1472
قناة خاصه للقصائد الشعريه احزان وافراح اهل البيت ع واخبار عن مجالسي الحسينيه للتواصل انقر على هذا الرابط واكون بخدمتك ثواب عمل هذه القناة لتعجيل فرج مولاي صاحب الزمان عج @Rere_1961
الامام الحسن العسكري عليه السلام
خلصت كل عمرك محن
والليله ترحل يالحسن
والدمعه بالعين
والدمعه بالعين
١
عشت عمرك حزن وتقاسي لوعاتك
تتنفس جمر وتصبها دمعاتك
حسن يالعسكري مابين آهاتك
العرش لجلك ينوح وكل سماواتك
جبريل بمصابك نزل
ناده أبو المهدي رحل
والدمعه بالعين
والدمعه بالعين
٢
ياجمر المصاب العشت بين الناس
بينه اتركت دمعه وعاطفه وأحساس
تاج بكل فخر شلناك فوگ الراس
وألف لعنه عليهم كل بني العباس
سموك ماعدهم رحم
واتركت بينه چم ألم
والدمعه بالعين
والدمعه بالعين
٣
شكثر قاسيت من جور العده الظلام
وانته اتعاني منهم يالحسن اعوام
ي العباس لعنه انطوة والأيام
بيها اتخلدت بگلوب هالخدام
خدامك اتحسك ضوه
تتنفسك مثل الهوه
والدمعه بالعين
والدمعه بالعين
٤
اتركت لوعه وجمر بگلوب أحبابك
يبو المهدي وتعاني كلها بمصابك
ونرجس آه ينرجس تنظر اعتابك
من يوم الرحت وتعاني بغيابك
واعليك حزنانه وتون
محتاره من سجن السجن
والدمعه بالعين
والدمعه بالعين
٥
عاشت نرجس أبين الجرح دمعات
من ناعي الحزن صاح بثلث صيحات
مذهوله بقت من سمعت الاصوات
مات الحسن مات الحسن سمعت مات
وابتدت رحلتها بدمع
نرجس ومحنية ضلع
والدمعه بالعين
والدمعه بالعين
٦
على اجروحك غفينه ننتظر طلعه
للمهدي وغيابه طول وننعه
شوكت صوت الظهور اليصدح انسمعه
وكل شيعي بظوره اينشف الدمعه
من يظهر انشوف الأمل
يظهر أبن خير العمل
والدمعه بالعين
والدمعه بالعين
لاتنسون والدي وابني عباس من الرحمه والمغفره
خادمكم رياض الرسل الجابري
قصيده الامام الرضا (ع)
لجل الرضا نهل دمعه
نبچيله احـنــه وننعــه
و انادي آه يامسموم
على مصابه وعذابه ولوعـته وهمه
نون وانوح كلنه الثامن اليمه
لأن بالغربـه عاش ولا اهـل يمه
عـرف اشرارها مــن رادت اتسمه
ولن چبدته متگطعه
نبچيله احنه وننعه
و انادي آه يامسموم
نون لجل الرضا والروح نفديها
وهاي الفاجعه للباري نشكيها
غريب وشيعته مهمومـه يدريـهـا
على امصابه تون والدمعه تجريها
هالليله راح انودعه
نبچيله احنه وننعه
و انادي آه يامسموم
نودع صبره احنه وغـربة هـمـومه
وهاي الشيعه كلها الليلـه مالومه
نصب دمـعـة حزنه بفاجعـة يومه
ولأن مسموم كلها الشيعه مسمومه
خلي بصبرنه انشيعه
نبچيله احنه وننعه
و انادي آه يامسموم
على صبره وغربته ولوعة احواله
يهـنـيالـه اليـنـوح ويبچي هـنـيـالـه
تـمـر ذكـراه الليله بدمـعــه هـمـالـه
اليعــزي واليواسي الباري يـبـرالـه
والدمعه تصبح شمعه
نبچيله احنه وننعه
و انادي آه يامسموم
لبو محمد حزنه ونشكي بلوانه
للباري ويبارك كون مسـعانه
اخـبرك ليش تبچي وكلها حزنانـه
لأن الـزهـره تبچي الليله ويانه
وصوت اليون اتسمعه
نبچيله احنه وننعه
و انادي آه يامسموم
لاتنسون والدي وابني عباس من الرحمه والمغفره
خادمكم رياض الرسل الجابري
موشح للرسول الكريم (ص)
شلون حال الزهره هسه بيا وضع
عين عالوالد وأيد اعله الضلع
١
المصطفى بآخر نفس واتصد عليه
بالمدامع حايره ولزمت أديه
احجي يابويه تگله وترتجيه
حچه طه بصوت بس ماينسمع
٢
حچه طه وسكت واتعالت اصوات
ناده جبرائيل بين السماوات
الدنيه فالتحزن محمد رحل مات
ولازم الجثمان هسه ينرفع
٣
گبل ماينرفع جثمان الرسول
اتصور انته بيا وضع حال البتول
تبچی تنحب حايره الليله أشتگول
ساكته ومذهوله وتصب الدمع
٤
شمته بصدره وتحس ذابت الروح
حايره الزهره بدمعها والجروح
على الوالد تبچى بالمدمع تنوح
وروحها ذابت تحس مثل الشمع
٥
يمها حيدر عاش لحظات الحزن
اعز ناسه ايفارگ الليله ویون
يدري كلش صعبه ساعات الدفن
دفن روحه وحگه حيدر ينصدع
٦
حمل نعش المصطفى وبالگبر صار
نزله بأيده علي بحيره ومرار
من نظرله جنه مليانه خضار
وجه طه المصطفى نور ويشع
لاتنسون والدي وابني عباس من الرحمه والمغفره
خادمكم رياض الرسل الجابري
حال الامام علي بفقد الرسول الاكرم محمد (ص)
حيدر والأسـرار
هالليله محـتـار
يرحل المخـتــار
والدمعه بعيونه
حيدر بدمعات عينه ولـزم ضلعـــه
والنبي بحضنه يودعه ويهل دمعه
ينادي جاوبني حبيبي ومايسمعـه
يعني حيدر مايسر هالليله وضعه
بالدمع صاح انته روحي وكل هلي
بالدمع صاح ايموت من بعدك علي
لا تـرحــل اليــوم
والگـلـب مالـــوم
بي يدري مسموم
والدمعه بعيونه
اجـه ملك الموت يستأذن حضوره
ايگله قابض للنبي وينقل الصوره
والنبي بآخر نفس يحچي وشعوره
يگله جـبـرائيل خــل يحضر بنوره
نزل جبريل بالدمع لمن حضر
نزل جبريل ايبلغه بهذا الخبر
تنتظرك الحور
والجنه والطور
ينظـر بيـا نــور
والدمعه بعيونه
قبل قبض الروح لحظات المصيبه
والنبي المخــتــار ينظـــر للحبيبـه
فـاطـمـه وگلهــا تعالي بنص نحيبه
هاي لحظات الوداع اشگد عصيبه
بالدمع صار اوداع دمعات السمه
بالدمع صار النبي ايودع فاطمه
والزهره بجروح
عالوالــــد اتنوح
وحيدر بـلا روح
والدمعه بعيونه
طه تنحب فــاطمــه لمن سمعــهـــا
رفع أيده ونشف بـــأيــده دمعــهــا
عاين الخدها النبي وحار بوضعها
اتذكر البسمار والــبــاب وضلعـهــا
آخر وداع بين دمعات الحزن
آخر وداع فاطمه تنوح وتون
ودعها بدمـــــوع
والنبي مفجــــــوع
والصوت مسموع
والدمعه بعيونه
غمض عيونه النبي وحيدر ينظره
والاملاك تنوح والموقف اشكبره
حيدر احتار بدمعته ونار صبــره
ينظر اعله النبي لو ينظر الزهـره
بدمعه محتار ايودعه بدمع الصبر
بدمعه محتار ويمه فاطم تنتظر
بعــد المعــانات
ظلمه السماوات
شاف النبي مات
والدمعه بعيونه
لاتنسون والدي وابني عباس من الرحمه والغفران
خادمكم رياض الرسل الجابري
ميمر للرسول
بدمع النظر كلمن حضر
ينحب لعد سيد البشر
بهاي الفجيعه البل كون محد كدر يحصيها
تاريخه وجهه تستحي من وجهه
من يذكر افعاله وسماحـة وجهه
بگلب الموالي نار فـگــده وجهه
چان الامل لمن رحل
بينه ترك خير العمل
حسره ومدامع تنساب للمصطفى نجريها
اسمه بمجــرات الفلك والـــزهره
افراگه يظل حنظل بطعم الــزهره
اتصور بگلبك شنهي حال الزهره
مثل الشمع اتصب الدمع
وامخليه ايد اعله الضلع
بجمر الحزن والالام بالمصطفى انواسيها
ويلي اعله امته من رحل اولها
وسفه الوصيه من صبح اولها
بعــد النبي صار وعـبـر اولهـا
واضح جلي چان الولي
