-
قناة لنشراللطميات والقصائد الحسينية للشاعر سجاد جاسم الفرطوسي للتواصل @Sajadjasim31310m اوسجاد جاسم الفرطوسي عبرفيس بوك
ودعيني آنه رايح ياوتيني
ودعيني حكمه ربي يجتبيني
ودعيني خويه زينب انتي عيني
.....................................................
ما اعوفه حسيني والله للأعادي
ما اسكته دومه يصهل هل جوادي
جيش اميه كلها خويه هل تنادي
من مبارز وآنه كدها ياودادي
خويه زينب آنه كدها ولازم اطلع
خويه زينب اله اخلها روحه تسلع
خويه زينب همهم يهمشونه ديني
.....................................................
آنه رايح ديني بيه وبقتالي
ما اتركه هالمخيم راسي عالي
اله اجيبه جودي الكم ما ابالي
ما اهابن كلها ترجف من خيالي
هايه دنيا ما نعرفه شنهي النه
هايه دنيا وأنتي خويه كل املنه
هايه دنيا موتي بأي ساعه يجيني
......................................................
خاف اعوفج خويه وارحل يم الهي
انتي حظي وانتي بختي وانتي جاهي
خويه اوصيج اعله اهلي لو يباهي
هم عدوهم وانتي كلمه لأمره ناهي
خويه ردي آنه اخت الراعب اهلك
خويه ردي وانته حجيك جايب اجلك
خويه ردي هذا منهجنه حسيني
......................................................
هل اجونه خويه زينب بالبواغت
كلها كتبتله لحسيني وهسه ساكت
حلكه سده بالحقيقه وهوه ناصت
نص يقاتل جيش اهلنه ونص يناعت
كلها ضدنه آنه اوصيج اعله اهلي
كلها ضدنه و انتي خويه كده حملي
كلها ضدنه صيري الهم كل حنيني
........................................................
لو اجيلج قطعه قطعه ضمي دمعج
انتي مهضومه يخويه هدي جرحج
رفعي راسج خوي بينه بطوله عمرج
انتي عتره وام خدرنه هذا اسمج
انتي اصبري لو تجيلج جثتي بالدم
انتي اصبري كولي امري لربي اسلم
انتي اصبري والشهادة هي يقيني
الشاعر سجاد جاسم الفرطوسي
الى مولاي موسى بن جعفر الكاظم
(عليه السلام)
شني يسدونه بابك ساسة الاحزاب
يمنعون الزياره وما بعد جيّه
ياكورونا تكدر تدنه يمك عود
غير انته الكريم وتنطي حنيه
يفتحون الحدود ويالعجم ايران
الف واحد مصاب وعدوه معتليه
خافن جم حزب يزعل علينه النوب
يضل آغا يسافر ناسي مبتليه
يمولاي انتظرها آنه صار شهور
اعد يوم اعاليوم بكلبي جمريّه
ابو طلبة اليطلبك بيده كلشي ينول
اريد احضر مصابك واقره لطميه
اريد امشي واجيلك سيدي اتعناك
اشم عطرك احبه ينعش الريه
كهن آمون والله انعادت بهل يوم
يمنعون الزياره علينه ملغيه
اريد ادخل واكلك سيدي موجود
عهد منّي ازورك واعقد النيّه
اخط ورقه اعالبابك وكتب آنه اليوم
أهل بيت النبوه من الله محميه
الشاعر سجاد جاسم الفرطوسي
كلّ الشعر آنه أكتبت
لاكن طعم مابيه عشك
بس الحسين ومنحره
هوّه لكيته وينشبك
الشاعر سجاد جاسم الفرطوسي
موكب شباب الحسنين(ع) نزلة يوم التاسع محرم الحرام١٤٤١
كلمات : الشاعر سجاد جاسم الفرطوسي
أداء:الرادود علي محمد
اليوم ابوفاضل غضب عالديره
والله العده صارت وصل تكسيره
خله العدو منه المطافر حيره
زلزل غضب راسه يفور غيره
عبّاس الكافل
والله من ينازل
يمحيه العايل بضربه سيفه الصارم
....................................................
