قناة ام البنين سلام الله عليها بأشراف العلويه ام محمد تقي الموسوي

02 Mar 2023 11:10

السلام عليكم ورحمة الله وبركاته 🙋‍♀🙋‍♀
بسم الله الرحمن الرحيم...
الى جميع شاعراتنا المبدعات..المشتركات في دعم القلم الحسيني النسوي 🖌🖌🖌🖌🖌

سيقوم دعم القلم الحسيني النسوي..

بنشر كل قناة يوميا لمدة أسبوع مرتين باليوم حسب الاقدمية بالدعم..

وهذا تكريما لهم لاشتراكهم بالدعم..

اقدم القنوات المشتركة بالدعم..جاءالان دور قناة ((الشاعرة ام احمد شهد الرضوي ))

🎁🎁🎁🎁🎁

ادارة الدعم الحاجة ام علي الساعدي..دمع الفواطم..


🌹قناة الحوراء زينب (ع)🌹
قناة تحتوي على جميع القصايد الحسينيه


بشراف الشاعره ام زين العابدين المحمداويه

يشرفنا انظمامكم الينه
/channel/z_zaynabb

قناة ام البنين سلام الله عليها بأشراف العلويه ام محمد تقي الموسوي

26 Feb 2023 15:27

,هوسات لقمر العشيره ابو الفضل العباس عليه السلام

ميلاده بزغ هاليوم واعلينه يشع ضيه
يامية هله ابعباس يامرحبا ابطاريه
علمنه الفخر والزود علمنه الاعزوبيه
يكرم عباس ابجفينه


كريم وبالكرم ماوصلو احدوده
شجاع أو لو وعد يوفيهن اوعوده
مو ماي انترس غيره اوفه جوده

الكون أتعجب بفعاله


شهم حلو الصفات وللبشر معشوگ
الشجاعه اتفصلت لجله اوعليه اتلوگ
گمر كل التشوفه اتباوع ال ليفوگ

بركان اويتفجر غيره


خادمة ام البنين عليها السلام
ام محمد تقي الموسوي نسألكم الدعاء
/channel/KADMTAMALBNEN

قناة ام البنين سلام الله عليها بأشراف العلويه ام محمد تقي الموسوي

24 Feb 2023 21:29

ميلاد الاقمار


شعبان هل بعياده
واجب نهني الساده

طشو الورد والقداح
هالليله ليلة افراح

واجب نهني الساده

💐💐💐💐💐💐💐
واجب نهني فاطمه والكرار
نبعث تهاني للحبيب المختار
سيد شباب الجنه نورها الدار

طشي الورد والريحان
ياروحي بين شعبان

واجب نهني الساده
💐💐💐💐💐💐💐

حقها تهني هالخلگ وطش ياس
ابهذا الشهر مولد بطل تاج الراس
اسمه الفخر والغيره هذاالعباس

ابن الأصل والاجواد
يامرحبا ابهالميلاد

واجب نهني الساده
💐💐💐💐💐💐💐
ابهذا الشهر كل الفرح والاعياد
نور علينه الأكبر اويالسجاد
نسل الشرف والطيبه نسل الامجاد
هاليله فرحانه الروح
هيل اومسج عطر ايفوح

واجب نهني الساده
💐💐💐💐💐💐💐
خامس عشر من هلشهر طش اورود
بيه ينولد مهدي الزمان الموعود
روح اوگلب فدوه لجل راعي الزود

روحي نذر للمحبوب
ابحبه تطهر الگلوب

واجب نهني الساده
💐💐💐💐💐💐💐
كل الهله ابسيف العدل والاصلاح
نوره بزغ واعله البشر هل اولاح
المهدي غالي اولجله ترخص ارواح

وبجيته انثر جكليت
ويعم فرحنه ابكل بيت

واجب نهني الساده
💐💐💐💐💐💐💐
خادمة ام البنين عليها السلام
ام محمد تقي الموسوي نسألكم الدعاء
/channel/KADMTAMALBNEN

قناة ام البنين سلام الله عليها بأشراف العلويه ام محمد تقي الموسوي

22 Oct 2022 08:59

قصيدة لمولاتي الزهراء عليها السلام

ياامنه ضيعناها
ماينحمل فرگاها

ضليت اشم ابعطر الهدوم
اصرخ ييمه اوحيلي مهدوم

ياامنه ضيعناها ياامنه ضيعناها

،،،،،،،،،،،،،،،،،،،،،،،،،،،،،،
عجل عليه انه اليتم يمه ولفاني ابسرعه
ياروحي اصغيرة عمر يصعب عليها اتجرعه
مابيه عالون والحزن تاذيني حيل الدمعه
المن اضل ابدنيتي صوتج اذا ماسمعه

بعد الحنينه اتهل الهموم
اصرخ ييمه اوحيلي مهدوم

ياامنه ضيعناها. ياامنه ضيعناها
،،،،،،،،،،،،،،،،،،،،،،،،،،،،،،
يايمه من يومج وانه ماغمضت ياعيني
اشتم ثيابج فاطمه بلكت يهيد اونيني
لو اغفه ساعه ارجع افز واتلمس ابجفيني
بلكي اليمر يطلع حلم يايمه وتحضنيني

بعدج يعيني هجرت النوم
اصرخ ييمه اوحيلي مهدوم

ياامنه ضيعناها ياامنه ضيعناها
،،،،،،،،،،،،،،،،،،،،،،،،،،،،،،
مشتاگه يمه الشوفتج روحي تضل ولهانه
وبعيني ادور بالنزل وبحرگه اصد حيرانه
يابيتج الجنه صبح اظلم تسكنه احزانه
مابيه بس ون اودمع وافراگج الاذانه

ياروحي تهوى الموت هاليوم
اصرخ ييمه اوحيلي مهدوم

ياامنه ضيعناها ياامنه ضيعناها
،،،،،،،،،،،،،،،،،،،،،،،،،،،،،،
اصرخ ييمه ابكل مسه وينج يگلبي الليله
افراشج يروحي اتأمله واتمنى انه اترجعيله
بوسادتج احضن واشم واغفه اعله عطر الشيله
مريلي لو مره ابحلم. گلبي انهدم ياحيله

صارت حلم شوفة هالرسوم
اصرخ ييمه اوحيلي مهدوم

ياامنه ضيعناها ياامنه ضيعناها
،،،،،،،،،،،،،،،،،،،،،،،،،،،،،،

يايمه بعدج دنيتي لا والله ما تهنالي
ياثوب الاسود مااذب وياه اضل للتالي
ضيم اوقهر من الصغر او للموت اظن يبرالي
حيرني دهري يم حسن سهمه فطر دلالي

اصغير يگلبي اوبيج ملجوم
اصرخ ييمه اوحيلي مهدوم

ياامنه ضيعناها ياامنه ضيعناها
..............................
لخادمة ام البنين عليها السلام
ام محمد تقي الموسوي نسألكم الدعاء
/channel/KADMTAMALBNEN

قناة ام البنين سلام الله عليها بأشراف العلويه ام محمد تقي الموسوي

07 Oct 2022 10:37

قصيدة دارمي حول رجوع مولاتي زينب عليها السلام الى الدار

خالي او يون ياحيف يابيت اهلنه
بعد الاهل ياروح مايرهم النه


ماترهم النه الدار بعد النودهم
ضلينه بس اجساد والمهجه عدهم
ماتسوه والله الروح ضلت بعدهم

غربه اودمع واهات وبلا محنه


غربه اودمع ياحيف ضلت للهموم
مالومه بس حسرات ومرافگه اللوم
ياروحي ابد متهيد وگليبي مالوم

كل لحضه احس بالموت لوصد نزلنه

گمت اشبگ الحيطان وبحرگه اشمهه
بلكن عطر الاحباب الگه انه يمهه
يوم اعله يوم ايزيد ياروحي المهه

اوغير الوجع والاه لاماكسبنه

لو خلصه عمري اونين هم مايردون
ولو ابجي حتّى العين مو ماي العيون
افرشها روحي افراش لو بس يعودون

لاماترد هيهات لمة شملنه

لاماترد هيهات هالروحه روحه
والمثلي عالونات يگضيها روحه
الفاگد اهل للموت ماينسه نوحه