مو رابع و اول علي
بس الوصيه من مات محد تمسك بيها
هالدنيه مو خاص وابد عاملها
بفد مستوى كل البشر عاملها
هاي المصيبه من تمر عاملها
اتنوح السمه وتمطر دمه
والله يساعد فاطمه
والسطره من تبچي اعليه فاطم تحس تچويها
من تبچي تشعر تنتشي سر بيها
بيها خصوص ودمعتك سر بيها
لتخاف باچــر بالحشر سر بيها
ادموعك ذخر وتسوه العمر
للمصطفى وبيها الاجــر
هنيالك ادموع العين بالمجلس التبچيها
لاتنسون والدي وابني عباس من الرحمه والغفران
خادمكم رياض الرسل الجابري
حال الامام علي بفقد الرسول الاكرم محمد (ص)
حيدر والأسـرار
هالليله محـتـار
يرحل المخـتــار
والدمعه بعيونه
حيدر بدمعات عينه ولـزم ضلعـــه
والنبي بحضنه يودعه ويهل دمعه
ينادي جاوبني حبيبي ومايسمعـه
يعني حيدر مايسر هالليله وضعه
بالدمع صاح انته روحي وكل هلي
بالدمع صاح ايموت من بعدك علي
لا تـرحــل اليــوم
والگـلـب مالـــوم
بي يدري مسموم
والدمعه بعيونه
اجـه ملك الموت يستأذن حضوره
ايگله قابض للنبي وينقل الصوره
والنبي بآخر نفس يحچي وشعوره
يگله جـبـرائيل خــل يحضر بنوره
نزل جبريل بالدمع لمن حضر
نزل جبريل ايبلغه بهذا الخبر
تنتظرك الحور
والجنه والطور
ينظـر بيـا نــور
والدمعه بعيونه
قبل قبض الروح لحظات المصيبه
والنبي المخــتــار ينظـــر للحبيبـه
فـاطـمـه وگلهــا تعالي بنص نحيبه
هاي لحظات الوداع اشگد عصيبه
بالدمع صار اوداع دمعات السمه
بالدمع صار النبي ايودع فاطمه
والزهره بجروح
عالوالــــد اتنوح
وحيدر بـلا روح
والدمعه بعيونه
طه تنحب فــاطمــه لمن سمعــهـــا
رفع أيده ونشف بـــأيــده دمعــهــا
عاين الخدها النبي وحار بوضعها
اتذكر البسمار والــبــاب وضلعـهــا
آخر وداع بين دمعات الحزن
آخر وداع فاطمه تنوح وتون
ودعها بدمـــــوع
والنبي مفجــــــوع
والصوت مسموع
والدمعه بعيونه
غمض عيونه النبي وحيدر ينظره
والاملاك تنوح والموقف اشكبره
حيدر احتار بدمعته ونار صبــره
ينظر اعله النبي لو ينظر الزهـره
بدمعه محتار ايودعه بدمع الصبر
بدمعه محتار ويمه فاطم تنتظر
بعــد المعــانات
ظلمه السماوات
شاف النبي مات
والدمعه بعيونه
لاتنسون والدي وابني عباس من الرحمه والغفران
خادمكم رياض الرسل الجابري
كعديه بحق استشهاد الرسول الاكرم محمد (ص)
بعض الصحابه من مشه الهادي
وغمّض اعيونه كـامت اتنادي
نحتـكـم لـلشـوره
واتضحت الصوره
بعض الصحابه من مشه الهادي
--------------------
بعد رحلة كل حياته راح مسموم ابو الزهره
وللأسف بعده الصحابه خالفو للهـادي أمره
اجتمعوا بنيه خبيثه زمره گـام اتجيب زمره
وحيدر علي بحال الـدفن
عالهادي بس ينحب يون
لحظات عايشها بحـــزن
بعــد طـه اشيسوه عمره
بس الصحابه المنصب اتـريــده
واعله الخلافـه ياهـو حـط أيــده
محّد اخذ دوره
واتضحت الصوره
بعض الصحابه من مشه الهادي
-------------------
عالكراسي الحرب واضح والخلافه اشگد عقيمه
ناس عـاشت الها تسعه الف يا وسفه وهــضيمه
بزمن چان الكرسي يحكم وهاي مو هسه وقديمه
وصحبت محمد خانتــه
والدين چــان بــذمتــه
وصّه وأبــد ماسمعـته
ذاتهم لا مــــو سليمه
الله ومحمد عــالأمـر شاهــــد
ماينصلح للأسف كــل فـــاسد
والعتره منصـوره
واتضحت الصوره
بعض الصحابه من مشه الهادي
------------------
الصاحب وعاشر محمد شرط كون ايده نظيفه
مو ايروح ايجيب وادم ظالمه ويعـقـد سقيفــه
نص آلهي بالخـلافـــه والخـلافــه مــو وظيفه
واتنصب الاوّل غــلـط
والثاني خلـوه بالوسط
والثالث الصايـــر قحط
وعــزلوا الاصلاً خليفه
بيوم الــوداع الامّه بي تفخــر
لمن محــمـد نصبّه الحــيـــدر
بالولي محصـوره
واتضحت الصوره
بعض الصحابه من مشه الهادي
-------------------
احنه نعــرف بالخيانه لــو مناصب لـــو كراسي
مــو حــرگ دار ويخـلـــف بيها ويلات ومآسي
هاي دار الوحي چانت خلي اذكره انچان ناسي
يلي احرگــت دار الوحي
من الله ابــــد ما تستحي
ما تشبع احلوگ الرحي
ماخــذه الرقــم القياسي
نــدري النفس بالسـوء امـــاره
وبيت الوحي ماراعــوا أسراره
خليها مستــوره
واتضحت الصوره
بعض الصحابه من مشه الهادي
----------------------
الليله زمرة حقد هجمت على الــدار ومارعــوها
الزهره من فگدت الهادي شلـون وليه من ولوها
من بعــد حضنه وحنانه محّد أيعــوّض ابــوهــــا
لـمّن رحــل سيد البشر
وانعرف وانــذاع الخبر
دار النبـــوّه بالخــطـر
صارت وبلـوه بلـوها
دار الرساله وزيـــن يدروهــا
بس بالحقد ياوسفه حرگوهــا
ظلت ومعمـوره
واتضحت الصوره
بعض الصحابه من مشه الهادي
--------------------
المصيبه
رحل مسموم ابو الزهره والسمه تنحب بعبره
بعـد رحلت كل حياته بحضن حيدر ختم عمره
بكلب دامي وعين تدمع حيدر ايعايـن الزهـره
واتعايـن املاك السمه
نـار ومـدامع هــايمه
يـلا استعــدي فاطـمه
بعد فكد النبي الهادي نوح وهموم ومصايب
لاتنسون والدي وابني عباس من الرحمه والمغفره خادمكم رياض الرسل الجابري
للرسول الاكرم (ص)
الليله الزهره اتودعه
واعله الـوالـد تنـعـه
وتنادي بـيـا دمعــه
يابويه يابويه
العاشت روحه بين الناس گعـدت يمه بالــدمعـــه
الزهره اتگله احچي وياي خل اشبع حچي وانعه
يسمعها ويحس محتار الـزهـره ورايده اتسمعه
يحرك بيها صوته احساس أبــوهــا گبل لتودعه
تنـظـرله وتـتأمــل
وتشم بي لا ترحل
ابنيتك مـــا تتحمل
يابويه يابويه
خل نسمع وحي الارواح من تتـلاگـه حنيه
الزهره والنبي روحين يتلاگـن ابـفـد نـيـه
لا تحرمني نظراتك يبويه وعــايـــن اعليه
خليني بــوداع المــوت اشبـع منك اشويه
بين وداعك روحي
تنزف گام جروحي
ادري تحس بنوحي
يابويه يابويه
النبي حاچاها آخــر صوت ويعايــن مــدامعها
راد الدمعه يمسحها بخدها وأيــده يـرفـعـهـــا
رفعها وذكر چف ملعون الخد الزهره يصفعها
بـيـن الباب والحــايــط لمن گــام يــدفـعــهـــا
ودمـوعــه التجــاره
تنـظـرلـه ومحـتـاره
اتگـله وتسعـر ناره
يابويه يابويه
خاف ايسولف الأخــبــار ألها ويشرح بعبـره
خاف ايجيب طاري النار والباب وألم عصره
خاف المحسن ايمر بيه ويحچي عنه ويذكره
ضل ساكت وينظر گام الخدها ويذكر السطره
مــا راد أيــأذيهـــا
يدري اشصاير بيها
والــزهـره يحاچيها
يابويه يابويه
سلم للقدر مـابـيــن روحـــه من الجسد تطلع
و روح الزهره عالمسموم بين الآه والمدمع
آخــر كلمه نـتـلاگــه گلها وفــاطمـــه تسمع