هذا الكمر فدوه اروح لطوله
كلها تباوعله وعلي مذهوله
لمّن يطب للمعركه حسْبوله
كلّ الزلم والله وجب مكتوله
معروف مجرّب
فنّه اليتكرّب
عنده ويتكلب والله بسيفه يطبره
....................................................
منّه العدو كام ورجع هز حيله
منّ النظر كلبه انترس تجفيله
طش الخبر هد الكمر ياويله
كلمن وكف والمايكله دخيله
ايشلع عيونه
كال توصلونه
للّي عادونه كلّه من الكافل
...................................................
كام وحمل جود السبايا بأيده
أنطه وعد لأم الخدر وعضيده
لازم يرجّْع ماي اله ويعيده
يوفي الوعد خاطر يروح لصيده
حالف لحسينه
ضل وعْده بدينه
ويدور وينه برجله يسحك راسه
..................................................
للحومه طب وكلها عنه ابتعدت
صاح بعلو صوته الزلم شوشردت
من الخيال وجيش أميه ارتعدت
عاف الحرب كل للحسين انسدت
كلْهم عافوني
لمّن شافوني
نظرة من اعيوني خوفي طكطك بيهم
..................................................
اليوم ابو فاضل نزل بالقاسي
كايل قسم آخذ ثأر كل ناسي
صوت الحرب والغيرة طكت راسي
مابقي بيهم كل نفس والكاسي
شمر واعوانه
كلْها رجفانه
من طب ميدانه كافل زينب والله
..................................................
تمت ولله الحمد لله بتاريخ 2019/9/9
الشاعر سجاد جاسم الفرطوسي
والله بالعاشر لخلي الراس ينزفلك دمه
انته تستاهل عيوني روحي لاجلك خادمه
حيدر حيدر
1
من اريدن آنه اطبر باسمك اصرخ ياعلي
فدوه والله آنه اكولن دمي لدموم الولي
هذا منهجنه الصريح
احنه نطبر عالذبيح
حيدر حيدر
2
والله رايد آنه اطبر جفنه عيني ومنحري
لولا ربي وقوله كايل بس الامر الميسري
اله جفني طبريت
حتى عظمي كسريت
حيدر حيدر
3
يلي رايد تحجي انته عالشعائر والجرح
ما نواسي قطره منه والله من ذاك الذبح
انته تحجي بس كلام
وآنه أطبر للأمام
حيدر حيدر
4
آنه ماعوف الشعيره هيه ضمنه المذهبي
ابقه اطبر آنه والله وخل يشوف الاجنبي
ليه افده سيدي روح
وآنه اواسي هل جروح
حيدر حيدر
5
واليطبر والله حتمن عنده تحظر فاطمه
زهره يمه هيه تنطر حتى تجمعله الدمه
هو ضمن الاوفياء
هو اضحه بالدماء
حيدر حيدر
6
قامه عدنه بالمقايس اغله الاف الذهب
والله بيها جرحي يخلد للّذي ثوبه انسلب
عدنه هيه شي ثمين
بيها نطبر عالحسين
حيدر حيدر
تمت ولله الحمد بتاريخ 2018/9/22
الشاعر سجاد جاسم الفرطوسي
قد حانت الخدامه يستاهل الأمامه
شهر المحرم صابرين قد حان وقت الخادمين
............................................................
شهر الخدامه هل اجه حضّر حبيبي رويحتك
تخدم امامك يالمحب عينه تعاين خدمتك
هندمها روحك هالشهر واظهرها انته لطيبتك
عاينلي انته عالخدم لا لا تناسي رحمتك
حضّرها روحك انته ماباقي شيئ خدمته
تخدم تراب الزائين قد حان وقت الخادمين
.............................................................
افتحله انته موكبك واحويها يلّه هالنعم
بالك تمايز بالبشر عوف العمر كلهم خدم
كلها سواسيّه البشر هوه يعاين عالشهم
بالك تضايكلك أحد نفسه ترجعله السهم
خليها خدمه جنه بيها يضل ذكرنه
خليهاخدمة ناصحين قد حان وقت الخادمين
..............................................................
حبّه لأمامك يامحب حب الفطر ياميسره
خلّيها بيضه نيّتك لامو غلب وي منحره
هوّه يباوعلك عطف رغم الحدث كل الجره
لا مايعوف اليعشكه هوّه يحفظه بمنظره
هوه النقذني ناجي بيده امر علاجي
من عنده مهده العاشقين قد حان وقت الخادمين
...............................................................