مثل النفس للروح صاير يونه

خادمة ام البنين عليها السلام
ام محمد تقي الموسوي نسألكم الدعاء

/channel/KADMTAMALBNEN

قناة ام البنين سلام الله عليها بأشراف العلويه ام محمد تقي الموسوي

01 Jun 2022 20:07

قصيدة لمولاتي زينب عليها السلام



هاي زينب بت علي حامي الدخيل
مامثلها ابهالبشر لا مستحيل

مامثلها ابهالبشر بت فاطمه
تشهد ابعفتها املاك السمه
حره بت حيدر اصيله اوعالمه

يا جبل من هيبه وأبداً مايميل
،،،،،،،،،،،،،،،،،،،،،،،،،،،،،،،،،،،،،،،،،،،
يشهد التاريخ والزينب كتب
شامخه ابعلو النجم رغم التعب
والگلب حسراته نيران او تشب

تحبس الدمعه ابأمرها اوماتسيل
،،،،،،،،،،،،،،،،،،،،،،،،،،،،،،،،،،،،،،،،،،،
هيه اميره اوتاجهه العفه يشع
ابكل ثقه اوايمان حملت هالوضع
حره بين اعداها مانزلت دمع

لون تبجي ابهدوتك خايب يليل
،،،،،،،،،،،،،،،،،،،،،،،،،،،،،،،،،،،،،،،،،،،
تنتظر لليل والمدمع يهل
ابهيده وبلا صوت ونتها تسل
همها زينب لا ابد ماينحمل

والفگد يتمنى لو ليله طويل
،،،،،،،،،،،،،،،،،،،،،،،،،،،،،،،،،،،،،،،،،،،
همها زينب مايمر اعله البشر
اهموم فوگ اهموم جن زخ المطر
عفيه زينب عجبت حتى الصبر

نكلت عدوان هاي اخت الكفيل


تمت بعون الله لخادمة ام البنين عليها السلام
ام محمد تقي الموسوي نسألكم الدعاء
/channel/KADMTAMALBNEN

قناة ام البنين سلام الله عليها بأشراف العلويه ام محمد تقي الموسوي

22 Apr 2022 00:53

نعي
لسيدي ومولاي امير المؤمنين عليه السلام

جفت يعيني اعليك ماضلت ادموع
ماينحمل فرگاك يسحن بالضلوع
ضاگ اليتم ياويل ياگلبي ويلوع
ويفارگ الاحباب يوميه مفجوع


يابويه يابو احسين شيصبر الروح
بعدك يماي العين لگضي العمر نوح
ذاب الگلب يابوي مالية الجروح
وياك اريد اليوم ياروحي اتروح

جنك نويت اوداع تنظر للعيون
ماأحمل اللوعات يابويه تدرون
هاي اخر الساعات بينه توصون
اخلافك يبعد اجلاي مانرهم اشلون

من الصغر لليوم خاوتني الهموم
حگي اعله ضيم الروح لو ابجي ادموم
لن فارگيت اعزاز حگي انه اون دوم
يا عيني ماتغفاش گمت احسب انجوم

امشيعه تراها الروح يوميه احباب
واعله الأحبهم ليش اتهيل التراب
يادهري بالزينين صوبني اصواب
اودنيانه تغدر دوم ماتسوه العتاب

تمت بعون الله لخادمة ام البنين عليها السلام
ام محمد تقي الموسوي نسألكم الدعاء
/channel/KADMTAMALBNEN

قناة ام البنين سلام الله عليها بأشراف العلويه ام محمد تقي الموسوي

11 Oct 2021 15:46

فزاعيه لمولاتي الزهراء
🔹️🔹️🔹️🔹️🔹️🔹️🔹️
كسرو بابهه ماهابو الزهره

گلبي يم حسن بي نار متسعره

🔹️🔹️🔹️🔹️🔹️🔹️🔹️🔹️
كسرو بابهه ماهابو الكرار

یم حسین گلبي علیچ شب ابنار

انه زينب ييمه وعقلي ضل محتار

گلبي إلي أنكسر يايمه شيجبره

✍🏻خادمة الحسين ام ضياء

🔹️🔹️🔹️🔹️🔹️🔹️🔹️🔹️

گلبي اللي انكسر والروح مالومه

عمت عيني اعله ضلعج يجرن ادمومه

اضل للموت يمه اعليج مهضومه

ماتطلع تراها ابگلبي العبره

✍️ام محمد تقي الموسوي

🔹️🔹️🔹️🔹️🔹️🔹️🔹️🔹️

ماتطلع ييمه ابگلبي محصوره

من يوم الدريت اضلوع مكسوره

ريحانة محمد نورها نوره

هضمتيني ييمه وبيه الف حسره

كسرو بابها ماهابو الزهره

✍ام زينب الساعدي

🔹️🔹️🔹️🔹️🔹️🔹️🔹️🔹️🔹️

من اصد للباب كلساعه يبجيني

وصيح بصوت يم حسين حاچيني

يتيمه انه اون بالدار عفتيني

وتسعر نارچن حدر الضلع جمره

✍🏻شاعره ام روكان الشمري

🔹️🔹️🔹️🔹️🔹️🔹️🔹️🔹️

انه من الزغر والدهر شدوياي

اخذ مني الحنينه وظلمت دنياي

قاسي يازمن طگنی عله عینای

(اخذ مني الحنينه وگلبي شيصبره)

✍🏻ام منتظر لاسديه
🔹️🔹️🔹️🔹️🔹️🔹️🔹️🔹️
اخذ مني الحنينه ونطفت عيني

اصيح ابصوت يم حسين سمعيني

وشفرگ ييمه بينچ وبيني

محتامه اعله شوفچ حتی لو مره

✍ام زينب الساعدي

🔹️
تـــمـ بعون الله تعالى ـــت
باقـــ✍ـــلام خادمات اهل البيت ع في رابطة دموع العقيله
بتاريخ 4/ربیع الاول /1443/🌙
لانجيز حذف الاسماء✋✋
🙏🏻🙏🏻نسالكم الدعاء🙏🏻🙏
/channel/KADMTAMALBNEN

قناة ام البنين سلام الله عليها بأشراف العلويه ام محمد تقي الموسوي

08 Oct 2021 10:08

نعي

اتــمــنــه کـل ایـامــی عــــاشـور

وابچی إعله أهل زینب وإلبدور

مِحزنه عـَـلـیهم خــالیه إلــــدور

وإختهم تنــوح إبگلـب مَکســور

علیهم لــنــــوح إلعــمــر کـله

✍🏻 .... *یسرا الموسوی*

&&&&&&&&&&&&&&&&&&&&&&

ابجـــي عــليـهــم لحــد مامــوت

وبصــوت عــالي ومــاهو بســكوت

على امصاب الجرى هالگلب مفتوت

والتنــزل دمـــعتــه اعــليه مبــخــوت

اضل للموت مايبطل ونيني

✍️.... *ام محمد تقي الموسوي*

&&&&&&&&&&&&&&&&&&&&&&

ماجور يالتبجي عله حسين

تلطم وتجري دمعت العين

ماننسه ابد ذبحت الطيبين

تمرد بالكلب يدموع زينب

✍️... *ام حسين الحسني*

&&&&&&&&&&&&&&&&&&&&&&

أنه رديــت يــادار الاحــباب

موحــش نزلكــم والكلب ذاب

دكلي هلــج شــالو الأطــياب

وهلن عيوني بعتبت الباب

راحـــو ولاردو عــليه

✍🏻... *ام عراق الشمرية*

&&&&&&&&&&&&&&&&&&&&&&

ماننسه ابنج يالزجيه

وماننسه يوم الغاضريه

ونبجي عله الراحت سبيه

✍️.... *الشاعره كريمه البو حلوه*

&&&&&&&&&&&&&&&&&&&&&&

یاریــت شــهــرک یــــرجــع اردود

وعــازی ام البنین إبگــطع الزنــود

وبچی إعــله ابنها صــاحب الجــود

ماجوره إلجرت دمعه إعله الخدود

یومــک یبو إلیمه عــمـــــانی

✍🏻... *ام زهراء الفاطمیه*

&&&&&&&&&&&&&&&&&&&&&&

وين اتــعزي اختــه الحزينه

وتســمع الــزهره الحنـــينــه

صعــبه ابـــنها ذابــحـــينه

ودم راسه ويلي مطشرينه

✍️... *الشاعره كريمه البو حلوه*

&&&&&&&&&&&&&&&&&&&&&&
تـــمـ بعون الله تعالى ـــت
باقـــ✍ـــلام خادمات اهل
البيت ع في رابطة دموع العقيله
بتاریخ، 29 / صفر / 1443🌙
لانجيز حذف الاسماء✋✋
🙏🏻🙏🏻نسالكم الدعاء🙏🏻🙏
/channel/KADMTAMALBNEN