وعيون النبي بحسرات ألها أيـعـايــن وتدمع
عاينها بنظراتــه
ويهلن دمعاتـــه
ودعها بحسراته
يابويه يابويه
لاتنسون والدي وابني عباس من الرحمه والغفران
خادمكم رياض الرسل الجابري
كعديه انتهاء الاربعين وعودة المواكب
ايام اربعينك ياضوه العين
خلصت وانتهت بدموع يحسين
والخدام يبجون
من رجعو لأهلهم
١
الخادم بليل اربعينه واگف بدمع انتظاره
فارغ الشارع يعاين خلصت بساع الزياره
ناده واتسمعه المواكب ينظر بحيره ومراره
خلصت الخدمه بيا وضع
مابين آهات ودمع
والخادم المحني ضلع
خدمة الزاير شعاره
بكل لهفه المواكب من ينصبون
تعال انظر عليهم من يرجعون
بالمدمع ينوحون
من رجعو لأهلهم
٢
اربعين الخدمه جنه وتگصد العشاگ ليها
والمواكب كلها تحضر تستعد تنوي وتجيها
اسبوع واسبوعين تخدم الزهره واتعاين عليها
كل المواكب والخيم
مقبوله أي كلها نعم
صك الشفاعه للخدم
اتوقعه الزهره بديها
بخدمت اربعينيتك علامه
الزهره اتسلمك صك الخدامه
بشاره خل يسمعون
من رجعو لأهلهم
٣
الخدمه حلوه وبيها لذه
من تعوف اهلك وتحضر
تشعر بعابس الخدمه چنك وتشعر بقنبر
الناس تزغر بالخدامه وبربعينك انته تكبر
تحضر وجاي بنيتك
تشعر اللذه بخدمتك
بس المصيبه برجعتك
بيك ترجع نار تسعر
تنظر للدرب مابي مواكب
خلصت خدمتك والگلب ذايب
وانقبلوا يسألون
من رجعو لأهلهم
٤
سنه يجمع ابو الموكب فلوس ويحسها قليله
حتى بيها اسبوع يخدم وخدمته ايحسها طويله
يدعي كل هاي الخدامه
كون ترضاها العقيله
من تخلص الخدمه بألم
اتشيل المواكب والخيم
والخادم ايحس بالندم
ويرجع اهمومه ثگيله
وتهل الخدم بالحيره دمعه
وبطارف الموكب كلها تنعه
كلها تبچي لعيون
من رجعو لأهلهم
٥
تفرغ بساع المواكب والمواجع تبدي بينه
نسأل وماندري احنه بره لو جوه السفينه
حسين نسأل بالمدامع خاف ماقابل علينه
لو شافنه انهل الدمع
وانحلفه بكسر الضلع
يقبلنه ندري بأي وضع
حسين ابو الروح الحنينه
ينزف نحر ابو اليمه عجايب
مذبوح ويحن اعله المواكب
چم عاشگ ومجنون
من رجعو لأهلهم
المصيبه
خلصن ايام الخدامه واربعين حسين عده
ورجعت اتون المواكب والحنين البيها بعده
اتعاين الخادم بحيره صافن ودمعه اعله خده
رافع اديه صوب السمه
عالخدمه روحه هايمه
ايحلف الباري بفاطمه
ايسجل اسماء المواكب والخدم هاي المسيه
لاتنسون والدي وابني عباس من الرحمه والمغفره
خادمكم رياض الرسل الجابري
مستمرين في نشر قصائد والحان محرم
/channel/+QYhwKvqAiD7e_b1P
أبد والله ما ننسه حسيناه
تظل بالگلب عايش يبو السجاد ويظل دمك يلف ويانه ويدور
وكل گلب الثبت عالدرب يحسين يعيش بجالك وهالگلب مسرور
لأن گلب المحب بس الك والله يظل بكل شرف يحسين منذور
ونظل نذكر مصابك احنه كل يوم لأن كل يوم عدنه اليمر عاشور
يصيح الكون كله واحنه وياه
أبد والله ما ننسه حســيــناه
تعيش بكل ضمير وباقي يحسين أبد والله من الگلب متروح
عشگناك بحراره وگلب موجوع لأن وياك متعلگين فـد روح
كبرنا والمحبه كبرت وياك وشفناك بحزن عالترب مطروح
يبو السجاد نبقه ونظل عشاگ نهيم بشوگ ونحبك يمذبوح
يعيش بكل گلب حبك عشگناه
أبـد والله مــا ننسه حسـيـنــاه
تظل وسط الضماير باقي موجود وتعيش بكل شرف والله بينه
شما نبقه نـقـدم الك يحسين دمك ما نفك والله دينه
وينه اللي مثل شخصك يمظلـوم كلها تصيح شخصك غيره وينه
بـالدم شيدت عامود الاسلام والنعمين منك يبو اسكينه
وكل هاي الحناجر تهتف اهـناه
أبــد والله مـا ننسه حـسيـنــاه
عشت صرخه بوجه كل السلاطين ويتجدد يظل كل يوم هالصوت
وينه الحاربك والراد يمحيك يحسين وأبد ما بقه الطاغوت
كل الناس من تراب يحسين وتظل وسط الضماير انته ياقوت
منعـوفــك نظل كل احنه وياك وعهد للزهره ننطي ونبقه للموت
ويظل وسط الدليل ايعيش ذكراه
أبــد والله مــا ننسه حسيــنـــاه
لاتنسون والدي وابني عباس من الرحمه والمغفره
خادمكم رياض الرسل الجابري
قصيده گعديه توعوية لحضور المجالس وعدم الضحك فيها
-----------
اذا ماتخشع انته وتدمع العين
تحضر ليش انته المجلس حسين
خلي الزهره عنوان
كل مجلس تحضره
1
مدرسه هاي المجالس احضر انته واخذ عبره
لا تسولف بيها بالك عيب لن حاضره الزهره
وانته من تضحك بمجلس تلچم انته حسين نحره
المجلس حسين الاسسه
ومن تحضر انته قدسه
المجلس اعتبره مدرسه
وكون بالدمعه تحضـره
بالمجلس اذا تنزل الدمعه
باچر بالگبر تلگاها شمعه
مضيف اعتبره ديوان
كل مجلس تحضره
2
من المجالس اخذ عبره وهذب انته كل صفاتك
حسين قدملك حياته اتعيش حتى انته بحياتك
احضر بدمعك وسجل سوي شي انته الوفاتك
نعمه المجالس يابـشـر
وهنياله كل واحد حضر
لتگول مابــيــهـا اثر
كلها تلگاها بمماتـك
هوايه خرجت هاي المجالس
صفي النيه حتى اتصير عابس
ماتخسر و ربحان
كل مجلس تحضره
3
تحضر المجلس وتضحك ياجرح تدري تلچمه
جرح صدر حسين ينزف ومايهمك ابو اليمه
التزم بالمجلس انته واحترم تضحية دمه
لـتركز بصـدره رمح
وتصـير سيئ تنفضح
لحسين كون بكل جرح
اتواسي انته الزهره امه
حسين يريد منك صب الدموع
مو تضحك وانته اتدوس الضلوع
اقره حسين قرآن
كل مجلس تحضره
4
حسين مامحتاج منك تحضر ومو عن قناعه
حسين حاربهم الاجلك من اجل دينك صراعه
حسين ثوره حسين فكره حسين علمنه الشجاعه
هاي الشواخص تنرسم
بالطف حقيقه مو حلم
المفروض انته الهل اسم
اتقدم شما بيك طاعـه
واجب تمثل لحسين واجب
حتى ترتقي اعله المراتب
ترجم انته شيطان
كل مجلس تحضره
5
المجلس اعتبره دراسه واحسب حساب النتايج
مو لهو وتسليه اتحسه من تحضره وانته ضايج
مجلس حسين المقدس ادعو بي واخذ الحوايج
بيك القيم من تنغرس
معناها تهذيب النـفس
بقيمة المجلس من تحس
لو چنت بحسين لاهج
حسينك مرتبط كل وكت ذكره
بالمجلس وتسبيحت الزهره
حتى تصير انسان
كل مجلس تحضره
لاتنسون والدي وابني عباس من الرحمه والمغفره
خادمكم رياض الرسل الجابري
قصيدة يوم العاشر
سولف يايوم العاشر
احجيلي ابدمعه اشصاير
من حركـوهن لخيام راحــوا ويـن الايتام
احجيلي ابدمعه اشصاير
ايسولف اليوم المصيبه من بعد ظهر المنيه
ذبحو انجوم وكواكب للاسف بالغاضريه
والسمه دم مطرت الهم ذوله اولاد الزچيه
وزينب الليله وحدها حايره بسكنه و رقيه
راح ابدي بشيخ الديره واختمها براعي الغيره
يالتسألني ومحتام
راحو وين الايتام
احچيلي ابدمعه اشصاير
ذبحوا الشيخ بصلافه هذا ليعثرنا بخته
حسين والجده محمد من طلع واعلن ثورته
من بقه بالحومه وحده والشمر حزها الرگبته