أدّيها يلّه بالعدل ترضي الحسين بعظمته
أنته بخدمتك فرحت قلب الرسول وعترته
شد رايتك أنته بمشي لازم تطوف بكبته
هوّه يجازيك وعلي لا ما يناسي العشكته
يحظرها بالمكابر للخدمته يناصر
يحميها والله المحسنين قد حان وقت الخادمين
...............................................................
بالك تبالي للحجي كلّ السوالف واهيه
شور ولطم همّ الطبر كلّه بدمائي جاريه
كلها الشعائر تنحفظ مثل الأسم للرازيه
شوكه بحلك كل الحجه اوكف يخادم ناهيه
شوكه بحلك عدونه هاي الخدم كجونه
لا مانصاحب غافلين قد حان وقت الخادمين
تمت ولله الحمد لله بتاريخ 2019/8/15
الشاعر سجاد جاسم الفرطوسي
آنه احبك مولاي يامن لكيتك بالكلب
يالحبك العاش وياي من الطفوله وملتهب
آيا عزيز الله وبكلبي تصرخ آه
آنه احبك مولاي آنه احبك مولاي
...............................................................
ياقل هو الله أحد يامن لكيتك بالمهد
يالدللتني يامه انقذتني
آنه احبك موعجب ياسيدي انته السبب
من ريحتني يامه انقذتني
وسط الذنوب واحترك بس انته التخيط الفتك
يالماعفتني يامه انقذتني
يالأنته عايش بالروح عايش ويايه من الزغر
يمداوي كلبي المجروح آنه احبك يالكمر
بيك العمر محلاه وبكلبي تصرخ آه
آنه احبك مولاي آنه احبك مولاي
...............................................................
انته اليحبك هل كلب غيرك يحب كلبي صعب
يالجننتني يالعلمتني
من الولاده وهذا انه ولهسه عمري شكم سنه
انته اوجدتني يالعلمتني
يالفضلك اعليه غطه كلّ النعم متساقطه
يالرفعتني يالعلمتني
انته فقط يامحلاك دايرلي بالك عالخدم
آنه اشكره السواك لمن نطانه هل كرم
يامن ملكني هواه وبكلبي تصرخ آه
آنه احبك مولاي آنه احبك مولاي
.............................................................
آنه اريدن خدمتك هايم وطوف بكبّتك
يالحيرتني انته املكتني
آنه اصيرن ياحلم خادم علي ولده الزلم
يالحققتني انته املكتني
بيدك تسجّلني ردت يالعبدك آنه هل صرت
يالقدرتني انته املكتني
آنه دعيتك شكاي ليّه وتحقق هالطلب
آنه اخدمك مولاي وتتحقق امنية الكلب
عمري بخدم عشناه وبكلبي تصرخ آه
آنه احبك مولاي آنه احبك مولاي
...............................................................
يالألنه ضحّيت العمر كل الأهل ويه النحر
رديت اميّه لجل القضيّه
انته المضحّي بالأهل حتى ردت تحي العدل
وتوصله إليّه لجل القضيّه
دنيا مصايبها صفن بس هم عاليك اتحمّلن
لحت المنيّه لجل القضيه
يامن مضحّي للدين كل الأهل وي منحرك
انته فقط صرت حسين سبحانه لمن صوّرك
ليك الكلب سواه وبكلبي تصرخ آه
آنه احبك مولاي آنه احبك مولاي
...............................................................