قناة ام البنين سلام الله عليها بأشراف العلويه ام محمد تقي الموسوي

07 Oct 2021 23:48

لطمیه الوداعیه محبین امام الحسین علیه السلام و إنتهاء شهر محرم الحرام وصفر
ـــــــــــــــــــــــــــــــــــــــــــــــــــــــــــــــ

خلص شهر الحزن بس ماخلص حزني

الك يــحســين دايم دمعــي انـه اوني

⚜️⚜️⚜️⚜️⚜️⚜️⚜️⚜️⚜️⚜️

الك يحسين دايم وني انه والنوح

اذا انساك ماريدن بعد هالروح

يلمرافگ دليلي وعيني يالمذبوح

انه اترجاك منك لا لتحرمني

✍️ *ام محمد تقي الموسوي*

⚜️⚜️⚜️⚜️⚜️⚜️⚜️⚜️⚜️⚜️

اريدن خادمه تسجلني يامولاي

وخدمك يابعد عيني وبعد سلواي

تسجلني الزجيه بالخدم منواي

خدامه الك ياابن علي اقبلني

✍🏻 *شاعره ام روكان الشمريه*

⚜️⚜️⚜️⚜️⚜️⚜️⚜️⚜️⚜️⚜️

ماانساك طول العمر تدريني

تبجيلك سنين وتنعمي عيني

ماوفيت صحت بصوت يحسيني

طلب ويه الخدم مولاي سجلني


✍🏻 *ام عراق الشمرية*

⚜️⚜️⚜️⚜️⚜️⚜️⚜️⚜️⚜️⚜️

الوداع اویاک یا شــهر الــنوايب

إشکثر لوعات بیک إشگد مصایب

لِمصاب حسین اون وگلبی ذایـب

عله مَنهج حسینی أمی ربتنی

✍🏻 *ام حسین الحسینی

⚜️⚜️⚜️⚜️⚜️⚜️⚜️⚜️⚜️⚜️

إشحلوا خدمتک مولای یحسین

یِحگ الـنوح الک یَـبن المیامـین

عـلــیک اگضــی العمر کله بلونین

ونتک بلگلب یحسین توجعنی

✍🏻 *یسرا الموسوی*

⚜️⚜️⚜️⚜️⚜️⚜️⚜️⚜️⚜️⚜️

عليك ابجي اضل للموت يامظلوم

ولمصابك اضل طول العمر مهموم

مايبطل حزن كلبي ويضل مالوم

خيالك ياحبيبي مايفاركني

✍️ *سلمى أم جعفر

⚜️⚜️⚜️⚜️⚜️⚜️⚜️⚜️⚜️⚜️
تـــمـ بعون الله تعالى ـــت
باقـــ✍ـــلام خادمات اهل
البيت ع في رابطة دموع العقيله
بتاریخ، 29 / صفر / 1443🌙
لانجيز حذف الاسماء✋✋
🙏🏻🙏🏻نسالكم الدعاء🙏🏻🙏
/channel/KADMTAMALBNEN

قناة ام البنين سلام الله عليها بأشراف العلويه ام محمد تقي الموسوي

05 Oct 2021 23:28

نعي لذكرى استشهاد الرسول محمد صل الله عليه وآله وسلم

يومك يبويه شده بالي
يابوي ياعزي ودلالي
محتاره انه وبالضيم حالي


محتاره انه وليلي منامه
ونص الكلب صارت علامه
محمل بعد بويه الملامه

يلوموني لو ابجي عليك
حگي نهار وليل انعيك
لو تنشره بالروح لشريك

ياعافيه للكلب والروح
بعدك گضاني القهر والنوح
انطاك گلبك عني اتروح

عني رحت والدنيا مالت
وعدواني حيل وياي عالت
يابويه روحي وياك شالت

تمت بعون الله لخادمة ام البنين عليها السلام
ام محمد تقي الموسوي نسالكم الدعاء
/channel/KADMTAMALBNEN

قناة ام البنين سلام الله عليها بأشراف العلويه ام محمد تقي الموسوي

05 Oct 2021 13:55

قصيدة مربعه
لذكرى استشهاد رسول الله صلى الله عليه واله وسلم

اليوم انعازي الزهره اعله واليها
مالومه تون والحزن غاطيها

اليوم انعازي الحره اعله مولانه
لجل المصطفى اظلمت دنيانه
تون ام الحسن والروح حزنانه

مابطلت عليه دايم بواجيها
،،،،،،،،،،،،،،،،،،،،،،،،،،،،،،،،،،،،،،،
مابطلت تون بدموع حراگه
متعلمه اعله ابوها ويصعب افراگه
تصيح احاه يبويه الروح مشتاگه

ماتحمل الفرگه وحيل تاذيها
،،،،،،،،،،،،،،،،،،،،،،،،،،،،،،،،،،،،،،،
اصحابه اخلاف عينه مايرحموها
مابيهم رحم ظلام اذوها
عمد بالباب مولاتي يعصروها

ومن جف النذل نيشان ضل بيها
،،،،،،،،،،،،،،،،،،،،،،،،،،،،،،،،،،،،،،،
ماجبرو كسرها وزادو اللوعه
يدروها باابو ابراهيم مفجوعه
حرموهه تون ابونه مسموعه

وني اوي ام حسن هاليوم عينيها
،،،،،،،،،،،،،،،،،،،،،،،،،،،،،،،،،،،،،،،
مظلومه تون اعله الولي البضعه
دوم اتسيل عالخدين هالدمعه
تصد محراب ابوها دكابله وتنعه

ذبلهه الحزن غير معانيها
،،،،،،،،،،،،،،،،،،،،،،،،،،،،،،،،،،،،،،،
تمت بعون الله لخادمة ام البنين عليها السلام
ام محمد تقي الموسوي نسالكم الدعاء
/channel/KADMTAMALBNEN

قناة ام البنين سلام الله عليها بأشراف العلويه ام محمد تقي الموسوي

03 Oct 2021 09:06

لاستشهاد الرسول (( ص ))
الوزن نصاري
ـــــــــــــــــ✍️ـــــــــــــــــ

ونة فاطمة اليوم
تجري المدمع ادموم

تصيح ابگلب مهظوم
سور الكون مهدوم

رسول الله بغيابه
وعذبنه مصابه
ـــــــــــــــــ✍️ـــــــــــــــــ

ونة فاطمة الزهره اعله ابوها
وتفت الصخر لمن ولوها
من غاب النبي كلهم اجوها
ونار الحقد بالباب اشعلوها

تصیح بصوت یابه
رسول الله بغيابه


ام امير الموسوي✒️

ـــــــــــــــــ✍️ـــــــــــــــــ

ونت ويلي والدمعه جرتها
ودار أحزانها بلون. بنتها
الدنيا أخلاف ابوها عذبتها
النار ابنص گلبها وجرتها

بقت تشتم اترابه
رسول الله ابغيابه

✍🏻ام زهراء الزيداويه البصراويه

ـــــــــــــــــ✍️ـــــــــــــــــ

صاحت صوت بويه ياسنادي
عگبك هجمت اعليه الاعادي
گلتلهم انه بت نبي الهادي
دفعو بابي اوعور افادي

ما خلو مهابه
الرسول الله بغيابه

✍️ ام منذرالحجار

ـــــــــــــــــ✍️ـــــــــــــــــ

بس غمض ابوها ابساع خانوه
خانو بيعته والباب حركوه
من عدها الضلع ياحيف كسروه
نيشان اعله خدها اعداه خلوه

ماتنساه اصوابه
رسول الله بغيابه

✍️ام محمد تقي الموسوي

ـــــــــــــــــ✍️ـــــــــــــــــ

حرگو بابهاوچتفو الکرار
تون وتصیح بویه انظر الصار
بس انته رحت غدرونه لشرار
وابوسطت دليلي شبو النار

