الشاعر رائد الاسدي

05 Jul 2023 15:47

قصيدة بحق القاسم عليه السلام

يا جسام بدر التام نايم وين
حاچي امك يا عريس
=======================
چنت احسب الايام يبني وتانيك
وشكَد تعبت اعليك من جنت اربيك
لجلك سهــرت الليل يايمة اباريك
افرشــلك الــدلال وبروحي اغطيك
عدي حساب توصل شاب كلبي انصاب
حاچي امك يا عريس
=========================
يبني بوداع الموت من ودعتني
وياك اخذت الروح من عدي يبني
وشكَد صحت جسام وياك اخذني
للحسرة والاهات يبني تركتني
دوم اتنوح يبني الروح يامذبوح
حاچي امك ياعريس
=====================
يا شـــمعة البالبيت طفاها دهري
چندوب اكَل للروح ياروحي اصبري
بعرسك شعلت شموع شمعاتة عمري
اتمنى كون وياك يايمة كَبري
حنيناك من دماك فك عيناك
حاچي امك ياعريس
========================
عنك خذوني الگوم مچتوفة بحبال
عكَبك يبعد الروح تحدينا ألأنذال
راسك ترفعة ارماح جدامي ينشال
ون ألأونة عليك متحملة الجبال
طول الليل دمعي يسيل ماظل حيل
حاچي امك ياعريس
’’’’’’’’’’’’’’’’’’’’’’’’’’’’’’’’’’’’’’’’’’’’’’’’’’’’’’’’’’’’’’
لو چل سواد الليل يشتد ونيني
لجري الدمع للموت واعميها عيني
كلما اشوفن شاب يكثر حنيني
وابقة انتظر جسام هلبت تجيني
ليل انهار باب الدار كلبي احتار
حاچي امك ياعريس
’’’’’’’’’’’’’’’’’’’’’’’’’’’’’’’’’’’’’’’’’’’’’’’’’’’’’’’
لو ترجع ألأيام يبني ولاكَيك
اشكي هظم فركَاك وابچي وابچيك
مرني ولو بالطيف مشتاكَة انة ليك
بهدومك اطلع دوم يبني وحاچيك
بس گبور كَمنة نزور دنيا ادور
حاچي امك ياعريس
========================
أسالكم الدعاء رائــــــد الاســــــدي

الشاعر رائد الاسدي

05 Jul 2023 15:46

نزال بحق القاسم عليه السلام


يلله شدوا حزامكم يخواني
الحســــن هاليوم بي وصاني
------------------------------------------------
احنا ولد حسين مو بس الحسن
هوة ابونا ابــيوم صابانة الزمن
اليوم رد الديـن ميهمنا الثــــمن
فــــدوة هــــاي الـروح للـرباني
------------------------------------------------
فدوة هاي الـــروح للــــيسواها
الموت شنهي الموت ما هماها
والدي بالمــــــوت ظل يقراها
وصـيتي بحــــسين يــوم يعاني
------------------------------------------------
وصـيتي بحســين يوم الوحدة
بوية يا جــــسام كون اتــــساندة
الحسن موجــود بيك ايشاهدة
خــــلة يرجعلة الحسن من ثاني
------------------------------------------------
خلة يرجعلة الحـــــسن للــمعركة
بحيل صدرك زيح كَوم المُشركة
واكَبل اعلى الموت سنك ظاحكة
يبــــــني يا جســــام انــتة امچاني
------------------------------------------------
يبني يا جــــسام انــتة واخــــوتك
كون فــــدوة تصــــير لايد الربــتك
انة عد عينك يــــبوية وضــــنوتك
المــوت دون حــــــسين ما هماني
-------------------------------------------
الموت دون حسين عندي الغاية
وصار احلى من الــشهد بهواية
احــــنا هذا اليــــــوم بي وفـاية
بالــــــشهادة وياه اجـلي احزاني
-----------------------------------------
بالشهادة وياه اجلي هــمومي
انة هذا اليــــوم اصبـــح يومي
للبقيع بـــــساع وصلوا علومي
شســــوت بطف كربلة ذرعاني
-----------------------------------------
شــسوت بطف كــربلة چفيني
جيوش ترهب ما تجي تلاكيني
بــــوية اظن وفيت هـسة بديني
غاد يــــم جـدي الوعـد تــلكَاني
======================
أسالكم الدعاء رائد الاسدي

الشاعر رائد الاسدي

05 Jul 2023 15:45

مجموعة قصائد القاسم عليه السلام
👇👇👇👇👇

الشاعر رائد الاسدي

03 Jul 2023 20:13

الانصار
____
خيرةُ اللهِ اســـــــيرُ الكُربِ
كُلُنا اليومَ فداءٌ للحُسين
______________
هبت الانــــــــــصارُ فُرسانُ الوغىٰ
فأبادوا الجيشَ في طرفةِ عين
________
انهم قــــــــــومٌ لدُنــــــــــيا طلقــــوا
رغبةً في أُخرى دار المتـقين
--------------------------
كالليوثِ اقــــــــبلوا في منظرٍ
يرهبُ القومَ يسرُ الطاهرين
_________________
ننصرُ الحقَ واصحاب التُقىٰ
اننا الـــــــــيومَ اتيـــــــنا ثائـــــــــرين
________________
اشوسٌ اقعسُ كان صامداً
هكذا كانوا جميعَ الناصرين
_______________
جاءَ للطفِ حبــــــــيبٌ مُـــسرعاً
شاهراً سيف المنونِ لا يلــــين
______________
ثم عابسْ وبــــــــريرٌ اقـــــبلوا
مَلكُ الموتِ لهم جاء قرين
________________
نضربُ الاعناقَ لانخشى الردىٰ
نادىٰ جونٌ ثم نادوا اجمعـــــــين
_____________
جاءَ هفهافٌ وحُــــــرٌ و وهــــــــب
مُسلمٌ بالموتِ اوصىٰ بالحسين
_________________
دارت الحــــــربُ رحا مُعلـــــــــــنةً
نصرُ دمٍ ضد سيف الظالمين
__________________
كانــــوا نيفاً معَ سبعــــين اتـــــــــوا
ينصرونَ الدينَ جاءوا معلنين
_______________
آخرُ القومِ ســـــويدُ الخثعمي
خرَ مَلقياً على الارضِ طعين
______________
واعتلىٰ صــــــــوتُ المُنادي قائلاً
قد قتلنا الليثَ فلنسبي العرين
______________
وسويدٌ كان حــــياً لم يزل
قاتلَ ثم قُتلْ يامؤمنـــــــين
_______________
أسالكم الدعاء رائد الاسدي

الشاعر رائد الاسدي

03 Jul 2023 20:10

قصيدة بحق الانصار


عاهـدنا الله وعاهدناك نعـيش انموت انظل وياك
نتاني الموت ومتحظرين شتفيد الدنيا ابلا حسين
------------------------------------------------------------
انصارك يحسين وتدري كَـول وافعـال
من ننزل باچــر للحومة مـــثل الزلـزال
نتسابكَ عالموت مسابكَ تعـرفنا ارجال
باچر نوفي وياك ونصبح مظرب الامثال
للميدان ابيـوم نفـوت نتونس بملاگة الموت
من نطي الروح مقصرين شتفيد الدنيا ابلا حسين
--------------------------------------------------
بحبك لو متنا ونتكَــطع مرة ومـــــرات
ما نتنازل ما نتراجــــع للذل هيــــهات
الميت يحــسين بحبك عايـــش ما مات
التاريخ انريدة ايسجل يكتب صفحات
وياك لكَطع الانفـــاس انصـارك مرفوعة الراس
نموت وياكم متمنين شتفيد الدنيا ابلا حسين
----------------------------------------------------
لجل الموت الكل متلـــهفة رخصة ايريدون
يحسين انــــصارك تتمنة وياك يمـــــوتون
الله اختار ليـومك صفوة ما منها يــــكون
عابس هام بحبك واصبح بالطف مجـــنون
ذب السيف ودرعة وياه اطـــبر ما صــاح احاه
حبك خلانة امجانين شتفيد الدنيا ابلا حسين
------------------------------------------------
طلكَنة الدنيا ومانهتم اوفاية اعهود
بالدم وقعنا وعاهدنا رب المعبود
يحسين ولجلك قررنا بالروح انجود
انت آمر وعلينا انفذ كل احنا جنود
الحر نافع مسلم جون يفدون الروح ايريدون
وعد الحر من يوعد دين شتفيد الدنيا ابلا حسين
----------------------------------------------
يحسين وحبك علمنا بالحب انذوب
نفدي الروح ومانتندم لجل المحبوب
عايش بالروح انتة ويانه بالدم مكتوب
لجلك فوكَ دروع العدنا حطينة كَلوب
انصارك وبعينك شوف ما نعرف شنهوة الخوف
لهذا اليوم انتاني سنين شتفيد الدنيا ابلا حسين
-----------------------------------------------
انريد انسجل بالطف موقف نتفاخر بيه
اليوهب للخالق كل عمرة الله ايجازيه
لوجه الله وحبك ظحينا والدم نفديه
يارب اتقبل من عــــدنا وذخر اتخليه
بالمحشر يوم النلكَاك يارب اتنجينا هناك
قربان الروح مقدمين شتفيد الدنيا ابلا حسين
-----------------------------------------------
أسألكم الدعاء رائد الاسدي

