4228
لنشر القصائد المنبريه في خدمة ابا عبد الله الحسين عليه السلام ودعما للشعراء والرواديد الخادم /غيث اللامي ******** للتواصل / @geath_95 ******** 07716408960
يصبي عيوني ... لعيونك عطشانه
عبدالله الغالي ... هاي امك ذبلانه
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
ياوردة انكطعن عنهه..الماي وشلت احوالي
عطر الله وأهل بيته..عطر بيت النبي الغالي
ياضحكه بحلك الحسين .. ذبحوهه بسهم تالي
موبس انه ابجي اعليك.. يبجي لفكدك اخيالي
يالتارس حضني.. وفاهي يضل من دونك
ياضيم عيوني .. الما شبعت بعيونك
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
يعبدالله وطن روحي.. يبزر الكعدة المدلل
شجرة مني وجفيت امك.. اموتن لو علي تزعل
لشفافك اصيرن ماي.. بس تردلي والله اقبل
كل صبري كضه بسهمك..بدونك دربي ما اندل
جلمة يايمه... بس احجيهه بصوتك
مالحكت انه ... ماتت يمه بموتك
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
ياحيرة رباب امك .. الوالي لراسك لجسمك
ريحني انته ناغيلي..شنهي الما نعك سهمك
اخافن انه احركنك .. وخافن جرحك يألمك
وطلعت السهم يمه.. وكمت بجرحك اشتمك
حلمي الضيعته... تكبر مثل اخوانك
من بعدك يمه..ياهو اليملي مجانك
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
يمه بداعتي العندك.. بداعت كلشي بحساسك
الضمه جاسك سهم جاسك..ليش الماي ماجاسك
اشهكت ل الله ونزف كلبي..وادري مخلصه انفاسك
اول مرة اشيلنك... ومن جسمك هدل راسك
شاغت كل روحي... .. وصارت بيه قرايه
تناشغ من نحرك ... وتكسر كلبي بهايه
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
ياتعبي وسهر ليلي .. اعوفك قسمت ايامي
لاذكرة البكت منك.. احتركن يبني بخيامي
امشي مكيدة وانته.. راسك يمشي كدامي
ترف ادري ولا تحمل.. سن ارماحهم حامي
راح امشي بدونك...امودع بالله اوليدي
مبارك ودعني... وحط ايدك فوك ايدي
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
عباس أديب المالكي
قاسم يمه .. خلص ذاك الربه وذيج المحنه
قاسم يمه .. ام وتباري ابنهه شلون جنه
________________
وحك كل لضحه بيها وياك جنت اكعد
واشوفك يمه تكبر شاب ومورد
لجيت عرسك احسب ياضنه عيوني
وادعي الموت مايوصلك ويبعد
كون الموت يوصلني
قبل موتك يبن حضني
رحت من عندي يوليدي
ماتت جلمة اليبني
قاسم يمه .. اول مره ماشوفن ضحكتك
قاسم يمه .. مامتعود اتغير كشختك
————————
اتاني بخيمتي وگلبي الجم يمه
ومن جابوك اليه لخيمتي مدمه
اقنع روحي اكولن بعده ماميت
كلولي الولد غافي بحضن عمه
جابوك وطلع نوحي
وتطلع مني اجت روحي
بنص الخيمه من مدوك
فاضن كلهن اجروحي
قاسم يمه .. مارد روحي شو يوليدي سكته
قاسم يمه .. صوتك وين جا يايمه عفته
————————
حادي العيس من فوك الرمح خلااك
كون امك يبعد امك تصير وياك
من تطلع شمس فوكاك روحي تشيط
شيوصلني يمك ماكو في فوكاك
عل الحنه تبده الهم
ونخط اسمك اعله الدم
جمالك عل الرمح ذابل
وحتى الشمس ماترحم
قاسم يمه .. الرمح عالي وجوه احساسك
قاسم يمه .. شيغطي من الشمس راسك
————————
امشي وعيني يمه اتباوع لعينك
وكون يصير ابدل سنيني بسنينك
وتكبر واني اموت وعرسك يطول
رد للخيمه ماحب جلمة الوينك
ترف نحرك شده بالي
وكام اني يتراوالي
اشبك طولي وي طولك
ويرد كل غالي يم غالي
قاسم يمه .. ابعرسك مالحك يتهنه گلبي
قاسم يمه .. فرحتي انطشت وبلغربه دربي
————————
اسولف وي روحي اتذكر ايامك
بعد ماينفع احجي بحضرة الامك
لو تدري شحصل ياسلوة عيوني
شصار ابحالي من حركوهن اخيامك
لو تدري انته يمه شصار
من شبت عليه النار
خذوني ؤجتفو ايدي
وكلشي الالك ضل تذكار
قاسم يمه .. ضلت شؤفتك بعيوني حسره
قاسم يمه .. بيه الحزن يمشي وصار مسره
محمد باقر الكعبي
عن عيني ماغابت صور ولاجفني مل من السهر
لجروح الايتام
ترصع دليلي من الجمر ونار الهظم لمن تمر
ترسملي الاخيام
ياخذني كل لحضه الالم النحر الذي يروي السهم
ثغر النده يشرب عطش واعله العطش عمره انفطم
الرباب تهز مهد لاجنه خالي
تشم عطره وتگله ارحملي حالي
وتكاسر بالدمع حزن اليالي
..........
ليلى اعله الاكبر شيبت شمس الولد من غربت
كل الفرح غاب
وحشه اليالي چلچلن. اعليها النوايب نوخن
بغياب الاحباب
الضيع ضوه يخنگه الهوه شينفع الفاگد يادوه
فارگتي چم ام من ولد؟. ابلايه بخت يانينوه
فجعتي چم گلب ياكاع الطفوف
الجرح عاشر بعد يا نوح اليروف
تركتي الحسره بيچ موسده صفوف
............
من رمله غابت ياشمس يا وسفه ما تّم العرس
خابت هالامال
حنِت اچفوفه من الدمه دامي وطريح من الظمه
ضل فوگ الرمال
شبچت العشره من القهر من شاهدت دامی النحر
بعدك على الدنيه العفه. ياوسفه باعدنه الدهر
حرمني مسامرك ياسلوت الروح
وخذك مني وترس طولك بالجروح
وترك دمك عطر بالغبره ويفوح
............
محنت رقيه شما تمّر ما يبرد ابگلبي الجمر
اه اعله همها
طفله وقسه وياها الصبر ابغربه وبعد عنها العمر
آ يا المها
اتگول ابدمعها المعتلي راح الحنين الچان الي
فارگت ابومامثله ابو وفارگني عبدالله وعلي
وبعدهم شامتي ماخذني بحبال
دلالي وهيبتي راحن والامال
سبيه اسمي صبح والسبي چتال
............
عمرالعقيله چم جرح اظلم عليها چم صبح
من بعدالاخوان
چم نار شافت بالعمر چم ظلع شافت منكسر
من غدر عدوان
ماتنحمل قصة السبي شجاب العقيله ويه اجنبي
اشكد صعبه لمن تنحچي انشاف الدلال الزينبي
الگمر وينه اعله حال امدللاته
شعجب گوه مشن عنه خواته
مشن وبلايه واخو ويه الشماته
حيدر الرويمي
زينب امسة غريبه عكب كفالها
راحت ويه الشماته وبديها حبالها
شهالمصيبه الگبل ما يبين خيالها
هسه غربه وشماته ودمع يبرالها
مشت مسبيه عزيزت حيدر
عفاف الباري كلبها اتفطر
الدرب كلش يطول بلايه سيف ورايه
السياط اتهد متن تكسر دلال هوايه
كلام الغربه يجرح لو تكول احجايه
على المسبيه
يا زينب يازينب يا غريبه زينب
..........
عالهزيله العقيله وصور تلفيها
ذكريات من اخوها الكبل يحميها
ذكره ذكره اجتها وصفت تحنيها
ناحله من الهضيمه ابسبي تاليها
تشوف سكينه الخجل تارسها
وترد اتشاهد نحر كافلها
تحير اتحشم البس راسه يمشي وياها
يويلي ولو حچت كلمه النذل شتماها
مصيبه اشكد تعدي الصار من اعداها
عكب ولياها
يا زينب يازينب يا غريبه زينب
...............