یلچانو اصحابه
الرسول الله ابغیابه

✍🏻المیرزا ام لیلی الخاقانی
ـــــــــــــــــ✍️ـــــــــــــــــ

وينك يالابو عني رحلت وين
هذا الحسن يسالني والحسين
يبجون وعليك بدمعة العين
بعدك بابي حرگوه الملاعين

مارد ابجوابه
الرسول الله بغيابه

✍️ام صادق المنصوري

ـــــــــــــــــ✍️ـــــــــــــــــ


تـــمـ بعون الله تعالى ـــت
باقـــ✍ـــلام خادمات اهل
البيت ع في رابطة دموع العقيله
بتاریخ /24/صفر /1443🌙
لانجيز حذف الاسماء✋✋
🙏🏻🙏🏻نسالكم الدعاء🙏🏻🙏
/channel/KADMTAMALBNEN

قناة ام البنين سلام الله عليها بأشراف العلويه ام محمد تقي الموسوي

19 Sep 2021 14:19

مصايب صفر
بحر الطويل
~~~
صفر شهر الحزن والنوح بده من امصاب ابو الزهره
خله كل گلب مجروح اونار الحزن متوجره
🔳🔳🔳🔳🔳🔳🔳🔳
بيه راح النبــي المختار وخله امتــــه باحزان
بيه راح الحسن مسمــــوم اوخلف بالچبد نيران
وبـــي زينب مشـــت للشام ابظعنها تحدي العدوان

وبــي دمعــت رقيه اتـسيـل
اوخولــه بــي تنادي الويـــل
لبــو الباقـــر هـــدملـه الحــــيل
كــل ايامــــه ظيـــم ابظيـــم من ذكره لشد ذكره
*✍️الشاعر فالح العامري*
🔳🔳🔳🔳🔳🔳🔳🔳
ايامه حزن واهات والدمعات مجريه
ماننساها ابد بالروح ضلت ونت ارقيه
طفله وترفه حيل اهواي مشت لشام مسبيه

تبجي تريد والدها
ويلي ومنسطر خدها
لاوالي وحمه عدها

مصايب هالشهر بالروح خلت نار مستعره

✍️الشاعره ام محمد تقي الموسوي
🔳🔳🔳🔳🔳🔳🔳🔳
رايح بيه ابو محمد بالسم انمرد گلبه
بشربـــه من اللبن سمـوه بيــد الطاغيه جعده.
ظل يعالج بروحه ماواحد اجــه العنده

الله يساعد الزينب
نيران الگلب تلهب.
ظلت عالاخو تنحب
.
مصابك حيل اذاني يخوي گلبي شيصبره

✍️الشاعره ام البنين
🔳🔳🔳🔳🔳🔳🔳🔳
بيك اميسره زينب       وي كوم العده تمشي
امصابك ياصفر للروح     شيب كلبي اورمــشي
لا خــوه  ولا وليان        زينب فاكـده كلشي

فكدت راعي المروه
ماضالت بعد خوه
بنار الهضم تتجوه
زينب والحزن عنوان     ضلت بالكلب حسره

✍️الشاعره ياسمين الشموسي
🔳🔳🔳🔳🔳🔳🔳🔳
وبيه جبد الحسن ممرود ابيدين الغدر سمه
تكطع بالطشت جبده واحسين اشكبر همه
يويلي نهدم منه الحيل وظل بالامه يتغمه

زينب تبجي وتنادي
امشيه جدك الهادي
رحيلك نار بفؤادي
يخويه عنه ليش تشيل وحسينك حاير بامره
✍️الشاعره ام محمد الساري
🔳🔳🔳🔳🔳🔳🔳🔳
ضربها صفر بالامه و سهم البين اذاها
اخذ منها الزغيره نوب رقيـــه وحيل بجاها
بخرايب راس ابو اليمه جابه بطشت روعاها
صاحت يمه وناحت
طفله عالنحر ماتت
الدنيه وياي هل خانت
من يدفن رقيه اليوم وحنه يالوالي اسره
✍️الشاعره ام روكان الشمريه
🔳🔳🔳🔳🔳🔳🔳🔳
شهــرك ياصفـر ميشوم خلـــه بالكلب بسمار
اچمالـــه الفگــد خواني اكعــد بالخرابه بولية الاشرار
وابو الباقر هــدم حيلي يبچي والدمع نثار

اجت هنــده تناشدنــي
ونشدهه حيل ضاهدنــي
ولا واحـــد يساعدنــي

تكول امنين جيتكـــم وصارت بالكلب جمره

✍️الشاعره ام حيدر الحمزه الطائيه
🔳🔳🔳🔳🔳🔳🔳🔳
اتكلهه لا تنشديني يهنده والكلب خلصان
اني بت علي الكرار ابوي الداحي البيبان
وجدي ذاك ابو الزهـره الحيـــد النبي العدنان

جنــتي خـادمـه عندي
اني المصطفى جدي
الشمر بضعونه يحدي

يهنده لا تنشديني شربت امن الدهر مره

ام محمد شاهين
🔳🔳🔳🔳🔳🔳🔳🔳🔳
تمت بعون الله
باقــــ✍ــلام خدام اهل البيت عليهم السلام
في رابطه مسلم بن عقيل
#باشراف_الأستاذ
#فالح_العامري
نسألكم الدعاء 🙏🏻
/channel/KADMTAMALBNEN

قناة ام البنين سلام الله عليها بأشراف العلويه ام محمد تقي الموسوي

08 Sep 2021 11:57

قصيدة لسيدتي ومولاتي رقيه عليها السلام
الوزن نصاري
~~~`
ماتت عاالطشت ويلي رقيه
ماگدرت تصد ابن الزجيه

ماگدرت تصد الراس الحسين
مدهوشه بگت بس تهمل العين
تصيح احاه يبويه والجسد وين

حاجيني ياوالي الحك عليه
ماتت عالطشت ويلي رقيه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،
اكعدلي ياغالي ارد احاجيك
اسولفك ابضيمي وخل ابجيك
كون اشوف بويه الجسد ياذيك

ازرك صبح امن اسياط اميه
ماتت عالطشت ويلي رقيه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،
يضربني العدو جدمي ايتعثر
يبويه امن القهر كلبي تفطر
عمت عين الزمان شلون يفتر

اخلافك يالابو اشبع اذيه
ماتت عالطشت ويلي رقيه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،
اخذني وياك لتخليني وحدي
اموت بحسرتي دمعي اعله خدي
احلفك بالزجيه وروح جدي

اريد اوياك تاخذني المنيه
ماتت عالطشت ويلي رقيه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،
مااريد العمر من غير والي
اخلافك يالابو ضايع دلالي
يتيمه انه اصبحت بالضيم حالي

اون يابوي والونه خفيه
ماتت عالطشت ويلي رقيه

تمت بعون الله لخادمة ام البنين عليها السلام
ام محمد تقي الموسوي نسالكم الدعاء
/channel/KADMTAMALBNEN

قناة ام البنين سلام الله عليها بأشراف العلويه ام محمد تقي الموسوي

02 Mar 2023 11:09

بسم الله الرحمن الرحيم...

على بركة الله...يعود اليكم من جديد...《《دعم القلم الحسيني النسوي 》》

شروط الدعم >>>>>>●

¤1 يتم قبول القنوات من عدد 500 عضو فما فوق

¤2 ينشر الدعم مرتين في اليوم

¤3 يثبت الدعم ساعة واحدة ويحذف بعد ساعتين من وقت نزوله ويكون❌ مشكول الذمة ❌ من يحذف قبل ذلك الوقت

¤4 ❌ مشكول الذمة ❌ من يقوم بألغاء الدعم دون اعلامنا بذلك..

¤5 يكون حذف الدعم عليكم ..

الدعم بأدارة...الشاعرة دمع الفواطم..