الشاعر رائد الاسدي

03 Jul 2023 20:05

شدوا الحزم شدوا الحيل نطلع مثل نجم سهيل
انصارك وتحت الامر انراويهم نجوم الظهر
شدوا الحزم شدوا الحيل
----------------------------------------------
كل فرد منهم سل حسامة ونادة
مـــــو مــــرة نُقتل لو الف وزيادة
كل احنه فدوة انروح لجل السادة
شان العبد مخلص يظل لسيادة
فدوة العمر لجل حسين امرك على الراس وعين
انشمر سواعدنا السمر انراويهم نجوم الظهر
--------------------------------------------------
اتحزم حبيــب وللحرب شال لواه
مـــــيدانه هذا وماكو زلمه اللاكاه
الاســـــدي چنه الاسد طب عداه
والجيش ما يعرف يمنته ويسراه
ما سامع ابطاري الخوف صف الزلم بيدة صفوف
ماينفع وياهم صبر انراويهم نجوم الظهر
----------------------------------------------------
كل الانصار اتحاشمـــوا اهل الزود
غيرة وشهامة وبالوفة ماكو حدود
نافع برير وعابس ابروحة ايجــود
ذب الدرع والطاس ما هاب حشود
مجنون اظل حد الموت خل تسمع عداي الصوت
شوگي الك يچوي الجمر انراويهم نجوم الظهر
----------------------------------------------
مسلم حمل واتوادع وي الخــوان
جون وزهير اتحاشموا للمـــــيدان
ما يملك اعصابة وهب طب غظبان
وامه وراه اتحمشة اعله العــدوان
لا ترجع وافدي الروح لبن النبي فدوة اتروح
يا يمه ابشري ابهالامر انراويهم نجوم الظهر
---------------------------------------------
الحر الرياحي بگومة فارس مقدام
واسلم التركي بيدة شال الصمصام
اتحزم زهـــير وظربتة اتطير الهام
شوذب تحظر للحـــرب شد احزام
ابدربك يبو اليمه انسير اعذرنا عن اي تقصير
يحسين الك فدوة العمر انراويهم نجوم الظهر
-------------------------------------------
گطعوا عهد ويه الحُسين الانصار
ما نـــــرضى بالذل لا ابد لا بالعار
ظربوا مثل باعـــظم صور للايثار
لا عن طمع بالجـنة لا خوف النار
نطي النفس لجل الله ودين النبي ايرف لواه
ما نرجع بغير النصر انراويهم نجوم الظهر
******
اسالكم الدعاء رائد الاسدي

الشاعر رائد الاسدي

24 Jun 2023 19:02

زلزال طكَ الكوفة والجيش مات بخوفة
مسلم حمل والكَوم صارت طشار
----------------------------------------------
ماجــت الكَاع وما نعــــــرف شبيها
الكوفة انطبكَ سافلها وي عاليها
مــــــثل النهــــــر صار الدمة جاريها
هاي الزلم بس ماكو روس عليها
شي عالسطوح انشمرت شي عالارض ونسحكَت
شي تركض من الخوف ماتدري اشصار
مــــــسلم حــــــــمل والكَــــوم صارت طــــشار
------------------------------------------------
صاح وكَلبها اعلى الاعادي كوفان
من يزمخ عليهم يــــــــطر الحيطان
تتــــلبد بــــــــسد الحــــــريم الشجعان
تتغــــــشة بشــــيلها وتصيح نسوان
حملات حيدر چنة بس لا علي رد النة
تشبه علي لو انته نفــــــــــــسة الكرار
مسلم حمل والكَــوم صارت طشار
------------------------------------------------
صارت هلاهــــــــــل ما نعرف العلة
ويركض الجيش ولا درب يندلة
بــــس زلمة واكف والمرة اتهلهلة
حيهم يمسلم صاحت وتندهلة
بالسيف طب عليهم وموت الحمر راويهم
واكَلب الكَاع وخلي بــــــيهم تــــذكار
مسلم حمل والكَــــــوم صارت طشار
------------------------------------------------
صارت عجاج واظــــلمت چــــــنها الليل
خــــــــلاها تتــــــرادم زلــــــم وي الخــــــــــيل
شي دكَت البــــــيبان وتصـــيح ادخــــيل
شي تزحف اعلى الكَاع ودماها تسيل
حياك صاحت طوعة خل رايتك مرفوعة
شمرت علي ياحيــــد ما ترضه بعار
مسلم حمل والكَــــوم صارت طشار
------------------------------------------------
يهل الغــــــدر وين المفر مني لــوين
شـــركَ وغرب اكَلبها بيكم صــوبين
ما عــــدكم انــــــسانية لا عـدكم دين
الودت كتبها اليوم اكَصها الايدين
الكوفة اهوس بيها وجيوش امية اكَضيها
وين العرب هيچ ايتجازة الخطار
مسلم حمل والكَوم صارت طشار
------------------------------------------------
من مدرسة حــــيدر علي الكم جــــــيت
بــــــيها اعلى طــيب اخلاق انة اتربيت
شنهي الجنيته وليش هيچ اتجازيت
عـــــدكم نــوايح راح اخلي بكل بــــيت
المــــوت ما اهتــــملة وهــــيهات منا الذلة
خل يــــنقل التاريخ عــــني الاخبار
مسلم حمل والكَوم صارت طشار

أسالكم الدعاء رائد الاسدي

الشاعر رائد الاسدي

24 Jun 2023 19:01

قصيدة بحق مسلم ابن عقيل عليه السلام عن ابنته حميدة جديد محرم ١٤٤٢ هـ


احا يالابو فـــركَاه بالــــدلال تچـــويــــني
نايم بالكَبر ويلاه يا بوية عمت عيني
_________________________
يافكَـــــد الابـــــــو يا نــــــاس لب حــــشاي يچويها
فاركَــــــــني العــــزيز وغاب روحة تراب غاطيها
رسومك بالـــــــتراب الحار غيــيــــــر كل معانيها
حميدة بنيتك تحاچيك يمسلم ما تحاچيها
يالــــمالك مـــــثل بالـــــناس ترضة الكَوم توليني
_____________________
يا وسفة والف ياحيف بعيدة المگبرة علية
لونــن وانحب لفـــركَاك ما دام النفــــــس بية
من بعـــد الابـــــو لو راح الله يعــــــــين البنية
يتيمة مسلم اتسميت ادورلي اعله حنية
عمامي وكل هاي ميتن ما واحد يباريني
_________________
ياحـــــسرة غــــــــــــيابك آه ياخيمة وعمـــــود البيت
موحش من اهد فركَاك بوية لشوفك اشتاكَيت
مدري اشلون الية روح يغالي لوحــــدي ظليــت
من بعد السبي والظيم وحيدة بلا اهل رديت
اخذ روحي بعجل ياموت چا المن امخليني
__________________________
ادورة بكل كتر بالبيت واشم ابريحت اهدومة
اون اودمعــــــــــتي بالعـــين علــــيه الروح مالومة
الينحب لجل ابوه وينوح ليش الوادم اتلومة
شلون انسه وابطل ونين وابوي اگبالي رسومة
لبچيلك نهار وليل بالهم تخلص سنيني
____________________________
انكَطلك بيـــــدية الماي واغمض بيدي عيونك
تمنيت ولچن ياحيف مدري ابموتك شلونك
يگلول بحبل مشدود من رجلك يجرونك
ياوســـــفة الزمن غدار اهلك ما يشيعونك
غريب لوحدك مدفون انوح وزايد ونيني
_______________________

أسالكم الدعاء رائد الاسدي

الشاعر رائد الاسدي

24 Jun 2023 19:01

قصيدة نزال بحق مسلم ابن عقيل عليه السلام


وية مسلم لو حظرعباسها
چا الكوفة اختنكَت ابانفاسها
------------------------------------------------
مسلم وعباس لو حظروا ســـــوة
اعلى الزلم من خوفهة ايظع الهوة
وابو فاضل سيفة من دمهم روة
وجا برجلة جيوش امية داسها
-----------------------------------------------
مسلم وعباس تربيت الــــــــولي
وهالشجاعة كلها من حيدر علي
من يطبون العساكر تبتـــــــــلي
كبار امية تشرد وحراســــــها
---------------------------------------------
مسلم وعباس لو متجمعــــــــــــين
للرچاب ايصير دم الظالمــــــين
وكَلبوا الكوفة بهلها اجمعـــــــــين
اتظل تدوس الخيل فوكَ ارجاسها
----------------------------------------------
مسلم وعباس ما هابوا خطر
بالحرب لوحطوا الظهر ابظـهر
اشما يصير الجيش الاف البشر
ما يهم اشما كثر مقياســــــــها
---------------------------------------
مسلم وعباس جــــيش لوحدة
لو حمل واحد الثانـــي ايساندة
شلون لو طــبوا تكَابـــلهم عدة
عروش امية تنهدم من ساسها
----------------------------------------
مسلم وعباس للشدة ظـــــخر
حزام ظهر حسين بيهم يفتخر
العمر لجل الدين نذرولة نـذر
وراية الاسلام محد جاســها
-----------------------------------------
مسلم وعباس وفوا بالعهـد
بالبشر بالكون مامنهم احــد
ظل ذكر هم دوم خالد للابد
تاج للامة وبقوا نوماســها
--------------------------------------------
مسلم وعباس كتبوا عالــسنين
احنة فدوة انروح بس يبقى الحسين
نفدي لجلة الروح احنا امعاهـدين
ولجلة فدوة الدنيا هية وناســـــها
------------------ ------------------
أسألكم الدعاء رائد الاسدي

