «паклёп у дачыненні да Лукашэнкі». Мужчыну асудзілі за каментары ў сацсетках.

МУС сцвярджала, што ўкраінец мае дачыненне да «экстрэмісцкага фармавання» «Беларусь за МКАДам», але, паводле інфармацыі праваабаронцаў, Аляксандр не меў ніякага дачынення да праекту як стваральнік ці кіраўнік — ён проста пакідаў там каментары.

🔹У Беларусі памілавалі некалькі палітзняволеных грамадзян Украіны

Вясна / Правы чалавека ў Беларусі

28 November 2025 08:32

У дачыненні да журналісткі Ірыны Халіп распачалі крымінальную справу

Пра гэта Ірына распавяла журналістам.

Учора сілавікі прыйшлі з ператрусам да яе бацькоў, якія жывуць у Мінску. Яны прад’явілі пастанову, у якой было сказана, што ператрус праводзіцца ў межах крымінальнай справы супраць журналісткі.

Сілавікі сказалі, што крымінальная справа па «экстрэмісцкім» артыкуле, але падрабязнасцяў яны нібыта не ведаюць самі. Ператрус праводзілі супрацоўнікі міліцыі, а справа, паводле іх слоў, заведзеная пракуратурай.

Міліцыянты таксама дапыталі маці Халіп Люцыну Бяльзацкую. Яны спрабавалі высветліць, дзе знаходзіцца журналістка, а таксама прасілі даць яе нумар тэлефона. Ніякіх прадметаў, якія маглі б быць звязаныя з працай журналісткі, у кватэры яе бацькоў не знайшлі.

🔗Хроніка палітычнага пераследу

Вясна / Правы чалавека ў Беларусі

27 November 2025 15:47

Палітвязня Віталя Каваленку асудзілі да 3 гадоў калоніі па «справе Гаюна»

Жыхара Ельску Віталя Каваленку прызналі вінаватым паводле арт. 361-4 КК (садзейнічанне экстрэмісцкай дзейнасці). Гомельскі абласны суд напрыканцы лістапада прызначыў палітвязню тры гады пазбаўлення волі ва ўмовах узмоцненага рэжыму, піша «Гомельская вясна».

«Вясна» мае інфармацыю пра як мінімум 124 пацверджаных фігурантаў «справы Гаюну», якіх змясцілі пад варту. Агульная ж лічба затрыманых можа быць значна большай. Затрыманні адбываюцца па ўсёй Беларусі да гэтага часу.

Таксама ў Беларусі кожны дзень адбываюцца суды па гэтай справе.

Чытаць па спасылцы 👉 https://spring96.org/be/news/119160

🌿Калі вашых блізкіх затрымалі ці ўжо асудзілі па гэтай справе, паведаміце, калі ласка, праваабаронцам праз тэлеграм @Viasnainfo. Па вашым жаданні, інфармацыя будзе цалкам непублічнай

Вясна / Правы чалавека ў Беларусі

27 November 2025 13:13

Расійскага палітолага Андрэя Суздальцава асудзілі ў Расіі за «паклёп» на Лукашэнку

Лефортаўскі суд Масквы прызначыў 400 гадзін абавязковых работ былому выкладчыку Вышэйшай школы эканомікі Андрэю Суздальцаву за нібыта паклёп на Лукашэнку, піша @endoflaw.

Прычынай для крымінальнай справы паслужылі яго выказванні ў тэлеграм-канале пра тое, што Лукашэнка «захапляўся Гітлерам» і, «кажучы пра нямецка-фашысцкі генацыд, насамрэч прыкрывае свой тэрор і, па сутнасці, нічым не адрозніваецца ад фашыстаў 1940‑х гадоў».

У красавіку мінулага года Суздальцава затрымалі ў Маскве. Сам мужчына адмаўляў сваё затрыманне, але пазней яму выставілі абвінавачанне ў паклёпе.