اي صعوبه حسين تالي ينذبح واتشوفه اخته
هذا المنظر بچاها ظل للمحشر وياها
اشسوت بيهم لايام
راحو وين الايتام
احچيلي ابدمعه اشصاير
وسولف اسوالف عجيبه من ذكر اسم الشريعه
عن كفيل الحره زينب وذيچ الچفوفه الگطيعه
بس حمل جوده وتنعه يطلب الماي الرضيعه
اتخضب ابدم الشهاده بفعله بس فعله شنيعه
موقف للحق والباطل سجل بالطف الكافل
سولف فعل الظلام
راحو وين الايتام
احچيلي ابدمعه اشصاير
وهسه زينب ياهضمها ليلة الوحشه عليها
مدري وين اتروح المن بعد ما فگدت وليها
الخيمه من حرگوها هسه محرگه من النار اديها
وفوگ كل هذا تعبها باچر اتروح السبيها
واتصورها بهل حال مسبيه وعدها اطفال
تاليها العز مادام
راحو وين الايتام
احچيلي ابدمعه اشصاير
الليله اصعب ليله عدها زينب وحارت بأمرها
ليلة الوحشه رهيبه بعد مافگدت گمرها
هو چان الحامي الها وعنها يبعد كل خطرها
هسه وحدها وكفيله بعايله وتحمل صبرها
هاي اخطر وصعب ليله تگضيها وي العيله
بعد حسين وجسام
راحو وين الايتام
احچيلي ابدمعه اشصاير
والعده بهل ليله زينب للاسف وليه ولوها
لان كافل ماكو يمها كلشي زينب سلبوها
وبعلي السجاد حارت هذا عزها وابن اخوها
ابد ما گدرت تعوفه رغم چانو يضربوها
واتحملت كل اليجره واتمنت يمها الزهره
بهل ليله وين تنام
راحو وين الايتام
احچيلي ابدمعه اشصاير
لاتنسون والدي وابني عباس من الرحمه والغفران
خادمكم رياض الرسل الجابري
اهوازيه لزينب
يا ليل الحزن يا ليل ريت ولا طلع ضيه
خاف الصبح كلها تصيح زينب هاي مسبيه
١
اذا يطلع صبح ياليل واتشاهدنه هاي الناس
غنايم نصبح وفرهود ومكشوفين احنه الراس
والأصعب اذا يكلون زينب هاي اخت عباس
بعيون الشماته الكوم كلها اتأشر اعليه
٢
طلعنه من الخيم نسوان رحنه الحومة الميدان
ندور وين طاح حسين لكيناه منذبح عطشان
صحت يحسين يبن أمي شبكته والكلب لهفان
بجيت بكد جروح البيه بجيت وبيه مابيه
٣
طول ليلك اعلينه وريتك بعد لا تطلع
خلي انودع احنه حسين ومن عنده بعد نشبع
نحجي وي النحر نسوان ونبجي بجمرت المدمع
بدمعنه الليله نترجاك اعلينه طول اشويه
٤
ياليل الشماته اهواي لا تخلص بعد ياليل
بليلك طول اشويه مابينه اعله صبحك حيل
باجر لو أجه المصباح وين انروح من الخيل
واحنه ندري بالسلاب مايرحم العلويه
٥
صاحت زينب اعله الليل خل نشبع وداع احباب
لو طر الفجر صبحه نصفه ابين حفنه اجناب
نسوان احنه بس واطفال علينه ايدور السلاب
بليلك هسه مستورين ومانحتاج كمريه
٦
الجانن كبل محميات هسه بحومة الميدان
ماوياهن الكافل بس يم الجثث نسوان
لو صار الصبح باجر ابلا خيمه ولاصيوان
وزينب تنكشف للناس ويمشوها مسبيه
لاتنسون والدي وابني عباس من الرحمه والمغفره
خادمكم رياض الرسل الجابري
قصيده (٣) دكات للعباس الوزن فائزي
بالسابع ويوم الضمه نادت اسكينه
عمي يجي لمخيمه يعرف اشبينه
١
بالسابع ونار العطش وامشوبحه العين
واسكينه تربي اعله الحرم واعله الصواوين
نادت لبوها بيا جرح يابويه يحسين
سألت على راعي العلم عباس وينه
٢
بالخيمه ملتمه الحرم والعطش جتال
واسكينه تنظر بالدمع لحلوك الاطفال
وينك يعمي نادته ليش البعد طال
بالمدمع ونار الضمه تحجي وحزينه
٣
بالخيمه نادت بالعطش واتشاهد الناس
وحدنه بدموع الحزن واكبال الارجاس
بنار المدامع نادته ياعمي عباس
ياعمي وينك ماتجي تلحك علينه
٤
ماتدري طايح عالنهر وتنادي وينك
مابينها اهواي البعد صاير وبينك
مصيوب بالراس بعمد مطفيه عينك
واتبده جوده اعله نهر وامصوبينه
٥
واسكينه من عرفت بعد مايرجع اردود
نظرة الزينب بالحزن ودموع الخدود
معناها عمي اعله النهر مقطوع الزنود
والسهم آه من السهم نابت بعينه
٦
زينب تناظر بالدمع واسكينه يمها
بالكافل وماي العطش ماتم حلمها
مايرجع وضل منطرح عالشاطي عمها
نتلوه من نار العطش مايدري بينه
٧
آخر وداع وي الكفل ضعن الفواطم
من تمشي زينب للسبي وتشوفه نايم
بنار المدامع نادته ياكمر هاشم
بعدك يعباس الوفي خويه انسبينه
لاتنسون والدي وابني عباس من الرحمه والمغفره
خادمكم رياض الرسل الجابري
الامام العسكري (ع)
مابين جرحك والزمن
قصتك تبدي يالحسن
آه يمسموم
آه يمسموم
١
يالشايل اجروح الناس وعايف جرحك ايندي
مابين الحزن والآه عايش يا أبو المهدي
جرحك وهموم الناس
شايل دمعه واحساس
شلون اجروحك تنقاس
صعب
مثلك ياهو المظلوم
عايش يومك مالوم
يالضحيت ومسموم
گلب
شلت بحياتك ياجرح
ياليل ومتناني الصبح
آه يمسموم
آه يمسموم
٢
عشت يالحسن جرح الناس بين الحيره والمدمع
وعيون البرايه اعليك تنظر والسمه تسمع
وأهل الشر يتربصون
اعليك امخلين اعيون
ماتبقه ويتمنون
جرح
يابو المهدي ايعرفون
مابين الكاف ونون
بيك الوادم يدرون
سمح
مابين جرحك والسمه
صابر يمهجت فاطمه
آه يسموم
آه يسموم
٣
العايش مثلك بيا حال بين الدمعه والحيره
شايل كل هموم الناس ولوعه بگلبك أچبيره
رغم الصاير والصار
عايش يومك اخطار
يابو المهدي الأسرار
أمل
للدين اشما ضحيت
قدوه وشامخ ظليت
شمعه انته الاهل البيت
تظل
يالعايش احساس الدمع
بالحسره صوتك ينسمع
آه يسموم
آه يسموم
٤
مابين الدمع حسرات شايل والعمر عده
المثلك ماينام الليل ودمعاته بوسط خده
عايش وي الظلام
وعندك چانت احلام
تعبر هاي الأيام
ردت
اعظم منهم شافوك
ياوسفه وماخلوك
بالاحقاد وسموك
شفت
تنظر بعين العاطفه
والوادم ابلايه وفه
آه يسموم
آه يسموم
٥
مشيت ابين جرح الموت والخطوات مجهوله
عد ناس التبيع الدين وعن الصار مسؤوله
بموقف ثابت أديت
دورك انته وضحيت
تالي بأسمك حسيت
جمر
يالجرحك ظل نيشان
عايش عمرك أحزان
وغيرك عايش خسران
عمر
بالدمعه احنه انودعك
ياليتنا كنـا مـعــك
آه يسموم
آه يسموم
لاتنسون والدي وابني عباس من الرحمه والمغفره
خادمكم رياض الرسل الجابري
نزله الامام الرضا (ع)
بگلب مالوم ننادي بگلب مالوم
هذا صوت الرافـضه
الليله مسموم الرضا
بگلب مالوم ننادي بگلب مالوم
يبو محمد هاك اسمع نادتك كل شـيعتك
لجلك الارواح فدوه الذوبتها محبتك
صرخه مابين الضماير عشت بيها بغربتك
چنت بين اشرار تدري تدري سمو چبدتك
على المسموم يويلي على المسموم
والرحل شيعــوضـه
الليله مسموم الرضا
بگلب مالوم ننادي بگلب مالوم
عالبعـد وتصيح كلها الشيعه بدموع وألم
قسم ماننساك احنه وعد من عدنــه قسم
نعم للموت احنه نبقه وياك ونردد نعم
حتى مانبقه نحـير وبعدك انحس بـعدم
بدمع وهموم نصيح بدمع وهموم