للاشتراك بالدعم مراسلة ادارة القناة على المعرف التالي 👇👇👇
@Sssss55555ss


➿➿➿➿➿➿➿➿➿
1● قناة دموع الفواطم الشاعرة الحاجة ام احمد الحجامي
@Karbalaa_13
2●الملا سجى المحمداويه
@qltri
3●قناة صرخة العقيلة الملا ام عهد
@zhrhzahraa
4●قناة احزان الفاطميات الشاعرة ام زينب الواسطي
@Fatimids89
5●قناة احزان آل الرسول ص الشاعرة ام باقر السراي
@fssduuuhdAAaDdffgghjdaakkAasyuuy
6●قناة الحسين سفينة النجاة
@haneen_Ali_Faris
7●قناة افراح اهل البيت ع الشاعرة ام حسين الهلالي
@hsmib
8●الشاعرة العلوية ام محمد تقي الموسوي
@KADMTAMALBNEN
9●ام حيدر الحمزة الطائي
@aseel1278
10●الشاعرة فاطمة الحلفي
@FATIMA99991111
11●قناة طب اهل البيت ع
@AlwumAhlAlpyet
12●قناة العلوية ام محمد الخطيب
@Husse4n
13●قناة رقية للشاعرة ام احمد شهد الرضوي
@alzmqpa
14●قناة الحوراء زينب ع بإشراف الشاعرة ام زين العابدين المحمداويه
@z_zaynabb
15●قناة الشاعرة ام حسنين البدري
@AlBadti86F
16●قناة الشاعرة زينب الواسطي
@zainabalwasty
17●ناعية طف كربلاء الشاعرة ام عبدالله العابدي
@cccccccUm_abbd_allcoooooo_9
18●الشاعرة ام محمد الكناني
@t198t
19●قناة الشاعرة هاجر الزينبية
@Alzainabiaaaa
20●قناة ريحانة الرسول الاولى
@RyhanaAlrasul87
21●الشاعرة نشوان الكناني
@Nshwan_1999
22•قناة طف كربلاء الشاعرة ياسمين الشموسي
@yasaminalshamousi


➿➿➿➿➿➿➿➿➿
/channel/tteef

قناة ام البنين سلام الله عليها بأشراف العلويه ام محمد تقي الموسوي

25 Feb 2023 20:17

قصيده حول ولادة الامام العباس عليه السلام


اليله مولد غيره مولد مرجله
ياهله ابعباس يامية هله

افرح افرح يالمحب
اليوم ميلاد الگلب

ياهله ابعباس يامية هله
🪷🪷🪷🪷🪷🪷
والنعم من الكريمه الجابته
عالوفه والطيبه والحق ربته
امعدل اومهيوب تعجب سيرته

يادمع بالك تصب
اليوم ميلاد الگلب

🪷🪷🪷🪷🪷🪷
اليوم أنسى أحزاني وانساه الدمع
الااطش املبس واعلگ شمع
هذا ميلاد السبع وابن السبع

للگمر روحي تحب
هذا ميلاد الگلب

🪷🪷🪷🪷🪷🪷
روحي طير اوعالحرم گامت ترف
ينبض الدلال كل دگه ابألف
فرحت اگليبي ابد ماتنوصف

لجله زينة الدرب
هذا ميلاد الگلب
🪷🪷🪷🪷🪷🪷
هبت اعلينه نسايم مولده
گلبي ياهو ايشوفه گام ايعايده
والفُرح لاهل الكرم يامسعده

نسمة الفرحه تهب
الليله ميلاد الگلب

🪷🪷🪷🪷🪷🪷
الكرم بجفوفه ياروحي صفه
اسمه ابو فاضل على أبوابه الشفه
الليله ميلاد الشجاعه والوفه

امجرب ابيوم الحرب
الليله ميلاد الگلب

🪷🪷🪷🪷🪷🪷
خادمة ام البنين عليها السلام
ام محمد تقي الموسوي نسألكم الدعاء
‏/channel/KADMTAMALBNEN

قناة ام البنين سلام الله عليها بأشراف العلويه ام محمد تقي الموسوي

01 Dec 2022 07:21

قصيده للسيده زينب ع
*
مچتوفه بحبال وامشي سبيه اويالغرب
مچتوفه بحبال عباس هالموقف صعب

ظلیت خویه محيره
مدري لوين ميسره

مچتوفه بحبال. مچتوفه بحبال

○○○○○○○○○

حر الشمس مثل الجمر طبينه للسوگ الظهر
الناس تتفرج علي يظربني بسياطه الشمر
ومن اصعدت فوگ الهزل بالحبل اقوه ضل يجر
قصده يوگعني النذل وگدام شماتی انهطر

من طبت السوگ. /الموت خويه ارحم الي
من طبت السوگ /ضل بالي كله يم علي

من القيد ينزف منحره.
ظلیت خویه محيره.
مچتوفه بحبال. مچتوفه بحبال

✍🏻 العلويه زهراء الموسوي
○○○○○○○○○○

طبينه للكوفه وشفت الماجره اعلينه گبل
تتفرج اعلينه الخلگ وايدينا مچتوفه ابحبل
اعيونهم مثل السهم نظراتهم ماتنحمل
بس گلي شيحمله السهم بالروح هم يكتل كتل

تتصدق الناس /خو يه علينه من تمر
تتصدق الناس /بالخبزوالماي وتمر
انهض وشوف اللي جره
ضليت خويه امحيره
مچتوفه بأحبال مچتوفه بأحبال

✍️الشاعره شيماء ام نور
○○○○○○○○

طرینه واحنه اعله الهزل وظعونه غفره مشت
والناس اخبرک یابطل تتصدق اعلینه غدت
کلساع وحده من الحرم صاحتلی یاعمه وبچت
روس اخوتی ابراس الظعن علرمح تتسابگ مشت

مابین الظلوع /ناری غدت تسعر سعر
مابین الظلوع /تچوینی حسرات الیسر

بعیونی شفت الماجره
ظلیت خویه محيره
مچتوفه بحبال مچتوفه بحبال

✍🏻المیرزا ام لیلی الخاقانی

○○○○○○○○○

مابطلت عيني الدمع لمن شفت ذاك الوضع
بين الشماته والعده چوانی دهري اعلی الظلع
بنات النبوه تنشتم وكلساع اختك تنصدع
ولو شلت راسي شاهدت راسك اگبالي مرتفع

بطبتنه للشام٠٠صابن دليلي جم سهم
بطبتنه للشام٠٠زادتني لوعات وألم
خلافک يسبع الكَنطره
ضليت خويه محيره

مچتوفه بحبال مچتوفه بحبال

✍🏻ام مرتضى الخفاجيه

○○○○○○○○○

طبيت للشام ؤبعد شحجيلكم عن يا جرح
الوادم معيده بطيحتي اتلكتنه بطبول وفرح
النسوان تشمر بالحجر ياخوي من فوك السطح
وانوب بالمجلس اشد واعظم عليه من الذبح
من حطو الراس /جدام خصمك بالطشت
من حطو الراس /ذاك الوكت خويه متت
ينكث الراس بمخصره
ضليت خويه محيره
مچتوفه بحبال مچتوفه بحبال

✍🏻العلويه ام مرتضى الموسوي
○○○○○○○○○
المر علي کلش صعب والعبره تخنگ هالحجي
عین الشماته اتصد الي اویصعب علي حتی البچي
رجلیه مابیها بعدتحملنی ساعات المشي
چن سعفه روحی لوملت واعله الصبر گوه ارتجي

یاهلعمر طال وعليه كل يوم ابسنه
ياهالعمر طال والطف اخذ كل الهنه

اتمنه لوتحت الثری
ظلیت خویه محیره
مچتوفه بحبال مچتوفه بحبال

✍🏻ام محمد تقي الموسوی
○○○○○○○○○○○○○○○○○○○○
تـــمـ بعون الله تعالى
بقلم شاعرات اهل البیت ع في رابطة دموع العقیله ع
تحت اشراف ..المیرزا ام لیلی الخاقانی
❌❌❌❌❌❌
لانجيز حذف الاسماء✋
🙏🏻نسالكم الدعاء🙏🏻
/channel/KADMTAMALBNEN

قناة ام البنين سلام الله عليها بأشراف العلويه ام محمد تقي الموسوي

13 Oct 2022 20:35

🎊نبارك لمولانا صاحب العصر والزمان (عج) وللأمة الإسلامية جمعاء ذكرى ولادة منقذ البشرية رسول الله الأعظم والقدوة محمد (ص) وحفيده الإمام جعفر الصادق (ع)، جعلنا الله وإياكم من المتمسكين بنهجهما،
والسالكين على خطى محمد وآله الميامين (ص)
ــــــــــــــــــــــــــــــــــــــــــــــــــــــــــــــ
/channel/KADMTAMALBNEN