Палітолаг працаваў у Беларусі з 1993 па 2006 год. За час працы ў краіне Суздальцаў рэгулярна крытыкаваў беларускія ўлады. У 2006 годзе мужчыну дэпартавалі з Беларусі, пазбавіўшы ВНЖ. Цяпер мужчына знаходзіцца ў вышуку Беларусі за «стварэнне экстрэмісцкага фармавання». Суздальцаў вёў тэлеграм-канал, які быў уключаны беларускімі ўладамі ў «экстрэмісцкі» спіс.

Вясна / Правы чалавека ў Беларусі

27 November 2025 11:03

🔗«ГУБАЗіК мог тэлефанаваць наўпрост у калонію і "рэкамендаваць", як працаваць з чалавекам».

Былая палітзняволеная Антаніна Канавалава распавядае, што ў жаночай калоніі ў звычайных сітуацыях спагнанні ішлі праз адміністрацыю калоніі. Аднак сістэма працавала шырэй, і далёка не заўсёды рашэнні прымаліся ўнутры калоніі.

«ГУБАЗіК мог тэлефанаваць наўпрост у калонію і "рэкамендаваць", як працаваць з чалавекам. Пасля такіх званкоў магло пачацца ўсё, што заўгодна.

КДБ займаўся толькі асабліва рэзананснымі фігурамі — у такіх выпадках калонія ператваралася проста ў выканаўцу. Ім кажуць "трымаць пад ціскам", і адміністрацыя дзейнічае без ініцыятывы, але строга па ўказцы. Чалавек у такіх сітуацыях нават не даведаецца, што ініцыятар — не ПК-4, а ГУБАЗіК ці КДБ. Так было, напрыклад, з Вікторыяй Кульшай, Марыяй Калеснікавай, Настай Лойкай, Марфай Рабковай».

Вясна / Правы чалавека ў Беларусі

30 November 2025 10:02

Негалосная сістэма як галоўны інструмент знішчэння палітвязняў

Былая палітзняволеная Антаніна Канавалава лічыць, што большасць негалосных правілаў у калоніях існуе, каб зламаць палітвязня псіхалагічна.

«Іх галоўная мэта — псіхалагічны і арганізацыйны ціск на палітвязняў. ПК-4 працуе па двайной сістэме: адна афіцыйная, што існуе на паперы, ды іншая рэальная, пабудаваная на страху, непрадказальнасці ды пастаянным кантролі.

Калі ты жывеш ва ўмовах, дзе любы рух, слова, погляд могуць стаць парушэннем, мозг ўвесь час знаходзіцца ў стане трывогі. Паступовае вымотванне б'е мацней, чым фізічныя пакаранні. Такія правілы ствараюцца, каб пазбавіць адчуванняў стабільнасці і бяспекі.

Усе няпісаныя забароны ствараюць атмасферу: "ты горш за астатніх", "ты не маеш тых жа правоў". Усё для таго, каб палітвязень перастаў успрымаць сябе чалавекам, у якога ёсць правы, межы, годнасць і магчымасць уплываць на сваё жыццё».

Вясна / Правы чалавека ў Беларусі

29 November 2025 17:10

🇪🇺«Судовая сістэма не павінна выкарыстоўвацца для крыміналізацыі праваабарончай дзейнасці»

Прадстаўніцтва ЕС у Беларусі апублікавала заяву з нагоды Міжнароднага дня жанчын-праваабаронцаў.

«29 лістапада адзначаецца Міжнародны дзень жанчын-праваабаронцаў. Многія жанчыны сутыкаюцца з пераследам і сфабрыкаванымі крымінальнымі абвінавачаннямі. Актывістак прыгаворваюць да працяглых тэрмінаў турэмнага зняволення за праваабарончую дзейнасць, іх дадаюць ў спіс «тэрарыстаў», каб яшчэ больш абмежаваць іх правы, і ў турме яны пакутуюць ад сур'ёзных праблем са здароўем. Судовая сістэма не павінна выкарыстоўвацца для крыміналізацыі праваабарончай дзейнасці ці падаўлення іншадумства».

Вясна / Правы чалавека ў Беларусі

29 November 2025 14:05

Карная сістэма негалосных правілаў для палітвязняў

Першы акт аб парушэнні на Паўла Вінаградава склалі праз дзве гадзіны, як ён прыехаў у калонію. Агулам амаль за чатыры гады зняволення Павел прабыў у ШІЗА 467 дзён — амаль кожны трэці дзень тэрміну.