الچان حته هوه الله یخاف ایمسها
عگب ذاك التأمره وفرح يترسها
هسه وصط الخرابه العده تحبسها
اليل تكضيه بواچی وعده التحرسها
اليتامه اتنادي يعمه زينب
وتلمهن ويلي وتنوح وتنحب
جريمة كربله هدت كلب جم طفله
عذاب ونار خله بجم اخو مشتعله
بفله وصوت البواجي بالضعن يعله
يعمه زينب
يا زينب يازينب يا غريبه زينب
................
ابسوك غصبا عليها مشت بت حيدر
وحذره من تمشي زينب اخافن تعثر
بحبل واحد ضعنها انچتف واتیسر
الناس من تنظر الها بحبل تتستر
لچن ماینفع كلبها تگطع
العده شافتها لفاها المدمع
عليها اتأشر الوادم صفت من عمده
عكب وجه الكمر وجه الشماته تصده
جرح خدر الله يازينب منو الي شده
وكفيلج طايح
يا زينب يازينب يا غريبه زينب
............
تالي ما تالي للشام خذوها بحيره
ويلي عفّت محمد مشت جم ديره
يابوصالح الجمك امن اكول ايسيره
لجن طبت قصر ليش يراعي الغيره
العذر يالمهدي انجبر احجيها
عقيلة هاشم الغرب تحديها
عليها الناس ملتمه ابقصر بس غربه
تلوذ بيا كتر ماكو اخو شكد صعبه
رحل وسفه الخدر جف الكمر من عكبه
جرح مايبره
يا زينب يازينب يا غريبه زينب
حيدر الرويمي
زينب.. يعمه اليل جن واخيام ماعدنه
زينب.. عكب عباس شفتي شلون ضيعتنه
ويلي يعمتنه
زينب.. يعمه احبال خشنه تاكل بچفنه
زينب ..اشو وحشه الخرابه شلون نومتنه
ويلي يغربتنه
يا مستحات مدللات حسين
بين الغرب والخوف كاتلهن
وحده بالاخره تلوذ ياوسفه
بس مانفع والعين شافتهن
اه اه اه اه
اليمته.. يضل حادي الضعن يتامر علينه
اليمته.. يعمه من الهظم ماضل صبر بينه
عينه تاذينه
اليمته.. نضل ماناصبين العزه الوالينه
اليمته.. ابدال الفاتحه يشتمون اهالينه
ويلي يهالينه
ياعمه حاچينه شوکت یخلص
درب السبی ياعمه ملينه
شوفي الاطفال مجرحه ايديها
شيردون مو سلبو تراجينه؟
اه اه اه اه
شحجي..يسكنه يا رقيه حيرتي حيره
شحجي.. يعمه البلسبي ينسلب تقديره
وادم بلاغيره
شحجي.. وضعن هاشم صفت غربه نواطيره
شحجي.. وراح الخير كله بطيحت الغيره
ياهو بعد غيره
ما ضل بعد راي انسن الراحه
بيد الغرب موبيدنه صارت
راح الوكت ذاك الچنت امر
احتار هسه بطفله لوطاحت
اه اه اه اه
اسود..متن عمتجن من اسياط عذالي
اسود.. النهار ايمر عكب صمصام كفالي
اعثر من اخيالي
اسود.. جفن جم طفله والنار اعله دلالي
اسود.. يوكتي شمالك ارحم غربتي وحالي
امشي بلاوالي
هاي المصايب والنوايب ليش
مثله صفينه بحلك شامتنه
لا خدر لاوالي وعلم عدنه
واليل لوچل صار يلجمنه
اه اه اه اه
صرنه.. يبجي الما ابكلبه رحم منظرنه
صرنه.. نصبح نمسي بس بهموم مدمعنه
ضعنه وتشتتنه
صرنه.. غصب مو بيدنه سمعو سوالفنه
صرنه ..عله الماي ابقصر شامتنه يعزمنه
وينك يكافلنه
اصبح خدرنه ماضي واتشتت
ومن الشمس حته العبي عتگت
والتهضم البيه غيره خدرالله
بنص القصر مكسوره من طبت
اه اه اه اه
حيدر الرويمي
وينك يثارات الخدر طال الوعد طال
افراگك صفه يالمنتظر چن طاري الحبال
اتحز ابدليلي فرگتك يالبيك الامال
يمته ويهل اهلالك ويتغير الحال
وينك يالمگمط زعل. يالتارس الدنيا امل
يم النهر رايه ترف. وحچايه الك من الكفل
من عمك البسمك يهم. للمهدي التهابه الزلم
يالعندك اجفوف انتفض مسبيه زينب ياشهم.
..............
يالرصعت گلبك جمر من ذيج الاخيام
يدوي بكيانك جم صدا من نوح الايتام
ليهسه جدمك محتفي وامهبط الهام
وحزنك يفت كلبك يضل من تذكر الشام
يمته ونشوف ابيمنتك. رايه ودمع من عمتك
وتصيح واترج السمه. بياثار زينب صرختك
ثاراتك اتحل الظهر اتفلش دواوين القصر
تمسح اثرجدم المشن ونيشان البسوط الشمر
..........
جم دمعه الك من كربله الحد الدواوين
جم طفله الك مچويه من نار الصواوين
جم شوغه من صدت رقيه الراس الحسين
والتهظم اكثر بت علي و مجتوفه الایدين
يلمهدي من عگب الكمر ركضن وما واحد نغر
التعثر تنادي ياعلي من شافن انحز النحر
سيفك يحيد اشصبره. نشافت الهاشم چم مره
ومن الحسين اعله الارض ليهسه دم فوك الثره
........
تنطر بعد جمدوب تبقه ابهم الطفوف
واجساد الك متوذره صارت كعبة سيوف
صعدت علی صدر الحسين خيولها صفوف
منها وعصر گلب الرباب ال اه والخوف
حسينك سليبه عمامته. وبحجاره صابو هامته
رجع قميصه المنسلب. عاري العده بهم خلته
ياحرگه البسهم الرعب. مثلث نبت وسط الگلب
بخنجر الخنصر منفصل. وفوگ الترب دمه يصب
...........