قناة ام البنين سلام الله عليها بأشراف العلويه ام محمد تقي الموسوي

05 Oct 2022 09:04

قصيدة حول رجوع سيدتي ومولاتي زينب عليها السلام الى الديار ولقائها مع اخيها محمد بن الحنفيه

سوالف حيل توجع مگدر احجيها
دصد للعين خويه اوتعرف اشبيها

صد للعين خويه اوشوف حالتها
ماشافت بعد من ضيم دنيتها
مو بس روس حتى ارموش شيبتها
شلي بالعين واهلي اتراب غاطيها
،،،،،،،،،.،،،،،،،،،،،،،،،،،،،
اعميها ويدربي مااشوفنه
اشتسوه العين اذا عباس المجنه
جوه الگاع راح اوايست منه

يحگلي لو اذل هالعين و اعميها
،،،،،،،،،.،،،،،،،،،،،،،،،،،،،
شذكر من سوالف خويه يمحمد
اهموم اهواي لاتنحصي اولاتنعد
يناري التسعر اوللموت ماتبرد

ضيم اهواي ياقصه التي ارويها
،،،،،،،،،.،،،،،،،،،،،،،،،،،،،
شگول احسين عالتربان وموذر
سوالف مگدر ارويها يخي مگدر
من عدك يماي العين اتعذر

حال اختك صعب والضيم واليها
،،،،،،،،،.،،،،،،،،،،،،،،،،،،،
شگلك عالهزل اختك مصيبتها
بين اغراب تبره الكتلو اخوتها
لاتگدر تون لاتجري دمعتها

روس اعله الرمح وبعيني اصدليها

،،،،،،،،،.،،،،،،،،،،،،،،،،،،،
يمحمد تره اهموم اختك اهوايه
ردت لاكفيل اولاترف رايه
انه الرديت كومه احزان ويايه

نشف من الدمع ياعيني جاريها


،،،،،،،،،.،،،،،،،،،،،،،،،،،،،
الله ايعين گلبج گول ياخويه
شوف الدنيه بختك زين شمسويه
ياعله اتركت بجلاي ياجويه

تعال اوعين گلب اختك يواليها

،،،،،،،،،.،،،،،،،،،،،،،،،،،،،

تمت لخادمة ام البنين عليها السلام
ام محمد تقي الموسوي نسألكم الدعاء

/channel/KADMTAMALBNEN

قناة ام البنين سلام الله عليها بأشراف العلويه ام محمد تقي الموسوي

12 May 2022 09:21

دگ بوق النداء
حي على الولاء
وينها زنود البواسل خل تطيح
اتريد تبني بالبقيع الكل ضريح
يله ياشيعة علي
يله ياشيعة علي
ــــــــــــــــــــــــــــــ
وين كل شيعي وموالي خله يطلع ينتفض
يله رجفوها الشوارب هزو اعنان الارض
خل لسان الحگ يسولف واجب المطلب فرض

عدنه خوش ازلام خدام الذبيح
تريد تبني بالبقيع الكل ضريح
يله ياشيعة علي
يله ياشيعة علي
ام حسين المحمداويه
ـــــــــــــــــــــــــــ
يله شمروها السواعد يله غيرو هالوضع
خلي نبني احلى مراقد خلي ينشف هالدمع
بلكي يرضى المهدي عنه ايعجل ابثار الضلع

ارجال تفدي ارواحهه اودمهه يسيح
تريد تبني بالبقيع الكل ضريح

ام محمد تقي الموسوي
ـــــــــــــــــــــــــــــ
هواي فات من العمر صارت سنين
كافي ملينه التصبر ليش نبقى ساكتين
احنه محسوبين شيعه وي امير المؤمنين

كل گلب ينبض محبه و جريح
نريد نبني بالبقيع لكل ضريح

يله ياشيعة علي
يله ياشيعة علي

✍️☘️ام فراس الساعدي ☘️
ـــــــــــــــــــــــــــــ
والله نعرفڪم غيارى وليعاديكم خسه
هالله هالله للبقيع نبني جنـة امقدسه
ناصر الزهره دعاكم الفرج بيكم عسه

تسكت اعله الذل ابد لاموصحيح
تريد تبني بالبقيع الڪل ضريـــح
✍🏻 وعد الڪفيل
ــــــــــــــــــــــــــــــ
يالله يارجل الكلافه
ياربات اهل الفخر
يله صوله على النواصب نشعل الموت الحمر
عفيه ياطود المراجل
الي عاداكم خسر
كومو عدلو المايله وسوو الصحيح
نريد نبني بالبقيع الكل ضريح
ــــــــــــــــــــــــــــ
/channel/KADMTAMALBNEN

قناة ام البنين سلام الله عليها بأشراف العلويه ام محمد تقي الموسوي

02 Apr 2022 22:53

قصيدة ثگيله لسيدي آمير المؤمنين عليه السلام


انه والميت سوه گلبي يابويه انجوه


والله يابويه متت
بعدك انه اتلوعت

انه والميت سوه انه والميت سوه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،
ميته روحي وادفنتها اوياك يالوالي احس
بس جسد ضليت اون اوگوه يصعد هالنفس
ساعة البيها عفتني بيه احس كلشي يبس

والله يابويه متت
روحي وياك ادفنت

انه والميت سوه انه والميت سوه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،
ياعلي دونك احس الدنيا صارت مظلمه
يلي بمصابك يغالي ناحت املاك السمه
اشلون حالي انه يبويه يل عليك امعلمه

والله يابو يه متت
عيني بيها ماشفت

انه والميت سوه انه والميت سوه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،

عيني بيها مااشوفن مابعد بيها نظر
والفكر دايم يسولف بيك ويعيد الصور
جم جرح يابويه گلي فكدك ابگلبي حفر

والله يابو يه متت
اخ من ضيمي صحت

انه والميت سوه انه والميت سوه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،
يا نفس يحيلي ريتي دونك انه اختنگ
ياعشگ عمري اوحياتي اطهر اواعظَم عشگ
صعبه ما شوفك يروحي بويه شو صارت صدگ

والله يابويه متت
كل زماني اتعذبت
انه والميت سوه انه والميت سوه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،
مااصدگ مااشوفك والله يالغالي بعد
مُره حيل ايامي دونك وشثگلها لو اعد
فرگتك هدتلي حيلي تمرد ابگلبي مرد


والله يا بويه متت
وبغيابك فرفحت

انه والميت سوه انه والميت سوه

،،،،،،،،،،،،،،،،،،،،،،،،،،،،،،،،،،،،،،،،،،،،،،،،
تمت بعون الله لخادمة ام البنين عليها السلام
ام محمد تقي الموسوي نسألكم الدعاء
/channel/KADMTAMALBNEN

قناة ام البنين سلام الله عليها بأشراف العلويه ام محمد تقي الموسوي

11 Oct 2021 15:44

قصيده عله لسان حال مولاتي زينب عليها السلام تخاطب امها الزهراء عليها السلام
ـــــــــــــــــــــــــــــــــــــــــــــــــــــــــــــــ