الشاعر رائد الاسدي

24 Jun 2023 19:00

قصيدة بحق مسلم ابن عقيل


ويلاه ويلاه   مسلم ويلي ويلاه
ويلاه ويلاه   يا غربتة ويلاه
بالكوفة مغدور   كل سچة مجرور
ويلاه ويلاه   مسلم ويلي ويلاه
====================
اهل النفاق اهل الغدر   ما رعت حالة ورحمتة
وحدة بلا ناصر طلع   والكوفة طلعت غدرتة
مسلم رسول ابن النبي  حاير وحيد ابحيرتة
كل ميت وحرمة الة   واكرامة لازم دفنتة
مظلوم مظلوم   صعبة الحالة مظلوم
مظلوم مظلوم   يا حسافة مظلوم
خيل العدة ادور    كل سچة مجرور
ويلاه ويلاه   مسلم ويلي ويلاه
========================
عن الله هادينا ذكر   كل جثة لازم تندفن
التمثيل بالميت نهى  عنة رسول الله بحزن
مسلم يجرونة بحبل  وخصمة فلا رفلة جفن
جسمة تهشم ونكسر  مليان ظربات وطعن
مهشوم مهشوم    صدرة وراسة مهشوم
مهشوم مهشوم   جسمة كلة مهشوم
طعنات وكسور    كل سچة مجرور
=======================
اشگد ظلم واشگد حقد   ما واحد الگلبة انكسر
مو لجل الإسلام وعرب   رحموه من اجل البشر
مچتوف ودمومة تصب   يرتطم جسمة بكل حجر
هاني اوية مسلم بالحبل  محد يواسيهم حظر
بهداي بهداي   شوية رحمة بهداي
بهداي بهداي   يالتجرة بهداي
اللحم منثور    كل سچة مجرور
=======================
تتفرج الناس اطلعت   لا مسلم البيهم اضن
مسلم غريب ابهالبلد   والكوفة حاسبها وطن
يالخنتوا من گبلة علي   اليوم ينعاد الزمن
انتم اهل مكر وغدر   واهل المصايب والفتن
خانوه  خانوه   اهل الكوفة خانوه
خانوه  خانوه   يا هضيمة خانوه
بي خصمة مسرور  كل سچة مجرور
========================
بس طوعة ظلت تنتحب   صوب المدينة اتوجهت
يهل الغريب اتحاشموا   للكوفة افزعولة نخت
بعيدين عنها وما دروا    ما وصل صوت الحشمت
لا تگدر وتفزع صعب   بيا سچة راحوا تيهت
بونين بونين   بس تنادي بونين
بونين بونين   يا عمامة بونين
ما تگدر اتثور    كل سچة مجرور
=======================
أسالكم الدعاء رائد الاسدي

الشاعر رائد الاسدي

24 Jun 2023 18:56

هنا في الأعلى يوجد مجموعة قصائد بحق العليلة ٩ قصائد 👆👆👆

الشاعر رائد الاسدي

24 Jun 2023 13:53

❉❉❉❉❉❉❉﷽❉❉❉❉❉❉❉
لسـتة #دعم_مؤسسة_منبريون_الحسينية🌻.
#التثبــيت_سـاعـه
#الحــــــــــذف بـعـــد نشر اللسـتـةّ بـ4  سـا؏ـات
� غَـير مبري الـذمـةّ ٲمـام الله ڪـل من يـحذف البــوت دون ؏ـلمنا
استقبل 300عضو فما فوق
━━━━━━━━━━━━━━━
للإشـــتِـراك 👇🏻.

التواصل مع  @ahmed_alziwar0

قناة خاصة بتلحين القصائد

/channel/+PZwpTt2HLXcvUQZh

------------------------------------------------------

1/الشاعر احسان الحميداوي
@ahssan313
2/الشاعر حسين لؤي العتابي
@Hussein110033
3/الشاعر جعفر عطية البزوني
@Jaffarattea
4/الشاعر هادي السلامي الكاظمي
@hadialsa
5/الشاعر السيد علي الكربلائي
@alialmoosawe
6/الشاعر هادي الساعدي
@had_jaa
7/الشاعر علی جباري
@damethezen
8/الشاعر محمد الجوراني
@algorane
9/الشاعر الحسيني علي مظلوم
@Aljnahe
10/الشاعر  سيد سعد الفحام
@saidsaad11
الشاعر محسن الجنابي
@mhsui
الشاعر امير السعيدي
@dhjgdsswfgh
الشاعر محمد الجوراني
@algorane
الشاعر نسيم الحميداوي
@NasimAlhamdawi
الشاعر رياض الرسل الجابري
@narjskaton
الشاعر مهند الدريساوي
@Alfoatm9
الشاعر ذو الفقار الزيدي
@dhwlfqr
الشاعر ضرغام الجابري
@hususn1
الشاعر جبار عبد الزهرة
@ALshoely12
الشاعرة نور الهدى الشويلي
@lIAUAlI
الشاعر ام رائد زوين للمواليد
@noor93s
الشاعر سيد محسن الجابري
@saedmohsenjabere
الشاعرة ايمان الزهيري
@Emaanelzharii
الشاعرة العلويه ام حسين الحسيني
@OmHussinAlHassani
الشاعرة ام حوراء البركاوي
@qwerrtt76
الشاعر محمد المشعلاوي
@Mohammed_almassl
الشاعر علي موفق القزاز
@alimwafaq94
الشاعرة الملا جنات الحسناوي
@dchhtg
الشاعر علي خيري العبادي
@AliAliAlabady
الشاعرة ام قاسم الشمري
@hhgtfc
الشاعر ابو اسحاق الفحام
@aboashik
الشاعر عقيل الكاظمي
@alshaeraqeelalkadhmi
الشاعر والرادود سيد محمد الموسوي
@sadmhamd
الشاعرة ام وسام
@Ali45445
الشاعر علي النائلي
@Ali_Anaily000
الشاعر جبار عبد الزهره الشويلي
@ALshoely12
الشاعرة ام زينب الواسطي
@Fatimids89
الشاعرة ام حسين المحمداوي
@aaaadrfqe
مريم العبودي
@dtyruFteRqejkvuccdsqiopkm
الشاعر علي الاحسائي
@ehhhnb
الشاعر ابواياد البيجاوي
@mhsn1955
الشاعره ام نور الميسانيه
@Aleulawiuhamnuwr
الشاعرة ام محمد باقر الفحام
@yamahdy4444
الشاعرة ام مصطفى الاسدي
@jgapun
الشاعرة الحاجة ام محمد الكناني
@ALHUSSEN_M
شاعرات العترة
@ttrre
الشاعرة ام روكان الشمــــــريه
@eimahde
الشاعرة ام سيف الزبيدي
@RR775
الشاعر ذو الفقار الزبيدي
@dhwlfqr
الشاعر عمار الساعدي
@Amaar37
الشاعر علي عباس العيساوي
@aliashghinah2
الشاعر عباس فاضل الشمري
@abbas_daher
الشاعر جعفر البديري
@jifrrham
الشاعر علي صيوان التميمي
@alisaioan
الشاعر ابو عقيل الناصري
@aa_ad9
الشاعر أنور السباهي
@Anwernaser
الشاعر اسعد قاسم االكريعاوي
@asaad8417
الشاعر سجاد جاسم الفرطوسي
@sajadjasimAlfartosy
الشاعر عباس فاضل القسام
@olpkp
الشاعر محمد الساعدي
@qwqqed
الشاعر علي الزاملي
@Ailast
الشاعر علي ياسين اللامي
@Aliyaseen8
الشاعرة ام زهراء الكعبي
@omzahraaalkibe
الشاعر كرار الغزي
@karrarr999
الشاعر خالد مسلم الحلفي
@kaledalhalfi
الشاعر محمد مسلم الاسدي
@mohmed_moslem
الشاعر حسين الخزعلي
@ch2Hs
الشاعر عمر العارضي
@hpp_50
الشاعر فالح العامري للمواليد
@falehalameri111
الشاعر والرادود سيد علي الحسيني
@Aliodaae
الشاعر رائد الاسدي
@raedalasady
عباس العبودي الواسطي
@Alabbodi
ديوان المنظورات الكربلائي
@KazemManzourAlkarbalaei
الشاعر علي مهودر الحمراني
@Alhmrane
الشاعر علي قصي الركابي
@Qusayalr
صرخة العقيلة
@zhrhzahraa
الشاعر مصطفى النائلي
@wwaspqtt
الشاعر سيد محسن الجابري
@saedmohsenjabere
الشاعر والرادود عبدالباسط الخزاعي
@abdolbasot_alkhazaei
الشاعر سيد محمد السعبري
@ashggjd
الشاعرة ام علي المالكي
@cdeut
الشاعر حسين الباوي
@Abuas994
الشاعر عمار الفاطمي
@kadeemalzhraa
الشاعر احمد الحيدري
@a_alhaideri
الشاعر عباس الشويلي
@jhfdryhdsf
الشاعرة ام زهراء الكعبي
@omzahraaalkibe
الشاعر حسن غانم العبادي
@hassanalabadi33
الشاعرة ام سيف الزبيدي
@RR775
الشاعرة طالبة الزهراء ( ع)
@sultan_zman
الشاعر السيد محمد الموسوي
@qwertyuiopasdfghjklasdfbnm
الشاعرة ام الحسن  الزيدي
@umalhasn
لوعة رقية
@loahroqaiah
الشاعرة هالي نور
@gftergr
الشاعر عباس محمد الحميداوي
@qs3qw
الرادود ابو سجاد الجعفري
@abosajadaljafre
قصائد زنجيل
@alhusseinabaabdlah
الشاعر ذو الققار الخفاجي
@zfk313
الشاعر كرار الزهيري
@uyyrew
عباس محمد الحميداوي
@qs3qw
الشاعر ابو سجاد الجنابي
@aljanabe313