وينك يماي الكل عطش مر عالحرم ذيج
ومر ابرقيه وكلها اجيت ابدمعتي ارويج
كلها انه اجيت وكولي شنهي الي يأذيج
مثل الكمر عمج اجيت ابعمري افديج
ورجع الوضحه ابرجعتك الهزل تزيد مصيبتك
وراية كمر هاشم ترف خليها في العمتك
وانته اعرف ابعين التصد للخدّر وعيد المجد
فكس عيون الشاهدة ضل زينب يروح ويرد
حيدر الرويمي
#قصائد_محرم_الحرام
#ليلة_مولاي_علي_الاكبر_ص_
الاكبر داخل يجفيهه
—————————————
هل برز خلاسهه و صگر الحرب
كلهه صاحت جاي الاكبر بالدرب
توازت الفرسان ماظل كل مفر
كلمن الدورله حفره حت يطب
انخلست امن اعيونه
و لو يشيل امتونه
يمكن ينزل عله الكاع السمه
تخبط ويرد يصفيهه
—————————————
نزل والموت اعله سيفه منرسم
كلهه صاحت حيّ الاكبر ياشهم
صوابه مثل الكافل يعور الوجه
الطاح يم خيله يسحگه بالجدم
اتناوش بفرسانهه
معتلي دخانهه
غاصه الحومه رگب كلهه دمه
تخفت ويرد يوج بيهه
—————————————
معلم اعله اكبارها من الزغر
ياهو عمه حته ما يطلع نجر
تنيشن عيونه ويجي صوابه عدل
وهاي ميزة بيهه يمتاز الصگر
زلمه كلهه تهابه
من يحل انگابه
ايده عالكلفات بس امعلمه
ما لحگ عزريل اعليهه
—————————————
مثل جده الگابله ما يلگه حل
الراده جابه وما رضه عنه بدل
عمي شنهي يريد قبلوله الطلب
حيل ما عدنه و نكاون هالفحل
الراده يتعناله
يجره من اذياله
الدنيه قامت وايده هيه الحاكمه
ماعنده حجاية ايعديهه
—————————————
خادم الحسين محمد منير المياحي
باجتماعهم على رأيه وطاعته وانتظارهم لقدومه، وفيه يقول:
" الرائد لا يكذب أهله وقد بايعني من أهل الكوفة ثمانية عشر ألفا فعجل الإقبال حين يأتيك كتابي "
××××××××××
هاي الرسايل والكتب
عَجَل علينه بالـــدرب
مسلم يخبرك
كلها تنطرك
×××××××××
گبـل مرسالك اليوصـــــل
خَذت گلبي ومشيت الهم
قريت الشوگ بحروفـــك
ونويـــت الرحله أوصلهم
مسافـــــات العشگ حلوه
يهواس منطـــــوي عدهم
سولفت الرساله أبـــــروح
وكتبت احـروف واهسهم
حبر الرساله بالدمــع
يمته تجينه ونجتمع
ورايتنه حدرك ... كلها تنطرك
×××××××××××
كضت ليله وبعـــــد ليله
اشتياقي لعينك اشكبره
كِثر ما گلبي الك مشتاگ
ابمرسالك گمـــــت اقره
رغم ما يمي كــل الناس
وطن بس عندي چن ذره
ابن عمي وفخر للمـــوت
شسولف وامـــك الزهـره
اعتني واگطع كربله
هلا تنگل كـــــل هلا
ابروحي انصرك ... كلها تنطرك
×××××××××××
تحت امرك أَنَه وجيشي
أحر أمن الجمر صبـــري
عشت حيره بين الناس
وقلق منهم صعب أمري
غدر منهم خفت مولاي
خايف مو على عمــــري
أمنادس صاير بهالناس
وبالي اعله الخدر تدري
اتحمل اجروح الغدر
بس لا يغثون الخدر
وينهضم خدرك... كلها تنطرك
×××××××××××
يبلسم كـــــل جــــرح بيه
اخاف امن الهوه يجرحك
اخــــاف ايصير بيكم شي
ويسومر كل ضوه بصبحك
الناس ابكل زمــن وجهين
نفسه اليضحـــك ايذبحك
ضمايرهم دراهـــــم صيت
وبس تغفه بــــده يفضحك
مولاي اخبرك لا تجي
أعله وداعــك انتچي
بالكوفه غدرك.... كلها تنطرك
×××××××××××
مواعيـــــد الذبـح عالـــــي
خذوني للقصر مچتـــــوف
هانـــت يا ابـــــو الاكبـــــر
ؤداعي أمن القصر معروف
بالــي يمـــــك ومحتـــــار
اشلون لوَحدك وسيـــوف
اشلون أبلا نواصر ليــــك
وغريب وحيرتك بطفوف
منك طلب واريــده
ابنيتي يمك حميده
اشلون اجبرك... وكلها تنطرك
×××××××××××
عمار_التميمي
#العليله
سار ضعن الحسين وأخر وداع لمولاتي العليله كأنني بها تقول :
راح وصفگت الراح بالـــراح
××××××××××××××××××××××
الضعن المشه أبظهره غريبه
دار الوجـــه عني اشيجيبـــه
ما رَجعهَ الصـــــوت ونحيبه
دار ومِشه وبظهره الصياح
××××××××××××××××××××××
لا عيشه بعدك لا هِنيـــه
ليش وتگلي أعله الوصيه
معناها رايــــح علـ المنيه
من زغري واحمل كل الجراح
××××××××××××××××××××××
راح وصحت يهل المنيـــــه
عِدكم عِليله أبهالمسيــــــه
أزغيره ولفت بتكم رزيـــــه
وطول الوكت ما فكت أنياح
×××××××××××××××××××××
يالرايح وما ظنك أتعـــــود
فَگدكَ تــره فَتت بالچبود
اليفگد ابوه ما يگدر أيهود
إيكضيها بس لازم بالصفاح
××××××××××××××××××××××
من ودعتهم هَـــــدوّ الحيل
أحچي يروحي لو لفه الليل
التركو أثر تركــو عطر هيل
بفراشه گمت أشتمه وارتاح
××××××××××××××××××××××
بنيه وابوها الــــيّ جفاهـا
لصوب المنيه مــا خذاها
أيحبها ويدور بس رضاها
راح ومِشه وبظهره الصياح
××××××××××××××××××××××
محرم ١٤٤٥ هـ
عمار التميمي
#العليله
وبمجلسج حته الهـــــوه
عابر وصف اكبـــــر دوه
يا فاطمة بس كون اظل
انه وخدمتي نظل ســوه
خليني ...وفقيني
بالخدمـة متفائل
سنديني ...عينيني
بداعت ابو فاضل
×××××××××××
خير المجالس خيمتج
ارفع چفوفي لنعمتـج
علميني أخـدم بالأدب
خاطر اواسي دمعتـج
سويني ...خادمكم
وما تهده العين
ما رايد .. بس منكم
بس اخدم حسين
×××××××××××
لو اجمع ايام العمـــــر
البيها عشت ليلي جمر
لازم اعيـــــدهن قضى
واطلب بعد منج صبــر
أيامي ... تفديكم
ما عندي أيام
كل عمري ...بس دمعه
من جمر الخيام
×××××××××××
خايف يجف مني الدمع
ولهسه ما جايس ضلــع
من العدم لحد مجلسج
غَيرتي بيه أشكم طبـــع
ممنونج ... جبتيني
لحد مجلس النوح
ثبتيني ... بخدمتكم
واصرخ يمذبــوح
×××××××××××
لهفة عطش لهفة دمع
كون أبمماتي انوجـــــع
حته اشعر بذاك الالـــم
من يسحگ الحافر ضلع
أستشعر ... بالهيمه
وأخر نفس ضامي
أتحضريني... تشوفيني
مـن اللطم دامي
××××××××××
محرم ١٤٤٥ هـ
عمار التميمي
/channel/kadeemalzhraa/6674
قصائد محرم مع الحان لكل قصيدة تجدونها هنا👇👇👇👇👇👇
/channel/ahmed_alziwar
#محرم_الحرام_1445
ساداتي اولاد مسلم صلوات ربي عليهم
بعد ما وقع الحسين ص واصحابه واهل بيته ع هجمت الخيل واحرقو الخيام.. من شدت الخوف والهول طفلين هامو على وجه البيداء😔💔
((زغار الطف))
من كثر هاي الخيل والنار
النهبت خيمنه
وخيل ع خيل اتشَمر لزغار
خفنه وركضنه
حفــاي نركض والرمل حار
زيد عطشنه
دنيه ليل ومـا دريـــــــنه
ضعنه مــــن گدما مشينه
زغار وچبـيره المــــــدينه
اي عـــــــــرف لا ما لگينه
بويه بويه بويه
بگد مــــــــلامح ديره