شالت ياام هله والبيهه نتباها

فلت وانتهت العشره وياها

〰️〰️〰️〰️✍🏻〰️〰〰️

شالت والمحنه وياها شالتها

وبدار الحزن البنيه خلتها

مكسوره تضل شمعظم مصيبتها

اريد امي الحنينه اليوم انخاها

شالت ام. هله والبيه نتباها

*ام محمد البديري*

〰️〰️〰️〰️〰️✍🏻〰️〰️〰️〰️

شالت وانتهت هلیوم عشرتنه

ویه ام المحنه شحلوه گعدتنه

حرگه بلگلب خلت الربتنه

علیها امعلمه ومگدرالفرگاها

شالت ام هله والبیها نتباها

✍🏻 *المیرزا ام لیلی الخاقانی*

〰️〰️〰️〰️✍🏻〰️〰️〰️〰️
اخلافچ يالحنينه اظلمت دنيانه

مالوم الگلب والروح حزنانه

ولشوفچ ييمه حيل ولهانه

عمت عين الزمان اهواي اذاها

شالت يم هله والبيه نتباها

✍️ *ام محمد تقي الموسوي*

〰️〰️〰️〰️✍🏻〰️〰️〰️〰️

عمت عين الزمان البعدچ عنه

يم حسين يلي شوفتچ جنه

مشتاگه الحنانچ يم المحنه

اريدن شوفت امي بت نبي طاها

شالت يم هله والبيها نتباها

✍ *ام زينب الساعدي*

〰️〰️〰️〰️✍🏻〰️〰️〰️〰️

یما اخلاف عینچ روحی نحلانه

اتذکر زمــــان الچـــنتی ویــانه

ضاوی البـیت بوجــودچ یریــحانه

ارحـلت یلدللتنه ویــن نـلگاها

شالت یم هله والبیها نتباها

*یـــــ✍🏻ــسرا الموسوی*

〰️〰️〰️〰️〰️✍🏻〰️〰️〰️〰️〰️

فلت وانتهت واليمّه عافتها

عافتني ومشت وحشه يحجرتها

فراگ امي صعب وچبيره وحشتها

وسفه امي الحنينه ضيعيناها

شالت ام هله والبيه نتباها

✍️ الحاجه أم احمد الحچامي
◾◾◾◾◾◾
تـــمـ بعون الله تعالى ـــت
باقـــ✍ـــلام خادمات اهل
البيت ع في رابطة دموع العقيله
بتاريخ 4/ ربیع الاول /1443/🌙
لانجيز حذف الاسماء✋✋
🙏🏻🙏🏻نسالكم الدعاء🙏🏻🙏
/channel/KADMTAMALBNEN

قناة ام البنين سلام الله عليها بأشراف العلويه ام محمد تقي الموسوي

08 Oct 2021 10:08

لطميه فزاعيه

للامام الرضا عليه السلام


امشنه اروح لخريسان
مسموم الرضا بيها
〰️〰️〰️〰️
غريب ابين هاي الكوم
جده المصطفى المعلوم
عازيها الزجيه اليوم
(( عازوها الزهره بدمعه))
✍🏻✍🏻الشاعره ام نادين المحمداويه
┄┅═✧❁★★-❁✧═┅┄
الزهراء انعازي اليله
مسموم وضعف حيله
ننوح المدمع انسيله
((ونينه للميت بالسم))
✍️شاعره ام روكان الشمري
┄┅═✧❁★★-❁✧═┅┄
نون اعليه هذا اليوم
ياويلي گضه مسموم
والشيعه تهل ادموم

يهد الحيل//اه يمصابه

✍️حوراء الكناني
┄┅═✧❁★★-❁✧═┅┄
لجله اظلمت دنيانه
عمت عيني اعله مولانه
الشيعه اليوم حزنانه

الشيعه اتون / ومالومه

✍️ام محمد تقي الموسوي
┄┅═✧❁★★-❁✧═┅┄
الشيعه اليوم مالومه
ابد ماينحمل يومه
اكلوب احبابه ملجومه

خلصت روحه/ مالوم ايون

✍️ام حسين الحسني
┄┅═✧❁★★-❁✧═┅┄
مسموم الولي الليله
الشيعه اليوم تنعيله
دمعه من دمه تسيله

(انعازيها / معصومه اليوم)

✍️الحاجه أم احمد الحچامي

ـــــــــــــــــــــــــــــــــــــــــــــــــــــــــــــــ

تـــمـ بعون الله تعالى ـــت
باقـــ✍ـــلام خادمات اهل
البيت ع في رابطة دموع العقيله
بتاریخ، 29 / صفر / 1443🌙
لانجيز حذف الاسماء✋✋
🙏🏻🙏🏻نسالكم الدعاء🙏🏻🙏
/channel/KADMTAMALBNEN

قناة ام البنين سلام الله عليها بأشراف العلويه ام محمد تقي الموسوي

07 Oct 2021 10:13

لسان حال مولاتنا زينب ع
الوزن نصاري
━━━━━━━━

خَلص شهرین حزنک خویه یحــسین
عـَلـیک أگـضی إلعـمر کله بل إلونـین

➖➖➖➖➖➖➖➖➖➖

خــو یـه نارکـم تِسـعر ابـدلالی
لو انوحن علیکم نوحی یِحلالی
مـا یِـبــطل ونــیــنی أبـــد لتالی
لو مــرت عــلیه أعـوام وسنین

✍🏻.... *یسری الموسوی*

➖➖➖➖➖➖➖➖➖➖

خلصت العمر بس حزن واهات
مـاترجــع بعــد لمتــنه هيهــات
هنــياله اليــموت وي الــذي مـات
شيــريد الدهر مــن عدنه والبين

✍🏻 ... *ام محمد البديري*

➖➖➖➖➖➖➖➖➖➖

موشهرین اون خویه العمرکله
حــزنک للابد یـــحسین ماملـه
فگـدک خـله خـویه بلگلب عـله
أنه اتمنیت اموت اویاک یحنین

✍🏻.... *المیرزا ام لیلی الخاقانی*

➖➖➖➖➖➖➖➖➖➖

انه الفاگده ابطالي وشياهيني
نومه عل ثره اهل ونضر عيني
ماانساج اه ياعملت احسيني
ماتنشف عليكم دمعت العين

✍🏻... *ام حسين الحسنی*

➖➖➖➖➖➖➖➖➖➖

وياكم ردت محفور انه لحدي
بعد بالدنيا يبن امي انه شعندي
اموت اهنانه ياخويه انه ودي
يروحي اويه المشو ريتج ترحلين

✍🏻... *ام محمد تقي الموسوي*

➖➖➖➖➖➖➖➖➖➖

تمنيت المنيه وياك خال ابني
تدري بالوكت يحسين تعبني
دولبني ابجفاك الوكت دولبني
اخلص يومي كله بس بالونين

ام سـ✍🏻ـجاد العسكري

➖➖➖➖➖➖➖➖➖➖

خویه افراگکم مالی ابد حیله
‌خلص گلبی اوروحی ضاله اذلیله
وعیونی من دمه المدمع اتسیله
یخویه ابچی علیکم هایلحنین

✍🏻 ام محمد اليامعي

━━━━━━━━

تـــمـ بعون الله تعالى ـــت
باقـــ✍ـــلام خادمات اهل
البيت ع في رابطة دموع العقيله
بتاریخ، 29 / صفر / 1443🌙
لانجيز حذف الاسماء✋✋
🙏🏻🙏🏻نسالكم الدعاء🙏🏻🙏
/channel/KADMTAMALBNEN