الشاعر رائد الاسدي

21 Jun 2023 10:57

قًصّائدِ مٌحُرَمٌ مٌلُحُنَةِ


👇👇👇👇
/channel/+tVfRCNCfpmJlMGRi

الشاعر رائد الاسدي

18 Jun 2023 21:32

نزال بحق العليلة

طول ياليل ابوداع الغالي
خاف ما يرجع بعد للـتالي
----------------------------------------------
نور صبحك من يطر ياذي الكَلب
عـــني ابــــوي ايروح لديار الغـرب
ميتة كون اليوم ويطمني الترب
ليــــش بــــــــس انة اظل شــــــــمالي
------------------------------------------------
تحــــظرن كلهن خــــواتي وانة لا
واســــــمع يكَلن لبــونة اختنة چا
تكسر الخاطر زغيرة اعلى البلا
دمعة وفــــراكَ وســــكَم چــــتالي
-----------------------------------------------
آه ياليــــــل الهــــجر ليلك صعب
مرمرتــــني ونار كَلــــبي تلتهب
الدموع انهار من عيني تصب
كَامــــت ظنــــــوني تدور ابالي
------------------------------------------------
خاف حسرات الكَلب مايحتمل
حسرتي ظليت وحدي ابلا اهل
فوكَ دايي انوب حطيــتــوا علل
ما كســــر يالــــــيــــل كَلــــــبك حالي
------------------------------------------------
للصبح ما انام عيــــني مساهرة
من يصير وداع كَلبي شيجبرة
بيتي من يشــــيل يصبح مكَبرة
بــــــيه مدفــــونة بغــــــياب الوالي
------------------------------------------------
مايظل بي نور بس ليل العمر
عالــدلال معلــــمة مــــو عالهجر
بوية مــــن تروح احــفرلي كَبر
كَمــت اشوف الموت يتراولي
------------------------------------------------
ياعلي انــــــــخاك رجعها الشــــمس
خل يطول الليل محزونة النفس
من ابوي اتــــريد عيــــــني تنترس
مظــــــلم البيــــــت بغــــيابة وخالي
------------------------------------------------
خاف عني ايروح ويطول الامد
والزمان ايطــــــول وكَليبي انمرد
واكَعــــد اتــــرجاه مايــرجع بعــــــد
الــــدمع يالــــيل ظــــــــل يــــحلالي

أسالكم الدعاء رائد الاسدي

الشاعر رائد الاسدي

18 Jun 2023 21:31

قصيدة بحق فاطمة العليلة عن الامام الحسين عليهما السلام جديد محرم ١٤٤٢ هـ


يابناتــــــــــــي ..هاي اختچن من تكَلها ما تروح
يابناتــــــــــــي ..للسفر ماتكَدر وما بيها روح
السفر يصعب عليها ... ينكسر كَلبي ابچيها يابناتــــــــــــي -------------- يابناتــــــــــــي
------------------------------------------------
ليش جبتي هدوم بيدچ السفر مابــــيچ حـــــيلة
يا بناتي هاية اختــــــــچن الجدم كَوة تشـــــــــــيلة
كَلــــبي ما يطـــــيني اكَلها تكسر الخاطر عليلة
ياهي تنــــقل خبر عـــــني للحنينة بأي وسيلة
من تكَلها .. خل تظم دموعها لحد الرجوع
من تكَلها .. من يرد الظعن تحتاج الدموع
ياهي منچن تمشي ليها ينكسر كَلبي ابچيها
يابناتــــــــــــي -------------- يابناتــــــــــــي
___________________________
سكنة يا بوية الحنــينة فاطـــمة طلعت ورانه
تكَوم واطيح وتــــــنادي وحدي عفــــتوني انه
نور ابوي الچان ضاوي انطفة واظلم مچانه
ياسكيـــنة ردي لخــــــتچ هيجت كَلبي وحنانه
يا حنينة .. احچي وياها بلطف يم الحنان
يا حنينة .. يالخوات ابينچن طب الزمان
من البواچي سكتيها ينكسر كَلبي ابچيها
يابناتــــــــــــي -------------- يابناتــــــــــــي
________________________
يم كَلب مـــتروس رحمة بوية اسمعيني رقية
روحي يم اختچ حزينة نشفي دمعتها خطية
تحتـــركَ وتذوب شـــمعة زيدت حـــزني علــــــية
خاف اكَلها ما اردلــــــــــــچ بــــــــوية توفيها المنية
تعذريها .. من ترد للدار مكســــورة كَلب
تعذريها .. ما يرد هيهات لو سار الركب
انه وانتي ما نجيها ينكسر كَلبي ابچيها
يابناتــــــــــــي -------------- يابناتــــــــــــي
__________________________
بوية يا فاطمة الكبرى فاطمة ظلت حزينة
ويالهوة تتمايل اختچ تومي بيديها علينة
شما اصـــد بوية تنادي ريض شوية الظعينة
يالخذت مني ونستي وحشة خليت المدينة
يا فواطم .. هذا اخير وداع بـــــوية اتوادعن
يا فواطم .. ما حسبت حساب تصعد بالظعن
بوية اختچ رجعيها ينكسر كَلبي ابچيها
يابناتــــــــــــي -------------- يابناتــــــــــــي
____________________________
عاتكة بــــــوية ارد اكلفچ العلــــــــيلة روحي يمها
اتبدت اعله الكَاع دمعة من بعــــــــدنه من يلمها
چنها طير انكسر جنحه وحيدة لا انه ولا امها
روحي يبنـــيتي العزيزة خلي دمعـــــتها تظمها
لا تعاتب.. ينجرح كَلبي واحس دمعي انفظح
لا تعاتب .. ما شفه ويــــــطيب من كَلبه انجرح
بوية عني خبريها ينكسر كَلبي ابچيها
يابناتــــــــــــي -------------- يابناتــــــــــــي
___________________________

أسالكم الدعاء رائد الاسدي

الشاعر رائد الاسدي

05 Jul 2023 15:46

قصيدة شور بحق القاسم عليه السلام عن الامام الحسين عليه السلام جديد محرم ١٤٤٣

حطة اعله الصدر ويصيح يوليدي.. ياجسام يابوية
مكسور الـــظهر ويصيح يوليدي.. ياجسام يابوية
ابني وگرة عيوني ياجسام يابوية
بمصابك يفجعوني ياجسام يابوية
يا وسفة يبوية اتروح من ايدي
==========================
الحگني يعمي من اجاه الصوت... يا جسام يابوية
يعثر گام ساعة ساعة راد ايموت... ياجسام يابوية
كتالك اكتلة لو يطب بحوت... ياجسام يابوية
انت من الحسن سلوة ياجسام يابوية
راحت ريحتة الحلوة ياجسام يابوية
يا وسفة يبوية اتروح من ايدي
====================
يا شمعة شبابك يبني طفوها
ومن دمك چفوف ايديك حنوها
مفجوعة بمصابك رملة خلوها
تعجن حنتك ضنها
تاليها رحت عنها
يا وسفة يبوية اتروح من ايدي
======================
من نار العطش گلبك جمر يسعر
ومن فوكَ الضمة نار الشمس والحر
وبسيوف الاعادي طايح مطبر
شلون تحملت روحك
ضامي وتنزف جروحك
يا وسفة يبوية اتروح من ايدي
=====================
من اوصل الخيمة امك شگللها
وتشوفك جنازة ابيدي شايلها
احا يالولد فرگاه شيحملها
يا فگد الولد شدة
راح وما الة ردة
يا وسفة يبوية اتروح من ايدي
=====================
امك تنتظر وعيــــونها ربية
من اتشوف حالي الگامة محنية
خاف اتموت لو اجت عينها اعلية
امك حگها لو ماتت
مذبوح الولد شافت
يا وسفة يبوية اتروح من ايدي
====================