«У ваўкавыскай калоніі № 11 супрацоўнікі ў асабістай гутарцы казалі: "Ты ж усё разумееш, ты палітычны, таму вось так будзем на цябе складаць акты, таму як ні старайся ўсё адно апынешся ў ШІЗА". У аршанскай калоніі № 12, калі я толькі прыехаў, начальнік каранціну сказаў, што я мушу разумець: у мяне пачнуць шукаць парушэнні, і як бы я не стараўся, апынуся ў ШІЗА.

Тры тыдні ў мяне не маглі знайсці парушэнні, але потым злавілі на тым, што я не павітаўся з супрацоўнікам — я яго не заўважыў. Гэта быў эксперымент, колькі магу пратрымацца. За той 21 дзень у мяне толькі праверак тумбачкі было 12 разоў. Натуральна, у іншых зняволеных такога і блізка не было».

Вясна / Правы чалавека ў Беларусі

29 November 2025 11:32

🌿Праваабарончая праграма «Вясна» – наведваем фестываль інтэлектуальнай кнігі Pradmova

1:36 Выдавецтва RozUMmedia: «Усе гэтыя траўмы — гэта зараз галасы беларускай літаратуры»

11:04 Дар’я Ракава і «Я/Мы Эміграцыя»

18:14 Пра кнігу Паўла Залескага «Беларускія галасы з Познані» і Skaryna Press

23:46 Беларусь. Забароненыя кнігі

Вясна / Правы чалавека ў Беларусі

29 November 2025 08:01

Чарговае папаўненне «Спіса экстрэмісцкіх матэрыялаў»

У яго трапілі:

📍Telegram-каналы і чаты «CUMункулы», «Денис Казанський», «Александр Коваленко»;
📍Старонка ў Instagram «iwe97_belarus»;
📍Старонка ў Facebook «NaŠy»;
📍Старонка ва «Укантакце» «ГАНЦАВIЧЫ»;
📍TikTok-старонка «ZinZin».

Вясна / Правы чалавека ў Беларусі

28 November 2025 16:15

Вызваленага палітзняволенага святара Генрыха Акалатовіча чакае новы суд

Як паведамляе katolik.lfe, гэтым разам па забароне выезду за мяжу, хоць па факце святар знаходзіцца ў Ватыкане. Такая грамадзянская справа з'явілася ў раскладзе суда Баранавіцкага раёна на 2 снежня.

Падставай для гэтага абмежавання стаў велізарны доўг, прыпісаны святару. Нагадаем, па абвінавачванні ў «здрадзе дзяржаве» акрамя пазбаўлення волі тэрмінам на 11 гадоў ксяндза Акалатовіча абавязалі выплаціць нібыта нанесеную дзяржаве шкоду сумай 1 мільён 700 тысяч рублёў.

У сувязі з гэтым накладзены арышт на маёмасць і канфіскаваныя пры затрыманні святара буйныя сумы грошай. Наколькі вядома вернікам, гэта маёмасць, у тым ліку аўтамабілі, належаць парафіі, а большая частка грошай — яго сваякам, а не яму самому.

Вясна / Правы чалавека ў Беларусі

28 November 2025 14:35

У «Спіс экстрэмістаў» дадалі яшчэ 23 прозвішчы — цяпер у ім 6042 чалавекі

28 лістапада МУС зрабіла традыцыйнае пятнічнае абнаўленне «Пераліка грамадзян Беларусі, замежных грамадзян або асоб без грамадзянства, якія маюць дачыненне да экстрэмісцкай дзейнасці».

Сярод іншых, у спіс дадалі 14 чалавек, якія былі асуджаныя за «садзейнічанне экстрэмізму».

Да допіса далучаны апошні «Пералік грамадзян, якія маюць дачыненне да экстрэмісцкай дзейнасці».