ينادي كل سهم المضه
الليله مسموم الــرضا
بگلب مالوم ننادي بگلب مالوم
وبصبرنه انداوي جرحك يبو محمد والصبر
ينفع بـيوم الشدايد لو تداركنه الامر
ياهو مثلك وبـهاده ضحه للدين العمر
شلون والمثلك يويلي تالي بالسم ينغدر
كلنه هاليوم نعزي كلنه هاليوم
اليخدم هنانه حضـه
الليله مسموم الرضا
بگلب مالوم ننادي بگلب مالوم
نذكر بدمعت مصابك وبگلبنه چم جرح
لأن عشت ابين ناس وياها مافاد النصح
ماتدور جنه چانت چانت اتدور ربح
مايطول ليل ناسك يطلع اعليهـم صبح
وانته للدوم تنور انته للدوم
تالي بالغــربه گضــه
الليله مسموم الرضا
بگلب مالوم ننادي بگلب مالوم
يل وداعك نار تسعر بالضماير لاهبه
وهاي الگلوب التنادي بكل محبتك ذايبه
احنه خدام ابو محمد انريد احنه انطالبه
من نخدمه نرجه منه انول حسن العاقـبه
ينزل ادموم دمعنه ينزل ادموم
سلم الامـــر القـضـه
الليله مسموم الرضا
بگلب مالوم ننادي بگلب مالوم
لاتنسون والدي وابني عباس من الرحمه والمغفره
خادمكم رياض الرسل الجابري
تجليبه الرسول الاكرم (ص)
محمد من رحل هالقصه مرويه
بعد حجت الوداع اهدعش هجريه
١
بعد رحله طويله ايعيشها المختار
نشر دعوة اسلامه البيها چان اسرار
من مكه واليثرب دعوته والغار
ما چل وتعب والدعوه يوميه
٢
صحح كل مسار العالم الفقره
الچانت گبله وادم تمشي عالفطره
اعلن دین بارینه ابو الزهره
بأخلاقه وأفعاله الكلها عالنيه
٣
سيد عالبشر والدنيه والاكوان
کلش زين عرفوها محمد چان
الباري کرمه وانطا وجاها وشان
وترس گلبه ترافه اوفه وحنیه
٤
خطب خطبت وداع بعالمه وناسه
وملائكة السمه والدنيه حراسه
خل نسأل محمد وين حط راسه
بأخر لحظه لمن مات تاليه
٥
مات بيا حضن نسأل ونعرف وين
بحضن حيدر وينظر جان عين بعين
عين المصطفى غمضها ابو الحسنين
القصه واضحه وماضنها منسيه
٦
بأمر رب الجلاله من ختم عمره
محمد بين حيدر چان والزهره
نادت بالدمع فاطمه وبالحسره
صد ليه حبيبي وعاين اعليه
٧
مالحگ يعاين من مشه المختار
ينظر للزجيه وحيدر الكرار
عيونه غمضت بس بيها جان اسرار
واتضل للأبد اسراره مخفيه
لاتنسون والدي وابني عباس من الرحمه والمغفره
خادمكم رياض الرسل الجابري
للرسول الاكرم (ص)
الليله الزهره اتودعه
واعله الـوالـد تنـعـه
وتنادي بـيـا دمعــه
يابويه يابويه
العاشت روحه بين الناس گعـدت يمه بالــدمعـــه
الزهره اتگله احچي وياي خل اشبع حچي وانعه
يسمعها ويحس محتار الـزهـره ورايده اتسمعه
يحرك بيها صوته احساس أبــوهــا گبل لتودعه
تنـظـرله وتـتأمــل
وتشم بي لا ترحل
ابنيتك مـــا تتحمل
يابويه يابويه
خل نسمع وحي الارواح من تتـلاگـه حنيه
الزهره والنبي روحين يتلاگـن ابـفـد نـيـه
لا تحرمني نظراتك يبويه وعــايـــن اعليه
خليني بــوداع المــوت اشبـع منك اشويه
بين وداعك روحي
تنزف گام جروحي
ادري تحس بنوحي
يابويه يابويه
النبي حاچاها آخــر صوت ويعايــن مــدامعها
راد الدمعه يمسحها بخدها وأيــده يـرفـعـهـــا
رفعها وذكر چف ملعون الخد الزهره يصفعها
بـيـن الباب والحــايــط لمن گــام يــدفـعــهـــا
ودمـوعــه التجــاره
تنـظـرلـه ومحـتـاره
اتگـله وتسعـر ناره
يابويه يابويه
خاف ايسولف الأخــبــار ألها ويشرح بعبـره
خاف ايجيب طاري النار والباب وألم عصره
خاف المحسن ايمر بيه ويحچي عنه ويذكره
ضل ساكت وينظر گام الخدها ويذكر السطره
مــا راد أيــأذيهـــا
يدري اشصاير بيها
والــزهـره يحاچيها
يابويه يابويه
سلم للقدر مـابـيــن روحـــه من الجسد تطلع
و روح الزهره عالمسموم بين الآه والمدمع
آخــر كلمه نـتـلاگــه گلها وفــاطمـــه تسمع
وعيون النبي بحسرات ألها أيـعـايــن وتدمع
عاينها بنظراتــه
ويهلن دمعاتـــه
ودعها بحسراته
يابويه يابويه
لاتنسون والدي وابني عباس من الرحمه والغفران
خادمكم رياض الرسل الجابري
شوط كربلائي للرسول الكريم (ص)
محمد من رحل هاليوم شترك بيهم ابو العتره
حيدر ينحب بـيـا حـال ويـمه تنحب الـزهــره
غسل حيدر المختار نــور عـيـــونه بالدمعات
حبيب الباري هالليله مايـرجـع بعــــد هيهات
صعد روح وجسد لله المثل المصطفى مامات
حــيــدر ودعــه وضـمه
الصــدره غـسلـه وشمه
نفس روحه ونفس دمه
على افراگ النبي الهادي علي هالليله شيصبره
وحضرت فاطمه الزهراء لبوها ورادت اتودعه
تشمه وعـالجـسـد گـامـت تحــوم الفاگده وتنعه
تنحب بالبچي وتگــول شــتـكـفـيـك يــادمــعــه
تگـلـه يـانـبـي الــرحـمه
يـتــامــه بعـــــدك الامـه
فراگك صعب وشعضمه
تعاين والدمع بالعــيــن لبـوها لمن اتنضره
وحضر يمه الحسن ينظـر جــده ودمعـتــه بعينـه
الفاگـدلـه نبي مثـلــك الباري ايصبره ويعـيــنــه
وانه جدي النبي المختار المثل جدي النبي وينه
نعــمه ورحمه للوادم
جدي چان ابو القاسم
مثله صار يــاحــاكـم
رؤوف بأمته وصادق وحبيب الباري كل عمره
وصاح حسين وبدمعه اريــدك تسمع العندي
حبيبك وارتجي منك واطلب طلبه ياجـــــدي
اريد بكربله تحضر وتجيني لو اضل وحدي
گبل ماشوف جدي الـــويل
تجيني الظهــر مـــــو بليل
گبل متدوس صدري الخيل
اذا ماجيت ياجـــدي حبيبك ينسحگ صدره
وزينب تحچي وي جدها گامت وبــدموع العـين
شتحمل بعــد فگـــــدك النوايب لو دواهي البيـن
انته اول جرح بالروح واخر جرح جرح حسين
ياجــــدي الجروح هواي
جرح عباس جرح الماي
جرح الشامت من اعداي
لو جرح الهضم والشام اذا اخذوني وميسره
لاتنسون والديوابني عباس من الرحمه والغفران
خادمكم رياض الرسل الجابري
كعديه للرسول الاكرم
الليله نادتك كل هاي الاملاك يا سيد البريه
بدمعه وحزن وفراك
الباري الك مشتاك
يا سيد البريه
ربــك الليلــه بقــراره قــرر السيــد البــريــه
اله ملك الموت يبعث بـيــن لحــظــات المنيــه
ومن دخل يم ابو القاسم اثنينهم صارو سويه
سلم عليه واستأذنــه
والنبي ينظــــر عاينه
قابض يگله جيت انه
أمر ربــك مــو بديــه
لكن خيرك لو رايد اتعيش والعيشه هنيه
شتقرر يمخــتـار
انته بكيفك اختار
يا سيد البريه
------------------
جاوبه المختار امهـل خلي جـبـرائـيل يحضر
ومشه ملك الموت عنه والوكت بالحزن يفتر
هاي اول مره صارت نبي وبموته ايتخـيـــر
هـــا رحل باقي ومـا رحل
تنتظـــرك الـدنـيــه أمـــل
اشگد صعبه لحظات الأجل
ويمه گاعــد چــان حـيــدر
طه ينتظر جبريل ويشوف لحظات المنيه
الدنيه اتعيش لحظات
مــــابيـــن السماوات
يا سيد البريه
--------------------