انته تنجيني ردت سيد وابو ليّه صرت
فضلك غطاني حبّك ملاني
جبت الأهل كل الصحب وانته اجيت لهل غرب
ردت التهاني حبك ملاني
ماهمك تموت وعلي دينك توصله هم إلي
دينك حواني حبك ملاني
انته حديث القرآن وبنورك الله ونعمته
ياسيدي احله انسان بس انته روحي الحبته
بيك العشك معناه وبكلبي تصرخ آه
آنه احبك مولاي آنه احبك مولاي
تمت ولله الحمد بتاريخ 2019/7/3
الشاعر سجاد جاسم الفرطوسي
للعشق مجالسنه
ونحيه ابمدامعنه
عالنذبح بالغربه
لجل محد ينازعنه
اوكللنه آنه المنقذ
يوم الحشر ينقذنه
وبالكلب صدا يصرخ
لحسين احنه آمنه
مهما كالو الضلام
من يكدر يمانعنه
لولا حسين جا لسا
يضل العده حارمنه
وما نكدر نكول بالحق
على الأفواه كاتمنه
2018/7/25
الشاعر سجاد جاسم الفرطوسي
ما نخالف احنه عن أمره لولينه
ما نخالف حتى لو كطعوا أدينه
ما نخالف مهما كالو عن بجينه
والله احنه ننتمي لحسين ابونه
فدوه كلها اروحنه تروح لعيونه
ابد والله لسيدي قط ما نخونه
ما نعوفه شماحصل لو كطعونه
ما نعوفه لآخر اوقات المنيه
ما نعوفه لو سمه تصير الوطيه
ما نعوفه حتى لو دمنه عله ادينه
مهما يحجون العده انقيم المأتم
خلهم اشيحجون وتزيد الشتائم
نلبس الأسود حزين اوهذا لازم
موتنه بموته يريت الباري راسم
نبقه نلطم والله احنه حسين وينه
نبقه نلطم حتى لو كطعو ادينه
نبقه نلطم لحد ما تخلص سنينه
اليخدم حسين بشرف حس بحنينه
اليبقى خادم يفتخر قصته الحزينه
شوكه وبحلك العده هالرافضينه
ما نبدله بالذهب سمعوا حجينه
مانساوم لاوحك شيبة محمد
مانساوم الما يشوف الرايه ارمد
مانساوم لو تهمهم كلهه بينه
شفنه كلشي بخدمته والله عجائب
خيره ينزل مطر للينعي المصائب
البعض رايد هوه يحجيهه بشوائب
والبعض تلكاها عنده انفاس الحبائب
شفنه كلشي يخدم اوكاطع صلاته
شفنه كلشي يخدم وما يحجي ذاته
شفنه كلشي يخدم ومخلص لدينه
بأربعينه الخدمة تحظرها الزجيه
والخدم وتسجل بسجل الحميه
تبجي ويه اليبجي عالراحت سبيه
تنقذه هيه بالحشر هول المنيه
والله نخدم والعهد باقي ونعيده
والله نخدم واليواليك بوريده
والله نخدم كلنه لجله بأربعينه
تمت ولله الحمد بتاريخ 2018/9/4
الشاعر سجاد جاسم الفرطوسي
أجيت بلهفه ياعباس عشك للحضره متعنيه
يبو فاضل يبعد الروح اجيتك خوية محنيه
أنه المشتاكه ياعبّاس بكلبي حروره مستعره
بقه بس الشمر يشتم دمع ينزل دوه وعبره
كلش سوطه اذاني كل خيمه أصبحت حمره
ومن بعدك يضي العين ضرباته تسوي اونين
حاجيني عاليك حسين كثر حزني وكثر نوحي
ومن بعدك شنو إليه اجيتك خوية محنيه
.....................................................................
تره بنص العده جينه وضربوني على الهزل
يخويه الطف اشوفه زغير مكتوبه اذا السجّل
وتفرقنه المصيبه بهاي حملي ايزيد اذا احمّل
غدار الزمان لو مال ممتحنه بعزم وأطفال
شكلك عالشمس لوعال سوطه يلسع الملعون
حاقد يفتر أعليه أجيتك خويه محنيه
.....................................................................
سلب روحي الوضع هذا شفت مهظومه البنيّه
نذل يضربهه كل حيله متنهه أمحومر أرقيه
ضلت تصرخ الأطفال رادو شربة أميّه
شنو احجي واكوللهم على كل الجره بعمهم
توذر ما أخبرنهم بعد ماضل نصير وعون
شلت ضيم وحزن بيّه اجيتك خوية محنيه
.....................................................................
