Telegram-канал aseel1278 - خادمة الزهراء ام حيدر الحمزه الطائي: Unsorted

خادمة الزهراء ام حيدر الحمزه الطائي

09 Aug 2024 07:34

ام حيدر الحمزه الطائيه
«»«»«»«»«»
حديث مختصر
لرقيه بنت الحسين ع

لا حول ولا قوة الابالله العلي العظيم روحي وارواح العالمين لك الفداء ياغريب يامن نحرك منحور وصدرك بحوافر الخيل مكسور
وراسك الشريف من بلدا الى بلد يدور سيدي ياحسين

محبين اليوم حلت بنا مصيبه من مصائب عاشورا الا وهيه استشهاد طفلة الحسين رقيه ع
ابوذيه

انه من گربه الضعني ويه اهلي
اليسر مو قابل السني ويه اهلي
يبويه اعليك صب دمعي ويه يهلي

اويه راسك خل يدفنوني سويه

كانت للحسين ع بنت صغيره يحبها وتحبه كانت تسمى رقيه وكان لها من العمر ثلاث سنوات
وفي مقتل الحسين ع كان عمرها اربع سنوات وكانت مع الاسرى في الشام وكانت تبكي لفراق ابيها ليلها ونهارها وكانو يقولون لها هو في السفر حتى من جاءو اسرى ابعدو محمل رقيه حتى لاترى راس ابوها وهو على الرمح
وعندما دخلو الشام اجلسهم يزيد العين في خربه لاتقيهم من الحر والشمس على رؤسهم
وفي ليله من الليالي رقيه نائمه فرأت اباها في المنام ففزعت مرعوبه خائفه وجزعت جزعا شديد وقالت اتوني بابي وقرة عيني وكلما اراد اهل المدينه اسكاتها ازدادت اكثر فهاج حزن اهل المدينه المحبين اخذو بالبكاء ولطوا الخدود وحثوا على رؤسهم التراب وقام الصياح

نعي
~~
تبجي الزغيره اتريد ابوهه
ابديرة غرب مايرحموهه
كتلوا ابوهه وعذبوهه
~
ادكله يا بوي ماتنشد عليه
وروحي لعد روحك فديه
زغيره وزماني خان بيه
~~
يعمه رقيه لا تصيحين
احنه ابخرابه ومالنه امعين
وام الخدر طبت
دواوين
~~~
ادكلهه اسكتي يعمه يارقيه
راحوا هلج كلهم سويه
وعفتهم جثث بالغاضريه
~~~

فلما سمع اللعين يزيد صيحتهم وبكائهم فقال مالخبر قيل له ان بنت الحسين ع رات اباها في المنام فانتبهت تطلبه وتبكي فلما سمع ذلك قال ارفعوا اليها راس ابيها وحطوا بين يديها تتسلى به فاتوا بالراس مغطى بمنديل في طبق
فوضعوه بين يديه فرفعت المنديل وضمت الراس على صدرها وهيه تنادي وتقول ياابتاه من خضب لحيتك بدمائك يا ابتاه من الذي قطع وريدك يا ابتاه من الذي ايتمني على صغر سني
~~

يحسين بويه يتمتني
اخلافك اشبيه ما شفتني
طول الدرب ما فاركتني
اشلون يا بويه عفتني
~~~
ياوالدي والله هظيمه
اصير من زغري يتيمه
اثاري الابو ياناس خيمه
~~~
مصيبة رقيه اصدع اجبال
وكبل المشيب اشيب الاطفال
فوك اليتم مجتوفه بحبال
وزينب تنوح بدمع همال
~~~~
يحسين خويه اشلون بيه
جثير الهظم زايد عليه
ممرود كلبي اعله البنيه
~
وبقيت على راس ابوها مغشيا عليها فقال علي ابن الحسين ع السلام عمه ارفعي اليتيمه من على راس والدي انها فارقت الحياة
~~~~
كومي يعمه ماتت اختي
يعمه الدهر مارحم شفتي
هذا الصار ويانه
عرفتي
~
كومي يعمه نغسلهه
يعمه والرض المدينه نحملهه
ياعلي عمه اشيوصلهه
~~
واحظر لها اهل البيت مغسله فلما جردتها ثيابها قالت لا اغسلها فقالت لها زينب ع ولما لاتغسليها قالت اخشى ان يكون فيها مرض
فاني ارى اضلاعها زرقاء«
قالت
والله ليس فيها مرض ولكن هذا من ضرب سياط اهل الكوفه
وغسلوها ودفنوها في الشام وزينب زاد مصابها على مصائب كربلاء
واخذت تنعى اهلها وتندب الحسين ع وتقول

~
من جلة الوالي علينه
يضربونه ونشكف بدينه
ويشتمون حامينه اولينه
ونتمنى ابو فاضل يجينه
ويشوف حال اخته الحزينه
ويشوف شنهي الصار بينه
خويه وعدوان تتفرج علينه
واعتذر منك يبو سكينه
لدكول زينب مو حنينه
هذا مقسوم ومسجل علينه

فدوه رحت لعزاز زينب
~~~~
تم نسالكم الدعاء
تنظيم خادمة اهل البيت ام حيدر الحمزه الطائيه
/channel/aseel1278