هبط جبرائيل عنده سلم وأده التحيه
وگله ابشر يامحمد ربك أشتاگ النبيه
وتنتظر املاكه كلها والسماوات العليه
يانــبــي الأمـــه الخاتمه
اشتاگت الك حتى السمه
وبعـــدك تحضرك فاطمه
ويــاك بالجنه ســويـــــه
حسن الخاتمه من باري الاكوان هاي اللحظه هيه
بالدنيه نصيبك
رايح يم حبيبك
ياسيد البريه
------------------
طلب من جبريل طه هسه ملــك المــوت يحضــر
أجه يمه وقبض روحه وراسه چان بحضن حيدر
بعـقـلـك اتصور يسامع انته واتخـيــل المنــظــر
حيــدر يهل گـام الــدمــع
وحس انكسر عنده ضلع
ذاب الگـلـب مثــل الشمع
عالنبي الچان اله مصدر
سلم للقدر حيدر بدمعات ومحاضن سويه
ما يصبر بلياك
حيدر هسه ينعاك
ياسيد البريه
---------------------
بحيره ظل مذهول حيدر الزهره يمه وهل دمعها
تنظر النور ابــو القاسم وگــام يلچمهــا ضلعهـا
حضنته وشمته بصدره موته ياوسفه فجعـهـــا
ودعها والدهـا ورحل
ماظل بعــد عدها أمل
والأجل محتوم الأجل
ازغيره بس طفه شمعها
ظلت تنحب وتنظر لبوها وتنادي بدمعها
بنتك ياوليها
هذا الصار بيها
ياسيد البريه
---------------------
المصيبه
غمض عيونه ابو القاسم رحل بسهام المنيه
من رحل مسموم طه وظلت اتنوح البــريـــه
وگاعـده بدمعه تنظره فاطمه الزهره الزچيه
راح وتـركهــا بالــدمــع
والزهـــره بعــده تنفجع
بالسطره وبكسر الضلع
هيچ راح يصير بيها من بعد مايمشي عنها
لاتنسون والدي وابني عباس نت الرحمه والغفران
خادمكم رياض الرسل الجابري
الرسول الاكرم (ص)
يبو الزهره الليله ننعاك بحزن
لجلك انصب الدمع
اليوم ترحل والحزن بالروح يسعر
يمن للدين انته غايه وانته مصدر
بحزن نادينه وننادي الله واكــبـــر
الزهره بفراگك تنوح ويمها حيدر
تصيح بويه الشوفت عيونك تحن
لجلك انصب الدمع
فارگتنه وبالگلب نــارك سـريـه
شحال حيدر بعدك وگلب الزچيه
تنوح لجلك باقيه صبح ومسيـه
بعد عينك شافت اهموم واذيـــه
من ولوها ضل كلبها ينسحن
لجلك انصب الدمع
يبو القاسم جرحك ونار المصـيبـه
بكل گلب والگلب مابطل نحـيـبـــه
الباري رادك يبو القاسم موغريبه
والحبيب اليــوم يتلاگـه بحـبـيـبــه
الباري راده راده و الليله علن
لجلك انصب الدمع
ودعـتـنــه الليلـه بجـروح المصايب
كل گـلـب يالمصطـفـى ينحـب وذايب
بكل عزه تحضر الزهره بگلب لايب
ويحـضر ويـاهـا العـزه ابنك الغـايب
كلها تنعه تنحب وكلها تون
لجلك انصب الدمع
انودع بجمر المصيبه الليله شخصك
لأن ربـك نـزهـك وبكـلـشـي خـصـك
بـنـهــج قـرآنـــه الـه الـكـون نـصـك
وحيدر بحبك وحبه اموقـعــه الصـك
يل تحبه بسوء نفسك لاتظن
لجلك انصب الدمع
لاتنسون والدي وابني عباس من الرحمه والغفران
خادمكم رياض الرسل الجابري
نزله أربعينيه الامام المهدي وعمته زينب (ع)
المهدي ناده عمتي وين
والدمع تارس العين
من حضر بالاربعين
ياحسين
١
المهدي ناده زينب المسبيه
بسيفي جيتج بالاربعينيه
جيت مشاي بدموعي وقادم
فوك ضعنج يرف سيف القائم
بداعتج اقسم وداعت فاطم
بسيفي هذا مايضل كل ظالم
ياحسين
٢
جيتج قادم وبهاي الزياره
سيفي عمه معروفه اخباره
الدنيه تترقب جميع اخباري
وانتي ياعمه يزينب ثاري
الروس اكطعها امن اسل بتاري
واخذ المشايه كلها انصاري
ياحسين
٣
اوصل يمج ياعمه واشكيلي
ثارج وانتي لا مانمت ليلي
لحظه ما انسه الجره اعليج وحصل
شلون شفتي حسين والراس انفصل
لو سمعتي المهدي قائمته وصل
اصلب الشيخين وي أم الجمل
ياحسين
٤
محد يقرب ياعمتي ليه
جيتج اخذ ثارج يعلويه
ثار جدي المصطفى والانزع
والحسن وحسين لمن اطلع
ارد اصيح بصوت كلها وتسمع
اخذ الثارات كلها مربع
ياحسين
٥
ثارج عندي وترفرف الرايه
بدمعي احضر انظر الوفايه
اخذ المشايه ويرف العلم
كلها تبصم الج يازينب نعم
والنعم من الخدم اهل الشيم
امسجلين بدفتر الزهره خدم
ياحسين
لاتنسون والدي وابني عباس من الرحمه والمغفره
خادمكم رياض الرسل الجابري
نزله أربعينيه
يبو فاضل اختك اتلكاها
كوم انهض والعليل وياها
يوفاي يالوالي
يوفاي يالغالي
١
يم كبرك يالكافل رديت بدمع
ناديتك ياخويه شوف بياوضع
ردت اختك خويه فك باب الگبر
لا تخليني يعباس انتظر
يوفاي تبرالي
يوفاي يالغالي
٢
اشكيلك من ضيمي وهموم اليسر
كوم اكعد احجيلك لوعات الشمر
بالدرب اذاني سوط اعدايه
وانته ماترضها ادري بهايه
يوفاي والتالي
يوفاي يالغالي
٣
مشوني مجتوفه بحبال وأون
ردوني بدموعي والكبرك أحن
انهض ونشف دموع اعيوني
انظر وشاهد سواد امتوني
يوفاي يالعالي
يوفاي يالغالي
٤
ياخويه ناديتك والمدمع دمه
وتفرفح يم كبرك روحي هايمه
كوم ياعباس شوف اشبيه
ياعزيز اختك يبو الحنيه
يوفاي هنيالي
يوفاي يالغالي
٥
وعيالي يالكافل بدموع وألم
يم كبرك شم بيهم دخان الخيم
يمي اسمعها تنادي اسكينه
وينه كافلنه يعمه وينه
يوفاي تحلالي
يوفاي يالغالي
٦
كوم انهض يالكافل ردنه للوطن
من بعدك فر بينه دولاب الزمن
والاميره رجعت ابلايه ولي
راح من كبرك انادي ياعلي
يوفاي أمالي
يوفاي يالغالي
لاتنسون والدي وابني عباس من الرحمه والمغفره
خادمكم رياض الرسل الجابري
#دعم_مؤسسة_منبريون_الحسينية_رقم1
#ملاحظة الدعم 3 ساعات وينمسح من القناة ذمة
للاشتراك بالدعم @ahmed_alziwar0
┅┅┅┅ـ🌸🕊🕊๘✿ৡ┅┈┈
1/الشاعر زيد الفحام/7k
@zaidzai
2/قصائد وألحان منبريه 7k
@Amabeha5533
3/فضائل امير المؤمنين 6k
@FAL_AMEER
4/الشاعرة تبارك العفراوي
@vckvdjdjf
5/قصائد زنجيل 3k
@zngel1441
6/الشاعرة أسيرة الأحزان 3k
@gddaogt
7/مدرسة الزهراء(ع)لتعليم الخطابه3k
@WWWasela33
8/ام ابيها لنشر القصائد 3k
@noorAlhseenn
9/خطباء المنبر الحسيني 3k
@manbarhoysayne1
10/الشاعرة ام علي الساعدي3k
@tteef
11/تعليم خطابة ولطم3k
@WWWasela33
12/الشاعر امجد الشطري 3k
@oydgh
13/الرادود مسلم المطيري1k
@sheia
14/لاحياة بلا حسين لنشر القصائد2k
@asaadshaker
15/في رحاب الحسين لنشر القصائد/2k
@Alphadli
16/الشاعر لقمان البدران /2k
@lukmanbdran1970
17/الشاعر أحمد الخفاجي2k
@jzlaf
18/بستان الألحان الحسينية لنشر 2k
@alaa66klf
19/الشاعر خالد ألبديري /2k
@khaledALBoudare
20/الُحُانَ الرادود علي الشاوي 2k
@agfjklou
21/اشعار وقصائد حسينية2k
@hseana
22/الشاعر سيد زيد الفحام للمواليد 2k
@zaidzai11
23/آلّشآعرهً آلــــّ؏ــلّويِـــــه آلّمٌوسويِــــۿ2k
@alweyaamosaweyarrrr2626
24/شاعرات الطف 2k
@ya_katealkafen