شكد نقهر وأموتن حيل من يشتم بالوصايه
نصلي والعده ضربوا علينه أسهام رمايه
صعب بالطف تروعنه مشينه بفكدك أسبايه
دمع والدم صفت ينزل جمر بكلبي ظل يشعل
طفل والطفله ما تحمل جيه ابجي آنه ليكم
فوك الغبره مرميه اجيتك خوية محنيه
.................................................................... وسط روحي جرح يلجم من اذكر هل مصيبه
عزه احسين الشعل كلبي كلف مثلك تره انحيبه
عدوك يهجم أعليه بنص كلبي السهم شيبه
خلّص بالقهر عمري سبوني وأنسلب خدري
شمر يشتمني ما تدري سود انكلبن أمتوني
صرت يا وسفه مسبيّه أجيتك خوية محنيه
الشاعر سجاد جاسم الفرطوسي
تمت ولله الحمد بتاريخ 2018/6/21
نرفع رايتك يا سيدي بكل يوم
على كل السطوح وبالكلب عامر
الك كل المواكب هم نطوك وعود
ترفع رايتك بالخدمه متكابر
يضل ذكرك عبير ومنتشر للناس
يضل اسمك حسين وللزمن قاهر
وعد مني انوحن هم اشك الراس
الك فدوه حبيبي بجزعة العاشر
الشاعر سجاد جاسم الفرطوسي
للأمام المهدي عجل الله فرجه الشريف
خامس عشر من شعبان
اصل الفرح هاليله
دمع العشك يوحيله
خامس عشر من شعبان
بيها انولد هم قرأن
مهدي امامي ادعيله
لبكلبي كون احجيله
بيها انولد هم قرأن
هوايه حجو عن الظهور هوايه
هذا الحجي عدهم قسم بي غايه
لاكن ردودي بكلمه من شفافي
صاحب زماني ومنتظر بالرايه
هوه الأصل من ازمان
اول نبي من جيله
كل همي هوه يشيله
هوه الأصل من ازمان
...................................................
والله الكلب مابيه حيل
من انتظار الغيبه
يامهدي نصرك جيبه
والله الكلب مابيه حيل
ميل الوقت من ايميل
بروحي احس امصيبه
وايدك شفاء وطيبه
ميل الوقت من ايميل
كل العمر عنْدي أمل بظهورك
ميْهمني ابد كلمن حجه عن نورك
انته الكمر كلك ضوه تهدينه
يمحي ظلام الدنياوالله سرورك
يوم الخميس امنيغيب
والله انتظرها الهيبه
ليلة ظهور النيبه
يوم الخميس امنيغيب
..................................................
مرت عقود واعوام
وآنه انتظر البشاره
مهدينه هاي اخباره
مرت عقود واعوام
عشت العمر بالأحلام
حلمي اشوف انواره
كلبي يذب من ناره
عشت العمر بالأحلام
ابقه انتظر عندي امل بأحساسي
بعد الشمس يظهر كمر ويواسي
ابقه احترك كل العمر للغيبه
والله العشك بيه طفح حد راسي
انته الكلب لجلك صام
محد عرف اسراره
ذكرك يزيد اقداره
انته الكلب لجلك صام
................................................
تمت ولله الحمد بتاريخ 2020/2/22
الشاعر سجاد جاسم الفرطوسي
قصيدة لأستشهاد الأمام الكاظم(عليه السلام)
فنيت عمري في نيل رضاكّا غريبا واغريبا وا غريبا
وجئت اليوم لأحياء المصابا غريبا واغريبا وا غريبا
.............................................
سمعت بخبرك ....واجيت أحضرك
تعنه لكبرك .... احضره مصابك
أجيتك حازم .... ع بابك خادم
وظلن لازم .... أنا بشباكك
جرن دمعاتي .... رحل مأساتي
فضل وكفاتي .... على أبوابك
دمعها عيوني .... حملها متوني
تعادل كوني .... عمل خدامك
خدمتك يا غريب الجسر حبي
صفاء النية يعلمها ربي
ادعي الله يحفظلي الخداما
غريبا واغريبا وا غريبا
وجئت اليوم لإحياء المصابا
غريبا واغريبا وا غريبا
.............................................
خلص كل صبري....سنينه العمري
ضلع كل ظهري .... إلك محنيه
يباب أمرادي .... يذخر ابلادي
يصوتي اينادي .... عشك فطريه
عبد سمّوني .... فخر خلّوني
يردّ لّوني .... ذكر طاريّه
عمر ماعفته .... فنيته اخدمته
بكلبي وجدته.... كمر وي ضيّه
قسم امشيلك بعمري الزياره
تضوي ابروحي من تضوي المناره
ترد الروح في لحظة لقاكا
غريبا وا غريبا وا غريبا
وجئت اليوم لإحياء المصابا
غريبا واغريبا وا غريبا
............................................