⁉️«Мама, я экстрэміст». Якія абмежаванні накладаюцца на асоб, уключаных у «Спіс экстрэмістаў»

Вясна / Правы чалавека ў Беларусі

28 November 2025 13:32

❗️Інтэрнэт-радыё «Radio Plato» прызналі «экстрэмісцкім фармаваннем»

Адпаведнае рашэнне было прынятае КДБ 20 лістапада — апублікавалі яго толькі сёння.

Паводле ведамства, дачыненне да радыё маюць Карняйчук Аляксандр, Кірпікаў Павел, Балбуцкі Раман, Пуйша Ягор, Лабуновіч Аляксей, Бярозавік Дзяніс, Купрыяновіч Філіп, Шынкароў Андрэй, Рынкевіч Аляксандр.

У апісанні праекта пазначана, што «Radio Plato — гэта незалежнае інтэрнэт-радыё з Мінска».

«Мы пішам пра мясцовую музычную сцэну, вядзем перадачы і публікуем падкасты. Гэта тое, што мы робім, каб умацаваць супольнасць і папулярызаваць яе ва ўсім свеце».

Вясна / Правы чалавека ў Беларусі

28 November 2025 12:45

У «спіс тэрарыстаў» дадалі яшчэ 3 чалавек

Камітэт дзяржаўнай бяспекі абнавіў спіс «асоб, якія маюць дачыненне да тэрарыстычнай дзейнасці» — там з'явіліся прозвішчы траіх чалавек.

Гэта Валеры Грыгоніс, Аляксандр Ваўчок, Уладзімір Кушнер.

Цяпер у «тэрарыстычным спісе» 1397 чалавек, з іх 658 — беларусы.

⁉️«І цяпер я бел-чырвона-белы тэрарыст». Адказваем на пытанні пра «спіс тэрарыстаў»

Вясна / Правы чалавека ў Беларусі

28 November 2025 11:15

Прысуджаную палітзняволенаму Андрэю Пачобуту прэмію Сахарава ўручаць дачцэ журналіста

Прэмію «За свабоду думкі» імя Андрэя Сахарава забярэ Яна Пачобут. Яе будзе суправаджаць кіраўніца Падляскага аддзела арганізацыі «Польская супольнасць» Ганна Кетліньска, піша @pozirkonline.

Другая ўзнагароджаная Мзія Амаглабелі таксама не зможа ўзяць удзелу ў цырымоніі ўзнагароджання. Яе будуць прадстаўляць журналіст Gazeti Batumelebi Ірма Дзімітрадзэ і намесніца дырэктара Фонду грамадзянскай супольнасці Грузіі Хатуна Джынджыхадзэ.

Пра тое, што журналіст і актывіст Саюза палякаў Беларусі Андрэй Пачобут і асуджаная ў Грузіі журналістка Мзія Амаглабелі сталі лаўрэатамі прэміі, паведаміла 22 кастрычніка на пленарнай сесіі Еўрапарламента яго спікер Раберта Метсола.

Вясна / Правы чалавека ў Беларусі

28 November 2025 10:00

📝Нагадваем кантакты Праваабарончага цэнтру «Вясна»

🔹Паведаміць пра затрыманне праз Telegram-бот @viasna_bot
🔹Атрымаць кансультацыю і дапамогу: @ViasnaSOS, @SOSViasna;
🔹Звярнуцца па дапамогу па юрыдычных пытаннях, абскардзіць дзеянні дзяржаўных органаў: @zvarot96 | zvarot@spring96.org;
🔹Калі вы пацярпелі ад катаванняў з боку сілавікоў ці сутыкнуліся з жорсткім абыходжаннем за кратамі: @ViasnaDOC | viasnadoc@spring96.org;
🔹Распавесці сваю гісторыю журналістам «Вясны»: @Viasnainfo | viasna@spring96.org.

📍Кантакты рэгіянальных прадстаўніцтваў «Вясны»: Бабруйск — @babrujskspring; Барысаў — @Spring_help_r; Брэст — @Nadbuzanski, @BrestSOS; Гомель — @homelspring; Магілёў — @maydayhelp, @mspring_help; Маладэчна — @Maladecza_help; Наваполацк — @impaynes; Віцебск — @Viciebsk_spring; Светлагорск — @svietlahorskspring

❗️Афіцыйныя кантакты ПЦ «Вясна» можна паглядзець у апісанні @viasna96 ці на старонцы «Кантакты» на spring96.org

⁉️«Вясну» прызналі «экстрэмісцкім фармаваннем»: як цяпер супрацоўнічаць з намі?