بينه دارت حيــــــــره
بويه بويه بويه
اباب كــــــــلما نگعد
أهله گامــــــت تطرد
بويه مسلم بويه... بويه مسلم بويه
ــــــــــــــــــــــــــــــــــــــــ
من التعب ما ضل بعـــــد راي
حته نطيعه
طوينه الصحاري اميال حفاي
اليندل تضيعه
خوف وعطاشه والمشي هواي
گصدنه الشريعه
للنهـر لمّــــــــــن وصلنــــــــه
گمنه نعتب مـــــــــــــا شربنه
روينه مــــــــــاي الله ابدمعنه
نمـــــــــنه يم جرفه ابعطشنه
بويه بويه بويه
بحال يكسر خاطر
ذكرنه يوم العاشر
بويه بويه بويه
ياهضم بي نحچي
نشكي لله ونبچي
بويه مسلم بويه... بويه مسلم بويه
ــــــــــــــــــــــــــــــــــــــــ
بين الدروب ابساعت اغروب
لاگـتنه حره
نسكت لـَون سألتنه چـندوب
ألسكته مره
سألت والسؤال يذوب الگلوب
خافين سره
حچولي من ياديره انتم
وياهو ابوكم ياهي امكم
صحنه أحنه اولاد مُـسلم
للــــــــه ليـله انبات يمكم
بويه بويه بويه
لمَن عرفت طاحت
ودمعه بالخد لاحت
بويه بويه بويه
عمت عيني عليكم
امــــكم انه وبيتكم
بويه مسلم بويه... بويه مسلم بويه
ــــــــــــــــــــــــــــــــــــــــ
دره بينه اللأيــــــــــــم وياها بالدار
لما أله ذمه
شهر سيفه بــــــــوجهنه بدل منغار
يذبحنه همه
رايد روسنه چـــــــــــن يطلب ابثار
ماعنده رحمه
بويه مسلم مــــــــن عرفنه
لا رحــــــــــم سنه اودمعنه
نوه ونيتـــــــــه يحز رگبنه
هنـــــــا اجت عالبال اختنه
بويه بويه بويه
عفنه اختنه بالبــــــــر
ادور او تتحــــــــــسر
بويه بويه بويه
ذبـــــــح واهـــــگ بينه
مثل نحـــــــــــــر احسينه
بويه مسلم بويه.... بويه مسلم بويه
ــــــــــــــــــــــــــــــــــــــــ
تمت بفضلهم ص
✍️ياسر الزيادي
هواي اجروح بيه واكبــرهــن رقــيه
واكبرهن رقيه
رقيه
*
يـــعتگ كل جـرح بـــيه .. وجرحـها اجـديد مايعتگ
من اگول حسـين اتنفـس .. اگولن يـــارقيـــه اشهگ
الطفله السـطـره تذبحـها .. اشحــال البالرمح تنطگ
امورده اخدود البنيات .. وبس خد بنت اخوي ازرگ
چي تبجي اعله ابوها هــــواي يعــــذبوها
ماگـــالو خطيه
رقيه
*
بنات حسين كل وحده .. جـرح اتحسـسه ابروحي
كل وحده بطعم دمـعه .. التطـيح اتهـدم اصروحي
ورقيـــه لان مملـــوحه .. حچــيهه يــفزز اجروحي
ماگــالتلي وين حــسين .. گـــالت ويـــن مذبوحـي
ومن صاحت يبابا جــــيران الخرابه
صاحوا يسبيه
رقيه
*
چـانــت چنها جـــوريـه .. گــــبل الـــــعاشر اذكر
ذبلت بنت اخوي حسين .. من گد الضرب والحر
بنـــات الشـــام كاللـها .. وجهچ لــيش شــو اسمر
المسبيه تگـــل الهـــن .. طبــــعن هيــــچ تتــغير
شهر طول سبيها الطفله اشضال بيها
اتغيرت موش هيه
رقيه
*
ضعن والضعن بس اجروح .. جرح من عدهن اتهزع
وگع والحادي صحـناله .. ويســــوي روحـه مايسمع
افتركـــلي وگالي ارقيه .. اوگـعت بـس الها ماارجـع
سمع وختاض رمـح حسيـن .. نـــبت بالگاع مايطلع
رجع حادينه الها ظربها وحيل تلها
اصرخت لحگي عليه
رقيه
*
الـنوگ اشــويه واطفالي .. يمـكن فـوگ الثمانين
نص ركبو ونص للشـام .. راحوا بالسبــي ماشين
ورقيه صـاح حاديهــم .. يجب من نوگنه اتنزلين
مشي ترحين بس بالـچ .. مــن گـد الـتعب تبچين
بس يسمع حچيها يجي ويزمخ عليها
ويگلها خارجيه
رقيه
*
غصن جنها لچن يابـس .. مامـــــتـروي حـــنيه
ماشبعانه من حضـــنه .. لـــهذا تبچــــــــي ليليه
تصبح ياحسين اتصيح .. وتمــسي اعلــه طاريه
عمر هالـطفله ياوسفه .. بخرابتـــــهم تـــوالـــيه
بشامات المصيبه غفت وسفه غريبه
وافتها المنيه
رقيه
*
حيدر تركي الكربلائي
احضة ابيا سمة التوحي النياشينك
اجيك اليا حزن ذابح نظر عينك
اروحاً للخيم والگاك مذبوح
ارداً للعدم تخنگني الجروح
١
من فيض الادموع اتضح غايب غريب ابجرحة
عايش حياتة ابلا مقر بس يستقر يم رمحة
يا هيمة شالت حسرتك لو سولفت عن ذبحة
الابگلبة من نار الخيم عاش الظلام ابصبحة
اخذني العالم اجروحك اريد انحب
وتگلي اهناا عثر هودج ظعن زينب
واشوفن دم طفل عالگاع مسفوح
ارداً للعدم تخنگني الجروح
٢
ابواسع جروحك التجي وتنطيني من عندك دمع
جابرني وانة ابكسرتي وابذنبي ما جابر ضِلع
خليني اعيش ابلوعتك افردني عن كل الجمع
الما عندة دمعة الغربتك لا يحچي عن گطع الصبع
شدني ابخيمة محروگة بصواوينك
اعتبر گلبي صخر لچمة ابقرابينك
ذنبي ابوجهي يا مولاي مفضوح
ارداً للعدم تخنگني الجروح
٣
من عالم دموعك وطن ينزف عطش وي دمعتك
يالعايش الطف ابضمة باين عجافة ابشفتك
سيرني بآلامك جرح خليني احس ابغربتك
حسسني بجروح السبي وشجاري ضيم ابعمتك
نذر عمري الدمع وياك عالهيمة
ونگعد نبچي ونواسيك عالخيمة
وتسولف عن عطش بشفاف مذبوح
ارداً للعدم تخنگني الجروح
٤
آخر مراسيل الذنب رايدلي من عندك وعد
بيه اعلن التوبة ابدمع وانصبلي بالمجلس وتد
مولاي اريد ابمجلسك اتسمعني نشغات الولد
من صاح ابوه ابني العطش حول على اشفافة وگعد
شكبر گلبك صدگ تسمع مناغاتة
وتشوف ايرد نحر باحضان عماتة
راح الولد سالم ردة مجروح
ارداً للعدم تخنگني الجروح
علي الفيصل
#شور
يانهر يكفي العطشكم
وياهو الي يطفي خيمكم
طاح يم جرفي علمكم،،،،،،ياحسين
والفرات وماية يسأل
والجروف التقرة مقتل
شاهدت زينب علي التل،،،،، ياحسين
شاهدت كل الفجيعة وشاهدت حرگ الخيام
والله لو رجلين عندي امشي لشفاف الأمام
من شفت جربة عضيدك مزقوهة بالسام
وية ماي الجربة طاح
وغازلت جسمة الرماح
هوة طاح وكلشي راح
وگلي ياماي أستراح
دمعة من عينة تبدة،،، وية ماي الجربة شفتة
وصاح ياخوية سمعتة،،، ياحسين انت حضرتة
……………………………………………………
والكفيل بوعدة وفة
أنطة عين وأنطة چفة
وظلت بدلالة لهفة، ،،،،،ياحسين
والسهام بجسمة كثرة
من العمود براسة طبرة
للخيام بعينة نظرة،،،،،،ياحسين
رجعتك للخيمة كسرة وعثرة أجدامك سؤال
أيدك شعدهة اعلة ظهرك منحني وصاير هلال
جاوبت زينب دمعتك راعي هاي الخيمة شال
من سحبت انت العمود
يعني مات الكة جود
يعني راح وما يعود
مات اليوفي الوعود
طيحة الخيمة جوابك،،، لليسألك وين اخيك
بالشمس تبقة يغالي،،،ياحسين المات ڤييك
…………………………………………………