أسالكم الدعاء رائد الاسدي

الشاعر رائد الاسدي

05 Jul 2023 15:46

نزال بحق القاسم عليه السلام


وين سيفي ارد اطب لطفوفها
الة اكَلبهــــــا كَلاب اصفوفها
-----------------------------------------------
شنهي هاي الزلم هم تنــــعد زلــــم
بيدي ظهر اليدنة اجسمنا جــــسم
مني بس يسلم اليوم الينــــــــهزم
الشالت اسيوف انة اكَص اجفوفها
-----------------------------------------
شنهي عود انخاف كلكم فازعــين
انة ابوي الحسن والعم الحســــين
الناس لو تفزع علينا اجمعــــــين
هم نخليها ترد من خوفــــــــــها
------------------------------------------
امي رملة حزمتني للــــــــحرب
اليوم بالميدان اكَلبها كَـــــــــلب
سيفي ملك الموت ويلة اليقترب
اتفيض بالدم كربلة وجروفــها
---------------------------------------
انة وارثهة الشجاعة من هلـي
لو اطب الجيش بلوة يبتـــــلي
من اشيل السيف اندب ياعلي
جيوش امية تنكسر بألوفـــها
---------------------------------------
من شرار عيوني احركَها حركَ
كَلوبها من الخوف توكَف ماتدكَ
اليوم اشكَ اصـفوف وافتكَها فتكَ
وماكو واحد هالــشكَوكَ ايروفها
---------------------------------------------
عفت عرسي وعفت بالطف خيمتي
من سمعت حســـين يطلب نصرتي
ارخصني ياعـــــــــمي اقدم ركَبتي
خل تظوكَ الكَوم منـــــــي أحتوفها
---------------------------------------------
اكَصد الــــــــفرسان والراية انوش
الة اطبنهم كَبل طـــــبكَ الرموش
ومثل حوش الغـنم بالوادم احوش
انة والســـــــــيف الرواح انحوفها
-----------------------------------------------
راح اطكَ الجـيش بالطول وعرض
من الرعب والخوف ماتكفيها ارض
كَلوبهم توكَـــــــــــف ومابيها نبض
حتى نجمات النــــــــــــهار ايشوفها
-----------------------------------------------
أسالكم الدعاء رائد الاسدي

الشاعر رائد الاسدي

03 Jul 2023 20:47

قصيدة بحق الانصار وتتضمن موعضة للصداقة في ابياتها


طبع الورد حساس   وطبع الاسد فراس
والناس هواي اجناس  قلة الوفي منهم
=======================
ابوكت النفاهة اشتلگة وادم گربك
وساعة الضيج ايقل عددهم صحبك
ايضل الوفي وياك والي ايحبك
او واحد صبح بالعشكَ گلبة وگلبك
يحسين الك انصار    انجنت ازغار اكبار
تعوف الاهل والدار   ينطون الك دمهم
========================
ابوكت الشدد تطلع معادن ناسك
واصحابك اتبين ابضيم الجاسك
اتخير الزين وخلة بارد راسك
هيچ يصير او يالبشر مقــــياسك
اصحاب الحسين اصحاب  وكت الشدد تنهاب
قســــموا بداحي الـــباب  او وفاية تعـــرفهم
=========================
مرة اختبرهم لو صحبتك كثرة
وشوف اليخونك واليصون العشرة
جرب انصارة حسين مرة ابعسرة
وكل واحد الگاهم يقدم عمرة
نعيش ونموت وياك   حطنة حدر يمناك
نطي الارواح افداك   نفس الحچي كلهم
=======================
الصاحب الي يدور مصالح عوفة
يفشل باول تجربة انتَ تشوفة
صاحب گصيرة ولعبتة مكشوفة
ويحسين وگفوا رغم صعبة ظروفة
صاحوا يبو اليمة   كلهم فرد كلمة
كل احنا بالخدمة   ابواحد جسم چنهم
========================
طينتهم ابحب الحسين انعجنت
ومن ابو فاضل بالوفاء اتروت
منهم وتگطع ماكو صحبة انعرفت
بس للامام المهدي صحبة انذخرت
يملي الارض عدلة   وانصارة توگفلة
من هــــالبشر قلة   اينصرونة قائدهم
=========================
أسالكم الدعاء رائد الاسدي

الشاعر رائد الاسدي

03 Jul 2023 20:10

قصيدة بحق الانصار


بالطف شمسنا اشرقت ماتغيب
نَــصرٌ مـــــنَ ﷲِ وفـتحٌ قـريب
راية نصر بيدينه فدوة العمر وسنينه
نَصــــرٌ مــــنَ ﷲِ وفتــــحٌ قَــــريب
------------------------------------------------
انــصارك وساعــد يشــــــد الساعد
مفتوحة ابواب الجنان انشــاهد
بالدنيا بس مرة يعــيش الواحــــد
لكَطع النحر وي الحُسين انجاهد
وصلنا حبك حد نصاب بجنون
لا يــــــستوي من فيك لا يعلمون
بس ترضى ياوالينه فدوة العمر وسنينه
------------------------------------------------
عفــــــــنا الديار ونــــــــسوة طــــلكَناها
والدنــــيا لــــــجلك ســــيدي عــــفناها
موتت شرف وي المحب محلاها
ردنا المــــنــــــية الدنــــــــــيا ما ردناها
مو مرة وحدة ننذبح لو الف
ثابت يظل موقفنا مايختلف
الغالي الك هادينه فدوة العمر وسنينه
------------------------------------------------
الغالي يــــــرخصلة العــــــزيز الغــالــي
كون انــــته ســالم بالعــــــمر منــــبالــي
رايــــــتنه منــــصورة تــــــظل بالعــــالي
احــــــــنا جــــنودك اطــــمــئن يالــــوالي
عابس حبيب وهذا جون وبرير
لجل المنية اتــــحظروا وي زهير
بدم النحر شارينه فدوة العمر وسنينه
------------------------------------------------
چــــنهم بحــــر والروجة تلــــحكَ روجة
خــيول ال مية للــــحرب مــــــسروجة
عـــــدك زلم بــحر المـــناية اتــــفوجة
يبــــن النـــــبي زلمــــك تعدل العــوجة
وي الشهادة عدنه قــــصة عــشكَ
نسحكَها كل هاي العساكر سحكَ
الكلفة خلها علينه فدوة العمر وسنينه
------------------------------------------------
شيــــب وشباب اتحاشمت بالحومة
وكَفوا وهــــب والحــــر چبـير ابكَومة
عابــــــس تسودن ظل يشكَ بهدومة
هذا انة يــومي الدنيا كلمــــــن يومة
حلوة المــــــنية ما تهمــــنا الحياة
يــــوم الشهادة ننــــولد مو ممات
كلمن يموت بحينه فدوة العمر وسنينه
------------------------------------------------
انــــــصارك وهــــاي العقــــــيدة العــــدنا
احنا الخــــــدم وانــتة تــــظل سيــــدنا
ما يســـــوة شــي يبن النبي واحدنا
بس خدمــــــتك هية التي اتخــــلدنا
ما نهتم بظلم الزمان وجــورة
انصــــارك وكلـمن يقوم بدورة
ونفس العزيمة البينه فدوة العمر وسنينه
-------------------------------------
أسالكم الدعاء رائد الاسدي

الشاعر رائد الاسدي

03 Jul 2023 20:08

قصيدة بحق الانصار جديد محرم ١٤٤٣ هـ


يبو اليمة انصارك بالحرب فقارك
هية بس الليلة هية بس الليلة
======================
شما تصير العسكر تترس الماي و بر
خل عددهم يكثر روسهم تتكسر
اليدنة الك يا ويلة هية بس الليلة
=====================
بالحرب ما نركع لو وذر نتگطع
يبو اليمة وتسمع ما نهاب ونرجع
سارجين كحيلة هية بس الليلة
=====================
يبو اليمة انعاهد نحچي والله الشاهد
نموت واحد واحد تحت امر القائد
النفس نفديلة هية بس الليلة
=====================
سيوفنا ابشر بيها بالرگب نثنيها
يا هو يوصل ليها امصيتة ابطاريها
من تلاگي العيلة هية بس الليلة
=====================
شاب بينا وشايب من غرامك ذايب
روحة بالچف جايب حاضر ومو غايب
انت بس توميلة هية بس الليلة
=====================
كلة جيشك قادة اعلن استعدادة
ايروح بأمر اسيادة فدوة لجل السادة
چلمة بس احچيلة هية بس الليلة
=======================
بالنفس منبالي انت عدنا الغالي
اول انت وتالي راسك ايضل عالي
ما نضنها اطويلة هية بس الليلة
======================
عدنا بالطف موعد او يالشهادة انجدد
بصوت كلنا نردد دين الك ونسدد
وبالوعد نوفيلة هية بس الليلة
======================
أسالكم الدعاء رائد الاسدي