Вясна / Правы чалавека ў Беларусі

28 November 2025 08:01

Былога сілавіка асудзілі за «садзейнічанне экстрэмізму»

Палітзняволены Алег Гурын — былы супрацоўнік сілавых ведамстваў, у яго на ўтрыманні ёсць маленькае дзіця чатырох гадоў.

Паводле інфармацыі «Вясны», напачатку лістапада мужчыну асудзілі да 3 гадоў абмежавання волі з накіраваннем у папраўчую ўстанову адкрытага тыпу («хімія»). Алегу былі інкрымінаваныя ч. 1 і 2 арт. 361-4 Крымінальнага кодэкса.

21 лістапада Гурын быў унесены ў «пералік грамадзян Беларусі, замежных грамадзян і асоб без грамадзянства, якія маюць дачыненне да экстрэмісцкай дзейнасці».

🔗Хроніка палітычнага пераследу

Вясна / Правы чалавека ў Беларусі

27 November 2025 14:48

Сувенірную краму ў Мінску закрылі пасля скаргаў Бондаравай

Краму сувенірнай прадукцыі «Калядная крама» у Мінску закрылі пасля скаргаў Вольгі Бондаравай. Праўладная актывістка абвінавачвала краму ў продажы тавараў «з выявай нацысцкай злачынцы» Ларысы Геніюш.

Цяпер у дачыненні да юрасобы крамы вядуць крымінальна-працэсуальную праверку, паведаміла ў сваім Telegram-канале Бондарава.

Згодна з адказам адміністрацыі Савецкага раёна Мінска на заяву Бондаравай, праца «Каляднай крамы» прыпыненая, а памяшканне закрытае з 15 лістапада. У анлайн-каталогу магазіна органы не знайшлі шарыкаў з выявай Геніюш, піша hrodna.life.

Адміністрацыя раёна запатрабавала ад крамы ўхіліць парушэнні «аб продажы асобных тавараў», выяўленыя падчас праверкі. Да 21 лістапада крама выканала патрабаванне.

Вясна / Правы чалавека ў Беларусі

27 November 2025 12:11

✍️Шукаем людзей, якія за апошнія паўгода адбывалі арышты ў беларускіх ізалятарах часовага ўтрымання

Распавядзіце праваабаронцам пра ўмовы ўтрымання.

Ананімнасць гарантуецца. Калі ласка, напішыце праваабаронцам на @Viasnainfo

Вясна / Правы чалавека ў Беларусі

27 November 2025 09:26

«Мы тут з маці, але наш бацька да гэтага часу не вызвалены». Гурт Litesound, удзельнікаў якога асудзілі за пратэсты, выступіў у Літве

Нагадаем, колішніх удзельнікаў «Еўрабачання» спевакоў Дзмітрыя і Уладзіміра Каракіных, а таксама іх маці Вольгу Крайко асудзілі на 2,5 гады «хатняй хіміі». Бацьку хлопцаў Юрыю Каракіну далі 3 гады «хатняй хіміі»

«Нас арыштавалі. Але да таго, як нас арыштавалі і пасадзілі, Яўгену [адзін з удзельнікаў гурта — заў.] ўдалося збегчы, — растлумачыў Дзмітрый журналістам — Афіцыйнае абвінавачванне — удзел у несанкцыянаваных мерапрыемствах».

За краты трапілі не толькі браты, але і іх бацькі — усе сядзелі ў розных месцах. Там у братоў адкрыліся новыя таленты — Дзмітрый пастаянна маляваў, а Уладзімір складаў не толькі вершы, але і песні, піша «Люстэрка».

«Хоць мы і знаходзімся ў Літве, нам даводзіцца быць вельмі асцярожнымі ў сваіх словах. Мы тут з нашай маці, але наш бацька да гэтага часу не вызвалены».