25/لشاعره ام ياسين الساعدي 2k
@yasminmkhgh
26/تعليم مقامات والاطوار الحسينيه2K
@sueiirit
27/الشاعرة أم رائد /2k
@fhgfhjvd
28/الشاعرة ام احمد البصراوية 2k
@raehinah
29/الشاعرة رغد البهادلي 2k
@Ragadalbhadley
30/الشاعر احمد الخفاجي2k
@jzlaf
31/الشاعر فالح العامري
@falehalameri
32/الشاعر حيدر عيسى البديري /1k
@haederh
33/
34/الشاعر زين لعابدين العيساوي 1k
@ZainIssawi
35/ديوان الإمام المهدي عج 1k
@kairallahhlfi
36/الشاعر كرار اللامي1k
@krrllmy313
37/الشاعر ناجي ابو كيان الصالحي 2k
@qwertyuuip
38/الشاعر سيد رياض الرسل الجابري 1k
@alral1961
39/الشاعر السيد احمد الميالي1k
@Ahmedalmaialy
40/الشاعر علي محسن الفرطوسي1k
@AliAlFartusi
41/الشاعر حسن لعيبي الحريشاوي1k
@a3lei
42/ قمر الحسين 1k
@kmrrr
43/الشاعر عماد محمد الدراجي
@Emad_Al_Daraji
44/الشاعر سيد فليح الموسوي1k
@AbuhassanAlmusawi2007
45/الشاعرة بنت الاشتر 1k
@drgasa
46/الشاعرة ام زهراء الكعبي 1k
@sharayTAhelAlbeat
47/الشاعره ذكرى الخفاف1k
@zikrakhaffaf
48/الشآعـرهَ سُهـيِله حـسـيـِن 1k
@moohamd1963
49/الشاعر سيد حامد النعيمي 1k
@sayedhamid9
50/ألحان الرادود مصطفى الكربلائي 1k
@mllemustafa
51/ قناة الشاعرة صديقة الهلالي 1k
@hsvni
52/قصائد عاشور (عذاب السبي)1k
@amjoodx001
53/اشعار وقصائد حسينية2k
@hseana
54/الشاعر مجيد عبد الرضا القريشي1k
@MajeedAlquraishi
55/الشاعره الحسينية طيف الساعدي 1k
@tteef
56/الشاعرة ازهار جبار الجياشي
@xcrhyhvfewfhjkbqhj
57/خادمة السيدة رقية بنت الحسين ع
@ssrgk
58/الشاعرة ام حيدر الحمزة الطائي1k
@aseel1278
59/الشاعرة العلوية ام كنان الهاشمي1k
@yazaynae
60/الشاعره ام صادق المنصوري
@HOWEIY
61/الشاعر جعفر الطائي1k
@ggggyyyii
62/القصاید المکتوبه للرادودين حسن الصالحي و محمد الجنابي 1k
@alradodeinpoems
63/الناشر غيث اللامي 1k
@geath1995
64/الشاعر عزيز الفيصلي1k
@azizalfesli
65/قصائد اهات اللعليلة ع
@dgegrh
66/
67/القران الكريم من النجف1k
@tilaawtmenalngf
68/الشاعر ميرزا محمد الساعدي1k
@Mirza_M_Al_Saadi
79/ الحان ابو ادم
@hyuiooppp0
80/الشاعرة ام امنه
@omamenai2016
81/قناة خاص النعي
@ashaghalhossein4
82/الناشر مهدي الكعبي
@mehdialkabii
الشاعرة ام عدنان سياحي
@ALMOLAUEOMADNAN
الشاعرة شهد الرضوي
@alzmqpa
للاشتراك في ليسته
القنوات الدينية الملتزمة فقط
1k فما فوق
التواصل مع الناشــر احمــد الــزوار
@Ahmed_alziwar0
مؤسسة منبريون لنشر القصائد المنبرية
/channel/ahmed_alziwar2
كعديه يوم 12 محرم
نبچي الليله بحزان المصيبه
وكلنا انادي زينب ياغريبه
عالطايح وعطشان
ماينشف دمعها
1
اشكبره همها الليله زينب حايره وتكسر الخاطر
ماسكت ونها وحزنها ومانشف دمع النواضر
ايساعد الله الفگد اهله من تشوفه اتشوفه حاير
هالليله زينب بالدمع
تبچي وگلبها منفجع
لحسين شافتله ضلع
بعينها امهشمه الحافر
زينب حايره ابين العساكر
وياخذها الشمر للسبي باچر
هسه ابين عدوان
ماينشف دمعها
2
بعد ماودعت زينب عالثره كل الغوالي
بولية العدوان ظلت بالغرب وبلايه والي
اتوجهت للزهره نادت شوفي يالمظلومه حالي
من بعد عزها الطالبي
ينظر عليه الاجنبي
زينب لچن هيئة نبي
تحمل بسود الليالي
زينب بت علي الچانت اميره
هسه امچتفه وتمشي اسيره
والزينة الشبان
ماينشف دمعها
3
اتصور بعالم خيالك يالموالي بهل مسيه
زينب الطاحوا اخوتها امذبحه بسيف المنيه
باچر من الصبح ترحل تمشي عن الغاضريه
محتاره مشدوها الفكر
من بعد عباس البدر
هالليله حارسها الشمر
هيه والعيله سويه
اشسوت بالعقيله هاي الايتام
اجتي امدلله هسه وي ظلام
للنام اعله تربان
ماينشف دمعها
4
الشمر من شافته اختنگت اتذكرت كل الضحايه
وصاحت الاطفال يمها ودخلتهم بالعبايه
والشمر من ينظرلهم آيه
وامچلبه بآيه
من شافته گامت تون
زينب وحست بالحزن
واتذكرت ضرب المتن
من وگع صاحب الرايه
زينب تنضرب معقوله ياناس
زينب تنولي وبلاي عباس
عالخد يجري نهران
ماينشف دمعها
5
هاي حال الدنيه تفتر تغدر
بأهل النجابه
الطاغيه بالقصر يسكن وزينب بنص الخرابه
فرق واضح بين ظالم وبين من يحمل مهابه
واضح الك واضح الي
هالفرق وامبين جلي
زينب الحره بت علي
واگفه وتحمل صلابه
زينب بالصبر صار الها عنوان
هاي اخت الذبيح المات عطشان
لن ضحت بقربان
ماينشف دمعها
المصيبه
الليله من دون الليالي يختلف زينب وضعها
تنادي برض الغاضريه ابد محد ماسمعها
تكسر الخاطر الحره تنحب وتبچي بدمعها
يحسين اخبرك يالابي
باچر اروحن للسبي
ومحرگه كل العبي
طيحتك تكسر ظهرها وفگد عباس الفجعها
لاتنسون والدي وابني عباس من الرحمه والمغفره
خادمكم رياض الرسل الجابري
مسير زينب بعد العاشر
وين اخت الحسين
دمعتها بالعين
من بعد عزها الاولي
محتاره هسه بت علي
دمعتها بالعين
١
محروسه اجتي من الوطن يحرسها كافل
والهودج بطول الدرب بالخوه مايل
والي نظرها بنظرته بين المحامل
زينب تنادي اعله الزلم وين ابو فاضل
خادم اجاها
حامي لواها
يكلها يختي اتدللي
محتاره هسه بت علي
دمعتها بالعين
٢
من خلص العاشر صفت مابين الاجناب
لا خيمه لا محمل بقه عافوها لحباب
ماتعرف اشوده الهوه من عدها وشجاب
وانفتح لحزان الدمع من الهضم باب
نادت حسيناه
والشكوى لله
لو بس يشاهد كافلي
محتاره هسه بت علي
دمعتها بالعين
٣
من الوطن لمن اجت تمشي أميره
من بعد نار الفاجعه راحت اسيره
بالدمعه زينب والحزن حيرتها حيره
عاشت بعد نار الصبر محنه جبيره
بنت الدواوين
تنطي الوجه وين
بالدمعه نادت ياهلي
محتاره هسه بت علي
دمعتها بالعين
٤
تعرفها رحله وبالصبر كلش طويله
بس نظرة الشامت تضل توجع ثكيله
مو مهم زينب بالحزن تركب هزيله
بس طبت السوك الذي اتهد العقيله
وبلاي اخوها
لو شاهدوها
همها أبد ماينجلي
محتاره هسه بت علي
دمعتها بالعين
٥
مكفوله طلعت بالشمر من ضيم الايام
من بعد عباس الأخو ودوها للشام
جفن العقيله ماطبك لحظه ولا نام
من شاهدت جيش العده هجموا عالخيام
من نار الخيام
والطبت الشام
لو سأل عنها سائلي
محتاره هسه بت علي
دمعتها بالعين
لاتنسون والدي وابني عباس من الرحمه والمغفره
خادمكم رياض الرسل الجابري
كعديه يوم ١١ محرم
ياصوت من زينب يطلع
ياصوت خنگه وبالمدمع
اطفال بس ونسوان
لا خيمه ولا صيوان