تلتفت بالهيمة وحدك
والعطش يمرد بچبدك
لا أخو لا والي عندك،،،،،ياحسين
مفطرة أشفافك هظيمة
وگفتك وحدك أليمة
تبچي لو شفت اليتيمة،،،،ياحسين
المالة أخو يلزملة ظهرة شلون يبقة بروحة حيل
للسهام ايصير صدرة والمصيبة اتدوسة خيل
بيه نفس وتسحگة عشرة وبيه ألف طبرة قليل
المالة اخو يلزم گفاه
منين ما يندار آه
بالحجر واحد أجاه
طگة بالگصة وعماه
ينولي الماعندة ناصر،،من يطيح بنص عشيرة
والحجر فوگ الحوافر،،وجسمة ينشال بحصيرة
…………………………………………………………
ظلت أعيالك تناطر
كلهة مشبوحة النواظر
سمعو اصوات الحوافر،،،،ياحسين
للسبي أنگادت عيالك
والرمح رافگ خيالك
فوگ سنة الرمح شالك،،،ياحسين
هاي الدروب البعيدة للعبي متخلي لون
تراب وسموم الصحاري ومابقة ل أم عون عون
الغربة گامت تحدي بيهة عالكفيل ولا تهون
الصحرة ماترحم غريب
ونترس ضعنك نحيب
بس حرم والحادي ذيب
والرمح شال الحبيب
هاي ماهي ديار هاشم ،، رد يحادي ضعون اهلهن
السبي مو گدر الفواطم،، كافي لا تلچم خدرهن
……………………………………………………………
✍️حسين حمدان الدلفي
العفه من بعدك - علي يوليدي
يلكبر شلتك - صريع ابيدي
خذت كل حيلي وتبده احسينك
نزف وي دمك - دم اوريدي
عفتني شحالي وعفتني
ولاتني ادموعي ولاتني
يغالي وماكو بغلاتك
حنتني اجروحك حنتني
امغمض اعيونك -وساكت الصوت
يوليدي من دونك - مشتهي الموت
بعيوني ماشوفك - مني وتفوت
———————————-
اجر ابروحي - وشلتك كوه
يماخد روحي - الك تتلوه
بعد ما اشوفك واشبكك بويه
من اطلع نوحي - عليك اجوه
هيامي لطولك هيامي
غرامي ذبحو غرامي
سوه انموت مااكدر اقنع
خيامي فرغن خيامي
فرغت الخيمه - من ضوه العين
امشي بلهيمه - وضايع حسين
مثل اليتيمه - ابروحي الونين
—————————
بجمالك محد- عليك مكدر
يزلمه وتنعد- علي انت الاكبر
يروح حسينك يماخذ روحي
الك گلبي انهد - وذبل كلشي اخضر
بجمالك ماكو بجمالك
كمالك مُرسل كمالك
يبويه جرحك ثلمني
دلاالك سلبو دلاالك
بيه ماتدري - ابعُدك شصار
بويه كاسرني- شكبري محتار
مختنك صدري - بگلبي احس نار
————————————
قبل ماتمشي - ذابل شفتك
جبتلك دمعي - يبلل شفتك
خشبه السانك رحت للحومه
الك شب رمشي- وركضت لحتفك
اجيتك اركض اجيتك
لكيتك طايح لكيتك
عله الكاع مديته طولي
وبجيتك امناشغ بجيتك
طولي مديته - فوك التراب
وخدي خليته - بخدك الذاب
اتشمتو بيه - ذولي الاجناب
———————————
يكاسر خاطر - عمتك زينب
وجت محرومه - امك تنحب
الكمر بفراكك يون متخوصر
خيامك باجر - علي راح تشب
حسرتي بطولي حسرتي
ودمعتي بخدي دمعتي
بدونك ما اكدر اوكف
وكفتي تصعب وكفتي
عطرك بريتي - تارس الروح
خذت عافيتي - وعفت الجروح
كمت احس روحي - هسه مذبوح
محمد باقر الكعبي
لجيتك منتظر واكف
ابدربك طايح الشوف
بكثر ما افرك ابيدي
عطشن حته الجفوف
سمعت تصيح خويه حسين
وجيت اركاظ ملهوف
سمعته بگلبي صوتك - مااقنع ابموتك
اجيت لحتفك اركض -لاتتركني عباس
لاتكسرلي ضهري - راح انطيك عمري
كوم اوكفلي لاطيح - لاتتشمت الناس
اول مره اني اركاظ اجيلك
اخذ من عندي حيلي انطيني حيلك
كلهه مناطرتنه نرد سوه هناك
كوم اوياي للخيمه دخيلك
************************
بسمك جنت اصيحلك
ونته بأسمي ماكايل
مني شراح ما ادري
شخذت مني يبو فاضل
احس شايل وجع مذبوح
موكسرة ضهر شايل
ابگلبي الحجي ضميته - وگلبي انكسر حسيته
بطعم الخويه ماشبع- جنت حارمني منهه
اخر مره اشوفنك - واول مره اعوفنك
روحي ابُعدك اتضيع- عكبك ياهو الهه
اخذ روحي وعيوني وكلشي بيه
بس كون اني اشوف ايدك بديه
مشتاك اني اشبكك واكعد وياك
شحلات الاخو من يشبك اخيه
************************
ياهيبت حسين وياك
اشوفن روحي بعيونك
جنت اتنومس بطرواك
من اشوف الرايه بمتونك
وين اتروح هسه الروح
وين انطي الوجه دونك
وصل للكاع دمعي - هجرك خسف ضلعي
ماكاسرني ابني - بكد كسرة الرايه
اعينن نفسي كوه - امشي اني واتلوه
اوكع ورجع اوكف - من طيحتك هايه
رحت لخيمتك والصوت مبحوح
وعمود الخيمه زحته وزينب تنوح
ما اكدر اجيبه لخيمتج هاي
وكع عباس زينب مابقت روح
************************
جنت ماحاس بلغربه
من اشوفك بلخيم واكف
بس هسه اختلف كلشي
مثل هلغربه ماشايف
امان الخيمه راح اوياك
وبدونك جم طفل خايف
بغيابك سارح البال - هيجي اجروحك اثكال
لهاي الفركه عباس - جنت ماحاسب احساب
ادري اتروح وانعاك - بس ماعشته فركاك
توك طحت علكاع- واخذ كل عمري الغياب
جنت مافكر بشي ونته موجود
هس افكاري عبرت فوك الحدود
ضايع واني الاندل كل الادروب
لو مابي عذوبه شيبقه بلجود
********************
عفتك علترب طايح
ولاترهم واتجيلك
عكدت موت بلساني
رحت عباس شحجيلك
الوجع عكبك شرب روحي
وكلشي ابروحي يبجيلك
صار البيه ماصار - امشي ويمك اندار
حرت للخيمه ارجع - لو ابقه واشيلك
ياهو يعيني امشي - ثكل بعيوني رمشي
بهدومي العليه - ردت خويه افييلك
خويه وداعتك اكسر الخاطر
بفكد الخوه تدري الجرح موعابر
شطوله الدرب من يمك للخيام
اوكع وامشي جني ابصدري حافر
محمد باقر الكعبي
نيران خيام وفزعت خياله علينه
صيوان ايتام ولانغار اليحمينه
وعيون اسهام عگب الكافل ترمينه
تفر من العده الخدّر
الما راكض يضل يعثر
المامجوي بجمر من حر
ويلاه
زينب شتصير
تشاهد عالتراب حسين
بعد المن تدير العين
لا رايه ولا جفين
ويلاه
..........
حچایات ثکال ماتنگال وسمعتها
والجاب حبال الذابح بالسيف اخوتها
تشوف الچتال واتهل من دم دمعتها
يگلها انسي المضه زينب
القادم بت علي اصعب
سياط اعله المتن تلعب
ویلاه
شوفيها الخيل
نفسها السحگت اخوانج
تجول اباب صيوانج
تفتر عكب وليانج
ويلاه
........
بنيات زغار واجدام الخيل اثگيله
اليعثريحتار المجتوف شلون ايشيله
المحروك بنار ما يلگه الي تچیله
قصتهن تفت الروح
غربتهن الم وجروح
نخوتهن بقه مذبوح
ويلاه
ونياك حسين
ماضي الوضحه طاريها
الهّزل ركبن عليها
الاميره غربه تسبيها
ويلاه
...........
لیلیه جروح تتراکم فوك جروحي
ليليه النوح من عيني يطلع روحي
ماضلت روح راحت ويه مذبوحي
ضلت روحي عالغبره
يم الضامي والزهره
جبت وياي بس جمره
ويلاه
تچويني بليل
من انضر غرب تحرس
اكابر بالدمع واحبس
اخافن غرب بيه تحس
ويلاه
.............