يكاظم جيتك ....انه الحبيتك
يمن خليتك ....وعد بسنيني
بدت توحيلي ....صور زنجيلي
عشك بدليلي .... نضر لعيوني
يحب أنصارك .... فخر زوارك
صفت اقدارك .... هي سر تكويني
إلك افكاري .... يسرّي وداري
تخط أشعاري .... يراهب ديني
حروفي تكتب لحبك أمامي
فقط عشكك حبيبي هو احلامي
يضل بروحي عالي نداكا
غريبا واغريبا وا غريبا
وجئت اليوم لإحياء المصابا
غريبا وا غريبا وا غريبا
............................................
خدامه بروحي....تزيل جروحي
تمنعه النوحي.... وكت يبرالي
يسيدي الزارك....ضمن خطارك
تضيفه بدارك ....قضاء آمالي
خدمتك بيها .... رب يجازيها
قسم خلّيها .... ذخر وي بالي
اجيتك ذاكر ....مصابك حائر
خدم للزائر .... وحك العالي
بيوم الحشر في حبك أفوزو
خدمتك جنه متهمني الكنوزو
اضل للموت في حبك هواكا
غريبا وا غريبا وا غريبا
وجئت اليوم لإحياء المصابا
غريبا وا غريبا وا غريبا
...........................................
تضلّ محبته.... ابد ماعفته
يمنّ اعرفته .... وسط وجداني
احب زوارك.... خدم لأنصارك
يموسى الباعك....نقص عقلاني
كمت أتصوّر .... إليه تحظر
يموسى الجعفر .... يأحله انساني
قسم وي عمري.... تضل بصبري
خدمتك ذخري.... عشك ايماني
أبد ما أعوفك بكلها لحياتي
نهج عمري ذخر تبقى لمماتي
قسم روحي لجل روحك فداكا
غريبا وا غريبا وا غريبا
وجئت اليوم لإحياء المصابا
غريبا واغريبا وا غريبا
الشاعر سجاد جاسم الفرطوسي
خير الاعمال الصلاة على محمد وال محمد 🌺
Читать полностью…
خير الاعمال الصلاة على محمد وال محمد
Читать полностью…
ألف عام وكبلهن انته بيه تعيش
من ربك خلق هل ارضه محنيه
يا أجمل عشك موجود وسط الروح
تضل دومك لحد آخر نفس بيه
يبو كلب الجبير المايرد الناس
التعنالك قبل ما يحجي مكضيه
وآنه بفضلك حسيني و مرتفع صيتي
منك ياحسين اخذ رجوليه
احس يمك شعور ومنك استفسر
يحسسّني بدفو وبراحه نفسيه
يجنة الله من اطبلك ترد الروح
من الزم ضريحك كله حنيه
وبس الي يحبك هوه هذا الفاز
منّ زغري احبّك يا هوه الريه
يفضل الله زوارك عاللحجاج
طواف حسين قبل الحجه مرضيه
وبس لجلك خلق الله هذا الكون
لأن انته الشمس والكمر وي ضيه
كلي حسين يا سر الذي حاويه
الك كلبي يدك مليون بالميه
على كبري أحس الفكره وصلتني
قبل امي تنومني اعله لطميّه
تكلي حسين هذا حسين المضحي
بهل بيته واخوته الشده مكظيه
نشر دين وعقيده وماخذل هل ناس
نطه نحره ونشر بالدنيه حريه
و ضل خالد ييمه وذكره حد اليوم
رغم طول الدهر أنواره الاهيه
تمت ولله الحمد بتاريخ 2018/8/4
الشاعر سجاد جاسم الفرطوسي
ياخويه يازينب أمر الله هل كاتب
...................................................
ياخويه افنيت العمر وانطيتج اسنيني
آنه ابذلت كل مجهدي في خدمة حسيني
جفيني خويه اتكطعت سهم بوسط عيني
آنه اخدمج يالنبي مو بيدي امر الله السبي
كلّ المصايب تنجبي لأهل النبي حابب
.........................................................