الشاعر رائد الاسدي

24 Jun 2023 19:02

وحيد مسلم ظل يدير بعينة
لا عمام ولا عشــــــيرة تعـــــــينة
===================
الكوفة معروفة الغدر بيهة طبع
غير غـش ودجل مسلم ما سمع
تبايــــعة الالف بس وحدة طلع
يناصر الباري ويناصر ديـــنة
---------------------------------------
عشر تالاف الاجــــــتة تبايـــــــــعة
كلنة بيمينك سيوف ومشرعــــة
طوع امرك كَول واحنة نسمعة
فدوة لحسين العمر هاديـــــــنة
----------------------------------------------
لجن من صار الصدك ظل وحدة
هجمت اعليه واجتة اهل الـــردة
بيوت اهلك كوفان كلهة مــسددة
اليوم مسلم وحـــــدة مخليــــــنة
----------------------------------------
اليوم بالكوفة بقة مســـــلم وحيد
لالة ناصر لاابن عم وعـــــظيد
دارت عليه العساكر ولـهة ويد
حمل واشهر صارمة بيــــمينة
______________________
شهر سيف الحكَ عليهم من حمل
اليوم بيهم چــــــن عذاب الله نزل
مثل حيدر ينـــــظرب بيه المثــل
فرع من شجرت علي وهاديــنة
___________________
تصيح طوعة وتنتخي وتحشمة
صول بيـــهم مثل حماي الحمة
بسيفك البتـــــــار سوي ملحمة
ويظل يـــومك واسمك مخلدينة
______________________
والله لوما الغدر مأحد يدنة ليه
لو جيــوش الكون كلهة تعتنيه
هذا امر الله الكتل واجب عليه
وبالشهـــــــادة مسلم مكرمينة
_____________________
هوة من اعلى القصر فوك التراب
وناحت الامــلاك من هذا المصاب
كَبرة صاير للحـــــوائج هسـة باب
وانظر لقصر الامـــــــــــارة وينة
_______________________
أسالكم الدعاء رائد الاسدي

الشاعر رائد الاسدي

24 Jun 2023 19:01

نزال بحق مسلم ابن عقيل عليه السلام


اتحزم الهة حزام مسلم وحدة
قصتة بكوفان ظلت خالدة
-----------------------------------------
اتنخة بالكرار وبسيـــــفة احتزم
قلع باب الدار وعيــــهم هــــجم
اتصيح طوعة ها يمسلم يا شهم
حيل بيهم روحي من دونك فدة
----------- --------------------------------
عمك الكرار يا مسلم يـــــــاحيد
ما تهاب الموت من طبعك عنيد
ما يخوفونك انة ادري هالعــبيد
انتة وحدك جيش وانتة قائـــدة
----- ----------------------------------
خاف ماتدرون ما كَلــــكم احد
انة مسلم من بني هاشــــم ارد
احنة فرسان العرب ابً وجــد
شما يصير الجيش والله امردة
------- ---------------------------------
اليوم بالميدان اسحكَـــــــكم سحكَ
والزم الفرسان راس ابراس اطكَ
ما تعرفوني اذا صارت صــــدكَ
بيدي اكض الجيش كلة امرعـدة
-----------------------------------------
اليجي هادود فكَــــــــرة حزمـــــاه
ينذبح بالسيف واليطــــــــــلع وراه
ما يعرف الموت من ياصوب اجاه
قصص بالتـــــاريخ النـــــة شاهدة
------------- --------------------------------
الجيش بالكوفة احصرنة حصـــــر
وين مني ايروح اطــلع كل كـــــتر
الامر اعليه راســــــة ينشـــــمـــــر
زرع واكف وانة بيدي احــــــصدة
----------- ----------------------------------
انة بالميدان والـــــــــملكَة صـــعب
فوكَ اهلها الكوفة اكَلـــــــــبها كَلب
موش شفـــــــتوني وحيد وبالغرب
الطلع لـــجل الله الله ايساعــــــــــدة
-------------- ---------------------------------
ال هاشــــم احنة دوم امجربـــــــين
ما نخـــــون الله ما نخلف يمـــــــين
وحكَ رب الكون ما اعوف الحسين
لو يوذرني وذر ســــــيف الــــــعدة
-----------------------------------------
أسألكم الدعاء رائــــــد الاســــــدي

الشاعر رائد الاسدي

24 Jun 2023 19:01

قصيدة بحق مسلم ابن عقيل عليه السلام عن ابنته حميدة وهي مع الامام الحسين عليه السلام


تصرخ حميدة الوالد اريدة
يا عماه ياعماه
------------------------------------------------------
يا عمي شو كَلبي رجـــف والدمــــع سال بعيني
تبچون انتة وكل هـــلي شنهي الجرة حاچيني
وتمسح على راسي كَمت يا عمـي وتواسيني
چني يتيمة انه صرت وظلمة تصــير سنيني
گلبي تحطم حيلي تهدم
واويلاه واويلاه
---------------------------------------------------
من زغري يتمني الدهر ودموعي حفرت خدي
طفلة وغريبة محــــيرة خــلاني ابوي لوحدي
ذل اليتم ماينحـــــــــمل والــــغربة فتت چبدي
بوية يمسلم من رحـت غير الـحزن ما عندي
ماكف ونيني واعميها عيني
ماانساه ماانساه
---------------------------------------------------
بوية اليفاركَ دنيـــــــتة اهلة تـــــغمض عيونة
واخوانة تحظر بالغسل وبيديهم ايـــــــــچفنونة
وعلى الچتاف اتشيـعة كل اهلة ويدفــــــــنونة
وحدك غريب ابهالبـلد حالك يبوية شــــــلونة
هم غمضولك واتشاهدولك
ياابتاه ياابتاه
---------------------------------------------
أبلسان الـــــحال جاوب مســــــلم وعينة يهلها
بوية غربــة شاف ابيج غربـــة ماشايف مثلها
وحدي او ولـــية ولوني واغدرتني الناس كلها
بس تحشم طوعة ظلت وسكتت الكوفة واهلها
وهاني بوكَفتة قدم ركَبتة
لجل الله لجل الله
---------------------------------------------
للقصر ودوني بويــة دمي من جروحي يجري
والعطش ذوب چبدتي بوية مــــثل النار صدري
وبسطح قصر الامارة سلمـــــــت للباري امري
لو وصل بوية سلامي تحملـــــي بوية وصبري
ومن اذبحوني من اعلى رمووني
آه آه آه آه
-------------------------------------------------
خبراهة الناعي قصــــتة والجرة بمصاب ابوها
شدوا احبال اعله رجلة وجثتة انوب اسحبوها
مسلم وهاني خذوهم او جثثـــهم جرجروهة
صاح ابو اليمة يزينــب هاليــــــــــتيمة دللوهة
ياعمي انة والد مجانة
ياعماه ياعماه
----------------------------------------

أسالكم الدعاء رائد الاسدي

الشاعر رائد الاسدي

24 Jun 2023 19:00

طريقة ثانية ولحن مختلف قصيدة بحق مسلم ابن عقيل عليه السلام


ويلاه ويلاه مسلم ويلي ويلاه
بالكوفة مغدور كل سچة مجرور
وعيونة لحسين
====================
اهل النفاق اهل الغدر ما رعت حالة ورحمتة
وحدة بلا ناصر طلع والكوفة طلعت غدرتة
مسلم رسول ابن النبي حاير وحيد ابحيرتة
كل ميت وحرمة الة واكرامة لازم دفنتة
بالكوفة مظلوم وسابح بالدموم
خيل العدة ادور كل سچة مجرور
وعيونة لحسين
========================
عن الله هادينا ذكر كل جثة لازم تندفن
التمثيل بالميت نهى عنة رسول الله بحزن
مسلم يجرونة بحبل وخصمة فلا رفلة جفن
جسمة تهشم ونكسر مليان ظربات وطعن
ما فزعوا انصار ما چنة خطار
بطعنات وكسور كل سچة مجرور
وعيونة لحسين
=======================
اشگد ظلم واشگد حقد ما واحد الگلبة انكسر
ما چنهم اسلام وعرب چنهم صنف غير البشر
مچتوف ودمومة تصب يرتطم جسمة بكل حجر
هاني اوية مسلم بالحبل محد يواسيهم حظر
وياه بهداي ما شارب الماي
اللحم منثور كل سچة مجرور
وعيونة لحسين
=======================
تتفرج الناس اطلعت لا مسلم البيهم اضن
مسلم غريب ابهالبلد والكوفة حاسبها وطن
يالخنتوا من گبلة علي اليوم ينعاد الزمن
انتم اهل مكر وغدر واهل المصايب والفتن
بالكوفة خانوه يا وسفة غدره
بي خصمة مسرور كل سچة مجرور
وعيونة لحسين
========================
بس طوعة ظلت تنتحب صوب المدينة اتوجهت
يهل الغريب اتحاشموا للكوفة افزعولة نخت
بعيدين عنها وما دروا ما وصل صوت الحشمت
لا تگدر وتفزع صعب بيا سچة راحوا تيهت
نادت بالونين ارجع يالحسين
ما تگدر اتثور كل سچة مجرور
وعيونة لحسين
=======================