من تغفه العين احلم بالشام وضيمه
واصرخ يحسين وينك ياراعي الشيمه
بحبال البين الديوان اكلف من هيمه
راسك رغم غربتنه
فوك الرمح هيبتنه
لجن بالشام كسرتنه
ويلاه
وبقصر الااه
من طبينه نص ديوان
نزّلت روسها الوليان
وتتشمت بقت عدوان
ويلاه
حيدر الرويمي
غربت شمس الخدر من جابوحبال اليسر
ابلا بخت طف كربله ستر الله عافه ابلا ستر
بيا وكت زينب تروح مجتفه وماعدها اخو
والاميره اتصير اسيره وتاخذ بشور العدو
زينب تون شمسوي بيديها الحبل
تحشم غرب لوهوه من الناكه طفل
من المستحه تتلفت ادورلها ضل
تنتخي بيمن بعد وعله الترب صرعه الاهل
كلشي ضاع ابكربله ضاع الدلال ويه الكفل
والدهر خله العبد يامر عله اسياده بحقد
والي ماله ويه الزلم راي اعله زينب ضل يهد
الماله اصل يتجاسر اعله ال الشرف
موقف صعب طول العقيله من انعرف
واسم الخدر بسم السبي من انوصف
بالدمع ليل اليمر وعلى الترب نوم الضعن
ويه الفجر من الحبل ينكادن وكوه مشن
والصياط اعله المتن عافت اثرمامثله اثر
والأمر من كلشي مٌر يم الزلم حرمه اتعثر
فوك الرمح اسم الله كللها الكمر
يابت علي كومي بعد عندج سفر
سوك ودرب جدامج يفت الصخر
والقصر اه القصر فوك الجرح خله الجرح
للطشت راس الاخو من نزلو من الرمح
ركضت اتكوم وتطيح ابنيته من صدت عليه
رادت اتحضنه لچن لاصدره شافت لا اديه
تصرخ وسف شمسويه برسومه الشمس
ذابل عجب وين الجمال الچان امس
اتشم االنحر وينزف لئن بيها يحس
بحيره ضلت بت علي تعاين بنات المصطفى
هبطن من مستحاهن والنذل يامر صفه
خافن ولاذن شرف باام الخدر من الزلم
وجم گلب من الهظم فوك الجرح ضل ينلچم
اطفال وحرم نص الشماته تهل دمع
صعبه وعلي صوت الحرم من ينسمع
شاب الطفل كل لحضه بالهم ينفجع
حيدر الرويمي
وينك يثارات الخدر طال الوعد طال
افراگك صفه يالمنتظر چن طاري الحبال
اتحز ابدليلي فرگتك يالبيك الامال
يمته ويهل اهلالك ويتغير الحال
وينك يالمگمط زعل. يالتارس الدنيا امل
يم النهر رايه ترف. وحچايه الك من الكفل
من عمك البسمك يهم. للمهدي التهابه الزلم
يالعندك اجفوف انتفض مسبيه زينب ياشهم.
..............
يالرصعت گلبك جمر من ذيج الاخيام
يدوي بكيانك جم صدا من نوح الايتام
ليهسه جدمك محتفي وامهبط الهام
وحزنك يفت كلبك يضل من تذكر الشام
يمته ونشوف ابيمنتك. رايه ودمع من عمتك
وتصيح واترج السمه. بياثار زينب صرختك
ثاراتك اتحل الظهر اتفلش دواوين القصر
تمسح اثرجدم المشن ونيشان البسوط الشمر
..........
جم دمعه الك من كربله الحد الدواوين
جم طفله الك مچويه من نار الصواوين
جم شوغه من صدت رقيه الراس الحسين
والتهظم اكثر بت علي و مجتوفه الایدين
يلمهدي من عگب الكمر ركضن وما واحد نغر
التعثر تنادي ياعلي من شافن انحز النحر
سيفك يحيد اشصبره. نشافت الهاشم چم مره
ومن الحسين اعله الارض ليهسه دم فوك الثره
........
تنطر بعد جمدوب تبقه ابهم الطفوف
واجساد الك متوذره صارت كعبة سيوف
صعدت علی صدر الحسين خيولها صفوف
منها وعصر گلب الرباب ال اه والخوف
حسينك سليبه عمامته. وبحجاره صابو هامته
رجع قميصه المنسلب. عاري العده بهم خلته
ياحرگه البسهم الرعب. مثلث نبت وسط الگلب
بخنجر الخنصر منفصل. وفوگ الترب دمه يصب
...........
وينك يماي الكل عطش مر عالحرم ذيج
ومر ابرقيه وكلها اجيت ابدمعتي ارويج
كلها انه اجيت وكولي شنهي الي يأذيج
مثل الكمر عمج اجيت ابعمري افديج
ورجع الوضحه ابرجعتك الهزل تزيد مصيبتك
وراية كمر هاشم ترف خليها في العمتك
وانته اعرف ابعين التصد للخدّر وعيد المجد
فكس عيون الشاهدة ضل زينب يروح ويرد
حيدرالرويمي
#قصائد_محرم_الحرام
#ليلة_مولاي_قمر_بني_هاشم_ص_
___________________________________
البدرُ حيا جفه ضواحيها
القوم قالت و اسلمت امانيها
ها قد اتى شيخُ السقا اراضيها
الحربُ قامت ان عباس ملاقيها
الخيل فوك الخيل عثرت
زلم فوك الزلم يبست___هذا صياد الجمع
خزرته العسكر ترجفه
اليصطرا بجفه يخسفه___خله بخدوده طبع
دخل عباس وجفاها
ضللمت وهوا ضواها___بس بجيهم تستمع
صگارها -وجبارها -خله جثث طشارها
عباس خله الحومه-ماتنوصف اخبارها
___________________________________
و عينُ صقرَ الصيدِ كالسكاكينِ
تغلي احمراراً زلزله البراكينِ
ضيغمها قد غيّرا الموازينِ
والسيف يحكم في قضا الميادينِ
السيف مايرهم لواحد
بس عله العباس كاعد___سيفه يلعب عالرگب
حيهم العباس طبها
بيده كضاها وخبطها ___طب اخو العلويه طب
شمر بالروس ويلمهه
العسكر تبريد جدمهه___علي ويحل النگب
عباسهه-وخلاسهه-حي الله يانوماسهه
اسياگ النعج ساگاها-بيده خنگ بأنفاسه
___________________________________
صوت صهيلِ خيلهِ دوا فيها
الموتُ في وشكِ يصل شواطيها
لايرحمُ الناسَ اتى يقاضيها
الماءُ مائي وانثنى محييها
دوا صوت الشگرا بيهه
طبها ويصيح اجفيهه—راسهه امجان الجدم
نزّل الجربه و ترسهه
سكتت الوادم خلسهه—ماتمد روس الزلم
جدمه يتنومس نگلها
جوا رجله بس عگلها—فوكها يدوس الشهم
ساقيهه-مصفيهه-تدبج يدبج بيهه
سبع الهواشم ماخذ-حيفه امن المسويهه
___________________________________
وضربةُ العباسَ من يساويها
لا يدَ فوق القائدِ يعليها
غوثاً تريدُ القومَ من ينجيها
لم يبقى منها احداً ضواريها
اسباعها دورت شرده
اللاحه ابو فاضل يمرده—الموت صارلهم فرض
شيخ كاعد عله الضفه
بخزرته الشارب ينتفه—صال بالطول وعرض
دم ترس باب الشريعه
ضاكت السبعه الوسيعه—بيد عباس شتفض!!