منّ الله مكتوب التعب وعلينه بس همّه
منّ الولاده منكتب بينه السبي ينمه
بسّ احنه نتحمّل لجل امر الله بالخدمه
ياخويه ياام الوفه لزمي الصبر متجتفه
عندج علم كل الخفه من الله هل واجب
..........................................................
ياخويه يا أم الخدر خدرج وكت صلّه
آنه اذكرج يالكمر نورج يشع والله
انتي صعب بيج الوصف انتي الكمر اصله
انتي عباية للستر اسمج فقط ام الخدر
زينب تضل ماتنكسر بيج الصبر ناصب
..........................................................
كلش صعب موتي صبح يم العدو خوفه
كام ورجف صاح بعلو كطعوله اجفوفه
يازينب آنه اتذكّرج والميّه ما عوفه
ماعوفه ابد حته بكطع جفيني خويه والضلع
خوف العدو ليّه طلع من سيفي سل راهب
...........................................................
لزمي الصبر يوم السبي يازينب اتحملي
خلّج عباية عالأهل سدّي فرق خلّي
حيل اليتامه ابحاجتج من فاركة اهلي
هملي النذل لوشتّمج انتي ابويه امشيّمج
أنتي فخر ماعلّمج لكن امر لاهب
............................................................
انتي الجبل من الصبر ياخويه ياذخري
مو بيده عباس ورحل كطعولي هم نحري
ماعوف ابد اهلي انه لكن خلص عمري
موش آنه عايفها الأهل لكن امر موتي نزل
دمعج عليّه لا يهل كلفه الوجه شاحب
تمت ولله الحمد بتاريخ 2019/7/14
الشاعر سجاد جاسم الفرطوسي
اكتبيني يمولاتي اكتبيني
اضل خادم حسيني وهذا يكفيني
يم حسيني والخدّر اكتبيني ويبن حيدر
حسيني وهذا يكفيني
اكتبيني
اريدن خادم اتسجل حسيني وفايز بحبه
انه بدفترها للخدمه اصيرن في وسط كلبه
تكتبيني يمولاتي آنه من ضمن صحبه
واصيرن آنه لحسيني حبيبه واخدم بقربه
تسجليني تسجليني انه خادم تسجليني
افوزن آنه بالمحشر حسيني وهذا يكفيني
ترد روحي ونضر عيني لون انضر انه الكبته
بوسط روحي يضل وعدي ابد لحسيني ماعفته
كلّ الدنيا جذّابه بس هوّه الصدك شفته
فقط هوه الدخل كلبي اخدمه ولايذ ابخته
تخليني تخليني على دربه تخليني
خادم اخدم الأكبر حسيني وهذا يكفيني
مثل عابس انه انجنيت احبه وعايش بروحي
من زغري واصيح الآه لهسه وما بطل نوحي
عالمصيبة هذاك الطف تهيج اوجاعي وجروحي
لون احظر انه بمجلس يهل دمعي وأله يوحي
توفقيني توفقيني للمجلس توفقيني
اريدن مجلسه احظر حسيني وهذا يكفيني
انه حلمي بوكت زغري اصيرن اكتب المشعر
وخل شعري بضريح حسين لجله اليرثي يتصور
اصيرن اخدم الكعدات لجل حسيني والخدر
اريد حسيني يشفعلي آنه حسيني بالمحشر
تناديني تناديني تعال انته تناديني
تعال بجنه تتبشّر حسيني وهذا يكفيني
اريدنّج تكتبيني حسيني وافي بعهده
يمّ الباري اشفعيلي وتكليله بلطف عبده
هذا اليخدم اوليدي غيره هوّه ماعنده
تنجيني وتخليني اخدمه آنه وي جدّه
تكفيني تكفيني فقط نضره تكفيني
بتوفيقي قسم اظفر حسيني وهذا يكفيني
انه اترجه يمولاتي تكتبيني بتبع امره
تكتبيني خدم الحسين وخادم لأمه الزهره
وتخليلي عاليه الطف بكلبي نارتي موجره
يريت الله يخليلي قبر جسمي قرب قبره
تبشريني تبشريني على موتي تبشريني
اموت بحظرته افخر حسيني وهذا يكفيني
تمت ولله الحمد بتاريخ 2019/6/27
الشاعر سجاد جاسم الفرطوسي
عباس يثكل حملي والله بعد عكب اهلي
منهو اليحامي لجلي خويه عباس
يحديني بعدك هامل عن اصلي يابوفاضل
ياخويه ردتك كافل خويه عباس
...................................................