أسالكم الدعاء رائد الاسدي

الشاعر رائد الاسدي

24 Jun 2023 18:58

هذه المجموعة من القصائد بحق مسلم ابن عقيل 👇👇👇

الشاعر رائد الاسدي

24 Jun 2023 13:53

#هااام
للشعراء والرواديد أول تطبيق لطميات مكتوبة ببرمجة عراقية يمكنك نشر قصائدك والمشاركة يحتوي على 10 اقسام للقصائد والنعي والهوسات رابط تحميل التطبيق 👇
https://play.google.com/store/apps/details?id=com.ltme1eit
لا تنسى تقييم التطبيق بخمسة نجوم ✅
وكتابة تعليق


طريقة عمل الحساب👇👇
https://youtu.be/JvJLAA3KHuo

الشاعر رائد الاسدي

21 Jun 2023 23:03

💎تمـيـز بأخــتيارك💎السته الذهبيه
👑افـضـل اللستات في التليجرام👑

🤲هداء ثواب هذه العمل ألى روح والديه
الفاتحه رجااا

💞تمتع بتصفح أجمل القنوات⇩⇩💙

ها انا اضع بين ايديكم طرق تنير دروبكم

تهديكم الى ذلك النور الالهي❤️🌱

لمن احب الانضمام قنوات مفيدة👇🏻👇


╭━─━─━─≪ ஜ▲ஜ ≫─━─━─━╮

▒⇦قصص و خواطر📚

▒⇦فقرات و مسابقات🏁

▒⇦مشاعر راقية💗

▒⇦نشر روابط قروبات وتس🔗

▒⇦الكتابة با الصور🏞

▒⇦شعر حسيني عذب

╰━─━─━─≪ ஜ▲ஜ ≫─━─━─━╯
⁽✺⃕₎ ٱلمۘديۧر مۘلأ عليۧ ٱلوٱسۜطيۧ ⁽✺⃕₎


👁‍🗨لــ أضافة قناتك✅


تصــــفح أجـــــمل القنوات⇓⇊💚


ياالله⬇️

🕊🕊🕊🕊🕊🕊
• ⓪⓶k » ✺⃕ قصٱئد وٱلحٱن خدٱم ٱلحسين ع ✺⃕
• ⓪⓶k » ️قناة نعي للشعراء️
• ⓪⓶k » مخزن قصائد للشعراء
• ⓪⓵k » ♡حب الحسين يجمعنا♡
• ⓪⓵k » قناة عبق الانتظار 313
🔺🔺🔺🔺🔺🔺
• ⓪⓵k » قناة الهوسات الحسينيه
• ⓪⓵k » الشاعر رائد الاسدي
• ⓪⓵k » الشاعر الحسيني مصطفى النائلي
• ⓪⓽h » الل‌‏ نور العاشق
• ⓪⓽h » طاووس الجنة
🔺🔺🔺🔺🔺🔺
• ⓪⓼h » لقاء العاشقين
• ⓪⓼h » قناة النعي رائد الاسدي
• ⓪⓼h » مسيرة العشق الحسيني لخادمة الزهراءع أم حوراء البركاوي
• ⓪⓻h » زهرة ١٤٢٢ ه
• ⓪⓺h » قصائد منبريه مكتوبه
🔺🔺🔺🔺🔺🔺
• ⓪⓹h » نسمات
• ⓪⓹h » ️نسمات حسينية ️
• ⓪⓸h » قناة الشاعر قصي القاسمي
• ⓪⓷h » الشاعر زيد الشمري
• ⓪⓷h » ستوريات حسينية باسميه
🔺🔺🔺🔺🔺🔺
• ⓪⓷h » قناة احباب الزهر
• ⓪⓷h » قناة تجمع وفاء الحسين للقصائد والالحان
• ⓪⓶h » الرادود علي الدلفي‏
• ⓪⓶h » جنون العاشقين
• ⓪⓶h » الرادودالملامحمدابوسجادالكعبي
🔺🔺🔺🔺🔺🔺
• ⓪⓶h » قناة نعي هوسات بحق أهل البيت ع
• ⓪⓶h » قناة ملا مصطفى السعد
• ⓪⓵h » صدقة جارية لجدتي..
• ⓪⓵h » قناة بنات الزهراء للعلم و
• ⓪⓵h » الشاعر باقر علاء للقصائد الحسينية
🔺🔺🔺🔺🔺🔺
• ⓪⓵h » الشاعر ضرغام الجابري
• ⓪⓵h » عباس العبودي الواسطي
• ⓪⓵h » الشاعر عباس حسن العتابي
• ⓪⓵h » هيئة ثوار الامام الحسين ع
• ⓪⓵h » الشاعر الحسيني ابو عباس الدراجي
🔺🔺🔺🔺🔺🔺
• ⓪⓵h » فڪيف بالزهراء دون علي!! وڪيف بالعراق دون الحجه: قال ﷲ لحب كن فكان علي️..
• ⓪⓵h » الناشر مصطفى السعد
• ⓪⓵h » محبو أهل البيت رسول الله و لتعجيل الفرح امامنا 2
• ⓪⓼h » استوريات جميع الرواديد
• ⓪⓻h » يا مهدي الروح ³¹³
🔺🔺🔺🔺🔺🔺
• ⓪⓺h » استوريات حسينيه
• ⓪⓹h » على خطى صاحب الزمان عج
• ⓪⓹h » جمال وموضه👰 صور وأشعار. قصص وأذكار📌 🕊🕊🕊🕊🕊🕊📌

👈 بوت لتواصل المحضورين


بأدارة ملأ علي الواسطي


👈قناة نعي كل ماهوه جديد لكافة الشعراء


قناة تجنن كل جديد👉🥀
(تثبيت الدعم نصف ساعه)
👆🏻غير مبري الذمه الذي ما يثبت نص ساعه بدون نشر اللسته 👆🏻
❌المسح تلقائيا علينا❌
⚖
على محبة الزهراء ع اشتركوا👇👇

الشاعر رائد الاسدي

21 Jun 2023 10:57

❉❉❉❉❉❉❉﷽❉❉❉❉❉❉❉
لسـتة #دعم_مؤسسة_منبريون_الحسينية🌻.
#التثبــيت_سـاعـه
#الحــــــــــذف بـعـــد نشر اللسـتـةّ بـ4  سـا؏ـات
� غَـير مبري الـذمـةّ ٲمـام الله ڪـل من يـحذف البــوت دون ؏ـلمنا
استقبل 300عضو فما فوق
━━━━━━━━━━━━━━━
للإشـــتِـراك 👇🏻.