١
زينب بيا حاله صارت بعد ليل الغاضريه
تنحب وتكسر الخاطر تبچي بدموع الرزيه
اگبالها اشبول الهواشم امذبحين اعله والوطيه
من خلصت ايام الذبح
بالمحنه عاشت يا جرح
جرح الشماته والصبح
لو طلع تمشي سبيه
ياصوت يحچون وياها
ياصوت تسمع أذاها
تسمع صوت الخوان
لا خيمه ولا صيوان
٢
من بعد جرح العواطف صار دمع الليل ريبه
خلصت ايام الطفوف القاسيه بذيچ المصيبه
هسه زينب وين زينب انظر وشوف العجيبه
من بعد كل ذاك الخدر
عالجثث من تمشي تمر
ياوسفه حاديها الشمر
من صفت زينب غريبه
ياصوت بدموع الناظر
ياصوت مكسورة خاطر
زينب بين العدوان
لا خيمه ولا صيوان
٣
احچي ياجرح النوايب والمدامع تشتكيله
اشصار هسه بگلب زينب والهموم اشگد ثگيله
ابلايه والي وتمشي سفره اعليها مجبوره وطويله
مجبوره والممشه سبي
وامحرگه اطراف العبي
مشيتها چن مشيت نبي
زينب الحره العقيله
ياصوت ناعي اليسمعها
ياصوت ويهل مدمعها
ظلت وي الاحزان
لا خيمه ولا صيوان
٤
هسه زينب بالمدامع ياخسارتها اشكبرها
بالطفوف انطت كواكب وفوگ اخوتها عمرها
العاشت ومهيوبه بيهم الچانو اغله من نظرها
عافتهم ابلاي دفن
زينب عليهم بس تون
وامگبعه بثوب الحزن
بحبل مچتوفه بيسرها
ياصوت وتسمعه اتشوفه
ياصوت بحزان الكوفه
انذبحو حتى الرضعان
لا خيمه ولا صيوان
٥
هسه تمشي ابلا كافل زينب وممشاها حيره
والعليل وياها يمشي وحيرة الممشه چبيره
چان كافلها اخوها الجابها وصاحب الغيره
هسه بدمع تمشي وألم
وياها اطفال وحرم
من بعد شيال العلم
للأسف راحت أسيره
ياصوت يزجرها اتسمعه
ياصوت من تبچي وتنعه
عافت كل الوليان
لا خيمه ولا صيوان
المصيبه
بالمدامع تمشي زينب والشماته اتعاين الها
هسه تمشي بالصحاري
بعد مافگدت أملها
عين تنظر عين تبچي امذبحه عافت أهلها
العاشت أميره من الزغر
مچتوفه بدروب اليسر
بكل شامت وعاذل تمر
والشمر يحدي بضعنها الف ياوسفه وهضيمه
لاتنسون والدي وابني عباس من الرحمه والمغفره
خادمكم رياض الرسل الجابري
كعديه ليلة الوداع
اخر ليله برض الغاضريه
حسين ايودع اهله بهل مسيه
يحچي بدمعه العين
وكلها امچلبه بحسين
ويعاين رقيه
1
صاح ابو السجاد اخته وسولف اسوالف عجيبه
وگلها يازينب تعالي خل اشمچ يالحبيبه
هسه انتي بجال اخوچ امدلله وباچر غريبه
لحظات صعبات التمر
بس باچر اصعب والامر
من يصعد الصدري الشمر
وجثتي تصبح سليبه
صعبه اعليچ باچر حرگ الخيام
والاصعب يزينب طبت الشام
سمعوها النسواوين
وكلها امچلبه بحسين
ويعاين رقيه
2
صفن لحسين وخياله سرح مخنوگ بعبرته
راد عبدالله يشوفه عاينه ونزلت دمعته
اگماطه فله وايده راحت وين تتلمس رگبته
گلهم اهنا يغفه السهم
بهذا المكان ويجري دم
بي تنفجع كل الحرم
مطلب الباري وحكمته
ابني ينذبح بس بالنهايه
عبدالله الرضيع ايصير آيه
گلهم فدوه للدين
وكلها امچلبه بحسين
ويعاين رقيه
3
ودارت عيونه الرقيه وصاح يمي اتگربي بابه
بحضنه گعدها وتلمس خدها بس حس بغرابه
گال معقوله رقيه باچر اتنام بخرابه
واتلمس الخد السمح
ينضرب لو صار الصبح
متألم وحس بجرح
وهيج الموقف مصابه
هسه ايديها تحضن اديه
ومچتوفه بحبل باچر رقيه
سمعوا يالموالين
وكلها امچلبه بحسين
ويعاين رقيه
4
وشاف الاكبر يمه گاعد ينظر الوجها ايتلاله
حضن ابنه وحيل شمه المصطفه جده عباله
منطقه وخلقه وصفاته للنبي ويحمل خصاله
باچر يگطعونه العده
وينفجع گلب الوالده
بالحومه لأكبر وحده
وبالسمه يطلع اهلاله
عالدنيه العفه لمن ينادي
يعني مات ريحانة الهادي
وداع ويحس ماشين
وكلها امچلبه بحسين
ويعاين رقيه
5
وگام للعريس ينظر شاف نور الحسن زاهر
گله ياعمي تگرب حسين وتحكمه المشاعر
شلون عريس وتگطعه اسيوفهم بالحومه باچر
هذا الوديعه من الحسن
والوگفه خلدها الزمن
والدين رايدله ثمن
وقدم العز والمفاخر
رمله تنفجع باچر ببنها
ومايبطل على العريس ونها
سكته وخوف و ونين
وكلها امچلبه بحسين
ويعاين رقيه
6
ونظر للعباس شافه يشع نور بنص جبهته
وين ياعباس مبعد اتدنه بس هلت دمعته
اجه يمه وبيده لازم زينب المظلومه اخته
وي زينب انته للظهر
باچر وظهري ينكسر
وعباس ينظر عالخدر
يسمع وهلت عبرته
باچر لو طحت فوگ الشريعه
ياعباس هاي اكبر فجيعه
سمعي يم البنين
وكلها امچلبه بحسين
ويعاين رقيه
7
المصيبه
شلون ليله اشگد رهيبه ليلة اوداع الفواطم
حسين ينظر بالبصيره ويعرف اسرار الخواتم
باچر من الصبح كلها اتلوحها اسنان الصوارم
ليلة وداع وبالدمع
چم گلب باچر ينفجع
وينسحگ بالحافر ضلع
باچر اتحل المصيبه وتنسبي فخر الهواشم
لا تنسون والدي وابني عباس من الرحمه والغفران
خادمكم رياض الرسل الجابري
قصيده بحق عبد الله الرضيع (ع)
يا يمه يايمه عبدالله يبني
انوح
اروح
ويــن يايمه عفتني بهل رزيه
اصيح
ذبيح
شلون گلي اتحملت سهم المنيه
حزن
اون
ابن
احن
عبدالله وينك يمه
الم
ندم
خيم
سهم
ينزف اوليدي بدمه
اهز مهدك ولوليلك اثاري فارغ الكاروك
اسأل ليش يوليدي ليهم من رحت ذبحوك
يا يمه يايمه عبدالله يبني
---------------------
دموع
الوع
يمه اتحسر على افـــراگك حبيبي
خضيب
نحيب
ليش يمه من رحت شو در حليبي
دمع
شمع
نبع
ضلع
مكسوره خاطر يمك
رحت
شفت
صحت
طحت
وامخضبيك بدمك
يقرآن الطفوله شلون من سهم الغـــدر شافـــك
ازغير بيد ابوك اتموت عطش وامفطره اشفافك
يا يمه يايمه عبدالله يبني
-------------------------
يويل
يليل
شلون اتحمل افراگ وليل حزني
غياب
عذاب
نار فگدك يالولد عبدالله يبني
رحت
نمت
غبت
گلت
وينك يبعد اجروحي
ولد
مهد
بعد
اشد
لوعه وتعيش بروحي
ازغير عمره ست اشهور مو مالت حرب ويروح
اخــذوه مني راد الماي مــن رد الــولـــد مذبــوح
يا يمه يايمه عبدالله يبني
---------------------------
تروح
جروح
بيه تترك يالولد وبعيني دمعه
خضاب
مصاب
جرحك اشكبره ياحبيبي وابقه انعه
عمر
صبر
گبر
تمر
لحظه بوصالك احضه
اسم
اشم
علم
حلم
تحضر واشوفك أرضه
ضميتك ذخر للشيب عفتني ورحت يالغالي
انــاديــك بـدمع لعيـون يبني وثـمـر دلالـي
يا يمه يايمه عبدالله يبني
------------------------
اخير
احير
شراح بفراگك اسوي من عفتني
اشبديك
عليك
ابقه تحرگني الشمس يالفارگتني
جرح
صبح
وكح
رمح
ماكفه يمه الراسك
نفس
امس
شمس
احس
واحساسي هو احساسك
باچر رايحه للشام ييمه وامشي مسبيه
يعـبدالله ولا انساك عليك وانعـه يـوميـه
يا يمه يايمه عبدالله يبني
لاتنسون والدي وابني عباسمن الرحمه والغفران
خادمكم رياض الرسل الجابري