ياخويه حملي شثكله وآنه اوحيده
من اهلي مسبيه وعليك ابعيده
كبد الحسن ياخويه طاح بأيده
واهل الغدر لحسيني حظرو كيده
لهل الغدر هالحادي يسبيني كام ينادي
حجي الشتم لجدادي خويه عباس
يهضمني شوف خيالي غيرك فلا يبرالي
مسح الترب يالغالي خويه عباس
..................................................
بعدك يخويه كلنه راح انسافر
كل الاهل مسبيه يم الكافر
عدنه الحرم مكسورة ضلّت خاطر
وسط الزلم يسبونه ماكو ناصر
تركونه خويه ابغربه بمتوني بس الضربه
من الهضم منتحبه خويه عباس
خويه الطفل طك صدره من العطش متكسره
جيش الشمر كص نحره خويه عباس
...................................................
بشري يزينب اله افني الحومه
روس الزلم ياخويه هالمتكومه
كلمن قرب يم سيفي يقرب يومه
منه الأرض اترسها والله دمومه
ياخويه لكطع منحر صوت الحرب لوكبّر
بامر الحسين الأكبر خويه عباس
لجلج يزينب افدي كل العمر متبدي
يا محله ذكرج عندي خويه عباس
....................................................
والله احن ياخويه اضل لجفوفك
انته تعيش بروحي وآنه ابروحك
اشْلون انه اصْبر بعد ماشوفك
انته البطل وبكل زلم هل خوفك
بعدك أنه مسبيّه بس الأذى هل بيّه
انته النفس بالريّه خويه عباس
يا تاج انته لراسي يالكلك انته احساسي
انته الاهل كل ناسي خويه عباس
...................................................
لجلج يزينب افدي آنه سنيني
بس صورتج والله تضلّ بعيني
كافل أنه ماتركه وعدي بديني
آنه الظهر ياخويه اضل تدريني
آنه يخويه بأمرج بسّ انتخيتي احظرلج
لمّن اسمعه ندبج خويه عباس
آنه اكلبه الكوني لجلج ينور عيوني
عطشوني وش عطشوني خويه عباس
تمت ولله الحمد بتاريخ 2018/9/29
الشاعر سجاد جاسم الفرطوسي
قصيده خطاب بين الحسين والعباس (عليهما السلام )
حسين بهالمسيه
گصد للغاضريه
يبو فاضل يا عباس
راح الخيم تنداس
تحركها اميه
وآنه ابن الزجيه
طحت عباس يلكاسر عمد ظهري
ومن بعدك يخويه حاير بأمري
يعضيدي حبيبي يا بعد عمري
شلون احمل همومي لو عكس دهري
الكوفه تخون بيه وآنه أبن الزجيه
عفتني وخوية بعدك وسفةحرموني
يخوية الزود منك حامي اضعوني
وبالعاشر الأعادي ولية يولوني
لهلي ردت ارد ياخوية منعوني
موذر عالوطيه وآنه أبن الزجيه
يبو فاضل دليلي اموجر بجمره
صعب وضع الخيم لو اصبحت حمره
عجيبة وتحرك بيهه الغتر خضره
يزينب اوف لمن تنسطر سطره
ضربها كون إليه وآنه أبن الزجيه
ترحل والله زينب بالضعن لشام
سبيه اختي العقيله وكيدوهه اصنام
اخوها إمسلب ومتروسه جثته اسهام
كلبها ايعينه الله بكثرة آلام
تهظمني السبيه وآنه أبن الزجيه
حرك كلب الخيم نص كلبي يجويني
على ظعون الحرم ريت انعمت عيني
كون آنه ولا هنه الشمر يسبيني
من تصرخ رقيه خويه تاذيني
تصرخ من الأذيه وآنه أبن الزجيه
تمت ولله الحمد بتاريخ 2018/7/31
الشاعر سجاد جاسم الفرطوسي
أهلا وسهلا بكم أحبتي في قناة خادمكم سجاد جاسم الفرطوسي هاي القناة لنشر القصائد الحسينية واتشرف بالجميع
Читать полностью…