قناة ام البنين سلام الله عليها بأشراف العلويه ام محمد تقي الموسوي

05 Oct 2021 23:28

نعي لذكرى استشهاد الرسول محمد صل الله عليه وآله وسلم
الوزن نصاري
~~~~
تون ام الحسن وتريد ابوها
حگها لو بجت عالدللوها
وليه اعداه من بعده ولوها

تون اعله الحنين الماكو منه
العمر ويه الابو ياناس جنه
ابو ابراهيم يلكله محنه

حگها تون وتهمل العين
اعزاز الگلب عنها مرحلين
غايب عمود وساس هالدين


حگها تون شافت مصايب
من نام الابو تحت الترايب
گلبها امن القهر ياويلي ذايب

اليفگد ولي ماتغفه عينه
يون للدوم مايبطل ونينه
وعلى افراگ المشو الله يعينه


تمت بعون الله لخادمة ام البنين عليها السلام
ام محمد تقي الموسوي نسألكم الدعاء
/channel/KADMTAMALBNEN

قناة ام البنين سلام الله عليها بأشراف العلويه ام محمد تقي الموسوي

03 Oct 2021 14:16

قصيده لاستشهاد الرسول ص لسان حال الزهراء ع
الوزن موشح
━━━━━━━━

بویه بویه.....فرگتک تصعب علیه

بویه بویه..... مـاإلی غـیرک تـچیه

عـگب عـینک وین اروح

أگضی عمری بس انوح

بویه بویه بویه بویه

➖➖➖➖🖤➖➖➖➖

اشلون هآن اعلیک یا بویه وجفیت

مـا شِبـعت إوداع مِـنک یَل مــشیـت

إشـگد نِحـت یا بـوی لِمصابک بچـیت

انه مِــن زغــری یَــبــویه إتـیـتمیت

مِن إلزغر یَتمونی

ألاهــل عــافــونی


بویه بویه بویه بویه

✍🏻 *یسریٰ الموسوی

➖➖➖➖🖤➖➖➖➖
آنه من صغري يبويه تيتمت

علفراگك يلولي عيوني عمت

ماإلك رجعه يروحي اييست

وبقت روحي حزينه

على بُــعدك يانبينه

بويه بويه بويه بويه

✍🏻 *الحاجه ام احمد الحچامي*

➖➖➖➖🖤➖➖➖➖
تـدري يابويـة الـغدر من الاصــحاب

هـجـموا اعـلة الدار مـاراعـوا حجـاب

بس رحت يابوية هجموا على الباب

وبالوصية چتفوا داحي الابواب

بس رحت هظموني

شوف حمرة عيوني

بوية بوية بوية بوية

✍... *خادمة الحسين عليه السلام ام علي الرضا الخرسان

➖➖➖➖🖤➖➖➖➖
بويه من دونك تره صعبه الحياة

الدنيا مابيها فرح بس نايبات

ريت يابويه انه يلفيني الممات

ولايتيمه ساعه وحده انه ابات

هـالبشر اذوني

بويه مارحموني

بويه بويه بويه بويه

✍️ *ام محمد تقي الموسوي*

➖➖➖➖🖤➖➖➖➖

تدري يابويه اليتم ماينحمل

فراك النحبهم صعب يكتل كتل

لاتشيل وينكطع حبل الوصل

اتمنه كون وياك ياخذني الاجل

ماردت بعدك حياتي

وياك فدساعه مماتي

بويه بويه بويه بويه

✍ *ام مرتضى الخفاجيه*

➖➖➖➖🖤➖➖➖➖
تـــمـ بعون الله تعالى ـــت
باقـــ✍ـــلام خادمات اهل
البيت ع في رابطة دموع العقيله
بتاریخ، 25 / صفر / 1443🌙
لانجيز حذف الاسماء✋✋
🙏🏻🙏🏻نسالكم الدعاء🙏🏻🙏
/channel/KADMTAMALBNEN

قناة ام البنين سلام الله عليها بأشراف العلويه ام محمد تقي الموسوي

23 Sep 2021 12:22

هوسات بحق زوار ابا عبدالله الحسين عليه السلام
الوزن تجليبه
~~~~~~~

مو احنه ال نعزب هذا الحسين
وهايه سفرته الممدوده صوبين
وابو فاضل ينادي بلايه جفين

اهلا يالكاصد لينه/ اهلا ياحياه

،،،،،،،،،،،،،،،،،،،،،،،،،،،،،،،،،،،،،،،،،،،،،،
هله بخطار ابو اليمه هله بيه
نفرشله الجفن خل يكعد اعليه
نقصر اشما نسوي وابد مانوفيه

ومانوفيه /ابنك ياحيدر
،،،،،،،،،،،،،،،،،،،،،،،،،،،،،،،،،،،،،،،،،،،،،،
منوافيه لو قدمنه الارواح
مهموم الكلب وبخدمته ارتاح
رايح كل تعب بس الك ماراح

ولجل الزارك خادم /گلبي امعزب بيه
،،،،،،،،،،،،،،،،،،،،،،،،،،،،،،،،،،،،،،،،،،،،،،
ال اتعنو الزينب ياهله بيهم
الگلب گبل الجدم فز ويحييهم
مثل نسمة هوى لو يمر طاريهم

اهلا بالجاي الزينب /ودمعه ايواسيها
،،،،،،،،،،،،،،،،،،،،،،،،،،،،،،،،،،،،،،،،،،،،،،
محتاره اجت والروح منسله
ضيم الشام خله بالكلب عله
بس جابر لكت والمدمع يهله

ياحياه /العاون زينب

تمت بعون الله لخادمة ام البنين عليها السلام
ام محمد تقي الموسوي نسألكم الدعاء
/channel/KADMTAMALBNEN

قناة ام البنين سلام الله عليها بأشراف العلويه ام محمد تقي الموسوي

16 Sep 2021 19:19

نعي كرناوي لاربعين الامام الحسين عليه السلام عندما رجعت مولاتنا زينب عليها السلام إلى كربلاء

ماضل دمع بعيوني وابجيه
اظن خلص يخويه ماي العيون

سوالف بالگلب يبن امي اهواي
اخاف احجيها وادري ماتحملون

انه ابطول الدرب لشام يحسين
حملت اهواي نظرات اليشمتون

راسك عالرمح بالحر والتراب
وگبالي العده خويه يضحكون

محتاره شسولف والله ياخوي
حجي يعل الگلب لو ضرب المتون

عفت بتك يخويه بگاع عدوان
وظل گلبي رقيه ابحالها اشلون

غريبه تموت ويلي ابين الاجناب
ماحملت يخويه الصار تدرون

عليك امعلمه ماتحمل افراگ
وعلى راسك گضت بت اليوافون

مانامت تصيح ارجعلي يابوي
وعلى عطر النحر غمضت هالجفون

عفيه الروح عدله وبگت لليوم
وارد الكربله وعدواني يحدون

تمنيت اويه اخوتي اتروح هالروح
ويم گبرك ردت خيتك يدفنون

ارد للدار گلي شلگه انه اهناك
واخوتي بكربله كلهم ينامون

صفت دار الاهل ظلمه وتون دوم
على الراحو وابد لا ما يعودون

حفنه اتراب منكم ماخذه اوياي
مااحمل يخي عني تبعدون

اشم بيها واصبر الروح يحسين
ابعطر اترابكم كلبي تسرون


تمت بعون الله لخادمة ام البنين عليها السلام
ام محمد تقي الموسوي نسألكم الدعاء
/channel/KADMTAMALBNEN

قناة ام البنين سلام الله عليها بأشراف العلويه ام محمد تقي الموسوي

06 Sep 2021 22:08

قصيدة ثكيله لسيدتي ومولاتي زينب عليها السلام
الوزن فائزي

بعنوان،، ماطخت الراس


ماطخت الراس زينب ابيه يابشر ماطخت الراس
هاي اخت عباس وربات حماي الحمه هاي اخت عباس

مادنكت راس وابد ماطخت الهام
ابهيبه تمشي بت علي والروس كدام
موكب كرامه القادته متعنيه للشام
داست على اخشوم العده وسكتت ظلام

َامن الذهب والماس معجونه طينة بت علي امن الذهب والماس
ماطخت الراس زينب ابيه يابشر ماطخت الراس

،،،،،،،،،،،،،،،،،،،،،،،،،،،،،،،،،،،،،،،،،،،،
مسبيه راحت والحبل خلوه بديهه
بس حره ماذلت ابد للمر عليهه
ابعفه وكرامه امخدره يرهب حجيهه
وبهيده لا ماينسمع ونها وبجيهه

محتاره هالناس مافسروهه الهلوكت محتاره هالناس
ماطخت الراس زينب أبيه يابشر ماطخت الراس
،،،،،،،،،،،،،،،،،،،،،،،،،،،،،،،،،،،،،،،،،،،،
محد يفسر هالمره يصعب وصفهه
يالشامخه مثل الجبل ماكو مثلهه
رافكت روس اعله الرمح تبره لاهلهه
متكفله بااطفال وحرم يصعب حملهه

مخنوگه الانفاس بالكلب ضلت تحترك مخنوگه الانفاس
ماطخت الراس زينب ابيه يابشر ماطخت الراس

،،،،،،،،،،،،،،،،،،،،،،،،،،،،،،،،،،،،،،،،،،،،
مخنوگه حسرات الكلب عن لا يشوفون
دمعاتهه اتهل عالوجه وتغرك العيون
ماهمها زينب لاشكت اسياط المتون
اترد العده لو حاولو منهم يكربون

ابياوزن تنقاس زينب اميرة كربله ابياوزن تنقاس
ماطخت الراس زينب ابيه يابشر ماطخت الراس

،،،،،،،،،،،،،،،،،،،،،،،،،،،،،،،،،،،،،،،،،،،،
ذلت يزيد ابدولته بت قالع الباب
تربات حيدر معجزه هذا ابو تراب
لاهمها ظلمه وسطوته لا ابد متهاب
وكفت اكباله وهانته وتسمعه ال اخطاب

كل كلمه بأحساس كالتها هيه وصادقه كل كلمه بأحساس
ماطخت الراس زينب ابيه يابشر ماطخت الراس

تمت بعون الله لخادمة ام البنين عليها السلام
ام محمد تقي الموسوي نسألكم الدعاء
/channel/KADMTAMALBNEN