خيالهه-زلزالهه-حيدر علي عبالهه
جوله اعله المسنايه-والريشه دم يحلالهه
___________________________________
خادم الحسين محمد منير المياحي
جديد ليلة مسلم ع
من زعل وارتجل غيمت حتى السمه
بكل فخر انتصر وسيفه شبعهم ضمه
مسلم زلزلها الكوفه
چنه المگطوعه جفوفه
كَبَر وسيفه بيمِنته ورتل آيات النصر
هاشميه الفزعه عنده چنه ابو زنود السمر
هذا تربات المواقف والعلي يسطر سطر
العساكر من اجته بيها ضل يشمر شَمر
من عگد رايته نعگدت اوياها اللسن
لكل صِمت وانسمع سيفه بِرگبهم يرن
القاده حط بيها الخوفه
چنه المگطوعه جفوفه
________________
لو تقدم خطوه وحده يردم العسكر ردم
اليخزره يذبله راسه بعد ما تنفع هِدِم
صيحو يا حي الله مسلم گَاطع اركاب الزلم
منهو يكدر يلوي ايده الزهره شدتله العزم
من رفع رايته وَگَفْ اگلوب الخلگ
العظيم الحسين بزنده شداله علگ
فزعت هاشم معروفه
جنه المگطوعه جفوفه
_______________
من صرخ اللهُ اكبر الكوفه كلها كزبرت
ومو فقط اوجوه أُميه هدومهم هم صوفرت
مو جيوش كبال مسلم الرگاب اتسطرت
گالوا شعدنه اجينه على الجيه تحسرت
نص وگع بالرعب ونص يموت من الخزر
الشرد واعتزل راسه شابع بالطبر
گباله وگفت مجتوفه
جنه المگطوعه جفوفه
_________
الجماعه الخلفه صلت غدرته ومنها انفعل
طب عليها ودمه فاير مسلم وشايل زعل
گطع الروس الجبيره الگطعت اكباله الامل
وياها ما تنفع سياسه وآدم انترست خلل
عالكذب والخدع اطبعت بعض البشر
النِصر انتِصر والوكف ضده خسر
عميه الوادم متشوفه
جنه المكطوعه جفوفه
_______
حرمه وكفت ويه مسلم تحدت انواع الخطر
شافته بعمق البصيره وبيها ابو طلبه ابتشر
تشبه الفضه العفيفه مسلم الها من نظر
طوعه هاي ام المواقف البيها ينشد الضهر
تلگته بالهلا جنها ديوان الحسن
هالمره معدله ما تهاب من المحن
الصوره لمسلم مألوفه
جنه المكطوعه جفوفه
______________
ياغيور وعاشت ايدك البيها دكيت الصدر
ومو مثل ناسك بشرهم عايشه بحيله وغدر
حوبتك يابو حميده دمرت حتى القصر
يالگلتها وانت واثق باجر الحق ينتصر
بكربله اعله النهر طالب بدمك گمر
من رفع رايته صارت الدنيا بخطر
كعبه وسيوف اطوفه
جنه المگطوعه جفوفه
الشاعر عبدالله الشويلي
مولاتي العليله ....
ابحنانك والضعن وبروح يداي
تردلي لو رفعت أبحيل يداي
مو وكت الدهر وانصاب يداي
مشو عني الضعنهم چان مَرهم
وحشاهم لا شفت فد يوم مُرهم
يريح الهاب لأهلي بضعن مُرهم
وگلهم جرحي حد اليوم يداي
××××××××××××××××××××××
محرم ١٤٤٥ هــ
عمار التميمي
#مجالس_الزهراء
محرم العليله
×××××××××××.
شايله أدموع وقهر وانـــــه العليله
نگلت اجدامي بعــــد كلش ثجيله
نشغة أفراگي أحسها نشغة الموت
هذا باحسابي أبـــــد لا مــو قليله
شال الضعن واتغربت ما بين العيون
لوجوه أهلنه باوعت چنهم يگولــــون
تبقه وحيده فاطمه وما يرحم الشوگ
بدموعي أخر مره اشوف أهلي يلالون
كالولي الحال اذا يستقـــر
علي الاكبر يجيج ابلا عذر
×××××××××××
حَضَرت دمعي متاع لأول أجــروح
گعد يمي حسين لكن لونه مشبوح
فتح چفهه وگلـــي يبنيتي تعـــــاي
كابرت ويه الدمع بس گلبي مذبوح
كلي الضعن راح الضعن بس انتي تبقين
گام ومسح عينــي وبچه گلـــــي لتبچين
كتله بسلامه لو رحـــــت ادعيلي ويـــاك
شميته من نحره وصحت آ بويه يحسيـن
ودعته بالاه وأدري بضعنهـم
ما يرجع اوياه لــــو فاركتهم
×××××××××××
وحشة البيت الصفت كلش جبيره
البيت وأهل البيت راحو والعشيره
الغربه من يفگد هَله وما عنده راي
أنه أول وحده بضعونـــــه اسيـــــره
يعني اليسر ابلا ابو يتغـرب ابعيـــد
يتركني ما بين الجرح والامي التزيد
ما اميز أبعطر الورد چا هوه ويــــاي
ومن سافر ابضعنه ترك بيه التجاعيد
مو سهله الفراگ وابقه وحيده
مـن حلمي اگعد وأبچي اريده
×××××××××××
صدري مخنوك وعَليَ مَـــــرت مسيه
احساسي ما يخطي وشفت دم المنيه
غراب اســـــود والاثـــــر دم الحسيـن
طاحت الخيمه أذن ضاعـــــت رقـيه
ريته حلـــــم ولا كربله طاريهـــــا عابــر
ولا شايفه لون السمه بـــــدم الحوافـــر
صار الما صاير ابد ايحروگـــــن الخيــام
وضعن الشرف تحدي غرب بين النواظر
بأحبال الخيام چتفوا حَرمنه
للكوفه للشام أخــــذو ضعنه
×××××××××××
شلون لو تالي يـــــرد ضعــن الغرايب
يجي مو ذاك الضعن شايل مصايــب
أهلي بس مانــي أظن اعرف ضعنهم
أوجوه أهلي والعبـــــي كلهن ترايــب
رد الضعن وصار الحجي بدمعات العيون
أشبگها عمتي وتعتذر لو لحت المتـــــون
هذا الجره كلـــــه وبعـــــد ميته رقيـــــة
أهلي الصبر عدكم بقه أشضل وتصبـرون
بعد الجره الصار وبعدني أنتظر
موتي يمر كون تحت حر الظهر
×××××××××××
محرم / ١٤٤٥ هـ
عمار التميمي
/channel/kadeemalzhraa/6677
خيال. مكيال. والساقي اعظم مثال
صنديد. وعنيد. للشر لا للمحال
بتار. مغوار. والباقي نصف القتال
اسداً وفاني
حلو المعاني... مغوار
درعاً مواقي
لا ماله ثاني... صكار
شبلاً شجاعي
بالهمه راقي.... بتار
يهداده يهداده
يهداده كحيلته ويصياده
يصياده عيونه ويصياده
____
طاؤوس. محروس. ريشاته عالي العال
جمار. بس حار. يحرورة الخيال
گصاي. بالماي. صدر النهر شلال
وجهه رعيده
والعركه عيده... عباس
لمهه بحطبهه
لمن يطبهه... الفاس
الخيل بزلمهه
لمن لزمهه... دواس
كفو الساده كفو الساده
كفو الساده الطابهه خذه مراده
خذه مراده الجايه خذه مراده
_____
كابوس. ع الروس. نازل عليهه اعناد
طگات. شفگات. حدره الزلم لباد
شاهود. مشدود. بالسبحه صار اوتاد
الناس الاجته
ردهه بيمنته... الحيد
طراگاته تحله
من زغره الهه... تعويد
ثائر يعارج
الله اليبارج... الايد
يهابونه يهابونه
يهابونه الكافل يخيعونه
يخيعونه الشارد يخيعونه
_____
محصون. مَعجون. من طينة الكرار
شراس. عباس. يسمونه راسه الحار
سقاي. حماي. للخيمه فّي اندار
الماي بجبينه
نازل ل عينه... نگاط
شاهينه طاير
عالي المناير... ماحاط
بعيونه شلهه
حارگ زلمهه... شعوااط
گفه الخيمه گفه الخيمه
گفه الخيمه مبلل نهر يابس
نهر يابس جابه نهر يابس
_____
مرهون. للعون. لزينب حماة الطول
براق. حراق. الشايف خدرها يكول
تعويد. ماهيد. بالعرگه زودي يجول
حلگ الشماته
داير لهاته... الفوگ
رگب الركبهه