التواصل مع  @ahmed_alziwar0

قناة خاصة بتلحين القصائد

/channel/+PZwpTt2HLXcvUQZh

------------------------------------------------------

1/الشاعر احسان الحميداوي
@ahssan313
2/الشاعر حسين لؤي العتابي
@Hussein110033
3/الشاعر جعفر عطية البزوني
@Jaffarattea
4/الشاعر هادي السلامي الكاظمي
@hadialsa
5/الشاعر السيد علي الكربلائي
@alialmoosawe
6/الشاعر هادي الساعدي
@had_jaa
7/الشاعر علی جباري
@damethezen
8/الشاعر محمد الجوراني
@algorane
9/الشاعر الحسيني علي مظلوم
@Aljnahe
10/الشاعر  سيد سعد الفحام
@saidsaad11
الشاعر محسن الجنابي
@mhsui
الشاعر امير السعيدي
@dhjgdsswfgh
الشاعر محمد الجوراني
@algorane
الشاعر نسيم الحميداوي
@NasimAlhamdawi
الشاعر رياض الرسل الجابري
@narjskaton
الشاعر مهند الدريساوي
@Alfoatm9
الشاعر ذو الفقار الزيدي
@dhwlfqr
الشاعر ضرغام الجابري
@hususn1
الشاعر جبار عبد الزهرة
@ALshoely12
الشاعرة نور الهدى الشويلي
@lIAUAlI
الشاعر ام رائد زوين للمواليد
@noor93s
الشاعر سيد محسن الجابري
@saedmohsenjabere
الشاعرة ايمان الزهيري
@Emaanelzharii
الشاعرة العلويه ام حسين الحسيني
@OmHussinAlHassani
الشاعرة ام حوراء البركاوي
@qwerrtt76
الشاعر محمد المشعلاوي
@Mohammed_almassl
الشاعر علي موفق القزاز
@alimwafaq94
الشاعرة الملا جنات الحسناوي
@dchhtg
الشاعر علي خيري العبادي
@AliAliAlabady
الشاعرة ام قاسم الشمري
@hhgtfc
الشاعر ابو اسحاق الفحام
@aboashik
الشاعر عقيل الكاظمي
@alshaeraqeelalkadhmi
الشاعر والرادود سيد محمد الموسوي
@sadmhamd
الشاعرة ام وسام
@Ali45445
الشاعر علي النائلي
@Ali_Anaily000
الشاعر جبار عبد الزهره الشويلي
@ALshoely12
الشاعرة ام زينب الواسطي
@Fatimids89
الشاعرة ام حسين المحمداوي
@aaaadrfqe
مريم العبودي
@dtyruFteRqejkvuccdsqiopkm
الشاعر علي الاحسائي
@ehhhnb
الشاعر ابواياد البيجاوي
@mhsn1955
الشاعره ام نور الميسانيه
@Aleulawiuhamnuwr
الشاعرة ام محمد باقر الفحام
@yamahdy4444
الشاعرة ام مصطفى الاسدي
@jgapun
الشاعرة الحاجة ام محمد الكناني
@ALHUSSEN_M
شاعرات العترة
@ttrre
الشاعرة ام روكان الشمــــــريه
@eimahde
الشاعرة ام سيف الزبيدي
@RR775
الشاعر ذو الفقار الزبيدي
@dhwlfqr
الشاعر عمار الساعدي
@Amaar37
الشاعر علي عباس العيساوي
@aliashghinah2
الشاعر عباس فاضل الشمري
@abbas_daher
الشاعر جعفر البديري
@jifrrham
الشاعر علي صيوان التميمي
@alisaioan
الشاعر ابو عقيل الناصري
@aa_ad9
الشاعر أنور السباهي
@Anwernaser
الشاعر اسعد قاسم االكريعاوي
@asaad8417
الشاعر سجاد جاسم الفرطوسي
@sajadjasimAlfartosy
الشاعر عباس فاضل القسام
@olpkp
الشاعر محمد الساعدي
@qwqqed
الشاعر علي الزاملي
@Ailast
الشاعر علي ياسين اللامي
@Aliyaseen8
الشاعرة ام زهراء الكعبي
@omzahraaalkibe
الشاعر كرار الغزي
@karrarr999
الشاعر خالد مسلم الحلفي
@kaledalhalfi
الشاعر محمد مسلم الاسدي
@mohmed_moslem
الشاعر حسين الخزعلي
@ch2Hs
الشاعر عمر العارضي
@hpp_50
الشاعر فالح العامري للمواليد
@falehalameri111
الشاعر والرادود سيد علي الحسيني
@Aliodaae
الشاعر رائد الاسدي
@raedalasady
عباس العبودي الواسطي
@Alabbodi
ديوان المنظورات الكربلائي
@KazemManzourAlkarbalaei
الشاعر علي مهودر الحمراني
@Alhmrane
الشاعر علي قصي الركابي
@Qusayalr
صرخة العقيلة
@zhrhzahraa
الشاعر مصطفى النائلي
@wwaspqtt
الشاعر سيد محسن الجابري
@saedmohsenjabere
الشاعر والرادود عبدالباسط الخزاعي
@abdolbasot_alkhazaei
الشاعر سيد محمد السعبري
@ashggjd
الشاعرة ام علي المالكي
@cdeut
الشاعر حسين الباوي
@Abuas994
الشاعر عمار الفاطمي
@kadeemalzhraa
الشاعر احمد الحيدري
@a_alhaideri
الشاعر عباس الشويلي
@jhfdryhdsf
الشاعرة ام زهراء الكعبي
@omzahraaalkibe
الشاعر حسن غانم العبادي
@hassanalabadi33
الشاعرة ام سيف الزبيدي
@RR775
الشاعرة طالبة الزهراء ( ع)
@sultan_zman
الشاعر السيد محمد الموسوي
@qwertyuiopasdfghjklasdfbnm
الشاعرة ام الحسن  الزيدي
@umalhasn
لوعة رقية
@loahroqaiah
الشاعرة هالي نور
@gftergr
الشاعر عباس محمد الحميداوي
@qs3qw
الرادود ابو سجاد الجعفري
@abosajadaljafre
قصائد زنجيل
@alhusseinabaabdlah
الشاعر ذو الققار الخفاجي
@zfk313
الشاعر كرار الزهيري
@uyyrew
عباس محمد الحميداوي
@qs3qw
الشاعر ابو سجاد الجنابي
@aljanabe313

الشاعر رائد الاسدي

18 Jun 2023 21:31

قصيدة بحق العليلة

لا تخلوني وحــــيدة ياهلي
فدوة وي الظعن شدوا محملي
-----------------------------------------------
على فراش المرض خلوني ومشوا
ابچي عليهم وصيحن ما دروا
وحيدة خلوني بظعنهم غربوا
مشوا لاطارش المنهم رد الي
=========================
ليش يابوية تخليني وتروح
وتدري ما احمل بعُد مابية روح
اخذ روحي وياك ماتحمل جروح
لن يكَلي للــــوداع اتعــــجلي
======================
مثل خيمة الولي يفيي لعيلتة
وتحتمي بيه وتعيش بهيبتة
كَصة حيل وياي دهري بعملتة
بحزن خلاني ابد ما ينجلي
=====================
كبل چانت داري تزهي بالاهل
وي ابوي العمر يكَظي عندي امل
فركَانة الدهر ياوسفة بعجل
وموحش ومظلم خلافة منزلي
--------------------------------------------
روحي وياهم لمن ساروا مشت
من زغر روحي بفركتة اتلوعت
للعراكَ اخذوني وياكم صحت
نار فركَانة يگلــــي تحملي
=====================
طولت غيبتهم ومارد خبر
محيرة ظليت مشغولة الفكر
واكَفة عالباب لن فارس يمر
هاك اخذ مني رسالة للولي
=====================
اصد للدار ودمعتي سايلة
مشوا عنة احبابنة لطف كربلة
شما يطول غيبابهم اتحملة
متانية يردون خواني وهلي
==================
أسألكم الدعاء رائد الاسدي

الشاعر رائد الاسدي

18 Jun 2023 21:31

قصيدة محاورة بين العليلة وام البنين عليهما السلام


علة وهجر ليل ودمع ياجدتي
يم البنين مصيبتچ ومصيبتي
بس الدمع والونة ياجدتي ظل النة
-----------------------------------------------
من سافر ارجع صيحت يا بوية ارحم حالي
لاچمني كَلبي بسفرتك گلبي انخمش يالوالي
تارسها عـيني مدمعي چم حسبة بوية ابالي
هذا انة حالي من مشوا رخصتة دمعي الغالي
ايكَصر العمر ياجدة لو طال البُعد
مُرة الحياة اخلافة خافــــن ما يرد
نياحة وبواچي وحَنّة ياجدتي ظل النة
------------------------------------------------
يا فاطـمة مر الصبر بس بعـدة كَالوا تفــرج
صبري يجدة وننتظر ظعـن النحـبهم عرج
دلالي بالفركَة انچوة لساني بذكـرهم يلهج
اذن بكَلبي للحزن وهموم اجت من كل فج
يافاطمة وياه اخذ روحي ومــــشة
متروسة ناس ايامي لكن موحشة
ذكــــــرى ادور مــــنة ياجدتي ظل النة
------------------------------------------------
اعمي دليلي من الحزن بعيــــــــني فلا ظل مدمع
ابيضت ويبست وانعمت يمتة بقــمـــيصة يرجع
عينيـني يالكلچ وفة ومدري البواچي شتنفع
وردة وذبل عودي ومتت من عروكَة كَلبي تشلع
ماخيط جروحي بزغ خيط الفجر
باچر يجــــــوني اقنع كَليــــــبي بعذر
لا ما كَطعت الظنة ياجدتي ظل النة
-----------------------------------------------
الفاكَد عزيز اعلى الكَلب ايروح الضوة البالناظر
ليلية عشرة ويالسـهر شيجبرلة كسرت خاطر
خافن عزيـزچ ما يرد ولا خـبر ندري شصاير
يعينة الله من فاركَ ابو ايتيه طريــــــجة وحــاير
وني واون انواصــل الليل بصبح
راح العزيز وبالكَلب تارك جــــــرح
الغالي انشدچ عنة يا جدتي ظل النة
------------------------------------------------
غاب الكَمر يَمّ الكَمر هجر الغــــوالي شخلة
هم مثلي دارچ موحشة جدة البُعد شيــــــحملة
يــــم البنــين وحالــتـچ للعــــــلة حطت علة
بكَلبچ فتح بابة الحزن بيتچ مشت كل اهلة
ما نامت عيونچ ذبل منها الجفن
الله اليعينچ هالــــــكثر عدچ حزن
يكتلني كَلبچ حزنة ياجدتي ظل النة
------------------------------------------------
ياجدة باچــر من يــــرد ننــسة الحزن والفركَة
كَعدتنة ما تنمل ســــوة ايصير شحلاتة الملكَة
ظمي ابعيونچ دمعتچ خافن دلــــــيلة انحركَة
خلــيني وياچ انتــظر هلــــبت الباب ايـدكَة
راح النظر من النظر صــــوب الدرب
انتاني العزيز وهلبت بغفلة ويطب
يومية ليچ اتعنة يا جدتي ظل النة
===================
أسالكم الدعاء رائد الاسدي