بسيفه نحرهه... اعثوگ
شيخ الطلابه
والكتره جاب... حگوگ
حجه حجايه حجه حجايه
حجه حجايه وسكتت الاكباله
الاكباله اندثرت الاكباله
#تمت
#عباس_القلعاوي
#دعم_مؤسسة_منبريون_الحسينية_رقم1
#ملاحظة الدعم 3 ساعات وينمسح من القناة ذمة
للاشتراك بالدعم @ahmed_alziwar0
┅┅┅┅ـ🌸🕊🕊๘✿ৡ┅┈┈
1/الشاعر زيد الفحام/7k
@zaidzai
2/قصائد وألحان منبريه 7k
@Amabeha5533
3/فضائل امير المؤمنين 6k
@FAL_AMEER
4/الشاعرة تبارك العفراوي
@vckvdjdjf
5/قصائد زنجيل 3k
@zngel1441
6/الشاعرة أسيرة الأحزان 3k
@gddaogt
7/مدرسة الزهراء(ع)لتعليم الخطابه3k
@WWWasela33
8/ام ابيها لنشر القصائد 3k
@noorAlhseenn
9/خطباء المنبر الحسيني 3k
@manbarhoysayne1
10/الشاعرة ام علي الساعدي3k
@tteef
11/تعليم خطابة ولطم3k
@WWWasela33
12/الشاعر امجد الشطري 3k
@oydgh
13/الرادود مسلم المطيري1k
@sheia
14/لاحياة بلا حسين لنشر القصائد2k
@asaadshaker
15/في رحاب الحسين لنشر القصائد/2k
@Alphadli
16/الشاعر لقمان البدران /2k
@lukmanbdran1970
17/الشاعر أحمد الخفاجي2k
@jzlaf
18/بستان الألحان الحسينية لنشر 2k
@alaa66klf
19/الشاعر خالد ألبديري /2k
@khaledALBoudare
20/الُحُانَ الرادود علي الشاوي 2k
@agfjklou
21/اشعار وقصائد حسينية2k
@hseana
22/الشاعر سيد زيد الفحام للمواليد 2k
@zaidzai11
23/آلّشآعرهً آلــــّ؏ــلّويِـــــه آلّمٌوسويِــــۿ2k
@alweyaamosaweyarrrr2626
24/شاعرات الطف 2k
@ya_katealkafen
25/لشاعره ام ياسين الساعدي 2k
@yasminmkhgh
26/تعليم مقامات والاطوار الحسينيه2K
@sueiirit
27/الشاعرة أم رائد /2k
@fhgfhjvd
28/الشاعرة ام احمد البصراوية 2k
@raehinah
29/الشاعرة رغد البهادلي 2k
@Ragadalbhadley
30/الشاعر احمد الخفاجي2k
@jzlaf
31/الشاعر فالح العامري
@falehalameri
32/الشاعر حيدر عيسى البديري /1k
@haederh
33/
34/الشاعر زين لعابدين العيساوي 1k
@ZainIssawi
35/ديوان الإمام المهدي عج 1k
@kairallahhlfi
36/الشاعر كرار اللامي1k
@krrllmy313
37/الشاعر ناجي ابو كيان الصالحي 2k
@qwertyuuip
38/الشاعر سيد رياض الرسل الجابري 1k
@alral1961
39/الشاعر السيد احمد الميالي1k
@Ahmedalmaialy
40/الشاعر علي محسن الفرطوسي1k
@AliAlFartusi
41/الشاعر حسن لعيبي الحريشاوي1k
@a3lei
42/ قمر الحسين 1k
@kmrrr
43/الشاعر عماد محمد الدراجي
@Emad_Al_Daraji
44/الشاعر سيد فليح الموسوي1k
@AbuhassanAlmusawi2007
45/الشاعرة بنت الاشتر 1k
@drgasa
46/الشاعرة ام زهراء الكعبي 1k
@sharayTAhelAlbeat
47/الشاعره ذكرى الخفاف1k
@zikrakhaffaf
48/الشآعـرهَ سُهـيِله حـسـيـِن 1k
@moohamd1963
49/الشاعر سيد حامد النعيمي 1k
@sayedhamid9
50/ألحان الرادود مصطفى الكربلائي 1k
@mllemustafa
51/ قناة الشاعرة صديقة الهلالي 1k
@hsvni
52/قصائد عاشور (عذاب السبي)1k
@amjoodx001
53/اشعار وقصائد حسينية2k
@hseana
54/الشاعر مجيد عبد الرضا القريشي1k
@MajeedAlquraishi
55/الشاعره الحسينية طيف الساعدي 1k
@tteef
56/الشاعرة ازهار جبار الجياشي
@xcrhyhvfewfhjkbqhj
57/خادمة السيدة رقية بنت الحسين ع
@ssrgk
58/الشاعرة ام حيدر الحمزة الطائي1k
@aseel1278
59/الشاعرة العلوية ام كنان الهاشمي1k
@yazaynae
60/الشاعره ام صادق المنصوري
@HOWEIY
61/الشاعر جعفر الطائي1k
@ggggyyyii
62/القصاید المکتوبه للرادودين حسن الصالحي و محمد الجنابي 1k
@alradodeinpoems
63/الناشر غيث اللامي 1k
@geath1995
64/الشاعر عزيز الفيصلي1k
@azizalfesli
65/قصائد اهات اللعليلة ع
@dgegrh
66/
67/القران الكريم من النجف1k
@tilaawtmenalngf
68/الشاعر ميرزا محمد الساعدي1k
@MullaMohammadAlsaedy
79/ الحان ابو ادم
@hyuiooppp0
80/الشاعرة ام امنه
@omamenai2016
81/قناة خاص النعي
@ashaghalhossein4
82/الناشر مهدي الكعبي
@mehdialkabii
الشاعرة ام عدنان سياحي
@ALMOLAUEOMADNAN
للاشتراك في ليسته
القنوات الدينية الملتزمة فقط
1k فما فوق
التواصل مع الناشــر احمــد الــزوار
@Ahmed_alziwar0
مؤسسة منبريون لنشر القصائد المنبرية
/channel/ahmed_alziwar2
أنا أتشارك 'هواي جروح بيه رقيه' معك
Читать полностью…
شهادة السيده رقيه
.واسئلكم الدعاء
.
.
من زمان .. ما گـتلك يابويه شلونك
.. ومابستك مابين عيونك
فارگتك من يوم العاشر
اســئل ويگلولي مسافر
من زمان
*
ان چان ماتعرفني ياهــي ورايــد اتناشد عليه
انـه شــريـــان البـــگــلبك انــه يابــويه رقــيه
چان ثلث اسنين عمري ومن عفتني صار ميه
تغيرت مـــن يــوم حطو حــبل يابــويه بـأديه
بالطريق .. تمنيتك حاضر يالغالي
.. حــاديهــم لــوع دلالي
ايگلي طشرنا بالحافر
اسئل ويگلولي مسافر
من زمان
*
بويه من جابـولي راسـك قــررت ابدي الزياره
دنگـت ردت انه ابوسه حتى گلبي يطفى ناره
شفت وجهك يابس اعليه دمه بالعـاشر تجاره
دورت لنــهـــا جبهـــتــك شاجــيه بالحـجاره
ياحرام .. متــغير منــظر سجداتك
.. وبالدم مصبوغه وجناتك
مروتك بويه بيك شصاير
اســئل ويگــلولي مــسافر
من زمان
*
رايده اشكيـــلك يبويه عالضرب والسوط والجر
وعالشماته وعالاذيه وعالشمس والعـطش والحر
بالدرب ابتلي بلــوه وداعــتك لو جـــدمي يعــثر
اتگطع السوط اعله متني چي گلت ياجد يحيدر
من بچيت .. دمعــاتـچ گالــو مــمنوعه
.. يابنت المهشومه اضلوعه
الوادم ليش اعليه اتشامر
اســئل ويگــلولي امسافر
من زمان
*
صارلي اچم يوم بويه ابفي حنانك ليشم ماحس
يالچنت من فيض عطــفك دنيــتي حــنيه تارس
بويه اخــر مره شفــتك چــان ثــغرك حيل يابس
مــن وراها مابــقــالي اوداعــتك بالــماي واهــس
من ضميت .. الدنيه خلافك صارت صحره
.. ودلالي اصــبح عــگبك جمره
شگد هل لخلافك هالناظر
اسئــل ويگــلولي مـسافر
من زمان
*
انـه يومــيه اتانــي گاعــده ابــاب الخـرابه
مثــل المتيــه يبــويـه لاعــمــام اولا كــرابه
من عكب ذاك دلالك گـمت انام اعله الترابه
عمري يم راسك يـبويه ينتهي بلكت عذابه
شكد تنيت .. يم راسك تخلص ايامي
.. وداعت دلالك يالضامي
مابيه من ابـقى الــباچر
اسئل ويگلولي امسافر
من زمان
*
حيدر تركي الكربلائي